بصراحة يا شباب..عمر البشير ده رقااااص عدييييل كده...!!!!

كنت بصراحة قد خرجت من السودان وفي تلكم الفترة لم يكن عمر البشير يرقص في اللقاات الجماهيرية
كثيرا بدرجة تيتح ملاحظة هذا النمط الجديد من التعامل مع الاحداث الجماهيرية في السودان الذي
كان اشهر الرقوصات حينها هو (رقيص العروس) وبعض الراقصين المشاهير في الحفلات العامة والخاصة
ولفترة طويلة كان راقصي المفضل هو شاب عرفت لاحقا بانه قد رحل عن دنيانا يمسي (الجبرة) يمتع ليالي مدينة الدويم برقصه المدهش وتطويع جسده لخدمة اللحن...
ثم برز في فترة من الفترات طالب في كلية العلوم يسمي سيف راقص جرئي ومرح ويودي وصلته بكل مهارة
اتيا من الصفوف الخلفية في الحفلات التي كانت تعج بها الجامعة..
بالامس شاهدت اللقاء الذي جري في نيالا وشاهدت بصراحة عجبا,,,!!
ما ان قدم البشير الا وانطلقت الحان بتاعة عرضة وفجاة بداء البشير في الرقيص بطريقة مهنية عالية
وحركة واسعة في المنصة الضيقة التي شيدت وسط غابة امنية مشددة خوفا كما يبدو من قناص نيالا الافتراضي....
محدثتي التي يبدو انها مدمنة للتلفاز السوداني اندهشت من اندهاشي الشديد وافتت بانوو
عاااااادي يا زول الراجل ده برقص في اللمات الزي دي..الا انها استدركت بانه زود المحلبية هذه المرة..
الرقص الرئاسسي ليوم امس يبدو جليا بانه نتاج رقصات عديدة وخبرة طويلة يمكن ان نقول بانها
خمسة عشرة سنة من الرقص المتواصل علي حواف الجماهير الملمومة لم ...
ولنا ان نتجرد ونقول بصراحة الاجادة الرقصية تفوقت بملايين السنين علي الاجادة في ادارة الدولة
ورئاسة السودان التي لا يزال الراي فيها بانه رجلا لا يعرف الشغل في هذا المجال...
رغم الحركة الواسعة والمهنية الرقصية العالية الا الامر في كل جزئياته كان
رقصا علي الجثث واكوام من الاشلاء تجلس ليس ببعيدا من ميدان اللقاء..

ونعود..

ولان انظار العالم اجمعه متجه صوب السودان في احداثه التي فجرها اوكابو..
تمتعت هذا اليوم ومنذ الصباح الباكر بمحاكة لهذه الرقصة النيالاية من احدي الزملاء من بلاد الفلبين
والذي تحرك اماما وخلفا وهو يثبت يديه علي جسمه..وقال ضاحكا هكذا كان يرقص ريسكم يوم امس
هل تجيد مثل هذا الرقص انت ايضا...
والملاحظ ايضا بان البشير يحفظ كلمات الاغنية التي رقص علي ايقاعاتها فلقد التقطته الكاميرا وهو يردد
مع المغني في انسجام عجيب خلاص...!!

السوال الاكبر هل الرقص كحالة من حالات التواصل مع الجماهير الملمومة لم قادر علي حل كل هذه المشاكل التي تراكت كالجبال ..؟
هذا ما دار حوله نقاش كبير وعريض..ودلالة الرقص في الشعوب المختلفية وتسخيره لاشياء قد تبدو غريبة النمط

يعني طلع بعرف يرقص على الاقل

الله ما بحرم الزول من اي شي كمان

لكن في الزنزانة الضيقة ديك كيف الرقيص؟



عبد الكريم كفانا ياخي

انت مسلط كدا مالك

Quote: لكن في الزنزانة الضيقة ديك كيف الرقيص؟

هلا يا ثروت..
وتخيل لي يا ثروت الزول الرقص في منصة ناس نيالا الضيييييييقة دي
لو ختو في زنزانة ربع متر في ثلث متر..بجبجب زي الما حصل شي
الشي تعويدة يا صحبي وشغلة عقدين من الزمان...

Quote: عبد الكريم كفانا ياخي

ده اخر بوست في سلسلة البشيريات وتاااني
الشغل كلو من ابوريالة وغادي يا ثروث

يجازى محنك يا عبد الكريم !!!!!
الراجل طلع خبرة فى الرقيص
والايام دى لازم يرقص عشان يفش
خلقه قبل العشاء الاخير

Quote: الراجل طلع خبرة فى الرقيص

هلا يا حواء
وبصراحة انا شفت رقيص كثير خلاص
لكن رقيص عجيب زي بتاع الراجل ده يطرشني......رقاااص ياخ

غايتو رقصة نيالا دي شكلها كده الرقصة الاخيرة والله اعلم
لانو بصراحة زود محلبيتها زيادة جد

Quote: السوال الاكبر هل الرقص كحالة من حالات التواصل مع الجماهير الملمومة لم قادر علي حل كل هذه المشاكل التي تراكت كالجبال ..؟ هذا ما دار حوله نقاش كبير وعريض..ودلالة الرقص في الشعوب المختلفية وتسخيره لاشياء قد تبدو غريبة النمط

يعتبر الرقص من الوسائل الفعالة لتخفيف التوتر ، حالة الرئيس ومهنيته العالية في الاداء التي تطورت مع تازم موقفه تمثل تاكيد لهذا ، يعني ما زود المحلبية واعيا بل اندلقت منه المحلبية.
نهى

Quote: يعتبر الرقص من الوسائل الفعالة لتخفيف التوتر ، حالة الرئيس ومهنيته العالية في الاداء التي تطورت مع تازم موقفه تمثل تاكيد لهذا ، يعني ما زود المحلبية واعيا بل اندلقت منه المحلبية.

هلا نها وحبابك الف اولا في هذا المكان الذي نتمني ان يطيب لك المقام..
والرقيص فعلا يا نهي تعبير عن حالة من حالات الانفعال الانساني
وفعلا في الرقصة الاخيرة دي المحلبية اندلقت دلوق شديد خلاص والرقيص ظاااهر عليهو التصنع
والتكلف رغم مهنيته العالية في الكثير من تفاصيله..
...
واهلنا قالوا الفي بطنو حرقص براااهو برقص...!!
اها احنا بنقول
الفي راسو اوكمابو برقص حتي لو بامبو

Quote: [هلا نها وحبابك الف اولا في هذا المكان الذي نتمني ان يطيب لك المقام..]

شكرا كيكي على الترحيب باشتراكي في المنبر العامر بوجود امثالكم.
تخريمة : لم نكن ندري مهاراتك العالية في الكتابة والتحليل لمن كنا زملاء في محاضرات الجبرا ( ثانية سكول و رابعة مساحة).

Quote: شكرا كيكي على الترحيب باشتراكي في المنبر العامر بوجود امثالكم. تخريمة : لم نكن ندري مهاراتك العالية في الكتابة والتحليل لمن كنا زملاء في محاضرات الجبرا ( ثانية سكول و رابعة مساحة).

ياسسسسلام يا نهي ياخي
سلام وتحية يا زولة من الزمن الجميل وكل التحايا والود والشوق الكثيف..
وباقي ليك يا نهي (البيتات والستيتات والقامات ديلك بخلو في الزول مخ عشان يفكر في شي غيرهن)..
ومرة تاني مرحب بيك والله وشرفتي المنبر

Quote: يعني ما زود المحلبية واعيا بل اندلقت منه المحلبية.

دي قوية جدا يا نهى ..

Quote: ولنا ان نتجرد ونقول بصراحة الاجادة الرقصية تفوقت بملايين السنين علي الاجادة في ادارة الدولة ورئاسة السودان التي لا يزال الراي فيها بانه رجلا لا يعرف الشغل في هذا المجال... رغم الحركة الواسعة والمهنية الرقصية العالية الا الامر في كل جزئياته كان رقصا علي الجثث واكوام من الاشلاء تجلس ليس ببعيدا من ميدان اللقاء..

ما قصرت مع الراجل تب يا كيكي
اديتو حقو ووضحت حق الناس .

Quote: ما قصرت مع الراجل تب يا كيكي اديتو حقو ووضحت حق الناس .

هلا يا عادل ولاينبغي لنا يا عادل في حق الريس ولازم نديهو حقو كراقص رئاسي جيد..
ونتصالح مع الحقوق..
ولكن كمان حق الناس ما بنخليهو يروح وسط معمعة اعجابنا بالاداء المهني

الحاقد كيكي
ياخي بطل حسادة وسيب الرئيس في حالوا
وبعدين ياخي مايرقص ليه ( تمكين )
وسلطة وثروه ...
وحاجات تانيه حامياني
لو منو أخصص ساعة للرقص (الرئاسي ) يوميا

خلوا الناس في حاله الفيها مكفيها..

