Post: #1
Title: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 05:53 PM
Parent: #0
ممكن شهر ونيف
القصة ما عندها تونة غير ليبرالي امة
امة ليبرالي...
عادل عبدالعاطي يشوت بوست
تعمل ريفرش تلقي ود العمدة شات بوستين....
ودالعمدة يشوت بوست تعمل رفيرش تلقي عادل شات اربعة بوستات
وتلقي محمد عادل اهداء اغنية هابطة لعادل من اداء وتلحين بلوبلو
تهم وتلفيق ونبذ عجاجو في السماء
والليلة المولد جاب ليهو عبودية واتخيل لي دي قمة الاسفاف وتاني لا شي يمكن ان تولده هذه العكة
التخريبية
تخرب المنبر
تخرب الصراع فيه
تخرب الذوق العام
وتدعو لاشاعة الاسفاف
..
ديل حزبين وعضوية في اجسام يفترض انها تهتم بالوعي العام مش للمنبر بل للسودان...
الشكلة مافي بناءطريق ولا بناء وعي سياسي ولا اختلاف ايدلوجي واضح..
بل دواس يمكنني الاتيان باشخاص من اطراف حينا اللاتيني بعكاكيز اسفيرية ممكن يشاكلوا ويضاربو اكثر
من هولا الحزبين وكمان يمكنهم مشاكلة الطريفين وضربهم ضرب غرائب الاسفير
دي ما دعوة لصلح حديبة ولا يحزنون
لكن دعوة للاخوة المتمردين وفارضين اجندة الكبع والدواس ان يرتقوا بنا الي صراع سياسي نضيف
حتي نستفيد منهم جميعا...
وتذكير لهم بان القاري الغلبان ينتظر منهم الجهد الكثير حتي يري ان كان سيذهب الي صناديق الاقتراع
للتصويت لهم ام لا..!!
|
Post: #2
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 05:58 PM
Parent: #1
شهر ونيف
ويوماتي كرو كرو
دواس تاريخي وشكلة بها تكتيكات كر وفر وغمت وضرب تحت الحزام واحيانا فوق الحزام
واحيانا الحزام ذاتتتو يشيلو معاهم ويمشوا...
دعوات هنا وغتغتة هناك ولكن دوما الرغبة في الالتحام والتفشي هي السائدة...
قد يكون هذا هو الخلاف السياسي واحنا ناس قريعتي راحت كا ناقشين حاجة
افيدونا افادكم الله
|
Post: #3
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 05:59 PM
Parent: #1
سؤال يا أخ عبد الكريم
هل وجدت يوماً ما أن أحد أعضاء حزب الأمة فتح بوست عن الليبرالي؟؟؟؟؟
وإن وجد كان رد فعل..
ما أود التنويه له.. أعضاء حزب الأمة يعرفون أولويات الصراع تماماً..
كن بخير.،
|
Post: #5
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:04 PM
Parent: #3
Quote: هل وجدت يوماً ما أن أحد أعضاء حزب الأمة فتح بوست عن الليبرالي؟؟؟؟؟
وإن وجد كان رد فعل..
ما أود التنويه له.. أعضاء حزب الأمة يعرفون أولويات الصراع تماماً.. |
سلا م اخ وراق
اذن افهم بان الصراع ما بين عادل عبدالعاطي واعضاء حزب الامة..؟؟
اكيد طبعا انتم عارفين اولويات صراعكم جيدا وهذا امر حتمي
فهل يا وراق من هذه الاولويات ما يدور الان في هذا المنبر وبعض ابطاله من حزبكم الموقر
وراق بكل صدق وتجرد
ما يجري الان امر في غاية الاسف
واذكر بانني قرات لك بوست يدعو لوضع السلاح ارضا
واعتقد بانه كانت دعوة سبقت مثلي كلامي هذا كثيرا
|
Post: #4
Title: Re: دايرين حل جذري لقصة ليبرالي -امة دي ياجماعة....!!!!
Author: Ahmed Abdallah
Date: 04-11-2008, 06:00 PM
Parent: #1
تعرف يا كيكي ..
