Post: #1 Title: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 11:42 AM Parent: #0
حسع ياجماعة الله في داعي كان للبشتنة ورقاد الحراصات الخواجية دي.. حكومة وسلطة وصولجان ودبابير لمن مدفقة في التراب وبوري وصفافير بتاعة نجدة جابت مليون ميل مربع وزي ديشليون كلاش كده انضرب في مهرجانات سلام الملك التي اقيمت ولازالت تقام لراس السلطة في السودان عمر البشير.. وجية منذ عقدين من الزمان موشحة بصيحة في سبيل الله قمنا نبتغي رفع الله لا لدنيا قد عملنا نحن للدين فداء.حتي نصل الي فلترق كل الدماء... ثم دماء سودانية راحت سمبلة في حرب الجنوب والشرق ودارفور.. ودماء ذهبت وعبرت البرزخ عبر بوابة سجون الانقاذ وبيوت اشباحها.. ... ثم اتفاقيات جبت ما قبلها ثم تعتنت ورغبة في موصلة الخرخرة علي صعيد الجنوب ودعم نزيف الدماء في دارفور.....!!! كلوا مدور في البلد الفوانيسو البوقدن ماتن..!! كلوا مدور في السودان والخواجة العينو خضر مفتحة وبكشف كبوليس عالمي .. يلوح بالكروت الصفراء تارة والمنح البلجيكية تارة اخري والتراضي مع الامريكان مرة.. حتي اتت اللحظات الان التي افتت بان الخواجة العيونو خضر القاعد في لاهاي بكبشر كل مجرم رعديد وبجيبوا التمنة بتاعة المجتمع الدولي لزوم الغلغلة والسين والجيم المنكري ونكيري.. والقصة قالو جايبة البشير ذااااتو شخصيا...!! ونعود
Post: #2 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 12:00 PM Parent: #1
كرو كرو اناشيد وطنية ودبابات قفلت كل الكباري في العاصمة المثلثة من الصباح بدري خلاص. قبقبك قبقبك من طرف..!!! شنو ياجماعة..؟؟ انقلاب وتسيح سلطة ودبابة وبوت ثم شوية شوية ظهر وبان او دقن السائق الدبابة..!! شنو يا ابو الدقن..ماقلنا ديمقراطية وتعددية وفري قيم..!! لع ثم تا الله لع..!! اقبض اسجن عذب اقتل ادفن وسجل البلاغ ضد الملاريا..!! ثم امشي صلي في اقرب جامع واسال الرب ان ينصر الدولة حتي تربط قيم السماء بالارض ونعود
Post: #3 Title: Re: التسوي كريت الانقاذ في شعبها تلقي في لاهاي....!!!! Author: حليمة محمد عبد الرحمن Date: 07-11-2008, 12:09 PM Parent: #2
Quote: وبجيبوا التمنة بتاعة المجتمع الدولي لزوم الغلغلة والسين والجيم المنكري ونكيري..
غايتو يا كيكي.. "التُمْنة" من الـjargon" التضرس الواحد عديييييييل غايتو الا تنزل نسخة من قاموس العامية في السودان، لزوم حناكيش البورد وكدا وبعدين بيني وبينك التمنة دي فيها "ظبطة" حارة خلاس..
Post: #5 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 12:15 PM Parent: #3
Quote: غايتو يا كيكي.. "التُمْنة" من الـjargon" التضرس الواحد عديييييييل غايتو الا تنزل نسخة من قاموس العامية في السودان، لزوم حناكيش البورد وكدا وبعدين بيني وبينك التمنة دي فيها "ظبطة" حارة خلاس
هلا ياحليمة والتمنة يا حليمة ضرستها اساليني منها انا ده غايتو درابزين الله لا خت صديق او حبيب فيهو... وحناكيش البورد المابعرفوا التمنة ديل حقوا هم ذااتهم يودوهم التمنة يوم ويومين كده عشان يعرفوا معني الكلمة
والليلة قلنا نجر سيرة ناس ابو دقن الجونا بدررررررري خلاص في قبل عشرين سنة ونشوف اي الحاصل في حالهم واحوالهم في هذه المدة الطويلة
وتسلمي يا حليمة وتبري انتي من التمن وبذات تمن الخواجات دي
Post: #4 Title: Re: التسوي كريت الانقاذ في شعبها تلقي في لاهاي....!!!! Author: kamalabas Date: 07-11-2008, 12:13 PM Parent: #1
000 تحليل إستباقي000 شكرا يا عبد الكريم: غض النظر عن من سيستدعي للمحكمة الدولية أقول: ا سوف يقوم النظام بتسير المسيرات الصماء للتنديدوسوف تتوالي بياناتالإدانة والرفض وترفع المصاحف والشعارات الدينية والوطنية علي أسنةالرماح مرة أخري وسوف يقوم النظام للتغزل مع المعارضة وأياهمها بضرورةرص الصفوف وتوحيد الجبهة الداخلية وحماية الوطن وستمد الطغمة الجزرةأو المعلقة معلنة الاستعداد لتقديم تنازلات وسوف يبتلع البعض الطعم ويصدر بيانات مجانية بأدانة المنظمات الدولية وطبعا سوف تزعق الابواق في مثل منبرنا هذا زارفة دموع الحسرة علي سيادة ا لبلاد وهيبتها وسوف نسمع مقولات "ليس حرصا علي الانقاذ وأنما خوفا علي البلاد" "وليس دفاعاعن الانقاذ ولكن دفاعا عن الوطن " وأنه لابد من التصدي للإستهداف الخارجي وأبعاد شبح التدخل000 ولهولاء نستبق الاحداث ونقول أن التدخل الاجنبي حادث وماثل قولا وفعلا وأن القوات الدولية تجوس في تراب الوطن وأن السيادةمنتهكة فعلا والتراب الوطني مستباح فعلا 000000فقد أحتلت حلائب والفشق000ةوقبيل أيام دخلت القوات الاثيوبية علي عمق17 كيلومترا وأحتلت جبل حنتوب وقتل عساكر سودانيين فلم نسمع منكم إدانة للأنقاذ لتفريطها في تراب البلادلماذا ينام ضميركم ويخفت حسكم الوطني حينما تصمت الانقاذ علي التدخل وأنتهاك السيادة ثم ترتفع عقائركم فجاة حينما ترفض الانقاذ التدخل الاجنبي: وتأبي محاكمة كوادرها؟ من يحرص علي وحدة وسيادة بلاده عليه أن يتصدي للأنقاذ التي مزقت نسيج البلاد الاجتماعي وأشعلت الحروب في ربوعها وفرطت في ترابها000وعليه أن يعي حقيقةأن رفض الانقاذ لمحاكمة بعض كوادره يأتي خوفا علي السلطة والثروة وليس حرصا علي هيبة البلاد أو تمسكا بالارادة الوطنية كمال
Post: #6 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 12:31 PM Parent: #4
Quote: ترابها000وعليه أن يعي حقيقةأن رفض الانقاذ لمحاكمة بعض كوادره يأتي خوفا علي السلطة والثروة وليس حرصا علي هيبة البلاد أو تمسكا بالارادة الوطنية
هلا يا ابوكمال وتحياتي.. ونعم ياكمال نفس السيناريو الذي ذكرته سوف يحصل بالكربون وسوف يتمترس القوم خلف الوطنية تلكم الجلابية الفضفاضة... ونعم ايضا لا ندري من هو الذي سوف ينده الي لاهاي بالاسم ولكن وبمجرد ورود ارهاصات محاكمة نظام ما في اي بقعة من هذا العالم في قضايا.. ابادة- وقتل وتشريد وحرق لمواطني وطنهم فانها لعمري قمة الفشل والتدني باحساس السلطان بقيمة الوطن الذي تحكمه.. والانقاذ التي تعنتت سنين وتمترست خلف المكابرة والخطاب العدائي لكل من يجاهر بكلمة حق امامها يبدو انها الان في الطريق الي توثيق جرائمها لكي تكون في مكانة واحدة مع الجرائم الي مرت علي هذا الدنيا من خلق مخلوق يسمي بني ادم وكل التحايا والود يا كمال
