Post: #1 Title: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 07:13 PM Parent: #0
وهج رفاعة ارض العلم والجمال والناس الملانة دعاش وحيوية وعندما يغازل النيل كعادته هذه البقعة الجميلة في مساءات الخميس 9-1-2008 تكون تلكم المدينة زاهية وتغرد في كل اركانها الوضيئة فانها ليلة الفارس الروماني وملك الصهيل والاركلوجيا وصديق كراكير الغربة ام دق,,, زغرودة عالية من افواه الحسان ودوبيت يخلد الرجال النبلاء تمتم ووزارز وطنبور وبالمبو وجموع من الغلابة الطيبة تمارس الفرح والبهجة وضربات تئن في من جدار نوبة دارويش وعباد ليل.. وودرملية هو عريسنا الجميل.. الف مبروك يا عبدالرحيم وبيت مال وعيال
Post: #2 Title: Re: الف مبروك وابشر يا ود رملية...وابشر يا عريس...!!! Author: Ahmed Abdallah Date: 01-05-2008, 07:19 PM Parent: #1
الوزير الاسفيري كيكي ... مبروك مقدما للولد عبدالرحيم و سنشارككم افراح الدوحة عند القدوم الميمون بيت مال و عيااااااااااااال ......ز
Post: #5 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 07:28 PM Parent: #2
Quote: الوزير الاسفيري كيكي
هلا يااحمد وحلوة كلمة وزير دي حلوة بالحيل حتي لو كانت وزير اسفيري (هو انا اقول الناس دي تحكحك في الوزارة دي كده لييييييه؟؟)
كل الاماني الحلوة لصديقك ودرملية بحياة سعيدة وبيت مال وعيال.. واحتفال العودة عندي انا (يا احمد خروفك مربوط راجيك) (وش وزير مكرمش)
Post: #123 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-30-2008, 09:26 PM Parent: #2
سلامات وعوافي احمدعبدالله .. يازول يا زين كنت عايز اقول ليك كلام سمح لكن "يعميني" الكتبتها بي هناك يا خاين مسحت كل حلاوة الكلام.. علي العموم في انتظار جيتك يا صديقي .. وعقبال نفرح بي عيالك الحلوين يا عزيز..
Post: #3 Title: Re: الف مبروك وابشر يا ود رملية...وابشر يا عريس...!!! Author: احمد معتصم الطيب Date: 01-05-2008, 07:21 PM Parent: #1
سلامات وعوافى أخي عبد الكريم ألـف مبرووك وبيت مال وعيال ودرملية تشكر عبد الكريم على الخبر المفرحالف مبروك يا عبدالرحيم
Post: #6 Title: Re: الف مبروك وابشر يا ود رملية...وابشر يا عريس...!!! Author: احمد معتصم الطيب Date: 01-05-2008, 07:29 PM Parent: #3
Post: #134 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-31-2008, 00:57 AM Parent: #6
سلامات وعوافي احمد معتصم.. اشكرك علي التهنئة يا صديق وجزيل الشكر علي هذه الزهور الجميلة .. ولتكن بيننا الحياة ربيعا .. ممنون يا صديق ..
Post: #8 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 07:31 PM Parent: #3
Quote: سلامات وعوافى
ايوه يا احمد المعتصم سلامات وعوافي هذه الماركة المميزة وعلامة الجودة والبوح والاندياح الودرملي ستكون الملائكة حاف بها ليالي عدة تلهمه الخلود والبنين والسعادة كل الود ونبارك معا لود رملية وعروسته رميثاء
Post: #4 Title: Re: الف مبروك وابشر يا ود رملية...وابشر يا عريس...!!! Author: بدر الدين الأمير Date: 01-05-2008, 07:27 PM Parent: #1
سمح الخصال ودرملية جدليك ولها واصدق الامنيات لكم بدوام السعادة شكرا كيكى على هذا الخبر السعيد
Post: #9 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 07:34 PM Parent: #4
Post: #7 Title: Re: الف مبروك وابشر يا ود رملية...وابشر يا عريس...!!! Author: kamal ali Date: 01-05-2008, 07:31 PM Parent: #1
شكرا ياعبد الكريم , فانا اليوم كنت افكر فى ودرمليه واتسال هل تم زواجه ام لا ,
الف الف مبروك مقدما الحبيب ودرمليه , وانشاء الله بيت مال وعيال ,
وبعدين حتعمل شنو بعد العرس مع السهر الصباحى الهنا ده ,, تحياتى للاخ احمد حسن
ولكل ال وقيع الله برفاعه , مع كل الامنيات الطيبه ,,
Post: #10 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 07:42 PM Parent: #7
Quote: شكرا ياعبد الكريم , فانا اليوم كنت افكر فى ودرمليه واتسال هل تم زواجه ام لا ,
هلا يا ابوكمال وانا برضو كان لابد مني اسبوع وهو في السودان عقب جولته الي ربوع كوستي وتندلتي حتي قبضت عليه من داخل منزلنا في ودرمدني وعلمت منه برنامجه الرئاسي رفاعة الاربعاء ثم المسير صوب العروسة في الخرطوم موشحا بالضريرة والحنة والمسرات
Post: #139 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-31-2008, 08:18 PM Parent: #7
سلامات وعوافي اللورد كمال سالم شاكر ليك يا غالي .. وشباب آل وقيع الله كانوا معاي يوم بيوم ربنا يديما بينا الوصال.. تسلم حبيبنا ..
Post: #11 Title: Re: الف مبروك وابشر يا ود رملية...وابشر يا عريس...!!! Author: سمندلاوى Date: 01-05-2008, 07:43 PM Parent: #1
ياااااه ليتنى كنت هناك لتعزف له اناملى اعذب الالحان واتمايل طربا, فى الحلة الجديدة مبرووووك يابلد ومبررروك ليكم ياكيكى.. وشكرا على الخبر الدعاش.. عوافى..
Post: #13 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 07:51 PM Parent: #11
Quote: ياااااه ليتنى كنت هناك لتعزف له اناملى اعذب الالحان واتمايل طربا, فى الحلة الجديدة
مرحب سمندلاوي والف مبروك لكم جميعا علي زواج هذا الفتي الجميل وجميعنا وددنا ان نكون بجانبه في هذا المهرجان البهيج..
Post: #140 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-31-2008, 08:20 PM Parent: #11
سلامات وعوافي استاذي وصديقي الحبيب بكري المصطفى.. ليتك كنت حاضرا يابلد.. وسعيد بي تهنئتك وبي الامورة اللفي الصورة .. ربنا يحفظهم جميعا يارب .. تقبل محبتي ..
Post: #12 Title: Re: الف مبروك وابشر يا ود رملية...وابشر يا عريس...!!! Author: nourelhadi awad Date: 01-05-2008, 07:46 PM Parent: #1
Post: #15 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 08:02 PM Parent: #12
Quote: تزغرد داهليين تحرك الرياح ويتساقط كل الرطب الشهي
سلام وتحية يا نور الهادي وفي حضرة عرس هذا الزول الجميل نعم ستزغرد وتتراقص كل الحروف الجميلة التي غازلها علي ارض هذا المكان الذي هو احد فرسانه الكبار
وكل الود والاحترام
Post: #141 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:04 AM Parent: #12
سلامات وعوافي استاذي نور.. يا صاحب الانامل الذهبية.. واحشاني شوفتك .. وممتن ليك كتير.. اتمني ان تكون والعيال بالف خير.. ويا سيدي "دفرت" عليك نهر المحبة.. فاشرب .. ثم اسقني .. محبتي..
Post: #14 Title: Re: الف مبروك وابشر يا ود رملية...وابشر يا عريس...!!! Author: حسن الجيلى سعيد Date: 01-05-2008, 07:54 PM Parent: #1
الأخ الغالى عبد الكريم
دا أجمل خبر أسمعو منذ بداية العام الجديد زميل الطفولة عبد الرحيم ودرملية عريسا ولو إنو إتأخر شوية نحن إتزوجنا قبل عشرة سنوات دعواتى الصادقة لود رملية بزواج ميمون وربنا كاتب لرفاعة فرح جديد لأحد أبنائها الأبرار
مودتى
Post: #16 Title: Re: الف مبروك وابشر يا ود رملية...وابشر يا عريس...!!! Author: مهيرة Date: 01-05-2008, 08:48 PM Parent: #14
الف الف مبروك مقدما للأخ العريس ودرمليه
وانشاء الله بيت مال وعيال وسعادة
وان شاء اللة العديلة تقدمه وتبراه
Post: #17 Title: Re: الف مبروك وابشر يا ود رملية...وابشر يا عريس...!!! Author: احمد الامين احمد Date: 01-05-2008, 08:53 PM Parent: #16
مبروك للرجل الرزين ودرمليه
Post: #20 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:08 PM
Quote: مبروك للرجل الرزين ودرمليه
شكرا احمد وعبدالرحيم يخصك بسلام كثير وسعدت اكثر لزيارته وبرفقة اشقائه وشقيقته للاهل في ودمدني وسيكون الجميع مع ودرملية في رفاعة الاربعاء القادم
Post: #144 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:10 AM
سلامات وعوافي اخي الاكبر وصديقي الحبيب.. استاذ احمد.. مشكور يا حبيب وتمنيت كثيرا لو التقيتك في البلد السمحة ديك.. ربنا ما قاسم لينا الشوفة .. تقبل تحياتي وزوجك المصون.. محبتي ..