وتحياتي

Quote: يعتبر الرقص من الوسائل الفعالة لتخفيف التوتر

وهو كذلك !!!
-------------

يا كيكي..هسع بنادي ليكم ود الباوقة
ياخى ده أعصابو بايظة أكثر من البشير !!
طيب ما تبطلو غتاتة وتكلمو كيزان المنبر
إنو الرقيص مزيل فعال للتوتر .!!

Quote: يا كيكي..هسع بنادي ليكم ود الباوقة ياخى ده أعصابو بايظة أكثر من البشير !! طيب ما تبطلو غتاتة وتكلمو كيزان المنبر إنو الرقيص مزيل فعال للتوتر .!!

هلا ياعبدالله وحبابك
ووين ود الباوقة ده ياخي
كنا عاوزين نهني علي الرقص الرئاسي بتاع زولم ده
ونشيد بيهو كرقص ايقاعي تجريدي....
وهم ذاتم لو لقو ليهم رقصة رقصتين بتريحهم من ضغط الخونة الفي المنبر ديل
ومن لف لفهم

Quote: خلوا الناس في حاله الفيها مكفيها

هلا يا عبد الناصر
ومشتاقين يا زول..
ويا ناصر البشير ده بالذات ماعندنا معاهو اي تخلية في حالو
لازم ياخد في راسو المدوقس ده...عشان جرايمو وحركاتو العاملا فينا في
العشرين سنة دي...
يتحاكم نرفع الكيبورد في اقرب شجرة ونفرتق من الاسافير دي ذاااتو..
لكن حرا طليقا كده ودم المظلومين لسسع رطب في الارض السودانية فانه لن منا الراحة ابدا

عـبد الكـريم،،،
يا زول لا تسـتغرب ولا حاجـة،، فكلما زاد (الحـرقص) وكـبر،، زاد معـاه (النقـزي)،، المعادل الموضوعي للجقلبة،، وطبعاً أوكامبو ما خلاّ ليهو حرقصاً ناقـص،، مـن جهة تانية،، ولأنه على رأيـك لا يحسـن إدارة الدولة،، ولكن،، كلٌ ميسـر لما خلق له.. وجـدودنا ـ الله ـ يسـامحهم كانوا قد حـذرونا من (سفـر الخـريف،، وأكل التفاتيف،، وعـِرِس بنية لفيف!)،، ولكن ما وصونا نعمل حسابنا من الرئيس الخفيف وعمـلوها فينا! تحياتي..

اضحكتني ايها الحبيب...

أهديك هذه المقاطع:


ورقصت رقصتك الأخيرة

(1)
ورقصت رقصتك الأخيرة،
شاحبا تبدو كما الموت،
توارى خلف تابوت البكاء!

لن تغلب الأفعى
ورود الماء ان فاضت
على جحر الخباء!

الهب برقصتك الجريحة
ظهر شعب بائس،
عريان يلتحف العراء!

لملم برقصتك الحزينة
عشنا المنثور في
هدب النساء!

قد يرقص الجبار
قبل افوله،
رقصة الغارق
في بحر الدماء!

(2)
أيها السادر
في بحر التجبر،
رقصة اخرى
بأنغام الثغاء!

أجننت حين زعمت
ان الفجر لن يأتي
على فرس المساء؟

أظننت ان الشعب يتلو
سورة الوالي
بأحلام الطغاه؟

اكرهت قافية الحقيقة
حين كان الشعر
يجلو سيفك البتار
موفور الدماء؟!

اشبعت تقتيلا
باسم الدين والقرآن
محمولا على زيف الغناء؟!

(3)
انه الحق تجلى
وتحلى بسيوف من دماء!

وغدا يحلو لشعبي
ان يقيم الليل،
ثلث الليل في
شكر السماء!

ويسير الفجر
في محمله،
عاليا يختال
في شفق البهاء!

ظالم اختار ان
يلقى الأله
واجم حيران
يغرق في العزاء!!

يوليو 2008

Quote: ده اخر بوست في سلسلة البشيريات وتاااني الشغل كلو من ابوريالة وغادي يا ثروث

هو يا كيكي بيقعد في الواطة عشان
تخليهو تقبل على زول تاني؟
ما طوالى بطل العرض

كيكى
انه الرقص فوق الجماجم

Quote: انه الرقص فوق الجماجم

نعم يا البدر
انه الرقص علي الجماجم لذا هو الان حديث كل العالم
يشاهدونه باستغراب ودهشة

Quote: هو يا كيكي بيقعد في الواطة عشان تخليهو تقبل على زول تاني؟ ما طوالى بطل العرض

هلا يابقة
وزول ده ياعبدالباقي احسن لي اختاهو
لانو بشكل الرقيص العجيب ده انا لو باريتو بفلكب ساااكت
عشان كده احسن نشوف ناس الصف التاني ديل نديهم كمان طلة طلتين كدا

Quote: الهب برقصتك الجريحة ظهر شعب بائس، عريان يلتحف العراء! لملم برقصتك الحزينة عشنا المنثور في هدب النساء!

ما اصدق شعرك يا زمراوي وهوتعبير حقيقي يجسد ماساة الرقص علي الاشلاء في الوطن
الجريح..
وكل الود

Quote: وجـدودنا ـ الله ـ يسـامحهم كانوا قد حـذرونا من (سفـر الخـريف،، وأكل التفاتيف،، وعـِرِس بنية لفيف!)،، ولكن ما وصونا نعمل حسابنا من الرئيس الخفيف

هلا يا عيسي
وبيني وبينك جدودنا قصروا معانا بالجد
وكان يقولو لينا فرجة في رقيص رئيس لفيف كلو منا اقيف..
كان ريحونا من هيك حكايات وبلاوي

ومادام القصة جابت ليها سيرة رقيص في رقيص
اتخيل لي مافي اروع واعرف لشغلانة الرقيص دي غير
محكمة وكرنتنغ...وشكلهم كده لو شافو الرقيص الامس في نيالا حيضايروا ويقعدو يقهو في القصة

ان وجدت نفسك في المدينة تلكم القريبة من (الكمبو) ليلا ..واتيحت لك
الفرصة ان تكون شاهد علي حفل في ذلك المساء...
لامتلات طربا ودهشة وانبهار....
حتما ستشاهد راقصيين تقف عندهما طويلا وتسال..عنهم وفورا....
رجل في الاربعين من عمره ضخم الجسم وخفيف الحركة..له
ملامح خلطة عربية وزنجية..واصلع الشعر في كل الاوقات..
ذلك هو( كرنتنغ).....الذي يعمل موظفا صغيرا في بوستة تلك المنطقة
ويودي عمله بكل الفة وجدية......
اما الراقص الاخر الذي ستسال عنه فانه
محكمة...(.المساعد الكبير) لسنيين طويلة...
ولم يترقي حتي الان الي (سواق)....ولكنه يفوق
الجميع رقصا وما وجد عرسا الا وكان (محكمة )...هو فاكهته.....
عمره يقارب رفيقه(كرتنغ)...وتجمعهم صداقة حميمة ...
انها صداقة الموهبة المشتركة........
ياتي دائما فناني تلك الفيافي من المدن المجاورة مثل سنجة وسنار
والرصيرص...ويتفنون في الغناء والعزف علي
الة..(المندليين)..ذات الالحان الشجية....ويرافق كل ذلك
عزف متفرد علي طبلة الايقاع..(الدربكة).....
ويغنون اغاني تتراوح مابين التقليد لوردي عثمان
حسين وخوجلي عثمان,,,,,,وبعد الاغاني المحلية...
(سنجة انا قلبي ولع نار)...و.(من قلبي بدعو لها في القضارف يدوم سعدها)....
(ثلاثة سنة يوم وراء ويوم بصبر شديد منتظرك انا)....
اغاني تغني ويفعل فيها وتر المندلين افعاله...ويهج الجميع
في رقص وهجيج رهيب...ولكن يبقي محكمة وكرتنغ هما العلامة المميزة....
والرقص الممتع والسهل الممتنع, رشاقة وخفة
راقصات البالية...وخفة دم وتحركات مدهشة تودي بكل حرفنة
تنوع في الرقص اثناء اللحن الواحد وقد
تشاهد (السامبا)..و(الهورس)..و(الكشف)..
و(البامبنغ)... و(العشرة بلدي).....في لحن واحد..
ويتبادلون المراكز والمواقع فيما بينهم في خفة
عالية وانسجام اعلي.....وسط
انزواء النساء ومشاهدتهن لهذا الثنائي العجيب بكل
اعجاب ..وغيرة ايضا.....
كان محكمة ياتي الي الحفل بعد ان يكون قد مارس
هوايته العجيبة ..في (ركوب الفيل)...وركوب الفيل
هو مصطلح شعبي واسع الانتشار يطلق علي
الذين يتعاطون دخان...حشائش (البنقو)....وهي مخدرات
شعبية شديدة الشهرة في السودان...تحت تاثير هذا المخدر ينسي
حكومة كل شي ليجود رقصاته وينسجم مع صديقه كرتينغ الذي قيل انه
لايتعاطي مثل هذه الاشياء بكل يسكره فقط الطرب واللحن الجميل
رغم رقة ولطافة محكمة وكرتينغ الا انهم لا
يترددون في افتعال المشاجرات وخاصة مع فرقة الغناء
ان لم تجود عملها....
وساعتها يقومون بالدخول في معركة حامية الوطيس
وردع الفنان الذي لا يجيد الغناء ...مما
جعل الكثير من الفنانييين (النص نص)....يتحاشون
الغناء في حضرة محكمة وكرتينغ
حراس الفن الجميل في تلك الفيافي...!!!!!!!!![/BLUE]

