Post: #1
Title: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 09:54 AM
تعانق الخرطوم اليوم الفتي صاحب السهل الممتنع والاداء الرشيق المهندس (خليل) الذي يسافر
الي ارض الوطن في اجازته السنوية يقضيهيا بين الاهل والاصدقاء وبغيابه يغيب الكثير من الق
الدوحة وضياءها وتصمت الهواتف التي كانت مليئة بالفرح والحضور المميز للاحداث
والنكتة الذكية وسيفقده اليوم الحار وكل بوستاته الشهيرة (صحي نحن شينين) ولعل سفرك يا خليل
فرصة اخري للاجابة علي هذا السوال الشهير ..وحي ياخلي كل الناس الطيبة الذين نشهد تماما
بانك منتمي اليهم في كل اشياوهم وبان صداهم بوضوح في بوستاتك الشهيرة(ترمس ترمس كبب كبب)
...وهاهي طيورنا تعود لماما الي جذورها لترتوي علي عجالة بحنين الوطن...وعد يا خليل فان جمهورك
في الانتظار...!!
|
Post: #2
Title: Re: تمشي وتجي بالسلامة يا خليل مع السلامة...!!
Author: أبو الحسين
Date: 12-03-2006, 10:00 AM
Parent: #1
إجازة سعيدة أخي خليل...
وربنا يوصلك طيب وتلقى الأهل طيبين وتجي راجع بالسلامة وتلقانا طيبين...
وشكراً جميلاً الأخ عبد الكريم...
كميات مودتي...
أبو الحســــــــــــــين...
|
Post: #3
Title: Re: تمشي وتجي بالسلامة يا خليل مع السلامة...!!
Author: Randa Hatim
Date: 12-03-2006, 10:07 AM
Parent: #2
تمشى وتجى بالسلامة يا خليل
وما تخاف بوستاتك فى البحرسها ليك .. كيكي ما ح يقصر
تحياتنا للاهل ... وللقرايب .. وللبلد .. وللنيل ..و .. و .. واى شارع تمر عليهو.
|
Post: #4
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 12:09 PM
Parent: #3
مرحب الاخ ابو الحسن وحباب القائدة رندا
ومرحب بيكم في كرنفال وداع خلي الذي سنشتاق اليه كثيرا
اثناء غيابه عنا..وعزاونا انه سيكون مع الاهل والاحباب
ويارندا بوستات ابو خليل الظريفة امانة في رقبتي ورقبتك
ويومي نجي مع الصباح نديها لكزة لحدي ما سيدها يجي
وخاصة بوستو بتاع (العلاقة مابين المرة وحماتها),,,
واما بوست الشنا بتاعو ده الا ياجر ليهو زول يلكزه ليهو في غيابو..
|
Post: #5
Title: Re: تمشي وتجي بالسلامة يا خليل مع السلامة...!!
Author: Muna Khugali
Date: 12-03-2006, 12:12 PM
Parent: #4
| Quote: تمشى وتجى بالسلامة يا خليل |
سـلام كرمه..
مني
|
Post: #7
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 03:28 PM
Parent: #5
Quote:
Quote: تمشى وتجى بالسلامة يا خليل
سـلام كرمه..
|
مرحب الاستاذة مني وحبابك في وداع صاحبنا الود الخفيف الظريف خليل
ونرحب بحضورك الطاغي الذي طال ولك منا اجمل التحيايا
|
Post: #6
Title: Re: تمشي وتجي بالسلامة يا خليل مع السلامة...!!
Author: أبو ساندرا
Date: 12-03-2006, 12:14 PM
Parent: #1
وتمطل وعدك يا خليل
وتسافر ...
قبل ما تديني
{مرحبآ يا شوق }
و
{ هجرة عصافير الخريف }
و
{ الطير المهاجر } ...
وأثقلت كفي الجراحات
كان { مافي داعي }
رافقتك السلامة
يا حمامة
يا غصن زيتون
يا
أخضر
|
Post: #8
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 04:02 PM
Parent: #6
Quote: قبل ما تديني
{مرحبآ يا شوق }
و
{ هجرة عصافير الخريف }
و
{ الطير المهاجر } ...
