عبدالكريم المشهور بكيكى- الكاتب بتاع الناس الفى حياتنا اصابته مصيبه، قام يكتب فى الشعر بتاع الناس البيحبوا ومكسرين.... حدث تحول خطير من كمبوا الرى والقصص العاوزه صنايعية الى زول كابى جنس دموع لمن احترت والله... قال فرمالة الاحزان,,,, كتبها دون ان يسأل الحزانى اللى هم انا واصحابى وصحباتى من ناس كدى {لو جبنا اسمهم الهوى بيقسهم}
فرمالة للاحزان...!!!
واحد من الحلول التالية ممكن تنفع...
اولا.... تشوف اقرب بحر وتمشى عليهو... احكى ليهو... ونسه بس، اوعى ترمى فيه احزانك دى { ماتنسى انى زولة بتاعة حماية بييئة وكدى} برضو انتبه مرات غيااااااااااااااااظ وبلوى ليك موجاته، اتحملوا لانو حنين....
لو البحر شالو طيورو واتوجه ناحية الناس الاكثر حزنا- زى حلاتنا وكدى... فما عليك الا ان تسمع شعر ان فى الشعر انفاس من الرحمن والبحر...
مانفعت قوم اسمع غناء بتاع الليل- الليل ده حنين وحاة الله وبلملم الاحزان وبيمشى بيها بعيد
لو ماجاب فايدة قوم شوف ليك صور ابيض واسود- صور من الزمن الحلو- زى دى كدى..... ياحليل زمن البراءة والعيون السودا
حسع عليك الله بدل تتبكى شوف معاى قصة العيون البقن على آخر العمر مدفنات، بالله الله خلقن كبار باريت ليك حلويات النسما والرمرمة وراحت العيون والمحبين الحنان اذا حالتك مستعصية لسه {التقول ولادة بالله- ياخى دى صحوبية عنكبة- من هنا ولغادى مادايرة لى اصحاب بتاعين دبرسات وحزن وكلام شعراء كدى...ناس بتاعين ونسة وضاربين الهم بالقروش ، طيب نواصل.... تقوم تشوف ليك باب من ابواب طلال عفيف وتكون فاتحة على القلب مباشرة...
طيب ماجابت نتيجة.... { انتو وكت ماقادرين على الفراق الجابركم شنو.... ما احسن سيك سيك معلق فيك، ريدة ومحبة- الله يجيب الحبائب يا اخوى بالسلامة}- وبعد مايجوا بالسلامة عليك على اقدم ليكم دعوة تصيفوا فى فيينا وتمشوا تشوفوا واحدة من ملكات النمسا الجميلات.... ولا تشوف الخضار ده ساكت روح تترد- {ماتسمع الكلام ده، مرات انشاء....}D :
ذى الحاجات الفنية المرتبطة بتاريخ البلد دى كتيرة فى قصر الشنبرون، القصر اللى حكمت منه الملكة تريزا اوربا فى قرن سحيق {حلوة سحيق دى مش... اهو بنعرف نتفلهم}- والقصر ده مصدر دخل للنمسا- سياحة وكدى...المهم الصورة دى قرمتها- خووووووووووووووف سااااااااااى
طيب الفكرة دى مالفقت.... ولسه فيها الانتظار لحدى المدام ماترجع بالسلامة... لكن برضو فكرة..
فكرة عارضة بس فنتاستك، ابو البنيات، ابوساندرا، يازول ده الله يديهو العافية ويخليهو لرشيدة الرشيدة تصدق بالله ممكن ينتزع منك الضحكة، بس نصيحة فى كلام كدى فووووووووووتو- نوع بتاع الفتنة نائمة وهلمجراD :
--------
روحى طلعت- صحبة الناس البيدبرسوا ديل بتكلف كتير خلااااااااس، اذا ده كلو ماجاب نتيجة تقوم تحصل الزول ده فى السعودية، صاحبنا خدر، رغم انو دربو مرق,,, لوين ده سر اللى يقولو هو..
-------- الحل الأخير وده اكيد ناجع جدا {ناجع وكدى} تقوم تمشى السودان، تبل شوقوك فى الوالده، وتشرب قهوتها الطاعمة وبالمرة تجيب معاك فردة جناحك وتجوا على فيينا طوالى... كيف بالله الفكرة دى؟
-------- لو ده كلو مانفع تقوم تشتت طوالى وماتورينى خلقتك الا وانت ضاحك...