Post: #7 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 12:42 PM Parent: #6
ثم حضور للعسكر الدقني موشحا بصيحة انت انت الي القصر وانا ساذهب الي الحراصة في كوبر حتي يتم حبك الدارما الانقاذية..!! ثم طلع الترابي شيخ الحركة الاسلامية ورائدها الذي لايكذب اهله..!! ثم عمل جماعي وون تو احرف ثنائي في ملاعب الكرة البرازيلية لا يستطع تدوير تيوة كتلك التي تمت..! ولع حرب الجنوب وخليها نار منقد حطبها الطلاب المساكين اولاد الفقراء عسكر البلد وخليها قاعدة في قنبلة وكلو زول علمو يضرب كلاش(الدنيا مامعروفة) ارفد من الشغل كل من قال بغم(وكل من قال لا في وجه من قالوا نعم) بيع كل المشاريع والمصالح الحكومية بتاعة الشعب (الفاره) ده الي كل من يحمل (جنية او جنيهين) ومن يمتلك دقن (حتي لو كانت دقن بكرت)..!! تمكن واسري كالسرطان في كل مكان ونغشم الخونة الرعاديد ونعود
Post: #8 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 12:54 PM Parent: #7
ثم الهي الشعب والامة بالجري خلف الرزق وما تديهم فرقة كلو كلو ودي اولادهم للخدمة الالزامية والبفرفر منهم اجدعوا في بحر العليفون او اي بحر من طرف.. كل ضابط او مجموعة عسكرية عاوزة تعمل انقلاب زيك حقك يا ابودقن اكتلهم بالدبشك واعمل حميل وصلي عليهم صلاة الغائب ... شيل العيش كزكاة او جبايات او اتاوات وخلي الزبير يكابس الطير والاسبير.. جيش البلد.. قلقل الجيران الحبش ارتيريا تشاد جيب العاوز يجيبوا فانت السلطان بامرة الاله مصر يجازف وحاول تفسح حسني مبارك والبد ليهو في زقاق ضيق من ازقة اديس ويا ويلك لو جليتو...!!تجي حلتكم نجيك بالليل نشيلك وتاني دي شوفتك لحلتكم وللدنيا ذاااتها.. ونعود
Post: #9 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:08 PM Parent: #8
جيب اكبر ابو دقن في الزمن المعاصر وشيخ الدقون العالمي الاصلي (بن لادن) جيبو وجيب معاهو زي دشليون ابو دقن تاني واديهو معسكرات خلي يدرب ناسوا انطلاقا الي الجهاد الاكبر واديهو عقودات شوارع وطرق وكباري ..(خلي الشارع يتشقق بعد ان يمشي والبع انت باقي التندر).. فكل شي لله.. جضم علاقات وصدر موارد البلد وسلاحها الي نطاق وبور الصراع العالميي والباقي الفشنك اديهو للجيش البموت سمبلة في خيران (كايا- وياي ولكوتي) وخلي يفتح بيرق ولا تهتم لو وصف بكابتن ماجد(فالجكة دي لله) اعمل كتائب وحرك متحركات صيف العبور وعبيد ختم.. وابو دجانة خت اسمو في اشهر داخلية في الجامعات السودانية.. ودي ذااتها اعمل ليها سالفة ودراما انزع حقوق المجانية وخلي ديك صباحك (يونس محمود) يقول طلاب الجامعة بياكلوا جرجير وطماطم في الفاضي.. واعمل ليك صندوق ماكلة(طلاب دعم الصندوق) اعط منه من تشاء وزل من تشاء.. جوطة القصة واقلب اعلاها ادناها وعرب بدون وعي وبدون علمية خلي الطالب قاعد في السهلة لايعرف (كوعو من بوعو) جوط النظام التعليمي اعمل سابعة اعمل تامنة وممكن لقدام كنت تعمل حداشرة.. ونعود
Post: #10 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:18 PM Parent: #9
جيب صيينين عيونهم صغاااااااار خلاص واعمل معاهم اتفاقيات بترولية ونفطية (كرباوية) واغمت الورق وما تخلي ايتها زول عارف حاجة وخلي شعارك (كل الجاز عند الجاز).. تمكن-تمدد وصل انابيب وارقص رقصة التكمين علي الجثث التي تتطاير في الجنوب والان الشرق(وبجا حديد) وافلت الامن في دارفور والنهب المسلح يقبقب الباصات واللواري من طرف والركاب تحولو الي احرف رقاص علي نغمات (بلوبلو) المحمولة من امدرمان الي تنشر البهجة والمسرةالي ليالي اهل دارفور اصبحت مزيكة طروب يرقص عليها ضحايا النهب المسلح.. ودي (الطيب سيختك )الي هناك واقتل من حاول التمدد والاختراق حتي ولو كان (بولاد) ابن الحركة الاسلامية القديم...
بما إنه الموضوع من المواضيع الممنوع التحدث فيها بامر ناس الصحافة والمطبوعات علي ما اعتقد ، لن نعلق بالموافقة أو الإدانة إلا بعد حصولنا علي الإذن من الجهات المختصة قاعدين لي بره في الطراوه دي وتدردقوا فينا ساكت ، يقوم الكلام يحرقنا نطول لسانا بعدين عينك ما تشوف إلا النور
حكمة العدد : من خاف سلم
Post: #12 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:28 PM
Quote: قاعدين لي بره في الطراوه دي وتدردقوا فينا ساكت ، يقوم الكلام يحرقنا نطول لسانا بعدين عينك ما تشوف إلا النور
هلا يا زهير وحبابك في حكايات كريت.. والموافقات والممنوع ممنوع دي ياها ذااتها يا زهير واحدة من قصص كريت الحتدويها التوج قريبا علي سينما لاهاي.. واحنا يا زهير غير الجديع ده والفصاحة في (كريت) دي مافي شي مقعدنا بره ولسسع خليك معانا يادوبك احنا في الفترة التي كانت سابقة للمفاصلة الرمضانية وقلنا ندي شيخ حسن ده حقو شوية كده احتمال الكلام في لاهاي بعدين يجيب كلام
Post: #13 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:38 PM Parent: #12
تاجر بالسلام.. شق احزاب نظر لقانون سميه توالي (اعمل ديمقراطية كشمشة) وجيب احزاب ورق وكرتون (احزاب لعاب).. ونظر حكم محلي حكم فيدرالي جوط راس الشعب الفضل ده وخليهو مدروخ درويخة جد ...علاج بقروش وخلي حقن الملاريا اندر من لبن الطير وجيب في كل مستشفي زول (ابودقن) ماعارف كوعو من بوعو وخليهو ينظر ويتاندل علي الدكاترة سياد الساس والراس... مافي قروش ماف عملية مافي قروش مافي درب مافي قروش تموت وبس..!! جيب حقن ملاريا ضاربة من الهند(خلي المرضي يهضربوا بالهندي) نوع ثقافات الهضربة.. فكك الرقابة الوقائية والدوائية واعمل شركات (ام دقنية) خليها تجيب دواء مضروب تتم باقي الشغل بتاع اثني الانوفلس... ومن لم يمت بالملاريا سيموت بالهضربة بالهندي...
