Post: #1
Title: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-09-2007, 11:15 PM
Parent: #0
والله يا جماعة دي قصة عجيبة وغريبة الاسافير بقت صعبة خلاص
وما تفرط وتجازف تكتب ليك حاجة ولو بالغلط وتفكها في المنبر ده والمنابر السودانية..
اليوم وفي جولة تفقدية علي عمنا الخطير (قوقل) قمت وبالغلط بقوقلة (بوست) قديم قمت
بكتابته هنا علي هذا المنبر ومنبرين مجاورين (عكس الريح) والراكوبة...
لقيت ليك كلامي صرة في خيط وكما هو بالكربون (منزل ) في موقع يسمي
منتديات البركل وباسم عضو فيه وباسمه الرباعي كمان(ابوذر هاشم محجوب احمد)..
دون الاشارة او التبيه علي ان هذه الكلمات وان بدات بسيطة ملك لفلان الفلاني او علان العلاني..
وصاحبنا عامل ليهو مجلس للانس والطرب ايضا ....
http://www.albrkal.com/vb/showthread.php?p=5808
اعلاه الشاب الجذاب ابوذر يصول ويجول ويتفنن في بوسته البركلي..و(كلو بحق المساكين)
Quote: الو..!!
فجاة رن الموبايل بتاعي وبصراحة يا جماعة وبدون فخفخة كده موبايلي سمح وعاجبني
ونوكيا من النوع البشهيك روحك وامكانياته ومقدراته عالية تسجيل صوت وصورة موبايل
(حمرة وحلا) فيهو كل شي ما فضل الا يكون فيهو (تركيب عطور),,,,
الو ....
الو مع وقت الاصيل عند بدايات المساء ساعة الزول بكون مستحمي ونضيف ووجدانه نضيف
ويادوبك مستعد يسمع لغناوي وردي وزيدان واستير اويكي المغنية الاثيوبية...وفي الساعة ديك
فجاة رن التلفون...وسمعت صوت بيقول
الو...
وطاخخخخخ
تلفوني وقع وادشدش حتة حتة..وكل جزء طار في اتجاه وتفاعلت اجزائه واصطدمت
بالسراميك بتاع البيت تفاعل عنيف يذكرك الماكوك بتاع الخواجات الوقع داك....
صوت عجيب..!!
ورهيف وشفيف وتونه قبل كده كلو كلو ما جاء بجنب اضاني دي..!!
قالت الو,,,,بس..!!
والموبايل وقع اتكسرت زي ده لو واصل كان الله يسترني ساااكت كنت ح اتفكك حتة حتة
وابقي (صواميل)...
هذا الصوت مطلوب القبض عليه ولازم الانتربول يتعامل معي وبقبض لي الصوت ده..!!
لانو بصراحة موبايلي ماهين والصوت ذاتتتتتو ماهين..ويطرشني قبل كده..!!!
انا ياجماعة الخير سمعت اصوات كثثثير _ ليلي المغربي وفيروز وسمعت حتي سميرة دنيا
وسمعت اصوات طيور واسراب عصافير محلية راحلة ساعة الغروب لكن بصراحة كده
زي الصوت الكسر تلفوني ده كلو كلو ما سمعتوا.....ده ياخي لمن قالت الووو انا شفت زهور
وانهار من الورد وسمعت موسيقي وشفت كيلوباترا وبلقيس وشفت الهدهد الشاف بلقيس
ذاتتو.....وخلاني اتكبكب واتراجف واوقع موبابيلي واكسر والحقوا ا امهات طه....فعشان كده
ساعدوني يا جماعة القي القبض علي الصوت الكسر موبايلي مش عشان اغرموا....
لالا... عشان اسمعو ا تاني وتاني....وثالث كمان..!!! |
|
Post: #2
Title: Re: الاسافير دي بقت فيها حرامية ولا شنو ياجماعة..؟؟
Author: Abubaker Ahmed
Date: 08-09-2007, 11:27 PM
Parent: #1
صاحبك دا لامي الجكس كلو علي حس "مداخلتك ديك"
ودي جزء من المداخلات
| Quote: واللهي ضحكتني لامن دموعي جرن .. شكلك زول ظريف ودمك خفيف .. وبتاع نكته |
| Quote: يشهد الله اضحكتنى من اعماقى وكانى لم اضحك فى حياتى |
Quote: بس حكاية مع الجكس محزنة معقول زول بالابداع دا كلو
|
|
Post: #4
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-09-2007, 11:37 PM
Parent: #2
الوو..!!
| Quote: صاحبك دا لامي الجكس كلو علي حس "مداخلتك ديك |
ده لامي جكس وعامل مجلس عامر بالطرب ومنزل اغنية كمان يا ابوبكر..
..
وانا المسكين لمن نزلت الخاطرة دي هنا
غير خليل وعبدالمنعم سليمان وبعض الصحراويين ما لقيت التكتحة
...
انا غايتو قدمت طلب لعضوية ذلك المنتدي وبكرة باذن الله حيكون البوليس الاسفيري
معاي من الصباح وبمشي بجوطوهم ليك جوطة كبيرة..
|
Post: #3
Title: Re: الاسافير دي بقت فيها حرامية ولا شنو ياجماعة..؟؟
Author: محمد البشرى الخضر
Date: 08-09-2007, 11:32 PM
Parent: #1
مبالغة يا كيكي
بي ضبانتها
أخير إيمو
|
Post: #5
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-09-2007, 11:42 PM
Parent: #3
Quote: مبالغة يا كيكي
بي ضبانتها |
يبدو يا محمد انها (لعنة ايمو)..
...
انا خايف علي الفرمالات بتاعة كمبو الري وخايف القي واحد تامي قصة انداية بت قنيرة كمان
|
Post: #6
Title: Re: الاسافير دي بقت فيها حرامية ولا شنو ياجماعة..؟؟
Author: محمد البشرى الخضر
Date: 08-09-2007, 11:43 PM
Parent: #3
كيكي
بعد إرفاقك للينك بتاع موضوعك
لا حظت ان تاريخ بوستك في إبريل 2007
و بوست البركل يناير 2007
لو حا تسوق معاك بوليس بكرة , اعمل حسابك تمسح شنبو من برة
ولا حا يقلب عليك
|
Post: #7
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-09-2007, 11:52 PM
Parent: #6
Quote: لا حظت ان تاريخ بوستك في إبريل 2007
و بوست البركل يناير 2007 |
خلعتني وقطعت قلبي..
