Post: #1 Title: صورة Author: mohmmed said ahmed Date: 03-12-2008, 09:50 AM
اطالع الصورة فتسرى ذبذبات القشعريرة وتسلك مباشرة لتصيب فى مكان خلته قد همد فتوقظه وتفعل كيمياء الوله فعلها العجب
صورة
اكابد سنوات طويلة واشحذ همة الذاكرة الكحيانة كفاحا ولا اظفر يها وفجاءة فى اجمل وفى ابعد مدينة اطالعها التقينا الدهشة هى التكلمت قبل الايادى العيون هى السلمت والجميلة ليلا ضوا نورا بقا الفرح فاض بيها دفق طارت الاحلام عصافير غنى للعشب الغدير جنت اوتار الطنابير هزت النشوة المزامير
صورة ما لها تفعل فى كل هذا
صورة
صدح المغنى النوبى
اكا من القى نى منوق اى وصفويا
اقول انت بتشبهو شنو اوصفك بشنو
صورة
تنعش الفؤاد وتحلق عند تخوم التأسى كأنها مياه تنساب برقة وهدوء
صورة
تحيلك الى عالم من الالوان والجمال فتمطر السماء ورود صفراء وحمراء وبيضاء
صورة
انا اصلو ما كنت قايل بحس كدا تانى
Post: #2 Title: Re: صورة Author: الجندرية Date: 03-12-2008, 09:55 AM Parent: #1
محمد سيد
حمد لله على السلامة
قاصدة سلامة العودة للمنبر
لكن يبدو لي خانك التوقيت اسبوع فك الاخر دا انتهى ليه فترة كدا
Post: #3 Title: Re: صورة Author: الجندرية Date: 03-12-2008, 09:55 AM Parent: #1
محمد سيد
حمد لله على السلامة
قاصدة سلامة العودة للمنبر
لكن يبدو لي خانك التوقيت اسبوع فك الاخر دا انتهى ليه فترة كدا
Post: #4 Title: Re: صورة Author: محمد سنى دفع الله Date: 03-12-2008, 09:56 AM Parent: #1
محمد سيداحمد طالع صورتي واتملي بالقشعريرة وحاول طلعة الصورة العلى يمينك دي واديها لي الأخ محمد الغانم \ في دائرة الثقافة عشان الكتيب كلمت استاذنا يحي لانو ما عندو علاقة بالنت قلت ليهو كلم محمد سيداحمد قال لي محمد في العين وما عارف الم فيهومتين المهم هسي لمينا فيك جماعتك بتاعين الثقافة عندهم السيرة الذاتية وعايزين صورة \ حديثة اديهم الصورة البشبه فيها الطيب صالح دي الليلة قبال بكرة مودتي ودام صفانا توقع وصولنا يأذن الرحمن يوم الأثنين
Post: #5 Title: Re: صورة Author: محمد سنى دفع الله Date: 03-12-2008, 10:01 AM Parent: #4
كلام الجندرية مليون صاح مالك فكي فينا كيمياء الحب وولوعة السنين الظاهر عليها قافلة معاك يازول انتظرنا وانت غير مدبرس البتة مودتي
Post: #6 Title: Re: صورة Author: mohmmed said ahmed Date: 03-12-2008, 10:03 AM Parent: #4
امانى الغالية فك الاخر دا غصبا عنى نسوى شنو
السنى انا بعيد لكن الصورة بتصل
Post: #7 Title: Re: صورة Author: الجندرية Date: 03-12-2008, 10:06 AM Parent: #6
اجي اجي اجي انتو لي يوم الليلة الحاجت بتحصل غصبن عنكم ؟
كان كدي الله يحسن كبرنا عاد
Post: #8 Title: Re: صورة Author: محمد سنى دفع الله Date: 03-12-2008, 10:10 AM Parent: #7
شكرا محمد ياها المحرية فيك لكن شنو حكاية بعيد دي ؟؟ برضو استاذ يحي قال لي محمد بعيد اوع تكون بعيد دي ما نشوفك ايام العروض ؟ مودتي ودام صفانا
Post: #9 Title: Re: صورة Author: الجندرية Date: 03-12-2008, 10:15 AM Parent: #1
Quote: مالك فكي فينا كيمياء الحب وولوعة السنين الظاهر عليها قافلة معاك يازول انتظرنا وانت غير مدبرس البتة
هي لكن يافنان دا حال دبرسة ؟
الزول دا ماشا معاه اخر حلاوة
كان بعرف انزل الاغاني كان نزلت له قلبي دقة
Post: #10 Title: Re: صورة Author: mohmmed said ahmed Date: 03-12-2008, 10:19 AM Parent: #9
امانى هو دقا ساى
السنى المهرجان ما بيتفوت وخاصة مع وجودك كل يوم حتلقانى عامل الدرب ساساقا العين الشارقة العين الشارقة
Post: #11 Title: Re: صورة Author: mohmmed said ahmed Date: 03-12-2008, 11:02 AM Parent: #10
لعل الفتى حجرا يا ليتنى حجر
افزغنى يا محمود درويش
Post: #12 Title: Re: صورة Author: رأفت ميلاد Date: 03-12-2008, 11:14 AM Parent: #11
محمد سيد أحمد حمدالله بالسلامة .. بتاعة الجندرية
Quote: كان بعرف انزل الاغاني كان نزلت له قلبي دقة
ياخوى الجماعة ديل شايفم ماخدنك ون تو .. أو تكون دقتك دى فى الوكت الضايع ..
