أراضى الخرطوم المواقع والخصائص والأسعار.........

أراضى الخرطوم المواقع والخصائص والأسعار

لا أدرى من يصنع الأسعار بأراضى الخرطوم ومن يتحكم فيها وعلى أى منطق
وهل صار السودان الخرطوم أم أن الأمر عاما ولماذا لم يكن عاما أما حان
الوقت لصناعة مدن جاذبه غير الخرطوم التى صارت قاتلة لا تحتمل وأنها تحمل
فوقها أكثر من طاقتها ولا تقدم المطلوب من الخدمات الواجبه فى فقه العمران
الحضرى فما هو سر غلاء أراضى سوبا ولجريف شرقا وغربا وأرياف بحرى
فيا قدور متعنا بالحقائق متعك الله بالصحه.



منصور

أراضى الخرطوم المواقع والخصائص والأسعار

عارف يا منصور انا دا الغز الما لقية ليه حل


وخاصة لما امشى السودان واتفرج فى الشوراع والزحمة و اوجه الناس التعبانة التى تعانى من صعوبة المعيشة

والمستشفيات الفقيرة التى احزننى الخدمات فيها والاطباء الغير مؤهليين والنيرسس التعبانين

والتعليم حاجة عجيبة كل ركن فيه مدرسة خاصة بس مدارس تعبانة

بندهش عندما اسمع اسعار الاراض والبيوت

نحن بنحاول نصفى حاجاتنا فى السودان عارف لما ابوى يقول لى البيت الفى المكان الفلان جاب 3 مليون دولار

بندهش بقول لى يا ابوى انت بتتكلم كيف فى لندن وكندا وامريكا مافى اسعار زى دى

السودان الوساخن دا يكون سعر البيت كده

وخاصة الشقق عندنا شقق في نمرة 2 السماسرة قيموا الشقة بى 250 الف دولار اتخيل

بالله ورينى سر الغز دا شنو يا منصور لو بتعرف

الاخ منصور
تحياتي

انا اشتريت ارض في الوادي الأخضر، واهم سبب لي انو ما مفروض تدفع في السودان في قطعة أرض مساحتها
500 متر اكتر من ال_ 8 الف ريال الدفعناها.
سعر منطقي ومعقول

اما الارثام التي تسمعها زي نص مليون دولار لقطعة ارض في الرياض مثلا، فهذا ليس الا الوجهة الآخر
لتجار العملة للحفاظ على قيمة ما بايديهم من اموال. عند هبوط الجنية مقابل الدولار، طوالي
صاحب الأرض ح يعدل في قيمة ارضه عند البيع حسب السعر الجاري، الواحد يقول، يا اخوانا الواطة لا بتاكل
لا بتشرب لييه سيدها زاد سعرها، هو حقيقة ما زاد سعرها، هو حصل على نفس المبلغ المكان ممكن يحصل
عليه لو باعها في زمان آخر. دا من ناحية
من ناحية اخرى، الارض نفسها بقت سلعة، في حين انها ليست مصنفه كسلعة للتجارة بها، لكن مع حال السودان
المايل في قوانين التجارة والصناعة المتخلفة، ليس من الاجدي ان تفتح ليك دكان ولا مصنع، احسن شيء
تقعد تشتري وتبيع في الاراضي.
من ناحية ثالثة، 8 مليون سوداني بالخارج يحلمون فقط في امتلاك ارض في الخرطوم، وليس غيرها
اضف الى ذلك الملايين الهاربين من قصف الطيران البشيري، كله يهرب للخرطوم، فالطلب عالي بل عالي جدا.

تحيات أخ منصور
أنا عندي تصور لمسألة غلاء أسعار الأراضي المبالغ فيه في السودان بحيث لا يتناسب مع متوسط دخول الأفراد ويمكن تلخيص أهم هذه الأسباب في الآتي على سبيل المثال لا الحصر:
1- الفساد ودخول أموال مغسولة بكميات مهولة تم تنظيفها عن طريق شراء العقارات
2- الهجرة الداخلية الكبيرة من الريف إلى المدن وتحديدا العاصمة المثلثة
3- التنمية الغير متوازنة
4- هجرة الكثير من أبناء وبنات الشعب السوداني خارج السودان ورغبة الغالبية ممن يمتلكون عملات حرة في الإستقرار في العاصمة مما زاد في الطلب على القطع السكنية ومعدات البناء

هذا أبرز ماأتصوره بالتأكيد هناك أسباب أخرى ربما يسعفنا بها الأخوان... شكرا

Quote: - الفساد ودخول أموال مغسولة بكميات مهولة تم تنظيفها عن طريق شراء العقارات

تحايتي أخ منصور ..

هذا هو السبب الأساسي ولايوجد غيره فمهما تكاثرت الأسباب لن يزيد سعر أي ارض في الدنيا سوى الخدمات والمعروف أن السودان ليس به أي خدمات ..
تقديري ..

تحياتي صاحب البوست وزواره ..

أعتقــد بأن غسيل الأمــوال هو السبب الأساسي وليس الوحيد ..

فأصبح من المعروف دولياً بأ ن السودان في قائمة الدول التي يتم فيها تداول الأموال القذرة
ليتم غسلها وإكسابها شرعية .. وهو جزء من الفساد الهائل الذي أصبح مستشريا هناك

سلام منصور وكل سنة وانت والاهل طيبين

دكتور احمد
تحياتي واشواقي التي تعهد

Quote: أعتقــد بأن غسيل الأمــوال هو السبب الأساسي وليس الوحيد ..

ما عنك واحد عاوز يغسل اشتري شقة المنشية

مقفلة رافض اجارها عشان ما تتخرب الرصة

لايوجد مبرر لارتفاع الاسعار

قبل 14 سنه دفعوا فيها 25 مليون جنيه
اليوم صاحبها يطلب فيها مليار
هل يعقل أن يكون سعر قطعة الارض
في مربع 71 ( المعموره ) مليار
الناس ده بتجيب القروش من وين

اضافة لما قيل عن غسيل الاموال الا انه كانت هناك بعض الاسباب المنطقية لارتفاع الاسعار في العقد الفائت عقد البترول
ففي هذا العقد نشأت طبقة من الاثرياء وطبقة من ذوي الدخل المعقول الذين لم يجدوا شيئا يستثمروا فيه غير العقار
العقار الذي ارتفعت ايجاراته بصورة كبيرة لنمو هذه الطبقة من ذوي الدخل المعقول اضافة للمنظمات الاممية والشركات العاملة في مجالات البترول والاتصالات وغيرها...
كل من لديه قطعة ارض بناها شقق للايجار وكانت تؤجر بمبالغ طائلة وبمقدم لشهور طويلة....وكل من لديه منزل ارضي بني عليه طابق او طابقين حسبما يحتمل.
الان الوضع في طريقه للزوال ان لم يكن قد زال تماما........معظم من كان له المقدرة علي دفع تلك الايجارات العالية امتلك منزلا ومن لم يمتلك لم يعد لديه المقدرة علي دفع تلك الايجارات العالية للارتفاع الجنوني في الاسعار مع عدم ارتفاع المرتبات بنفس القدر....
عدد كبير من المباني الان تعلق عليها اللافتات للبيع او للايجار.....وتظل تلك اللافتات معلقة لفترات طويلة.....
الشقة التي كانت تؤجر في الخرطوم شرق بالفين دولار الان لا تؤجر باكثر من 500 دولار ان وجدت من يستأجرها.
الشقة التي كان ايجارها 1000 جنيه (500 دولار قبل اربعة سنوات) الان ايجارها ما زال في ال 1000 جنيه (150 دولار)....
هذه الحقائق بدأ العديد من الناس في ادراكها, وقريبا جدا سيعرفها الجميع
سينهار سوق العقار او هو قد انهار فعلا.....

