Post: #1 Title: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:23 PM
بدون مقدمات وبسفرة كيف كيف وجده نفسه في بلادا طيرها عجمي وتمباكها مر خلاص وردئي التعطين ووجد ايضا قوانين بت لذينة خلاس لاتتيح له ممارسة هوايته الدنجوانية وفنون الغمت التي تعود عليها في بلاده البعيدة في احضان وريفات ياتين دوما في قطار السابعة وبعض الطلعات الصباحية ايضا ..!!! هذا اول ما لاحظه(عمر جكس) عقب قراره التاريخي بالهجرة والسفر الي ارض القروش الماطرة..!!! قروش ماطرة نعم ولكن ...!!! قوانين ارض القروش الماطرة في ذلك الزمن كانت رادعة وحاسمة وشاقة ولا تتلاعب مع اي لعبنجي يتورط في ولو بمغازلة من بعيد لبعيد مع احدي الحسنوات او شبه الحسنوات...!!!! امممممم بلد دايرة تصبيرة...!!![/blue]
Post: #2 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:25 PM Parent: #1
عمر جكس في ماضيه الذي ارتحل من احداثياته كان يساعد هوايته تلك بدفرات من (الكايا) الجيدة اللفلفة والبرم وكان دوما يبداء يومه الجكسي (بسيجارة ذات كرت واحد)..وراد فيافي وخجانين الصعيد البعيدة وكان زبونا دائما لبائع الكنبنغة المسجل خطر في دوائر البوليس (ابوكرنك)..!!! ثم يختم جولته ومغامرته الدائمة بنص من العرقي الجيد التقطير يحمل في قزازة شهيرة اسماها (ام بوز) ليتجرعها ون قووو (اي بضربة واحدة) يقضي علي اخضرها ومرها ويابسها لتتيح له التجوال في ليالي فريقهم اللالتيني مساككا للمزيكا والطرب والكتوت...!!! كل هذه العالم قضت بلاد القروش الماطرة عليه بضربة قوانين(كانون كهييي)...!!! حتي تلكم السيجارة الاخيرة التي تجرعها طويلا وهو في طريقه الي المطار وخالي (برنجي) عملا بنصيحة الخبير الذي افتي (لعمر جكس) بان هذه السيجارة قادرة علي العودة الي العمل في الراس لفترات طويلة...طارت مع الريح واختفت من خلايا دماغه بمجرد ان علم بان هنالك كشف ايدز سيجري له في معامل دولة القروش الماطرة...!!! كشف ايدز... ادريسسس ....لا حولااااا....!!!!
Post: #3 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:28 PM Parent: #2
جكس في احدي جلساته القليلة امام التلفاز استمع الي (حنك) من احدي الدكاترة الذي كان مرتديا (كرفتة) بدت في ناظري جكس اثنين اثنين(بحكم عمايل السيجارة ام كرت) .استمع الي الدكتور وهو يردد بان الايدز مدة احتضان الفيروس خمسة سنوات.... اممممممم خمسة سنوات عاشهم الايدز الليلة يوم اكتشافه .!!!!..ردد جكس في داخله هذه المنولوج وهو حسيرا حزينا ولتبداء سيرة الفلاش باك ورحلة طي الزمن لخمسة سنوات ... حذر وفرز وهز الراس ولعن سنسفيل وديشش الطيارة التي اتت به الي ارض الكبشرة ...وتيقن بان الفاس الايدزي واقع في الراس واقع في الراس.....!!!! اخخخخ ياجكس حليلك يا مااان ...!!!! ده بكون من _حواية بت الحراااااااام.... ايوووه لوجاء هواء بكون من حواييية ذات الكرعين المسواكية ...!!
Post: #4 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:31 PM Parent: #3
حواية كانت تبيع الشاي في احدي راوكيب الحي اللاتيني وكانت سهلة المنال وماعندها (ايتها مانع) في ماتش علي الطائر لكل من يروق لها..وكان جكس عندما( تقط الشغلانة معاهو) وتربط السيجارة في راسه ذات الدوقيسة الرهيبة يلاعبها الشطرنج وكانت حواية ايضا لا ترد له طلبا وتصتفيه علي كثير من المكانيكيا والحدادين الذين يبدون رغبتهم فيها....ولكن الاولوية كانت دوما تذهب الي المعلم (عمر جكس) بحكم حنكه السنين وادائه الميداني المميز...!!! في خضم محنة (عمر جكس) كانت حواية هي اولي المتهمات في ذلك الليل البهيم وقبل ذهابة الي ساحة الكشف الايدزي وصب جام غضبه عليها وعلي خفتها ورمرمتها التي هي من (طرف) ... فاصل ونواصل رحلة تداعيات عمر جكس في محنته الكبري
Post: #8 Title: Re: تداعيات عمر جكس في محنته الباينة بينونة كبري....!!! Author: noon Date: 05-08-2008, 01:36 PM Parent: #3
Quote: ...طارت مع الريح واختفت من خلايا دماغه بمجرد ان علم بان هنالك كشف ايدز سيجري له في معامل دولة القروش الماطرة...!!!
