Post: #1
Title: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 00:22 AM
Parent: #0
{1}
إزيك يابكرى,,,
فى الأول وعلى الهواء مباشرة عاوزة اقول ليك سعدت بلقائك فى الايام الفائته
نغم وصوت السنى البيخترق مواجع الروح ويهزّ كوانين مواجعها اطربنى وانا بشوف فى الناس الكانوا هناك
فى عزّ طربى وتأملاتى فى سيمفونية الحب اللى نثرتها فينا- فكرت فيك- تصدق؟ فكرت فى إنسانك
شفت فيك ملامح اليفة سكنت روحى وتاريخى من يوم قلت للدنيا استعدى لىّ
كنت دايرة اقول ليك وعلى الهواء مباشرة عن انسانك
عن بساطتك وعن طفولة حايمة فى عيونك
الايام دى جنى عيون- الناس فى شوارع فيينا بتعاين وتتابع الكورة وانا بعاين فى العيون ورحلتها للقلوب-
اها يابكرى..... قلت اقول ليك برضو عن التنميط- مرة نمطتك- رسلت ليك ماسنجر بخصوص سناء
لمن نجحت محاولاتى فى النمسا ووافقت مبدئيا وزيرة الصحة ورئيسة البرلمان على علاجها.... بقول الكلام ده هنا لاول مرة ودى فرصة اقول ليهم- لناسى النمساويين شكرا لانهم خلونى احس انى واحدة منهم وانحازوا لنبضنا
بتزكر رديت لى بكلمتين من غير احم سلام ولا دستور تحايا
اتغظت بينى وبينك- انا جنى وجن الكلام المقروم- بحس بيهو زى الحصحاص فى عيون الناس البعاين فيها واللى حا اعاين فيها ايام كأس اوربا....
قلت بالله شوف الزول ده غياظ كيف!!
|
Post: #2
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 00:24 AM
Parent: #1
{2}
اها لمن اتلاقينا قلت لروحى- قومى على بحر روحك واغسلى تنميطك ده
طيب نجىء لموضوعنا التانى وطول لى بالك
قرايتى فى الدنيا دى ومهنتى الكلام
تقرأ- تكتب وتتكلم
طيب يابكرى ياطيب..
دكين {نفخنى} بى وهم جميل
هو انو عندى عندك خاطر طيب
ولى وزن {لازوردى} عندك
اللازوردى ده- ثقافة جديدة علىّ- مرمى الله مابترفع زى مامدور فينا اليومين ديل رأفت!!
|
Post: #3
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 00:31 AM
Parent: #2
{3}
يالله يابكرى جيب مقصاتك
مشارطك
ومضاداتك الحيوية وطيب خاطرى- احزر ان تقتلنى فخاطرى فيهو جراحات كتيره
اولا: قبول طلب هيثم درار- صاحب صاحبنا دكين
شوف دكين ده بيكتب كيف؟ واتخبل انو مافى فى المكان ده- تصدق بيكون زى الربع الخالى؟
ثانيا: اعادة باسبورد ابن دمى خدر حسين.... عارف بالجد حاسة بغربة فادحة بتغييبو عن المكان ده... خدر ده يابكرى جزء من {تراكيب ذاكرتى وذاكرة حبيبى}
وهويتة الانسانية
{تعمل حسابك يابكرى وماتسبب لقلبى نزيف- يقوم ابن دمى يسبح فى انهاركم ولو عكس التيار}
طيب يابكرى.....
آل قدوره- ماتصر لى وشك الطفولى ده- طول بالك معاى ياهادىْ يارزين
عارف ليه؟ دى قصة طويلة لو عندك زمن بحكيها ليك- اصلو نوم مافى والله يحلك منى
وكمان عبدالرحمن عبدالله- {شايفه عيونك حمرن- لكن ماتقول بسببى- هناك اسباب خفية فى المسرح السياسى}
خلاص... طلب مابضمن يكون الاخير....
ندى جوتار- الناشطة والمسئولة الاعلامية بالجمعية السودانية لحماية البيئة- قدمت ليك طلب زمان ومارديت عليها- ندى دى وجودها هنا مطلوب عشان السلام الاخضر
|
Post: #4
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 00:40 AM
Parent: #3
الاخ بكري........
تحياتي........
نرجو ان يعود الجميع الي سودانيزاونلاين....
اولا جبرا للخواطر...
وثانيا ان بلادنا تحتاج الي كل الاقلام لتاخذ بيدها الي بر الامان...
وليس اخيرا اخوتنا الاطباء لذين ارسلوا لك
وزياده كمان كل الموقوفين ارجو اعادتهم وبشروط الا يكرروا مافعلوه سابقا
وده كلوا عشان السودان يحتاجهم الان جميعا
فهل اجبت وطيبت خواطرنا
|
Post: #5
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 00:41 AM
Parent: #3
{4}
أها يابكرى.... ماتقول لىّ شروطك دى صعبة للتفاوض عشان نصل لحل سلمى
اااااااخ ياخاطرى - انتظر بكرى بطييبك- وان لاّ فالنتيجة
دكين واشراقة والبرالمة الجدد يعلنوا رفع السلاح {شوف بالله كلمة سلاح دى تحسها كدى زى النصل فى الروح- ماتشغل بكلامى- قمت على النقة، لكن بينى وبينك مافى زول بشيل السلاح لو حقه مامهضوم- ومع ذلك خلينا نتفاوض بالنضمى- ماتشوفنى كدى من صغرتى بنضم انا وبتدق لىّ نجوى اختى}
طيب يابكرينا
لو قلت ليك عن الرسائل البتصلنى من قراء وقارئات لمنبرنا حاتقول لىّ مجنونة { دى باكدها ليك- لو قمت بطقع بحجار المحبة ومابقدر اعمل كنترول لروحى}- لو تعرف الناس اللى بتراسلنى دى وكتير منهم عرفونى فى حوشك ده- لو قلت بيعملوا فينى شنو ماحاتصدق- من طيرة مبلولة بعواصف الدنيا والناس اللى ضد الطيور وحمايتها- الى فرسة حرونة- بحرن محل المحبة يابكرى والناس ديل محبتى- فيهم من ملامحك طيبة و طفولة
بنات يابكرى جميلات
ووليدات عجيبين
ورجال منثورة فيهم الرياحيين
ونساء ادنك طفولة قلبهن
اها الناس ديل ملامح لناسى البحبهم
وقوز قزح قلبى اللى بمثابة بنزين الحياة
انت قايل الحياة دى بتدور كيف... مابالناس يابكرى
الناس اللى خليتهم يتلاقوا هنا
ويقرونى ويقروكم وتتلاقح غنيوات شجرنا
|
Post: #7
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 00:45 AM
Parent: #5
Quote: الاخ بكري........
تحياتي........
نرجو ان يعود الجميع الي سودانيزاونلاين....
اولا جبرا للخواطر...
وثانيا ان بلادنا تحتاج الي كل الاقلام لتاخذ بيدها الي بر الامان...
وليس اخيرا اخوتنا الاطباء لذين ارسلوا لك
وزياده كمان كل الموقوفين ارجو اعادتهم وبشروط الا يكرروا مافعلوه سابقا
وده كلوا عشان السودان يحتاجهم الان جميعا
فهل اجبت وطيبت خواطرنا |
بكري اخي.....
ممكن تراجع من يشاركون من خلال الايميلات التي ترسل الي...
والان اصبح مناقشاتنا من خلال التلفونات ...