Post: #19 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:05 PM Parent: #16
Quote: وان شاء اللة العديلة تقدمه وتبراه
هلا مهيرة وان شاء الله وببركة الصالحين رجال التقابة الصالحين العديلة تقدمه وتبراه بكان ما هو قاعد وكل الود والتحية
Post: #143 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:08 AM Parent: #16
سلامات وعوافي د.مهيرة .. اشكرك يا عزيزتي علي هذه التهنئة واتمني ان تكون كل حياتك افراح وسعادة... ممنون يا سيدتي الفاضلة .. محبتي..
Post: #18 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:01 PM Parent: #14
Quote: دا أجمل خبر أسمعو منذ بداية العام الجديد زميل الطفولة عبد الرحيم ودرملية عريسا ولو إنو إتأخر شوية نحن إتزوجنا قبل عشرة سنوات
الف تحية اخي الجميل حسن الجيلي والف مبروك لرفيق دروب الصبا والطفولة وكما قلت انها بشائر 2008 حملت الينا اسعد الانباء بزواج عبدالرحيم ودرملية الرجل الراقي وكل الود
Post: #21 Title: Re: الف مبروك وابشر يا ود رملية...وابشر يا عريس...!!! Author: محمد سنى دفع الله Date: 01-05-2008, 09:09 PM Parent: #18
ودرملية ود الأم الحنون ويافرحة الأمات وياعسل الكلام مبرووك مبرووك
Post: #22 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:18 PM Parent: #21
Quote: ودرملية ود الأم الحنون ويافرحة الأمات وياعسل الكلام
هلا ياريس ولا اظنك نسيت كما لم انسي انا ذلك اليوم الرهيب في سماوات شتات عندما ارتجل هذا العريس مقطعا من (ماركيز) في مشهد مسرحي لو وجدته هوليود لدفعت فيه مليون دولار ارتجال اقشعرت له الابدان وساعتها تيقنت بان الرجل فريد ومتفرد ومهول... كل الاماني بعرس سعيد وحياة اسعد للمهول ودر ملية الجميل
Post: #23 Title: Re: الف مبروك وابشر يا ود رملية...وابشر يا عريس...!!! Author: مامون أحمد إبراهيم Date: 01-05-2008, 09:27 PM Parent: #22
Quote: زغرودة عالية من افواه الحسان ودوبيت يخلد الرجال النبلاء
ياسلام , ده يوم السعد .. ألف ألف مبروك لودرمليه النبيل .
عبدالكريم الزول ده جا واللا لسه ؟!
ولازم حفله قاجه .
Post: #24 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:33 PM Parent: #23
Quote: ولازم حفله قاجه
هلا يا مامون ويينك يازول الزول ده لسع ما جاء لانو عرسوا نهاية الاسبوع ده ولو جاء حفلتو باذن الله العميان يشيل المكرسح في الدوحة دي كل الود يا مامون
Post: #25 Title: Re: الف مبروك وابشر يا ود رملية...وابشر يا عريس...!!! Author: Emad Abdulla Date: 01-05-2008, 09:39 PM Parent: #24
يا كريم .. ود رملية ؟؟
يا سلام . من دربي ده و .. يا رفاعة جاك زول .
Post: #26 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:47 PM Parent: #25
Quote: يا سلام . من دربي ده و .. يا رفاعة جاك زول
يا سلام يا عماد يااصلي ايوه ياعماد بالله امشي ومفوض من قبل المساخيت في كل بقاع العالم ولك شيك علي بياض للابتهاج كما يجب ان تكون البهجة والاندياح كلو كلو يا عمدة فانه وردملية العجيب عريسا ياناس
Post: #28 Title: Re: الف مبروك وابشر يا ود رملية...وابشر يا عريس...!!! Author: elsharief Date: 01-05-2008, 09:54 PM Parent: #26
الف مبروك للأخ ود رملية مع الامنيات لهما بحياة زوجية سعيدة
Post: #53 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-06-2008, 01:37 PM Parent: #28
Quote: الف مبروك للأخ ود رملية مع الامنيات لهما بحياة زوجية سعيدة
كل الود والتقدير اخي الغالي الشريف وحبابك في كرنفال عرس صديقنا الجميل ودرملية وتسلم
Post: #147 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:14 AM Parent: #28
سلامات وعوافي الزول الجميل الشريف .. عاجز ياسيدي عن شكرك .. اتمني ان تكون غارقا في السعادة .. محبتي..
Post: #146 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:13 AM Parent: #25
سلامات وعوافي حبيبنا عماد عبدالله.. ترقبتك يا صديقي "والافق يلوح بالبشارات".. ترقبتك كثيرا ياصديق .. فلا الشمس تمسحت بالرؤيا ولا انا كففت عن طرفي شوق النظر اليك.. دا مالوم لكنو شوق شديد .. محبتي ..
Post: #145 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:11 AM Parent: #23
سلامات وعوافي ابو وشاح "صديقي الشفيف".. استاذ مامون .. شاكر ليك كتير وربنا يفرحك بي عيالك يارب ياكريم .. اتمني ان تكون والاسرة بالف خير.. محبتي..
Post: #142 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:06 AM Parent: #14
سلامات وعوافي صديق الطفولة.. حسن ... مشتاقين شديد وسعيد بي وجودك في احتفالاتي .. كيفك والعيال .. ياريت الدنيا تدينا فرصة انو نتلاقا.. محبتي .. بعدين في داعي لي كشف "عمرنا الحقيقي"..
Quote: إتزوجنا قبل عشرة سنوات
انا فاكيها في الناس اني مواليد "1983" كدة بوظت علي اللعب..هاهاها
Post: #27 Title: Re: الف مبروك وابشر يا ود رملية...وابشر يا عريس...!!! Author: ناذر محمد الخليفة Date: 01-05-2008, 09:51 PM Parent: #1
الف الف مبروك مقدما الحبيب ودرمليه , وانشاء الله بيت مال وعيال ,
Post: #29 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-05-2008, 09:54 PM Parent: #27
Quote: الف الف مبروك مقدما الحبيب ودرمليه , وانشاء الله بيت مال وعيال
هلا يا فن وعرست وبقيت تجرجر معاك ناسنا كمان حتة حتة (وش مكرمش) وبالله يا ناذر يلا مع عماد ده رجل بالحجل ورفاعة نفر وخلوا المزازيك دي يسمعوها ناس الحصاحيصا والكاملين ذاتتتو عشان يااامنو كل الود يا ناذر وتحياتي
Post: #30 Title: Re: الف مبروك وابشر يا ود رملية...وابشر يا عريس...!!! Author: د.عبد المطلب صديق Date: 01-05-2008, 09:55 PM Parent: #27
مليون تهنئة الى الحبيب ودرملية ،وابشر يا عريس .
Post: #55 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-06-2008, 01:47 PM Parent: #30
Quote: مليون تهنئة الى الحبيب ودرملية ،وابشر يا عريس
الف تحية وسلام يادكتور عبدالمطلب ومبروك لكم ايضا هذا الزواج الميمون وكل الود
Post: #149 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:13 AM Parent: #30
سلامات وعوافي عزيزي د.عبدالمطلب... سعيد بمشاركتك لي عبر "الاسفير" وتمنيت وجودك وبقية الاصدقاء الطيبين بصحيفتي الشرق والعرب .. وان شاء الله في افراحك "زفة وضاح واخوانه" .. محبتي
Post: #148 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-06-2008, 01:15 AM Parent: #27
سلامات وعوافي ناذر .. يا راجل انا طمعتا في "حفلة حنة مجانية" ..قلت خلاص ناذر بيشرفنا وبنهجج.. كل سنة وانت بالف خير ..مشكور كتير ياحبيبنا.. محبتي
Post: #31 Title: Re: الف مبروك وابشر يا ود رملية...وابشر يا عريس...!!! Author: Elmoiz Abunura Date: 01-05-2008, 09:55 PM Parent: #1
Dear Karem
Happy New Year and Independence day الف مبروك يا عبدالرحيم وبيت مال وعيال\ [ /B] Quote
وهج رفاعة ارض العلم والجمال والناس الملانة دعاش وحيوية You correctly said it all about our beloved city, but I also blame you for not introducing me
to him during my stay in Qatar 4 years ago
Regards to your family
Post: #32 Title: Re: الف مبروك وابشر يا ود رملية...وابشر يا عريس...!!! Author: Muna Khugali Date: 01-05-2008, 09:59 PM Parent: #31
مبروكبييره يا ودرمليه.. ربنا يسعدكم..
