Post: #1
Title: القرضابى الاصيل يرفض 55الف درهم
Author: mohmmed said ahmed
Date: 06-27-2006, 04:41 AM
Parent: #0
صباح اليوم كنت اتحدث مع الصديق القرضابى
قلتا ليهو صوتك مالو كدا
رد انا هسا فى النيابة
يازول ان شاء الله خير النيابة شنو
انت ما قريت فى الخليج امس
ايوه اتذكرتك الخبر بيقول مفتش اغذية فى بلدية دبى يرفض رشوة 55الف درهم قدمها تاجر هندى لتمرير صفقة اغذية
اها ياجماعة القرضابى رفض الرشوة باخلاق سودانى اصيل
بالرغم من ان الشيطان كانت عندو اغراءات موضوعية للقرضابى
لانو الاغذية دى بهارات يعنى البهارات الفاسدة ما بتكتل ليها زول
بس القرفة والهبهان والقرنفل ريحتم تكون ضعيفة والفلفل يكون بارد
يازول رفعتا راسنا
وناس جريدة الخليج ما يقولوا سودانى ولا بس فالحين لمن الخبر يكون مشعوذ ولا سكران يقولو سودانى الجنسية
|
Post: #2
Title: Re: القرضابى الاصيل يرفض 55الف درهم
Author: gamal elsadig
Date: 06-27-2006, 05:03 AM
Parent: #1
.
صورة مشرقة يقدمها القرضابي .....
إنها اخلاق وقيم السوداني الحقيقية
التحية و الاحترام لك ياشقيقي قرضابي
والشكر لك الشقيق محمد
.
|
Post: #3
Title: Re: القرضابى الاصيل يرفض 55الف درهم
Author: الكيك
Date: 06-27-2006, 05:42 AM
Parent: #2
الهندى الشرير دا ما يلقى يقع الا فى يد عمر محمد الحسن
والاقدار تفضح امثال هؤلاء بان يقعوا فى ايدى الشرفاء من امثال اخونا عمر الرجل الذى لا يعرف الا الصدق والتعامل الصحيح ..
نشات البلديات فى دولة الامارات العربية بسواعد وخبرات ابناء السودان وهم مؤتمنون فى ماكل ومشرب من يقيمون فى هذه الدولة وكل المختبرات الصحية لللاطعمة فى دولة الامارات تحت اشراف ابناء السودان الشرفاء من امثال اخونا عمر محمد الحسن ..
وليس بغريب عليه رفض مثل هذه الرشاوى التى يقدمها من يريد الربح السريع دون وازع اخلاقى ..
فعمر من اسرة معروفة تربى ابناءها على العفاف والقناعة والخلق القويم فهو فى المكان الصحيح فى مواجهة امثال هؤلاء البشر ممن لا اخلاق لهم
اهنىء بلدية دبي لانها استطاعت وضع الرجل المناسب فى المكان المناسب وهنيئا لكل عفيف شريف من ابناء السودان ونحن فخورون به ..
|
Post: #4
Title: Re: القرضابى الاصيل يرفض 55الف درهم
Author: شمهروش
Date: 06-27-2006, 06:49 AM
Parent: #3
التحية للاخ القرضــــابي
|
Post: #5
Title: Re: القرضابى الاصيل يرفض 55الف درهم
Author: almohndis
Date: 06-27-2006, 08:31 AM
Parent: #1
القرضابى
فعلا كما قال ناقل الخبر الجميل
الاستاذ محمد سيد احمد
انك اصيل المعدن وود بلد
في زمن قلت فيه
الاصاله لك التحية
|
Post: #6
Title: Re: القرضابى الاصيل يرفض 55الف درهم
Author: garjah
Date: 06-27-2006, 09:41 AM
Parent: #5
موقف اصيل من رجل اصيل
|
Post: #7
Title: Re: القرضابى الاصيل يرفض 55الف درهم
Author: عاطف عمر
Date: 06-27-2006, 10:28 AM
Parent: #1
التحية للأخ العزيز القرضابي وهو يجسد القيم
التحية للأخ القرضابي وهو ينتصر لتربيته الأصيلة
التحية للأخ القرضابي وهو يقدم الصورة الحقيقية للشخصية السودانية.
