Post: #1
Title: نطالب بروجوع أساسي
Author: Kostawi
Date: 02-25-2006, 02:09 AM
Parent: #0
بحبك أكان عجبك
عدوك اللدود
كوستاوي
|
Post: #2
Title: Re: نطالب بروجوع أساسي
Author: DKEEN
Date: 02-25-2006, 02:15 AM
Parent: #1
ليس من صالحك انو اساسي يتذكرك هذه الايام ..
الراجل عريس في عسلو ناهل ...
واحتمالات الخلط لاتزال قائمة ...اعمل ساتر وروق المنقة ..
|
Post: #3
Title: Re: نطالب بروجوع أساسي
Author: Kostawi
Date: 02-25-2006, 02:17 AM
Parent: #1
نطالب بعودة أساسي
now before tomorrow
|
Post: #4
Title: Re: نطالب بروجوع أساسي
Author: Kostawi
Date: 02-25-2006, 02:25 AM
Parent: #3
أيه "بروجوع" دي?
تعني رجوع بالعربي
أساسي عليك ربك تعال
|
Post: #5
Title: Re: نطالب بروجوع أساسي
Author: Kostawi
Date: 02-25-2006, 02:36 AM
Parent: #4
DkEEN
بتفتكر ناس بناديها دقو فيني الفندك
|
Post: #7
Title: Re: نطالب بروجوع أساسي
Author: يازولyazoalيازول
Date: 02-25-2006, 02:43 AM
Parent: #5
يا كوستاوى (بروجوع) دى زى إسم حشرة
ورغم ذلك نطالب برجوع أساسى
|
Post: #6
Title: Re: نطالب بروجوع أساسي
Author: مهاجر
Date: 02-25-2006, 02:42 AM
Parent: #4
السلام عليكم كوستاوي ودكين
اساسي مافاضي ليكم خالص... والان يجهز في عش الزوجية وشراء لوازم شريكة حياته
والجيب خلاص انقد ......
اول امس كان معنا في جلسة ظريفة طلبنا حضوره وبالحاح شديد حضر الجلسة
خلاص اساسي الايام دي زول هادي جدا
لكن ما تجيب ليهوا سيرة الفلوس
ستحضر في الايام القادمة عروسته الجميله
|
Post: #8
Title: Re: نطالب بروجوع أساسي
Author: Kostawi
Date: 02-25-2006, 03:03 AM
Parent: #6
يعني حا يشهر عسل
خائن بطل يعني
كان يقول لي عشان أوفرلو ريالاتو دي
عجبني ليه عشان نيتو....الحلوة
ما علينا
أنا عرستا ب 200 دولار
و دفعت 25 دولار للمحامي بتاعي
بت الناس رجعت لي ال 200
و قلت ليها وينو بتاع المحامي?
قالت لي
أكتب في الدفتر
أوصيك يا أساسي بالدفتر
عشان تروح فيها
ذي ناس ال Karamba
|
Post: #9
Title: Re: نطالب بروجوع أساسي
Author: banadieha
Date: 02-25-2006, 04:35 AM
LOOOOOL
لا والله ياخواجة كوستاوي..نحنا عارفين
diamonds cut diamonds
وقلنا مهما كان مشاغل أساسي ما في زول بقلعه لينا غيرك
ودكين دا خليهو: ود طهور بس
|
Post: #10
Title: Re: نطالب بروجوع أساسي
Author: Kostawi
Date: 02-25-2006, 04:32 PM
Parent: #9
| Quote: ودكين دا خليهو: ود طهور بس |
|
Post: #11
Title: Re: نطالب بروجوع أساسي
Author: DKEEN
Date: 02-25-2006, 05:42 PM
Parent: #10
تضحك يا كوستاوي ..
عجبتك طهور دي ..
تخيل الجلد لو ما كانو ضببو بيهو العكاز كنتا لفيتو ليكم في دبلان ..
|
Post: #12
Title: Re: نطالب بروجوع أساسي
Author: عبد الحميد البرنس
Date: 02-25-2006, 06:14 PM
Parent: #11
العزيز كوستاوي:
بنسأل عن الطريق إلى مكتبة أساسي!!!.
|
Post: #13
Title: Re: نطالب بروجوع أساسي
Author: Kostawi
Date: 02-25-2006, 08:56 PM
Parent: #12
يا قمر هله(اللام مشددة)
العروس و العريس
دي Karamba
صاح
الوغد أساسي أصبر ليه
لا مكتبة و لا حتى رسالة واحدة
لكن برضو بنقول ليه
العديل الزين
*للبرنس فقط
لأنو الزولة الجنبك دي ما بعرفا
ممكن تاخد منها الإذن عشان
ألخبطكم في لوحة
تطلع ملخبطة
be good
|
Post: #14
Title: Re: نطالب بروجوع أساسي
Author: Tragie Mustafa
Date: 02-25-2006, 09:49 PM
Parent: #13
Thank you Kostawi
I miss Asasy too,wish him all the best in his new life.