وأثقلت كفي الجراحات
كان { مافي داعي }
|
مرحب بالقائد الميداني صديقي ابوساندرا
وحبابك في حضرة خلي..
والاغاني لابو الفرج الاصفهاني دي انا بوفرها ليك..
بس انت تحل لي مشكلتي الانت عارفها ...!!!
|
Post: #9
Title: Re: تمشي وتجي بالسلامة يا خليل مع السلامة...!!
Author: sudania2000
Date: 12-03-2006, 05:35 PM
Parent: #8
سلامات
خليل شخصيا في السودان
مرحبا بيك
نستني نشوفك
تحياتي
واجازة سعيدة
بس ح تقضيها مع ياتها فيهن الام ولا الزوجة 
هسي الدوحة مهيصة تجي السودان كان تبادلني والله
شكرا يا (((((كيكي)))) اسم دلعك ظريف يا عبدالكريم
وتحياتي لك
|
Post: #10
Title: Re: تمشي وتجي بالسلامة يا خليل مع السلامة...!!
Author: محمد عبدالرحمن
Date: 12-03-2006, 05:44 PM
Parent: #9
ياكريم ..
خليل دا مالو زمنو فارق كدا ؟...دى اسى ايام
بفوتو فيها الدوحة ..اسياد وجو خريفى شتوى جميل ..
وضيوف وهيصه ولمة ..الا تكون جاتو تعليمات من صاحبة
الجلالة الحكومة وكدا ..فى الحالة دى ماعندنا كلام
وبعافتو ..يمشى ويجى بالسلامة...
وياسودانية ..
حقوق الملكية لاسم كيكى ملك لنا ..ملكية خاصة ..
ندلعو نحن ويغازلو فيهو ناس حق ..والله محن ,,
|
Post: #11
Title: Re: تمشي وتجي بالسلامة يا خليل مع السلامة...!!
Author: ودرملية
Date: 12-03-2006, 07:12 PM
Parent: #10
سلامات
وعوافي
خليل ربنا يكتب سلامتك ..
لكن الفيك اتعرفت ياحبيب ..
ياكيكي ماتجي تقول لي الزول قام فجاءة والا الحنك البيش بتاعك دا ..
تاني شوف ليك زول يا خليل يسمع منك اغاني الحقيبة "والشعر المعتق بالحنين".. ومن هسي شفتا القصيدة القلتها لي يوم الانتخابات "ضعف الربيع" ماسمحة ولا شي .. قصيدة عادية ..
بعدين شريطك بتاع وردي القديم داك ماسمح بالعكس مكركر ومتختخ ..
اقول ليك حاجة .. قطع ناشف والله اصبر لي الاسياد دي تنتهي واقبل علي بوستاتك كلها اشلعا ليك ...حقارة كدا بس ..
والسلام طعام
|
Post: #14
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 08:06 PM
Parent: #10
Quote: حقوق الملكية لاسم كيكى ملك لنا ..ملكية خاصة ..
ندلعو نحن ويغازلو فيهو ناس حق ..والله محن ,, |
مرحب يا صديقي محمد
وفعلا ابو الخل ديمة مشاتر والدوحة اليومين دي الواحد يفوتها مفلع..
لكن الشاهد انو ابو الخل حب السودان جاري في دمائه وكل ما يلقي ليهو
فرصة طوالي بقوم جاري..وينسي ليك الاسياد والربيع والريال والكوريلا
وبمشي لعالمه الذي احب بكل شوق.......!!
تخريمة..
لقب كيكي ده شايفو جايب دخل وبعد اذنكم يا الاحباب انا
عاوز اطرحوا في عطاء اسفيري..وحقكم من الثروة محفوظ
بس اوع تقولوا لي دي سندكالية منك يا كيكي..!!
