Post: #1
Title: القبض علي مجموعة من الاسلحة والذخائر المهربة بميناء جمارك العبيدية بمحلية بربر!!!
Author: Asskouri
Date: 02-07-2005, 02:40 PM
Quote: السلطات الأمنية بنهر النيل تضبط أسلحة وذخائر مهربة والوالي يكشف التفاصيل
Monday, February 07 اخبار اليوم
الخرطوم : الدامر : عثمان مضوي
القت السلطات الامنية بولاية نهر النيل امس القبض علي مجموعة من الاسلحة والذخائر المهربة بميناء جمارك العبيدية بمحلية بربر .
وابلغ المهندس عبد الله علي مسار والي نهر النيل الذي هاتفته «اخبار اليوم» بمقر اقامته بالدامر ان معلومات مسبقة قد توفرت للاجهزة الامنية عن عملية التهريب وقامت بتعزيز قواتها واعدت خطة محكمة للقبض علي المهربين وقد سقطوا في كمين بميناء العبيدية ، وكشف المهندس مسار عن ان خمسين مسدسا 8 ملم وعشر بنادق صيد و5 الاف طلقة مسدس ضبطت مخبأة داخل غرفة جلوس ، واستطاعت قوات الامن احباط مخطط المهربين عبر تجارة الحدود ، وقال ان التحقيق بدأ بكشف الملابسات والجهة القادم منها والمتجه اليها السلاح ومعرفة اذا كانت بغرض التجارة او لاهداف اخري . وفي رده علي سؤال لـ«اخبار اليوم» ما اذا كانت هناك جهات سياسية او ايادي خفية وراء هذه الاسلحة قال والي نهر النيل انه في تقديرهم الخاص ان الاسلحة تم استجلابها وتهريبها بقصد التجارة الا ان القول الفصل يأتي بعد انتهاء التحقيق الشامل الذي بموجبه سوف يتم كشف كل الملابسات .
واستطرد مسار بقوله اجهزتنا الامنية بالولاية يقظة وتقف علي اهبة الاستعداد لسد الثغور امام المهربين ومهربي الاسلحة ، مشيدا برئاسة المدفعية ووحدة بربر الامنية اللتين خفتا للميناء للمشاركة في العملية ومحييا جهود اجهزة الامن والجمارك والاستخبارات واجهزة المكافحة |
.
الظاهر انه والي ولاية نهر النيل عنده دوخه!! ياخي معقول زول مهرب ليه سلاح يجيك بكرعينه لحدي نقطة التفتيش! يعني مش كان ممكن الناس ديل يمشوا علي (ارتولي) او (مبيريكه) او (ندي) او اي مكان اخر ! هو الصحراء بتاعت العبيديه دي بقت Tunnel يعني الزول مابقدر يلف من نقطة التفتيش خالص!
حسي كان الجماعه ديل ما جوا نقطة التفتيش كنت حاتلموا فيهم وين؟
ياراجل!!!
ناس المؤتمر الوطني الكضب غلبهم!!
القصه محتاجه لشوية حبكه!!
اجتهدوا شويه وشوفوا ليكم واحده احسن من دي!!
عسكوري
|
Post: #2
Title: Re: القبض علي مجموعة من الاسلحة والذخائر المهربة بميناء جمارك العبيدية بمحلية بربر!!!
Author: ahmed haneen
Date: 02-07-2005, 10:15 PM
Parent: #1
الأخ عسكوري
الكذب ظاهر في الخبر وليس غريبا علي هذا المسار وحكومته
انظر
Quote: وكشف المهندس مسار عن ان خمسين مسدسا 8 ملم وعشر بنادق صيد
و5 الاف طلقة مسدس ضبطت مخبأة داخل غرفة جلوس |
وللعلم فأن منطقة الجمارك مفتوحة عبر جميع الجهات ، وهي عبارة
عن صحراء قاحلة لايمكن السيطرة عليها
والمواد المهربة تملآ سوق بربر ،، وهنالك بعض المواد ارخص سعرا
من السلع المحلية ،، خذ مثلا السكر والبنزين والجازولين
المصري ارخص كتير من بترولنا ،، وكل المزارعين يستعملون الجازولين
المهرب ،،
ورغم كل هذا يتبجح الوالي المستورد ويكذب
فهل كانت الأسلحة المهربة في مركز الجمارك ام كانت في غرفة جلوس
ونواصل
|
Post: #3
Title: Re: القبض علي مجموعة من الاسلحة والذخائر المهربة بميناء جمارك العبيدية بمحلية بربر!!!
Author: Asskouri
Date: 02-08-2005, 01:34 AM
Parent: #2
يا حنين
الغريبه انه السيد مسار الايام دي سوقه كسد!
طبعا هو ترك حزب الامه جناح الامام، وخرج من الاصلاح والتجديد ( جناح مبارك) وخرج ايضا من حزب الامه القياده الجماعيه ( مجموعة دكتور نهار) هسي عامل فيها مع مجموعة دكتور الصادق الهادي واعتقد انه تركهم وبقي جزء من المؤتمر الوطني! والمؤتمر الوطني هسي كما هو معروف منقسم حول موضوع دارفور، عشان كده الراجل ترك موضوع دارفور كله واصبح لا يتحدث فيه، وعايز يواصل مسلسل الدعايه والفتنه بتاعته في ولاية النيل!
دا راجل تعيس جدا!
من المعروف انه التقسيمه الجايه ما حيكون فيها، في كلام انه ( بحنس) في ناس المؤتمر الوطني عشان يودوه سفير في اليمن لكن ما اعتقد انهم حايدوه حاجه!!
الراجل اصبح كرت محروق، عشان كده بقول في الكلام الميت ده عايز يوري انه عامل حاجه ومتابع!!
عسكوري
|
Post: #4
Title: Re: القبض علي مجموعة من الاسلحة والذخائر المهربة بميناء جمارك العبيدية بمحلية بربر!!!
Author: عمر محمد عبد القادر
Date: 02-08-2005, 02:02 AM
Parent: #3
يا جماعة يمكن الكلام دا يكون صاح ما تصبروا شوية نشوف نهاية التحقيقات .. والقول
الفصل زي ما قال اخونا مسار .. قولوا يا ستار ...
ود الباوقة
|
Post: #5
Title: Re: القبض علي مجموعة من الاسلحة والذخائر المهربة بميناء جمارك العبيدية بمحلية بربر!!!
Author: Asskouri
Date: 02-08-2005, 07:02 AM
Parent: #4
فــوق
|
Post: #6
Title: Re: القبض علي مجموعة من الاسلحة والذخائر المهربة بميناء جمارك العبيدية بمحلية بربر!!!
Author: Asskouri
Date: 02-08-2005, 09:34 AM
Parent: #4
فــوق
|
|