باب السنط , آخر الأعمال الموسيقية لنادر السوداني

الخردة صاحبي نصرالدين انشااللة يوم شكرك مايجي
غنية باب السنط كلمات الخردة صاحبي التاني عبد المنعم عوض الجزولي
كما احب ان اشكر بصفة خاصة الفنان ود دفعتي علي السقيد بعزفة علي
العود في هذة العمل اللزي اضافة لة بعدا اخر من عالمة الفني الفريد

الأخ كوستاوي كل عام وانتم بخير

يقال ان - فى الزمن السمح - باب السنط كان رمزاً للمحنّة
الآن بنسمع حبوباتنا بقولوا : (والله من ما فات باب السنط فاتت المحنّة)
فى إشارة ان الصلات اصحبت ضحلة فى زمنّا ده..
نسأل الله ان تعود المحنة

والتحية للموسيقار نادر
لى عودة حالما ينتهى ال......Loading

دمت،،

الأستاذ وليد طه
شكرا على المرور

و بالمناسبة كلام حبوباتنا ده هو بالظبط
قصة هذه الغنية

شوف دي

Quote: و الحيط ملصت تيابا

و

Quote: (والله من ما فات باب السنط فاتت المحنّة)

دعوة لكل الاعضا العندهم صورة لباب السنط اليحكروها لينا في هذة البوست مع تقديري وحبي

أبواب الكعبة

للكعبة المشرفة بابان الأول وهو الرئيس ويفضي إلى داخلها والثاني ويطلق عليه بباب التوبة ويوصل إلى سطحها.
[تحرير]

الباب قبل الإسلام

اختلفت الروايات التاريخية على أول من جعل للكعبة بابا وهل هو سيدنا إبراهيم عليه السلام أم تبع الحميري ، غير أن المرجح من كلام المؤرخين أن تبع هو أول من جعل لها بابا ومفتاحا.
[تحرير]

في العصر النبوي

رويت أحاديث كثيرة تؤكد وجود باب للكعبة له قفل يغلق عليها، والقفل له مفتاح، فقد ثبت أن النبي صلى الله عليه وسلم أخذ المِفتاح من عثمان بن طلحة ، ثم أعطاه له ثانية وقال ”هاك مِفتاحك يا عثمان، إن اليوم بر ووفاء، خذوها يا بني طلحة خالدة تالدة إلى يوم القيامة، لا ينزعها منكم إلا ظالم". ومنذ ذلك الوقت وحتى يومنا هذا ومفتاح باب الكعبة في بني شيبة.
[تحرير]

في العصر الأموي

تمت في ذلك العصر صناعة بابين للكعبة أحدهما خارجي والآخر داخلي موصل إلى السطح، وقد صنعا بأمر من الخليفة عبد الملك بن مروان سنة 74هـ/693م، وقام على تنفيذ ذلك عامله الحجاج بن يوسف الثقفي الذي أعاد بناء الكعبة وفقا لبناء قريش مرة أخرى.
[تحرير]

في العصر العباسي

صنع باب جديد للكعبة بأمر من الخليفة العباسي المقتفي لأمر الله ، وأرسله إليها في سنة 552هـ/1157م، وقد شاهده ووصفه الرحالة الأندلسي ابن جبير عندما حج سنة 579هـ/1183م حيث قال "والباب مرتفع عن الأرض بأحد عشر شبرا ونصف. وهو من فضة مذهبة، بديع الصنعة، رائق الصفة، يستوقف الأبصار حسنا وخشوعا للمهابة التي كساها الله بيته. وعُضادتاه كذلك، والعتبة العليا كذلك أيضا. وعلى رأسها لوح ذهب خالص إبريز في سعته مقدار شبرين. وللباب نقارتا فضة كبيرتان يتعلق عليهما قفل الباب، وهو ناظر للشرق، وسعته ثمانية أشبار، وطوله ثلاثة عشر شبرا. وغلظ الباب الذي ينطوي عليه الباب خمسة أشبار“.
وقرأ ابن جبير ما عليه من نصوص كتابية تاريخية على النحو التالي "وفي باب الكعبة المقدسة نقش بالذهب رائق الخط طويل الحروف غليظها، يرتمي الأبصار برونقه وحسنه، مكتوب فيه"مما أمر بعمله عبد الله وخليفته الإمام أبو عبد الله محمد المقتفي لأمر الله أمير المؤمنين، صلى الله عليه وعلى الأئمة آبائه الطّاهرين، وخلد ميراث النبوّة لديه، وجعلها كلمة باقية في عقبه إلى يوم الدين، في سنة خمسين وخمس مئة“ في صفحتي البابين على هذا النص المذكور“.
[تحرير]

