Post: #1
Title: لن ترتاح يا مساح..!!
Author: عبدالكريم الامين احمد
Date: 05-20-2007, 01:54 PM
Parent: #0
مافي ضواقة راحة لتور الساقية وزولا شغلتو مساحة...!!!
في بداياتها ارتبطت بالجيش والدرش والظبط والربط ودقة الخواجات التي ارسلتهم حتي القمر البعيد..(يحكي عندما ارسل الروس قمرا للفضاء تجمع اهل احدي القري في السودان وساد بينهم خوف وهلع
كبير للاشاعة التي سرت بينهم بان الخواجات القبالسة قد ارسلوا مصيبة لكي تلتهم قمرنا المعروف والمعلوم لدينا). والان ورغم تحررها من التابعية العسكرية وغزوها للاسواق الا ان المساحة لازالت تحتفظ في جوهرهاوكل تفاصيلها بالضبط والربط والدقة..فسم متر واحد في خلل ما يمكنه ارسال عمارة الي الارض في (نو تايم)
خلل في درجة من زاوية ميلان منحني في طريق يمكنها احداث حادث حركة له ضل كبير وقد تزهق الارواح
ويكون السبب غير معلوم ....
متعة هي وشاقة ايضا وتحتاج الي صبر طويل ومقدرة علي امتصاص تغييرات الواقع والارقام انها مهنة المتاعب ومساككة الحر والبرد ولكلا حسابه و(فاكرته) الذي يناسب درجات الحرارة والاشياء العديدة التي توثر في الشغلانة....
|
Post: #2
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 01:56 PM
Parent: #1
ومنذ ان اعلن الجد جاليلو كروية الارض تطورت الاشياء ونمت وصارت المسافات والزوايا والزمن ما بين النقاط المختلفة في هذا الكون الشاسع سهلة القياس والتوثيق وصار هذا العالم موزعا (مشرطا) من فوق الي تحت بخطوط سميت لاحقا خطوط الطول والارض وتارة اسماء حديثة يمكنها وضعك علي اي نقطة في هذا العالم في احداثياته المختلفة ولو اردت ارتفاع تلك المنطقة لكبست علي اجهزة ذات دقة عالية ومربوطة باقمار صناعية..ونواصل
|
Post: #3
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 01:58 PM
Parent: #2
تلك هي المساحة علم وفن قياس المواقع والاشياء علي سطح الارض قياسها او تمثيلها علي خرط بمقياس رسم
معين ولاستخدامات معينة ..تلك هي خلاصة المقولة التاريخية والتعريف المعتمد الذي سربها ذات صباح
عالي البرودة رائد المساحة والاب الروحي لكل المساحين السودانيين (الاستاذ حاج الباقر) عليه الرحمة والمغفرة اينما حل لجهده العالي ودوره الكبير ورفقة اخريين في تعليم الجميع اصول هذه المهنة الشاقة المتعبة الجميلة ..
|
Post: #4
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 02:03 PM
Parent: #3
في بداياتها ظهرت اجهزة اجتهد في تصميمها الاوائل من المهندسين المهتمين بقياسات الارض مثل البلين
تيبل التي لو رايتها الان لاعتقد ان هذا المساح المجنون الذي يركز عيينه علي سطح التربيزة وعلاقتها بالاشياء المحيطة لاعتقدت تماما بان هذا الرجل يقف امام طاولة لبيع التسالي مثل تلك الكثيرة التواجد امام الاستادات في الخرطوم.. ولكن لا انه (مساح) يقيس ويرسم ابعاد المنطقة المحيطة ليعطيك فيما بعد خرطة يمكنها ان تمثل ارضية تصميمية لعمران ات بلاريب الي هذا المنطقة
|
Post: #5
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 02:04 PM
Parent: #4
ايضا كان في الماضي الجنزير هو سيد الموقف في قياس المسافات وقد تري رجلين احدهم يسمي قائدا في الامام والاخر يدعي التابع في الخلف قد تراهم دارشين في الاحراش بين الصخور وسط الاشواك والوحل وهم يجرون شريطا قوي جلده يمارسون (التعبير) هذا الجنزير وبرفقة البوت والزمزمية كان كافيا بارادة المساحين الاوائل لقياس وتحديد ورسم الالاف من الهيكتارات ...
|
Post: #7
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 02:08 PM
Parent: #5
الزوايا ايضا اوجدت لها شاوا كبير لاهميتها وضروتها في تحديد الاتجاهات والابعاد الراسية والافقية وتعريف النقاط فجضم الخواجة (جون) لها اجهزة ووزعها كدائرة 360 جننها جن السنين...
الفضاء والنجوم والبولاريس تلكم النجمة المميزة بالاضافة الي سهم الشمال المرسوم بوضوح في كبد السماء في تمثل لعظمة الخالق ومقدرته في تشييد هذا الكون الملي بالاسرار قدمت (جومتري) وتماسك النجوم وحركة الكوكب في مدارتها الدقيقة خدمة عالية للمساحة منذ مراحلها الاولية حتي الان في تقدمها الذي صار رهيبا وعالي التقدم والتقنية وفي كل الاحوال ظلت الفكرة في كثير من جزئياتها مستلهمة من الفلك ذات الفضاء الواسع الملي بالاسرار والدقة....
|
Post: #6
Title: Re: لن ترتاح يا مساح..!!
Author: Ishraga Mustafa
Date: 05-20-2007, 02:05 PM
Parent: #3
سلامات ياكريم
تفتكر لو سودانا التزم منهج المساحة كان بيكون الليلة كيف؟
فتحنا عيونا ولقينا الناس القدامنا بيهتفوا لزمان التحرير وزمان التعمير ليوم الليلة ماجاء
ليه لانو مافى خطة واضحة
ننضم ونرص النضمى
ونكتف يدينا عن الفعل لمتين
اكون متشائمة لو فلت نسأل عمنا جاليلو
وزمنك طيب
|
Post: #8
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 02:17 PM
Parent: #6
| Quote: تفتكر لو سودانا التزم منهج المساحة كان بيكون الليلة كيف؟ |
الف مرحب اشراقة وحباب في ديار المساحين باول القادمين..
رغم انو يا اشراقة المساحين دائما صحراويين وديمة ناس خلاء وعذابة الا ان حضورك
يشرف المكان وترتفع لكي القامات والاوتاد...
نعم يا اشراقة اولا اوكد ان السودان ملي بالمساحين العظام في كل جزئيات هذا العلم الذي توسع ونهض بسرعة البرق..وبه مصلحة للمساحة ضاربة بجذورها في الفيافي السودانية وتحفظ بها معلومات ومقدرات
كافية لتحويل السودان مساحيا الي فلندا اخري.. ورغم اتساع رقعة السودان الا ان المتراكم من خبرات
وكفاءت قادر علي ايصال التحكم المساحي واحداث التطور التقني في هذا المجال ان وجد القرار السياسي
صاحب الفلسفة الايجابية تجاه العلمية وتجاه احتياجات الوطن وتعميره واهمها هي المساحة..
اذن الامر يا اشراقة امر فلسفة سلطة ووعي ورغبة في تعمير الارض..ان وجدنا ذلك فلا حوجة لنا لاي شي اخر
والف سلام يادكتورة..
|
Post: #9
Title: Re: لن ترتاح يا مساح..!!
Author: nazar hussien
Date: 05-20-2007, 02:21 PM
Parent: #8
غايتو يا عبدالكريم...لو انت طلعت كرم المسّاح...بيكون الغبا يغباني...
لكن ما أظن...لأنك بتكون أكبر من كرم...وكرم دفعة المغبّش...
|
Post: #10
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 02:21 PM
Parent: #8
كل تلكم الجزئيات اعلاه بالاضافة الي قياسات البحار ومد وجز رها المربوطة بحركة القمر بالاضافة الي اعمال المناجم ومزيد من الدهشة في المساحة الجوية التي تعطيك صورة الارض ثلاثية الابعاد بصورة تجعلك تتحير في الاوبتكس والانكسار والانعاس بتاع الضوء والقصص التي تمخول الرووس..
هي اعلاه ملامح من مهنة المساح تلكم المهنة التي قيل فيها المقولة الشهيرة لن ترتاح يا مساح..
واثنين ما بضوقوا الراحة تور الساقية وزولا شغلتو مساحة ..سناتي الي حكاويها ومتاعبها وشقاوتها وبعض من حلاوتها ومتعة الرفقة في الخلاء البعيد وداخل الاحراش والبعوض الذي يمتص السريدين والزبيب الذي يجد له المساح زمنا لالتهامه..كونوا معنا في رحلة عبر المساح الذي لن يرتاح ابدا مهما تفنن مستر جون في تقنياته وجنونه الاكاديمي الحديث....
|
Post: #11
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 02:33 PM
Parent: #10
Quote: غايتو يا عبدالكريم...لو انت طلعت كرم المسّاح...بيكون الغبا يغباني...
لكن ما أظن...لأنك بتكون أكبر من كرم...وكرم دفعة المغبّش |
الف مرحب يا نزار
كرم المساح ده من اسمو الظاهر عليهو دفعة قديمة خلاص
كرم المساح...انا كريم المساح (لاحظ الفروقات) كريم..وكرم
عشان كده يا نزار زي ناس كرم ديل بكونو نزلو معاش خلاص مع جري الحر والخلاء العجيب داك
|
Post: #12
Title: Re: لن ترتاح يا مساح..!!
Author: nazar hussien
Date: 05-20-2007, 02:40 PM
Parent: #11
Quote: كرم المساح...انا كريم المساح (لاحظ الفروقات) كريم..وكرم
عشان كده يا نزار زي ناس كرم ديل بكونو نزلو معاش خلاص مع جري الحر والخلاء العجيب داك |
آآآي داك زمن الكريمات ما حضروا...حدّو الكركار...وحلاوة كرم الله..(دي بتكون ما حضرتها)
|
Post: #14
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 04:23 PM
Parent: #12
| Quote: آآآي داك زمن الكريمات ما حضروا...حدّو الكركار...وحلاوة كرم الله..(دي بتكون ما حضرتها) |
مرحب يا نزار
واحنا ذاتتنا يا نزار حضرنا زمن الكريمات لكن (مسوحنا كمساحين) هو الكركار
شفت (الباك سايد ده كيف) وفي مساحين بعيد عنك مسوحة ززززاتو مافي عديل غبش المنكبين وصحراويين
صحارة السنين
وتسلم يا نزار والمساحين مساحينك يا نزار بس ورينا قطعتك وينك عشان نوضبها ليك مجانا
|
Post: #13
Title: Re: لن ترتاح يا مساح..!!
Author: غباشي
Date: 05-20-2007, 03:34 PM
Parent: #1
أيوة يا أستاذ الأساتيذ
يا تفتيحة المساحين
يا سنيرالمفتحين
لك التحية و أنت تطلق العنان ليراعك
فتكتب عن المساحة و المساحين من أيام جاليليو لحدي يومنا ده (مرورا بغباشي  )
بعد إزنك عاوز أقول حاجة بسيطة
المساحة دي شغلانية بتاعت مزاااج عديل
و المزاج ده هو البيخلي الإبداع الجميل يمرق من الورقة
و يتخت فوق الـواطة في شكل بلوكات و شوارع ...
طرق و ميادين ... و أهم شي الكميات ...
شيل من ده .. خت فوق ده ...
و يلا دَّّّور الآليات ....
وصي بتاع الدوزر يطقع على 75 سنت و إنت ورارهو يا بتاع القامة
بعد داك خلوا القلابات تخش و يرفع ليهم بتاع اللودر ....
بعد ما ينتهوا القريدر يخش يساوي و يقفل الفراغات ....
طلع بتاع القريدر و دخل بتاع التانكر خليهو يرش و يسقي الــواطة كويس ....
بعد ما الـواطة تشرب كويس علي نص نشفان ...
نادي بتاع القريدر من جنب ست الشاي و خليهو يخش يفنش الشغلانية ...
و بعد ما يظبط الوضع دخل الدرداقة خليها تمندل كويس رولة رولتين ماشي و جاي و بعد داك خليهو يشغل الهزاز
و كلوا بالقامة و الـ Level
المصطلحات
الدوزر = البلدوزر
 (شفت الـ D9 جديد كرت يا كيكي سكينتو لسع صفرا وكاتربيلار كمان ) القامة : كلكم شفتوها قبل كدة (البتاعة العاملة زي المسطرة ديك و بيكون في زول ما سكها و المساح بيعاين ليهو بالكاميرا)هسع بتقع ليكم  Level = ده الجهاز البتقولو عليهو كاميرا  (النوع ده بالزات إخترتو لأني عندي واحد بتاعي ملكي ) القلابات = طبعا عارفنها اللودر = يا هو دا تحت في الصورة  (تشتري ؟ ) القريدر = برضو تحت  (طبعا زي ما عارف ده سواقو مهندس عديييييييل و بياخد قروش كتيرة عشان بتدلعوا ) كمان مركبين ليهو Laser Level) التانكر = تانكر الموية الواحد ده ست الشاي = المرة البتبيع الشاي و دي أهم من في الموقع يديها العافية الدرداقة= عاينو ليها  و تتكرر العملية عند اللزوم بالنسبة للطرق و الـ Earthwork
أها عليكم الله ما درشة بمزااااج |
Post: #15
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 04:44 PM
Parent: #13
يا سسسسسسسلام والف سلام
والفيلد الليلة خشاه مساح تفتيحة وشايل كل المفاتيح القصص
وسيحلو حديث المساحين والسفر عبر فيافي الهايت والانقل والكوردنيرت
واللفلفنيق ومرحب يا باش
وجبت كلام وكلام بالدي 9 العجيب ده يا غباشي..