كل سنه وانت طيب يا كرمه..
Post: #33 Title: Re: الف مبروك وابشر يا ود رملية...وابشر يا عريس...!!! Author: Salah Abdulla Date: 01-05-2008, 10:15 PM Parent: #32
رفاعة تتهيأ لزفاف أحد فرسانها عبدالرحيم فارس بالجد ياريت لو كنا معاك يا عبدالرحيم والله كان تشوف العجب لكن ملحوقة يا ابن خالتي ، ويا ناس الدوحة شدوا حيلكم من هسع
مليار مبروك لودرملية ، وبيت مال وعيال والله يسعدك يا راجل يا نضيف.
Post: #34 Title: Re: الف مبروك وابشر يا ود رملية...وابشر يا عريس...!!! Author: سلمى الشيخ سلامة Date: 01-05-2008, 10:20 PM Parent: #33
الف مبروك وكل السلام يا سلمي وياليت لنا جناح طائر السنونو لحقلنا معا في مدارت عرس ودرملية الزول الحنين وكل الود
Post: #153 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:23 AM Parent: #34
سلامات وعوافي الحبيبة الاستاذة سلمى الشيخ .. سعيد يا صديقة بيك وتمنيت كثيرا ان التقيك في السودان .. واسال الله ايامك كلها فرح وسعادة .. وكثيرا ما اشتاق لكتاباتك التي تمجدين فيها ذكرياتك مع الاصدقاء.. فهي كتابات خرجت من نفس صافية لاصدقاء اصفياء.. محبتي ..
Post: #65 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-06-2008, 09:02 PM Parent: #33
Quote: ويا ناس الدوحة شدوا حيلكم من هسع
هلا يا ابوصلاح يا اصلي واييوه ومن حسع نعلنها عالية في انتظار عبدالرحيم عند عودته حتي يشوف العجب الدوحوي ونرد الجميل وناخذ حقنا في العرس الذي فاتنا فوتة عجيبة خلاس
Post: #152 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:20 AM Parent: #33
Post: #56 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-06-2008, 01:53 PM Parent: #31
Quote: You correctly said it all about our beloved city, but I also blame you for not introducing me
to him during my stay in Qatar 4 years ago
Regards to your family
هلا يادكتور والاشواق الكثيفة يا صديقي الجميل واتمني ان تكون الاسرة بالف خير وبركة وفعلا يادكتور كل اسفي علي عدم اتاحة الفرصة حتي تتعرفون علي ابن منطقكتم عبدالرحيم فهو شاب نبيل وبقامة عالية وهي دوما صفات اهل رفاعة الطيبين كل الود وفي انتظارك حتي يعيد الزمان دورته وتشرفنا بالدوحة
Post: #150 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:18 AM Parent: #31
سلامات وعوافي العزيز د.ابونورة .. مرحبتين ياصديق وكلانا قد توضأ بماء النيل الازرق وكلانا قد شرب من نبعه الزلال.. نحن ابناء المدينة الحالمة اينما التقينا تحاببنا وتواددنا كامنا الرؤوم "رفاعة".. ورفاعة لاتقع علي ضفاف النيل ولكن النيل يرقد علي "ضفافها" او كما قال الشاعر اللبناني سعيد عقل بوصفه للبنان . سعيد بمشاركتك لي الافراح وايامك كلها فرح وسعادة يارب ... محبتي ..
Post: #35 Title: Re: الف مبروك وابشر يا ود رملية...وابشر يا عريس...!!! Author: ماجدة عوض خوجلى Date: 01-05-2008, 10:24 PM Parent: #1
هلا يا ماجدة وتسلمي يارب وكل الود والف شكر علي حضورك الي ساحة صديقنا عبدالرحيم الزول الفنان
Post: #154 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:26 AM Parent: #35
سلامات وعوافي استاذة مني خوجلي.. تسلمي ياعزيزة وان شاء الله ايامك كلها فرح وحبور .. محبتي
Post: #36 Title: Re: الف مبروك وابشر يا ود رملية...وابشر يا عريس...!!! Author: طارق جبريل Date: 01-05-2008, 10:42 PM Parent: #1
مبروك يا ودرمليه.. ربنا يسعدكم..
كل سنه وانت طيب يا باشمهندس..
Post: #38 Title: Re: الف مبروك وابشر يا ود رملية...وابشر يا عريس...!!! Author: Amiral Date: 01-05-2008, 11:08 PM Parent: #36
اجمل الاماني للاخ ودرملية بحياة زوجية سعيدة وانشاء الله بيت مال وعيال.. شكرا يا كيكي على الاخبار المفرحة وكل عام وانتم بخير
Post: #74 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-07-2008, 01:46 PM Parent: #38
Quote: اجمل الاماني للاخ ودرملية بحياة زوجية سعيدة وانشاء الله بيت مال وعيال..
هلا اميرال وكل الود وايد ممدودة تقابل الحنة وترسم علي وجه عريسنا ود رملية لحن الخلود
Post: #156 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:29 AM Parent: #38
سلامات وعوافي اميرال .. ياصديقي انا الاسعد بي وجودك في بهيج ايامي .. يارب انت تكون غرقان في السعادة .. محبتي ..
Post: #73 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-07-2008, 01:38 PM Parent: #36
Quote: مبروك يا ودرمليه
هلا يا طارق ويا دكتور حبابك في كرنفال ودرملية صديقنا الجميل ويوم بتكتل ليك زول يا دكتور بجنس غناويك السمحة البتجيبها دي
Post: #155 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-07-2008, 01:28 AM Parent: #36
سلامات وعوافي طارق جبريل .. مشكور ياعزيز علي التهنئة وفي افراحك يارب .. وبالرغم من ان وصلة الفيديو قد حذفت الا انني لن اشك ولو لثانية في ذوقك ... مقبولة يا صديق .. محبتي ..
Post: #37 Title: Re: الف مبروك وابشر يا ود رملية...وابشر يا عريس...!!! Author: ناذر محمد الخليفة Date: 01-05-2008, 10:59 PM Parent: #1
سلام يا كيكي ...
Quote: وبالله يا ناذر يلا مع عماد ده رجل بالحجل ورفاعة نفر وخلوا المزازيك دي يسمعوها ناس الحصاحيصا والكاملين ذاتتتو عشان يااامنو كل الود يا ناذر وتحياتي
رفاعة والله نمشيها وإشتقنا لي ناسا الحنان ..
وإن الشوق دفر نتلب بي غادي لي عند المسلمية ..
عقبال الجماعة الطيبين يا كيكي ...
Post: #94 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-09-2008, 09:31 PM Parent: #37
Quote: رفاعة والله نمشيها وإشتقنا لي ناسا الحنان ..
وإن الشوق دفر نتلب بي غادي لي عند المسلمية ..
عقبال الجماعة الطيبين يا كيكي ...
هلا يا ناذر واليوم اكيد رفاعة بتكون كورتها فووق ورائحة الحنة والبخور تفوح فيي الطرقات.. ومن لم يحصل رفاعة فان المراسم ستمتد حتي الخرطوم يوم غدا الخميس
Post: #39 Title: Re: الف مبروك وابشر يا ود رملية...وابشر يا عريس...!!! Author: مجاهد عبدالله Date: 01-06-2008, 03:17 AM Parent: #1
أجمل الأخبار تلك التي أسمع فيها عن عبدالرحيم .. فهو أكثر الفرحين بأخبار الغير الجميلة ...
فارساً كلس يستاهل كل خير ..
ويا عبدالكريم تحياتي وكل سنة وأنت طيب كمان و لو عندك له تلفون مدنا به ..
خالص التهاني ..