في العصر المملوكي

أمر سلطان مصر الناصر محمد بن قلاوون سنة 731هـ/1330م بعمل باب جديد للكعبة من خشب السنط الأحمر، بدلا من باب المقتفي الذي مر عليه أكثر من مائة وثمانين سنة، وحلي الباب الجديد بخمسة وثلاثين ألف درهم، وقد كتب خطوطه أبو فضل الله العمري ، وقام الناصر محمد بن قلاوون في السنة التالية بأداء فريضة الحج، وقام بنفسه بتركيب الباب.
وفي سنة 761هـ/1358م أمر السلطان الناصر حسن بن محمد بن قلاوون بصنع باب جديد من خشب الساج النقي.
وفي سنة 833هـ/1429م قام السلطان الأشرف برسباي بإرسال باب من الأبنوس وصفحه بالفضة.
[تحرير]

في العصر العثماني

صنع في عهد السلطان مراد الرابع باب جديد للكعبة وتم تركيبه في 20 من شهر رمضان سنة 1045هـ/ 27 فبراير 1636م، وهذا الباب كان محفوظا في معرض عمارة الحرمين الشريفين بمكة المكرمة، والآن معروض في المتحف الوطني بالرياض.
[تحرير]

في العصر السعودي

تم في هذا العصر صنع باب جديد في عهد الملك عبد العزيز آل سعود سنة 1363هـ/1947م حيث مر عليه أكثر من ثلاثمائة وثماني عشرة سنة منذ أن تم تركيبه في عهد السلطان مراد الرابع، وقد كتبت عليه العديد من الآيات القرآنية والنصوص التاريخية، ونقشت عليه زخارف إسلامية. وقد تمت المحافظة على القفل القديم الذي أمر بصنعه السلطان العثماني عبد الحميد الثاني سنة 1309هـ/1891م.
وظل هذا الباب مدة ثلاثة وثلاثين عاما، وهو الآن محفوظ في معرض عمارة الحرمين الشريفين بمكة المكرمة، بعد أن أمر الملك خالد بن عبد العزيز آل سعود بعمل بابين جديدين في عام 1399هـ/1979م، الخارجي منهما من الذهب الخالص ويبلغ وزنه 280 كيلوغراما.


source
http://www.zohlool.net/wiki/ال&Ugr...rave;Ø©
الكعبة المشرفة - Zuhlool زهلول

شكرا نادر الفكره اللحنيه جميله
وفيها تفكير محسوب

وشكرا يا كوستاوي


كل سنه وانتم طيبين

وعبد المنعم كالعاده رائع

الموصلي سلام والبركة في الشوفة وكل عام وانتم والاسرة بخير وصحة
جقلرة
قلت في قلبي الننزل باب السنط يكن الدكتور يلقي ليو ذوقة ويجينا بنفاج البيت

kostawi




not again

التحية لاولاد امدرمان نادر(ود فريق السوق) وعبدالمنعم( حي عبدالله خليل وبانت) وكوستاوي ود حي السيدالمكي وعلي السقيد وهو طبعا من مدني السني والتي لاتقل روعة واصالة عن امدرمان وعلي السقيد معروف بانه امددرماني الهوي.
عمل رائع يانادر تحس من خلاله بحنين الماضي وزمن الطيبة الجد جد ودي ماياها امدرمان الزمان ذاتها تعرف يانادر كان عندنا باب سنط ونفاج كمان في بيتنا بودنوباوي ولي وكت قريب دا الباب دا كان موجود وتعرف القفل بتاعو والمفتاح شكلهم وتصميمهم قمة الابداع اتمني ان يمدنا احد الاعضاء في المنبر بصورة باب السنط او النفاج.

