Post: #1
Title: مسخرة في سهرة امس التلفزيونية
Author: mohmmed said ahmed
Date: 10-10-2005, 03:56 AM
كل مرة اكتب عن مهازل التلفزيون يطلع لي واحد يقول تستاهل انت البوديك تعاين شنو
السهرة عبارة عن جلسة محاكمة لمسلسل بعنوان تجربة الانتاج المشترك في مسلسل الغول
اها
من اول مداخلة للسر السيد وهو كان مسؤل الدراما في التلفزيون عند انتاج المسلسل
السر السيد يفول المسلسل ما كان انتاج مشترك التلفزيون السوداني دفع كل تكاليفه
اها اذا مافي قضية ولا في موضوع للمحاكمة
لكن المكاجرة وقوة العين مقدم السهرة قسم الله الصلحي يتلفت ويخرمج من الشرق والغرب
منذ البداية يتضح ان ليس هناك اى اعداد للسهرة لا معلومات ولا حيثيات كلام والسلام
الصلحي لم يستطع اخفاء تربصه الفاضح ضد السر السيد
الموضوع فيهو كلام تحت تحت وضرب تحت الحزام بين القادم والصاعدالصلحي وبين السر السيد
الصلحي يستخدم عبارة وصلت الفكرة لقمع اي راي لا يتفق معه ويسحب من المتحدث الفرصة
تدخل مذيعة نشار تصر علي الحديث بالفصحي ولا تجيدها
استخدام مصطلحات بشكل عشوائى ودون معلرفة ودراية
تحدث البعض عن استهداف وانوخلاف سياسي ولم ادري ماهو
من العجيب احدهم تحدث بان الانتاج المشترك هو انتاج فني يعني مشاركة ممثليين سوريين دا انتاج مشترك
البعض يدافع والاخر يهاجم والله دا احسن مسلسل في تاريخ الدراما السودانية والتاني يقول لا
لم ادري ما الحكمة في مناقشة امر مسلسل بعد 6 سنوات من عرضه
كنت اتوقع التطرق للمستوى الفني الرؤية الفكرية السيناريو الاخراج
والاجابة علي سؤال هام هل كانت هناك ضرورة فنية للاستعانة بممثلين من سوريا
وهل عكس المسلسل قضايا واقعية تهم المجتمع السوداني هل كانت هناك ضرورية درامية للاستعانة بهم
وما هو راي المشاهد في المسلسل
ما احزنني مستوي حوار من يعتبرون نقاد مسرح ومستوى الاداء الحواري لمن شارك من من يعتبرون من نجوم ونجمات الدراما السودانية
يا ناس السودان نورونا الحاصل شنو بين الصلحي والسر السيد
لكن غايتو ضحكونا بكوميديا فارس على الهواء
|
Post: #2
Title: Re: مسخرة في سهرة امس التلفزيونية
Author: Yasir Elsharif
Date: 10-10-2005, 04:12 AM
Parent: #1
يا شيخ نحن أمبارح كنا في سهرة في القناة المصرية مع الشاعر الفنان الإنسان عبد الرحمن الأبنودي كانت قمة في الروعة.. ندمنا أننا لم نسجلها.. نأمل في إعادتها مرة أخرى فنتمكن من تسجيلها.. هل يمكن لأحد أن يدلني على مكان أجد فيه برنامج الفضائية المصرية مكتوباً؟؟
وشكرا للكتابة عن مسخرات التلفزيون السوداني يا محمد سيد أحمد .. وممكن تنزل ما وعدت به بالرطانة ..
|
Post: #4
Title: Re: مسخرة في سهرة امس التلفزيونية
Author: Yasir Elsharif
Date: 10-10-2005, 05:30 AM
Parent: #3
لك الشكر الجزيل يا عزيزي عادل عثمان..
البرنامج غير معاد اليوم.. ولكن سأتابع ، فقد يعاد في الأيام الجاية..
|
Post: #5
Title: رد
Author: mohmmed said ahmed
Date: 10-11-2005, 04:02 AM
Parent: #1
امس ظهر علي الشاشة
صحفي حلفاوي يعمل في الوان اسمو زكريا حامد حلفاوي يعني من اندنا
الزول دا عمل لينا وجع وش طوالي علي الشاشة
المهم اول ما ظهر كدا قلت لزوجتي اوعا يحكي النكتة ديك
الزول طوالي قبل ما اكمل كلامي
بدا لمن كنا في مصر ونحنا في الاوتوبيس وجا الكمساري السمار من وين من السما انا برضو اولت كدا الحلاوة دي مش ممكن تكون من الارض
اها ياجماعة وما طالبني حليفة الطرفة دى انا سمعتها من خشم الزول دا وفي تلفزيون السجم دا اكتر من 5 مرات
وهسا اها هنا يمكن يقرؤها الناس الما بشوفو تلفزيون السودان
لكن الزول دا البحلو مننا شنو
كرهتنا يا اخ
الله يلعنك ويلعن حمزة عوض الله معاك
|
Post: #6
Title: Re: رد
Author: Hussein Mallasi
Date: 10-11-2005, 05:11 AM
Parent: #5
صنع الريموت لتسهيل عملية الانتقال من قناة - برنامج -
لا تروقنا؛ و لكنه سيكون بالنسبة لمحمد سيد احمد الوسيلة التي
سيحطم بها التلفزيون عند مشاهدته برنامج - قناة - لا يروقه.
