اوزونودام.. يوم لاقيت حسين ملاسي وبورداب زي الورد..!!!

اوزونودام
تاتي علي وزن جولات (كوكا دام الشهيرة)
ويمكن ان تاخذ بعض من ملامح نيفاشا تلكم الاتفاقية التي لحقت (غنم زهرة)
ولك ان تضيف لهذه السلسلة (ابوجا1) حتي تاتي الابوجات القادمة...
عاصم ابوبكر ذلك الشاب العالي التهذيب والهمة وصاحب المقولة الشهيرة (ملاسي غريب) وعجيب
تاكدت في ذلك اليوم وعلي كراسي ضاحية(اوزون) الراقية الخفيفة في وسط الخرتوم المليئة بفرنجة
وقوما اتت بهم منظمات (الان جي او) بجانب ناس من اهل السودان (نضاااف) وبلمعوا لمع السنين...
قيل في الهاتف بان الحضور سيزدان
بالرائعة حقا والزولة الفاهمة الدارسة الكتاب (نادية السر)
والاخت ذات القلب الذي يرسل طيبة ودعاش موغل في السهل الممتنع (اشراقة حيمورة)
ثم الفتي صاحب الابتسامة والعقل الراجح صديقي السموال بدرالدين
ثم الاخ العالي الهدو والرزانة ازهري
بالاضافة الي البورابي (ابوصلعة) العجيب والغريب منعم سليمان ....
هذا هو النصف الاول من الخبر وسيرة تلكم الليلة المليئة بحديث البورداب وسيرة سودانيز اون لاين
التي لاتمل...
والنصف الثاني من الامر يبداء بحضوري برفقة ابن خالتي الجيلاني ذلك الشاب الصامت ولكنه عالي الذكاء والحضور ومتابع جيد لامر المنبر ويعلم كل خبورات الحروب الاسفيرية واشهرها الحرب التي اعلنت علي حسين ملاسي...
الذي يكاد يجزم المرء في ذلك اليوم بان الذي اتي في ذلك اليوم ليس هو بحسين ملاسي حقنا بتاع المنبر ده...ونشطت الديكارتية في داخلي وذهبت الظنون والشكوك بان ناس عاصم ديل (لملموا لي حلبي)
من طرف وقالوا لي ده ملاسي
فالامر فعلا غريب وعجيب والحق يقال بان الرجل كان في غاية اللطف والوداعة وتحتار ذااتو
وتسال روحك ياربي ده ملاسي ولا بورداب وبوردابيات الخرطوم ديل بتاعين (مكنات) ومقصات ..
ونواصل في سيرة اوزنودام...وسيرة بورداب الخرطوم ..

كل الدهشة لم تكن في جانبي بل في قريبي ذلك المتابع لسودانيز اون لاين جايب الخبورات...
فكان اول الاسئلة عقب خروجنا من اوزون...
يا زول انت متاكد ده حسين ملاسي؟؟؟؟؟
معقول ده حسين ملاسي..!!!
ياااهو ذااتو تخيل..الزول العامل فلقة اسفيرية ومساكك الناس وانا حرق دمي سنة ونص
وعمل لي سافوتة اسفيرية وشبكني (كارفورد وكارفور) وطلعني علي اخر عمري حفاظ عناوين كتب وماعندي حاجة وقاعد ام فكو..
ده كلو يا يا قريبي طلع من الزول الاحمراني القبيل داك ..
..ردد قريبي بانني زول بتاع مشاكل وبكون رازيت ملاسي الوديع ده ..!!
فقال يا زول مستحيل الزول القبيل الانا شفتو ده يغلغل زول ويجوط اللعب ده زول هادي ومسسكين
الغنماية بتاكل عشاهو..
قلت ليهو يا زول هوووي وراء السواهي دواهي..
وعاصم فعلا صاحب مقولة شهيرة وخالدة هي (ملاسي زول عجيب وغريب)..

Quote: ونواصل في سيرة اوزنودام

عبد الكريم عليك الله واصل ...ما واصل ود الدكتورة العزيزة إشراقة الذي تفوق ..لا
إستمر ..وسريع ..سيرة حلوة..ونحن في الإنتظار ..

بشير

Quote: عبد الكريم عليك الله واصل ...ما واصل ود الدكتورة العزيزة إشراقة الذي تفوق ..لا إستمر ..وسريع ..سيرة حلوة..ونحن في الإنتظار

سلام يا بشير ومرحب
وكل التهنئة لواصل وعقبال لبتي مرافي
وحنواصل سيرة الاوزنودام وسيرة الرائعين حقا في الخرطوم
بجانب سيرة العجيبين وغريبين في الخرطوم

فلاش باك..
قبل الدخول الي ساحة الاوزون ونحن في مدخل محلات شارب الانيقة
قال عاصم ياهو داااااك ملاسي جاااي..!!!
فهنا صحت وينووووووووو؟؟؟
وقلت في نفسي ياربي الواحد لو كان (غشي) مايو او كرتون دار السلام او اي سوق بتاع اخوان
من طرف واشتري ليهو (قرنوف) مش كان نفع حسع

وصل ملاسي او الرجل الذي قال عاصم انه ملاسي هاشا ومرحا وهو يحمل كاميرا
وبعد حق الله وبق الله سرنا لمسافة لا تتعدي الخمسون مترا الي حديقة اوزون التي بدات لي ايضا
هي الاخري عجيبة وغريبة لقد كانت كل الاشياء في تلكم الليلة عجيبة وغريبة...
واول الاحتياطات الامنية الكريمية هي قفل اللعب من تلكم الكاميرا الملاسية الشهيرة
والباقي هين.(ولو حصل اي كاسوري الباقي هين) ود خالتي عضالته تبش وقادرا علي الاستريت فايتنغ

خمسون متر ونيف كانت كافية لادارة حوار داخلي ..
والدخول في جلباب كابوي والتوقف مع حسين في قارعة الطريق وفي نص الزلط..
وتقول ليهو يا زول هوووي تعال هنا بلا بورداب ولا يحزنون شنو يا زول انت حركاتك وحقارتك البتعمل فيها في الاسفير دي..وشنو عامل لينا جوطة اسفيرية وكل يوم (كرو كرو في راسنا) وكمال الجزولي
وشنو كده ماعارف..
وكنت عاوز اقول ليهو مش انت شابك كمال الجزولي بتاع بنيات وعضلات اها ملاسي الليلة انا كيكي الجزولي ذااتو وتعال ندورها هنا ونشوف البحصل شنو خلينا من الاسفير و نضال الكي بورد يلااا تعال يازول 0(مان تو مان)..
لكن دعاش الجلسة ومرح الجميع واجواء الالفة اغتالت الكابوي الشراني داخلي ونفد ملاسي من خناقة ليها ضل (حرم الاحتياطي المركزي) ما يفرتقها كان

يا باشمهندس كيفنك

والله انا برضو لمن قابلت ملاسي بالرغم من انه لم ادخل معه في مناكفات
بس قريت مناكفاته مع الجميع
احترت عديل كدة
الرجل يملك كما من الود لا يتصور
وعلى استعداد لان يستمع اليك حتى ولو طول العمر


التحية لكما

مسكين أنا و للا مسكين الجاتوه!!

Quote: احترت عديل كدة

سلام يا طارق
وانا ذااتي محتار وراسي جايط
تفسيري الوحيد انو ناس عاصم وسموال ونادية السر واشراقة ومعاهم ازهري ومنعم سليمان
غشششششوني....الزول داك ما ملاسي لا حاجة يا زول

Quote: مسكين أنا و للا مسكين الجاتوه!!

مسكين انا يا ملاسي
لاني من الليلة ديك خاشي في جدل فلسفي
وجدلية
الزول داك ملاسي ولا ما ملاسي؟؟
...
...
يا زول انت جيت اوزون اليوم داك ولا ما جيت

Quote: الرجل كان في غاية اللطف والوداعة وتحتار ذااتو وتسال روحك ياربي ده ملاسي ولا بورداب وبوردابيات الخرطوم ديل بتاعين (مكنات) ومقصات ..

..

Quote: ده زول هادي ومسسكين الغنماية بتاكل عشاهو..

....
والله يا كيكي لقيتك خفــيف جــدا..
ياخي انــا منتظر اللقاء ده بي فارغ الصبر .. تمشي تعمله لينا ( تطبيع ) في أوزون ..؟
ويوم الجمعة 6 يوليو 2007 تجي تكســر تلج لي حسين ملاسي أونلاين ..؟ إنتو أوزون دي فيها شنــو اصلو ..؟
بلاي حسع كلامك الفوق ده ياكيكي في زول نصيح كدا بكتبو..؟
ياخي وداعة شنـو .. الزول ده يقول ليك كارفورد .. تقول ليهو وداعـة.. ياكيكي .. وخمسون متر ونيـــف ؟
انا كنت مقتنع أنو عاصم ده غريب وعجيب ..
لكن حسع يا كيكي بقيت إنت ذاتك عجيب وغريب ..

والله ما فاضل يا كيكي إلا تعملوا إنت وصلاح عبد الله جمعية صداقة مع ملاسي..

Quote: انا كنت مقتنع أنو عاصم ده غريب وعجيب .. لكن حسع يا كيكي بقيت إنت ذاتك عجيب وغريب ..