وتسلم يا يا صديقي..
|
Post: #12
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 07:55 PM
Parent: #9
Quote: هسي الدوحة مهيصة تجي السودان كان تبادلني والله
شكرا يا (((((كيكي)))) اسم دلعك ظريف يا عبدالكريم
|
مرحب يا سودانية2000
وخليل ياهو جاكم عديل كده ياناس السودان بخشم الباب
وعليكم الله ما تقصروا معاهو..!!
وشكرا علي الاعجاب بكيكي اللقب..وانا عندي اقتراح انك بدل تبدلي خليل
تعالي نتبادل الالقاب...شيلي (كيكي) ده...وانا ابقي (سوداني 2000)..!!!
|
Post: #13
Title: Re: تمشي وتجي بالسلامة يا خليل مع السلامة...!!
Author: عبد المنعم سليمان
Date: 12-03-2006, 08:02 PM
Parent: #1
عبد الكريم كيكي
تحياتي
شنو ما كلمتنا بجية الراجل دا !!
برضه انحنا اهل واجب وصاحب صحبك صاحبك ..
الصاحب الجاي ما مشكلة
منعم
|
Post: #15
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 08:19 PM
Parent: #13
Quote: اقول ليك حاجة .. قطع ناشف والله اصبر لي الاسياد دي تنتهي واقبل علي بوستاتك كلها اشلعا ليك ...حقارة كدا بس ..
والسلام طعام |
الفنان الصاعد صديقي ود رملية..
مالك عامل جوطة يازول..اعمل حسابك اي زول الا ابو الخل الفردة ده..وانا بكلموا ليك لمن يجي
وبنتخها ليك...
خليل فعلا سافر (جلدي جلدي) وذكرنا المدرسة لمن يقولوا ليك (بيوت)..انا ما عارف الزول ده
لاحق شنو..الله يستر من عرس الزين غايتو..!!
انت عارف الناس ديل لقوا الكفلا ء مشغولين مع الاسياد دي .فجزء (اجز براهو) وجزء اشتغل في
اوكسنت مع صحبك الكارثة..!!!
|
Post: #16
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-03-2006, 08:30 PM
Parent: #15
Quote: شنو ما كلمتنا بجية الراجل دا !!
برضه انحنا اهل واجب وصاحب صحبك صاحبك ..
الصاحب الجاي ما مشكلة
|
مرحب يا منعم...
ومالك يا زول مساهر لانصاص الليالي..وكيف حال الخرطوم بالليل..!!!
خليل مش صاحب صحبك بس...والزول ده صاحبك عديل كده..!!
وضروري ح تلقاهو قدامك في الخرطوم
وقريبا سيكون التلفون بطرفك..
بس بالله ما تقصروا مع الرجال ووديهو(امواج)
|
Post: #17
Title: Re: تمشي وتجي بالسلامة يا خليل مع السلامة...!!
Author: أبو ساندرا
Date: 12-04-2006, 00:49 AM
Parent: #1
| Quote: بس انت تحل لي مشكلتي الانت عارفها ...!!! |
حل مشكلتك ماعندنا ، لكن لو مصر ومتمسك فلازمك مشوار لغاية الخور
حيث تجد مايسرك ، أوعك بس توحل في {الطين} أصلو الدنيا
ليل ، غربة و مطر
وطين
|
Post: #18
Title: Re: تمشي وتجي بالسلامة يا خليل مع السلامة...!!
Author: ريهان الريح الشاذلي
Date: 12-04-2006, 04:39 AM
Parent: #17
ربنا يوصلو بالسلامة
ولكن..........
والله يا كريم الخرطوم جاها بلاء........الله يعين بس ........
|
Post: #22
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 02:44 PM
Parent: #18
Quote: والله يا كريم الخرطوم جاها بلاء........الله يعين بس ......[/QUO
مرحب يا ريهان وحبابك الف في كرنفال صديقنا خلي
وفعلا بتفق معاك ان الخرطوم جاها مش بلا..بل بلاوي
وبنصح انو الناس تعمل ساتر وتمسك الخشب ..
