لمن ارسل لاندكروزراتي الاسفيرية...؟؟؟؟

Post: #1
Title: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 07:52 PM
Parent: #0

ياخ بصراحة حكاية اللاندكروزرات دي انا مكيفاني شديد وفكرتها مجنونة جن كلكي والتكتيك والتكنيك والقصة كلها فيها دراما بالجد رهيبة رغم ماسي الموت وتداعياتها الموسفة هنا وهناك الا والحق يقال
انها فكرة جديرة بالتامل والتطوير ولو دراميا ..!!!
وانا قررت اني اعمل لي لاندكروزات اسفيرية من النوع الابو كديس وتكون مجهزة باجهزة حديثة اقمار صناعية وجي بي اس (وقوقل ايرث علي قولة عبدالرحيم محمد حسين)...!!
وقبل ما نشرع في توصيف مهام اللاندكروزرات بتاعتي من الضروري اكد ان اهدافي ستكون
1-من الساسة السودانين
2-بورداب وبوردابيات من المنبر ده
3- شخصيات اخري...

ثانيا في الاطار التطوير والتكلونجيا في حتة هناااك في الصعيد اسمها(القربين) وراها كده ارض خلا
كبيرة وعريضة والجن ما بجي جنبها(مفروض نعمل فيها سجن علي غرار غونتامو) سيكون هو الارض التي تضرب
اللاندكروزات منها ذهابا وايابا..فعندنا ناس عاوزين نجيبهم هناك...نوع حيقعد طوالي في غونتامو القربين ونوع يجي ياخد طابور طابورين ويفرتق..ونوع يجي زيارة ودية وهكذا...!!!

عشرة لاندكروز و20 من الجنقو الاشداء الاقويا الشرسين جاهزين موية ونور لاداء المهام التي تاتي تباعا ....(تابعونا وفالكم طيب)

Post: #2
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 08:03 PM
Parent: #1

قبل ما نرمي لقدام ونمشي في الموضوع..
في اربعة بورداب رسلنا ليهو في الايامات الفاتن دي لاندكروزرات فحقو يجمعو هنا بالخطوة السريعة قبل
ما الجنقو بتاعني ديل يدوروا الشغل بتاع القبض واللاندكروزرات تنطلق...!!!

اول زول ستنطلق صوبه هذه الحدائد السنينة هو (الرائد يونس محمود)..!!!!
الزول ده انا كايسو زمن هذا الشعب السوداني الفضل وكورايك الصباح ديك(كرو كرو)..!!
يجي يقعد في غرفة في غونتامو القربين في اوضة مجهزة باجهزة صوت مزعجة يقعد فيها 12 ساعات في اليوم
يسمع كل الخطب الصباحية التي كان يدقنا بها في تلكم الفترة ثم يسمح له بباقي الوقت كراحة
واستراحة..

Post: #3
Title: Re: لمن ارسل لاندكروزراتي الاسفيرية...؟؟؟؟
Author: Osman Musa
Date: 05-21-2008, 08:07 PM
Parent: #1

اوعك تدقس ..
الفرامل الفرامل .

Post: #4
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 08:15 PM
Parent: #3

Quote: اوعك تدقس ..
الفرامل الفرامل

هلا يا ابوعفان وتحياتي ياخي
والفرامل دي بالذات يا عثمان حيكون في تدريب عليها شهرين ونص (تدريب فرامل بس)
فلن يلدغ لاندكروز من فرامل مرتين

Post: #5
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 08:23 PM
Parent: #4

بعد طلعة يونس محمود حننجي للجبهة الداخلية الدوحية..!!
وعندي ثلاثة بورداب اواربعة كده من بورداب الدوحة مفروض يشرفونا في غونتامو القربين شهر شهرين لزوم الطوبرة والنقة علي خفيف
1-معتز قريش
2- بدرالدين الامير
3-ود رملية
4-رندا حاتم
5-ابوساندرا
وممكن نفك الاربعة الاواخر ديل بعد فترة علي قرار سامي الحاج
ولكن معتز قريش ده (الله يعلم يتفك قريبات دي) لاني عندنا معاهو شغل ودرش تقيل وزي كم جكة في عز الشمس حول اسوار سجني القربيني

Post: #6
Title: Re: لمن ارسل لاندكروزراتي الاسفيرية...؟؟؟؟
Author: Emad Abdulla
Date: 05-21-2008, 08:31 PM
Parent: #4

دبابة مكيفة نلاقي عندك يا الشيخ ؟؟
في ناس مشوارها طويل .. و الحر ياخي ..
زي ما إنت عارف نحنا ناس سنة ناعمة ..
.. و كده ..