سلام يا تمبس
وفعلا يا تمبس انا ذااتي من اليوم داك بقيت غريب وعجيب
لانو بصراحة فشلت في اني اثبت لحدي الليلة لروحي انو الزول الجابوهو بورداب الخرطوم ده
ملاسي ولا زول (غير)..
واوزون (زي راجل المرا) يا تمبس حلووة جنس حلاااا لكن تطبيع مع ملاسي مافي وكل شي محلوا
لاني بصراحة ما مقتنع انو الزول داك ملاسي لحدي ما اطبع او لا اطبع معاهو

كيكي ..

حمد الله علي السلامة ..

Quote: الذي اتي في ذلك اليوم ليس هو بحسين ملاسي حقنا بتاع المنبر ده

Quote: فالامر فعلا غريب وعجيب والحق يقال بان الرجل كان في غاية اللطف والوداعة وتحتار ذااتو

Quote: (ملاسي زول عجيب وغريب)

Quote: ده زول هادي ومسسكين الغنماية بتاكل عشاهو..

يا كيكي .. الآن ، والآن فقط أعلن أنني لن (أسك) ملاسي ولو فعل معي ما فعل ..
ولن أطاردو في أي (لفة) ، وعتقتو لوجه الله ..
بعد الكلام الفوق ده ، تأكد لي أن هذا الرجل (في ذمتي) حتى يشفى ..
بالله الزول عندو (شخصيتين) ... اللهم يا شافي نسألك الشفاء لأخونا حسين ..
اللهم أغفر لي مشاكساتي معه، ومطارداتي له ..
والله أنا ما كنت قاصد !!
حسين تعال عليك الله أعمل معاي أي حاجة ، عشان ما أحس بالذنب ..
والله يا بورداب الخرطوم بالغتو ، ياخ ما كان تكلمونا من الأول ..
حسين ده زي ما هو أخوكم برضو أخونا نحن كمان .. على الأقل كنا ساهمنا معاكم ..
غايتو دي حركة ما جميلة منكم والله ..
ما مشكلة .. الكشف عند منو؟؟

Quote: ما مشكلة .. الكشف عند منو؟؟

بس كدا كويس ..
أهـو صلاح عبد الله نفض ايدو من مسالة جمعية الصداقــة دي ..
باقي إنت يا كيكي .. كل ما كتبته هنــا .. وما تكتبه هنــا سيستعمل ضدك.. من حقك أن تستعين بمجموعة دفاع .. لحدي الآن عندك فرصة .. ( تلحس ) تلجك المكسرو فوق ده .. بارك شفته الزول ده كتب شنـو

Quote: مسكين أنا و للا مسكين الجاتوه!!

ولســه ..
ما تقدر تتوقع الراجيك في الشظــايا شنــو

تراجع يا كيكي انــا زول بحبك وتهمني مصلحتك

يا تمبس عليك الله هسع في زول (عيان) بيشاكلوه؟؟
وبعدين صداقة مع منو يا خوي؟؟
أنا يادوب عرسّت ، وعندي بنية كلام ما بتعرف تتكلم، أقوم أدخل نفسي في (صداقات)
مع ناس (معذورين) كان كتلوك الحكومة ما تسألهم !!!
مالي ومال الشِبَك ؟؟
والله لو ما عرفت الزول ده (عيان) كان تشوفني فاتح وراهو كده ، الا القضارف..
تصدق أنا شاعر بالذنب .. هسع الناس يقولوا عليّ شنو ؟
كلو من بورداب الخرطوم ديل ، الله يسامحهم بس ..
المهم الكشف ما عرفنا لغاية الآن عند منو ؟
وح يتعالج في السودان والا مسفرينو بره؟؟
أفيدونا أفادكم الله ..(وشفى مرضاكم)..

Quote: وبعدين صداقة مع منو يا خوي؟؟

والله يا صــلاح ما فضـــل إلا عصــام جبر الله بس


غايتو عوضنــا الله فيك ياكيكي ..

Quote: يا كيكي .. الآن ، والآن فقط أعلن أنني لن (أسك) ملاسي ولو فعل معي ما فعل .. ولن أطاردو في أي (لفة) ، وعتقتو لوجه الله ..

لالا يا صلاح
قرارك ده ما سليم
لانوا افاداتي هي ذااتها فيها شكك ولاترقي لدرجة الشهادة الكاملة
1- انا شاكي انو الزول ده ملاسي ولا ما ملاسي
2-الاوزونية الشديدة المفاجئة ليها اثر في القصة الاوردتها انا دي كلها
3- الراجل رجع كما كنت وجاب لي صورة(وانا لاهط لجاتوه) رجعتني لمربع صفر تاني
فواصل يا ابو الصلح والضرب ركب ممكن كيكي يكون مشي الكمبو اثر وعمل ليهو منخوليا في اوزون

Quote: مسكين أنا و للا مسكين الجاتوه!!

والدليل آلولو ...

Quote: وصاحب المقولة الشهيرة (ملاسي غريب) وعجيب

Quote: بالاضافة الي البورابي (ابوصلعة) العجيب والغريب منعم سليمان ....

اذن : حسين ملاسى – بتاع نميرى- = منعم سليمان - بتاع الترابى -

اذن

يا كيكي

انت رجل عجيب وغريب








اذن ياعاصم

ملاسي + كيكي =رجال عجيبون وغرباؤن

Quote: اذن ياعاصم ملاسي + كيكي =رجال عجيبون وغرباؤن

هووي ياطارق
الزول ده غريب وعجيب برررراهو
انا ملاسي ده السيل ما يلمني معاهو
واوزون دي لو جابوها في دوار الكتب في الدوحة تاني مشي ليها (نهييييي)

اذن : حسين ملاسى – بتاع نميرى- = منعم سليمان - بتاع الترابى -
لا يا معتصم القصة كالاتي
ملاسي (اسفير) -ملاسي(اوزون)= ملاسي(غريب وعجيب)
منعم(ترابي) +منعم(لسان فاكي في السهلة= منعم(غريب وعجيب)
اذن
ملاسي +منعم=عجيب وغريب - اوزون - (صلعة منعم)
والله اعلم

لا



للتطبيع ..





و يقول لى شنو ؟

انا كيكى

وبجيب معاى ودى خالتى

وانت زول مسالم

وأقول ليك الزول دا بتاع كميرات ساى : تقول لى انت غلطان ..


طلعت انت بتا مكنات ساى ...

Quote: و يقول لى شنو ؟ انا كيكى وبجيب معاى ودى خالتى

.. يا هندسـة أنــا غايتو ما عارف أوزون دي ( بيشربو ) فيها الواحد شنــو ..؟
لكن مبدئيا كدا .. مفترض تراجعـوا ( ذمم ) ( كوادركم ) القاعده تمشي الخرطــوم ..
يعني بي وضوح أكتر:
( الكـادر ) بعدما يجي من الخرطوم تعملوا ليهو غسيل ( معـــدة ) بي حاجة ( كويســة )..



ملحوظــة:
يا بورداب الخرطوم إنتو أوزون دي بتسقو فيها الناس دي شنــو ..
غير موية السكـــر تاني في حـاجة يعني ..؟
واحد المرة الفاتت مشى اوزون جا كتب عن الحسنــاء والذي احبهــا ..
( كيكي ) الليلة من الصباح عامل لي خلل في الجينات الوراثية


يا كيكي:
ياخ إنت ( ود ســوق ) .. الكلام ده ما دسيس

Quote: مسكين أنا و للا مسكين الجاتوه!!

مسكينة المعلقة

عليهو العوض و منو العوض فيك يا كيكي ..

إنت مش قلت ما عندك حاجة في الخرتوم غير بس الحتة التحت أضانو الحمرة ديك .. ؟؟
و بالجنبة كده .. تخش ليهو واحد هوك راضع لبن أمه ؟؟؟
تقوم تجيب ليها حنكشة و جاتوه و رقاد واطـه ؟؟؟؟


عليهو العوض .

Quote: إنت مش قلت ما عندك حاجة في الخرتوم غير بس الحتة التحت أضانو الحمرة ديك .. ؟؟ و بالجنبة كده .. تخش ليهو واحد هوك راضع لبن أمه ؟؟؟ تقوم تجيب ليها حنكشة و جاتوه و رقاد واطـه ؟؟؟؟

فعلا يا عماد علي (الاود)
وموضوعي بقي بايظ لقد حصل لي استلاب اوزوني حاد واستقطاب اسفيري بوردابي خرطومي
حسيني ملاسي مخلوط بجاتوه كيلة وملوة اخوك لهط منو لمن امن ذاااتو..(لقد ذهبوا الي فكي يا عماد)
...
نصيحتك كانت قيد التنفيذ واخوك جاهز موية ونور والهوك مسخن منتظر ضربة البداية
كنت افرطقوا ليك اسبيرات لحلب بحري ما ينفع....
لكن يا عمدة جااني زول طيييييب ومسسسسكين دخلني في شكك وقلت ياروحي اكاسر لي زول
ويطلع ده ما ملاسي اودي وشي وين مع البورداب...

Quote: مسكينة المعلقة

شنو يا زول هووي شايفني (كلجين) ولا شايفني بتراجف (وش داير مشاكل)..
...
قالوا في واحد مسطول شاف ليهو واحد عجوز بتراجف وبياكل ليهو في جلي(الجلي برضو بتراجف)
فقام قال للعجوز شنو ياحاج
انت بتتراجف والجلي بتراجف جننتوا المعلقة جن..
..


