ياخليل خلاص... انتهي ماتش صديقي التمباك!!!

ياخليل خلاص... انتهي ماتش صديقي التمباك!!!


07-19-2007, 06:33 PM


  » http://sudaneseonline.com/cgi-bin/sdb/2bb.cgi?seq=msg&board=167&msg=1190614972&rn=0

Post: #1
Title: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 06:33 PM

بعد سنين طويلة ومنذ الانتباه الاولي لذلك الشي العجيب الذي هو دوما يباع في حقة دائرية الشكل
يعالج امر تسويته وغرفه ايضا بحقة صغيرة يمكن ان نطلق عليها (حقة) بكرت ومنذ السفة الاولي بصحبة
صديقي الجميل احرف سائق للعربات الضخمة التي تجوب شارع الخرطوم بورتسودان واشجع من راته عيني حتي الان...
ومنذ تلكم السفة الاولي الشهيرة التي تطورت ونمت واصبحت سفات عديدة من مدارات مختلفة ما بين تمباك
جيد الصناعة في (عبدالحق والوطنية بحري ومكوار في سنار والشايقي في مدني وجلود في ام درمان وتمباك شهير بالسوق الشعبي الخرطوم نسيت اسمه الان) الي تمباك الدوحة الذي لايسمن ولايغني عن جوع
من ميرغني واحمد سمك في مدينة خليفة تمباك بن محمود الذي كنا (لاحظ لكنا هذه) نسفه وهو مخلوطا بتمباك عماني واخر ايراني واخر نيبالي والله اعلم بجانب التمباك البتاني الشهير الذي هو قادر علي
سحق الشلاليف وتحويلها الي حكاية عالية الشنا...
اليوم واليوم فقط اصدرت قرار صعب وقاسي باعدام الكيس التمباكي الشهير الي غير رجعة باذن الله..
ولاعزاء للرفاق القدامي و(ناس جيب سفة)..ليس لدينا ما يسمي سفة الان فهي قد صارت شيئا من الماضي
وتاريخ تمباكي كبير هذا ما نتناوله هنا بتفاصيل وامكنة وشخوص كانوا زملاء مهنة وحرفاء تمباك
ونعود...
Post: #2
Title: Re: ياخليل خلاص... انتهي ماتش صديقي التمباك!!!
Author: عامر تيتاوى
Date: 07-19-2007, 06:39 PM
Parent: #1

كيكى
يعنى بعد كده الكيف مهارات فردية
ومن راسك ما من كيسك
كيكى متاكد مية فى المية سفة نهى
والجاتك فى كيسك سامحتك

ربنا يوفقك
Post: #3
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 06:39 PM
Parent: #1

وقبل الدخول الي عوالم ذلك النبات الدارفوري المعطن بالعطرون كنت في مراحل قديمة كثير الاعجاب بسفة
كان يدنكلها الشهير (قلم) ومقدرته العالية علي توضيب السفة واخراجها بحرفنة عالية من الحقة
فتمنيت من كل دواخلي ان اصل لمستوي (قلم) هذا ولكن الرقابة المنزلية الصارمة في اسرة انصارية
عالية الالتزام تجاه ما يسمي بالتابا وقفت حجر عثر في امام تحقيق احلامي باكرا..ورغم ذلك قمنا
بمحاولات خجولة لسف سفات متفاوتة علي الطائر حينما توفر لنا تمباك (مطرف)..
Post: #4
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 06:43 PM
Parent: #3

Quote: كيكى
يعنى بعد كده الكيف مهارات فردية
ومن راسك ما من كيسك
كيكى متاكد مية فى المية سفة نهى
والجاتك فى كيسك سامحتك

هلا تيتاوي
وفعلا يا تيتا بعد كده الخبرة والتاريخ الطويل زمنو جاء
نستفيد من المخزون التمباكي الذي شارف االعشرين سنة..
وايووه يا تيتاوي نههي وستين الف نهههي
وداعا تمباك وداعا مضر..
Post: #5
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 06:56 PM
Parent: #4

بجانب قلم كان المدهش (اونكل) اقور اياك يمتلك طريقة مميزة وحقة لاتخلو ابدا من تمباك ذو رائحة نفاذة وكان استايله هو (جدع السفة بمهارة عالية ثم توضيبها لاحقا عقب استوائها في منطقة اللثة
وفي اطار الاجرام الطفولي وجدنا في دقسات الاونكل (اقور) استنشاقات سريعة وخجولة لحقته الشهيرة
ثم سفات ذات حجم صغير علي فترات متفاوتة..
اذن اقور اياك وقلم بجانب بائع التمباك الشهير في قلب تلكم المدينة (خميس طه) الذي يتمني كل مهتم بامر هذا النبات المعطن في اقتناء( كيس له ضلا) من صناعة ذلك المريخابي الشهير بجانب بائع اخر اراد
الاستفادة من سطوة جون قرنق والحب السري الذي يكنه له الكثيريين في ذلك الزمان فاطلق علي محله
اسم محلات (قرنق)...
Post: #6
Title: Re: ياخليل خلاص... انتهي ماتش صديقي التمباك!!!
Author: عاصم ابوبكر حامد
Date: 07-19-2007, 07:06 PM
Parent: #1

كيكى يا حبيب
الف مبروك

واتمنى ان يكون قرارى نهائئ من غير رجعة انشاءالله ...

اتمنى ان تكون بخير
ومتعك الله بالصحة والعافية ...


وعقبال صحبك داك بتاع العمارات يخلى الكيس والكباية ...


تسلم
Post: #7
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 07:12 PM
Parent: #6

Quote: واتمنى ان يكون قرارى نهائئ من غير رجعة انشاءالله

هلا صديقي عاصم
وكل السلام ووينك يازول يا جميل..
خلاص يا عاصم وبعد سنين عديدة ومحاولات كثيرة للتخلص من هذا الاستعمار التمباكي
(الغريب وعجيب ) قررنا قرار لارجعة فيه ودونه القتاد ولاتراجع عنه,,,
خلاص فارقنا الكيس فراق الطريفي لجملو..
وبس قول معاي يارب
Post: #8
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 07:17 PM
Parent: #7

Quote: وعقبال صحبك داك بتاع العمارات يخلى الكيس والكباية

ووين ابو صلعة ده
لو لقيتو قول ليهو مفتشين عليك في المنبر في قضايا (نشر)
وهو لسع بالله من زمن الكباية قول ليهو الكباية دي خلوها زززمان
خلي هو يقدر علي التمباك اولا
الكباية ساهلة
Post: #9
Title: Re: ياخليل خلاص... انتهي ماتش صديقي التمباك!!!
Author: عاصم ابوبكر حامد
Date: 07-19-2007, 07:17 PM
Parent: #7

الاخ الحبيب كيكى


دعما نقول يارب ...


واتمنى ان تجد البديل فى الشائ والقهوة انشاء الله ...

تسلم
Post: #10
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 07:22 PM
Parent: #9

Quote: واتمنى ان تجد البديل فى الشائ والقهوة انشاء الله ...

والله يا عاصم بيني وينك التمباك بديلو قاسي وصعيب من اولو
فالسفة كانت دهشة وفيها مس من حاجة كده مابتكون عارفها شنو لكن سحرها لايقاوم بالساهل
فهي لاتساوي الشاي ولا القهوة..
وبالذات في بلاد الغربة فتونها بكون عالي وبتذكرك بعوالم بعيدة رغم رداءة تمباك
الدوحة وخطورته الا انك بتمارس الخيال وبتخيل نفسك (سافي سفة سيوبر) من جلود ام درمان
كية في الغربة ام دق دي
Post: #11
Title: Re: ياخليل خلاص... انتهي ماتش صديقي التمباك!!!
Author: عاصم ابوبكر حامد
Date: 07-19-2007, 07:26 PM
Parent: #10

Quote:
كية في الغربة ام دق دي


وتانى كية فى السعوط كمان ...

ربنا يصبركم اخى ...
Post: #12
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 07:33 PM
Parent: #11

Quote: وتانى كية فى السعوط كمان ...

فعلا يا عاصم والسعوط هنا حكايتو حكاية..
اول شي بجي من وين الله اعلم في البلد ذاات المنفذ الواحد فقط تجاه السعودية
وثانيا نسبة الجينات الصعودية السودانية فيه ضئيلة جدا (يادوبك تشم ليك فيهو رائحة تمباك سوداني)..
ممكن تسميهو تمباك (هجين) زيو وزي القوات الهجين
1-خلطة سودانية
2-عمانية
3- مع زيادة مواد ما بتعرفها جاية من وين
في النهاية يطلع ليك كيس (تدفع فيهو 5 ريال) لمن راسك يسخن
وتذهب لكي تمارس الخيال واجترار التاريخ التمباكي بتاعك ما قبل الغربة..
وفعلا كية في السعوط انا خليت السعوط..
Post: #13
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 07:44 PM
Parent: #12

ذكرنا ان صديقي السائق الحريف وكيسه وارد بورتسودان (قيل ان فيها تمباك يجنن) هي بداياتي الخجولة
في صباح (عيدي) عقب وجبة اختلطت ما بين الشية والمرارة ذات العتي العالي الدسامة ..فاخرج الرجل
كيسه المدنكل واعجتني طريقته المميزة واعتناءه بادوات (تمباكه) ..لاقدم طلبا مشفوعا بحرصه العالي علي عدم سيري في هذا الطريق التمباكي الوعر الا حرصي وتعنتي جعله يرضخ للامر الواقع ..لتبداء اولي السفات وهي سفة لها طعم مميز ودوخة مميزة ولا تتكرر ولن تتكرر ابداء وتجعلك تدور وتدرو كدوريش في حلقة حديقة ملئية بالعطرون وذلك النبات الغريب,,,ومنها نومة طويلة وسبات مثل سبات اهل الكهف
لتصحو وتدبلها وتصير منذ ذلك اليوم تمباكي شهير ورجل له كيس تمباك لا يفارقك في كل الاحوال وكل البلدان (ماعدا بلاد السعودية) التي مررت بها ثلاث ليالي فاشد مااحزنني هو حوجتي لصديقي التمباك ولكن زول تقول ليهو جيب (سفة) ساكت مافي...ونعود
Post: #14
Title: Re: ياخليل خلاص... انتهي ماتش صديقي التمباك!!!
Author: طارق الأمين
Date: 07-19-2007, 08:13 PM
Parent: #12

Quote: اصدرت قرار صعب وقاسي باعدام الكيس



Quote: (قيل ان فيها تمباك يجنن)



Quote: خلاص فارقنا الكيس فراق الطريفي لجملو



Quote: وفعلا كية في السعوط انا خليت السعوط..



ذكرتني النكته المعروفه بتاعه الزول القال ساب الشاي

وبقي يباري الحله ويحكي مرددا

اها لا شاي صباح لا شاي ضحي لاشاي مغرب سوي لي شنو ولا شي

لمن قد الناس قاليهو واحد

هو قالولك بجنن؟

ما ياهو بس بسوي متل الطرطشه دي


اسي عليكم الله دا كلام زول بقدر يخلي ليهو سفه طايره

وبمناسبه طايره دي

السودانيين بسمو الزول البغازل البنات عينو طايره

اها البغازل التمباك زي كيكي دا يسموهو شنو؟؟

شلوفتو طايره؟؟















ياخوي سف سفك
Post: #15
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 08:20 PM
Parent: #14

Quote: شلوفتو طايره؟؟


هوووي يا ابوصلعة هوووي دي (تحرشات) عنصرية ودعوة للتشنيع باصحاب الشلاليف العجيبة وغريبة
..
اعمل حسابك حسع بقبقبك وبمشي معاك لاهاي (تاامن ذاتتو)

Quote: ياخوي سف سفك

هااا
ده كان زمان حسع خلاص يا صديقي مزقنا فاتورة التمباك
وحرم (سفة) هجين ما تخش راسي تاني..
وخليتو ليك انت والخير وعماد عبدالله ومنعم سليمان وخليل وابو ساندرا
..اقول ليك قولة...ملاسي ذااتو معاكم
Post: #16
Title: Re: ياخليل خلاص... انتهي ماتش صديقي التمباك!!!
Author: محمد عبدالرحمن
Date: 07-19-2007, 08:45 PM
Parent: #15

Quote: وهو لسع بالله من زمن الكباية قول ليهو الكباية دي خلوها زززمان
خلي هو يقدر علي التمباك اولا
الكباية ساهلة


ياكريم ..تحياتى ..

الواحد عايز يفتى فى كلامك الفوق دا لكن خايف من الهوا ..
وقبل ماافتى حقو تعرف انو اهلنا الزول لم يكونوا عايزين
ينبذوهو ويمرقو ليك من المله بقولو ليك ياخى الزول سفاق
التمباك دا ..فام الكبائر عندنا التمباك ..يعنى كلو مابفكرو
ليهو الا التمباك دا ..وواحد من اعمامنا لو انت بتسف فى مصلايتك
البتصلى فيها مابصلى ..اها بعد الكلام دا نرجع لى كلامك الفوق
حسب علمى انو الحاجتين الفوق ديل متلازمات ..يااتخلن سوا يااتواصلن
سوا ..والكلام دا عرفتو ليك من واحد صاحبنا كدا ..ايام قفلو محلات التمباك
ديك ..زهجان جدا ..قال لى اوكى التمباك دا حرام وكعب وماداير اسفو تانى
بس يشوفو لى حل لى قصة بعد مااخت الكباية دى ..لازم بعدها يكون فى حاجة
اى حاجة ...قال يعنى اقعد اطقطق اصابعى ولا كيف ؟...



طبعا انت مشكلتك ساهلة طالما تمباك بس ..خلى عزيمتك قوية ..وانا ذاتى
محتاج لى قرار زى دا عشان اتخلص من المدعو التدخين ..ربنا يتوب علينا ,,

مع الود
Post: #18
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 08:55 PM
Parent: #16

Quote: بس يشوفو لى حل لى قصة بعد مااخت الكباية دى ..لازم بعدها يكون فى حاجة
اى حاجة ...قال يعنى اقعد اطقطق اصابعى ولا كيف ؟...

فعلا يا محمد انا معاك القصة متلازمة
وللعارفين في فنون الكاسات والكبايات يدرون جيدا سر السفة الشهيرة عقب (الكباية) الاولي
او الثانية حسب الاستايل..
لكن تاكد يا محمد بانو الزول البخلي التمباك ده (ممكن يخلي اي حاجة تاني وراه)
لانو قرار صعب وقاسي وبحرق جووه القلب..
..
غايتو نشحد الله معاك انك كمان تخلي السجائر
ولو ما قدرت خليك زي (ود خالتك) بدرالدين جيب ليك سيجارة كوبية واحدة اشرب فيها
سنة كاملة
Post: #20
Title: Re: ياخليل خلاص... انتهي ماتش صديقي التمباك!!!
Author: طارق الأمين
Date: 07-19-2007, 08:57 PM
Parent: #15

طيب عشان الاجيال الجايه تستفيد من تجريتك

ضع علامه صح قدام الاجابه وكده



ايهم الذ واعدل للمزاج


1_ سفه الصباح


2_ سفه النوم


3_ البعد الشاي





اي التنابك تفضل


1_ المحسي


2_نوري


3_عبد الحق



قال ليها الصعود دا بقي يعمل لي احراج مع الناس في الشغل

انا مفكر اخليهو

قالت ليهو بي فرح

ح تخلي الصعوود؟؟

قال ليها لا لا لا

ح اخلي الشغل


Quote: ..اقول ليك قولة...ملاسي ذااتو معاكم




هو انت غلبك تقاوم الجاتوه

الما فيهو خرمه

تقاوم الصعوووووود






قت ليك سف سفك
Post: #23
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 09:12 PM
Parent: #20

Quote: طيب عشان الاجيال الجايه تستفيد من تجريتك

مرحب بيك يا ابوصلعة ومرحب بالاجيال القادمة والسابقة

Quote: ايهم الذ واعدل للمزاج


1_ سفه الصباح


2_ سفه النوم


3_ البعد الشاي

والله كلهن يا طارق يا حليلهن دوام بطراهن وانت شكلك كده عاوز ترجعنا تاني
سفة الصباح دائما ليها طعم مميز ومدهشة
سفة النوم زيها مافي وفاليوم 20 لكن حذاري منها لانك ممكن تنوم بيها وبعد داك البلع بحصل
سفة ما بعد الشاي هي السبب الاول في شراب الشاي...
وبكده انا ح اخلي الشاي لانو ما شي يغري بشرابه تاني
Quote: اي التنابك تفضل


1_ المحسي


2_نوري


3_عبد الحق

حتي زمن قريب عبدالحق كان هو حبيبي ولكن في الاجازة ظهر واحد اسمو (بوش) خطير واخطر من جورج بوش ذااتو
اذن انا افضل تمباك ميرغني بتاع الريان (بس ميرغني نقتو كثيرة) ودائما بشكر تمباكو الذي كما الراكوبة في الخريف..
Quote: هو انت غلبك تقاوم الجاتوه

الما فيهو خرمه

تقاوم الصعوووووود

Quote: انا خليت السعوط يا طارق عشان اسف (جاتوه)
بس انت رسل لي تيراب زي بتاع اوزون داك..

يا طارق قلت لييك تمباك نهههي نهييي جونقاااااااا
Post: #17
Title: Re: ياخليل خلاص... انتهي ماتش صديقي التمباك!!!
Author: Ashraf el-Halabi
Date: 07-19-2007, 08:51 PM
Parent: #1

Quote: ذكرتني النكته المعروفه بتاعه الزول القال ساب الشاي
ناس تختف الكلام من خشم الزول!!!
الله يقطع الكتابة بالماوس
Post: #25
Title: Re: ياخليل خلاص... انتهي ماتش صديقي التمباك!!!
Author: طارق الأمين
Date: 07-19-2007, 09:23 PM
Parent: #17

Quote: ناس تختف الكلام من خشم الزول!!!
الله يقطع الكتابة بالماوس


ولا يهمك ياابو الشوش ياحبيب

انا بمسح الكلام وانت احكي من الاول



قال خليت الصعود قال
Post: #26
Title: Re: ياخليل خلاص... انتهي ماتش صديقي التمباك!!!
Author: طارق الأمين
Date: 07-19-2007, 09:24 PM
Parent: #17

Quote: ناس تختف الكلام من خشم الزول!!!
الله يقطع الكتابة بالماوس


ولا يهمك ياابو الشوش ياحبيب

انا بمسح الكلام وانت احكي من الاول



قال خليت الصعود قال
Post: #19
Title: Re: ياخليل خلاص... انتهي ماتش صديقي التمباك!!!
Author: Ashraf el-Halabi
Date: 07-19-2007, 08:57 PM
Parent: #1

أووه..
زعلتي من طارق نستني أحيي الكائن الأوزوني القال ساب التمباك قال
what ساب كيكي
Post: #21
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 09:02 PM
Parent: #19

Quote: أووه..
زعلتي من طارق نستني أحيي الكائن الأوزوني القال ساب التمباك قال
what ساب كيكي

هلا اشرف الحلبي ومرحب
وتصدق يا اشرف انا بعد اوزون دي بقيت زي شعبان عبدالرحيم
بحب الحلب وبكره التمباك
تحياتي يا رجل يا جميل وطارق ده اصلوا زول خشمو خفيف
وانت تاني لو عندك نعليق زي ده اكتبو قبل البوست يتكتب عشان طارق ما يخطفوا من كيبوردك
Post: #22
Title: Re: ياخليل خلاص... انتهي ماتش صديقي التمباك!!!
Author: محمد عبدالرحمن
Date: 07-19-2007, 09:06 PM
Parent: #19

]ولو ما قدرت خليك زي (ود خالتك) بدرالدين جيب ليك سيجارة كوبية واحدة اشرب فيها
سنة كاملة


(لووول)...بالغت ياخى مع قريبى دا ..يعنى البتاعه دى هى واحدة (امها وابوها )
خلاص نعمل دراسة جدوى للقصة دى .. مايكون سعرها بجيب ليهو خمسة علب من
سجايرنا ..
Post: #24
Title: Re: ياخليل خلاص... انتهي ماتش صديقي التمباك!!!
Author: محمد عبدالرحمن
Date: 07-19-2007, 09:19 PM
Parent: #22

المداخلة طارت وين ياكريم ..على العموم التعليق الفوق اضحكنى جدا ..
بس البتاعة دى انت متاكد انها واحده (امها وابوها) ..على العموم
ينظر ويفاد ونعمل دراسة جدوى للقصة دى ..مايبقى كمان سعرها قدر
سعر الباكو من سجايرنا الرمدان دا دا ..
Post: #27
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 09:28 PM
Parent: #24

Quote: بس البتاعة دى انت متاكد انها واحده (امها وابوها)

ايوه يامحمد
واحدة وانا متاكد من المعلومة دي تماما
انا شفتها قبل سنة في نادي الغزال وعملت فيها علامة..
قبل يومين (جيكت) لقيت علامتي قاعدة في محلها..