كريم ازيك لكن تعال اقول ليك حاجة ,,دي ذاااتة بلد اي كلام البخلوة يدخلة قبل ما يفحص الايدذ
سمح قعدنا نشوف اخر عمر جكس
Noon
Post: #9 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:48 PM Parent: #8
هلا يا نون وحبابك في مدارات وعوالم جكس ومحنته الكبري وقيل في الاثر ان جكس وجد روحه (فيس تو فيس) ومن اول اسبوعين امام (كوبر تست) بتاع ايدز لن يكن يضعه في الحسبان ولكن انها ارادة السماء وسيرة الغلغلة وتعكير اجواء عمر جكس الذي كتل حيله كتلة لم يتعود عليها من قبل في انتظار شارة الفيفا لانطلاق عالم الايدز وبلاويه التي سمعها جكس ذات يوم من فم الدكتور الذي بداء له اثنين اثنين وكل الود وكلنا في انتظار امر صديقي جكس
كيكي سلام بدون قطع السرد الحلو بس دخلنا نسلم ونتابع
Post: #6 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:35 PM Parent: #5
كل التحية وحبابك يا العوض في مدارات عمر جكس في محنته تضامنو مع عمر جكس في محنته وكل الود والتحايا
Post: #7 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:36 PM Parent: #6
ثم سريعا قلب صفحات ايامه القديمة في الخمسة سنوات الاخيرة ليصب جام غضبه علي (عواطف عفش)..!!!! وخاطب نفسه التي صارت هي صديقه الاوحد في فلاشية باك محنته تلك...بكون ياربي من (عواطف عفش)... بت اللذينة يا عواطف عفش (ادرستيني وقعدتي) نعم كانت المتهمة الثانية عواطف اقوي المرشحات لانتاج (ادرسة) فهي ايضا كانت تبيع خمور بلدية بسعر مخصص ومخفض للذين يسوقونها الي مدارات الليل ذات الارجل المرفوعة عاليا عقب بوارها الشهير بحكم تضخم جثمانها وتحولها الي اوضة وبرندة متحركة....!!!
Post: #10 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 01:57 PM Parent: #7
لتطل علي منصة الاتهام (هوبة اللهلوبة) وردد عمر جكس في سره (اخخخ انا ياهوبة يا لهلوبة) ولو جاء منك ادريس) الليجي ووتجي معاهو قنبلة تفرطقني حتة حتة..!!! كانت هوبة اللهلوبة فنانة متجولة اتت الي فيافي الحي اللاتيني ذات صيف بعيد ..وصرعت المدينة وتنادي كل الحنافلة والناس المفتحة والرمتالة لنيل رضاها واقامة ماتشات ودية او دورية معها لما ظهر وبان منها من (امكانيات عالية) ومقدرة فذة علي تقليب اللعب (يمين ويسار) فتميل المدينة (يمين ويسار)....فقرر جكس ذات ليل وهو موشح بند ورزاز سجارته ام كرت ان يدخل الي بورصة (هوبة اللهلوبة) ويجر كرت مع الجاريين ويجرب حظه عسي ولعل...!!!! فبداء في التردد الي حفلاتها وساككهها من فريق لفريق (طهار-سماية-عرس-قعدة) جميع المناسبات التي شدت فيها (هوبة).... ممارسا لموهبته الفذة في المقصات ومحصارة (الدامة) بحنك سنين ومرح وانتهازية واعية ذاهبة صوب حتات بعيدددددمع القليل من الكشيف الحسن المركز الي مناطق (الدري لاند)... ومقص وراء مقص جذب (عمر جكس) هوبة الي عوالمه وشوية شوية قام بسحبها من بواقي الفارات (هكذا كان يوصف الذين يكابسونه) في صيده (الهوبي اللهلوبي)... ليصبح صديقنا جكس حضورا دائما في الحفلات الهوبية مثله ومثل اي ساوند سيستم او( فردة بنقز) ثم رحلة ليلية تهديه فيها هوبة مالذ وطاب مما يسر باله ويجعله ملك الحي اللاتيني دون منازع.....!!!!
Post: #11 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 02:07 PM Parent: #10
ولكن طلت الحسرة وهو غارقا في فلاش باك انساه سيرة الادرسة والكبشرة التي هي في طريقها اليه عندما صحي ذات صباح ما ليجد هوبة اللهلوبة قد غادرت الحي اللاتيني الي مدارات البندر دون وداع او حتي الووو لتصبح فنانة ذات شنة ورنة وترك فمه ملحا ملحا يتجرع الذكريات والباصات البينية التي كانت تهدي اليه مما يساعده علي التهديف والشوت خارج الخط... ولكن اه يا حسرة واه ياهوبة يا لهلوبة....!!! لو جاء منك الادريس ده عوافي وسلام وقووود ويرك...والحياة بدونك صارت بلاطعم وماتشات ماسسسخة اداء واجب وفك زهجة بسسسسسسسس..!!! ونعود
Post: #12 Title: Re: تداعيات عمر جكس في محنته الباينة بينونة كبري....!!! Author: noon Date: 05-08-2008, 02:25 PM Parent: #10
my co-worker جات يوم مدبرسة شديد ومرة مرة بتديها بكية قولت ليها مالك انشاء اللة خير هذت راسا و قالت لي NO, i feel so sad قولت ليها يا النبى كدي احكي she said " My friend’s mother is dying; we went yesterday and gave her the good bye hug
سالتها كانت مالا و عيانة بي شنو
she replied, she has Aids
اتخلعتا خلعت السنين و نطيت من جنبها
Aids و اديتها hug يا الغبيانة
عاينت لي كدة و قالت لي طيب مالو
قالت لي عارفة انا بعرف كم زول عندو
Aids و قعدت تحسب فلانة و فلانة و فلان
and i deal with them normal but the thing that hurts me is, most of the them got the Aids
form their husbans
so
يا الني نوح بس, اصلو ما إتخيلت انو في ناس بتتعامل عادي مع المرض
المرضي اقلب الاحيان بكونوا طف و ما عايذين ايsympathy من اي زول
الحكايات هنا كتيرة عن Aids
بس نشوف زولك دة
نون
Post: #13 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 03:09 PM Parent: #12
Quote: يا الني نوح بس
