Post: #1
Title: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:25 PM
Parent: #0
من اوضة مدهشة تنادي اليها بعض الاصدقاء في ضاحية (السلطة ) علي اطراف كورنيشها
معبقة بصاحبها الجميل معاوية الطيب وحضور فيصل الزبير وهاشم كرار
ونادوس والجميل رقم صفر ثم الدكتور الذي صار بوردابي (من ورانا) صديقي اسامة
ضحية وصالح اخوان...
بهاء بكري اتيا من الخور البعيد
....
ام من الخمس عشر ساعة(تعليق في الجو) مثلي ومثل طائر السمبر في ترحاله الشهير
(ون قو)..
ام من فتحي ومحمد في مطار (دالاس) الشهير وعيوني صارت (زرو -زرو)كما كانت تردد حبوبتي واصفة
الذي ينطط عيونه من الخلعة وهكذا كان حالي واحوالي ونحن نحط الرحال في جزء صغبوبتي في بلاد
العم سام..
...
ام احلق في الفتي متولي مالك الامدرماني الشهم وبرفقة الجميل عماد (عمدة)
ونون.....
....
ولسع مع دهشة الشهر ونيف
شي سودان ونبض شارع ولفيت تقيل في واشنطون دي سي...
وزهير الزناتي ومطارات الوطن
وحكاوي وتلاقي مع اخوة واخوات كثر من بورداب الخرطوم
وامريكا ومهاتفات ....
وروية ابراهيم باخت الجميل واسرته بعد زمن كبير...
نخش فورمة المنبر (امشي اوصف بيتنا) ونجي نحلق في مدارت موغلة في الدهشةالابكرية)
|
Post: #2
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:32 PM
Parent: #1
حتما كان الكيزان يعبثون بالكلمات عندما كانو يرددون
امريكا وروسيا قد دنا عذابهما
عذاب ايييه؟؟؟
دي شكلها كده بلد
كل من لقاها لايقوي علي ضرابها..
|
Post: #3
Title: Re: يبداكي من وين يا دهشة ابكر ده؟؟؟؟
Author: Elawad
Date: 03-05-2008, 10:34 PM
Parent: #1
مرحب بيك يا عبد الكريم. بعدين ياخي الون الكاتب بيهو دا ما حق عماد عبد الله دحين؟ رجعو ليهو الراجل بفتش عليهو.
تحياتي لك و أرجو أن تكون قد وجدت الأهل بخير.
|
Post: #5
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:38 PM
Parent: #3
| Quote: مرحب بيك يا عبد الكريم. بعدين ياخي الون الكاتب بيهو دا ما حق عماد عبد الله دحين؟ |
هلا يا العوض
وكل الود
وعدنا الي قواعدنا سالمين يا العوض والحيل اتهد
واما عماد عبدالله
فالخط هين برجع ليهو
بس اليقدر علي اسمو القالوا سرقوهو ( ومدورين بيهو زي السلام عليكم في المنابر المجاورة)
وطبعا الكلام ده كمين لزول كده في اطار كمائن المنبر التاريخية
|
Post: #4
Title: Re: يبداكي من وين يا دهشة ابكر ده؟؟؟؟
Author: محمد البشرى الخضر
Date: 03-05-2008, 10:37 PM
Parent: #1
حمدالله على السلامة يا معلم
نورت البورد و الدوحة
بالله بعد توصف البيت شوف لينا موضوع (علي) معاك
|
Post: #6
Title: Re: يبداكي من وين يا دهشة ابكر ده؟؟؟؟
Author: الشفيع عوض شوشتا
Date: 03-05-2008, 10:42 PM
Parent: #4
كيكي يا صحاحبي
ليك وحشة ..
وحمد الله على السلامة ...
|
Post: #8
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:46 PM
Parent: #6
Quote: كيكي يا صحاحبي
ليك وحشة ..
وحمد الله على السلامة |
الف سلام وتحية يا شوشتا
وكل الود يا صحبي الجميل
واتمني ان تكون بالف خير وبركات
|
Post: #7
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:43 PM
Parent: #4
| Quote: بالله بعد توصف البيت شوف لينا موضوع (علي) معاك |
عالم لا تنسي لا تعمل بتعرف تعمل نايمة...
علي ده بعد بحث ومتابعة للبوست المفخخ بتاع (سيف جبريل)
شلنا الصورة لخبراء (طين) في احدي المدن السودانية
تبين بان علي (اييييي بتاع)
لكن ما من الدوحة
عموما للضمان (الطشت وصل ) لمزيد من التحري والبنشرة
سلام يا ود البشري مشتاقين والله
والف تحية علي الاهتمام وكل الود
|
Post: #9
Title: Re: يبداكي من وين يا دهشة ابكر ده؟؟؟؟
Author: Tragie Mustafa
Date: 03-05-2008, 10:46 PM
Parent: #7
منور يا كيكي
وحمد الله على سلامتك.
مكانك شاغر يا فردة.
|
Post: #11
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:49 PM
Parent: #9
Quote: منور يا كيكي
وحمد الله على سلامتك.
مكانك شاغر يا فردة |
هلا يا تراجي
وخليتي الحاجة قربت تعمل ليها ركن نقاش في الفريق
عن الجلابة وشكلها كده كانت حتتكلم عن الاستلاب العروبي في الحلة
وتحياتي لحازم وسند
وكل الود يا تراجي
|
Post: #13
Title: Re: يبداكي من وين يا دهشة ابكر ده؟؟؟؟
Author: محمد البشرى الخضر
Date: 03-05-2008, 10:55 PM
Parent: #7
| Quote: لخبراء (طين) في احدي المدن السودانية |
فيهم واحد بصلعة ؟!!!