فدحين يا اخوي اعمل دراسة جدوتك ساكت..
ولو ما لفقت تعال استلم محلي في قصة التمباكة دي
Post: #28
Title: Re: ياخليل خلاص... انتهي ماتش صديقي التمباك!!!
Author: Ashraf el-Halabi
Date: 07-19-2007, 10:02 PM
Parent: #1

يا كيكي أوع تسمع كلام محمد عبد الرحمن دا، البتاع دا أخير منو التمباك
يقال إنو بخلي الواحد صاحب نزعات زعامية مخلوطة بي برانويا
يعني يخليك حاسي إنك كاسترو كاسترو!!
وبوستاتك كلها تبقى
"السي آي أيه تطاردني"
"أتعرض لمؤامرة إمبريالية"
"داون داون ..."
وهكذا
Post: #29
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 10:21 PM
Parent: #28

Quote: يعني يخليك حاسي إنك كاسترو كاسترو!!

لا يااشرف لو القصة (هيك) اخير لينا تمباكنا يا اخوي
كل شي ولا البرانوما دي هو في روح للنوم ذاااتو لمن يكون فيها برانوما
Post: #30
Title: Re: ياخليل خلاص... انتهي ماتش صديقي التمباك!!!
Author: Ishraga Mustafa
Date: 07-19-2007, 10:23 PM
Parent: #29

1000

Mabrokkkk
Post: #31
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 10:28 PM
Parent: #30

Quote: 1000

Mabrokkkk

هلا اشراقة
ويباركوا ليك السمح يا بت امي..
والاستعمار التمباكي ود اللذينة خلاص موضوعو بقي بايظ
وخرم خرم سجن سجن غرامة غرامة..في النهاية (نو تمباك) يااشراقة هو شعار المرحلة
Post: #34
Title: Re: ياخليل خلاص... انتهي ماتش صديقي التمباك!!!
Author: محمد عبدالرحمن
Date: 07-19-2007, 10:57 PM
Parent: #31

قيل والعهدة على الراوى ان تحريمك للتمباك جاء بامر
رئاسى ..ربنا يدينا رئاسة تحمينا وتامرنا وتنهينا .

لايفوتنا ان نهنىء قيادتكم على هذا القرار الحكيم
الذى تاخر كثيرا ..سيروا ونحن من خلفكم ..
Post: #35
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 11:05 PM
Parent: #34

Quote: ..ربنا يدينا رئاسة تحمينا وتامرنا وتنهينا

هييع يا محمد
احنا وكت سفينا زمااان يا محمد شاورنا رئاسة ولاحزب ولابرلمان
...
ونقول امين وكلنا راجين يوم الرئاسة بتاعتك ده بفارق الصبر
حسع اليومين دي صحيك بكري الامين طالع الكفر واخر بقلاوة
وود رملية بسخن و وانت يا صحبي اقعد باري لي الراديكالية والسندكالية
لحدي ما القطر يكسح ونبقي في كلام تاني..
Post: #32
Title: Re: ياخليل خلاص... انتهي ماتش صديقي التمباك!!!
Author: معتصم الطاهر
Date: 07-19-2007, 10:45 PM
Parent: #1


اوزونودام

تحولت الى تمباقيت ..

وعاشت أم الوليدا ت ...

وأخيرا ينتصر الجنس اللطيف

وعبد الكربم تكتر صصرعاتو

والتور إن وقع كترن سكلكينو

والله يجازى ملاسى ..

عرفهم من أين يؤكل الكتف

وفى رواية

كيف يؤكل الجاتوه ..
Post: #33
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-19-2007, 10:51 PM
Parent: #32

Quote: تمباقيت

هلا يا باش ومشتاقين والله...
مالكم عالم ماعندها محنة كده..
ولييه ما عاوزين تشجعونا كبراعم انو (نخلي التمباك) ...
عموما في انتظار نصائحك كتمباكي قديم(ههه)
Post: #36
Title: Re: ياخليل خلاص... انتهي ماتش صديقي التمباك!!!
Author: طارق الأمين
Date: 07-20-2007, 00:12 AM
Parent: #33

عندك اي وثائق او ادله انك خليتو

اديني كوت واحد من الارشيف يشير لذلك

عشان الناس ماتقعد تهني ساي وانت تكون

مقنطر سفتك

ارجو من الاخ بكري حسم مثل هذه الحالات وكده
Post: #37
Title: Re: ياخليل خلاص... انتهي ماتش صديقي التمباك!!!
Author: Salah Abdulla
Date: 07-20-2007, 00:31 AM
Parent: #36

عبدالكريم يا أخوي ، سلامتك ، خير .. في شنو؟
كدي قول بسم الله وخليك من الكلام البتقول فيهو ده
هو عليك الله بيتخلى ؟؟ وبعدين يتخلى ليه ؟؟؟؟
الزول بلا ( سفة) شن طعمو؟؟
خلينا من القرارات (الورطة) دي وحاول راضى (الحكومة) بس بعيداً عن (ود عماري)..
قال خلاهو قال !! لا بالله !!
Post: #38
Title: Re: ياخليل خلاص... انتهي ماتش صديقي التمباك!!!
Author: طارق الأمين
Date: 07-20-2007, 00:43 AM
Parent: #37

انت من قبيل وين ياصلاح عبد الله ياخ

الزول دا اتفسح فينا


ونحن بنحتاج لي شهود عيان من الدوحه


وهو مامعروف جادي


ولي سافي الجداده وسافي بيضا

عموما

اطالب بفصله

وكده

او توقيعاتكم حتي يسف

والعود احمد
Post: #39
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 09:51 AM
Parent: #38

الاخوة الديامة
صلاح وطارق بنجيكم باذن الله وبضايركم تب يا بتاعين (الغلاط)
تغالطوا الزول في (سفتو)
.....

كل الاسي والحزن علي زملينا بالمنبر فيصل طه وانا لله وانا اليه راجعون
Post: #40
Title: Re: ياخليل خلاص... انتهي ماتش صديقي التمباك!!!
Author: مهلب خلف الله القريش
Date: 07-20-2007, 10:07 AM
Parent: #39

يعني بعد كدا تشرب كباية شاي وتقعد تتلفت زي العوير ؟؟؟
Post: #48
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:10 PM
Parent: #40

Quote: يعني بعد كدا تشرب كباية شاي وتقعد تتلفت زي العوير ؟؟؟

هلا مهلب
وحليل تمباك الدويم السمح (داك)
تاني شراب شاي ذااتو مافي يا مهلب..
والشاي كان احدي الطرق المودية الي سفة ما بعد الشاي...
ولكن في كل الاحوال اللفيت حيحصل (لفيت زي مروحة التربيزة)
Post: #46
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:02 PM
Parent: #36

Quote: عندك اي وثائق او ادله انك خليتو

اديني كوت واحد من الارشيف يشير لذلك

عشان الناس ماتقعد تهني ساي وانت تكون

مقنطر سفتك

ارجو من الاخ بكري حسم مثل هذه الحالات وكده

هلا هيلا هوبا
ماعندنا دليل
في مصداقية اسفيرية كيكية وبعدين الارشيف التمباكي بتاعي مسحتوا يازول
زي وزي احمد الريح او كما قال دينق
بعدين طبعا بكري ذااتو قالو تحت تحت كده (بسف) عشان كده
ما بعيدة يركبني التونسية ويلحقني الظلامي معتز قريش..
Post: #47
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:07 PM
Parent: #46

Quote: عبدالكريم يا أخوي ، سلامتك ، خير .. في شنو؟

هلا ابو صلاح
مافي حاجة كبيرة يا ابوصلاح
بس قت ليكم خلييينا التنابيك خلاص ..
ماعندنا سفة بعد الان اوع اشوف اخوك يشبكني جيب سفة ولا يحزنون
مش علي كيفي ياخي...
...
Post: #45
Title: Re: ياخليل خلاص... انتهي ماتش صديقي التمباك!!!
Author: معتصم الطاهر
Date: 07-20-2007, 11:54 AM
Parent: #33

Quote: ولييه ما عاوزين تشجعونا
Quote: كبراعم ؟


شروط التوبة عشرة أهما سبعة ..
1- أن تعلنها ( ودى عملتها )
2- أن تشترى كيس تمباك كبير ( وتحمله معك أينما تذهب) ولا تسفه.
3- بعد اسبوعين تمطّر ليك قدر كباية .. ولا تسف ..
4- بعد شهر من النية تشم مباشرة من الحقة ( الكبيرة) .. ولا تسف.
5- أن لا يمون البديل السجاير أو الشيشة .
6- التوقف عن شرب القهوة والاستمرار فى شراب الشاى الأخضر ..
7- ما تعمل ليها توم وشمار.. سبقناك عليها و خلينا (الستة) و ذمتها ...
8- ( بقولها ليك فى التلفون)
9- ( بقولها ليك فى أضانك)
10-( بقولها ليك فى سرى .. وتعرفها براك)

وأعلم عزيزى التائب أن الخرمة تستمر أكثر من 20 عاما ( أسأل مجرب).
Post: #49
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:17 PM
Parent: #45

Quote: 2- أن تشترى كيس تمباك كبير ( وتحمله معك أينما تذهب) ولا تسفه.

كل الشروط يا باش علي عيني وراسي الا الشرط الفوق ده ما معانا...
اشيل كيس يعني طوالي حضور نغمة (جيب سفة) وده الكرهنا التمباك ذاااتو
ودرملية واخريين كرهونا التمباك والكيف اها كمان اشيل ليهم كيس (ابقي بوبا لو نفذت الشرط ده)..
يازول لو دي شروطك (من حسع سيدا علي ميرغني واوصل في تمبكتي وما ادوش راسي)...
غير لي الشرط ده يامعتصم بالله..!!
Post: #41
Title: Re: ياخليل خلاص... انتهي ماتش صديقي التمباك!!!
Author: zuhair zenaty
Date: 07-20-2007, 10:07 AM
Parent: #1

عليك الله القرار ده اخدته بمحض ارادتك أم فيه إملاءات خارجية وخليك واضح يا جميل
بعدين الزول لا يعلن تركه للتمباك بالسرعة دي ، عشان ما تورط روحك ، انا مرة خليتهو ستة شهور وبعد داك رجعت إلي قواعدي سالماً ، ولم أسلم من ألسنة الناس الذين أعلنت لهم قراري
وفي ناس كتار رجعت بعد سنين ، يعني ما تقول ماسفيت لي يومين انا خليت التمباك
في واحد ليهو 10 سنوات خلاهو وقال للآن هو خرمان
مرسل لك رطل تمباك ناشف من نوري بالبريد السريع نرجو الاستلام والإفادة
Post: #50
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:22 PM
Parent: #41

Quote: وفي ناس كتار رجعت بعد سنين ، يعني ما تقول ماسفيت لي يومين انا خليت التمباك
في واحد ليهو 10 سنوات خلاهو وقال للآن هو خرمان
مرسل لك رطل تمباك ناشف من نوري بالبريد السريع نرجو الاستلام والإفادة

هلا زهير
والله انتو كلو كلو ما بتشجعو اللعبة الحلوة خوفتني عديل (انا لي اسبوع) يا زهير ولا زلت صامدا
ومبسوط تجي تقول لي 10 سنوات...
علي اي حال للضمان انا في انتظار (المرسال) وتمباك نوري
لانو الخرمة (او الظروف) ما معروفة
Post: #42
Title: Re: ياخليل خلاص... انتهي ماتش صديقي التمباك!!!
Author: طارق جبريل
Date: 07-20-2007, 10:10 AM
Parent: #1


باشمهندس كيفنك
يبدو انه بتاعين (العماري الجيد)
ولو ما فاطر ما تخاطر
حا يفتقدوا راجل حريف في (السفة)



ـــــــــــــــ
الرحمة لفيصل طه
Post: #43
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-20-2007, 11:23 AM
Parent: #42

الاخ عبدالكريم الامين

لا نعرف بعضنا البعض ولكن ..حكاية خليت الصعود دي خلتني استرجع ذكرياتي معاهو(اي الصعود.. أو التمباك)
انا شخصيا خليتوا سنه 1990 قبل الميلاد.. (كتيرة ولا اقسمها معاك) وكنت والله بشتري الربع من تمطيرة العصرية في كل نواحي وبقاع بيع الصعود في سوق الجلود بي ام درمان .. وكان ذلك في شهر 4 قبل رمضان بي يومين ثلاثه كده .. وحيث انني كنت امطره واصي عليه الوافدين الي مصر الشقيقة ايام الدراسة ..ولقد اصبحت خبيرا في ذلك الوقت .. حيث يوصيني الاصدقاء والاحبة ان اشتريه لهم من ام درمان وانا في طريقي عائدا مساء الي بري ..

تركت الصعود(التمباك) بعدها بلا تصريحات ..ثم ادمنت التدخين !!!
قد جيبنا.. وقد صدرنا.. قحه وبلغم!!

ولي الليلة خرمان سفه .. وماقادر القاها هنا في north amrica

عليكم الله رسلوا لي سفه واحده تكيف!..

نخلي بيها السيجاير المحاربنناهنا فيهو ده!!
Post: #44
Title: Re: ياخليل خلاص... انتهي ماتش صديقي التمباك!!!
Author: Emad Abdulla
Date: 07-20-2007, 11:52 AM
Parent: #43



Quote: وخليتو ليك انت والخير وعماد عبدالله ومنعم سليمان وخليل وابو ساندرا
هسع بالله ملاسي خاتي عليك كان ملطشك ؟؟؟
Post: #52
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:30 PM
Parent: #43

Quote: ولي الليلة خرمان سفه .. وماقادر القاها هنا في north amrica

عليكم الله رسلوا لي سفه واحده تكيف!..

نخلي بيها السيجاير المحاربنناهنا فيهو ده!!

هلا مكي
شكلك كده تمباكي قديم وخبير ولكن في (نورث امريكا) فقد ظله
وانا خليت التمباك يا مكي ولكن ممكن اعمل ليك محاولات مع القوات الصديقة ورفاق الماضي
التمباكي مثل عماد عبدالله وودرملية واخريين هنا في الدوحة لارسال (عبوة) في الدي اتش ال
قريبا,,
والف شكر وسعيد بمرورك في (ماتش التمباك بتاعي الذي انتهي)
Post: #51
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:25 PM
Parent: #42

Quote: باشمهندس كيفنك
يبدو انه بتاعين (العماري الجيد)
ولو ما فاطر ما تخاطر
حا يفتقدوا راجل حريف في (السفة)

هلا ياطارق
وفعلا حيكون فقد جلل واحتمال اعتصامات واضراب
والله يكضب الشينة ساكت
Post: #53
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:34 PM
Parent: #51

Quote: هسع بالله ملاسي خاتي عليك كان ملطشك ؟؟؟

هوووي ياعماد ملاسي يملطش منو ..افرز يا زول
انت زعلان لييه يادكتور
انا قلت تمباك نهههي خلاص دايرين تعملوا اغتيال شخصية
Post: #54
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-20-2007, 03:41 PM
Parent: #1

.
الأخ عبد الكريم
سلامات

مبدئيا هاك شوف الـ ( حور كواشف عن ساق وولدان ) ديل
لغاية ما القى لي وقت بعدين ان شاء الله وأجيك




بس ما ألقاك مدنكل ليك سفة دقار لوري
.
Post: #55
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 03:55 PM
Parent: #54


هلا حاتم وحبابك..
وبالحور الكواشف عن نوري والريس ديل الواحد شكلوا كده (راجع راجع)
ولكن والله زمان نوري بقي عندو (وكيل حصري) في الكلاكلة اللفة
وكابس ناس ودالريح وابو خليل في الشغلانة
عموما انا حاسي انو الخرمة الان في اعلي درجاتها وربنا يستر ساكت.
Post: #56
Title: Re: ياخليل خلاص... انتهي ماتش صديقي التمباك!!!
Author: أبو ساندرا
Date: 07-20-2007, 04:26 PM
Parent: #1

يعني الواحد بعد كده ممكن يبوسك يا ككو ؟
Post: #57
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 04:31 PM
Parent: #56

Quote: يعني الواحد بعد كده ممكن يبوسك يا ككو ؟

ده كلام شنو يا ابوساندرا
انت لسع الحمي دي طالعة ليك في راسك ولاشنو؟؟
دير بالك احنا صاح غلطانين لكن صعايدة وعندنا (سكين)
Post: #58
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-20-2007, 06:53 PM
Parent: #57

Quote: لارسال (عبوة) في الدي اتش ال
قريبا,,


شكرا ياعزيز .. ولكن سوف تصادر من قبل سلطات الجمارك

عليه تصبح الخرمه ..
مرحلة من مراحل الغرام العزري الذي لا ينتهي بتحقيق الزواج ..
كذلك الخرمه التي لا تنتهي بدردمه سفه واحتضانها بين اللثه والشلوفه
انت سوف تلازم هذه الحاله الي ان توقف الكلام عن التمباك في الحله(زي زول النكته)
Post: #59
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 08:18 PM
Parent: #58

Quote: انت سوف تلازم هذه الحاله الي ان توقف الكلام عن التمباك في الحله(زي زول النكته)

هلا Mekki
زول النكتة الجماعة شالو حسو ساكت وهو رجل مارس التبشير العلني بترك شراب الشاي
وها انا ايضا اضرب علي صديقي التمباك (ضرب غرائب الابل) وارسله الي مذبلة التاريخ
وبنحاول ترويض الخرمة وتحويلها الي سحابة سرعان ما تنقشع زيها وزي البمبان
وسيكون شعارنا
(نو مور تمباكو)
Post: #60
Title: Re: ياخليل خلاص... انتهي ماتش صديقي التمباك!!!
Author: Ashraf el-Halabi
Date: 07-20-2007, 09:17 PM
Parent: #1

يا كيكي
قال الحكيم:
ثلاثة لا تنسى: ركوب العجلة، سف الساعوط والبتاعة البشخبتا بكري ديك
Post: #61
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 09:22 PM
Parent: #60

Quote: قال الحكيم:

يبدو ان الحكيم ذااتو (بكري) مشخبتها ليهو
غايتو الصعود والعجلة جربناهن لكن شخبتت بكري دي
الا تسال منها الحكيم
Post: #62
Title: Re: ياخليل خلاص... انتهي ماتش صديقي التمباك!!!
Author: Salah Abdulla
Date: 07-20-2007, 10:15 PM
Parent: #61

يا كريم ..
سلامات
قال كبيرنا الذي علمنا السـ(فـ)حـــر معتصم :
Quote: وأعلم عزيزى التائب أن الخرمة تستمر أكثر من 20 عاما ( أسأل مجرب).

عشان كده يا كيكي أنا خايف تبقى عليك البقت على معتصم ، خرمان لي يومك ده !!
فبالله خليك من (المكنات) دي
وزي ما قال ليك طارق الامين ( سف سفك).
Post: #63
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 10:29 PM
Parent: #62

Quote: فبالله خليك من (المكنات) دي
وزي ما قال ليك طارق الامين ( سف سفك).