ابو جيقة هكذا كان يسميه العامة وامكانيانته ومقدراته رهيبة
وعند يقول الشخص بلدوذر اذن الدي 9 هو البلدوز الصاح وهو حاسم وقاطع بقوة ومقدرة انتاج ويريحك
من زي مليون (اكويشن كده)..لو وجد سواق زي الصاعقة ورجل قلبه حجر..قابلني حتي الان..
1- السائق جمال الذي تحس بان الخواجة قد صنع (الكات) هذه له خصيصا لفتح مسارات الطرق في اعتي
المناطق ذات الوعورة والاشجار...وكان دوزه يسمي دوزر (جمال)..
2-المرحوم محمد جمعة في مناطق الصعيد وصديقي محمد شرف الدين مهارة وتطبيق سليم للذي يطلبه المهندس بالملي ..وتهذيب عالي..
3- الباكستاني (قل محمد) ده كمان ملك ملوك الدي 9 ولكن نقة في السماء..
اووه القريدر
ده كمان يا ناس هو الجوكر واللاعب صاحب اللمسات والانامل في القطع الرهيييييف
واللمسات الدقيقة...
والموتر قريدر وكما ذكر الجميل (غباشي) سكينة وسائق
متي ما وجدنا سكينة سنينة وسائق حريف يحركها بمهارة اعطينا عملا مدهش ودقيق وعالي الترتيب
لودر
ده كمان عجيب واساسي ونشتري علي طول ياغباشي بس السواق يكون (عطا برتنة) عشان الباكهو يااامن ذااتو
مرحب يا اساسي يا مساح يا صاعقة وانا لو لقيت العدة الفوق دي ومعاها جهاز (جي بي اس) من بكرة
القطرية جاك زول فهذه المعدات مع شوية دعامات هي طريق جاهز مافي 2 او3
ويلا يا باش تعال نتونس بالمساحة ونعطيها بعض من حقها علينا
وتسلم يا غباشي يا اصيل
|
Post: #16
Title: Re: لن ترتاح يا مساح..!!
Author: غباشي
Date: 05-20-2007, 06:07 PM
Parent: #1
| Quote: تعال نتونس بالمساحة ونعطيها بعض من حقها علينا |
يا سلام يا باش هو انا لاقيك وين ... سمعا و طاعة يا حبيب
| Quote: متي ما وجدنا سكينة سنينة وسائق حريف يحركها بمهارة اعطينا عملا مدهش ودقيق وعالي الترتيب |
و طبعا الشجاعة هي العامل المؤثر على مهارة السائق
كما أن طبيعة و مواصفات المشاريع هي البتكسب سائق الآلية الخبرة
في التعامل مع متطلبات الدقة و في نفس الوقت حسن التصرف
يلا يا باش عندي ليك صور من البومي الخاص إن شاء الله حنزين بيها
بوستيك الجميل ده ... تسلم ياباشمهندس
غباشي
|
Post: #17
Title: Re: لن ترتاح يا مساح..!!
Author: عامر تيتاوى
Date: 05-20-2007, 08:20 PM
Parent: #16
كرومة وغباشى
تحية حب ومودة لا يمسحها اجعص مساح
ياحبايب كلامكم جميل عن المساحة ياهندسة
انا المساح دمع البكا
الله يديكم العافية
نورتونا بالصور
|
Post: #23
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 09:16 PM
Parent: #17
Quote: كرومة وغباشى
تحية حب ومودة لا يمسحها اجعص مساح
ياحبايب كلامكم جميل عن المساحة ياهندسة
انا المساح دمع البكا
الله يديكم العافية
نورتونا بالصور |
سلام ياصديقي تيتاوي ومشرف والله ارض المساحين الليلة
وكن بالجوار حتي نسافر في (رحلة) عبر هذه المهنة التي تحتاج التعريف ولو اليسير عن
اصولها وتطبيقاتها اجهزتها وبعض عن رموزها في السودان
والف تحية يا عامر
|
Post: #20
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 09:03 PM
Parent: #16
سلام ياغباشي ودوما في انتظارك وبحضورك يا باش تاكد لنا
بان الترافيرس (قافل قافل) لا مجال لاي ملي او سنتي في كل الاحوال
واستاذنك ياغباشي في التغزل في هذا اللفل العجيب..
جهاز له نغمة حنونة ومقدرات رهيبة ودقة (في اعلي درجاتها) تقول للملي انت وين يا ملي هووي
لا غني عنه في كل الاحوال ومهما تطورت الشغلانة فهو صديق السايد وحضوره اساسي وديمة في كل الاعمال
المربوطة بالارتفاعات فقد صمم بمقدرة مميزة لتحديد الفرق في الارتفاعات ما بين النقاط...
تدور بيهو من الدوحة لحدي القضارف يعطيك الفرق في الارتفاع كما هو دون شك يذكر....
برع في استعماله الكثيرين لدرجة تحس بان المساح (رابط الكروس هيير) في عينه في جزء من الثانية تلقط القراية وبالملي ..امسك فيهو قوي يا غباشي فانه سلاح عالي الاهمية والفائدة ..
...
وفي انتظار يا غباشي ايها المساح الجميل..لقد اثرت الشجون ولعت جمر كل الاحياء بصورة الموتر قريدر
والدوزر الدي ناين..وجات القامة تمت الناقصة.
|
Post: #28
Title: Re: لن ترتاح يا مساح..!!
Author: غباشي
Date: 05-20-2007, 09:54 PM
Parent: #20
Quote: ولعت جمر كل الاحياء بصورة الموتر قريدر
والدوزر الدي ناين..وجات القامة تمت الناقصة |
العجب لسة ما خشينا ليك بالـ Trimble GPS
يلا هاك غباشي بالترمبل
وفي الصور أخوك ميت من البرد
|
Post: #22
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 09:10 PM
Parent: #16
Quote: يلا يا باش عندي ليك صور من البومي الخاص إن شاء الله حنزين بيها
بوستيك الجميل ده ... تسلم ياباشمهندس
غباشي |
سيد بيت ياغباشي وفي انتظار الصور حتي نري المساح علي ارض الملعب وانا ذاتي
عندي صور ساقوم بانزالها لاحقا..
والموتر قريدر مصيبة كبيرة ودائما سائقه عالي الحرفنة ومطيع وجزء اساسي من التيم ويرك للمجموعة
الشاهد تماما انها في كل حالتها متجانسة ومتفاهمة العمال والسائقين والرسامين ان وجدوا الطباخين ان كان المعسكر في الفيافي البعيدة كلهم يخلصون تماما للمهمة ..وسنعود اليهم جميعا اولئك العاملين
في الجزئيات المساعدة للمساح..
|
Post: #18
Title: Re: لن ترتاح يا مساح..!!
Author: Adil Osman
Date: 05-20-2007, 08:28 PM
Parent: #1
المسح بالتربيزة!
الجنزير التقيل!
C.W.L. Crompton surveys in the Sudan, Africa, 1910
Courtesy Mr K Crompton
من المساحين الاستراليين الذين اشتغلوا فى السودان وغيره من المستعمرات..
سلامات يا كيكى
قلنا نساهم معك بالصور عشان ترتاح شوية!
|
Post: #19
Title: Re: لن ترتاح يا مساح..!!
Author: عامر تيتاوى
Date: 05-20-2007, 08:40 PM
Parent: #18
هندسة ياحلوين
البوست جاتو ازالة
القريدرات دى كلها شنو
|
Post: #26
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 09:39 PM
Parent: #19
Quote: هندسة ياحلوين
البوست جاتو ازالة
القريدرات دى كلها شنو |
القريدرات دي اهم شي يا تيتاوي ولو لمينا فيهو ومعي غباشي مع جهاز اللفيل بتاعو ده
ينسوي طرق وجسور وكباري و..
وياريت يا تيتاوي اليجي الزمن الفيهو يتملي البلد بالمساحين والقريدرات والدوازر والدردقات
والمصايب العجيبة دي
|
Post: #25
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 09:27 PM
Parent: #18
الف مرحب صديقي عادل والف شوق يارجل
وديمة مشرفنا ياعادل وناثر بيننا الدرر
وهذا الخواجة العالم في جولته تلك التي عمت مناطق كثيرة في شرق افريقيا
وضع ومع اخريين خرط نادرة رسمت بدقة وصبر كبير وتفوق اكثر الكمبيوترات والبرنامج
كفاءة هذا الايام..فهم جوالة وقودهم المعرفة والاشتياق الي اكتشاف مجاهل هذا العالم الكبير..
..
ومثل هذه الصورة فعلا ياعادل تجلب الراحة الموقتة فعلا المساح فهي تذكره بعتاقة مهنته
وضربها العميق في جذور التاريخ والمساح صديق حميم لاجهزة عمله ويحبها حب غريب
|
Post: #21
Title: Re: لن ترتاح يا مساح..!!
Author: غباشي
Date: 05-20-2007, 09:03 PM
Parent: #1
العزيز تيتاوي
مرحب بيك ... و تحية طيبة مننا ما يقدر عليها أب جيقة زاتو
Quote: هندسة ياحلوين
البوست جاتو ازالة
القريدرات دى كلها شنو |
دي طلبات الباشمهندس , بس ناقصها الـ GPS
|
Post: #24
Title: Re: لن ترتاح يا مساح..!!
Author: Adil Osman
Date: 05-20-2007, 09:23 PM
Parent: #1
السودان عبر عيون المسح الجيولوجى الامريكى!
|
Post: #27
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 09:52 PM
Parent: #24
http://walrus.wr.usgs.gov/infobank/gazette/jpg/regions/sdn.jpg
ايوه ياعادل دي اسمهاخرط (special purpose)
ناس الجيولوجيا عاوزين خرط لقياسات للجاذبية الارضية في منطقة المساح جاهز خطوط طول وعرض وتوصيف
دقيق للمادة المراد تحديدها ..دايرين مناطق مسح زلزالي برضو المساح حاضر ومستعد باجهزة قياسه,,
ناس التربة جابوا البقج بتاع التربة وحللوها وعاوزين وصف مكاني لتواجد الانواع ايضا المساحين
جاهزين ويمكن ان تعطيها خرط تحدد اماكن تباينات التربة وانواعها..
هي تطبيقات علم الكارتوغرافي علم الخرط ومواصفاتها واسباب تشيدهاوتحديدها بطريقة تتيح لكل متعامل مع هذا الامر قراية واستيعاب محتوياتها وهو من العلوم الاساسية التي يجب ان يلم بها كل مساح
يريد الاشتغال بهذه المهنة..
وكل الشكر ياعادل
|
Post: #29
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 10:01 PM
Parent: #27
| Quote: دي طلبات الباشمهندس , بس ناقصها الـ GPS |
ده كمان يا باش
مصيبة كبيرة خلاص وجهاز عجيب ومقدرات تحير والامريكان ما قصروا فيهو تب..
رايك شنو يا غباشي نفككو حتة حتة وندور فيهو شرح تفصيلي
ممكن ندي الثيودليت طلة وصور
وبعد داك نهابش في التوتل استشين رائد السلاسة (حاجة تخلي المساح يقرب يرتاح شوية)
ونعرج علي التراي بورد والبابل (لاني عندي معاها قصة عجيبة )..
ونذهب ايضا الي اعماق البحار والاكو ساوندينغ وعييك بلاوي وحدايد ومواصفات وكلام كثير خلاص
|
Post: #30
Title: Re: لن ترتاح يا مساح..!!
Author: غباشي
Date: 05-20-2007, 10:07 PM
Parent: #29
Quote: ده كمان يا باش
مصيبة كبيرة خلاص وجهاز عجيب ومقدرات تحير والامريكان ما قصروا فيهو تب..
رايك شنو يا غباشي نفككو حتة حتة وندور فيهو شرح تفصيلي
ممكن ندي الثيودليت طلة وصور
وبعد داك نهابش في التوتل استشين رائد السلاسة (حاجة تخلي المساح يقرب يرتاح شوية)
ونعرج علي التراي بورد والبابل (لاني عندي معاها قصة عجيبة )..
