Post: #1 Title: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 06:25 PM
كلاي بومي - كلاي بومي تلكم كانت كلمة السحر واهزوجة الجمهور الزائيراي في الماتش التاريخي للبوكسينغ الذي جري ما بين (كلاي وفريزر) وتعني بالزايكو كلاي اقضي عليه كلاي اقضي عليه رياضة شاقة وعنيفة وسطع تايسون ونسيم حميد بفنيات مهارات تطرب الكثيرين... وهنا وعلي ارض قطر يوجد بطل توشح بالميداليات في منافسات اسيا والدول العربية سوداني الاصل يمتاز بموهبة عالية ومقدرة علي اداء هذه الرياضة المخيفة بكل خفة ورشاقة تدهش الجميع... انه الشاب العالي التهذيب والرقي خالد مصطفي صديق ابن بابنوسة وابوزبد وفيافي كردفان الوضيئة,,
Post: #2 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: اساسي Date: 04-20-2008, 06:30 PM Parent: #1
اوع تقول لي دا صحبك ؟ عشان اخونا ملاسي راجل ابو عيال ومحمول لياخذ حذره وكدا
Post: #4 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 06:36 PM Parent: #2
Quote: اوع تقول لي دا صحبك ؟ عشان اخونا ملاسي راجل ابو عيال ومحمول لياخذ حذره وكدا
قبل يومين لاقاهو ابو ساندرا في فعالية في الدوحة فضرب بكل احترام وادب وقال لي يا (سيد كيكي لاقيت البودي قارد بتاعك)
علم فارات
Post: #3 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 06:33 PM Parent: #1
بطلنا خالد كانت هذه هي احدي مانشتات الصحف القطرية يوم ان ابدع (سلام دنك) هكذا اسميه ابدع في بطولة شهقت لها كل الدوحة والخليج والدول العربية البطولة العربية للملاكمة.. وكانت مباراته الاخيرة حدث ومعركة في فنون (الهوك) والبلنجة المدروسة..... ..............
...في بدايات حضوره الي هنا وهو موشحا بموهبة اخري هي الشعر كان مسابقات العشاري هي مراده الاول واذكر اجتهاده الكبير فيها في ردهات (نادي السد القطري) ولم تكن الملاكمة قد نشطت رغبتها في داخله لياتني هاتف ... اليوم عندي مباراة ياعم..!!! عشاري..!! لا ملاكمة دقشششششش يازول...!!! ومنها انطلقت ميداليات الذهب والفضة في ربوع وجبال وفيافي اسيا وطقطقة الاسيويين من طرف بهوكات اغلبها تحسم الامر في الجولة الاولي بالقاضية او الفنية... هكذا هو ابننا خالد..
Post: #5 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 06:45 PM Parent: #3
في البدء كنت اطرب لحضور مباريات خالد التي تقام في الدوحة ولكن لاحقا صرت اطرب واستمتع بحكاوي خالد لمباراته وقد قيل (سمح الهوك في خشم سيدو) متعة التوصيف والحياد في نقل الحدث... واجمل الاشياء وامتعها من حكي خالد هي عندما يحكي عن (زنقة هوكية) من اوكراني او صيني او فليبيني ...
Post: #6 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 07:00 PM Parent: #5
الامر الذي يزيد الامر الهوكي عند خالد ولدينا هو انه صاحب اول ميدالية ذهبية في تاريخ الملاكمة القطرية سنة 2003 ثم ثلاثة ميداليات ذهبية علي مستوي العرب وبرونزية في بطولة العالم العسكرية في اوكرانيا ثم حل خامسا في بطولة العالم العسكرية التي شهدتها مدينة حيدر اباد الهندية بالاضافة الي ذهبية بطولة العرب 2006
Post: #7 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: haroon diyab Date: 04-20-2008, 07:04 PM Parent: #1
عارف ياكيكي خالد فزازي ده انا بسميه رجل التناقضات ..... تراه في الحلبة يضرب ويكسر في الامة كسير الطماطم . ولمن يكتب ليك قصيدة تحس بانك قاعد مع طفل مملؤ بالبراءة . اجمل حاجة انك عمو ......؟ وغطي السعلب ياعمو .....!
خالد فزازي يلقي قصيدة في منتدي الحروف نسخة الدوحة .
