yessssssssssss....مستر فاقان اموم..you are the one....,لكن...!!!

نعم كمرد باقان..
نعم انها
دولة فاسدة
دولة فاشلة
دولة غير مسئولة
دولة ظالمة
دولة متخلفة..

نعم,,
انها دولة يموت شعبها بالحرب
يموت بالفقر
يموت بالجوع
يموت بالملاريا
والايدز
وحمي الوادي المتصدع تقتل حتي بهمها في المراعي..
...
دولة مشتعلة في دارفور
وفي ابيي هناك جثث ياكلها سلطان الصقور ويترك للكلاب البقايا
في الخرطوم تنام عاصمتها علي جبال من البارود في انتظار عربة لاندكروزر لكي تشعلها..
...
دولة يا باقان..!!
قططها السمان تزن من مال السحت الف طن..
والفقراء تكاد تري عظام الجسد البعيدة بائنة دون الحوجة الي اشعةسينية
ونعود

you are right
يا فاقان... ونعم..دولة فاشلة لانو السلطان الموشح بسيرة الحركة الاسلامية هو اكبر فاشل وسلطان الفاشلين في هذا البلد.. الذي تجرع الفشل من زمن بعيد..
ولكن رغم ان الموتمر الوطني هو شيخ شيوخ الفاشلين الا ان جرثومات الفشل لا تعفي الجميع..
فكل القوي الاخري من اقصي يمينها الي اقصي يسارها تشارك في هذا الفشل وتتحمل ايضا جزء عالي منه..
ونسبة توزيعه عليهم وصفته نسبة نيفاشا وصفا دقيق,,!!
اتفاقيات توقع باسم الغلابة
يذهب موقعها للقصر ويذهب الغلابة للجحيم

نعم قطار الفشل صممته نيفاشا...
واصبح قطار الانقاذ وفشلها السابق يسير جنبة جنية مع قطار نيفاشا
الذي التحق بهذه الكورجة حزب كبير تاني اسمه حزب الامة
والتحق بعض ثوار دارفور عبر ابوجا..وجرت محاولات للحلوق في سرت وامكنة عديدة
ومن لمن يلحق الركوب عبر التفاوض والكعكعة مقابل عدم غلغلة القطار يحاول ان يلحق عبر
سيارات يابانية الصنع تسمي لاند كروز........
وكلو سوق في سوق..
سوق ومهرجان للخطابة المجانية والابتسامات الصفراء عبر اجهزة الاعلام..
ولكن ليس لمحمد احمد
1-زراعة
2-صحة
3-تعليم
4-مستقبل وشكل دولة
5-رعاية اجتماعية(ليس له حقوق في الذكاة او الضرائب بامر القطط السمان الابسة شالات)
6- صناعة
7-هوية رسمية وشعبية في ظل التنازع السمج ما بين عروبته وافريقته واللغة العنصرية البغيضة
والعنصرية المضادة الابغض,,
ونعود

نعم فشل وفساد...وعدم مواجهة التحديات..
لان نخبتنا والجبهة الاسلامية في موتمرها الوطني..وكل القوي الاخر تجيد وتتفنن في لعبة التبرير
والالتفاف واللعب علي حبال السياسة في اعلي معدلاتها الشحمانة بالمكابرة والتكبر والاستقواء بالراي وحتي ان كان علي خطاء
..فاشلين لانو ليس هنالك حكومة تقول بالصوت الملان انها غلطانة
وليس هنالك حزب يستطيع ان يقول انه اخطاء
الكل اله
الكل رسول العناية الالهاية في هذا البلد..
ولكن الموتمر الوطني هو اعلي الاصوات الناعقة بالزيف
والغش
واللعب علي دقون الشعب
واللعب بموارد الشعب
واللعب بمصير هذا الشعب المغلوب..المغلوب..

untill when, and where we are heading?