يا النبي نوح دي صحبي عمر جكس في اليوم داك بكون قالها زي مليون مرة ولو لقي (الكو ويركر) بتاعكم ده كان اداهو تصبيرةنصائح شوية كده تريحو من الهضربة ودق الصفايح الليلي... ولكن كل ثقافته الايدزية كانت عبر الدكتور ابو كرفتة الذي قال(خمسة سنين هي مدة الحضانة) وحتي من السطلة الفي (عمر جكس) مع الخمسة سنين الرددها الدكتور اعتقد بان البتكلم ده محمد الامين الفنان وليس دكتور وقيل انه ردد بامتعاض (ابو اللمين ده العرفو شنو بادريس ده كمان) شابكنا خمسة سنين خمسة سنين
Post: #14 Title: Re: تداعيات عمر جكس في محنته الباينة بينونة كبري....!!! Author: noon Date: 05-08-2008, 04:26 PM Parent: #13
ها ها ها قلت لي صاحبك إخطلطت علية الكرفتات
ذاتو هو زول هباش و ما عندو تست
my co-worker كتبت قصة عن عالم al Aids وفي طريقة للنشر و احتمال 100% صحبتي تكون مشهورة من ورا الموضوع دة بعدين هي قالت she is sudanese by heart يعني بتحب السودانين كدة للة في للة
بعدين مدخلاني في القصة بي شخصية الزولة العاقلة وال سيكلوجكلي ستيبل
مش عليك اللة مفروض اقول سنة يا انا
Post: #15 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 05:39 PM Parent: #14
Quote: بعدين مدخلاني في القصة بي شخصية الزولة العاقلة وال سيكلوجكلي ستيبل
مش عليك اللة مفروض اقول سنة يا انا
والله بختكم جنس بخت غايتو... والكو ويركر دي لو ادتنا (chapter) جابترين في قصتها دي وجدعت لينا دولار دولارين ما بناباها غايتو
وقلتي لي خاتاك (سيكلوجكلي) كمان... كده السنة يا انا وجبت وابوالقاسم في الدولارات وجب كمان لانو البلد ديك مع بردها العجيب داك زولا عاقل كده قلييييييييييييل البتلقي فيها
Post: #16 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 05:47 PM Parent: #15
Quote: she is sudanese by heart
نون ياخي الكو ويركر دي ما تعالي نشوف ليها (باصوريد) علي الاقل تدينا نقلة بتاعة لغة انجليزية تقيييييييلة زي حقتك دي وتونسنا بكتابها ده شوية...وتاخد ليها كبيعة كبيعتين في منبرنا او عكاكيز ده
Post: #17 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 06:02 PM Parent: #16
نعود الي مدارات (عمر جكس) الذي مرر الان ثلاثة من المتهمات الافتراضيات بنقل هذا الداء الادريسي المخيف ليذهب الي المتهمة الرابعة..ذهاب كسول لقناعته الراسخة بانها (لايمكن ان تجلي ابدا من الادرسة) فقد سمع ذات ليل في جلسات الطشم الليلية بصحبة بعض الافندية الفصيحين الذين يتحدثون عن حزام يسمي حزام الايدز تذكر (عمر جكس) بانهم رددوا اسامي بلاد لعلها الان هي (يوغندا) ..ليردد ديششششك دي بلد (تريزا)تلكم التي كان عمر جكس يقدم خدماته (المني منية) في صفقة يمكن ان يطلق عليها (الامن مقابل السرير)..فقد كان جكس يشكل حامي حماها من عتاولة وعتاولات فريق وراء الذين كانو في بدايات حضورها الي الفريق كبائعة للكوراع يهددونها بالطرد والضرب وسرقة اغراضها لصالح بائعات الكوارع البائرة امثال (ثريا نيفة)... ليوقع معها (جكس) اتفاقا ممهورا في احرفه الاولي بالوفاء والالتزام بكل تفاصيله الا ان (تريزا) كانت ذات روح (سمبرية) تتيح لها مسارقة بعض الماتشات عندما يغيب (جكس ) في مغامراته الاخري وكانها تردد مافيش سمبر احسن من سمبر. وردد عمر جكس.!! تخيييل احتمال كبير الهبايب دي من تريزا ديششششها ذاااتو وديش جوزيف كونييييييي ذاااتو..!! ونعود
Post: #18 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 07:36 PM Parent: #17
تموخل وجاطت بوصلة عمر جكس وهو يتحرك ويتجول بذاكرته في الخمس سنين التي علقت في راسه في تلكم الليلة وصار يبحتها بحت السنين لفتا ورايتا وفي كل خطواته كان(ادريس يحاصره) ويزرقن عليه الواسعة ويبعثر احلامة الدولارية والجنصصة التي وعد فرده بانه سوف يعوم فيها ويهزم ليل الفقر الطول.. وفي اعلي لحظات جرسته وكبكبته كان تفكيره يقوده الي ممارسسة (الخلف دور ) والرجوع (كما كنت) هروبا من هذه الكارثة السومانية التي هي اتية بلاريب بحكم تاريخه السابح في بحور من الماتشات الاتية من طرف ودون (قشة مرةتذكر)... ولكنه بعد قرر مواصلة ليلته ومكابسة التفكير والقبض اولا علي التي اورثته ذلك الادريس حتي يطمئن قلبه وهنا طلت (فرفورة). فرفورة بتجيبو الله يقرفها ويقرف حنانها فقد كانت فرفورة لاتقل جمال ومقدرات عالية عن لهلهوبة الا انها ايضا تعاني من (سمبرة) حادة ومقدرة علي النكران حتي وان قبض عليها بالثابتة ولو باربع عدول وايضا كانت تمتلك مقدرة علي امتصاص غضبه واعادة الماتش الي مربع الاهداف النهارية التي كانت تستهوي (عمر جكس) ويعمل فيها ناسي حنان الخيانات والثابتة والشمشرة التي سربها اليه الفرد حينما راو (فرفورة) تمارس الكسح في احدي دكاكين السوق الورانية.... بتكون ياربي دي فرفورة لقطت ابو الفيارس ده طرف السوق بخس عليك يا فرفورة ايتها البستلة التي تجيد الحوامة في الحلة يا كرور.. ونعود
Post: #21 Title: Re: تداعيات عمر جكس في محنته الباينة بينونة كبري....!!! Author: مصطفى كدفور Date: 05-08-2008, 09:36 PM Parent: #18
عبد الكريم
متابعين
واصل......