التحية من بعد لك أخي الحبيب محمد سيد أحمد
نافلة
55 ألف درهم تعادل تقريباً 15 ألف دولار أمريكي
وتعادل تقريباً 33 مليون جنيه سوداني
|
Post: #8
Title: Re: القرضابى الاصيل يرفض 55الف درهم
Author: غادة عبدالعزيز خالد
Date: 06-27-2006, 11:26 AM
Parent: #7
التحية للأخ القرضاوى
و اعاننا الله
على اتخاذ صحيح القرارات
خالص الود
غادة
|
Post: #9
Title: Re: القرضابى الاصيل يرفض 55الف درهم
Author: Haytham Abdulaziz
Date: 06-27-2006, 02:33 PM
Parent: #1
الأخ الحبيب محمد كيف الحال
لقد أثلجت صدورنا بهذا الخبر و بارك الله فيك...
Quote:
يازول رفعتا راسنا
وناس جريدة الخليج ما يقولوا سودانى ولا بس فالحين لمن الخبر يكون مشعوذ ولا سكران يقولو سودانى الجنسية |
و زي ما قلت بس الحاجة تكون فيها عمل مشين يخص السودانيين تلقاها بالعربي و الإنجليزي زي عملية السرقة بتاعت السنة الفاتت... و دة كلوا محاربة لبني جنسنا و انت تعلم ان معظم الصحفيين من الملة الواطية (الزلم الغنم) اللهم أجعل كيدهم في نحرهم.
شكراً للسماح لي بالمرور،،،
كل الود... هيثم القوز
|
Post: #10
Title: Re: القرضابى الاصيل يرفض 55الف درهم
Author: خالد علي محجوب المنسي
Date: 06-27-2006, 03:41 PM
تحية من القلب ودقة باليد اليمنى على كتف القردابي ومعها نمة ( لو ما عملت كده ابقى عمي ما جابك وبت احمدونة ما حملت بك تسعة وتسعة )
الفاضل محمد سيد احمد تصحيح بسيط الأخ اسمه القردابي ,,, وهو اسم الجد الاكبر التاسع, عندما قدم لمدينة شندي وكان له أخ اسمه دمامة خاطب اهل شندي في ذاك الزمان وكانو عرب وقال لهم
يا عرب الخلاء جاكم بلى .... قردة وصل ودمامة ورى
|
Post: #11
Title: Re: القرضابى الاصيل يرفض 55الف درهم
Author: nuba
Date: 06-27-2006, 06:13 PM
Parent: #10
سلام
القردابي ياهو عمر محمد الحسن? ليس ذلك غريبآ.... فسيرة الرجل زاهية منذ كان طالبآ بالجامعة
|
Post: #12
Title: Re: القرضابى الاصيل يرفض 55الف درهم
Author: Tumadir
Date: 06-27-2006, 06:20 PM
Parent: #10
"تفتح الستارة وتظهر شخصية اعتبارية فى ملابس عادية"
تبدأ الشخصية الاعتبارية فى الردحى:
جيب لى اضانك دى هنا قريب يا قرضابى النقرصها ليك
رافض ليك "مبلغ وقدرو" ..والناس ديل فرحانين وانت تقدل؟
كان تديها لبدر الدين شتاة ده
كان تديها ان شا الله لى انا دى ..
غايتو جنس "قيم" وجنس اخلاق...
الهندى ده راجل ظريف وبس
اداك القروش وكلمك قال ليك الاغذية مدتها منتهية
فى "دول" عديل كده بتجيب اغذية مغشوشة وبتبيعها للمواطنين وبعد داك بتشيل منهم المبلغ ده مضاعف..وجب...chup تبلعو..ولا من شاف ولا من درى
يعنى انت احسن من "الدول"؟
اقوى منهم؟؟ اغنى؟ شنو قول لى بس..
انت قايل فى زول بيبقى غنيان كان ما غشى ليه "اغذية" ولا مواد بنا ولا ذمة ولا زول؟
ياسلاام ديل يفهموهم كيف ديل؟؟
وش معفرت ..وقايم صوف صوف والشخصية تتدلدل..شلاضيمها من العفرته ..حتى تبزبز.