Post: #14 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:46 PM Parent: #13
تاجر بالسلام برضو.. رسل ناسك لكابرينو كوانينغ وجيب معاهو زي كم زول كده واعمل سلام الخرطوم -اصرف ملايين صور - خدر الشعب واضرب الهامش بالمركز والهامش بالهامش واقدل يا ابو دقن من زيك ... فرتق اتفاقياتك وازرع جيوب والعب (بلو تيكا) علي اصولها واللولوة علي تقيل وولع الكورة خليها نار منقد.. نبذ احزاب اقتل شخصيات تحب الوطن.. جيب صحفيين(كشمشة) خليهم يقولوا(اذا السلطان ابي شيئا ابيت)... ميع القضايا وانشر البغض والكراهية والحرابة.. وغني لاشواق الجنة والحور العين واشتاق الي اراقة الدماء في اغانيك في اناشيدك وفي تلفزيونك في راديك وفي حنفيتك...
ونعود
Post: #15 Title: Re: التسوي كريت الانقاذ في شعبها تلقي في لاهاي....!!!! Author: محمد عبدالرحمن Date: 07-11-2008, 01:50 PM Parent: #14
(عجبنى للمارقوت ) ...مثل سودانى شهير .. يجب ان تطال يد العدالة كل مجرمى الحرب من سدنة النظام ..الذين سجلوا افظع الممارسات فى انتهاك حقوق الانسان .. وياكيكى كريت ان شاء الله تحمل السوتو ..
Post: #18 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:59 PM Parent: #15
Quote: وياكيكى كريت ان شاء الله تحمل السوتو
هلا يا محمد المرقود صعب ياخي ومرقود تاريخي ويجيد الالتفاف حول الازمات والغلاغل وله مقدرة العالية علي الخرخرة واثارة الغبار والعويل وتلاحظ ايضا انه يجيد الرقيص علي حواف الغضب ويتمتع بمقدرات فذة في حليفة الطلاق
Post: #16 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 01:54 PM Parent: #14
انشر ثقافة الغموض في حوادث الطائرات العسكرية وحتي وان كانت تحمل افراد تيم الدقني وخلي الشعب فاغر فمه من اثر الدهشة والتصديق من الذي يقال في الاعلام... ولكن ما تخلي زول يقدر يقول البغلة مجكجكة في الابريق.. خلي تاني اكبر رتبة عسكرية تروح في غضب اله في فيافي الناصر وخيرانه رسل اتيام لمفاوضات سلام ثم ركبها طايرة ثم اجعل الطايرة تقع واعطي الشعب مساحة مرة اخري لممارسة فغر الفاه والصلاة كامراة فكي دقني رعديد.. جوط يا زول اقدل ومتع العالم انفي افصل مين زيك يا ابو دقن المصيرو السجن ونعود
Post: #17 Title: Re: التسوي كريت الانقاذ في شعبها تلقي في لاهاي....!!!! Author: amir jabir Date: 07-11-2008, 01:57 PM Parent: #14
عبدالكريم الامين احمد و باقى الخونة المارقين البلد فى حالت حرب وانتو فى شماته الموت لاعداء الوطن
لا دبابات نافعة ولا دبابين يا زول دى المحكمة الدولية واناشيد لى منوا هم قايلين الناس ديل انحنا المساكين ديل...
نحنا فراجة يا عمك والشر برة وبعيد
Post: #19 Title: Re: التسوي كريت الانقاذ في شعبها تلقي في لاهاي....!!!! Author: amir jabir Date: 07-11-2008, 02:01 PM Parent: #17
مين زيك يا ابو دقن المصيرو السجن
Post: #21 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 02:37 PM Parent: #19
Quote: مين زيك يا ابو دقن المصيرو السجن
تعرف يا عامر هنالك نكتة شهيرة في ايامات الصلف والتمكين الكيزاني وايامات مقاولات بن لادن الشهيرة.. قالو في واحد بلدياتنا اشتغل بعد تلتلة في واحدة من شركاتهم دي وسريعا اكتشف بان القصة عشان تزبط معاهو لازماها دقن كبيرة.. فقام ربي اكبر دقن في الموقع و,وتفوقت علي كل الدقون الموجودة عند الناس ديل وامورو زبطت صاح اخر حوافز واخر بدلات (وكمان اداها يا شيخنا) وسبحان الله علي جنبة كده.. يوم مسكوا بلف ليهو في سيجارة وقاموا رفدوا.. بعدما استلم حقوقو جاب موس كبير وحلق الدقن دي وحتي شعرها في كيس وداهو للمخزن بتاع الشركة.. قالوا ليهو يا زول ده شنو..!! قال ليهم ده شعر الدقن..!! وجبتوا ليييه لينا هنا.. قال ليهم دي عهدة وجينا برجعها ليكم
Post: #20 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 02:02 PM Parent: #17
Quote: نحنا فراجة يا عمك والشر برة وبعيد
هلا ياعامر وكلنا يا اخوي واقفين بعيييييد وعاملين شخيت خونة ومارقين لا نحن كريتين ولا نحن خواجة.. ده شغل كبار كبار وفيلم هندي ماعندنا ليهو باسطة
Post: #22 Title: Re: التسوي كريت الانقاذ في شعبها تلقي في لاهاي....!!!! Author: محمد البشرى الخضر Date: 07-11-2008, 02:39 PM Parent: #1
كيكي يا عمك.. سردك دا ياهو ذاكرة الشعب البقولوا عليها ؟
Post: #23 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 02:44 PM Parent: #22
Quote: سردك دا ياهو ذاكرة الشعب البقولوا عليها ؟
هلا يا عمك
وذاكرة الشعب يا ود البشري لو فتحت علب علي الناس ديل بكري الا يجيب ليهو باندودث من بلاد طيرها عجمي تاني غير امريكا دي..
يا صديقي التاريح لايرحم وكلنا في دواخلنا نحفظ علي ظهر قلب المرارات والمحن التي اكتوي بها الوطن في سياط هذه الدقون..
Post: #24 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 03:06 PM Parent: #23
ناتي الي زمن المفاصلة والدشمان التاريخي ما بين القصر والمنشية.. الكنيسة ضد الدولة او البابا ضد الملك او كل الصراعات التي تاخذ شكل فصل السلطة الروحية عن الجانب التنفيذي.. وانقسم الكيزان كوز تشعب واخر تموطن... وقيل في الاثر اذا تشاجر اللصوص ظهر المسروق.. خلاف ايضا وفي ظل (تفوق السلطة الكيزانية علي سوء الظن) لازال العديد يعتقد بانها مسرحية محبكة الاخراج لتضليل العالمين واحداث انفراج كيزاني.. ولكن الترابي وقع في ابنائه ناس (علي واخريين) نبذ قبورة وقال فيهم مالم يقله مالك في الخمر وتفرق بني كوز ما بين مهاجر في المانيا واخر في سجون(الحفرة التي حفرت للاخريين) والقصة جاطت والكيمان تلخبتت واصبح لدينا كوز سياحي كالبص السياحي والمطعم السياحي وكوز كشمشة لو عزمتوا فطور بالتاكيد حيجيك بدري خلاص في زمن العشاء وكيزان صاروا بعد نعيم حفتانين (حق الصعود بتلتلة) بعدما ذاقوا نعيم السلطان والجاه. بعضهم رجع الحظيرة للموتمر الوطني والاخر شعاره(يا الشيخ يا اغرق)... ونعود
يا كيكي ما عندكم زول او زولة دلوكتو مسخنة لاغنية المرحلة:
ده اليوم الدايرنو ليك
يا عمر مبروك عليك
Post: #26 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 04:04 PM Parent: #25
Quote: يا كيكي ما عندكم زول او زولة دلوكتو مسخنة لاغنية المرحلة:
ده اليوم الدايرنو ليك
يا عمر مبروك عليك
هلا ياعصام والدلالايك وستاتها جاهزين موية ونور بس بالله غير لينا في كلمات الاغنية دي عشان اللحن يستقيم ونقترح ان تغني ده اليوم الدايرنو ليك ياعموري مبروك عليك
Post: #27 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 04:18 PM Parent: #26
القصة الكرتيتة دي شكلها كده قربت.. وعمك اكومبو قالوا بسخن عشان ينده الكريتين الي الدخول الي ساحات الحراصة في لاهاي القبقبة فعشان كده احسن الواحد يلحق السوق سريع سريع وفاصل نواصل واحتمال يوتيوب ونواصل
Post: #28 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 04:22 PM Parent: #27
Post: #29 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 04:36 PM Parent: #28
وقفة.. تصتك الاسنان وتنهمر الدموع عند هذه الملحمة اعلاه.. فالظلم والقمع والتنكيل امر قاسي وبشع وسلب ارادة شعب وهمبتة وجدان وثرواته وتاريخه ورهنا لافراد بالقوي ام قاسي وقاهر وموغل في البشاعة.. فالانقاذ التي زلت ونكلت وقتلت وسحقت وبعثرت موارد بلد بمساحة مليون ميل مربع تورث اهله البركان والمرجل والغضب وازالتها شرف وتاج يجب ان يطوق به هذا الشعب راسه العالي الهمة...