Post: #22 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 09:40 PM Parent: #21
Quote: متابعين
مرحب والف شكر يا مصطفي وحبابك في مدارات عمر جكس ورطته التاريخية وكل الود
Post: #61 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 06-09-2008, 07:55 PM Parent: #13
فوق دوت كم
Post: #19 Title: Re: تداعيات عمر جكس في محنته الباينة بينونة كبري....!!! Author: serenader Date: 05-08-2008, 08:53 PM Parent: #1
باااااالغت، ثم شذيت...! عليك الله كان تقعد تقطع في الكلام كده زي بابور الليستر.. شفّقتنا ذاتو ياخ!
Post: #20 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 09:28 PM Parent: #19
Quote: عليك الله كان تقعد تقطع في الكلام كده زي بابور الليستر.. شفّقتنا ذاتو ياخ!
هلا يا serenader وكل التحية والود وحبابك في زرقنة عمر الجكس وكلنا شفقانين عليهو شفقة شديدة وشاحدين الله يخارجو من (التست)..ويقدر يشوف رزقو وين
وقطيع الكلام ياserenader خوفا علي مصير صديقي جكس وكن بالجوار حتي نري امر هذه الفتي الذي وقع في شراعماله وكل التقدير
Post: #23 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-08-2008, 10:00 PM Parent: #20
لايزال ابوعمار يواصل تحليقاته وفرفرة اوراقه القديمة وفجاة وفي اثناء تجواله بذاكرته التي فتحت علب تقيلة وتقاطرت الي فولدرها كل الحواديت والقصص والجلسكات التي كان يقشر بها في جلسات الفرد الذين كانوا يعجبون ويندهشون لمقدرته الفذة في استقطاب (الكتوت)..حتي سري بينهم بان (عمر جكس) يمتلك (كادوك سري) .دعم هو هذه الاسطورة واكدها حينما حكي لهم بانه قدر امتلك (كادوك جكسي ) ابن لذينة من ايادي احد الامبرروو الجوالة ذات مساء في السوق الوراني.... ديشك يا فكي يادجال ...!! انت السبب في الحنكة الذي شال في (عشة كنب)..!! عشة كنب لاحوووووولا دي ذاااتها البتجيب (ابو ادريس) ..!! فكنب كانت تخصص ضباط ثلاثة دبابير وفوق (يخس عليك يا عشة كنب يا صقرة ).. ولكن (عمر جكس) كيف كيف وبمقص ابن لذينة قدر يحوم ويحوم حتي نال منها من نال واصبح يكابس الميري في بعض مكتسبات معاركه الليلية.. وكانت (كنب) قد اختفت عن الانظار وسرت اشاعة بانها شردت مع احد الضباط الكبار واشاعة اخري بانها اتلحست ولكن اكبر الاشاعات هي التي تخيف (عمر جكس الان) هي التي كانت تفيد بان كنب قاعدة جووه بيتها لكن بقت ضعييييييييفة وعيونها جحظن وموضوعها اصبح بايظ بوظ شديد بمرض ما معروف جاي من ياتو بلد.. حرام عليييييك يا كنب لو سوتيها ..!!!
Post: #24 Title: Re: تداعيات عمر جكس في محنته الباينة بينونة كبري....!!! Author: ibrahim kojan Date: 05-09-2008, 07:59 AM Parent: #23
idreeeeeeeeeeeeeeeeeeeeeeeeeeeeeeeees
ونواصل!!
Post: #25 Title: Re: تداعيات عمر جكس في محنته الباينة بينونة كبري....!!! Author: حيدر حسن ميرغني Date: 05-09-2008, 08:13 AM Parent: #24
Quote: Re: تداعيات عمر جكس في محنته الباينة
صدقني قريتها محنته اليابانية
الحمد لله زولنا طلع منها ببونط واح
كان هسع اتهمني نتسريب بياناتو المضروبة كلها
يللا احكي يامان
Post: #26 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 10:38 AM Parent: #24
Quote: idreeeeeeeeeeeeeeeeeeeeeeeeeeeeeeeees
هلا وحبابك يا كوجان وشوق كثيف ليك وللمحلي المشترك الذي تواري عن الانظار فتوارت شهقاتنا
وياكوجان انتو الدكاترة ديل ياكم ذاتكم العملتو لصحبي (عمر جكس) ام هلاهلا وخلتيهو يفتش صفائحه القديمة ويدقها دق العيش
كل الود وسلام يا صحبي
Post: #27 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 10:48 AM Parent: #26
Quote: صدقني قريتها محنته اليابانية
هلا ياحيدر وانا متاكد في واحد صاحبي هنا حسع بكون قراها (محنته القطرية) والله يفك ساجورة صاحبي (عمر جكس) من ازمته التاريخية دي
Post: #28 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 11:12 AM Parent: #27
ليل عمر جكس صار طويلا والكوابيس والفلاش باكات نزلت عليه كالمطر وغدا هو يوم الفحص والكشف الميداني عليه (عينة من الدماء) ثم كلبشة وطنبجة لكل مشاريع جكس وخراب دياره ...وحتي الجكسوية الوحيدة التي كانت هي من اختارها اخيرا ان تكون هي (مسك الختام) ويعمل ليها عرس الزين وجد انها قد هبطت علي كشف المتهمات اللائي صارن الان اربعة واربعين... ريري تلكم التي كانت تمثل عليه دور (شريفة فاضل) ومشتتة عليه كل هجماته الصارخة وعذبته عذاب قبورة وكملت الاسكراتش والميرندا وحق الرقشة والامجاد وحتت كل جيوبه الخلفية والامامية وهي يسخي ويبتلع في لعابه الذي سال اليها..لما تمتلكه من (لفت باك) ابن لذينة وشنكارات لم يري لها (عمر جكس) مثيلا في كل حله وترحاله وماتشاته العديدة... حتي انتي ياريري ..!! عليه العوض ومنه العوض...!!! ريري تلكم شريفة فاضل الفالصو التي كانت محل تقدير واحترام (لعمر جكس) وفكر في سعايتها لقدام.. قبض عليها (ادم جلكسة) متلبسة في حالة(كسح) مع احد الحنافلة الفارات الذي يبدو انه قد اغدق عليها فتسرب الخبر الي (عمر جكس)..!!! الذي دبرس لعدة ايام واكثر من عيارات (الكبنغة ) والطشم ولكنه عاد الي معدلاته الطبيعية وقرر ايضا الانتقام من ريري وسداد فاتورة كل التكلفة السابقة من رقشة وامجاد واسكراش ولكن بطريقته الخاصة فمارس التدوير واستطاع ان يخلص حقه علي داير المليم او كما قال...
