حكايات (قوي) الذي مات بالكوليرا في ابيي ..واخريين..!!

عاش طفولة مرحة علي اطراف(نامورة) تلكم البركة المائية الشهيرة التي تحف
اجزاء كبيرة من بلدته ذات الصدي العالي وكثيرة التردد بين اروقة المثقفين ورجال
الحكومات الذين يمهرون الاتفاقات والعهود متحدثين عنها بحماس عالي ولغة جهاد تتيح
لهم حمل السلاح والقتال ودونها القتاد..
وعندما ضرب احد الالغام الارضية التي نصبتها قوات انانيا في ذلك الزمان وبقيت حبيسة
الارض حتي فجرت بعنف يشابه السم الرعاف احدي اللواري السفرية القادمة من صوب
الشمال . في ذلك المكان وجد (جني جداد) ضالته في احدي الاسر المسافرة شمالا ليحقق
حلمه الطفولي الذي كان يراوده كثير بالسفر الي نهايات المراحل التي تصلها تلكم (السفنجات)
والهواستن السفرية التي تتردد كثيرا علي الطريق الرابط ما بين شمال بلدته ويغاول في
احدي تكويعاته اطراف (نامورة) واكثر ما يدهش (جني جداد) وظل حلما يقرع اجراس تمرده
الطفولي كثير هو ذلك (الفتي) الذي لا يختلف عنه كثيرا في الملامح والشبه وتجده دائما
في مقدمة اعلي تلكم (الدابة) المتحركة في منطقة علمنا فيما بعد انها( التندة) ولعله بذكائه الفطري
اكتشف مبكرا تميز هذا القابع علي ذلك السفح المتحرك وعلاقته الوطيدة مع (الهوستن).....ونعود

انهم ملح الارض وصهيل الفقراء وسادة الزمن الردي و وعصرتفكك الحكومات
وانحراف المثقفين الذين ذهبوا للمدارس ذات صباح بعيد ليذهبو بوجدانهم بعيدا ايضا
عن هموم والام هؤلا واحلامهم وشعرهم القذر الذي ينعق فوقة (القمل) والمرقوت يجد
له مسارات امنة في جغرافية تلكم الاجساد البالية الهزيلة التي اضناها ناموس الملاريا
وفيروسات الامراض التي توفر الحكومات لهم الموت بدلا عن امصالها الوقايية..
انها كلامات الزمن الردي وحكاوي الغبش ونقرشة خلف جدران الذاكرة لنسافر عبر المسافات
الي ازمنة وعوالم وحكايات الزمن الردي... الي ملح الارض وحكاويها...

يبدو اننا على موعد لمفاجأه ساره من (كيكى) لسبر اغوار تلكم البلاد العزيزه ..تدفق يا كريم واحكى عن (ابيي) وعن(جامورا) وعن (شقى) (ودواس) ( والدحل) فتلك المناطق الحكى عنها جميل كجمال غاباتها وحنين اهلها من مسيريه ودينكا وشيوخ (نقوك) وعن (جامورا) وسمكها الطاعم..