Post: #30 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 04:57 PM Parent: #29
ثم انفلتت دارفور وصدر الكتاب الاسود..الذي يبدو انها تسرب من بين تداعيات المفاصلة ولكل متامل ساعتها يعلم بان دارفور في طريقها الي الاحتراق والثورة... لكن الدقن افتي بان الامر ليس الا جيوب لعصابات النهب المسلح وان الجيش قادر علي التعامل معها بالردع والحسم والانضباط اللازمين.. وتمدد الامر وضخت لغة جديدة في واقع السودان(جنجويد).. ولعبت الحكومة علي حبال القبيلية المستوطنة في دارفور بفهم دفاع شعبي لقبائل ضد قبائلز وظهرت نجوم كانت نكرة ليس علي مستوي السودان بل علي مستوي العالم جنجويد موسي هلال كوشيب وسمع العالم الريس بوش يردد كلمة جنجويد بطريقته الامريكية... والقصة جاطت ودارفور ولعت واصبح 90 من المائة من اهل العالم يعلمون بان هناك مكان في العالم اسمه دار فور او (دار فووور) كما ردده الي احد النبيال ذات يوم وهو يقارن ما بين الملك في كوتماندوا ونظامنا الذي نكل وقتل وشرد اهل دارفور في الفيافي والوديان ولعب الانتنوف ماتشات احرقت قري بالكملها وابيدت ارواح. والدقن يمارس لعبته المفضلة الكضب واللولوة وغمت الفصائل الدارفورية وتكاثرت ونمت وانشقت ما بينها ونعود
Post: #31 Title: Re: التسوي كريت الانقاذ في شعبها تلقي في لاهاي....!!!! Author: kamalabas Date: 07-11-2008, 04:59 PM Parent: #1
... وستبدا الفيران في الخروج بعد دخول المياه لجحورها وسوف تظهر حقيقة من آثرو التخفي والبيات الشتوي في مثل منبرنا هذا في زمنامضي عملا بمبدأ التقية...وياما تدثر البعض تحت دثار الاستقلالية والغيرة علي الوطن والدين بينما الدواخل- ومايطفح -كان يشئ بحقيقة الولاء الكيزاني ... سوف ينسكب دمع "الخوف "علي الوطن وعلي شعبه مدرارا من عيون التماسيح التي لا يهمها سوي تكريس سلطة طغمة الجبهة!!!!
Post: #32 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 05:12 PM Parent: #31
Quote: ... وستبدا الفيران في الخروج
هلا ابوكمال.. مهما خرجوا او تدثروا فانهم اتوون.. وقبل اوكومبو فهناك الله ثم الذي لايرحم الظالمين بكل حال من الاحوال مهما استطالت دقنه او قصرت جلابيته وهنالك التاريخ وذاكرة الشعب التي كانت في كل يوم تسجل وبوعي تام لهولاء الكرتيتن الجدد وليل الظلم مهما طول فانه اتي بلاريب ومن لم ياتي من بوابة حرق الاطارات واشتناق البمبان في شوراع مدن السودان حتما سياتي باسم الانسانية وحق الانسان العالمي وان كان ذلك في لاهاي..
Post: #33 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 06:15 PM Parent: #32
وقبل الذهاب عميقا الي قضية دارفور التي كانت ولازالت هي القشة التي سوف تقصم ظهر العير والبعير الدقني لاستهتاره وتكبره وغطرسة موظفيه الدقنيون الجدد من الضروري شبال علي خفيف في امر الجنوب وتكاتف المجتمع الدولي وضغطه العالي لايقاف نزيف الحرب التي مزقت بلاد وازهقت ارواح..فكانت نيفاشا فرصة اخري منحت لهذا ابو دقن لكي يصحح مساره ويعي ويتحرر من سطوة سعر السلطة.. وفي خواتم الاتفاق عاد الي الخرطوم جون قرنق..الاسطورة التي شهقت لمجيه الملايين من الاحرار في كل هذا العالم وكان هذا الرجل القاسي -الطيب-المحارب- المفكر الثوري-المهمش الحقيقي قادر علي زراعة الامل واحتواء الجرح ولكنه ذهب مع رياح الاماتنوج في واحدة من سلسلة الحوادث الغامضة التي مرت وبكثافة علي سماء السودان.. وساعتها احترقت الخرطوم واحترقت جوبا ايضا.. واشتعلت الخرطوم من القبض الكامن في كراكيرها وطرافها المهملة وهربت الدقن واحتوي بسلاح الشعب وترك الشعب يحصد حصاد عمايله حصاد ظلمه حصاد سياسته وانفتق جرح كان يجلس علي بركان من الغضب والتهميش وكان هنالك ما يسمي بالاثنين الاسود يوما اسود في تاريخ ذلك الوطن المسمي السودان واكثر سواد في جبين اصحاب الدقون الذين اتو الي حكمه بدبابة ذات ليل بعد من ليالي يوليو ونعود
Post: #34 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 06:36 PM Parent: #33
ثم واصلت دارفور في الحريق والاحتراق والتمزق ولعت كورتها وحصلت عنان السماء وجاء اليها كوفي عنان شخصيا وكل خواجة مسؤول كبير في الدنيا دي حط بارجله في خور برنغة والفاشر ونيالا ورطن بحقوق الانسان وتنديد القتل.. والامم المتحدة اصبحت دارفور احدي اجندتها الاساسية في كل اجتماعتها وطلعت كم قرار.. واتشالت دارفور في الخشوم والقصة جاطت.. وصاحبنا ابو دقن لايزال يمارس الغطرسة والزيف والكضب علي الشعب الكذب علي المجتمع الدولي والكضب علي الذات(ابودقن اصبح يكضب لابو دقن) والقصة بقت نار منقد.. وثم جات ابوجا واستطاعت الانقاذ مجازفة فصيل من ثوار دارفور وتم وضعه في الحفظ والصون باحدي قصور شارع الجمهورية بيد..واليد الاخري تضرب جيش ذلك الفصيل في المهندسين وكلو شي في محلو وابو دقن يمارس التحرك في مساحات واسعة.. ونعود
كيكي سلامات الظلم ياكيكي ليلته قصيرة والدنيا بقت حقيقة (خرم ابرة) او كما يقولون. واهو ربنا سلط عليهم بذنوبهم وآثامهم من لايرحمهم. شايف المطبلاتية وحارقي البخور (يتاوقوا) لبوستك دي وما قادرين يقولوا (بغم).