التحية والاجلال لكل امدرماني وتسلم اخوي وسام لمرورك الزاهي
مااردنا ان نقولة في هذة الاغنية / باب السنط / هو التحول الرهيب
للمجتمع السوداني من الناحية الاقتصادية وتحولة من مجتمع
منتج الي مجتمع مستهلك فقط من الدرجة الاولي كما اختفت كل
القيم الجميلة داخل هيكلة الاجتماعي اللتي كانت تفوح عطرا فوق ترابة.الخالد.........ولنا عودة لك مني كل الود

التحية للفنان العضبراوي وغنيتة الخالدة / اناسوداني انا /
اللتي تعاملت مع بعض من خطوط الحانها العبقرية لصياغة اغنية باب السنط
وعندما غني الفنان هذة الاغنية كان صادقا معبرا عن حال السودان في زلك الوقت
وفخورا بسودانييتة لة منا كل الاحترام والتقدير

شكرا أخ كوستاوى ، التحية والتقدير لكل المتداخلين ..
... كلما تستمع اليها تعيدها ثانية وثالثة
عمل جميل يذكرنى بإبداعات الفنان الراحل المقيم
مصطفى سيد أحمد فى شيىء من نبراة الصوت ..
رائع بحق ..وشكرا جزيلا .... محمد مختار جعفر

الاستاز الفاضل الفنان محمد مختار جعفر لقد سعدنا بمرورك
لك كل الشكر والتقدير يافنان كما اجوا المعزرة لتاخرنا في الرد
عليكم ولي قدام

يطرشنى كان سامع حاجة !!!!!
منعم

قلب السنط


انجم ياقلب السنط،
واتكيهو عودك،
وانبسطلك حبة بى الضل الرميتو مدى المهابة.
وفجأةًً .. هجرت عصافير المدن اخلاقها.
وانتسبت زهور النيل الى فئة الغلابة.
والشوارع ماشوارع،
والحيط ملصت تيابها،
ويمة .. يابة،
اتغيرت نغماتها،
لاوازا بتفر جنحاته،
لاعود،
لاربابة.
وعم سيل الاسئلة الحيرانة،
مالاقيالا لو عبار اجابة.
وغطى طايوق المساكن
واحة واحة..
وغابة غابة.
وانت ياقلب السنط مبسوط،
اذا العتبات علت حبة،
وبيوت الطين..
حدايد وزنكى..
منصوبين محل ماكنت بابها.

2004

قال يطرشني قال ياحبة الغنية مدورة في النت ليها اسبوع
وبعدين ياخردة راجع الوصلات بتاعة السماعات ورد علي التلفونات
............. ..........قال يطرشني قال ناس بتاعين شعر

الكرومبا اجوا الاتصال لاهمية نادر السوداني

الاخ كوستاوى

تحيات وكل عام وانتم بخير

شنو ياراجل فقدناك فى حفلت راس السنه

ماقلنا ليك تعال ملح والعشاء مننا اصلو انت تب ماقصرت معانا

اخونا الاستاذ نادر

تحياتنا الشديده

برضو انا يطرشنى

ياربى يكون من شنو قصه الطرش اليومين ديل ؟

عموما برجع ليك تانى

عمربانقا

الحبيب عمر ود بانقا كم جميل ان يتقابل الاحبة امام باب السنط
لما لة من جمال واصالة وتاريخ لم يمحوة الزمان مهما طال
جقلرة
شنو الحكاية بتاعة يطرشني دي عاوز افهم

إزيكن..

سمعتها كم مرة،، لكن ابت تقع لي!

يكون في شنو؟

المبدع نادر السوداني
وشلة تمازج المبدعين عبد المعنم الجزولي وعلى السقيد
شكرا لكم جميعا لانجاز هذا العمل ومزيد من الابداع من اجل سوداننا.
والشكر طبعا للعمده كستاوي كبير الخرد.
تراجي.

الدارفورية الحرة شالوم
انا اقول البوست دة منور كدة مالوا اتاري كل المناضلين عندي بي هنا
شكرا الصديقة العزيزة تراجي ماعدمناك

العزيزة سوميتة عليك اللة لو فهمتي قولي لينا اما ناقش الفلم دة تسلمي لمرورك
وبعدين سلمي لي كتير للوالدة العزيزة وقولي ليها نادر بيقول ليك ياحليل ايام المعهد الجميلة النقيية
جقلرة
المثل بيقول الما بعرفك يجهلك ولي قدام

قلبتوi الباب?

قلبوا الباب بتاع شنوا ياكوستاوي ديل بتاعين بيبان نفافيج ونط حيط ساكت ياحبة

خرده ياخرده ســــــــــــــــلامات
والجميل نادر السودانى
انا كنت ذى صاحبى عمر ما سامع اى حاجه , لكن غيرته الكومبيوتر عرفته السبب
ريال ميديا ماعندى .
العمل جميل ومميز ومزيدا من الابداع .