لييه يا ابو صلعة
بالله اوع تقعد تباري لي معتصم العجوز وطارق ال(ملاسي قانق)..
فعشان كده كلامك ده انا ح اعمل ليهو طوالي
التجاهل
التجاهل
التجاهل
لا للنصائح قد اتوا
شعارنا لازال فووووووق (نو مور تمباك اوت)
NO MORE TOMBACK OUT
Post: #65
Title: Re: ياخليل خلاص... انتهي ماتش صديقي التمباك!!!
Author: عمار يس النور
Date: 07-20-2007, 10:39 PM
Parent: #63

كيكي

مبروك

بس و الله ماني متفائل أبدا

مره عم محمود (عمو) أبو شيبة بتاع الإسكول اكيد بتتذكرو

عم محمود مرة قال ساب التمباك ، و رمى كيسو و حلف يمين قدامنا إن ما ح يسف ابدا

بعد ايام كانت إجازة سنوية

رجعنا بعد 3 شهور و زولك شايل كيسو ابزرد داك الما بيقباك
ده شنو يا عمو إنت ما قلت و حلفت تسيب التمباك !
أنا و حلفت كمان ؟
أي و الله حلفت قدامي كمان !
هوي يا عمار ما تقولني حليفه ساكت !
هاك الحليفة الجدد جد الما بتعرفها و كلكم اشهدوا :

"أنا و الله ما ح اسيب التمباك طول حياتي"

*******

أهه يا عبد الكريم انا خايف ليك من جنس ده

بس سؤال :

إنت لمن تسيب سف الصعوط ، ح تسف شنو ؟؟؟؟؟؟



عمار يس النور
عاشق بخت الرضا
Post: #68
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 10:52 PM
Parent: #65

Quote: هاك الحليفة الجدد جد الما بتعرفها و كلكم اشهدوا :

"أنا و الله ما ح اسيب التمباك طول حياتي"

*******

أهه يا عبد الكريم انا خايف ليك من جنس ده

بس سؤال :

إنت لمن تسيب سف الصعوط ، ح تسف شنو ؟؟؟؟؟؟


يااااااااا
عمار
ذكرتني محمود صحبي وود كيسي وكان سفاف له ضل وتمباكي كبير
وكون محمود رجع تاني للتمباك فهو امر مخيف وغير مشجع بالنسبة لي تماما
والله يا عمار لحدي حسي ما فكرت اني اسف شنو لكن احتمال كبير
مع العولمة دي اخترع لي (تمباك) خالي عطرون لانو انا مشكلتي الاساسية هي العطرون..
ولو ناس الانقاذ ديل ادونا حتة مطرفة نسف معاهم مع السف المدور في السودان ده
Post: #66
Title: Re: ياخليل خلاص... انتهي ماتش صديقي التمباك!!!
Author: salah elamin
Date: 07-20-2007, 10:41 PM
Parent: #63


ابني الصغير سامر احيانا تجيه حالة
تقمص لشخصية عمو عبد الكريم فبقوم
يمثل كانه عبدالكريم وبعمل انه هو
خاتي سفة
بقوم يكور تنباك وهمي في يده
وبخته في خشمه وبقول بفخر اتا
بقيت عمو عبدالكريم ......تخيلوا.


لدا سأكون اسعد زول لهدا القرار لاني سأضمن ان ولدي
ما حيكون سفاف تنباك .

مع اعتداري للسفافين بالمنبر
Post: #70
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 10:59 PM
Parent: #66


Quote: بقوم يكور تنباك وهمي في يده
وبخته في خشمه وبقول بفخر اتا
بقيت عمو عبدالكريم ......تخيلوا


سلام يا صلاح
سامر صحبي ياخي
وعشان سامر ده انا فكرت اسيب الشغلانة دي..
ارتدي (صديري) ومركوب وكما قال صلاح
اصبحت له سفة افتراضية وقال انو هو (عمو)
فمن اجل سامر والكثير من اصدقائي الصغار قررنا الاقلاع عن التمباك
يا طارق الامين وصلاح عبدالله وعماد وعمار ويا معتصم الطاهر يا حاقدين..
Post: #64
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-20-2007, 10:35 PM
Parent: #62

مدخل اول


يعني يا كريم الجكس دها كلو عرف اننا بنسف
هسع نقول شنو لي ناس نجوان ونون وسحر عبدالرحمن وعزاز شامي ومني خوجلي وغادة عبد العزيز خالد

والانصارية لنا مهدي لانو ديل بكرهو التمباك كراهية جد

مدخل تاني

عباس ابو الحرم سالناهو ايام الجامعة (عباس عائز تخلي التمباك قال ياخي العرقي انا ما عائز

اخليهو التمباك المسكين دها عمل شنو

مدخل تالت

جدي يوسف ود تاتاي ترك التمباك لمدة تلاتين عاما وقال انو تلاتين سنة وهو خرمان

مدخل رابع

حكايتي مع الصعود طالت
Post: #67
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 10:45 PM
Parent: #64

Quote: يعني يا كريم الجكس دها كلو عرف اننا بنسف
هسع نقول شنو لي ناس نجوان ونون وسحر عبدالرحمن وعزاز شامي ومني خوجلي وغادة عبد العزيز خالد

والانصارية لنا مهدي لانو ديل بكرهو التمباك كراهية جد

تقول شنو ياخلي ياخي
بنسفو وكنا بنمطروا كمان...والواضح ما فاضح..!!!
لكن لستتك دي ليه ما فيها تراجي صحبتي؟؟؟
يابتاع دار جعل انت؟؟
Quote: عباس ابو الحرم

ده الشخص الوحيد الذي يمكن ان يرجعني للتمباك لانو احسن زول في العالم ممكن تشيلو منو سفة
(له سفة مميزة)... بالمناسبة ده عباس بتاع (كيكي نازل)..
عباس رب الجاز
Quote: جدي يوسف ود تاتاي ترك التمباك لمدة تلاتين عاما وقال انو تلاتين سنة وهو خرمان

ود تاتاي ما مبشر والله والله يكافينا شر الخرمة الزي دي

خبريتك ما مطمنة ياخليل انا كنت منتظر تضامن تجي تقول لي جدك تاتاي
Post: #69
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-20-2007, 10:56 PM
Parent: #67

Quote: تقول شنو ياخلي ياخي
بنسفو وكنا بنمطروا كمان...والواضح ما فاضح..!!!
لكن لستتك دي ليه ما فيها تراجي صحبتي؟؟؟


تراجي مصطفي ما قلتها لانها هي من انصار مدرسة راسن بلا كيف اريتو بالسيف

وهي بتكون زعلانة منك لتركك التمباك لانك بدون تمباك حاتكون زول ممل وما عندك فرح معبا


سنة واحد تمانين الطيب وعمران علمنا التمباك الراجل كان زعيمنا واي حاجة بعملها

كنا بنقلدو بعقلية القطيع الراجل كان اذا شم رائحة التمباك (بستفرغ) فجاة رايتة

خاتي سفة وسط زهولي اخدت الكيس وقلدتو ومن ديك وعيييك
Post: #71
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 11:06 PM
Parent: #69

Quote: وهي بتكون زعلانة منك لتركك التمباك لانك بدون تمباك حاتكون زول ممل وما عندك فرح معبا

تخيل يا خلي دي الحتة الوحيدة الخايف منها
لانو التمباك كان بزبط الكيف وبخليك تجيب خبورات القضارف ذاااتها
وكون الواحد يكون ممل دي حاجة مش مزبوطة تماما...
ولكن يبقي القرار الصعب هو (نو تمباك اوت)..
...
تراجي جندرية كبيرة يا زول اعمل حسابك
Post: #72
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-20-2007, 11:10 PM
Parent: #71

Quote: لانو التمباك كان بزبط الكيف وبخليك تجيب خبورات القضارف ذاااتها


هسع دحين يا فردة كيف بتمشي الحمام الصباح بدون سفة الصباح

انا شخصيا بدون سفة الصباح لا استطيع عمل ( بولندا ) ولا هراري

ممكن اكون في منطقة النيام نيام
Post: #73
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-20-2007, 11:14 PM
Parent: #72

ممكن اكون في منطقة النيام نيام

وانا يا خليل خلاص بقيت اكبر نيام نيام
نيام نيام يافردة
Post: #74
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-20-2007, 11:20 PM
Parent: #73

Quote: وانا يا خليل خلاص بقيت اكبر نيام نيام
نيام نيام يافردة


خلاص يا كيكي

ممكن تسفة حلبة لحدي ما يطلع التمباك من دمك

وانا متاكد فصيلة دمك لو فصحت حاتكون (o) تمباك (بوظتف)
Post: #81
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:33 AM
Parent: #74

Quote: ممكن تسفة حلبة لحدي ما يطلع التمباك من دمك

كده لازم نشتري كيلة وملوة بتاعة (حلبة)
Post: #75
Title: Re: ياخليل خلاص... انتهي ماتش صديقي التمباك!!!
Author: فيصل عباس
Date: 07-21-2007, 00:31 AM
Parent: #1

ياي
بالله انت بتسف ؟؟؟


وخليتو !!
عقبال ما تخلي السكه حديد



بالله يا كيكي وريني بس كيف من غير تمباك ممكن يصابحو وشك
ده ؟؟

على كل تجدني احني كامل هامتي لشرطتكم العاليه (بت هاشم) وبيد ان شروطها
صارت معلنه بمفارقتك للتمباك او مفارقتها(هذا ما اعلنته صحف المدينه -البهاء بكريه, والقريشيه ،والبدرميريه)
ويا خليل يا صاحب اوصيك بالابتعاد عن فكرة العرس كي لا تغادر اشتهاءاتك,,
كما امر صاحبك بمغادرة شئ من رغباته او ما نشهده الآن فيه،
ياخي التمباك ده مالوا عيبو لي؟؟
كيكي هل تعلم ان تركك للتمباك يساهم في زيادة الفقر والجوع لاناس يعتمدون عليه بشكل
واضح في مواردهم؟؟

((كيكي انا مش صاحبك يلا قول لي الكيس جدعتو وين؟؟))
Post: #82
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:37 AM
Parent: #75

Quote: ياخي التمباك ده مالوا عيبو لي؟؟

مرحب بكبير مرجفي الدوحة مرحب
والتمباك يا فيصل حاشا وكلا ان يكون به عيب
وابقي ناكر جميل لو نبذتوا ليك لكن بصراحة زهجت من سنين الخدمة التمباكية الممتازة
بالاضافة الي تنابيك الدوحة الزي الطين دي
Post: #76
Title: Re: ياخليل خلاص... انتهي ماتش صديقي التمباك!!!
Author: غباشي
Date: 07-21-2007, 00:48 AM
Parent: #1

كيكي إزيك ... و يا سلام على القرارات الشجاعة التي نحييك فيها
ونتمنى لك الثبات في الموقف.
قف
نقف من خلفك و نشد من أزرك و نشتت ما تبقى من كيسك إلى غير رجعة
إنتهى

فاصل
بمناسبة الصعود و السجاير بتزكر لما كنا في سنة رابعة كان في حملة قومية
للقضاء على التدخين و التمباك , كانو طابعين كمية من الملصقات و الصور
ومستعرضين فيها حالات مرضية للتمباك , وحاتك كانو جايبين واحد شلوفتو
مبرّطة و مدلدلة زي الكَفَر المنفس و كاتبين تحته حالة سرطان بسبب التمباك
المهم ولدنا الجاكم قريب و كلمتك عنو داااك متزكروا؟ طبعا سفيف درجة أولى
قام هرش لما شاف الصورة و قال تاني ما بيسف ... صاحبه اسمه عصام ابشر
لاقاهو تاني يوم و شحدو سفة , قام صاحبنا قال ليهو و الله بطلت الصعود , و عصام مفتكروا
بيكضب عليهو عشان يصبن منو الصعود , لما بقى يحلف له و داك ما مصدق قام ولدنا
ساقو وراهو الملصق بتاع الحملة و قال ليهو انا بعد ما شفت شلوفة الزول ده تاني ما بخت
لي سفة في شلوفتي .... قام عصام عاين للصورة و اتخلع في الأول لكن طبعا الخرمة تغلب الخلعة
و قام عاين لولدنا و أشر للصورة و قال : يااااخ ديل كضابين ساكت

الحمد لله لحدي هسع شلوفتنا بختمها .... والغريبة الأيام دي قاعد معاي شافع بياكل الصعود أكل
Post: #83
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:43 AM
Parent: #76

Quote: كيكي إزيك ... و يا سلام على القرارات الشجاعة التي نحييك فيها
ونتمنى لك الثبات في الموقف.
قف
نقف من خلفك و نشد من أزرك و نشتت ما تبقى من كيسك إلى غير رجعة
إنتهى

شكرا يا غباشي علي الدعم اللوجستي والمساندة وحتي الامداد بخطورة التنابيك التي بالنسبة لي صارت
من الماضي التليد
ونشكر كل المساحين السفافيين منهم وغير السفايين علي الدعم والوقوف وقفة مساح واحد
والله يهون القاسي
Post: #77
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-21-2007, 00:49 AM
Parent: #1

.
سلام يا عبد الكريم
اها جيتك .. وعشان ( اغيظك ) مدنكل لي سفة من النوع أبو كديس
أنا اصلو بدون سفة لا بعرف أكتب ولا بعرف أقرأ
حتى في تمرين يوم السبت (اسأل منو شباب الرباط)
ممكن ألعب وأشوف الكورة بدون ألبس النظارات
لكن يوم افقد السفة الناس ما بشوفها خليك من الكورة


صراحة أنا ( معجب ) جدا بقرارك
وأصفه بأنه ( شجاع ) .. وشجاع جدا
لأنو انا مجرد ( الفكرة ) ما بتخيل انها ممكن تراودني
عشان كده حأكون حريص إني اتابع ( صمودك )
ولو نجحت ان شاء الله
سأجمع ( توقيعات ) من أجل ( تحريضك ) على نشر التجربة في كتاب مطبوع
سيستفيد منه 6 مليون سوداني ( آخر احصاء عن عدد متعاطي التمباك )


التدخين قدرت أوقفو بـ ( التدريج ) وبمساعدة صديقنا التمباك
( الأشياء الأخرى ) وقفتها بقرار ( شجاع ) كقرارك
اما التمباك ده ما بقدر عليهو عديل كده
ياخي أنا بنوم بسفة ( منومة ) ..
وبصحا بسفة ( منشطة )
بعد الفطور سفة .. بعد الغداء سفة ..
اي كباية موية باردة وراها سفة ..
مباريات الهلال ما بستمتع بيها إلا وأنا مدنكل سفة
برأيك .. ممكن بعد ده ( اتهور ) وأفارق حبيبي التمباك ...
تجربتك ... حتما ستفيدني



فأصمد يا أخي .. أصمد
بقولها ليك وأنا سافي
.
Post: #85
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:54 AM
Parent: #77

هلا حاتم صحبي
والله يا اخوي انت كلامك سمح بالحيل وبخلي الواحد (ضنبوا يرق) ويفكر يرجع تاني لمربع السفة
التي كانت صديقتي ..
وبالله ما تغيظ يااخي لانو بالكربون كل هذه الاشياء هي من كنت افعلها انا (انت يا زول قاعد تسف معانا سوي ولا ايييه يا حاتم)
متابعتكم لهذا القرار يجعلنا امام تحدي تاريخي عشان نقدم للذين ف ي قلوبهم رغبة للاقلاع عن هذا الامر
نقدم ليهم تجربة في شكل وردة ..
وتاني بنرحب بالتمباكي الكبير حاتم
ونحن السابقون وانتم اللاحقون
Post: #78
Title: Re: ياخليل خلاص... انتهي ماتش صديقي التمباك!!!
Author: هجو الأقرع
Date: 07-21-2007, 02:40 AM
Parent: #1

اخى الكريم (كيكى )اول مرة فى حياتى اعرف انك كنت( بتسف ) معقول زول ظريف زيك بكون بسف ، طيب اذا انت كنت كذلك خليت للناس بدرالدين شنو،المهم ارجو مراجعة شيخك الاسفيرى ، عشان يعمل ليك حجاب ، هسع فى داعى للجرسة دى عشان يجى ابوساندرا يقول ليك كلام ذى ده .
Post: #86
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 08:00 AM
Parent: #78

Quote: اخى الكريم (كيكى )اول مرة فى حياتى اعرف انك كنت( بتسف ) معقول زول ظريف زيك بكون بسف ، طيب اذا انت كنت كذلك خليت للناس بدرالدين شنو،المهم ارجو مراجعة شيخك الاسفيرى ، عشان يعمل ليك حجاب ، هسع فى داعى للجرسة دى عشان يجى ابوساندرا يقول ليك كلام ذى ده .

هلا وغلا يا هجو
وان كانت هنالك بنا بعض الظرافة فان التمباك وسفه احدي ركائزها...
واها يا هجو تاني بعد خلينا التمباك ده حنكون بتاعين مشاكل ومحن
وحرم معتز قريش عندي فيهو راي بعد ده
وح ادور ليك مشاكل المرة دي مش مع الظلاميين المساكيين
لالا
بل مع العامليين فيها ملوك النضال الاسفيري وملوك الكي بورد
ديل تعبوا معااااااااااي (لان تعليمات شيخي الاسفيري اتت عقب مزاج جبهجي)
Post: #79
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-21-2007, 03:53 AM
Parent: #1

.
سلام يا هجو
Quote: معقول زول ظريف زيك بكون بسف

غايتو لو لحق نفذ قرارو .. يا دوب يا هجو حتعرف ليه صاحبك كيكي ده ( كان ) ظريف
.
Post: #80
Title: Re: ياخليل خلاص... انتهي ماتش صديقي التمباك!!!
Author: Hatim Yousif
Date: 07-21-2007, 05:28 AM
Parent: #1

عبد الكريم ... سلامات ...

واحد من الدفعة اللي ورانا ... من أول يوم خاشي الجامعة وكيسه رطل ..

سألناه عن التمباك ... أفاد الآتي :-

عمري 21 سنة .. وبسف من 10 سنوات .... وندمان ندم شديد على ال 11 سنة اللي ما سفيت فيها ...
Post: #84
Title: Re: ياخليل خلاص... انتهي ماتش صديقي التمباك!!!
Author: ضحيه ابراهيم
Date: 07-21-2007, 07:44 AM
Parent: #80


خبر عاجل؟؟؟؟؟؟؟؟؟؟؟


افاد مراسلنا من حى المنصوره بالدوحه وبالشرفه المطله على جمعية المنتزه انه شاهد رجال الاطفاء يتسلقون احدى البنايات الشاهقة وذلك لمحاولة انزال رجل فى نهاية الثلاثينيات من عمره يبدو انه فى محاوله انتحارية وقد علم رجال الاطفاء يتلك المحاولة اثر مكالمه هاتفيه من زوجته ان اسباب انتحاره هى حرمانه من تناول مادة (التمباك ) وهى تبغ سودانى التركيبه.. وان الزوجه هى من حاولت زوجها مرارا لترك تلك العاده السودانيه السيئه الا ان كل محاولاتها باءت بالفشل وكانت هذه السيده تقوم برمى اكياس (التمباك) يوميا فى (الكشره) سلة المهملات .. ولكن لم تجدى نفعا وفى احدى محاولاتها الاخيره هددته بالطلاق وا حرمانه من اشياء عديده يحبها او فضحه بانه من مزاولى هذه العاده السيئه ولحب الرجل الشديد وولهه (بالتمباك) قرر الانتحار..


سودانيزاولاين..حى المنصوره/الدوحه قطر
Post: #87
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 08:04 AM
Parent: #80

Quote: عمري 21 سنة .. وبسف من 10 سنوات .... وندمان ندم شديد على ال 11 سنة اللي ما سفيت فيها ...

