Post: #1
Title: مساطيل عاملين ليلة شعرية
Author: mohmmed said ahmed
Date: 11-29-2004, 05:38 AM
Parent: #0
تقول لى سليتك
تقول لى جفيتك
تقول لى عفصتك
بعفصك وبعفص حنانك
دبايب
عقارب
تداعب بنانك
وكيفن هو حالك
سألت التمرجى
البطاطس بيعادى
تصدق
تجاهل
وقبل لغادى
مسج من السودان
|
Post: #2
Title: Re: مساطيل عاملين ليلة شعرية
Author: ايهاب
Date: 11-29-2004, 08:48 AM
Parent: #1
loOOoOOoOooOoOoOooOoOooOoOoOOoOoOoolz
|
Post: #3
Title: Re: مساطيل عاملين ليلة شعرية
Author: Ahmed Al Bashir
Date: 11-29-2004, 11:20 AM
Parent: #1
This is very nice
do you have more.?
thanks a lot
|
Post: #4
Title: Re: مساطيل عاملين ليلة شعرية
Author: ناجى الزبير الملك
Date: 11-29-2004, 11:33 AM
Parent: #3
انا لما اسكن فى عيونك يبقى
قشر البيض
رصيف
وانسج الجرجير بساط
يرتحل بي الرغيف
وانت تقضم
زى مقصات الحلاقة الحايمة
فى الشعر الخفيف
....
أحد المساطيل ....المثقفاتية
للمزيد يا أحمد
كروريـــــــــــات (2) مسطلة ]
|
Post: #5
Title: Re: مساطيل عاملين ليلة شعرية
Author: tariq
Date: 11-29-2004, 11:34 AM
Parent: #1
وهج القرمبع في الشمس زغلل عيون صرصار كان مليان بالعشم ...
سحلية بتقطع في اللحم ...
والضب يمعط في الشعر ...
يعاتب في قعونجة ما جات في المواعيد الوهم ..
( مسطول بيكتب في قصيدة ) ...
|
Post: #6
Title: Re: مساطيل عاملين ليلة شعرية
Author: الفاتح يسن
Date: 11-29-2004, 02:52 PM
Parent: #1
أحبك ملوحه وأحبك فسيخ
أحبك حلاوه وأموت فيك مسيخ
أحبك سجارة وأحبك سفيفه
نكاتنا بتنعس ونكاتك ظريفه
أكيد السجارة سجارة مخيفه
|
Post: #7
Title: Re: مساطيل عاملين ليلة شعرية
Author: ودالعباسية
Date: 11-29-2004, 04:10 PM
Parent: #1
ان شالله تعيشى فى عذاب طول عمرك
ويتهدم فيكى التراب وتحسى بى اكتئاب
ويمسكك الحكاك
مسطول بدعى فى نمله
|
Post: #8
Title: Re: مساطيل عاملين ليلة شعرية
Author: توما
Date: 12-11-2004, 01:30 PM
Parent: #1
this is soooooooo funny
|
Post: #9
Title: Re: مساطيل عاملين ليلة شعرية
Author: صباح حسين
Date: 12-11-2004, 01:40 PM
Parent: #8
قلت أحسن كدة يا أمحمّد؟
|
Post: #10
Title: Re: مساطيل عاملين ليلة شعرية
Author: mohammed alfadla
Date: 12-11-2004, 01:49 PM
Parent: #9
حلج التفاؤل فكرتك وإتسوك الناموس معاي
لفيتا بي إتناشر كرت
ربطت ربط
يا خيل أباط المعنى
يا جرح الحنك
وين إلتقيتك يا مفك
يا معترك
أسأل عليك كأنني
مشتاق إليك وإنني
فحطت من هذي الحياة
يا لما جيتي في حيينا
أحي أنا
|
Post: #11
Title: مساطيل
Author: mohmmed said ahmed
Date: 12-12-2004, 06:13 AM
Parent: #1
الاخت صباح
من كل بستان زهرة
محمد الفاضل جابت ليها نجرى كمان هاك المجاراة دى من وحى عصمائكم جاءت
حلج التفاؤل فكرتك
ونداك مضمخ بالمسك
عاينت لى شجر الوقت
جفلت بعيد
يا مستخيلة زى النعاس
ياالف باس
وين روحتى
هل ضربك سلك
يا مشتهاه
اسال عليك
شجر النبق
والباشبزق
والعنقريب المرتبك
|
Post: #12
Title: معاينة لوظيفة شاغرة
Author: ست البنات
Date: 12-12-2004, 07:49 AM
Parent: #1
بعد ما جيتو راجع
مادى القديديم منكشح
وعجاجى لاوى
تقول خروف ساكنو
جارى من الضبح
دردقت راسى
وقفت قدامو
سألنى الكوز
شيء أخضر
طويل مزروع
ولينا سنابلو
تطفيء الجوع
يكون شنو ???