يا سلام يا كيكي ياخ بطلتك إنت وابوساندرا في نفس اليوم البورد حيصير اجمل
|
Post: #14
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 11:03 PM
Parent: #13
Quote: فيهم واحد بصلعة ؟!!!
يا سلام يا كيكي ياخ بطلتك إنت وابوساندرا في نفس اليوم البورد حيصير اجمل |
هلا يا ود البشري
والمنبر منور بيكم والله
وقد كانت لنا خشات كروباوية
شفنا كل الحكاوي والقصص وتوصيف البيوتات(تخيل البوست ده معلق في كيبوردي لي ما عارف)
وحباب ابوساندرا فهو شيخنا الذي تعلمنا منه السحر وحلاقة الصعلة مثله ومثل
القبلوس (بيجو) الذي صار صحفي له شنة ورنة موبابيل تتغني بها حسان البندر(حيث يقال)
منعم بيجو مالو ماجاء
كدي يا يمة مالو ماجاء
|
Post: #10
Title: Re: يبداكي من وين يا دهشة ابكر ده؟؟؟؟
Author: Alsa7afa_30
Date: 03-05-2008, 10:49 PM
Parent: #1
كيكي
ألف حمد الله على السلامة
لازم عندك أكوام من الحكي
في انتظار أبكر و حكاياته الأميريكية ..
|
Post: #12
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 10:53 PM
Parent: #10
هلا بصديقي صحافة 30 وومشتاقين
والقصة جاطت الراس شوية يا حسام (وبدها) شوية ترتيب(انا لازم سوي ترتيب)
وبعد في واجد قرقر عن الابكريات و حكاوي بلاد الخواجات الشفوت
تسلم يا صحافة وكل الود
|
Post: #15
Title: Re: يبداكي من وين يا دهشة ابكر ده؟؟؟؟
Author: Adil Osman
Date: 03-05-2008, 11:25 PM
Parent: #1
Quote: من الخمس عشر ساعة(تعليق في الجو) مثلي ومثل طائر السمبر في ترحاله الشهير
(ون قو).. |
ابكر، عفوآ كيكى.. حمديلا بالسلامة يا رجل. وين الحى بيك؟ ننتظر حكاياتك المثيرة برآ وجوآ وبحرآ.
15 ساعة وانت بين السماء والارض؟
كلك جاذبية..
افتقدناك.
|
Post: #16
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 11:33 PM
Parent: #15
Quote: ابكر، عفوآ كيكى.. حمديلا بالسلامة يا رجل. وين الحى بيك؟ ننتظر حكاياتك المثيرة برآ وجوآ وبحرآ.
15 ساعة وانت بين السماء والارض؟
كلك جاذبية..
افتقدناك. |
مرحب بصديقي عادل
وكل الود
وعدنا يا عادل بعد لفة اشتقنا فيها اليكم كثيرا
وخمس عشر ساعة ونيف يا عادل واخوك معلق في كراكير الدنيا العجيبة دي
والاغرب في مسار الدوحة واشنطون
هو عبور الطائرة لاجواء ايران ثم اجزاء من روسيا
في رحلة لا عليك سوي التشهد وتعمل فيها ما عارف الحاصل شنو
|
Post: #18
Title: Re: يبداكي من وين يا دهشة ابكر ده؟؟؟؟
Author: ابوعسل السيد احمد
Date: 03-05-2008, 11:46 PM
Parent: #16
كيكي سلامات كثيرة..
يا كافي البلا بلاد العم سام دي لا فيها
كمبيوترات و لا كيبوردات عربي.؟ و للا
اشتغلت بسياسة ( دخل أمريكا و ما قال كش)
في سنة الانتخابات دي؟
و برضي بقول مع الناس: مكانك شاغر، بس
حلفاءك اللدودين مسجلين غياب.
|
Post: #22
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 11:53 PM
Parent: #18
Quote: يا كافي البلا بلاد العم سام دي لا فيها
كمبيوترات و لا كيبوردات عربي.؟ و للا
اشتغلت بسياسة ( دخل أمريكا و ما قال كش)
في سنة الانتخابات دي؟
و برضي بقول مع الناس: مكانك شاغر، بس
حلفاءك اللدودين مسجلين غياب. |
هلا يا ابو عسل وكل الود والاشواق
والكمبيوترات عند الناس ديلك راقدة هبطرش
الا اخوك ما فضي ليها مع اللفيت الذي مثله ومثل اي مروحة في سقف
وفعلا دخلنا وما قدرنا نقول اي كش
ولكن عدنا لقواعد واثرنا ان نهابش بعض الملامح في هذه الدنيا ام قدود
....
وسنغير التحالفات وسنركب موجة (الامة - الوطني)
موضة هذه الايام
|
Post: #17
Title: Re: يبداكي من وين يا دهشة ابكر ده؟؟؟؟
Author: كمال سالم
Date: 03-05-2008, 11:42 PM
Parent: #1
أبكرونا فى البلد ومايسوى تلفون ,, ايه الخيانه دى ,,
يا أخى مليون حمدلله على السلامه ,, ومواضبع ساخنه منتظراك ,, تلفونك مقفول ,,
|
Post: #19
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-05-2008, 11:47 PM
Parent: #17
Quote: أبكرونا فى البلد ومايسوى تلفون ,, ايه الخيانه دى ,,
يا أخى مليون حمدلله على السلامه ,, ومواضبع ساخنه منتظراك ,, تلفونك مقفول |
هلا ابوكمال ومنور والله بالاسم الجديد وده الشغل كده ابو بلاش
عدنا وكابسنا الاسافير بعد شوق وكاروشة شديدة
بكرة لنا لقاء بعد (انا سوي ترتيب)
تحياتي للنبيل عادل سالم
وجاهزين جاهزين للملفات الساخنة علي الاقل وياريت لو القصة بقت (كعة) ليها ضل كمان
|
Post: #20
Title: Re: يبداكي من وين يا دهشة ابكر ده؟؟؟؟
Author: esam gabralla
Date: 03-05-2008, 11:50 PM
Parent: #1
كرمة
ما لاقيت دجانقو هناك؟
كويس جيت منسلي سريع ما ناشوك و لا طخوك
قصة ال hot dog بقت فيك و لا لأ؟
نتكلم
|
Post: #30
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:09 PM
Parent: #20
Quote: كويس جيت منسلي سريع ما ناشوك و لا طخوك
قصة ال hot dog بقت فيك و لا لأ؟ |
هلا يا عصام وسلامين والله...