ولكن الكويسة في بلوة خلي بلوة ظريفة ووديعة ..
وضروري بالله تلموا في الزول ده رغم انو زي ود الموية لكن لازم تعملوا ليهو كمين
وتودهو اوزون..!!
|
Post: #19
Title: Re: تمشي وتجي بالسلامة يا خليل مع السلامة...!!
Author: طارق أحمد خالد
Date: 12-04-2006, 05:04 AM
Parent: #1
الباشمهندس كيكي
خبر جميل والله.
ضاءت ليالناي بقدوم الأخ خليل للأهل و الديار. أتمني من القلب الإلتقاء به في هذه الإجازة
طارق
|
Post: #23
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 03:36 PM
Parent: #19
Quote: ضاءت ليالناي بقدوم الأخ خليل للأهل و الديار. أتمني من القلب الإلتقاء به في هذه الإجازة
|
مرحب اخي العزيز ياشمهندس طارق
والخرطوم مضاءة بوجودكم انتم وتواصلكم الحميم
وتحياتي لكل الشباب وياريت بالله تلموا في الاسمو خليل ده..
|
Post: #20
Title: Re: تمشي وتجي بالسلامة يا خليل مع السلامة...!!
Author: عبد المنعم سليمان
Date: 12-04-2006, 08:58 AM
Parent: #1
كيكي
تحياتي
مرحب بخليل ووالله ما بنقصر تب ..
الظروف ما تمام لكن حق الشوربه في امواج موجود اها بعد الشوربه
يتصرف هو مع الشباب .. هو القال ليهو ما تشتغل في اوكسنت الصاحبه
دام منو هسة كان جا زيتو في شوربتو !!
1000 مرحب بخليل وشوف لينا طريقة نقابله بالله يا كيكي ..
تحياتي
منعم
|
Post: #21
Title: Re: تمشي وتجي بالسلامة يا خليل مع السلامة...!!
Author: عبد المنعم سليمان
Date: 12-04-2006, 09:44 AM
Parent: #1
كيكي
سووري والله اشتقت لصاحبنا الفنان الصاعد ود رملية
وما لاقي ليه مكان اسلم عليه فقلت ارسل ليهو تحياتي
من هنا اصلا هو اصبح (بوست لس) علي وزن هووم لس ..
تحياتي يا رائع ومنتظرين الالبوم يا صاعد ..
تقديري
منعم
|
Post: #24
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 03:53 PM
Parent: #21
مرحب يا منعم والبركة والله في سماع الصوت وعقبال الصورة
وتحياتنا الي الاخ خالد ماسا والجميع...
وابو خليل ده يا فردة ما بتاع شوربة..في حتة بتاعة كسرة في السوق العربي
لذيذة كده ودهو خلي يعزمكم هناك ...
|
Post: #25
Title: Re: تمشي وتجي بالسلامة يا خليل مع السلامة...!!
Author: Adil Osman
Date: 12-04-2006, 04:20 PM
Parent: #1
ح توحشنا يا خليل.. ولا شنو يا كيكى؟
|
Post: #26
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 04:34 PM
Parent: #25
| Quote: ح توحشنا يا خليل.. ولا شنو يا كيكى؟ |
مرحب ياعادل عثمان وانت زاتك واحشنا يارجل..بتمشي وين انت ياعادل ياخ..!!
وخليل ياعادل مش حيوحشنا بس ده حيوقف كل الشغل ..وخليل احسن زول ممكن الواحد يلعب معاهو
(ون تو) في الشرق الاوسط...ودايما مواضيعه حاذقة كما قلت انت حينما كتب عن اهل الترمس والكبكبي
ونتمني له اجازة سعيدة ...
|
Post: #27
Title: Re: تمشي وتجي بالسلامة يا خليل مع السلامة...!!