Post: #40 Title: Re: الف مبروك وابشر يا ود رملية...وابشر يا عريس...!!! Author: نصار Date: 01-06-2008, 03:56 AM Parent: #1
كيكي رئيس وزراء المنافي و العرسان السايرة بالعديل و الزين للبدل سلامات و عوافي يا اهل العروس لولي ان العروس من رفاعة لخشينا عليها حمل القصيد و الوتر لكنها ككل نساء رفاعة اللائي يغزلن ضوء الشمس يحزمن بها الحروف الشوارد و يوقعنها نغم ربنا يتمه بالخير و علي خير دائم هناء و سعادة و سكنا و راحة بال و سعة رزق و اطفال يملوا الكون جمال و نضار و صلاح و نجاح...
Post: #41 Title: Re: الف مبروك وابشر يا ود رملية...وابشر يا عريس...!!! Author: خالد ماسا Date: 01-06-2008, 05:49 AM Parent: #1
طـــق خاااااص
الوريف " كيكي "
تحية وود كبيرين ..
وشكرا علي الخبر الجميل .. الف الف مبروك الوريف ود رملية
ويجعل ايامك كلها افراح ..
Post: #42 Title: Re: الف مبروك وابشر يا ود رملية...وابشر يا عريس...!!! Author: حيدر حسن ميرغني Date: 01-06-2008, 06:53 AM Parent: #41
مبروك لود رملية
تمنياتنا له بحياة زوجية سعيدة
Post: #43 Title: Re: الف مبروك وابشر يا ود رملية...وابشر يا عريس...!!! Author: Faisal Al Zubeir Date: 01-06-2008, 07:38 AM Parent: #42
الزميل : كيكي
مبرووووووك لودرملية .
قبل سفره اقمنا له حفلة شاركه الزملاء بجريدة الشرق الفرحة وبعدها سيرناه الى منفذ ابوسمرة البري حيث سافر الى السودان برا عن طريق السعودية .
ساوافيكم ببعض صور الحفلة !
Post: #44 Title: Re: الف مبروك وابشر يا ود رملية...وابشر يا عريس...!!! Author: معتصم دفع الله Date: 01-06-2008, 08:03 AM Parent: #1
كيكي يا وزير .. سلام يا زول يا زين .. عرس عبدالرحيم دا كنا عايزين نحضرو والسيرة تقوم من القلقالة بعدين أحمد عبدالله دا ما يغشك يقول ليك الخروف والحاجات دي ياخي أنا لي أسبوعين بقول ليهو عايز تليفون عبدالرحيم عامل رايح .. أها واللمة الجاية عندكم وأحمد عارف .. سلام للجميع بطرفك وآلاف التبريكات للزول الجميل ود رملية ..
Post: #45 Title: Re: الف مبروك وابشر يا ود رملية...وابشر يا عريس...!!! Author: سمرية Date: 01-06-2008, 09:04 AM Parent: #1
كيكي .. سلامات وكل سنة وانت طيب ومبروك يا عبد الرحيم .. وبيت مال وعيال انشاء الله .. وربنا يسعدك والتحية لكل اهلنا في رفاعة .. خاصة ناس الحلة الجديدة ، وديم العوض ، ديم لطفي ، الزيداب والسناب !!
Post: #46 Title: Re: الف مبروك وابشر يا ود رملية...وابشر يا عريس...!!! Author: Faisal Al Zubeir Date: 01-06-2008, 10:26 AM Parent: #45
فرحة ورقصة .
Post: #47 Title: Re: الف مبروك وابشر يا ود رملية...وابشر يا عريس...!!! Author: الجندرية Date: 01-06-2008, 10:48 AM Parent: #1
وانا يا بكور يا ريتني لو هناك كان زغاريدي تسمع رفاعة من الديم لحدي فريق قدام. يا يمة جد للبنية الامها دعت ليها ود رملية عريس الهنا والمنى ربي يسعدهم ويهنيهم العمر كله. وياريت تلفون العريس في السودان .
Post: #48 Title: Re: الف مبروك وابشر يا ود رملية...وابشر يا عريس...!!! Author: Faisal Al Zubeir Date: 01-06-2008, 11:00 AM Parent: #47
Quote: وياريت تلفون العريس في السودان .
الجندرية : تحياتي : ولك ما طلبتي
00249919642090
Post: #50 Title: Re: الف مبروك وابشر يا ود رملية...وابشر يا عريس...!!! Author: الجندرية Date: 01-06-2008, 11:14 AM Parent: #48
شكراً يا اخ فيصل نردها ليك في السمح ان شاء الله
Post: #49 Title: Re: الف مبروك وابشر يا ود رملية...وابشر يا عريس...!!! Author: أبو ساندرا Date: 01-06-2008, 11:14 AM Parent: #1
مليون مبروك للعروس فقد فازت بعريس تمام
ده اليوم العايزنو ليك يا العريس
Post: #51 Title: Re: الف مبروك وابشر يا ود رملية...وابشر يا عريس...!!! Author: بله محمد الفاضل Date: 01-06-2008, 01:13 PM Parent: #1
بيت مال وعيال وربنا يسعدكم ويفرحكم
Post: #52 Title: Re: الف مبروك وابشر يا ود رملية...وابشر يا عريس...!!! Author: نهلة عمر Date: 01-06-2008, 01:32 PM Parent: #1
اخوى عبد الكريم
جيتنا بالخبر الجميل
مبروك ود رملية
حياة زوجية موفقة و بالرفاء و البنين
Post: #54 Title: Re: الف مبروك وابشر يا ود رملية...وابشر يا عريس...!!! Author: خضر حسين خليل Date: 01-06-2008, 01:45 PM Parent: #1
التهاني وعصير الأمنيات للعزيز ود رملية والله دة مفترض يكون خبر العام ياعبد الكريم
تهانينا مرةً أخري
Post: #57 Title: Re: الف مبروك وابشر يا ود رملية...وابشر يا عريس...!!! Author: اميرة الحبر ادريس Date: 01-06-2008, 02:56 PM Parent: #54
كل سنه وانت طيب يا باشمهندس ومبروك لود رملية انشاء الله بيت مال وعيال مع تحياتي اميرة
Post: #58 Title: Re: الف مبروك وابشر يا ود رملية...وابشر يا عريس...!!! Author: ebrahim_ali Date: 01-06-2008, 02:57 PM Parent: #54
الحبيب كيكي تحياتي وسلامي وتشكر على هذه الأخبار الحلوة ألف مبروك للعزيز عبدو وللعروس بت العم وياريت لو كنا هناك نعيش الفرحة والبهجة مع أعز الناس المهم منتظرين حفلة الدوحة بفارق الصبر يا كيكي من حسي أنا جاهز موية ونور
Post: #59 Title: Re: الف مبروك وابشر يا ود رملية...وابشر يا عريس...!!! Author: wadalzain Date: 01-06-2008, 03:22 PM Parent: #58
التهانى والتبريكات لود رمليه ونتمنى له حياة زوجيه سعيده وبيت مال وعيال
Post: #60 Title: Re: الف مبروك وابشر يا ود رملية...وابشر يا عريس...!!! Author: نورالدين بابكر بدري Date: 01-06-2008, 04:04 PM Parent: #59
Post: #61 Title: Re: الف مبروك وابشر يا ود رملية...وابشر يا عريس...!!! Author: Ishraga Mustafa Date: 01-06-2008, 04:07 PM Parent: #59
يا ابن امى يا عبده
فرحى يعادل حزنى... فرحى وانت تحقق احلامك وتزفها للبنية التى سترافقك بقية العمر وحزنى لانى وكما الوعد بيننا ان اكون موجودة يوم حنتك... وجاءت الامنيات كالعادة ليس كماتشتهى الرياح...
الف مبروك وساحتفى بكما بطريقتى,,, الآن ويوما ما... هنا او فى مكان ما..
لك ولعروستك محبتى تغطيك وتحفظها
شكرا ياكريم... شجرة من شجر الله الجميل...