الطخ دي اشاعة(بلشفية) ساكت من زمن الحرب الباردة
الناس ديل ظراف وحننننان
زهور وورود وابتسامات وشوراع زلط تقول يا ليل
|
Post: #21
Title: Re: يبداكي من وين يا دهشة ابكر ده؟؟؟؟
Author: محمد عبد الماجد الصايم
Date: 03-05-2008, 11:52 PM
Parent: #1
كيكي الجميل
سمدله ع الحلامه وكدا
شايفك مذاكر كويس وجايب وصف البيت و(الطشت) وباقي (السقفة) بتاعت ملس
بالله احكي لينا واحدة كده من الكمبوهات ديك
|
Post: #23
Title: Re: يبداكي من وين يا دهشة ابكر ده؟؟؟؟
Author: صلاح الأحمر
Date: 03-06-2008, 00:30 AM
Parent: #21
كيكي حبيب ا لجماهير
والله ليك وحشه والمنبر بدونك مسيخ
وماعندو طعم. الحمد لله على سلامتك.
ولما كنت غايب ملايكتك كانو حاضرين
( ولا شياطينك ماعارف، استغفرتك
ياربي) المهم كنت في الخاطر والبال
ياكرومه ياحبيب ياسيد الحكي الصاح.
وكان مامصدقني أها هاك دي وامشي
فتش عليهافي( نفسك في شنو) وخلينا
نتلصص علي أمانيك.
ote: أنا غايتو نفسي في أم فتفت..
ايوه كده يا أبو نصره الله ينصر دينك.
ياهو ده الكلام بيفتو كده ولا بلاش. يمينا
بالله لماشفت ليك كلمة أم فتفت لمن ريقي
جرى.ذكرتنا أيام الجاهلية والمرايس.
ياربي كيكي وينو؟ مابكون عندو شوية
كونجومورو.أصلو زمان ضقتو في دمازين
وعجبني بالحيل.
مع صادق مودتي.
أخوك وداللحمر أي زادا مابخمر
|
Post: #24
Title: Re: يبداكي من وين يا دهشة ابكر ده؟؟؟؟
Author: محمد سنى دفع الله
Date: 03-06-2008, 05:50 AM
Parent: #23
;
ك
ي
ك
ي
ك
ي
ك
ي
ك
ي
,,,
|
Post: #33
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:22 PM
Parent: #24
Quote: ;
ك
ي
ك
ي
ك
ي
ك
ي
ك
ي |
هلا برائد الاركلوجيا والزمن السمح
جهز الملاعب والمسرح
وحضرنا يا سعادتك
|
Post: #32
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:19 PM
Parent: #23
Quote: بالله لماشفت ليك كلمة أم فتفت لمن ريقي
جرى.ذكرتنا أيام الجاهلية والمرايس. |
حسع يا ابو صلاح انا ريقي ذاااتو جري جري السنين باجترارك لسيرة (ام فتفت) دي
ودي خيانة عظمة كون اهل المنبر يتسامرون حول (ام فتفت) واخواتها في غيابنا
ولكن لا عليك سنلحق سريعا..
كل الود يا ابو صلاح
ولقيت زول صحبك اسمو عماد كان زميلكم في ايام المغرب
وهو مقيم في فرجينا ورجل عالي الشهامة والجمال..
|
Post: #31
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:15 PM
Parent: #21
| Quote: شايفك مذاكر كويس وجايب وصف البيت و(الطشت) وباقي (السقفة) بتاعت ملس |
هلا يا ودالصايم
والف سلام وتحية
هو جنس مذاكرة..!!!
حتي البوست بتاع (جني) بتاع الحاجات (الورا وراء ديلك)
اديناهو طلة وعجبنا وسر بالنا..وفاتنا مفلعين
تسلم يا محمد والبلد ديك الكمبو الزي بتاعتنا ديلك ما بقوم فيها كلو كلو
|
Post: #25
Title: Re: يبداكي من وين يا دهشة ابكر ده؟؟؟؟
Author: انعام حيمورة
Date: 03-06-2008, 08:55 AM
Parent: #1
الف الف حمد لله على السلامة
بركة الوصلت طيب
تحياتي
|
Post: #26
Title: Re: يبداكي من وين يا دهشة ابكر ده؟؟؟؟
Author: Saifeldin Gibreel
Date: 03-06-2008, 09:18 AM
Parent: #25
Quote: علي ده بعد بحث ومتابعة للبوست المفخخ بتاع (سيف جبريل)
شلنا الصورة لخبراء (طين) في احدي المدن السودانية
|
كيكى.. ياخى مشتاقين كتير وليك وحشة ياخى طيارتنا اتأخرت فى لاس فيقاس لحالة الطقس نجى فى مطار ريقان نلقاك مشيت السودان.. بالغت عديلللللللللللل كدة.. بعدين الطين بتاعكم فى الخليج اكل منو تمام لانو الطين بتاع هنا ما تمام مونتو قوية شوية بتاعكم طري.. حلوة دى
|
Post: #27
Title: Re: يبداكي من وين يا دهشة ابكر ده؟؟؟؟
Author: azhary awad elkareem
Date: 03-06-2008, 11:27 AM
Parent: #26
كيكى يا جميل..