......
قول : تَم ..
الله يرضي عليك .

Post: #8
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 08:55 PM
Parent: #6

Quote: دبابة مكيفة نلاقي عندك يا الشيخ ؟؟
في ناس مشوارها طويل .. و الحر ياخي ..
زي ما إنت عارف نحنا ناس سنة ناعمة ..
.. و كده ..

اووووه عمدة وحبابك وبركة الجيت برجلك...
ويا مان واحدة من مهام اللاندكروزرات دي في كراكير الديم انها تقبضك انت ذااااتك يا زول
وتجينا هناك في (قربين غونتامو)...!!
واليوم داك طبعا يوم عيد وحافز للجنقو والقوي المنفذة (المرايس دي حترقد هبطرش)
مطلوب حضورك للتحقيق معاك في (مقصات اسفيرية وكعبلات)
وستسجن يا فردة مع معتز قريش في غرفة واحدة (طبعا ده جزء من العقوبة..)..!!
وبالمناسبة اللستة لسع طويلة وعريضة
عصام جبرالله
والسني
وطبعا الشرير ملاسي ده كلامو جاااي بمزاج واخريين

Post: #7
Title: Re: لمن ارسل لاندكروزراتي الاسفيرية...؟؟؟؟
Author: بشير أحمد
Date: 05-21-2008, 08:55 PM
Parent: #1

عبدو ياهندسة

تحياتي ؛؛

اها ياحبة لاندكروزاتك دي فيها مساحة
للموز والحجبات وكده؟
لانو في ناس كده عايزك تفكي ليهم موز وحجبات

أبوأحمد

Post: #9
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-21-2008, 09:01 PM
Parent: #7

Quote: 1-معتز قريش
2- بدرالدين الامير
3-ود رملية
4-رندا حاتم
5-ابوساندرا

وليه ديل بالذات

انا ما بعرف اركب وللا شنو

Post: #12
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:12 PM
Parent: #9

Quote: وليه ديل بالذات

انا ما بعرف اركب وللا شنو

يا ابو خليل ركز معانا ياخي
القصة ما ركوب
سجن سجن
الناس ديل انا عاوز اجيبهم باللاندكروزرات واسجنهم فترة لشي في نفس يعقوب...!!!

انت خليك يا فردة امسك لي الفضائيات ومتع الجماهير المنتظرة اخبار الغارات بتاعة قوات خالك كيكي:D

Post: #13
Title: Re: لمن ارسل لاندكروزراتي الاسفيرية...؟؟؟؟
Author: mohamed osman bakry
Date: 05-21-2008, 09:15 PM
Parent: #9

إنشاء الله بس يكون عندكم
زنازين للنسوان ياخ?

Post: #16
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:20 PM
Parent: #13

Quote: إنشاء الله بس يكون عندكم
زنازين للنسوان ياخ?

عندنا يامحمد حريمي ورجالي
ولو عندك نسوان عاوز تسجنهم جيب لستتك خلينا نشوف
وتقل جيبك وتعال..

Post: #10
Title: Re: لمن ارسل لاندكروزراتي الاسفيرية...؟؟؟؟
Author: Emad Abdulla
Date: 05-21-2008, 09:06 PM
Parent: #7

Quote: ستسجن يا فردة مع معتز قريش في غرفة واحدة .!!
إنا لله ..
أخير ودونا الدروة طوالي بالله ..