يقولون أن جنوب الخرطوم متميزه نسبة لإنشاء الكبرى الجديد أى كبر الدباسين
الذى يؤدى للمطار الجديد ولأن كبرى سوبا سيربط كبرى جبل أولياء الخزين ومرور
شارع الستين وشارع أفريقيا أو المطار هل لقرب العقار من المطار يرفع سعره
وكل السودان يأتى للمطار من الأقاليم أين الخدمات والمدارس والمستشفيات
ونقاط البوليس وسوح الرياضه والميادين العامه للنزهه أين الأسواق العامره
المنظمه الصحيه وأين شبكات الصرف الصحى التى من المفترض أن تقوم قبل كل شئ

وضاحه ياخ قولى يا لطيف إنتو تجو السودان طوالى تبيعو بيوت الخرطوم كلها
وتذهبوا لأقصى أطرافها مع كسلا تشترو أرض واسعه وتبنو عليها بيت ريفى كبير
يؤسس كما ينبغى بحدائق وإضاءه بطاقه شمسيه ومن ثم تأسيس مزرعه ضخمه وجلب
التركتارات والحصادات والزراعات وحرث تلك الأرض لزراعة الحبهان والعنب
وغيرها من النوادر وإستحسان أبقار بلديه وبعض النياق وجلب بعض العماله
من أهل الخبره المحليين ياخ صدقينى ستكون حياتكم أحسن من حياة أمراء قطر
وإسهامكم فى الدخل القومى والعماله الوطنيه مقدر ياخ بيوت بمليوين وتلاته
بالعمله الصعبه وأصحابها لم يعيشوا فيها يوما واحد وعندما يأتى زمن المعاش
لا توجد أرجل لصعود السلالم والقضاريف والضغط وغيره ليصير الملاذ غرفة الخدام
المنزويه فأحسنوا تلك الغرفه ياخ كل ذلك الأسمنتى والسيخ والحجاره الفاخره
المستوره إستبدلنا قيمتها فى مصانع صغيره لتعبئة المنتجات الوطنيه أو صناعتها
أما كان ذلك أجدى وأبقينا عمالتنا داخليا وحافظنا على قيم لمجتمع
ياخ مشاكل وكل سنه وإنت طيبه ولا أحد يعرف ما هو سر الغلاء!!



منصور

Quote: الناس ده بتجيب القروش من وين

غسيل ومكوة....

في صيف 2006 عرضت علي شقة (4 غرف وصالتين و3 حمامات) في عمارة قامت في الهجرة ببحري تحديداً في مزرعة إستافانوس الكنا بنسميها مزرعة الخنازير...

القيمة المطلوبة 200 ألف دولار ،،، دورار ينطح دورار....
ذهبت لأراها وبها ثلاثة بلكونات تطل على شارع وميدان...
طليت من البلكونات!!!!
الشارع 5 متر تتزاحم عليه كل أنواع الركوبات من لواري الخضار لكارو الحمار..
الميدان مربط حمير كارو وكوشه عظيمة مليئة بالغنم ومستنقعات مياه الأمطار وليلاً ستنام على إيقاعات القعوي ولدغات البعوض مصاص الدماء...
صرفت النظر عنها...

عدت لبلد الإغتراب:
بعد كم يوم لقيت إعلان في صحيفة إعلانات توزع مجاناً على المنازل مفاده:
شقة في بيروت على شارعين بها 4 غرف نوم بحماماتها وحمام خارجي وأربعة بلكونات كل 2 تطل على شارع،،،
طبعاً الطلة من البلكونة ما دايرة حديث...

المهم المطلوب كم؟
وحاتكم 60.000 ستين ألف دولار،،، وكمان قابلة للمساومة للجادين....

أريتني مشيت أشتريتها،،،
حسي إيجار ساي كنت طلعت المعاش.....


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: - الفساد ودخول أموال مغسولة بكميات مهولة تم تنظيفها عن طريق شراء العقارات 2- الهجرة الداخلية الكبيرة من الريف إلى المدن وتحديدا العاصمة المثلثة 3- التنمية الغير متوازنة 4- هجرة الكثير من أبناء وبنات الشعب السوداني خارج السودان ورغبة الغالبية ممن يمتلكون عملات حرة في الإستقرار في العاصمة مما زاد في الطلب على القطع السكنية ومعدات البناء

تحياتي اخوي الطيب مصطفى
وينك يا زول مختفي

اسعار الاراضي في السودان اكبر دليل على البون الشاسع بين المركز والهامش
كل مقتدري السودان يتنافسون على أراضي العاصمة بسبب انعدام الخدمات في الاقاليم
جني

مـنصور أخوى سـلام

ياخى بوستكم دا جانى فى وقت أنا قاعد أحـك فى راسى لأنه درعوا فوق رقبتى

مسئولية أنا لا لى فيها باع -- ولا كراع، حتى. جاهـل ساهى بس،

والله صحى (كما يقول أخونا ود المدير)

سـبعة قطع فى إمتداد الحلفايا الجديد شرق خط السكة حديد عاوزنى أنا أتولى بيعها

ثم تقسيم الحصص لأصحابها. فبالله ورونا كيف نقوم بهذه المهمة وماهو المطلوب.

كـدى أول شى خلو بتنا دكتورة وضاحة تجى تشرح لينا دى عملوها كيف؟

Quote: عارف لما ابوى يقول لى البيت الفى المكان الفلان جاب 3 مليون دولار

يـنوبك ثواب يادكتوره فالدال على الخير له مثل أجر فاعله (وجه ضاحك)

وانا مخول تخويل كامل للبيع فالعقود مصدره بإسمى وماعندى مانع أمشى السودان لإكمال الإجراءآت

ولكم كل الود

Quote: الفساد ودخول أموال مغسولة بكميات مهولة تم تنظيفها عن طريق شراء العقارات

الأخ منصور
كيفك يالحبيب مشتاقون
هنالك قاعدة - مع بعض الإستثناءات تقول:
القيمة الحقيقية للعقار تساوي قيمته الإيجارية
لعشرين سنة أي 240 شهرا.
في مجمل الحالات تجد أن قيمة العقار تفوق
الأربعين سنة كقيمة إيجارية وهذا ما يعزز الفرضية أعلاه
و بالطبع فإن الحكومة هي المسؤول الأول بل الأوحد من هذا

تحياتي
_____
الحليلة

بحجم الإقبال على البوست دا يكون الإقبال على الأراضى فحجم الطلب العالى
والرغبه فى التملك مكنت السماسره من فرض الأسعار الخياليه لا بل صناعة
قوالب التميز فماذا يفرق بين قطعتين بذات المساحه فى نفس المربع ياخ دا
دجل عالمى وأغلب ذلك البيع بالشوالات يعنى لا بنك ولا يحزنون محامى مقرم
وبطاقتين شهود وخلاث


أحمد ابن عوف
ياخ إنت الفائز فرح ود تكتوك (قال قللو البيوت وكترو المبوت)
يعنى الكسره للناس موش تعمل قلعه وجرس وتشوف القارع مين وتصهين وترمى
الباقى فى الزباله أمانه ما فى ناس فساله الضيف عندهم مضر ياخ النفاجات
والحوش القصير رحمه للجار ووساع.


منصور

يا دكتور عبدالرحمن السلام ورحمة الله عليك وما شاء الله سبعه قطع وكاله
كامله يالك من قوى أمين ياخ السبعه قطع تتباع على الهواء فى هذا البوست
لسبعه بورداب أصحاب ويبنوا خرطه واحده فى حب يا أخوانا أكتر من كدا يا
بروف سعر القطعه كم وتبيع فى شمال أميركا وتستلم فى شمال أميركا هو فى أجمل
من الحلفايا والأجر على الله وخالص التحايا لك.