Quote: untill when, and where we are heading

نعم عبدالرحمن
that is the point
الجميع هناك يا عبدالرحمن ادمن النعامية وعشق الرمال
والخسران بالتاكيد هو ذلك الوطن..
الذي بداء الان يتاكل في اطرافه..
وعشق الجميع قطع الجاتوه الاتية من ايادي السلطان الذي حكم عقدين من الزمان
ولا يزال يتنظر علي قارعة الطريق عشرين اخري والناتج BIG ZEROOOOOOOOOOO

yes
مستر باقان اموم
بلد يتمدد في مليون ميل مربع وارض كالجاتوه وولود في كل حبيباتها
ومياه تتجول ما بين سط الارض وباطنه..
ولكن في وسط كل هذا تطل المجاعات وندرة الاكل (ليس الغذاء بل الاكل)
ويهلك الجوع الانسان
ويسمي هذا في النشرات والاوراق الحكومية(فجوة غذائية)..!!
باسم المكابرة
وباسم التبرير
باسم التمكين..

Hes OUR HERO

Quote: Hes OUR HERO

HI منعم
YES
BUT WE DONOT NEED HERO TO SAY
WE NEED A HERO TO DO..
عظيمة وعالية الهمة يامنعم هذه الصيحة الفاقانية
ولكن سيكون اعظم ان ترجمت الي ارض الواقع
بنفس الشجاعة
بنفس القوي
وبنفس الحماس
ITS TIME TO DOOOOOOOOOOOOO
يا بيجو

who is bad? Aboud, Azahari, Elsadeg Almahadi, Almahgoub, Nemaeri, Altrabi or Albashier, Back to time we have been passing through all of that and every new comer made it worse and worse, is our problem because we are differnt or or ou top guys are? untill when we are going to suffer, I suggest that full seperation and let us try small place with good control I guess, I am going to blame river Nile here as the only thing in Sudan remains untouched and wintness for all that ####..

Quote: I am going to blame river Nile

هلا يا عبدالرحمن..
ويبدو فعلا وكما قلت انت انها لعنة النيل..
ذلك السليل الذي منح الارض السودانية الخير الوفير
ثم ارسل من غيومه سحبا تسقي الارض وتغسل ادران الزمان كلها..
الا ان اردان ونزعات النخبة من ابنائه استعصت عليه وصعب غسلها لذا هو يعاقبنا باللعنة..
.....
الاشكال ياعبدالرحمن هو ان كل الذين هبطوا علي كراسي الحكم في ارض السودان
كانوا لايزالون ينظرون الي الامر بوعي مغيب تحت صفافير وبهرجة السلطان التي تذهب
العلمية والجدية ونكرات الذات..
الامر هو في مجمله امر نكران ذات وتفاني واحساس بضرورة العدل

فاقان بالنسبة للمؤتمر الوطنى كصانع العاب الفريق الخصم الذى يمتاز بالمهارة والدقة وعلى ذلك كان لابد لفريق المؤتمر ان تختار من يراقب صانع الالعاب هذا...
عليه... تم إختيار نافع على نافع لمراقبة فاقان.
كلما بهدل فاقان فريق المؤتمر ... ياتى نافع ويحاول عرقلته ولكنه يجد ان فاقان قد ضرب الباص already وصفق الجمهور له للمهارة الفائقة... ولكن؟
هل نتج هدف من هذا التمريرة؟
هذا هو الاهم ... فالتمريرة الرائعة بدون تسجيل هدف لا تعنى شيئاً...
عليه ... لابد من هدف يهيج الجماهير فى المدرجات.


سلام يا كيكى

Quote: ITS TIME TO DOOOOOOOOOOOOO

well sayed

شول اشوانق

Quote: هذا هو الاهم ... فالتمريرة الرائعة بدون تسجيل هدف لا تعنى شيئاً... عليه ... لابد من هدف يهيج الجماهير فى المدرجات.

هلا وحبابك يا شول
ومشتاقين يازول والله..
وفعلا يا شول القائد فاقان لاعب بمهارات عالية وله مقدرة فذة علي صناعة الاحداث
وتحريك المياه الراكدة..ودشدشت الكورة في راس الموتمر الوطني المدوقس ده..
لذا لاعب مثله لن يترك طليقا حرا والا انه الهدف القاتل في الزمن القاتل ومن لاعب قاتل
...
ونتمني يا شول ان ياتي الزمن الذي نري فيه السودان يدار بمثل قوة وجسارة تصريحات باقان اموم
التي تدعو الجدية وتش بؤر الظلام والفشل والفساد..