........
مافي خيارات ؟؟؟
إن شا الله ود الأمير

Post: #15
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:17 PM
Parent: #10

Quote: مافي خيارات ؟؟؟
إن شا الله ود الأمير

هلا يا عمدة
خلاص يازول عشانك بس (ابو ساندرا)...
واتخيل لي ما اتلومت معاك

Post: #11
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:07 PM
Parent: #7

Quote: اها ياحبة لاندكروزاتك دي فيها مساحة
للموز والحجبات وكده؟

هلا يا بشير حبابك
والموز راقد هبطرش لكن عدلنا في الجينات بتاعو
البياكلوا وما تبع القوي تبعي بخنق طوالي وبتجيهو ام هلا هلا
موز قواتي يا بشي ما بتاكل الا لقواتي..

والحجابات ستكون نمرة واحدة ودائما الفكي بتاعي بكون متحرك مع القوي
محل ما هي ماشة

لن تضيع حجابات قوي مرتين

Post: #14
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-21-2008, 09:16 PM
Parent: #11

Quote: انت خليك يا فردة امسك لي الفضائيات ومتع الجماهير المنتظرة اخبار الغارات بتاعة قوات خالك كيكي

كان كدة

اضربهم انشاء الله اضربهم حسن ماكردة

Post: #17
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:24 PM
Parent: #14

Quote: اضربهم انشاء الله اضربهم حسن ماكردة

حاضرين يا المتحدث الرسمي
ودي المناظر ياما ولسع في سجونات ح تعجبك شديد وتسر بالك
فالك خليهو طيب وتابعنا

Post: #18
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:29 PM
Parent: #17

السادة اولياء امر الود البنطط ده
حقوا برضو يعملو حسابهم لانو اللاندكروزات لو قريب حسع بتكون قطعت البحر

Post: #20
Title: Re: لمن ارسل لاندكروزراتي الاسفيرية...؟؟؟؟
Author: noon
Date: 05-21-2008, 09:42 PM
Parent: #18

انا إسمي مكتوب,,,,,طاااايب

Quote: حقوا برضو يعملو حسابهم لانو اللاندكروزات لو قريب حسع بتكون قطعت البحر

المحيط المحيط يا عالم ,,,,لازم تفضحونا كدة

الولد دة قالوا ليك ساهل كدة , لعلمك عندو حصانة من بوشبش شخصيا

Post: #24
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 10:00 PM
Parent: #20

يانوون محيط وبوش كلو عند الحجاب easy line
فيازولة لو عندكم طريقة تعملوا كبري في المحيط اعملوها سسسساكت
الكروزرات دي كسحت قبييييل

Post: #19
Title: Re: لمن ارسل لاندكروزراتي الاسفيرية...؟؟؟؟
Author: Amira Elsheikh
Date: 05-21-2008, 09:34 PM
Parent: #17

كيكى..

دايرين سكرتيرة ولا باحثة نفسية??

اوعك تقول لى مافى..

لانو حتى سجن امدرمان المعفن دا فيهو باحثة نفسية..

بس ما نكون مع المساجين..

Post: #22
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 09:55 PM
Parent: #19

Quote: بس ما نكون مع المساجين..

هلا يا بت الشيخ
وغايتو يا اميرة ما بضمن ليك القوي دي يجيبك ولا لا..
ولكن علي كل حال انتي جاية جاية السجن حتي ولو كان زيارة لناس ود قريش وتمبس

وطبعا لاني برضو جايب من الرياض بالتحديد ثلاثة مساجين كباااار
تمبس
وعندي ود اهلي اسمو الصادق محمد عثمان

وجايب معاهم صلاح غريبة ده طبعا عقوبتو مع معتز قريش وملاسي واخريين سياتي ذكرهم لاحقا

Post: #21
Title: Re: لمن ارسل لاندكروزراتي الاسفيرية...؟؟؟؟
Author: AnwarKing
Date: 05-21-2008, 09:50 PM
Parent: #1

التحية للعزيز محمد الحسن سليمان في منفاه البعيد!

Post: #25
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 10:03 PM
Parent: #21

Quote: التحية للعزيز محمد الحسن سليمان في منفاه البعيد!