زي ما قال واحد اخونا انه المنبر ده هو السودان
بصورة مصغرة .....
ياخي الكيزان في السودان شغاليين بكل ما اوتو من قوة
للفوز بالانتخابات و تنظيم صفوفهم و الناس هنا كل همهم
احمد عبدالله مشى السفارة و احمد الدابي قال و ده و طني
و ده مسترزق وده عميل وووووووو كمان جابت ليها عبودية !!
ياهو ده الحال يا كيكي ...
مستغرب ليه .. الجديد شنوا يا صاحبي !!
|
Post: #6
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:08 PM
Parent: #4
| Quote: مستغرب ليه .. الجديد شنوا يا صاحبي !! |
هلا يا احمد
انا ما مستغرب وعارف انو القصة دي عادي كما الزبادي في اروقة الصراع السياسي السوداني
لكن المطلع عيني انو الامر ده بقي سمة والقصة يومي ماشة زايدة ومافي زول فينا قادر يقول
البغلة في الابريق..
|
Post: #7
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 06:08 PM
Parent: #4
الأخ كيكي
تحياتي
أتفق مع حديث الأخ أحمد عبد الله.. بعض أعضاء المنبر لا يعرفون أولويات المرحلة.. أقولها بكل صدق هم يخدمون خط أعداء الديموقراطية بوعي أو دون وعي.. وأرجح بوعي.،
.
.
صحيح .. نعرف تاريخ بعضنا البعض في هذا المنبر.. وأكررها مرة أخرى.. في بوستات الأشتباك الشكلية.. تجد أعضاء حزب الأمة مدافعين عن أنفسهم.. اللهم إلا إذا كان المدافع عن نفسه يستوي مع (المهاجم)..
|
Post: #9
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:16 PM
Parent: #7
| Quote: أتفق مع حديث الأخ أحمد عبد الله.. بعض أعضاء المنبر لا يعرفون أولويات المرحلة.. أقولها بكل صدق هم يخدمون خط أعداء الديموقراطية بوعي أو دون وعي.. وأرجح بوعي.، |
يا اسماعيل
اولويات المرحلة واضحة وما داير عرفة
والزول البلخبت الكيمان بكون واضح و(اود) والناس بتتعرفوا
لكن يا اخي العزيز...
الكلام ده احنا بنقولو عشان يقطع الطريق لاصحاب الاجندة الخفية والقوي الكيزانية لانو من مصلحتها
تغبيش الصراع وتمييع القضايا الاساسية واختزالها في خلافات لا تسمن ولاتغني من جوع..
|
Post: #8
Title: Re: دايرين حل جذري لقصة ليبرالي -امة دي ياجماعة....!!!!
Author: نجوان
Date: 04-11-2008, 06:12 PM
Parent: #4
شئ مؤسف بحق يا كريم..
____
غبار كثيف..
لا بصر ولا بصيرة!
|
Post: #10
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:20 PM
Parent: #8
Quote: غبار كثيف..
لا بصر ولا بصيرة! |
موسف جدا يا نجوان
وصمة في جبيننا كلنا القاعدين هنا ديل
وشابكين الناس قضايا اساسية ووعي وموغل وكلام كبار كبار......
الشي الموسف انو القصة دي جاية من حزبين
يعني رواد تغيير
يعني ناس طالعين من اجل انكار الذات
يعني ناس الشعب المسكين ده بمشي كشرو كشرو بجدع ليهم صوت في صندوق
عشان يجو يتفاصحوا في البرلمانات
|
Post: #11
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 06:26 PM
Parent: #10
عبد الكريم
رجاء لا تخلط الكيمان
ولا تكيل بمكيالين..
أحضر لي بوست لأحد أعضاء حزب الأمة وكان شرارة لمشكلة
.
.
|
Post: #12
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:33 PM
Parent: #11
Quote: رجاء لا تخلط الكيمان
ولا تكيل بمكيالين.. |
يااسماعيل
انت لو ما مقتنع بانو ما يدور بينكم امر في غاية الاسف يبقي لاجدوي من نقاشي معاك
وساظل انا نافخا في قربة مقدودة وخليني بالله انفخ نفخي...!!!