_________________________________________________________________________________________ رسل لى ياكريم عليك الله اى وسيلة تواصل مع عبدالرحيم على ايميلى التلفونات اللى رسلها لى قبل سفره كلها ماجمعت معاى وبى شوق اتواصل معاه يوم حنته
Post: #62 Title: Re: الف مبروك وابشر يا ود رملية...وابشر يا عريس...!!! Author: عاطف عمر Date: 01-06-2008, 06:18 PM Parent: #1
يصدح كمان وعود عود لينا يا ليل الفرح داوي القليب الإنجرح يآآآآآآآآه عبدالرحيم ود أمي رملية عريس وتاني آآآآآآه ويضرب درويشنا طبله يا ليالي السادة عودي بنبينا طه جودي وتاني آآآآآآآه ويأتينه بنات الفريق اللائي طالما شعرن بالأمان في قربه دا اليوم الدايرنو ليك يا عبده مبروك عليك وشئ من كل شئ ، من كل خميلة زهرة نرقص ونمدح ونعرض
أحباب ودرملية وإخوته وأخوانه خذوني عليكم إلى سماوات فرحكم تلك
Post: #63 Title: Re: الف مبروك وابشر يا ود رملية...وابشر يا عريس...!!! Author: kamalabas Date: 01-06-2008, 06:23 PM Parent: #1
ألف مبروك لود رمليةالانسان الرائع الخلوق..ولود رملية المثقف الاديب ألف مبروك وبيت مال وعيال مع الاماني بحياة زوجية منتجة وموفقة وسعيدة كمال عباس
Post: #67 Title: Re: الف مبروك وابشر يا ود رملية...وابشر يا عريس...!!! Author: Faisal Al Zubeir Date: 01-07-2008, 07:00 AM Parent: #63
فوق
Post: #71 Title: Re: الف مبروك وابشر يا ود رملية...وابشر يا عريس...!!! Author: doma Date: 01-07-2008, 10:46 AM Parent: #63
ايوووووووووووووووووي زغروده للزول الجميل وخلوق الف الف مبروك ود رمليه وعروسته امنياتي ليكم بكل ما هو جميل
Post: #68 Title: Re: الف مبروك وابشر يا ود رملية...وابشر يا عريس...!!! Author: jini Date: 01-07-2008, 07:33 AM Parent: #1
Quote: وهج رفاعة ارض العلم والجمال والناس الملانة دعاش وحيوية وعندما يغازل النيل كعادته هذه البقعة الجميلة في مساءات الخميس 9-1-2008 تكون تلكم المدينة زاهية وتغرد في كل اركانها الوضيئة فانها ليلة الفارس الروماني وملك الصهيل والاركلوجيا وصديق كراكير الغربة ام دق,,, زغرودة عالية من افواه الحسان ودوبيت يخلد الرجال النبلاء تمتم ووزارز وطنبور وبالمبو وجموع من الغلابة الطيبة تمارس الفرح والبهجة وضربات تئن في من جدار نوبة دارويش وعباد ليل.. وودرملية هو عريسنا الجميل.. الف مبروك يا عبدالرحيم وبيت مال وعيال
Post: #69 Title: Re: الف مبروك وابشر يا ود رملية...وابشر يا عريس...!!! Author: عصام الدين حسين حسن Date: 01-07-2008, 10:08 AM Parent: #1
كنت في حالة من حالات الألم والحزن العميق بتاع غربة عرجاء لم يخرجني منها بغ بغ عماد عبدالله،
كنت أتأمل ما أنا قابع فيه ،،كنت أتسآءل هل لنا من مخرج ،،
في ظل شرود إلى حد ذهاب العقل وجدت هذا الجميل عريساً ،،
فرحت فرحتين أنه إنتشلني من هذه الغمة العرجاء إلى رحاب جمال ووجدت نفسي مهللاً مكبراً ،،
أنه ينتقل إلى حيث الفرح فعينيه الحزينتين أجد لهما علاج الآن ، حين تذهب الأيام وتأتي رملية الصغيرة
تستبشر أنها على وعد مع حياة وريفه في ظل هذا الجميل ..
لك كل الفرح وكل الجمال في حياة موفورة بالسعادة والمرح ،، ويا بخت هذه التي إنتسبت إليكم ..
Post: #70 Title: Re: الف مبروك وابشر يا ود رملية...وابشر يا عريس...!!! Author: Alsa7afa_30 Date: 01-07-2008, 10:21 AM Parent: #1
Post: #75 Title: Re: الف مبروك وابشر يا ود رملية...وابشر يا عريس...!!! Author: محسن خالد Date: 01-07-2008, 03:55 PM Parent: #70
يا سلالام
مبروك يا عبد الرحيم مبروك، وبيت مال وعيّال يا كيكي ما في طريقة نجي نحضر خروفك دا بعد عودة ود رملية. الأيامات دي كرعيني حفيانات ليهن لطيارة.
بس أوووعك تعزم ناس كدا، بكتلك
Post: #76 Title: Re: الف مبروك وابشر يا ود رملية...وابشر يا عريس...!!! Author: أبوبكر حسن خليفة حسن Date: 01-07-2008, 07:23 PM Parent: #1
صديقنا المحبوب عبد الرحيم ود رملية.. تحية طيبة .. وزواج مبارك وربنا يسعدكم ويبلغكم أعلى مقامات المحبة والله تمنينا أن نكون من الحضور إلا أن تصاريف القدر حالت بيننا والبلد بحور ! وشكرا ليك كتير الأخ عبدالكريم على هذا الوفاء
أبوبكر
Post: #77 Title: Re: الف مبروك وابشر يا ود رملية...وابشر يا عريس...!!! Author: Amira Elsheikh Date: 01-08-2008, 07:55 AM Parent: #76
كيكي..
كل ما يكون فى لمة فى الدوحة ..يجيك واحد يقوليك العزابة ناس ودرملية
عليهم الموية والصحون والبارد ولملمة الفرشات وشنو كدا ماعارفة...
اها عقبال طارق المكى ومحمد الطيب والصحافة 30 عشان نشوف شغل الهامش دا
تانى بشتغلو ليكم منو..
ودرملية ورميثاء بيت هناء ومنى انشاءالله
ويغلبك بالمحبة وتغلبيهو بمحبة اكتر ...
Post: #78 Title: Re: الف مبروك وابشر يا ود رملية...وابشر يا عريس...!!! Author: خالد العبيد Date: 01-08-2008, 07:59 AM Parent: #1
الف مبروك يا عبدالرحيم وبيت مال وعيال
Post: #79 Title: Re: الف مبروك وابشر يا ود رملية...وابشر يا عريس...!!! Author: محمد الطيب حسن Date: 01-08-2008, 08:22 AM Parent: #78
كيكي الله ينعل اي واحد بقوليك لعين ياخي والله انت بركة بورداب الدوحه كلهم الف مبروك لحبيب الكل الراجل الصنديد اخو الاخوان ودرمليه وبخت الاخت رميثاء عرفت تقع
تحت تحت : ــــــــــــــــــــــــ انا مشيت حجزت استاد الاهلي من اسي بس يارب يكفي
Post: #80 Title: Re: الف مبروك وابشر يا ود رملية...وابشر يا عريس...!!! Author: محمد الطيب حسن Date: 01-08-2008, 08:31 AM Parent: #79
اميره الاميره
Quote: كيكي..
كل ما يكون فى لمة فى الدوحة ..يجيك واحد يقوليك العزابة ناس ودرملية
عليهم الموية والصحون والبارد ولملمة الفرشات وشنو كدا ماعارفة...
اها عقبال طارق المكى ومحمد الطيب والصحافة 30 عشان نشوف شغل الهامش دا
تحت تحت : ــــــــــــــــــــــــ البسمعك يقول انتي مامعانا
Post: #81 Title: Re: الف مبروك وابشر يا ود رملية...وابشر يا عريس...!!! Author: Alsa7afa_30 Date: 01-08-2008, 08:51 AM Parent: #1
Quote: اها عقبال طارق المكى ومحمد الطيب والصحافة 30 عشان نشوف شغل الهامش دا
تانى بشتغلو ليكم منو..
عاشت نصيرة المهمشيييييين ...
Post: #82 Title: Re: الف مبروك وابشر يا ود رملية...وابشر يا عريس...!!! Author: tarig almakki Date: 01-08-2008, 09:09 AM Parent: #81
Quote: عاشت نصيرة المهمشيييييين ...
عاشت عاشت ...