الاخ عبدالكريم

اعجبني تعبيرك ( الرقص الرئاسي ) تجدني متفقا معك بانها ( ظاهرة ) غريبة و (مخجلة) وغير مسبوقة


سيف الدولة

Quote: اعجبني تعبيرك ( الرقص الرئاسي ) تجدني متفقا معك بانها ( ظاهرة ) غريبة و (مخجلة) وغير مسبوقة

هلا يا ابو السيوف
ونعم انه الرقص الرئاسي
اسوة بالعديد من الاشياء الرئاسية التي طلت في البلد في العقدين الماضيين
واشهر هذه الرئاسيات علي الاطلاق هو اليخت الرئاسي
ودمت يا زول

في السودان خاصة في الوسط
هذا الفعل لا يسمي رقيص
انها العرضه السودانية التي نؤديها بصورة تلقائية عند سماع ايقاع السيرة
الدلوكه والشتم
والبشير من تلك المنطقة
وفي الغرب هناك ايضا رقيص جماعي
في الشرق رقيص بالسيف
في الشمال رقيص جماعي علي ايقاع الدليب
الجديد شنو
........
شوفو السلبيات وتحدثوا فيها وليس كل تصرف معيب
في الخليج يعرض الملوك وشيوخ الدين
ارجع لفتوي الشيخ الجليل ( عبد المحسن العبيكان مؤخرا )
أم أن هذه هي المعارضه
ما فضل غير الرقص

(((( النار ولعت )))

Quote: هذا الفعل لا يسمي رقيص

حبابك يا علي الكرار ومرحب...
وشنو يا زول عاوز تغالطنا حتي في الرقيص ولاشنو..!!!!
الرقيص يا ابوعلوة حاجة عندها تعريف علمي وواضح وضوح الشمس لاي بني ادم في الدينا دي...
والعرضة وبانت دي انواع من الرقيص وكل الجهات في السودن فعلا بتفق معاك عندها توع معين من الرقيص..
ولكن كل اهتزاز او تعبير حركي تجت تاثير موسيقي او ايقاع (يسمي رقيص)....
وهنا لو داير زيادة علي الدلوكة والشتم وانواع الايقاعات الجبتها كرقاصات ممكن نسافر معاك لخجانين السودان ونونسك عن طقوس الرقيص عند قبيلة سودانية اسمها (ننقورا)...سمعت بيها دي يا ابو علي..
.....
طبعا ناس الخليج اليرقصوا رقيصهم بطريقتهم فهذا شانهم واشيائهم التي لايحق لي او لك ايضا التدخل فيها فنحن لانملك صوتا او حق في انتقاد زعيم دولة لانملك اصواتا او مواطنة فيها..والا سنكون متجنين عليهم ومتدخلين في شؤونهم الخاصة ...ولاشنو..؟؟

ولكن في البلاد البتلمني وبتلمك سوي ..اري بانني امتلك حق الكلام في اي شي فيها حتي لو كان رقيص الرئيس...its my right والا تكون انت عاوز تنزع مني الحق ده..!!! فهنا بكون عندي معاك كلام كثير خلاص...!!!!
جوهر البوست ده ورسالته هي البشير غير موهل او جدير بالرقيص امام شعبه ابدا.
خليك عادي وقول لي لييييييه..؟؟
رجل في فترته تمزق البلد
مات الالوف
وتشرد الالوف
عذب وسحل وسجن العديدين ظلما وبهتانا..
يرقص بياتو وش يا اخونا علي يا الكرار...!!!!

وبعدين ليس هنالك فقط التي ولعت بل هنالك نيران مولعة..!!
ولكن ليس فيما تعتقد من بكان..
بل نيران مولعة وقنابل علي اهبة الانفجار من كل ركن من اركان السودان ده
في ابيي نار
في الخرطوم نار
في دارفور نار
في كل خانة وزقاق نار سياسية..نار اجتماعية ..نار حال مائل..
ولكن عفوا هنالك اكثر النيران وهجا وسعيرا انها نيران رقصة الفلامانجو التي
اتي بها الارجتيني اوكامبو ..فهذه نار طفيانها قاسي وصعيب بالحيل يا علي..
فيجب ان لاندفن راسنا في الرمال ونقول للاعور انت اعور في عيونو
وكل التحايا

باشمهندس عبد الكريم

لك مني التحايا، وأنا أتابع مجهودك بالإعجاب. الله يشدك يا زول.

بوستك جميل. وكما قلت.

الفي راسو اوكمابو برقص حتي لو بامبو

ليته كان كمن قال:

لا تحسبوا رقصي بينكم طربا * فالطير يرقص مذبوحا من الألم

ــ

والي شمال دارفور أثناء كلمته التفت إلى الرئيس وقال:

أنحنا ما صدقنا إنك بي جلالك جيتنا زاير!!

يا سلللام؟؟

والتحية للشاعر الفذ عبد الإله زمراوي.

قصيدة عظيمة.

ياسر

Quote: والي شمال دارفور أثناء كلمته التفت إلى الرئيس وقال: أنحنا ما صدقنا إنك بي جلالك جيتنا زاير!!

هلا يا دكتور ياسر وتحياتي
وياخي دي نكتة الموسم عديل كده يا ياسر
والجميل انو في لحظات الكبكبة دائما بتطلع اسقاطات العقل الباطني وبتفضح الناس ديل..
علي وزن الزول الجابو في المظاهرات بتاعة الخرطوم
وقال نحن من خلفك سيدي الرئيس جعفر محمد نميري..

وحاضرين يا ياسير ولن نلين حتي نري الحال المايل انعدل من اجل الناس الغلابة
الذين لاناقة ولاجمل لهم في هذه الاحداث والتمزيق الكبير للسودان

شقي عمك الماشاف رقيصك
طمبرولو يا اولاد خلي نشوف رقيصه


دا كان رد جدنا كبير المكابراب المابيهدي من خراب لما جاهو اعرابي يشكوا له اولادهو الخلو يرقص











___________________________________
كدي طمبرولو خلي نشوف رقيصه

فاتني

Quote: كدي طمبرولو خلي نشوف رقيصه فاتني

هلا يا راوية وحبابك..
ونطمبر ليك ونص وخمسة...واحنا علينا نطمبر وانتي عليك بالنيويورك تايمز
عشان تشوفي سماحة الوصف في الرقيص الرئاسي

Quote: But on Wednesday, in front of tens of thousands of people packed into what appeared to be a mandatory pep rally in Darfur, the portly president jumped on a desk and did a little jig. He jutted his cane. He rolled his hips. Shadows of sweat bloomed under his arms. But the crowd did not seem to care. “Seer, seer, al-Bashir!” spectators screamed. “Go, go, Mr. Bashir!” http://www.nytimes.com/2008/07/24/world/africa/24sudan.html?_r=1&;ref=africa&oref=slogin

Quote: Q: But on Wednesday, in front of tens of thousands of people packed into what appeared to be a mandatory pep rally in Darfur, the portly president jumped on a desk and did a little jig. He jutted his cane. He rolled his hips. Shadows of sweat bloomed under his arms. But the crowd did not seem to care.