القصة ليس ابتدار بوست ولا دفاع او هجوم فالاطنان من الحروف الموسفة الموشحة بالشخصنة والكلام المعيب
جرت بينكم انتم والليبرالي وعادل فهذه حقيقة لاينكرها الا مكابر...
اتمني ان تفهم يااسماعيل بان الامر ليس كيل بمكياليين ولا ناقة لي هنا او جمل هناك
ولكن الذي يجري هنا امر موسف وغير سوي ووهذه هي الحقيقة التي يجب ان لا ندفن راسنا في الرمال
من اجل مصلحة ذاتية او حزبية
|
Post: #15
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 06:40 PM
Parent: #12
يا عبد الكريم.. أنا مؤمن بأن الذي يجري مؤسف وقبيح.. والكيل بمكيالين ياعزيزي عندما يخطئ شخص ويصم الناس بأسوأ الألفاظ نجد حراس الفضيلة صامتون..
.
.
أتريد الحل الجذري.. حسناً..
أولاً.. حزب الأمة مؤسسة تتقبل النقد وليست معصومة عن الخطأ.. وهذا الأمر ينطبق على قيادتنا.. أما التطاول والسفاهة فلن نرضاهاً ابداً..
ثانياً.. من يريد مصلحة الحوار المضوعي عليه أن يقول للأعور أنت أعور في عينه.. ولا يمكن أن يستوي الظالم والمظلوم.
ثالثاً.. عل كل جماعة عرض بضاعتها والشعب هو المشتري.
.
.
ظللنا ننادي بضرورة الحوار العقلاني ولكن لا حياة لمن تنادي..
أرجع لإرشيفنا فسوف تجد الكثير.،
كن بخير.،
|
Post: #21
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:50 PM
Parent: #15
Quote: أولاً.. حزب الأمة مؤسسة تتقبل النقد وليست معصومة عن الخطأ.. وهذا الأمر ينطبق على قيادتنا.. أما التطاول والسفاهة فلن نرضاهاً ابداً..
ثانياً.. من يريد مصلحة الحوار المضوعي عليه أن يقول للأعور أنت أعور في عينه.. ولا يمكن أن يستوي الظالم والمظلوم.
ثالثاً.. عل كل جماعة عرض بضاعتها والشعب هو المشتري. |
ده كلام جميل يا اسماعيل وراق
ولاخلاف ابدا في كل تفاصيله
والشاهد بان كل الاشياء الشاذة التي وردت في الصراع وجدت ادانة واستنكار من الجميع
فالشاذ شاذ يا اسماعيل النفس البشرية السوية تلقائيا ترفضه....
| Quote: عل كل جماعة عرض بضاعتها والشعب هو المشتري |
وهنا ايضا حق لاجدال ويلا اعرضوا لينا بضائعكم يا اسماعيل فالناس عايزة تشتري
وعاوز تغير وعاوز تطلع من سنين القهر الكيزاني
فلذا عاوزين بضاعة نضيفةوصنف جيد وتكون اضافة للمنبر
|
Post: #22
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 06:52 PM
Parent: #21
Quote: وهنا ايضا حق لاجدال ويلا اعرضوا لينا بضائعكم يا اسماعيل فالناس عايزة تشتري
وعاوز تغير وعاوز تطلع من سنين القهر الكيزاني
فلذا عاوزين بضاعة نضيفةوصنف جيد وتكون اضافة للمنبر |
الأخ كيكي.. نحن بضاعتنا كلها نظيفة.. إذا إستثنينا ردود الأفعال.. وهذا حق مشروع للدفاع عن النفس بذات الأسلحة.. لأننا حتماً لن نكون كالمسيح..
.
.
كسرة:
بضاعتنا معروفة يا كيكي.. بالله فتش التانين لو عندهم بضاعة..
|
Post: #25
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 07:10 PM
Parent: #22
| Quote: الأخ كيكي.. نحن بضاعتنا كلها نظيفة.. إذا إستثنينا ردود الأفعال |
إذا إستثنينا
إذا إستثنينا
إذا إستثنينا
بس شفت يا اسماعيل اذا استثنينا دي الاحنا عاوزين نتكلم فيها...