ونذهب ايضا الي اعماق البحار والاكو ساوندينغ وعييك بلاوي وحدايد ومواصفات وكلام كثير خلاص |
خلاص ياباش عشان ما يحصل تضارب أنت خش و انا بخش بعديك (مع انو بعدك الكلام انتهى)
بأسم الله نبدا
|
Post: #31
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 10:16 PM
Parent: #29
نعم اسمعك يا غباشي
ووقفة تجنن وتسل الروح وحقا يسعد الواحد تماما لمن يشوف مساح سوداني واقف بكل ثقة وتحكم القر ب من هذا الجهاز صاحب الامكانيات العالية والقدرات الفذة..
خدمة متعددة الاغراض اطلقتها وزراة الدفاع الامريكية للاستخدام المدني
24 وعشرون قمر صناعي تجوب الفضاء في مدارت معينة (اظن ان احدهم اصابه عطب الان)
تجوب هذه الاقمار الكون وفي كل لحظة قادر الجهاز اعلي التعامل مع اربعة اقمار علي الاقل
تعطيه موجات ورسائل قادرة علي تثبيت وتحديد الاحداثيات لاي نقطة في هذا العالم اينما وضع جهاز الاستقبال الارضي..
وقد التقط اهل المساحة القفاز في حل معضلة نقاط التحكم القليلة الانتشار في الفيافي والمناطقة النائية فسهل لنا هذا الجهاز الكثير الاعمال ...
اوفر يا غباشي
|
Post: #32
Title: Re: لن ترتاح يا مساح..!!
Author: عبدالكريم الامين احمد
Date: 05-20-2007, 10:36 PM
Parent: #31
| Quote: خلاص ياباش عشان ما يحصل تضارب أنت خش و انا بخش بعديك (مع انو بعدك الكلام انتهى) |
لا يا باشمهندس انت فيك البركة ومررنا يا صديقي علي نفس النبع
النور ولاب المساحة وشغل شارع النيل العجيب داك
كورس المساحة بتاعة تانية الملان وشحمان كلام كثير
دروس الالكترو اوبتكس والكارتغرفي والفتوغرافي والجيودسي واللاب العجيب التحت مكتب العميد(لاب الكارتوغرفي)
والاجسمينت والفورتران فورتي فور وكلام كثير يا غباشي مررنا عليه سوي وعلي سنين مختلفة
انا فخور تماما بيك يا غباشي وسعيد ان يرافقنا علي ارض هذا البوست مساح كالصاعقة
...
|
Post: #33
Title: Re: لن ترتاح يا مساح..!!
Author: غباشي
Date: 05-20-2007, 10:49 PM
Parent: #1
شكرا كيكي
أحييكم أحبتي من هذا الموقع و اود أن أحدثكم قليلا عن موقعي هذا (البيز)
الجهاز الذي بقربي هو جزء من مكونات ما يسمي نظام الموقع العالمي
النقطة الموجودة على الأرض أسفل الجهاز محاطة باللون الأحمر و هي نقطة
معلومة الإحداثيات أي تم قياسها من قبل ........
يتم ادخال المعلومات عن طريق الكيبورد كما واضح في الصورة
و بعد ذلك يتم التنقل بالروفر من نقطة لأخرى يراد إيجاد إحداثياتها
و يتم الحصول على هذه المعلومات نسبيا الي معلومات نقطتنا الأولى(البيز)
و بعد ذلك يتم تثبيت النقطة بصورة دائمة و مستقرة حتى يتم الرجوع اليها مرة أخرى
و تحفظ المعلومات ......
هذا بخصوص الحصول على قياسات جديدة .....
شكرا لحسن الإستماع
أها يا باش .....
|
Post: #39
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 01:30 PM
Parent: #33
ايوه يا غباشي النقاط الفيها اجهزتك الرهيبة دي ضروري برضو الناس تعرف
بانها نقاط التحكم في العمل المساحي وهي ضرورية ومهمة ودونها القتاد واحنا في السودان البلد الواسع نعاني من قلتها وتمركزها في العاصمة وبعض مناطق انتاج البترول البعيدة.. لذا انتشارها في كل بقعة وفج عميق في صورة (كراس حساب) مرتب زاهي او بصورة تتيح سهولة ايجادها وقربها من مناطق التعمير يعطينا وطن به شبكة تحكم مساحي عالي ودقيق ..عشان كده الفرحة بالجي بي اس بتكون عارمة لانك ممكن تشيلو في ومعاك عربة جاهزة وتنشر الكنترول ده زي المطر في السودان حتة حتة....
وايضا من الضروري ان نعلم بان لكل دولة او مجموعة دول ان ارادت وهي متجاورة لابد ان يكون لها نظام احداثيات محدد ومعرف ومحمي كمان لكل نقاطه واسراره فنحن في السودان لنا (نظام احداثيات عريق) مربوط في كل تفاصيله من منطقة في الحدود المصرية تسمي (ادندان) ويجب ان تتوفر له حماية وصيانة وتجديد وتحديث وتطوير في كل فترة والتانية......
...
تسلم يا غبش والذكريات وايام الكلية الخوالي سمحة بالحيل ومن تانية تبداء قصة المساحة ويدور معاك فيها باقي ناس الاقسام التانية شوية ثم
يخلوك لبدايات تعلم علوم المساحة وتجد نفسك تتجول بين القامة والتلسكوب و(الاي دي ام) ويهبشوك بشوية احصاء وماتركز فوق علي الماس البكون مدور معاك في اطار عرس الجماعة وتمشي شوية مع الجيودسي ووكمان ناس عمك ماركيتر ولابلاز والجماعة الخطرين بتاعين الاحداثيات ديلك و استشعار من البعد وفيزكل جيودسي وستالايت جيودسي وقبل ما راسك يجي زي الناس يشبكوك (تصوير جوي) وما ادراك ما التصوير الجوي
|
Post: #34
Title: Re: لن ترتاح يا مساح..!!
Author: غباشي
Date: 05-20-2007, 11:08 PM
Parent: #1
Quote: لا يا باشمهندس انت فيك البركة ومررنا يا صديقي علي نفس النبع
النور ولاب المساحة وشغل شارع النيل العجيب داك
كورس المساحة بتاعة تانية الملان وشحمان كلام كثير
دروس الالكترو اوبتكس والكارتغرفي والفتوغرافي والجيودسي واللاب العجيب التحت مكتب العميد(لاب الكارتوغرفي)
والاجسمينت والفورتران فورتي فور وكلام كثير يا غباشي مررنا عليه سوي وعلي سنين مختلفة
انا فخور تماما بيك يا غباشي وسعيد ان يرافقنا علي ارض هذا البوست مساح كالصاعقة
|
يا سلام يا كيكي و الله البوست شكلو ما شاء الله لا قوة إلا بالله ...
دي شهادة بعتز بيها و كدة خليت الراس بقى كبييييير .....
في كل رد بتديني مليون راس خيط و مية موضوع و حنرجع للزكريات
و بالجد حنتحف كل الحضور و حنحكي شمار بتاع تلات عقود ......
وليكم أعزتي أوعدكم انكم حتتكيفوا و تستمتعوا بالسرد الجميل
بس خلوكم معانا .... و احنا ما حنقصر معاكم أبداً
و الباشمهندس كيكي الله يديهو العافية
و أخليكم مع اللوغو بتاعنا
مع كيكي و غباشي ... مش حتقدر تغمض عينيك 
|
Post: #35
Title: Re: لن ترتاح يا مساح..!!
Author: سلمى الشيخ سلامة
Date: 05-21-2007, 03:40 AM
Parent: #1
يا كيكى الجميل ،
طبعا لمن شفت العبارة ( لن ترتاح يا مساح ) اتذكرت الانتفاضة طوالى
، لن ترتاح يا سفاح
، فقلت امكن فى مظاهرة كدى النشوف
لقيت فعلا فى مظاهرة بتاعة معرفة
لعلم ما كان على بالى انى اعرف عنه لو ما انت
شكرا لهتافك
شكرا لعرفتك ، ولتعليمنا ما لا نعرف عن علم المساحة (والسماحة )
|
Post: #40
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 01:44 PM
Parent: #35
شرفتي المساحين والله ياسلمي وانتي ذاتك مساحة ضلت الطريق الي الابداع والجمال والدهشة
وانا لو قالوا لي رشح لينا مساحة طوالي بقول ليهم جيبوا سلمي الشيخ سلامة لانها حربيةو صحرواية
وكوبية. وفوق علي كده مدهشة.
|
Post: #36
Title: Re: لن ترتاح يا مساح..!!
Author: Elmosley
Date: 05-21-2007, 04:15 AM
Parent: #1
الحمد لله جات سليمه
انا كنت مفتكرك قاصد
بكري ابوبكر
|
Post: #41
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 01:56 PM
Parent: #36
Quote: الحمد لله جات سليمه
انا كنت مفتكرك قاصد
بكري ابوبكر |
مرحب استاذ موصلي
بكري كمان مالو اوع يكون مسح ليهو (كيلة وملوة بوستات) لزول واحد يوم امس
والحمد الله البقت ما بكري كان هتفتنا
امسح امسح يا ابو صلعة بالكيمائي يا ابو صلعة...
وبالمناسبة بكري ذااتو ما بعيد من حتة المساحين دي فالجيولوجيا والمساحة تربطهم
عيشة الخلاء والشقاوة
وشرفتنا كثيرا ايها الفنان العالي الجمال والرقي والتواضع
|
Post: #37
Title: Re: لن ترتاح يا مساح..!!
Author: Omar Bob
Date: 05-21-2007, 05:45 AM
Parent: #1
كبكي:
علي سبيل المرور و التحيه
ولي عوده
|
Post: #38
Title: Re: لن ترتاح يا مساح..!!
Author: محمد عبدالرحمن
Date: 05-21-2007, 06:37 AM
Parent: #37
انا الحاضن السر ماشكى ..
وانا (المساح) دمع البكى ..
ياكيكى ...
تحياتى ...والله بوست جميل جدا ..طبعا فى حاجات كتيرة عرفتها
من البوست دا ..ياريت لو الناس كلها تنزل لينا بوستات
عن المهن بتاعتا بالصورة دى ...بحيث انو الزول البعيد من
المجال يفهم بدون تعقيد وبصورة مبسطة ..
بالله شفت عامر تيتاوى دا عزال كيف ..اها يلا اعرف المقطع
الفوق داك من ياتو غنية ..
مع الود ...
|
Post: #43
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 02:04 PM
Parent: #37
Quote: كيكي:
علي سبيل المرور و التحيه
ولي عوده |
مرحب بالمساحين الكبار مرحب
وسوري يا بوب عملت (اجستمنت) لكبكي دي وقفلتها لكيكي خوفا من ناس (قريش) الذين يصطادون في الماء العكر
وفي انتظار يا باشمهندس فحضورك في هذا المقام ضروري واساسي حتي تعم الفائدة وتنقل معرفتك الواسعة
والعميقة بهذا العلم الجميل وننعم جميعنا بالمعرفة والادراك من معينك الطازج..
ونتمني يا بوب ان تاتي وتحدثنا (الجي اي اس) وتطبيقاتها في المساحة وفتح مداركنا لمفاتيح تفي نهمنا ..
ويا غباشي الان صرنا ثلاثة مساحين وبحضور بوب الينا ساذهب وراء واحجز الضراء فهو علم فوق راسه
نار ومساح عظيم
|
Post: #44
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 02:15 PM
Parent: #43
Quote: انا الحاضن السر ماشكى ..
وانا (المساح) دمع البكى .. |
نعيم فاهك يام زين شفاي
البجبر قواي...(ولا ما كده)
دايما عزال هو صديقي تيتاوي ونضيفة وشفافة هي اذنك صديقي
محمد عبدالرحمن وشكلك لحقت بكري الامين
والف مرحب يامحمد ونشكر حضورك الي ساحة المساحين وفعلا يامحمد نتوق الي
تجوال عبر المهن والاجتهاد في الاضاءة حول وضعها في السودان ومشاكلها وخبرات الجميع
الجديدة في ظل هجرة الكثيرين من ابناء الوطن في زمن الغياب والترحال..
وتسلم يا حبيب
|
Post: #42
Title: Re: لن ترتاح يا مساح..!!
Author: Adil Osman
Date: 05-21-2007, 02:03 PM
Parent: #1
وديل بعملوا فى شنو يا كيكى؟ الشوق والريد؟
|
Post: #45
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 02:35 PM
Parent: #42
:D
وفعلا يا عادل شوق وريدة تقيلة
ويا ريتو حالنا احنا مساحين المشاريع العروبية الاسلامية
طبعا لو كان المساحين ديل يتم اتاحة فرصة للجنس الناعم للقراية (سوي سوي)
كان حسع ياعادل مسحنا السودان والدول المجاورة..حرم يلحقونا في الكنغو
فنيا الجهاز المنصوب علي الشعب الثلاثة هو جهاز (التوتل استيشن) المصمم بكمبيوتره الملحق داخله
لادارة امر الاحداثيات بجانب خصائص عديدة تخدم اعمال المساحة في الموقع المراد تنفيذه
الخواجية (التي يتمني كل مساح العمل معها واولهم انا ) تحمل وحدة الروفر المربوطة بجهاز الجي بي اس المربوط بالاقمار الصناعية..والخواجة الرقيق الشفاف الشاعري ده يا عادل شايل حاجة اسمها
(فيلد الكترونك بوك)....