الجديد في النكتة بتاعت زكريا يا محمد؛ هي استشهاده
بمولانا في معرض سرده للنكتة ... حيث لم يحر مولانا جواباً!
|
Post: #7
Title: Re: رد
Author: خالد عويس
Date: 10-11-2005, 06:05 AM
Parent: #6
محمد سيدأحمد
رمضان كريم وكل سنة وانت طيب
أها أنا زول نصيحة: تلفزيون السودان ما خاتي، خاتي انت، انت البوديك لي هناك شنو؟؟ أنا لي سنوات تلفزيون السودان ده بي جنبو ما بمشي
|
Post: #8
Title: رد
Author: mohmmed said ahmed
Date: 10-11-2005, 02:42 PM
Parent: #1
والله يا ملاسي
نحنا برضو قرينا في مصر وبرضو حلفاوين
وزي الحكايات دي بالعشرات ليه ما يدونا فرصه
العزيز خالد
كل يوم نعاين يمكن نلقا حاجا سمحة يعني مرة كدا
نشوف محجوب شريف ولا حميد ولا القدال ولا الصادق الرضي
مرة نسمع عركي ولا الهادي الجبل ولا شرحبيل
مرة نشوف نقد ولا التجاني الطيب
مرة نشوف نشرة بلغة الدينكا وموجز بالحلفاوي
نشوف دراما تعبر عن البلد وناس البلد
لكن
تفتح ينط ليك حمزة عوض تقبل كدا ناجي تلف وتجي الزول بتاع الشعر داك عبد ابن المقفع
ولا المذيعة القالت للطيب صالح الكمونية ولا زول كريه كدا فى وجه النهار د منو كدا كل مرة ينهر في الناس
|
Post: #9
Title: Re: رد
Author: Hussein Mallasi
Date: 10-11-2005, 03:20 PM
Parent: #8
هل تصدقني يا محمد سيد احمد ان قلت لك ان زكريا كان مساء اليوم – ايضاً –
ضيف برنامج المنوعات الذي يبث عقب الافطار على تلفزيون ولاية الخرطوم.
اما نكتة اليوم فقد كانت عن ذلك الشحاذ الذي كان يمدح في البص قائلاً :
يا راحلين الي منى ..... الخ
فانبرى له الراكب قائلاً:
الباص دا ماشي الكلاكلة ما ماشي منى!
|
Post: #10
Title: Re: رد
Author: سيف النصر محي الدين محمد أحمد
Date: 10-12-2005, 02:58 AM
Parent: #8
بمناسبة برنامج وجه النهار في ناس في السودان بيسموهو : وجع النهار
|
Post: #11
Title: Re: رد
Author: salah elamin
Date: 10-12-2005, 03:22 AM
Parent: #10
انا فتحت التلفزيون
ونادر ما افعل ذلك
لكن مجرد ماشفت حمزة عوض الله
قفلت التلفزيون طوالي .