شفنا مرة لنا مهدي جابت لينا برنامج الحزب
ومتابعين يا وراق لامر حزب الامة وعارفين بضاعتوا بالحيل مافيها شق يذكر
الا يا اسماعيل الظهور الاخير في المنبر بالتحديد امر موسف
والعراك والعراك المضاد يا سمعة واضح وباين وكل زول حريص علي احزابنا الديمقراطية
بقلق....
وزي ما انت يا اسماعيل عندك بضاعة اكيد الناس التانية عندها برضو بضائعها العاجباها
ولاشنو..!!
|
Post: #13
Title: Re: دايرين حل جذري لقصة ليبرالي -امة دي ياجماعة....!!!!
Author: سيف النصر محي الدين محمد أحمد
Date: 04-11-2008, 06:38 PM
Parent: #11
| Quote: دايرين حل جذري لقصة ليبرالي -امة دي ياجماعة |
معاك حق و الله يا هندسة الموضوع طال و مسخ و فات الحد
لازم تتعمل هدنة اولا ثم فصل للقوات يتبعه أتفاق سلام
شامل و يستحسن برعاية دولية..
الغريبة الناس دي لو هدأت حتلقى البيجمعهم أكتر من البيفرقهم.
|
Post: #17
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:42 PM
Parent: #13
| Quote: الغريبة الناس دي لو هدأت حتلقى البيجمعهم أكتر من البيفرقهم. |
ده الكلام الصاح يا سيف...
والقصة فعلا طالت واستفحلت وبقت سمة منبرية يومية
يعني الواحد فينا بقي لو ما قراء بوست بوستين من كعة (ليبرالي - امة) بجيهو صداع
فاولا خليك قريب لزوم العلاج بالله وكدا
دايرين نيفاشا الناس الديل..
اصلو القوي السياسية السودانية غير نيفاشا مافي ليهم اي حل تاني
وبرعاية امريكية ويدو بوش فترة ثالثة خصوصي لرعاية (امة- ليبرالي) بالحديد والنار
|
Post: #14
Title: Re: دايرين حل جذري لقصة ليبرالي -امة دي ياجماعة....!!!!
Author: Shams eldin Alsanosi
Date: 04-11-2008, 06:39 PM
Parent: #1
المهذب جدا وراق
Quote: هل وجدت يوماً ما أن أحد أعضاء حزب الأمة فتح بوست عن الليبرالي؟؟؟؟؟
وإن وجد كان رد فعل..
ما أود التنويه له.. أعضاء حزب الأمة يعرفون أولويات الصراع تماماً.. |
والله يا إسماعيل وراق الكاسوري الحاصل في المنبر دا كله تحت دواعي هو الضربني أول ..
وايجاد التبرير للاسفاف تحت دواعي رد الفعل يعطي جواز مرور للذين يشتمون الشاتمين
وبي كدا إتخيل المنظر.
|
Post: #16
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 06:42 PM
Parent: #14
العزيز شمس الدين
تحياتي
عندما تبدأ المعركة ويعلو غبارها يضيع الحق..
الحل الجذري يكمن في الموضوعية والحوار القائم على إحترام فكر الأخر ومعتقده..
كن بخير.،
|
Post: #18
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 06:43 PM
Parent: #16
نحو حوار موضوعي وهادف.. أرضاً سلاح
الأخ عبد الكريم.. البوست أعلاه دعوة صريحة لحل الإشتباك..
|
Post: #23
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 06:58 PM
Parent: #20
| Quote: لا يهمني كثيراً من المتسبب في هبوط لغة الحوار بالمنبر.. (على الأقل في الوقت الحالي).. بقدر ما يهمني أن نترفع عن المظهر والدخول مباشرة إلى الجوهر.. أعني الإبتعاد عن الشخصنة والإقتراب من الموضوعية |
يا وراق البوستات الجبتها دي كلها باهرة وكلامها سمح بالحيل
ونظريا بتضع الامور في نصاب جميل وده جهد تنويري تشكرون عليه كثيرا...