"ستار"
تدخل تماضر "المبشتنة"
ياسلام عليك يا قرضابى ..رفعت راسنا لكن.
|
Post: #13
Title: Re: القرضابى الاصيل يرفض 55الف درهم
Author: Tumadir
Date: 06-27-2006, 07:14 PM
Parent: #12
دى وردة بعد العرض من القلب ..
|
Post: #14
Title: Re: القرضابى الاصيل يرفض 55الف درهم
Author: Emad Abdulla
Date: 06-27-2006, 07:40 PM
Parent: #13
| Quote: فسيرة الرجل زاهية منذ كان طالبآ بالجامعة |
جامعة شنو ؟؟
ياهو حالو .. فقر كده من الثانوي .. 
محمد يا قريبي .. الكيك زاتو .. أخير منو عمر 
فرحان بيك يا صديقي .. وراسي فوق
|
Post: #15
Title: Re: القرضابى الاصيل يرفض 55الف درهم
Author: Abureesh
Date: 06-27-2006, 07:49 PM
Parent: #13
الله ينصـر دينك يا قردابى..
أيوة خليك كدا دائمـا واقف لمبـة.. عمـود نص.. أصلى جنى وجن الشطـة الباردة..
تمـاضـر،
قلتى: "غايتو جنس "قيم" وجنس اخلاق..."
ما بقول ليك حاجـة، بس أزكرك بقوانين المنبــر.
|
Post: #16
Title: Re: القرضابى الاصيل يرفض 55الف درهم
Author: hajhamad
Date: 06-28-2006, 09:29 AM
Parent: #15
التحية لهذا الرجل العفيف النظيف.
الحاج حمد
|
Post: #17
Title: Re: القرضابى الاصيل يرفض 55الف درهم
Author: عثمان حسن الزبير
Date: 06-28-2006, 12:01 PM
Parent: #16
رفعت راسنا يا عمر
|
Post: #18
Title: Re: القرضابى الاصيل يرفض 55الف درهم
Author: manubia
Date: 06-28-2006, 01:43 PM
Parent: #17
التحية للقرضابي فقط لو يدري هؤلاء الاعراب
تخريمة:
الكري قطع مصارينا جزاك الله خير يا زول
|
Post: #19
Title: Re: القرضابى الاصيل يرفض 55الف درهم
Author: خالد عويس
Date: 06-28-2006, 02:05 PM
Parent: #18
أحني هامتي للقرضابي والله إن الدنيا ما تزال بخير و"السودان" بخير طالما أن أمثال القرضابي موجودون.
|
Post: #20
Title: Re: القرضابى الاصيل يرفض 55الف درهم
Author: عماد شمت
Date: 06-28-2006, 02:17 PM
Parent: #18
الاستاذ محمد سيداحمد تحيه واحترام ....ونشكرك كتير علي نقل الخبر. واقوليك ده شئ طبيعي جدا .. ناس عمر ديل جيرانا حيطه بالحيطه
اسرة من اعرق الاسر في حينا انا ما عايز اشكر لكن انا باعتقد انه ده درس لكل الناس القرأت الخبر سودانيين وخلافهم ....
ياود المنسي.. مايكون ود الحاجه نور ولا ود محمد الحسن محجوب (رحمهما الله واسكنهما الفردوس ) لو ما عمل كده ... ما اصلو الحكايه تربيه .
جاري العزيز عمر زراعه رفعت رأسنا الله يديك العافيه وتحياتي لكل الاهل
|
Post: #21
Title: Re: القرضابى الاصيل يرفض 55الف درهم
Author: فتحي البحيري
Date: 06-28-2006, 02:26 PM
Parent: #20
محمد سيد احمد
قبِّل معي يد (الزول) العفيف دا ألف مرة
وابصق معي ألف ألف ألف مرة في وجهه البشير وزمرته وكل من يظلمنا
أبعد كل هذا الرهق
يظلون هكذا
طوبى لهم
|
Post: #22
Title: هكذا يكون السودانى
Author: Ahmed Sharafeldin
Date: 06-28-2006, 02:27 PM
Parent: #1
هكذا يكون السودانى الزول البسيط ما بجييب الشين لو كان سقوهو الدم دع عنك 15 الف درهم. التحية للقرضابى و التحية لكل السودانيين الشرفاء.
|
Post: #23
Title: Re: القرضابى الاصيل يرفض 55الف درهم
Author: معتصم الطاهر
Date: 06-28-2006, 02:47 PM
Parent: #1
محمد سيد احمد
القرضابي رافع راسنا..