فكدي جيب نفس يا ود البكري من ام كرت دي

Quote: ياخ إنت ( ود ســوق ) .. الكلام ده ما دسيس

تقول شنو يا تمبس
انت حصل ليك خلل في الجينات
انا حصل لي منخوليا في التعاطي الاسفيري واعراض مرض الغريب عجبية
وحاسي ان بديت اكجن قوي اليسار عموماواعراض حب فجائي لصلاح غريبة

Quote: و يقول لى شنو ؟ انا كيكى

تقول شنو يا ريس
لعن الله عاصم ومنعم واخريين
هوو انا ذاتي بتاع اوزون ولا بتاع اوزون
الوداني شنو ذااتو ماعارف

أوزونكم مقدود ..
فيهو قد بيجيب الهوا ..
و الهوا بيجيب الطراوة للراس ( راسك المدوقس ده ) .

أنا ماشي الخرتوم ..
و ما معانا أوزون ولا منعم ولا جاتوه ولا طيارة ..
معانا كَسِر لليفة .



و كدي خليهو يطلع في النهاية شبيه صدام حسين ..
( منعم شرّبك حاجة صفرا كده ؟؟؟ ) .

Quote: و كدي خليهو يطلع في النهاية شبيه صدام حسين .. ( منعم شرّبك حاجة صفرا كده ؟؟؟ )

صفراء شنو يا عمدة ياخي
ابوصلعة ده انا مشيت بيت معاهو مرة واحدة
تاني يدوني مليون فرنك ما بمشي ليهو..
الزول ده يا عمدة جاب ليهو حاجة بيضاء كده في قزازة موية الصحة النص كم ديك
وشرب منها براااهو
الليل كلو تماهو ابوشهيق
هك هك هك
لحدي ما اصبحت (حماني النوم ذاااتو).
يامنعم انت مالك؟
هك
يا بوردابي ندويك الطواري ؟
هك
يامناضل كي بوردي مالك؟
هك
هك هك هك
لحدي ما اصبحت الخرطوم علي جنح الدجي

لكن عماد غير

عماد دا ود ديامي وشفت

ولما يجينا

اناال ح اشرف علي المسائل

اها ياحسين

نزل بوستات اعتذاراتك بسرعه

المسأله خشو فيها الديامه

وح يكون في دعم لوجستي

من ابوساندرا

قت شنو؟؟

Quote: ولما يجينا اناال ح اشرف علي المسائل

انتو السبب يا طارق (وجه باكي)
لقد تركتوني لمنعم سليمان يبعني في ساحة اوزون
ويجعلني اكل نيما في حضرة ملاسي ولا شبيه ملاسي ماعارف والله

لا للطبيع مع ملاسى
لا تطبع ولو منحوك الجاتوه
لا ياكيكى منعم أب كديرات سواها مع الترابى
تجى انت تسويها مع سى ملاسى الاكثر سوء من الترابى
واذلاك ... يا لعيال عبدالله



تنهدات: كامل الإجلال للحضور تلك الامسية وملاسى غير معنى بهذا الاجلال

Quote: لا للطبيع مع ملاسى لا تطبع ولو منحوك الجاتوه

معقول يا البدر انا اطبع ما ملاسي
انت يا زول بيروت دي جاطت ليك راسك ولاشنو..
الضرب سيظل ركب وكل شي كما كنت يا بدر
انا بس قلت
الزول الجابوا ناس عاصم وغشوني بيهو ده مسسسسكين ووديعوني

يا جماعة .. يقولوا ليكم تور ، تقولوا أحلبوه؟؟
هسع كيكي (المسكين) ده ذنبو شنو ؟؟
كلكم قايمين في كيكي ، خاصة تمبس وعماد عبدالله ..
أخونا العزيز حسين ده عيان ... عياااااان يا جماعة
تقوموا تقولوا لكيكي غشوك وشرّبوك ، وصدمة ، وسووا ليك ، وما دقيتو مالك ؟؟
أنا لا أقبل في حسين ده أي حاجة (بعد كده) ..
فالراجل ده في ذمتي ، مش قالوا المجنون حتى يفيق؟؟
أول حاجة ح أعملها بعد ما أمشي السودان ، أقابل حسين ، واعتذر ليهو
(ومن ثم)أشرع في إجراءات علاجو ، في الداخل أو الخارج ..
وملتزم بكل التكاليف ..
وانتو يا بورداب الخرطوم خليكم في (تقاطيمكم) دي ..
هسع لو اتكلمتوا من زمان كنا كلمنا تاج السر الملك ده ما يرد على ملاسي ..
فاتح ليهو بوست بتاع (شَكَل) معاهو ..
خلاص خلى كمال الجزولي (وصاحبو) وفتح لي عماد عبدالله ، وجماعتو ، وقبّل على السر ..
الله يستر ..

سؤال : إنتو (الشيزوفرينيا) دي شنو؟؟

Quote: تقوموا تقولوا لكيكي غشوك وشرّبوك ، وصدمة ، وسووا ليك ، وما دقيتو مالك ؟؟

والله ياصلاح انت ما تقول الا الحق..
الناس ديل بلعوني كلامي كلو وطلعوني عبدالطبيع الديمقراطي
عماد يقول ليك دقوا هوك فرطقوا صواميل
وتمبس داقي لي نوبة مطلعني فاره وكجنقو جورو
هووو انا ادق منو ولا شنو ذاااتو
الزول الانا لاقيتو ده مافي دليل قاطع انو ملاسي
ولو بقي ياهو ملاسي انت ياصلاح من بكرة بالله علي الخرطوم(سيدا)
وسووي ترتيب بتاع علاج (هجين) زيو وزي القوات الهجين

يا كيكي ..

ما عليك ، نحن مقدرين الموقف تمام ..
القابلتو في أوزون ده حسين ما زول تاني ..
لكن طبعاً الراجل عندو (شخصيتين) ونحن بالذات لازم نعالجو يا كيكي
لانو نحن (مداقرينو) في اي مكان يمشيهو ، وده أقل واجب نعلموا معاهو..
بالله الواحد بالغلط جاب سيرة كمال الجزولي قدام حسين ده ، قام جرى فتح ليهو بوست عنو..
الزول ده (بالطريقة) دي ح يحرجنا مع الناس ..
ياربي (نحجر) عليهو والا نعمل شنو؟؟

ما قلت لي (شيزوفرينيا) يعني شنو ؟؟

سلام يا ابو صلاح
وفعلا كما تكرمت باني الزول الشفتو هو ملاسي
وانا قاعد اورد المفارقة في اطار الفرق الظاهر ما بين الشخصية الاسفيرية
والواقع وحسين حالة جديرة بالتامل وتجلب الدهشة..
ومهما تحدث الاخرون يبقي يا ابوصلاح قمة التجربة هي من تقودها بنفسك
ثم الشجاعة والصدق يقتضي تناول كل جزئياتها بكل جراءة ودون تردد

....

Quote: ما قلت لي (شيزوفرينيا) يعني شنو ؟؟

ياهو جنس البسوي فيها ملاسي دي ودخلنا معاهو في زمرة الغريبين العجيبين

منه العوض وليهو العوض.. اتاريك عشان كده تتزاوق من ملاقاتى ولى هسى مالامى فيك وامس ماجيت عند بدر الدين الامير انا من اخبارك انقطعت فى الخرطوم عرفتك انفزرت ورقدت وااااااطه ..بعدين صاحبك منعم سليمان ده يكون باعك وقبض الثمن ..انا عصام ابوبكر حامد ده ماعندى فيهو كلام وخاصة قالو هو مكن الجماعه الماوقعو فى ابوجا لكن ساقك كيف توقع مع ملاسى.. طيب ماكنت تسوق معاك بقال..



تانى دينقا بى عينك ماتشوفها

طيب ماكنت تسوق معاك بقال..
شنو ياود ابوك معقول صحبك بطبع ويوقع انت يا ضحية كلامك ده اعوج وتفه عليك الله...
وتعرف يا ضحية انا اجازتي دي بايظة بوظ شديد
لاني المطلوبين بتاعني
1-ملاسي
2- بقال
3- تبلدينا
ما لميت الا في زولك العامل زي نملة السكر داك
بقال قالوا خامج السوق في دارفور وبقي ناظر كبير
وتبلدينا ما خبر ليهو بكان
والحمد الله الما لاقيت ال2 ديل كان جبت ليكم دية ساكت

يا جماعة حسين ده مشى وين ؟؟

فتشوا عليهو بالله وورونا خبرو ..
أنا كان مال ومال كده ، قال في ذمتي قال ..
هسع تحصل ليهو حاجة يجوا يحاسبوني أنا ، مش أنا قلت هو في ذمتي؟؟
بالله يا حسين أظهر ياخ ، وبطل الحركات دي ..