Author: الشفيع عوض شوشتا
Date: 12-04-2006, 04:56 PM
Parent: #26
اجازة سعيد م. خليل
عبد الكريم الامين
تحياتي عميقا
|
Post: #28
Title: Re: تمشي وتجي بالسلامة يا خليل مع السلامة...!!
Author: sudania2000
Date: 12-04-2006, 05:08 PM
Parent: #27
| Quote: تعالي نتبادل الالقاب...شيلي (كيكي) ده...وانا ابقي (سوداني 2000)..!!! |
بدل خليل بوديني الدوحة وبدلك بوديني وين؟ موافقة تدفع كم؟
ممكن رقم خليل ؟
|
Post: #29
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 05:14 PM
Parent: #27
| Quote: اجازة سعيد م. خليل |
شكرا صديقي شوشتا
ولك ولخليل كل الامنيات الطيبة..ودمت
|
Post: #30
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 05:23 PM
Parent: #29
| Quote: بدل خليل بوديني الدوحة وبدلك بوديني وين؟ موافقة تدفع كم؟ |
مرحب كيكي (مادام موافقة)....
وانتي العليك تدفعي وبالعملة التركية كمان..(المدكناها ديك)..!!!
لانو لقب كيكي ده انت لو عرفتي قصتوا حيجيب ليك قروش تمام..لو عملتيهو في
مزاد علني في مناظق الدوائر التقليدية..!!
ولو قريتي بوست اليوم الحار بتاع خليل حتعرفي القيمة التاريخية لللقب ده.!!
ولك شكري وتقديرنا العالي يا سودانية
|
Post: #31
Title: Re: تمشي وتجي بالسلامة يا خليل مع السلامة...!!
Author: Emad Abdulla
Date: 12-04-2006, 05:28 PM
Parent: #29
تحياتي يا هندسة ..
خليل الجميل ..
ح أفتقد صباحاتو كل يوم من آخر دور في العمارة تحت التشييد الجنب شغلي ..
الزول ده ح يجي راجع ببلاوي من القصص اللي هو بس بيجيد سردها و حبكها و زخرفتها ..
بالسلامة يا خليل ..
|
Post: #32
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-04-2006, 05:38 PM
Parent: #31
| Quote: ح أفتقد صباحاتو كل يوم من آخر دور في العمارة تحت التشييد الجنب شغلي |
مرحب يا عمدة
وحبابك ومشتاقين (ياخ الاسياد دي ما قربت تنتهي عشان تتفرغ لينا)..
وطبعا ملاقاتك الصباحية مع الكارثة ده كلو شمارها معاي
ولانو خليل خشمو خفيف قاعد ينقلها لي بالصورة والصوت..
واظرفها بتاع يوم الانتخابات بالصباح لمن قال ليك
(الليلة العب ده لوما فاز قعاد لينا في البلد دي مافي),,,
كلو في اضاني يا جبانات...
وتسلم يا صديقي...
|
Post: #33
Title: Re: تمشي وتجي بالسلامة يا خليل مع السلامة...!!
Author: Abubakr Osman
Date: 12-05-2006, 03:47 AM
Parent: #32
مرحب بيهو خليل بيننا
نتمنى ان لا يكون مثلك يا كيكى ونتمكن من رؤيته
نتوقع منه زيارة لنا فى بنك السودان
|
Post: #37
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-06-2006, 04:33 PM
Parent: #33
Quote: مرحب بيهو خليل بيننا
نتمنى ان لا يكون مثلك يا كيكى ونتمكن من رؤيته
نتوقع منه زيارة لنا فى بنك السودان |
مرحب يا باشمهندس يا راقي
ومبروك عليكم خليل وهو طبعا طارح نفسو كخرطومي امدرماني يعني يحكون جنبكم
واحنا يا ابوبكر الاجازة فواتح ساكت بتكمل...
ولك ودي المقيم..
|
Post: #34
Title: Re: تمشي وتجي بالسلامة يا خليل مع السلامة...!!
Author: معتصم الطاهر
Date: 12-05-2006, 06:49 AM
Parent: #1
غايتو يا عبدو
زولك غطس انشاء الله يقلع بى نصو !!!