الناس ديل عاملين شغل بجهازين مختلفين وشكلهم كده (كانوا مقروضين في نقطة لتشغيل الجهاز المنصوب)
وتم تحديدها بواسطةالجي بي اس..ثم يدرو التوتل استشن باقي عمله في الموقع الظاهر...
|
Post: #46
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 08:22 PM
Parent: #45
وينك غباشي ليه الليلة غياب..
ونحن اليوم نرفع القامات وننصب الاجهزة لنبداء اولا بتحية العمال ملح الارض الذين يساعدون دوما المساح في اداء عمله مسك قامة..مسك (رود)..حفر..تثبيت نقاط..صبات سواقين..ديل مهمين جدا ويجب التعامل معهم بكل احترام متبادل واعطاء التقدير اللائق..
اي تحرش او استخفاف او معاملة غير كريمة قد يدفع العمل ثمنا باهظا تاخير.. ودق اوتاد علي مسافة
من النقطة المراد تحديدها(زي السلامة عليكم) وف الغالب مثل اولئك الغتيتن يجب تحاشيهم وتعاملهم بفراسة عالية..
تدريبهم مهم للغاية وتحسيسهم باهمية الاعمال التي يوديها..بجانب تثقيف العامة في المناطق المحيطة
باهمية النقاط المساحية ودورها في جلب التنمية.. ونعود..
|
Post: #47
Title: Re: لن ترتاح يا مساح..!!
Author: Ahmed Abdallah
Date: 05-21-2007, 09:31 PM
Parent: #46
على سبيل المرور .....
و أل فيك انعرفت .....
تحياتي
|
Post: #48
Title: Re: لن ترتاح يا مساح..!!
Author: عبدالكريم الامين احمد
Date: 05-21-2007, 10:04 PM
Parent: #47
Quote: على سبيل المرور .....
و أل فيك انعرفت .....
تحياتي |
اووه احمد عبدالله
انت الفيك اتعرفت
10 يوم في الدوحة واحنا الجواسيس الكبار ما جايبين خبر
(انت كنت وين يااحمد اعترف قبل ما نتيجة التحقيق تظهر)
الف تحية وحمد الله علي السلامة وارجي الراجيك ساكت..
|
Post: #49
Title: Re: لن ترتاح يا مساح..!!
Author: غباشي
Date: 05-22-2007, 01:09 AM
Parent: #1
| Quote: وينك غباشي ليه الليلة غياب.. |
انا برضو أقدر على فراقكم ؟
لكن بس تقول شنو جري الدنيا ...
الليلة اليوم كلوا مزنوق في بروجيكت و أسألني بتاع شنو؟
شكرا على السؤال ...
مشروع بتاع (GIS) و ده كوم براهو و لعب تاني
على بالأيمان (لايرات) زي الترتيب وقصقيص مظبوط
و رصة تقول صندوق بسكويت
عايزين نمرر خط أنابيب بتاع غاز من الشمال للجنوب
و العوارض كتيرة و الموية ما تديك الدرب
و الطرق و المناطق السكنية ده غير الـ (Slope)
و التربة , كمان محميات طبيعية و إتفاقيات دولية
و على العليها (Built-up area) ومناطق صناعية
وشوف كمان القوانين السويدية نعمل (Buffering)
25 متر بعيد من أي مبني و موية و شارع زلط
و يلا يا مان قبَلاك على (Spatial Analysis) نلملم
كل الحاجات القلناها و نقنطرها فوق بعض حسب الأهمية
و نخلى الرصه زي ( اللين ) بتاع بَلي القزاز و(تيس ... ترس)
و دخلهم في نسبة و تناسب و أبدا في التقدير و التقييم
و هاك يا (Multi Evaluation Criteria ) ,
غايتو إن الزول بقى نجيَض زيك يا باشمهندس بختها في (الجكو)
الخط بيمرق زي الترتيب و يمشي وو كمان يقول سمعا و طاعة
ويتحرك من البلد الفي الشمال و هو جاري يحاور ليك الجبال و الهضاب
و الحلل و الخلاء كمان ... التقول (مارادونا) مع الإنجليز
و العجب لو قاطعتو موية و ما وبقي ما عندو طريقة
بيبقى ليك زي طارق بن زياد و بيخش ليك البحر زي الما حصل شي
بس بعدين الدفع بيبقى تقيييييل و شغل (لحام تحت الماء و كدة)
و الله يا باش حاجة تشطب الراس و تخليك تستغرب و تحلف تقول
ناس (ESRI) ديل بتاعين سجارات
بعد إذنكم ياجماعة النوم كبس عشان بكرة الـ (Presentation)
وموعودين بصور خطنا العزيز من المهد الى اللحد
يا باش معليش خشينا سريع على (GIS) و أنا عارفو خشم بيوت
إعتبرو (Reconnaissance) وبعد داك خش لينا على النظريات
أها المرة الجاية حأكلمك شوية عن (Web-GIS) و يا سلام
الزنقة حاصلة البروجيكتات مدورة و الإمتحانات قربت ..
بس أعذرونا لو إتأخرنا و دعواتكم لينا بالله
|
Post: #50
Title: Re: لن ترتاح يا مساح..!!
Author: غباشي
Date: 05-22-2007, 02:37 PM
Parent: #1
Quote: مرحب بالمساحين الكبار مرحب
وفي انتظار يا باشمهندس فحضورك في هذا المقام ضروري واساسي حتي تعم الفائدة وتنقل معرفتك الواسعة
والعميقة بهذا العلم الجميل وننعم جميعنا بالمعرفة والادراك من معينك الطازج..
ونتمني يا بوب ان تاتي وتحدثنا (الجي اي اس) وتطبيقاتها في المساحة وفتح مداركنا لمفاتيح تفي نهمنا ..
|
مرحب بيك يا باشمهندس ... شرفت الديار و حصل لينا الشرف
Quote: ويا غباشي الان صرنا ثلاثة مساحين وبحضور بوب الينا ساذهب وراء واحجز الضراء فهو علم فوق راسه
نار ومساح عظيم |
و انا بعد ما أجيب الحاجة الباردة و الشاي .... حأربّع يديني و أقعد عشان أستفيد من العلامات
و يا سلام البوست لامي و حيلم كمان
|
Post: #51
Title: Re: لن ترتاح يا مساح..!!
Author: عبدالكريم الامين احمد
Date: 05-22-2007, 04:53 PM
Parent: #1
مرحب بغباشي وعفوا علي التاخير
ودائما مدهشنا بسيرة الحاجات البتسل الروح..
والناس الفوق ديل بتاعين(سيجارة) عديل جننو (الجي اي اس) وقسموا كيمان كيمان
(ارك فيو وادت وا انفو) وابدعوا في السوفت ويرد وسهلوا الشغلانة بقت زي الورد وقمة المتعة
تصمم بمزاج تودي محل ما داير تودي وتعمر الدنيا تحت وفوق...
وبسيرة نظم المعلومات وحضور المهندس عمر بوب (الخبير الاجنبي) وغباشي المساح التفتيحة
يبدو اننا سنتكلم في العالي والعميق والحداثة
تمنياتنا ليك بالتوفيق اينما حللت ياغباشي
والاستطلاع بتاع الجي اي اس ضروري عشان فتح الطريق للقادم المثير
وكما المساحة تماما_(from the whole to the part) من الكل الي الجزء
وهذا هو القانون الذهبي للمساحة..
from the whole to the part
ولسع معاكم ياجماعة مساحين مساحين في كل مكان..(ولا تغمض عينيك ابدا)
|
Post: #52
Title: Re: لن ترتاح يا مساح..!!
Author: عبدالكريم الامين احمد
Date: 05-22-2007, 05:23 PM
Parent: #51
ايوه نظم المعلومات الجغرافية..
ده كمان نظام معلوماتي خطير المساحين شغاليين معاهو خد وهات.. وبحول الاشياء الموجودة علي سطح الارض الي معلومات غزيرة تشيل( دولة كاملة) او الدنيا كلها في (كمبيوتر) بكل تفاصيلها الصغيرة والكبيرة وتناديها زي ما انت عايز ووقت ما انت عايز وبالمواصفات الدايرها انت...
خد..
اتيام المساحة تطقع الدنيا ويركبوا اجهزتهم ويقيسوا احداثيات وارتفاعات وخصائص الاشياء
ونعمل ليها (لودنغ) للسيرفر او السيستم مثلا مدينة معينة ترفع كل موجوداتها علي سطح الارض
وترسل الي السيرفر بتاع الجي اي اس وبتكون كل الحاجات موجودة في شكل طبقات ذات تعريف معين
ومنتظرة المنادي....
هات...
دايرين في مدينة القضارف خطوط الماء المارة بشارع عرضه اربعين
ومعاها الكهرباء بجانب البيوت المساحتها 300 متر مربع ومعاها محطات التقوية في كل المدينة..
تدخل المواصفات المطلوبة ووكلك كلكين ياتيك الجي اي اس ما تريد وتعمل الداير تعملوا علي الخرطة
وتطلب المزيد وما تريد,,
مثلا في ا لسودان عاوزين مناطق ذات تربة معينة ومصادر مياه معينة والطرق المودي اليها
ومتوسط السكان عشان عاوزين نعمل مشروع معين ..كلك كلكين ياتيك الجي مثل الهدهد بالخبر اليقين
وهكذا.. هي الفكرة في ابسط معانيها تسهيل للحصول علي المعلومات والخرط وسهولة تحديثها ومعالجتها
والعمل عليها بكل سهولة ويسر.والاحتفاظ بها الكترونيا لليوم الاخضر
|
Post: #53
Title: Re: لن ترتاح يا مساح..!!
Author: غباشي
Date: 05-22-2007, 05:57 PM
Parent: #1
ولسة معاكم و مع الـ (GIS)حبيب الناس السوفت
و كلكم الشكل ما غريب عليكم
النشرات الجوية دي كلها زابطنها ليكم بيهو
الإتصالات والذي منو (ناس سوداتيل) برضو بيهو
ناس الموية برضو دخلوا جزء من شبكاتهم
و ... و... وما خفي كان أعظم ..
و المصائب دي كلها بتتعمل من صندوق !!!
لكن ما صندوق أريتو صندوق السرور
ده صندوق الدنيا بتاع الـ (Arc GIS)
عبارة عن مجموعة أوامر و تحويلات بتخلي التخطيط مية مية
يعني توافق بياني و مكاني في نفس الوقت
و خوارزميات لمن تقول كفي
و النتيجة قرارت سليمة و خياارت متنوعة
و حلول ياما منها الإقتصادي و منها السريع
ومنهاذات الجودة العالية
بس محتاج لمحليين و (Decision makers)
تاني العوجة أصلها ما بتجي
تحية لصندوقنا العامر .... وعاينو ليهو
|
Post: #56
Title: Re: لن ترتاح يا مساح..!!
Author: عبدالكريم الامين احمد
Date: 05-23-2007, 01:57 PM
Parent: #53
| Quote: ولسة معاكم و مع الـ (GIS)حبيب الناس السوفت |
يا سلام يل غبش يا علم وعلوم وجي اي اس
رائد الدهشة المساحية ومقدم الحلول لجميع التطبيقات لكل جهة تخم زي ماهي عايزة..
وفعلا هو في جوهره مثل (البصلة) التي تتشكل من طبقات ملفوفة ثم فرتقت (حتة حتة)..
وصندوق السرور..ياما حل وقدم ابداعات وكفي الجميع شر المساحة والزمن
واصل يا غباشي ضاربا علي هذا العلم المفيد الراقي
وادينا بالله من الاركات طلة ورينا السيستم بتكون من شنو..
اهبش الارك دسك توب...وادي الكمبونت +واهبش السيرفر
وعرج لينا بالله علي الفيو والانفو والادت الاركات الشهيرة
وكلم الجمهور عن خصائصها والتطور
وواصل يا غباشي واصل...وبنفس التون..
|
Post: #54
Title: Re: لن ترتاح يا مساح..!!
Author: غباشي
Date: 05-22-2007, 06:04 PM
Parent: #1
وأوعى إيدك .......... من الريموت كنترول
|
Post: #55
Title: Re: لن ترتاح يا مساح..!!
Author: اميرة الحبر ادريس
Date: 05-23-2007, 09:58 AM
Parent: #54
كريم ..سلامات
طبعا اختك ما فاهمة اي حاجة ..بس بتزكر دائما
جيرانا في الجامعة طلاب كلية الهندسة ..خاصة ناس مساحة .
اميرة
|
Post: #57
Title: Re: لن ترتاح يا مساح..!!