ارجو ان تفسح لهم الطريق
لاجل السودان الوطن الواحد
|
Post: #8
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 00:49 AM
Parent: #5
أخيرا- {ماتصدق انو ده اخيرا- اخيرا دى فى قاموسى مافى}
اها يابكرى
اوعى تقول لى عملية تطيب خاطرك مستعصية
اصلى قاعدة على حركروك فناء النار....
انت ماعارف اغنيتى المفضلة شنو {اطيب خاطرك الغالى}
لو قدرت تطييبه بالله وبالمرة وكآخر طلب ... ولا اقول ليك اعمل العليك والباقى على جبريلى...
والله محبتى ليك يا بكرى من هنا لعندكم هناك
والله لو نثرتها فى عيون البنات الجن لكأس اوربا من كل انحاء العالم- الاّ عالمنا المنسى- لقامت اشجار تظلل دكين فى ربعه الخالى...
ياخى كفاك من نقة محبتى!!
ماشة اصوم لعمليتك وكتر البنج بالله- بنج محبتك يازول يازين
-------
اسباب جراحاتى ماعاوزة اعرفها خليها مستورة ورجع لى الناس ديل وجيب لينا هيثم وندى جوتار
|
Post: #9
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 00:53 AM
Parent: #8
نثني ويابكري اجبر بخاطرنا الله يسهل علينا وعليك
|
Post: #10
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 00:55 AM
Parent: #9
نثني ويابكري اجبر بخاطرنا الله يسهل علينا وعليك
|
Post: #89
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-14-2008, 09:55 PM
Parent: #9
والله ماقصرت يامجدى
عتلت معانا الخواطر المجروحة عسى ولعل بكرى يرضى علينا
ترضى عليك الايام يا اخوى
|
Post: #6
Title: Re: بكرى ابو بكر – طيب خاطرى وعلى الهواء مباشرة....
Author: Emad Abdulla
Date: 06-09-2008, 00:45 AM
Parent: #3
Quote: اولا: قبول طلب هيثم درار- صاحب صاحبنا دكين
شوف دكين ده بيكتب كيف؟ واتخبل انو مافى فى المكان ده- تصدق بيكون زى الربع الخالى؟
ثانيا: اعادة باسبورد ابن دمى خدر حسين.... عارف بالجد حاسة بغربة فادحة بتغييبو عن المكان ده... خدر ده يابكرى جزء من {تراكيب ذاكرتى وذاكرة حبيبى}
وهويتة الانسانية
{تعمل حسابك يابكرى وماتسبب لقلبى نزيف- يقوم ابن دمى يسبح فى انهاركم ولو عكس التيار}
طيب يابكرى.....
آل قدوره- ماتصر لى وشك الطفولى ده- طول بالك معاى ياهادىْ يارزين |
ثانيا: اعادة باسبورد ابن دمى خدر حسين
ثانيا: اعادة باسبورد خدر حسين
ثانيا: اعادة باسبورد خدر حسين
ثانيا: اعادة باسبورد خدر حسين
ثانيا: اعادة باسبورد خدر حسين
ثانيا: اعادة باسبورد خدر حسين
|
Post: #11
Title: Re: بكرى ابو بكر – طيب خاطرى وعلى الهواء مباشرة....
Author: كمال علي الزين
Date: 06-09-2008, 00:58 AM
Parent: #6
Quote: ثانيا: اعادة باسبورد ابن دمى خدر حسين.... عارف بالجد حاسة بغربة فادحة بتغييبو عن المكان ده... خدر ده يابكرى جزء من {تراكيب ذاكرتى وذاكرة حبيبى}
وهويتة الانسانية
{تعمل حسابك يابكرى وماتسبب لقلبى نزيف- يقوم ابن دمى يسبح فى انهاركم ولو عكس التيار}
طيب يابكرى.....
آل قدوره- ماتصر لى وشك الطفولى ده- طول بالك معاى ياهادىْ يارزين |
|
Post: #91
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-14-2008, 10:11 PM
Parent: #11
شكرا ياكمال للدعم
انشاء الله بكرى يقدر ظروفنا ويحن علينا
|
Post: #12
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 00:58 AM
Parent: #6
واحدة من عشرات الرسائل اللى بتصلنى يوميا
شوف درر المحبة المنثورة هنا يابكرى
شوف الطاقة الدشرتها فينى البت دى
استأذنها - بعد شطب بياناتها - عشان تشاركونى ريدتها
اها من حسع البت دى نرش ليها الحوش ياسيد محبتنا
Quote: سلامات بنت بلادي
Von: ::::::::::@hotmail.com)
Kontakt hinzufügen
Gesendet onnerstag, 5. Juni 2008 17:02:10
An: [email protected]
بسم الله الرحمن الرحيم
العزيزة اشراقة
تحياتي مع رفع السايد كاب وأحناء الرأس)
اولا دعيني اعبر لك عن عظيم حبي واعجبابي بمدادك الذي حين يندلق على الورق وتصطاده اعيني اشتم راحة البن
والأرض المبلولة وأشياء جميلة نعصر الايام حتى يبقى احساسنا بها فوق العادة
اتيت في اول أيام معرفتي بك (من خلال كتاباتك في سودانيز اونلاين) لاصحابي وانا صامتة كغير العادة وعندما الحو علي بالاسألة قلت ليهم اشراقة (تعبتني) شديد ومن هنا عرفوك معي واحبوك جدا
عندما كتبت (في تموز عشر قصاصات للمطر) كنت طالعة من المكتب وانا في قمة القرف ودخلت احد المقاهي ولم اشعر بشي بعدها لقد اخذني احساسك بعيد
بعيد حيث لا مكان للزمن أوالناس أو اي احساس أخر خلاف مااقرأ فقط وعندما انتبهت للوقت كانت الساعة تجاوزت الثامنة مساء ولانني في البدروم(برج البركة) لم اعلم بأن السماء تمارس طقسها المحبب الي نفسي
وان السوق العربي تقريبا فارغ الا من نسى نفسه مثلي
وعندما عدة الي المنزل وجدتهم (حدث ولا حرج) صرخت اختي انت ماشايفة المطر دي كلها كنت وين اصلك في غار
رديت بكل برود وانا ادخل غرفتي انا لما الأقي اشراقة او سلمى الشيخ سلامة أو خدر بنسى الدنيا فما بالك لما يتلمو الثلاثة
اشراقة والله مشتاقين
حبيت اسلم عليك
وبجيك راجعة تاني
:::::::::::
عارفة انك مابتعرفيني
|
|
Post: #13
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 01:10 AM
Parent: #12
| Quote: عارفة انك مابتعرفيني |
القال ليك منو يابت يازينة؟
قول ليها يابكرى واديها قلبها البت دى
انا بعرفك ساى....
الزيك ده بينبض جوايا
ناس تلاقيك رغم كل شىء مفرورة الجناح
وغارزه دقات قلبها فى دمك
يابت ياحلوة { كلمة حلوة دى بتجهجه- واقرآى تموز تانى وقصاصات العشب والمطر...تمز على ابواب شجنى يقرع على الجراح }
يالله يابكرى نوم من بدرى وماتبارى سهرى
نوم عشان عمليتى فى انتظارك
وأشهدّ ان لجبريلى احب!!!
|
Post: #92
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-14-2008, 10:13 PM
Parent: #6
الصديق عماد
وقفتك مقدرة والله لاجل عودة خدر
وخاطر دكين
وإعادة المفصولين
|
Post: #14
Title: Re: بكرى ابو بكر – طيب خاطرى وعلى الهواء مباشرة....