كيكى

دا حالتو فى اوزون امال
لو ودوك قندهار
حالتو ما شربت الاسبرين

Quote: لالا يا صلاح قرارك ده ما سليم لانوا افاداتي هي ذااتها فيها شكك ولاترقي لدرجة الشهادة الكاملة 1- انا شاكي انو الزول ده ملاسي ولا ما ملاسي 2-الاوزونية الشديدة المفاجئة ليها اثر في القصة الاوردتها انا دي كلها 3- الراجل رجع كما كنت وجاب لي صورة(وانا لاهط لجاتوه) رجعتني لمربع صفر تاني فواصل يا ابو الصلح والضرب ركب ممكن كيكي يكون مشي الكمبو اثر وعمل ليهو منخوليا في اوزون

في تقديري...هو حسين ملاسي...بس انت الطلعت ما كيكي..

تلحس في الجاتوه وما عارف تحت الجاتوه في شنو؟

Quote: أوزونكم مقدود .. فيهو قد بيجيب الهوا .. و الهوا بيجيب الطراوة للراس ..

اوزوندام حاجه تمام...

سامع تحت تحت كده انو كيكي تم الاتفاق معه سرا

علي انشاء جمعيه صداقه بوردابيه _ ملاسيه

بتمويل مشبوه غلي ان تبدأ نشاطها سرا في الايام القادمه

بالتغلغل في الوسط البوردابي واشاعه الثقافه الملاسيه فيه

تمهيدا للتطبيع الكامل مع الكيان الملاسي

ووفقا ل الاندبندنت الاوزونيه ان اي مكان يبدأ ب الاوو يحتوي

علي انه مستقبليه اوزون _ اوسلو والكثير من الاوووات التي

تحاك فيها مؤامرات التطبيع المطبوخه

ان ا لشعب البوردابي البطل لن تنطلي عليه مؤامرات العدو التي

تسعي للتطبيع التدريجي مع الكيان الملاسي بدءا ببعض العلاقات التجاريه

الرمزيه حيث تم ضبط بعض تصاديق الاعفاء الجمركي مع العميل كيكي

ويتم الترتيب لعقد لقاء بينه وكتله النميريين داخل البرلمان

بتمويل سعودي امريكي مصري وقالت صحيفه احرنوت ان ذلك تم بالفعل

واصل الامين

بالله ؟؟؟

Quote: احرنوت

أحرونوت ذاااتا ؟؟
يا طارق الموضوع ده وسع ..
جابت ليها كمان " تسديرة " : يدعوت أحرونوت ؟؟

كيكي بقى بتاع حركوت ..
مش يطبّع وللا يلبّع ..
نو ملاسوت يعني نو ملاسوت ..


قطعوت ناشفوت من طرفوت ..
و داون داون يونس إيه .

Quote: كيكي بقى بتاع حركوت .. مش يطبّع وللا يلبّع .. نو ملاسوت يعني نو ملاسوت ..

يا عماد نو ملاسوت شعارنا ومافي تنازل عنه
لكن انتو ما فهمتونا
حتت
نو ملاسوت ونو جاتوت ونو اوزونوت ياهو حسع الاختراق حصل والقصة جابت ليها
تطبيعوت وابتساموت

بالله يعني الشكلات ديك كانت بالجد!!!؟؟؟...وانك انت وملاسي ولاد عبدالله
ما لاعبننا راس وضاحكين على المنبر...
(وش مخلوع)

Quote: بالله يعني الشكلات ديك كانت بالجد!!!؟؟؟

امال اييه يا بيان
كلو جد مافي هزار ومافي تطبيع ذاااتو
وانتي خلي موقفك واضح وصريح من المعارك دي
عشان انا بعد اشاعات التطبيع الحصل ده بقيت شراني خلاص يا بيان

Quote: العميل كيكي

ياطارق
عميل يازول
عميل ومرتزق وكمان موتمر وطني جناح (فاولينو ماتيب)

Quote: اوزوندام حاجه تمام...

شهاب سلام
اوزوندام فعلا جاتوه تمام
لكن تداعياتها ابدا ما تمام..
قوي الرفض الاسفيري مسيطرة وخطابها عالي الصوت وسيتم سحلي علي قارعة الاسفير

Quote: ...بس انت الطلعت ما كيكي..

لا يانزار
ده انا كيكي ونص وخمسة
لكن مشكلتي كانت ارض وجمهور

Quote: دا حالتو فى اوزون امال لو ودوك قندهار حالتو ما شربت الاسبرين

انت عارف يا تيتاوي الناس ديل اذكياء وناقشين اللعب
عشان كده ودوني اوزون وخلعوني بالبهرجة ونالوا مني
لكن لو طرفوا ومشوا(قندهار) و الكراتين في اطراف المدن
كنت ح اكون في ملعبي ووسط جمهوري وقريب من طرمبات الضخ
كان الكاسوري حيدور بدل الجاتوه وحسين يحلو الحلا بله

Quote: يا جماعة حسين ده مشى وين ؟؟

ابو صلاح بالله ماتسالني من الزول
انا حدي معاهو كان في اوزون وبعدها كل زول ياكل نارو..

بااااااااع

قال شاعرنا لبط ابن ربط:

لا تهادن

و لو ساقوك الاوزون ...

اترى لو بشتنتك

و اكلتك جاتوه

خلاص القصة انتهت؟

تلك اشياء

كيف كيف كده ما عارف


تنابس:

Quote: والله يا صــلاح ما فضـــل إلا عصــام جبر الله بس

عصــام جبر الله زاتو تانى ما بصاحب ساكت، مع البيع ده الا العاوز يصاحب يدفع هلل مقدم ....

كيكي الجزولى:

جبت الكلام للجزولاب ... بيعتك رخيصة يا بطينى

طارق:
صورة ال"...." دى فكنا منها،تتراشق كدة ... البسمة الكرباوية دى عملتها كيف؟ وش و راس زى كبدة الابل ... حجر مسن

الصاحب::

Quote: جابت ليها كمان " تسديرة " : يدعوت أحرونوت ؟؟

ال"أحرونوت" مصيرو الموت .....
حرنى و حرنك دخلو الحرناتة ... حرنى حرن حرنك،يقدر حرنك ...الخ

Quote: كيكي بقى بتاع حركوت .. مش يطبّع وللا يلبّع .. نو ملاسوت يعني نو ملاسوت

من خلفكم ونشد اى حاجة ...

القلقالة تحذر كيكى للمرة الاخيرة

يعنى الواحد لو عاوز يقابل ملاسي ... الا يشوف شهادة البحث بتاعتو ...

و ياهو ده الحال ... لانك سودانى

بااااااااع

والله يا ناس الدوحة عليكم افلام..
شغالين في ود الخالة القرف
وانا قايلاكم بتهظرو معاه...
وانتو جادين؟

و لا يهمك يا بيان .. ديل راس مالهم نفخة!!

Quote: لا يانزار ده انا كيكي ونص وخمسة لكن مشكلتي كانت ارض وجمهور

وأكيد خسران...

بس لازم تزعل نص نص

انا قبيل شن قلت
ماقلت الطير
بياكلنا
ما قلت ليك
بتمشي وتلاقي ملاسي
وبتجر واطي
وتقول لي ياسلام
لكن كلام الثمين مابتسمع
لانامت اعين الجبناء البمشو وارجعوا
وما يقولو لي زول
انو نحن جينا

Quote: بتمشي وتلاقي ملاسي وبتجر واطي وتقول لي ياسلام

هلا بالسني
وقايلك يازول مشيت بلد الخواجة جون تاريك لسع متحاوم من دوار لمسرح
بت (اب رز) بتسلم عليك وقالت ليك الرقشة عدادها بقي ما بغطي
..
مشيت وجيت وقلنا بس ملاسي ده زول الغنماية بتاكل عشاهو
لكن يا سلااام دي مافي ليه طريقة يا السني

Quote: بس لازم تزعل نص نص

زعلان يا نزار زعلان

Quote: و لا يهمك يا بيان .. ديل راس مالهم نفخة!!

دي ياحسين حركاتك البتخلينا حسع
ندور في سيرة العواميد المبرقعة
وفي سيرةاللغة الجائعة
وفي سيرة مقدراتك بتاع تمييع الصراع
وفي سيرة المايوية الشديدة المفاجئة
وفي سيرة الشظايا التي يحثت عن قاري لها في السودان فلم اجد..!!!

Quote: ديل راس مالهم نفخة!!

وانت نافخ كير

Quote: بااااااااع

اوووووووووه
قادة قوي الرفض الاسفيري وطليعة محاربي التطبيع
بل راسك يا صحبي ساكت وجهز معلقتك فان الجاتوه في انتظارك...
انا شفت لستة المطلوبين للتطبيع (اسمك وش يا مان)
...
...
كلام علي جنبة كده
جنيت انا ولا عاضيني (ابقدح) يا عصام عشان اطبع مع اكبر مرجف في تاريخ الاسافير العربية
والافريقية كدي قول لي (جنيت انا) ولا الحصل شنو؟؟

مخولتنا يا كيكى ..
انا كنت ناويه لما امشى السودان اول حته امشيها اوزون ..
لكن بالطريقة دى .. لا ثم لا والف لا ..
نحيا ونموت بدون جاتوة ..

ملاسي .. أخيراً ظهرت ؟؟
والله شيلتني هم !

Quote: لا يهمك يا بيان .. ديل راس مالهم نفخة!!