ود رملية العريس مبروك يا صاحب يا لذيذ وبيت مال وحيال وحب وحاجات سمحة كتيرة
Post: #83 Title: Re: الف مبروك وابشر يا ود رملية...وابشر يا عريس...!!! Author: معاوية الطيب Date: 01-08-2008, 09:29 AM Parent: #1
الف مبروك لود رملية وفرحتنا بة لا توصف كنت امنى النفس حسب وعدى لود رملية بالسفر امس لحضور الزواج ولكن ظروف العمل لا تسمح ولنواصل الافراح بالدوحة .... شكرا كيكى
Post: #84 Title: Re: الف مبروك وابشر يا ود رملية...وابشر يا عريس...!!! Author: رأفت ميلاد Date: 01-08-2008, 09:35 AM Parent: #83
سلامات وعوافى يا ود رميلة بيت مال عيال
وألف مبروك وحياة هنيئة
يا كى كى ما تشوف لينا فدائية لعمر سعد نرتاح ونقفل البورد دة
Post: #85 Title: Re: الف مبروك وابشر يا ود رملية...وابشر يا عريس...!!! Author: محمد الطيب حسن Date: 01-08-2008, 10:38 AM Parent: #84
Quote: يا كى كى ما تشوف لينا فدائية لعمر سعد نرتاح ونقفل البورد دة
ماتخليهم اتنين ربنا يخليك واكسب فينا اجر
Post: #86 Title: Re: الف مبروك وابشر يا ود رملية...وابشر يا عريس...!!! Author: بابكر عثمان مكي Date: 01-08-2008, 11:24 AM Parent: #85
مبارك .. ياود رملية
افرد راحة يداك لتمكن لحظة الحناء من المرور هناك لون فى راحة ييد يشبه عناقيد الكرز تجده صباحا" حينماتستيقظ
حينها تذكرنى
ثم قم فسلم
على شتلاتنا الجهنمية وشجرة النبق العتيقة وسور مدرسة نفيسة عوض الكريم وكل الصحاب
بابكر زيكو
Post: #87 Title: Re: الف مبروك وابشر يا ود رملية...وابشر يا عريس...!!! Author: نجوان Date: 01-08-2008, 12:23 PM Parent: #86
ألف مبروك يا ود رملية والعروسة.. وبالعديل والزين وسط باقات دعاء الطيبين..
___ شكرا يا كيكي.. ومبروك عليك الوزارة..
Post: #88 Title: Re: الف مبروك وابشر يا ود رملية...وابشر يا عريس...!!! Author: elameen Date: 01-08-2008, 12:39 PM Parent: #1
Quote: وودرملية هو عريسنا الجميل..
الف مبروك
امين
Post: #89 Title: Re: الف مبروك وابشر يا ود رملية...وابشر يا عريس...!!! Author: salma subhi Date: 01-08-2008, 12:50 PM Parent: #88
ألف مبروك لود رملية
كل سنة وانت طيب أستاذ عبدالكريم.....
........
Post: #90 Title: Re: الف مبروك وابشر يا ود رملية...وابشر يا عريس...!!! Author: حسن البشاري Date: 01-08-2008, 02:36 PM Parent: #89
لا اعرف احدا يحب الناس كل الناس كما يفعل ود رملية ولا اعرف احدا يتمتع بكل هذا الجمال الداخلي كما يتمتع به ود رملية.. والطيبون للطيبات .. هنيئا لكما ايها العروسين بحب دائم يتجدد وبمودة ورحمة لا تنقطع. لكماباقات من الود ودعوات بالخير والبركة لا تتوقف.
Post: #91 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-08-2008, 10:04 PM Parent: #90
تحياتي للجميع وودرملية وعبر هاتف طويل يغريكم السلام جمعيا ويلهج بالشكر الذي عبقته حنة رفاعة وروائح البخور التي عبقت كل تلكم الديار وقليل من المشاغل ونعود اليكم جميعا وكل الود
Post: #92 Title: Re: الف مبروك وابشر يا ود رملية...وابشر يا عريس...!!! Author: Raja Date: 01-08-2008, 10:19 PM Parent: #91
Post: #93 Title: Re: الف مبروك وابشر يا ود رملية...وابشر يا عريس...!!! Author: Elawad Date: 01-08-2008, 10:38 PM Parent: #1
يا ود رملية ألف مبروك ليك و للعروس و بارك الله لكما و بارك عليكما و جمع بينكما في خير. شكرا عبد الكريم على الخبر.
Post: #95 Title: Re: الف مبروك وابشر يا ود رملية...وابشر يا عريس...!!! Author: Tragie Mustafa Date: 01-09-2008, 09:38 PM Parent: #93
مبروك يا ود رميله وبيت مال وعيال تغلبها بالمال وتغلبك بالعيال وشكرا يا كيك وعقبال العزابة لحدهم.
Post: #96 Title: Re: الف مبروك وابشر يا ود رملية...وابشر يا عريس...!!! Author: مبيوع Date: 01-10-2008, 00:41 AM Parent: #1
احرالتهانى للحبيب ودرمليه تمنيت انااكون معكم فى هذاالفرح
Post: #97 Title: Re: الف مبروك وابشر يا ود رملية...وابشر يا عريس...!!! Author: انعام حيمورة Date: 01-10-2008, 10:28 AM Parent: #1
الف الف مبروك يا ناس الدوحة .. والوزير كيكي
شكرا يا فيصل الزبير على التلفون .. فلقد قمت بالاتصال به وتهنئته مقدما .. بعدين بنمشي العرس انشاء الله
بيت مال وعيال
Post: #98 Title: Re: الف مبروك وابشر يا ود رملية...وابشر يا عريس...!!! Author: انعام حيمورة Date: 01-11-2008, 00:08 AM Parent: #1
أبشر يا كيكي ..
كنا حضورا ..
بجيك بالباقي بكرة ...
الف مبروك ود رميلة
Post: #99 Title: Re: الف مبروك وابشر يا ود رملية...وابشر يا عريس...!!! Author: Rawia Date: 01-11-2008, 05:05 AM Parent: #98
الف الف الف مبروك يستاهل فرح الناس الهنا واكتر قالو الليلة كانوا احلى عروسين يارب يتهنوا ويسعدوا العمر كله الف مبروك ود رملية والعروسة الحلوة وبيت مال وسعادة وهنا وعيال
ميرسي كيكي
Post: #100 Title: Re: الف مبروك وابشر يا ود رملية...وابشر يا عريس...!!! Author: ابوعسل السيد احمد Date: 01-11-2008, 05:43 AM Parent: #99
بيت مال و عيال.. و عديلة و بيضا يا ود رملية.. ألف ألف مبارك..
شكرا حبيبنا كيكي
أبوعسل
Post: #101 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-11-2008, 09:05 AM Parent: #100
هلا وسلام الي الجميع والف مبروك مرة اخري لود رملية صديقكم وحبيبكم جميعا ويا سلااام يا انعام نحن في الانتظار (الشمار كاتلني عديل كده) عبدالرحيم دوما اردد بانه راقصي المفضل جنو رقيص ورقاص رقيص اطرش انعام (حلفتك) كان تجي تحكي لينا بالتفاصيل عرس الود المسخوت ده
Post: #102 Title: Re: الف مبروك وابشر يا ود رملية...وابشر يا عريس...!!! Author: انعام حيمورة Date: 01-11-2008, 10:12 AM Parent: #1
كيكي .. كيفك والف الف مبروك لود رملية ...
كنا طبعا في اللقاء ببي بورداب الخارج ...
ومن هناك بدأت كل مجموعة تتحرك على حدأ ..
انا كنت آخر مجموعة .. وضمت .. محمد ابو العزائم ابو الريش واشراقة حيمورة وصهيب حيمورة ..
عندما وصلنا كان (الرقيص) قد انتهى هسى من كلامك دا كان اخدت لي معاه رقصة رقصتين ..
انتهت الحفلة .. ولكن كان لابد ان نصل ونبارك له ..
وبالفعل .. (حلاتو) العريس و (حلاتة شديد) العروس .. صيوان فخم جدا وحدادي مدادي ..
سلام وتحايا ومباركات شديدة ولاقينا هناك .. عبير خيري ونولا .. وسبقونا .. خالد ماسا وريل وناجي الملك ..
Post: #103 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 01-11-2008, 10:44 AM Parent: #102
Quote: وبالفعل .. (حلاتو) العريس و (حلاتة شديد) العروس
ده الكلام يا انعام وعريسنا وعروسنا زينة وشكرا لكم جميعا ايها البورداب الرائعين علي وقفتكم مع هذا الصديق الاصيل النبيل.. ويا انعام لو فاتك رقيص وردملية تعالوا لينا هنا رجوعه فاننا سنحته حت السنين باذن الله..
... تحياتي لكل الذين عبروا الي هذه الساحة الاحتفائية بعيدالرحيم ودرملية وكل الود..
Post: #104 Title: Re: الف مبروك وابشر يا ود رملية...وابشر يا عريس...!!! Author: معتز القريش Date: 01-12-2008, 09:10 AM Parent: #103
دا اليوم الديرنو ليك يا ود رملية مبروك عليك ليتني كنت هناك لكي أوثق لك ليتني كنت هناك لكي أفرح معك
Post: #105 Title: Re: الف مبروك وابشر يا ود رملية...وابشر يا عريس...!!! Author: محمد الطيب حسن Date: 01-12-2008, 10:26 AM Parent: #104
Quote: فاننا سنحته حت السنين باذن الله..