Post: #36 Title: Re: التسوي كريت الانقاذ في شعبها تلقي في لاهاي....!!!! Author: عادل عبدالعزيز عبد الرحيم Date: 07-11-2008, 06:57 PM Parent: #35
up
Post: #38 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 07:04 PM Parent: #36
Quote: up
شكرا يا عادل والف شكر علي الاهتمام يادفعة طبعا ح اخليك متحير كده مدة وبعدين ممكن نفك اسرك ولوصعب عليك الامر (اسال نادر ابوكدوك) وكل الود
Post: #37 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 07:00 PM Parent: #35
Quote: واهو ربنا سلط عليهم بذنوبهم وآثامهم من لايرحمهم. شايف المطبلاتية وحارقي البخور (يتاوقوا) لبوستك دي وما قادرين يقولوا (بغم).
هلا ياعمدة وحبابك والله.. وفعلا ياعماد الظلم ليله قصير ومهما استطالت دورته الا ان الحق سياتي.. والانقاذ بكيزانها وسلطانها عملت عمايل لا انزل الله لها من سلطان في ارض السودان وكانت في كل لحظاتها عنوان حقيقي للسطان الفاشل والمستبد والمتكبر لذا ربنا اقوي من كل الاشياء وهو قادر علي نصرة المغلوبين ... وباعماد حارقي البخور البقدر يجي يفتح خشمو يقول بغم اليجي ومع الملحمة المدورة فوووق دي..حرم اوكومابو ما يحلو الليلة..
وكل الود
Post: #39 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 07:23 PM Parent: #37
وناتي الي موسسة بني دقن التي اصبحت تعشق الصفقات.. الشرق اتي واعطي استشارية في القصر في اتفاقية الشرق اتي فصيل وتعنت فصيل اخر وكلو لتيق في لتيق في سبيل عدم ممارسة الازعاج للدقن السرطاني.. ومن ثم مساككة الفصائل التي رفضت التوقيع علي ابوجا و(جيشا واحد عبدالواحد) ثم فصائل عديدة من اهل دارفور بعضهم كان اعضاء في الزمن الكيزاني الاول بقيادة الدكتور خليل ابراهيم واصبح السودان بؤرة لقضايا عديدة ملتهبة ومتشعبة ومعقدة.. ولكن اكثرها تعقيد هي قضية ابيي التي اضحت شوكة حوت في حلق نيفاشا (لاتعدي ولا تفوت) ونزف دماء في ارضها في واحدة من ابشع المعارك ومات من مات ..والتهديد والنفق يضيق والالاف من اللاجئيين من اهل دارفور في العراء الطلق يتلحفون الارض التي ضربتها الثعابين والطين والامور جاطت ولازال الدقن مكنكش وراهن كل الوطن علي (طلاق رئيس) .. البلد اضحي ملك حر للريس ابودقن يطلق باسم البلد ويعرس ايضا باسم البلد ونعود
Post: #40 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-11-2008, 07:43 PM Parent: #39
وده الحال وبفلاش باك بالحركة السريعة الي بدايات الانقاذ سنجد تفكك نسيج افقار اشخاص وموسسات وتشريد كفاات وضخت مصطلحات جديدة مثل (التفتيحة) الذي هو البتاع كلو وله دقن علي خفيف معاها بدلة وابتسامة لاتخلو من خبث وظهرت امبراطوريات سرطانية المنشاء سلعلية اللون واللحن وقطط سمان اثرت من الحرب وصفقات الاندر تبيل ونمت الكروش وتضخم الجسد الكيزاني في كل الاتجاهات.. ووتشوهت قيم مجتمع وظهرت قضايا اجتماعية لم يعهدها السودان المتسامح.. ذبح صحفي كيزاني شهير علي قارعة الشاطي في اطراف الخرطوم لعلع الرصاص في المساجد وصار البلد يجلس في قنبلة بل قنابل من القضايا التي كافية لتدمير امة اقتصاديا اجتماعيا وثقافيا
ونعود
Post: #41 Title: Re: التسوي كريت الانقاذ في شعبها تلقي في لاهاي....!!!! Author: محمدين محمد اسحق Date: 07-12-2008, 00:04 AM Parent: #40
Post: #42 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 07:53 AM Parent: #41
هلا والف سلام اخي محمدين.. ونعم انها دارفور الوجع الاكبر والجرح الاعمق وتعامل معه ابودقن في بداياتها بكل استهتار وسبهليلية وعندما تفجر الامر وعمت الجثث الفيافي والوديان وتشرد الجميع في العراء الطلق جنح ابودقن للمكابرة والتسويف.. ولكنه الان يحصد نتائج عمايله وغطرسته الفجة.. فان الله لايرحم ابدا كل الظالمين
Post: #43 Title: Re: التسوي كريت الانقاذ في شعبها تلقي في لاهاي....!!!! Author: عبد الناصر الخطيب Date: 07-12-2008, 09:12 AM Parent: #1
م. عبد الكريم صباحك زين ,,,
Quote: قالو في واحد بلدياتنا اشتغل بعد تلتلة في واحدة من شركاتهم دي وسريعا اكتشف بان القصة عشان تزبط معاهو لازماها دقن كبيرة.. فقام ربي اكبر دقن في الموقع و,وتفوقت علي كل الدقون الموجودة عند الناس ديل وامورو زبطت صاح اخر حوافز واخر بدلات (وكمان اداها يا شيخنا) وسبحان الله علي جنبة كده.. يوم مسكوا بلف ليهو في سيجارة وقاموا رفدوا.. بعدما استلم حقوقو جاب موس كبير وحلق الدقن دي وحتي شعرها في كيس وداهو للمخزن بتاع الشركة.. قالوا ليهو يا زول ده شنو..!! قال ليهم ده شعر الدقن..!! وجبتوا ليييه لينا هنا.. قال ليهم دي عهدة وجينا برجعها ليكم
أكيد النكته دي تحوير لواقعة حقيقية وحصلت قبل زمن التمكين ووصول الجماعة السلطة وكانت الواقعة بتقول لما أختلف الاستاذ عمر عبد العاطي المحامي مع الترابي وغادر التنظيم حلق دقنوا ورسله في ظرف للدكتور الترابي
*عمر عبد العاطي المحامي فيما بعد كان النائب العام إبان الفترة الانتقالية عقب الاطاحة بمايو
------
Quote: حسع ياجماعة الله في داعي كان للبشتنة ورقاد الحراصات الخواجية دي..
*لو جيت للجد ماكان في دأعي بس تقول شنو مع الحماس الزائد ( ما عوزين أسير ولا جريح ) وما عارفين في محكمة دولية وقرارات بموجب الفصل السابع ممكن يطاردوا بيها الناس الحماسة وإجرامه في حق شعبها الاعزل زائد شوية...
كما تدين تدان والديـّـــــــــــــــــــــــان حي لايموت ,,
لك صادق الود ,,,
Post: #44 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 09:28 AM Parent: #43
Quote: وما عارفين في محكمة دولية وقرارات بموجب الفصل السابع ممكن يطاردوا بيها الناس الحماسة وإجرامه في حق شعبها الاعزل زائد شوية...
هلا يا عبدالناصر وحبابك والنكتة يا عبدالناصر فعلا بتكون تحوير لواقعة معينة ودلالاتها عميقة وضاربة في التلميح بسطوة العقل الدقني علي كل مصالح البلاد والعباد..!! وفي عهد هولا الناس ضخت الي الحراك السوداني (المرح في زمن الكوليرا) المئات من النكات التي تعري وتسخر من ابو دقن الذي مصيره حتما سيكون هو السجن طال الزمن ام قصر..