عمك
احمــد خضــر

احمد خضر الفنان المرهف والكمرات الخطيرة شكرا لمرورك وعندي طلب
صقير كدة لو عندك لينا صورة لباب السنط حكرة لينا في هذة البوست

Quote: عمك احمــد خضــر

شكرا يا جدو

Quote: سمعتها كم مرة،، لكن ابت تقع لي

العزيزة سوميتة.
اعتذر اولا لاننى لم ار ملاحظتك اعلاه...حتى اتصل بى احد الجلاكين المأفونين شامتا ( كما قال).
فكرة باب السنط هى فكرة اننا شعب يهدر مافى يده ويتطلع لما فى ايادى الغير.
كنا والله شعبا منتجا، ونعيش بعضا من الاكتفاء بما عندنا ( وهو كثير جدا) من الجبنة البيضاء والسمن البلدى، الى الدمورية والدبلان والبوبلين!! ومن موية الليمون والكركدى، الى حلويات ريا وكريكاب وسعد!! ومن حيط الزبالة وابواب السنط وقطاطى القش، الى اقلام الرصاص والكراسات والحبر بلونيه الاسود والازرق فتخيلى!!
لم نكن شرهين الى ماهو مستورد كما حالنا الان.
لهذا فان الجنيه السودانى كانت له شنّة ورنّة، وكان يساوى اكثر من ثلاثة دولارات.
لم نكن نهدر حصيلتنا من العملة الحرة فى استيراد مالايفيد الغالبية.
انظرى الان.
تدخلى اصغر كنتين فتجدين عدة انواع من الجبنه الدنماركية والفرنسية وحتى المصرية، ولاتجدين جبنة الدويم الممتازة. بل من سفهنا تركنا التمتع بزهورنا الجميلة واصبحنا نستورد زهور البلاستيك من تايوان فتأملى.
عندما انهار باب السنط انهار اقتصادنا. وهى بالمناسبة كانت فى تقديرى جريمة مدبرة بعناية حتى نهدر اكبرقدر من عملتنا الحرة لنقع فى براثن البنك الدولى والصندوق الدولى و...والنظام الدولى ..الجديد.
تلك كانت الفكرة خلف اغنية قلب السنط.
وهى فكرة بسيطة كما ترين.
ارجو ان تكون قد ( وقعت ليك)

منعم الجزولى

Quote: وهى فكرة بسيطة كما ترين. ارجو ان تكون قد ( وقعت ليك)

يا منعم.. انا غايتو وقعت لي طب..



دراماتيكية التحول من باب السنط لي باب الحديد



loud n' cristal clear






عارف..

اكيييييد عندي موشكله في السماعات
ولا الجلكنة لحقت اللضنين ما عارف..
عموما.. الى حين ميسرة..
حاسمعها.. حاسمعها
حتروح مني ويييييين؟



شكرا يا هجام
شكرا يا نادر

شكرا يا نادر ويا سقيد ويا كوستاوي
أما انت يا عبد المنعم عوض الجزولي فالأوامر أن تجمع فورا!

الاخ كوستاوي
شكرا لك على الابداع الفني واتحافنا بكل ما هو جديد
أبوهريرة

الاخ العزيز طيفور باب السنط حاجة تمام هل يجد عندكم صورة بالالوان لهذة الباب الاسطوري مع شكري وتقديري

الصديق صديق كبلوا لك التحية والمحبة وحلو الكلام امام باب السنط

الاخ ابو هريرة زين العابدين تشكر لمرورك في حواري ونفافيج وابواب السنط الامدورمانية

نادر السوداني في استقبالنا في داره العامرة في سنترفيل

Quote: هل يجد عندكم صورة بالالوان لهذة الباب الاسطوري

العزيز نادر..

حبا وكرامة ؤطلباتك اوامر يابا

دا باب بيت ستي نور



سرقتو ليكون من ناس عصام ودعبدالحفيض


ؤ.. دا



بريشة الفنان الاستاذ عمر طه صبير

قصرتا معاااااك؟؟

طيفور!!!


الله ينصر دينك ياخي


أها يا نادر باب سنط, بتاع تكل كمان
و حيطة طين مزبلة

و باب الزنكي أهو داك ورا صورتك الشايل فيها الفاتحة ديك

و بعدين إنتا بتشيل في فاتحة و له بتلاكم?