هلا يا بوس ولينا طولة وشوق كثيف والله..
والصحافة العالمية يا باشمهندس معقل الشفافية العالية مفتحة
وعارفين the little jigوين..!!!
الbig jig برضو وين ويجيبوها ليك بالكربون مع تاكيد الدلالة التي نتحدث عنها هنا ايضا..
الرقص علي الاشلاء والجثث... بمهنية عالية اعجبيت النيو يورك تايمز لحد الاسترسال في تفاصيل الرقصة الحركية كنمرة مميزة تضاف الي ارشيف الغرائب في سلوك الطغاة..

أنه الرقص علي حافة الهاوية !!!
والغريبة أن الصحافة العالمية لاتفوتها شارة أو واردة
,,,قد تكرم الاستاذ أبوبكربمدنا بجزء من تغطية لصحيفة النيويوك تايمز
ورد فيها
But on Wednesday, in front of tens of thousands of people packed into what appeared to be a mandatory pep rally in Darfur, the portly president jumped on a desk and did a little jig. He jutted his cane. He rolled his hips. Shadows of sweat bloomed under his arms. But the crowd did not seem to care.
ولم يفوت علي الصحيفة أن تعلق ع لي الكيفية التي حشد بها الناس
people packed into what appeared to be a mandatory pep rally in Darfur
...ولم تنسي الحديث عن رقيصه did a little jig
وتحريك (... ... ) سا أقولها( بالفصحي ) أردافه!! أثناء الرقص He rolled his hips.
رقص البشير ولسان حاله يقول:
لاتحسبو "رقصي" بينكم طربا
قد يرقص الطير وهو مذبوح من الالم!!

Quote: لاتحسبو رقصي بينكم طربا قد يرقص الطير وهو مذبوح من الالم!!

نعم يا ابو كمال وشكرا علي التفكيك
والبيت اعلاه هو اصدق عنوان لتلكم الرقصة الجيق جيقية...!!

Quote: هلا يا بوس ولينا طولة وشوق كثيف والله..

ونحن بالاكتر بس الحيرة كاتلانا وما عرفين نحن كمان نرقص واللا شنو

Quote: ونحن بالاكتر بس الحيرة كاتلانا وما عرفين نحن كمان نرقص واللا شنو

هلا با شمهندس..
كدي كلنا النجرب الرقيص ده احتمال الحل الجذري لكل القضايا
قابع ما بين الرقصة والاخري..

كيكى سلام عليكم ، خليك حقانى ورجع الشريط بس مرة واحدة عشان تشوف الناس كلها تطرب و ترقص مع الرئيس ، موتوا بغيظكم ، انت حارقاك الالوف التى قالت كلمتها بل رشحت البشير ليكون مرشح دارفور للانتخابات القادمة . كيكى سوف اذكرك و العهد بيننا ، انه شوية غبار و عاقبته خير ..... و الايام بيننا ، المشكلة ساعتها تكون انت مواطن غربى بعيون سودانيه .

Quote: كيكى سلام عليكم ، خليك حقانى ورجع الشريط بس مرة واحدة عشان تشوف الناس كلها تطرب و ترقص مع الرئيس ، موتوا بغيظكم ، انت حارقاك الالوف التى قالت كلمتها بل رشحت البشير ليكون مرشح دارفور للانتخابات القادمة . كيكى سوف اذكرك و العهد بيننا ، انه شوية غبار و عاقبته خير ..... و الايام بيننا ، المشكلة ساعتها تكون انت مواطن غربى بعيون سودانيه .

حبابك هجو الجلبي...
باقي انت الوحيد البتجيب سيرة الجلبي في اليومين ديل...فناس المنبر ديل فصيحين دحين خلي بالك
ما تمشي فيك هجو الجلبي دي..
ياهجو انتو ليييه مصريين علي نظرية المؤامرة ومحورة الامر حول مكايدات سياسية هنا وهناك...
انت عارف ياهجو لو كل الناس الجات يومتا في نيالا ديل قالوا هم مع البشير ..برضو الحقيقية الواضحة وضوح الشمس ما حتتغير وهي انو هناك قتل وهناك جرائم جرت في عهد البشير ويجب محاكمة من ارتكبها..
الكثرة ما بتغلب الحقيقة ياهجو ..والحقوق عمرها ما بتضيع وسط الحشود...!!
فليترشح البشير او كل الموتمر الوطني في الانتخابات الجاية
ولكن قبل ده يجب محاكمة ومعاقبة كل من ارتكب جريمة بحق انسان سوداني...ولاشنو!!

سلامات يا كيكي
غايتو في حاجتين البشير جاء متعلمهم كويس جداً وكان بيمارسهم من قبل ما يعمل الإنقلاب
١- الرقيص
٢- قتل ناس دارفور خاصة الأطفال المساكين
ادخل هنا لمزيد من المعلومات
الرئيس عمر البشير يرتكب جريمة قتل أثناء رقصة المعتاد

Quote: و يؤكد كل ذلك حادثة غريبة وقعت في منطقة المجلد في العام 1987 كان بطلها الأوحد العميد الركن عمر حسن أحمد البشير، و هي أنه أثناء حضوره حفل زواج في منطقة المجلد، و أثناء الغناء و الطرب نزل العميد إلى ساحة الرقص و هو يحمل بندقية كلاشنكوف وراح يهزها بيمناه عالياً ووسط ذلك الإزدحام وفي غمرة الإبتهاج ذاك انطلقت رصاصة من البندقية التي كان يحملها و استقرت في صدر إحدى الفتيات اللائي حضرن للإحتفاء و فاضت روح البنت المسكينة و فتح بلاغ ضد سعادة العميد. بعد ذلك تدخلت الأجاويد و تم شطب البلاغ و تمت تسوية الدية و اعتبر ان الأمر قضاء و قدر، و انتهى الأمر على ذلك النحو ولم يظهر بعد ذلك ابداً، رغم ان الحادث قتل و أن المتسبب فيه ضابط برتبة العميد!!!!! إن مثل ذلك التصرف الأخرق أقل ما يمكن أن يعاقب به صاحبه هو الإبعاد من الخدمة، لكن من سخريات الزمن و من بدع العالم الثالث أن يظل ذلك العميد (الأشتر) في الخدمة في صفوف القوات المسلحة، بل ويصبح قائداً عاماً و قائداً أعلى لها!!!!."

هلا يا الصاوي..
والرقص ابكتل البشير اشتهر به منذ ايامه في السلك العسكري..
والحادثة التي وردت في بوستك موثقة ومعلومة تماما لكل اهل المنطقة تلك..
وقد حدثت في المناطق المحيطة بالمجلد والكل يدريها جيدا...
...
انه الرقص علي الجثث يا الصاوي هنا او هناك
وفي دارفور الامر الموسف هي الاصرار المبكي علي ان الضحايا 10000 الف فقط..
وكان هذا الرقم هو فخر ...عجبي والله يدعونا لعدم قتل نفس او روح بشرية واحدة..
انه زمن الفجيعة المكابرة يا الصاوي والرقص علي الجثث بكل دم بارد

الأخ الصاوي،

تحية طيبة

وشكرا لإعادة نشر هذه القصة المهمة. لا أظن أن الطلقة قد خرجت من السلاح من تلقاء نفسها، وإنما كعادة بعد الناس يطلقون الرصاص في مثل هذه المناسبات ولكن البشير قام بذلك أثناء الهوشة والهوجة والعرضة. النقطة المهمة في هذه القصة أنه لم تحدث مساءلة من الجيش ومحاسبة على هذا التصرف الغير مسئول. ليس غريبا أن يكون مثل هذا الشخص هو الذي يتم اختياره ليكون على رأس الإنقلاب ويحركونه كما يريدون. لقد سبق للنميري أن قال عنه بعد محاولة اغتيال حسني مبارك أنه لا يحكم ـ وقاعد ساي ـ والذي يحكم هو الترابي.

ياسر

Re: ما هم إلاَّ (جلبيون) سودانيون.. من ذات العينة.. ولكنهم أرخص ثمناً..

