المرمطة فى الدورة العربية

يادوب شمينا شوية عافية كروية بعد انتصارات الفريق القومى والمريخ والهلال
الا جاتنا الدورة العربية واتمرمطنا
هزيمة ثقيلة من الفريق المصرى
هزيمة من الفريق الاولمبى الاماراتى
سوء سلوك بطرد ثلاثة فى كل مباراة واحد
اداء سيء جدا
طيب من البداية مشاركين ليه
قرار سياسى
لو مشاركين لاسباب سياسية كان يمكن المشاركة بعدد من العاب القوى احتمال كبير يجيبو ميداليات

ملاحظة
فى كل مبارياتنا كانت الجماهير المصرية وفيها جماهير بزى موحد(ناس قوات مسلحة) تشجع ضد السودان فى مباراة السعودية وفى مباراة الامارات وليه نشارك فى اجواء معادية

المعلق الرياضى المصرى قال فريق السودان ضعيف بس هما ما يحبوش يتغلبو من مصر
طبعا ما بنحب الغلب من المصريين لكن الله يجازى الكان السبب

الدولة تصرف على مشاركة مهزلة فى الدورة العربية وامس فى تلفزيون النيل الازرق ناس اتحاد الكورة يتحدثوا عن انو الدولة لم تقدم اى دعم لتوفير معسكر للفريق المشارك فى غانا


الغريب ناس اتحاد الكورة بيتصلو بشركات من خارج البلد عشان تدعم الفريق القومى

وين ناس سوداتل وسودانى وين شركات البترول

محمد سيد احمد

تحياتى

لعيبة كانو مرض,,,شينين خلقة واخلاق وما بعرفو يلعبو مهزمين نفسيا ومستلبين من كل جميل,,حتى جهازهم الفنى كئيب كئيب,,على حسب كلام الاخوة فى القاهرة,,ذهبت شلة من الطلبة تشجعهم
فسمعو منهم كلام فارق من بعضهم ,,فالكرة تدخل فيها السياسة ,,بلد غير مستقرة حروب من كل جانب
امراض من كل ناحية,,كل يوم وباء جديد,,,
ليه ما يعتزرو,,,طيب يعتزرو كيف,,والاتحاد العربى دافع لهم دولارات وكل واحد فيهم اخد نصيبو,,
الوزول اب شعر دا وبال على الرياضة ,هو قايل نفسو مافى زول احسن منو ولا شنو
فشل فى كل شىء,,
احباط احباط احباط
تسلم

الاخ ابوقوتة
ما كان يقبضوا الدولارات ويشاركوا بالعاب القوى

والله انا ماعارف الناس ديل اسم السودان دا ما بيهمهم
يعنى الواحد فينا يزعل لهزيمة السودان من مصر والسعودية والامارات وما ينوم بالليل

الناس ديل ما بيحبو السودان


اعتقد ان قرار المشاركة ما صادر من ناس اتحاد الكورة
لانهم هم بيبحثو عن دعم لمعسكر الفريق القومى وما لاقين