Post: #1
Title: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاهرة.!
Author: عبدالكريم الامين احمد
Date: 08-13-2008, 05:12 PM
Parent: #0
خليل تمساح...ابو بالاحري تمساح بومبي وفي مقولة اخري ابو التوت وهو خليل حسين عبدالكريم الشهير بخليل تمساح حزب امة علي السكين
وفتي من ايام الهند في زمنها الجميل حيث ايامات بومبي وبونا ومدراس واعتقد ايضا بان تمساح في تمدده قل وصل حتي ربوع (جلكودي)
وبعض نواحي حيدر اباد..
متابع تاريخي لهذا المنبر ولديه رغبة وحماس كبير في الالتحاق به والمشاركة مع الجميع في هذا الوطن الجميل....
كبر علي الحسين صديق الزمن الجميل والمقيم في ولاية داكوتا الشمالية حيث البرد التاريخي وجد في صفحات منبرنا هذا مدفي وحنين حميم يجمعه بالاصدقاء وزملاء الدراسة والزمن الجميل الذين تشتت بهم السبل فس زمن الشتات والمنافي البعيدة...شاعر مجيد ومثقف طليعي وتراثي
عميق واكاديمي لايشق له غبار يرسل عبرنا اشواقه الكبير ورغبته الجامحة في الالتحاق بهذا الصرح الراقي سودانيز اونلاين
|
Post: #2
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-13-2008, 05:22 PM
Parent: #1
مساحات المناشدة بتمساح ولولا مساحة بكري الضيقة لتشيد عنوان
لشملت اهل دينقا وربوعها البعيدة حتي تخوم ابيي وذهبت عميقا الي اهل مدينة ودمدني التي صال ابو التوت في كل زواياها وكراكيرها
ولذهبت بالحديث الي اهل المناقل وربوعها الجميلة..
مطلب جماهيري ورغبة ملحة من جهات عديدة تطالب بحضور ابو التوت ذلك الشرس المرح المنضبط
|
Post: #3
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: كمال سالم
Date: 08-13-2008, 05:30 PM
Parent: #1
كيكى ,, العنوان ده كتبوا ليك محمد عادل ؟؟
عنوان مشاتر لكن فهمناهو ,, وما أعتقد إنو بكرى حيخزلنا فى قبول
خليل ( تمساح ) عضو بيننا ,,
هو بكرى ده لو رفع رجلو وجانا هنا فى الدوحه ( إنشاء الله غشوه ) وشاف
الناس الجميلين ديل ,, ما أظنو تانى بيتأخر لينا فى طلب .
بـس هو كيف يجى ؟؟
|
Post: #4
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-13-2008, 06:40 PM
Parent: #3
Quote: هو بكرى ده لو رفع رجلو وجانا هنا فى الدوحه ( إنشاء الله غشوه ) وشاف
الناس الجميلين ديل ,, ما أظنو تانى بيتأخر لينا فى طلب .
بـس هو كيف يجى ؟؟ |
يا ريت يا ابو كمال بكري ده يرفع لينا رجلو ياخي...
وتمساح مطلب جماهيري فوري..
وكذلك صديقنا كبر علي الحسين
محمد عادل قلنا نتحالف معاهو شوية في اطار تقارب مبارك الفاضل مع قوي السودان الجديد
لذا انا اليومين دي مركب مكنة محمد عادل
|
Post: #5
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ابو مهند
Date: 08-13-2008, 08:21 PM
Parent: #1
يا بكري والله ناس الهند ديل فيهم ناس جميلين ومبدعيين
اضم صوتي الي عبدالكريم الامين احمد
واقول ليك الناس دي في الصف من زمن و حسها انقرش
خليل تمساح(الدوحه)
ابوبكر الصديق علي(مسقط)
عبدالحفيظ احمد عبدالله(دبي)
|
Post: #6
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-13-2008, 08:27 PM
Parent: #5
Quote: خليل تمساح(الدوحه)
ابوبكر الصديق علي(مسقط)
عبدالحفيظ احمد عبدالله(دبي) |
هلا ابو مهند
ونضم صوتنا ايضا الي صوتك لحضور هذا الكوكبة من ابناء الهند الرائعين
ونحفظ لهم هنا بوستهم الرائع الذي كان يزين هذا المنبر بصفحاته العديدة وقرائه الزي المطر
وكل الود
|
Post: #7
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: aosman
Date: 08-13-2008, 08:59 PM
Parent: #1
الأخ عبدالكريم
أناشد الأخ بكري بضم الأخوة الكرام, وخاصة أنني أعرف كبر علي الحسين منذ زمن طويل حيث تتلمذ على يدي بمدرسة زالنجي الثانوية, وله مني تحايا عطرة.