كينج تحياتي ياخي
واي سليمان ده مش لو مشي المنفي ..ده ياصحبي لو مشي القضارف الكروزرات دي جايباهو جايباهو
وانت ذاتك ياابو النور معليش برضو حتشرفنا شوية كده لزوم (مغتربي الخليج وكدا)

Post: #23
Title: Re: لمن ارسل لاندكروزراتي الاسفيرية...؟؟؟؟
Author: Raja
Date: 05-21-2008, 09:58 PM
Parent: #1

يا مان أنا غايتو اللاندكروزر الحترسلو لي حلًفتك بي الله تملاهو موز ومنقة ..

حسدتا الجماعة يومداك على الموز السمح الأكلوهو.. غايتو البطن ما فيها مغسة بعد كده..
أنا 4 كيلو موز وزيهم منقة بعدها ممكن أستشهد ..

عبدالكريم مشتا(غ)ووون..

Post: #26
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-21-2008, 10:05 PM
Parent: #23

كيكي

كان الزول داك سجنتو ما تسجني انا برضو

عشان نشرح ليهو كهربائية وحساب مثلثات

Post: #27
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-21-2008, 10:07 PM
Parent: #26

والزول التاني الانت عارفو

في السجن انا كان اتضايقت بجيهو

Post: #29
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 10:15 PM
Parent: #27

Quote: كان الزول داك سجنتو ما تسجني انا برضو

ياخلي هوووي
انت سجن ليك مافي يازول بلاش بلبصة
قلنا ليك امسك لينا الجزيرة والعربية ورويتر واخمج لي الاسافير دي خمج شديد
واعمل اشاعات برضو
لكن بطريقتك دي السجن ده حتشموا كشنة ياابوالخا

Post: #28
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 10:11 PM
Parent: #23

Quote: يا مان أنا غايتو اللاندكروزر الحترسلو لي حلًفتك بي الله تملاهو موز ومنقة

والله يارجا الزول لو داير يسجنكم ذااتو من الضحك القصة ح تجوط
الكروزرات جاية ومعاها تفاح كمان لكن انتي سجن ليك مافي ممكن تجي زيارة لراوية لانها برضو بيني
وبينك حتشرفنا اسبوع اسبوعين كده

Post: #30
Title: Re: لمن ارسل لاندكروزراتي الاسفيرية...؟؟؟؟
Author: Raja
Date: 05-21-2008, 10:24 PM
Parent: #28

عبدالكريم..

خلاص يا صاحبي. ما حادخل السجن.
بس حاقعد بي برة آكل الموز والمنقة والتفاح.. وإحتمال أشرب شاي كمان

Post: #32
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 10:30 PM
Parent: #30

Quote: خلاص يا صاحبي. ما حادخل السجن.
بس حاقعد بي برة آكل الموز والمنقة والتفاح.. وإحتمال أشرب شاي كمان

انتي عارفة يا رجا
بعد الرد عليك تاني غيرت راي وقلت ياخ رجا دي ذاااتها حقو الواحد يسجنها في غونتامو القربين ده
ونرسل اللاندكروزرات الاردن تجيبك من طقاطيق الارض الهاشمية...ونعمل ليك طابور كتابة (ده طبعا بعد ما نكثر المنقةوالتفاح) ويومي تكتبي في السجن ده وتجيبي الكتوبات دي لخالك كريم مدير السجن
وعلي الاقل تكتبي لينا بعد داك مذكرات سجينة في فيافي الصعيد واحنا نقراء مما نسجن

Post: #31
Title: Re: لمن ارسل لاندكروزراتي الاسفيرية...؟؟؟؟
Author: Rawia
Date: 05-21-2008, 10:28 PM
Parent: #28

Quote: لراوية لانها برضو بيني
وبينك حتشرفنا اسبوع اسبوعين كده

انا مابنتظر لاندكروزر بجيك برجليني بس عاوزة حبس انفرادي عشان امارس رياضة التأمل

________________________
كيكي واحشنا

Post: #33
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-21-2008, 10:38 PM
Parent: #31

Quote: انا مابنتظر لاندكروزر بجيك برجليني بس عاوزة حبس انفرادي عشان امارس رياضة التأمل

اووووه راوية
حبابك والله والسجون نورت الليلة
انفرادي ده يا راوية الا ننتظر شوية كده وادارة السجن بتاعي تتعلم الرشوي الدولارية
وتقوم انتي تقطعي في مدير سجني الاهو (انا) زي كم دولار امريكاني كده
حتن بعدين نشوف ليك زنزانة انفرادية ناصية كده....