أنا عارفك طيعاً قاصد حرف الحاء بدل الخاء في كلمة (نفخة) والمقصود (نفحة) سخية من الأموال..
ما مشكلة ، أموال ، جاتوه ، أ حاجة مقبولة.
بس أهم حاجة ان شاء الله صحتك تكون كويسة؟؟
أنا جايي آخر الشهر السودان ، وطوالي ح أبتدي معاك (العلاج).
صحتك ما عاجباني اليومين ديل ، مرة تاج السر ، ومرة كمال الجزولي .. الحالة قايمة عليك ، والبحر قام.
بقيت زي (صلاح الطير) ما يقوم جنو الا البحر يقوم ، ما مشكلة العلاج ساهل ، بس انت طوّل بالك.
يا بيان ،، إزيّك ..

Quote: والله يا ناس الدوحة عليكم افلام.. شغالين في ود الخالة القرف وانا قايلاكم بتهظرو معاه... وانتو جادين؟

عليك الله هسع في زول (بيأمن) لي ملاسي ده ، ويهزر معاهو كمان؟؟
ود خالتك طلع (ملاسيات) كتار ، ما واحد .
أنا غايتو (جادي) في علاجو ، بس أيدكم معانا
والله الشجعني الحملة الناجحة بتاعت علاج (محمد) ..

Quote: قوي الرفض الاسفيري مسيطرة وخطابها عالي الصوت وسيتم سحلي علي قارعة الاسفير ) ..

واســـــفاه
ومن الاوزون يبتقل احتياجك الي الاوكسجـــين .


خذ حذرك، واعمل ساتر.

Quote: ود خالتك طلع (ملاسيات) كتار ، ما واحد

فعلا يا صلاح
ملاسيات ويمكن ان تقول الراجل طلع شظايات

Quote: خذ حذرك، واعمل ساتر

سلام يا شهاب
وصعب الحذر بعد ده الاوزنودام حصل والمدينة امتلات بالمرحفين

Quote: مخولتنا يا كيكى ..

سلام يا سلوي
ولاعاش من يمخولك رغم اني ذاتي متمخول وراسي جايط
من الاوزونية التي اتت بالكارثة الاسفيرية ملاسي في ثياب
حمل وديع

Quote: : لا يهمك يا بيان .. ديل راس مالهم نفخة!!

هسه كان ملاسى جاته الحاله (زى ما قال ابوصلاح) والجملة الفوق ده كتبها
على النحو التالى:-(واكيد جاءت على خاطره بس اداك خاطر عشان التطبع ما تيهد بسرعة)



: لا يهمك يا بيان .. ديل راس مالهم كيكه ناس كيكى!!

التطبيع المصريين استفادوا منه ماليا كده انت استفدت شننو

Quote: : لا يهمك يا بيان .. ديل راس مالهم كيكه ناس كيكى!! التطبيع المصريين استفادوا منه ماليا كده انت استفدة شننو

يا اخ حيدر انت القال ليك في الاول في تطبيع منو ذااتو؟؟؟
وتطبيع علي اي اساس واسس
كل مافي القصة اني قلت اني لاقيت حسين ملاسي (فيس تو فيس)...
الخلاف والصراع هنا حول قضايا ايماننا به مصيري ونابعة من قناعة ودونها الموت احيانا
ولكن هنالك مدارات واسقاطات ذات ابعاد موغلة في السودانوية تلقي بظلالها علي القصة كلها
لاتوثر سلبا او ايجابا في قناعتنا تجاه كل قضية مطروحة للتفاكر هنا...
وشكرا علي مرورك..

والله انا من شدة اللخمة والهجمة
ما عارفة اعمل شنو ذاتو..
البس الكبك واجي
ولا زووووووووووووووووووووونة
اعمل ما شايفة...
ولاد عبدالله ولاد اللمين اصحابي..
اخير اعمل ما شايفة...
خاصة الوضع تحت السيطرة الملاسية...
بالله تاني مرة ما تهظرو هظار خشن كدا مع ود خالتي
سمح؟

Quote: البس الكبك واجي

يازولة انتي كداراتك كدايسها مسمة
لكن لو جاية تقيفي معانا مرحب بيك
ثلجنا جاااهز نكسروا نحن وود رملية ذااتو الكسار العالمي يكسر معانا

شهادتي


انا جيت الساعة 10 ونص ليلا عشااان اتصالات كيكي المتاخرة والحاح عاصم

جيت اوزون لقيت كيكي وودخاله .. ازهري .. نادية .. اشراقة .. عاصم .. سمؤال

ما قابلت ملاسي

عرفت انه كان وهو منظم للجمع مع عاصم

فيا كيكي اخوي قول الحقيقة عشان تبراءنا

احنا بتلعين تحول ديمقراطي

وانت حر تقابل منو وما تقابل منو







اما عن تلبيتك دعوة الغداء بمنزل ملاسي بالمهندسين اتمني ان تكتب عنها بذات الشفافية




____

قلت لي بيت معااي في البيت وانا شربت النص ؟

طيب النص التاني شربوا منو ؟



خلوها مستورة ( مع تحيات علي الحاج زول الترابي)



_____

قال قابلتوا في اوزون قال !!!!!!!!!

Quote: شهادتي

حسع شهادتك دي فرقها شنو من

Quote: شهادتي لله

بتاعة الهندي عزالدين..
ما ياهو (كارك وكار كبارك) الذين علموك السحر....
خلاص يا صحافة الخرطوم زتوها موية وبقيتوها دعوة غدا وكمان في المهندسين
هو المهندسين بمشيها مهمش زي انا تاني بعدما طردتو منها ناس (مناوي)
يا عروبي
يابتاع الموتمر الشعبي يا انت..

ها ها ها ها


بالله



ما قايلك حريف كده ؟



لكن




الضرب علي المطبع حرام

Quote: ما قايلك حريف كده ؟

كيف ما ابقي حريف يامنعم
مش قلتو مطبع
بالله شفت المطبعين في الخرطوم حرفاء كيف
شي ولاية وشي عضو هيئة شئون شنو كده ماعارف
وشي لاندكروز وشي بيرق ذاااتو..
مش زي تطبيعي ابو جاتوه ده

عبد الكريم

سلامات

لظروف قاهرة لم أستطيع الحضور

حاولت الإتصال بس التلفون أداني مقفول

انشاء الله نتلاقى في إجازتك الجاية

أو إجازتي انا لأنها ح تكون عندكم

Quote: انشاء الله نتلاقى في إجازتك الجاية أو إجازتي انا لأنها ح تكون عندكم

مرحب يا انعام والف تحية علي الاهتمام والتقدير
وخبر جميل بان اجازتك ستكون عندنا ويسعدنا ده كثير
ومن حسع حنجز في اوزون الدوحة وتطلق ابواق الفرح في السفن
القابعة علي ارصفتها ..
والتلفون العملها فيني اسكتي ساكت..!! سلام

Quote: ومن حسع حنجز في اوزون الدوحة وتطلق ابواق الفرح في السفن القابعة علي ارصفتها ..

عبد الكريم

اوزون الدوحة شنو ياخ

هو غير الكورنيش داك عندكم حاجة

Quote: اوزون الدوحة شنو ياخ هو غير الكورنيش داك عندكم حاجة

ده كلام يا انعام
زي اوزوزنكم ده
في كلاكلة الدوحة في 10
وفي امبدة الدوحة في 5
وفي قضارف الدوحة في 6
انتي تعالي بس وجربي وقارني

ا حريف

عفيناك من حكاية غداء ملاسي وجيتي انا لاوزون


ممكن ترد علي القصة دي :

Quote: قلت لي بيت معااي في البيت وانا شربت النص ؟ طيب النص التاني شربوا منو ؟

عشان ما نتكلم انحنا



سمح ؟



لكن والله قدرتك ع اللف والدوران ولي الحقائق تنافس اسحق احمد فضل الله



يا مطبع وناسي هوااااك

Quote: عفيناك من حكاية غداء ملاسي وجيتي انا لاوزون

شكرا يا منعم ودي المحرية فيكم يا قوي يا ديمقراطية (العفو عن المقدرة)

Quote: قلت لي بيت معااي في البيت وانا شربت النص ؟ طيب النص التاني شربوا منو

دي بالله برضو شوف لاخوك الية (اعفاء) بالله

Quote: لكن والله قدرتك ع اللف والدوران ولي الحقائق تنافس اسحق احمد فضل الله

تعجبني انت يا الهندي عزالدين
قلت لي شهادتك لله مش كده....
عالم غايتو فعلا غريبة وعجيبة

.

كيكي سلامات

إنت أنا ما لاقيتك في نفس اليوم الساعة خمسة مساء

و كنت عال العال بدليل المكان الاقيتك فيهو

أها الحصل ليك شنو بعد داك

غايتو الحمد الله الواحد حصل ليهو ظرف و ما قدر يجي أوزون اليوم داك

عشان ما نشارك في إتفاقية أوزونودام دي .

عالم عجيبة و غريبة .....


كرفس

Quote: عشان ما نشارك في إتفاقية أوزونودام دي . عالم عجيبة و غريبة .....

سلام يا معاوية وسعيد تماما بالصدفة السمحة
واشكر الاستاذة التي ذكرت اسمك امامي مما اتاح لي معرفتك بكل يسر وسهولة
والجية لهناك كانت من ضمن ترتيبات ما قبل (اوزونودام) لتنوير القوي السياسية وتوسيع قاعدة الاتفاق

كيكي

التلفون .. قلت لي مالوا ... اقول ليك معاك انعام حيمورة تقول لي اهلا يا انعام عبد الحفيظ ...