Post: #13 Title: Re: صورة Author: محمد سنى دفع الله Date: 03-12-2008, 11:56 AM Parent: #12
رأفت اخوي الحبيب يازول محمدسيداحمد من النوع الهادي وصامت البكتبوا فيهم يطيل الصمت وهوينطراليك مليا يعتي ما بتعرف الرد بجيك من وين فنحن انا واختي اماني ما بنقدر عليهو وخاصة بعد حالة التغيير الكيماوي في خلايا الحب يعني راقدة معاه سلطة بنجي ونشوف اندياح الشعر الآمي فيك وحالة التلبس العاطفي المتسربل بيها
Post: #14 Title: Re: صورة Author: Raja Date: 03-12-2008, 11:34 PM Parent: #13
الغالي محمد سيد احمد وضيوفه الغالين..
ليه كده بس؟
لغاية ما أرجع
Post: #15 Title: Re: صورة Author: mohmmed said ahmed Date: 03-13-2008, 04:45 AM Parent: #14
دى فى الاكسرا تايم
يا رافت
Post: #16 Title: Re: صورة Author: ديامي Date: 03-13-2008, 05:02 AM Parent: #15
حقيقي المنبر افتقدك في الأيام الماضية
خالص الحب لك ولكل الضيوف هنا
Post: #17 Title: Re: صورة Author: mohmmed said ahmed Date: 03-13-2008, 05:24 AM Parent: #16
صورة
تبتق وسط ارض قاحلة صحراء نبتة خضراء يانعة
صورة
فشلت حوازات المزارعين فى صبراتة الليبية وحقول القات فى تعز اليمنية ومشهد مراكب الحواتة فى جبل اولياء ومنظر واحات زايد بن سلطان فى صحراء الامارات
فى محوها من الذاكرة
صورة
زى ما اكون عطشان وشربت
Post: #20 Title: Re: صورة Author: محمد سنى دفع الله Date: 03-13-2008, 05:49 AM Parent: #17
اخر مرة جيت الأمارات شوفت الواحات والشجر بتشابى ليجد له مكانا وسط هذه الصحراء قلت في نفسي معقول خلال اربعة سنين وده عمر الشجر في البيئة الطبيعة الشجر ده بظهر واقف وكلوا تعالي معقول بعد سنوات تتحول الصحرى لي غابة مطيرة وقد كان جا اليوم الناس الماشة فيها كل يوم بتشوفه عادية لكن البغيبوا والبحسوا بي عظمة الشجرة بعرفوا قدر شنو في إعجاز جمال وبيئة صحية وعالم لازم إبهرنا ولازم نحافظ عليهو اديك العافية ويدوم صفاك يا جمالي ياأيها الرجل الأخــضــر
Post: #18 Title: Re: صورة Author: Emad Abdulla Date: 03-13-2008, 05:43 AM Parent: #15
( جاك الجاني في الرصاص ) .. و هي قد جاتنا يا محمد .. و بقت في تولا .. و التولا قيل هي الرقبة ( و انت تشير إليها واضعاً راحتك عليها .. كمن يهم بالذبح فإن لم يكن فبالخنق ) .. فنحن معشر الآدميين - قل للجندرية - نعشق نظل طوال عمرنا .. لكنه يكمن .. ( و الكمون يا محمد ياخوي ضربٌ من المصايد يلجأ إليها الوحش متحيناً سانحة , حمانا الله و إياكم ) نحزّ عليه داخلنا هذا العشق إبن الإيه .. و نبقى : قابضيه قابضيه قابضيه .. حتى يأتي يوم تنغزنا فيه صورة .. مجرد صورة .. مجرد نغزٌ خفيف .. أو ربما لفتة صغيرة .. او غرودة عين , أو ربما ابتسامة مواربة خجلى .. أغنية ربما , و ربما كفٌ صغيرة مبرومة البنان .. و ربما - مثلاً - صوتٌ ككمنجة .. أو انه طرفٌ من ( القديمة قديم الحمام ) .. فتقوم قيامتنا , و يطرشق بالوننا مهرجانا .