إزيك وبركة الوصلت بالسلامة..
كنا نتمنى والله أن يمتد بنا الزمن
فتمتد معرفتنا ونستمتع بوجودك بيننا..
لكن المرة الوحيدة التى سنحت...وآه من لكن هذى..
إن إمتد بنا العمر..
فحتماً بمشيئته سنلتقى..
وسنواصل ما إنقطع من حديث..
ولن أقول ما إنقطع من ود فسنعمل
على أن يمتد الود برغم المسافة..
لك المحبة..
|
Post: #28
Title: Re: يبداكي من وين يا دهشة ابكر ده؟؟؟؟
Author: بدر الدين الأمير
Date: 03-06-2008, 07:37 PM
Parent: #27
Quote: نخش فورمة المنبر (امشي اوصف بيتنا) ونجي نحلق في مدارت موغلة في الدهشةالابكرية)
|
كيكى يالعلين (الراحل مقروش الطارى ود القريش)
من ساب قديمو تاه جارى لنطيط الحيط ووصف البيوت
بس ماتنسى بيت الريان
تنهدات: خلاص نعتمدك (يانكى) بدل كيكى
|
Post: #29
Title: Re: يبداكي من وين يا دهشة ابكر ده؟؟؟؟
Author: Faisal Al Zubeir
Date: 03-06-2008, 07:55 PM
Parent: #28
الزميل كيكي : تحياتي :
عودا حميدا.
اكيد تابعت عودة الهلال الى الدوري الممتاز .
اتحفنا باخباره وما كتبته الصحف .
|
Post: #38
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:41 PM
Parent: #29
Quote: اكيد تابعت عودة الهلال الى الدوري الممتاز .
اتحفنا باخباره وما كتبته الصحف |
هلا ومرحب بصديقي الهلالي الكبير فيصل
وعند وصولي السودان يا فيصل كانت
ازمة (صلاح ادريس-شداد) تكاد تعصف بكل الاشياء
واختلف القوم وقامت كتاحة ليها ضل وانقسم السابلة والجميع ينظر في جرائد الكورة التي
لا حد لها...
ولكن الهلال دوما هو الهلال يمتع الجماهير مسربلا بنبض البلد
ومارس الدهشة في بورتسودان وهو البرنجي دوما
|
Post: #49
Title: Re: يبداكي من وين يا دهشة ابكر ده؟؟؟؟
Author: دينا خالد
Date: 03-07-2008, 08:37 AM
Parent: #29
عب الكريم !!
سعدت بمهاتفتك اليتيمة !!
ولكنك لم توف الوعد !! قول واحد
حمدلله سلامة .... وامنياتى بموفور الصحة للوالد
ياسيدى قدرنا الظرف والجايات اكثر .........
|
Post: #37
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:37 PM
Parent: #28
هلا يا بدر الدين
وحبابك والله
انتو يا ناس الواحد يديكم ضهروا كده
وتدورا في البولش والصنفرة....عيني باردة والله....
وحليلك يا قريش قالوا (حرد) وفرتق
قول ليهو (قشة ما تعتر ليهو)
بدرالدين طبعا انت بتكون من اوائل الذين وصفوا بيتوهم
|
Post: #36
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:33 PM
Parent: #27
Quote: فحتماً بمشيئته سنلتقى..
وسنواصل ما إنقطع من حديث..
ولن أقول ما إنقطع من ود فسنعمل
على أن يمتد الود برغم المسافة.. |
يا سسسلام يا ابو الزهور
سعدنا والله بلقاكم والواحد حس انو بعرفك منذ الف عام وعام
وانت رجل من الزمن الجميل كم تمنيت ان يطول بقائي معكم حتي نسعد بالونسة
ولكن العزاء حتما سنلتقي ويمتد التواصل والاخاء...
كل الود يا ازهري والف شكر
|
Post: #35
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:30 PM
Parent: #26
| Quote: كيكى.. ياخى مشتاقين كتير وليك وحشة ياخى طيارتنا اتأخرت فى لاس فيقاس لحالة الطقس نجى فى مطار ريقان نلقاك مشيت السودان.. بالغت عديلللللللللللل كدة.. بعدين الطين بتاعكم فى الخليج اكل منو تمام لانو الطين بتاع هنا ما تمام مونتو قوية شوية بتاعكم طري.. حلوة دى |
هلا يا ابو السيوف
وكل تحية وشكر علي الاهتمام..
وكنا ويشهد الله في انتظاركم بل شوق ولكن نقول الجايات اكثر..
وبعدين يا سيف المرة الفاتت ناس الدوحة خليتهم يلملموا شنطهم في انصاص الليالي
اقوم اسافر واجي القاك (جبت) قصة (علي الناااوه) وتخلي البلد يخشها طشت كبيرررررررر
زي الجبتوا معاي انا ده
|
Post: #34
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:24 PM
Parent: #25
Quote: الف الف حمد لله على السلامة
بركة الوصلت طيب |
هلا يا انعام الزولة الراقية
والف تحية
وانتو يا ناس الخرطوم كلامكم براااااهو
بس ادوها صنةالنخش ليكم الفورمة...