قلت يا ربي انا اكون فقعت الزول ده وما عارف..
يا ابو حميد الفيلم ده اشتغل في (عكس الريح) ومن يناير 2007
وحتي بعد داك جينا دورناهو هنا..
وكدي شوف الرابط ده..
http://www.drmoiz.com/phpBB2/viewtopic.php?t=25181&sid=...4454489cfb19931cce4b
|
Post: #8
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 00:08 AM
Parent: #7
ابو الشباب ده يا محمد قرر انو يجازق القصة دي يوم 26-يناير
وقد تلاحظ في الرابط بتاع عكس الريح البوست نازل يوم 18 يناير..
..
ثمانية ايام عجاف ثم لطشة سريعة لامر لا يثمن ولا يغني عن جوع
ولكن قمة الاسي والحزن هو السلوك والنمط والاستيلاء علي صهيل الاخريين مهما كانت
درجته يولد (حسرة وحزن) علي واقع الذين يرتادون هذه الامكنة..
|
Post: #9
Title: Re: الاسافير دي بقت فيها حرامية ولا شنو ياجماعة..؟؟
Author: محمد البشرى الخضر
Date: 08-10-2007, 00:25 AM
Parent: #8
الحمد لله طمنتني يا كيكي
واصل الكشة الزول طلع بدش بوستات
(ما يكون عندو ببغاء إسفيري, اول ما يشوف الكاكي بكورك )
|
Post: #10
Title: Re: الاسافير دي بقت فيها حرامية ولا شنو ياجماعة..؟؟
Author: Tragie Mustafa
Date: 08-10-2007, 00:32 AM
Parent: #9
عبد الكيم عليك الله سامحه
يا اخي ده ما عمل حاجه غير قشر بكلماتك للجكس
بلاش تفضحه عليك الله من ستر مسلما ستره الله.
Quote: ده لامي جكس وعامل مجلس عامر بالطرب ومنزل اغنية كمان يا ابوبكر..
..
وانا المسكين لمن نزلت الخاطرة دي هنا
غير خليل وعبدالمنعم سليمان وبعض الصحراويين ما لقيت التكتحة
...
انا غايتو قدمت طلب لعضوية ذلك المنتدي وبكرة باذن الله حيكون البوليس الاسفيري
معاي من الصباح وبمشي بجوطوهم ليك جوطة كبيرة.. |
|
Post: #11
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 00:33 AM
Parent: #9
Quote: الحمد لله طمنتني يا كيكي
واصل الكشة الزول طلع بدش بوستات
(ما يكون عندو ببغاء إسفيري, اول ما يشوف الكاكي بكورك ) |
ولا يهمك يا محمد
اخوك موقفو مية مية..
وحتي لو عندو ببغاء بخاف من الكاكي بنلبس ليهو البوليس ملكي.
اونشوف الظلامي قريش بقي (كادر سري ولا لسع) نوديهو يفقع مرارة الزول ده
واناكخبير حراسات الزول ده بكرة تعب معاي تعب شديد
...
|
Post: #12
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 00:46 AM
Parent: #11
Quote: يا اخي ده ما عمل حاجه غير قشر بكلماتك للجكس
بلاش تفضحه عليك الله من ستر مسلما ستره الله. |
لا لا يا تراجي
هو غير موضوع الجكس اللامي زي النحل ده مافي شي تاني مزعلاني من البركلاوي ده..
ياخي انا اجازف وشي فيروز وام كلثوم وموبيايلي عملت ليهو تركيب عطور
واقلب في الهوبة ويجي صاحبنا ده يلطش الحدوتة ويعمل بيها مجلس عامر بالطرب والانس والجكس
لالا..
الزول ده انا ح اكرهوا ليك اليوم الفكر فيهو يلبع (موغل ودهشة حقتي دي)
|
Post: #13
Title: Re: الاسافير دي بقت فيها حرامية ولا شنو ياجماعة..؟؟
Author: ماجدة عوض خوجلى
Date: 08-10-2007, 01:12 AM
Parent: #1
Quote: ]وانا المسكين لمن نزلت الخاطرة دي هنا
غير خليل وعبدالمنعم سليمان وبعض الصحراويين ما لقيت التكتحة
... |
وطبعا ياعبدالكريم طالما انا ماخليل ولا عبدالمنعم سليمان بكون من الصحراويين الانت عديتم مش
امشى انشالله طوالى يشيلو منك
|
Post: #14
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 01:19 AM
Parent: #13
Quote: وطبعا ياعبدالكريم طالما انا ماخليل ولا عبدالمنعم سليمان بكون من الصحراويين الانت عديتم مش
امشى انشالله طوالى يشيلو منك |
سلام يا ماجدة
وكدي في الاول حمد الله علي السلامة والمنبر بدونك كان خلا والله..
خجلتيني والله ولكن انا زعلان يا ماجدة علي سرقتي
يعني الواحد يا سارق في السيم سيم بالكربون
يا مزنوق من ماجدة في حتة الصحراويين دي
يا مسروق في جبال البركل..
...
ماجدة ياخي التضامن مطلوب من اجل الحقوق الاسفيرية
بكرة بلم فيك واحد بسرق منك ... صفية القمر ...
ونقعد في واي واي..
|
Post: #15
Title: Re: الاسافير دي بقت فيها حرامية ولا شنو ياجماعة..؟؟
Author: غباشي
Date: 08-10-2007, 02:27 AM
Parent: #1
| Quote: والله يا جماعة دي قصة عجيبة وغريبة الاسافير بقت صعبة خلاص |
كان الله في عونك يا صديقي العزيز .....