|
Post: #8
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-13-2008, 09:04 PM
Parent: #7
| Quote: أناشد الأخ بكري بضم الأخوة الكرام, وخاصة أنني أعرف كبر علي الحسين منذ زمن طويل حيث تتلمذ على يدي بمدرسة زالنجي الثانوية, وله مني تحايا عطرة |
هلا ياعثمان وشكرا علي الحضور
وكبر دفعة سنين وصديق زمن جميل وهو دارفوري عتيق وكان من زينة ابناء دارفور في جامعة الخرطوم
وبالله صحبي ده درس في زالنجي
نتمني ان ياتي الينا هنا حتي يحكي لنا عن ايامه تلك التي بالتاكيد بتكون ايام رائعة
|
Post: #9
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: بدر الدين الأمير
Date: 08-14-2008, 07:55 AM
Parent: #8
كلامك صاح ياكمال وكيكى الحاقد قاصدها
هو عارف ود خالتو صديقى الرجعى تمساح
لو دخل المنبر حا يبلع كيكى ومعه الرجعى
محمد عبدالرحمن يابكرى جيب لينا تمساح
وفنش كيكي
|
Post: #10
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: elsharief
Date: 08-14-2008, 08:08 AM
Parent: #9
خليل تمساح,مميز لخريجى الهند ذو المواهب المتعددة,فهو سياسي مصادم لنظام الانقاذ له دور طليعى فى العمل السياسي والنقابى بشبه القاره الهندية,ابدع فى مجال المسرح والمجال الرياضى بحكم علاقاته الاجتماعية الواسعة محبوب لجميع طلاب الهند ,اتذكر جيدا قيادته للهتافات فى قاعة نهرو هول ضد رموز النظام.
مكسب لبكرى ومنبره بانضمام خليل تمساح وشكرا للاخ عبدالكريم
|
Post: #17
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:05 PM
Parent: #10
| Quote: اتذكر جيدا قيادته للهتافات فى قاعة نهرو هول ضد رموز النظام |
.
هلايا الشريف وشكرا علي الدعم والمساندة في امر تمساح
وتمساح زول راس هوس كبير وبتاع شبك تاريخي
ونتمي حضوره حتي تسعدوا بتناول ذكرياتكم القديمة في ربوع الهند
|
Post: #16
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:00 PM
Parent: #9
لييه يا بدر قايلني موظفك السابق معتز قريش
يوم ورا التاني مفنش
|
Post: #11
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: كمال حسن
Date: 08-14-2008, 08:43 AM
Parent: #1
أضم صوتي بشده للجميع
خليل حسين عبد الكريم (تماسيحو) الصديق العزيز والمبدع الجميل نتمنى أن يسمح له العزيز بكري بالإنضمام للمنبر وبالتالي رفده بدماء جديده
كمال حسن علي
(بومباي سابقا)
|
Post: #12
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبده عبدا لحميد جاد الله
Date: 08-14-2008, 09:08 AM
Parent: #11
العزيز عبدالكريم
تحية طيبة
والتحية عبرك للأخ كبر علي الحسين
ياخي اتعرفت عليه في البركس بواسطة صديقنا احمد اسماعيل كباشي
والأخير سافر الى بولندا للدراسة عام 88 وانقطعت اخباره عنى نتمنى
ان يكون بطرف الأخ كبر معلومة توصلنا للأخ احمد اسماعيل والتحية له اينما كان
يا بكري بالله نور لينا المنبر بالأخوة كبر وخليل
تحياتي يا كيكي
|
Post: #20