بس الغريبة شنو
انو ناس زى ديل برّة البلد
وناس زى ديك وا أسفاى
|
Post: #24
Title: Re: القرضابى الاصيل يرفض 55الف درهم
Author: Faisal Al Zubeir
Date: 06-29-2006, 00:39 AM
Parent: #23
انما الامم الاخلاق
اقترح على البورداب اختيار القرضابي شخصية 2006 ورفع اسمه على واجهة المنبر .
|
Post: #25
Title: Re: القرضابى الاصيل يرفض 55الف درهم
Author: عصام أحمد
Date: 06-29-2006, 00:49 AM
Parent: #24
ســـــــوداني أصيل أصيل أو أصلي ..لسه الدنيا بخير
|
Post: #26
Title: القردابى
Author: mohmmed said ahmed
Date: 06-29-2006, 01:03 AM
Parent: #1
غالبية اهل السودان فى الخدمة المدنية كانوا شرفاء زى القردابى(بعد تعديل اللقب)
بعد الانقاذ والاحالة للصالح العام
بقت اليونان تحقر بينا
والمخابر تضيف السموم
|
Post: #27
Title: Re: القردابى
Author: Nasruddin Al Basheer
Date: 06-29-2006, 02:59 AM
Parent: #26
موقف نبيل لا يصدر إلا من رجل نبيل وأصيل
مثل الأخ عمر محمد الحسن القردابي
وهو موقف يرفع الرأس ويبيّض الوجه
وفعلاً إذا كانت النفوس كباراً
تعبت في مرادها الأجسام
عاش القردابي
وعاش الهلال
وداون داون كمال شداد..
لك تحياتي وسلامي يا محمد سيد أحمد
|
Post: #28
Title: Re: القرضابى الاصيل يرفض 55الف درهم
Author: محمد ابراهيم قرض
Date: 06-29-2006, 03:22 AM
Parent: #1
آآآآآآآآآآخ وقعت في يد
(القرضابي) الغلط
|
Post: #30
Title: Re: القرضابى الاصيل يرفض 55الف درهم
Author: فيصل نوبي
Date: 06-29-2006, 04:30 AM
Parent: #28
يا ود قرض سلامات
Quote: آآآآآآآآآآخ وقعت في يد
(القرضابي) الغلط |
هو ( قردابي ) و ليس كم كتب اعلاه
المداخلة دي هدية لي ملاسي
شايفو مشغول في المهرجان
|
Post: #29
Title: Re: القرضابى الاصيل يرفض 55الف درهم
Author: صديق حمدتو
Date: 06-29-2006, 04:12 AM
Parent: #1
الأخ العزيز عمر محمد الحسن
ماك الوليدالعاق لا خنت لا سرّاق
والكلام على الأصل والتربية كما قال الأخ والصديق عماد شمت
رفعت رأسنا جميعا يا عمر وبالذات نحن ناس الامتداد
والتحية للأخ محمد سيد أحمد وهو يزين البورد بهذا الخبر السعيد
|
Post: #31
Title: Re: القرضابى الاصيل يرفض 55الف درهم
Author: أبو ساندرا
Date: 06-29-2006, 04:49 AM
Parent: #1
تحية تقدير وإحترام
|
Post: #32
Title: Re: القرضابى الاصيل يرفض 55الف درهم
Author: Tumadir
Date: 06-29-2006, 05:03 AM
Parent: #31
Quote: تمـاضـر،
قلتى: "غايتو جنس "قيم" وجنس اخلاق..."