كل الود هارون دياب
Post: #8 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 07:12 PM Parent: #7
Quote: اجمل حاجة انك عمو ......؟ وغطي السعلب ياعمو .....!
هلا يا هارون وتاني يا فردة كلم الفارات البهناك ديل .. اي لولوة اي حركات بورداب الهوكات بدور من طرف بكري ذااتو يرخي اضانو
خالد يا هارون شاب عالي الوداعة والشفاف وشاعر حقيقي مرهف ثم فجاة يتحول الي اسد كاسر وهوك (نار منقد) بكل خفة ورشاقة وعنف ولارحمة هناك تحت ضربات هوكاته...
وهنا بعض من معين البطل الشاعر خالد الفزازي..
خـواطـر مغترب
ومـضيـتُ لا صحب .. ولا خـل يؤانس وحـدتى .. لا .. ولا بعض التنـاجـى .. يرد لى بعض الحياة .. و فـرحتـى .. مـا مـن رفيق طيب .. يأخذ بخلٍ مـن يـده .. هـى ذى الحيـاة .. و غــربتـى .. هــو ذا التغــرب .. مـا حلـمـنـاه شجـى .. لــو عـاد ثانيـة الزمـان .. لبقيت فـى وطـنـى .. والله لا .. فـى غُــربتـى .. أيـن الصحــاب .. أين يا هـذا أخــى .. أين نُـصحـى .. مـن يمـاثلـه أبــى .. غــداً سأعــود إليــك .. ياوطنـى الحبيب .. وبلدتى .. لا عـز إلا .. فـى ترابـك .. الحـرُ الـنـقــى .. فـلا عـاد الزمـان .. هـو الـزمـان .. ولا العـمـر إن يمضــى .. يعـاود خـطـوه .. ويعـود ثانية صبـى ..
Post: #9 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 07:19 PM Parent: #8
الوردةُ الخجلى
تتوارى خجلاً .. عن عيون الناظرين .. خبرينى بالله .. ماذا ترتجين .. علمينى .. كيف أحتمل الأسى .. وكل أعضائى .. هدها .. ألمُ ُ دفين ..
كل سرٍ .. كامنٍ فى النفس .. يفضحه الحنين .. قلبى تفطر .. تحت تأثير الانين .. أدركينى ... قبل أن تمضى السنين .. أدركينى .. علٌَ قساوة القلبِ تلين .. وأنثرى شذاكِ .. على قلوب العاشقين ..
وعلى معذبتى .. عبير الياسمين .. فإنها عشقى .. عذابى .. إنها جُرحى السخين .. ضمخيها بالعطُور .. وانشِدى شعرى ( القديم ..) قبليها .. وأفرحى قلبى الحزين .. وأجعليها .. قِبلةً للناظرين .. وأطبعى فى وجنتيها .. قبلتين .. وعلى لماها .. قبلتين .. فأنا المعذب فى هواها .. أصطلى بالحرف (س
هذه هي بعض اشعار بطل قطر في الوزن الثقيل وصاحب اول ميدالية ذهبية في الملاكمة القطرية والسوداني المعين والوجدان خالد الفزازي
Post: #10 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 07:44 PM Parent: #9
ابو الخلد يمتاز بروح دعابة عالية ومرح متفرد والهوك البوجعو بحكيهو ليك صرة في خيط ولكن في كل هوكاته النارية التي اخدها يحكي عن واحدة في الزمان البعيد توجعه حتي الان...
Post: #11 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 07:58 PM Parent: #10
سلام دنك ولحظات اعلان تتويج بعد ماتش شاق وقاسي ولكن دوما فنيات وهوكات خالد هي صاحبة الايادي المرفوعة الي اعلي
Post: #12 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 08:01 PM Parent: #11
ثم منصات التتويج بالذهب هكذا دوما هو خالد بيننا هنا ساطع وصاحب قبضة لاتعرف الياس ولا الهزيمة وموشح بالذهب الاتي عقب جولات من الهوكات القاسية
Post: #13 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 08:13 PM Parent: #12
خالد في خانة اليك وسط اهتمام عالي من مدربهـان الـكـوبـى ( خـوان كـارلـوس غـونـزالـز ومساعده الاوكراني سيرجي تاسوف ومساعده فقد وفرت دولة قطر للبطل خالد رعاية واهتمام عالمي وعالي المستوي مما اتاح له تفجير موهبته وحصد الذهب...