هلا يا ابوكمال
والجماعة ديل عندهم معلبات جاهزة للزنقات الزي دي..
وطوالي يتحول الوطن الي عمر البشير
وان هبشت عمر البشير او زمرته فانك هابش الي الذات السودانية كلها..
انها نزعة التملك واختزال كل الاشياء حول مدار الموتمر الوطني...
ولكن دولة الظلم عمرها قصير وحتما سياتي الصباح

ولسع يا كيكي

سترقص دار جعل يوم هزيمة اوكامبو بالفيتو الصيني في مجلس الامن

وسيرقص البشير يوم افتتاح سد مروي ويوم الفوز في الانتخابات القادمة

بس خليك قريب

Quote: سترقص دار جعل يوم هزيمة اوكامبو بالفيتو الصيني في مجلس الامن وسيرقص البشير يوم افتتاح سد مروي ويوم الفوز في الانتخابات القادمة بس خليك قريب

هلا يا خلي..
ضحكتني يا خليل الله يضحكك ..
ودار جعل دي ياخلي مية مرة قلنا ليك بيها بتقصقص اجنجة عمر البشير وبتخليهو يحلق في مساحة
وحزام ضيق ياخي (الزول ده هو رئيس دار جعل بس ولا سنو)..!!
فيتو صيني مافي يا خليل وفيتو طلس برضو مافي
والقصة يا خليل فيها بولتيكا علي مستوي عالي والميزان التجاري ما بين الصين وامريكا اكبر بكثير
من مصلحة بير او بيرين في حواف هجليج..وماتنسي الاولمبياد والتعهدات الدولية للصين بالمساهمة في حقوق الانسان وتاريخها السي الذي تحاول هي ايضا الهروب منه...
عارف يا خليل لو ناسكم ديل فازوا في انتخابات نضيفة والمجرمين منهم اتحاسبوا
احنا ذاااتنا بنجي حرم نرقص ونعرض معاكم ...فده الدايرنو احنا تبببببببببب

كتب خليل
ولسع يا كيكي

Quote: سترقص دار جعل يوم هزيمة اوكامبو بالفيتو الصيني في مجلس الامن وسيرقص البشير يوم افتتاح سد مروي ويوم الفوز في الانتخابات القادمة

ولماذا لم تستخدم الصين الفيتو الأصفر يوم أن أحال مجلس الامن الملف للمدعي
العام للمحكمة الدولية? لماذا لم تعترضه عندها وكلفته مع غيرها بأن يفعل
مافعل?
... أما حديثك عن رقص البشير المتوقع في الانتخابات القادمة فهو أمر
يجعل المثل السوداني -التركي ولا المتورك- يقفز للأذهان!! فبعض العقلاء
من أنصار بدو يتحدثوا عن ضرورة لفظ الاقصاء ونبذ الكنكشة وضرورة
تغير سياسات وأساليب الحرس القديم بينما يهلل خليل لرقص قادم أبتهاجا
بفوز يتوقعه في الانتخابات القادمة!!بدلا من يطالب هذا الفرعون المتسلط
بأن يتنحي لمصلحة شعبه ووطنه!!

Quote: ولماذا لم تستخدم الصين الفيتو الأصفر يوم أن أحال مجلس الامن الملف للمدعي العام للمحكمة الدولية? لماذا لم تعترضه عندها وكلفته مع غيرها بأن يفعل مافعل? ... أما حديثك عن رقص البشير المتوقع في الانتخابات القادمة فهو أمر يجعل المثل السوداني -التركي ولا المتورك- يقفز للأذهان!! فبعض العقلاء من أنصار بدو يتحدثوا عن ضرورة لفظ الاقصاء ونبذ الكنكشة وضرورة تغير سياسات وأساليب الحرس القديم بينما يهلل خليل لرقص قادم أبتهاجا بفوز يتوقعه في الانتخابات القادمة!!بدلا من يطالب هذا الفرعون المتسلط بأن يتنحي لمصلحة شعبه ووطنه!!

كمال وكيكي

الصين تحتاج لخمسة مليون برميل بترول يوميا

تقوم تلعب مع اوكامبو عشان السودان اتفرتق وكل استثماراتها تضيع وشعبها يضيع

عشان ناس كيكي اتكيفوا

Quote: التركي ولا المتورك

بالضبط يا كمال زولي اصبح متورك وفي طريقه التركنة ذاااتها..
ويا ابو خليل سياد الساس والراس راقدين القش وقالوا تحت تحت كده ممكن يحصل تسليم ولكن ليس في هذه المرحلة...ومرات بقولوا في جرائم وحنعمل ليها قانون ومحاكمات محلية..
انت يا زول حارق رزك ومتقوقع في حكاية دار جعل دي ليييييه يا زول..!!
الاتراك المهانين دقون عاملين ساتر
مالك يا زول مصعبها علي العدالة ..

ويا كمال الزول ده شكلو كده بقي تركي عديل وبعد ده النقعد ليهو تب..!!

و الله يا كيكي جنس حسادة...


* الزول يكتل .... تحتجو

* يرقص ... تحتجو

* يحول ليهو شوية ملايين في حسابو في ماليزيا تحتجو ...

* مرتو تشتري ليها منتجع في تركيا تحتجو ...


* أنتو شعب ما بستاهل رئيس موهوب زي البشير ....






* كيكي : أشتريت لي مكنة كوز و قلت أجربها ..

Quote: بالضبط يا كمال زولي اصبح متورك وفي طريقه التركنة ذاااتها.. ويا ابو خليل سياد الساس والراس راقدين القش وقالوا تحت تحت كده ممكن يحصل تسليم ولكن ليس في هذه المرحلة...ومرات بقولوا في جرائم وحنعمل ليها قانون ومحاكمات محلية.. انت يا زول حارق رزك ومتقوقع في حكاية دار جعل دي ليييييه يا زول..!! الاتراك المهانين دقون عاملين ساتر مالك يا زول مصعبها علي العدالة ..

انتو باسم النضال الكيببوردي

عشان تزعطوا البلد وتلحقوها امهات طه

Quote: انتو باسم النضال الكيببوردي عشان تزعطوا البلد وتلحقوها امهات طه

يا ابو خليل بالله خليك موضوعي وحقاني ياخي..
هي البلد فضل فيها شنو ياخليل..
ما المات مات
والاتشرد اتشرد
وفوانيسها البوقدن ماتن..
ولمن نقول الكلامات البنتكبها هنا يا خليل عاوزين واقع احسن للناس كلها
عاوزين بلد ديمقراطي يا خلي فيهو انت واخريين تقولوا العاوزنو
بلد بدون موت او رصاص اوحرب
بلد للناس كلها
مش بلد للجبهجية بس يا خليل....!!
يازول بالله ارجع لرشدك وانزل من قطار مساندة الطغاة ده يا ابو خليل فانه لا يشبهك حتي وان اتي من باب المرح... فانهم يا خليل لايشبهون الشعب......


لا زالت كلمات استاذنا الراحل قسم الباري تاتاي التي صدحت با في ميدان الحصاحصيا ترن في خاطري...
(هذه الدائرة الجريجة ذهب معظم ابنائها الي الجبهة الاسلامية رمز الفساد والتمزق في هذا البلد)..

اصح يا ابو خليل هووووووي

Quote: كيكي : أشتريت لي مكنة كوز و قلت أجربها

هلا يا خالد
وبختك يا زول شايف في عرض شغال اشتري مكنة كوز واحصل علي ثلاثة مكنات كوز مجانا
يا زول الجماعة عاوزين يتخارجوا من الحكاية دي سريع سريع...

وبعدين شايف ابو خليل صحبي ده خامج السوق واشتري ليهو زي ديشليون مكنة كوزية كده..

Quote: أنتو شعب ما بستاهل رئيس موهوب زي البشير ....

ونوع موهبة البشير دي ياها ذااتها المجننة بوبا بتاعتنا يا خالد
عشان كده عاوزين نفككها حتة حتة بمفتاح اوكمبو 14

Quote: هلا يا خالد وبختك يا زول شايف في عرض شغال اشتري مكنة كوز واحصل علي ثلاثة مكنات كوز مجانا يا زول الجماعة عاوزين يتخارجوا من الحكاية دي سريع سريع... وبعدين شايف ابو خليل صحبي ده خامج السوق واشتري ليهو زي ديشليون مكنة كوزية كده..