كل الود والتحايا
والسلام للجميع
|
Post: #39
Title: Re: يبداكي من وين يا دهشة ابكر ده؟؟؟؟
Author: Faisal Al Zubeir
Date: 03-06-2008, 08:45 PM
Parent: #34
Quote: ولكن الهلال دوما هو الهلال يمتع الجماهير مسربلا بنبض البلد
ومارس الدهشة في بورتسودان وهو البرنجي دوما ] |
سيد البلد ، عشق الاهلة
|
Post: #42
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 08:58 PM
Parent: #39
| Quote: سيد البلد ، عشق الاهلة |
هلا يا فيصل
والهلال فعلا سيد بلد ونص
والمفرح انو الاجيال الجديدة مقومة هلالاب قومة جد
|
Post: #40
Title: Re: يبداكي من وين يا دهشة ابكر ده؟؟؟؟
Author: هجو الأقرع
Date: 03-06-2008, 08:46 PM
Parent: #34
كيكى جيدن جيت طيب ، كنت مرتاح من القرفصاء وشمينا الهواء ، قلنا انشاء الله امريكا تمسكك ( متل) اخوك دينق . اها اوعك تقلب الحجار. الجماعة كانوا عاوزين يعتقلوك فى الخرطوم قلت ليهم الزول صديق الكيزان خلوه وادوك فرصة اها قصرت معاك.
|
Post: #43
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 09:10 PM
| Quote: كيكى جيدن جيت طيب ، كنت مرتاح من القرفصاء وشمينا الهواء ، قلنا انشاء الله امريكا تمسكك ( متل) اخوك دينق . اها اوعك تقلب الحجار. الجماعة كانوا عاوزين يعتقلوك فى الخرطوم قلت ليهم الزول صديق الكيزان خلوه وادوك فرصة اها قصرت معاك. |
هلا يا هجو
ومرحب بالضلامي الكبير
وجيت لقيت البلد ملانة خير فالضلامي المزعج ود قريش كسح
وعقبالك كمان انت والطقي النشوف (عجاجكم)
امشي وين يا هجو انا واخليكم تتجدعوا في الدوحة دي قااااعد (وجددت اقامتي كمان)
والكيزان يا هجو سنونهم خلاص اتكسرت باقين في البتحلهم من الشبك المالية البلد
وما فاضين لناس الكيبورد ديل
|
Post: #45
Title: Re: يبداكي من وين يا دهشة ابكر ده؟؟؟؟
Author: ibrahim kojan
Date: 03-06-2008, 10:56 PM
عندما رجعت الي السودان بعد مليون سنه كده... كنت بحكي عن حاجات كتيره ...
منها الذي تقوله الان .. وتذكرت حكاية البنت التي طارت عصافيرها.. عدلت طاقيتي للمره الثانيه.. كاعرابي اتي المدينه للمره الاولي او هكذا قال بشري الفاضل..
اها انت جيت راجع كيف شكل الطاقيه بتاعتك ..معدله ام ..؟؟؟
انت حبوبتك المسيريه .. بتقول مزر زر عيونك زي المخلوع .. وانا حبوبتي المسيريه بتقول (مزر زر عيونك زي ... ؟؟!! والراجل بيمسكوهو من وين..؟؟!!)
غايتو حمدلله علي السلامه ..
وكمان حاقول ليك اكان انت في الدوحه اسال بهاء بكري يقول ليك....(الكلام البيوجع مسامع البيسمع ويرجع صداهو يوجع مسامع البقولو؟؟
بتم ليك الباقي بالتلفون...
|
Post: #41
Title: Re: يبداكي من وين يا دهشة ابكر ده؟؟؟؟
Author: عمر سعد
Date: 03-06-2008, 08:48 PM
Parent: #1
اجمع اجمع اجمع
فى انتظارك كمبورة ود عثمان وووووووووووووووووووووووووووايكككككككككككككككككككككككككك
|
Post: #44
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 09:13 PM
Parent: #41
Quote: اجمع اجمع اجمع
فى انتظارك كمبورة ود عثمان وووووووووووووووووووووووووووايكككككككككككككككككككككككككك |
هلا بودسعد ومشتاقين
وقول ليهم ما جامع لا حاجة
انت ما شفت هجو قال ليكم الزول ده صاحب كيزان
تسلم يا عمر وبجييكم ونشوف شو الحاصل
|
Post: #46
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 11:36 PM
Parent: #44
| Quote: اها انت جيت راجع كيف شكل الطاقيه بتاعتك ..معدله ام ..؟؟؟ |
هلا يا كوجان
وشوق والله
وجيت راجع يا كوجان بدون طاقية عديل كده
والراس (ام فكو)..
الطاغية راحت في مساككة السودان
وقد يكون شالوها ناس شركة الهدف في شارع الخرطوم مدني
او بتكون شالوها ناس الضرائب لمن مشتيت اشرب شاي مع ابكر كرونة في المنطقة الصناعية
او يكون لطشها واحد من الكيزان القاعدين يلطشوا من طرف ديل
في الدوحة ومن بكرة ح افتش بهاء بكري عشان يحكي لي الحاصل وفي انتظارك
دوما كما نحن في انتظارك الشترك القائم من كوستي
|
Post: #47
Title: Re: يبداكي من وين يا دهشة ابكر ده؟؟؟؟
Author: قيقراوي
Date: 03-06-2008, 11:50 PM
Parent: #1
كيكي حبيب الكل
تعرف انا كنت بتلبد عاوز اعرفك ياكا كيكي ذاتو و له لا ؟
ياخ لقيتك ياكا انت ذاتك
تعرف اني من ولدوني سوداني لكن ما بقيت على الخط او مباشر " Online " معاكم الا من اسبوعين بس . . . الف شكر باشمهندس بكري ابو بكر و دمتم رئة و مسام للتنفس
وزي ما انت محتار تبدأ الدهشة من وين ؟ زيك انا كنت محتار
ياخ حليتني من ورطة كبيرة
في احلى من باب الغبش مدخل ؟
مخارجة
العصفورة جابته قالت شافتك في عرس في الخرطوم !!