قتلو مو القمح ?
رصعنى ام كف
وقالى اقيف
هناك فى الصف
اتمحنت
اقول يا ربى
أتف السفة فى وشو
ولا أقولو هوى
يا كلب ???
مشيت البيت
اكوس فاسى
وفرارى
قت البدلو بيغادى
واطب سكينى فى ضراعى
واطعنو بيها
فى كرشو
الملاها لبن وليداتى
ونعلت ابليس
وقلت اخير
ابقى كديس
فحال ما
أيتم أولادى
-----
وتحية للأخ سيجيمان
ست البنات .
|
Post: #13
Title: Re: مساطيل عاملين ليلة شعرية
Author: Salwa Seyam
Date: 12-12-2004, 08:22 AM
Parent: #1
| Quote: أحبك ملوحه وأحبك فسيخ |
أجمل بيت حقو ياخد جايزة
|
Post: #14
Title: Re: مساطيل عاملين ليلة شعرية
Author: tariq
Date: 12-12-2004, 09:05 AM
Parent: #1
عالم مركب بالغلط .. طابونه بتبيع اسكريم
راكوبة في نص الظلط ..
كديسة لابسه فنلة كط ..
مستر عتود لابس شبط .. الحفلة رابه وفنانا بط ..
التيسس يبشر في الغنم
وخرفان مسننه واقفة لط ..
عالم غريب .. عالم عجيب ..
( خواطر مسطول )
|
Post: #15
Title: Re: مساطيل عاملين ليلة شعرية
Author: ست البنات
Date: 12-12-2004, 09:37 AM
Parent: #1
والديك يزغرد منسدح
والنعجة شايلة حواجبها
ولابسة العقد
والفيل يقسم فى العشاء
شايل الصحانة ومنبسط
وسوسيوة جات قالتلو
يا عمو
صاحباتى فى الصف الورا
دايرين عشاء
ودايرين تلج
الببسى حار ماب يتشرب
----
ست البنات .
|
Post: #16
Title: Re: مساطيل عاملين ليلة شعرية
Author: ودالعباسية
Date: 12-12-2004, 10:37 AM
Parent: #15
ست البنات
الكلام دا بجيبيه من وين 
|
Post: #17
Title: Re: مساطيل عاملين ليلة شعرية
Author: تراث
Date: 12-12-2004, 01:01 PM
Parent: #16
حلوة يامحمد عودتك بعد غياب طويل كنت بتشتكي قبله من الادمان !
ألف مرحب بيك . الشوق ليك مطر إستوائي .
أراك قد تعلمت كيف تعمل بوست لركاب كثيرين كما قال صديقنا بدر الدين شنا منذ زمن .
البوست ظريف . والمشاركين فيه كذلك .
لك ولهم الشكر .