Tragi
|
Post: #15
Title: Re: نطالب بروجوع أساسي
Author: A.Razek Althalib
Date: 02-26-2006, 05:20 AM
Parent: #14
حليلك...
وبعد أن بدأ النظام العالمي الجديد في التشكل بعد انهيار الكتلة الشيوعية..
وأساسي أسير سداسيات شمعه إستعداداً للحس العسل حتى الكوع...
وفي حساباته وعلى رأس أولياته قائمة أعدائه أعداء [الإسلام والمسلمون]..
وبذات الطرح الذي يطرح روحاً عنصرية صليبية قديمة ومتجددة...
ومن نافلة القول هنا... إنه ليس من المبالغة القول أن أنصار القوم الفاسقين...
بصدد الذود عن حياض القرآن لأن الحملة الصليبية الثالثة تستهدف الإسلام والمسلمين..
والعالم الإسلامي في عُقر دارهم وعقيدتهم... بل ولجو فيالق الغزاة..
في المقدمة مبشرين..
وعلى اعتبار أن الحملة الصليبية الأولى كانت بدأت في 1098م والثانية موش عارف متين..
والتالته.. الجاية..
بنشوف الفحل بيقول..
| Quote: نطالب بروجوع أساسي.. |
فهل هي كلمة حق أُريد بها باطل..
إذا سحبنا قولنا على هذا المثل..
البس (كديس)... بحب خناقو..
أساسي ألحس لحسك إن شاء الله ينفعك...
|
Post: #16
Title: Re: نطالب بروجوع أساسي
Author: nadus2000
Date: 02-26-2006, 07:36 AM
Parent: #14
عايد عايد يا أساسي
أفتقد تلك المناكفات، والزعل والعودة...
وليتك عدة برفقة "ودعزة"
فهناك الكثير ليقال
"ونحن نقرأ ونجادل طالما إحترم كل منا الآخر وعقل من يقرأ"
ننتظرك ومبروووك وربنا يتمم ليك على خير
|
Post: #17
Title: Re: نطالب بروجوع أساسي
Author: Kostawi
Date: 02-26-2006, 07:59 PM
Parent: #16
A/Razik
ياخي خلاص سمحنا ليك تنقل
من النت أو من كتاب طه القرشي في المستشفي
بطل الشترة
البوست ده فيه ناس حلوين
تقدميين و قاعدين يعرسوا وكده
شيل مفراكتك دي بعيد...و أمشي أفرك ويكتك دي قبال ما تحرق
يا زول أنا بحبك عديل كده تاني شنو?
|
Post: #18
Title: Re: نطالب بروجوع أساسي
Author: القلب النابض
Date: 02-26-2006, 08:14 PM
Parent: #17
كوستاوي الزول السمح
عارف مرتين اجي افتح البوست دا الكمبيوتر يعصلج
اليوم الله سهل
والله البورد فاقد اساسي الاساسي
لفتة منك
ويا اساسي الله يهنيك وتجينا راجع تمسك الوردية
يلا يا كوستاوي فتناك بي عافية
تسلم
|
Post: #19
Title: Re: نطالب بروجوع أساسي
Author: A.Razek Althalib
Date: 02-27-2006, 01:58 AM
Parent: #18
| Quote: يا زول أنا بحبك عديل كده تاني شنو? |
الفحلنجي..
من بوستيك ده..
الواحد وصل لمعني قيم جداً للمثل القائل الكديس بيحب خناقو كيفن..
وبعدين... الحب ده منو الكثير المثير... وعلى ما أظن إنه خشم بيوت..
وحبك للناس الجي فجأة ده لي منو..
يعني بالبلدي كده لود الطالب البقاري عدو فكرتك اللدود ده....
أخو البنات بدون تمايز عرقي.. ولا للعريس أساسي اللاحس العسل..
وبعدين حبك ده لله ساآآآآكت كده يعني بدون تناقض..
لمعاني تشبثك بأستار فكرة بالية أنكرها أهلها بدليل شاهد قبرها المضاهو غورباتشوف على شهادة مواصفات ومقاييس دولة المنشأ...
يعني والعايز تتعلم بيهو الحجامه على قفا اليتامه..
ولا.. حب لله..
بكل ما تحمله هذه الفكرة اللعينة التي تنسف وتنكر وجود خالق لهذا الكون بالمرة..
أي أنها فكرة إلحادية.. بكل ما لها وعليها..
وإنكارها للغيبيات..
علماً بأن أصحابها هم ناس..
الحاقد كارل ماركس اليهودي..