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:33 PM
Parent: #12
| Quote: ياخي اتعرفت عليه في البركس بواسطة صديقنا احمد اسماعيل كباشي |
هلا يا عبده
وتحياتي واشواقي الي الاخ احمد كباشي
وكبر كان من اساطين البركس وسادته لمدة طالت
لذا فهو يحفظ الكثير من زكرياته وايامه الرائعة
والف شكر علي الدعم
|
Post: #19
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:22 PM
Parent: #11
Quote: أضم صوتي بشده للجميع
خليل حسين عبد الكريم (تماسيحو) الصديق العزيز والمبدع الجميل نتمنى أن يسمح له العزيز بكري بالإنضمام للمنبر وبالتالي رفده بدماء جديده |
هلا ابوكمال
وحباب ناس بومبي الرائعين فلقد سعدنا بصحبة العديدن منهم
طارق ومدينغ والعديدين عبر تمساح الذي يومي قاعد يفاجني باسم جديد
فتماسيحو دي جديدة لنج
|
Post: #13
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: هضيبي علي سعيد
Date: 08-15-2008, 07:27 PM
Parent: #1
تحياتي أخي عبد الكريم
تأمل أن نجد الأخ الزميل الرائع خليل بيننا......
له منا التحايا و خالص الود........... و لجميع الرفاق ... ناس بومبي و الهند
|
Post: #14
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: حيدر حسن ميرغني
Date: 08-15-2008, 07:42 PM
Parent: #13
كيكي
مع إنو صاحبك خليل مال جنجال ما مريحنا
أثني لطلب عضوية لخليل تمساح الهندي
يابكري كتر الأخلة
|
Post: #23
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:51 PM
Parent: #14
| Quote: أثني لطلب عضوية لخليل تمساح الهندي |
هلا ياحيدر
وحالتو خليل جنجال بتاعتنا ده احسن شوية من خليل الهندي
ياخي ده لو جاء حنشيل عفشنا وباصوريدنا ونكسح..
ولكن نسوي شنو دي الله ودي حكمتو
تطلع من خليل جنجال تقع في خليل تمساح تقع في خليل لاندكروزات..
غايتو جنس خليل غايتو
|
Post: #22
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:47 PM
Parent: #13
هلا يا هضيبي وحباب ناس بومبي
اي برو تمساح بوووت واجد قرقر
ونتمني ان نراه بيننا سريعا حتي نري امره في تلكم البلاد الذي مكث فيها عقد من الزمان
وكل الود
|
Post: #15
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: kamalabas
Date: 08-15-2008, 07:53 PM
Parent: #1
أضم صوتي لخريجي الهند وكيكي وأطالب بضم الاخ تمساح بالرغم من أني- فيما
يبدو- لم أعاصره
|
Post: #18
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: محمد خليل ساني
Date: 08-15-2008, 08:20 PM
Parent: #15
Quote: خليل تمساح...ابو بالاحري تمساح بومبي وفي مقولة اخري ابو التوت وهو خليل حسين عبدالكريم الشهير بخليل تمساح حزب امة علي السكين
وفتي من ايام الهند في زمنها الجميل حيث ايامات بومبي وبونا ومدراس واعتقد ايضا بان تمساح في تمدده قل وصل حتي ربوع (جلكودي)
وبعض نواحي حيدر اباد..
متابع تاريخي لهذا المنبر ولديه رغبة وحماس كبير في الالتحاق به والمشاركة مع الجميع في هذا الوطن الجميل....