لكن لما قريت البوست دا عرفت السبب بانه انت كنت منبهر بي ملاسي واوزون ...

الحالة ما عزمناك في امواج كان تقول شنو ؟؟؟؟

المرة الجاية ركز !!

Quote: طارق: صورة ال"...." دى فكنا منها،تتراشق كدة ... البسمة الكرباوية دى عملتها كيف؟ وش و راس زى كبدة الابل ... حجر مسن

عسام جبر الله

تاني صورتي دي تشمها قدحه

الا تشتريها

عاجبني راسك ال

تعال لي بي هناك


ما ح انزل صورتي الا تجمعو توقيعات

ناس تحسد الناس في صلعاتن

الاخ عبدالكريم تحياتي وتقبل سلام اخونا ابراهيم بابكر العمده

Quote: ابراهيم بابكر العمده

مرحب يا نيازي وكل التحية
وابراهيم ده اخوي ود عمتي لزم وله مني التحية والشوق
ودائما الغربة هي من تحملنا بعيد من اهلينا واخواننا مثل ابراهومة الجميل
والتقيت به لفترة بسيطة لم تشفي غليلي ولكن اسعد اكثر باخباره الساره التي اسمعها عنه
تحياتي له ولكل اهل شركةالدالي والمزموم من عبدالجليل حتي البوس الكبير هاشم هجو ذاااتو
ودمت

Quote: ناس تحسد الناس في صلعاتن

نزل الصورة يا ابو صلعة نزل يازول
الصلعة البيضاء ومكوية
يا طروقي بسحروك ليييه
الصلعة مطلب جماهيري
لانو بصراحة صلعتك فيها شي بحير وبغير اتجاه الزول

Quote: التلفون .. قلت لي مالوا ... اقول ليك معاك انعام حيمورة تقول لي اهلا يا انعام عبد الحفيظ ...

سلام يا انعام
وشكرا بالجد علي التلفون
وانت مش قلت ليكم كل الاشياء كانت (غريبة وعجيبة) اليوم داك
والراس جاط
اوزونية شديدة...وجدل وحوار حضارات حول الزول ده (ملاسي ولا ما ملاسي)
ورغبة بتاعة شكل وكلام كثييييير وحضور وبهاء ناس اشراقة ونادية وسموال بالجنبة وعاصم اللذيذ
وازهري والشين الوحيد كان منعم ابوصلعة بس
وسط ده كلو شبكتك انعام عبدالحفيظ وخشيت لفت
لووول والله لووول كثير خلاص

ده شنو ده يا كـــيكي

كدي النجيك برواقـــه ونفرك عيوني كويس ..

قولت لي لقيتو كيـــــــــــــــف
وشربك البارد بدم بـــــــــــارد

برضي لسه حاااااريك

لانو لقيتك مفتــــــح
سميته اوزنونـــــدام

كيكي ياخوانا مقلبكم
لانو عارف الناس ما ممكن تستجيب للإتفاق ده
عشان كده سماه على كوكادام الكل ناس أبت تتقبله
ولو كان دايره على مباركة الكل كان سماه حسين ـ كيكي
على وزن الميرغني ـ قرنق

Quote: كيكي ياخوانا مقلبكم لانو عارف الناس ما ممكن تستجيب للإتفاق ده عشان كده سماه على كوكادام الكل ناس أبت تتقبله ولو كان دايره على مباركة الكل كان سماه حسين ـ كيكي على وزن الميرغني ـ قرنق

تمام يا مجاهد
وانت الفيهم والوحيد التفتيحة وشايل مفاتيح كل القصص
وفعلا اوزوندام زيها وزي الاتفاقيات المالية التاريخ السياسي السوداني
(العجيب وغريب)
وكل اتفاقية تتلحس قبل ان يجف الحبر الذي كتبت به
فهكذا اتت (اوزنودام) فهي اتلحست قبل ان تطفي الانوار في اوزون تلكم الليلة
والناس دي جايطة ساكت وماعارفة(اتفاقية كيكي كربو) اي خربها

والله مسكين ياكيكى بقيت زى حكومة الانقاذ كل ماتوقع ليها اتفاقية
سلام مع حركه من حركات التحرير البقت اكترمن الجامعات فى السودان
تطلع ليك حركة تحرير جديده.
هسه احنا قلنا مع وليمة المهندسين دى تكون ارتحت من ملاسى يقوم يظهر
ليك عبد المنعم سليمان . انت بعد كده ياخوى عايز ليك قوات هجين عديل...

عبد الكريم .. حمدا لله على سلامتك

انت عارف قبل سنتين ونص كده، مشيت السودان

وشلت رقم تلفون ملاسي من البروفايل بتاعو لزوم شمارات إعلام وقياس موية الراجل ..

اتصلت عليه واسترسلت معاهو في الحديث وما قلت ليه اسمي ..

الشاهد أن الرجل كانت كلماته حلوة جدا وترحيب حار ..

وأفاض في الحلاوة بعد ما عرفني ..

والتقينا .. وعزمته لزواج شقيقتي في الخرطوم، كان من أوائل الحاضرين وآخر المغادرين ..

مارس معنا كل طقوس الغناء والرقص والبهجة ..

ظلت الاتصالات بيننا رغم تباعد المسافة ما بين الدوحة والخرطوم، خصوصا في الأعياد ..

وجه لي دعوة وأنا في السودان قبل سنة ونصف، لحضور جلسة للبورداب كانت في أحد أمكان الخرطوم،

وأبدى استعداده للحضور حيث أقيم من أجل توصيلي بسيارته ..

أوضحت له أن معي سيارة وساحضر ..

لكن ظروف شهر العسل الذي كنت أعايشه حينها حالت دون ذلك !!!!!

أخوكم كان عريس لنج ......


يا صلاح عبد الله،، ألحق أخوك كيكي في التطبيع ..

والله ملاسي دا عسل ..

مجاهد

ازييييك ومشتااقين


كيكي طلع ع قول كزستاوي راجــــل خرده

ما خفي اعظم

عندنا لسه


قصص


قصص جكس وفكس ون..


بس مشغولين جدا اليومين ديل في قضايا اهم من مغامرات ميكي اقصد كيكي

قضايا الجماعة اللي بتوددهم اليومين ديل !!


برضو خليها مستوره


منعم

Quote: كزستاوي

مين كزستاوي ده يازول ..؟؟؟
..
اها شفت التطبيع والاحتكاك بخلينا مصححين لغويين اسفيرين
الله يستر علي سطوري كمان ما تتلحس وتتحول الي اربعات
وتبقي ميتة وخراب ديار

ياكيكي والله مرقت من اللوم
ثلاثة ايام وانا بحاول الدخول للمنبر عشان اعمل ليك بوست لوم
من يوم الثلاثاء قبل سفرك نحنا نتصل لا يمكن الوصول
فجاءة تظهر في الدوحة
مافوتة برامج الواحة لكن
تسلم

سلام يا سموال سلام
وكل التحية يا زول ياجميل وسعدنا والله بلقاكم
ولكن اللوم حاصل وبالكوم يا سموال فالامور في غاية الزحمة والجوطة
ولسع بعاني من سبل الاتصال وشغلي كلو بقي بره الشبكة واريبا بس
كنت اتمني ان احضر برامج الواحة لكن
خفتكم كمان تجيبومرة تاني الزول الغريب وعجيب داك
سلام يا صاحبي الجميل ودوم بالف خير

Quote: قضايا الجماعة اللي بتوددهم اليومين ديل !!

القضايا دي قرض عليها شديد وأي مساعدة أنحنا قاعدين.
بعـــدين عليك الله لو عندو أي إنبطاحة مع بقال أخبرنا
بــاقي إنبطاحاتو كترت الود كيكي ده...


الود لك ايها الشفيف ..

Quote: إنبطاحة مع بقال أخبرنا بــاقي إنبطاحاتو كترت الود كيكي ده...

هووي يا مجاهد
بقال ده اختا دربو
الزول ده قالوا مدير كبير في دارفور
وكمان سرح شعرو (بوب مارلي)..اعمل حسابك يا مجاهد هوووي

والله يا سمؤال قول الحمد لله ما لقيتو عشان ياكل معاك لان الاكل مع الظالم حراااام

وكيكي من ما بقا يقول ليك ملاسي وما عارف شنو كده .. انفض يدك منو


____

هسع مع الجاتو الاكلو مع ملاسي والكابتشينو اصبح كيكي اخو ملاسي بالرضاعة لوجود الحليب في الاثنان


والله اعلم


( لا يفتي وهجو الاقرع بالمدينة)

بيجو

كيفك.

[اما عن تلبيتك دعوة الغداء بمنزل ملاسي بالمهندسين اتمني ان تكتب عنها بذات الشفافية]
الظاهر الموضوع أخذ (منحى خطير) يا منعم !!!
عشاء مرة واحدة ؟؟

Quote: طيب النص التاني شربوا منو ؟

غايتو ما بتكون إنت ، عارفك (نص) بيجيب خبرك ..
يمكن يكون قايلو موية!!

كيكى الحبيب الخطير ...