ذاك اليوم يا صاحبي و في عز حراية نهار الخرطوم .. غنى أبوداوود : ( أنا و حبك ترعرعنا و نشأنا ندايد مِن زمناً قبيل أيام قُلال و عدايد ما خِلِص القديم .. و تبين نصايبو جدايد ؟؟ حِن يا حبيب كفاي مُر العذاب و شدايد ) . فعرفت أن الشرك قبض .. و لم أغفر لأبوداوود يومها .. و النهار في رابعته .. فقد صارت كل الحسان في الطريق نصايباً جدايد .. و أنا خبباً خببا .. حتفُ لهلهتي .
فيا صاحبي .. مبروك عليك ما جالك من تورة النَفَس .. تتربى في عز روحك .. و مجعولة هي إن شا الله في ميزان العمر الجميل . ثم ياخي أسمع وردي في ( الحبيب العائد ) .. و أدعو لاخاك .. فإن دعوة ( العائدين ) مُجابة .
هذا , و لك المودة و الحب .
Post: #19 Title: Re: صورة Author: المسافر Date: 03-13-2008, 05:49 AM Parent: #18
Quote: اكا من القى نى منوق اى وصفويا
اقول انت بتشبهو شنو اوصفك بشنو
دقر يا عين
عاد
حديثا بي ترجمتو ...
Post: #21 Title: Re: صورة Author: mohmmed said ahmed Date: 03-16-2008, 04:56 AM Parent: #19
صورة
يا ليتنى خيرت من قبل النظر
Post: #22 Title: Re: صورة Author: Adil Osman Date: 03-16-2008, 07:57 AM Parent: #1
Quote: صورة
اكابد سنوات طويلة واشحذ همة الذاكرة الكحيانة كفاحا ولا اظفر يها وفجاءة فى اجمل وفى ابعد مدينة اطالعها التقينا الدهشة هى التكلمت قبل الايادى العيون هى السلمت والجميلة ليلا ضوا نورا بقا الفرح فاض بيها دفق طارت الاحلام عصافير غنى للعشب الغدير جنت اوتار الطنابير هزت النشوة المزامير
يا سلام منك انا آه يا سلام يا سلام
Post: #23 Title: Re: صورة Author: mohmmed said ahmed Date: 03-17-2008, 04:55 AM Parent: #22
صورة
طريف العين وت امسحو بالدموع رقرق
Post: #24 Title: Re: صورة Author: هشام المجمر Date: 03-17-2008, 06:08 AM Parent: #1
محمد سيد احمد
سلام يا صديقى
ده كلو يمرق منك
زمان الدوش قال
بتطلعى انت من غابات ومن وديان ومنى انا
الصورة فى داخلك
كانت محفوظة فى حرز بعيد
ولمن جاء الوقت وفتح الحرز ظهرت الصورة
ابهى مما كانت
تضفى للأشواق حرقة
وتفتح للوجع الف باب
سلمت وسلم قلبك يا صديقى
Post: #25 Title: Re: صورة Author: عواطف ادريس اسماعيل Date: 03-17-2008, 09:26 AM Parent: #24
توعدنا ,, وتبخل بالصورة !!!
محمد .. شكرا على هذا الكلام الجميل فللصور أحكام مثل الضرورة .. أسعدتنا يسعد صباحك !!
Post: #26 Title: Re: صورة Author: mohmmed said ahmed Date: 03-19-2008, 04:56 AM Parent: #25
صورة
نار تحت الرماد
Post: #27 Title: Re: صورة Author: Adil Osman Date: 03-19-2008, 08:19 AM Parent: #1
Quote: صورة
فشلت حوازات المزارعين فى صبراتة الليبية وحقول القات فى تعز اليمنية ومشهد مراكب الحواتة فى جبل اولياء ومنظر واحات زايد بن سلطان فى صحراء الامارات
فى محوها من الذاكرة
صورة
زى ما اكون عطشان وشربت
هل قرر محمد سيد احمد ان يحزم حقائبه ويعود الى قريتهم الوادعة على النيل حيث النخيل والقمرى وبساطة العيش ونقاء الضمائر؟
Post: #28 Title: Re: صورة Author: mohmmed said ahmed Date: 03-25-2008, 05:23 AM Parent: #27
قال الفيلسوف اليونانى مرت مياه كثيرة فى النهر
وكان الفيلسوف كاذب
الا ترى ما فعلته الصورة
وهل تكفى مياه محيطات العالم يا شكسبير
Post: #29 Title: Re: صورة Author: mahdy alamin Date: 03-25-2008, 07:45 AM Parent: #1