منصور

الأخ الطيب مصطفى

سلام من الله عليك


كلامك صحيح مائه فى المائه زائدا على ذلك عدم التنميه المتوازيه فى الأقاليم
فتجار العيوش والمزارعين تركوا القضارف ليكونوا أقرب للأطباء وللمدارس لتعليم
أولادهم حتى مدنى ذات الشنه والرنه هجرها للخرطوم وكذا عطبره وكسلا وكوستى والأبيض
ثم الخروج الغسرى من الدلنج وكادوقلى ياخ جميعها مشاكل يمكن حلها بخلق تنميه فى
مناطق السودان المختلفه وكذا خلق أسباب الحياه نظام صاحى بكل الإحتياجات مدارس
بكوادر مؤهله ومدربه وأسواق للبيع والشراء ياخ زول بقعد فى الخرطوم مافى وتبدأ
الهجره العكسيه من المدن للأرياف وتزدهر المنتوجات التقليديه وتطور المراعى والزراعه
والحرف وينتعش الإقتصاد.




منصور

الـعـزيز منصور

لك الشكر على التجاوب الطيب

لكن والله زى ماقـلت فى مداخلتى إعلاه أنا راجل طيرة جـدا فى الأمور دى.

والأوراق والخرط والعقود دى كلها أنا إستلمتها قبل أيام بس.

الموقع ممتاز لأنه حسب التخطيط فى نفس المربوع بجوار ميدان عام به روضة ومسجد ومجمع حكومى وميدان عام سيكون حديقة عامة على ما أعتقد.

كدى أنت أنصحنى على الموبايل وللا الإيميل وكان عندك إسكايب يكون أحسن رسلوا لى على الماسنجر

لك كل الود والسلام

الاخ منصور تحياتى
سوق الاراضى فى معظمه لا زيادة فيه مقارنة بارتفاع الدولار الزيادة فى احسن الحالات لا تتعدى ال 30%
خذ مثلا الاراضى فى الصالحة فى العام 2007 الى 2008 كانت بين عشرة الى 15 وكان الدولار 200 الى 250 والان 7000
وكذلك لاحظت فى اراضى مدينة الفاشر الزيادة صفر مقارتة مع زيادة سعر صرف الد$ واراضى امبدة ودار السلام امدرمان وكذا الحال فى الاندلس واراضى مخطط نبتة والخ
وحنى اراضى الحيازات فى القرينباب والتكناب والامين الكباشى

سلام أخونا منصور وجميع المتداخلين ،،،،،،،
في وقت سابق كان لو سعر الدولار زاد بينقص سعر الارض والعكس صحيح الان الاتنين ما معروف ماشيين لحدي وين ،،،،،،،،
من الأسباب التي ادت للزياده أيضاً انو في السودان لو عندك اي قروش تشتري واحد من اتنين اما قطعه ارض او دولار مافي ضمان لأي مشروع اخر مهما كانت دراسه الجدوي ،،،،،،، اما عن اسعار الاراضي في السودان الان فهي لا تخضع لمعيار ثابت فمثلا تعرض قطعة في السوق يتفق الجميع علي ان سعرها عالي جداً وتاني يوم تكتشف بانها بيعت شئ لا يصدق وجنوب الخرطوم الان وصل حتي منطقه الجديد الثوره والباقير وبتري اما مدينه السلام الخيرية اصبحت ترفا لا يناله كثيرون ،،،،،،، وانتشرت ظاهرة المخططات مثل الياسمين وتارا ودريم ،،،،،، هذا فضلا عن مخططات الصندوق القومي والذي يبيع المواقع كقطع سكنية وليس مكتملة البناء مثل مخططات الريان والسليمانية ،،،،،،، اضف لذلك ان التفتيش الذي كان موقعه في سوبا تم تحويلة الان الي مدينة دريم جنوبا ،،،،،، وهنالك نقابات لها مزارع في منطقه بتري قامت بتحويلها لسكني مثل ضباط الطيران المدني وصل سعر القطعة فيها الي مائه وثلاثون الف جنيه ،،،،،،،،، ولو اطلع اي احد منكم لبوست الاراضي والذي كتبه الاخ منصور في هذا الموقع لوجد الفرق في الأسعار منذ ذلك التاريخ حتي اليوم ......... اصبح الان الشراء في قري كالعليفون وام ضوا بان والحليلة وغيرها أمرا عاديا بعد ان كان محصورا في اهلها ،،،،،، عموما الظاهرة جديرة بالوقوف عندها وتحتاج الي بحث متعمق اكثر ..... لكم التحيه

الأخ مجاهد عبدالله

السلام ورحمة الله وبركاته

ليس هنالك عمران حضرى بلا خدمات أقلاها نظافة البئه وصالحيتها
فأنظر للخرطوم فى الخريف الرياض والمعموره والحى الراقى ياخ
الذى يحدث فى السودان همبته لا يعلم بها إلا الله.


منصور

الأخ عبدالقادر سلامات ومشتاقين ياخ لو سمحت عاوزين نعرف أسعار أراضى الحلفايا
مربع 23 400 متر مربع ونكون لك أكثر من شاكرين.


منصور

الأخ Dr. Ahmed Amin


إتنين فاز بهما السودان غسيل الأموال وغسيل الكلى
ياخ بلد حدادى مدادى ضيقوه ليصير الخرطوم ياخ
ما أروع وأجمل الخرطوم وأبهى عطبره وعظمة الفاشر
لماذا لا ينتبه التخطيط الفدرالى لذلك لتبقى
الناس فى أماكنها. ياخ صادق السلام لك والشكر




منصور

أسمح لي أخ منصور أن أحي من خلال بوستك الأخ البشير دفع الله حفظه الله والجميع من كل شر

Quote: تحياتي اخوي الطيب مصطفى وينك يا زول مختفي

انا موجود منذ أكثر من سنة ونصف في مدينة الرياض وواحشاني جدة وأهلها شديد
لك تحياتي الخاصة وللأسرة الكريمة ...

الأخ Dr.Mohammed Ali Elmusharaf


السلام ورحمة الله عليك وبروبلواء ويحمينا منكاته
وألف عامك سعيد
والله يكف عنا كلا بلاء وبلواء ويحمينا من شر
الغسيل.




منصور

الأخ عبدالرحيم أبراهيم العبيد

السلام والرحمه

ليس هنالك ما يعقل بلد الناس لا تستيع أن تأكل تكون أسعار الأرض فيها
أغلى من قطعة الأرض فى طوكيو حتى يظن من لا يدرى إن إقتصادنا كإقتصاد
اليابان وإن دخل الفرد عندنا يتناسب وتلك الأسعار فيا لها من مفارقات
مزهله.



منصور

الأخ Ammar Elyas Babiker Hassan


السلام والرحمه ياخ نظرتك صحيحه فما الذى جعل غلاء إيجار الشقق
لا بل أن يكون أغلى من نيويورك ياخ ذلك وهم كما قلت سيدركه
الجميع

الشايقى

السلام والرحمه

ياخ إنت ما بتتغش لكن شقة بيروت دى فاتت عليك مالها?
ياخ والله أغلى الأمكنه فى الخرطوم أكثرها سوءا فى البئه
بيوت زى حافلة النسوان الما بتمرق منها كبايه مستفه
بس مغسه بس وكلها بعد شويه ممكن تتحول لمتاحف مع
سرعة التقنيات فى العماره وغيرها إقولو لك دا بيت
دقه قديمه ويكون معروض ب إتنين مليون دولار عشره سنين
عشان فى الرياض يجى زول يغسل فيه سنه يا الغسيل!!




منصور

الأخ jini


السلام والرحمه

ياخ دائما تحل المعادله بأقصر الطرق
وبأسرع من جند سليمان ياخ تلك عين
الحقيقه فقد رحل أعيان الأقاليم للعاصمه
وتركوا أثرهم فى الأقاليم لأنهم لا يجدون ما
يحتاجون إليه بأغلى الأثمان فباعوا أغلى
ما عندهم لينالوا أرخص الأشياء فى العاصمه
كل شئ تايوانى!!