والله انت عجيب وغريب عديل
يازول مالك تكب الزوغة ....


اولا نرحب بك وشكرا لتلبية الدعوة ...

واتمنى ان نراك قريبا بيننا ...

لكن يا كيكى منعم عاوز يفضحك ؟؟؟

والامر الغريب والعجيب ان ملاسئ وكيكى يتقابلان ...


فعلا انها الدنيا ...

اووووه عاصم
اكبر غريب وعجيب ورائد العجيب غريبية الجديدة في الشرق الاوسط
دي عملة يا عاصم تعملها
اقول ليك ماشي مدني ..!!
تصر علي الاوزنودام وتدخلني في حيص بيص مع قوي الرفض والمتطرفين
من اصحابي عيال عبدالله وبعض بورداب الدوحة الذين نما الي علمي بان المدعو كمال الزين قد اهدر دمي
وعصام جبر الله يتهمني بالردة عن شعارات الانتفاضة وتمبس يهدد ومعتصم الطاهر شمتان وقالوا رنداحاتم شايلة عكاز وكايساني من دوار لدوار...
الف شكرا ياعاصم وكل الحب والاخاء ونتمني ان نشوفكم في الدوحة
عشان نعزمكم ونجيب معتز قريش كمان نرد ليكم الجميل
ومافي حد احسن من حد تعزمونا وتجيبوا ملاسي (نعزمكم ونجيب معتز قريش)

ضحكتنى جد والله

Quote: هسع مع الجاتو الاكلو مع ملاسي والكابتشينو اصبح كيكي اخو ملاسي بالرضاعة لوجود الحليب في الاثنان

ده كلام دا يا

بتاع 45
يا دكتور بيجو ...

انتو بلوة متحركة

وها قد حدثناكم عن اوزنودام
التي هي جولة في جولات الحرب وليس السلام
والحرب (كروفر) تماما مثلما قال مولانا احمد الميرغني
ونطمئن القواعد العريضة بان الاشياء والامور ستعود (كما كنت)
لا هدنة ولا وقف اطلاق النار رغم ارهاصات المرجفين مثل عماد عبدالله وعصام جبرالله
وسيظل الضرب دائما هو (ركب) واينما حل ملاسينا فهو هدف استراتيجي حتي ينصلح
حاله الاسفيري او يجد لنا الزمان (اوزونودام) اخري

Quote: والله مسكين ياكيكى بقيت زى حكومة الانقاذ...

هلا ابوكمال
وانا ياكمال لو بقيت زي الانقاذ دي
حرم يومي اجيب لي (مكوة) واسخنها لدرجة حرارة مليون واقعد الحس فيها
دي يا صحبي حكيومة الله يكافينا شرها ساكت..
منعم زول مرجف كبير وبتاع كفاوي ومالي الخرطوم فقر واشاعات الخرطوم دي كلها بطلعها الزول ابو صلعة ده

Quote: لا هدنة ولا وقف اطلاق النار رغم ارهاصات المرجفين مثل عماد عبدالله وعصام جبرالله

هاااا..
حقرتي في ود بقرتي .


بيان هام :
( و إتّ تاريكَ في بلد " التُرُك " ولداً مطيليق ..
وااااااا خسارة عيشنا ما أكلوا الجراد ..
و الحكمي متيق ) .


نعي أليم :
أوزوندام ونن زاكا الفرءون الخوفو الما إندو المبادي .. الهجين .
توالي تزهي قادي .. آآآآمين .
قف ..
لا أووزو باللهي إنانا إرجافي واهد .. كي كيونا كباشا .
من الكلام النيفاشا .. كُتاشا .

هي كباكي

ايالو دوها

انتو فيكو

من يسوي زي دا؟؟

اؤؤؤؤؤؤؤؤؤؤم

Quote: ايالو دوها

ايال دوه حاجة تمام ياطارق..
الا كيكي هباش ولباش

Quote: توالي تزهي قادي ..

توالي يا امدة نزهي زه شديد
وندوري كاسوري اسفيري زي الما هسل هااااجة

Quote: ونطمئن القواعد العريضة بان الاشياء والامور ستعود (كما كنت)

ايوا كدة ..
تعيش الحرية .. ويسقط الجاتوة ..

سلامات
وعوافي
اما بعد ..
بعد الانبطاح الذي شهدت عليه جماهير شعبنا والذي بدا واضحا في اجندة "اوزونودام" والذي اضحي سيمة ملازمة لكل الاتفاقيات المشئومة التي حرقت احلام الشعوب ..اصبحنا الان علي قناعة تامة بان ما ستؤول اليه القضايا المصيرية في السودان هو "الاحتراب الدائم والتقتيل والتعذيب والتشريد والتغريب والتشريق والتحريق والتفريق والتمريق والتسريق والتغريق والتعريق ..الخ" كيف لا وكل يوم يسقط جندي من قطار النضال بعد ان يتم اغرائه من قبل الخصوم ببعض "الجاتوهات والمشروبات والتابلوهات والعشوات والغدوات والحفلات والمرقات والشكات والشيكات والتصديقات ..الخ" ..
قف
سقط اليوم احد المناضلين الذين كنا نعول عليهم كثيرا في مسيرة النضال المتواصل ضد الطقمة الحاكمة ومشايعيها "الملاسيين" ضاربي دفوف الكوزنة وحارقي بخور الفتن والشتات واكلي الفتات والراحات والجالسين في المكيفات والناس ماكلاها الهجيرات والشموس الحارقات لابسي الماركات والناس في الطرقات بين عراة وحفاة ..راكبي السيارات والموتوسيكلات والناس يقطعون المشاوير الكداريات بين المنازل والمستشفيات واقسام البوليس والشفخانات ..
اما كفانا ماتعرضنا له من هزة عنيفة جراء التطبيع بين سيدة احلامنا الحركة الشعبية والنظام الحاكم ؟
اما كفانا التهجير والتسفير والتعكير والتسكير والتنكير ؟
اما كفانا التمويت والتفتيت والتعتيت والترتيت والتستيت؟

اصبح المناضل كيكي بين ليلة وضحاها من رواد "موائد اللئام" التطبيع معهم في الصحو والمنام بل والشتات في بيت "الغدات" يعني قلت لي يامنعم المهندسين عديل ؟؟؟
لا حولاااااااااااااااااااا
انا كيكي لم سافر قعدتا اقرا يومين في "سورة يس" خوفا علي ملاسي من الشلاليت والفلايت والعكاكيز والتجقيد والتفرتق والضرب المبرح .. اتاري ملاسي "ضرب الولد كيكي بي جاتوه .. وكيكي ما صدق طوالي ضرب الوااااطا" ..
لا حولااااااااااااا
عاد يا كيكي البيسمع كلامك لي في مطار الدوحة يقول من مطار الخرطوم لي محل "ام دلدوم مكان اقامة المدعو ملاسي الاسي" وقلت في سري "سيندب حسين حظه وشلاقته" فكيكي "كان" حريف بوكسيهات وبونية وشلاليت ولم اعرفه قط "جاتوهي هنجكيت" ..
وهذه اشارة واضحة لان هذا النظام طالما استطاع ان يجعل من "شقيقة المناضلين" "عود لعزف مايريدون الاستماع اليه من مقطوعات موسيقية" فعلي الارض السلام ..
اما انا عبدالرحيم عبدالله عبد الرحيم المشهور بـ"ودرملية"
فاني انتظر "عودة المسيح" ..
ومنو العوض وليهو العوض ..
تخريمة:-
انت يا عماد متقول ليهو عديل :
ونن دورو واكا كاشا ونا
ونن كاشيقا ..
والا قول ليهو عديل
باني ... دا الله..
موش اسهل لينا وليك ياعمدة ياخي شفقتونا ..
اها النسمع انت برضك مفلقص في اوزون ..عشان اقطعوا معاكم ياعيال عبدالله ..
الحلبي السليط كان ماعندو اي شغلة غير كمال الجزولي وكيكي والاخوان عبدالله ..
حرم انا يا ملاسي من مطار الخرطوم لي سجن الخرطوم "طبعا بعد ما تاخد كسرتك مني يعني بشيلك في كتفي وبمشي بيك نقطة البوليس واقول ليهم الزول دا طقشتو اتنين هوك لامن امن عاملين لين فيها "مستر سطرين" وكدة ..
بالله نزلوا لي صورتي وانا شايلو في "اليو تيوب" وكدة لزوم النضال الما بطال ..
انتي يا ملاسي قايلني كيكي "انا دافنا ليك دفنة" ..بعدين ما تقولي انا صاحبك واتعشينا مع ضياء سوا في ابروف وما الي ذلك من جرس .. انا مر جدا جدا يا ملاسي ..
عشان كدة خليك جاهز في عيد الاضحي "انا جاي اعرس وبعدها بخش السجن" خربانا ام بناين قش ..
ودرملية في حالة غضب وعصف عضلي

لا ل جتونه المناضلين وأوزنة الشرفاء






ملاسي ادفع خلص روحك

صباح الخير,

كيكى

سعدنا بلقاءك فى ضاحية اوزون !


الف حمد لله على سلامة الوصول

انت جاي ليه ياكيكي


http://www.youtube.com/watch?v=RxFVJkISQ9Y



في داعي ياحنين؟؟

Quote: عشان نعزمكم ونجيب معتز قريش كمان نرد ليكم الجميل

دي شديدة عديل كدا...
ضحكت لما جاتي نوبة آزمة..