ما بقول ليك حاجـة، بس أزكرك بقوانين المنبــر. |
...ياتو بند يا ابو الريش
عليك الله حسة انا خالفت القوانين؟؟ ما فهمت كلامك
|
Post: #33
Title: Re: القرضابى الاصيل يرفض 55الف درهم
Author: ديامي
Date: 06-29-2006, 07:35 AM
Parent: #32
تصرف طبيعي من سوداني أصيل زيك
|
Post: #34
Title: Re: القرضابى الاصيل يرفض 55الف درهم
Author: Dr. Moiz Bakhiet
Date: 06-29-2006, 07:43 AM
Parent: #33
يا ليت هذا المثال الساطع يصبح قدوة
تعيد للسوداني ما فقده في هذا الزمن الصعب
من صدق وأمانة وأخلاق حميدة
وأصبح هو من يدفع الرشوة لأذية خلق الله
خاصة من أبناء وطنه
التحية للقرضابي
وسلام خاص ليك يا ابوحميد
|
Post: #35
Title: Re: القرضابى الاصيل يرفض 55الف درهم
Author: بكري الصايغ
Date: 06-29-2006, 08:07 AM
Parent: #1
اخـي الـحبيــب،
مـحــمـد،
فـي الاول اتطلعـت عـلي عـنوان مقالتك بســرعــة، وقـلت في نفـسي باسـتغراب شـديد، مالـو محـمد الليـلة بكـتب عـن.....الـقـرضـاوي!!!، وهـو يعـني القـرضـاوي بتـهمة ال...(المـلالـيـم) البكتب عـنها محـمد!!!،
ولكـن، لاني بتـابع مقـالاتك باهـتمام، دائــمآ انت جـاد في طـروحـاتك، قـلـت نشــوف آخــرتهـا....،
وبـعد الاطـلاع عـلي الـموضـوع، لاامـلك الاوان اشــيد واحـي الاخـلاق الـعالـيــة للاخ ودالقبائــل، القـرضــــــــــــابي، والشـكـر لك اخ محـمد عـلي هذة الاخــبار الطـيـبة .
|
Post: #36
Title: Re: القرضابى الاصيل يرفض 55الف درهم
Author: عبد الله عقيد
Date: 06-29-2006, 08:23 AM
Parent: #1
الله يخليك يا القردابي
ويديك العافية
وشكرا يا محمد السيد لإسعادنا
بمثل هذا الخبر
|
Post: #37
Title: Re: القرضابى الاصيل يرفض 55الف درهم
Author: عامر تيتاوى
Date: 06-29-2006, 01:09 PM
Parent: #36
العزيز بالحيل وجمل الشيل عمر
لا ارى جديدا فانت عمر الزمان زاتو
جميل اخلاق وصادق مع نفسك قبل صدقك مع الاخرين
واضم صوتى لاولاد الحلة عماد عويس وصديق حمدتو واقول :
ماتكون ابن الغالين لو ماعملت كده ..
تسلم يمينك ياعمر
|
Post: #38
Title: Re: القرضابى الاصيل يرفض 55الف درهم
Author: خالد علي محجوب المنسي
Date: 06-29-2006, 02:47 PM
Parent: #37
بجيب قولاً صحيح في عميرة ماهو شكر
مثبوتات فضايلو من صغرو ومافي من ينكر
أبذيد الهلالي زايد عليهو قدر
عباس تور قريش منو ما بقصر
دايماً فاك ضراعو وبهو مابيفشر
|
Post: #39
Title: Re: القرضابى الاصيل يرفض 55الف درهم
Author: خالد علي محجوب المنسي
Date: 06-29-2006, 03:09 PM
Parent: #38
أمثال القردابي كتار من ابناء السودان الحبيب من لهم مواقف يحمدو عليها
القردابي والده يرحمه الله كانت له مواقف رجال كثيرة ارتقى بها في السلم الوظيفي وأعانه في ذلك نزاهتة وعفته في المال العام وصل في الخدمة ان شغل منصب رئيس بعثة الحجيج السودانية وشغل هذا المنصب لمدة تزيد عن الخمسة وعشرون عام, كان الرجل المناسب للمكان المناسب يرحمه الله ما أمتدت يده لمال الدولة ربى أبنائه من عرق جبينه فكان عمر نتاج هذه البذرة الصالحة.
والدته أم القوم تكرم الضيف في هجعة الليل اسكنها الله فسيح جناته
اخي الفاضل محمد سيد احمد الشكر موصول لك لتطرقك لمثل هذا الموضوع لا لتقديم التهاني والشكر لعمر لكن للذكرى فذكر فالذكرى تنفع المؤمن بذرتنا نحن ابناء السودان كلنا وبدون فرز صالحة ونحمد الله عليها لكن زحمة وسرعة الحياة في السنين الأخيرة أوقعت البعض منا في الرزيلة
نرجع اخوتي ونصون ملاح السوداني الأصيل,,,, الكل مثل عمر بل هناك من هو افضل منه
وفقكم الله اخوتي وأخواتي
ولكم التحية
خالد
|
Post: #40
Title: Re: القرضابى الاصيل يرفض 55الف درهم
Author: خالد علي محجوب المنسي
Date: 06-30-2006, 02:12 PM
Parent: #39
up
|
Post: #41
Title: Re: القرضابى الاصيل يرفض 55الف درهم
Author: Adil Isaac
Date: 07-01-2006, 06:40 AM
Parent: #40
تقدير وإحترام
|
Post: #42
Title: Re: القرضابى الاصيل يرفض 55الف درهم
Author: Ahmed El Gasim
Date: 07-01-2006, 07:47 AM
Parent: #41
تحية إحترام
هدا الرائع انت ..