الترس و راك وراك يا كيكي ... و ده يا حبيب كان بركت وراهو قد يكون ممن عاقروا الترس بكليتنا العريقة
نوع الفصيلة الكانت بتجيب درجات أعلى من صاحب المجهود الحقيقي و أدينا شفنا ... الجكس ملموم و الحكاية جايبة دخل محترم
لكن معقوله الزول يكون ما بيعرف كيكي أشهر مساح في سودانيز أونلاين ؟؟؟
إسترحام مقدما ً:
براحـــة عليهو 
بس أديهو قــرصـــــة في الأضان ... الود شكلوا برلوم
للضـمــا ن :
قم بتجويد الـ ( Java or HTML ) لتشفير مداخلاتك ضد الــ copy
تحياتي
|
Post: #16
Title: Re: الاسافير دي بقت فيها حرامية ولا شنو ياجماعة..؟؟
Author: Nader Abu Kadouk
Date: 08-10-2007, 06:10 AM
Parent: #15
كيكي الحبيب
زولك ده والله حيرني
زي ما قال غباشي تريس بتاع واحد محترف
ونحن بنشجع اللعبه الحلوه
خليل ما سمع ولا شنو
ودابكدوك
|
Post: #17
Title: Re: الاسافير دي بقت فيها حرامية ولا شنو ياجماعة..؟؟
Author: Nader Abu Kadouk
Date: 08-10-2007, 06:12 AM
Parent: #15
كيكي الحبيب
زولك ده والله حيرني
زي ما قال غباشي تريس بتاع واحد محترف
ونحن بنشجع اللعبه الحلوه
خليل ما سمع ولا شنو
ودابكدوك
|
Post: #18
Title: Re: الاسافير دي بقت فيها حرامية ولا شنو ياجماعة..؟؟
Author: حيدر حسن ميرغني
Date: 08-10-2007, 06:48 AM
Parent: #17
كيكي
زمن المنديل المنقوش جانبه والبكاء الشديد
واحد صاحبي كان بيشتري كتاب رسائل الغرام ويقول لي اختار عبارات من النوع
اللي تدوخ أجعظ بت ... عشان يرسلها لست الريد بتاعتو
يا زول يوم جاني ليك بطنو طامة وقال لي الزولة دي جدعت الجواب في وشو
قالت ليهو لو ما بتعرف تكب الرندوق من راسك الكبير ده بتحب ليه
مسكين غلبو الهوى وما شفع تغريدو الحزين ... ومات بالجد كده
ما تقتل الزول ده
|
Post: #23
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 11:23 AM
Quote: قالت ليهو لو ما بتعرف تكب الرندوق من راسك الكبير ده بتحب ليه
مسكين غلبو الهوى وما شفع تغريدو الحزين ... ومات بالجد كده
ما تقتل الزول ده |
هلا ياحنين
والراجل يا حيدر لو كان عندو ازمة (رندوك) ومكنات جكسية ياخي كان يتصل او يعمل (مس كول)
بستكتب ليهو واحد صحبي كده اسمو (ود البدوي) حرم الجكس يسكن سكنة في بوستيهو ده
ويخمج السوق خمج اسفيري ما حصل..
لكن يشيل ياخي الجمل بما حمل ويعمل (شاسي كابور) ده كلام شين منو شنة مرة..
....
تخيل ياحيدر بقدر ما الموضوع في مجمله لا يعني الكثير لكن الخوف من تشفي هذه الاشياء
وسيطرتها علي الناس في الاسافير بتدمر معايير كثيرة وبكرة ممكن تلقي سارقين اسمك ذااتو
|
Post: #22
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 11:10 AM
Parent: #17
Quote: يكي الحبيب
زولك ده والله حيرني
زي ما قال غباشي تريس بتاع واحد محترف
ونحن بنشجع اللعبه الحلوه
خليل ما سمع ولا شنو
ودابكدوك |
هلا ابوكدوك
وبالله شفت البيست والكوبي ده خطير كيف..
وانا ذاتي والله بشجع اللعبة الحلوة وبشيد باداء هذا الاخ
ولكن كان يكب ليها كوز كوزين بتاعة اي حاجة كده من طرف كانت مقبولة ومبلوعة..
..خليل بكون متورط في اللبع الاسفيري ده عشان كده ليهو يومين مختفي
|
Post: #21
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 11:10 AM
Parent: #15
Quote: كان الله في عونك يا صديقي العزيز .....
الترس و راك وراك يا كيكي ... و ده يا حبيب كان بركت وراهو قد يكون ممن عاقروا الترس بكليتنا العريقة
نوع الفصيلة الكانت بتجيب درجات أعلى من صاحب المجهود الحقيقي و أدينا شفنا ... الجكس ملموم و الحكاية جايبة دخل محترم |
هلا غباشي
وفعلا يبدو انها ايضا (لعنة الترس)
والتترسوا كريت في كليتها بتلقي في الاسافير ولو بعد حين..
ولكن ياخي الحرفنة كانت مهمة وكان عليه تغيير نمط الاشياء
يعني الموبايبل كان مفروض يسويهو (الكاتل) ويغير في نوع السراميك
ويعمل اي حاجة تخلي احرف جزار ما يقدر يطلع (ربع كيلو) من الموضوع بتاعي..
...