لكن تعال معاي الي ارض الواقع وحركة المنبر اليومية الفترة الفاتت
ستجد بان الامر بعيدا من روح الحروف التي سودت هذا الكلام النظري....
دايرين الكلام ده يا وراق علي ارض الواقع
زيو وزي برنامج الاحزاب المكتوب ...
|
Post: #24
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-11-2008, 07:01 PM
Parent: #23
Quote: لكن تعال معاي الي ارض الواقع وحركة المنبر اليومية الفترة الفاتت
ستجد بان الامر بعيدا من روح الحروف التي سودت هذا الكلام النظري....
دايرين الكلام ده يا وراق علي ارض الواقع
زيو وزي برنامج الاحزاب المكتوب |
تمام..
بس أنتو أمسكوا مننا الناس الزهجانة من روحها دي..
والباقي هين..
صدقني.. نحن نتناصح ولا يوجد بيننا شخص سيئ العبارة..
|
Post: #26
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 07:16 PM
Parent: #24
| Quote: صدقني.. نحن نتناصح ولا يوجد بيننا شخص سيئ العبارة.. |
دي روح جميلة يا اسماعيل
ويلا ندفر فيها شوية والناس تبادر وياريت القصة تجي من الاصوات الاكثر عقلانية وقبول لدي الطرف الاخر..
وياخي ناسكم ديل كمان الانصارية الشديدة دي حقوا يخففوا منها شوية
ويفكروا في الناس الراجياهم دي شوية
|
Post: #27
Title: Re: دايرين حل جذري لقصة ليبرالي -امة دي ياجماعة....!!!!
Author: Emad Abdulla
Date: 04-11-2008, 08:24 PM
Parent: #26
تحياتي يا عبدالكريم ..
تنتظر ماذا ؟؟ حلاص !!
إنت طيب للدرجة دي يا كيكي يعني ؟؟
ثم ..
يا وراق الذي أحترمه ..
و الذي يعضّ هنا عضا ناجذاً على جملة دائرية مكرورة .. : ( نحنا ) ..
ممسكاً بضمير التفضيل " أفعل " من قرنيه ..
( نحناه ) هذه التي تجعل من الآخرين مدانين على إطلاق الإدانة ..
و تتوج عضوية حزب الأمة ملائكة و طُهراً قديسين .. لا يبادؤن سؤاً ( إلا ) وهم في موقع المدافع ..
و كأن للمدافع أن يسئ و يسقط هو الآخر !! ..
و كأن منظومة القيم التي ينضوي تحتها أعضاء حزب الأمة ( العريق الكبير ) كأنها عقيمة عن الإتيان بأدوات أخَرْ للمواجهة و المساجلة و التفنيد و الحوار تليق بتاريخها خلا التمترس خلف ردود الأفعال بحمولة تبريراتها التي لا ترقى كحيثيات في محكمة للأجاويد .
وراق الذي أحترمه ..
المبدأية هنا هي أنْ يسود أدب للحوار .. و المبدأية أن هناك عدو وحيد و هدف أوحد لكل قوى الخير و التنوير و الديمقراطية و التغيير .
و ليست السيادة قطعاً لمبررات الدواس الصبياني .
و لا أن تبتدر بوستات نبيلة المقاصد في عناوينها و كبيرة الهم .. متجردة من ذاتية الهوى , و عقلانية ..
ثم تجيئنا هنا - يا وراق الذي أحترم - مبرراً و مدافعاً عن عضويتكم .. و لها !!!
كلا التنظيمين الأمة و الليبرالي يخصمان بهذه الفاقة و الفقر في إصطراعهما - و ليس صراعهما - يخصمان كثيرا من طاقة أولى بها حمأة وطيس الإنتخابات التي صارت أقرب من شحمة أذن الشعب الغلبان هذا ..
