Quote: ومحاذير تقيلة يا خليل وده كلام بخوف ذااتو قليع نمر
لازم يا كيكي تلبس حجبات
عشان خائف عليك من بنات هوليود ناس جوليا روبرت وبت لوبيز
انا عارفك (بكاي ) وبتحب تاكل (البسكوت)
Post: #4 Title: Re: كيكي حذراك والتكاسة واشياء اخري Author: Salah Abdulla Date: 01-14-2008, 07:06 PM Parent: #3
خليل وكيكي
Quote: خشتني خوفة يا خليل تصدق بالذات مع (قليع النمر) ده ده احنا كنا بنقلع النمر كمان علي اخر عمرنا يقلعو نمرنا..
والله العظيم ضحكت لمن دموعي جرن .. الله يجازي محنكم أيها المشوطنان خليل ياخ ما تخوف الزول ده ياخ ، نحن هسي قافلين عليهو يخارجنا بي هناك والله يا كيكي شلت ليك هم عديل ، وقلوبنا معاك ياخ والله يستر عليك من (قليع النمر ده) كلو ولا ده أقول ليك حاجة ؟؟ شفت مع الحجبات والرتينزات عليك باللحام ... ألحمهم ياخ ، آي والله ، وكمان يكون لحام بتاع ستلين قوي ، ومبرشم
هلا يا عمدة تخم وتصر ساااكت امريكا تااااااامن ذاااتو انا موصي من عباس جوني وعمر كرنك وقالوا لي يا فارة امريكان ديل لازم توريهم حاجة وتعمل ليهم (كيس في البليس)
عارف صاحبك كيكي ده أخر مره شفتوا وين قبل ما اقابلو في عيد رمضان في الدوحة ؟
أخر مره كان مشرور أمام فندق آراك في الخرطوم عارف كان شاريهو منو ؟ شاريهو لاعب المريخ داك الكان بيبيع و يسمسر في الفيز "ما عاوزين نجيب إسمو عشان الفضايح"
الكلام ده كان تقريبا في عام 94 او 95
المهم زولك السمسار شاريهو و ماخد قروشو شهور قال إيه ، قال ح يعمل ليهو تأشيره لهولندا
عشان كده انا ما خايف عليهو ابدا من امريكا أكيد إستفاد من مثل هذه التجارب
و كمان ح اوصي عليهو قريبي هشام هباني يراعيهو في تسعيرة المشاوير
بس إعمل حسابو في التحويل، لانو الدولار في أمريكا بي دولار واحد بس
Quote: شاريهو لاعب المريخ داك الكان بيبيع و يسمسر في الفيز "ما عاوزين نجيب إسمو عشان الفضايح"
هلا با لصديق الجميل عمار وبالله خلي الاشاعات المدفوعة الاجر من صلاح ادريس دي وقايم بدستوري يا عمار وبالله وصي علينا هشام هباني ده ما يقطعها معانا نشاف في التسعيرة
Quote: خليل ياخ ما تخوف الزول ده ياخ ، نحن هسي قافلين عليهو يخارجنا بي هناك والله يا كيكي شلت ليك هم عديل ، وقلوبنا معاك ياخ والله يستر عليك من (قليع النمر ده) كلو ولا ده أقول ليك حاجة ؟؟ شفت مع الحجبات والرتينزات عليك باللحام ... ألحمهم ياخ ، آي والله ، وكمان يكون لحام بتاع ستلين قوي ، ومبرشم
هلا ابو صلاح ياخ صحبك ده خوفني عديل كدده يا ابوصلاح وقعدت اتخيل بالذات في حتت قليع النمر دي (لا حولاااااا) ومن بكرة يا صديق اخوك ماشي شارع 15 في الصناعية حتت الستلين بتاعة البنغال ديك حجبات تقيلة ولحام ستليييييييين رهيب..والكاتل الله والحي الله يازول
عشان خائف عليك من بنات هوليود ناس جوليا روبرت وبت لوبيز
انا عارفك (بكاي ) وبتحب تاكل (البسكوت)
هلا يا خلي يا مسخوت وما تشيل هم يافردة حجاب نلبس ومحاية نشرب وبنعمل ساتر...!! وجكس هوليود ندوري الا بودي قارد نخافو (ديل البقلعو نمر الناس ذاااتهم ياخليل) يازول هوووي البعد ولا البلاد ابسعد
Post: #10 Title: Re: كيكي حذراك والتكاسة واشياء اخري Author: فيصل عباس Date: 01-14-2008, 11:28 PM Parent: #1
خليل قليع النمر بتاعك ده صاحبنا متعود عليهو المشكله في التاني (عيال ادريس ومريسة امريكهواولاد تمبك)
واولاد عبدالله ديل مابيدخلو ساي الا يكون في شئتا صعب اصلهم بتاعين خبرات وكده عماد ده قبل كده اتقلعت نمرو في كلية الشرطه وصلاح ده اللحام بتاعو بيكون جابو من تجارب شديده
كيكي ركب نمر دبلماسيه وهيئات يمكن تمرق منها..