وبعدين يا غباشي قول عملنا تامين للكوبي (اها) البيست نعمل ليهو شنو
|
Post: #19
Title: Re: الاسافير دي بقت فيها حرامية ولا شنو ياجماعة..؟؟
Author: Ahmed musa
Date: 08-10-2007, 06:50 AM
Parent: #1
والله يا عُبد أنا ما عجبتني إلا التمانية أيام الحُسوم (18ــ26 يناير) الجهجهت صاحبنا
18 يناير
يا ربي ألحسو , لا لا ياخ , ياخ مافيها حاجة ألحسو , هي لكن بي دموا كدة ما نخلي يبرد , ياخ بجي زول يلحسو
19يناير
ياخ بلحسو والتجي تجي , طيب دقيقة كدةأراجع المنبرده والمنبر داك ما يكون في واحد قوّال قاعد هنا وهناك
20يناير
اهي دي الأسماءالمواظبة هناك , ياخ والله اخيرالحسو أأأي بلحسو ألللللللااااااااه ياخ الله راس شطب
21يناير
كدي احاول اكتب حاجة زي كدة , يعني زي ما بقولوا أقتبس
22 يناير
ولله قصة الإقتباس دي ماجابت نتيجة كويسة ياخ احسن والله ألحسو وهوزاتوا حيلقاني وين لا لا لا ياخ
23 يناير
ولا استاذ فيصل المحامي ود خالتي دة كلاموا عن المصنفات الأدبية ده زي (دٌراط الحمير) وكلام الطيرفي الباقير ياخ المنبرولع والجكس مردوم في الزفت ......... داك عشان قصيدتوا التافهة ديك والله ما في طريقة غير اللحس
24 يناير
الحسو ما ألحسو الحسو ما الحسو الحسو ما الحسو (الطريفي تعال شيل ورتاب الصفق ده وجيب لي فرع تاني )
النتيجة دي ماعجبتني
25 يناير
لا حول ولا قوة إلا بالله والله انا كان قبضوني في البتاعة دي إلا أدخل معاي........... بتاع القصيدة التافهة ديك معاي متهم بالتحريض الإستفزاز الشديد المفاجي ياخ جكس المنبر(العمياء) عني شايلة (المُكسرة) فيهو!!!!!!!!
26 يناير
ياخ لحستو
والتجي تجي
|
Post: #20
Title: Re: الاسافير دي بقت فيها حرامية ولا شنو ياجماعة..؟؟
Author: هجو الأقرع
Date: 08-10-2007, 07:09 AM
Parent: #19
يا اخونا سلام ، ناس البركل كلهم اصحابنا ، سوف اشوف ليك الموضوع مع الادارة ، لكن شكلك انتو اللافو من اخونا 0
|
Post: #26
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 12:02 PM
Parent: #20
| Quote: يا اخونا سلام ، ناس البركل كلهم اصحابنا ، سوف اشوف ليك الموضوع مع الادارة ، لكن شكلك انتو اللافو من اخونا 0 |
هلا بالظلامي صحبي هجو..
والناس ديل لو اصحابك يازول كلمهم حتي لا يتحول موقعهم الي سوق اخوان اسفيري..
يجب اخذ التدابير اللازمة تجاه حقوق الاخريين..
ووبحضورك يا هجو انا بديت اشك ان صحبي اللفح الموضوع ده(موتمر وطني)
اصلهم متعودين علي اللفح
|
Post: #24
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 11:44 AM
Parent: #19
Quote: يناير
ياخ لحستو
والتجي تجي |
هلا ابو حميد
وفعلا الراجل خش في اقرب(رايت كليك) ولحس الموضوع بكل دم بارد
وعجبتني والله (نيفاشا اللحس) الاسفيري الجبتها دي وحوار الذات اللاحسة
انا بقترح انو يوم 26يناير يكون يوم اللحس الاسفيري العالمي
|
Post: #25
Title: Re: الاسافير دي بقت فيها حرامية ولا شنو ياجماعة..؟؟
Author: طارق جبريل
Date: 08-10-2007, 11:52 AM
Parent: #1
يا كيكي كيفنك
الجاتك في بوستاتك سامحتك
اخوك ما عندي اي اسفير غير حقنا دة
عشان كدي الليلة الواحد يقوم يديها فتيشة كدة
زي بتاعة تسميع المحفوظات في الابتدائي ديك
|
Post: #30
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 12:47 PM
Parent: #25
Quote: اخوك ما عندي اي اسفير غير حقنا دة
عشان كدي الليلة الواحد يقوم يديها فتيشة كدة
زي بتاعة تسميع المحفوظات في الابتدائي ديك |
هلا يادكتور..
وكويس انك حاصر الاسفير بتاعك هنا لكن بيني وبينك انا خايف علي موضوعك بتاع (الطلبة)
وكثر من القوقلة والفتيش عشان تحمي حقوقك الاسفيرية..
واحنا يا طارق عيبنا لقينا الاسافير دي ملح سرحنا
تخيل مرة مشيت لمنبر بتاع زلمات متطرفين كده
طلعني كرعيني منهم (صعبين ياخي)
|
Post: #27
Title: Re: الاسافير دي بقت فيها حرامية ولا شنو ياجماعة..؟؟
Author: تيسير عووضة
Date: 08-10-2007, 12:22 PM
Parent: #1
يا عبد الكريم ..
أنا حالتي كنت منمّرة على البوست بتاع الجزلان داك
عشان أقشر بيهو في منتديات الإقتصاد والمال
لكن طالما جابت ليها إنتربول وعساكر فإننا :
ندين هذا العمل اللا أخلاقي ونعم للحفاظ على حقوق النشر
ــــــــ
عبد الكريم وغباشي ..
مفردة (الترس) دي رجعتني لأيام الجامعة ..
بالله كنتوا بتترسوا برضو ؟
أسليين
*صححت كلمة (برضو) كانت مكتوبة غلط
|
Post: #31
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 12:53 PM
Parent: #27
Quote: أنا حالتي كنت منمّرة على البوست بتاع الجزلان داك
عشان أقشر بيهو في منتديات الإقتصاد والمال
لكن طالما جابت ليها إنتربول وعساكر فإننا :
ندين هذا العمل اللا أخلاقي ونعم للحفاظ على حقوق النشر |
هلا والله ياتيسير
ومنورة والله سرقتي السببت لي اذاي
وانتي مسئولة من الخير بوست الجذلان ده وينن؟؟
انا بديت اشك انو البوست ده هو ذاااتو في روحو اتسرق
كل يوم بفتش فيهو عشان اتم القصة ما لاقيهو.
(تيسير جيبي البوست ده يا زولة هووووي)(وش ضاحك)
...
وبعدين يا تيسير يا اختي احنا لو ما فصاحة ساكت مفروض ما نتكلم في
(الترس) ده..ياما ترسنا من الاخوة والاخوات لكن داك كان ترس بادب وفن وحرفنة
وتسلمي يا تيسير
|
Post: #28
Title: Re: الاسافير دي بقت فيها حرامية ولا شنو ياجماعة..؟؟
Author: hatim ibrahim
Date: 08-10-2007, 12:44 PM
Parent: #1
.