متاكاة الباب
حسِّنوا الظن
|
Post: #38
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-06-2006, 05:22 PM
Parent: #34
مرحب ياريس
وغايتو مع خلي ده دائما تحسين الظن قاسي وصعيب من اولوا..لكن نسوي شنو الله غالب..
يفكونا في المعمعة دي ويسافروا السودان..
|
Post: #35
Title: Re: تمشي وتجي بالسلامة يا خليل مع السلامة...!!
Author: Nana
Date: 12-05-2006, 05:59 PM
Parent: #1
كريم ازيك
وربنا يكتب سلامة صاحبك الجميل خليل
وان شاء الله يرجع بالسلامة
بالله لو اتصلت عليهو بلغو تحياتنا
تسلمو يا احبة
|
Post: #36
Title: Re: تمشي وتجي بالسلامة يا خليل مع السلامة...!!
Author: Mutwali Malik
Date: 12-06-2006, 03:19 PM
Parent: #35
كريم الفردة
يابهية وشباب الزمن جنية وعرس مافي
انشاء الله يكمل نصو ولا ربعو
يمشي ويجي ومعه جراب حكاوي وحكايات وفي انتظار الفلم الهندي
زندقي غدار خليل
|
Post: #39
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-06-2006, 05:28 PM
Parent: #35
| Quote: وربنا يكتب سلامة صاحبك الجميل خليل |
مرحب بالاخت الغالية نانا
ونرحب بحضورك الطاغي في حضرة صديقنا خليل
الذي حتما سانقل اليه تحاياك العطرة
ولكي مني كل احترام وتقدير وشكر
|
Post: #40
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-06-2006, 06:44 PM
Parent: #39
مرحب يا متولي (وتم هرا كدر جايقا)..
انت قاعد تمشي وين يا زول
وفردتك خلي سافر وخلانا للهم والغربة..واصبحنا نتحسس هواتفنا عند كل ثامنة صباحا
ولكن لا صوت ينادي...
واكيد حيجينا بقصص وحكاوي وشمارات واحتمال يا بهية وشباب الزمن جنية وعرس (متروس)
|
Post: #41
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-09-2006, 07:35 AM
Parent: #40
خلي سيب الجفا..وارحم كفي
الجمهور عاوز تلفونك يا وريف..
|
Post: #42
Title: Re: تمشي وتجي بالسلامة يا خليل مع السلامة...!!
Author: khaleel
Date: 12-09-2006, 07:41 AM
Parent: #40
من الخرطوم سلام للحلويين
مشتاين ليكم كلكم
حلفت المصحف في الضرائب
السواقة في الخرطوم عايزها عضلات تايسون ومهارة شوماخر
وغايتو سلامي لكل الحلويين
بعدين شايف في ناس ما كتبو في البوست دها
تاني ( انعل ابوي لو اعمل ليهم دبل كيلك)
|
Post: #43
Title: Re: تمشي وتجي بالسلامة يا خليل مع السلامة...!!
Author: doma
Date: 12-09-2006, 07:53 AM
Parent: #42
هي خلو في الخرطوم ؟؟؟ ازيك
والله بختك حاسداك عديل كدا لانه الوقت دا بالذات الجو حلو في الخرطوم
|
Post: #44
Title: Re: تمشي وتجي بالسلامة يا خليل مع السلامة...!!
Author: Muna Khugali
Date: 12-09-2006, 07:54 AM
Parent: #42
حمدلله علي السلامة ياخليل
Quote: بعدين شايف في ناس ما كتبو في البوست دها
تاني ( انعل ابوي لو اعمل ليهم دبل كيلك) |
أعقل ياطايش..خلي ابوك في حـاله.. الناس ظـروف ياطيب
مني
|
Post: #45
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-09-2006, 07:59 AM
Parent: #42
| Quote: حلفت المصحف في الضرائب |
وجع وجع..خليل رجع...