اخخخ منك ياريري يا شريفة فاضل يا فالصو القصة اكيد بتكون جاية منكككك ويارب اجعل التحاليل فالصو وريح عمر جكس من هيييك افكار وسوء ظن ونعود
Post: #29 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 02:50 PM Parent: #28
استراحة وفاصل ونواصل استراحة علها تهدي من روع عمر جكس قليلا من سونامي الذكريات
لك قدرة هائلة يا عبد الكريم على الحكي لا أعرف إن كنت تتعامل مع الكتابة بشكل جاد أم لا، لكن أتمنى ذلك، فأنت تملك ذاكرة خصبة وملأى بتفاصيل ذكية إلى جانب لغة صادمة وجارحة ...لكنها مبدعة هذه رواية حقيقية إن عملت عليها بجد فيصل محمد صالح
Post: #31 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 04:32 PM Parent: #30
Quote: لا أعرف إن كنت تتعامل مع الكتابة بشكل جاد أم لا، لكن أتمنى ذلك، فأنت تملك ذاكرة خصبة وملأى بتفاصيل ذكية إلى جانب لغة صادمة وجارحة ...لكنها مبدعة هذه رواية حقيقية إن عملت عليها بجد
كل التحايا والود وشكرا اخي فيصل علي كلماتك المشجعة التي اعتز بها حقا.. والكتابة يا فيصل كما تدري امر شاق ويحتاج الي صبر عالي ونشكر دوما سودانيزاونلاين الذي جعل لنا نافذة وساحة نمارس فيها بعض الاهتمامات التي نقتلعها في هذا الزمن القاسي اقتلاع... ولكن دوما يبقي الامل والطموح عاليا لانتاج اشياء ذات بال علها تفيد القاري وتضيف شيئا هنا وهناك وكل الشكر والف تحية علي مرورك الطاغي
Post: #32 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 04:46 PM Parent: #31
اذن انه اليوم يوم الذهاب الي ساحة الذبح والكشف والذهاب الي الميتة وخراب الديار ياعمر ياجكس كانت هذه هي الصيحات التي رنت في خاطر جكس باكرا..وزراته سحابة وخاطرة جعلته يتمني ان يكون في ملعبه ووسط جماهيره لكان (سوي العجب)..فسيجارة من (ابوكرنك) تلف بعدة كروت ومعاها كاس من العرقي الرهيب قادرات علي امتصاص واجتياز هذه الخوفة والرجفة التاريخية...ولكن وييين انها احداثيات وبلاد ليس من ضمن مجرميها (ابوكرنك)....فسرح جكس بعيددا وزراته فجاة سحابة من خشوع وتوحد مع الرب لم يعهدها قريبا وعاد بفلاش باك سريع الحركة الي ايامه البعيدة عندما كان طالبا صنف ككبير المشاغبين في خلوة (فكي اسحاق) عندما طرد منها في مساء خريفي عند قبض عليه بالثابتة من قبل فتية الفكي بتهمة بمغازلة والتعرض لابنتة الفكي اسحاق ليغادر بعدها جكس اخر دروسه واولها في مجال الروحانيات ولكنها الليلة والليلة بالذات عادت اليه تورثه الاسي والحزن والتاسف...وكان حزينا يردد في داخله حليييلك يا عمر جكس الذي تحولت وبقيت كرييييييييت ..ونعود
Post: #33 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 07:18 PM Parent: #32
بخطوات تنظيم خطوة قدام وخطوتين لوراء وجد عمر جكس نفسه (فيس تو فيس) امام ممرضة من بلاد(الفلبين) طلبت منه مد يديه لسحب الدماء في كشف ادريس الذي صار الان علي الهواء مباشرة وامر واقع .... ممرضة تحدثت مع جكس برقة وعذوبة جعلته يفكر في ممارسة هوايته الاولي ورنت في داخله تلكم الممرضة في شفخانة (فريق وراء) السمرية اللون التي استطاع اداء ماتش علي الطاير لن ينساه ابدا في واحدة من اسرع واحرف ماتشاته فقد كان (جكس) ذاهبا لتناول (حقنة ملاريا زي السم) تحولت بسرعة البرقة الي نقة ومكنات وجاكة سريعة شالت في الممرضة بتاعة شفخانة وراء ليذهبا في سرعة البرق الي احدي كراكير ومكاتب الشفخانة المهملة ليحلقا في جولة علي الطائر ...ليشهد ذلك الكورس الكلورلكيني وعلي هامشه كورسا اخر وفنونا اخري اداها عمر جكس بكل حرفية انسته وازاحت عن كاهلة برودة الملاريا الشهيرة تلك... وكان شعاره في تلك البديك حقنة تديهو حقنة... انقشعت سريعا سيرة تلك الحقن القديمة لينتبه (جكس) بان الممرضة الفلبينة قد انتهت وشالت العينة وليطلب من الذهاب لكي يكون في انتظار النتيجة..... واهه يا انتظار ويا كوابيس ويا غلاغل ونعود
Post: #34 Title: Re: تداعيات عمر جكس في محنته الباينة بينونة كبري....!!! Author: Raja Date: 05-09-2008, 07:25 PM Parent: #33
عبدالكريم يا عزيز..