يجازي محنكم.
Post: #11 Title: Re: كيكي حذراك والتكاسة واشياء اخري Author: Emad Abdulla Date: 01-15-2008, 00:09 AM Parent: #10
Quote: عماد ده قبل كده اتقلعت نمرو في كلية الشرطه
يا وغد .. نحن نمرنا في الشاسيه .. أصلية .
الكلام على كيكي ده ما يمشي يعمل حريف كنابي و قاع مدينة و مكنات .. هناك كلام زي ده بيدخل صاحبك في أمراً ضيق .. يطقطقوه اليانكي .. و يعيدو سمكرتو .
.... غايتو بيكون حريف لو إتخارج من هناك بكرنك مكسور .. و خليل عارف .
Post: #12 Title: Re: كيكي حذراك والتكاسة واشياء اخري Author: الخير محمد عوض Date: 01-15-2008, 03:35 AM Parent: #11
النمر ساهلة ياعمك اسي اتحدى زول قاعد هنا ويقول لي نمرو لسا سارية المفعول
ياخي النمر دي بقلعوها ليك ناس الامقريشن في المطار وبتجي داخل ابطك والنجم....
يا كيكي يامن سيكون صديق المنافي...ام المحاذير هنا اسمها ( عباس) (واولاد الخالـة)
يا خليل فردتك دا لو دا أتقل جاكيت عندو أنصحه يأخر جيتو لحد شهر خمسة لكن لو مستعجل يسمع كلام بكري ويمشي أريزونا بس يعمل حسابو قالوا مويتا كعبة يعني بعد ستة شهور بدل ما متصور بالساكس حا يتصور بالطاقية وإيميلاتو ليك كلها حا تكون "يا مان ألحقني بزيت جرجير"
يا ابوخليل ... واللهى ليك وحشة....قالو وقعت فى الحفرة....صلح النضارة... يا شدو.... الوالد انشاءالله يكون بلغ الصحة والعافية.. وانت انشاءالله تكون... اكلت الايسكريم..
يا حليلك يا خلي..كرمه فايت مخليك برااااك.. لا نجح ليك مشوار العرس لا ساقك معاه! يازول قدم والحقه..دي عشرة عمر طويله..والبيمشي امريكا..ماظنيته يرجع تاني!
Quote: غايتو لو دينق لمة فيك...أمريكا دي علا تشوفها في التلفزيون
هاها ها كلامك ده تقولو لزول ما طشم في انداية 00(بت قنيرة) واداها كسرة من مريسة (امونة بت مرفعين) سكر امريكا ابو لقلقة ده يا كوستاوي عملنا ايام سكر الطلبة
وياكوستاوي بالجد تيراب الجرجير ده لو لقيتو هنا بجيبوا ليك بس تنورنا بعملوا بيهو شنو تاني غير البتاع داك
Quote: غايتو لو دينق لمة فيك...أمريكا دي علا تشوفها في التلفزيون
دينق بتاعكم ده لو قعدنا معاهو راس والعبابير دورن والليل تلت لو ما خليتو يكتب البوستات الاتية ما ابقي مندوب عباس جوني لبلاد العم سام 1-معتز قريش الفنان الذي احببت 2-تمبس حبيب البي .. 3-ياكيزان المنبر العفو والعافية 4- الخردة والكرمبا كوستاوي هذا فارق بيني وبينك وما توريني وشك ده تاني 5-جالية واشنطون احسن جالية في العالم ولا شالت قروش من السفارة لا حاجة 6-الفنان الما غنا في سفارة السودان في واشنطون ما غنا 7- يا اهل المنبر اعزروني فعبابير بريمة كانت فعلا عبابير لبن وهكذا انسف ليك خطو المنبري كلو في اخر كاسين ونص...
Quote: يا حليلك يا خلي..كرمه فايت مخليك برااااك.. لا نجح ليك مشوار العرس لا ساقك معاه! يازول قدم والحقه..دي عشرة عمر طويله..والبيمشي امريكا..ماظنيته يرجع تاني!
قدم والله يسهل..
مني خوجلي
هل تنجح زيارة كيكي في جسر الهوة بين السودان وامريكا