ما تفعلانه يا وراق الذي أحترم .. هو هدرٌ لطاقة حريٌ بها أن توجه إلى حيث يحتاجها الناس لينتفعوا بها في مقارعة قضاياهم التي تتآكل مقدرتهم على الصبر و التماسك ..
الصبر عليكم و على بلاء السلطة و على لقمة العيش الضنينة و على حيواتهم التي تحولت إلى ما دون الحد الأدنى مما يليق ببشر .
ياخي أذيتونا .. نحن الشعب ..
أقول هذا و انا غير منتميٍ لأي من هذه المسوخ التنظيمية التي حلمنا بها تقود تغييراً يخرجنا من الجب ليضعنا في مصاف الأمم الكريمة ..
تحولتم يا اسماعيل الذي أحترم , تحورتم إلى كوابيس .. كلكم ..
من حلمٍ أخضر لنا تحولتم إلى كوابيس و هم عظيم ..
تقلييديكم و تقدمييكم و الديمقراطيون و الأسلامويون و السلفيون و الليبراليون ...
أقول هذا لك و لكم و لي و لنا .. فاسمعوا ..
أقولها و أنا المكتوي بنار الداخل .. و من قلب بؤرة الشارع الذي كفر و كفر و كفر ..
كفر بكم و هو يرقب هذا الذي منتظره إن - لا قدر الله - قفزت بكم صناديق الإقتراع إلى سدة السلطة ..
أو حتى كمعارضة برلمانية ..
أفهكذا ستديرون شأن البلاد حينها ؟؟
بهذه العقلية التي تبيح السقوط بردة الفعل تبعاً للفعل الساقط ؟؟
لذلك يقول الشارع علناً و بيدٍ مسقطة و هزيمة محزنة : ياهو ده البديل ؟؟
أوقفوا هذا الصديد ..
كلاكما مخطئ و يستوجب المساءلة ..
لستما يا أمة و يا ليبرالي مخطئين في حقيكما فقط ..
بل في حق هذا الشعب المسكين ..
لو ان ثمة منطق في هذا المسرح الهزلي لجوبهتم بتهمة الخيانة ..
تخونوننا , نحن الشعب الغبي المنتظر ..
تخونون ثقتنا في باكر تصنعونه لنا و بنا .
أوقفوا هذا الصديد .
|
Post: #28
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 08:41 PM
Parent: #27
| Quote: أوقفوا هذا الصديد . |
سلام يا عماد
وممكن انت تكون عبرت بدقة لما يجوش بداخلنا
والامر الذي يدور هنا في غاية الاسف والاكثر اسفا هو التبرير له...
اضعف الايمان هو مناشدة صوت العقل فيهم
وقد يرتد هذا الامر علي المنبر اسفافا وتدني وضياع لقضابا اساسية
ولكن الارتاد الاكبر هو عليهم هم ايضا...
فالناس بقت واعية وعارفة ومتفهمة لكل الاشياء وفي استطاعتها
التفريز بين الصالح والطالح...
واحسن من يعبر عن حجم الخيبة
هو سعد باشا عندما قال
مافيش فائدة..
فعلا ما فيش فائدة
والقصة فوانيسها البوقدن ماتن ياعماد
|
Post: #30
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 08:55 PM
Parent: #28
من الاقوال السلبية ومضحكة ومبكية في نفس الوقت
هو مقولة الهندي في ابان الجوطة والقلقلة في الديمقراطية الفاتت
هي ان
الديمقراطية دي لو في كلب شالها مافي زول بقول ليهو جر...
وواحدة من الدفوعات التي هججت بها الانقاذ في ايامها الاولي وقبضت بها
الاجواء وسط المواطن هي ان الاحزاب الديمقراطية يهدرون الوقت في الخلافات والنقة والفاضية
والخلافات الطواحين هوائية
وعلي ذلك قيس..!!!
|
Post: #36
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-12-2008, 07:39 AM
Parent: #27
الأخ عماد عبد الله
تحياتي.،
Quote: ثم ..
يا وراق الذي أحترمه ..
و الذي يعضّ هنا عضا ناجذاً على جملة دائرية مكرورة .. : ( نحنا ) ..