كرمة البلد

سلام عليك

اول حاجة الاتفاق كان انو عنوان البوست حكاوي الناس الغبش

وليس ابيي وتوزيع ثروة وسلطة واتفاقيات سلام

وما تخمني بكلمة اخريين دي


بعدين انا كيف اكتب عن مهمشي الوسط والشمال

وانت قفلتنا بابيي دي

وحليلك يا ود تمبك

صديقى سليمان قوى gowaالذى اتخذه صاحب البوست قناعا لسبر اغوار ومجاهل منطقه نائيه متنازع عليها بين قوى سياسيه متسلطه عديده انسان يشبه ابطال الروايات العظيمه تحديدا الابله لدوستوفسكى وعرس الزين للطيب صالح فهو بشكله الظاهرى اقرب الى المسخ البشرى يسيل اللعاب من فمه على مدار صحوه وجانبه الايمن شبه مشلول لذا يترنح فى مشيه متخذا من يده السليمه مجدافا يعينه على الحركه وكان فى حينا السكنى بتلك القريه البعيده مثار سخريه للاطفال والكبار رغم ان من كان يراقبه وقتها يدرك الان انه كان انسانا رائعا مليئا بالخير يخدم الجميع فى الاوقات التى لا ينشغل بها احد بخدمه اخر تماما مثل الزين عندما كان يسخره الاخرون لخدمتهم فى الاعراس والحقول نسبه لقوته البدنيه المختبئه خلفه مسخه البشرى اذكر جيدا ان سليمان قوى كان يحمل بمفرده الصوانى الضخمه التى يهيئها تجار الجلابه من ابناء الختميه الذين يذبحون الثيران والخراف ويقيمون ولائم للفقراء فى الليله الكبيره بمولد النبى صلى الله عليه وسلم ويقوم بوضعها امام الحشود الضخمه التى ترتاد هذه الموالد فتراه يقوم بذلك بهمه ونشاط وحب وادهشنى اكثر انه من اكثر اهل المجلد ملازمه للصلوات بالمسجد على مدى توالى الفصول كما اذكر مره جلوس جميع اهل البلده لصلاه العيد الذى اتى فى الخريف وكنا نفترش بروش المسجد التى جلبت من داخله فى الساحه المقابله له وفجاءه انهمرت امطار غزيره بصوره مزعجه فهرب كل المصلين من ساحه الصلاه الى بيوتهم تاركين بروش المسجد فريسه للمطر لكننى دهشت عندما شاهدت هذا المسمى سليمان قوى بسرعه الريح يطبق تلك البروش ويحملها جريا الى داخل المسجد ثم يعود ليحمل غيرها حتى انقذها من التلف والبلل علما انه مصنف مختل عقليا حسب مقاييسنا فمن هو العاقل هو او مجتمعه؟؟؟؟؟

Quote: صديقى سليمان قوى gowa

مرحب احمد في رحاب الاسطوري (قوي) الذي طل علي ساحة الاسفير وهوذلك الفقير القوي الجثمان
المشلول اليد اليسري والقدم اليمين وطيب القلب وشديد الشقاوة والعنف..
وسيكون رمزا لسفر نتمني ان يطول في رحاب هذا المنبر نسافر عبره الي شخوص عديدة تتقاطع
معه في اشياء كثيرة اهمها النبل والفقر والموهبة..
وفي انتظارك دوما,,

Quote: وما تخمني بكلمة اخريين دي بعدين انا كيف اكتب عن مهمشي الوسط والشمال وانت قفلتنا بابيي دي وحليلك يا ود تمبك

مرحب يا خلي
حبابك وحباب ود تمبك
واخريييييييييييييييين مطاطة يا خلي وتسع كل البقاع
ويلا بالله نعال لينا بسيرة ود تمبك وحسن ماكردة الاسطوري
وخلينا هنا بلاش تروح...

Quote: يبدو اننا على موعد لمفاجأه ساره من (كيكى) لسبر اغوار تلكم البلاد العزيزه ..تدفق يا كريم واحكى عن (ابيي) وعن(جامورا) وعن (شقى) (ودواس) ( والدحل) فتلك المناطق الحكى عنها جميل كجمال غاباتها وحنين اهلها من مسيريه ودينكا وشيوخ (نقوك) وعن (جامورا) وسمكها الطاعم..

سلام يا ضحية ود ابوك في رحاب حكايات سيرة ملح الارض وعبرها الي ابيي ومدارات عديدة من ذلك الوطن
السمح وسلام الي مريال باي_مضول_اويل_نان اشويل ..وفال مونيج جانق وكل المناطق السمحة من بلادنا
وكل ملحها الانساني الطاعم..