(برعمة) دمت و سلمت
لم تفقد الطريق ولم تته..
...
|
Post: #43
Title: Re: القرضابى الاصيل يرفض 55الف درهم
Author: Dia
Date: 07-01-2006, 11:54 PM
Parent: #42
الاخوة بورداب الامارات
الاخ محمد سيداحمد
الاخ خالدعويس
لكم التحية والتقدير
اقترح ان نقيم حفل تكريمى له بالنادى العربى بالشارقة ونقدم له هدية متواضعة وندعو له اجهزة الاعلام والصحفيين السودانيين تشجيعا للسلوك القويموالوجه المشرف للسودان
لك التحايا والتقدير ياقردابى فقد رفعت راسنا عاليا
|
Post: #44
Title: Re: القرضابى الاصيل يرفض 55الف درهم
Author: خالد علي محجوب المنسي
Date: 07-02-2006, 06:57 AM
Parent: #43
من ابناء وطني جنود مجهولين
وأن اختلف الموضوع شكلاً ومضمونا النتيجة واحدة,( سوداني أصيل ) وهناك نماذج جمة نفتخر بها ونتمنى ان تكون هي ديدن كل سوداني.
نحن كذلك ( مأصلين ) ولا فخر, لكن بدأنا نتغير واخشى من ذاك التغير على مستقبل بلادنا,,, لا خوف كبير من الساسة وجشعهم على مستقبل السودان الخوف الكبير ان تتغير اخلاق ومبادئ مجتمعنا الحبيب.
في جمهورية المجر طبيب سوداني كان من الاطباء المميزين في دفعته اختارته الجامعة لتحضير الماجستر والكتوارة, فهو الان يعد من الباحثين في علوم الطب في المجر يشارك في كل المنابر الأروبية في مجال علوم الطب.
هل تصدقوا أخوتي وأخواتي ان هذا السوداني الأصيل دوما يشارك بأسم السودان,, لانه رفض الجواز المجري ومحتفظ بجوازه السوداني حتى يرجع كل فضل يقوم به لموطنه الاصل
هو الطبيب السوداني الاصيل دكتور المواغ
من هنا أحي هذا السوداني واقول اقدل بمهل وربنا يحفظك ونحن نفتخر بك
خالد
|
Post: #45
Title: Re: القرضابى الاصيل يرفض 55الف درهم
Author: Dia
Date: 07-02-2006, 11:17 PM
Parent: #44
الاخوة الاعزاء
فى محادثة هاتفية بينى وبين الاخ محمد سيد احمد تم الاتفاق على يقوم الاخوة بورداب الامارات بعمل احتفال يليق بالاخ القردابى . وسوف يقوم الاخ محمد سيداحمد بعمل التنويه لذلك والتنسيق مع الجميع وتحديد المواعيد . ارجو من الاخوة التكاتف لابراز هذا السلوك القويم الذى ينم وياصل لسلوكنا السودانى القويم الامين الرشيد فى وقت ارادت فئة الفساد ونهب اموال البلاد ان تاصل لكل ماهو سىء واضحت الرشوة والمحسوبية سمة لدولتنا التى تذيلت قائمة الشفافية وسرق البعض حتى دواء الاطفال .
لكم التحية والتحية لك ياقردابى فقد رفعت راسنا عاليا ورفعت من روحنا المعنوية بعد حالات الانحطاط والفساد السائدة فى بلادنا.