تعرف يا كيكي انا لا احب طريقة نواب البصمة ولا احب انا اسبح واحمد عشان القراء اقولو

الود دها معارض ومناضل وانزعط في بيت الاشباح بتاع صلاح قوش

انا اري ان قرار اوكامبو فعلا كارثة علي السودان اختلف مع الجبهة او اتفق

البلد في الهاوية

عبد الكريم يا اخوى

ايش رايك فى الرقصة دى ؟؟؟

Quote: ولمن نقول الكلامات البنتكبها هنا يا خليل عاوزين واقع احسن للناس كلها عاوزين بلد ديمقراطي يا خلي فيهو انت واخريين تقولوا العاوزنو بلد بدون موت او رصاص اوحرب بلد للناس كلها مش بلد للجبهجية بس يا خليل....!! يازول بالله ارجع لرشدك وانزل من قطار مساندة الطغاة ده يا ابو خليل فانه لا يشبهك حتي وان اتي من باب المرح... فانهم يا خليل لايشبهون الشعب...... لا زالت كلمات استاذنا الراحل قسم الباري تاتاي التي صدحت با في ميدان الحصاحصيا ترن في خاطري... (هذه الدائرة الجريجة ذهب معظم ابنائها الي الجبهة الاسلامية رمز الفساد والتمزق في هذا البلد).. اصح يا ابو خليل هووووووي

صديقي انت مهندس مساحة

وفي علم المساحة اول ما يعمل هو الاستطلاع

وبعد كدة التسوية

واذا نظرت لقرار اوكامبو لقرار ظاهره الرحمة وباطنه العذاب

ولا اعتقد ان الموتمر الوطني سيفرض في رئيسه ولا في السلطة

الذي اود ان اقوله

دها عود عشر كان قمت انكسر وكان قعدت انحشر

بعدين وين الدفاع عن الجبهة في كلامي سيبنا من شكشكة دينق دي

Quote: بعدين وين الدفاع عن الجبهة في كلامي

شكرا مولاي (كما قال شدو في محاكمة الفلاشا الشهيرة)
وما دام يا ابو خليل مافي دفاع عن الكيزان ده الدايراهو سرورة ذاااتو..
وانت الان
وتداعيات قرار اوكامبو الما عاجباك دي هينة
ممكن بمزيد من الضغط الناس تطوعها من اجل اجبار الكيزان من اجل المشي في الدرب الدغري
ويبطلوا الاستهبال والاستكبار البعملو فيهو ده والقمع ويدو البلد دي روحها الانسلت يا خليل...

Quote: ايش رايك فى الرقصة دى ؟؟؟

هلا يا حواء اختي
ورقصة يايمة في السلك (الجبرة) يقعد يتحير فيها..

..
وكدي دقيقة النسالك الدلوكة دي البدقها ده عبدالرحيم ولا انا مغبي
اليصبر لي يوم يومين الزول ده جايهووو تب

Quote: وكدي دقيقة النسالك الدلوكة دي البدقها ده عبدالرحيم ولا انا مغبي اليصبر لي يوم يومين الزول ده جايهووو تب

ياهو ذاتو بشحمو ولحمو وريايلو
المابتغباك

Quote: ياهو ذاتو بشحمو ولحمو وريايلو الماباغباك

هلا يا حواء
لو كدي يا اختي بس يوم يومين والريالة ركب
ونشوف انهار الريالة التي سالت دي في شكل عمارات بتقع بب

Quote: انا اري ان قرار اوكامبو فعلا كارثة علي السودان اختلف مع الجبهة او اتفق البلد في الهاوية

طبعا يا خليل من حقك تماما ومن حق اي زول انو يقول حقوا في شوون بلدو...
لكن كمان قولة رايك دي ما تكون علي حساب التغاضي عن الظلم ونصرة الطغاة
ولا ينبغي لها ان تنحي جانب جهوي ...(وكاني يا ابو خليل قد افهم بانك قد تكون ليك رايك تاني لو
عمر البشير ده ما جعلي..او انت غير جعلي)...
يا خليل مافي زول نتكب عشان الناس تقول ولا الكتابة فعل من اجل الشو او العرض
لكن دي يا فردة قناعات وراي في الاحداث المدورة في السودان الناس بتقولها بكل تصالح وبدون مزايدة...
....
قد يكون لك موقف من اوكمابو ولك الحق فيه..
ولكن المدهش هو التبشير بسيادة الزمن الكيزاني الانت اول زول عارفو انو ظالم وقاتل
تجي الليلة عشان اوكمابو قال داير البشير تمسح ده كلو وتعمل لي فيها علي كرتي الاسفيري,,,

Quote: قد يكون لك موقف من اوكمابو ولك الحق فيه.. ولكن المدهش هو التبشير بسيادة الزمن الكيزاني الانت اول زول عارفو انو ظالم وقاتل تجي الليلة عشان اوكمابو قال داير البشير تمسح ده كلو وتعمل لي فيها علي كرتي الاسفيري,,,

انا لا ابشر بالزمن الكيزاني

اذا قامت الانتخابات سيفوز الموتمر الوطني عشان الاحزاب الاخري غير جاهزة يا صديقي

انا واقعي ولا احلم بالفارس الابيض اوكامبو الذي سيخرج البلاد من الظلمات للنور

Quote: انا لا ابشر بالزمن الكيزاني اذا قامت الانتخابات سيفوز الموتمر الوطني عشان الاحزاب الاخري غير جاهزة يا صديقي انا واقعي ولا احلم بالفارس الابيض اوكامبو الذي سيخرج البلاد من الظلمات للنور

يا خليل اذا كان الموتمر الوطني جهز روحو عشان يحكم البلد في نظام ديمقراطي يحترم كل الحريات
بنقول ليهو مبروك وده حقو تماما ...وبنضمن انو الحكم تحت راية اتفق عليها الجميع ويجب ان يحترمها الجميع...
ولكن قبل الذهاب الي الصندوق يجب معاقبة الذين اجرموا وقتلوا وافسدو في حق الناس الذين ظلموا
ومحاسبة كل المجرمين صغير علي كبير...ثم تعال نمشي سوي سوي للصندوق وفليفوز الجبهجية بكل الاشياء..
ولكن في الاول لازم العدل والقصاص ياخد مجراهو..

كتب الاخ خليل

Quote: تعرف يا كيكي انا لا احب طريقة نواب البصمة ولا احب انا اسبح واحمد عشان القراء اقولو الود دها معارض ومناضل وانزعط في بيت الاشباح بتاع صلاح قوش انا اري ان قرار اوكامبو فعلا كارثة علي السودان اختلف مع الجبهة او اتفق البلد في الهاوية

يا أخي من حقك أن ترفض قرار أوكامبو فقد رفضه محسوبيين علي المعارضة
قبلك....المهم أن تقر بأن الجبهة تتحمل مسؤلية هذه الكوارث وأنها هي الوطن في فوهة بركان وأنها هي أس الداء ومصدررالبلاء وأن من يحرص وحدةوتماسك بلده وسيادتها عليه التصدي للانقاذ... .....وأن كان جهاز قوش يفعل ما تقول تحت سمع الفرعون البشير وبصره فهذا يدل فعلا علي أن البشير غارق حتي النخاع في جرائم النظام وأمنه وفظائع أجهزته ويصبح من يهلل له -أي للبشير - مجرد من الضمير والانسانية !!

يا سايق البوباي

أووب على وواي

أنا الغبيان رجيت ال Veto من شنغهاي،

وفي ساعات،

أنا الرقاص

أنا الممنوح هدية عيد وسام قناص،

أنا الحوطني شيخ كدباس

أنا الغناي

بقيت بكاي

أخش بي جاي

أكورك واي

وحلقيdry

كلامي كبار

كلام خرخار

كلام خارم

كلام بارم

كلام زول شارب نبيذ تسفاي

أسوي شنو؟

من أمريكا،

من بلجيكا،

من موسكو،

ومن طوكيو

وصلني اللوم

جفاني النوم

قعدت براي

ِحردت الشاي

ندهت الفقرا من سنار ولي السقاي.

ينجوني

يغتوني

ويلغوا السفرة لي لآهاي

يا تو زعيم بيدور لاهاي؟

والله العظيم، و الله العظيم، والله العظيم

وحرم ما بزورا براى

لابد من خمسين يسافروا معاي

فينا فلان

Plus علان

وموسى هناي

نقول للصولجان باي باي

نسيب السلطة وآ أسفاي

تسيب عرس الشهيد والعرضة يا مولاي

وتمشي عديل سجون لاهاي؟

ود أم زقده يا الحداث وما سواي

ود أم زقده يا العند المحن جراي

ود أم زقده يا مارشالنا

يا حاكمنا

ود أم زقده يا سارق الخزن

حراق بنوك

زوار صكوك

معدوم الضمير و الرأي

واللهِ الليلة ود أم زقده:

كان يرقص ال Flamingo

كان يسطل شهور بالبنقو

كان يطلب لجوء في الكونغو

لابد من لاهاي

ياسايق البوباي

لالفة جاي لاجاي

ودى الزعيم لاهاي



الشاعر : شمتان بن منتظر الفرج الديمقراطي

Quote: الشاعر : شمتان بن منتظر الفرج الديمقراطي

التحية يا حيدر للشاعر الكبير شمتان بن منتظر الفرج الديمقراطي..
وكركون سلاح لهذه القصيدة الاركلوجية اللاهاوية الفي السلك

Quote: لابد من لاهاي ياسايق البوباي لالفة جاي لاجاي ودى الزعيم لاهاي

مافي طريقة

والبشير جاب قونو بالمزيكا

ومحن اسرائيل ومعاها امريكا

Quote: والبشير جاب قونو بالمزيكا ومحن اسرائيل ومعاها امريكا

هلا ابو خليل
واقعد لي في قون البشير
ولمن الناس تقول ليك يا كوز تقعد تشبكنا واي واي..