كل الود والشوق يا راوية

Post: #34
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-21-2008, 10:45 PM
Parent: #33

Quote: لكن بطريقتك دي السجن ده حتشموا كشنة ياابوالخا

والله حاسد حسادة

طيب قول دي( سجن شندي سدوا)

Post: #35
Title: Re: لمن ارسل لاندكروزراتي الاسفيرية...؟؟؟؟
Author: هجو الأقرع
Date: 05-21-2008, 10:56 PM
Parent: #34

كيكى ما لك الايام دى هضربتك كترة ذى خالتك تراجى ، بالله واحد لاندكروزر حق عمك الامام الصادق المهدى .

Post: #46
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-22-2008, 01:55 PM
Parent: #35

Quote: كيكى ما لك الايام دى هضربتك كترة ذى خالتك تراجى ، بالله واحد لاندكروزر حق عمك الامام الصادق المهدى

هلا يا هجو
وانت طبعا هدف استراتيجي ياهجو ومن حسع بالله سخن وخليك (ريدي)
واما الهضربة فياسيدي انتو خليتو فيها هضربة ما قاعدين تهضربوا وتتراقصوا في المنصات
من رئيسكم لحدي غفيركم ما تدونا معاكم فرصة هضربة هضربتين كده...

الصادق المهدي ده لو رسلت ليهو لاندكروزرات بعمل مشكلة مع ناس البيت (ساكت)
لكن بيني وبينك لو لقيت لي فيهو طريقة بالدس بجيبو بجيبو (علي الاقل اخليهو ينكر التوقيع ده وينط منو)..

خليك جاهز وجالس القرفصاء لحدي ما الكروزرات تجيك يا ظلامي

Post: #45
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-22-2008, 01:39 PM
Parent: #34

Quote: والله حاسد حسادة

هلا ياخلي والسجن ده لازم نعمل فيهو شغل بشارة عبدالنضيف
عشان كورتو ماتفك في السهلة

Post: #36
Title: Re: لمن ارسل لاندكروزراتي الاسفيرية...؟؟؟؟
Author: طارق جبريل
Date: 05-21-2008, 11:49 PM
Parent: #1

يا هندسة كيفنك

عليك الله خم لي صلاح الامين
يوم غدر بي ومشى خلط
يومين حتى جاء راجع
ما تطلعو كله كله

لو محتاج بيطري انا جاهز

Post: #48
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 09:37 AM
Parent: #36

Quote: عليك الله خم لي صلاح الامين
يوم غدر بي ومشى خلط
يومين حتى جاء راجع
ما تطلعو كله كله

حاضر يا طارق
وبس الله يسترنا من الشيوعيين ما يجو يحرقوا السجن علينا بالليل

Post: #37
Title: Re: لمن ارسل لاندكروزراتي الاسفيرية...؟؟؟؟
Author: محمد مكى محمد
Date: 05-21-2008, 11:56 PM
Parent: #1

ياكيكى رسل لى واحد,,غوانتانمو دى ما تبعنا..ممكن آخد لى إسبوع اسبوعين فى كمبو الرى..فى واحد خمسه نجوم بين ود النعيم ومساعد..كنا بننسجن فيهو من الصباح للمغرب...