باذن الله
Post: #106 Title: Re: الف مبروك وابشر يا ود رملية...وابشر يا عريس...!!! Author: Haytham Abdulaziz Date: 01-12-2008, 11:56 AM Parent: #105
الحبيب كيكي .. كيفك و الف الف مبروك للعزيز ود رملية و بيت مال و عيال ..... و من قلبي عقبالك يا راسي يا زين....
Post: #117 Title: Re: الف مبروك وابشر يا ود رملية...وابشر يا عريس...!!! Author: Ahmed Abdallah Date: 03-30-2008, 04:35 AM Parent: #103
Quote: وبالفعل .. (حلاتو) العريس
يعميني !!
Post: #107 Title: Re: الف مبروك وابشر يا ود رملية...وابشر يا عريس...!!! Author: Agab Alfaya Date: 01-13-2008, 08:16 AM Parent: #1
بالعديل والزين
وسط باقات دعاء الخالات والعمات
وكل الناس الطيبين والطيبات
تباريكم الملائكة وتحفكم البركة
وبيت مال وعيال وهناء يا عبد الرحيم وعروسته
Post: #108 Title: Re: الف مبروك وابشر يا ود رملية...وابشر يا عريس...!!! Author: Imad Khalifa Date: 01-13-2008, 08:56 AM Parent: #107
سلامات وعوافي كل هذه التهاني المضيئة .. كل هذه الكلمات الرقيقة .. تتنزل علي قلبي كلمسات الانبياء .. تمسح الالم فيتوثب الجسد بالشفاء .. انا ممنون .. للاصدقاء .. بهار الحياة .. وطعم الايام.. انا ممنون لكم جميعا .. فردا فردا .. من كتب في هذا المنبر ومن لم يكتب .. من تذكرني في خواطره ومن لم يتذكر .. من هاتفني في جهر ومن هاتفني في سر .. من يحبني ومن يكرهني .. من تمني لي الخير ومن يتاهب للتمني .. جميعكم يا الطف احباب الروح .. مبهور انا بهذه الثناءات والاحتفالات .. احبكم .. هذا وقودي لكم.. "الحب" .. "الحب" .. "الحب".. اقطره من عروق الروح ليصب في شرايين صوركم الجميلة المنتشرة في اركان الذاكرة.. من رايتهم ومن لم اراهم.. امامكم الان اقول .. اشكركم اشكركم .. ولا اجد وسيلة افضل من الانحناء لكم .. عسى ان تقبلوا محبتي "رغم تقصيري وتاخيري".. فبيني وبين الاسافير "قعدت" 4 شهور متتاليات.. وعبركم وبكم احيي حبيبتي الماجدة .. احبك .. صاحبة روحي ورفيقة دربي ويا انيستي الفاتنة .. سيدتي من بين كل نساء الكون .. الانثي التي ابتهلت لها احلامي وابتهجت بها ايامي.. حبيبتي الجميلة ..زوجتي ..عصاتي التي اتوكأ عليها وثوبي الذي بدثرني .. وقلبي الذي ينبض بالحياة.. وروحي التي تنعم بالدفء .. وعيني التي تضج للرؤيا .. واذني التي تانس بالقصائد واللحون.. وانفي الذي يرقص للرحيق والندى .. وجسدي الذي يمنحني شكل الانسان .. احبك سيدتي احبك كثيرا "وتعالي معي لتنظري غمائم الاصدقاء وهي تظللني" .. وانتم .. يا كل الارواح اللطيفة ..و *"انبل اشجار الله" .. اني احبكم .. اني احبكم.. اني احبكم.. --------------------- عبر هذا البوست اقول لكل من اختلفت معهم بانني لا احمل في قلبي ضغينة ولاحقد.. وانني لم اقصد يوما الاذى ولن اقصد ما حييت .. تقبلوا اختلافي معكم اختلافا "ابيضا" نقيا .. ولتكن الحياة بيننا **ارخبيلا من المودة والالفة والمسرات.. -------------------- * مصطلح نحتته الباحثة والدكتورة الحبيبة اشراقة مصطفي واصفة من تحب من الاصدقاء بـ "انبل اشجار الله".. ** كتب الاستاذ الناقد والاديب محمد الربيع محمد صالح ورقة نقدية ناصعة عن رواية موسم الهجرة الي الشمال استعرت من عنوانها هذا العبارة القصيدة "ارخبيلا من المودة والالفة والمسرات" ..
Post: #115 Title: Re: تقبلوا محبتي جميعا Author: محمد خليل ساني Date: 03-29-2008, 11:33 PM Parent: #112
حمدالله على السلامه يا عريس يا حبيب الكل ،،،
ألف ألف ألف ألف ألف مبروك ود رمليه ،،، حقيقة إفتقدناك كثيرا ،،، أنا وصديقي عيدروس ،،، علمت بحضورك الجميل ووصولك الراقى الى أرض الدوحه ،،، سعادتي كانت أكبر بأنك أكملت نصف الدين والباقي على الباقين ،،، لك ودى ومحبتي وتقديري حتى نلتقي على أبهى ما نكون ،،، مع محبتي .
Post: #114 Title: Re: الف مبروك وابشر يا ود رملية...وابشر يا عريس...!!! Author: haroon diyab Date: 03-29-2008, 10:55 PM Parent: #1
Post: #116 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-30-2008, 01:28 AM Parent: #114
سلامات وعوافي د.الصحافة30 والعزيز هارون شاكر ليكم يا احباب وجودكم في افراحي اتمني ان اراكم دوما في سعادة .. العزيز والصديق الراقي محمد خليل ثاني ... لا حولااااااااااااا يازول الف مليون مرحب بك في هذا المنبر العامر "بي وجودك" .. سعدت كثيرا بطلتك هذه وعلي الاقل كان تكلمنا كنا عملنا ليك حفل استقبال طويل عريض فانت تستحق ان يحتفى بك .. اود ان افيدك علما بان رحلة "الأوبة" كانت عبر ميناء سواكن غير اني كنت مصرا علي زيارة بورتسودان .. والحمد لله وجدتها الطف مما تخيلت .. هذه اللؤلؤة النائمة في حجر البحر الاحمر .. ابشرك بان "مطعم البرلمان" مازال يقدم وجباته الدسمة وعلي اجلها قدر "الفول" و"السلات" مصحوبا بالشوربة وقطع الليمون الطازجة .... هذه المدينة ساحرة يا محمد .. وفيها جو خرافي .. اتمني ان اقضي بها في مستقبل الايام اجازة كاملة .. تقبلوا جميعا محبتي وسوف اتي للرد عليكم جميعا .. فردا فردا .. محبتي
Post: #118 Title: Re: الف مبروك وابشر يا ود رملية...وابشر يا عريس...!!! Author: محمد خليل ساني Date: 03-30-2008, 11:59 AM Parent: #116
سعادتي لا توصف ود رمليه على هذه الكلمات الطيبات ،،، وسعادتي أكبر بتحاياك الطيبه وروعتك اللا منتهيه ،،، بورتسودان فعلا مدينه تستحق الإشاده فهي المدينة الأم كما أسميها ،،، كنت آخر الواصلين عبر البر من سواكن ،،، وزرت المدينة الأحلى بورتسودان ،،، ليتك التقطت لنا بعض الصور عن ثغرنا الباسم لكن ملحوقه ،،، أنا رايح نهاية أبريل ح أهريها تصوير ،،، شكرا ود رمليه عزيز دنيانا ،،، مع محبتي.
Post: #119 Title: Re: الف مبروك وابشر يا ود رملية...وابشر يا عريس...!!! Author: haroon diyab Date: 03-30-2008, 05:55 PM Parent: #116
Quote: ابشرك بان "مطعم البرلمان" مازال يقدم وجباته الدسمة وعلي اجلها قدر "الفول" و"السلات" مصحوبا بالشوربة وقطع الليمون الطازجة ....