فلاديمير لينين اليهودي..
أما مسألة تبنيكم لبرتوكولات بني صهيون دي.. في غفلة من عمركم المضي منه أكثر من نصف قرن..
ودخولكم معارك عدوكم المفترضة بالنيابة عنه.. فهي أكبر عيب في حق أنفسكم جنيتوه على أنفسكم..
وفي إستعماء تام لمعاني (ح خ)..
كما إستعدت ذات الفكرة من قبل الولايات المتحدة الإمبريالية والرأسمالية.. وعييىىىىىك من مسميات..
كل هذه المقدمة الطويلة..
لمعاني التناقض المعيب الذي أعنيه..
ليس أنت في عضمتك التي أنهكها عياء الرهق يا طويل العمر....
بل في معاني فكركم المبني على أن الدين ده ذاتو أفيون للشعوب..
والحُكم على الأشياء فرع من تصورها..
لهذا الفكر المنفكر والذي أفرز كل هذه المحن التي يعانيها السودان الوطن..
في غفلة من أمرنا.. وإستكبار من إتبع هواه فكان أمره فُرطاً..
ودليلنا على ذلك هو مباهاتك بمبادئ تناقضها تماماً كما هو حادث من حال دعوتكم لتحرير المرأة من براثن قيود قيمنا الدينية..
والعقائدية والإجتماعية والثقافية...
ودعوتها لإشاعها ذاتها بين الفحول الإستنارة في حملكم للواء الغزو الفكري من تحت حبل السروال....
كهوس جنسي تنكرونه على محارمكم وتأمرون به الناس ..
فهذا العيب يركبكم من ساسكم لأخمس رأسكم..
والدليل الحي الماثل أمامنا للأسف الشديد هو أنت..
في معاني التناقض المهين..
والمعني الأكثر إلاماً للنفس هو حملك في تباهي لشعلة تناقض مفاهيم شعاراتكم جملة وتفصيلاً..
ومعاها زيادة كوم أدبياتكم الباطلة ـ بحسب منظوري الشخصي ـ التي تبغبغون..
هذا ما ظللتم تبشرون بها كثيراً..
خصوصاً معاني الدق في مسائل شرور الحاسد إذا حسد..
فتأليب المجتمع..
بمعاني تقسيمكم له لطبقات.. وعرقيات وأثنيات..
برجوازية وبلوتارية..
وتناقضكم المهين فيما تبدون للعيان..
هو من أكبر عيوبكم..
بأن جعلتم من أنفسكم مطية.. وسند وظهير للقوم الفاسقين..
أعداء الدين..
فتشبهتم بهم لدرجة وقوفكم معهم جوه جُحر الضب.. حذو النعل بالنعل..
ولا شنو..!!
ولا دي طينة تانية.. من معاني تحريف أولياؤكم للكلم عن موضعه..
وقولهم بأن يد الله مغلولة..
بحكم إعجابكم بمن أحببتم من قبلنا..
وواليتم من عادى قيم هذا الدين..
في تحدى بائن.. ومكابر..
غلت أيديهم أنا يأفكون..
فإن كان هذا الحب رياء الناس.. أي ولوج قلوبهم التي خرجت غير مأسوفاً عليك منها..
فهذه بضاعتكم ردت إليكم.. ولكم أحبابكم.. ولنا أولياؤونا..
عفواً..
لا نبيع الحب لمن لا يرضى ديننا ولا يرضي الخير لأهله..
كما سبق وقلنا..
فلن تنال البر والتقوى حتى تنفق مما تحب..
ومطالبتنا بالترشيح لمن تحب..
وخيركم خيركم لأهله..
أو تذكر..!!
|
Post: #20
Title: Re: نطالب بروجوع أساسي
Author: ود المايقوما
Date: 02-27-2006, 02:56 AM
Parent: #1
خلاص ... موضوعك كمل.
لوكان حيرجع اكيد بعد ده مابرجع يااشتر ...
انجليزي تااااااااني ..
لك تحياتي
|
Post: #21
Title: Re: نطالب بروجوع أساسي
Author: ود المايقوما
Date: 02-27-2006, 03:38 AM
Parent: #1
برنس العريس
لك التحية ...
<a href="http://www.sudaneseonline.com/cgi-bin/sdb/2bb.cgi?seq=board&board=70" target="_blank">http://www.sudaneseonline.com/cgi-bin/sdb/2bb.cgi?seq=board&board=70
مكتبة السماني مبارك ابراهيم ( اساسي )
|
Post: #22
Title: Re: نطالب بروجوع أساسي
Author: shatat
Date: 02-27-2006, 11:42 AM
Parent: #1
بعدالتحيه....
...في انتظار عودة اساسي الاساسي
شكرا كوستاوي..
|
|