خبيرة تحليل رياضى

اتابع برنامج الرياضة فى قناة النيل الازرق
تقديم ميرفت
الزولا دى فاهمة كورة تمام
تتحدث افضل من عدد كبير من يطلق عليهم محلل رياضى


امس تحدثت عن مباراة الهلال والترجى
عن مشاركة الاطراف فى الهجمات
وعن تاثير خروج هيثم
وعن غياب البدلاء الاكفاء
وعن دور عمر بخيت
وعن الانضباط التكتيكى للدفاع

غايتو اول مرة احس بمذيع يعرف كورة احسن منى ويفيدنى كمشاهد

الجميل فى البرنامج مشاركة عد كبير من النساء
وناقشات الكورة ومتابعات بفهم

فعلا يا محمد سيد أحمد ، البت فاهمه كوره للطيش وما شاء الله عليها ، أتمنى من تلفزيون السودان الرئيسى أن يذو حذو قناة النيل الأزرق ، ويشوف لينا كم واحده كده تكون فى مستوى الأستاذه / ميرفت

مع تحياتى ...........

ما تنسو ياخوان انها هى مريخابية
وعابدة الشيخ مريخابة وغنت للراحل للطيب عبدالله
والنقى هلالابى....
لكن المحيرنى اكثر هذا الشاب اللامع فى التحليل الرشيد العبيد
حيرنى لاعبا ومحللا...قد استفاد من غربته ومن كورته

والمحيرنى اكثر جمال الوالى...قالو هلالابى....العهده على الراوى

ختام الكلام حكرا للملا عمر

فى مسرحية نقابة المنتحرين
عبد الحكيم الطاهر على لسان كابتن كابو بعد ما طارت الكورة
كان بيتكلم عن الامجاد الغابرة ويقول
زمان
البنات
البنات البنات بعرفو كورة
برضو فى الشارع كانو بيقولو
كابتن كابو
كابتن كابو


اها يا كابو
البنات بعرفو كورة
ويحللو وينظرو بفهم كمان