ود رملية

لكن ما لقيتك ختري....

يبدو اننا حنتلاقى في السودان...

وربنا يتمم على الف خير...

Quote: دي شديدة عديل كدا... ضحكت لما جاتي نوبة آزمة

ايوه يا بيان مافيش حد احسن من حد
وقريش خير عجيب وغريب يمكن ان نقدمه للزائر حقنا (وين نلقي زيو تاني)

سلام يا نيازي والف شكر علي صورة اخوي ابراهيم الذي هو
ود عمتي مدينة لزم..
وعيني باردة ابراهومة بقي مدير كبير خلاص
وقول ليهو ما تنسي اخوك كريم من قروش هاشم هجو الكثيرة...
ولابراهيم هذا البوست هدية عله يربطه اكثر بهذا المنبر ونشوفو معانا هنا علي الاقل يساعد
اخوه الكبير في معارك المرجفين دي

ودهاشم (ملي) حبيبتي....!!!]

حنين والله وحنين شديد ياطارق
ولولا انني حنين لكان الكبع اصواته وصلتكم حتي ضاحية الديم
ولاني حنين جيت راجع هنا ...وتاني ح ارجع هناك..
..اسمع الفيديو جميل والهيلا هوب دراما واقع ونبض شارع حقيقي
بالله نزل لينا ابكرونا لكن خليه يقول
...
اليوم يقدم كيكي ندوة مهمة عن الاوزون والامراض البوردابية
والسامع يكلم الما سامع...البوست الجنب الجامع
اصلوا محاور الندوة ثلاثة
1- التطبيع
2- اللا تطبيع
3-بورداب الرفض
وممكن تديها شوية (ويوووووو)

Quote: صباح الخير, كيكى سعدنا بلقاءك فى ضاحية اوزون ! الف حمد لله على سلامة الوصول

ياااا
نادية السر
سلام والله..
وهنا الواحد ممكن يقيف علي هامش اوزوندام شوية
ويمسك جيتار مع اشجار التيك ويعزف لحن الاخاء والشكر لكم جميعا علي روحكم العالية الجمال
والاريحية التي طلت منكم جميعا وحسيت بانني اعرفكم جميعا منذ الف عام وعام
واهو يا نادية شفتي القعدة القصيرة دي جابت ليها بلاوي وكفاوي واهدار دم
واحتمال سجن في غونتامو الاسفير
كل السلام والتحايا ...ووين اشراقة لها كل السلام..

Quote: لا ل جتونه المناضلين وأوزنة الشرفاء

جوتنة دي يا طارق اووع تكون قاصد (معهد جوتة) وليس الجاتوه
لانك لو قاصد (جوتة) انا ذااتي بهتف معاك لا للجوتنة والف لا
لاني مشيت هناك برضو لقيت ناس
غريبين وعجيبين شديد خلاص

هلا بودرملية فنان الغفلة والاديب في زمن المنافي التي اصبحت سمبلة
كلامك حلو بالحيل الا السوااي ما حداث..
لقيتك يونس محمود ذاااتو عندك فيها راي

Quote: ايوا كدة .. تعيش الحرية .. ويسقط الجاتوة

هلا سلوي
وابشري يازولة
حرم الدم ركب
ويسقط الجاتوه ويسقط ملاسي
وتسقط ماري انطونيت ذاااتها

Quote: عشان نعزمكم ونجيب معتز قريش كمان نرد ليكم الجميل

هههههههههههههههه لا حولا لاحولا هههههههههههههههههههه

اللهم لا تصيبنا ولا تكسر مجاديفنا ...

Quote: هههههههههههههههه لا حولا لاحولا هههههههههههههههههههه اللهم لا تصيبنا ولا تكسر مجاديفنا

سمح
وتاني سمح يا ريهان بتضحكي مش
ماالو قريش زينة البورداب ولكن البورداب الغريبين وعجيبين
وشيلي شيلتك الزول ده في اشاعة انو بكري فكا اسرو الليله
اهااا ح تروحي فييين

تعرف يا كيكي قصص المقالب دي...
زمان عندنا صاحبا لينا شيوعي..
قام في ندوة كدا جابو زول كان شيوعي وخلاهم..
قام صاحبنا دا بكل اليات العنف الثوري ردم ليك عمك ردم صاح..
باختصار ملح ليه مع الكلاب...
اها عنده صاحبوا قاليه امشاك معانا ناس

المهم مشوا وقعدوا في الصالون
الفاره..
بعداك خطو الغداء في الصفرة والناس قعدت
جا سيد البيت عمك ذااااتو الشيوعي الناصل..
اها صاحبنا دا قدر ما حاول يدس وشو بالصحن ولا الرغيفة
عمك قاعد ليه بالمرصاد
يا ابني اكل.. ويشيل ويمد ليه في الاكل..

التطبيعة الا الليلة..
والغريبة صاحبنا من هندسة
يعني عليكم جنس فطاسة يا شيوعين هندسة..
اسع ود الخالة بس اداك كيك
طبعتا..
وجيت تقول انه معتز غريب وعجيب الدوحة
ولاد عبدالله بالله العجيب وغريب في الدوحة
كيكي ولا معتز؟
امرقو النصيحة...

الأخ عبد الكريم

تحياتى


تعرف أنا قابلت أخونا ملاسى ده مرة واحدة
وقبل سنة تقريبا فى حفل سودانيزاونلاين بالمتحف
القومى وهو ماسك الكاميرا وتصاوير تصاوير جيت
صافحته وقدمت نفسى (عبد الرحمن قوى) الله .. الله على
حالة الترحاب العجيبة .. لطيف وبشوش .. ومن اليوم
داك أنا بقت عندى قناعة إنه حسين ده زول (كاواى) وبس...


لك الود

عبد الرحمن قوى

[]والغريبة صاحبنا من هندسة
يعني عليكم جنس فطاسة يا شيوعين هندسة..
اسع ود الخالة بس اداك كيك
طبعتا..
وجيت تقول انه معتز غريب وعجيب الدوحة
ولاد عبدالله بالله العجيب وغريب في الدوحة
كيكي ولا معتز؟
امرقو النصيحة...
سلام يا بيان
والله يا دكتورة عيال عبد الله لو طاوعوني
ومرقنا النصيحة مع شيوعي الهندسة دي
ياانا القايلين انو العجيبة والفريبة يااها
بيان ذاتا
الا يا دكتورة النصيحة بقت قااسية اليومين دي
فبتالي متفق معاك اني انا العجيب وغريب

Quote: (كاواى) وبس

مرحب ياقوي
وكل التحايا والود
وفعلا الراجل كاواي ومرجف اسفيري كبير
وغريب وعجيب كمان

Quote: يا صلاح عبد الله،، ألحق أخوك كيكي في التطبيع .. والله ملاسي دا عسل ..

سلام لقمان والف سلام
ود كلام تقولو يا لقمان حسع
هو انا يادوب عرفت الناس بتقول انو الجزيزة دي تبع الصهونية
والماسونية العالمية وتبع اسرائيل ذاااتو
شو ها الحكي يا لقمان شو
كل التحايا يا فنان

مقطع من قصيدة المهرولون لنزار قبانى
نهديه لكيكى بمناسبة هرولته لملاسى
على فكرة قريبا سوف نسمع القصيدة
كاملة غنا والحان الفنان الثائر
ودرملية.

سقطت آخر جدران الحياء
وفرحنا .. ورقصنا ..
وتباركنا بتوقيع سلام الجبناء
لم يعد يرعبنا شىء ..
ولا يخجلنا شىء..
فقد يبست فينا عروق الكبرياء..



تنهدات: يقال والعهدة على الراوى بمجرد وصول
كيكى لكمبو الري عرف أن ملاسى قد وقع عقد إحتكارى
مع شيخ قوبى ومن هنا بدأ طريق الهرولة والتطبيع

Quote: تنهدات: يقال والعهدة على الراوى بمجرد وصول كيكى لكمبو الري عرف أن ملاسى قد وقع عقد إحتكارى مع شيخ قوبى ومن هنا بدأ طريق الهرولة والتطبيع

عشان كده انا اقول قوبي ده بخارتو مالن بقن اربعة اربعة
ولمن فرتقتها لقيتو كاتب الطلاسم في اربعة سطور سطور
القصة فيها شراكة ذكية....
اقول ليك (قولة)
قوبي ذااتو تحت تحت قاعد يقراء الشظايا ولكن بالدس من ناس الكمبو
حتي لا تبور بضائعه البايرة اساسا

Quote: كنت ح اكون في ملعبي ووسط جمهوري

عشان كدة أخدها صايمة..

ملاسي
يعني الا الواحد يعلن عليك حرب اسفيرية عشن تطبعوا معاه
والله جنس شناة طبع

Quote: عشان كدة أخدها صايمة..

هلا نادوس وحمد الله علي السلامة
وكنت اتمني ان التقيك هناك حتي تكون شاهد عصر...
ويا نادوس انت لسع من زمن التطبيع..التطبيع انتهي من ما مات السادات..
الحرب دورت تاني والقنص الاسفيري في الدرجة(دلتا) بس الزول ده يظهر ..!!
تحياتي