.... وطبعا حسب تركيبة الناس ديل لو كانو عارفين بان الامور دي حتودي الي هكذا ملاحقات وقبقبات دولية حتما فانهم في اطار حبهم لنعميم الدنيا سيفكرون الف مرة قبل ممارسة عمايلهم السوداء تلك
ودمت يا ناصر وكل الود
Post: #45 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 10:18 AM Parent: #44
ثم تراكمت القضايا الشائكة واصبحت جبل جديد يضاف الي مجموعة الجبال الفي السودان جبل مرة التاكا الاماتونج والجدد الجديد جبل الثروة والسلطة.. والتي اشتغل فيها ابودقن بسياسة الزعلان حنسوهو وللقصر جيبوا ولو رفض طلعوهو (متامر- اسرائيلي-عدو للشعب الفضل).. ثم الفيلم الاكبر في عاصفة اللاندكروزرات التي اوضحت بان بان الازمة عميقة ان الانتقام ما بين الاخوة في التنظيم لها احقاد ودوافع يمكن ان (تحرق روما).. وان مقولة شمسون هي السائدة ما بين الجميع في مهرجان (الخمش) علي وعلي اعدائي.. وكان العاشر من مايو يوم اسود اخر في تاريخ السودان لاينسي لاندكروزرات تقتحم العاصمة من صباح الرحمن بقيادة الدباب السابق (خليل ابراهيم) تفتح نيران في قوات الاب دقن الداخلية والقصة جاطت جوطة قبورة والامور تحولت الي عنصرية- وكراهية واحقاد مبنية علي اسس جهوية... ونصل اخر في ازمة السودان وجرح اتسع والنزيف لايزال ونعود
Post: #46 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 11:54 AM Parent: #45
كان ذلك بعض من رحلة الدقن الذي اتي ذات صباح بعيد وقالت الصحف ساعتها (هل هولا الرجال جبهة)...؟؟؟ ثم قال الروائي الشهير الطيب صالح مقولته الشهيرة ( من اين اتي هؤلا)...!!! وبفلا باك نجد سريعا اختفاء الضباط الاوائل الذين نفذوا هذا الانقلاب وتم الاحلال بكوادر عالية الالتزام ببرامج الحركة الاسلامية وهي التي دورت دولاب الحكم في طيلة فترات الحكم الدقني الي هذه اللحظات... لحظة بالتهديد بالحراصة الخواجية...والتي نجتج عليها وبشدة.. لانها حراسة (فايف ستار) لاتليق بمن يجب ان يذهب اليها.. ان كانت هنالك حراسة دايرين حراسة فيها عدس ملاننننننننن حجار حراسة فيها عصيدة بني كربو زي الحجر حراصة مويتها مغبشة حراسة فيها باعوض حراسة فيها مرقوت كيلة وملوة لا لا لحراصة لهاي ام رغيفا سمح
ونعود
Post: #47 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 12:32 PM Parent: #46
نعم وان كانت هنالك (لاهاي حراصة) وفيجب ان تكون مدوزنة مع عصب الزمن السوداني الذي صار اشتر خلال 20 سنوات من مظلة الدقن.. الدقن التحت الكاب والافك رباط البوت. والانقاذ في رحلتها التي طالت اورتث ذلك الوطن ملامح ومظاهر اشياء مزمنة هذا ما سناتي اليه
Post: #48 Title: Re: التسوي كريت الانقاذ في شعبها تلقي في لاهاي....!!!! Author: محمد مكى محمد Date: 07-12-2008, 12:38 PM Parent: #1
Quote: دايرين حراسة فيها عدس ملاننننننننن حجار
سلام يا كيكى فى السودان الكيلو بقى ب 8 الف.. ملحوظه:- عندنا العدس فى ايرلندا ما يعادل5 الف تقريبا..ونضيف تكبوا فى الحله بدون غسيل .
Post: #49 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 03:17 PM Parent: #48
Quote: عندنا العدس فى ايرلندا ما يعادل5 الف تقريبا..ونضيف تكبوا فى الحله بدون غسيل
هلا يا محمد وده الكلام المجننا ذاااتو العدس النضيف بتاع الخواجات ده.. عشان كده قلنا عاوزين عدس بمواصفات سودانية مية. عدس غالي عدس حجارو اكثر من عدسو عدس مسوس والا ساكون في الصفوف الامامية ضد الامبريالية الاوكومبية الجديدة
والف سلام وتحية يا محمد وكل الود
Post: #50 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 04:53 PM Parent: #49
1-من عمايل وفعايل ال20 سنة ونيف حول ابو دقن الارض السودانية الي دار حرب الي شبه صومال شبه عراق- شبه لبنان مليشات مسلحة وجاهزة موية لاي كعة في دارفور وفي الخرطوم وفي الشرق وفي الجنوب.... والكل لابد للاخر في انتظار فرصة النيل منه وضربه غرائب الابل.... افتقد المواطن الامن وممكن تصحي الصباح تلقي لاندكروز ملان ناس واقف فوق راسك.. او تلقي قوات حكومية تمارس (التمتيش) وهو التفتيش بلغة بوليس التهريب في كايا الحدودية... ونعود
Post: #51 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 07:32 PM Parent: #50
2-الامن الاقليمي وهنا ابودقن تفنن وتجنن في غلغلة السادة الجيران.. معارضة تشادية تتلقي تعليماتها من راس الامن الابو دقني معارضة ارتريية تجوب شوارع كسلا وزقاقات الخرطوم .... وكل يوم يومين تجريدة كامل عتادها (من جيب الشعب الفضل) في طريقها الي انجيمنا تمارس القبقبة للديكتاتور التاني الاسمو دبي صديق ابو دقن القديم.. الحبشة برضو قبقبة ومساككة في شوارع الديم وغلغلة كل الحدود جيش الرب وجد له في ابودقن ربا.. كينيا في غضب الله افريقيا الوسطي برضو تفرفر تاخد في راسها.. ابودقن جهجة ليك منطقة (سيكافا) دي جهجهة شديد وشغال لفت رايت موامرات ضد حكومات وايواء معارضة وتدبير اغتيالات لروساء ودقي يا مزيكا ابو دقنية وحدثينا عن اشواق الجنة..
ونعود
Post: #52 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 09:18 PM Parent: #51
3- البنية التحتية والخدمات.. ومن اكثر الاشياء التي يتبجح بهاابودقن في انجازات فترته العجيبة تلك.. هي الاتصالات التي رقدت هبطرش.. والتبحجج بان كل شخص يمكنه الوصول وبسرعة الي هاتف جوال عبر شبكة مغطية كل السودان لاغبار يا ابو دقن.. ولكن الملاحظ وبعمق للجوالات الحايمة في كل اركان وكراكير السودان عليه تامل حاملها.. حفتان وجعان حق الصعوط ماعندك وشايل ليك موبايل ابو كميرا.. عشان تتكلم مع منو؟ مع زول يجيب اكل ولا لبس ولاياجر ليك رقشة.. ثورة الاتصالات التي نشرت لغة التسول (كرنة) (ومس كول) زرعت واقع جديد ولغة غريبة لشعب بلاموراد ذاتية فرضت عليه ثورة اتصالات دون دراسة لمشاكله الحقيقية وانتشرت وسط العامة (مسكل لي) وعمت الاغاني في القري والحضر.. .. وكل الو ترفع يذهب ريعها الي جيوب شركات الهاتف التي هي شركات ابودقن شعب يتمصر عبر اضانه عبر راسه عبر كل اجزائه..