لا ادري لماذا اصبح الضحك صعباً لهذا الحد ؟ اضحكني هذا البوست قليلاً بعد غياب طويل من الضحك ، هل انا وحدي من يعاني من قلة الضحك ؟
|
Post: #18
Title: Re: مساطيل عاملين ليلة شعرية
Author: ست البنات
Date: 12-12-2004, 01:05 PM
Parent: #1
ود العباسية
تحياتى ،
والله اى أبيات كتبتها فى المنبر دا
بارتجلها فى قعادى معهكم دا .
ست البنات .
|
Post: #19
Title: Re: مساطيل عاملين ليلة شعرية
Author: ست البنات
Date: 12-12-2004, 01:14 PM
Parent: #1
البت ضعيفة مسوللة
ماده القديديم لى ورا
شايلالها شنطة مقطعة
والحكمة مرة مفلهمة
خطبوها اتنين من اهلها
رفضت تقول ما مستواى
دايرالى عرسة مدنكلة
دكتور يكون او
هندسة
سمع الكلام زولا
مسيطيل شاغلها
تفت ومشت
قال لأخوهو
البت دى تفت
وكان تفت كمان
تانى
كل السوائل تفقدها
----
ست البنات .
|
Post: #20
Title: Re: مساطيل عاملين ليلة شعرية
Author: yasiko
Date: 12-12-2004, 10:03 PM
Parent: #1
محمد سيداحمد
سلام
لك الشكر
يا طارق بالغت
لك الشكر
Quote: عالم مركب بالغلط .. طابونه بتبيع اسكريم
راكوبة في نص الظلط ..
كديسة لابسه فنلة كط ..
مستر عتود لابس شبط .. الحفلة رابه وفنانا بط ..
التيسس يبشر في الغنم
وخرفان مسننه واقفة لط .. |
|
Post: #21
Title: Re: مساطيل عاملين ليلة شعرية
Author: Mannan
Date: 12-12-2004, 10:31 PM
Parent: #1
قال جاغوم بن بلاع يتغزل فى النجمة ام ضنب وقد تدلى حزامها من الخلف:
لله درك يا بلومة ضنب تكوم كومة كومة
أخشى عليه فى كل قومة وبخاف تصادره الحكومة
|
Post: #22
Title: Re: مساطيل عاملين ليلة شعرية
Author: على اسماعيل
Date: 12-13-2004, 01:45 AM
Parent: #21
الاستاذ / محمد سيد احمد - سلامات ياراجل
وين ما باين - سلامى للعيال و سماح وسارا-
هاك دى
حنى حنى على انا يا تيتى
الحاصل بى سببو انتى
انا طفيت النور وانت زوغتى
انا مسكت الزير قايلك انتى
لك الود والتحية
|
Post: #23
Title: Re: مساطيل عاملين ليلة شعرية
Author: عامر الأمير
Date: 12-13-2004, 02:01 AM
Parent: #1
إشتقت ليك ....
شوق ماسورة مكسورة..
في حوش مدرسة مهجورة..
الدنيا إجازة..
والغفير أعمى..
