لا جفّ قلب الزول قَبُل لا كان عليكم يوم جفا مطمور غرامو يهاتى بيك وأشواقو ليك مردفه كل الصعاب البينو بينك كان حصاها ونتفه وعبّدْ طريق الريد عليك جاييك زاحف فوق قفا شايل شتول الريد محنه وبرضو زارع فى الطريق للشاف جناين للوفا لامن تحن وتقول خلاس الجانى منك داك كفا من قلبو ليك كل الغلط والجفوه والصد والعناد بى كل مشاعر ليك عفا ما نحن ناس نغلط دوام ونعيد غلطنا مع السنين كدب البقول قط ما هفا وغرف الفؤاد بى صبر نمل وجهد نحل أحسن عدادا ونظفا وراجيك يا ست البنات أحسن مزاج وآخر صفا وراجيك يا ست البنات أحسن مزاج وآخر صفا
منصور
Post: #2 Title: Re: مطمور غرام............................................................... Author: خالد علي محجوب المنسي Date: 07-14-2014, 09:55 PM Parent: #1
الجانى منك داك كفا من قلبو ليك كل الغلط والجفوه والصد والعناد بى كل مشاعر ليك عفا ما نحن ناس نغلط دوام ونعيد غلطنا مع السنين كدب البقول قط ما هفا
واللوم أصلاً بجي بالغفلات يا منصور رمضان كريم كلام حلو كتير تسلم يا رائع تحياتي ومودتي
خالد محجوب المنسى يا الماك محجوب وماك منسى سلام من الله عليك والبركات وألف رمضانكم كريم وشكر الله لكم إستجابتكم لما نكتب وتقريظكم له ممنونين يا خالد ونسأل الله لكم اللطف والقبول والثواب
العزيز معاويه المدير لا يحلم باللبن إلا من يمتلك بقرته ولا يحلم بالنقود إلا من إمتلأت محفظته وما غير ذلك فأضغاث أحلام ومن يدريها غير يوسف فينا!! شكرا ياخ فقط خروج عن النمط وتسخير الدربة فى ما هو مفارق ولك السلام
ودالمفتاح اسعد الله اوقاتك اجمل الكلمات هي التي تكون صادقة تشعر بها وانت تكاد ان تلامس السحاب. دوما يامنصوركلماتك رائعة تسلم
Post: #10 Title: Re: مطمور غرام............................................................... Author: خالد علي محجوب المنسي Date: 07-15-2014, 09:47 PM Parent: #9
Quote: خالد محجوب المنسى يا الماك محجوب وماك منسى سلام من الله عليك والبركات وألف رمضانكم كريم وشكر الله لكم إستجابتكم لما نكتب وتقريظكم له ممنونين يا خالد ونسأل الله لكم اللطف والقبول والثواب
تعرف يا منصور أول مرة ألاحظ معنى أخر في أسمي محجوب ومنسي طبعاً منسي دي لصقها فيني بكري ابو بكر الله يدي العافية ويذكرني بها الحبيب ود المرتضى محمد دوماً ويناديني خالد الما منسي لكن محجوب حقتي عشان كدا بمسك قوي في خالد وعلي دندن ونم يا جميل الحرف والروح ومتابعين معاك ونسأل الله اللطف القبول والثواب مودتي وتحياتي
العزيز خالد سلام من الله عليك والأهلين والأسماء دلالات للتمييز والتحديد فبقرنا نسميها وكلابنا نسميها ونسمى بعضنا بغير أسمائهم وتسود وكل إسم يرتبط بمعان لاصقه تتداعى للحضور كل ما ذكر ذلك الإسم فخالد محجوب تريك السماحه والعفويه والأصاله والمروءه والإيثار وتريك ما هو أجمل من ذلك فأبقى على خالد وحتى على المنسى فقد نفض الطيب صالح عنه الحجب والود لك
Post: #16 Title: Re: مطمور غرام............................................................... Author: خالد علي محجوب المنسي Date: 07-16-2014, 08:50 PM Parent: #15
وإنتى بتقولى بتخوف هى بتخاف من شوفتك إنتى ومن محاسن فيك بترجف زى شتا وزرزور وزيف أمو جنحاتا بتردِّفْ
هيييييه يسلم فاك قول ... ونِم وجيب من مرهم القلوب علاج قال عتيق البداوي جروحك شفتَّ يا سقمان من عصير الند البنضحو الرمان يا رب نلقى فيه رشفة عصير الند هذا يداوي ما بنا من جِراح
جيبو ورق وإنفرق يا منصور وينصر دينك ويربي عوينك وهيييييع زي مابقول ود شيقوق مسنوح المسانيح كُت بقول هذا القول لنفسي لكن الليلة بقولو ليك يا بديع ورائع إت الككو الفجخ الطين وقدل فيهو وأقدل فوق عديلك وسر