نظام متابعة بمزااااج
Post: #35 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 07:32 PM Parent: #34
Quote: نظام متابعة بمزااااج
هلا يا رجاء كل الود والف تحية وبس الله يسترنا مع عمر جكس ده ساكت... الذي هو الان يتراجف تماما كما يتراجف الكاسترد عقب العينة التي تم اخذها في انتظار المستحيل وشكري وتقديري يارجاء علي المتابعة
Post: #36 Title: Re: تداعيات عمر جكس في محنته الباينة بينونة كبري....!!! Author: عثمان دغيس Date: 05-09-2008, 10:06 PM Parent: #1
لعلنا لم نخرج من هذه الغربة إلا بخلونا من إدريس من خلال أحدث المعامل ,,, ما زلنا نحمل لبلاد غربتنا كثير من جميل أنها أهدتنا هدأة في الروح والبال بخلونا من إدريس .. واصل ياالحبيب ......... سرد منتهى الروعة ...
Post: #37 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 10:28 PM Parent: #36
Quote: لعلنا لم نخرج من هذه الغربة إلا بخلونا من إدريس من خلال أحث المعامل ,,, ما زلنا نحمل لبلاد عربتنا كثير من جميل أننا أهدنا هدأة في الروح بخلونا من إدريس
هلا يا ابو عفان وحبابك الف في حكايات ومدارت الممسخوت عمر جكس وفعلا يا عثمان انها شهادة غالية وكبيرة تضاهي شهادة النرجسية فنحن من قارة يموت اهلها من الايدز والملاريا مثلما يموت الدجاج من السمير فشكرا لاحدث المعامل علي هذه الشهادة التي يجب تعلق عاليا
وكل الود يادفعة يا مزيكة
Post: #38 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-09-2008, 11:29 PM Parent: #37
تزايدت محنة (جكس) واصبحت في اعلي درجاتها فالان(الجوه جوه والبره بره) فالشفط حصل لكريات من الدم لو تم فحصها فحص دقيق لوجد بين خلاياها اكبر كميات من الكحول المحلية الصنع بكل انواعها (عرقي بلح سيوبر -عرقي بلح كشمشة-عرقي عيش-مرايس بكل الانواع ودقات مختلفة التخمير-بالاضافة الي زي مليون نفس من دخان الشديدة التي كان جكس يحبها وتحبه) بالتاكيد كل المحليات متواجدة بكثرة وهي قناعة هي جكس لا يمكنه ان يكابر او يغالط عليها ولكن الهدف والمرمي هو ابو ادريس الذي يلاعب عمر جكس في جدلية الفي والمافي والاحباط والامل... وكان يطمئن نفسه عندما يقيسها(بحسن عفريتة) صديقه الذي سبقه الي هذه البلدة واجتاز كل الاختبارات الادرسية المطلوبة..فكان جكس يردد في سره... ياااخ هو(عفريتة) طلع ما عندو ادريس معقول القصة دي تجي علي انا بس..!!!! عفريتة الوسخان الكان(ودابرق) ومكره البلد وماعندو قشة مرة جلا من الكشف واحتمال يكون ببونط بس تجي علي انا...!!! يازول طالع طالع هكذا كان يردد جكس.!!! ولكن فجاة عندما يمر شريط التاريخ والمغامرات القديمة التي طلت في راسه ليلة امس تعود سيرة الطنبجة والكبشرة العطية ذاااتو انه عطية ابوادريس يلاحق عمر جكس في حله وترحاله...!!!! ونعود
Post: #39 Title: Re: تداعيات عمر جكس في محنته الباينة بينونة كبري....!!! Author: فارس موسى Date: 05-10-2008, 01:59 AM Parent: #1
بلديات يا هندسه
عمر جكس دا ما ضريت عيشو وطحنتو !! نشفت ريقو وما بليتو !
باقى ليك ذى الإستراحات الليلك دى ما بتشفط العمر لخمسه سنين ؟
تحايا وقرمانين ووالله عندنا ربيع عند عصام جبرالله مافى ..
اركب تعال .
Post: #40 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-10-2008, 05:34 AM Parent: #39
Quote: عمر جكس دا ما ضريت عيشو وطحنتو !! نشفت ريقو وما بليتو !
باقى ليك ذى الإستراحات الليلك دى ما بتشفط العمر لخمسه سنين ؟
هلا يا فارس ومشتاقين والله.. وعمر جكس وقع في شر اعماله والعملوا بايدو غلب كل اجاويده وموضوعو بقي في تالا..