كبر علي الحسين صديق الزمن الجميل والمقيم في ولاية داكوتا الشمالية حيث البرد التاريخي وجد في صفحات منبرنا هذا مدفي وحنين حميم يجمعه بالاصدقاء وزملاء الدراسة والزمن الجميل الذين تشتت بهم السبل فس زمن الشتات والمنافي البعيدة...شاعر مجيد ومثقف طليعي وتراثي
عميق واكاديمي لايشق له غبار يرسل عبرنا اشواقه الكبير ورغبته الجامحة في الالتحاق بهذا الصرح الراقي سودانيز اونلاين |
يا بكرى يا سيد الحوش الكبير
نضم صوتنا وبشده لإنضمام هذين النجمين
كل فى مجاله يسير ويبدو أن لهم من المعجبين ما يفوق شعبية مهند التركي
عليك الله يا بكرى ما تخذل ناس الدوحه ديل فى مطلبهم وخاصة كيكي الأمريكي
غايتو الواحد يا كيكي بقى يتلخبط بين عبدالكريم أحمد الأمين ،،، وعبدالكريم الأمين أحمد
ذكرتني بالجد ،،، نكته أهلي الحلفاويين لمن جاهم البشير زائر فى حلفا الجديده ،،،
غايتو ح أضحك عليها برااااااااي
|
Post: #21
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: حيدر حسن ميرغني
Date: 08-15-2008, 08:42 PM
Parent: #18
كما أثني طلب عضوية للاخ كبر علي الحسين
ومرحبا باولادنا الهنود
|
Post: #25
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عصام الجيلي
Date: 08-15-2008, 08:59 PM
Parent: #21
| Quote: ولذهبت بالحديث الي اهل المناقل وربوعها الجميلة.. |
من غير مناداة ياكيكي
طالما إنو الجماععة ديل من طرفك ...
نبصم بالعشرة لوجودهم في حوش بكري ...
ويابكري كلو ولا زعل كيكي ..
|
Post: #30
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 09:12 PM
Parent: #25
Quote: من غير مناداة ياكيكي
طالما إنو الجماععة ديل من طرفك ...
نبصم بالعشرة لوجودهم في حوش بكري ...
ويابكري كلو ولا زعل كيكي |
هلا يا عصام وحباب ناس المناقل تلكم المدينة الوديعة الطيب اهلها
وقضينا في ربوعها اجمل واحلي الايام..
واي بالله بكري ده حقو يتصلح معانا ويدي الناس ديل عضوية سريعة والا لاعلنا عليه حرب اسفيرية
ثانية
وكل الود والتحايا
|
Post: #28
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ودرملية
Date: 08-15-2008, 09:09 PM
Parent: #21
سلامات
وعوافي
ياكيكي ياخي خليل دا ما بيدوهو عضوية ولا بيحتاج لي تثنية ..
طوالي بكري يضرب ليهو ويقول ليهو الاتي :
"يا تمساح لسودانيز اونلاين عظيم الشرف في ان تكون واحدا من عناصره"..
ثم يتبع ..
"فهل توافق في ان تكون بيننا"
وبعد ذلك يواصل الحديث الي ان يقول :
"وحقك برة يا تمساح ...بندفع ليك راتب شهري" ..
فرايك شنو ؟..
وقبل تمساح ما يرد ..
بكري يقول ليهو اقعد فكر علي راحتك ودي باصويردك ودا راتب 6 شهور مقدم ..
بعداك نقعد نحن نحنسو لحدي ما يوافق ..
....
الف مليون مرحب بتمساح الجميل ..
|
Post: #33
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 09:23 PM
Parent: #28
| Quote: بكري يقول ليهو اقعد فكر علي راحتك ودي باصويردك ودا راتب 6 شهور مقدم |
مادام كده يا عبدالرحيم
موافقين موية ونور..
علي الاقل ابو التوت يقسم مع ود عمتو ده دولار دولارين من قروش ابوصلعة..
بكري ابو صلعة وتمساح ابو صلعة والدولار ذاااتو ابو صلعةوفي الحالتين انا الكسبان...
|
Post: #27
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 09:05 PM
Parent: #18
Quote: ذكرتني بالجد ،،، نكته أهلي الحلفاويين لمن جاهم البشير زائر فى حلفا الجديده ،،،
غايتو ح أضحك عليها برااااااااي |
هلا يا ساني وحبابك والله..