Quote: دا باب بيت ستي نور

ياسلام باب مفتوح علي مصراعيه ترحيبا بكل قادم

مدد مدد مدد ياطيفور طلعتة زول ختري عديل كدة
في لحظة النظر لهزة الصورة كان شريط الزكريات الامدرمانية
من حي السوق الي حي الركابية بازقتة الضيقة ونفافيجة التي
تقول كل من يعيش هنا اسرة واحدة لن يفرقنا الا الموت تسلم اخي طيفور لهزة الروعة

الكرومبا دي حسادة منك ساكت انتة عاوز تقول شباب وحيويية بس خانك التعبير
وبعدين تفرقعولي عزومت الفندق في اخر لحظة دة مش شقل كرمبات كان انتة ولا بتاع الشادوف والسلوكة
قال يلاكم قال

الحبيب wesamm شكرا للصورة وكل الحاجات الجميلة في تلك الامسية اللتي لم انساها لك من الود اجزلة
جقلرة
شفتة الخردة صاحبي بيقول في شنو عامل نايم ومصهينني نزل باقي الصور نشوف حيقول شنو كمان

وسام وين يامعلم باقي الصور

إتحرقت!

Quote: إتحرقت!

يا زووووووول..؟؟؟



بي جدك ولا غتاته سااااااي؟؟؟

ها ها ها ها كدة كويس يا وسام الخردة صاحبي قال اتحرقت

شفتة يا طيفور اخوي غتاتة الخرد

Quote: فكرة باب السنط هى فكرة اننا شعب يهدر مافى يده ويتطلع لما فى ايادى الغير. كنا والله شعبا منتجا، ونعيش بعضا من الاكتفاء بما عندنا ( وهو كثير جدا) من الجبنة البيضاء والسمن البلدى، الى الدمورية والدبلان والبوبلين!! ومن موية الليمون والكركدى، الى حلويات ريا وكريكاب وسعد!! ومن حيط الزبالة وابواب السنط وقطاطى القش، الى اقلام الرصاص والكراسات والحبر بلونيه الاسود والازرق فتخيلى!! لم نكن شرهين الى ماهو مستورد كما حالنا الان. لهذا فان الجنيه السودانى كانت له شنّة ورنّة، وكان يساوى اكثر من ثلاثة دولارات. لم نكن نهدر حصيلتنا من العملة الحرة فى استيراد مالايفيد الغالبية. انظرى الان. تدخلى اصغر كنتين فتجدين عدة انواع من الجبنه الدنماركية والفرنسية وحتى المصرية، ولاتجدين جبنة الدويم الممتازة. بل من سفهنا تركنا التمتع بزهورنا الجميلة واصبحنا نستورد زهور البلاستيك من تايوان فتأملى. عندما انهار باب السنط انهار اقتصادنا. وهى بالمناسبة كانت فى تقديرى جريمة مدبرة بعناية حتى نهدر اكبرقدر من عملتنا الحرة لنقع فى براثن البنك الدولى والصندوق الدولى و...والنظام الدولى ..الجديد. تلك كانت الفكرة خلف اغنية قلب السنط. وهى فكرة بسيطة كما ترين. ارجو ان تكون قد ( وقعت ليك)

يعنى يا عبدالمنعم انت تبع:

فالنأكل مما نزرع
والنلبس مما نصنع

أو

فالنأكل مما ننتج
والنلبس مما ننسج

ولاّ تبع:

كيف نأكل مما نزرع
ما نزرع كلّو اتقلّع

كيف نلبس مما نصنع
والمصنع زاتو اتشلّع!

ما وقعت لى؟
_________________________________________

الأغنية دى مستحيل تكون بالصياغة النهائية من ناحية التلحين والتوزيع
لاكين بنشكر كوستاوى ووسام على إخراجها للنور (ولو إنو مبكّر)

ولعبدالمنعم الجزولى ونادر السودانى فضل إثراء الساحة الأدبية والغنائية بضرب وتر القضايا الحسّاسة، فلهم منّا العرفان والإمتنان. (ولعلى السقيد على مداخلة العود)

الاخ تبارك ود شيخ الدين تشكر لمرورك
سوعال سقنتوتي ماهي الصياغة المكتملة لهذة العمل الموسيقي من وجهة نظركم الثاقبة من حيث اللحن والتوزيع كما زكرت سالفا