Author: حنين للبلد
Date: 06-09-2008, 01:32 AM
Parent: #1
العزيزة اشراقة
اتمنى ان يجبر بكري بخاطرك وان يعيد لهذا المنبر ضيائه بعودة خدر حسين وكل الموقوفين
ان يعيد القلم النابض حبا وخيرا ......ويا شروقة يا اختي النخليك انتي وبكري راس بي راس لأنه انا بعرف عزتك وبعرف انه بكري ماممكن يرفض ليك طلب.
تحياتي لك يا حبيبة...وتحياتي للأخ خدر
|
Post: #16
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 01:39 AM
Parent: #14
اوعى تأجل العملية يابكرى
مابفوت بهين والله
ولكة حبيبك
صندل الحبوبات ومحلب روحهن
بلصق وبعكلت لمن اكون فى حالة تستدعى كدى
يعنى ماتفتكر بجىء يوم واقول: اتوقف عن الكتابة
ولا وداعا ياجماعة
انا قاااااااااااااااااااااااااااعدة
لمن تطيب حاطرى واكيد غالى عندك {شفت القلع ده}
----
حنين للبلد- اسمك بلد بحاله وروحك نيل الناس
|
Post: #15
Title: Re: بكرى ابو بكر – طيب خاطرى وعلى الهواء مباشرة....
Author: كمال سالم
Date: 06-09-2008, 01:38 AM
Parent: #1
والله ياإشراقه بكرى ماقصرتى معاهو ,, حنية خالات ساى مفروض يبصم بالعشره !
بالله يابكرى عشان الطفوله الحائمه فى عينيك دى إشراقه دى خلص ليها ورقها القدامك
ده كلو , وأوعك من أمشى وتعال والخزنه قفلت ,,
|
Post: #17
Title: Re: بكرى ابو بكر – طيب خاطرى وعلى الهواء مباشرة....
Author: شهاب الفاتح عثمان
Date: 06-09-2008, 05:25 AM
Parent: #1
اشراقه الثقافه في روعتهــا ..
والربان بكـري اهل الكــرم ..
وكلنا هندســه يديه ,وكلنا امل باجــابه الطـلبات ..
والتحايا لدكين ..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #18
Title: Re: بكرى ابو بكر – طيب خاطرى وعلى الهواء مباشرة....
Author: رأفت ميلاد
Date: 06-09-2008, 05:57 AM
Parent: #17
إشراقة مصـطفى
مالك قصرتى معاى فى الكلام الغلاد غلاد ده
خدر وأولاد قدورة فوق العين والراس
صاحبى نسيتو مالو .. !!!!!!!!!
لولاه ..
ما لقيت لؤى الراح منى فى أركان الزمن ..
ولا لاقيت السنى السمح ..
ولا أوتقرافات الموصلى
ولا إتقابحت مع بشاشا
وإتلاويت مع أم حازم
ولا إتكسرت مع نادية
ولا عرفت بت خوجلى
ولا صاحبت إشراقة السمحة
يعنى ما قريتى ليه شعر !!!!!!!!!!!
ماإتكلتى على ضهرو الما بتحنى لى عاصفة!!!!!!!!!
ما شفتى الغضب الفى عيونو البطير رحمان الكيزان !!!!!!!!!!!!
بس زعلو الشين داك بس الشفتى !!!!!
هوى يا بت مصطفى .. هشام ولد هبانى ما بتفط
تكونى نسيتى ساكت ..
|
Post: #19
Title: Re: بكرى ابو بكر – طيب خاطرى وعلى الهواء مباشرة....
Author: doma
Date: 06-09-2008, 06:19 AM
Parent: #18
يامشرقه سلام اها قلنا يا اختي في جاه الملكات نلوك
النبي دخلي لينا طلب عمنا عوض سيد احمد عوض دا معاك .
انا باقي في حلو الكلام حظي قليل شديد ليس بخلا مني بس ما بعرف ليهو كلامي متل طق العصاه في الركب . زوجي مسميني المارشال .
لما مشيت الخرطوم عرفت انه هناك وكنت جيعانه شديد فقالوا لي تمشي لبكري ولا تمشي تاكلي زغني قلت في نفسي يا حاجه ما تراكي بتاكلي ليك كم وخمسين سنه وما جعتي كثير الاكل ملحوق امشي سلمي علي بكري دي فرصه يمكن تاني ما تتكرر اها مشيت ليهو لقيتو متل ما قلتي يا اشراقه بي كلامك المنضوم بالحرير زول طييييييب وحبوب ومتواضع شديد .
|
Post: #21
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:17 AM
Parent: #19
دومة صباحات الخير
اها يابكرى بالله بالمره كدى تشوف معاك عمنا عوض سيد احمد
ياخوى دومة دى خلت الزغنى وجاتك
{حسى القى لىّ وغنى ووين يادومة انتى كمان - قومتى على عصافير - اقصد كدايس بطنى}
يالله يابكرى زيدنا من كرم حنانك شوية
|
Post: #20
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:07 AM
Parent: #18
| Quote: أخيرا- {ماتصدق انو ده اخيرا- اخيرا دى فى قاموسى مافى} |
رأفت ياصديقى
اقرا كلامى الفوق ده
{العافية} درجات
ابدا مانسيت هشام هبانى
مانسيت ملاوتو فى الحق
ومانسيت برضو {هبشتو الشينه} لتمبس ود امى
{اوعى يجىء زول يقول لى بقيتى تتطبعى مع الكيزان }
عارف يارأفت ميزة المنبر ده شنو؟
شفت سوق ام دفسو داك؟
البتلقى فيهو الناس من كل نوع
طيبين زى هشام
ومناكفين برأى زى بشاشا
ومن جوه سمحين شديد زى تراجى
ونقيين زى بيان
وحلوين زى ناس كتاااااااااااااااااااااار لو جبنا اسمهم الهواء - الهوى بيقسمهم
اها ياصديقى....
هشام هبانى ده حلاوة مابعد العملية عشان تطيب الروح صاح
بكرى بالله ماتسد لىّ دى بطينة التجاهل والتانية بعجينة والله ماشايفك
يالله بالله- كلمة منك حلوة
--------
ابوى والله يارأفت صحى خلاصة عصاير الحياة الطاعمة الله يديهو العافية
كلما يقترب تموز بيكون ابوى ركيزة طهرى
|
Post: #27
Title: Re: بكرى ابو بكر – طيب خاطرى وعلى الهواء مباشرة....
Author: رأفت ميلاد
Date: 06-09-2008, 08:24 AM
Parent: #20
Quote: .
ابوى والله يارأفت صحى خلاصة عصاير الحياة الطاعمة الله يديهو العافية
كلما يقترب تموز بيكون ابوى ركيزة طهرى |
أنا كنت قاصد أكتب يا عسل مصـفى
ولا تزعلى يا ستى عدلناها .. ربنا يخليك ليه ويخليكى ليهو
|
Post: #22
Title: Re: بكرى ابو بكر – طيب خاطرى وعلى الهواء مباشرة....
Author: لؤى
Date: 06-09-2008, 07:51 AM
Parent: #18
رأفت الحبيب
صباح الخير
Quote:
لولاه ..