.........
انتا (التيارات ) بتاعه المنبر دى بتقوم متين..اذا مافى تاتشر رسل لى تياره

Post: #38
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-22-2008, 00:21 AM
Parent: #37

Quote: ياكيكى رسل لى واحد,,غوانتانمو دى ما تبعنا..ممكن آخد لى إسبوع اسبوعين فى كمبو الرى..فى واحد خمسه

اوعي يا كيكي تغلط وتودهم ابو غريب

هناك دق العيش

Post: #51
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 07:32 PM
Parent: #38

Quote: اوعي يا كيكي تغلط وتودهم ابو غريب

هلا ياخلي 2000
السجن ثلاثة مستويات
1-سجن دائم للمغضوب عنهم من الجبهجية وبعض السياسين ومعاهم مزمل ابوالقاسم
2-سجن نص كلتش وديل يجوا شهر شهرين طوابير ونقة ويفرتقوا بعد داك
3-سجن ثالث للاخوات والاخوات الهاربين من العدالة الكيكية(ديل يجوا يوم يومين نتفاهم معاهم بعض الامرو العالقة ولاحرج عليهم وسيكونون ضيوف الرحمن ولهم من التفاح والموز والذي منه ما اراداو...

انت زي ما قلت ليك خليك (خليل تقد) واخمج لي الفضائيات دي

Post: #50
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 07:00 PM
Parent: #37

Quote: ياكيكى رسل لى واحد,,غوانتانمو دى ما تبعنا..ممكن آخد لى إسبوع اسبوعين فى كمبو الرى..فى واحد خمسه نجوم بين ود النعيم ومساعد..كنا بننسجن فيهو من الصباح للمغرب

هلا يا ابوحميد
وفي فكرة جديدة انو نعمل وعلي القرب من السجن (كمبو) جاهز موية نور
لاصدقاء كمبو الري ومجهز من كلياتو موية ونور ومرايس ولحمة كيري كمان
خسوسي...
واما التيارات فيا ود المكي اليومين دي المنبر جايط لينا في راسنا
جوطة شديدة وما قادرين نفرز ليهو الكيمان..
منتظرين حمي غزوة امدرمان دي تروق شوية ونرجع تاني للرصد والمتابعة

Post: #39
Title: Re: لمن ارسل لاندكروزراتي الاسفيرية...؟؟؟؟
Author: احمد التجانى احمد
Date: 05-22-2008, 00:59 AM
Parent: #1

Quote: ياخ بصراحة حكاية اللاندكروزرات دي انا مكيفاني شديد

تأسف تويوتا موتورز كوربوريشن TMC باقحام هذه السيارة
العظيمة التى تعتبر مفخرة للصانع اليابانى العملاق
تاسف ان يتم اقحامها فى نزاعات عقيمة بين شعوب عقيمة
اثرت استهلاك الحضارة بدلا من اضافة شى لها
كما وتدين ان تستخدم سياراتها فى غير الغرض الذى صممت
من اجله الا وهو رفاهية الانسان وليس ازالته من الوجود
1867 Sakichi Toyoda founder Toyota Group was born

Post: #40
Title: Re: لمن ارسل لاندكروزراتي الاسفيرية...؟؟؟؟
Author: ريهان الريح الشاذلي
Date: 05-22-2008, 07:29 AM
Parent: #39

Quote: انت خليك يا فردة امسك لي الفضائيات ومتع الجماهير المنتظرة اخبار الغارات بتاعة قوات خالك كيكي

لأول مرة اكتشف انو خليل مفيد...سبحانك اللهم ...

كريم..الشوق والريد

Post: #53
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:06 PM
Parent: #40

Quote: لأول مرة اكتشف انو خليل مفيد...سبحانك اللهم ...

كريم..الشوق والريد

هلا يا ريهان وشوق السابحة الراحلة..
وخليل مو هين يا ريهان بس عليهو حبة هبشة..
وياما حتشوفي بعدين حيخمج السوق الفضائي والاسفيري كيف
لمن الكروزرات دي تدور الشغل..!!

