نشال القلوب...............................................

الليل شايلو شوق ودانى بلدك شاقى
وشايل ريد سنين شاحن معاها أشواقى
ريحة عنبرو التوّرْ على عشراقى
فتق جرح أزاى يا بدرى وين عشاقى
زولك جاك بزح إلقاك مساهر هامى
وخرمان يا الشهاك شاهيك غدربو ورامى
يا الحادق اللهيج أنا قلبى عشقك رامى
ونبتن فى القلب شتلات هواك وغرامى
ود عينو إن وقع فى العين بنضمن جَهَرو
وفيهو جنس جمال يات من قنصبو انْقَهرو
معدوم متلو مافيش قطْ طبيق فى دَهْرو
يا فرس الرهان مافيش بدالك مهرو
زايد فى السماح دايما بهرشك أسدو
وديمه الناس تحن لى مثلو لمن حسدو
هبار للشرك جبخان قنيصهم فسدو
وتجار الغرام بارت عروضهم كسدو
ماهر فى الكلام تحلف تقول دحدوح
وعزاف للحروف وسط الجميع ممدوح
شدر الريد تظنو بغنى ديمه تسوح
وتفضح سر هواها الكاتمه كلو تبوح
يا راعى الظروف أرواحنا أرعى لحاله
وعقد الريد نجيك بندور تكون حلالا
راكبين فوق تلوب متل التقول رحاله
وأمسح للقديم تبنا الذنوب أمحاله
وقت الباب قفل والشوفه قالو محاله
طلقت فينا نار متل التقول ملاله
العين شاف غزال قام بالصنق فلالا
رجفت روحو لا صاد لا صبح حَلّالّه
بلقيس فى الجمال محروس حراب وسيوف
والزول كان جبل إن شافو بس منسوف
إن مرق الصباح شمس النهار مكسوف
وإن قدل العشاء قمر الطلوع مخسوف
حَجُونا وصنفنا وقالو فيهو حكاوى
وشفنا جمالو فى عين العجوز الراوى
عينو عديل تَشِلْ وكان لمسنا بداوى
نشال القلوب ما بسويّ زيو الحاوى




منصور

نشال القلوب...............................................

الليل شايلو شوق ودانى بلدك شاقى
وشايل ريد سنين شاحن معاها أشواقى
ريحة عنبرو التوّرْ على عشراقى
فتق جرح أزاى يا بدرى وين عشاقى

زولك جاك بزح إلقاك مساهر هامى
وخرمان يا الشهاك شاهيك غدربو ورامى
يا الحادق اللهيج أنا قلبى عشقك رامى
ونبتن فى القلب شتلات هواك وغرامى

منصور سلام وتحية..

كل سنة وأنت والاسرة الكريمة بخير..
الموضوع شنو ؟
خّليت الدنيا قايمة قآعدة..
وبقيت تكتب فى الاشواق والغرام ؟

عزيزتنا المكه بنت المك نور تاور السلام ورحمة الله عليك والبركات نعم أتابع وبدقة متناهيه كل ما هو دائر للمعرفه والإستزادة فيها إلا أننا جُبلنا
على القول وورثنا ذلك الذى ترينه ويجرى فى الأوردة والشرايين ويتأكسج
بالأكسجين الذى نستنشقه ونستنسره غناءَ عاطراَ كما ترين فقد قال الجد
الأمين حسن البدرى لبدرى الأمين عندما كانا ذات صباح ممطر يقفان على كتف شخيتير (وكـــلبهما باسط ذراعيه بالوصيد) وذيله يلعب فرحا
بفرحهم والأرض كستها خضرة السعد والرمت والضريسه وأمتلأت رئتيهما بالحياة فجاءت من تمشى على إستحياء خاتمة لهما بعد أن قامت لتوها
من ساونة الدخان وعطرها مع الرزاز يُحْدِثُ أفاعيلا عجاب فقال الأمين ود حسن لصنوه بدرى الأمين
شرفت وَقّلّت شافت كـــلبنا معانا
وأنسندت على ساقاَ رهيف بنيانا
شوف دخان الضحى القالباهو فوق سيقانا
يا بدرى الأمين شبنا السفاهه كفانا

ومن بورتسودان حيث كان يوسف البدرى حكيما وكان يجاور حضارمة
لهم نساء كما العين وقام ذات صباح فجرا ليتوضأ فراى العجب العجاب
تنزل من السلام بعد أن قطفت فلة من البلكونه مستهلة صباحها الذى يخالف
صباح توفيق صالح جبريل فى كسلا عندما ظلت غيده والغوارير صرعى والأباريق بتنا فى إطراق لذا كتب يوسف البدرى روعة ما رأى وبعثها
ليوسف نورالدائم فالأول صهر دكتور الحبر يوسف والثانى والده قائلا

يا يوسف أخوى قمت الصبح لأصلى
لاقانى العجب من تانى دور متدلى
بريبة عسين ديسك سدر متدلى
وفله وشايله فله وفى قلوبنا تفلى