Post: #53 Title: Re: التسوي كريت الانقاذ في شعبها تلقي في لاهاي....!!!! Author: khaleel Date: 07-12-2008, 09:55 PM Parent: #52
صديقي كيكي
هذا ترف قانوني من اوكامبو دها
object width="425" height="344">
Post: #54 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 10:35 PM Parent: #53
Quote: هذا ترف قانوني من اوكامبو دها
وبا خليل ما اوردته من حديث للبشير فهو نموذج حي للخطاب الركيك المتوتر وياخليل يا جبان...الحقيقة في الميدان كدي يا خليل اقراء البوست ده من البداية بعيدا عن الاكومبات وتعال تاني برواقة
Post: #55 Title: Re: التسوي كريت الانقاذ في شعبها تلقي في لاهاي....!!!! Author: khaleel Date: 07-12-2008, 10:38 PM Parent: #54
ياخوي ما بقرا المنبر رجع وانا مبسوط وناكر اهلي
اوكامبو خليهو ياكل طماطم ويجري عكس الهواء
Post: #56 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-12-2008, 10:42 PM Parent: #55
Quote: ياخوي ما بقرا المنبر رجع وانا مبسوط وناكر اهلي
اوكامبو خليهو ياكل طماطم ويجري عكس الهواء
هلا ابو خليل وقشة ما تعتر ليك يا صديق وانشاء الله زولك البشير ده يركب ليك (سنكيت)
Post: #57 Title: Re: التسوي كريت الانقاذ في شعبها تلقي في لاهاي....!!!! Author: khaleel Date: 07-12-2008, 10:46 PM Parent: #56
Quote: هلا ابو خليل وقشة ما تعتر ليك يا صديق وانشاء الله زولك البشير ده يركب ليك (سنكيت)
سنكيت يعني ابقي جمل يا كيكي
النبي فوقنا من الجمل
Post: #58 Title: Re: التسوي كريت الانقاذ في شعبها تلقي في لاهاي....!!!! Author: kamalabas Date: 07-12-2008, 11:55 PM Parent: #1
وكنت قد كتبت في أعلاه .....
Quote: وسوف تظهر حقيقة من آثرو التخفي والبيات الشتوي في مثل منبرنا هذا في زمنامضي عملا بمبدأ التقية...وياما تدثر البعض تحت دثار الاستقلالية والغيرة علي الوطن والدين بينما الدواخل- ومايطفح -كان يشئ بحقيقة الولاء الكيزاني ... سوف ينسكب دمع "الخوف "علي الوطن وعلي شعبه مدرارا من عيون التماسيح التي لا يهمها سوي تكريس سلطة طغمة الجبهة!!!!
Post: #59 Title: Re: التسوي كريت الانقاذ في شعبها تلقي في لاهاي....!!!! Author: khaleel Date: 07-13-2008, 00:34 AM Parent: #58
يا زول اوعي تكون قاصدني
انا بتكلم كجعلي وليس انقاذي
Post: #60 Title: Re: التسوي كريت الانقاذ في شعبها تلقي في لاهاي....!!!! Author: kamalabas Date: 07-13-2008, 00:57 AM Parent: #1
لا ياخليل:
Quote: يا زول اوعي تكون قاصدني
انا بتكلم كجعلي وليس انقاذي
الكلام دا مكتوب في أعلي الصفحة قبل أن تدخل أنت بوست عبد الكريم دا وبعدين أيه حكاية وجعلي وشائقي دي.... !!!! السياسي أو أي شخص يحاكم ويقيم علي أساس مواقفه وممارساته لا أساس أنتمائيه الجهوي و القبلي!!!! فعمر البشير مثلا كاذب ومنافق وقاتل وحانث للقسم ومفرط في تراب بلده فهل ياتري ستعطيه جعوليته أمتيازا وحصانة ضد القانون والمحاسبة في بلده مثلا??? أنا مثلا شائقي ولكني أقف في طليعة من يتصدي ويدين ممارسات قوش والجاز وعلي عثمان ولا أحس بأدني درجة من التعاطف مع هولاء بل أعتقد أن هولاء أساءوا لقبيلة الشائقية المسالمة والمتعائشة مع غيرها وهم من شاركوا في جريمة أغتيال شهداء ضباط رمضان من أبناء الشائقية وغيرهم وقد وضع الرسول حدا للعواطف الفجة هذه حيث قرر : لو سرقت فاطمة بنت محمد لقطع محمد يدها ولم يسبغ عليها حصانة أبوية ضد العقوبة!!
حاشية: وبعدين من قال لك أن البشير جعلي? كمال
Post: #61 Title: Re: التسوي كريت الانقاذ في شعبها تلقي في لاهاي....!!!! Author: khaleel Date: 07-13-2008, 11:12 AM Parent: #60
Quote: حاشية: وبعدين من قال لك أن البشير جعلي?
طيب حوش بانقا دي في وراب
Post: #62 Title: Re: التسوي كريت الانقاذ في شعبها تلقي في لاهاي....!!!! Author: kamalabas Date: 07-13-2008, 12:26 PM Parent: #1
شكرا ياخليل
Quote: طيب حوش بانقا دي في وراب
بس ليه ترك متن الموضوع وعصبه وقفزت لترد علي الحاشية? عمر البشير بديري يسكن أهله منطقة حوش بانقا ومع هذا هب أنه جعلي قلبا وقالبا فماذا يعني هذا? قد أفترضنا أنه جعلي وفندنا هذه النقطة في عمق المداخلة الاخيرة......
Post: #63 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-13-2008, 01:36 PM Parent: #62
هلا ابو كمال وخليل ويا كمال خليل في هذا الخيط ذهب الي الامر برؤية مبتورة شديد وكلامك كلو في التنك وسليم وتجدني اتفق معاك في كل تفاصيله.. واضيف حتي ولو فرضنا ياخليل بان عمر البشير جعلي فمن هو الاجدر بالمناصرة يا خليل الجعلي الذي عذب وقتل في بيوت اشباح البشير او عمر البشير لانه يمتلك السلطة والصولجان...!! والامر ياخليل كما ذكر ابوكمال عمرو ماكان قبيلة ولا فخذ قبيلة فالجعليين ايضا الكثير منهم واقعون تحت سياط الظلم والقهر اسوة ببعض اهل السودان.. فمزيد من تعميق شويل الروية يا ابو خليل لن يضر للعدالة وحقوق الاخريين شي وسنعود
Post: #64 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-13-2008, 05:09 PM Parent: #63
الخدمات-الكهرباء.. الجمرة الخبيثة تقليعة ابو دقنية جديد وحزر وفزر وجعل من كل الاسرة تشرئب اعناقها 24 ساعة في اتجاه العداد.. ويا يمة الجمرة اتلحست...تونة تتردد كثيرا في كل البيوت السودانية التي يراقب كل افرادها حركة الجمرة الخبيثة الشفطية... بلد ديشليون خزان وخزان سنار - الروصيرص وغيرهما.. لكن اهله عليهم الوقوف طويلا امام صفوف شراء الكهرباء... ابودقن باع الكهرباء؟؟ اين قروش الكهرباء دي يا ابو دقن؟؟ بلد مثل السودان وبموارده المائية العديدة لو وجد الارادة والسلطة التي لا تهتم الابمواطنيها لصدرت الكهرباء هذه معلبة او فرش للدول في كل هذا العالم.. ولكن ابودقن اراد لهذا القطاع ان يكون كسيحا حتي ياكل البعوض الغلابة وتظلم القري والفيافي وتشفط الجمرة الخبيثة الجيوب بالتامر مع الموبايل وشفط دقني من كل الزوايا والاركان ونعود..