ما لقيت لؤى الراح منى فى أركان الزمن .. |
منّك مستحيل أروح
يعلم عالم الغيب أنّك لم تغب عن خاطري أبدأ
ولم يكن اللقاء الجّديد إلاّ تحقيقاً لرغبة خاطر
ليتك تعلم كم أنت أخ وأب وخال وصديق وعزيز وغالي
وليتك تعلم كم من الحُب أكنّه لك
لك ولفاتن والعيال التّحيّة والوُد والإحترام
وعُذراً دكتورة إشراقة
أنـا في البـعـيـد مُـشـتـاق لهـمـسـة من الوطن يا نـسـمـة
|
Post: #45
Title: Re: بكرى ابو بكر – طيب خاطرى وعلى الهواء مباشرة....
Author: كمال علي الزين
Date: 06-09-2008, 04:16 PM
Parent: #18
Quote: هشام ولد هبانى ما بتفط
|
|
Post: #55
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:22 PM
Parent: #17
دكتور شهاب
ازيك والف مبروك النجاحات- حسيت بروحى طالت امتار عزيمة
وجودك هنا براهو بطيب الخاطر
|
Post: #23
Title: Re: بكرى ابو بكر – طيب خاطرى وعلى الهواء مباشرة....
Author: DKEEN
Date: 06-09-2008, 08:04 AM
Parent: #1
شروق العزيزة
بلاي هسي لو كنا حنساكي تعملي لينا زيارة للنمسا ما كان لفقت..
الطلب بنطلب من الغالين مرة واحدة بس..
اخخخخ ياهثيم
ضيعتنا..
|
Post: #24
Title: Re: بكرى ابو بكر – طيب خاطرى وعلى الهواء مباشرة....
Author: علاء الدين حيموره
Date: 06-09-2008, 08:10 AM
Parent: #23
المحببة للنفس / د. اشراقة
بشوفك ما جبتي اي سيرة للحيمورابي ابراهيم عوض .. ما دام الواسطة عندك ببقى جوز ما يخسر ...
شكرا ليك يا حبوبة اشراقة ..
|
Post: #25
Title: Re: بكرى ابو بكر – طيب خاطرى وعلى الهواء مباشرة....
Author: Hussein Mallasi
Date: 06-09-2008, 08:18 AM
Parent: #24
| Quote: عن بساطتك وعن طفولة حايمة فى عيونك |
بكري يكون فعلاً بسيط و عيونو طفولية لو رجع ليكم
خضر حسين خليل الموجود من خلال نقابي عجوز!
|
Post: #32
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 08:49 AM
Parent: #25
Quote: بكري يكون فعلاً بسيط و عيونو طفولية لو رجع ليكم
خضر حسين خليل الموجود من خلال نقابي عجوز! |
ازيك ياملاسى
خضر حسين زول قائم بذاته
ونقابى عجوز زول قائم بذاتو
مالك ياحسين انت؟ عيونك فيهن غباش اليومين ديل؟
----
بعيدا عن ذلك - فى وش بكرى طفولة حايمة وبساطة زى مطر الريف الله يخلى براءة وشه لروحيتيو الحلوة
ولاهل بيته الحلوين
|
Post: #65
Title: Re: بكرى ابو بكر – طيب خاطرى وعلى الهواء مباشرة....
Author: كمال علي الزين
Date: 06-10-2008, 05:46 AM
Parent: #25
Quote: بكري يكون فعلاً بسيط و عيونو طفولية لو رجع ليكم
خضر حسين خليل الموجود من خلال نقابي عجوز! |
يا(ملاسي) بك , قلبك أبيض ..ياخ
(خضر حسين ) ما الراجل البدسا ورا إسم ماحقو ..
|
Post: #26
Title: Re: بكرى ابو بكر – طيب خاطرى وعلى الهواء مباشرة....
Author: عمران حسن صالح
Date: 06-09-2008, 08:20 AM
Parent: #24
Quote: بنات يابكرى جميلات
ووليدات عجيبين
ورجال منثورة فيهم الرياحيين
ونساء ادنك طفولة قلبهن
اها الناس ديل ملامح لناسى البحبهم
وقوز قزح قلبى اللى بمثابة بنزين الحياة
انت قايل الحياة دى بتدور كيف... مابالناس يابكرى
الناس اللى خليتهم يتلاقوا هنا
ويقرونى ويقروكم وتتلاقح غنيوات شجرنا |
الأخت الحبيبة اشراقة
إزيكـ يا زولة يا جميلة ...
وحرم (حرام متزوج ليهو 7 سنوات ) أنا كان محل بكري أديكـ كمان عشرة (باسوورد) فاضيات
توزعيهن على كيفكـ ...
|
Post: #28
Title: Re: بكرى ابو بكر – طيب خاطرى وعلى الهواء مباشرة....
Author: GamarBoBa
Date: 06-09-2008, 08:38 AM
Parent: #26
لك التحية دكتورة
|
Post: #79
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 08:04 PM
Parent: #26
Quote: أنا كان محل بكري أديكـ كمان عشرة (باسوورد) فاضيات
توزعيهن على كيفكـ |
ياسلام ياعمران على كرمك
ياخى كلم بكرى قول ليهو بس يدخل معانا فى تفاوضات
لانو لو رفض ياناتا الشلنا السلاح*
تسلم ايامك ياعمران من كل شر
-----
سلاح المحبة
|
Post: #29
Title: Re: بكرى ابو بكر – طيب خاطرى وعلى الهواء مباشرة....
Author: rosemen osman
Date: 06-09-2008, 08:39 AM
Parent: #24
المشرقة سلام طازج بطعم كتاباتك التىتنساب كالأسماك فى حنايانا
شكرا يا حنينة على حملك هم الجميع وسعيك للخير
أرسلت لك أيميل يوما ما ولم أتوقع أن تردى على بهذه السرعة
قرأتينى وقرأتك تحدثنا كثيرا
وفتحتى لى نافذة أتطلع منها الى بكرة
وسندى ناس حلوة زيك وأخوان ماشاء الله يسدوا عين الشمس quantity and quality
الله يديك العافية وما تشوفى الا السمح ومرافىء وواصل
قبل دخولى تابعت الحملة من أجل رحاب زوجة محسن طه بوستين كبار أو أكثر بحثت عنهم ولم أجدهم فى هذا الكم الهائل من المواضيع
تعرفت اليها وكم جميلة وكم طيبة هى وكم كم رقيقة والأهم أنها زولة ضد الكلمة القبيحة العنصرية وأنا جنوبية وأنت شمالية
مهمومة وبتحلم بالسودان الجديد
رحاب
رحاب يا حبايب رحاب ما بتتنسى
ملحوظة أخيرة
وضعتينى فى مأزق أنى دخلت عبرك
وربنا يقدرنى أحافظ على الجمال الذى منحتينى أياه
وأكون قدره
أمنحينى مزيدا من أشراقك
وأمنحيهن
|
Post: #31
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 08:45 AM
Parent: #29
ولسه منتظرين
|
Post: #30
Title: Re: بكرى ابو بكر – طيب خاطرى وعلى الهواء مباشرة....
Author: ALGARADABI
Date: 06-09-2008, 08:42 AM
Parent: #1
| Quote: بتزكر رديت لى بكلمتين من غير احم سلام ولا دستور تحايا |
بكري ترسل ليهو ايميل من عشرين سطر يرد ليك بكلمة واحدة: DONE
لكن معذور مع ال4 ألف عضو (قبل الكشة الجديدة)
|
Post: #33
Title: Re: بكرى ابو بكر – طيب خاطرى وعلى الهواء مباشرة....