|
Post: #48
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-06-2008, 11:57 PM
Parent: #47
Quote: تعرف اني من ولدوني سوداني لكن ما بقيت على الخط " مباشر " معاكم الا من اسبوعين بس
وزي ما انت محتار تبدأ الدهشة من وين ؟ زيك انا كنت محتار
ياخ حليتني من ورطة كبيرة
في احلى من باب الغبش مدخل ؟ |
يا سلام يا قيقراوي ياخ
ومرحب بيك في سودانيز اون لاين ونورت وشرفت
وفخورين كون مداخلتك الاولي حطت علي بوستنا دهشتنا
لنلم دهشتك علي دهشتي
ونسوي يوم الدهشة العالمي بحضورك السمح......
وفعلا مارسنا الدهشة في عرس رهيب تالق فيه النور الجيلاني (طرزان)
وحاولت الهجيج الا انني فشلت لعدم مواكبة فنيات (النبق) الجديدة
الف مرحب يا قيقا ونورت الدار والله
|
Post: #52
Title: Re: يبداكي من وين يا دهشة ابكر ده؟؟؟؟
Author: Amira Elsheikh
Date: 03-07-2008, 10:49 AM
Parent: #48
كيكى ماوصل امريكا يكون زاغ وين?
كيكى الى امريكا...
كيكى فى المطار (توجد صور)
كيكى فى مدنى..
كيكى فى الخرتوم...
كيكى فى الدوحة اخيرا..
غايتو راسنا لفة زاتو...
اها وصلت وصيتى لناس امريكا??
جبت لى وصاياي من ناس الخرتوم...?
بركة الجيت بركة الجيت
|
Post: #58
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 03:46 PM
Parent: #52
| Quote: جبت لى وصاياي من ناس الخرتوم...? |
هلا بت الشيخ
عدنا يا ستي بعد سفرات تكاد ان تعذب عذاب الشهير قبورة
وناس الخرطوم يرددون حضور اميرة الشيخ مطلب شعبي
واحتمال يجونا مظاهرة بقيادة اشراقة ونادية السر
|
Post: #50
Title: Re: يبداكي من وين يا دهشة ابكر ده؟؟؟؟
Author: قيقراوي
Date: 03-07-2008, 10:40 AM
Parent: #1
| Quote: نخش فورمة المنبر (امشي اوصف بيتنا) ونجي نحلق في مدارت موغلة في الدهشةالابكرية) |
كيكي الجميل و الله نحن اولى بدخول فورمتكم الجميلة دي و الجدد القادمون اولى بالتسخين لدخول الفورمة .
كلنا نمشي نوصف بيتنا و بيت جيرانا كمان و بيت حبوبة هوادة في البيعة اذ حلل الله البيع و حرّم الربا
في انتظارات الدهشة البتدهش الدهشة المعتادة طمنا على الوالد
و زي ما قال صديقنا عمار محي الدين
انا في رجاك بتنفسك
|
Post: #59
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 03:49 PM
Parent: #50
Quote: كيكي الجميل و الله نحن اولى بدخول فورمتكم الجميلة دي و الجدد القادمون اولى بالتسخين لدخول الفورمة .
كلنا نمشي نوصف بيتنا و بيت جيرانا كمان و بيت حبوبة هوادة في البيعة اذ حلل الله البيع و حرّم الربا |
هلا يا قيقا
وانت يا صاحبي فورمتك الف وما تحتاج توصف
انت يا قيقا تمشي الحوششش توشششش وكلو بالخبرة الاسفيرة
|
Post: #51
Title: Re: يبداكي من وين يا دهشة ابكر ده؟؟؟؟
Author: elameen
Date: 03-07-2008, 10:47 AM
Parent: #1
يا زول حمد لله على السلامة انشاء الله وجدت الاهل كلهم بخير .... ومنتظرين تكتب لينا على انطباعك على السودان وكيف وجدت السودان... من كل ناحية...
اخي انشاء الله قابلت عاصم ابوبكر حامد ...
تحياتي
الامين
|
Post: #60
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 03:53 PM
Parent: #51
| Quote: اخي انشاء الله قابلت عاصم ابوبكر حامد |
هلا يا الامين ومشتاقين والله
والاخ عاصم بكل اسف يا الامين لم اوفق في مقابلته
واخباره م اتمكن من معرفتها
واتمني ان يكون بخير وعافية
|
Post: #53
Title: Re: يبداكي من وين يا دهشة ابكر ده؟؟؟؟
Author: ناهد علي
Date: 03-07-2008, 02:02 PM
Parent: #1
هي هو سافر ووصل الدوحة
والله ياكيكي من يوم قلت سلام ياالخرطوم انت تجري وانا وراك لحدي مامسكتني رجفة ولفت راسةوهضربة من جري جريته وراك عشان التقيك
كيي انت وين في مدني
كيكي انت وين في سنار
كيكي انت وين في المزاد، في بحري،في القلعة، في سوق الناقة ، ....الخ
خلاص لما تجي الخرطوم انشاء الله نتقابل اتصل علي قمت رجعته و مرقتها في بلد طيرها عجمي
اها نشوفك انشاء في اجازة جاية وانت اكثر روقة وارتكاز وكنت متمنية شوفتك .
|
Post: #54
Title: Re: يبداكي من وين يا دهشة ابكر ده؟؟؟؟
Author: عامر تيتاوى
Date: 03-07-2008, 02:36 PM
Parent: #53
رائد الابكرونية والاركولوجيا الاسفيرية
حمدلا على السلامة ومشتاقين ياكيكى
| Quote: .وحاولت الهجيج الا انني فشلت لعدم مواكبة فنيات (النبق) الجديدة |
اها وعملت اضان الفيل ولا سايق الفيسبا
|
Post: #62
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 04:02 PM
Parent: #54
| Quote: اها وعملت اضان الفيل ولا سايق الفيسبا |
هلا يا تيتاوي
واكاتبك وانا ساااكن سكنة في البوست ده وسيكون هو صديقي القادم
.. ولا اسيبا مدنى واجى اسكن حداكا !!