والله خبرية ما تطمئن كلو كلو
العالم دي كلها ندمانة علي سنين عدم السف
طيب الندمان علي سنين السف مييييييييييين يا حاتم؟؟؟...
Post: #88
Title: Re: ياخليل خلاص... انتهي ماتش صديقي التمباك!!!
Author: sudania2000
Date: 07-21-2007, 08:12 AM
Parent: #87

سلامات كيكي

زارتني اختي وزوجها

وقام زوجها بقصد وترك كيس الصعود علي مكتبتي

وحين رجعوا اتصل ضاحكا وقائلا وكان بيينا تار بائت

تركنا لك ذكري عساها تفك العارض

لم افهمه وتساءلت ماذا تقصد يا هذا؟؟؟

ضحك ورد ووصف مكان المصيبة في مكتبتي ... مكان ما تركه

فاذا بكيس ....... فوق مكتبتي

هذه اهانة وادانة.... وزعلت ورميت ....... في البلكونة

رديت عليه انشاء الله كان بقي علي البسفوا ما اعرس نهائي وراجل بسف ما تبعي نهائي كدا....



خارج التغطية

مقدمة لنقول .. ممكن تقدم طلب بعد كدا


التعديل لسحب كلمات قد تزعل من يتناول هذا المكيف وقد اوصف بالعنصرية والادنة بما يؤكل ويشرب وهذه حرية شخصية حسب قوانين البلد الدميقراطي السودان
Post: #90
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 08:21 AM
Parent: #88

Quote: فاذا بكيس القرف فوق مكتبتي



هلا سودانية
ويازولة (قرف) دي كثيرة
رغم انني خليت المصيبة دي الا انني لا ابصق علي تاريخي التمباكي العامر
التمباك ما (قرف) يا دكتورة هووووي

Quote: خارج التغطية

مقدمة لنقول .. ممكن تقدم طلب بعد كدا

طلب مشفوع بترك التمباك دي دعوة لضرب القرار السياسي للرجل
(يا زولة انا بجي بي تمباكي (شو رايكم))
Post: #89
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 08:13 AM
Parent: #87

Quote: سودانيزاولاين..حى المنصوره/الدوحه قطر

اها ا ضحية مش احنا اتفقنا معا من اجل
محاربة السواطة البوردابية وتجي انت يا ضحية وتتحول الي اكبر (خشم) خفيف اسفيري...
وكمان عاملييين وحدة مراقبة اسفيرية في المنصورة
كويس يا ضحية
داون داون الريس السابق ضحية
Post: #91
Title: Re: ياخليل خلاص... انتهي ماتش صديقي التمباك!!!
Author: sudania2000
Date: 07-21-2007, 08:26 AM
Parent: #89

اسفين يا كيكي

لكن انت بترد كيف قبال ما ارسل الرد

انا عدلتو بعد قريتو وعملت فيو

اسحب الكوت قبال ما نوصف بالعنصرية
Post: #92
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 08:36 AM
Parent: #91

Quote: اسفين يا كيكي

لكن انت بترد كيف قبال ما ارسل الرد

انا عدلتو بعد قريتو وعملت فيو

اسحب الكوت قبال ما نوصف بالعنصرية

هلا سودانية
والله انتي اطيب زولة واحن اخت في الشرق الاوسط الجديد
التمباك اكبر قرف في الشرق الاوسط الجديد برضو
ياخي ده (الجدادة ) بتجري منو لكن احنا بنكابر وبندلعو لزوم الغلغلة والمحن...
وحرم البوصفك بالعنصرية انا وهو حنخش في جحر اسفيري (ضيق)
...
كل التحايا والتقدير يا سودانية
ومن هنا لمدني علي طول نقدم اوراق اعتمادنا عقب نركنا للتمباك
Post: #93
Title: Re: ياخليل خلاص... انتهي ماتش صديقي التمباك!!!
Author: هجو الأقرع
Date: 07-21-2007, 08:56 AM
Parent: #1

اليله يا كيكى التارك السفه .... وراسو ما لفه حى ووب
خلى قلبك نــــــــــــــــــار .... وبطل البوبـــــــــار
انت قايلو هظــــــــــــــــار 0000احمد سمك بيفتح عليك النار
الليله يا ود امى استغـــــــر ..... الله وكيكى جاتو الهلا هلا
Post: #94
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 09:19 AM
Parent: #93

Quote: انت قايلو هظــــــــــــــــار 0000احمد سمك بيفتح عليك النار

احمد سمك بس
احمد سمك
وميرغني
وناس الشحانية
ومطعم النيل الازرق
والبتان في دوار الفروسية
كلهم حيفتحوا نار واحتمال يطلعوا مظاهرات
Post: #95
Title: Re: ياخليل خلاص... انتهي ماتش صديقي التمباك!!!
Author: خالد الطيب أحمد
Date: 07-21-2007, 09:21 AM
Parent: #93

قريت كلامك كلو..

ما بتقدر..

حترجع..

أو ده ما الوقت المفترض تخليهو..

حتعمل شنو للقرف والزهج بدونو؟؟
Post: #96
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 09:29 AM
Parent: #95

Quote: ما بتقدر..

حترجع..

انت عارف يا خالد
المرة ي (غير) زي ما بقولوا الاخوة القطريين
والقرار بلارجعة وبارادة قوية واصرار عجيب
والقرف والزهج بقن في المسام
بتمباك زهج وبدون تمباك زهج
والحال زي بعضو
Post: #97
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-21-2007, 04:12 PM
Parent: #96

عمر الحبر

خرمان جدا بداخليات البركس لم يجد تمباكا فجاة تذكر حاتم الجد

وذهب لغرفته ووجد مجموعة من الشباب


شباب سلام حاتم الجد في

اجاب الشباب مافي والله

اجاب عمر ( طيب صعوطو في)
Post: #98
Title: Re: ياخليل خلاص... انتهي ماتش صديقي التمباك!!!
Author: محمد على طه الملك
Date: 07-21-2007, 05:49 PM
Parent: #97

عبدالكريم ..
الليله يوم التالته والمغرب دخل ..
ح ترفع متين ؟
Post: #101
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:44 PM
Parent: #98

Quote: الليله يوم التالته والمغرب دخل ..
ح ترفع متين ؟

هلا محمد
وبيني وبينك الحالة(سعبة) والقصة عاملة زنة كده تونها غريب
ولو عبرنا يوم الليلة ده بسلام بيكون مافي عوجة
Post: #100
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:37 PM
Parent: #97

Quote: اجاب عمر ( طيب صعوطو في)


'طبعا ياخلي حضور سيرة التمباكة الكبار مثل عمر الحبر
وطه النور وناس تسف تحت تحت وبتنكر قدام الجكس
بسيرة الناس ديل (الواحد شكلوا كده راجع راجع) والله يستر
Post: #99
Title: Re: ياخليل خلاص... انتهي ماتش صديقي التمباك!!!
Author: غباشي
Date: 07-21-2007, 06:31 PM
Parent: #1

كيكي سلامات
هاك ده مصطلح كان يطلق على السفيفين لمن كنا في الجيش
الكمندان كان كل يوم في الفاصل بتاع جكة الصباح بيجي قول
التمبكجية إختبر (يعني اي و احد بيسف ... يرفع إيدو)
طبعا عشان يشيل منهم سفة و يصادر جميع الأكياس لمصلحته
Post: #102
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-21-2007, 07:50 PM
Parent: #99

Quote: التمبكجية إختبر (يعني اي و احد بيسف ... يرفع إيدو)
طبعا عشان يشيل منهم سفة و يصادر جميع الأكياس لمصلحته


والله ياغباشي الجيش ده صعب شديد والله..!!
حسع انا في البوست ده ذاتي عاملة (كتمبكجية اختبر)
Post: #103
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-22-2007, 01:40 AM
Parent: #1

.
ازيك يا سودانية 2000
Quote: رديت عليه انشاء الله كان بقي علي البسفوا ما اعرس نهائي وراجل بسف ما تبعي نهائي كدا....

تعرفي يا سودانية
مرات كده بقعد أفكر براي ( بعد أدنكل لي سفة طبعا ) ..
يا ترى ليييييه البت السودانية ما ( تأقلمت ) مع التمباك ده ؟؟
بالجد كده .. الحاجة دي محيراني شديد
وبشوف انو المتخصصيين في علم الاجتماع و علم النفس مفروض يعملوا ليها دراسة ..
طبعا أكيد ما قاصد انها تقوم تسف كمان
لانو التمباك ما جاي مع انوثتها ( شكلو ، رائحتو ، طريقة تعاطيهو )
بس انا قاصد انها لو ما ساعدت (أبوها .. أخوها .. زوجها ) في عملية ( التمطير )
على الأقل .. تشوف السعوط ده حاجة عااادية شديد وما ( تشمئز ) منو ..
والبيخليني أفكر كده حاجتين :
الأولى : تعاقب الأجيال المتعاطية للتمباك
فكتب التاريخ بتقول انو الإمام محمد أحمد المهدي - طيب الله ثراه -
من بدأ دعوتو السرية سعى لمحاربة التمباك ..
وفي روايات بتقول انو أصدر فتوى بتحريمه ..
يعني لو افترضنا انو التمباك بدأ الوكت داك بس .. خليكي من القبلو
ده بيعني انو السودانيين بيعرفوا التمباك منذ اكثر من 130 سنة
لا حولالالالالا .. شوفي كم جيل
والثانية : النسبة العالية لـ( المتمبكون )
اذا افترضنا أن عدد الرجال في السودان يتساوى مع عدد الإناث
تشير الاحصاءات إلى ان اكثر من ( ثلث ) الرجال يتعاطون التمباك.
يعني البت : في البيت ..في الشارع ..في المسرح*
وين ما تتلفت بتشوف ليها زول سافي


ما بتتفقي معاي انو حكاية عدم ( تقبلكم ) للتمباك دي محتاج ليها لدراسة ذوي الاختصاص

انا بس دايرك يا سودانية
بعد تستمعي لأي أغنية من الدرر البيجود بيها أخونا محمد عثمان
تقومي تمشي تاخدي ليكي شمة طويلة من الكيس بتاع زوج أختك
وترجعي تستمعي للأغنية تاني
وشوفي الفرق


ـــــــــــــــ
* مع الاعتذار للأغنية
.
Post: #104
Title: Re: ياخليل خلاص... انتهي ماتش صديقي التمباك!!!
Author: Ahmed Yousif Abu Harira
Date: 07-22-2007, 06:24 AM
Parent: #103

Quote: بجانب قلم كان المدهش (اونكل) اقور اياك يمتلك طريقة مميزة وحقة لاتخلو ابدا من تمباك ذو رائحة نفاذة وكان استايله هو (جدع السفة بمهارة عالية ثم توضيبها لاحقا عقب استوائها في منطقة اللثة
وفي اطار الاجرام الطفولي وجدنا في دقسات الاونكل (اقور) استنشاقات سريعة وخجولة لحقته الشهيرة
ثم سفات ذات حجم صغير علي فترات متفاوتة..
اذن اقور اياك وقلم بجانب بائع التمباك الشهير في قلب تلكم المدينة (خميس طه) الذي يتمني كل مهتم بامر هذا النبات المعطن في اقتناء( كيس له ضلا) من صناعة ذلك المريخابي الشهير بجانب بائع اخر اراد
الاستفادة من سطوة جون قرنق والحب السري الذي يكنه له الكثيريين في ذلك الزمان فاطلق علي محله
اسم محلات (قرنق)...


بعد الغزل الصريح دا

هادي دقني كان خليتو يا كيكي...





Quote: يا زول سف سفك
Post: #105
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 06:38 AM
Parent: #104

Quote: انا بس دايرك يا سودانية
بعد تستمعي لأي أغنية من الدرر البيجود بيها أخونا محمد عثمان
تقومي تمشي تاخدي ليكي شمة طويلة من الكيس بتاع زوج أختك
وترجعي تستمعي للأغنية تاني
وشوفي الفرق

والله ياحاتم لقيتك اظرف تمباكي في الشرق الاوسط الجديد
انت كنت وين يازول قبل ما اتخذ انا هاي القرار العجيب وغريب
علي الاقل كنا تبادلنا(نخب) السفات وتبادلنا الخبرات التمباكية..
وحديثك مقنع وفيه دعوة صريحة للاخوات بتعاطي صديقي السابق التمباك
وانا كخبير ما عندي مانع ارجع للشغلة دي لو تنادي اليها الجنس اللطيف
واقتن الاكياس والحقق علي الاقل الواحد يلقي ليهو موضوع
ويشحدهن (سفة)
جيبي سفة يا اخت لو سمحتي
Post: #106
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 06:41 AM
Parent: #105

Quote: بعد الغزل الصريح دا

هادي دقني كان خليتو يا كيكي

هلا وسلام ابوحريرة
وسلم (دقنك) يازول لاقرب بوردابي من بورداب الدوحة
او لاقرب حلاق هندي في المنصورة وانا بجي بتم باقي الحلاقة...
خلاص يا ابوحريرة البيني وبين التمباك (حب وانتهي)
وكل البينا بقي حكاية
Post: #107
Title: Re: ياخليل خلاص... انتهي ماتش صديقي التمباك!!!
Author: السمؤال بدرالدين
Date: 07-22-2007, 07:57 AM
Parent: #1

كيكي
سلام يا جميل
انا غايتو ما جربت الكيف حقكم ده
لكن عندنا عمنا في البلد في رمضان الناس بتفطر في المسيد
طبعا انت عارف حال السعاطة في رمضان مجرد ما الامام يسلم
عمك في قعدتوا يعمل يمين دور ويطلع الحقة في البرش ويقنطر السفة
تسلم
Post: #108
Title: Re: ياخليل خلاص... انتهي ماتش صديقي التمباك!!!
Author: Nader Abu Kadouk
Date: 07-22-2007, 08:17 AM
Parent: #107

الشغلانيه دي يا كيكي فيها سر
وشكلو كده (الجنس اللطيف)
غايتو بنقبلك اكان جيتنا راجع تايب
ودابكدوك
Post: #109
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 10:57 AM
Parent: #107

Quote: طبعا انت عارف حال السعاطة في رمضان مجرد ما الامام يسلم
عمك في قعدتوا يعمل يمين دور ويطلع الحقة في البرش ويقنطر السفة

هلا سمؤال صحبي
وتحياتي
انت عارف يا سمؤال في ناس في رمضان
كل الشغل والصيام بتاعهم بكون مركزو في سفة مابعد الفطور
وفهي سفة تساوي مليون دولار
Post: #110
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 11:06 AM
Parent: #109

Quote: الشغلانيه دي يا كيكي فيها سر

اووه
سفيف قديم وتمباكي من العصر الحجري
والله عقدتونا يا ابوكدوك الواحد ما يتوب ياخي
كل الموبقات تساقطت يا ابو كدوك واخر الساقطين هو التمباك
(السر هو اني عاوز ابقي مطوع خلاص)
Post: #111
Title: Re: ياخليل خلاص... انتهي ماتش صديقي التمباك!!!
Author: Nader Abu Kadouk
Date: 07-22-2007, 11:28 AM
Parent: #110

كيكي يا خوي إنت اكان بقيت مطوع ان ببني لي قبه عديل كده

ودابكدوك
Post: #112
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 11:36 AM
Parent: #111

Quote: كيكي يا خوي إنت اكان بقيت مطوع ان ببني لي قبه عديل كده


هو مطوع وبس
ده انا ياعم ناوي اقود قوي التطرف المنبري
واعقد صفقات مع الظلاميين من الاخوة البورداب والبوردابيات
من هجو الاقرع وفرانكلي وغادي..(معتز قريش والظلاميين الكشمشة ديل ذااتهم عندي فيهم راي)..
باختصار كده يا ابوكدوك
خليت التمباك عشان اقود قوي الظلام الاسفيري لافاق ارحب
..
..
انتو المستنرين ديل نقتكم كثيرة وبتاعين كي بوردات ساكت
Post: #113
Title: Re: ياخليل خلاص... انتهي ماتش صديقي التمباك!!!
Author: شادية عبد المنعم
Date: 07-22-2007, 01:36 PM
Parent: #1

تعرف يا كريم؟؟
دي أول مرة أبارك لي زول وأحس فعلاً هو منتصر على عادة صعبة خالص ( كدة خليتني أعتز خالص بمسألة الحريات الشخصية) دي طلعت فلسفة بتخلي الزول يخلي الصعوط.
تعرف ؟
ما تسمع كلام المرجفين أنا ما بعرف كيف الصعوط لكن راسك ما داي اي مؤثرات وأنا متأكدة أنك ألطف أكثر من غير سفة
قول لي تراجي انتي جنيتي يا ولية ولا شنو؟؟
يا تراجي هوي أنا ماشة بكرة الفاشر لو بتسفي ممكن ارسل ليك عماري فاشري على أصلوا بس خلي كيكي يصمد

صلاح الأمين سلامات يا
شنو تسافر من غير وداع ( الحركة دي متعلمنها من بعض ولا شنو)
أول فرصة تجي جيب لينا سامر
حننسهو ليك سفة عمو عبد الكريم بلطافة البنيات الزي العسل
كريم سماح خطبوها
قالت ليك اصبر ساكت
اسة انا ماشة لأبكر في الفاشر عندك اي واصايا؟؟
Post: #114
Title: Re: ياخليل خلاص... انتهي ماتش صديقي التمباك!!!
Author: محمد على طه الملك
Date: 07-22-2007, 03:01 PM
Parent: #113

Quote: انتو المستنرين ديل نقتكم كثيرة وبتاعين كي بوردات ساكت


او مفلسين ..
البجينا كلو بنقالعو إنشاء الله سفه ..
الغريبه أنا ظنيت الحكاية زهجه وتفك ..
لكن باين عليها جايبه مرقت راس ..
Post: #115
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 03:34 PM
Parent: #113

Quote: دي أول مرة أبارك لي زول وأحس فعلاً هو منتصر على عادة صعبة خالص ( كدة خليتني أعتز خالص بمسألة الحريات الشخصية) دي طلعت فلسفة بتخلي الزول يخلي الصعوط.
تعرف ؟

هلا شادية
ويباركوا ليك السمح يا صديقتي
وفعلا يا شادية هنا اوجدت لروحي فلسفة والية مريحة لترك (هذا التمباك) اللئيم
وشعاري دائما (نو تمباك اوت)..

Quote: ما تسمع كلام المرجفين أنا ما بعرف كيف الصعوط لكن راسك ما داي اي مؤثرات وأنا متأكدة أنك ألطف أكثر من غير سفة
قول لي تراجي انتي جنيتي يا ولية ولا شنو؟؟
يا تراجي هوي أنا ماشة بكرة الفاشر لو بتسفي ممكن ارسل ليك عماري فاشري على أصلوا بس خلي كيكي يصمد

هووي يا شادية
قصة تراجي بتسف دي اشاعات بتاعة جلابة ساكت وحرب اسفيرية من المرجف خليل
تراجي مية مية ولو شافت البوست سوف تاييد وتبارك واحتمال تعمل بوست موازرة
Quote: حننسهو ليك سفة عمو عبد الكريم بلطافة البنيات الزي العسل

سامر مجرم يا شادية
ولو لما في الثالوث المرح
حيكون عندك ميزانية اضافية هي (بند ) التمباك للثالوث الجميل

Quote: كريم سماح خطبوها

شفقانة كده مالها سماح دي
انا قربت الم ليها في عريس مغترب وما بسف (عالم جبانة وما عندها صبر)
Quote: اسة انا ماشة لأبكر في الفاشر عندك اي واصايا؟؟


سلامي لابكر في الفاشر
وكنت ح اقول نفسي في تمباك فاشري لولا التوبة التي هطلت علي من السماء
عموما قولي ليهو كرب الشغل وجيبي لي منو حجاب صبر للتمباك
Post: #116
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-22-2007, 03:42 PM
Parent: #115

Quote: الغريبه أنا ظنيت الحكاية زهجه وتفك ..
لكن باين عليها جايبه مرقت راس

هلا محمد علي
وفعلا جماعتكم مفلسين وفصاح..
واها قلنا بالمرة نستفيد من التوبة التمباكية ونحاول نعمل ليها تاصيل
ونسوقها للاخوة الظلاميين في المنبر واحتمال منابر مجاورة ومع الخصخصة الماشة
في البلد دي نسفيد منها ماديا نصلح بيها الاحوال..
Post: #117
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-22-2007, 04:17 PM
Parent: #116

جمعة ود الجميلة كان مكره جمال العطا شحدة التمباك عمرو ما اشتري كيس تمباك

جمال قال والله جمعة دها كان لقاك جنب حقة عبد الحق اقول ليك جيب سفة
Post: #118
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-23-2007, 08:09 AM
Parent: #117

الاخ عبد الكريم
Quote: واها قلنا بالمرة نستفيد من التوبة التمباكية ونحاول نعمل ليها تاصيل
ونسوقها للاخوة الظلاميين في المنبر واحتمال منابر مجاورة ومع الخصخصة الماشة
في البلد دي نسفيد منها ماديا نصلح بيها الاحوال..