ومرحب بخليل(حليفة) يازول قبل كده فاروق جبرة (فاروق حليفة) عملها قبلك.....
لكن ما قلت لي حلفوك علي شنو يا خليل..!!!
واوع يكونو جابو سيرتي كمان..؟؟
ضروري تلاقي ناس الريفيرا..ولكل تحيات كل اهل الدوحة التي شلت روحها ومشيت ,,
ووين الناس ديلك ياخ..!!
|
Post: #46
Title: Re: تمشي وتجي بالسلامة يا خليل مع السلامة...!!
Author: ريهان الريح الشاذلي
Date: 12-09-2006, 08:51 AM
Parent: #45
يبدو انه قد اصابني شرف (نكسة ووعسة) لقائه الله يكون في عوني
ما قلت ليكم الخرطوم جاها بلاء................
كلمتو قلت ليهو ما تنقطع وما تكتر الجية لكن (اضان الحامل طرشاء)
ملحوظة: خليل في ثوبه الجديد عجييييييييييييييييييييييب
|
Post: #47
Title: Re: تمشي وتجي بالسلامة يا خليل مع السلامة...!!
Author: sudania2000
Date: 12-09-2006, 01:38 PM
Parent: #46
سلام سودانية 2000
رسل رقم الحساب للدفع المقدم بس بالسوداني
خليل يدخل السودان وكيكي يغادره (((س2000))))
خليلكم دا من بوست الهندسة عايزة اشفوا قلنا الرقم لحدي ما اهو سافرنا
خليك في السودان لحدي ما اجي
ولو ما تلاقينا عازماك عصير انناس في استنبول
تمشي تشرب و الفاتورة علي انا
ومرحب بيك في بلاد المليون مسحوق
|
Post: #48
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-09-2006, 03:20 PM
Parent: #46
| Quote: خليل في ثوبه الجديد عجييييييييييييييييييييييب |
سلام ياريهان
وعليكم الله وثقوا لينا خلي 2007 ده
وهو اصلوا عجيب لكن الظاهر عليهو كثر (المحلبية شوية وانطلق في الخرطوم دي..)
في انتظار توثيق خلي 2007
|
Post: #49
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-09-2006, 03:34 PM
Parent: #48
Quote:
سلام سودانية 2000
رسل رقم الحساب للدفع المقدم بس بالسوداني
خليل يدخل السودان وكيكي يغادره (((س2000))))
خليلكم دا من بوست الهندسة عايزة اشفوا قلنا الرقم لحدي ما اهو سافرنا
خليك في السودان لحدي ما اجي
|
مرحب بكيكي 2000
وحبابك والله في حضرة خلي حبيبنا السافر خلانا للوحدة والشوق والعذاب
وانتي مسافرة واخاف ان يفقدك الاسفير يوما وساعتها قد لاتنام المدينة وسيدة اسفيرها بعيدة
عنها...رقم الحساب سوف يتاخر شوية لاجرات تغيير الاسم من (كيكي ) الي (سوداني 2000) وخليك
سوداني...
تلفون خليل تخيلي انا ذاتي ما لامي فيهو الود ده نسي كيكي وحنانو ذاتو
لكن ان وجدته تاكدي انكي وجدتيه..
سفره موفقة..ورحلة راقية..وياريت الكونكشن الدوحة حتي نهرع الي مطارها
|
Post: #50
Title: Re: تمشي وتجي بالسلامة يا خليل مع السلامة...!!
Author: احمد التجانى احمد
Date: 12-10-2006, 06:39 PM
Parent: #49
كيكى مشتاقين والله
وتحياتى للمسافر خليل
بوصيك يالمفارق وراحل عننا
عذرا للانقطاع عن البوست وسوف اواصل معكم
|
Post: #51
Title: Re: تمشي وتجي بالسلامة يا خليل مع السلامة...!!