عبد الكريم جلوس وتربيع في هذا البوست

إذا كنت عبد الكريم صاحب (كمبو الري) الذي أطلعت عليه في إحدى المنتديات

فأسمح لي أن أبصم على إبداعك وروعتك وحتماً (حكايات قوي) ستكون بروعة (كمبو الري)

وإذا كنت عبد الكريم آخر برضو الجواب ظاهر من عنوانو وماجذبنا إلا روعة النص


خليل: أي خليل أنت ـ كرمة البلد ـ وأنا ـ والشوق ـ جيران

أحمد الأمين: رائع ترويضك للكلمات ووصفك حي ويا عزيزي مجتماعتنا أصاب عقلها كثير من الآفات منها الظاهر ومنها الخفي الذي لا يراها إلا عيون حنينة وإنسانية كعيونك


لكم التحية

شكرا ومرحب اخي العزيز سليمان
وحبابك وانت تزورنا ومعك سيرة كمبو الري حكايات سوفيت واخريين
ذلكم الوجع الخرافي وسيطرة اصدقائي النبلاء سوفيت _ كرجول_كاويك واخريين
والف مرحب بك في حكايات قوي الذي مات بالكوليرا في ابيي واخريين..
كمبو الري....حكايات سوفيت واخريين

دخل (جني جداد) عوالم مدينته الجديدة وعشق التمرد وممارسة احلام السفر علي سفح
الهوستن فاكثر من التردد الجرئي علي مواقف اللواري السفرية في اطراف سوق تلكم المدينة
وكان ينظر للذين تم تجنيدهم علي خدماتها (كمساعدية) بكل اعجاب ودهشة وينمي دواخله كثير
بالعمل والسفر معهم الي عوالم جديدة...وخالط ابناء المدينة الكثر الذين لفظتهم مدارسها في مراحلهم الاولي لعدم تواجد الطموح تجاه الشان الاكاديمي واهمال وتفكك الاسر لانغماسها في تفاصيل الحياةو التي صارت اكثر قسوة ومشقة منذ وصول صدي السياسات الاقتصادية التي اعلنها ذلك الحاكم باسم الله الجديد في الخرطوم..

كنا قايلنك عقلت ،بس الحمدلله أنك لسه كويس

ورجعت لي جنك الكلكي.

ألفين سلام وقنطار محبة وتلاته أرادب أشواق.

ليك وحشه ياكرومه وراجع ليك أكيد لما تكتمل

دورة جنونك باكتمال النص.

ممكن نقعد نستمع معاكم لي حكايات (القوي)

Quote: ممكن نقعد نستمع معاكم لي حكايات (القوي)

مرحب يا دكتور
وتقعد وانت سيد ساس وراس ودوما مشرف
ومعا من اجل (قوي) واخرييييييين سنسمع من الود خليل
حكاوي ود تمبك وعبدالمجيد وحسن ماكردة والكثير من ملح الارض

Quote: كنا قايلنك عقلت ،بس الحمدلله أنك لسه كويس ورجعت لي جنك الكلكي. ألفين سلام وقنطار محبة وتلاته أرادب أشواق. ليك وحشه ياكرومه وراجع ليك أكيد لما تكتمل دورة جنونك باكتمال النص.

ياسسسلام والف مراحب يا ابو صلاح
ووينك انت ياراجل يا جميل غيابك طال حقا..
بتمشي وبن يا زول انت..؟؟
ومعكم حتما سيحلو السمر والسفر الي عوالم الجنون
والجن بدونكم ترف وفنجرة بدون طعم وصدي..
والف حبابك في رحاب (قوي) واخريين لنا منهم كل الحب والتقدير

كرمة البلد

نعودلحكاوي الغبش في كل السودان وليس ابيي

لانو ابييي طلع فيها بترول وناسها بعد شوية حالبسو غقالات واقولو ( ايش لونك والسيارة


والدوار وبلادي بلادي)


عبد الواحد احمد شهير باسم والدته ( عبدالواحد ود دار اللقاء)

خفيف الظل .

اختلف مع جاره عوض ( الهينو) حول قطعة ارض تفصل بين بيوتهم

تشاجرا الاثنان معا وتعاركا.

فجري عبدالواحد بسرعة داخل منزله واحضر ( طورية كبيرة جدا)

ورفعها في وجه عوض وقال ليهو


( بتزح من هنا وللا هسع املا بيتكم براطيش)

........






واصل يا عبدالكريم ..... واصل ....

شنو يا رندا حاتم

حكايتي دي ما عجبتك

وللا شنو تقول لي عبد الكريم واصل واصل


عالم حقارة خلاص

جنس سوء ظن فى الناس .... الحمد لله


لما كتبت مداخلتى انت مداخلتك كانت مافى يا خليل ..