عملت يا تيتاوي (طرمبة) وهي رقصة اشبة بسائق الفيسبا
وبشوية مجازفات ممكن تخلي الواحد مواكب حبتين
|
Post: #61
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 03:56 PM
Parent: #53
كيكي انت وين
انا في القضارف
سلام وتحية يا ناهد وعزرا علي ضيق الزمن والمساككة ام دق التي حالت دون روياكم
وحتما سنلتقي في الزمن الفلاني
|
Post: #55
Title: Re: يبداكي من وين يا دهشة ابكر ده؟؟؟؟
Author: عبد المنعم سليمان
Date: 03-07-2008, 03:27 PM
Parent: #1
عاوزك ضروري جداجدا جدا
|
Post: #56
Title: Re: يبداكي من وين يا دهشة ابكر ده؟؟؟؟
Author: Sahar Abdelrahman
Date: 03-07-2008, 04:44 PM
Parent: #55
كيكي العزيز...ألف حمد لله على سلامتك...
|
Post: #57
Title: Re: يبداكي من وين يا دهشة ابكر ده؟؟؟؟
Author: Mutwali Malik
Date: 03-08-2008, 02:15 AM
Parent: #56
كيكي
ليك وحشة ودهشة ورعشة اقصد ركشة وزي ماقلت انشاء يدنو عذابها لو هي كدة ونحن كدة انتو حالكم كيف
احكي عن البيت الابيض والسيدة الاسبانية التي جلست منذ العام 1988م امام البيت الابيض تنادي بقضيتها دون كلل او ملل حكت لنا كم اعتقلت وكم ضربت وكم تم ايذائها من قبل البوليس وهي قابضة علي جمر قضيتها لتضرب لنا اروع الامثلة في الثبات والعزيمة
بجيك راجع
|
Post: #65
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 04:13 PM
Parent: #57
Quote: ليك وحشة ودهشة ورعشة اقصد ركشة وزي ماقلت انشاء يدنو عذابها لو هي كدة ونحن كدة انتو حالكم كيف
احكي عن البيت الابيض والسيدة الاسبانية التي جلست منذ العام 1988م امام البيت الابيض تنادي بقضيتها دون كلل او ملل حكت لنا كم اعتقلت وكم ضربت وكم تم ايذائها من قبل البوليس وهي قابضة علي جمر قضيتها لتضرب لنا اروع الامثلة في الثبات والعزيمة
بجيك راجع |
هلا يا متولي
ومشتاقين والله
والكيبورد عاجز تماما عن الحروف
ولكن يا متولي حتما سيكون لنا لقاء هنا وسنحكي عن ايامنا الجميلة برفقتكم الشهمة النبيلة
تحياتي للجميع وكن بالجوار سيحلو الحدبث عن فرجيينا- واشنطون ام الدنيا
وسلام خاص للجميل عماد وهاشم دبس
|
Post: #64
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 04:08 PM
Parent: #56
| Quote: كيكي العزيز...ألف حمد لله على سلامتك |
كل الود والتحايا الغالية سحر
وسعيد كل السعادة بوجودك هنا والمنبر
كل التحايا والتقدير يا سحر
|
Post: #63
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-08-2008, 04:04 PM
Parent: #55
| Quote: عاوزك ضروري جداجدا جدا |
حاضرين يا منعم
وانت حسابك غير ايهاالصلعي الجميل
|
Post: #66
Title: Re: يبداكي من وين يا دهشة ابكر ده؟؟؟؟
Author: محسن خالد
Date: 03-09-2008, 01:55 PM
Parent: #63
يا كيكي والله مشتاق ليك غاية ما كراع الأشواق تودّي
أها اتأمركت وألا لسع؟
بتنننندم، ألحق العمدة أحسن ليك، وملّحو التقلية "معاً"
على سباتة حنينة وقدّام باب شارع يغشاكم مسكين يأكلّو لقيمة معاكم.
تاني تغا الخليج بتاع المهندسين دا تشمو قدحة!
أبقى طيّب يا صديقي العزيز ويضحك نهارك
|
Post: #67
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-09-2008, 06:55 PM
Parent: #66
Quote: يا كيكي والله مشتاق ليك غاية ما كراع الأشواق تودّي
أها اتأمركت وألا لسع؟
بتنننندم، ألحق العمدة أحسن ليك، وملّحو التقلية "معاً"
على سباتة حنينة وقدّام باب شارع يغشاكم مسكين يأكلّو لقيمة معاكم.
تاني تغا الخليج بتاع المهندسين دا تشمو قدحة!
أبقى طيّب يا صديقي العزيز ويضحك نهارك |
يا سسسلاام
محسن خالد
يعلم الله الشوق بحر
الامركة يا محسن رحلتها شاقة وقصتها دقها اخيرو منو دق العيش
ولكن لابد منها وان طال الرحيل...