------ حسع بتاع الحزانى منو فينا، يعنى الا نعترف ولانمشى لناس لستك الحلة ولا ناس الفيس لوك وهلمجرا- هلمجرا دى بمناسبة الهجمة على حزب الامة وكدى ده هزار ياقول فاضلابى
-------- اشراقة فى حالة دمها خفيف ، شربات وكدى - ماتصدقوا والله ليمون حاااااامض، بس قلت كدى النجرب بوستات الونسات اللذيذة بتاعة ناس منى خوجلى- ودالبشرى والفاروق ودكين الله يطراهم بالخير...وكلها ايام وبكرى يأرشفنا
نبداء بسيرة البحر ذلك الجميل الملولو الذي لا ندري اين هو ذاهبا في ذلك الليل... بحر وساقية والناس قالوا يا اشراقة 2 ما بضوقوا الراحة تور الساقية وزولا شغلتو مساحة ولكن في حضور البحر يا صديقتي ياتي الهدوء والتامل والتمتع بروية تموجات الماء عقب ارسال حجار فوق سطحه.. ساختار بحرا جميلا لا زلت اذكر شاطئه في حواف بحر الجبل ملي باعشاب النيل وفتية اجسادهم سوداء اللون يسبحون بكل مرح وجمال.
Quote: خديجة ست الكل شخصيا الله يديها العافية وطولة العمر
آى والله ياكريم والدتك- امنا خديجة تختها فى اى جرح يبرأ انا قضيت معاها ليلة واحدة وضحوية كانت من اجمل الساعات القضيتها فى السودان فى زيارتى الفاتت ليوم الليلة قهوتها فى قلبى....
شايف، اهو ماشي كويس!!
------- البمشنى انا كويس شنو؟!!
Post: #8 Title: Re: تضامن عالمى لأجل كيكى... Author: Ahmed Abdallah Date: 03-27-2008, 06:52 AM Parent: #5
اشراقة ... سلامااااات ... كيكي ده زولي وانا بعرفوا ... شنوا سويتيها لي بحر و شعر و قوافي و الذي منوا !! كيكي ده من ما خلى التمباك تاني ما قامت ليهوا قايمة هو كيكي عليك الله بلا بلاوي الكنابي دي شن طعموا !!
كيكي ... قوم لف بلا شاعرية معاك واحاسيس مرهفة وكلام معسول وايم الله ان الذي حل بك لايعدوا أكثر من خرمة عماري ممتاز .. فأفعل هداك الله ينعدل حالك ..والا ..كنت من الهالكين
بالله شوف معانا طريقة يا احمد عبدالله مادام طلعنا شركاء
تحياتى
Post: #22 Title: Re: تضامن عالمى لأجل كيكى... Author: عبدالكريم الامين احمد Date: 03-28-2008, 09:37 AM Parent: #8
Quote: قوم لف بلا شاعرية معاك واحاسيس
هلا يا ابو حميد شنو ياجماعة يعني الواحد ما يطلع ليهو طلعة طلعتين كده علي الطائر يعني طوالي القصة كمبو كمبو ياخ كرهنا الجخانين ده شوية ودايرين نحسن النوع شوية
الاخت الكريمة اشراقة تحياتى ، اولا ليس للاخ كيكى علاقة (بالحزن ) و بالظرافه و اللطافه و الشعر ، اكيد يوم كتب البوست ده كان فى (ام سعيد) وكان فى البر وهو يقوم بالتخطيط و المسح ، وتكون الكتاحة طلعت عينو ، وصعب عليهو لما لقه نفسو مكتح و هدمو اتبهدلت ، ورجع البيت و بنت عمنا ما قصرت ابدا فى الغدا المندكل ، و ادها دش ، ربما جاهو شعور كاذب ، وا صبح يهذى بما لا يعرف .... ده اسمو (جنون اللوترى) على فكرة رغم قرب المسافة و العمل المشترك بيننا إلا ان كيكى جننى بكثرة تغير تلفونانه ، عليك الله يا استاذه اشراقه خليهو يتصل على من رقم مضمون ومعروف (مغروض فيهو ) عفوا فات علي ان اقول يوم تم انتخاب كيكى عضو فى الجاليه انشد قصيده مطلعها.. ما تقولوا نحن لحم الرأس نحن الجننا الكيزان و علمناهم الاحساس ، إلا ان يقول نحن عملنالكم ذبحة يالله امشوا خلو الدوحة ... بعدها رد عليه كوز شهير ، دفع بعدها كيكى دم قلبه حتى لا تنشر تلك القصيدة، ولك الشكر يا استاذه.