Post: #65 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-13-2008, 05:43 PM Parent: #64
Post: #66 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-13-2008, 08:03 PM Parent: #65
خدمات- طرق وسكك حديد..!! هنا ابو دقن اولا وقبل شي تفنن في اللبع والكبع.وارتبطت مشاريع طرق كبيرة بقضايا فساد وخمش للمال العام ومال سكر المواطن وحتي الان لايزال البلاغ مسجل ضد مجهول.. طريق الانقاذ الغربي في غضب الله.. شريان الشمال تحول من مشروع طريق الي مشروع عجيب ومدور منشار طرق شهيرة تناوبت في حصد ارواح الغلابة اسوة بالانتوف والكلاشنكوف والملاريا (طريق الخرطوم مدني ) لايزال عرضه 3متر و80سم واقل دقسة من النيسان بودي الجميع الي جنات النعيم.. شركات نصبت خيامها علي قارعة الطرق تمارس القبقبة لكل (ابنص) متحاوم في الزلط السوداني شارع بورتسودان الشهير تكاملت قوات الشرق في قطعه مع الهبباي التي تغطي كل الطريق.. بلد تتكلم في تلفون ..ابودقن جب توصل كهرباء ..ابودقن حاضر تمشي في طريق..ابودقن جاهز للقبقبة وحت الجيب علي الماشي و علي السائق..
طرق تشيد اليوم لتحرت غدا بمواد ضاربة وموصفات هندسية ضاربة وعقودات دقنية ضاربة
ونعود
Post: #67 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-13-2008, 09:36 PM Parent: #66
سكك حديد السودان ارث كتشنر واقوي سكك حديد في القارة الافريقية هكذا قيل لنا.. تقاطع وخصام تاريخي مع الطغاة .نميري مارس فيها البعزقة واتي ابودقن بمعول هدمه وقضي علي الفلنكة التي تبقت ونخرها السوس وتحولت الخطوط الي مواد خام الي مباني الذين كان علي الحكومة ان توفر لهم هذا القطار وتوفر البيت... ولكن نعق البوم علي كل الخطوط التاريخية وما تبقي بيع الي ابو دقن واصدقاء ابودقن وابناء ابودقن كقطارات ملاكي تسبح بعيدا عن حمد الميري... خط واو ذلك الخط الملهم الذي يشاهد المسافر علي ظهره مناظر ليس الا في اروبا تحول الي خط (عصي) علي الدولة تسيره الا بواسطة راجمات وامرة الامم المتحدة... الدمازين وقطارات الشرق الشهيرة ..وكل هذا الارث وهذه البنيات الجاهزة موية ونور وصنفور تحولت الي رماد راكن...وعطبرة نعق البوم في ورشاتها ...
البشير بكون عايز شنو غير التماك في الزنزانة يا ربي؟
مخدات و كدا؟
سلامات عبد الكريم
يجب ان نفكر فيما بعد نظام الظلام الهالك لا شك.
و ماذا نحن فاعلون؟
Post: #69 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-13-2008, 09:53 PM Parent: #68
Quote: يجب ان نفكر فيما بعد نظام الظلام الهالك لا شك.
هلا يا ثروت وحبابك والله في مدارات كريت.. ويا ثروت لو شاورني في قصة حاجات الحراسة دي لو ثبت بان البشير يتعاطي التمباك فانني ساوصي بعدم جلب (تمباك) له كلو كلو لانه حرم عبر المنافي والسجون ملايين من الروؤس السودانية من العماري الجيد الاصلي وارد دارفور...فاصبح الجميع يتعاطي التمباك الردي والغير وطني...!! عشان كده خليهو كده خلي يعرف الخرمة التاريخية دي طعمها كيف..!!
واما بالنسبة الي البديل فده يا ثورت هو المحك والتحدي التاريخي لكل القوي المحبة للديمقراطية لكي تفعل خطابها واحساسها العالي بقضايا شعبها المسكين ده وتقفز فوق خلافاتها الانية وتعي جيدا حجم الازمة وتعمل علي صناعة واقع ديمقراطي عبر تفيعل نقاط الحد الادني بينها.. والا القصة حكتون بايظة وسيذهب ديكاتور وسياتي اخر.. والقفاز والتحدي هو المحك التاريخي لهذه القوي التي يرقد في خطابها كلام كثير عن الديمقراطية - وحقوق الانسان وصناعة الدولة التي تسع الجميع..
Post: #70 Title: Re: التسوي كريت الانقاذ في شعبها تلقي في لاهاي....!!!! Author: amir jabir Date: 07-13-2008, 10:51 PM Parent: #69
Post: #71 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-14-2008, 01:18 PM Parent: #70
نعم ياعامر نحن قبيل شن قلنا قلنا الطير بياكلنا طيرنا عساكر بيض وفقس فوق الدقن الدنسو مكدس كيف معتوه بيحكمنا كيف مهووس يحكمنا
Post: #72 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-15-2008, 09:06 AM Parent: #71
الي حين عودة للنظر في حال البلد الفوانيسو البوقدن ماتن..!! والتامل في مدارات حال ابودقن كونه مطلوبا من العدالة الدولية
Post: #73 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-20-2008, 01:51 PM Parent: #72
up
Post: #74 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-22-2008, 08:59 PM Parent: #73
نعود الي مدارات كريت الذي جنت علي نفسها برافش..!! وقد قد شيدنا هذا البوست قبل القرارات الاوكاموبية الافتاء بان البشير وصحبة ضروري في التمرين..!! وتلاحظ بان ابودقن في بدايات تعامله مع هذه الازمة قد استدعي مخزونه الاستراتيجي من فنون الحشد والهتاف وظن بان الامر هذه المرة يمكن تجاوزه بالالتفاف حوله.. ولكن هذه المرة القصة (غير) كما يردد اهل الخليج فالخواجة جون اوكامبو عارف شغلو كويس والموضوع بحسابات دقيقية ومافي افتراء علي زول من طرف ساكت وشعاره (كل شي في محلو)... المحكمة ان افتت بان الموضوع والتهمة راكبة زولنا ركوب الجن سيدخل مجلس الامن الدولي الي الملعب ثم امريكا ستاتي باجندتها وكجينتها التاريخية لابودقن والقصة حتتحول الي حجر ابن ضلاف..!!
Post: #75 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 07-26-2008, 09:55 AM Parent: #74
من الاشياء الجديرة بالملاحظة في هذه الهيلمانة الاوكماوبية التي طلت كعاصفة هبباي كشفت الكثير من الاشياء التي يمكن ان تضاف في سجل كريت.. ملاحظة قانونية... فالقوانين السودانية كلها ومنذ الاستقلال خاليا تماما من قوانين يمكن ان تحاكم جرائم دارفور.. وهذا امر يدعو للتامل في الكثير من جزئياته...!! فالقانون يوضح للشعوب من وروحها وبدرجة كافية لردع كل الجرائم التي تقع.. ولكن في هذا الزمن العجيب الذي صارت فيه كل الاشياء غريبة.. صارت حتي مستوي الجرائم ونوعيتها عصية علي كل القنوات السياسية والقانونية في حلها لذا نجد الطريق الي حلول الجامعة العربية يبداء من صناعة قانون خاص لهذه الازمة.. عجبي..
Post: #76 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 08-13-2008, 07:55 PM Parent: #75
شنو ياجماعة اخبار كريت دي مع عمنا اوكمابو اوع يكون الناس ديل هربوا من الرقابة الاوكماوبوية وما ماشين اولمبياد لاهاي
Post: #77 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 08-30-2008, 05:59 PM Parent: #1
فوووق
Post: #78 Title: Re: التسوي كريت الانقاذ في شعبها تلقي في لاهاي....!!!! Author: عبدالكريم الامين احمد Date: 09-20-2008, 05:19 PM Parent: #1
الي لاهاي ايها القتلة
Post: #79 Title: Re: التسوي كريت الانقاذ في شعبها تلقي في لاهاي....!!!! Author: sumah Date: 09-21-2008, 07:25 AM Parent: #1