تقول كتب التاريخ ان التمباك ( العماري الجيد... الصعود في المعاجم الحديثة) كان يتعطاه اهالي مملكة مروي وتوارثوة عبر الاجيال وكانت تجارتهم في هذه السلعة الشعبية تمتد مابين ضفتي النيل الي مايقارب اواسط السودان الغربي علي مشارف نهر النيجر وفي هذا قد كانوا (متمكنين) من صنعته الي جاء عهد الانقاذ واقتحم كل مفاصل الحياة السودانية (فتمكن اهل الانقاذ) هذه الصناعة ولم يجعلوا لاحد سبيلا فتدهورت احوال سورج ونوري (للعماري الجيد)..
وعندما حل اقتصاد السوق محل مفاهيم الاشتراكية .. اصبحت السلعة (اي العماري الجيد) محل تنافس اعلامي فكانت تلك (الاكياس) المدبجة بالاعلان.. والالوان..
ثم خصخصة بورصة (العماري الجيد) وبيعت الي القطاع الخاص ..وضاعت قضية (دارفور) وحقوق الانتاج مابين قبول الافارقة حكما لتداول تلك التجارة والقوات الهجين ..
وظلت فكرة الاستفادة المادية من تلك التجارة عند بعض المواطنين حلما اشبه باحلام الف ليلة وليله..
وعليه ننصحك اما بالعود الحميد ال(.... وعدد النقاط 4 وتعني السف) .. أو ان لا تحلم كثيرا اقتصاديا(بالسف الثاني) بعد تركك لهذه العاده أو لهذا الكار(كما يقول اهلنا المصريون القدماء)؟
دي مساله حلم .. وزي مابيقولا مع ناس النقاذ ديل حلم الجيعان عيش!
Post: #119
Title: Re: ياخليل خلاص... انتهي ماتش صديقي التمباك!!!
Author: عمار يس النور
Date: 07-23-2007, 09:40 AM
Parent: #118

أمنياتي لك بالصمود

عاوز أحكي ليك حكايه ظريفه عن سر هذا التمباكة العجيب

صديقنا و زميلنا إبن الدويم الباشمهندس عبدالحليم عثمان سيد احمد (مهندس معماري) مره كان بيجهز في سفه و بعضهم بيشاغل فيه

قال ليهم و الله العماري (التمباك) ده سرو عجيب و إن شاء الله لمن اتخرج ح افتح لي مكتب أعلق فيه يافطه كبيره أكتب فيها:


المعماري عبد الحليم

و في العصر اقلب اليافطه من الجهه التانيه:

عبد الحليم للعماري


تحياتنا

عاشق بخت الرضا
Post: #121
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 01:14 PM
Parent: #117

Quote: جمعة ود الجميلة كان مكره جمال العطا شحدة التمباك عمرو ما اشتري كيس تمباك

جمال قال والله جمعة دها كان لقاك جنب حقة عبد الحق اقول ليك جيب سفة

هلا ياخلي
صديق التمكبة والزمن الجميل..
فعلا ياخليل من اكثر الحاجات التي تزهج التمباكي
هي نغمة (جيب سفة..) او كيس لو سمحت ..او الكيس يا ابو الشباب
والحمد الله الذي حمانا شر هذه النغمة (لا لينا ولا علينا)
Post: #120
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-23-2007, 10:38 AM
Parent: #1

.
سلامات كيكي ..
انا توقعت أجي اليوم ألقاك منزل في البوست أغنية ( رجعنالك )
وخاتي ليك سفة في حجم ( القات) البيستخدموهو اخواننا اليمنيين
خصوصا بعد العملو فينا حبيبنا (هلال الملايين ) امبارح
ياخي أنا قرضت زي ربع رطل أثناء المباراة
وانت - كخبير سابق -
بتعرف انو لحظات ( القلق ) بتشهد ( سفات ) متلاحقة
ما زي سفة ( الاستمخاخ ) البتقعد لغاية مايصل مفعولها لأخمص القدمين..

لكن تفاجأت ولقيتك ( صامد ) ..برافــــو عليك والله
وطالما الصمود تعدي الـ 72 ساعة
بعد كده الواحد ممكن يشد على إيدك ويقول ليك مبروووك ..

Quote: لكن عندنا عمنا في البلد في رمضان الناس بتفطر في المسيد
طبعا انت عارف حال السعاطة في رمضان مجرد ما الامام يسلم
عمك في قعدتوا يعمل يمين دور ويطلع الحقة في البرش ويقنطر السفة

كويس يا السمؤال انو عمكم ده بينتظر لغاية الآذان
عندنا حبوبتنا ( أنزل الله عليها شآبيب الرحمة )
مافي زول فينا قدر يقنعها انو السعوط ده( بيبطل ) الصيام
وهي صااااائمة كانت بتدنكل السفة.
Post: #122
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 01:22 PM
Parent: #120

Quote: وعليه ننصحك اما بالعود الحميد ال(.... وعدد النقاط 4 وتعني السف) .. أو ان لا تحلم كثيرا اقتصاديا(بالسف الثاني) بعد تركك لهذه العاده أو لهذا الكار(كما يقول اهلنا المصريون القدماء)؟
دي مساله حلم .. وزي مابيقولا مع ناس النقاذ ديل حلم الجيعان عيش!

هلا بمكي
وحديثك ذو شجون وسياحة تمباكية تاريخية انقاذية (هجين)
وبيني وبينك كلامك صاح
فيجب علي ان لا احلم بغد سعيد مع هذه التوبة التمباكية في زمن الانقاذ
وحسع يسمعوا بيها ناس الانقاذ ممكن يعملوا منها شركات وضيع
واحتمال يفرضوا علي ضرائب قد تسمي ضرائب (دمغة تائب تمباك)
فعشان كده يا صديقي خلينا بعيد بعيد من التماسيح ديل سيرتهم براها كده
كافية لرجوعي مرة اخري الي مربع السفة (الدقار لوري) ولوري تيمس كمان..!!
Post: #123
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 01:27 PM
Parent: #122

Quote: المعماري عبد الحليم

و في العصر اقلب اليافطه من الجهه التانيه:

عبد الحليم للعماري


طبعا يا عمار ناس معمار ديل كانوا اكثر ناس بسفو تمباك في الجامعة
ولكن بعد الاخوة في اقتصاد
Post: #124
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 01:36 PM
Parent: #123

Quote: وانت - كخبير سابق -
بتعرف انو لحظات ( القلق ) بتشهد ( سفات ) متلاحقة
ما زي سفة ( الاستمخاخ ) البتقعد لغاية مايصل مفعولها لأخمص القدمين..

لكن تفاجأت ولقيتك ( صامد ) ..برافــــو عليك والله
وطالما الصمود تعدي الـ 72 ساعة
بعد كده الواحد ممكن يشد على إيدك ويقول ليك مبروووك

هلا حاتم
وفعلا يا حاتم (كورة ) امس كانت اختبار حقيقي وماتش اخر جري علي هامش المباراة ما بيني وبين
الرغبة في العودة الي مقارعة الخطوب وسيرة الكيس المدنكل..
ودوما طقوس هذه المباراة والمباريات الشبيه (كيس التمباك) عنصر اساسي
كيس شحمان يشهيك التمباك بجانب جك بتاع موية كبير وتطورت القصة مع حنكشة الكبر الي ضرورة
وجود فاين وسلة(دست بن)..
ولكن يوم امس ورغم الزنقة والرغبة والقرفة والخرخرة فان (يوسف محمد) لاعب الهلال انتشلني من
براثن العودة الي مربع سفة كبيرة اكبر من الشلوفة ذاااتها
وصدقني بعد امتحان امس ده تاني ما بتجيني عوجة كلو كلو..
والي الامام نحو (نو مور تمباك اوووووت)
Post: #125
Title: Re: ياخليل خلاص... انتهي ماتش صديقي التمباك!!!
Author: anas hassan
Date: 07-23-2007, 01:50 PM
Parent: #1

ياخى حرام عليك تخلى التمباك ليه بس سوا ليك شنو الزعلك منو منو

انت عارف التمباك دا الحاجه الوحيده المابتتخلى لانو بخش معاك حتات مابخشوها زول معاك

انس
Post: #126
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 01:57 PM
Parent: #125

Quote: ياخى حرام عليك تخلى التمباك ليه بس سوا ليك شنو الزعلك منو منو

انت عارف التمباك دا الحاجه الوحيده المابتتخلى لانو بخش معاك حتات مابخشوها زول معاك

مرحب يا انس
كدي نورنا عن الحتات البخشها معانا التمباك دي
ممكن نغير راينا ونرجع..!!!
...
مافي زعل لكن في زهج من الخدمة الطويلة الممتازة..
Post: #127
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-23-2007, 03:44 PM
Parent: #1
Post: #128
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 03:59 PM
Parent: #127


هلا حاتم
والف تحية علي (اللوقو) والشعار الرسمي
وح اعمل منو زي ديشليون كوبي وكم بيست واضعه في مناطق مميزة
حتي انجح في هذه النفرة التمباكية
وكل الحب الممتد من سنار حتي الرباط
Post: #129
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-23-2007, 04:00 PM
Parent: #1

.
ياخي كل ما اخت لي سفة ينط لي في راسي البوست بتاعك ده
في نهاية الدوام ما لقيت شغلة فتحت الفوتوشوب
وجاتني فكرة اهديك ( شعارك )
مساهمة من تمبكجي ما بيقدر يتخذ قرار مشابه
Post: #130
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 04:12 PM
Parent: #129

Quote: مساهمة من تمبكجي ما بيقدر يتخذ قرار مشابه

ولايهمك يا حاتم
انا كتمبكجي سابق
ساقدم ورشة تحت عنوان
(القرار الصعب لحسم التمباك الكعب)...
...
...
والله الواحد قرب يقول ليك (جيب سفة ياخي)
شاف الونسة دورت بيني وبينك
Post: #131
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-23-2007, 04:16 PM
Parent: #130

من اشهر السفيفة نهار رمضان

اخوانا المهندس محمد الامين والحاجة جديجة بت التوم

قالو ما بفطر
Post: #132
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 05:25 PM
Parent: #131

طبعا يا خلي يادوبك حديث التمباك وسيرته الطويلة سوف تتنطلق
والان نحن في مدينة الدويم ومدرسة النيل الابيض الثانوية داخلية (الزراف) لعام واحد
ثم القسم الخارجي والتحرك ببص النيل الابيض التاريخي وسفات الصباح برفقة الاخوة السفيفة من ابناء الدويم العاليي الرقي والاهتمام بهذا الصنف الجيد..
كل هذه الفترة وما قبلها كانت هي فترات تمباك (الظل) لا من شاف ولامن دري بعيدا عن رقابة
الاسرة الصعبة المراس .. فترة شهدت تكتيك عالي وفن (دس) الكيس في اركان لا يستطيع احرف جهاز جي بي معرفة احداثياته في ذلك المنزل الواقع في حي الموظفيين بالدويم...
وكانت ميزانية الكيس هي من تشارك (حق الفطورالصباحي) الذي كان يتكون من (احلي مصقع في العالم)
وهو افطار الحاجات في بهو ساحة النيل الابيض الافطارية...
وهنا بدات الالفة مع تمباك (حلة مبروكة) ذلك الحي الوديع المجاور لمدرسة النيل الابيض الثانوية
الواقعة في اطراف مدينة الدويم قبالة الطريق المودي الي شبشة...
ونذكر صديقي برجاس وعاطف والكثيرين من الذين صرنا (ابناء كيس واحد) وسفات ترسل كشنقات في
دروس الاستاذ العالي المرح واللسان العجيب الطيب (رحمة)..ونعود
Post: #133
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-23-2007, 05:34 PM
Parent: #132

سجمي يا كريم

انت بتسف من العالي والله انت انحرفت صغير

بالمناسبة في بتاع تمباك جنب استاد مدني كاتب ( تمباكة مجنونة تعالو شفونا

وهي كضاب ساكت تمباكو زبالة بس

لا يسمن ولا يغني عن خرمة

واصل يا وريف
Post: #134
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-23-2007, 05:42 PM
Parent: #133

Quote: سجمي يا كريم

انت بتسف من العالي والله انت انحرفت صغير

تقول شنو ياخلي
ديك (سفات) بتاعة اخوان يادوبك كده..!!!
كنا ياخلي ونحن خروجا من الداخلية في ليلة الخميس ونحن نقتحم مدينة الدويم مساءا
كنا حريصين بجانب الباسطة ومكتبة (عمك غانم) والسينما والعشاء التاريخي عند عمك الله يرحمه
(الطيب عوض ريد) احسن من يصنع فول بالجبنة الدويمية العالية الجودة
كنا حريصين علي اقتناء كيس مدنكل من التمباك الدويمي الجيد وثم تذهب ليلا الي المنزل ولكن قبل
دخولك كان عليك التفكير جيدا في تاميين هذا الكيس وايجاد (مخبي) ابن لذينة لا تصل اليه الرقابة
والشمشمة حتي مساء الجمعة لتاخذه معك الي المدرسة وهي كوتة اسبوع باكمله نجت من المصادرة او الجدع في سايفون عميق بدعوي ان هنالك جسم تمباكي غريب لا يدرون من هو المسخوت الذي اتي به
Post: #135
Title: Re: ياخليل خلاص... انتهي ماتش صديقي التمباك!!!
Author: عمار يس النور
Date: 07-23-2007, 08:47 PM
Parent: #134

كنا ياخلي ونحن خروجا من الداخلية في ليلة الخميس ونحن نقتحم مدينة الدويم مساءا
كنا حريصين بجانب الباسطة ومكتبة (عمك غانم) والسينما والعشاء التاريخي عند عمك الله يرحمه
(الطيب عوض ريد) احسن من يصنع فول بالجبنة الدويمية العالية الجودة


و الله يا عبد الكريم انا كنت قايل إنك طلعت من عندنا في الدويم نضيف و تعاطيت هذا المكروه في داخلية فلسطين و كده

لو كنت عارف إنك من النيل الابيض الثانوية بتسف كنت كلمت ليك خالك الدكتور و كان أقام فيك الحد و إحتمال كبير كان
ينفذو د. عبد الحليم المتعافي حينها.


قال الشاعر:

من تعاطى المكروه عمدا
غير شك يتعاطى الحرام
Post: #138
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-24-2007, 06:43 PM
Parent: #135

Quote: و الله يا عبد الكريم انا كنت قايل إنك طلعت من عندنا في الدويم نضيف و تعاطيت هذا المكروه في داخلية فلسطين و كده

هلا بالدفعة وناس الدويم الحنان..
هو بالله ياعمار مع ناس عثمان(الشين ) ديل
معقول الواحد يطلع نضيف...
عبدالحليم كان جيرة وخوة زمان مع الخال لكن بعد ده ما اظن يكون فاضي
لتنفيذ طلبات الخال(ده بقي اكبر والي في الشرق الاوسط)
Post: #136
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-23-2007, 09:36 PM
Parent: #1

.
خليل مخاطبا كريم
Quote: انت بتسف من العالي والله انت انحرفت صغير

ياخي انا لمن دخلت الثانوي العالي كنت بديت أفكر اسيب التمباك
ما تخلع الزول ساكت .. انحرافو تأخر كثيرا
.
Post: #137
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-23-2007, 09:43 PM
Parent: #1

.
Quote: شاف الونسة دورت بيني وبينك

معليش يا كيكي ..فارق التوقيت ما بيخلينا نتلاقى كتير في نفس اللحظة
لكن والله فعلا سعيد بالتعرف عليك
.
Post: #139
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-24-2007, 06:49 PM
Parent: #137

هلا يا حاتم يا صديق المسافات
ولو عارف ياحاتم التمباك وتركه ده بجيبك لينا كنت (خليت التمباك ) من زماااان
لكي ننعم بصحبة حاتم واحادثيك المرحة اللطيفة..
متشرفين يا حاتم وشكرا لهذا الاسفير الذي اعطانا السانحة لكي نلتقي بالناس
الرائعة من بلادي...
...
طبعا يا حاتم الخرمة الان في اعلي درجاتها والراس بعمل (زززززززززن)
وقول معاي يارب
Post: #140
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-24-2007, 08:37 PM
Parent: #139

Quote: طبعا يا حاتم الخرمة الان في اعلي درجاتها والراس بعمل (زززززززززن)


اها بقيت تجقلب؟؟
اغنيه مهداه مقدما

بعد الغياب..
عاد الحبيب ..المنتظر..
عاد.. عاد ..
عودا حميدا مستطاب..
ياللخرم ..ياشباب..


مع الاعتذار لشاعر وفنان الاغنية
Post: #141
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-24-2007, 08:41 PM
Parent: #140

هلا مكي
وفعلا الجقلبة بدات من زمان
ولكن هناك صمود تاريخي ورغبة في تحدي الخرم
بس لو ززززززززززززن دي تفك شوية (ما بتجيني عوجة تب)
Post: #142
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-25-2007, 01:18 AM
Parent: #1

.
شكرا كريــم لكلماتك الطيبة
ودام الود بيننا
Quote: طبعا يا حاتم الخرمة الان في اعلي درجاتها والراس بعمل (زززززززززن)

عليك ( بالاستنشاق )
شريطة أن لا تتجاوز مدة الشمة 5 ثواني
وأن تكون ( المادة الخام ) بحوزة شخص آخر قادر على ( ردعك ) ان حاولت التمادي..
.
Post: #145
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 04:47 PM
Parent: #142

Quote: عليك ( بالاستنشاق )
شريطة أن لا تتجاوز مدة الشمة 5 ثواني
وأن تكون ( المادة الخام ) بحوزة شخص آخر قادر على ( ردعك ) ان حاولت التمادي

هلا حاتم
والاستنشاق واحدة ياحاتم من المحاذير وكل الخبراء السابقين واللاحقين
قالوا حذاري والف حذاري من الاستنشاق فانه لايقاوم وهو الرجوع بام عينه
...عشان كده يا حاتم مافي ردع قادر علي ردعي اذا استنشقت صديقي التمباك
فانه الرجوع الاكبر...وهدم شعارنا الجديد (نو موررررر تمباك اووووووووووت)
Post: #143
Title: Re: ياخليل خلاص... انتهي ماتش صديقي التمباك!!!
Author: معاوية الطيب
Date: 07-25-2007, 09:51 AM
Parent: #1

Quote: طبعا انت عارف حال السعاطة في رمضان مجرد ما الامام يسلم
عمك في قعدتوا يعمل يمين دور ويطلع الحقة في البرش ويقنطر السفة


Quote: انت عارف يا سمؤال في ناس في رمضان
كل الشغل والصيام بتاعهم بكون مركزو في سفة مابعد الفطور
وفهي سفة تساوي مليون دولار


كيكي
مافى سلام ولا كلام
يازول الكلام الفوق دة صاح
وما تقول انو السفة بتفطر
انتو بتجيبو الكلام دة من وين
وانت ذاتك الشلاقة العليك شنو
وكمان فاتح بوست
وتشرع فيهو
( وبطريقتك دى يوم بتكتل ليك زول )
Post: #144
Title: Re: ياخليل خلاص... انتهي ماتش صديقي التمباك!!!
Author: shammashi
Date: 07-25-2007, 10:41 AM
Parent: #143

خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة

خليت التمباك
يعني شنو التمباك
والله خليتو
ولا عمل لي حاجة



كيكي
الشافك واقف في صينية وتهضرب ما كضب


أصلها الهضربة بتبدأ بي زي دا.
Post: #146
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 04:52 PM
Parent: #143

Quote: كيكي
مافى سلام ولا كلام

هلا معاوية صحبي الزمان
وماغريبة منك عدم السلام (اصلو خوتك طلعت خوة تمباك وبس يا يعقوبان)
وعشان الكلام ده يامعاوية وانا في اطار التوبة النصوحة
باحث هذه السنة (نحو يوم رمضاني خالي من التمباك)..
ده شعاري في رمضان الجاي من حسع (باذن الله)..