الكلام الجميل ده كله خليه ..... بس قرضي لي علي دي :
Quote: لو ده كلو مانفع تقوم تشتت طوالى وماتورينى خلقتك الا وانت ضاحك...
لاننا ماعارفين الكتب فرمالة الاحزان دي منو هل هو .....؟
كيكي السوداني .....؟ ام عبد الكريم الامين القطري .....؟ ام كيكي الامريكي .....؟ بس عشان مايتلخبط علينا الاختصاص . وقولي ليه غطي سعلب ....
عاطر التحايا هارون دياب
Post: #25 Title: Re: تضامن عالمى لأجل كيكى... Author: عبدالكريم الامين احمد Date: 03-28-2008, 10:50 AM Parent: #10
Quote: كيكي السوداني .....؟ ام عبد الكريم الامين القطري .....؟ ام كيكي الامريكي .....؟
والله يا هارون سوال وجيه وانا ذاتي ما قادر احدد ياتو كيكي الكتب الفرمالة العجيبة دي لكن في فيرشن تاني اسمو (كيكي التفكيكي) احتمال يكون هو العمل العملة السوداء دي وبرضو نقول غطي سعلب
مستمتعين بوصفة رفع الأحزان.. ومبسوطين كمان.. لأنو دايرين كيكى إطلع من أحزانوعشان يتحفنا بروائعو الحلوة..
تحياتى ليك ولكيكى..
Post: #15 Title: Re: تضامن عالمى لأجل كيكى... Author: عبدالله شمس الدين مصطفى Date: 03-27-2008, 07:47 PM Parent: #14
Quote: البقن على آخر العمر مدفنات،
ز
أسى فى ذمتك ديل مدفنات، ولا دى خِلقة آخر عمر ؟؟!!!
Post: #35 Title: Re: تضامن عالمى لأجل كيكى... Author: Ishraga Mustafa Date: 03-28-2008, 11:32 AM Parent: #15
Quote: أسى فى ذمتك ديل مدفنات، ولا دى خِلقة آخر عمر ؟؟!!!
كمان عاوزنى اكشف ليك الامتحان ياعبدالله شمس الدين؟ ياعو الفضل والله
Post: #36 Title: Re: تضامن عالمى لأجل كيكى... Author: عبدالكريم الامين احمد Date: 03-28-2008, 11:54 AM Parent: #14
Quote: مستمتعين بوصفة رفع الأحزان.. ومبسوطين كمان..
هلا بصديقي ابو الزهور والله كلنا مبسطوين من وصفات اشراقة دي شي شعر وشي طرزان وشي كلامات وخربت الرصة بصورة ابو ساندرا دي لانو ابو ساندرا معلقة لي صورتو وهو عجوووووز كده تسلم ياازهري
Quote: حسع عليك الله بدل تتبكى شوف معاى قصة العيون البقن على آخر العمر مدفنات، بالله الله خلقن كبار باريت ليك حلويات النسما والرمرمة وراحت العيون والمحبين الحنان
شروق يا حبيبة ما تبالغي كدي و تبالغي لسة بي سلامتهم أما كيكي فحقو ناس قطر يعملو ليهو لجنة تقصي حقائق فالتطورات ناجزة و متلاحقة أخشى أن تفضي لتداعيات محبتي لنا
Post: #20 Title: Re: تضامن عالمى لأجل كيكى... Author: عبد العظيم احمد Date: 03-27-2008, 09:51 PM Parent: #17
سلام اشراقة والتحية للجميع افكارك روعة ومشروع كتاب هنا يقف التعبير فى انتظار
سلام اشراقة وكيكي تعرفي يا اشراقة ملامح الأمهات والحبوبات وتفاصيل وجوههن وابتساماتهن دي حاجة عجيبة خلاص، ياخي ربنا ده شال طيبة الدنيا كلها وعجن بيها ملامحهن .. دائما اشعر بالإطمئنان والراحة وانا انظر في وجه اي ام او حبوبة .. شكري لك وكيكي ده ما تخافي عليه بقدر يخارج رقبتو من اي حالات نفسية سلبية ..