(مسطول في إجازة )
عامر الأمير
|
Post: #24
Title: Re: مساطيل عاملين ليلة شعرية
Author: عمر محمد عبد القادر
Date: 12-13-2004, 02:13 AM
Parent: #23
الحب القديم الديما عايش في ضلوعي مكرفس
يا رب يا كريم الشال منام عيني يتعفص
اكل في ام كشوش وهو ببازكينروبن يتملحس
ود الباوقة
|
Post: #25
Title: Re: مساطيل عاملين ليلة شعرية
Author: shammashi
Date: 12-13-2004, 02:15 AM
Parent: #23
"أحبك ملوحه وأحبك فسيخ"
عوع يا الفاتح زولتك دي ما كان عندهم حمام وللا الموية قاطعة
بوست ظريف يمرقنا من بص الديوم الغربية بتاع الساعة اتنين ونص دا
البورد كلو شكل يا كافي البلى
|
Post: #26
Title: Re: مساطيل عاملين ليلة شعرية
Author: Sidig Rahama Elnour
Date: 12-13-2004, 02:58 AM
Parent: #25
أشهقني في داخلك مدخّن
خليني في خاطرك صعوط
خلي دنيا الريد تجقلب
خلي دنيا الريد تجوط
أنا ما بخاف الأنهزام
لكن بخاف الأخطبوط
مسطول ولهان
|
Post: #27
Title: Re: مساطيل عاملين ليلة شعرية
Author: ودالعباسية
Date: 12-13-2004, 02:21 PM
Parent: #26
ست البنات قطع شك انت البتكتبى نكت المساطيل دي
هاكم الفار المسطول دا
قالوا فى فار مسطول ماشي فى الغابة لقى ليه اسد ميت
اداه شلوت تااااااح وقال انا لمن ازعل كعب
|
Post: #41
Title: Re: مساطيل عاملين ليلة شعرية
Author: shazaly gafar
Date: 12-26-2004, 04:18 AM
Parent: #27
جماعة
فيها والَّا نطفيها؟؟
ما تقولوا لى:
كِمْلتْ لأنَّك
Come late
برَّكتَ فيلتى الْبرْكبه
وهمْبتَّ ريدتِك من غشيم
بى عنْكبه
فكِّيتا فيك ورضيتى بَىْ
رغم الفلس والعشْكبه
حنَّكتَ لحظات العشم
رغم الدلال والجقلبه
لمَّن صحيت شُفت الحلم
سايل بحر فى المرتبه
مسطول حلمان انو بيحلم
|
Post: #28
Title: Re: مساطيل عاملين ليلة شعرية
Author: كبسيبة
Date: 12-13-2004, 04:05 PM
Parent: #1
دقيت حنك
سطلة نهارية
طقينا قدومين حنك
ركبنا لوري لي كوستي وربك
وقفنا في المحطة وأكلنا النبق
كتح ملاحنا وعيشنا
دفق عصايد المهرجان مسكوبة بي دمعة
مخلوطة بي ويكة وودك
سجعت قراصة في آخر الصحن ملتاعة
خاتة السيجارة في أضانة مفك
ربط المحلوج فتك
كسر قوافي الانشراح نطق
طلب صحن فول دقاهو دق
جابو العضم ختوهو خت
طايوقه نطت والريد شبك
شطف الدهون الفي الحبل
شره الغسيل الفي الطشت
كشحنا بي باقي الفتيل
أتعطرت أمس العروس
دقو صيوان العرس
ورشو موية فوق للزلط
أشتقت لي حبي المشربك شديت سلك
دقيت حنك ..دقيت حنك ..دقيت حنك
|
Post: #29
Title: Re: مساطيل عاملين ليلة شعرية
Author: حسن الملك
Date: 12-13-2004, 11:08 PM
Parent: #28
البارح في العصير ..
شفت الدجاج حلبوه ...
والديك ابو علاله شدوه وركبوه
والفار شال عصايتوا علي الكديس منعوه ...
((مسطول فدرالي))
|
Post: #30
Title: Re: مساطيل عاملين ليلة شعرية
Author: ياسر عبدالعزيز الطيب
Date: 12-14-2004, 01:49 AM
Parent: #29
مهـداة إلي العزيز فاضلابي
حنكك سَنين
لكني لم أْفصل
ولا يمكن أجر الواطي
أو أن أستكين
شخت ليك...
ماجاي ليك...
جاتك مصيبة تنشفك.
جرحك بداوي برايا بس
....................
....................
.....................
بالبنسلين.
فاضلابي:
زمااااان كانت (حلج التشاؤم)!!!!
إن شاء الله متفائل دايماً ياخوي
|
Post: #32
Title: Re: مساطيل عاملين ليلة شعرية
Author: ناجى الزبير الملك
Date: 12-14-2004, 03:01 AM
Parent: #30
شن بدوربك ....