Post: #14 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 08:18 PM Parent: #13
Post: #15 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 08:23 PM Parent: #14
ابوخلد في ساعات رومانسية بعيدا عن اجواء اللبع والهوكات والاوبر لاول مرة اسمع من خالد بان هنالك ضربة اسمها (الابر) او من فوق الي اعلي وتسمي في السودان (ضربة دق الكمونية)
Post: #16 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 08:30 PM Parent: #15
برونزية العالم العسكرية في كييف اوكرانيا2004
Post: #17 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 08:51 PM Parent: #16
ولعله ما يسمي بالهوك اللحام...
Post: #18 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: كمبورة Date: 04-20-2008, 09:02 PM Parent: #17
من اليوم نحنا معاك لا فكاك يا كيكي
التحايا عبرك لبطلنا خالد
امنياتنا له بالتوفيق
ولي قدام
Post: #19 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 09:08 PM Parent: #18
Quote: من اليوم نحنا معاك لا فكاك يا كيكي
التحايا عبرك لبطلنا خالد
هلا يا كمبورة والف تحية وما عندك مشكلة يا كمبورة بس ادينا مس كول بتلقان معاك (انا ذاتي عندي بواقي بلنجات قديمة) ستكون فداك كل الود وتحاياك ستصل الي خالد باذن الله
Post: #20 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 09:24 PM Parent: #19
اهتمام عالي من الاعلام القطري
Post: #21 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: كمال سالم Date: 04-20-2008, 10:12 PM Parent: #1
كيكى ,, هكذا دائما أبناء السودان عندما يجدون الرعايه والاهتمام فأنهم أبطال فى كل المحافل ,, بس البقنع الديك شنو ؟؟ التحايا لك ولخالد ,,,
Post: #22 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-20-2008, 10:17 PM Parent: #21
[
Quote: B] بس البقنع الديك شنو ؟؟
ده السوال الاساسي يا ابو كمال الديك الديك من سيقنع الديك..
السودانين مبدعين دون شك وخلاقين وهنا في قطار المئات مثل خالد في مختلف ضروب الابداع القطري
وكل الود يا ابو كمال
Post: #23 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-21-2008, 04:42 AM Parent: #22
Post: #24 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: Mutwali Malik Date: 04-21-2008, 05:42 AM Parent: #23
كيكي ياصديقي موضوعك دا اكيد حايزيد من صداقتنا بكم او بنص كم مافارقة وناس اللي بالي بالي قول ليهم اي عنكبة او جنكبة عضلات تبش تحياتي للبطل خالد
Post: #25 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-21-2008, 07:17 AM Parent: #24
Quote: موضوعك دا اكيد حايزيد من صداقتنا بكم او بنص كم مافارقة وناس اللي بالي بالي قول ليهم اي عنكبة او جنكبة عضلات تبش
هلا بالفردة متولي وحبابك يا مان في ساحاة الهوكات والبطل خالد ويا صديق يادوبك الخوة والصداقة زبطت وجاهزين جاهزين يا فردة لاي عكة في ضواحي (فيرجينا) وحتي اطراف ميرلاند انا عشانكم يا صديق جاهز اخش دورة في البلنجة مع خالد في معسكراته العديدة ونجيكم سوي بس انتو قولو (عووووووووك)
Post: #26 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: محمد سنى دفع الله Date: 04-21-2008, 07:50 AM Parent: #25
خالد الفزازي صديقي الملاكم الشاعر فنان ومساهم في مواقع متعددة قلت ليهو يا خالد كل الناس في الدنيا ليها علاقة بالرياضة الناس بتستغرب لمن اقولوا الزول ده ملاكم لما ارتبطتت به رياضة الملاكمة من عنف ولكنها تحولت الى رياضة بها بعض الفنون لما ادخله لها عباقرة الملاكمين مثل كلاي وليستون ونسيم وفزازي طبعا واحد من ارق الناس واحلاهم الفنان الموصلي كان ملاكما مرعبا وبطل لايشق له غبار ولمن كان بغني حقيبة مافي راجل بفرتق ليهو حفلة طوالي بجدعوا بالحيطه وخالد رقيق الحاشيةوظريف وبديع النكته وعمو كيكي من كده عايزين شنو اجمل
Post: #27 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: محمد خليل ساني Date: 04-21-2008, 08:24 AM Parent: #26
يا كيكي يا عجيب ،،،
تعرف الحمدلله خالد فزازى ده شاعر متمكن ،،،
عشان لو ما كان متمكن كان ضرب كل المنتقدين ،،،
أنا شخصيا أخذت منه عهد لو إنتقدته فى قصيده من قصائده يتكلم معاى بالحُسنى ،،،
الإتفاق تم فى منتدى الحروف بمركز أصدقاء البيئه ،،،
يا خالد ما تنسى الإتفاق وما تودينا فى داهيه ،،، وخليك مواصل الشعر الحلو ده ،،،
وبختك يا نادر سالم إنت الوحيد مع كيكي اللى ح تسلموا من الضرب ،،، مع محبتي.