ومهند التركي هنا ما بياكل عيش مع ناس ابو التوت وكبر ديل
ياكلو ليك حننننك ساااكت
وفي انتظار نكتة اهلنا الحلفاويين التي بالتاكيد بكون فيها (سب دال) تقيل
دمت يا ساني وكل الود
|
Post: #24
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 08:55 PM
Parent: #15
Quote: أضم صوتي لخريجي الهند وكيكي وأطالب بضم الاخ تمساح بالرغم من أني- فيما
يبدو- لم أعاصره |
هلا يا ابوكمال وحبابك
تمساح غادر الاراضي السودانية ذات شتاء قارص في اواخر 89 عقب وصول الدقن التحت الكاب
والافك رباط البوت الي سدة الحكم...ومكث في الهند حتي 99
وكل التقدير والشكر علي الدعم والمساندة يا كمال
|
Post: #26
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: حيدر حسن ميرغني
Date: 08-15-2008, 09:05 PM
Parent: #24
تعرف ياكيكي لما كنت اعمل في سريلانكا بسافر كتير للهند
كنت ازور مدينة حيدر أباد الجميلة بصحبة صديقنا ود الهند على يس باكاب قبل زواجه بحيدر ابادية وإلتقيت بشلة حلوة من الشباب هناك
صدقني كلهم يستاهلوا العضوية هنا .. مثقفين وواعين وشرامة كمان
ياربت بكري يستوعب اكبر عدد منهم
|
Post: #31
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: محمد خليل ساني
Date: 08-15-2008, 09:17 PM
Parent: #26
Quote: وفي انتظار نكتة اهلنا الحلفاويين التي بالتاكيد بكون فيها (سب دال) تقيل
|
كيكي اللذيذ
الحكايه وما فيها ما تحته خط
بس حاجه ذكرتني ليها حكايه اسمك واسم عبدالكريم التاني
طبعا دي لخبطه شديده
كان فى احتفال فى حلفا الجديده والناس طالعة تدعو الجماهير لحضور الإحتفال وإستقبال البشير والدعوه كانت عبر المايكرفون فى عربه متحركة وكانت على النحو التالي ،،،
يدعوكم العقيد حسن عمر أحمد العوض محافظ نهر عطبرة باسم العميد العوض محمد الحسن والى الولاية الشرقية لحضور وإستقبال الفريق عمر حسن أحمد البشير رئيس الجمهورية عند محلية حلفا الجديده و..............
واحد من أهلنا سمع يدعوكم حسن عمر أحمد العوض و العوض محمد الحسن و عمر حسن أحمد البشير وقال على طول أيه الدعوه دى اللى زي سورة الكافرون ،،، مش جايييييييييين ,,,,
أكيد يا كيكي أنا ضحكت عليها برااااااي مش كده غايتو هاااااااك الضحكه دي
|
Post: #35
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 09:37 PM
Parent: #31
| Quote: واحد من أهلنا سمع يدعوكم حسن عمر أحمد العوض و العوض محمد الحسن و عمر حسن أحمد البشير وقال على طول أيه الدعوه دى اللى زي سورة الكافرون ،،، مش جايييييييييين ,,,, |
انا كنت متاكد القصة فيها دمغة حلفاوية يا ساني
|
Post: #32
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 09:18 PM
Parent: #26
Quote: تعرف ياكيكي لما كنت اعمل في سريلانكا بسافر كتير للهند
كنت ازور مدينة حيدر أباد الجميلة بصحبة صديقنا ود الهند على يس باكاب قبل زواجه بحيدر ابادية وإلتقيت بشلة حلوة من الشباب هناك
صدقني كلهم يستاهلوا العضوية هنا .. مثقفين وواعين وشرامة كمان
ياربت بكري يستوعب اكبر عدد منهم |
تعرف ياحيدر اولاد الهند ديل يحيروك في موهبتهم العالية وروحهم الجميلة
وتكاتفتهم الرهيب...ياخي ماشاء الله اكثر ناس بتلمو مع بعض وسريع جدا ومهتمين باخبار بعض بطريقة مدهشة
في الدوحة هنا عندهم مقهي بتلمو فيهو كل اسبوع ولهم رابطة ليها ضل..