شان أشاغلك.....
يا ام وشيشا زى شباشبك....
ما بسالمك ...
وما بكالمك....
والحمار شايل ملامحك...
والكلب قدوموا خشمك ....
مو شفايفك ...
يا كراعك سنبرية ...
لا فى حنة بترضى بيك ...لا محلبية
لا كحل يسكن عيونك لا روائح أجنبية
..... شايقى مسطول .....ومشوكش
ـــــــــــــــــــــــــــــــــــــــــــ
إبريق قديم فقد الأمل
ولابس زفاف من ريش غراب
سحلية عاملة محجبة يا خوفى من طير البقر يعمل
ضفور الديك شعار
زى فتة من غير كيس صعوط
...واحد مسطول ومفلس
مع التحية ....لكل السطلجية
|
Post: #31
Title: Re: مساطيل عاملين ليلة شعرية
Author: فيصل عباس
Date: 12-14-2004, 02:44 AM
Parent: #1
فيها ايه لو مره مسطول قال شعر
عن السحالي الماشه موضه على الرصيف
وعن ضب بساكك في المعاش لمن فتر
وعن ديك بينقز في الحبل زي التقول مولود بكر
وعن صارقيله تتمطى وتقول ياربي متين حنكون متر؟
رساله على الجوال من (صديق ضالي الطريق)
وبرضو النكته دي عن مسطول من نفس الصديق يبدو انه هو (المسطول) بيقول فيها :
مسطول شاف ليهو لوح تلج بنقط
قال: ياربي مقدود من وييييييييييييييييين؟
|
Post: #33
Title: Re: مساطيل عاملين ليلة شعرية
Author: ست البنات
Date: 12-14-2004, 07:50 AM
Parent: #1
المقطع الأول
=======
الكوز يا كوز
كان انت الزير
أنا ليك حمالة
وكان انت الباب
أنا ليك سقاطة
وكان انت بلومة
أنا طيرة الجنة
المسكينة وداقسة
وغلبانة
بلقط رزقى
من شارع
أو تبانة
وارجع تعبانة
ودايخة
وانت تسرقو
تلوكو لبانة
مقطع ثانى
=======
ولو انت مشير
أنا ليك عصاية
ولو عاوز
تقصف دارفور
أنا ليك جبخانة
ولو تأريخك
أسود ومظلم
أنا ليك شهادة
بشهد للناس
الكملو
واتسوللو
بقو سمبر
وجيعانة
وتكسح حفيانة
و رقبتك
زى المسحانة
وانت بتقدل
وتتضرع
فوق قلبها
جوه حنانا
-----
مقطع ثانى
=======
قال أيه
قال ناكل
مما نزرع
قول ناكل
مما نقلع
ونركب عربات
وبكاسى
وناس بيتكم
عينهم تطلع
بي سفنجة
من غير نخرة
تامينها
بالدلقان
والجيب
ما فيهو التكتح
يتبوبرو
فى الدكان
حرم بدفع
ما تدفع
اشرب البيبسى
ياخى
وخليها على
الرحمن
الناس ماشة
بيكيعانها
لا عضلة
ولا ضرعات
وفى الباص
لمان تتشعبط
تمسك بالترقوات
قال أيه
قال ناكل
مما نزرع
قول ناكل
مما نقلع
---
وعجبونى
الليلة جو
دخلوا البلد
نشفو
وعجبونى
كيزان السرور
القددو
العين والجيوب
عجبونى
الليلة جو
قلعوا البلد
مصرنو
حدودنا بقت
قيراطين
وقروشنا
بقت مليمين
عجبونى
الليلة جو
خلعوا البلد
جهجهو
عجبونى
الليلة جو
المحقوا البلد
غيبو
------
مع تحياتى
ست البنات .