الأخ زين العابدين الحليله ياخ سلام من الله عليك وعلى الأهل
ويا بخت تلك الحليله التى وجدت من بنيها من يرفعها عالية
للناس لتراها فيا لك من وفى ياخ وسع فى الحليله دى الجو معافى
وكذا المجتمع وأين ما تذهب تجد من يشجيك ويسليك ويشعر بك
ياخ العقار وسعر العقا أصبحت حكوا للمقتدر من الناس
فربنا يثبتنا على دينه ويبعد عنا هلاويس العوالم السفليه.

منصور

مفارقات غريبة

الغريبة ارض سعرها 2مليون بالقديم واشاعة جاي كبري مقترح بجانبها او مستشفي او .. او
يبقي سعرها 100 مليون وفي ناس تجي تشتري ب 100 مليون ويضرب مشروع الكبري او او

ياعبدالرحمن سلامات

انا غايتو شخصيا اشتريت واحدة بس وصف لينا
وورينا المبلغ كم

كل الود

رغم كل شيء محيط موضوع البيت والبناء فى السودان الهاجس الاول ,
بصراحة ما كنت ناوى اادخل بجاي بس الكيبورد صمم يلقى نظرة شايف الاصفار كتيرةةةة , كان فى خبر فى الانترنت مسئولين الاراضى كان عاملين جولة بيع خارج السوادن ما عارف فى زول عندو فكرة عن هالموضوع ؟؟؟؟؟؟؟؟؟؟؟؟؟

يا خوانا سمعتوا بالمخطط الوطني؟ و وين موقعة و العندو فكرة عن اسعار القطع فيه؟؟

تحياتي الأخ الكريم منصور...

ما دامت الحكاية فيها تجارب شخصية فدعني أحكي عن تجربتي المتواضعة وأنت تحكم:

في عام 2004 اشتريت بناية بطابقين وشقتين في مدينة بافالو التي تقع في ولاية نيويورك بمبلغ 15 الف دولار والله العظيم. نعم البناية عمرها طويل (1925) لكنها مستأجرة من عائلتين تدفع ألف دولار شهريا. 8 سنوات وانا اتسلم الأجرة منهما حتى صرت لا أعبأ كثيرا إن تأخروا في الدفعن تصور...

بين عامي 2003 و2005 بنيت منزلاً بنفسي يعني بنفسي على مقربة من النيل الأزرق وبالتحديد مربع 84 الجريف غرب وتورطت تماما حتى انني بعت كل ما املك في هذه الفانية. شطبت البيت (3 طوابق) فيلا وشقة في عام 2005. وحتى الآن لم اجد مستأجرا والأدهى من ذلك أنني في كل عام اصرف ما بين 4-5 ألاف دولار صيانة ومرتب للحارس وزوجته.

وبحسبة بسيطة لو اشتريت في بافالو بيوتا وقل عشر بيوت/20 الف دولار مثلاً لجنيت 10 ألف دولار شهريا ولهجرت العمل المضني وجلست ع كرسي قماش!

أعي ذلك جيدا ولكن الوطن هو قطعة منك وانت قطعة منه وفيه حبالنا السُرية تقبع؛ لذلك آثرت أن يكون لي بيتا يأويني وأسرتي إن عدنا اليه مهللين ومكبرين...

الأسعار غير واقعية للأراضي والبيوت في السودان ودوما كذلك في الدولة الفاشلة التي لا تعرف اقتصادا علميا ولا تشهد تنمية متوازنة ولا تقدم خدمات مذكورة. وهذا هو حال السودان يا صديقي...

الأخ الغالى شقيقات

السلام ورحمة الله عليك

ياخ منطق أسعار الأراضى مربوط بمزاج السماسره
فإن حيدت هذه الفئات لعرفت حقيقة الأسعار
فكل تلك الأسعار يحددونها فى مناطق تمركزهم كلما
ثروا فى منطقه ذهبوا إلى منطقة أخرى زحف منظم
وإتفقوا على أسعار كل قطعه خصائصها وميزاتها
وسوءاتها ياخ ألف كتر خيرك.




منصور

الأسعار يا محسنين

شكرا الاخ صاحب البوست
هل من له فكرة عن اسعار حي الاندلس
بالخرطوم قرب الكلاكلة
مربعات 16 و 18 مثلا ...
نرجو الاهتمام باهداف البوست الرئيسية
الاسعاااااااار...الحقوووووونا !

فى إنتظارك يا قدوره أسعار السلام والمحوريه والدبلوماسى
وسوبا والأندلس وجميع جنوب الخرطوم وأراضى بحرى الحلفايا وشمبات
ولك الشكر وياهيثم جميعنا فى الإنتظار

سلام لكل الباحثين وذوو التجارب السابقة
نضيف لمنصور كمان مربعات النورين واندى وياريت تفيدونا بالاسعار والمساحات

كل الأزرار والأسرار عند أخينا عبدالقادر مصطفى المحامى فيا قدوره مدد

أستاذنا زمراوى سلام من الله عليك

العاطفه تجاه الأوطان تدفع الإنسان لأن يظل من قاطنيها علما بإستحالة
ذلك فى أحوالنا فننفق كما فعلت أموالا طائله فى إمتلاك منزل لا يمكن
أن يكون مربحا أبدا ودوما تكون تكلفة تشييده أكثر من سعره فى السوق
لذا دائما الفائده لدى التجار الذى يشترون ويبيعون بطرائقهم العجيبه
أو يؤجرون بالعمله الصعبه لطول ذراعهم فى الواقع وتظل تلك البيوت
متاعا للحراس يتكاثرون ويتزاوجون ولله عباد خصهم الله بقضاء حوائج الناس
ربنا يجعلنا منهم ولك السلام

مازلنا فى الإنتظار يا قدوره الأسعار الأسعار

نعم يا قدوره هنالك من هم فى الإنتظار الممل فأنجدهم بالأسعار
ينجيك الله من عذاب النار وينجدك عند كل كرب.



منصور

نعم يا قدوره هنالك من هم فى الإنتظار الممل فأنجدهم بالأسعار
ينجيك الله من عذاب النار وينجدك عند كل كرب.



منصور

الاخ منصور
بمراجعه اوليه يمكن ان نقول ان الأسعار عموما كما يلي:
اولا الحلفايا اللاسلكي ثالاثمائه الف جنيه وهنالك حلفايا جديده بخطه إسكانية خاصه لم تكتمل إجراءاتها بعد (عقودات) تتراوح القطعة فيها بين 160 الف جنيه وحتي مائتا الف جنيه .
ثانيا الاندلس تتراوح الأسعار فيها من سبعين الف جنيه حتي مائتا الف جنيه حسب المربع والموقع والخدمات علما بان الاندلس بها اكثر من اتنين وعشرين مربع
ثالثا المحوريه ودي فيها مواقع ومربعات تحيرك لكن عموما الأسعار في المربعات الفيها البيع تتراوح أسعارها بين ستين الف وحتي مائه وعشرون الف جنية
رابعا شمبات يتراوح سعر المتر فيها بين ألفي جنيه حتي ثلاثه الف ونصف جنية

هنالك مربع جديد به اكثر من ألفي قطعة يوزع للمغتربين بالقرب من صالحه يسمي المندره بالأقساط ،،،،،، جاري البحث عن معلومات إضافيه السعر يقال انه عشرين الف جنيه والمقدم تلاتين في المئه ،،،،،،،

تشكر يا قدوره وتسلم إيدك لكن تفاصيل أوفى والخدمات فى طريقها لمربعى 15 و16الأندلس والمحوريه والقدس بحرى ?