Author: عبدالكريم الامين احمد
Date: 05-23-2007, 02:06 PM
Parent: #55
Quote: كريم ..سلامات
طبعا اختك ما فاهمة اي حاجة ..بس بتزكر دائما
جيرانا في الجامعة طلاب كلية الهندسة ..خاصة ناس مساحة .
اميرة |
مرحب اميرة ومنورة والله دار المساحين...
ومرحب باصحابنا ناس الاداب ولنا في اهل الجغرافيا منكم اواصر صلات تتقاطع في الكثير من الجزئيات
الاكاديمية..
لازم تفهمي يا اميرة انا وغباشي قاعدين ليكم تحت وما هبشنا تماما(الحاجات العضم)
ومتناولين الموضوع بكل تبسيط وعفوية..
وناس هندسة ما كان جيرانكم بس بل ساكنين النادي الجغرافي و منتدي الفلاسفة
وضهر التور وميدان الاداب الشرقي ولو لقو مساحة وزمن بتلقيهم بذاكروا كمان من (قوة العين) في
مكتبة اداب
وتسلمي يا اميرة
|
Post: #58
Title: Re: لن ترتاح يا مساح..!!
Author: غباشي
Date: 05-23-2007, 09:52 PM
Parent: #57
| Quote: ولو لقو مساحة وزمن بتلقيهم بذاكروا كمان من (قوة العين) في مكتبة اداب |
كنت قاب قوسين أو أدني من تحقيق ذلك
لولا أن مكتبة آداب كانت لها بطاقة مميزة
و تختلف عن بطاقة المكتبة الرئيسية وبطاقة مكتبة الهندسة
و مع هذا لا يوفتني و أن اذكر قاعات آداب
التي كنا نختبئ فيها من أجل التركيز و التدقيق خصوصا قبل الإمتحان بساعات
و أذكر جيدا كم دأبت على هذه العادة سنوات و سنوات
فأنا ممتن لكلية الآداب متمثلة في قاعاتها ...
105
قاعة قسم التاريخ
قاعة قسم الدراسات الدبلوماسية
قاعات جغرافية
كما لا يفوتني ذكر مكتبة المين الجزء الأرضي الخاص أيضا بكلية الآداب
| Quote: وواصل يا غباشي واصل...وبنفس التون.. |
والله ما عارف أقول ليك شنو يا باش
لكن الزنقة حصلت و الفاس وقعت ....
عشان كدة بستأذنك و كل المتابعين حاجة بتاعت إسبوعين
على أمل الرجعة سريع جدا أول ما أخلَص
و نواصل يا باشمهندس احلى بوست شاركت فيهو على الإطلاق
و أحلى رفقة أتمنى أن تكتمل و نلتقى وجها لوجه
كي أنهل من معينك ...
و للمتابعين أن شاء الله البروفات ما حيقصروا و حيتحفوكم بأحمل رحلة
على رحاب الـ Surveying Engineering كما يحلو لنا قولها
أفارقكم وكلي لهفة أن أعود إن شاء الله و نكمل المشوار و السرد الجميل
لسة البخسة مليانة و ان شاء الله مزيد من الأمثلة المبسطة
و الشيقة ..... و لحدي ما نتلاقى خلو بالكم من البوست الحلو دا
أتمنى انو الواحد يكون لقى قبول عندكم
و ان شاء ما نكون تقلنا عليكم
باشمهندس عبد الكريم
تحياتي لا تنقطع و لك عظيم إمتناني لإتاحتك لي فرصة المشاركة
في هذا البوست المتميز حقا.....
و أخيرا و ليس آخرا دعواتكم بالتوفيق و العفو و العافية
غباشي
|
Post: #59
Title: Re: لن ترتاح يا مساح..!!
Author: عبدالكريم الامين احمد
Date: 05-23-2007, 10:15 PM
Parent: #58
كل التوفيق صديقي غباشي
واحلي رفقة وغزارة معلومات وتمكن وعلو كعب مساحي ونسال الله لك التوفيق
والسداد في كل خطواتك يا غباشي..
ولكن لابد من عودتك الي هذا المكان مرة اخري فنحن دوما في الانتظار
وباذن الله سنحافظ عليه الي حين حضورك حتي تعم الفائدة والمعرفة..
..
وفي سيرة اداب سيرة..
تعرف يا غباشي حدثني الاوائل من الدفع الذين سبقونا بان (قمة الجامعة الكروية)
كانت بين الاداب والهندسة ..رغم ان في زماننا الامور تحولت الي هندسة اقتصاد..
ودوماهنالك ود خاص وصداقات عميقة بين طلاب الكليتين واسماء لاتنسي
ورحم الله صديقي الفاتح جبريل
وتحياتي للدلال وغسان جعفر وتوفيق وسرالختم الراقص الافريقي ورحم الله الشهيد بشير الطيب
والاوائل من الدفع التي سبقتنا عبدالله مصطفي وزاكر وعطا وعبدو حسن والكثيرين من الاصدقاء والاخوان
الرائعين في اداب...
ورغم ذلك طولة لسان قاطني غرب الميدان الغربي يرددون دوما(كوم تراب ولا الاداب)
|
Post: #60
Title: Re: لن ترتاح يا مساح..!!
Author: sumah
Date: 05-23-2007, 10:29 PM
Parent: #1
***
**
*
عبدالكريم الامين احمد
خلي المساحة البينا عامره..
وكلمنا عن عبار المساحه ..
......... .ودى
*
**
***
|
Post: #62
Title: Re: لن ترتاح يا مساح..!!
Author: عبدالكريم الامين احمد
Date: 05-24-2007, 02:15 PM
Parent: #60
Quote: خلي المساحة البينا عامره..
وكلمنا عن عبار المساحه .. |
مرحب يا سمعة والف تحية
والمساحة بيننا ممتدة الي ما لانهاية
واما المساحة الثانية(كاس المساحة) وفي مقولة اخري (بقة) المساحة
كدي تعال لي في حتة اسمها (كمبو الري)..
وخلينا نمشي حجل بالرجل لحانة (بلية) ونمسح
|
Post: #61
Title: Re: لن ترتاح يا مساح..!!
Author: محمد أبوالعزائم أبوالريش
Date: 05-24-2007, 08:51 AM
Parent: #1
| Quote: لن ترتاح يا مساح..!! |
بسسسسسسسم الله يا كيكي ....
أنا هسة قلت يكون أبعاج جوة البوست ده
لقيت البوست كلو هندسة.
بس أنا من زمان مجنناني (البتاعة) أم تلاتة كرعين العاملة زي الكربة دي، وكراعا سنينة زي كراع البرجل، (وبالمناسبة ليه لونا أصفر؟) تلقى واحد في عز الهجير ماسكا، والتاني في سقط لقط ماسك ليهو مسطرة وبيأشر ليهو. غايتو أكتر شغلانية لما الواحد يشوفها بيحس بي جهلو.
خالص الود
|
Post: #63
Title: Re: لن ترتاح يا مساح..!!
Author: عبدالكريم الامين احمد
Date: 05-24-2007, 08:58 PM
Parent: #61
| Quote: بس أنا من زمان مجنناني (البتاعة) أم تلاتة كرعين العاملة زي الكربة دي، وكراعا سنينة زي كراع البرجل، (وبالمناسبة ليه لونا أصفر؟) تلقى واحد في عز الهجير ماسكا، والتاني في سقط لقط ماسك ليهو مسطرة وبيأشر ليهو. غايتو أكتر شغلانية لما الواحد يشوفها بيحس بي جهلو. |
مرحب بالحبيب ابو ريش
ووينك يا زول ليك وحشة والله..
ومنورنا ياخي..
المصيبة ام ثلاثة كرعين
هي منصة الشغل (كلو) ويسمي (التراي بورد) اي الشعبة ذات الارجل الثلاثة
ودي يا ابو الريش يتم نصبها وبتخت فيها اجهزة المساحة المختلفة ويتم ظبطها وتهيئتها
وهي موزونة افقيا وراسيا..وبعد داك الشغل بدور...
اللون الاصفر دئما هو ساطع ويتيح رويةهذا المصيب من مسافات بعيدة بالاضافة الي الطقس
هنالك الوان مختلفة ولكن فعلا يا ابو الريش اللون الاصفر هو الغالب لسهولة الروية ومقدرته علي
امتصاص تغلبات الحرارة..
ولك تحياتي يا ابو الريش
|
Post: #64
Title: Re: لن ترتاح يا مساح..!!
Author: غباشي
Date: 06-05-2007, 02:41 PM
Parent: #1
عبد الكريم .... سلامات
ما تنسى تحول البوست قبل الأرشفة و قبل السفر ربنا يكتب السلامة و ماتنقطع لأنو المنبر ما حيكون ليهو طعم
|
Post: #65
Title: Re: لن ترتاح يا مساح..!!
Author: عبدالكريم الامين احمد
Date: 06-05-2007, 03:15 PM
Parent: #64
مرحب يا غباشي وحمد الله علي السلامة
وكويس انك نبهتني الي هذه الامر الذي فات علي في زحمة المساككة والجري في دورات الدوحة ام دق..
وساضع هذا البوست في بوست بكري الشهير
(بص الارشفة) واظنه سيظهر قريبا وحتي ولو من السودان..
ثم نتابع امر هذا البوست
......
واسعدني يوم امس تلفون اثار الشجون والكوامن والايام الخوالي
مع الجميل (النور) معلم اجهزة المساح التاريخي القابع لسنين عديدة في ردهات التاور
ومساعدا وفنيا قادرا علي فكفكة هذا الاجهزة حتة حتة ثم تجهيزها لتبقي امد
الدهر منصات لتعليم الكثير من الاجيال..
|
Post: #66
Title: Re: لن ترتاح يا مساح..!!
Author: غباشي
Date: 06-05-2007, 04:02 PM
Parent: #1
يا سلام يا كيكي .... و الله زكرتني الناس الحلوين و الطيبين
بالرغم من عودتي الجزئية التي أردت بها تنبيهك لرفع البوست
إلا أن الحق و الواجب يمليان على بلمسة وفاء و إحترام بحق
هذا الرجل
و النور راجل و الله ما هين كلو كلو ... و يعتبر الفني الوحيد المتخصص في
صيانة و معايرة أجهزة المساحة التي يقصدها اليه كل من لديه جهاز مساحة
من كل نحو و صوب ...... ناهيك عن أجهزة القسم المتلتلة ......
بالإضافة الى تعامله الراقي مع الطلبة أمثالنا عندما كنا .......
يا سلام على النور و يديهو العافية و أرجو ان يتم
رفع الظلم عنه و أعني بذلك بعض الأمور المادية التي ظلم فيها ظلما كبيرا
طوال الستة أعوام الماضية و لا أدري أذا كانت أكثر ؟؟؟
|
Post: #67
Title: Re: لن ترتاح يا مساح..!!
Author: غباشي
Date: 06-05-2007, 04:21 PM
Parent: #1
| Quote: القابع لسنين عديدة في ردهات التاور |
عزيزي كيكي
فيما يبدو أنك لم تزر القسم منذ مدة طويلة أو لاب المساحة بالأخص
لأن اللاب الأجهزة قد تم ترحيله منذ العام 2000 وأصبح في العمارة
الجديدة (مباني المعونة الأمريكية)
هذا مني للتنويه
إذا قدر لك و سجلت زيارة للقسم ستجد
د. جار النبي إبراهيم قد أصبح رئيسا للقسم
و ستجد كل من د. محمد عثمان ... ربنا يديهو الصحة و العافية
و ستجد أيضا أستاذ عوض الجيد ... أرجو إبلاغهم سلامي و تحياتي
بالأخص د. محمد عثمان (My Ex-Supervisor) و أستاذ عوض الجيد
اللذين أكن لهما كل الود و الإحترام و أمتن لهما بالكثير الكثير
مما إكتسبته من قطرات في بحر علمهم.... فلهما التحية
ستجد أيضا د. الشامي .. أرجو أن تعود له عافيته
كما ستجد د. قرني وبعض الشباب أمثال الأستاذ أحمد عبد الحفيظ
و محمود عبد الرحيم و محمد أحمد البلال
تحياتي و تمنياتي بسلامة الوصول
|
Post: #68
Title: Re: لن ترتاح يا مساح..!!
Author: عبدالكريم الامين احمد
Date: 06-05-2007, 09:11 PM
Parent: #67
مرحب غباشي
وشكرا علي الحضور الكثيف والنشط والدقة فهذا هو دوما وجدان المساح وروحه
وشكرا علي حملنا علي جناح الذكريات وسيرة وجع السنين والايام الخوالي..
وفعلا عهدي طال بتلك البقعة العالية الصيت وهي الان في مخيلتي كما تركتتها واكاد
اري مكتب قسم المساحة القديم في التور ومخزن النور في احدي طوابق التور ..وحضورة سيرة
استاذنا الجليل محمد عثمان رائد الكنترول والطرق في السودان يرسلنا ايضا الي الدكتور كمال عبداللطيف الذي ايضا جلس علي رئاسة هذا القسم الي جانب الاستاذ الجليل (قرني) الذي علمنا علما
موغلا فنون الخرط ومعرفتها..