ومرة مشيت مع ابو التوت ده لقيتهم بلعبوا لعبة كده بعرفوها براااه كده..
لا تعرف بلياردو لا ليدوا لاشنو ماتعرف المهم كلهم حرفاء فيها..
وتحياتي ليهم جميعا
|
Post: #29
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: Kostawi
Date: 08-15-2008, 09:11 PM
Parent: #24
تدفعوا كم?
يا بكري ما تدي أي زول باص ويرد و خاصة ناس نهي كرتا ديل.
الهند قال
دي بلد فيها بلايين بشرية و ما قادرين يطلعوا منها فريق لكرة القدم.
NO
read my lips
NO
|
Post: #34
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 09:32 PM
Parent: #29
| Quote: يا بكري ما تدي أي زول باص ويرد و خاصة ناس نهي كرتا ديل |
هلا يا كرم با
وناسي ديل يلحقو يعملوا كك يا كوستاوي
انت تشوف ليك منبر تاني تقبل عليهو...
ابو التوت ده ودخالي لزم وزول مسلح ومصفح
وكبر ده كمان خليهو ساااكت...
ومن حسع بالله صلح علاقاتك الكيكية عشان نعمل تشفع ليك شوية مع الدرز ديل
|
Post: #36
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ودرملية
Date: 08-15-2008, 10:04 PM
Parent: #34
سلامات
وعوافي
ويابكري خليل يبفكر في عرضك لسة التحانيس ما بدت..
كما فاتني ان اثني "كبر علي الحسين" ..
وطالما انو من طرف "الوهم كيكي" نبصم عليه بالعشرة ..
لكن يا كبر علي الحسين كيكي حيتعبك و يشبكك:
"موغل في الدهشة وتراثي متجلي الفهم والبصيرة" وبقية نظرياتو ..
عشان كدا اول ما تخش المنبر دا اعمل منو "نايم" ..
محبتي للجميع..
واتمني ان تكونوا بيننا في القريب العاجل
|
Post: #38
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 10:11 PM
Parent: #36
Quote: موغل في الدهشة وتراثي متجلي الفهم والبصيرة" وبقية نظرياتو ..
عشان كدا اول ما تخش المنبر دا اعمل منو "نايم |
هلا يارائد الاركلوجيا الاسفيرية السابق..
مالك علينا يا زول بالله خلينا نشيد حزام الدرع الاسفيري والتخندق
في معاركنا القادمة في مجالات النمط السياسي والثقافي ونستعد لها بتجهيز الدعم اللوجستي
من مفكرين قادمين بقوي الي هنا مثل خليل تمساح وكبر الحسين..
|
Post: #37
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ناذر محمد الخليفة
Date: 08-15-2008, 10:09 PM
Parent: #1
هلا هلا يا كيكي ...
قريبك تمساح أب صلعة بي زاتو وصفاتو ؟!!!
مرحب بيو كتير .. الراجل مليان تجارب وأسرار حركة نقابية لا من مدفق بي هناك ..
يلا يا بكري ..
|
Post: #39
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: عبدالكريم الامين احمد
Date: 08-15-2008, 10:18 PM
Parent: #37
Quote: قريبك تمساح أب صلعة بي زاتو وصفاتو ؟!!!
مرحب بيو كتير .. الراجل مليان تجارب وأسرار حركة نقابية لا من مدفق بي هناك ..
يلا يا بكري .. |
هلا يا ناذر
وايوووه تمساخ شخشيا سينزل الملاعب قريبا باذن الله..
وعندما ينزل ابو التوت الملعب علينا ان نتضاير ولو قليلا فهو رجل ملاعب ومدارات عديدة..
غايتو اسم تمساح ده جرجرنا معاهو فيهو..