بلدكم بندورها بالحيل يا فارس الا دايرة مباصرة ودبارة وسنكون باذن الله قريبا معكم مرة اخري نتمن ان نلتقي بك بكل الطرق
كل الود وشكرا يا فارس علي الحضور الي زنقة ابوعمار المسيكين
Post: #41 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-10-2008, 10:18 AM Parent: #40
اصبح جكس هائما كئيبا مهموما بقضايا ضياعه تحت وابل رصاص الايدز الذي قيل انه قاتل ومذل...وفي ايامه الخمس عشر الي قضاها في تلكم البلاد(ام طيراعجمي) وفي ردهات ورشة عمله الذي اتي اليه من السودان صادق فتي اخر قادم من بلاد الهند يسمي(كرشنا) يشابه في طلته الخيانة العظام في الافلام الهندية التي كان(عمر جكس) يشاهدها في سينما حيهم اللاتيني .لتنشاء سريعا صداقة والفة بين كرشنا وعمر جكس الذي تمادي في فروديته لكرشنا حتي اسماه(الخاين) ليرد كرشنا الجميل ويسمي عمر (الكاين) بلغة عربية ممزوجة بلسان هندي مرج(جكس يا كيانات) ولعله يقصد (عمر جكس يا خيانات)...!!! بدات اولي الخيانات عندما دل كرشناصديقة عمر جكس الي مشروب كحولي رخيص الثمن ومتاح التناول يسمي(جاكسون) يباع كمطهر للحمامات ولكن الشفوت من اهل اسيا حولوه الي طشمة تكسر بقليل من (السفن اب) راق الي عمر جكس كثيرا واكثر في تناوله وهو سسابح في انتظار قطار الاعدام الادريسي الاتي بلا ريب منه.. وصارجكس صديقا للمشروب جاكسون يتجرع كاس ورا كاس في انتظار الشرطة التي حلم في احدي لياليه الجاكسونية بانها اتت وزرقنته وثم رحل الي دياره للتجمع كل المدينة ويعافه الجميع.... حليللك يا جكس وياخسارة ذهابك مع الرياح الادريسية العاتية..... ولايزال ليلا الانتظار طويلا وارفف السيوبر ماركت في الحي الذي يقطنه جكسس يشهد يوميا اختفاء قارورة او قاروتين من مشروب (جاسكون) ليتجرعه بصحبة صديقه كرشنا.. الذي يحاول تخفيف ازمته بترديد مافي مشكل يا صديقيي انا بعد زمان في واجد خوف وواجد خربطة داخل هند لكن هاي ايدز واجد اشاااااااعات مال كواجة (اي انا ايضا كنت في الهند الخبط الدنيا كلها وخفت مثلك ولكن هذا الايدز اشاعة كبيرة بتاعة خواجات..والدليل انهم ما لقهو فيني ) ونعود
Post: #42 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-10-2008, 02:13 PM Parent: #41
عودة الي مدارات جكس الذي تحول بقدرة قادر ومرح صديقه الجديد (كرشنا) الي عمر كيانات(او خيانات) عمر كيانات الان صار امره سابحا في الرقة(اي رقيق) وشحب والاحزان والكوابيس ذات الكدائس السوداء انها عودة ام الصبيان التي حدثوها عنها ذات ليل ما في بلاده البعيدة..... فمارس النم ليلا باصوات والحان همباتة حزينة تودع الحياة والصحاب وتندب الفقر والحظ دوبيت موغلا النم والحنين ادهش عفريتة صديقه الذي جبل علي زيارة عمر جكس ويقضي معه بعض الليالي
ديششششك يا جكس يا فارة يا رعديد خلاص دفاعك اتجهجه وخليت البلاوي والكفاوي وبقيت بتاع دوبيت يا فاره واراجي الراجيك حتي تري ثمن عمايلك والسويتو بايدك... يوم ومافي اتصال من الوحدة الصحية يومين ومافي اتصال من الوحدة وفجاة وفي اليوم الثالث رن هاتف كان المتحدث من الطرف الثاني لسسسسان جادي وحاسم... ممكن نكلم عمر ابكر عمر (الشهير بعمر جكس) ايوه ممكن,,,!! معاك وحدة المعامل من مستشفي وين وين كده ماعارف...!!! واحنا عاوزنك تجيييييينا حسع دي ياعمر جكس... لييييييييييه...!! في شنو....!! فجاة انقطع الصوت الاتي من الاستبالية..!!! وبدات مرحلة جديدة من جقلبة جكس وهكذا ما نعود اليه بعد الفاصل..!!!
يا هندسة كيفنك انت يا شقي الحال لمن كنت في الجامعة كنت بتمشي تدرب في المساحة الخاصة بي اطراف المدن والقطاطي ولا شنو
Post: #44 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-10-2008, 09:55 PM Parent: #43
Quote: انت يا شقي الحال لمن كنت في الجامعة كنت بتمشي تدرب في المساحة الخاصة بي اطراف المدن والقطاطي ولا شنو
هلا يا طارق وعفوا يا دكترة يادوبك شلنا النفس من البلاوي بتاعة الخرطوم دي وفرصة ندي صحبي عمر جكس طلة علي الطائر.... ويا طارق اخوك كان مسكين ياااخي لكن انها بلاوي الترحال والسفر ما بعد التخرج مسكنتي فكت بعد التخرج
Post: #45 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-13-2008, 05:14 PM Parent: #44
جكس يا لبتن ويا جبنة اكيد بتكون دفنت دقن وعملت ساتر من العكة والدانات الدورت الايام الفاتت دي اظهر وبان وليك الامان يا جكس يا جنجويد
Post: #46 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-17-2008, 05:41 PM Parent: #45
Post: #47 Title: Re: تداعيات عمر جكس في محنته الباينة بينونة كبري....!!! Author: khaleel Date: 05-17-2008, 05:54 PM Parent: #46
حيرني امر عمر جكس في البلاد الماطرة
ولن يجد في تلك البلاد فولة ليكيلها
Post: #48 Title: Re: تداعيات عمر جكس في محنته الباينة بينونة كبري....!!! Author: الصادق اسماعيل Date: 05-19-2008, 04:10 AM Parent: #47
up
Post: #49 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 12:06 PM Parent: #48
عودة الي مدارات عمر جكس التي غبنا عنها قسرا للاحداث المتلاحقة في دراما اللاندكروزرات ومساككة الخبورات..!! ولكن نعود اليوم الي زنقة صديقنا جكس وعوالمه المزرقنة تحت انبوب اختبار ادريس...الذي رن الهاتف مرة اخري مطالبا عمر بالحضور بالخطوة السريعة الي معمل الاختبار ..!!! سرب كرشنا وبعض خبراء المدينة بان جكس واقع واقع ما دام الماتش الاختباري يجب اعادته ليترجف عمر جكس مرة اخري في ليلة ما قبل الذهاب الي المختبر...وتجوط بوصلته واصبح يكابس مرة اخري في اوراقه القديمة وحتي اللائي تبدو عليهن البراءة اصبحن الان في قفص الاتهام العمري جكسي..... لتطل البنية العسولة (الفريش قرادويت) بشكة تلكم البينة الحنكوشة (حلاوة لبن) التي كان حظها العاثر هو من اوقعها في دروب عمر جكس ويا ليتها لم تفعل رغم تفككها الاسري الباين بينونة كبري في كل الحي اللاتيني وثراء والدها القابع خارج الديار الا ان جكس في خياناته تلك كان مثله مثل الذي ليس لديه قشة ذات مرارة,,, ليدهشها بعوالمه الضاجة بالنقة والمكنات والجاكات والبنية راسها اصبح يخف شوية شوية حتي هبطت ذات يوم علي احضانه في استسلام تام (موية ونور) ...لتنتهي اسطورتها وتحلق معه ومع اخريين في جولات جكسية... بكون منك يا بشكة يا حنكوشة بتكوني لقطتي من صوالين الميك اب والجيم والذي منو,,,اه منك ياكرور..!!! واتهم ايضا ثريا دراب وحواء الفارة وعشة كبك وعيييييييييك طالت اللستة وكثرت المتهمات عمر جكس جافاهو النوم واصبح شاحبا ومحتسا لمشروب جاكسون في انتظار الشوط التاني من الكشف وكشف الحال الاتي بلا ريب او جدال.....نعود...!!!