ونذكر في هذه المساحة الدكتور حسن هاشم فاشر الذي اتي الينا من بلاد الفرنجة حاملا علوما في
هندسة المساحة سكبها للجميع بكل حماس وصداقة واخلاص والدكتور الذي برع في توصيل مادة المساحة الجوية بكل تعقيداتها وتطوراتها الدكتور عبدالعظيم النويري بجانب دكتور الشامي الذي سعدنا
ايضا بالتتلمذ علي يديه بجانب عوض الجيد وثلة من الذين ساعدونا في امتصاص رحيق ذلك العلم
الصعب المراس...
سعيد يا غباشي ان تتخلط المساحة بذكريات اهلها وسيرة الشموع من الذين اضاءو الطريق للكثيرين
ممن ذهبوا في مدارت بعيدة وعديدة وعمروا الارض...
اشد ما اسرني في مكالمة صديقي النور هو قوله
انتو يا عبدالكريم بتمشوا وين بتخلونا..
كل تحية يا غبش (وكيب ات اب)
|
Post: #69
Title: Re: لن ترتاح يا مساح..!!
Author: مامون أحمد إبراهيم
Date: 06-05-2007, 09:35 PM
Parent: #68
ودالأمين الكريم ,
كش كش كش تسمح تمسح ياعم
أنا عمرى كان فدعام وبس.
وعرفت من يوم عرفت أيه
معنى الوجع ..
مطلع لقصيده ظهرت فى السبعينات لمحمد الحسن ديكتور ,
الله يطراو بالخير , وسلام ليو أينما كان فى هذه الدنيا الشتات !
كريم تحيات ومرور سريع ألف تحيه ليك , ياخى مشتاقين كتير .
|
Post: #70
Title: Re: لن ترتاح يا مساح..!!
Author: عبدالكريم الامين احمد
Date: 06-05-2007, 09:58 PM
Parent: #69
Quote: كش كش كش تسمح تمسح ياعم
أنا عمرى كان فدعام وبس. |
حبابك صديقي مامون
ووينك يا رجل وفعلا الدوحة كرش فيل وبتلع الناس الرائعين
مثلك
كل التحايا للاسرة وللفنان الرائع صلاح فالولة
|
Post: #71
Title: Re: لن ترتاح يا مساح..!!
Author: غباشي
Date: 06-05-2007, 10:04 PM
Parent: #1
| Quote: انتو يا عبدالكريم بتمشوا وين بتخلونا.. |
الله يا عبد الكريم
أثرت انت الشجون هذه المرة .....
د. كمال عبد اللطيف (تمر الفكي ... السيدو شايلو و مشتهيه)
أقول هذا و الألم يعتصرني يا كيكي و ستقدر هذا عندما أخبرك
هل تعلم أننا لم نحظ من د.كمال الذي كان بالكلية حتى وصلنا
السنة الرابعة !!! و التي كان من المفترض أن يكون مسؤولا من
مادة الجيوديسيا (التي أريد أن أتخصص فيها الآن)
ففي ذلك الوقت تعاقد الدكتور في دولة الإمارات العربية المتحدة (على ما أظن)
وترك لنا التحسر من بعده ... وليس إقلالا من قدر من جاء بعده
ولكن كل من سبقونا أكدوا لنا ذلك ... ولمسته بنفسي عندي بدايتي للدراسات
العليا .... و لكنه ترك إرثا قيما يجب علينا الوقوف عليه ... كتاب الجيوديسيا
الذي أعده و صار هو المرجع الأساسي لتلك المادة .... يا سلام ياااااخي
أما د.حسن فاشر فهو أيضا ممن سمعنا عنهم من خلال الأخبار المفرحة التي
تثبت بين الفينة و الأخرى النبوغ السوداني وحصده للجوائز في دولة الإمارات العربية المتحدة
عندما كنا في السنة الأخيرة حظينابمحاضرات من د.عبد الله الصادق و د. عصمت محمد الحسن
إبان إجازة قصيرة قضياها بالسودان في صيف 2003
يا سلام عليك يا كيكي و انت تحثني و تحفزني لإجترار الذكريات و الوقوف على
شواهدها و محطاتها الوفيرة و الزاخرة ......
أما عبارة النور فحقا كم هي مؤثرة و مبكية فالرجل كما قلت لك
مظلوم ظلم الحسن و الحسين لذلك لم يبق له غير المودة و الإلفة فهما اللتان قد تبقتا له
لذلك إنظر كم كيكي من كل دفعة يعرفهم النور و يتالم لفراقهم ....
الله يا عبد الكريم ..... انا بحسدك و الله ...
لأنك راجع للناس الطيبين .. الناس البحفظو العشرة ناس السريرة الصافية
ناس الهجعة وناس الحارة ... شفت كيفن أنا حاسدك .... الناس الكل ما تغيب عنهم
و تجيهم راجع بتقرا في عيونهم .. غيب و تعال تلقانا نحن يانا نحن زي ما إحنا
ما غيرتنا ظروفنا ولاهزتنا محنة ... اها عليك الله ما تستحق الحسادة
تسلم يا عبد الكريم ... و الله الليلة مليتني بالشجون
تحياتي و سلامي لأرض المحنة أرض النيلين و ناسها الطيبين
وفوق يا بوست المساحة أصلو ما تدق الدلجة
|
Post: #72
Title: Re: لن ترتاح يا مساح..!!
Author: عبدالكريم الامين احمد
Date: 06-05-2007, 11:05 PM
Parent: #71
علما فوق راسه ملايين الاكيوشنات وحلولها ومن اوائل الذين اوجدوا للمساحة صيتها الاكاديمي الراقي
في السودان ومهندس مدني ثم حاملا لدرجة فلسفة العلوم الهندسية في هندسة المساحة..
وكان في وقوفه التاريخي امام سبورة القاعة اسدا صهور يزار بالعلم والمعرفة والجدية الصرامة..
وكان لايجامل ابدا وحاذقا صعب المراس...
نلنا علي يديه علقات ساخنة من النمر ذات المستوي المتدني عقابا علي شغبنا واهمالنا العالي
ولكن تعلمنا منه في بدايات رحلتنا تلك ان تكون ذا فائدة لاي من المهن يجب عليك ارتداء لباس
الجدية والمثابرة والدقة..
اذكر ان بيننا اخا عزيز يتمتم دوما واظنه يخاف دكتور عبدالله الصادق خوفا كبيرا
وفي يوم من الايام وكنا نتلقي درس (الريل والانتقر) ويسال عبدالله الصادق الطلاب عن هل هذا (ريل ام انتجر) وعندما اتي الدور فجاءة لصديقنا هذا الجمه الخوف والدهشة وقال
(ري انقر)..فضجت القاعة بالضحك ...
سنعود يا غباشي فقد غمرت البوست وفاض بسيرة دعاش الذكريات والحنين الي عهد بعيد
وحتما ستبقي هذه المساحة عاليا نسافر عبرها الي عوالم بعيدة ونعبر الي حداثة وتطور الاشياء
بجانب القها القديم والجديد...ودمت يا غباشي يا صديق المسافات والزمن الجميل..
|
Post: #73
Title: Re: لن ترتاح يا مساح..!!
Author: غباشي
Date: 06-05-2007, 11:31 PM
Parent: #1
| Quote: سنعود يا غباشي فقد غمرت البوست وفاض بسيرة دعاش الذكريات والحنين الي عهد بعيد |
حقا سنعود يا كيكي و قد قلتها لك من قبل خلينا نرجع
و نحكي زكريات 3 عقود للوراء إنت تدينا ذكريات التمانينات و التسعينات
و أنا بديك من التسعينات للألفية و ما أحلاه من (Overlapping) زي بتاع
التصويرية داك و بعد داك نتأمل الجمال داك منقوش على المنبر ويتأملوهو
باقي الناس وما أحلاه من تواتر عبر الأجيال و عبر الأثير عبر الألباب
تحياتي لك لا تنقطع فأنت الملهم ..... حياك الله
|
Post: #74
Title: Re: لن ترتاح يا مساح..!!
Author: غباشي
Date: 06-08-2007, 01:39 AM
Parent: #1
++
وعندي ليكم هدايا كتيرة .... بس الصبر
|
Post: #76
Title: Re: لن ترتاح يا مساح..!!
Author: غباشي
Date: 06-10-2007, 01:20 PM
Parent: #1
وجدعة تانية من ولدنا الفنان
|
Post: #77
Title: Re: لن ترتاح يا مساح..!!
Author: غباشي
Date: 06-10-2007, 01:49 PM
Parent: #1
زي ما قلنا ليكم حبيبنا عبدون
راس مالو صور جوية Aerial & Satellite Images
معاهو Digital Elevation Model الإختصار بتاعو (DEM)
وده عبارة عن نموذج رقمي لارتفاعات سطح الأرض
يعني صورة رقمية للتضاريس كمان برضو معروف على نطاق واسع
باعتباره نموذج رقمي للتضاريس الارضيه Digital Terrain Model
و إختصارو (DTM)
يمكن ان تكون ممثلة باعتبارها خطوط كنتورماخدنها من شبكة مربعات
وشبكة المربعات دي عاملة زي مربعات الكلمات المتقاطعة أو الرسم البياني
و بنلقى في كل نقطة تقاطع أو كورنر إحداثيات ثلاثية (X,Y,Z) أفقي و رأسي و إرتفاع
ممكن نحصل على معلومات الـ(DEM) بإستخدام الاستشعار عن بعد
لكن الأصل انهاتكون مبنية من مسح ارضي.النماذج دي تستخدم
غالبا في نظم المعلومات الجغرافية زي ما حبيبنا عبدون إستخدمها
يعني بيكون عندك أرتفاعات ا و بعد بتنسب ليها إرتفاع المباني
زي ما ولدنا عمل و جاب لينا مكتبة المين و قاعة الإمتحانات و باقي المباني
حتى الطيارات الفي مطار الخرطوم
و لنا عودة
|
Post: #78
Title: Re: لن ترتاح يا مساح..!!
Author: عبدالكريم الامين احمد
Date: 06-10-2007, 07:20 PM
Parent: #77
تحياتي للجميع ونخص الرائع غباشي والمدهش عبدون علي هذه التحف الجي اي اسسسسسسية
وواصل يا غباشي ريثما اجد القليل من (المساحة والزمن) وانا اكاتبك الان من جووووووه البلد.
فحتما مابين مسافة شيلة نفس ومعانقة كل الحبايب هنالك شوية وقفة.وبعدها سنعود اليكم في هذه المساحة حضرة عبدون وغباشي ورحلة الدهشة..
وكونوا بالف خير
|
Post: #79
Title: Re: لن ترتاح يا مساح..!!
Author: غباشي
Date: 06-10-2007, 10:15 PM
Parent: #1
| Quote: اكاتبك الان من جووووووه البلد |
حمدلله على السلامة ...
شفت ولدنا ده خطير كيف ..؟
جاييك ... بالكثير المثير
وما خفي كان أعظم
أخد راحتك و شيل نفسك زين
بس ما تحرمنا من نفسك في البوست
ألف شكر
|
Post: #80
Title: Re: لن ترتاح يا مساح..!!
Author: غباشي
Date: 06-17-2007, 11:13 AM
Parent: #1
ألف مبروك بمناسبة وصول منتخبنا لنهائيات غانا
كيكي ... نفتقدك بشدة خصوصا في هذه اللحظات
دمت
|
Post: #81
Title: Re: لن ترتاح يا مساح..!!
Author: عبدالكريم الامين احمد
Date: 06-25-2007, 11:45 AM
Parent: #80
مرحب غباشي مرحب
وسلام وشوق كثير..
وشكرا علي ابقاء بوستنا المساحي فووق جاهز موية ونور للدورة المنبرية الجاية
وعندما نعود الي قواعدنا سالمين حتما سيعود الحكي والسفر ولسع جراب المساحين ملان
وعبدون ايضا عندنا له تحية وردية بمساحة مروية..
وتسلم يا غباشي
والامور كلها تمام لم نفقد شي سوي ذلك الهدف الظالم الجائر من لاعب الاهلي الجبان ليلة امس
الذي حول ليل مدني الي ليلة بطعم الحنظل..
ولكن رغم كل ش هلالنا فوق ولابدين للاهلي باذن الله في الخرطوم
|
Post: #82
Title: Re: لن ترتاح يا مساح..!!
Author: عاصم ابوبكر حامد
Date: 06-25-2007, 12:00 PM
Parent: #1
كيكى
كيفك يا بهمام
ولن رتاح فى السودان اطلاقا ...
لى عودة لبوست المساخة الرائع ...
غباشئ تركت بصمة رائعة عن هذا الفن ...
كيكى (عبدالكريم)
شد حيلك الجاى صعب ..