بارك الله فيك وفى والديك الذين ربوك هذه التربية فانت ابن صالح لهم والتحية للاخ محمد سيداحمد الذى ينفحنا دوما بكل جميل.
|
Post: #46
Title: Re: القرضابى الاصيل يرفض 55الف درهم
Author: Muhib
Date: 07-02-2006, 11:37 PM
Parent: #45
الرجل المناسب في المكان المناسب وليت الجميع بهذه الاخلاق
|
Post: #47
Title: Re: القرضابى الاصيل يرفض 55الف درهم
Author: إسماعيل وراق
Date: 07-03-2006, 06:58 AM
Parent: #46
يمكننا القول أن السودان بخير طالما فيه أمثال هذا الرجل العفيف.
له التحية والتقدير
.
.
شكراً أخي محمد سيد أحمد
|
Post: #48
Title: Re: القرضابى الاصيل يرفض 55الف درهم
Author: خالد علي محجوب المنسي
Date: 07-04-2006, 02:38 PM
Parent: #47
up
|
Post: #49
Title: Re: القرضابى الاصيل يرفض 55الف درهم
Author: خالد العبيد
Date: 07-04-2006, 08:38 PM
Parent: #1
العزيز محمد
تحياتي
حقيقة هزني الخبر
كل التحايا والاعتزاز للاخ القرضابي
والسودان بخير مادام في امثال هذا الرجل
يا قرضابي انت عنوان للسوداني الاصيل
|
Post: #50
Title: Re: القرضابى الاصيل يرفض 55الف درهم
Author: wedzayneb
Date: 07-04-2006, 10:06 PM
Parent: #49
سلااااااااااام!
لم أستغرب حدوث مثل هذا التصرّف من الأخ عمر محمّد الحسن.
أعلم أنّ الأخ عمر صديق عزيز لقريبي و صديقي الحميم: بشير حسن يوسف.
أنهم ذريّة بعضهم من بعض، فطرت قلوبهم و أرواحهم علي كل القيم الانسانيّة الفاضلة.
تحيّاتي الصادقة للأ خ عمر و عبره، مشكورا، لقريبي و صديقي بشير حسن يوسف.
طارق الفزاري
ود زينب
لا
|
Post: #51
Title: Re: القرضابى الاصيل يرفض 55الف درهم
Author: Salwa Seyam
Date: 07-04-2006, 10:09 PM
Parent: #1
تحيه واحترام
تعظيم سلام
للقرضابى
|
Post: #52
Title: Re: القرضابى الاصيل يرفض 55الف درهم
Author: الزاكى عبد الحميد
Date: 07-04-2006, 10:33 PM
Parent: #51
ما أجملك يا وطني بأبنائك..
التحية لكم جميعاً..
الزاكي
|
Post: #53
Title: Re: القرضابى الاصيل يرفض 55الف درهم
Author: احمد العربي
Date: 07-04-2006, 11:16 PM
Parent: #52
ولا كلمه يا قرضابي
ياقليل الدناوه
يا زول يا عظيم
تحزيرات تماضر قبل وقوع حالة النقاء بي كمين شهر
 
يابابا هسع انا اعمل شنو
مع البامبرز الكمل ده
وانا ماشي السودان ايجازه؟
هل تعلمو انا هذا القرضابي
كان يواجه كميه من الضغوط الماديه
بالظروف الكان بيمر بيها في ايام هذا التجرد من الانا
اقلاها سفر الاولاد للسودان وكنت اتابع معه ذلك وهو في
صمته المعهود لايكل ولا يمل
تحياتي ايها الابي
|
Post: #54
Title: Re: القرضابى الاصيل يرفض 55الف درهم
Author: إسماعيل وراق
Date: 07-05-2006, 00:50 AM
Parent: #53
الأخ محمد سيد أحمد
الأخ القرضابي
الأخوة الأعزاء
راجعوا عمود كلمة الحق الذي سوف ينشر بصحيفة السوداني يوم غد الخميس بعنوان (إنما الأمم الأخلاق).
.
.
لكم مودتي.،
|
Post: #55
Title: Re: القرضابى الاصيل يرفض 55الف درهم
Author: ود شندي
Date: 07-05-2006, 10:21 AM
Parent: #54
غايتو جنس صوره مقلوبه (سوداني من بلد قمه الفساد)
هي،هي،هي
دا كلام الهندي ما انا
(وش زي الفشفاش)
ومن ديك الهندي حلف الا يبقي جعلي
،،،،،
هييييييييييع
عفيت منك وراضي عليك
يا ود القبايك
هيلك من قديم وسيرة ابوك مطريه
ود شندي
|
|