أزيك يا كريم
احتمال تكون ( ألوووو) فيها ( سر ) غامض بتدي الزول السمعها ( إلهام ) يخليهو يكتب ( نفس ) الخاطرة .... بشولاتها
خوفتني عديل .. عشان كده واحتياطا ..
أنا بعد كده سأنبطح أرضا قبل الرد على أي مكالمة ..
كده الواحد يضمن انو موبايلو النوكيا( A380 ) ما حيدشدش لو استهدفتني ( ألوووو ) كسارة الهواتف
وبالتالي ما حتداهمني حالة الكتابة المسنودة ( بالهام ) ألوووووو ...
| Quote: الاسافير دي بقت فيها حرامية ولا شنو ياجماعة |
مش ( بقت ).... للاسف فيها ومن زماااااان
.
|
Post: #32
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 01:05 PM
Parent: #28
Quote: أزيك يا كريم
احتمال تكون ( ألوووو) فيها ( سر ) غامض بتدي الزول السمعها ( إلهام ) يخليهو يكتب ( نفس ) الخاطرة .... بشولاتها |
هلا يا حاتم
ومشتاقين والله..
وكلامك ده طبعا واحد من الاحتمالات الواردة والدنيا دي عجيبة وغريبة
وفعلا احتمال يكون تناسخ الخاطور (الدولي) دولي دي منسوبة الي تلكم النعجة الشهيرة (دولي)
بيحصل بالكربون عندما حدوث (الووو) بتون ولحن معين (والله اعلم)...
..والراجل ده ذاتتو ما محظوظ ياحاتم لاني بعد خليت التمباك بقيت في راس كل خرمة (بمشي قوقل)
غايتو عشان تكون في السيف سايت لو جاتك اي (الووو) اسالها اولا هل انتي الووو البسرقوك ولا واحدة تاني
|
Post: #29
Title: Re: الاسافير دي بقت فيها حرامية ولا شنو ياجماعة..؟؟
Author: عمر سعد
Date: 08-10-2007, 12:45 PM
Parent: #1
هاهاها يا كيكى ذكرتنى صاحبك عبداللة وداعة كل كم يوم بيقوم بيفتش قصايدو بالنت
كل مرة يلقى قصيدة فى حتة والكاتبة قاشر ليك بيها وصاحبك يقوم يسجل فى المنتدى ويتكلم معاهو ويفضحو صاحبك عبد اللة وداعة الامين الان مسجل فى 50 منتدى على الاقل الان فقط عشان يثبت حقوقو اها عاد تبقى لى جنس دة اها دى قصايد بتتلحن من ناس مبيوع وتتغنى انتة كلامك دة الحا يغنيهو منو انت استاذن منو انك تكتب الكلام دة تانى بدون شوشرة وتعرقل على الود يكون يا دوب لمى ليهو جكسايتين كدة
|
Post: #33
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-10-2007, 01:13 PM
Parent: #29
| Quote: هاهاها يا كيكى ذكرتنى صاحبك عبداللة وداعة كل كم يوم بيقوم بيفتش قصايدو بالنت |
هلا المرجف عمر
تضحك وانا مسروق يا عمر دي خوة شنودي يا رجل؟؟
انا ح اتصل بالشاعر عبدالله وداعة ونعمل رابطة المسروقين اسفيرا وونكلم
عمك بيل غيتس يعمل لينا برنامج ابن لذينة يدمر كل الخلايا والمنابر السارقة
...
وبعدين يا عمر القال ليك منو(الووو) دي ما بنتتلحن يازول
عيبها لي (فرقها ) شنو من الاغاني الحايمة اليومين دي..
انا ناوي الحنها انا ذاتي (كراب سوداني)
|
Post: #34
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-12-2007, 08:16 PM
Parent: #33
اها ياجماعة خلاص الزول ده انا عتقتوا لله والرسول
وخليتو وياريت الموضوع اللفحو ده يعمل ليهو (سنكيت)
ويلم ليهو جكس من كل فج عميق
|
Post: #35
Title: Re: الاسافير دي بقت فيها حرامية ولا شنو ياجماعة..؟؟
Author: Mutwali Malik
Date: 08-13-2007, 00:29 AM
Parent: #34
كيكي
يعني الزول لو كتب نقلا عن كيكي - سودانيز اون لاين تفتكر كان كوش علي الجكسي والبيبسي
Quote: بستكتب ليهو واحد صحبي كده اسمو (ود البدوي) حرم الجكس يسكن سكنة في بوستيهو ده
ويخمج السوق خمج اسفيري ما حصل |
ودالبدوي بيغريك السلام وقال ليك مافي داعي للفضائح
|
Post: #36
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-13-2007, 04:21 AM
Parent: #35
| Quote: كان كوش علي الجكسي والبيبسي |
هلا بالفردة متولي
ومشرف والله سرقتي السببت لي اذاي
والتكويش ده ياهو ذاااتو المجنن بوبي يا متولي
علي الاقل الراجل كان يعمل معانا(ابوالقاسم حاج حمد)
...
وياسلام علي صحبي وفردتي ود البدوي الزول الاصيل الفنجري
بالله ياخي بلغه سلامي وشوقي الكثير الي ايام خالدات بيننا
وقول ليهو بالله اوع يظهر في الاسافير دي (يقوم يخرتنا ساكت كمان)
ده راجل خطير وحريف كبير
|
Post: #37
Title: Re: الاسافير دي بقت فيها حرامية ولا شنو ياجماعة..؟؟
Author: رقم صفر
Date: 08-13-2007, 05:38 AM
Parent: #36
كريم زولك ده يبدو مرتاد سرقات ولا فدوي الشريف ، شوف اول مداخلة في البوست المعني جايبه من وين بتاعت (صاحبي عماد )
http://vb.sudanson.com/archive/index.php/t-16052.html
تعال نشوف جاب المداخلة الثالثة من وين
جاي راجع
|
Post: #38
Title: Re: الاسافير دي بقت فيها حرامية ولا شنو ياجماعة..؟؟
Author: رقم صفر
Date: 08-13-2007, 05:48 AM
Parent: #37
ودي المداخلة الثالثه ، لكن بيني وبينك هو السارقها ولا الثاني الله اعلم طبعا ما عايز اتأكد من التواريخ قلت اخليها كده ، واتمني ان يكون زولك ده بيقرا المنبر عشان يشوف اخر عمايلوا ايه ، وشكرا كثير لعمنا قوقل .....
http://sudanesehome.com/forum/showthread.php?t=3456
فليمد ابورزقة رجله
لكن شفته اسماء الاعضاء (ننوسه ، وميادة وبسمة امل ) وصاحبك عبدالمنعم سليمان زعلان لانو في واحد اسماءهم متشابهه ....