وعمنا عمر محمد حسن المعجزه والذى توفى فى عمر العباقره فى فجر صباه كالتجانى يوسف بشير وأبوالقاسم الشابى ولكنه ترك أثر الجبابرة
والجحاجحة المراجيح فقد كان يعمل فى الجزيره مع بعض أترابه وكانت
بنت عمه التى ملكت روحه وسلبت جلده وإهابه منه محبة وعشقاً هلامياً خرافى وكانت أمه كذلك معها فى ذات الربع وعندما كان أحد أصدقائه
نازلا البلد سلمه مصروفاَ لأمه لقهوتها ورساله شفهيه لبنت عمه يقول فيها

أغريها السلام يا خلى وحياة دينك
ووحياة الوداد الباقى بينى وبينك
أجلس بى إحترام خلى الحواجز بينك
وأوعى يطير سهم من عينا يقلع عينك


فذلك الغناء تسرب فى الروح وهدّ فيها وتشربت مفعوله ولا يمكن لها أن
تنفك عنه ويأتيها عفو الخاطر عطسة كما قال الشاعر البديع الكتيابى

والشعر أصبح فيك شيئا مثل بادرة العطاس

لا بل تغنى ذلك الصوفى السالك ببديع الغزل عميقه وصادقه وأطربنا آيما إطراب حين قال
إنى تهيمنى هواك وشفنى
ومسافرٌ لك منذ كان النخل ينبت فى الجبل
الزاد خير الزاد نورى مقلتيك
ومن إستنار بمقلتيك فقد وصل
حتى ولو رجع التراب إلى التراب

فيا عزيزتى نور وغير هولاء عزف العشق سيف الدسوقى ورمى نخلة العشق محى الدين الفاتح وهزّ نخلة العشق العباسى فى مليط وعهد جيرون
وأقام تحت سنطة العشق فى أمبادر الناصر قريب وهام فى حوارى العشق بأمدرمان محمد الواثق فهل أنا جئت بفريةٍ غير الذى جاء به
أبدا لا وطبعا لا ومن الدائر والذى أسرنى وتملكتنى الرغبه أن أشارك فيه بوست طلعت الطيب نيتشوية الخاتم فأنا خارج من حروب كثر لا بل أثقال
حروب والمحارب يحتاج إلى إستراحة حتماً.

ألف ودى وشكرى لك وألف تقدير على تفقدك لى ولك السلام.


منصور

ود عينو إن وقع فى العين بنضمن جَهَرو
وفيهو جنس جمال يات من قنصبو انْقَهرو
معدوم متلو مافيش قطْ طبيق فى دَهْرو
يا فرس الرهان مافيش بدالك مهرو

زايد فى السماح دايما بهرشك أسدو
وديمه الناس تحن لى مثلو لمن حسدو
هبار للشرك جبخان قنيصهم فسدو
وتجار الغرام بارت عروضهم كسدو

ماهر فى الكلام تحلف تقول دحدوح
وعزاف للحروف وسط الجميع ممدوح
شدر الريد تظنو بغنى ديمه تسوح
وتفضح سر هواها الكاتمه كلو تبوح

يا راعى الظروف أرواحنا أرعى لحاله
وعقد الريد نجيك بندور تكون حلالا
راكبين فوق تلوب متل التقول رحاله
وأمسح للقديم تبنا الذنوب أمحاله

وقت الباب قفل والشوفه قالو محاله
طلقت فينا نار متل التقول ملاله
العين شاف غزال قام بالصنق فلالا
رجفت روحو لا صاد لا صبح حَلّالّه

بلقيس فى الجمال محروس حراب وسيوف
والزول كان جبل إن شافو بس منسوف
إن مرق الصباح شمس النهار مكسوف
وإن قدل العشاء قمر الطلوع مخسوف

Quote: الليل شايلو شوق ودانى بلدك شاقى وشايل ريد سنين شاحن معاها أشواقى ريحة عنبرو التوّرْ على عشراقى فتق جرح أزاى يا بدرى وين عشاقى

غافر برضي لي محبوبي يسعد ياهو كل مناي
يرفل في نعيم الدنيا اعيش انا في محيط مأساي
مايهمك عشيشنا البدري يومو الوصلتو الهبباي
هايم كل عزاي طمبوري بلهـج ولي الجمال غناي
ياما في الغرام في مظالمة محرومين وماني براي

الدكتوره وضاحه كل سنه وأنتى والأسره بألف خير وألف حمدا وسلامة للوالد
والشكر الجزيل لك على ذلك النظم المتسق الدال على معانٍ تعنيها ويتماشى مع
إيقاع النص الشكر والتقدير والسلام

حَجُونا وصنفنا وقالو فيهو حكاوى
وشفنا جمالو فى عين العجوز الراوى
عينو عديل تَشِلْ وكان لمسنا بداوى
نشال القلوب ما بسويّ زيو الحاوى