وكل الود يا شول وتحياتي

وسودان جديد ويييييييي

Quote: كلما بهدل فاقان فريق المؤتمر ... ياتى نافع ويحاول عرقلته ولكنه يجد ان فاقان قد ضرب الباص already وصفق الجمهور له للمهارة الفائقة... ولكن؟ هل نتج هدف من هذا التمريرة؟ هذا هو الاهم ... فالتمريرة الرائعة بدون تسجيل هدف لا تعنى شيئاً... عليه ... لابد من هدف يهيج الجماهير فى المدرجات.

شول
كل العملو فاقان إنو لف حو نفسو كم لفه كده
وبعد كمل اللفلفه فك الباص
لكين وين
تحت أقدام مدافعي الخصم

والغريبه إنو الجماهير بتصفق

اليوم سلفاكير إستدعى الرجل لمسائلته عن التصريحات الغير مسؤوله
كما أن الحركه ألقت مؤتمر صحفي كان من المفترض أن يلقيه الرجل
وهناك إتجاه كبير لكبح رعونة باقان

Quote: اليوم سلفاكير إستدعى الرجل لمسائلته عن التصريحات الغير مسؤوله كما أن الحركه ألقت مؤتمر صحفي كان من المفترض أن يلقيه الرجل وهناك إتجاه كبير لكبح رعونة باقان

محمد فرح ازيك يا زول

شوف يا محمد فرح
باقان ده الليلة لو اتصلب عديل كده في ميدان حرية الشهير في جوبا وعلي مقربة من سوق كنجو كنجو
هذا ابدا لايعني بان ما قاله باقان ليس بصحيح او انه افتي علي الدولة السودانية الرسالية كذابا وبهتان..
ماقاله باقان يجب ان يقوله كل انسان له ضمير حي
له ايمان بالله وايمان بالمسئولية وايمان بالرعية..!!
هل تستطيع ان تنكر با دولة بها
1-فقر
2-حرب
3-جوع
4-فساد
5-ظلم
تمثل دولة ناجحة..!!!
هكذا قال باقان وفلتسحق عظامة حتة حتة وتنثر في بحر الجبل نواحي لكوتي..
ولكن مهما طال الزمن ستنبت الارض السودانية باقان اموم اخر

إحنا بالاكتر يا صديق.

Quote: ونتمني يا شول ان ياتي الزمن الذي نري فيه السودان يدار بمثل قوة وجسارة تصريحات باقان اموم التي تدعو الجدية وتش بؤر الظلام والفشل والفساد..

كلنا فى الهوى سواء










شول اشوانق
___________________________
إنتظرنى فى الربع الجاى يا عبد الكريم.

Quote: إنتظرنى فى الربع الجاى يا عبد الكريم

مرحب وفي انتظارك
ونحن ذااتو يا شول
الربع الجاي ده كورتنا كلها باذن الله حتكون باقان باقان
وتاني مافي كوز ولاموتمر وطني بنوم في منبر دي....

الربع الجاي يا شول تابعونا ايضا فلدينا
قضايا كيزانية موتمر وطنية دوحوية رعديدة عاوزين ندشمن معاهم هنا في المنبر ده
دشمان ما حصل قبل كده..
(ولو كل زول بعصر الكوز الجنبو بلد دي عوجات كهييييييييي)

ok يا عبد الكريم.


إلى الربع القادم.









شول اشوانق

الاخ محمد فرح
بعد التحية

Quote: اليوم سلفاكير إستدعى الرجل لمسائلته عن التصريحات الغير مسؤوله كما أن الحركه ألقت مؤتمر صحفي كان من المفترض أن يلقيه الرجل وهناك إتجاه كبير لكبح رعونة باقان

ركز على الكلام التحتو خط ده يا محمد فرح...
حاولوا قبل التصريح وبتوصية من المؤتمر الوطنى وما قدرو ليهو.

فاقان ما زى ما قلتا يا اخى ... فاقان كصانع العاب حريف (امين عام الحركة الشعبية) بيبهدل ستة سبعة لعيبة من الخصم (المؤتمر الوطنى) ويعدداك يفك الباص لاحد لعيبة فريقة (ما لى دفاع الخصم ذى ما بتعتقد يا اخوى) ... ومنه سالنا ... هل تم تسجيل الهدف؟

فاقان فى السليم يا محمد فرح.


تسلم يا زميل.