ممسكاً بضمير التفضيل " أفعل " من قرنيه ..
( نحناه ) هذه التي تجعل من الآخرين مدانين على إطلاق الإدانة ..
و تتوج عضوية حزب الأمة ملائكة و طُهراً قديسين .. لا يبادؤن سؤاً ( إلا ) وهم في موقع المدافع ..
و كأن للمدافع أن يسئ و يسقط هو الآخر !! ..
|
يا عزيزي.. أنا لم أقل أن أعضاء حزب الأمة ملائكة، ولكني أشرت إلى موضع الخلل بشكل مباشرة، وكما تعلم عزيزي عماد أن حل المشلكة يبدأ بتحديد الأسباب، وأصدقك القول ودون محاباة لعناصر حزب الأمة، فإنهم مظلومين ويعانون من الكيل بمكيالين.. إتهامات لا حصر لها يا عماد ولم يحرك ساكناً في أعضاء المنبر, وبعد ذلك كله نريد أن يتساوي الظالم والمظلوم.. ودعنا نحسبها بالبلدي كدا.. شخص يتطاول عليك بالشتم.. ويسب قيادتك.. ويصفك بأقزع الأوصاف، والأعضاء المنبر يقرأون دون رد.. ما المتوقع من رد فعل لهذا الشخص، هل تعتقد أنه يصفق للشاتم ويقول له زيدني ضرباً زيدني ضرباً، على وزن زيديني عشقاً زيديني.
Quote: و كأن منظومة القيم التي ينضوي تحتها أعضاء حزب الأمة ( العريق الكبير ) كأنها عقيمة عن الإتيان بأدوات أخَرْ للمواجهة و المساجلة و التفنيد و الحوار تليق بتاريخها خلا التمترس خلف ردود الأفعال بحمولة تبريراتها التي لا ترقى كحيثيات في محكمة للأجاويد .
|
تعلم أخي عماد.. عندما يعلو صوت المعركة يضيع صوت الحكماء.. ويستوي الظالم والمظلوم في نظر الكثيرين.
| Quote: ما تفعلانه يا وراق الذي أحترم .. هو هدرٌ لطاقة حريٌ بها أن توجه إلى حيث يحتاجها الناس لينتفعوا بها في مقارعة قضاياهم التي تتآكل مقدرتهم على الصبر و التماسك |
أتفق معك تماماً.. وكنت دائماً أقول لأصدقائي نحن لسنا بعاجزين عن نقد بقية الأحزاب السياسية ولكنها ليست أولوية لنا في الوقت الحالي.. أمامنا مهام عظيمة يجب إنجازها، وكما أشار الأخ أحمد عبد الله أن المؤتمر الوطني يعمل من أجل الإنتخابات بشتى الطرق ونحن نتقاتل ونوجه أسلحتنا لبعضنا البعض.
Quote: أوقفوا هذا الصديد ..
كلاكما مخطئ و يستوجب المساءلة ..
لستما يا أمة و يا ليبرالي مخطئين في حقيكما فقط ..
بل في حق هذا الشعب المسكين ..
لو ان ثمة منطق في هذا المسرح الهزلي لجوبهتم بتهمة الخيانة ..
تخونوننا , نحن الشعب الغبي المنتظر ..
تخونون ثقتنا في باكر تصنعونه لنا و بنا .
أوقفوا هذا الصديد .
|
آتيك للقول الفصل يا عماد.. نحن سوف نلزم كوادرنا بالتوقف.. فهل بإمكانك والأخوة إيقاف الطرف الأخر (المعتدي)..
كن بخير.،
|
Post: #29
Title: Re: دايرين حل جذري لقصة ليبرالي -امة دي ياجماعة....!!!!
Author: emad altaib
Date: 04-11-2008, 08:54 PM
Parent: #1
ــــــــ
الاخ عبد الكريم ..
اري مايدور الان هو ليبرالي ..
ليبرالي ..
في الفعلة الشنعاء..
والله إن لم تتدخل في بوستي قبل الاعتذار
لما جيئت مذكرا .. المعايير المذدوجة..