تسلم
|
Post: #83
Title: Re: لن ترتاح يا مساح..!!
Author: غباشي
Date: 06-25-2007, 09:34 PM
استاذي الرائع كيكي
| Quote: ولسع جراب المساحين ملان |
لسع ملااااااااااااااااان
تحية لك و انت تنعم في حضن الوطن
| Quote: هلالنا فوق ولابدين للاهلي باذن الله في الخرطوم |
زي ما حلفت للمصريين المعانا امبارح ... قلت ليهم (غايتو الا ما تجوا )
..فريق القرن .. ثالث العالم لا يهزم الهلال الا ( باللاراشية ) !!
تسلم أستاذي الرائع !
عاصم
| Quote: غباشئ تركت بصمة رائعة عن هذا الفن |
شكرا لك أخي العزيز ... و هذا ما هو الا نقطة في بحر الأساتذة
تسلم أخي عاصم
|
Post: #84
Title: Re: لن ترتاح يا مساح..!!
Author: Tragie Mustafa
Date: 06-26-2007, 05:13 AM
Parent: #83
كيكي كيفك مع السودان؟؟
عساك بخير.
ويا غابشي
صحبك مبدع بلغه تحياتنا.
|
Post: #85
Title: Re: لن ترتاح يا مساح..!!
Author: غباشي
Date: 06-26-2007, 05:47 AM
Parent: #84
Quote: ويا غابشي
صحبك مبدع بلغه تحياتنا |
أم حازم
شرفتينا الليلة .. كيكي استاذي في البوست
وكما اسلفتي فان ابداعه شي من حتى .. هذا
الفتي المسكون بكل ما هو جميل ...
شكرا تراجي فمرورك أسعدنا و بالتأكيد وصول
تحاياك .... تسلمي
|
Post: #86
Title: Re: لن ترتاح يا مساح..!!
Author: عبدالكريم الامين احمد
Date: 07-13-2007, 08:28 PM
Parent: #85
مرحب تراجي
والف تحية عاصم
وكل الشكر يا غباشي
وها قد عدنا وعادت سيرة المساحة وتور الساقية الذي لا يعرف الراحة..
ولكم كل الحب والتقدير
|
Post: #87
Title: Re: لن ترتاح يا مساح..!!
Author: عبدالكريم الامين احمد
Date: 07-13-2007, 09:10 PM
Parent: #86
Quote: جيناكم يا حبايبنا ... بعد غربة شوق
نلتقيكم من جدبد أحبتي بعد أنقطاع ..... أعدكم أن لا يتكرر
إلا للشديد القوي
كيكي ... إن شاء الله إنت بخير و حمد لله على السلامة ... بإعتبار
ما كان
تقابلت في الإسبوع المنصرم و عبر المسنجر الأخ وضاح عبدون جلال, شاب
مقيم في الرياض -الممكلة العربية السعودية , يعمل في شركة لأنظمة
المعلومات الجغرافية ..... و هاك حكايتو
أجمل هدية يا حبان .... وليدأّ من السعودية ... زولا فنان شديد ....
و د معلم عديل و تعال يا عبد الكريم شوف الود بيعمل في شنو؟؟؟
انا لمن شفتو غايتو ... قلت ده شنو ده .....
ود بيلعب على كبير خااالص
العجب كمان في إنو بيوظف اللعب كلو في حاجات سودانية مية المية
يعني يا كيكي .... الود ده لما يجيب ليك حاجات حساااااااااااااااااسة
و يقعد يزبط فيها بالـ (GIS).. بالجد بتتكيف منو
و عليكم الله شوفو الإبداع |
عدنا يا غباشي ونرسل تحية للاخ الفنان وضاح عبدون
علي هذه اللمسات الساحرة والانامل الجي اي اسسسية
والراجل فعلا قدير وظاهر عليه التمكن من القصة ومكسب كبير لهذا الفن
واعجبني تسخيره لاشياء سودانية وفعلا الراجل بلعب علي كبير..
جيبوا يا غباشي الزول ده لان دربه ملي بالابداع وفائدته ممكن تعم جيل كامل
من المهتمين بلغه تحياتي واعجابي الشديد بهذا اللمسات المدهشة..
واسف علي تاخير التعليق علي هذا الفن الذي زين بوستنا يا غبش يا فنان
|
Post: #88
Title: Re: لن ترتاح يا مساح..!!
Author: غباشي
Date: 07-13-2007, 09:51 PM
Parent: #87
مرحب بالباش .... من جديد ننطلق
في رحاب هندسة المساحة و تطبيقاتها المختلفة
هذا الفن الجميل بالرغم من قساوة الظروف المحيطة به
فن تنطبق فيه المقولة المشهورة (تعمل من الفسيخ شربات)
يلا يا باش نظبط أحلى شربات بالمللي (لا جاي و لا جاي)
وولدنا (عبدون) بيسلم عليك و معجب جدا بالبوست و امنيته
يكون معانا عديل و بباس ويرده
|
Post: #89
Title: Re: لن ترتاح يا مساح..!!
Author: عبدالكريم الامين احمد
Date: 07-13-2007, 10:28 PM
Parent: #88
هلا يا غباشي وحباب عبدون ولدنا دوما ولازم يجي المنبر (بس يا ريت الايميل بتاعه)
عشان نباصرها مع الريس بكري...
والليلة يا غباشي الواحد داير يواكب الفيضانات شوية
وازمة الغرق المالية مدن السودان التي تعاني من عدم وجود تصريف جيد للامطار
مما يودي للغرق و انهدام البيوت...وعاوزين نتكلم عن فكرة التصريف والرول بتاع المساحة فيها
.....
وتصريف المياه والصرف الصحي هي من الاشياء الاساسية في تخطيط المدن ولها تطبيقات والدول الجادة
تفرز لها الكثير من الامو%C
|
Post: #90
Title: Re: لن ترتاح يا مساح..!!
Author: عبدالكريم الامين احمد
Date: 07-13-2007, 10:28 PM
Parent: #88
هلا يا غباشي وحباب عبدون ولدنا دوما ولازم يجي المنبر (بس يا ريت الايميل بتاعه)
عشان نباصرها مع الريس بكري...
والليلة يا غباشي الواحد داير يواكب الفيضانات شوية
وازمة الغرق المالية مدن السودان التي تعاني من عدم وجود تصريف جيد للامطار
مما يودي للغرق و انهدام البيوت...وعاوزين نتكلم عن فكرة التصريف والرول بتاع المساحة فيها
.....
وتصريف المياه والصرف الصحي هي من الاشياء الاساسية في تخطيط المدن ولها تطبيقات والدول الجادة
تفرز لها الكثير من الاموال والامكانيات لتشيد شبكاتها...
الفكرة الاساسية فنيا مبنية علي دراسة الكنتور (الخرط الكنتورية) التي يقوم المساحين بعملها للمناطق المراد اجراء عمل مربوط بسريان الاشياء السائلة وتعطي الخرطة الكنتورية نظرة للارتفاعات
كالانخفاض والارتفاع والفرق بين منطقة واخري من ناحية الارتفاع..
في الماضي كانت مثل هذه الخرط تكلف الكثير من الوقت والمال والان مع المساحة الحديثة والاجهزة المتطورة في اقل وقت يمكن انجاز (خرطة كنتورية) لاكبر مساحة لتكون كاساس لاي عمل هندسي ذو طبيعة
تنموية ويخدم البنية التحتية(اذن الان هي الخرطة الكنتورية كخطوة اولي) ونواصل..
|
Post: #91
Title: Re: لن ترتاح يا مساح..!!
Author: غباشي
Date: 07-13-2007, 11:38 PM
Parent: #90
Quote: (بس يا ريت الايميل بتاعه)
|
ولدنا إيميلو [email protected]
|
Post: #93
Title: Re: لن ترتاح يا مساح..!!
Author: عبدالكريم الامين احمد
Date: 07-13-2007, 11:46 PM
Parent: #91
شكرا يا غباشي يا سريع النهمة
وخلينا (نسوي ترتيب) مع بكري ابوصلعة دي
ونتمني ان نري ولدنا وضاح بيننا ويكون مكسب وتسجيلات جديدة لقوي
الابداع المنبري..
|
Post: #92
Title: Re: لن ترتاح يا مساح..!!
Author: غباشي
Date: 07-13-2007, 11:41 PM
Parent: #1
الكنتورية و ما أدراك ما الكنتورية
ده باب كبير و علم واسع من نقاط ارتفاعات نسوق خطوط الكنتور
سواقة و نلولوة زي الدودة و بعد ده كلو ما بنلقى خطين اتقاطعو و للا خط
قافل في روحه ....
سبحان الله .... تعريف العلماء لخط الكنتور انو خط وهمي يربط عندة نقاط لها نفس الإرتفاع
و خط ورا خط بيبقى عندنا مجموعة خطوط كنتور تمثل مختلف الإرتفاعات و المحصلة خريطة كنتورية
تدينا وصف لسطح الأرض أقرب ما يكون للحقيقة .....شفتوا خطنا الوهمي ده بيعمل و همات كتيرة كيف ؟
من الخرطة بنقدر نتخذ القرار السليم أو نقدر نخطط لقدام و نخت كل الإحتمالات الواردة
طبعا ده كلو حسب الحاجة الدايرين نعملها ...
شبكة صرف صحي
خطوط انابيب البترول
استصلاح و تسوية الأراضي
أعمال الحفريات كالترع و الحفاير
تحديد اتجاه ميلان الأرض ...وووو
سنعود مرة أخرى بتفصيل أكثر و أدق ....
أخليكم مع خرطتنا الكنتورية و أتذكرو المنظر كويس لأننا حنستعرضو بأكثر من شكل و من زوايا مختلفة
و في الآخر الحقيقة وااااحدة
يللا هاكم ليها ... و حضّرو نفسكم للجايات
|
Post: #94
Title: Re: لن ترتاح يا مساح..!!
Author: عبدالكريم الامين احمد
Date: 07-13-2007, 11:59 PM
Parent: #92
كدي الكلام والشرح علي اصولو..
الخرطة دي عشان تتعمل علي الطبيعة يتم توزيع المنطقة المراد استخراج هذه الخرطة لها
علي شكل مربعات(قريد) او علي شكل (رييس) من مركز محدد وثم يتم قراية الارتفاعات في كل نقطة
نقطة نقطة وبدقة عالية تذهب الي الملي (او حسب) درجة الاعمال المراد تنفيذها.
ثم يتم رسم هذه النقاط علي خرطة او علي الكمبيوتر (لاحقا) ثم يتم اختيار (الانترفيل) ايضا حسب الاعمال المراد تنفيذها وترسم خطوط الكنتور او خطوط الدودة المساحية كما اسماها غباشي خطوط
تموخل وتخلع الراس ولكن فيها خير وبشري للتعمير والنهضة...ونواصل
|
Post: #95
Title: Re: لن ترتاح يا مساح..!!
Author: غباشي
Date: 07-14-2007, 03:13 AM
Parent: #94
Quote: الخرطة دي عشان تتعمل علي الطبيعة يتم توزيع المنطقة المراد استخراج هذه الخرطة لها
علي شكل مربعات(قريد) او علي شكل (رييس) من مركز محدد وثم يتم قراية الارتفاعات في كل
نقطة وبدقة عالية تذهب الي الملي (او حسب) درجة الاعمال المراد تنفيذها.
|
ونواصل
|
Post: #96
Title: Re: لن ترتاح يا مساح..!!
Author: murtada
Date: 07-14-2007, 07:44 AM
Parent: #1
بوست رائع....
أرجو الأفادة لو كنتم علي أتصال بأختصاصي مساحة بحرية.... حاصل علي cat A من جامعة معتمدة من ال IHO بالأضافة الي ماجستير أو دكتوراة. و يرغب في العمل في السعودية في مؤسسة أكاديمية...... ودمتم بعافية
|
Post: #97
Title: Re: لن ترتاح يا مساح..!!
Author: عبدالكريم الامين احمد
Date: 07-14-2007, 07:53 AM
Parent: #96
Quote: بوست رائع....
أرجو الأفادة لو كنتم علي أتصال بأختصاصي مساحة بحرية.... حاصل علي cat A من جامعة معتمدة من ال IHO بالأضافة الي ماجستير أو دكتوراة. و يرغب في العمل في السعودية في مؤسسة أكاديمية...... ودمتم بعافية |
كل التحايا والود اخي مرتضي
ونشكر حضورك الطاغي لبوست المساحة الذي فيه نحاول رد الجميل لهذا العلم الراقي
وايصاله بصورة مبسطة حتي يعي الاخريين دوره في حياتهم..
بالنسبة للمتخصص الذي اوردته اعطنا مساحة وزمن حتي نجري اتصالات مساحية
ونتمني ان نوفق في احد الاخوة المساحين حتي يعم الخير
ولك كل الشكر والتقدير..
|
Post: #98
Title: Re: لن ترتاح يا مساح..!!