خليك جاهزة ياريهان فاسمك مكتوب

Post: #52
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 07:38 PM
Parent: #39

Quote: تأسف تويوتا موتورز كوربوريشن

هلا يا ود التجاني
وكدي قبل ما نخش معاك في تايوتا ولا فلكسواجن
انت ذاتك يا صديق ح تشرفنا في السجن علي المستوي الثاني
عندنا ليك طابور علي خفيف(وبالمناسبة حتكون في عنبر مديرتو حتكون تراجي)
وتويوتا دي مفروض اليابانيون ديل يحبوا يدهم مقلوبة مع الدشمانات السودانية (ام لاندكروزرات دي)
بكده المبيعات حتكون في السماء والين حيرقد هبطرش...
اقترح انو تزيدو العربات المرصودة للسودان ومنطقة القرن الافريقي

Post: #41
Title: Re: لمن ارسل لاندكروزراتي الاسفيرية...؟؟؟؟
Author: ناهد علي
Date: 05-22-2008, 09:07 AM
Parent: #1

غايتو ياكيكي وقعت لي في جرح
اها الناوي يعمل رجيم يجي ياكل من الموز ويفك البيرك

يازول اخبارك مافي عديل كدي

Post: #54
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:12 PM
Parent: #41

Quote: اها الناوي يعمل رجيم يجي ياكل من الموز ويفك البيرك

هلا يا ناهد ومشتاقين والله
وانتي سجنك معلق حتي حضورنا للمعاينة حسب الاتفاق
وان لم نجد تطبيق ممتاز للاتفاق...طوالي حنرسل ليك لاندكروزات وتجيبك السجن
وجكات اربعة وعشرين ساعة ونص...

وكل التحية والود يا ناهد

Post: #42
Title: Re: لمن ارسل لاندكروزراتي الاسفيرية...؟؟؟؟
Author: Omar Bob
Date: 05-22-2008, 09:49 AM
Parent: #1

يا كيكي تعرف لاندكروزاراتك دي وبكل ما وضعتو فيها من امكانيات ماديه وبشريه
لو بس قبضت معتز القريش وحسين ملاسي وعبد الرازق الطالب وختهم في سجنك ليوم الدين
تكون ادت مهمتها بنجاح
ولو ما عملت دا تكون فاشله حتي لو اتت بشياطين الجن والانس

Post: #43
Title: Re: لمن ارسل لاندكروزراتي الاسفيرية...؟؟؟؟
Author: khaleel
Date: 05-22-2008, 10:23 AM
Parent: #42

Quote: لأول مرة اكتشف انو خليل مفيد...سبحانك اللهم ...

ريهان الشاذلي

انا قائد غرفة العمليات حملة التطهير الكيكية

Post: #44
Title: Re: لمن ارسل لاندكروزراتي الاسفيرية...؟؟؟؟
Author: hanadi yousif
Date: 05-22-2008, 10:32 AM
Parent: #42

عبدالكريم الامين
سلامات
اكيد ح تكون محتاج لطابور خامس بالداخل خلينا في القائمةعشان عارفة لسي دروبات كتيرة

Post: #57
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:32 PM
Parent: #44

Quote: اكيد ح تكون محتاج لطابور خامس بالداخل خلينا في القائمةعشان عارفة لسي دروبات كتيرة

هلا يا هنادي
وبالله من حسع احجزي لي السماني خليل كهدف استراتيجي
وبعد داك تعالي نقعد تحت لتوضيب الية عمل الطابور الخامس والدعم الداخلي...

وبالله ياهنادي نط ما معانا بعدين ولا سفر لسنار (زي ما عمل شيخنا)
طابور خامس يعني طابور خامس
هبة طابور واحد وغلغلة للجبهة الداخلية

Post: #56
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:15 PM
Parent: #42

Quote: لو بس قبضت معتز القريش وحسين ملاسي وعبد الرازق الطالب وختهم في سجنك ليوم الدين
تكون ادت مهمتها بنجاح

هلا يا بوب
وما تشيل هم الثلاثة ديل بالذات عندهم نظام خاص وطلعات محسوبة بالكمبيوتر
وللضمان ح اكون انا ذاتي علي راس القوات الطالعة للقبض علي الاشرار الثلاثة ديل
ومن حسع حاجزين ليهم ثلاثة زنزانات مطرفة

Post: #47
Title: Re: لمن ارسل لاندكروزراتي الاسفيرية...؟؟؟؟
Author: مجاهد عبدالله
Date: 05-22-2008, 02:13 PM
Parent: #1

إنشاء الله في لاندكروزر أسفيري دبل باندويث أقصد دبل دفرينش

كيكي سلامات وأحوالك ...