***

لنا زكريات جميلة وايام الطفولة والشقاوة كانت اغلب البيوت ازا لم تكن كلها في
امدرمان تفتح علي بعض بواصطة ممرات تسمي النفاج فكنا نتنقل من منزل الي منزل من
خلال هزة النفافيج الي ان نصل الي الشارع العمومي فنستوقف عربة التكسي ونقنعة بان
حبوبتنة تحتاج ان تزهب الي مشوار وهي لا تستطيع ان تمشي علي قدميها فعمك صاحب
التكسي يشرب المقلب نركب عربية التكسي الي ان نصل امام احد المنازل البعيدة من منزلنا
ونطالبة ان يتوقف لكي نحضر الحبوبة وبنفس الطريقة نستعمل النفافيج ونحن نجري ونضحك
الي ان نصل الي منزل غريب ونتسلق باب السنط ومنة الي سقف المنزل لمراغبة صاحب التكسي
وهوة يضرب في البوري في اتظار الحبوبة القادمة للتوصيلة ونحن من فوق اسطح المنزل نراغب
صاحب التكسي الي ان يزهب لكي نعيد الكرة

جقلرة
في يوم طلع سواق التكسي ناقش الفلم اكلتة علقة من الولد لم انساها طول العمر

Quote: ونتسلق باب السنط ومنة الي سقف المنزل لمراغبة صاحب التكسي وهوة يضرب في البوري في اتظار الحبوبة القادمة للتوصيلة ونحن من فوق اسطح المنزل نراغب صاحب التكسي الي ان يزهب لكي نعيد الكرة

أنت من زمان شقئ?

نصر الدين عامل فيها الود مسالم دحين انتة ماكنتة الراس المدبرة لكل .......ولا مافي داعي قال شقي قال

من بروفايل الأخ عصام عبدالحفيظ

يا جماعة والله ما عايز أخرب ليكم ونستكم وأجركم لأمور الإقتصاد لكن أخينا المبدع عبد المنعم الجزولي دائما يفتح أبواب للتأمل والمناقشة العميقة بشعره ونثره معا. تأملوا معي رده لبنت أختي الغالية سوميتة.
ورده يذكرني بحكاية حكتهالي الأستاذة الكبيرة (مكانة مش عمرا ) سعاد إبراهيم أحمد عن والدها يرحمه الله عندما كان وزير للمالية في حكومة عبدالله خليل، فجاءه الوكيل في صحبة خواجة يعرض عليه هدية من الخواجة مجانية وهي عبارة عن مكيف هواء لمكتب الوزير، فرفضه الوزير بحزم ولطف قائلا نحن في السودان ما عندنا كهرباء كفاية وعندما خرج الخواجة سأله الوكيل لماذا رفضت المكيف وكهربته ما حتشنقل الريكة؟ فرد المرحوم إبراهيم أحمد لو سمحت بمكيف لمكتبي لازم أسمح بمكيف لرئيس الوزراء وأعضاء مجلس السيادة ورئيس القضاء وقضاة المحكمة العليا وقائد الجيش وهيئة الأركان وكل الوزراء ورئيس البرلمان ورئيس مجلس الشيوخ، ثم تمتد المسألة للوكلاء وهكذا ونحن ما عندنا قروش للبذخ ده وما عندنا كهرباء وعندنا أولويات مختلفة! أحسن تخلونا مع مروحة السقف.
طبعا يا جماعة ذهب إبراهيم أحمد من الوزارة ودخل المكيف وزادت الفاتورة وأصبح أي مكتب حكومي فيه مكيف، وكذلك بيوت الأغنياء والمغتربين.
أنظر كم يكلف باب الزنك؟ وباب الصاج؟ وباب الخشب المستورد؟
كتب أحد الإقتصاديين التنمويين قبل أكثر من أربعين عاما وأسمه دي كاسترو كتابا أسماه جغرافية الجوع
وفي ذلك الكتاب أوضح الإرتباط بين تطور الإقتصاد السلعي وتحطم الإقتصاد المعيشي وإنتشار سوء التغذية والجوع.
قبل إنتشار لإقتصاد السوق: كان البيض واللبن للأطفال من جداد البيت وغنماية البيت (او بقرته عند الأغنياء)، أصبح البيض سلعة تلم لتباع في الأسواق واللبن كذلك! كان القروي البسيط مكتفيا ذاتيا ويبيع فائضه، أصبح معتمدا على بيع ما طاب من غذائه لشراء سلع بضها أقل فائدة له ولعائلته مما باع!
باب السنط أغنية عن التحديث السالب غير المخطط، الذي يفك ما في اليد ويبحلق في الف طائر.
معليش خبطتكم.