|
Post: #34
Title: Re: مساطيل عاملين ليلة شعرية
Author: عمر محمد عبد القادر
Date: 12-14-2004, 08:07 AM
Parent: #33
آه حاج مختار يا حاج مختار ود عبد القادر
بعد ما كان شرابو الراقي العرقي الداشر
ومزتو بصلة وحقتـــــــــو عجلة
اصبح يشرب جميع انواع الويسكي الفاخر
من مارتين لي كونياك لي كرفواسير
ونارو تلهلب فيها جميــــــع انواع الطير
|
Post: #35
Title: Re: مساطيل عاملين ليلة شعرية
Author: ست البنات
Date: 12-14-2004, 10:36 AM
Parent: #1
بعد العشاء
والبوش كفا
عسكر وقف
صف انتباه
والحلة
يابا مكرتنة
كاراكون عديل
دبورة تلصف
فى الجبين
ضابط كبير
شحمان طويل
محضر وسؤال
نهزير رجال
تفتيش ،اذن
منشور كمان
ضد النظام ?
شعرك
جريمة مجلجلة
سووا السبب
فتيش مناشير
واعتقال
لطشو الغويشة
من الجهال
ودوها وين ?
صرفوها وين ?
اتفرجوا
فى المهزلة !
الكشا مشا
الكنكشا
حنكوش مشا
لهط الغويشة
ودغمسا
خلانى قاعدة
ملبشة
شفتوا المحن ?
اخر الزمن
قلبوها صاغة
وملطشا
----
ست البنات.
|
Post: #36
Title: Re: مساطيل عاملين ليلة شعرية
Author: Mannan
Date: 12-14-2004, 08:05 PM
Parent: #1
قال الحلمنتيشي:
عينا حبيبتى نقابتا عمال
وشعرها يمتد مثل الليل منشورات
وخصرها يضيق مثل افق برجوازى
وقال جاغوم (رحمه الله):
عينا حبيبتى دباسة
وانفها الصغير كالمصاصة
وضحكة تندب فى الفؤاد كالرصاصة
تهردنى.. تجعلنى كقطعة الفسيخ
*******
عيناك زهرتى شمار
وطفلة زائعة تجادل الصغار
وقطة صغيرة داهمها القطار
فولولت الى الخلا تصيح
*******
الجدول الهيمان والضفادع
والسير فى ميامن الشوارع
والحب مثل شربة الكوارع
لكنه فى بعضها مسيخ
*******
والى ان نلتقى...
نورالدين منان
|
Post: #37
Title: Re: مساطيل عاملين ليلة شعرية
Author: كبسيبة
Date: 12-21-2004, 03:49 AM
Parent: #1
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك
UP للضحك UP للضحك (دي زاغت كيف ما عارف)
UP للضحك
|
Post: #38
Title: Re: مساطيل عاملين ليلة شعرية
Author: ترهاقا
Date: 12-21-2004, 05:44 AM
Parent: #37
إنت يا أغلى الحبايب
فتشت بين كل الحمير بس لقيتك إنت غايب
|
Post: #39
Title: Re: مساطيل عاملين ليلة شعرية
Author: نورالدين حسن نمر
Date: 12-21-2004, 10:24 PM
Parent: #38
UP
|
Post: #40
Title: Re: مساطيل عاملين ليلة شعرية
Author: مريم بنت الحسين
Date: 12-22-2004, 00:46 AM
Parent: #1
Quote: شن بدوربك ....
شان أشاغلك.....
يا ام وشيشا زى شباشبك....
ما بسالمك ...
وما بكالمك....
والحمار شايل ملامحك...
والكلب قدوموا خشمك ....
مو شفايفك ...
يا كراعك سنبرية ...
لا فى حنة بترضى بيك ...لا محلبية
لا كحل يسكن عيونك لا روائح أجنبية
..... شايقى مسطول .....ومشوكش |
باااااااااااااااااااااااالغ!
بنت الحسين
|
|