كتب علي الكرار

Quote: في السودان خاصة في الوسط هذا الفعل لا يسمي رقيص انها العرضه السودانية التي نؤديها بصورة تلقائية عند سماع ايقاع السيرة الدلوكه والشتم والبشير من تلك المنطقة وفي الغرب هناك ايضا رقيص جماعي في الشرق رقيص بالسيف في الشمال رقيص جماعي علي ايقاع الدليب الجديد شنو ........ شوفو السلبيات وتحدثوا فيها وليس كل تصرف معيب في الخليج يعرض الملوك وشيوخ الدين ارجع لفتوي الشيخ الجليل ( عبد المحسن العبيكان مؤخرا ) أم أن هذه هي المعارضه ما فضل غير الرقص]

كان رقيص كان عرضة ليس المعيب التصرف في حد ذاته ( الرقيص ) لكنه لا يناسب الظرف ولا المناسبة خلينا من البروتوكولات الرئاسية ( أنا غايتو مقتنعة زي كيكي انه ما بيعرف يشتغل رئيس) كدي شوف ليك زول ساي يمشي لي لي ناس عندهم ترح ويلايقوم يعرض ولا يرقص! الراي حيكون شنو؟

Quote: كدي شوف ليك زول ساي يمشي لي لي ناس عندهم ترح ويلايقوم يعرض ولا يرقص! الراي حيكون شنو؟

هلا يا نهي
وديل مصرين اصرار عجيب علي تفريغ الممارسة من دلالاتها الواضحة كعمل لايليق في وسط اكوام الاحزان
والجثث التي ترقد علي مسافة ليس ببعيد من مكان الفعل..
والتعامل معه علي طريقة (المكاواة الشهيرة ) التي تركها حتي الاطفال في هذا الزمان..
ولكن لا نستغرب كثير في دولة تسير دولاب احداثها بردة الفعل والغضب
ثم التراجع عن الغضب ثم الغضب مرة اخري...انه عصر العشوائية حتي في طريقة ارسال رسالة للعالم الخارجي

حتى اشعار اخر عمر البشير هو رئيس السودان

قليل من الاحترام الواجب لايضر بقضية معارضة النظام

لذا لايعقل ان نتحدث عن رئيس السودان بهذه اللغة.

Quote: حتى اشعار اخر عمر البشير هو رئيس السودان قليل من الاحترام الواجب لايضر بقضية معارضة النظام لذا لايعقل ان نتحدث عن رئيس السودان بهذه اللغة

مرحب يا عمر
الاحترام يا اخ عمر شي لا يفرض فرضا لمنصب اولمجرد جلوس شخص علي سدة الحكم بالزندية..
بل هو فعل متبادل...
عندما يكون لدي افراد الشعب رئيسا من اختيارهم فاحترامه واجب
وايضا عليه هو ايضا احترام شعبه...
ولكن عندما ينفلت الحابل بالنابل تختل الاشياء وتدخلها مرارات قتل وظلم
وسحل وتعذيب بالتاكيد يتحرر الطرفين من سطوة الاحترام المتبادل...
اعطي الشعب حريته ولاتقتل واحكم عبر صناديق اقتراعه
تنال احترامه وسنعمل معك ايضا علي ترسيخ احترام الرئاسة..
ولكن في ظل ظروف معقدة ومليئة بالاحتقان كتلك
يكون الحديث عن الاحترام امر بعيدا كل البعد عن التطبيق ودفن روؤس في الرمال..
......
ثاني يا عمر رئيس الدولة ليس اله او صنما كهبل علينا عدم الاقتراب من اشيائه
التي يوديها في مكان عام... فهو اتي لمصلحة هذا الشعب واشيائه وباسمه يجلس علي الحكم
لذا عليه ان اراد التسامي مع وظيفته ان يسمع ما لا يرضيه ايضا...

في الشان العام فلا قداسة الا لله والحقيقة..

ههههههههههههههه
غايتو يا كيكي غلبني التعليق خالص وأنا أتابع ولمدة يومين البشير وهو يرقص .

الغريبة أتاري الحكاية معترف بيها ومن ضمن فقرات أي إحتفال.
ففي زيارة الجنينة الموضوع كان إسلامي بحت والهتافات من نوعية خيبر واليهود وإنت طالع. وفجأة ولما إنتهى الوالي ابو القاسم من كلمته إستعدلت المايكرفونات وإستعدت لـ (النار ولًعت) ..

إتذكرت لاعبين نيجريا والكاميرون لما يجيبوا اقوان. وقلت في نفسي وبما إنه الموضوع منقول لكل العالم فحيقولو والله الأفارقة ديل غريبين: فرحانين ومنتصرين يرقصو.. مهزومين ومطلوبين للمحكمة برضو يرقصو ..

غنية نيالا كانت الأجمل. بتاعات الفاشر والجنينة ما كانن حارات





يا راوية ما معقولة المولد يكون فاتك. وزي ما قال كيكي. البشير حافظ الأغاني غنية غنية

Quote: إتذكرت لاعبين نيجريا والكاميرون لما يجيبوا اقوان. وقلت في نفسي وبما إنه الموضوع منقول لكل العالم فحيقولو والله الأفارقة ديل غريبين: فرحانين ومنتصرين يرقصو.. مهزومين ومطلوبين للمحكمة برضو يرقصو .. غنية نيالا كانت الأجمل. بتاعات الفاشر والجنينة ما كانن حارات

هلا يا رجا وشوق والله..
وانا اقول رجا دي وين يا جماعة..
اتاريك لابدة تتفرجي في الدهشة دي
نعم قد تتذكر اموكاشي واوكاشا ولك ايضا استدعاء روجير ميلا وكل اللعيبة الافارقة الذين عطروا الملاعب
برقصات النصر المميزة..
بتفق معاك بانو رقصة نيالا مميزة والمهنية فيها عالية شديد والتحرك كان بنظام
وعادت هتافات في سبيل الله قمنا رغم انو ما قالوها للنهاية..
وايضا تونة خيبر خيبر يا يهود وجدت لها في ذلك اليوم مساحة وزمن...
وكوني بخير يا صديقة

كتب السيد عمر عثمان omer osman

Quote: حتى اشعار اخر عمر البشير هو رئيس السودان قليل من الاحترام الواجب لايضر بقضية معارضة النظام لذ ا لايعقل ان نتحدث عن رئيس السودان بهذه اللغة.

\هذا الخطاب كان ينبغي توجيهه للبشير ... فهو من دمر هيبة الرئاسة
بكذبه وقسمه المحنث ...أما الرقص فكان الأحري تنبيه الراقص لا من يقم بمجرد توصيف أمر واقع...!!
لماذا لم يكتب أحد عن المرحوم عبود زاعما أنه يرقص !! لا ياعمر فالبشير هو وكما قلنا من أدمن الكذب والنفاق فهل تتوقعنا أن نصفه بالصادق الامين? وهو من أدمن الحنث بالقسم ونقض المواثيق فهل
تتوقع وصفه بالوفاء بعدها?وهو أورث البلاد الذل والخنوع بتفريطه في سيادة وتراب بلاده لدول أجنبية
مجاورة فهل تتوقعناأن ننعته بعدها بحامي الحمي ودخري الحوبة ! من يسعي حقا لإستعادة هيبة كرسي الرئاسة وسيادة الدولة وكرامتها وعزةشعبنا وحريته عليه أن يتصدي لهذا الفرعون المتسلط ..أليس كذلك يا عمر
عثمان?

كيكى

عجبنى للمرقوت .. او كما قالت

رقصة نيالا دى اسم قوى جدا ل فيلم ...

الرئيس الما بعرف يحكم دا نشيد بجهوده فى الرقص على الجماجم .. جهود مقدرة جدا فى بناء الشرخ فى نفوس الايتام وذوى الضحايا الذين يرقص قرب مدافنهم ....... ( الاشادة من الكيزان ) والمطبلين باسم السيادة والوطنية !!