عماد صار صاحب اكثر تلفون مغلق في خرطوميات هذا القرن
ودار براسي دورات عديدة في ردهات الديم
ليلة بورداب الدوحة...في قلب الخور مع محسن خالد...
هنا لا زلنا يا محسن نجتر ايامك ونحن اليها ونمارس البكاء
علي حافة (ليركس)...
هذا الاسم التقطه العريس ودرملية ذات مرات وصار يردد
بان اسمه (ليركس ودرملية)واصبح يمشي منفوخا كالديك
شوق بحر
ووين ارضيك يا محسن 
|
Post: #68
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-09-2008, 07:01 PM
Parent: #67
Quote: عب الكريم !!
سعدت بمهاتفتك اليتيمة !!
ولكنك لم توف الوعد !! قول واحد
حمدلله سلامة .... وامنياتى بموفور الصحة للوالد
ياسيدى قدرنا الظرف والجايات اكثر ......... |
دينا يا دينا
نشكر الزمان الذي اتاح لنا ان نهاتفكم ونسعد
ولكن.!!!
ان كان هاتف عماد عبدالله هو اشهر هاتف مغلق في خرطوميات هذا القرن
فان هنالك هاتف يعشق الاغلاق ويعصي علي اثيره الاختراق هو هاتف (دينا خالد)
لو ضربت في الخرطوم انا 120 تلفون فان 90 منها كانت لهاتف زولة هناااك اسمها (دينا خالد)
ولكن (نور مووور انسر)...
كل الود
وحتما سنلاقي في الزمن الفلاني..
|
Post: #69
Title: Re: يبداكي من وين يا دهشة ابكر ده؟؟؟؟
Author: دينا خالد
Date: 03-09-2008, 07:02 PM
Parent: #66
يا فتاح ياكريم !!
Quote: بتنننندم، ألحق العمدة أحسن ليك، وملّحو التقلية "معاً"
على سباتة حنينة وقدّام باب شارع يغشاكم مسكين يأكلّو لقيمة معاكم.
تاني تغا الخليج بتاع المهندسين دا تشمو قدحة!
|
شفت ؟ شفت ؟ الحساده دى ؟؟ هو لابس الجينز وعامل ضنب الحصان ويقدل من مانشيستر
لى اسكتلندا ..... وينصحك بشوارعناالبائسة القميئه التى تكاد ان تودى بشبابى
وامالى .. ياااااااا محسن دى بتسوى وجع الروح اسالنى انا !!! والتقلية دى ما تجيب
لينا سيرتها ... دا كلام ناس ضارب عضمهم الاورنج جويس .. ومليانين مطايب ...
محسن !!! لقيتك حاااااااااااسد لما بى هناك !! يعنى انتو مساكين فى شارعكم مافى ؟؟ تعال ياخ
نحن ذاتو دايرنك .......
ـــــــــــــــــــــــ
كريم اوووووووووووووع تجى راجع .. ومش التقلية دى بنرسلها ليك ...
وكدا قول اتنين .... مره فطيتنى لما رجعت من مدنى ... وهسه فطيتنى فى بوستك دا ...
شخت فى الحيطة ....... ولما ترد على الناس راعى فارق الردود وافتكر فى صف !!!
|
Post: #70
Title: Re: يبداكي من وين يا دهشة ابكر ده؟؟؟؟
Author: حبيب نورة
Date: 03-09-2008, 07:06 PM
Parent: #69
جميل
متابع
|
Post: #72
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-09-2008, 07:17 PM
Parent: #70
كل الود يا حبيب نورة ومشتاقين والله
وتحياتي
|
Post: #71
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-09-2008, 07:12 PM
Parent: #69
Quote: وكدا قول اتنين .... مره فطيتنى لما رجعت من مدنى ... وهسه فطيتنى فى بوستك دا ...
شخت فى الحيطة ....... ولما ترد على الناس راعى فارق الردود وافتكر فى صف !!! |
عالم صعبة خلاص
ولكن لمن كنا بتاعين كورة كان في هتاف شهير
(باقي دقيقة كيكي بجيبها)
اها بالله كدي راجعي فروقات الرد بتاعي تلقهيو قبل دقيقة بس من
الشخيت الاتعمل في الحيطة...
امسحي شخيت وبلاش خرخرة وقفيل موبايلات معاك....
محسن طمعان في الشخوص وعوالم الخجانين وعماد قانج بالقصة كلها
وضارب التقلية واحنا لينا الله وقفيل الموبايلات
وتسلمي يا دينا
وبالجد مداخلتك شفتها قبل شوية بسسسسسسسسس
فالامور جايطة ولسع ما دخلنا البورد بفورمة
|
Post: #73
Title: Re: يبداكي من وين يا دهشة ابكر ده؟؟؟؟
Author: دينا خالد
Date: 03-09-2008, 07:19 PM
Parent: #71
والله عجبيتنى شديد قصة انو كنا بنكتب لى بعض
فى نفس اللحظة دى .... حلوة ياخ
،ـــــــــــــــــــــ
كيكى ،،، غصبا عنك االقلوب شواهد !!!!!!!
|
Post: #74
Title: Re: يبداكي من وين يا دهشة ابكر ده؟؟؟؟
Author: عبدالكريم الامين احمد
Date: 03-09-2008, 07:30 PM
Parent: #73
| Quote: كيكى ،،، غصبا عنك االقلوب شواهد !!!!!!! |
طيب ما تفتحتوا التلفونات دييي
دي حالة بتحصل اسفيرا كل 10سنة مرة ودائما تصحبها تداعيات
بس شيلي شيلتك ساااااكت يا دينا
|
|