|
Post: #12
Title: رد
Author: mohmmed said ahmed
Date: 10-12-2005, 12:39 PM
Parent: #1
حمزة عوض الله دا زول ماخد في نفسو مقلب كبير
حكاية دكتور دى عاملا ليهو جن
لازم يستضيف دكاترة وبعدين السؤال المفضل
بالله يا دكتور علاقة الطب بالشعر شنو
وبالله يا دكتور علاقة الطب بالموسيقي شنو وعلاقة الصيدلة بالغنا شنو وعلاقة الكديس بالفار شنو
وفرحتو الكبيرة لمن يجيب ليهو زول وتعال شوف يا برو ف يا بروف
|
Post: #13
Title: Re: رد
Author: Mamoun Ahmed
Date: 10-13-2005, 05:30 AM
Parent: #12
عليك الله يامحمد سيد احمد
ملفتت نظرك جهجه المخرجين والمذيعين
لمن تجيهم مكالمة تلفونية مباشرة؟
شيء فظيع
تخلف في الحضور والتكنولوجي
لاحظ دي في برنامج قناديل لروضة الحاج
والمتدهور بسرعة الصاروخ
|
Post: #14
Title: Re: رد
Author: ودالعباسية
Date: 10-13-2005, 12:25 PM
Parent: #13
السلام عليكم ،،
والله مشكلة التلفزيون والناس البقدموا فى التلفزيون مصيبة ،،
قبل كم يوم فى برنامج المنوعات بعد الافطار كان الفنان بقدم فى
الوصلة بتاعته ،، وكان المخرج الزيز عايز يعمل حركة فجايب منظر
عام للاستديو من فوق ،، وجايب معاه بتاع الكاميرا الموجود قدام الفنان
فى الحظه دي كان موعد اذا العشاء ،، فتخيلوا عمل شنو بتاع الكاميرا
دا قدام الناس كلها قعد يأشر بى ايده على انه الصلاه زي الزول البكبر
عشان المزيع والفنان يعرفوا انه وقت الاذان ،،،
هل الناس ديل التكنلوجيا ما وصلتهم لسه ،، دلوقت اي مزيع بكون عنده
سماعة مباشرة مع غرفه المخرج عشان يكلموا بى اي شئ يحصل ،،
لكن عندنا مافى ،، والغريبة بشوف مركبين سماعات ،،
الطرفة التانية وهى لى مذيعة ما عارف اسمها منو بس قديمة جدا ،،
وبرضو فى برنامج المنوعات وكانت الفنان سمية حسن بتغنى وبعد ما انتهت
من الاغنية المذيعة ما عرفت تقول ليها شنو فقالت ليها ،،
( الله ،،،،، ياسمية حسن ،،،،،،، فنانه ) الفواصل دي تخيلوا معاي انه المذيعة
بتكون ساكته فيها ،،،
غايتو مصائب ،،
|
Post: #15
Title: Re: مسخرة في سهرة امس التلفزيونية
Author: هشام عبدالعاطي
Date: 10-13-2005, 12:45 PM
Parent: #1
والله يا جماعة أنا برضو بطلت أشوف تلفزيون السودان إلا الشديد القوي
زمان كان المريخ لاعب مع فريق من اليمن والكوره على ما أظن تلفزيون السودان نقل منها الشوط الأول بس
جات مواعيد نشرة الأخبار وكان السيد عمر الجزلي بيذيع في النشرة وبعد خلص قال إنو المريخ مغلوب أو متعادل تقريبا مع الفريق اليمني، لينقل المشاهدين بعد ذلك إلى النشرة الرياضية مع الزميل كمال حامد وقبل ما الكاميرا تمشي لي كمال حامد صاحبنا راح مطلع لسانو لي أخينا كمال حامد باعتبار انو مريخابي على ما أظن؟؟؟؟؟؟؟؟؟؟
في زول فيكم شاف الحكاية في تلفزيووووووووووووووون السوداااااااااان الذي ندفع له نحن من دم قلبنا تحت بند القناة الفضائية عشان عمر الجزلي يجي يطلع لينا لسانو في التلفزيون..
أها من ديك أنا كرهت حاجة اسمه تلفزيون السودان ومع ذلك قاعدين ندفع القناة الفضائية.........
رايكم شنو؟؟
|
Post: #16
Title: Re: مسخرة في سهرة امس التلفزيونية
Author: نادية عثمان
Date: 10-13-2005, 08:02 PM
Parent: #15
انا بس غايظنى أكتر شئ بدلة المذيع الاكبر منو !!!
والديكور الثقيل بتاع استديو المنوعات !!
|
Post: #19
Title: Re: مسخرة في سهرة امس التلفزيونية
Author: هشام عبدالعاطي
Date: 10-14-2005, 12:47 PM
Parent: #16
قصدك الاستوديو العامل زي كشك الليمون دا
|
Post: #17
Title: مسخرة في سهرة امس التلفزيونية
Author: ايهاب مهاجر
Date: 10-13-2005, 08:47 PM
Parent: #1
أجمل واوفى تعليق للشاعر الكبير التجانى سعيد
فى اجابة اسئلة حوار صحفى عن تلفزيون السودان ان قال:
كلما ابتعد عن التلفزيون ازداد ثقافة...
|
Post: #18
Title: Re: مسخرة في سهرة امس التلفزيونية
Author: Outcast
Date: 10-13-2005, 11:30 PM
Parent: #17
كله كوم .. و المذيعتين اللابسات الكابات (ٍSport Caps) فوق التياب..كوم تانى ....و كمان شايلات يافطات كبيرة مكتوب عليها " سهرةألاحد" ؟؟؟؟؟؟؟؟؟ عجبى..
|
|