Author: محمد عبد الماجد الصايم
Date: 06-09-2008, 08:51 AM
Parent: #1
باللاي في طريقكم شوفو لينا باسوورد 7mooodi al3sal
أصلو الزمن ضيعو ..
وضيعو دي تشمل حمودي والباسوورد بتاعو
|
Post: #34
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 09:10 AM
Parent: #33
Quote: قبل دخولى تابعت الحملة من أجل رحاب زوجة محسن طه بوستين كبار أو أكثر بحثت عنهم ولم أجدهم فى هذا الكم الهائل من المواضيع
تعرفت اليها وكم جميلة وكم طيبة هى وكم كم رقيقة والأهم أنها زولة ضد الكلمة القبيحة العنصرية وأنا جنوبية وأنت شمالية
مهمومة وبتحلم بالسودان الجديد
رحاب
رحاب يا حبايب رحاب ما بتتنسى |
بكرى ياخى عليك الله ماتكسر خاطرى
يا اخوى جيب الناس ديل كلهم
وخلينا نفرح عشان عرس السودان {الجديد}
الجديد بتاعنا نحنا ديل يا بكرينا
|
Post: #35
Title: Re: بكرى ابو بكر – طيب خاطرى وعلى الهواء مباشرة....
Author: Abureesh
Date: 06-09-2008, 09:32 AM
Parent: #34
دى دعوة قويـة يا إشـراقـة..
بالله مرة واحدة برضـو أدعى لى بالحج قبل بكرى بقفل الموضوع دا.
|
Post: #54
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:17 PM
Parent: #35
| Quote: بالله مرة واحدة برضـو أدعى لى بالحج قبل بكرى بقفل الموضوع دا. |
سلامات يا ابو الريش
خلاص نتفق على الموضوع ده لمن اجيكم فى الصين
|
Post: #37
Title: Re: بكرى ابو بكر – طيب خاطرى وعلى الهواء مباشرة....
Author: سيف الدين حسن العوض
Date: 06-09-2008, 09:34 AM
Parent: #33
د. اشراقة
ازبك وسلامات
وعبركم اؤيد كلام اخونا ود ملاسي
|
Post: #53
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:15 PM
Parent: #37
| Quote: وعبركم اؤيد كلام اخونا ود ملاسي |
سيف الدين ازيك يا ود امى
وعبرى برضو بقول ليك الكلام القالوا ملاسى ده خطير شديد
لانو حسب علمى انو نقابى عجوز عايش فى هولندا واتمنى نقابى عجوز يظهر ويقول رأيو فى الكلام ده
وخضر حسين فى السعودية
ده غير انو خضر مابيحتاج يكتب باسم غير اسمه
لانه شجاع ودى بيقول عليها تاريخو
انت بس خليك هنا عشان يطيب بكرى خواطرنا
تسلم من كل بلاء
|
Post: #56
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:25 PM
Parent: #33
محمد الصايم
طلبك على العين والرأس
بس خليك فى صف المحبة لحدى بكرى مايجينا
|
Post: #36
Title: Re: بكرى ابو بكر – طيب خاطرى وعلى الهواء مباشرة....
Author: طارق جبريل
Date: 06-09-2008, 09:33 AM
Parent: #1
يا اشراقة كيفنك
خضر حسين نفحة من نسمات النيل
حقيقة افتقد هذا الرجل
|
Post: #52
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:11 PM
Parent: #36
| Quote: خضر حسين نفحة من نسمات النيل |
صدقت والله ياطارق
الله يديك العافية ولقمة الحنان الدافية قول آمين
|
Post: #38
Title: Re: بكرى ابو بكر – طيب خاطرى وعلى الهواء مباشرة....
Author: Safia Mohamed
Date: 06-09-2008, 09:49 AM
Parent: #1
مهندس بكري
عليك الله طيب بخاطرها
صفية
|
Post: #39
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 10:23 AM
Parent: #38
Quote: مهندس بكري
عليك الله طيب بخاطرها
|
لازلنا ننتظر عودة الجميع الي الحوش الكبير
|
Post: #40
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 10:38 AM
Parent: #39
Quote: بالله يابكرى عشان الطفوله الحائمه فى عينيك دى إشراقه دى خلص ليها ورقها القدامك
ده كلو , وأوعك من أمشى وتعال والخزنه قفلت ,, |
وقال كمال المفيد يالله يابكرى اتصلح معانا
|
Post: #50
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:08 PM
Parent: #39
ماقصرت معانا يامجدى يا اخوى مايقصرن ايامك
|
Post: #51
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:10 PM
Parent: #38
صفية
يطيب خاطرك وتسعد ايامك
|
Post: #41
Title: Re: بكرى ابو بكر – طيب خاطرى وعلى الهواء مباشرة....
Author: Adil Osman
Date: 06-09-2008, 10:47 AM
Parent: #1
أرجو أن يعيد بكرى المفصولين لا تطييبآ لخاطر ولكن احقاقآ للحق، وعودة للقرارات السليمة والمتأنية بعيدآ عن الغضب.
قرأت الايميل الذى ارسلته لك يا اشراقة واحدة من قارئاتك فى الخرطوم إعجابآ بكتاباتك. ولكننى لم افهم لماذا تحييك قارئة تحية عسكرية؟
Quote: العزيزة اشراقة
تحياتي مع رفع السايد كاب وأحناء الرأس |
|
Post: #42
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 02:19 PM
Parent: #41
***
|
Post: #46
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 06:48 PM
Parent: #41
مساك الله بالخير ياعادل
Quote: أرجو أن يعيد بكرى المفصولين لا تطييبآ لخاطر ولكن احقاقآ للحق، وعودة للقرارات السليمة والمتأنية بعيدآ عن الغضب.
|
كلامك عين العقل ياعادل- لكن البوست ده جاء نتيجة تداعيات فحاولت يكون مدخلى منطق تانى
منطق العاطفة المابتتعارض مع الحق- راجع البوست ده...
هيثم درار يا اشراقة مصطفى نفس مواصفات روثمين.. بس ماكلها طبعاً
Quote: قرأت الايميل الذى ارسلته لك يا اشراقة واحدة من قارئاتك فى الخرطوم إعجابآ بكتاباتك. ولكننى لم افهم لماذا تحييك قارئة تحية عسكرية؟
|
والله ياعادل لو قرينا واقع السودان بنلقى انو الاجيال الاخيرة اللى جات بعدنا
ماشافت غير البدل العسكرية والبوت
ودى الصورة الراسخة فى اذهان اجيالنا
عشان كدى مابستغرب فى استخدام الكاب العسكرى فى الحالة دى رغم انى ماوقفت فيها
وكل الود ياعادل
|
Post: #43
Title: Re: بكرى ابو بكر – طيب خاطرى وعلى الهواء مباشرة....
Author: DKEEN
Date: 06-09-2008, 04:04 PM
Parent: #1
نحنا بصراحة ما بنحس اكتر من كده..
وشروق دي خاطرنا كان هين عليك علينا ما بهون..
اشراقة ُسكي على المواضيع دي خلاص
عنهم ما اخدو باص ويردات ذاتو..
|
Post: #47
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 06:56 PM
Parent: #43
Quote: نحنا بصراحة ما بنحس اكتر من كده..
وشروق دي خاطرنا كان هين عليك علينا ما بهون.. |
عاد لكن يادكين لقيت نفسك قصييييييييييييييييير
عرفت السبب ليه ليوم الليلة تفتش فى العروس وهى تلاقاك وحبلك لمن يقصر تكب {الزوغة}
طول بالك يا اخوى
|
Post: #44
Title: Re: بكرى ابو بكر – طيب خاطرى وعلى الهواء مباشرة....