Author: محمد عبدالله هارون
Date: 12-10-2006, 06:48 PM
Parent: #1
الوريف / خليل
حمد لله على السلامة ، انشاء الأهل والأصدقاء يكون بألف خير وعافية
عايزك تمشي الجامعة و ووووووووووووووو بس
إجازة سهيدة يا حبيب
|
Post: #52
Title: Re: تمشي وتجي بالسلامة يا خليل مع السلامة...!!
Author: نجوان
Date: 12-11-2006, 01:18 AM
Parent: #51
واحنا مااا بنجازف ... بالدبل كليك..
بس نجاري طبعك يا... خليــــل..
اهو وقعّناعلى رؤوس الاشهاد..
وبصمنا بالعشره..
ويا كيكي حاسداك من هسه على الجلسات..
والونسات بعد عودة خللّي ’من لبلاد‘...
|
Post: #53
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-11-2006, 09:28 AM
Parent: #52
Quote: كيكى مشتاقين والله
وتحياتى للمسافر خليل
بوصيك يالمفارق وراحل عننا |
احمد تجاني يا صديقا من الزمن الجميل
وين اراضيك يازول جننتنا (باص ويرد) باص ويرد
اخدتو ومشيت تبوك ولا نجران ماعارف وخليت خشمنا ملح ملح
لازال مكانك شاغر يا ابوحميد في اليوم الحار فانت خير ومن يجيد اجترار تلكم الايام
تابعت حديثك عن (التايوتا) فابهرني وسعدت ان تركيزك العالي وهندستك الراقية
قد بلغت العلالي فبرافو يا صديقي
وحليل (موسي) خلي,,قطع راسنا ياخ..!!
|
Post: #54
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-11-2006, 09:37 AM
Parent: #51
Quote: حمد لله على السلامة ، انشاء الأهل والأصدقاء يكون بألف خير وعافية
عايزك تمشي الجامعة و ووووووووووووووو بس |
شكرا اخي محمد عبدالله وياريت صديقنا خلي يزور ام نخيل وياتي لنا يخبرنا بما صار في
امرها بعد كل هذه السنين ولك شكري
|
Post: #55
Title: Re: تمشي وتجي بالسلامة يا خليل مع السلامة...!!
Author: عبدالكريم الامين احمد
Date: 12-11-2006, 09:43 AM
Parent: #54
Quote: واحنا مااا بنجازف ... بالدبل كليك..
بس نجاري طبعك يا... خليــــل..
اهو وقعّناعلى رؤوس الاشهاد..
وبصمنا بالعشره..
ويا كيكي حاسداك من هسه على الجلسات..
والونسات بعد عودة خللّي ’من لبلاد‘... |
مرحب نجوان...
ونحمد الله الطلعك من عقوبة (الدبل كيلك) الاسفيرية
فانا ذاتي نجوت بروحي عبر هذا البوست من عقوبات
(دبل كليك الخليلية)...
الله يجيب الفردة خلي بالسلامة ومحمل بما خف وزنه وغلاء ثمنه
من الشمار والونسة الممكن تضحك فيها سنة حتي موعد اجازة خليلية جديدة
خبرتي تحدثني ان حكاوي هذا الرجل ستبداء بمطار الدوحة وقد احظي بفلاش
وحركة كاميرا تتركز علي شخوص عديدون ولكن بكون قد يكون التركيز بكثافة
علي وجه محدد يكون خليل قد رسمه سريعا بمقياس رسم (1:1) وشفط تفاصيل سريعة
كما البرق ..البلد اللون ويكون عمل زي مليون فلاش باك اثناء شفطه السريع سريع هذا,
وايضا قد تكون الطائرة بهابعض من عوالم خلي بين طيات السحاب ولابد ان تكون هناك قصة وحدث والهام
(وشخص)..
مطار الخرطوم...امدرمان ..الشوارع الناس الباعة ونبض الاصدقاء وحكاويهم المرحة والحزينة
واخر نكات المدن والقري وسيرة اصدقائنا ملح الارض ...وقد تتسرب بعض حكاوي القطة ....
حتما سيعود خليل محملا وسيثري هذه الساحة بالكثير,,,,
|
|
|