شول اشوانق

الاخ الكريم عبدالكريم ، للاسف شهادتك فى باقان مجروحة بل و مشقوقة عديل وانت عارف وانا عارف ، هذا الرجل يبحث عن مجد شخصى له فقط ، ما قاله معروف ولو كنت مكانه لما دخلت فى حكومة يقول عنها ما يقول ، هذا الرجل كذاب اشر ، لا يهمه ما يحدث (بالونه ومليانه ) اخى عتدك عقدة اسمها الكيزان حبايبك ناس الحركة شركاء فى كل شىء ، هل تعرف ان قبل يوميين قتل كبير التجار الشماليين و اسمه الحلو فى ملكال ، وهنالك صمت غريب من احبابك و رفاقك فى الحركة ، الحركة الشعبية اكثر فسادا من الكيزان ، وانت عارف هذا لكن نقول شنو، يا عالم والله حرام ماذا فعل هذا الباقان و تولى وزارة تعنيننا نحن فى الغربة ايضا، كيكى طلع راسك من رمال ام سعيد وبطل الكيل بمكياليين ، لما تعصر اعصر الشركاء مع بعض عشان تكتر الزيت و لله شنو؟

NO NOOOOOOOOOOOOOOOOOOOO MR باقان اموم............... YOU ARE THE LAST ONE WHO CAN..................

Quote: الاخ الكريم عبدالكريم ، للاسف شهادتك فى باقان مجروحة بل و مشقوقة عديل وانت عارف وانا عارف ، هذا الرجل يبحث عن مجد شخصى له فقط

.....
هلا ياهجو وحبابك في سيرة باقان اموم THE ONE AND THE ONLY ONE كمان ...
ياهجو انت عارف هجو مثل تصريحات باقان دي الليلة لو جات من عبدالرحيم محمد حسين (وهو بالمناسبة اكثر كوز انا مكجنو في العالم ده)..ونادت بمثل ماقاله باقان بكل قوي وصدق مثلما ما طل في امر باقان
فانه سيجد مننا الون والاوني ون دي....!!
ليس دفاعا عن باقان اموم في نفسه ولكنه ان كان يبحث عن مجدا عبر هذا الكلام الدغري فهنيئا له المجد والخلود...
الزول يا هجو وراكم عوجة الرقبة وين..!!
وقال المسكوت عنو في زمنكم بتاع الغتغتة وغمت الاشياء..
وان كنت يا هجو تعتقدون بان الدولة السودانية هي حكومة الوحدة الوطنية
فهاهو بقان يزلزل اركان هذه الحكومة...
وان كنتم تعتقدون بان الدولة السودانية هي ناسكم المجارمة ديل فانه قالها لكم وللعالم بمل الفم..
هل تستطيع ياهجو ان تكابر وتقول بان السودان الان بلد بمواصفات تتيح للناس السكوت عما يدور فيه..
قتل
تشريد
ذبح علي قارعة الطرق واطرافه
فساد
ومحسوبية

قولها انت يا هجو وسوف ندق لك الطبول ونجلس لك القرفصاء ونصفق لك تصفيقا حار مثل ما قالها باقان

اخى الكريم ، لم تقراء ما كتبته فوق جيدا ، قلت لك لم ياتى بجديد ، الذى ينكس فى الشوارع يعرف ما قاله هذا المنتفخ على مافى ، السؤال لما رضى على نفسه وكاد ان يقتلها فى سبيل وزارة الخارجية ، هل كان يومها مقبل على ملائكة ، انه النفاق اخى ، قلت هذا الكلام قبله و قبلك ودونك بوستى (انه البزنيس فخامة الرئيس) وغيرة .

خلاص ياهجو
انت مادام قلتها قبل كده مالك زعلان ومحنبك..!!
ولا عاوزين تقولوا انتو ومافي زول يقول بغم...!!!
انا ياهجو بهمني الامر الاتقال ومصداقيته مع الواقع..
تقولوا انت
يقولو باقان
يقولو اي زول من طرف...
المهم نعرف انو في بلد كحيانة وعينها طالعة وفاشلة
ودايرة تغيير لكل السيستم بتاعها ودايرة ناس تحس بالمسئولية تجاه البلد وتنكر ذاااتها..
فهمتني يا شيخ هجو...!!!