Post: #58
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:35 PM
Parent: #47

Quote: إنشاء الله في لاندكروزر أسفيري دبل باندويث أقصد دبل دفرينش

هلا يا مجاهد
وعندنا لاندكروز اسفيري
اسمو تراجي النوع ده صعب خلاص

Post: #49
Title: Re: لمن ارسل لاندكروزراتي الاسفيرية...؟؟؟؟
Author: haroon diyab
Date: 05-23-2008, 09:48 AM
Parent: #1

كريم ياامين
جمعة مباركة

وصباحات شوقنا بي خيرن
صباحك طلت الياسمين

Post: #59
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:40 PM
Parent: #49

Quote: وصباحات شوقنا بي خيرن
صباحك طلت الياسمين

هلا ياسكورتا
ومساء الورد والياسمين والثعلب
وخطي سعلب بالله

Post: #55
Title: Re: لمن ارسل لاندكروزراتي الاسفيرية...؟؟؟؟
Author: عبد المنعم سليمان
Date: 05-23-2008, 08:13 PM
Parent: #1

نركب اللاندكروزر ندلا في ام روابه
ندلا في ام روابه ال جنني وجنن العذابه

انا ما راكب لانو Khaleel معاكم

____
مفروض واحد يبلغ ع البوست ويقبض ال 500 مليون

Post: #60
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 08:43 PM

Quote: مفروض واحد يبلغ ع البوست ويقبض ال 500 مليون

هوووي زول هوووي
انا زول موقع ومتوالي بالله فرتق من هنا..

بلغ وتعال نعمل ابوالقاسم اصلو المال السايب بعلم السرقة

Post: #61
Title: Re: لمن ارسل لاندكروزراتي الاسفيرية...؟؟؟؟
Author: عبد المنعم سليمان
Date: 05-23-2008, 09:23 PM
Parent: #1

شوف انتا خليل كتب شنو
Quote: انا ما بعرف اركب ولا شنو

اركب ركبك بلاء يخمك

بالله يا كيكي الزول دا تطلعوا من بوستك دا
بجيب ليك الكفوه .. مشبوه وwanted

Post: #62
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 09:52 PM
Parent: #61

Quote: بالله يا كيكي الزول دا تطلعوا من بوستك دا
بجيب ليك الكفوه .. مشبوه وwanted

والله يامنعم اخوك الكفاوي جاياهو جاياهو..
ولو ختينا كفاوي خليل عدل ومساواة
وما بنطلع من كفاوي وبلاوي خليل المنبر...

ده زمان الكفاوي الخليلية
خليل تحت وخليل فوق
والله يهون

Post: #63
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 05-23-2008, 10:03 PM
Parent: #62

يا بيجو خليل ده انا بتعامل معاهو بحذر
لانو احتمال يطلع خليل سيد اللاندكروزات ذاتا

Post: #64
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 06-05-2008, 08:48 PM
Parent: #63

لابد من اللاندكروزرات وان طال السفر في ظل تنامي قوي السخف الاسفيري
والكرو كرو العالي الجلبة الذي يمارسه البعض هنا

Post: #65
Title: Re: لمن ارسل لاندكروزراتي الاسفيرية...؟؟؟؟
Author: Amira Elsheikh
Date: 06-05-2008, 08:59 PM
Parent: #64

غايتو السواها خليل رقدت..

Post: #66
Title: Re: لمن ارسل لاندكروزراتي الاسفيرية...؟؟؟؟
Author: عبدالكريم الامين احمد
Date: 06-05-2008, 11:58 PM
Parent: #65

(عدل بواسطة Amira Elsheikh on 05-06-2008, 08:46 م)
(عدل بواسطة Amira Elsheikh on 05-06-2008, 08:50 م)

هلا يا بت الشيخ
سرريع ورينا عدلتي شنو قبل ما نرسل ليك واحد لاندكروزر فور ويل دريف يجيب خبرك مع باقي الليل ده

وفعلا السواها ابو الخل رقدت هبطرش وخلانا معلقين لينا اسبوعين ونيف في سيرة اللاندكروزر
لاند كروزر
لاند كروزر
لاند كروزر