يخيل لي شوية إضاءة كده ممكن توضح الصورة اكثر
الصاوي
Post: #26 Title: Re: تضامن عالمى لأجل كيكى... Author: Ishraga Mustafa Date: 03-28-2008, 10:51 AM Parent: #21
الصاوى
يضوى دربك ديمة يا اخوى
بالله شوف الصورة دى بقت كيف... تحسس برحمة الصفاء المشع من وش امنا خديجة
بالله فى طريقة للاحزان تانى ياكيكى؟ قول ليهو يالصاوى
ياس سلام يا الصاوي وتضوي ليك ايامك الجميلة يا صديقي الجميل... فتشت علي تلفونك وانا في بلدكم ام سقطا بضرب في اليدين ديك ولكن لم اوفق في الاتصال بك..ولكن سر بنا وهج الاقتصاد وسادته الكبار في جلسة مع الجميل ابراهيم باخت... ومشتاقين وشنو يااخي تاني ما فيها(كراع العنقريب )
الامهات حنان يا الصاوي وحجة خديحة دي الله يديها العافية نضال سنين وكفاح من اجلنا بصورة عظيمة...له ولك ولكل الامهات كل الحب
Post: #27 Title: Re: تضامن عالمى لأجل كيكى... Author: Ishraga Mustafa Date: 03-28-2008, 10:52 AM Parent: #20
مرحب بيك ياعبدالعظيم فى رحاب فك الاحزان من كيكي
Post: #30 Title: Re: تضامن عالمى لأجل كيكى... Author: Ishraga Mustafa Date: 03-28-2008, 11:22 AM Parent: #17
Quote: أما كيكي فحقو ناس قطر يعملو ليهو لجنة تقصي حقائق
هلا يالنا وحبابك والله في حزني السبب لي اذاي وشكر لاشراقة الزولة الملانة حنية الفتحت لي نفاج للونسة وتشتيت الاحزان العابرة.. وناس الدوحة اليومين دي المكرسح شايل العميان للنظر في نتائج تحقيقات لجناهم السابقة لحدي ماالمطلوبة للعدالة جات براااها وقالت ياجماعة (فلانة دي انا)
اشراقة ياحبيبة خصمتك بالنبي بعد كيكي يشفا من حزنة ويتعرف علاجة تقبلي علي باقي انا فايتاهو بي قادي علة البحر ماقصر معاي رادماهو ردم ...كيكي والله حجزت ليك معاي في المركب الحزين تضامن من أجل فرح قادم .
سمعت بقولة عن الحزن :-
إن الذي يعود للماضي ، كالذي يطحن الطحين وهو مطحون أصلا ، وكالذي ينشر نشارة الخشب. وقديما قالوا لمن يبكي على الماضي : لا تخرج الأموات من قبورهم .
عليك على الفترة الجاية دى اوظف ليك كل مقدرات البحر...
بس تعالى لى بالجنبة كدى شايفة عبدالمنعم سليمان ده جاء داخل، خلينا يابت امى نتلملم باقى فى انزارات بتضرب
-----
لكن والله ياجماعة بصراحة كدى بحرى ده جننتوه لى... ناهد رادمه فيهو كل حاجاتها الحلوة وتماضر الخنساء ماخلت ليها صدفة ولا خرير مويتو، نقع نحنا البحر ولاشنو يعنى باجماعة... حالة كيكى يبدو انها تلبستنى
Post: #41 Title: Re: تضامن عالمى لأجل كيكى... Author: عبد المنعم سليمان Date: 03-28-2008, 05:15 PM Parent: #1
جني وجن البنات ال بعاينوا للاولاد ال بعاينوا للبنات
(طبعا ال فوق دا لاشراقة)
اما كيكي
جني وجن الرجال ال بجرو وراء النسوان شنو بخيتة الخترية وسعاد جبره وسلمى اسكراتش ..