....
مشتاقين يا معاوية بالجد ويينك ويين اراضيك يا صحبي الجميل
Post: #147
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 04:55 PM
Parent: #146

Quote: خليت التمباك
يعني شنو التمباك
والله خليتو
ولا عمل لي حاجة

هلا شماسي وعالم ما تظهر الا يجيبو ليها سيرة التنابيك..
انا صعب ارفع جنينة يا شماسي
لاني قلت التمباك عمل لي راسسسسي بعمل (زززززززززززززززن)
Post: #148
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-25-2007, 05:05 PM
Parent: #147

كرمة

بكره الزول البشحدك سفة وادخل ايدو جوة الكيس

بعدين في ناس طبعهم شين سفتهم دقار لوري بس
Post: #149
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 05:18 PM
Parent: #148

Quote: بكره الزول البشحدك سفة وادخل ايدو جوة الكيس

بعدين في ناس طبعهم شين سفتهم دقار لوري بس

هلا خليل
عندنا بلدياتنا والغريبة اسمو خليل
لو شحتو سفة ودخلت يدك في الكيس طوالي بقول ليك وبزعل خلاص خلي الكيس ده معاك...
...
وزي الناس السفتهم كبيرة ديل ياخليل ياهم ذااتهم الكرهونا الشغلانة دي
السفة الاولمبية مفروض تكون قطرها نص (سنتمتر) في اسواء الاحوال
Post: #150
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-25-2007, 05:30 PM
Parent: #149

Quote: السفة الاولمبية مفروض تكون قطرها نص (سنتمتر) في اسواء الاحوال



بشير ود عبد الرازق بقول ( شنقة بالله ابلع بيها الشاي دها)

والشنقة قطرها تلات ملي
Post: #151
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 05:36 PM
Parent: #150

Quote: بشير ود عبد الرازق بقول ( شنقة بالله ابلع بيها الشاي دها)

والشنقة قطرها تلات ملي


ايوه دي السفة الاسمها (الكبري) قادرة بتماسكها العالي علي تمرير دشليون كباية شاي
دون ان تتحرك..
الشنقة يتم دعمها بعدة شنقات في مواقع مختلفة (طبعا في ناس سفاتهم علي طول شنقات)..
وديل بقولوا عليهم سفتهم (سفة جكس)
Post: #152
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-25-2007, 05:50 PM
Parent: #151

Quote: الشنقة يتم دعمها بعدة شنقات في مواقع مختلفة (طبعا في ناس سفاتهم علي طول شنقات)..
وديل بقولوا عليهم سفتهم (سفة جكس)


طبعا احسن حسابة للبتاع داك السفة بعد البتاع الاول والتاني

لكن السيجارة حسابة نص كلتش
Post: #153
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 06:03 PM
Parent: #152

فعلا يا خلي
يعجبني الون تو
وبكون ون تو زي الورد لمن سيرة البتاع تتلخبت مع البتاع..
فعلا يا خليل الحباسة توقيتها الاستاندر بعد البتاع التاني (او كما قال راشد كرشة)
Post: #154
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-25-2007, 06:23 PM
Parent: #153

Quote: وبكون ون تو زي الورد لمن سيرة البتاع تتلخبت مع البتاع..
فعلا يا خليل الحباسة توقيتها الاستاندر بعد البتاع التاني (او كما قال راشد كرشة


الله يا كيكي ما بلاش الكاروشة

سفة الصباح تجلب النجاح

وسفة الفطور تجلب السرور

وسفة البتاع بتصلح الدماغ
Post: #155
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-25-2007, 06:29 PM
Parent: #154

Quote: الله يا كيكي ما بلاش الكاروشة

تعرف ياخليل
تقعد تجيب في سيرة البتاعات مشفوعة بالكاروشة
حسع ده الحديد بدور وعلي (الريان) سيداااا
ويا ميرغني بالله جييييييييب كيسسسس ياااخي
ونعمل رجعنالك ويا دار ما خشتك كاروشة بوليا
Post: #156
Title: Re: ياخليل خلاص... انتهي ماتش صديقي التمباك!!!
Author: Nader Abu Kadouk
Date: 07-26-2007, 05:37 AM
Parent: #155

خليت التمباك
يعني شنو التمباك
والله خليتو
ولا عمل لي حاجة


خليت التمباك
يعني شنو التمباك
والله خليتو
ولا عمل لي حاجة

لوووووووول يا معاويه

ودابكدوك
Post: #157
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-26-2007, 10:34 AM
Parent: #156

Quote: تقعد تجيب في سيرة البتاعات مشفوعة بالكاروشة
حسع ده الحديد بدور وعلي (الريان) سيداااا
ويا ميرغني بالله جييييييييب كيسسسس ياااخي
ونعمل رجعنالك ويا دار ما خشتك كاروشة بوليا تقعد تجيب في سيرة البتاعات مشفوعة بالكاروشة
حسع ده الحديد بدور وعلي (الريان) سيداااا
ويا ميرغني بالله جييييييييب كيسسسس ياااخي
ونعمل رجعنالك ويا دار ما خشتك كاروشة بوليا


يا باشمهندس ..

ما قلنا ليك ..الكيس عجيب .. قاسي وصعيب .. اتحملوا ..
ما رضيت كلامنا .. ومشيت براك .. اهو ده العزاب ..استحملوا


تعرف انا زي ما قلت ليك عاجبني البوست والمداخلات الفيهو .. وعن شخصي فقد خليت الصعود وابتليت بالتدخين منذ عام 1990 (قبل الميلاد) .. وهو عام ميلاد التدخين عندي .. ولقد احضر لي احد الاخوان 2 رطل (عماري ممتاز) وارد دارفور .. مطر احد الاصدقاء منه وقرر دفع ($ من المال لشرائه مني .. فرفضت ..) وقلت له سابقي معي الرطلان الي يوم ما .
والي الان لم اترك التدخين ولم ارجع الي التمباك ..
دحين انت ..شكل المشكله عندك زي لما تسال زول مواطن سوداني بسيط انت ناس الجبهة ديل دايرهم ؟ يقوم يقول ليك لا .! تقوم تقول ليهوا والبديل شنو في وجهة نظرك ؟؟

لذالك قوم لوك ليك لبانه .. اس اس لب .. دخن شيشة في الريان ..

المهم طالما هناك زنه في النافوخ .. يبقي لسه انت في المرحلة الحرجه... لك الله
Post: #159
Title: Re: ياخليل خلاص... انتهي ماتش صديقي التمباك!!!
Author: ودرملية
Date: 07-26-2007, 01:52 PM
Parent: #156

Quote: خليت التمباك
يعني شنو التمباك
والله خليتو
ولا عمل لي حاجة

لوووووووول يا معاويه

هلا كدوك
قووول (لووووول) يا شماسي وليس معاوية...
يجيبوا ليكم سيرة التنباك والبتاع تتطاقشوا وتلخبتوا في الكلام..
قووول لووول يا شماسي
Post: #160
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-26-2007, 01:59 PM
Parent: #159

Quote: Quote: خليت التمباك
يعني شنو التمباك
والله خليتو
ولا عمل لي حاجة

لوووووووول يا معاويه


هلا كدوك
قووول (لووووول) يا شماسي وليس معاوية...
يجيبوا ليكم سيرة التنباك والبتاع تتطاقشوا وتلخبتوا في الكلام..
قووول لووول يا شماسي

عفوا سادتي فهذا خطاء غير مقصود
فود رملية بريي تماما من هذه المداخلة
فيبدو ان الخرمة خلت الواحد (يشوت لفت) ويخش في باص ويرد زول تاني..
الله يستر عليكم ساكت من الهكر ابو خرمة ده
Post: #158
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-26-2007, 11:42 AM
Parent: #1

.
الأخ مكي
Quote: ولقد احضر لي احد الاخوان 2 رطل (عماري ممتاز) وارد دارفور

ياخي انت قاعد وين ..
عشان نحاول نعمل ( مقايضة )
أرسل ليك ( باخرة ) مليانة سجاير
وترسل لي الرطلين


بعدين أنا بعرف ناس كتتتتار عشان يبطلوا التدخين اتورطوا وبقو زملاء ( تمبكتو)
أول مرة اعرف لي زول يبطل التمباك ويقبل للسجاير ..
بالغت شديد .. ياخي ( سفة ) واحدة بتقنع ( الدماغ) اكتر من علبتين مارلبورو ...
كده أسأل دمااااغك عن حالو .. اسألو
ينبيك عن سؤالك خرمتو ..
.
Post: #161
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-26-2007, 02:04 PM
Parent: #158

Quote: دحين انت ..شكل المشكله عندك زي لما تسال زول مواطن سوداني بسيط انت ناس الجبهة ديل دايرهم ؟ يقوم يقول ليك لا .! تقوم تقول ليهوا والبديل شنو في وجهة نظرك ؟؟

هلا مكي
والقصة فعلا يا مكي هدت الحيل
والخيال اصبح يجتر في لحظات التنبكة السابقة وايام العز التمباكي...
وبالله الصفقة المع (حاتم) دي..حقنا فيها بره(انشاء الله نستنشقوا ساكت)
والجميل البوست بكم صار (مجلس تمباكة) وبرامكة وانا شكلي يا مان راجع راجع..
لتمباكي الاول (علي وزن غرامي الاول)
Post: #162
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-26-2007, 02:16 PM
Parent: #161

Quote: بالغت شديد .. ياخي ( سفة ) واحدة بتقنع ( الدماغ) اكتر من علبتين مارلبورو


لييييه ياحاتم
احنا مش اتفقنا علي (نو مو تمباك اوووووووووت)
Post: #163
Title: Re: ياخليل خلاص... انتهي ماتش صديقي التمباك!!!
Author: منتصر حسن محمد
Date: 07-26-2007, 02:23 PM
Parent: #161

سلاااااااااام بطعم سفة الصباح
منو الزيك يخت الدنيا في كفه ويرجح ريدو بي كفه
منو الفي عز تلاوتي بحسو بين الغنة والإخفا
بريدك ريدة مختلفة وبحبك إنتي يالسفه .... شاعر سفيف

إنني أعشق التمباك لحد الوله ...و كثيراً ما أندم علي السنين الأولي من عمري قبل
أن أتعلم ذالك الكيف الرهيب .. تخيل إنك كنت ممن يسفون قبل الفطام ..
وبعد كل رضعة تتكل ليك سفة جامدة .. ثم شنقة بعد البزازة .. كم تمنيت أن أحس ذلك الإحساس
الجميل ... ولكن الريدة جات متأخرة..

الأماكن التي تمتاز بالتمباك الجديدة يكون فيها أناس ..

وسلام بطعم السفة بعد إفطار رمضان ..
Post: #165
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-26-2007, 04:32 PM
Parent: #163

Quote: وسلام بطعم السفة بعد إفطار رمضان

مرحب منتصر
ونعم السلام والتحية فهي سفة لها قيمة يمكنها الجلوس بكل ارتياح عاليا في
بورصة (داو جونز) لمدة عدة سنين ضوئية...
وياجماعة بكلامكم السمح وغزلكم الدمياطي لهذا التمباك
فاني اخاف ان اكون له من الرجعيين
Post: #164
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-26-2007, 03:55 PM
Parent: #1

.
Quote: لييييه ياحاتم
احنا مش اتفقنا علي (نو مو تمباك اوووووووووت)


يا صاحبي أنا من قولة تيت قلت ليك انا ما معاك
ماااااااااا بقدر على فراقو (( دي أيام زمان خمسين ما بتتفوت ))
بس قلت ليك معجب بقرارك الشجاع
ومنتظرك - بعد نجاحك -
تنشر لينا ( تجربتك ) في كتاب
سافر ليهو بيروت عشان تطبعو

وانا الدروس المستوحاة من الكتاب
ححاول أطبقها :
أولا :في التخلص من ولهي بـ( الهلال ) الداير ( يكتلني ) اليوم داك مع السكري بتاعي ده
ثانيا : في التلخص من ( وردي ) الساكن فيني ويخليني كل ما استمع ليهو وأكون براي أقعد أبكي زي العوير

بعد اتخلص من ( الأدمان ) ده
مش التمباك ده .. بسيب ليك حنانو
أخوك برضو ( صنديد ) وعزيمتو ( حديد )
.
Post: #166
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-26-2007, 05:18 PM
Parent: #164

الاخ حاتم

Quote: ياخي انت قاعد وين ..
عشان نحاول نعمل ( مقايضة )
أرسل ليك ( باخرة ) مليانة سجاير
وترسل لي الرطلين


انا قاعد في بلاد ما وراء الاطلنتي ..
قبل ما ادلي براي في العرض ده
صاحبنا عبد الكريم طوالي قام قال داير حقوا في الصفقة.. ولكن :
ماهو بطرفنا ليس معروضا للبيع أو المقايضة
لسبب بسيط .. هو بعض مدخراتي لليوم الاسود..
وليس المعني هنا يوم غلاء ثمنه(اي ألعماري)
بل يوم ان اتخذ قرارا شجاعا اخر بترك السجائر ..
ممارستي لعادة التدخين وشوقي للتمبكه!!
والغريبة بخلي حتي شراب الشاي في رمضان ..
اللهم بلغنا رمضان ..اللهم بلغنا رمضان

الاخ عبد الكريم كتب ليك
Quote: احنا مش اتفقنا علي (نو مو تمباك اوووووووووت)



ونسي انك قلت ليه مبروك تركك للتمباك وانك ما معاه

لكن نحنا عاوزين صمودوا ده ما يقوم ينخ قبل رمضان او في اثناء رمضان
وبنشجعوا معاك .. خاصة مساله:

Quote: ومنتظرك - بعد نجاحك -
تنشر لينا ( تجربتك ) في كتاب
سافر ليهو بيروت عشان تطبعو


شكلك مصمم كبير فكر لينا في تصميم لغلاف الكتاب ده من اسع
Post: #167
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-26-2007, 05:37 PM
Parent: #166

Quote: بعد اتخلص من ( الأدمان ) ده
مش التمباك ده .. بسيب ليك حنانو
أخوك برضو ( صنديد ) وعزيمتو ( حديد )


انت عارف يا حاتم
انا ذااتي خليت التمباك ده في ظرف تاريخي عجيب وغريب
ابو الهل خاشي بطولة ليها ضل والاعصاب في امس الحاجة للتمبكة (مع ناس ابو تريكة ديل)
وكل مباراة هي مشروع كيس (تمباك منتهي)...
احد اصدقائي وصف هذه التوبة وفي هذه الظروف بانها خيانة لدور التمباك التاريخي

لكن بالنسبة ليك ياصديقي
مادام انت في انتظار التوبة من الهلال ووردي (فابشر بطول سفا ياحاتم)..
الهلال ما بتخلي باخوي واخوك
ووردي شجن وحنين والطير المهاجر وعاد الحبيب وعادت الي احلي الليالي..
(التمباك مشي وما جاء)..بالمناسبة ده حيكون عنوان الكتاب
Post: #168
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-26-2007, 05:48 PM
Parent: #167

Quote: شكلك مصمم كبير فكر لينا في تصميم لغلاف الكتاب ده من اسع

هلا مكي
حاتم مصمم كبير ودي فيها انا بتفق معاك
ولكن احنا عايزين تصميم في اتجاه (حملة نووو مو تمباك اوووت)
الغريبة حاتم هو الذي صمم الشعار
والله يا حاتم تصميم شعارك ده بقي زي شعارات الاخوة في ثورة الانقاذ اللمن الجيش للشعب انحاز
عندما رفعوا وصمموا شعارات
ناكل من ما نزرع
ونلبس مما ننصنع
هم يصمموا الشعار وقاعدين بعييييييييييد
واحنا الشعب المسكين نشيل الشعار ونقوم كاسحين بيهو
Post: #169
Title: Re: ياخليل خلاص... انتهي ماتش صديقي التمباك!!!
Author: Salah Abdulla
Date: 07-26-2007, 07:31 PM
Parent: #168

يا كيكي .. سلام

تصدق ماتش التمباك يادوووووووب إبتدأ !!
يومك كلو تكون بتفكر في التمباك . في كل لحظة ، لأنو أي حاجة بتعملها بيكون في سبب قوي يدفعك الى استخراج (كيسك) و (دردمة) سفة ظريييييفة .
فياخي كلامي الزمان قلتو ليك أمسك فيهو قوي ، ومما في سبب (في الدنيا) بيخليك تتخذ القرار ده ، ياخ هو التمباك ده بيتخلى؟؟؟
عليك أمان الله ، مرة انعدم التمباك في الدوحة في تسعينات القرن المضي ، جهجهنا جهجهة العدو ..
جرّبنا التمباك الامريكي أب علبة أنيقة ، ريحتو زي (الفكس) تخت ليك سفة تحس بأعراض النزلة مع ريحة الفكس دي .
جربنا العماني ، لقيناه أي كلام ، فتـفـتنا السجاير ومطرناه ، برضو ما نفع ، جربنا البتاني (الباكستاني) قرّب يجيب أجلنا ..
والله لمن الغمة دي زالت واتوفر التمباك السوداني ، ومشيت جبت لي كمية معتبرة ، والله أنا شيلو في يدي وبعاين ليهو قرّبت أبكي ..
اللهم لا تحرمنا منه ، ولا تحرم أخواننا ناس كيكي منو ، وأعدهم الى حظيرة التمباكة سالمين ..
ووفره لاخواننا المغتربين في أعالي البحار وخلفها وأمامها ..

قولوا آمين .
Post: #170
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-27-2007, 12:49 PM
Parent: #169

Quote: عليك أمان الله ، مرة انعدم التمباك في الدوحة في تسعينات القرن المضي ، جهجهنا جهجهة العدو ..
جرّبنا التمباك الامريكي أب علبة أنيقة ، ريحتو زي (الفكس) تخت ليك سفة تحس بأعراض النزلة مع ريحة الفكس دي .
جربنا العماني ، لقيناه أي كلام ، فتـفـتنا السجاير ومطرناه ، برضو ما نفع ، جربنا البتاني (الباكستاني) قرّب يجيب أجلنا ..
والله لمن الغمة دي زالت واتوفر التمباك السوداني ، ومشيت جبت لي كمية معتبرة ، والله أنا شيلو في يدي وبعاين ليهو قرّبت أبكي ..
اللهم لا تحرمنا منه ، ولا تحرم أخواننا ناس كيكي منو ، وأعدهم الى حظيرة التمباكة سالمين ..