Author: bayan
Date: 07-14-2007, 08:21 AM
Parent: #97
الجهاز دا عمري كلو عايزة اشوف الناس دي بتعاين شنو..
اها طوالي القى ليك شباب وسخانين ومغبرين واقفين
يعبرو ويمشو ويجو..
اها زمان اذا اتكلمت معاهم وقلتا ليهم ممكن اشوف
حيفتكرو عايزة اعاكس وكدا
صبرت لما بقيت عجوز السنة الفاتت دي لقيتهم ليك
قلت ليهم ممكن اشوف
طوالي قالو جدا يا خالة
ومعاي صاحبتي
اها بس عاينت وصرخت
عوووووووووواطف اجراكي المسطرة جاتنا..
يعني جهازكم ما قدر فضول 30 سنة..
|
Post: #99
Title: Re: لن ترتاح يا مساح..!!
Author: عبدالكريم الامين احمد
Date: 07-14-2007, 08:28 AM
Parent: #98
| Quote: عوووووووووواطف اجراكي المسطرة جاتنا.. |
سلام يا بيان
والله شرفتي دار المساحين ونورت
ولو ما جرتي انتي وعواطف كان المسطرة كسرت ليكم كرعينكم كسر شديد
بعدين البجيب ليكم(المسطرة) ده الجهاز الفوق ده
بركبوا في المصيبة ام ثلاثة شعب دي وبيقيس الارتفاعات والمسطرة بتقيف بعيد عشان يقروها
.مشرفة يا بيان ولك الود والتقدير
|
Post: #101
Title: Re: لن ترتاح يا مساح..!!
Author: غباشي
Date: 07-14-2007, 09:49 AM
Parent: #98
| Quote: الجهاز دا عمري كلو عايزة اشوف الناس دي بتعاين شنو |
مرحب د.بيان
طبعا أي زول يشوفنا مركبين أجهزتنا طوالي بيجيهو فضول مساحي
الحكاية دي بتبدأ معانا من الجامعة ... يعني بنكون واقفين بيجوا
طلبة الكليات التانية و طوالي يقيفوا ليك
بتذكر قبل كدة كنا شغالين في مشروع التخرج بتاعنا و كان بغطي
البلوك القدام الجامعة طوالي من شارع الجامعة لي شارع الجمهورية
و بيغادي للنفق و ركن الميدان الشرقي, غربا داخلية تهراقا و مكتب
القبول ...
طبعا الزحمة و الحركة كتيرة , كل مرة يجيك واحد أو تجيك واحدة تقول
ليك ممكن أعرف انتو بتشتغلو بالكاميرات دي كيف و بعداك يقول ليك طيب ممكن أعاين؟
Quote: اها زمان اذا اتكلمت معاهم وقلتا ليهم ممكن اشوف
حيفتكرو عايزة اعاكس وكدا |
انتي عارفه ليه؟ لأنو الجهاز بيكون موزون وزنة معينة و لو اتحرك الشغل كلو بيبوظ
و بعد داك ألا يتعاد من أول و جديد.....
يعني هم خايفين من الشغل يخستك مش من المعاكسة
و برضو في النهاية معاكسة
|
Post: #100
Title: Re: لن ترتاح يا مساح..!!
Author: غباشي
Date: 07-14-2007, 09:26 AM
Parent: #97
أخ مرتضى
مرحب بيك و شرفتنا كتير ....
|
Post: #102
Title: Re: لن ترتاح يا مساح..!!
Author: غباشي
Date: 07-14-2007, 08:16 PM
Parent: #1
|
Post: #103
Title: Re: لن ترتاح يا مساح..!!
Author: غباشي
Date: 07-15-2007, 04:40 PM
Parent: #1
| Quote: ثم يتم رسم هذه النقاط علي خرطة او علي الكمبيوتر (لاحقا) ثم يتم اختيار (الانترفيل) ايضا حسب الاعمال المراد تنفيذها وترسم خطوط الكنتور او خطوط الدودة المساحية كما اسماها غباشي |
زكرتني يا كيكي لما أدونا الكنتورية في سنة تانية ......
و المطلوب رسم الخريطة الكنتورية باليد ؟؟؟؟ و حاتكم يا جماعة احنا قريب اسبوعين
بس شغالين نلولو في الخطوط ,, طبعا بعد المدة دي كلها الورقة لما جينا نسلمها
كانت عاملة زي الدوكة
لكن بعد داك ورونا كيف نرسمها بالكمبيوتر زي ما واضح في الخرط الشفتوها ديك ...
حنستعرض مقدرات الكمبيوتر الهائلة في اختصار تلك الأسابيع الكنا بنعوس فيها
خليكم معانا
|
Post: #104
Title: Re: لن ترتاح يا مساح..!!
Author: عبدالكريم الامين احمد
Date: 07-15-2007, 04:53 PM
Parent: #103
هلا يا غباشي
وبسيرة خطوط الكنتور ذات اللولوة العالية يتواصل السفر والتحليق في سيرة
الخرطة الكنتورية التي واكبت سريتها فيضانات هذا العام التي غممرت ربوع بلادنا الطيبة..
وبوجود مثل هذه الخرطة ووجود الامكانيات يمكنا انشاء نظم تصريف مريحة وعلمية للماء الذي دوما
تبداء حركته من (الاب استريم) الي (الداون استريم) او المجري العالي الي المجري الاقل ارتفاعا
يمكنا التحكم في شبكات الصرف الصحي ايضا بتوزيعها بارتفاعات متفاوتة يراعي فيها ميلان مريح
ويناسب السائل مهما كان نوعه...
|
Post: #105
Title: Re: لن ترتاح يا مساح..!!
Author: غباشي
Date: 07-15-2007, 06:27 PM
Parent: #1
|
Post: #106
Title: Re: لن ترتاح يا مساح..!!
Author: عبدالكريم الامين احمد
Date: 07-15-2007, 06:38 PM
Parent: #105
هلا غباشي
وهذه اعلي مراحل الكنتور واكثرها دهشة وعلو كعب علمي..
يجعل (المصمم) في راحة لا بعدها راحة
فالارض المنبسطة الممتدة قد انعكست امام شاشته (كما هي) وكما تبدو في الطبيعة تماما بالكربون
وكده يكون الامر وجبة دسمة في متناول يديه (ليجضم) مراده ويصمم ما يريد بكل ارتياح...
|
Post: #107
Title: Re: لن ترتاح يا مساح..!!
Author: غباشي
Date: 07-18-2007, 05:54 PM
Parent: #1
سلامات يا باش
أزف اليك خبر انضمام مساح جديد لكوكبة مساحي الدوحة .... الباشمهندس ابراهيم حامد
فقد وصل الدوحة يوم الخميس الماضي ممنيا نفسه بوضع أفضل و رزق أوسع بعد صولات و جولات حافلة
بولايات السودان حتي استقر به المقام بكبري توتي خلال العامين الأخيرين.
ابراهيم من أبناء دفعتي و من اقرب الناس الي فدائما ما التقينا في مجموعة عمل واحدة أثناء
الجامعة وطيلة فترة الدراسة كان أخ كريم و راقى في التعامل ... رجل بأخلاق المساحين
الشرفاء .... حتى و بعد أن تفرقت بنا السبل طلبا للرزق في بقاع السودان المختلفة
كنا نلتقى في أوقات متفرقة .... سلامي و تحياتي له و ان شاء القدر ان لم أكن في وداعه
فقد تفرقت بنا السبل مرة أخرى و لكن هذه المرة (بمسقط) أكبر فصار كلا منا في دولة أخرى
غير سوداننا الحبيب
أوصيكم به خير فهو شاب رائع و ستفخرون بانضمامه لكم .
سأرسل لك بريده الإلكتروني عبر المسنجر
|
Post: #108
Title: Re: لن ترتاح يا مساح..!!
Author: عبدالكريم الامين احمد
Date: 07-18-2007, 07:02 PM
Parent: #107
| Quote: الباشمهندس ابراهيم حامد |
هلا ياغباشي ومرحب والف مرحب بالباشمهندس ابراهيم في الدوحة
وبوصول مساح الي بقعة ارض فهذا يعني قدوم (رجل مهام خاصة) ووجدان ملي بسيرة العطاء
ونفرح يا غباشي اذ صارت ساحتنا هنا حديقة مساحية تهدينا الاخوة الكرام مثل المهندس ابراهيم
الذي ساعمل علي ملاقاته في اقرب وقت ممكن..
ودمت..
|
Post: #111
Title: Re: لن ترتاح يا مساح..!!
Author: غباشي
Date: 07-19-2007, 01:35 AM
Parent: #108
تسلم يا باشمهندس
|
Post: #109
Title: Re: لن ترتاح يا مساح..!!
Author: Mahadi
Date: 07-18-2007, 08:38 PM
Parent: #1
سلام ياخونا عبدالكريم
اخوك من ابناء عمومتكم فقد هجرنا الجيولوجيا للمساحة ونجملها بقولنا نظم المعلومات الجغرافية ويومها داعبني الصديق مصطفي بوب بانو لم يخسر الجيلوجين ولم يربح المساحون تحياتي وبجيك راجع بس مش عشان تاه الفرح من دارنا وانت ديار فرحنا
|
Post: #110
Title: Re: لن ترتاح يا مساح..!!
Author: عبدالكريم الامين احمد
Date: 07-18-2007, 08:54 PM
Parent: #109
Quote: سلام ياخونا عبدالكريم
اخوك من ابناء عمومتكم فقد هجرنا الجيولوجيا للمساحة ونجملها بقولنا نظم المعلومات الجغرافية ويومها داعبني الصديق مصطفي بوب بانو لم يخسر الجيلوجين ولم يربح المساحون تحياتي وبجيك راجع بس مش عشان تاه الفرح من دارنا وانت ديار فرحنا |
هلا بالاخ مهدي
وكل تحياتي للاخ مصطفي بوب فهو زميل دراسة وزول من الزمن الجميل فله كل سلامي
وانت يا مهدي ما مشيت بعيد فالقصة كلها (ارض في ارض) والطريق الي المساحة لابد ان يمر بمعرفة تكوينات الارض والصخور بانواعها العجيبة وشوية من (الماغما) وكلام الجيولوجيا الذي تشرفنا بدراسته في كورس ممتع في قسم الجيولوجيا في كلية العلوم والاستاذ العظيم (دكتور فاروق)..
فالجيولوجيا عندما تندمج مع المساحة معرفيا فانها تعطي افق متسع ومعرفة باسرار هذا الكون العجيب..
والف مرحب بيك وفي انتظارك (وكشكش لينا مصطفي بوب وجيبو معاك عليك الله )
|
Post: #112
Title: Re: لن ترتاح يا مساح..!!
Author: غباشي
Date: 07-19-2007, 01:50 AM
Parent: #1
| Quote: هجرنا الجيولوجيا للمساحة |
عندما كنا في الصف الثاني بالكلية ... درسنا مادة الجيولوجيا مع الإخوة طلاب تعدين و نفط
و كانت استاذة المادة أنسة جميلة رقيقة القى بها حظها في تدريس هذا الكم من العزابة
فكانت الأكثر شعبية حتى من عوض الجيد نفسه و بالرغم من ان محاضرتها دائما ما تكون في آخر
اليوم إلا ان الحضور و الجمع كان بأعظم قوة لا أدري إذا كان الحضور من أجل الجيولوجيا
أم من أجل عيون استاذة الجيولوجيا
بالرغم من حزمها و صرامتها إلا انها كانت لا تجد بدا من اللين في بعض المواقف التي تنهزم
فيها بتعليق طريف من أحد (شرامة) مساحة أو بمشاكسة لا تستحق اقامة الحد
آنذاك ... أتسائل الآن ماذا كان يدور بخلد المتيمين في ذلك الوقت إذا ما خيروا بين المساحة
و الجيولوجيا
مرحب بيك أخ مهدي
|
Post: #113
Title: Re: لن ترتاح يا مساح..!!
Author: عبدالكريم الامين احمد
Date: 07-19-2007, 09:10 AM
Parent: #112
هلا غباشي...
وانت عارف تاريخيا في توامة وشراكة ذكية بين المساحين وناس الجيولوجيا ديل..
فهم اهل معسكرات ودرش وصخور ودائما ما يذهبون الي السبلوقة ويتم درشهم تماما مثلهم
ومثل المساحين الذين ايضا يتبادلون ما بين السبلوقة وجبل اولياء والمساحة البحرية في بورتسودان
او خزان الروصيروص...ولكن الاخوة الجيولوجيين الله ماديهم رفقة الجنس اللطيف في سنين الدراسة
ولكن احنا لينا الله وعيشة السوق والبقاء عذابة لسنين خمس طويلة تتقطع الارجل ما بين كافتيرات الجامعة الاخري...
ويا حليل عاطف ساكوبا
ابراهيم دقل وصديقي كبر علي الحسين اشهر عذابة مروا علي غرب الميدان الغربي...
ونعود
|
|