الاخ صديق الكبلوا لك مني التحية ومن الحب اجزلة لقد رحلت احاسيسنا مع سردك الشيق عبرت الزمان والمكان داخل دهاليز التاريخ الجميلة والناس اللتي تحب السودان
باخلاص وجد جد ولو كنا ياصديقي علي عهدنا اللزي مضي لكنا من الدول العظمي تشكر اخي وماعدمناك

الاخ العزيز صدقي الكبلوا مجرد سوعال من هم خلف تدهور الوضع الاقتصادي في السودان هل / الجشع / المحسوبية /
العنصرية / القبلية / الجهل / التصلت و القهر / ام مازا دعنا نصلت الضو من سنة 1986 مع العلم وقتها كان الدولار الامريكي
يساوي ثلاث جنيه سودانية ....الي سنة2006 ولك مني كل احترام مع العلم انا لست خبير اقتصادي مجرد مواطن عاوز يفهم

الحبيب نادر
عشان نسمكر ليك الكاونتربوينت
عايزك ترسل لي الفايل
او تعملو ليهو امكانية تنزيل هنا
محبتي

وليته كان ميدي فايل

السمكرة معجون ودوكوا دي حلوة ياملك الكنتبوينط الختري
للاسف لا يوجد مدي فايل زا اهمية للعمل المقترح سمكرتة
فهوة عبارة عن جيتاركلاسيك وجيتار ريزم وباص والعود
وكل هذة التراكات سجلت لايف ماعدا الدرمس والبركشن

جقلرة
في الورشة الايقاعية الرزمية يجري العمل المتواصل في
اغنية عايز اشوفيك وقد تمة بنجاح تحويل تراكات الكمنجات المرسلة
اخيرا فظهرت كل التفاصيل وبدون شك احسن بكتير من الكمنجات الكانت اصلا موجودة
سوفة اتصل بكم حين الانتها من تسجيل اخر تراك لهزة العمل ولي قدام

***

أنا جني وجن لغة الجن!!!

بتقولوا في شنو إنتوا?


سمكرة باب الزنك بنعرفها!

سمكرة باب السنط دي تب ما بعرفها!

معليش تقولوا ,منشار ,مسمار or شاكوش

Karamba

حمانا الله من الشواكيش

الحبيب كوستاوي ازيك
الشواكيش حقتنا ياحبة دو -ري -مي -فا -صول -لا -سي المعلم يوسف قال عندة فتاح كنتربوينتي كمنجاتي لهذة الباب الصنتي العتيق ونحن في الانتظار لهذة المفتاح الابداعي بفارق الصبر

نادر أخوي انت ما استلمت الفايل الاول؟؟

العزيز يوسف لقد وصلني عدد2 فايل واحد عبارة عن مقدمة فقط والتاني قدر ماحاولتة افتحة في كل مرة يطلع ايكون
unabe to open the file it has been saved by a later version of finale الرجا اسال المدي finale
القديم يمكن يشتقل ولي قدام

Quote: العزيز يوسف لقد وصلني عدد2 فايل واحد عبارة عن مقدمة فقط والتاني قدر ماحاولتة افتحة في كل مرة يطلع ايكون unabe to open the file it has been saved by a later version of finale الرجا اسال المدي finale القديم يمكن يشتقل ولي قدام

my email address is

[email protected]



alshamar katalna

اللة يكفينا شر الشمارات والشمشرة
جقلرة
كوستاوي أخوي ناس أم دورمان آلآصيلين مابعرفو إلا شمار سوق الملجة ألفي سوق أم دورمان آرقد عافية

حبيبنا هجام، سلامات من خلف البحر السابع، الحمد لله قد رست سفينتي بسلام، وإن شاء الله فى الوييك اند ح إتصل عليك، وشكراً كثيفاً للمبدع نادر السوداني، ويا نادر والله كان بودنا نقابلك فى واشنطن بس ربنا ما هون، وقول لي صحبك الخردة دا اللنك بتاع الأغنية ما شغال، بالمناسبة البلد اللي قاعد فيها دي كلها أبواب سنط يا هجام بس خليني أروق شوية كدا وأشوت ليك كام صورة باب سنط كدا والله إنتا تتحير وأنا إتحير، يلا أرقدوا عافية وسلامي لأهل واشنطن الوطنيين فرداً فرداً.