منصور

كل الأزرار والأسرار عند أخينا عبدالقادر مصطفى المحامى فيا قدوره مدد

قدورة قدوووورة

الوادى اللخدر كيييييييييييييف؟؟؟

منصور تحياتى لك وللافوكاتو قدورة

الوادي الاخضر
درجه اولي خمسه وخمسون الف جنيه للمميز والعادي خمسه وأربعون الف جنيه
درجه ثانيه من ثلاثون الف وحتي خمسه وثلاثون
درجه ثالثه من اثنين وعشرون الف حتي سبعه وعشرون الف
لكم الود

الجريف غرب مربعي ثلاثه وثمانون يسمي المربع الذهبي غرب شارع الستين المعلم الاقرب له البشائر للأثاث والديكور وبه مركز راشد دياب ويقع غرب مسجد محمد عبدالكريم وصل سعر المتر اربعه الف جنيه ،،،،،،

الجريف غرب مربع سبعه وثمانون يقع شرق مسجد محمد عبدالكريم وبه الكنسيه ويحده شرقا النيل الأزرق بدا المربع بسعر الف وخمسمائة جنيه يقال الان ان سعر المتر قد وصل ثلاثه الف جنيه

منصور تحياتي-
عبرك نسال الاستاذ قدورة عن سعر القطعة بمنطقة جبرة مربع 13 الشارقة استثمار

محمد

قدووووووووورة

الاندلس مربع 16
قطعة ناصية 300 متر
تفتح في ميدان

السعر الله يجزاك الجنة ...

عبد القادر
لو سمحت مربع 68 اركويت "سوق الجمعة"، 480م، تلاتة شوارع

منصور سلام، وشكرا

وعليكم السلام يا الشفيع نتمنى أن يأتيك قدوره بقول فصل

Quote: هنالك مربع جديد به اكثر من ألفي قطعة يوزع للمغتربين بالقرب من صالحه يسمي المندره بالأقساط ،،،،،، جاري البحث عن معلومات إضافيه السعر يقال انه عشرين الف جنيه والمقدم تلاتين في المئه ،،،،،،،

في انتظار المعلومات

في انتظار المعلومات

مشكورين على المعلومات القيمة يا استاذ عبدالقادر كيف تنصح واحد عايز يشتري في حدود 100 الى 150 مليون (بالقديم طبعاً) في الخرطوم ماشرط الخدمات اليوم المهم منطقة مستقبلية والقرب للوسط حلاتو كان اتلقا

زول ساكت ما شاء الله عليك بقيت زول إستقرار ساكت ياخ ألحق يمكن تلقى الدوبلماسى
ذاتو مع زيادة حرابيش وتكون إتوهط فى قلب البلد ومع كل جعيص ياخ إنتى قايله هى
شنى نفخه بس وأنفخ يا شيخ - ياخ والله صورتك دى رأيت فيها
الصبر والعمق والتوكل ويا لها من صفات نسأل الله أن يكرمك بمكان مبارك والأرض لله
وين السبقونا عليها دلوكه يا ود اللعم خالص التحايا إلى أن يأتيك قدوره



منصور

زول ساكت ،،،،
انصحك بأحد هذه المربعات الاندلس ،،،، والسليمانية ،،،،، والسلام الخيريه ،،،،،، المعالي ان وجد ،،،،،،،، اما بقيه المربعات فقد تجاوز سعرها المبلغ الذي ذكرته ،،،
لك الشكر

الف شكر منصور وعبدالقادر
ويجزيكم الله خير

مربع 84 الجريف غرب يتراوح بين 620 الف حنيه حتي 700 الف جنيه المساحه 300 متر مربع

السلام عليكم ياسناير
عايزين نعرف اسعار امدرمان الثورة مربع 67

أخوتي رواد بوست الأراضي ..
عندنا (حوش ) كبييير مبني بالبلك الأسمنتي بإرتفاع مترين,,,,
مساحته 1500 متر مربع ...
منطقة السمرة .. تقع شرق أم القرى بشرق النيل ...
حيازة ...

عايزين مشتري جاد ...
يرجى التواصل عبر الخاص ..
نستميح المهندس بكري عذراً أن إستخدمنا الموقع للعرض ...
وله ولكم كل الشكر

مربعات الاندلس
مربع واحد حتي مربع خمسة تتراوح أسعارها بين 110 الي 140 الف جنيه
مربعات سته وسبعه تتراواح بين 95 الي 120 الف جنيه
مربع ثمانيه به الف وباء يتراوح سعر الف بين 115 الي 120 الف جنيه
وسعر باء بين 75 الي 80 الف جنيه والسبب في فرق السعر هو ان باء غير مكتمل الإجراءات اي ليس به شهادة بحث حتي الان
مربع تسعة بين 150 الي 160 الف جنيه لوجود الخدمات بهذا المربع
مربع عشرة واحدي عشر يتراوح بين 150 الي 160 الف جنيه لوجود الخدمات
مربع اثنا عشر يتراوح بين 110 الي 130 الف جنيه قريب من الخدمات
مربع ثلاثه عشر لاتوجد عروض
مربع اربعة عشر يتراوح بين 110 الي 125 الف جنيه قريب لمدينة الأمل ولا خدمات به
مربع خمسه عشر وستة عشر يتراوح بين 75 و 85 الي 90 الف جنيه ويقع المربع خلف الاحتياطي المركزي وقريب لترعىة سندس اي ان الباعوض طوال العام
مربع سبعه عشر يتراوح بين 95 الي 115 الف جنيه بعيده من الخدمات
مربع ثمانية عشر يتراوح بين 115 الي 130 الف جنية
مربع تسعة عشر يتراوح بين 95 الي 130 الف جنية لاتوجد خدمات
مربع عشرين وواحد وعشرين واثنين وعشرون وثلاثة وعشرون هي ما يعرف بمدينة الأمل تفاصيل أسعارها كما يلي
مربع عشرين المساحه 204 متر مربع 85 و95 و 105 و 130 الف جنية يوجد به صرف صحي
مربع واحد وعشرين تتراوح بين 115 و 120 الف جنيه تم توزيع هذا المربع قريبا
مربع اثنين وعشرين نفس ذات اسعار السابقه يوجد به صرف صحي
مربع ثلاثة وعشرون تتراوح مساحته بين 240 الي 247 متر مربع لايوجد به صرف صحي السعر حوالي 75 الف جنيه تم توصيل المياه ولا زهراء به
مربع اربعة وعشرون لا معلومات حوله
بقي ان نقول ان الخدمات بالأندلس مكتملة حتي مربع حداشر
لكم الشكر  

والله ماقصرت ابداً ياقدورة
لكن سؤال بافتراض ان الخدمات وصلت لكل المربعات
ما هم الافضل في مربعات الاندلس والاكثر قربا لوسط البلد

رمضان كريم

كم سعر المتر في بري الاماب

أخبار أسعار الشقق في المنشية هل من جديد في هذا السوق

ورمضان كريم

لناس القروش الشويه و المغامرين نقدم لكم مدينه ود بله
الموقع غرب الشركه العربيه للدواجن جنوب الخرطوم وطبعا جنوب مدينه الأمل البيقع جنوب داخلية الشهيد الزبير طبعا برضو في ناس عاوزين زياده شرح
المساحه 400 متر مربع
تم تخطيط المنطقه بعد ان تم تحويلها من زراعي لسكني
السعر يتراوح بين 13 الف الي 15 الف
لاتوجد مواصلات ولا خدمات
للمستقبل البعيد وناس التشاشه
مع شكري

Quote: لناس القروش الشويه و المغامرين نقدم لكم مدينه ود بله

الاخ العزيز عبد القادر مصطفى تحياتي ...
اها ناس مدينة ودبله ديل يصلوهم كيف في حالة الرغبة في الشراء
اصلنا نحن ناس مستقبل بعيد ساااااي


تحياتي واحترامي

الاخ عبد القادر
ثبت الله اجرك
ما قصرت تب والله يا ملك

بالنسبة للاسعار دي :

Quote: مربع خمسه عشر وستة عشر يتراوح بين 75 و 85 الي 90 الف جنيه ويقع المربع خلف الاحتياطي المركزي وقريب لترعىة سندس اي ان الباعوض طوال العام

مربع 16 : امس كنت في اتصال مع واحد متخصص في المربع دا بس
قال لي السعر من 100 الف الى 105 وانت طالع ... لغاية 115 تقريبا
انا سألتو عن قطعة ناصية طبعا وتفتح في ميدان

ارجو مراجعة السعر المذكور من قبلكم
للاهمية القصوى
ثبت الله اجركم...