ايه رايك تعمل لينا بوست عن سرقات الانترنت ،،، فكرة حلوة
لكن انا خايف يسرقوووووووووه
|
Post: #41
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-13-2007, 03:37 PM
Parent: #37
هلا يا معتصم
وبالله شفت المحن دي
اذا البوست بتاع الاخ ده كان عبارة عن (سوق اخوان) اسفيري
(صاحبي عماد ) زائد موبايلي والقصة جارة
وانت عارف الراجل ده لو ما حصلنا كان جازف قصتك بتاعة (عادل عبدالعاطي)
|
Post: #39
Title: Re: الاسافير دي بقت فيها حرامية ولا شنو ياجماعة..؟؟
Author: أبو الحسين
Date: 08-13-2007, 07:16 AM
Parent: #1
Quote: ده لامي جكس وعامل مجلس عامر بالطرب ومنزل اغنية كمان يا ابوبكر..
..
وانا المسكين لمن نزلت الخاطرة دي هنا
غير خليل وعبدالمنعم سليمان وبعض الصحراويين ما لقيت التكتحة |
صديقي الجميل كيكي...
يا اخوي الجكسي براهو المتلمي؟؟؟
عليك الله شوف الرصة دي إبتداءاً من د. عمر عثمان والعمدة عكود وحميد وياسر وساحر وعييييييييييك... ودا غير لمن أنا شفت المتاوقين من على الخط... 26 مرة واااااحدي حضور
عليك الله شُفت النجاح النجحو موضوعك دا يا صديقي؟؟
لك قواسيب مودتي... ويا ريت نشوفك قريباً بي غادي... وتدينا من النوع دا من النوع دا...
أبو الحســــــين...
|
Post: #40
Title: Re: الاسافير دي بقت فيها حرامية ولا شنو ياجماعة..؟؟
Author: nadus2000
Date: 08-13-2007, 01:26 PM
Parent: #39
والله يا كيكي أنا بس الفاهمك
عارفك مبسوط، بالدبورة الأداك ليها الزول دا، يعني دا أكد بما لايدع مجالا للشك، أنك كاتب وكاتب كبير
وكمان بدرجة "كاتب نت بيسرق انتاجه" ودي درجة عظيمة...
تعرف في بوست هنا موضوعه ملطوش، وصاحبه قادل بيهو، وأنا والله متحرج أقول اسمو "خايف الهوا يقسمو"،
ونازل رد تحايا "رافعي الأيديط أقصد البوست، بدق صدره بيده، مع حركة خفيفة بالرأس...
المشكلة انا المتحرج اقول ليهو....شفت قوة عين حرامية النت دي كيف، يسرقوا....ونحن نخجل ليهم.
|
Post: #42
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-13-2007, 04:11 PM
Parent: #39
| Quote: لك قواسيب مودتي... ويا ريت نشوفك قريباً بي غادي... وتدينا من النوع دا من النوع دا... |
شكرا ابو الحسين
ولك اولا الشكر علي رسالتك الرقيقة ..
وباذن الله حتشوفني بغادي مادام القصص دي بتجيب دخل اسفيري زي ده
وتحياتي لكل الاخوة الذين تداخلو في ذلك البوست ولهم مني كل الحب
|
Post: #44
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-13-2007, 04:24 PM
Parent: #42
Quote: والله يا كيكي أنا بس الفاهمك
عارفك مبسوط، بالدبورة الأداك ليها الزول دا، يعني دا أكد بما لايدع مجالا للشك، أنك كاتب وكاتب كبير
وكمان بدرجة "كاتب نت بيسرق انتاجه" ودي درجة عظيمة... |
هلا يا ناوس
ومشرفنا والله..
وايوه خلاص يا بورداب الدوحة انا بعد ده عايز معاملة خاصة لاني كاتب اسفيري (مسروق)
ومركب دبورة فبالله اهم شي تعفوني من حتت التبرعات الكثيرة دي
والزول السارق موضوع البوست في المنبر ده بالله وريني ليهو انا ومعتصم رقم صفر
حرم نكرهو ليك المنبر ده والمنابر المجاورة
تسلم يا جليل يا صديقي
|
Post: #43
Title: Re: الاسافير دي بقت فيها حرامية ولا شنو ياجماعة..؟؟
Author: غباشي
Date: 08-13-2007, 04:22 PM
Parent: #1
كيكي يا صاحبي
بعد أن تعرض بوستك لهذه السرقة الإسفيرية المقننة
سأتجاهل أي اجراء بخصوص التأمين ضد الحريق و السرقة لبوستي الوليد ... عام كامل و أنا خارج السودان
فمن يدري؟ فقد أصبح ُمشهورا في يوم من الأيام اذا ما استولى عليه أحدهم
|
Post: #45
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-13-2007, 05:59 PM
Parent: #43
| Quote: سأتجاهل أي اجراء بخصوص التأمين ضد الحريق و السرقة لبوستي الوليد ... عام كامل و أنا خارج السودان |
هلا ياغباشي
ويازول بوستك سمح سماحة السنين وفيهو شجن خاص وجدير بالمجاذفة الاسفيرية
واعمل حسابك ماتقوم تقوقلوا كمان يطلع ليك واحد تامي سنة اليابان
يقوم يجاذفوا منك باغنية سامي المغربي اللذيذة ديك...
واحنا كمساحين تاني بوست لو ما الترافيرس بتاعو قافل .0000005
مفروض ما نشوتوا في الاسفير..