الكثيرين من اولاد الهند هنا يلاقوا الواحد ويشبكوه
اوووو عبدالكريم تمساح
|
Post: #40
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: بكرى الخليفة الكتيابى
Date: 08-16-2008, 00:53 AM
Parent: #39
Quote: من غير مناداة ياكيكي
طالما إنو الجماععة ديل من طرفك ...
نبصم بالعشرة لوجودهم في حوش بكري ...
ويابكري كلو ولا زعل كيكي .. |
|
Post: #41
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ودالعباسية
Date: 08-16-2008, 02:07 AM
Parent: #40
ابو التوووووووووووووت ،،
لا حولا ،،
غايتو بحكم العشره نطالب بكري بضم هذا الرجل ،،
وعوضنا الله ،،
|
Post: #42
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ضحيه ابراهيم
Date: 08-16-2008, 06:23 AM
Parent: #41
ياسلااااااااام ياكيكى
الخطوه دى من زماااااااااااااان كان مفروض تجى منك لكنك بعد ماسجلت كل اصحابك الجلابه يادوووووب افتكرت ود خالك المن الهامش انا لو فى مكان تمساح ما اقبلها منك لانك بقيت بتاع اوزون وجلابه ومركز؟؟؟؟؟؟؟
لكن فى حضرة ابو التوت ترفع القبعات انحناءا واجلالا لهذا الرجل المدهش والسياسى المحنك والاجتماعى الفريد نرجو من الاخ بكرى بالاسراع لكسب هذا الرجل المكسب
|
Post: #43
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: الصادق خليفة
Date: 08-16-2008, 07:32 AM
Parent: #42
خليل تمساح مكسب للمنبر
يا بكري الزول دا ما تفرظ فيه
|
Post: #44
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: محمد عبدالرحمن
Date: 08-16-2008, 12:54 PM
كيكى ...
ياخوى تمساح (لازمو) بوست لوحده ..(صحبة راكب)
دى مابتتناسب معانا ..اتصلح معانا ياخ ..
عموما مرحب بالاثنين ..كبر على حسين وخليل تمساح ..
اضافة ثرة وقوية لهذا المنبر ...
|
Post: #45
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: suliman ibrahim
Date: 08-16-2008, 07:36 PM
Parent: #1
سوف تأخذ القطار او الحافلات كلها تقطع المسافة فى اربع ساعات تقطع خلالها
مرتفعات وهضاب الدكن الشهيرة يمر الطريق بجبال كستها الطبيعة اجمل ماعندها
تتوقف قليلا عند لونافلا ترتشف قهوتك او كوب الشاي وتدخن ان كنت مدخن
تبتلعك هذه المدينة في جوفها رويدا رويدا الى ان تصل الي محطة( ددر) ان اخذت
الحافلات او محطة بومي الوسطة تستقل المترو لتصل الى نهاية الخط عند محطة
(الجارج قيت) والنارمان بوينت حي المال والاعمال (مانهاتن الهندية) راجلا
سوف تتتجه نحو السي رود وامواج البحر وهواه هذا مبني الطلاب الاجانب
ومسكنهم (I S H) يقابلك خليل بصوتة المجلجل وضحكتة الرحيبة تقع عينه
في عينك يصرخ في وجهك (الله اكبر ولله الحمد)ثم يقول(عندك كلام ) ايا ابو التوت
سلم اول ثم يقول (قريبك ده نايم) ثم يقاطعة امير دبلوك يا ابو التوت
شايفك بقيت تسمع مصطفي .......يهيج المكان ويفور بالنقابة والسياسة
والفن والثقافة ...ويعلق احد الظرفاء (قون حافظ كيف...قون حافظ ابراهيم)
يهيج تمساح ثم يقول (قومو لفوا ).........قول يازمان ارجع زي زمان...
كتبنا كثيرا لبكري بخصوص ابوبكر الصديق وها هو تمساح يحاول هنا ومن هنا
نناشد ابناء الهند لدفع هذه الترشيحات .....
الاخ عبد الكريم لك التحية وسلامي الخاص للاخ خليل تمساح وقول ليه (قون حافظ
كيف.....)