بس مستعد للشكل .... صاح

رندا حاتم

معليش ما انتي الرئيس ونحن الرعية

وليس رئيس القوم من يحمل الحقدا

عبدالكريم طالما ارتضيت ان تبعث صديقى سليمان قوى gowa اسفيريامن جدثه الرطب بجثمانه الطاهر لتدهش به متابعيك فانا بحكم صداقتى القديمه له احذرك ثم احذرك ان تذكر طرفا من حكاياته المضحكه مع هرون بشير ورحمه ابكر الذين يشابهونه فى العيش على ساحل المجتمع والحياه..
ثم اعلم ان قوى كان مثقفا عضويا ملتحما بدقه مع كل الاحداث التى تمر بها بلدته ومجتمعه هل تصدق انه كان من الذين ساروا فى تلك المظاهره الحزينه التى انطلقت من دكان ابراهيم الخليفه وطافت شوارع المجلد اثراعلان وفاه الطاغيه عبدالناصر ستمبر 1970 كذلك كان ممن ساروا فى مسيره العوده التى دبرهاوقادها خالك محمدو والتوم النور " كوبا " قائد قوات الجنوب المليشيه التى تناصر الحكومه وتسبب عراقيل فى انجاح سلام نيفاشاالمزعوم تلك المسيره التى هبت عقب فشل انقلاب هاشم العطا وعوده نميرى لسده الحكم قبل ان تقذف به الجماهير الفقيره لاحقا الى مزبله التاريخ فى ابريل 1985 من شاهدتم الى جنب قوى فى تلك المسيره المؤيده لنميرى الكثير من المهمشين بالمجلد منهم العتال العربيد المسحراتى وعازف التم تم الماهر شروم محمد الذى تنسك لاحقا وصار مؤذنا...

الاخت رندا
والوريف خليل
والاخ احمد الامين......سلام جاكم..
وياهو يا خليييييي فوق..

نعود للغبش وعمي عبد الفراج الشهير بتمبك

كان اسمه تمبك ابن اخيه اراد ان يخطب وذهب وفد للتعارف

الجماعة قالو اسم تمبك ما سياحي لازم نسميهو اسم تاني

عشان اهل العروس والبروتوكولات اقترحو اسم عبد الفراج

وذهب الجميع للخطوبة وتم التعارف والخطوبة .

بعد انتهاء المراسم اراد عمك عثمان ان يناديها وصاح بصوت عالي

يا عبد الفراج يا عبد الفراج يا عبد الفراج

لكن عمك تمبك نسي اسمه الجديد ولم يلتفت

وهنا صاح عمك عثمان يا اخوانا الزول دها احسن تخلوهو في ( تمبكتو دي)

عاد خلي وعادت سيرة ود تمبك..
وكلنا ياخلي اخير لينا نقعد في (تمبكتنا دي)

الاغبش الكبير التهامي

رجل لذيذ ولكن منحوس اي واحد خطبها من البنات رفضتو

الراجل اتقعد رسمي وشعبي

فمرة عبد المجيد تانكر وعثمان مشاكل جو سكرانين واقفين لمبة

ففي الطريق قابلهم التهامي

عبد المجيد تانكر قال لعثمان مشاكل

( عثمان عليك الله دسني التهامي ما اخطبني)

Quote: ( عثمان عليك الله دسني التهامي ما اخطبني)

لذيذ ياخليل ياخي
ومادام الكلام جاب كلام..
قوي بتاعنا ده كان شغال جرسون في مطعم بتاع معلم (زير كبير) والمطعم في نص الحلة
المهم المعلم يوم رسل (قوي) السوق وبجاي (لبد) مع واحدة في جقانين المطعم الكرباوي ده
..المهم (قوي) جاء من السوق وداهم ليك معلموا بالثابتة والمعلم حاول يهرششوا ما نفع
قال ليهو نديك قروش ما نفع ..اها يا قوي عاوز شششنو..
قال ليهم اناعاوز نسوي الشغل الكنتو تعملو ده..