هلا ابو صلاح وفقدناك ليلة امس انت وعماد والحفلة كانت زي الورد..
ويا صلاح خلاص قصة التمباك دي اتحسمت
وسفينة كيكي سارت لاتبالي بالرياح
وانت يا مان عاوزني اقعد لتمباك الامم المتحدة مع تمباك الدوحة السوداني الما مضمون
انا مرة سفيت تمباك (روسي) يا ابوصلاح (ده عندو راي في الفودكا ذاتتتها) ..
فعشان كده يا فردة قررننا الانعتاق والتحرر
Post: #171
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-28-2007, 00:25 AM
Parent: #1

.
أزيك يا كيكي
Quote: حاتم مصمم كبير ودي فيها انا بتفق معاك

أنا غايتو ( مصمم ) أتعلم الفوتوشوب
عشان كده بقضي وكت كتير ببحث في دروس ليهو في النت
بعد ما قنعت من معاهد المغرب الخاصة البتعتمد الفرنسية في التدريس
وأخوك غير العربي والرطانة ما بيعرف ابو النوم..


ورغم اني لسع في البدايات
بس بعتبر جملتك دي بمثابة ( موافقة ) منك
اني أقوم بتصميم غلاف الكتاب
ما يقوم أخواناالفنانين.. عماد عبد الله أو راكوبة
يعزموك قهوة في السيتي سنتر وتروح (بايعني )
أصلوا انا متوقع نجاح كبير لمبيعات الكتاب
والغلاف ده انا خلاص قفلت عليهو
كخطوة أولى نحو (الثروة) ..
.

Post: #173
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-28-2007, 00:36 AM
Parent: #171

Quote: ما يقوم أخواناالفنانين.. عماد عبد الله أو راكوبة
يعزموك قهوة في السيتي سنتر وتروح (بايعني )
أصلوا انا متوقع نجاح كبير لمبيعات الكتاب
والغلاف ده انا خلاص قفلت عليهو
كخطوة أولى نحو (الثروة) ..

هلا يا حاتم وحباب بلاد فاس
يازول ستي سنتر شنو ياحاتم البعزموني ليها الناس ديل
راكوبة ده مريخابي ومبوز لي من يوم الترجي وجات عليها قصة (اسيك) تمت الناقصة
وعماد عبدالله ده خوتو خوة (بورداب ساكت) ما منو نكهة..
وحرم ديل في سوق واقف ما يعزموني
عشان كده ياصبحي ياني الماسك فيك قوي يا ود سنار (اولاد منطقة) وسافيين من (مكوار سوي)
صمم لاخوك الغلاف وتعال يازول نقسم الثروة زي نسبة الحكومة والحركة الشعبية
واي كركبة منك ياحاتم(ممكن اديك زي نسبة القوي الاخري 13%)
Post: #172
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-28-2007, 00:31 AM
Parent: #1

.
يا سلام عليك يا منتصر
Quote: منو الزيك يخت الدنيا في كفه ويرجح ريدو بي كفه
منو الفي عز تلاوتي بحسو بين الغنة والإخفا
بريدك ريدة مختلفة وبحبك إنتي يالسفه

ويا سلام على الأبيات الجميلة ..
ولو كنت كمان مع القافية دي
دخلت في اي حتة ( الكلاكلة اللفة )أحب بقاع الأرض إلى قلبي
كنت توجتك أميرا للشعراء
.
Post: #174
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-28-2007, 00:41 AM
Parent: #172

الكلاكلة اللفة
ياسلام ياخي اللفة
حيث ابوخليل وودالريح
وحيث التمباكة المجنونة جن..
والله زمان وزمان
Post: #175
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-28-2007, 01:24 AM
Parent: #1

.
Quote: راكوبة ده مريخابي ومبوز لي من يوم الترجي وجات عليها قصة (اسيك) تمت الناقصة
وعماد عبدالله ده خوتو خوة (بورداب ساكت) ما منو نكهة..
وحرم ديل في سوق واقف ما يعزموني


والله ضحكتني ضحك
اتخيلت شكل (الهلالابي الزعلان ) راكوبة وهو ( مبوز ) لانتصارات الزعيم ..


وعلى ذكر سوق واقف
كل ما ألقى لي واحد من الدوحة هنا في المنتدى
برجع استغرب تاني : الجماعة ديل كانوا وين غاطسين ؟؟
قبل سنتين في رمضان قضيت أربعة أيام في الدوحة
صاحبي المغربي السكنت معاه قال لي - بعد إلحاحي في الأسئلة -
ياخي السودانيين ديل بتلقاهم في سوق واقف
يا سيدي كل يوم في المساء لمدة أربعة أيام أخوك تلقاهو ( واقف ) بالساعات في سوق واقف
( وااااالو ) على حد قول المغاربة .. ولا سوداني بالغلط مافي .. قربت استخدم عدسات مكبرة ..
وكنت حأسافر للخرطوم وانا مقتنع بأن الدوحة ( خالية) من السودانيين
لوما لميت في صديق وزميل دراسة بسورية في اليوم الأخير...




- بالمناسبة أنا نفسي أزور ( سنار ) .. عمري ما شفتها
هي مكان ميلادي نعم .. ولكن قبل ما أفتح على الدنيا كويس مشينا منها
وانا برجح انو تعصبي الشديد للهلال منذ الصغر راجع ( للسلطنة الزرقاء ) الكانت سنار عاصمتها
.
Post: #179
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-28-2007, 11:32 AM
Parent: #175

Quote: صاحبي المغربي السكنت معاه قال لي - بعد إلحاحي في الأسئلة -
ياخي السودانيين ديل بتلقاهم في سوق واقف
يا سيدي كل يوم في المساء لمدة أربعة أيام أخوك تلقاهو ( واقف ) بالساعات في سوق واقف
( وااااالو ) على حد قول المغاربة .. ولا سوداني بالغلط مافي .. قربت استخدم عدسات مكبرة ..
وكنت حأسافر للخرطوم وانا مقتنع بأن الدوحة ( خالية) من السودانيين
لوما لميت في صديق وزميل دراسة بسورية في اليوم الأخير...

هلا والله حاتم..
وياخي المغربي ده قصة عليك (اي غشاك)
فالاخوة السودانين في الدوحة تجدها كتواجدهم في امبدة الكلالكة
اذا عرجت علي ضاحية الريان الشهير بالتواجد السوداني الكثيف
وممكن ايضا ما تشوف اي جنسية اخري لو ذهبت للسيلية او المعيذر
او كان تمشي (سوق الدهب) في وسط الدوحة لوجدت كمية بتاعين سودانين (مبوزيين)
وهم سايقين زوجاتهم يتجولون في جولة (كبع ذهبي) لجيب اخونا السوداني المسكين..
...
المرة الجاية قول (عووك) عشان ننزل عند مطعم ميرغني الشهير
تسف تمباك وتتناول شية لا مثيل لها علي الاطلاق...
....
Post: #176
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-28-2007, 04:28 AM
Parent: #1

.
الأخ مكي
Quote: انا قاعد في بلاد ما وراء الاطلنتي ..

ياخي لو قدرت لحقت أديت عمك بوش ده سفة
بتكون اسديت للبشرية خدمة جليلة
أكيد حتعدل ليهو دماغو
ويتخلى عن عداونيتو البغيضة دي
Quote: ماهو بطرفنا ليس معروضا للبيع أو المقايضة
لسبب بسيط .. هو بعض مدخراتي لليوم الاسود..

رغم ( حسرتي ) على عدمم اتمام( الصفقة )
بس متفهم جدا الأسباب القلتها
لاني قبل كده استندت عليها ..

في بدايات 2002 اتخذت قرار تاريخي شجاع
ووقفت البتاع
بعد شهرين من القرار زراني صديق مقيم بلندن
وجاب لي معاهو هديتين ( منشأ) سكوتلاندي
ولما عرف بقراري كان عاوز يشيلهم
قلت ليهو يا زول هوي ما سمعنا لينا زولا جاب لو هدية وشالها
خت الشغلانة دي هنا
طبعا ده كلو تحسبا لحكاية (اليوم الأسود) دي
لاني بعرف كمية (الندم ) الممكن تصيبني لما اتذكرهم في اليوم داك
وبالفعل .. خليتهم عندي قرابة عام كامل
وبعدها اتخذت قرار تاريخي آخر
بمنحهم تأشيرة الخروج ..



يعني يا مكي ببساطة: سأكون في انتظار قرارك التاريخي ( الآخر )
.
Post: #177
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-28-2007, 09:49 AM
Parent: #176

الاحباب
باشمهندس عبد الكريم
Quote: ولكن احنا عايزين تصميم في اتجاه (حملة نووو مو تمباك اوووت)

شايف اخونا حاتم وافق ..ولكن نسبه 28% دي وانت تاخذ 52% وتخلوا ال 14% للزينا ديل دي ما بتنفع انها قسمة ضيظي .. بتقوم تجيب مشاكل من اسه باقول ليكم .. حا نشيل تمباكنا ونتمرد..ونملاكم دخان مارلبورو الامريكي وبنسون الانجليزي ( دولتين متلقين حجج ) لامن تقولوا الروب وتجونا قبل ما الامين العام للامم المتكيفه يدعوا قوات القبعات الزرقاء و يهجنكم.

الاخ حاتم ابراهيم

Quote: ياخي لو قدرت لحقت أديت عمك بوش ده سفة
بتكون اسديت للبشرية خدمة جليلة
أكيد حتعدل ليهو دماغو
ويتخلى عن عداونيتو البغيضة دي


صحيح انا مواطن في دولة غرب الاطلنتي ..ولكن
اما عن اعطاء بوش اخي حاتم سفه دي يلقاها عند الغافل ..
لانو انا اولا في دوله جارة للولايات المتحدة الامريكية ..
ورئيس وزرائنا شخص محافظ جدا .. مانع حتي بيع السجائر الامريكي (لكن ما منع الانجليزي زي البنسون - بس ما صنع خصيصا عشان خاطر الملكة اليزابث الثانية.. ولا الفرنسي زي دي موريه عشان ناس كويبك ما يدعوا للانفصال)
وهنا السجائر ممنوع في الاماكن العامة حتي في البيت ..لم تمنعني زوجتي لكن حكاية تشربها في الشارع دي بتخلي الواحد يتمسك بي ال 2 رطل ود عماري ..( في الشتاء القارص حقنا بقوم اشم ليك ريحتوا وهو ناشف .. واقوم اهضرب امطرك اسه ولا اخليك .. اقوم امشي بره في الشارع ادخن لي نفسين من السجارة البنسون وارجع .. واقول في سري - الصلاة فيها الجهر والسر في فتح الخشم - بخليك باكر ان شاء الله .. لذلك بنقول .. اللهم بلغنا رمضان .. اللهم بلغنا رمضان..)

يا بشمهندس عبد الكريم
في مدينتي .. وينيبيغ .. صيدلي اسمه فتح الرحمن دوليب بيسلم عليك
Post: #178
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-28-2007, 09:59 AM
Parent: #177

يا اخ حاتم

Quote: يعني يا مكي ببساطة: سأكون في انتظار قرارك التاريخي ( الآخر )


انت مش قلت لي صاحبك الهدية ما ممكن ترجع ولا تباع
اها انا بقول ليك سر ..بس ما تقولوا لي زول لحدي بعد رمضان كان قدرت خليت السجائر بعده .. مافي مشكله لكن كان ما قدرت ..
يا التمباك..
ما جاك تائب من زمان ..
ما بغباك..
Post: #180
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-28-2007, 11:40 AM
Parent: #177

Quote: شايف اخونا حاتم وافق ..ولكن نسبه 28% دي وانت تاخذ 52% وتخلوا ال 14% للزينا ديل دي ما بتنفع انها قسمة ضيظي .. بتقوم تجيب مشاكل من اسه باقول ليكم .. حا نشيل تمباكنا ونتمرد..ونملاكم دخان مارلبورو الامريكي وبنسون الانجليزي ( دولتين متلقين حجج ) لامن تقولوا الروب وتجونا قبل ما الامين العام للامم المتكيفه يدعوا قوات القبعات الزرقاء و يهجنكم


والله يامكي انتو ناس امريكا والدول المجاورة ديل منكم جفلة..
ولكن في ظروف العولمة دي
تعال انا وانت وحاتم نعمل (تمباكودام) ونوزع ال2 رطل
بكل شفافية وخت في بالك رغم ان تائب الا اسهمي في الصفقة ستظل
مثلها ومثل اي تمباكي اخر بحكم الخبرة والخدمة التمباكية الطويلة...
..
كل تحياتي واشواقي الي الدكتور الراقي
فتح الرحمن دوليب
وياريت ترسل الي ايميله علي الخاص
Post: #181
Title: Re: ياخليل خلاص... انتهي ماتش صديقي التمباك!!!
Author: Nader Abu Kadouk
Date: 07-31-2007, 06:06 AM
Parent: #180

سؤال برئ

الماتش كيف يا كيكي
النتيجه كم

ودابكدوك
Post: #182
Title: Re: ياخليل خلاص... انتهي ماتش صديقي التمباك!!!
Author: khaleel
Date: 07-31-2007, 04:43 PM
Parent: #181

ابو كدوك خير من وضع السفة وخير من جلبها من الوطنية بحري

يا كيكي حليل سفة رمضان بعد الفطور كانت بتدوخ الراس وبعدها تذهب للحمام مباشرة


هسع عشان الراس بقي العب بيهو البعشوم والله لو ختيت افيون بقي ما بعمل حاجة
Post: #183
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-31-2007, 07:28 PM
Parent: #1

.
عيييييييييييك البوست ده وين اختفى
أنا قلت الزول ده يكون دنكل ليهو سفة دقار لوري
وقال بلا نو مور تمباك آوت بلا لمة



أخبار ( الدماغ ) شنو يا كيكي
تحياتي ,,
.
Post: #184
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 07-31-2007, 07:36 PM
Parent: #183

هلا ابو كدوك
خليل
حاتم
وشكرا علي السوال عن الراس الذي قلت (نسبة) الزنزنة فيه
وصارت (ززن)..(زمان كان ززززززززززن) و
والتمباك صحبي خلاص اتغابيت فيهو (العرفة) وبقيت اشوف اثنين اثنين..
والشعار يا حاتم لازال شغال تششششششش
Post: #185
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 07-31-2007, 10:56 PM
Parent: #184

الاخ عبد الكريم

نو مور تمباكو أوت
والزنه خفت ده موشر كويس لكن لسه الموقف ما مطمئن

عموما في حينا بري المحس بالخرطوم
كان يامكان وفي سالف العصر والزمان
رجل يدعي (....) قرر ترك الصعود بعد ان كاد ان يقتله
فهو من النوع الزي ينوم بالسفه
وفي يوم ما.. قامت السفة شرقتوا ليك مع شخره تعب
انتفض من نومه بقحه ولحقوهوا بكبايه موية
قام طوالي حلف قال تاني
نو مور تمباكو اوت
ثم رقد نام
صحي الصباح دردم ليه واحده طوالي من الكيس التحت المخده
اخوهوا راقد جمبوا قال يازول انت ماحلفت نص الليل وقلت
علي بشنوداك وحات سيدي فلان ورب العالمين انو نو مور تمباكوا اوت
قال ليهو منو ..انا
اخوه قال ليهو اي انت ..
قال ليهو يازول انت ما بتعرف الحلم من الهضربه ولا شنو
انا كنت بهضرب ساكت

دحين يا اخوي انت لسه نائم ..
ولا حاتصحي قريب و تقول انا كنت انا كنت بهضرب
Post: #191
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 08-02-2007, 07:42 PM
Parent: #185

Quote: ولا حاتصحي قريب و تقول انا كنت انا كنت بهضرب

هلا مكي
وناسف علي التاخير
فمطر الخرم التمباكي عاود هطل..
ويوماتي اكاد اكابس الموقع التاريخي للكيس وترتد الي يداي خاسئة وهي حسيرة
فكل الامر صار (نو مور تمباك اوووت او ان)..
وفي كل اللحظات بعد شغل مكرب او عقب كباية شاي
اتحسس جيبي باحثا عن شي ما (اعتقد الان انه التمباك)..
صديقي الباكستاني اعلن علي حرب تكاد توازي غضبة (المسجد الاحمر) واشاع بين
الزملاء المتعددي الجنسيات بان كريم (صار مافي زين) ومخ خربان..
الشهر الاول ان مر بامان تاني ما بتلحق في الارادة والاصرار
وسوف اشرع في الكتاب التمباكي طوالي ...
Post: #186
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 07-31-2007, 11:59 PM
Parent: #1

.
Quote: والتمباك صحبي خلاص اتغابيت فيهو (العرفة) وبقيت اشوف اثنين اثنين

الوطنية بحري - نوري - المحسي بيهدوا ليك أغنيـــة (( يا خاااااائن )))
.
Post: #187
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 08-01-2007, 10:15 AM
Parent: #186

يا باشمهندس اولا البوست ده زي ماقال ليك حاتم لما مانلقاهوا بنقول انك رجعت تاني

تعرف انو حكاية الواحد يخلي المكيفات دي مرات بتكون المكيفات زاتها ارتبطت بي مكيفات اخري يعني مثلا هنالك من تعاطي التمباك او السجائر واقترن ذلك بتعاطي (الكوتوكوميس وهي عبارة عن كلمتان في الانجليزيه kowtow و koumiss والمعني واضح كما قال المرحوم د.عبد الله الطيب افتح المورد بتلقي المعاني ) وهنا بيت القصيد اذا لم يقترن الكيف بكيف اخر اذن التوقف منه سهلا ولكن اذا كان مزاج السفة او النفس الصادر من السجاره مربوط بي كوتوكوميس او ما شابهه من تسميات في ما يتدواله اهل المصطلحات والشلليات في السودان حيث يكون ( الخندريس) هو (الكوتوكوميس) .. يبقي ياصاحبي .. صعب فراق الزول ل..(كما غني اللحو)

الاخ حاتم
تعرف انو حكاية
Quote: الوطنية بحري - نوري - المحسي بيهدوا ليك أغنيـــة (( يا خاااااائن )))


بتذكرني مداخله خواطر وجديث وبعض حقائق عن

السودان القديم ده فيهو اسماء نهديها لدكتور فتحي الربعة عشان يختهم في متحف التاريخ الطبيعي يازول دي اسماء ليس لها عالم الان في دنيا ود عماري الجيد (ده حسب افادات الاخوة المتواصلين ) ومنهم من ارسل لي 2 رطل وارد دارفور من المزارع خصيصا.

دايرين نرجع معاك لمشروع الكتاب بتاع نو مور تمباكو اوت حسب تسميه المؤلف باشمهندس عبد الكريم وتصميم غلاف ورسومات ايضاحيه لحاتم ابراهيم .. اها ممكن نتفق اقدم الكتاب يعني اكتب المقدمه؟؟
Post: #188
Title: Re: ياخليل خلاص... انتهي ماتش صديقي التمباك!!!
Author: عمار يس النور
Date: 08-01-2007, 11:07 AM
Parent: #187

كيكي سلام ليك و لي ضيوفك

عارف يا كيكي التمباك ده فعلا سرو عجيب (بالرغم من اني ما حصل جربت حاجه ذي كده و حدي فقط الشاي)

في قصيده حلمنتيشيه جميله سمعتها مره واحده و لم احفظها و بتمنى إنو واحد منكم يكون حافظها (خاصة السفافين)

موضوع القصيده إنو واحد كان في الجامعة ساكي ليهو واحد (مشروع كيس و كده) و هي طوالي بتشرو ليك و وقت الشره يكون منتظرها و متصـبر بالمابتسماش (السعوط)

اتذكر منها مطلعها :

جامعة تفتح في الخريف
ناس تدبرس
ناس تركلس
ناس تقيف

برلم صغير ينشرق
كوزه تقع تنزلق
و القصه تطعن في الحلق
توعديني و ما تجيني
و كل يوم اخد لي مقلب

***

و بعد داك تاني تشرو ليك ، و في مره كده في يوم قالت ليه المره دي ما ح اشرك و ح اجي اكيد.
زولك رجع ابركس يستعد و قال :

في عز الحر
أغسل اشر

****

و مشى بدري حجز ليك بنش مطرف في المين رود
و يمر الوقت و زولك حس بالشره ، و ما عندو حل غير صاحبك المعتزل (السعوط)
و قال :

جاتني الفكره في بالي
و جيب الخلفي طوالي

أدوره زي حلاوه كرمله
و بيها أتسلى
****

المهم و بعد ما دنكل السفه يشوف ليك زولتو من بعيد جايه تقدل و زولك إتلخبط يعمل شنو في المصبة الإسمها السفه دي و قال :

أختها في رفرف القدوم
تمدو تسوي زي خرطوم

ألزها تحت لساني
تحرق في مصاريني

أقول ابلع
اقول هوي
تكتل الزول
تمرق الفول

*******

و في النهاية يقرر يبلع لانو ده الحل الوحيد و الزولة قربت.