Post: #28 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-21-2008, 01:22 PM Parent: #26
Quote: الفنان الموصلي كان ملاكما مرعبا وبطل لايشق له غبار ولمن كان بغني حقيبة مافي راجل بفرتق ليهو حفلة طوالي بجدعوا بالحيطه
هلا بالفن والاركلوجيا وحبابك يا السني ودي معلومة جديرة بالتامل بتزيد التامل في الاخوة اصحاب موهبة الملاكمة وارهافهم الفني ونتمني ان يمر علينا الاخ الفنان الموصلي لكي يونسنا في حتت الهوكات الطالعة حنجرة ذهبية دي وسلام يا فن
Post: #29 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-21-2008, 04:37 PM Parent: #28
Quote: أنا شخصيا أخذت منه عهد لو إنتقدته فى قصيده من قصائده يتكلم معاى بالحُسنى ،،،
الإتفاق تم فى منتدى الحروف بمركز أصدقاء البيئه ،،،
هلا يا ابوحميد وحبابك وشرفت ساحات البطل خالد وكويس انك لحقت تعمل اتفاق ثنائي من خالد بس خوفي يطلع زي اتفاقية نيفاشا من اول نقده نقدتين كده كل الود وتسلم
Post: #30 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-21-2008, 04:38 PM Parent: #29
عفوا مكرر
Post: #31 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-21-2008, 04:47 PM Parent: #30
Post: #32 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عادل التجانى Date: 04-21-2008, 05:26 PM Parent: #30
كيكي تحياتي
في نفس ليلة منتدى الحروف وعد أ . ود الحاوي بأن يلحن للبطل خالد مصطفى إحدى قصائده وبي تحت تحت قال لي صاحبك دا لو ما لحنت ليهو حا يعمل لي وجع فقر ويدشدشني دشدشه أحسن يا خوي ما نتلوم.
خالد من الأبطال المتميزين ونحن اتفقنا معاهو يكون عضو دائم في ليالي منتدى الحروف عشان تاني ما نسمع كلام فارغ ونكون محميين يا جماعه
وبالمناسبة هنالك الكثير من الفنانين الذين كانوا يتميزون بالرقة والعنف فمثلاً الفنان / إبراهيم عوض كان صعب المراس قوي الشكيمة وما في أي زول بقدر يلخبط في حفلته . وكذلك الفنان الشعبي / فيصل الخير وفرقته كانوا يمارسون رفع الاثقال يعني ( يا تنطربوا يا تنضربوا) وقبلهما فنان الحقيبة / محمد أحمد سرور قيل عنه أنك تلقاهو من أكثر الفنانين (أناقة ونظافة) وعصايتو في إيدو وحفلتو ما فيها أي فرفره د . أبو قرون عبد الله أبو قرون شاعر وملحن وعسكري (صاعقة) تجده رقيقاً وعنيفاً ولكنه مبدعاً
وجمعيهم يلتقون في الفن الجميل والأداء الراقي
ولكن (أعمل حسابك)
Post: #33 Title: Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! Author: عبدالكريم الامين احمد Date: 04-22-2008, 08:18 PM Parent: #32
Quote: وبي تحت تحت قال لي صاحبك دا لو ما لحنت ليهو حا يعمل لي وجع فقر ويدشدشني دشدشه أحسن يا خوي ما نتلوم.
هلا يا عادل ومرحب بالفن والجمال وايييوه لازم ود الحاوي يلحن لينا في واحدة من قصائد ابو الخلد وفي اقرب فرصة ولا انها الحرب والدشدشة الكبري ..وحنبداء بيك انت