سليمان ابراهيم سليمان
|
Post: #46
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: مزمل التريكى
Date: 08-16-2008, 09:46 PM
Parent: #1
لم يسعدنا الزمن بلقاء تمساح
ولكن سمعنا الكثير عنه اثناء فترة دراستنا بالهند
أو ما زلنا نسمع
التقينا بعضهم وسمعنا بالبعض
ود الصافى ، محمد الخاتم، محمد عبدالقادر ،فيصل ، صالح الابيض ،
مقبول ، يس العربى ، خالد الوسيله ، وليد يس ، تبس ، عصام الدين درقه، اللوكال
الف مرحب تمساح وكل الرائعين من خريجى الهند
|
Post: #47
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: khaleel
Date: 08-16-2008, 10:40 PM
Parent: #46
كبر علي حسين
احسن زميل لعبت معاهو ويست
ياخي دها (بقص بالدو )
اما خليل تمساح دها سره باتع
كان جاء بضاير لينا ناس كتار هنا
|
Post: #48
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: ودرملية
Date: 08-17-2008, 01:37 AM
Parent: #47
سلامات
وعوافي
ياخلي
| Quote: كان جاء بضاير لينا ناس كتار هنا |
والله جبتها من الاخر ..
يجي واحد في نص الليل يجدع علي تمساح ويكون قاعدفي الواغ الواغ ويرقد ينوم يقوم
يصحا الصباح يلقا تمساح "عاضي ليهو شلوفتو" وواقف ليهو قدامو ..
هاهاهاهاهاها
والله صدقتا يا خليل ..
بكري تمساح لسة ما وافق قال عاوز افكر "والتحانيس يادوب بدت الليلة"
|
Post: #49
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: نيازي مصطفى
Date: 08-17-2008, 02:30 AM
Parent: #48
في انتظار ان يستجيب الاخ بكري
ويتم ضم الاخ الحبيب خليل تمساح قبل ما يرفض
فووووووووق الى ان يستجيب الاخ بكري
تقديري اخي عبد الكريم
|
Post: #50
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: Elwaleed M. Ahmed
Date: 08-17-2008, 03:55 AM
Parent: #49
مرحبا بالاخ باشمهندس كبر علي الحسين
|
Post: #51
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: حسين نوباتيا
Date: 08-17-2008, 08:04 PM
Parent: #50
مرحبا بااخونا ابو التماسيح "صاحب البصيرة النافذة"
حسين محمد BOMBAY WALLA
|
Post: #52
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: د.خالد اصيل احمد محمد
Date: 08-18-2008, 03:18 AM
Parent: #51
الحبيب خليل تمساح
رجل التحدى والمواقف الصعبة
Quote: خليل تمساح,مميز لخريجى الهند ذو المواهب المتعددة,فهو سياسي مصادم لنظام الانقاذ له دور طليعى فى العمل السياسي والنقابى بشبه القاره الهندية,ابدع فى مجال المسرح والمجال الرياضى بحكم علاقاته الاجتماعية الواسعة محبوب لجميع طلاب الهند ,اتذكر جيدا قيادته للهتافات فى قاعة نهرو هول ضد رموز النظام.
مكسب لبكرى ومنبره بانضمام خليل تمساح |
اضم صوتى لدعم نيله عضوية الحوش الكبير
اصيــل
|
Post: #53
Title: Re: يا ناس الهند والدوحة خليل تمساح ..وياناس هندسة ودارفور كبر علي الحسين....ويابكري سويتها ظاه
Author: بابكر التوم
Date: 08-18-2008, 04:52 AM
Parent: #52
كيكـــى
نثنى وبشدة
| Quote: لكن فى حضرة ابو التوت ترفع القبعات انحناءا واجلالا لهذا الرجل المدهش والسياسى المحنك والاجتماعى الفريد نرجو من الاخ بكرى بالاسراع لكسب هذا الرجل المكسب |
والاخ كبر
قصرنا
يلا ياباشمهندس ناس الدوحة ناس حنان بالحيل
|
|