نادر وكوستاوي في احدي الغزوات الواشنطونية

الأخ النزير حجازي أشكرك لمرورك كما آتمني لكم إقامة طيبة ماورأ البحار وزكرتني بيغنية
بتقول
كل زول بي حالو يدور
يلملم في الشقي المشرور
الوجع في الجيب مصرور
لابسد لابيبل الزور

جقلرة
الظاهر ياصديقي كمبيوترك مافيهو ريال ميديا لسماع غنية باب الصنت لو ارسلت لي بريدك ألاكتروني
سوفة ارسلها لك في MP3 فايل مع شكري وتقديري وانشاء اللة تعجبك ولي قدام

يا لها من غزوة

??

الحبيب النزير حجازي الظاهر صحبك الخردة دة طلع اي كلام اليومين ديل عندنا في واشنطن جنس صقط تلاجة بس
وصحبك الخردة صوابعين اليد مجمدة مابهبش الكيبورد بتاع الكمبيوتر ارقد عافية

الأخ النزير حجازي تجدنا في إنتظار مزيد من ألصور لهذة ألباب ألأصطوري

نادر

الحبيب نادر
اليوم تحدثت مع الفنان الشاب الملتزم عاطف آنيس
وتحدثنا عنه وعنك وعني ووعدته بالاصالة عن نفسي
وبالنيابة عنك آن آهديه لحن مسمكر علي آن تقوم آنت بالبوهيه
كهديه منا الاثنين وننزله في هذا البورد
عاطف فنان قمه في الالتزام وموهبته غاية في العلو
وعارفك مابتقصز
وحاديك تلفونه واديهو تلفونك
(آدي الجمل وآدي الجمال)
تسلم

الطرش المسك بتهوفن
ماااااااااسامعيت حاجة
مستمتعين بالونسة
والورشة الموسيقية على الهوا
ودايما جميلين
سمعونا عشان الحفلة نهججها
نادر
جزولي
موصلي
دام صفانا

ابو هديل ابشر بالخير الفنان عاطف انيس صوت جميل ومعبر وكنت من زمان اتمني ان يكون بينا عمل مشترك
لكن ظروف الجري في البلد دي ما بتسمح لكي نتعرف بالناس الحلوة ولي قدام

الفنان المبدع سني تشكر استازي العزيز لمرورك
بل المناسبة كثير من الزملاء كان عندهم مشكة سمع ولو ماعندك ريال ميديا في الكمبيوتر قد تكون هي السبب في عدم سماعك لهذة الاغنية
جقلرة
انتة تامر ياجميل بس رسل لي عنوانك البريدي وسفة ارسلها لك MP3 فايل نتمني ان تعجبك وشكرا يامبدع

الحبيب يوسف لااصتطيع فتح الفايل المدي المرسل وإنزالة في برنامج الفينالي لي نفس الاسباب السابقة
لقد إستمعت الي الفايل الاوديوا وهوة قمة الابداع بس عاوز اتاكد من سلامة التراكات داخل هيكل الفايل الام
الرجاء إرسال نسخة من هذة العمل ( فينالي القديم يمكن اصتطيع ان احولة داخل التراكات ) ولك من الشكر اجزلة

Quote: حبيبنا هجام، سلامات من خلف البحر السابع، الحمد لله قد رست سفينتي بسلام، وإن شاء الله فى الوييك اند ح إتصل عليك، وشكراً كثيفاً للمبدع نادر السوداني، ويا نادر والله كان بودنا نقابلك فى واشنطن بس ربنا ما هون، وقول لي صحبك الخردة دا اللنك بتاع الأغنية ما شغال، بالمناسبة البلد اللي قاعد فيها دي كلها أبواب سنط يا هجام بس خليني أروق شوية كدا وأشوت ليك كام صورة باب سنط كدا والله إنتا تتحير وأنا إتحير، يلا أرقدوا عافية وسلامي لأهل واشنطن الوطنيين فرداً فرداً.

الصديق العزيز الباشمهندس النذير حجازي
تحية طيبة
7imdila ala alsalama

كدي سيبنا من الخردة نادر
عارفنو سمح!!!

أرسل لي تلفونك بالمسنجر الميكانيكي بتاع الإنسبكشن

و بعد داك نشوف حكاية سمكرة الغنا بتاعت السمكرجيا ديل و كمان جابت ليها بوهيا و ورشة سكك حديد أتبرا

ضروري

ورشة سكة حديد اتبرة ناس قديمة قدم