يعني في داعي للشحتفة دي..... ياحليل مخبازة البرلمان ....وفول البرلمان.....وسلات اوشيك جنب البرلمان .... وياحليل الملتقي..... وياحليلك ياكيكي المافاهم حاجة ..... وبرضو غطي سعلب
كل الود هارون دياب
Post: #120 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 03-30-2008, 06:32 PM Parent: #119
وها هو عريسنا يعودوهو متسربلا بوهج وسطوة الجمال وروح الخلود الف مرحب يا عريس ويدك فوووق وياهارون بالله جهزوا المزازيك الشواشي والذي منه حتي نحتفل بودرملية عريس الهنا وحتي يعادي صحافة30 ومحمدطيب ومحمد عبدالرحمن واخرون احسب ان ود قريش منهم
Post: #121 Title: Re: الف مبروك وابشر يا ود رملية...وابشر يا عريس...!!! Author: haroon diyab Date: 03-30-2008, 07:04 PM Parent: #120
كتب الجميل / كيكي
Quote: وها هو عريسنا يعودوهو متسربلا بوهج وسطوة الجمال وروح الخلود الف مرحب يا عريس ويدك فوووق وياهارون بالله جهزوا المزازيك الشواشي والذي منه حتي نحتفل بودرملية عريس الهنا وحتي يعادي صحافة30 ومحمدطيب ومحمد عبدالرحمن واخرون احسب ان ود قريش منهم
وانا جاهز ...وحاتك اكان عاوز حنة نعمله ليه في البيت ..... وياريت الحكاية تكون قرييييييييييييييييب . ويلا ياشباب دفره لي قدااااااااااااااااااام.
Post: #122 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-30-2008, 09:14 PM Parent: #1
سلامات وعوافي كيكي ياصديق .. ممنون يا عزيزي لهذه الاحتفالات .. اسال الله ان يديم بيننا المحبة والوصال .. وان يعشق الفرح دروبنا ما حيينا ... تقبل محبتي واشواقي .. "بضرب ليك وتلفونك مقفول" ..انت يا صاحبي بقيت بتاع شيكات والا شنو .."وش بيغمز".. وكدة..
Post: #125 Title: Re: الف مبروك وابشر يا ود رملية...وابشر يا عريس...!!! Author: حسن الجزولي Date: 03-30-2008, 09:48 PM Parent: #122
العزيز و رملية أعذب التهاني والأمنيات السعيدة لمناسبة زواجكما الميمون والتهاني عبركم لجميع الاصدقاء بالدوحة وبيت مال وعيال
Post: #132 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-31-2008, 00:50 AM Parent: #125
سلامات وعوافي الصديق الحبيب د.حسن الجزولي.. سعيد بي طلتك هنا ومشتاقين والله .. اتمني انك تكون مبسوط وبالك رايق .. تحياتي لكل الاهل والاحباب .. وتحياتي للرائع الاستاذ محجوب والاستاذة اميرة وزهرتيهما..
Post: #124 Title: Re: الف مبروك وابشر يا ود رملية...وابشر يا عريس...!!! Author: haroon diyab Date: 03-30-2008, 09:37 PM Parent: #1
ودرملية وتاني كمان مبرووووووووووك
ومن حسع..... اذا كان فيها حنة دوحابية انا حاجزك من حسع .... او حاجزين العروسة عندنا ....ماهي برضو اختنا .... اوعك تجي تقول لي متفق مع هناي ....ولا هناي.... طيب
Post: #126 Title: Re: الف مبروك وابشر يا ود رملية...وابشر يا عريس...!!! Author: محمد سنى دفع الله Date: 03-30-2008, 09:57 PM Parent: #124
يافراشة القلب حلق في فضاء وجداني لون قلبي بلون الورد لكم انت جميلا يا فراش الفرح والأجمل فراشة الحديقة التي تقاسمك الرحيق لتصنعوا الشهد ...
Post: #133 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-31-2008, 00:53 AM Parent: #126
سلامات وعوافي السني "السني طمني".. صدحت في المساء القصيدة .. ابتهج القمر والاصدقاء.. والزهرة البرية حاضرة بالندي والعبير.. كان كل شيء يشي بالجمال.. حتي النوافذ "انبهرت" بالغناء.. .. مشتاقين يا ملك الهايكو ..
Post: #127 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-30-2008, 10:11 PM Parent: #1
سلامات وعوافي كيكي .. ياصديقي المتالق .. يارنة جرس الاحباب .. ممنون ياصديقي لهذه الاحتفالات .. لهذا البريق الاليف.. ولهؤلاء الرائعين.. الذين طوقوا عنقي بالثناءات والتبريكات.. عل الله يمنحني القدرة علي "مجازاتهم".. وانشاء الله كل ايامكم افراح ..يارب.. محبتي ..
Post: #128 Title: Re: الف مبروك وابشر يا ود رملية...وابشر يا عريس...!!! Author: عبدالكريم الامين احمد Date: 03-30-2008, 10:31 PM Parent: #127
وجع وجع عريسنا الزينة رجع حبابك يا عريس واظهر وبان وليك الامان وبالمناسبة البوست ده انا وديتو بص الارشفة حتي تسطيع الرد علي كل هولا الناس ونخليهو بوست ليهو ضل وموغل في الاحتفائية ذات الدهشة النابعة من فيافي بلادنا الجميلة وكل الود
Post: #131 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 03-31-2008, 00:47 AM Parent: #128
سلامات وعوافي هارون مافي اي مشكلة واتفقنا يا حبيب .. ربنا يديم المودة بيننا .. بعدين ياخي بورتسودان دي قصصة عتيقة تحتاج لكثير من السرد.. يا محمد خليل.. واحد من عثرات الاجازة تعطل الكاميرا وبها مايزيد عن 925 صورة واهو قلنا حصل خير.. خلينا نتقابل ياخي ..
Post: #135 Title: Re: الف مبروك وابشر يا ود رملية...وابشر يا عريس...!!! Author: محمد خليل ساني Date: 03-31-2008, 01:01 AM Parent: #131
العزيز الغالي ود رمليه ،،، عريس الموسم ،،، أكيد أكيد حنتقابل ،،، نحن نقدر على بعدكم يا عريس ،،، ما بظن ،،، واحشنا كتير ،،، أكيد طبعا ما حتنسونا من حنانا دى ،،، أكيد ،،، مع محبتي ....
Post: #129 Title: Re: الف مبروك وابشر يا ود رملية...وابشر يا عريس...!!! Author: haroon diyab Date: 03-30-2008, 11:12 PM Parent: #1
Post: #130 Title: Re: الف مبروك وابشر يا ود رملية...وابشر يا عريس...!!! Author: haroon diyab Date: 03-30-2008, 11:17 PM Parent: #1
التعديل للتكرار
Post: #136 Title: Re: الف مبروك وابشر يا ود رملية...وابشر يا عريس...!!! Author: نها محسن أبورأس Date: 03-31-2008, 02:37 AM Parent: #1
ألف الف مبروك وربنا يسعدك ياااااااااااااارب
Post: #137 Title: Re: الف مبروك وابشر يا ود رملية...وابشر يا عريس...!!! Author: Omar Bob Date: 03-31-2008, 05:18 AM Parent: #1
العريس ود رمليه سلامات وعوافي الف مبروك وبيت مال وعيال لك و لشريكة حياتك حاولت الاتصال بك عده مرات علي تلفونك القديم ولكنه مغلق ادينا رنه من تلفونك الجديد
Post: #157 Title: Re: الف مبروك وابشر يا ود رملية...وابشر يا عريس...!!! Author: AnwarKing Date: 04-07-2008, 05:34 AM Parent: #1
ألـف مبروك وبيت مال وعيال ودرملية، بارك الله لكما وبارك عليكما وجمع بينكما في خير...
تشكر عبد الكريم على الخبر المفرح ،الف مبروك
Post: #158 Title: Re: الف مبروك وابشر يا ود رملية...وابشر يا عريس...!!! Author: محمد أبوالعزائم أبوالريش Date: 04-07-2008, 05:46 AM Parent: #1
سلامات وعوافي ...
العزيز ود رملية ...
تهانئ متواصلة .... وزي ما قالت إنعام حيمورة .... كنا حضور .. بس وصلنا متأخرين.
يا زول حمدالله بسلامة الوصول للدوحة .... وبيت مال وعيال .. وتحية خالصة لتوأم روحك
Post: #159 Title: Re: الف مبروك وابشر يا ود رملية...وابشر يا عريس...!!! Author: ودرملية Date: 04-24-2008, 09:46 PM Parent: #158
سلامات وعوافي احباب الروح .. ضاع مني هذا البوست .. ممنون لكم جميعا .. ساحتفل بهذا البوست كل يوم .. وساحتفى بكم كل ثانية .. ولكم محبتي ..
Post: #160 Title: Re: الف مبروك وابشر يا ود رملية...وابشر يا عريس...!!! Author: Rabab Elkarib Date: 04-25-2008, 04:29 PM Parent: #1