Author: حنين للبلد
Date: 06-09-2008, 04:11 PM
Parent: #1
دكين....خليك محضر خير
ولسه عشمنا كبير ..مافي بكري..
في تحنان اشراقة المفروض يكسر حتى الصخر
اشراقة يا اختي انا بالجد بريدك والله كتاباتك عميقة وانسانية وصادقة كتر الله من امثالك
وناس خدر حسين وكل الموقوفين يكفيهم انه عندهم باسووردات لي قلوبك
تسلمي
|
Post: #48
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 07:02 PM
Parent: #44
ياحنين للبلد يابت امى براحة علىّ
اختك الكلام المليان محنة ده بيجننها وبيطلع منها عفاريت الكتابة
والقلوب شواهد ياشقيقة
حاسة بيك زى نجيوة وجلو ولوله ومنى اخواتى
وجودك هما براه تتطيب خاطر الله يطيب خواطرك دنيا وآخرة
|
Post: #49
Title: Re: بكرى ابو بكر – طيب خاطرى وعلى الهواء مباشرة....
Author: Magdi Ahmed Elsheikh
Date: 06-09-2008, 07:05 PM
Parent: #48
اشراقه....
تحياتي...
كلمي ليهو البرالمه الجدد....
شكلهم نجاض تب ...
|
Post: #57
Title: Re: بكرى ابو بكر – طيب خاطرى وعلى الهواء مباشرة....
Author: نهال كرار
Date: 06-09-2008, 07:48 PM
Parent: #1
إشراقة العزيزة
معاك لحد ما يطيب بكري خاطرك وخاطرنا
|
Post: #58
Title: Re: بكرى ابو بكر – طيب خاطرى وعلى الهواء مباشرة....
Author: حنين للبلد
Date: 06-09-2008, 08:20 PM
Parent: #1
اشراقة ياجبارة الخواطر
يشهد الله انك قلم عفيف
وانك من اللائي نفتخر بهن في كل المحافل
وانك انسانة
وانك مثل مشرف للكفاح والإرادة الحرة الواعية
وانك راقية
وانك صادقة كصدق كلماتك
واني بالجد بعزك وفتخر بيك وبتمنى اكون اختك...
ده رأي فيك بالجد، لقيت فرصة قلت انتهزها لأقول لك خاطرك مجبور عند الكل....هل تكفي كلماتي البسيطة المتواضعة عنك في عجالة زمن ان تربت على هذا الخاطر الحزين على موقف بكري.....اتمنى وعسى
لأنك ان انتظرتي بكري ليجبر خاطرك....اخشى ان اقول........................انتظارك حيطول
وبالجد يابكري....حيرتنا يا ود امي الجاتك تختاك
|
Post: #59
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-09-2008, 09:22 PM
Parent: #58
| Quote: وبتمنى اكون اختك... |
ياحنين انتى اختى وبت البلد - دى مافيها شك ابدا
| Quote: لأنك ان انتظرتي بكري ليجبر خاطرك....اخشى ان اقول........................انتظارك حيطول |
روحى سلبة ياحنين
اهى قعدة لمن بكرى يقول قولو
معزتى بلا حدود يامكسب للزمن الجاى
|
Post: #60
Title: Re: بكرى ابو بكر – طيب خاطرى وعلى الهواء مباشرة....
Author: baha eassa
Date: 06-09-2008, 10:11 PM
Parent: #59
الاخت الدكتورة اشراقة .. تحية طيبة :
معك ننادي الاخ بكري ان يعيد المياه الي مجاريها ..
ويكفي ان الطلب من الاستاذة اشراقة حتي تعطيها موافقة
علي بياض ؟
|
Post: #61
Title: Re: بكرى ابو بكر – طيب خاطرى وعلى الهواء مباشرة....
Author: Amjed
Date: 06-10-2008, 00:32 AM
Parent: #1
,و بكري علوم
ابوبكر صالح
ما عندو وجيع
................
|
Post: #62
Title: Re: بكرى ابو بكر – طيب خاطرى وعلى الهواء مباشرة....
Author: ودرملية
Date: 06-10-2008, 01:34 AM
Parent: #61
سلامات
وعوافي
يا بكري دي اشراقة ما دكين ..
فعشان كدة عاوزنك تستجيب لهذه النداءات اللطيفة البريئة..
كونها اشراقة ابنة النيل العظيم ..
ريحانة المنبر وشهقة انسانيتا العالية ..
بعدين هيثم درار اديهو برضك فرصة معانا وياريت تخلي دكين يشترك باسويرد مع اي زول وهم تاني ..
يعني يوم يكتب دكين ويوم يكتب الوهم التاني ..
وهكذا دواليك ..
اشراقة ياخي حيرتيني انتي في النمسا والا السودان ..
يتكلموا عن الامم الاوروبية نلقاك في النمسا يتكلمو عن حلفة ود خالي "مصطفى السني" نشوفك مولعة الصور ..
رسينا علي بر يا حبيبة ..
اها انا النكلمك بالهدية دي ..
دي الطف واجمل صورة رايتها في السنين الماضية بهديها ليك وبهديها لي نفسي وبهديها لي ستها ذاتها ..
|
Post: #63
Title: Re: بكرى ابو بكر – طيب خاطرى وعلى الهواء مباشرة....
Author: ودرملية
Date: 06-10-2008, 01:59 AM
Parent: #62
ثم اما بعد
مسالة خدر حسين دي عاوزة الف مليون وقفة ..
انا ما متابع السبب شنو لكن مستعد اقسم انو خدر ما ح يكون غلطان ..
ياخي خدر نسمة في عز هجير البورد ..
دايرين خدر سريع جدا جدا جدا ...
ويابكري خلينا نشوفك في مطالبنا دي ..
والي خدر اقول ..
ياصديقنا الراقي ..
قد تكون ارتحت كثيرا من عناء المنبر ..
غير ان غيابك مرهق بالنسبة لنا ياصديقي ..
مرهق للغاية ..
وتقبل اشواقي الحارة ..
|
Post: #64
Title: Re: بكرى ابو بكر – طيب خاطرى وعلى الهواء مباشرة....
Author: Mohamed Elnaem
Date: 06-10-2008, 04:45 AM
Parent: #63
يـا ريت يا إشـــراقــه بكـرى يطـيب خــاطـرك بارجـاع من ذكـرتينهم من المفصــولين تعـسفا ..صــاحـب القلم الودود المنحـاز لقيم الخـير دوما خضــر حسين خليل والـذين لا يقـلون روعـه اولاد قــدوره ....ويالــيت بكـرى ابوبكر يطـيب خـاطـرك وخــاطـرنا والاهـــم من هـذا وذاك ,يـطيب خـــاطـر الحـس الديمقـراطـى التقـدمى ,الــذى لم يخـلعـه علنا حتى الآن صاحب المنبر او هـكذ نتمنى ,لم يخلعه ولكــن جــرحـه (الخاطر الديمقراطى) عيانا بيانا ,وقتمـا قرر لحـظة سـؤ كيل واختلال مــعــايير ان يوقـف الرجـل المهـذب جـدا بكــرى صـالح بجـــريرة انه رد على الخصوم بنفس سلاح هجـومهم الذى كانوا يسرحون به ويمرحـون دون رقيب ولا حـــسيب والعتبى ,طـبعا, على إدارة الموقـع ,فـماذا تراه كــان فاعـلا !! ,انى ازعــم انه لم يكــن ليكفيه فقط إدعاء العقل فى فــوضى عنبر المجانين ....لــذا يا بكــرى ابوبكــر مــازلنا نأمــل فى تطـيبك لخـاطـر الرقيقه إشــراقــه مصطـفى وخــاطـر الحـــس الديمقراطـى السليم معــا بارجـاع الموقوفين.
|
Post: #66
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 07:48 AM
Parent: #64
| Quote: (خضر حسين ) ما الراجل البدسا ورا إسم ماحقو .. |
|
Post: #67
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 08:11 AM
Parent: #62
Quote: اشراقة ياخي حيرتيني انتي في النمسا والا السودان ..