انت تقول الكلام ده انا بجي طوالي بقول
هجوTHE ONE

لا والله يا اخى بس انا عاوز اوصل ليك رسالة انو زولك ده كضاب ليس إلا ، زولك ده فى حاجة رايح ليهو ، بعدين صعب يلعب مع المحترفين ، اكيد فى زول هبش حاجة من حاجاتو ، ما كان زى العسل الجديد شنو وكان من اسبوع فى التلفزيزن ، وقال القواسم المشتركة بيننا كثيرة جدا .

هلا ياهجو
وزول كضاب بجي بقول كلام زي ده...
ده كضاب ميةمية واجدع كضاب في افريقيا دي...
لانو الكضاب ده قال داير نظام وداير شغل مرتب لوطن تحكمه شفافية
ولمن تحصل الحاجات الكضاب والحرامي ببين سريع وساعتها ما تخاف ممكن السستم براااهو يثبت
كلامك في باقان ده ويسجن ككضاب رعديد...!!!

خلاص يا زول الكضاب قال اعملوا
نظام
اعملوا شفافية
اعملوا عدل
خلاص الناس تعمل ديل وتمسك الحرامي الكضاب ده بعدين..!!!


شفت القصة بسيطة كيف ياهجو


وطبعا ياهجو احنا متفقين بانه كلام باقان صاح...
ولكن انت بتقول الكلام صاح لكن قالوا زول كضاب ولاشنو..؟؟

كيكى الزول زولك شوفو هبشوهو وين و كلمنى فى التلفون بس عشان تعرف انت الحاصل شنو ، والله الزول كان فى التلفزيون وكان فى غاية الانبساط وكان بيقول فخامة الريس ، الزول جاتو لدغة عشان كده سمو فار. كيكى الحقيقة من الكذاب فى غير وقتها نفاق .... اها على دوام صباح عليك الله بكره اضرب ليهو قولى معقول ماكنت كويس فى التلفزيون الجده عليك شنو؟

هلا ياهجو
وبالله خلينا من الالتفاف واللولوة
كلام باقان ده صاح ولامش صاح..؟؟
ده الموضوع الاساسي والامر المهم بالنسبة الينا هنا..

تعرف صاحبك ده ينطبق عليهو المثل السودانى ...... وشايله موسه و تطهر، يا اللخو صاحبك ما شاف السهر فى جوبا كيف و الصرف فى المراقص وكمان محروس بالكلانكشوفات ، ياخى والله الفساد من هؤلاء و يقيف يا اخى دايرين يحاكو غلبو . اللولوة فضلت خيركم ، زولكم دة لو ما غطس سلفاكير و الله ما يرتاح ، بالله شفته صورتو مع الترابى كيف فى نفس الندوة ، عشان تعرف ان الامر كلو مصالح .

Quote: بالله شفته صورتو مع الترابى كيف فى نفس الندوة

هلا ياهجو
والله ده اخر الزمان
خلاص انتو بقيتو تقولوا الزول ده اتصور مع الترابي..
الصورة مع الترابي عيييب وكارثة اقليمية..
حليلك ياشيخ حسن وحليل زمن كنت بتهز وبترز..


هو منعم سليمان اتصور مع الترابي
معقول فاقان ما يتصور معاهو

تصريحات فاقان تصحريات في السلك وكلام في المليان
واتغاظوا يا جبهجية
باقان اموم وييييييييييييي

**
*

نص الاميل الذى ارسلته قبل يومين
بعنوان:

سيروا على خطى الثوار

لعناية القائد باقان اموم

اطلعنا على ما جاء فى بيانكم
الذى رد الارواح
الى اجسادناالتى فارقها
الاحساس و انهكها الوجع.
سلمت وانت تترسم خطى القائد
المناضل الشهيد جون قرنق
من اجل سودان العدل الحرية المساواة
سوداننا الجديد
تقبل احترماتى والتقدير
تربت يداك..

****

المخرج/ اسماعيل محمدالحسن

الولايات الامريكية/كلفورنيا

كلية مجتمع ريفرسايد


*
**

Quote: اطلعنا على ما جاء فى بيانكم الذى رد الارواح الى اجسادناالتى فارقها الاحساس و انهكها الوجع

هلا ياسمعة
وفعلا هذه التصريحات ردت الروح وومضت بالامل في كوهة النفق السوداني المظلم
وهذه دعوة ايضا للتعبير بشتي السبل ومعاضدة تصريحات اموم النارية ذات العمق العميق
لو يدرون