كثر من القوقلة اليومين دي يا غباشي بوستك مغري ولذيذ
|
Post: #46
Title: Re: الاسافير دي بقت فيها حرامية ولا شنو ياجماعة..؟؟
Author: رقم صفر
Date: 08-13-2007, 07:12 PM
Parent: #45
Quote: تعرف في بوست هنا موضوعه ملطوش، وصاحبه قادل بيهو، وأنا والله متحرج أقول اسمو "خايف الهوا يقسمو"،
ونازل رد تحايا "رافعي الأيديط أقصد البوست، بدق صدره بيده، مع حركة خفيفة بالرأس...
المشكلة انا المتحرج اقول ليهو....شفت قوة عين حرامية النت دي كيف، يسرقوا....ونحن نخجل ليهم. |
عليك الله وريني الزول ده منو ، ولا الموضوع ، والله افضحوا ليك دون خوف ,,,,, بس انت اديني الموضوع .....
تنحرج من حرامى بالغتها عديل كده .....
كيكي رأيك شنو ؟؟؟؟ تعال نعمل بوليس سرى ، (وما زول يعرف عنوا ) انا وانت بس ، وطبعا يكون سرى خالص ، ونكتب في البروفايل بتاعنا ، المهنة
سرية ، ولاسباب امنية لا يمكن الافصح عنها ... وبعدداك نقوم هاك يافضح للحرامية
جارنا في اشلاق كوستي كاتب علي يافطة منزله (منزل فلان الفلاني - بوليس سرى )
سلام
|
Post: #49
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-13-2007, 07:22 PM
Parent: #46
Quote: كيكي رأيك شنو ؟؟؟؟ تعال نعمل بوليس سرى ، (وما زول يعرف عنوا ) انا وانت بس ، وطبعا يكون سرى خالص ، ونكتب في البروفايل بتاعنا ، المهنة
سرية ، ولاسباب امنية لا يمكن الافصح عنها ... وبعدداك نقوم هاك يافضح للحرامية
جارنا في اشلاق كوستي كاتب علي يافطة منزله (منزل فلان الفلاني - بوليس سرى ) |
هلا يا معتصم
نادوس بالغ ساكت علي الحرامي الاسفيري المدور في البوستات واحنا البوليس السري ما عارفين
وطوالي يا معتصم من الليلة بالله (قوقلة ثقيلة) اي بوست تحس بيهو ما ياهو نقوقلوا طوالي نجيب خبرو
ونفضح الحرامي..
نعمل جميعة البوليس السري الاسفيرية ونشوف اخرتها شنو
|
Post: #47
Title: Re: الاسافير دي بقت فيها حرامية ولا شنو ياجماعة..؟؟
Author: غباشي
Date: 08-13-2007, 07:16 PM
Parent: #45
Quote: واحنا كمساحين تاني بوست لو ما الترافيرس بتاعو قافل .0000005
مفروض ما نشوتوا في الاسفير. |
استاذي العزيز ... كيكي
وبعد القفلة دي يا حبيب أقع في الــ least squares و أعمل الـ fitting عشان ما تدي طريقة للـ gross errors لأنها دي الحتة البيخشوا بيها الجماعة
و ماتنسي تبقى عشرة على الـ parameters بتاعينك لأنو البلد كلها ممكن تتجازف عن طريقها ...
تسلم يا عزيزي فأنت دوما تثري المنبر بروائعك و تجلياتك
|
Post: #51
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-14-2007, 04:07 PM
Parent: #47
| Quote: و ماتنسي تبقى عشرة على الـ parameters بتاعينك لأنو البلد كلها ممكن تتجازف عن طريقها |
هلا بالمساح غباشي
وتاني يا صحبي اي بوست لازم نعمل في البداية (two pegs test) حتي بعد داك نفكو في الاسافير دي
|
Post: #48
Title: Re: الاسافير دي بقت فيها حرامية ولا شنو ياجماعة..؟؟
Author: عمار يس النور
Date: 08-13-2007, 07:18 PM
Parent: #45
كيكي سلام
و الله ده ترس عينة تمام
كيكي
زولك ده ما عرفتو خريج ياتو قسم من الهندسة و دفعة كم !!
و الله يا كيكي إنت بقيت في البورد ده زي حمد حماد و عثمان يوسف الناس ممكن تترس منك عشان كتاب و مجضم الكتابة ، بس خليك زيهم هم ما كانو بيسألوا اي زول لو ترس منهم
و عارفين في الإمتحانات النهائية مافي ترس و الحشاش بيملء شبكتو
تحياتي
عمار يس النور
عاشق بخت الرضا
|
Post: #50
Title: Re: الاسافير دي بقت فيها حرامية ولا شنو ياجماعة..؟؟
Author: رقم صفر
Date: 08-13-2007, 11:26 PM
Parent: #48
هيييييع كشف جديد للبوليس السرى ، ياكريم والله صاحبك ده طااالق ساااي يسرق من هنا ومن هناك ، البلد دي قبلنا ما فيه بوليس سرى ولا شنو
هاك دي :
اللينك ده من بورد البركل
http://www.albrkal.com/vb/showthread.php?t=1294
ده نزل بتاريخ 19/05/2007
وده من بيت السودانيين
http://www.sudanesehome.com/forum/archive/index.php/t-3323.html
بتاريخ 16/05/2007
يا حبيب والله الزول ده مما مهله الا ثلاثة ايام وقام (كف) خطفه (قال ثمانية ايام قال )
سعادتك هل نواصل ولا تكفي هذه الادلة للادانة ... الامر مرفوع لجنابكم
.
|
Post: #52
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-14-2007, 04:13 PM
Parent: #48
| Quote: زولك ده ما عرفتو خريج ياتو قسم من الهندسة و دفعة كم !! |
والله ياعمار مع هندسات جامعات البشير (ام اوضة وبرندة دي) تشابهت علي الهندسات
واولاد اخر الزمن ديل ياكافي البلا(ترس ما بعرفوا يترسوازي الناس)
حليل زمن هاشم كونسيدر البشيل مقاسات الدروينغ بيدو (بدل البرجل)
وتحياتي الي حمد حماد وعثمان يوسف
وانا حقوا اقدل والله كون يترسوا مني فانه الخلود مثلي ومثل الناس الششششطار ديل
شطارة تخلع
|
Post: #53
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-14-2007, 04:20 PM
Parent: #52
Quote: يا حبيب والله الزول ده مما مهله الا ثلاثة ايام وقام (كف) خطفه (قال ثمانية ايام قال )
سعادتك هل نواصل ولا تكفي هذه الادلة للادانة ... الامر مرفوع لجنابكم |
قلت لي يا كمندان ثلاثة ليالي عجاف واللطش حصل...