يتكلموا عن الامم الاوروبية نلقاك في النمسا يتكلمو عن حلفة ود خالي "مصطفى السني" نشوفك مولعة الصور ..
رسينا علي بر يا حبيبة .. |
يا ود رملية أمى...
اختك شغاله الخرطوم الكاملين وبالعكس/ سافرت السودان فى اقل من شهرين مرتين
فعلا كنت فى السودان - ماقدرت افوت زواج اختى الصغنونة
كنت وقد فعلت- ان اضيف الى فرحها بوجودى كاكبيرة البيت- لاول مرة من سنين احس بالاحتفاء الحقيقى
وفرحت انا شديد
نزلت جبال من الهموم استعدادا لجبال اخرى استطيع ان اواجهها بصلابة اكثر
كنت ومازلت اؤكد واقول انه ليس هناك مخرجا سوى الغناء..الغناء.. الرقص..الرقص..
ومن قبل القراءة..القراءة..الكتابة ..الكتابة...
تقرأ
تغنى..
تكتب
ثم ترقص...
تانى فى شنو بعدها غير تصدح {كمنجات الجسد}- {روح تطلع وجسد يتمدد شهيد}
-------
الطاقة يمكن تحولها الى مانرغب... يستنزفها الحزن و {التعب} وتولدها الرغبة فى الحياة
من جداول الغناء..الرقس..القراية..الكتابة ثم الضحك...
------
من السهل ان ترسم ابتسامة على وجهك ولكن صناعتها تقف حاجزا بينك وبين من تخترقهم هذه الابتسامة..
قال احدهم.. لقد رأيتك فى قناة النيل الازرق وعجبتينى رغم الابتسامة اللى صنعتيها فى وشك الحزين
هذه المرة ابتسمت بالجد لان كلامه لامس الحقيقة
------
يا ود رملية والله مشتاقة ليك
ومشتاقة لكتابتك
ومشتاقة اكتب وارسل ليك وتقول لىّ رأيك
الله يخليك لىّ ولكل البيحبوك يا {انبل اشجار الله}
|
Post: #68
Title: Re: بكرى ابو بكر – طيب خاطرى وعلى الهواء مباشرة....
Author: Hussein Mallasi
Date: 06-10-2008, 08:19 AM
Parent: #67
| Quote: (خضر حسين ) ما الراجل البدسا ورا إسم ماحقو .. |
و كذلك كنت أظن بالذي كان يختبئ خلف اسم مراويد!
|
Post: #69
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 08:22 AM
Parent: #68
| Quote: و كذلك كنت أظن بالذي كان يختبئ خلف اسم مراويد! |
سلامات ياحسين
الكلام ده بتقدر تثبتو؟
|
Post: #70
Title: Re: بكرى ابو بكر – طيب خاطرى وعلى الهواء مباشرة....
Author: Hussein Mallasi
Date: 06-10-2008, 08:29 AM
Parent: #69
Quote: | Quote: و كذلك كنت أظن بالذي كان يختبئ خلف اسم مراويد! |
سلامات ياحسين
الكلام ده بتقدر تثبتو؟ |
افهمي المكتوب يا اشراقة و بعدين طالبي بإثبات!
|
Post: #71
Title: Re: بكرى ابو بكر – طيب خاطرى وعلى الهواء مباشرة....
Author: كمال علي الزين
Date: 06-10-2008, 08:34 AM
Parent: #61
Quote: و بكري علوم
ابوبكر صالح
ما عندو وجيع
................ |
بكري صديقي ياخ وأنا وجيعه ..
أتمنى عودته ..
|
Post: #72
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 11:30 AM
Parent: #71
| Quote: أها يابكرى.... ماتقول لىّ شروطك دى صعبة للتفاوض عشان نصل لحل سلمى |
|
Post: #73
Title: Re: بكرى ابو بكر – طيب خاطرى وعلى الهواء مباشرة....
Author: rosemen osman
Date: 06-10-2008, 12:39 PM
Parent: #72
سلامتك يا أشراقة من كسرة الخاطر
بكرى طيب وما بقدر ما يطيب خاطرك
ولو ما على الهواء فى الماسنجر ممكن
ونلقى بكرة ناس خدر ورحاب وهيثم وكل الحلوين معانا
صابرين ومستنيين
|
Post: #74
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 12:48 PM
Parent: #73
|
Post: #75
Title: Re: بكرى ابو بكر – طيب خاطرى وعلى الهواء مباشرة....
Author: Mohamed Elnaem
Date: 06-10-2008, 02:00 PM
Parent: #74
Quote: كري صديقي ياخ وأنا وجيعه ..
أتمنى عودته .. |
كــــلنا ذلك الوجــــيع ....وجـعـك فى محـله
ياريت بكرى ابوبكـر يعــــير وجـعك دا إهـتمام يا كمال
|
Post: #76
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-10-2008, 05:16 PM
Parent: #75
غايتو
نقعد ونستغفر الله بس
|
Post: #77
Title: Re: بكرى ابو بكر – طيب خاطرى وعلى الهواء مباشرة....
Author: Mohamed Elnaem
Date: 06-10-2008, 05:33 PM
Parent: #75
| Quote: أرجو أن يعيد بكرى المفصولين لا تطييبآ لخاطر ولكن احقاقآ للحق، وعودة للقرارات السليمة والمتأنية بعيدآ عن الغضب |
عـادل عثمان ....اتفق معـك تماما ان إرجـاع المــفصـولين (بكـرى صـالح ,خـضر حـسين ,اولاد قــدوره والعــمده هشام هبانى )هــو إحـقاق للحـق وعــدول عــن شـطط ....لكـــن نعـمل شــنو ?
بكـــرى ابوبكـر بـات مـــا للحـــق نهــى عليه ولا أمـــــر !!
|
Post: #81
Title: Re: بكرى ابو بكر – طيب خاطرى وعلى الهواء مباشرة....
Author: كمال علي الزين
Date: 06-11-2008, 07:05 AM
Parent: #77
Quote: ان إرجـاع المــفصـولين (بكـرى صـالح ,خـضر حـسين ,اولاد قــدوره والعــمده هشام هبانى )هــو إحـقاق للحـق وعــدول عــن شـطط ....لكـــن نعـمل شــنو ?
بكـــرى ابوبكـر بـات مـــا للحـــق نهــى عليه ولا أمـــــر !! |
|
Post: #78
Title: Re: بكرى ابو بكر – طيب خاطرى وعلى الهواء مباشرة....
Author: ارصد محمد جلال
Date: 06-10-2008, 06:19 PM
Parent: #1
انا ماكنت دايرادخل البوست دهـ
لاني زول مشبوهـ وكدهـ
والدليل قبل يومين نزلت بوست مطالبة بارجاع الاخ خضر
قام المعلم جدعو في الخور ..