امسك دى :
بعدما الجماعة شربو البيبسى فى الصيوان وكل المطبلين من لجان شعبية وولاة وحرامية
والسخانة كتمت والجو ملتهب .. قام واحد زهجان من الحر قال ليهم ( يا جماعة .. ما ترقصوا لينا الرئيس دا خلونا نمشى )

Quote: قام واحد زهجان من الحر قال ليهم ( يا جماعة .. ما ترقصوا لينا الرئيس دا خلونا نمشى )

هلا يا الفاتح وحبابك والله..
بالله القصة دي بتاعة الرقيص دي لحقت عملوا بيها نكات والله فعلا الشعب ده اتعصر عصرة شينة خلاص..
وحكاية الفيلم دي فعلا ملهمة والعجب لو اخد اسم من اسامي هوليود العجيبة ديك علي وزن
THE NIALA DANCE
او
THE DANCING OF NIALA
غايتو اليوم داك المكرسح بجي شايل العميان

انا يا الفاتح عاوز لي منتج بس عندي فيلم جاهز اسمو
حقبة الدم ممكن نخلي النهاية فيهو مشهد رقصة نيالا دي

مستني زول ما عارفو وين

مستني زول ما اظن اجي

Quote: مستني زول ما عارفو وين مستني زول ما اظن اجي

احنا يا خليل مش حنروح لزول
الزول هو الحيجينا وبتكسي كمان...



لمن تسمع هارموني بالله خليك حريف وما تركز علي ندي القلعة بس

Quote: لمن تسمع هارموني بالله خليك حريف وما تركز علي ندي القلعة بس

ياخي دي بتاعة عقد الجلاد

انت ما مثقف وموغل في عدم معرفة غناء اهل الوسط

Quote: ياخي دي بتاعة عقد الجلاد

بالله بتاعة عقد الجلاد...والله اتلومت تب انا مع الفن الجميل..

يا ابو خليل بالله ياخي ما تمميع لينا الحدوتة بالله خلينا في الموضوع الاساسي

كيكي يا صاحب..

سلامات ومراحب.

والله المنعني من التواجد مشكلة في الإنترنت. فقعدتا الويك إند كله مصاقرة التلفزيون

طبعا ولأنه أختك كانت مشروع مخرج سينمائي قبل كده. قعدتا أعاين ما خلف الرقصة.
ياخ البشير ده بجد خايف. لما حننًي. يعني لا وعود ولا تنمية لدارفور حتحل رقبته. قام إتخيل إنه الحل في الرقص.

ولو كان يعرف إنه بس لو مسك ناسه من القصف والحرق ده كله ما كان ليهو داعي.

كنا حنفتقد (النار ولًعت) أي نعم. لكنه كله يهون لو إتحلت مشكلة دارفور..


خليتك بعافية

Quote: طبعا ولأنه أختك كانت مشروع مخرج سينمائي قبل كده. قعدتا أعاين ما خلف الرقصة. ياخ البشير ده بجد خايف. لما حننًي. يعني لا وعود ولا تنمية لدارفور حتحل رقبته. قام إتخيل إنه الحل في الرقص.

هلا رجا صحبتي
انتي عارفة حكاية وعود التنمية دي كان فيها شغل خطير وسؤالات لذيذة خلاص من المنصة الرئاسية..
ياجماعة عملنا مدارس ..دي تنمية ولا ماتنمية....الناس تقول تنمية
بنينا جوامع..دي تنمية ولا ما تنميو...الناس تقول تنمية
شيدنا مباني..دي تنمية ولا ما تنمية..الناس تكورك لا والله تنمية يا ريس..
بدت كالزول المغالطنو كده..ويحاول اثبات وجود شي..
...
ياخي موهبتك بتاعة الاخراج السينمائي دي اخوك محتاج ليها وبشدة والله..
في مشروع افلام جاهزة موية ونور
1-ابودقن مصيرو السجن..ودي دراما خلطة ما بين التراجيديا وواقع الحارات
2-حقبة الدم
3-الجامبو والبامبو في حضور اوكمابو ودي فيلم (سمك-لبن -تمر هندي) ينافس افلام
السوق المصري ذااتها..
بس انتي اختاري من طرف وفي رمشة عين السيناريو بكون عندك
غايتو حتحتاجي الي دقون ودقنات كثيرة خلاص

ارقصوا يرحمكم الله و يثبت اقدامكم الراجفة
و قلوبكم الواجبفة
و بذا يدخل البشير التاريخ من ابوابه الخلفية كأول نصير لشريعة السماء بالدف و الرقص و اطرب... اللهم يسر له جزيرة كاربية كاربة تتخذهوا اله لها كما سخرت جامايكا لهيلاسلاسي و ما كان راقصا ...

Quote: ارقصوا يرحمكم الله و يثبت اقدامكم الراجفة

هلا يا نصار

وخلاص القصة دي ارتبطت بالوعي الشعبي بتاع السودان لانها اتوطنت كسلوك رئاسي
والعالم الخارجي تاني ما اظن يقبل مننا رئيس ما برقص علي الهواء مباشرة..
الامم المتحدة ممكن تغالطنا في رئيسنا ذاااتو

كيكي يا عزيز..

Quote: 3-الجامبو والبامبو في حضور اوكامبو. وده فيلم (سمك-لبن -تمر هندي) ينافس افلام السوق المصري ذااتها..

ده حيكون فيهو شغل خطيييير..
يالله كرًب الورق والحقنا بيهو

قال ليك مامبو سوداني 100%

عمايل عدس حراصة عدس.....!!!

Quote: ده حيكون فيهو شغل خطيييير.. يالله كرًب الورق والحقنا بيهو

خطير ساااكت هو يا رجا
فووق ممكن تلقي بعض من الموجهات الدايرة ليها شوية مباصرة كدا وخطط الانطلاق في حكاية الجامبو والاوكمابو
ممكن تعمل ليك قايد لشكل الدراما...والبسي الكاب وخليك (STAND UP)
عشان تخرجي لينا الافلام العجيبة دي

تعرف يا كريم
سنة 2000 كان في معرض لثقافات العالم اسمه Expo 2000 في مدينة هانوفر... السودان كان تمثيلة مخجل كالعادة.. لكن مافي مسؤول او صاحب حظوة ما جا بتذاكر و مصاريف فنادق و نثريات... كان لك دولة يوم تعكس فيه ثقافتها ... يوم السودان بدل الفنانين و الفرق الفنية و الثقافية جوا ناس عبدالرحيم حمدي و مكي بلايل و تلات ارباع موظفين التجارة و الخارجية و شماشة من الداخل و دول العالم من اصحاب الحظوة ... بعضهم وصل بعد نهاية المعرض زاتو... جريدة يومية جابت صورة بلايل تاني يوم و تساءلت عن معنا رفع الاصبع السباب لعنان السماء.. قلت ليهم لو شفتوا الكشف و الحت الما خمج كنت يا جنيتوا يا آمنوا ان رزيئة اهل السودان ما خطرت بعقل بشر.. هتلر ايه و فلهم التاني بتاع شنو..

Quote: يوم السودان بدل الفنانين و الفرق الفنية و الثقافية جوا ناس عبدالرحيم حمدي و مكي بلايل و تلات ارباع موظفين التجارة و الخارجية و شماشة من الداخل و دول العالم من اصحاب الحظوة ... بعضهم وصل بعد نهاية المعرض زاتو...

فعلا يا نصار
والرحلات الزي دي يا نصار في فترة العشرين سنة الفاتن دي
لو لموا قروشها ممكن تبني 14 مدينة سودانية جاهزة من كلو..وفي ناس طبعا حرفاء بتاعين سفرات زي
ومتخصيين فيها وبعرفوا يقفلوا باقي الناس الذين لا ولاء لهم..
جهاز الخدمة المدنية والاختصاصات جايطة جوطة يا نصار شديد..وفن شنو ياخي البهتمو بيهو الناس ديل
همهم كلو روحي روحي...
حكاية السبابة دي برضها صارت ماركة مسجلة حتي في مباريات الكورة بتشوفها
انه زمن التقاليع الجديدة يا نصار في كل الاشياء..
ا

يا كيكي
تتذكر بوست دكين "فسوة رقاص"؟؟؟
أها بس يا عمك، لو البشير عملها، وبالرغم من إنو الرقاص الوحيد في المنصة، وبالرغم من ريحة الكاكي المعروفة، يجوك ناس ودالباوقة وناس غريبة يقولوا ليك ماهوو..
____
والرئيس ماعندو هناية ذاتوو...

Quote: يجوك ناس ودالباوقة وناس غريبة يقولوا ليك ماهوو..

يا ياسر الناس ديل عاملين لينا كرنك كرنك في راسنا وعاملين مناطق حمراء ممنوع الاقتراب منها
او التصوير..وكان الامر امر رباني
ويريدون فقط سماع اصوات التطبيل للسلاطين..

ايها السلطان الراقص علي الاشلاء
ايها الراقص علي الجثث
الي الجحيم

**
*











*
**