لالا
لازم تواصل يا معتصم يا رقم زيرو لانو بالطريقة دي صاحبنا ده حيسرق
البوست قبل كتابته وحنبقي في تحليل (الدي ان اي) بتاع البوست
ودي قصة طويلة
(قو اون يا معتصم) واضرب بالقوقل ضرب تقيل
|
Post: #54
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-14-2007, 08:02 PM
Parent: #53
Quote: السلام والتحية للجميع
واشكر اولا ادارة هذا المنتدي علي قبول عضويتي معكم حتي نسهم جميعا في امر المعرفة واثراء الحوار
في كل مناحي القضايا التي تهم بلدنا السودان....
وربما هي محاسن الصدف من جعلتني انتبه الي امر هذا المنتدي الذي اكتشفت بانه عامر بالاخوة والاصدقاء واتمني ان يطيب لنا المقام في حضورهم جميعا...
وحتما وصولي الي ارض هذا البوست موشحا بسيرة امر في غاية الاسف وفكرت كثير في تجاوزه والاغفال عنه ولكن معطيات عديدة واهمها الرغبة في الشفافية والمساهمة في ارساء قواعد تفيد حراك الاسفير السوداتي الذي بدات ثماره تجني الكثيرين في الكتاب ومناقشة القضايا السودانية بعقل سوداني
تشتت في المنافي وشواطي المدن البعيدة...
اود ان انبه الاخ ابوذر كاتب هذا البوست بان احدي مداخلاته هنا تخصني وقد قمت بكتابتها بتاريخ 18- يناير 2007 في منتدي عكس الريح ووفي منتدي راكوبة لاحقا وموقع سودانيز اون لاين حيث اداوم علي الكتابة الاسفيرية في تلكم المواقع منذ سنتين ...
وحقا ساءني ان اراها تتهادي هنا دون الاشارة الي كتابها او حتي التلميح الي ذلك وفي ظني ان هذا امر موغل في التحلل من رغبة اعطاء الحقوق الادبية مهما صغرت او قل صداها ففي الختام هي اجتهاد وجهد
يجب ان يحترم صاحبه...
اجد نفسي في غاية الاسف والحرج لمثل هذا الموقف ولكن قناعتي بانه لا يصح الا الصحيح والحقوق
مهما صغرت يجب ان تعاد الي اصحابها الحقيقين...
مرة اخري شكرا لادارة هذا الموقع الذي اتمني له كل التوفيق والنجاح والانتشار
هنا قد تطالعون خيطا كما اورده الاخ العزيز الطاهر عثمان نقلا عن موقع سودانيز اون لاين..
http://www.sudaneseonline.com/cgi-bi...msg=1186697701
|
مداخلة في بوست الحدث ذااتو
http://albrkal.com/vb/showthread.php?t=296&page=2
|
Post: #55
Title: Re: الاسافير دي بقت فيها حرامية ولا شنو ياجماعة..؟؟
Author: رقم صفر
Date: 08-14-2007, 08:33 PM
Parent: #54
سعادتو ، كيف تمشي هناك ، وما تأخذ اذن النيابة ن اسع يجينا القاضي ويرفض القضية لخطأ في الاجراءات .... شفت كيف ؟
|
Post: #56
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-14-2007, 08:46 PM
Parent: #55
| Quote: سعادتو ، كيف تمشي هناك ، وما تأخذ اذن النيابة ن اسع يجينا القاضي ويرفض القضية لخطأ في الاجراءات .... شفت كيف ؟ |
هلا يا جنابو
قلنا نعمل انزال عمودي وهبوط اضطراري في موقع الاحداث
عشان نشوف الموضوع من داخل المياه الاقليمية لصاحبنا...
..
والاجراءت ما تخاف عليها يا معتصم انا في سوي ترتيب واجد زين
|
Post: #57
Title: Re: الاسافير دي بقت فيها حرامية ولا شنو ياجماعة..؟؟
Author: haider osman
Date: 08-14-2007, 09:39 PM
Parent: #1
انتهينا من موضوع بتاع البركل...
دايرين نعرف بتاع سودانيز اون لاين ده منو...
ورونا خبرتكم فى البحث ....
|
Post: #58
Title: Re: الاسافير دي بقت فيها حرامية ولا شنو ياجماعة..؟؟
Author: Mekki M Alhassan
Date: 08-15-2007, 08:16 AM
Parent: #57
يابشمهندس البوست ده ..
يغبيني ما شفتوا ..
لانو السيرفير اليومين ديل بطيْ زي ابو القدح
وبعد اطلاعي عليه وعلي الروابط والمداخلات ..
تعليقي ببساطه...
تستاهل ..
يسرقوق وتتنشل كمان
انت بتحوم كثير كدة مالك في الاسافير دي رايحة ليك
سفه؟
|
Post: #59
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-15-2007, 05:45 PM
Parent: #57
| Quote: دايرين نعرف بتاع سودانيز اون لاين ده منو... |
والله ياحيدر
ده كلنا راجنو بفارق الصبر
عشان المكرسح يشيل العميان ونكرهو ليك البلي ذاااتو
ويا نادوس بالله افصح وليك الامان
|
Post: #60
Title: Re: الاسافير دي بقت فيها حرامية ولا شنو ياجماعة..؟؟
Author: عبدالكريم الامين احمد
Date: 08-15-2007, 05:51 PM
Parent: #59
| Quote: انت بتحوم كثير كدة مالك في الاسافير دي رايحة ليك |
هلا بمكي صديق مدارات النو مور تمباكو اووت
تخيل يا مكي بعد ما خلينا التمباك
وزي ما قلت لصحبك حاتم علي راس كل خرمة اصبحت
امشي علي عمنا قوقل
|
|