بعد كده ربك يهون على بوستك دهـ
كان بوست طيب
التحية لكي اختي اشراقة
وان شاء الله بكري يطيب خاطرك
|
Post: #80
Title: Re: بكرى ابو بكر – طيب خاطرى وعلى الهواء مباشرة....
Author: rosemen osman
Date: 06-10-2008, 10:08 PM
Parent: #78
أها يا أشراقة والوصية فى الزمة رحاب زوجة محسن طه (خستكة جنوبيين فى الشمال) بتقول ليكQuote: [
وعليك الله الوصاية في الزمة بلغي شوقي لي اشراقة وقولي ليها في واحدة من احبابك هنا ، الا خازلها الزمن من انها تقول ليك بتريدك في الله .
ابقي طيبة وخليك قريبة
|
|
Post: #82
Title: Re: بكرى ابو بكر – طيب خاطرى وعلى الهواء مباشرة....
Author: Mohamed Elnaem
Date: 06-12-2008, 04:49 PM
Parent: #80
يا بكـــرى....
إن البـرامكـة الذين لم يرموا اليك بداهية...سمر الوجـوه عليهم خلع المعـزة باديه
بيت الشعر عاليه بتحريف مخل من قبلى ,امــلى فيه ان يرضى غرور الاداره التى لـم تتكرم علينا برد سلبا او إيجـابا ولــم تكلف نفسهـا مشقـة التبرير مقنعا كان ام غير مقنع ,فــماذا تنتظـر إدارة المنبر مـنا ان نفعل بعـــد ان إستنفـذنا كل حجـجنا ومنطـقنا ..مـاذا تنتظـر منا .. ان نسترضيهـا و نستجـديهـا ونتلـو عليها الاشعـار التى ترضى غرورها كـما كان العـرب يفعلون مـع ملـوكهم وأمــــرائهم المتسلطين !!!
*يا بكـرى ابوبكـر انعـــم علينا بـرد!
|
Post: #83
Title: Re: بكرى ابو بكر – طيب خاطرى وعلى الهواء مباشرة....
Author: حنين للبلد
Date: 06-12-2008, 05:32 PM
Parent: #1
بكري ابوبكر.....بالجد كدة...واقبلها من اخت ليك البتسوي فيه ده والله ماصاح...يعني الموضوع ماخضر حسين ولا اي من الموقوفين الموضوع بقت سياستك تجاهنا....اقل شيء منكم تجاهنا مفروض الاحترام...يعني مفروض ترد على الناس البتتكلم معاك دي..ايا كان هم منو....ليه يابكري قرايتي ليك مابتشبه تصرفك تجاه الناس البخاطبوك ديل....معقولة بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تاني حاجة الموضوع ماكسر رقبة لكن رد على الناس وضح اسباب الايقاف امكن تكون انت صاح...والعالمين كلهم خطأ...يعني لي بتين انت منتظر الناس تقعد تحنس فيك يا بكري....وليه ...وانت الزول البيقبل تعامل زي ده....معقولة بس؟؟؟؟؟
بكري ...تعرف مدى معزتنا لك بالجد وبدون اي مرمى....انت عارفني انا بالذات بقيمك قدر شنو....لكن البتسوي فيه ده اسمح لي معناها انه انت مامقيم الناس نهائي....
ويابكري سودانيزاونلاين بقت بي كتابها واقلامها النضيفة..مابقت بالمجاملات لشخص على حساب شخص اخر ايا كان......وسودانيزاونلاين يا بكري فاتت مرحلة انها تكون ملكية شخصية "مع احترامي لجهودك ولملكيتك" لكن ينبقي علينا انا نقولها لك...سودانيز اونلاين ليست ملكية فردية...بل ملكية فكرية
اقول قولي هذا واستغفر الله لي ولك...................اشراقة معليش لكن بالجد البوست حيحذف
تحياتي لك وعزاي في مصاب وفقد صديقتك
|
Post: #84
Title: Re: بكرى ابو بكر – طيب خاطرى وعلى الهواء مباشرة....
Author: حنين للبلد
Date: 06-12-2008, 07:43 PM
Parent: #1
تصدقي يا اشراقة "واياك اعني يا بكري" بكري ده لو مشية السودان ماجابت ليه راسه
تاني الاسلوب الرقيق ده مابنفع........الا نقوم على اسلوب ناس من لف لفهم......يا هو ده البجيب كليكات يا بكري ولا شنو......يا اخي ارحمنا من ساقط القول في هذا المنبر..............شتان مابين...بين
|
Post: #85
Title: Re: بكرى ابو بكر – طيب خاطرى وعلى الهواء مباشرة....
Author: walid taha
Date: 06-14-2008, 08:25 AM
Parent: #1
UP
|
Post: #86
Title: Re: بكرى ابو بكر – طيب خاطرى وعلى الهواء مباشرة....
Author: Ishraga Mustafa
Date: 06-14-2008, 11:38 AM
Parent: #85
عاد يايمة الشكية لله
يابكرى يا ود امى ماتعبرنا
رد علينا ساى ياخى
والله كلنا مشغولين مابراك
لكن نقرتين تلاتة علينا مابتكلف كتير
لكنها بتمنح كتير
يازول سلم علينا بس
والمفاوضات دى نأجلها شوية
لحدى ما اسن قلمى المعطون برضو فى المحبة
|
Post: #87
Title: Re: بكرى ابو بكر – طيب خاطرى وعلى الهواء مباشرة....
Author: حنين للبلد
Date: 06-14-2008, 01:50 PM
Parent: #1
اشراقة حبيبتي
بكري ماعاد ذاك البكري الانسان البسيط ...العفوي الفيهو من ملامحنابكري بالجد اظنه اتغير
بكري رغم مشغولياته لكن مثلك يا اشراقة من توقف له كل مشغولية للرد عليك...ومثل خاطرك وخاطر خضر يجب ان يطيبوا كما حملتم الهم السوداني والانسان السوداني قضية...
بكري يا خيتي اتغير...وانا بقولها ليه بكري اتغير شديد.....وده البزعل لانه الزي بكري لمن يتغير معناها ....على وطني السلام..
اشراقة نعرف قدرك كمانعرف قدر انفسنا...لكن بكري ظنيته مابعرف..الحمد لله طلبك مابقى دخول للجنة.,,,,,,,,,,,,,,,تسلمي يا ملكة يا ستهم
|
Post: #88
Title: Re: بكرى ابو بكر – طيب خاطرى وعلى الهواء مباشرة....
Author: عبدالفتاح أبوشيمة
Date: 06-14-2008, 09:34 PM
Parent: #1
فوق
عشان خاطر الدكتورة
ولك العتبى حتى ترضين
لم أدخل ذلك البوست بعد لانشغالي
أرجو أن تمهليني قليلاً
|
Post: #90
Title: Re: بكرى ابو بكر – طيب خاطرى وعلى الهواء مباشرة....
Author: محمد عبدالغنى سابل
Date: 06-14-2008, 10:01 PM
Parent: #88
د.إشرأقه
الزول ده جميل عديل كده
_كتابة مافــي يـجي صديق _ جديد خضر حسين خليل
|
Post: #93
Title: Re: بكرى ابو بكر – طيب خاطرى وعلى الهواء مباشرة....
Author: خالد العبيد
Date: 06-14-2008, 11:50 PM
Parent: #1
بكري
طيب خاطر اشراقة شفهي وتحريري
|
|