الاخ العزيز عبد القادر مصطفى تحياتي
مربعات الاندلس اسعارها اكثر من المذكور خاصه مربع 2 و3 وسته
مربع 2 400م درجه تانيه من 300 الى 340 الف جنيه
مربع 3 300م فى حدود 200 الف جنيه

تحياتى للجميع

الاخ شيخ الدين
تحياتي لك

Quote: مربعات الاندلس اسعارها اكثر من المذكور خاصه مربع 2 و3 وسته مربع 2 400م درجه تانيه من 300 الى 340 الف جنيه مربع 3 300م فى حدود 200 الف جنيه

بصراحة كلامك قريبك من الواقع لانى سمعت في انو الاندلس في ارتفاع مستمر
ويمكن الاخ عبد القادر اسعارو قديمة شوية
يعنى قبل شهرين تلاتة كدا ..

ارجو مدي بالاسعار بالنسبة لمربع 16 اذا امكن
قطعة ناصية تفتح في ميدن

مشكور جدا سلفا ..

الاخ هيثم التوم
انا اسكن الاندلس مربع 2 واخر قطعه اتباعت في المربع ب 315 الف اما بخصوص مربع 16 سوف اسال وافيدك انشاء الله

تقبل تحياتى
اما بخصوص موقع الاندلس وبعدها من الخرطوم - منزلى فى وسط مربع 2 وتبعد من فندق الهلتون(كورال حاليا) 21 كيلومتر

جميل جدا اخي شيخ الدين
ماقصرت والله

Quote: الاخ هيثم التوم انا اسكن الاندلس مربع 2 واخر قطعه اتباعت في المربع ب 315 الف اما بخصوص مربع 16 سوف اسال وافيدك انشاء الله تقبل تحياتى اما بخصوص موقع الاندلس وبعدها من الخرطوم - منزلى فى وسط مربع 2 وتبعد من فندق الهلتون(كورال حاليا) 21 كيلومتر

دا حي قريب جدا من قلب الخرطوم
انتظر افادتك حيث اننى وجدت قطعة ناصية تفتح في ميدان بالمربع( 16 )
واريد شراءها ...

لك تحياتي وتقديري،،،
ولصاحب البوست ،،،

الاخ هيثم

اتصلت على احد السماسره الاسعار يتراوح بين 70 الى 85 الف يعنى مهما بالغ ما يفوت ال 85 الف

اما بخصوص البعد من الخرطوم يختلف من مربع لاخر ومربع 2 من اقرب المربعات للخرطوم

المخطط الوطني اسعاره كيف و يقع وين تحديداً مشكورين

Quote: الاندلس مربع 2 واخر قطعه اتباعت في المربع ب 315 الف

ديشك ... معقول طيب جبرة درجة وتانية وصلت كم ؟

اخي شيخ الدين
سأقوم بمراجعة المربعات من واحد الي خمسه وان كانت لكم ملاحظات اخري ارجو إيرادها
لك الشكر

السلام عليكم ورحمة الله وبركاته اخى واستاذى الفاضل منصور اسعد الله ايامك
عندى استفسار بسيط بخصوص البوست بتاعك (أراضى الخرطوم المواقع والخصائص والأسعار) فى البدايه شكرا ليك على هذا الموضوع الهام بالنسبه للكثير من المغتربين ياخى انا عاوز استفسر من الاستاذ عبدالقادر ماهو الفرق بين حي السلام والسلام الخيريه هل هو نفس المربع وله فى اختلاف وكم سعر القطعه وكم المساحات وكم يبعد من سنتر الخرطوم وجزاكم الله الف خير

دكتور حيدر محمد على
جامعة البترول والمعادن
الدمام السعوديه

عاليا

***الوادي الأخضر(الحاضر والمستقبل) كروكي للمربعات من 1 - 80 ***]
البوست اعلاه له علاقة بهذا البوست ويجيب اجابات كافيه حول مربعات الوادي الاخضر للأخ دكتور احمد امين كل الشكر

الاخ شيخ الدين

تحياتى

Quote: انا اسكن الاندلس مربع 2 واخر قطعه اتباعت في المربع ب 315 الف اما بخصوص مربع 16 سوف اسال وافيدك انشاء الله

لو تكرمت وافدتنى عن الاسعار فى مربع 5 الاندلس درجة ثانية 400 متر من الناحية الغربية

ولك كل الشكر

اخونا منصور ... خالص التحيات وشكرا على البوست الهام
وياريت تتكرم انت واخونا عبد القادر مشكورين برفدنا باسعار المربعات 7 ( درجة ثانية الفاتح ) و 15 ( درجة ثالثة الفاتح ) شرق النيل
وكذلك كم وصلت اسعار الاراضى درجة اولى بالخوجلاب ..
مع خالص الود

الاخ شيخ الدين ..

Quote: الاخ هيثم اتصلت على احد السماسره الاسعار يتراوح بين 70 الى 85 الف يعنى مهما بالغ ما يفوت ال 85 الف اما بخصوص البعد من الخرطوم يختلف من مربع لاخر ومربع 2 من اقرب المربعات للخرطوم

كتر خيرك والله للافادة ما قصرت تب ...
يديك العافية

الغريبة لغاية هسي ما لقيت ناصية تفتح في ميدان باقل من 95 الف !!
لو زولك دا بلقى لي بــ 80الف او 85 الف بنفس مواصفاتي دي ادينى تلفونو
يديك العافية اخوي ...

لاخ قدورة سلام
وشكراً ليك على هذه المعلومات المهمة جداً
عايزة اعرف لوتكرمت عن الحي البلوماسي مربع واحد المساحة 450 وبتفتح في شارع 60متر مميزة مقابله حي السفارات من الجهه الشمالية معروضة للبيع القطعة بتكون بكم
مع خالص الشكر والتقدير

خير اللهم أجعله خير

حسب معلوماتي أخي شمس الدين
الحاره 67 الثورة هي درجة أولى
ومساحة الفطعة 500 متر مربع
والسعر يتراوح بين 250 الف إلي 300 ألف (بالجديد) حسب وضع القطعة

الاخ قدورة

ارجوا افادتى عن اسعار مربعات مدينة البقعة امدرمان

واسعار جبرة مربع 14

الحارة 80 الثورة الآن تعتبر من المناطق الواعدة والممتازة نظرا للآتي:

- منطقة مرتفعة ومستوية
جانبها في المخطط هناك مول تجاري كبير
- أيضا في جانبها الآخر ملعب أولمبي
- شوارعها عريضة

Quote: الحارة 80 الثورة الآن تعتبر من المناطق الواعدة والممتازة نظرا للآتي: - منطقة مرتفعة ومستوية جانبها في المخطط هناك مول تجاري كبير - أيضا في جانبها الآخر ملعب أولمبي - شوارعها عريضة

الاخ الصادق جيتنا فوق جرح
دي درجة اولى و لا كم
وكيف الاسعار
ولو عندك فكرة الحارة 79 درجة تانية كم سعر القطعة
ولك الشكر

Quote: الاخ قدورة ارجوا افادتى عن اسعار مربعات مدينة البقعة امدرمان

Quote: ارجوا افادتى عن اسعار مربعات مدينة البقعة امدرمان واسعار جبرة مربع 14

الاخ الصادق مرحبا بك وماقصرت وشكرليك يا ود عزالدين

فوووووووووووووووق

ا
اخ منصور
شكرا على هذا البوست المفيد
وشكرا للاستاذ عبدالقادر
وبسأل يا استاذ عبدالقادر لو سمحت عن منطقة الصناعات غرب دريم لاند مربع 17 كيف اسعاره ؟
وكمان مناطق الجموعية جنوب امدرمان مابين الكبري والمطار الجديد
ولكم جزيل الشكر
تخريمة
بقدر فائدتنا من هذا البوست ايضا نستمتع ايما استمتعاع بتعليقات الاخ منصور اللطيفة
وتعبيراته الراقية .. شكرا يازول يا جميل

هل من معلومات عن:-
1- النخيل (1) سوقطرة
2- الهدى مربع 11

السلام والشكر لكل المتداخلين والبوست مشاع
للجميع لتبادل المعلومات والأخ عبدالقادر سوف
لا ولن يتوانى فى الإجابه على كل الأسئله بوسعه
ولكم السلام ثانية ولكم الشكر.