Post: #50 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 12:08 PM Parent: #49
عادة اختبار معملي يعني عند اهله احد الحالتيت 1- فساد العينة الاولي قبل اجراء فحص عليها 2-وجود نتائج ايجابية للمرض المراد فحصه في العينة الاولي والان يجب اعادته لمزيد من التاكد وقطع الشك باليقين.. وكان الاحتمال التاني هو من يجنن بوبي في داخل مخ عمر جكس,...الذي اتي الي الكلينك باكرا مثله ومثل ود البدري ولكن الفرق هنا هو ان عمرنا ليس بسمين هذه المرة بل ضعيفا مهلهلا شاحبا مدبرسا كئيبا...يعاني من متهمات كثر يريد اولا ان يعرف من هي تلكم التي نقلت اليه هذا (الهواء التقبل)..ويخاف ايضا من تداعيات هذا الهواء التقيل المخيف المرعب.. ميتة وخراب ديار... وببرود تام وضع نفسه امام طاولة اخذ العينة ولا انبعاث لاي موجات تجاه الممرضة وارد بلاد (الهند والسند) ذات العيون الكحلية التي تقول يا ليل(راها وشافها عمر جكس في دبرسته تلك مثلها ومثل اي كبك لافي),,,فالامر خلاص دخل الحوش والعكة شكلها كده حاصلة وتبا للجكس بكل انواعه فهو من غلغل وجنن وعذب عمر جكس واوصله الي هذه المرحلة الصعبة من الجنون والظنون والفنون...!!!
Post: #51 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 05:28 PM Parent: #48
الف تحية وشكر اخي العزيز الصادق اسماعيل وكل الشكر علي الاهتمام ومطالعة هذا السفر العمر جكسي وكل الود والتحية
Post: #52 Title: Re: تداعيات عمر جكس في محنته الباينة بينونة كبري....!!! Author: noon Date: 05-19-2008, 06:18 PM Parent: #51
LOL
Up
Post: #53 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 07:36 PM Parent: #52
Quote: LOL
هلا يا نون والف حبابك في مدارات عمر جكس وكويس يانوون تضحكي وجكس مزنوق زنقة تاريخية زي دي..
Post: #54 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 07:44 PM Parent: #47
Quote: ولن يجد في تلك البلاد فولة ليكيلها
هلا يا خلي ولعل السبب يا خلي هو في تلكم البلاد كل فولة ليها كيال ولكن جكس المسكين اخد كيلته في بلاده كيلة وملوة..وحسع بقي في البخارجو من الكيل
Post: #55 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 07:57 PM Parent: #54
يوم ومافي خبر يومين ومافي خبر ثلاثة يوم ومافيييييي خبر... ويوم وراء يوم تزداد محنة جكس ويحترق في المرة الف مرة ومرة...وكضم تماما من التفكير والانشغال بالدنيا واصبح هائما علي ذاته يحاورها يوبخها ويدرش فيها ويمارس الصمت سلاحا لمواجهة العاصفة الادريسية..وتزروه افكار شريرة بالانتقام من كل جكس حائم في هذه الدنيا وادرستهم جميعا( لفتا ورايتا )..ولكن سريعا ايضا ما تزروه افكار تبدو خيرة بالتوبة من عمايله السوداء تلك والخوف من (ربنا) خوف شد وعدم اللولوة واللخبتة مرة اخري..!!!
Post: #56 Title: Re: تداعيات عمر جكس في محنته الباينة بينونة كبري....!!! Author: عبدالكريم الامين احمد Date: 05-19-2008, 08:07 PM Parent: #55
عندما رن الهاتف بعد عدة ايام اتيا من الكلنيك لاعلان النتيجة النهائية والقول الفصل كان عمر جكس هذه المرة منطلقا من مدارات كان هو دوما بعيدا عنه (كما تقول الجزيرة) فلقد تسرب شفيفا خاشعا من بين صفوف المصلين من المسجد الملحق باللحي الذي يقطنه مطلقا لحية ويشيح بوجه من النساء اللائي يتجولن بين الطرقات في ذلك الصباح ليذهب مستسلما خاضعا خاشعا وقورا بلحية تكاد ان تلامس المتر...ذاهب الي المقصلة التي افتي كبير الدكاترة في المدينة بانها سلبية ولاتوجد فيروسات ادريسية بين خلاياها (ولو بونط)..... ليعود جكس الذي اصبح (شيخ جكس سابقا)وقورا مودبا ويتربع بعد عدة شهور علي سدة الامامة في منبر ذلك المسجد وسخر كل خطبته علي شاكلة لاتقربوا النساء.. وان النساء هن اخوات الشيطان وصوموا فهو خيرا لكم.. واجتبوا كثير من الزنا فانه ... وكلامات تقيلة موغلة في التوحد والايمان والاقتناع والماامنة,,,,