Quote: فكرة عارضة بس فنتاستك، ابو البنيات، ابوساندرا، يازول ده الله يديهو العافية ويخليهو لرشيدة الرشيدة تصدق بالله ممكن ينتزع منك الضحكة، بس نصيحة فى كلام كدى فووووووووووتو- نوع بتاع الفتنة نائمة وهلمجراD :
لكن الداقس ده لن يتبين نصحك إلا ضحى يوم القيامة ومرمي الله ما بترفعوا النصائح { ده مثل جديد نجرته الآن فأحفظوا حقوق المؤلف } كما في مثل سوداني دارج بيقول: لاتدي المجنون كيك ولاتخليهو يشيل كيكك أو فيما معناه فالجنريتر ماسمع ليك وكمان حاول يتحرش علمآ بأنه سبق ان تحرش بنا بسبب الصورة دي ذاتها ولولا هرشة صفية له لحدث ما لايحمد عقباه
خلاص عايزة تنعيني ؟ كويس ، لكن ما تشكريني خللي ده لمن يجييء يومو هسع بس فكي أي دبرسة عندك فيني
والله الطشاش كعب علمآ بنه في بلد العمى شوف انا كنت فاكر الهرشة جاتو من تالا صفية اتاريها منك عشان كده إرعوى أصلو ما بيرعوي إلا بالعين الحمراء حتى يرعى بقيدو
Quote: خلاص عايزة تنعيني ؟ كويس ، لكن ما تشكريني خللي ده لمن يجييء يومو هسع بس فكي أي دبرسة عندك فيني
انا غايتو ماعافية لزول يشكرنى بعد ما اموت يازول كلامات التطييب دى بترفع الروح المعنوية وبتلازم سيدها
وبعدين... اقول ليك سر؟ حسع ده حال زولة مدبرسة؟ بقى مافى زمن للمواضيع بتاعة {المثقافاتية} ديك، اخير نتونس يا ود امى- رغم انو الونسة نفسها تدعو للتأمل {خلاص قمت على التنظير، احىّ انا من روحى دى}
الاستاذة اشراقة تحياتي حقا اريج العود يزكو كلما ازداد احتراقا كيكي سافر شرقا وغربا ينشد راحة الجسد المنهك الذي احتطب منه الصبر قطعة استل سيف الصبر وجلس علي سجادة الحزن النبيل وهو يغني يحلم كثيرا بالغد المشرق ويغني يابكرة الفرح يوماتي بيكاتل حزن اطفال الحزن لايتخير الدمع ثيابا كي يسمي في القواميس بكاء هو شئ يتعري من فتات الروح يعبر من نوافير الدم الكبري ويخرج من حدود المادة السوداء الحزن فينا كائن يمشي علي ساقين دائرة تطوف في فراغ الكون تمحو من شعاع الصمت ذاكرة السكون المطمئنة تخريمة حسي يجي عبدالمنعم ويقول ليك فكيتوها فينا حزن واريج العود وهلمجرا
قوستف بتحسسنى الوانه ورسوماته بالحياة حميمية وتناغم تصرخ النفس اشتهاء له
النمسا بلد الفنون... المعمار...العراقة... البحيرات وجبال الألب- بحيرة القمر...
ثم عمنا هندرت فاسر- مهندس وتشكيلى، البيت المسمى باسمة فى الحى الثالث بفيينا يرتاده السواح من كل انحاء العالم، دهشة مابعدها دهشة محرقة النفايات فى فيينا الواقعة فى الحى التاسع- على بعد خطوات من مكتبى بجامعة الاقتصاد حولها تصميم وتلوين هندرت فاسر الى لوحة يرتادها ايضا السواح..
فيينا مفروض تكون بلد للتشكيلين والتشكيليات لانها مدينة الفنون
وشكرا على الكلام السمح ده- اكيد ساعد صاحبنا كيكى فى فك الدبرسة
الطيب شيقوق اهلا بيك
عبدالعظيم الف شكر على مساهماتك المقدرة نجازيك انشاءالله فى فك دبرسة ما
واهديكم والجميع وعزرا لكل ما تجاوزته/ها غير قاصده بالرد- اهو كلنا اخوان واخوات فى الحزن هنا بحيرة القمر بالقرب من مدينة سالزبورج السياحية، اجمل مدن النمسا
Quote: يعنى برضو مادقست...وماعندى اى فكرة عن فوائد الجرجير التانية، بيكون كويس لو عرفتها
افتكر انسب واحد يفيد في هذا الموضوع هو ابو بكر الرطاني - كدى ارخوا ليهو اضانكم وشوفوا العندو شنو - انا عارفه مشغول جدا وما تطلبوا منه غير الاجابة على هذا السؤال .