التي تتخذ... و(نفاق النص) ..
واظل استمتع بقرآت (لوحات المجاملات)
عندما نخطيء نحن وعندما يخطيء الاخرين
سلامي
|
Post: #31
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 09:04 PM
Parent: #29
Quote: اري مايدور الان هو ليبرالي ..
ليبرالي .. |
مرحب يا عماد
ولا ياسيدي الامر امة ليبرالي
والا نكون نحن قاعدين في منبر تاني يا عمدة....
يا عماد قياس الامر بردود افعاله ومواقف الاخريين يظل دفن رووس في رمال عن ازمة..
تسجيل موقف والمبادرة بوقف هذا السخف امر ضروري وواجب فالقصة صارت مزمنة ومنفرة للكثيرين
|
Post: #33
Title: Re: دايرين حل جذري لقصة ليبرالي -امة دي ياجماعة....!!!!
Author: عبدالكريم الامين احمد
Date: 04-11-2008, 09:58 PM
Parent: #32
هلا يا عاطف
والبوستات هبطرش وعلي قفا ما يشيل يا عاطف
وممكن نجيب قندران اسفيري ينقل للصباح...
ومعا يا عاطف من اجل امتصاص هذه الكعة
|
Post: #34
Title: Re: دايرين حل جذري لقصة ليبرالي -امة دي ياجماعة....!!!!
Author: إسماعيل وراق
Date: 04-12-2008, 00:52 AM
Parent: #32
Quote: Quote: أحضر لي بوست لأحد أعضاء حزب الأمة وكان شرارة لمشكلة
ومازال عادل عبدالعاطى يكذب ويتحرى الكذب حتى يكتب عند ال...كذابا انت لسه بتكذب
نهدى هذه الاغنيه للاستاذ الكبير العالم عادل عبدالعاطى اشاءالله تعجبك بس
اسمع ياهذا عدل عبدالعاطى حزب الامة اشرف من حزبك فاهم ول...ب السياسه القذره منو |
الأخ عاطف عبدون
تحياتي
سأجد لك العذر لأنك غير ملم بتاريخ الصراع..
هذا صراع قديم لم يبدا هذا الشهر.. وحتى البوستات التي أتيت بها هي كانت رد فعل لبوستات أصحابهم معروفين لك..
.
.
|
Post: #35
Title: Re: دايرين حل جذري لقصة ليبرالي -امة دي ياجماعة....!!!!
Author: محمد البشرى الخضر
Date: 04-12-2008, 07:02 AM
Parent: #1
صدقت يا كيكي
و الحقوق محفوظة لزميلة هنا مكتوية بنار الصراع - ما يجري اشبه بشكلة البتان
بعد يحجزوهم و كل واحد يركب عربيته تاني يقوم واحد فيهم يفك ليه كم لفظ من النوع التقيل للتاني
داك يختف يد العفريته و يجيه طاير تاني يحجزوهم تاني كل واحد يركب عربيته قبل ما يدور ما ينسى يكيل لصاحبه من التقيل
وهكذا
المتورطين في الخلافات المذكورة حقا يستحقون لقب " بتَان البورد"
الأخ وراق ...
احترم قناعاتك و رأيك في رد الفعل
لكن يا عزيزي رد الفعل لا يعفيك لا قانونيا ولا اخلاقيا من المحاسبة ولا يسمح لك بإستخدام الأساليب الغير كريمة
ما المانع ان يكون ردالفعل نفسه ملتزما و بعيدا عن الشخصنة و الإساءات- والحديث للجميع و ليس لعضوية الأمة فقط
|
Post: #37
Title: Re: دايرين حل جذري لقصة ليبرالي -امة دي ياجماعة....!!!!
Author: doma
Date: 04-12-2008, 08:25 AM
Parent: #35
Quote: فهكذا ستديرون شأن البلاد حينها ؟؟
بهذه العقلية التي تبيح السقوط بردة الفعل تبعاً للفعل الساقط ؟؟ |
شكرا عماد عبد الله
|
|