و يقول :

و اخوك راح بالع
و خلت عيوني ذي شالع
****
و في النهاية:

يمر الزول
و تطلعي إنت ما إنت.

******
هذا ما أذكره في هذه الملحمة التي تدل على مفعول هذه الماده العجيبة و اتمنى ان اجد شخص يحفظ هذه القصيده الجميله و يذكرها لنا.



تحياتي

عمار يس النور
Post: #189
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 08-01-2007, 11:35 AM
Parent: #188

يا عمار هي من بعض اشعار حلمنتيش في جامعة الخرطوم ويراس هذه المجموعة الفريده في تناولها الشعري انذاك وبعده الدكتور (حساس ) .. و ( طبيعة الاشياء ) الساخر البيولوجي دكتور محمد عبد الله الريح واذكر من تلكم القصائد خاصة ما ذكرته هنا من ابيات وفي بوست د.مصطفي انو القصيدة في جزئية الصعود ودسه من الجكس ( علي فكرة حتي هذا المصطلح ..الجكس والجوزن .. كان يستخدم في لغة الشباب عند مطلع الاربعينيات من ال 1900 ميلادية .. والله انا ما قدر العمر ده لكن لقيناها في مذكرات اهلنا في الجامعة .. وشاهدي في هذا صلاح بري - اقتصاد)

المهم ما اذكره في القصيدة انو قام دردم السفه قبل ما تجي الجكسايه المواعيدها وقام فجاءه شاف شبحها جاي من بعيد حسب خياله كشاعر بتكلم عن دس السفه من المحبوبه.. وقال:

ويبين لي شبه علي بعد ميلين هناك
اقول انتي وخلاص بنتي
اوديها وين.. اوديهاوين ؟
اوديها فوق
تحرق جوه في الطايوق
اعصرها ليك بي لساني
تجيب المويه في عيني
اقول ابلع
اقول هوي لع
تكتل الزول تمرق الفول

في القصيدة معاني لغوية ودلالات خبره فالشاعر يبدو انه متعاطي تمباكي حريف يعرف كيف يستخدم اللسان في نقل السفه وهي بين ثنايا اللثه..

تذكرت هذه الابيات من الذاكرة الخربه ..
وعلي فكره تلفزيون السودان في برنامجه خيمة الشوارد استضافهم مرة قمت بتسجيلها ولكنهم لم يتطرقوا لقصيدة التمباك هذه .. اشكرك علي ايقاظ الذاكرة
Post: #190
Title: Re: ياخليل خلاص... انتهي ماتش صديقي التمباك!!!
Author: عمار يس النور
Date: 08-01-2007, 12:45 PM
Parent: #189

مكي سلام

شكرا على ما أضفته لهذه القصيده المنسيه و اتمنى ان تكتمل من خلال هذ البوست.

Quote: علي فكره تلفزيون السودان في برنامجه خيمة الشوارد استضافهم مرة قمت بتسجيلها ولكنهم لم يتطرقوا لقصيدة التمباك هذه ..


انا إيضا شاهدت هذه الحلقة و لقد تطرقوا خلالها لمثال مجموعة الحقيبة الأدبية التي كانت في أربعينات القرن الماضي و كان من ضمنهم جدي الشاعر الاستاذ النور إبراهيم و قد ذكر د. محمد الامين (المتجهجه الاممي) في حلقه اخرى غير هذه أنهم قد إستضافوا شعراء الكتيبة عام 1972 و معهم جدي في القاعة 102 بالاداب في ندوى عن شعر الأخوانيات و منها نبعتا فكره إنشاء مجموعتهم هيئة حلمنتيش العليا.


تحياتي
عمار يس النور إبراهيم
عاشق بخت الرضا
Post: #192
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 08-02-2007, 07:58 PM
Parent: #190

عمار ومكي
رجعتونا للزمن الجميل وسيرة الجامعة ومااحلي التمباك في البركس
تمبكة ليها طعم ورواد وحرفاء وشلة تمباك كلا ياتي بثقافته التمباكية واستايله العجيب..
مرة يا عمار ومكي
كنا في لكشر بتاع فلويد مع دكتور انصار سنة اسمو(عكود)
والدكتور كان مقبل علي السبورة وبكتب فوجدتها فرصة اخت لي (شنقة) تساعد الواحد علي فهم
هذا العلم الغريب وعجيب وفي لحظة دنكلة السفة بين الشفاه التف دكتور (عكود) ونظر في اتجاهي زي
الموصونو..وسالني دي سفة يازول؟؟؟ هنا نكرت وقلت ليهو لالا..!!
قال لي طيب في شنو؟؟
قلت ليهو يا دكتور مافي شي بس عندي مشكلة في الحتة دي..
(انتهينا من المحاضرة فسرت اشاعة بين خبثاء
الهندسة بانني قلت للدكتور يا دكتور انا قاعد اكف شلوفتي..!!!
كلية كانت مليئة بالناس الحاقدة علي الشلاليف الافريقية
Post: #193
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 08-02-2007, 10:07 PM
Parent: #1

.
ازيك يا كيكي
Quote: يا دكتور انا قاعد اكف شلوفتي

مبالغة

تعرف يا كريم انا حصل لي موقف لا تقدر تقول عليهو مضحك ولا مبكي ولا بائخ ...مستحيل انساهو مهما حييت :
المكان : مدرسة التعاونيات المتوسطة بحلفا الجديدة - الصف الثاني " نجومي "
الزمان : النصف الأول من ثمانينيات القرن الماضي..
مسرح الحدث : داخل الفصل ، توجد طاولة كبيرة يقف الاستاذ عادة من خلفها والسبورة من خلفه
اول حاجة قبل ما تسارع وتقول لي " انحرفت صغير " بقول ليك انا كنت ( حديث ) العهد بالتمباك في الوقت داك .. لسع ما كنت اتعلمت ( الشنقة ) لانو بدابتي بالتمباك طوالي كانت دقارات لواري ..
اها يا سيدي الحصل اني كنت زول مشاغب لدرجة الازعاج .. النوع الكل يوم عندي مرتب 5 او 10 سيطان بتاعة ( هرجلة )
في لحظة هرجلة بين حصتين اخوك دنكل ليهو سفة كاااربة .. وما عارف كنت حاسي بشنو ، قمت طلعت كرسي فوق الطاولة وقعدت فوق للكرسي ،وخلفت رجل في رجل وبقيت أشاغل في أصحابي .. يا ولد تعال ويا ولد أمشي ..
فجأة وبدون مقدمات دخل علينا استاذ ( شيخ الدين ) بتاع الجغرافيا ..الله يطراه بالخير ، اتكبكبت ونزلت رجلي وداير انزل قال لي : خليك زي ما انت .. أرجع اقعد زي ما كنت قاعد وأخلف رجليك وما تتحرك ..
مشى للسبورة .. كتب فيها اسم الدرس وقام جا لقدام الطاولة وبدأ يدرس الحصة
يعني الاستاذ بقى قدامي وتحت شديد لاني طالع فوق كرسي فوق للطربيزة.. والفصل كلو بيعاين لي .. وأنا مدنكل سفة كبيرة وخالف رجل فوق رجل
واصحابي طبعا لقوها فرصة ..كل واحد يلقى الاستاذ ما بعاين ليهو يروح مشاغلني ويضحك ..
وأخوك جسمو كلو اتصبب بالعرق .. داير اتخلص من السفة ما لاقي طريقة ..ولانو ( الخبرة ) ما كانت طويلة بدت السفة تتفتت ..
داير انزل كرعيني ما لاقي طريقة لانو الاستاذ كل شويتين بيقول لي بدون ما يتلفت لي اووووعك تنزل رجليك ..وطبعاكمان شايل هم ( العقاب )بعدين ..
بقيت في الحالة دي لغاية الحصة انتهت ...
الاستاذ لما جا طالع من الفصل اتلفت علي وبكل برود قال لي و ( بالرطانة) كمان : تاني ما تسف ( جوة ) الفصل
وما سألني تاني لغاية فرتقت للثانوي ..
اخوك بعد الموقف العصيب ده اتخذ قرار ( نو مور تمباك آوت ) ونفذتو لمدة 48 ساعة تقريبا
.
Post: #194
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 08-02-2007, 10:18 PM
Parent: #193

Quote: اخوك بعد الموقف العصيب ده اتخذ قرار ( نو مور تمباك آوت ) ونفذتو لمدة 48 ساعة تقريبا


عالم جبانات بشكل
يعني يا حاتم انت خبرة قديمة في (النو مور تمباك اوت)
انا حسع يا صحبي تقريبا 15 يوم وحسب الاستشاري بتاعي بتاعي باقي لي 15 يوم تاني
لو مر بسلام كهجمة مريخية في زمن عطا ابو القاسم (عوجات نهييييييي)..
والخروف الاسفيري بصلك في الرباط هناك..
والله يقدرنا كمان علي تداعيات التشوهات المنحدرات التي احدثها صديقي التمباك في كل مواقع
دقار اللوري وشنقات الكبكبة والسفات ذات العمق البعيد في حضور الجكس وده كما حكايتها حكاية
Post: #195
Title: Re: ياخليل خلاص... انتهي ماتش صديقي التمباك!!!
Author: محمد عبدالرحمن
Date: 08-02-2007, 10:48 PM
Parent: #194

ياكريم ..

تحياتى ..

ياخ قاصدنك فى خدمة ..ماممكن تقنع صاحبك ودرمليه انو يخلى
الصعود دا معاك ؟ ..ياخى دا بقى لينا فى (العزيزة ) ..ثلاثة
رجال بطول وعرض جايين لسيادتو فى المكتب الليلة عشان نجيب ليهو
الصعود ...معقول لكن كدا يااخوانا ...تسفوا انتو ونتجهجه نحن ..
اخرتا نبقى مراسلية صعود لودرملية ...


بالله شوف ليهو طريقه... لو تصل الفكى قوبى ماعندنا مانع ..
Post: #196
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 08-02-2007, 11:11 PM
Parent: #1

.
Quote: يعني يا حاتم انت خبرة قديمة في (النو مور تمباك اوت)

ياهو قرار الـ 48 ساعة داك يا كريم
.. وندمان عليهو لغاية حسع
.
Post: #197
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 08-02-2007, 11:22 PM
Parent: #196

ياحاتم

Quote: ياهو قرار الـ 48 ساعة داك يا كريم
.. وندمان عليهو لغاية حسع



ونحنا نقول شنو في قرارات رمضان 1990؟؟


خلتنا نشكل حكومة كيف تدخينية مكونه من كل القوي الدخانية ( سجائر وشيشة)

وبيني وينك مرات بشعر باني عاوز اتمرد وارجع تاني لغابة الصعود .. لذلك مازلت محتفظ ب 2 رطل ..... لو سمعوني اهل التمباك في مدينتي هنا خلف الاطلنتي .. سوف اتعرض للمصادرة وامكن الاعتقال.
Post: #198
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 08-03-2007, 00:01 AM
Parent: #1

.
إزيك يا مكي
Quote: حكومة كيف تدخينية مكونه من كل القوي الدخانية ( سجائر وشيشة)

انا الحكومة دي أطحت بيها في انقلاب قبل دخول الألفية الثالثة
والغريبة ابدا ما في اي محاولات منها لاستعادة سلطاتها




بس انت شكلك كده راجع راجع
وخايف تقوم الرطلين ديل تقرضهم في ( سفتين ) بس
.
Post: #199
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 08-03-2007, 10:36 PM
Parent: #198

يا حاتم

Quote: بس انت شكلك كده راجع راجع
وخايف تقوم الرطلين ديل تقرضهم في ( سفتين ) بس


لو نميري ممكن يرجع للحكم تاني ( ومافي مستحيل في السياسة) .. يمكن ....لكني ارجع اسف والرطلين في سفتين ما عارف .. قول لي ليه!!

قبل شهر كده قمت مرقت ليك الصعود من تحت ال.... ( تقوم مرتي تعرف محلوا تتبرع بي او تدفقوا ... مش البنات دائما بيقولوا .. قرف .. ويا اخي ده الجداد ما بياكلوا... التقول في جداده اكلت ليها سيجارة ..ولا ديك الزرتوا وقالت ليهو سجم خشمي يافلان انت بتسف قال ليها وشيوعي كمان ...) .... المهم قمت مطرت لي مليه كيس صغير ..( طبعا الرطلين بالاضافة الي العطرون جاي معاهو فاضي كم كيس كده) ... وقمت سفيت ليك منو كم سفه وما دخنت اليوم كله لكن ما مشي في الراس ده من شنو ما عارف ؟؟ الظاهر لاني بفكر اعمل زي ماحصل لي اسه خلينا البلد للجبهجية وخلينا السياسة بعد اتفاق القاهرة وهجينا غرب الاطلنتي اقوم اخليهم كلهم....



والوك لبان
Post: #200
Title: Re: ياخليل خلاص... انتهي ماتش صديقي التمباك!!!
Author: hatim ibrahim
Date: 08-04-2007, 02:29 AM
Parent: #1

.
Quote: والوك لبان


ذكرتني يا مكي بحبيبنا( ياسر خليل ) صديقنا وزميلنا درس معانا في سورية ، وبالمناسبة يا كيكي الزول ده قعد فترة في الدوحة يمكن تكون الظروف جمعتك بيهو ..
المهم ما عارف الفكرة جاتو من وين .. قال انو احسن طريقة عشان يبطل السعوط انو ياكل لبان ..
ياخي الزول ده كرهنا حاجة اسمها اللبان .. اليوم كلو تلقاهو بيلوك فيهو
والسعوط ما خلاهو ولا ساعة واحدة ..
ومع الوقت .. بقى ( مدمن ) لبان
بقى متورط يفتش في الطريقة التخلصو من اللبان .
اكتر حاجة كانت بتضحكني مرات تلقاهو ( شانق) السفة وهو بياكل في لبنانة !!
.
Post: #201
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 08-04-2007, 06:05 AM
Parent: #200

Quote: ياخ قاصدنك فى خدمة ..ماممكن تقنع صاحبك ودرمليه انو يخلى
الصعود دا معاك ؟


هلا محمد عبدالرحمن
وودرملية ده انا ممكن اقنعوا بس خايف يبقي عليهو البقي علي صاحب حاتم
Quote: اكتر حاجة كانت بتضحكني مرات تلقاهو ( شانق) السفة وهو بياكل في لبنانة !!

ونبقي في ميتة وخراب ديار
حاتم..
واللاهي انت تمباكي (سبرانو) خبوراتك التمباكية (روتانا بس)
الواحد حسع مفكر تحت تحت كده يعمل رجوع تجريبي
زي البث التجريبي بتاع قناة هارموني (سفة سفتين) كده صغاااااااااار
ويجدعهن سريع سريع..!!
عندي صديقي اسمو ياسر خليل سليمان موجود معانا في الدوحة لكن ده(فراعي)
حلفاوي لذيذ كده ما عارفو ياهو زولك ده ولا واحد تاني..
لكن عموما الدوحة ضيقة بكون لاقيتو ليك في حتة من حتات التمباك السوداني..
مكي...
ياخي حرم ترسل لي الرطلين ديل ياني الراجع راجع
شهيتنا ليهم الرطلين فتايل الريحة ديل..
زمان اخوك كان بلعب كورة وعندي شلة بتاعين اصحاب كده
وكان عندي لعبة للكورة بالكعب اصحابي ديل سموها (فتيل الريحة)
في كل مباراة العب اللعبة الناس ديل بقعدوا يضحكوا ضحك شديد
وبكوركوا (فتيللللل الريححححة ياخيييييي)..
اها سالتهم يا جماعة عقدتونا ياخي شنو فتيل الريحة دي؟؟؟
قالوا لي في واحدة كانت مجكسة واحد منهم وجابت ليهو فتيل ريحة
مرة واحدة ..ولمدة طويلة كل ما يزعل منها تقول لييهو
يخسي عليك يا فلان انا مش جبت ليييييك فتيل ريحة
فهم يعتقدون بانني غير اللعبة دي لا املك شي في الكورة دي
Post: #202
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 08-04-2007, 07:56 AM
Parent: #201

الله يجازيكم يا حاتم ويا كريم
موتوني بالضحك في زمن ننقب فيه عن الابتسامه

لكن يا باشمهندس

Quote: مكي...
ياخي حرم ترسل لي الرطلين ديل ياني الراجع راجع
شهيتنا ليهم الرطلين فتايل الريحة ديل..


يازول ما تحلف انت شكلك كده خاتيها شنقه ... والخازوق تكون زي واحد صاحبنا هنا مافي زول بسف منو .. انقر ليه ؟ ... عشان بيعمل راجع ..هذا حسب ما يقال عنه ولانه الظروف ( No Wadamari from Darfour here) .. وتكون زيو قاطع تمباك .. فتحت البوست ده عشان الارطال تتطاقش ( الخرطوم الدوحة).....

قال رسل لي الرطلين قال!!!

وبالذكر انا سوف ارسل عيون صحفيه من جريدة الراية القطرية لتؤكد لنا او تنفي خبر (نو مور تمباكو أوت) .. وعلي فكره صاحبي الصحفي جهاد من النوع الذي يمكن ان تسميه .. مهجن كيفين.
Post: #203
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 08-04-2007, 08:18 AM
Parent: #202

Quote: وبالذكر انا سوف ارسل عيون صحفيه من جريدة الراية القطرية لتؤكد لنا او تنفي خبر (نو مور تمباكو أوت) .. وعلي فكره صاحبي الصحفي جهاد من النوع الذي يمكن ان تسميه .. مهجن كيفين.

هلا مكي..

نو مور تمباك موكدة وموثقة ولكن برضو مرحب بجهاد علي الاقل ممكن نلقي عندو
(كيف جديد 2008)..وناس الراية القطرية ديل دايما اخبارهم (ملكلكة) بالذات في صفحة السودان بتاعتهم
بنفوا ليك الخبر (طوالي)...

Quote: وتكون زيو قاطع تمباك .. فتحت البوست ده عشان الارطال تتطاقش ( الخرطوم الدوحة).....


يا ريت تتطاقش علي الاقل اعمل بيها تجارة رابحة
الكيس تخيل بما يعادل الدولار ونص..ويادوبك سفتين واربعة شنقات
Post: #204
Title: Re: ياخليل خلاص... انتهي ماتش صديقي التمباك!!!
Author: عبدالكريم الامين احمد
Date: 09-11-2007, 06:45 PM
Parent: #203

العرق دساس
ورمضان علي الابواب..
وااااه انا اااااه
Post: #205
Title: Re: ياخليل خلاص... انتهي ماتش صديقي التمباك!!!
Author: Mekki M Alhassan
Date: 09-11-2007, 08:58 PM
Parent: #204


كيكي

قول بسم الله ..

البوست ده كان حي لحدي 24 اغسطس الماضي ثم اختفي ؟؟

قلنا خلاص الباشمهندس ده حرم الصعود ده فارقوا فراق الطريفي..

سيرتوا ذاتها قطعها ..اها الجد شنو؟؟

انا اسع لي 48 ساعة ما فيش تدخين استعدادا لرمضان وان شاء الله للابد ..

تقوم تجقلب انت الظاهر عليك كنت بتسف في كل الفترة الماضية دي تحت تحت كده؟

يا زول استهدي بالله ورمضان كريم