منصور

up

نعم الحار 67 درجه أولى وقريبه من شارع الوادى ومساحاتها كبيره
وأقرب لكبرى الحلفايا ويسمونها الواحه شمال أو السكن الفاخر.





منصور

من الفيس بوك

Quote: مشكورين على هذا البوست.. ارجو افادتي عن أسعار الأراضي في جبرة 14 وأمدرمان الثورة مربع 85 درجة ثانية..؟؟

Quote: أبو سد مربع 40 كم يا ناس ، القطعة ناصية 500 متر مربع

من الفيس بوك

up

شكرا يا ناصر وفى إنتظار قدوره

فى إنتظار قدوره

سلام يا شباب

لو تسمحوا عندنا عمارة فيها 6 شقق بالخرطوم

مثلث الخرطوم 2 قرب اوزون

مساحة الشقة 250 متر

كل شقة بها ثلاثة غرف

وحمامين وهولين ومطبخ امريكى تشطيب ديلوكس عمرها 3 سنوات

عاوزين نبيعها ممكن تتدونى سعر تقريبى

تسلموا يا رب

إخوتي تعلمون ظروف الحياة وضغتها لذا سأعود للرد تفصيلا علي كل الاستفسارات بعد التاكد من الأسعار الحقيقيه ،،،،،، لكم الشكر

فوق

مربعات الازهري
مربع واحد من 850 مليون الي مليار وميتين جنيه
مربع اتنين من 600 الي 650 مليون جنيه
مربع تلاته واربعه وخمسه من 450 الي 550 مليون جنيه
مربع سبعه درجه ثانيه من 450 الي 550 مليون جنيه
مربع تمانيه 560 الي 580 مليون جنيه
مربع تسعه 450 الي 500 مليون جنيه
مربع عشره 380 الي 450 مليون جنيه
مربع حداشر 300 الي 350 مليون جنيه
مربع اتناشر غير مرغوب فيه
مربع تلاته عشر واربعه عشر حتي سبعه عشر 320 الي 350 مليون جنيه
لكم الشكر

الاخ قدوة شكرا لك للخدمة الكبيرة التى تقدمها للقراء والمهتمين بالعقار
لو سمحت اسعار العسيلات حى النصر حيازات 600 متر الى 650 كم سعر القطعة
كذلك التكناب بشرق النيل والصالحة امدرمان وعد حسين الخرطوم

الاخ ناصر اختلفت الأسعار للقطع التي ذكرتها من شخص لآخر لكن سأبحث عن اقرب سعر واوفيك به
الاخ الغالي انت عارف العاجبني في قطعك دي رقم انها مجلسيه الا ان أسعارها تزيد بصوره لا يتوقعها الكثيرين ،،،، برضو بشوف الأسعار و برجع ليك

مشكور استاذ عبد القادر ...

Quote: إخوتي تعلمون ظروف الحياة وضغتها لذا سأعود للرد تفصيلا علي كل الاستفسارات بعد التاكد من الأسعار الحقيقيه ،،،،،، لكم الشكر

ما قصرت والله رغم مشاغلك الكتيرة

بس عاوز اتحقق من اسعار حي الاندلس مربع 16
قطعة ناصية تفتح في ميدان
ما لقيت اقل من 95 الف ...


شكرا صاحب البوست
مرارا وتكرارا ...

مربع 16 مرتفع القطعه العاديه أكثر من 125 ألف لأن خدمات المياه آتية إليه
وكذا الكهرباء مع مربع 15 ولكن تأكد من عبدالقادر

الأخ الكريم والصديق العزيز منصور

لك الشكر مرة أخرى على فتح البوست والإفادات حول أسعار الأراضى

والشكر للأخ قدورة لكرمه بالمعلومات.

تم إتصالى بالخرطوم وأتضح أنه هناك زيادات مستمرة فى أسعار الأراضى

وصلتنى أسعار منطقة إمتداد الحلفايا الجديد شرق السكة حديد بحرى حيث القطع السبع التى ذكرت سابقا

وقد تقدمت عروض لأربعة قطع منها لم يفصل فيها إلى الآن ولكن هناك ثلاث قطع مازالت معروضة لم يتم
عرض لشرائها حتى تاريخ الأمس. إذا فهى موجودة وجاهزة للبيع بدون عرض مزدوج. لان طريقتى هى
أننى لا أفاصل فى قطعة تقدم شخص بعرض لها ؛ حتى إذا لم يتم الإتفاق ثم أعرضها من جديد. لأننى لا أحب
أن يتأذى أحد بالدخول فى منافسة مرفوضة شرعا، كما قال المصطفى صلوات الله وسلامه عليه "لا يبتع
أحدكم فوق بيع أخيه ولا يخطب فوق خطبة أخيه"

يمكن التواصل معى على الإيميل:

[email protected]

ولكم كل الود

الأخ الكريم محمود عوض احمد

لك التحايا والسلام

أرسلت لك رسالة بالماسنجر ولم أتلقى منك ردا

رجائى مكاتبتى على أيميلى

[email protected]

وإرسال رقم هاتفك أو الإسم فى الإسكايب

لك كل الود

من أجل لملمة الموضوع سأورد ما أوردت سابقا

سـبعة قطع فى إمتداد الحلفايا الجديد شرق خط السكة حديد عاوزنى أنا أتولى بيعها ثم تقسيم الحصص لأصحابها.

وانا مخول تخويل كامل للبيع فالعقود مصدره بإسمى وماعندى مانع أمشى السودان لإكمال الإجراءآت

والأوراق والخرط والعقود دى كلها أنا إستلمتها قبل أيام.

الموقع ممتاز لأنه حسب التخطيط فى نفس المربوع بجوار ميدان عام به روضة ومسجد ومجمع حكومى وميدان عام سيكون حديقة عامة على ما أعتقد.

الـرجاء مكاتبتى على أيميلى

[email protected]

وإرسال رقم الهاتف و الإسم فى الإسكايب

ولكم كل الود

احذر....مافيـا الاراضى ... بيتك فى خطر !!

Quote: منتصر نابلسى الخوف والكارثة كلها ان يباع بيتك وانت فيه!! البيت الذى قد يبنيه فرد منا بعد مشوار العناء الرهيب... هذا ان استطاع البعض منا ان يشترى، له قطعة ارض حتى فى اى ركن قصى من اطراف المدينة....وها انت ايها المطمئن بينك وبين نفسك تقــــول: ها الاوراق كلها عندى... وهناك من ياخذ حقك على غرة وانت اخر من يعلم... وما ايسر ان تــــزور بعض الاوراق والتى يمكن تباع فى اسواق المافيا العقارية !! ... البعض قد يســــرق متر مترين من جاره، ولكن مافيا العقار تعلمت كيف تبيع العقار باصحابه.....هكـــــذا تطورت الجريمة فى بلدنا.. وهناك اشكال والوان من النصب والاحتيال... هكذا تدفــــع بشــــاعة الطمع وحب التكالب على حــقوق الغير، من بعض اكابر المجرمين الى بيـــع ممتلــــكات الابرياء من غير ان يرمش لهم طرف....لا تستغرب كثيرا فنحن شعب تهزمنا، العواطف فنسلم من لا يستحق الثقة و ترتد علينا بالضرر البليغ... لربما نتخيـــل ان كل من حولنا يخاف الله... وننسى ان هناك من اتخذ من انانيته معبدا والهة...وان لامثــال هولاء قلوبا خاوية قاسية ... قد خرج الضمير....من بوابة اللا اخلاق... ولا احسبه يعود اليهم ابدا... بقول مجرم منهم لزميله : هذه صيدة جاهزة يافلان ... فيجيبه نظيره : كم تاخد وتخليها ليا الضربة دى .... فيقول له المجرم الاول: والله كلك نظر يعنى اذا حسبتها صاح اللعبة مضمونة... بتطلع ليك بالمبت بـ ملايين....ادينى حقنا والصيدة حلال عليك ياعم.....هكذا تباع الضحايا ...كما تباع السلع....وبهذا الفهم تتــــــم الصقفات السوداء.... فى اســـواق المافيا ... اللابيضاء.... المغترب ادم سليمان...قبل سنوات عديدة قام بشراء ارض، عن طريق السفارة السودانية بالتحديد فى حى الاندلس وقتها ... واحسب ان سفارتنا وقتــــها كانت ماتزال تحتوى على بعض من الحسنات القليلة... ولكن نعود الى زميلنا الذى اشترى الارض بعقد رسمى تماما مختوم بختم القنصل، ممهورا بتوقيعه والى جانبه.... توقيع موظف الاراضى فى الســفارة وقتها.... قام ادم سليمان.. بسداد قيمة الارض كاملة غير منقوصة ... سافر الى السودان وقدم عقده الى مكتب التسجيلات حـــتى يكـــمل اجراءات استلام ارضه، على الطبيعة فاذا به يفاجأ بان ارضه قد بيعت الى شخص اخر ... طلبوا منه الانتظار.. والمراجعة بعد فترة ثم مراجعة... بعدها مراجعات عدة.... ولكن بدون فائدة ,,,, طلبوا منه ان يعـــود باوراقه الى السفارة حتى تتم المعالجة ... عاد ادم سليمان الى ارض الا غتراب واخــذ اوراقه الى السفاؤة ،وبكل استهتار طلبوا منه العودة بالاوراق الى السودان مرة اخرى ...مضت على المغترب المجنى عليه ،اكثر من عشرة سنوات طوال. وهو يراجع الخرطوم ويعود ادراجه ليراجع السفارة... وكلما طلب ورقة من جهة الى الجهة الاخرى... رفضت بحجة انه ليس من اختصاصها ... تعب ادم حتى بلغ منه اليأس كل مبلغ... بل وصل مرحلة اراد ان يمزق الاوراق الخاصة بالارض الزعومة ...وهو فى حالة من الاحباط ، .....والحـــزن...صادف المهندسة المشرفة على الاراضى فى مكتب المغتربين بالخرطوم... تفهمت هـــذه الانسانة قصة ادم فكانت نعم االمديرة الصالحة... ونعم المسؤولة النادرة... وفـقها الله اينما كانت، استنكرت مديرة مكتب الاراضى بالمغتربين انذاك.. الظلم الفادح... الذى وقــــع على هـــذا المسكين لمــــدة عشرة سنوات ورفعت فـــــــورا شكوى... الى اعلى المستويات وبكل ثقة اعادت... لادم سليمان حقه بان منح ارضا بديلة لارضه... التى نهبتها مافيا الاراضــى من داخل مكاتب الحكومة.... و لكن يبقى السؤال اين ذهبت ارض ادم سليمان الاولى ...وكيف تباع ارض مباعة من داخل مكــاتب الاراضى؟؟؟ وانا اعلم ان حالة ادم سليمان ماهى الا نموزجا بسيط... لامثلة لا تعد ولا تحصى من الظلم والاستهتار.... والحرمنة!!! مثال اخر ... س وهو مواطن سودانى يقيم فى بورتسودان قام بشراء منزل فى الخرطوم بعد ان باع كل امـــلاكه فى بورتسودان .. ثم قام بســـداد ثمن المنزل لصاحبه عبر محامى وموثق عقود معتمد مستلما عقد التنازل فى يده ، ويسافر س الى الخرطوم ترافقه زوجته واولاده ... وصل الى منزله الجديد ... دخل بيته بكل ثقـــــة ... فاذا به يفاجأ يشخص اخر يقطن المنزل سأله س: انت مين كيف دخلت بيتى؟ اجابه..ع : انا صاحب البيت طبعا!! س بكل دهشة وانفعال : انت غلطان انا اشتريت المنزل من صاحبه فلان الفلانى والبيت دا بيتى... وسددت المبلغ.... لصاحب البيت ع : وانا اشتريت البيت من صاحبه بموجب عقد رسمى..... تراجع س بكل امتعاض( اخرج العقد من جيبه ) دا العقد من المحامى الفلانى فبه تنازل رسمى...عن البيت وانت لازم تمرق فورا ولا انا ....ببلغ الشرطة. بكل هدوء يخرج ع عقد صحيح من محامى اخر فيه تنازل،من صاحب العقـار... مقبوض الثمن : وده...عقد تنازل من صاحب البيت لكن تعرف الفرق بينى وبينك انا سجلت البيت فى مكتب التسجيلات القضائي.. رسميا ....يعنى البيت بيتى انا مبة فى المية!!!! يحاول س ان يتماسك .. لكنه يفقد توازنه ... يميل الى اليمين تارة.. ثم الى اليسار تحاول زوجته ان تسنده.... ولكنه يسقط على الارض بدون حركة ... وكانت تلك اخر كلماته فقد مات المسكين من هول الفاجعة .... والمصيبة الكارثية.....

من الراكوبة
http://www.sudaneseonline.com/news-action-show-id-85385.htm

الشكر للبروف عبدالرحمن إبراهيم وللدكتور المشرف على توخى الحيطة والحذر من مافيا العقار



منصور

شكرا اخوي منصور

Quote: مربع 16 مرتفع القطعه العاديه أكثر من 125 ألف لأن خدمات المياه آتية إليه وكذا الكهرباء مع مربع 15 ولكن تأكد من عبدالقادر

كلامك حلو
بس نتمنى عودة الاخ الاستاذ عبد القادر
للتأكيد


تحياتي لكليكما ...

السلام عليكم و رحمة الله و بركاته
انا حيدر محمد على من المتابعين جدا للبوست بتاع الاراضي في سودانيز اون لاين و اشكرك جدا على اسهاماتك فيه التي استفدت كثيرا منها
فى البدايه عاوز اشكر الاخوان منصور و عبدالقادر على المساعدة لى فى شراء قطعة ارض من البوست السابق الاستاذ عبدالقادر من خلال كلامو كان بنصح الناس الراغبه الشراء جنوب الخرطوم كان الكلام عن حى السلام وانا شخصيا ما كنت عارف اين هذا المخطط بس متابع للبوست السابق . فى 2011 نزلته السودان وبعد بحث وكلام كثير اثتريت اربعه قطع مع بعض اثنين نواصى والاثنين تانى ناصيه فى مربع واحد مساحتهم 397 بالنسبه للنواصى والاخريات بمساحة 366 (على ما اعتقد حى السلام مقسم الى ثلاثه مربعات )السعر بالنسبه لى كان ممتاذ جدا واشتريت من المالك واستلمته شهادات البحث من مكتب الخرطوم فى الامتداد الاخ الكريم عبدالقادر اشكرك كثير على نصائحك وكنت عاوز اسئل كم السعر الان اعرف انها متفاوتة و لكن تقريبا الادنى سعر كم فيها و الاعلى كم وبنصح الناس على حى السلام اذا الاسعار لسع معقوله فائق احترامي و تقديري

السلام عليكم أخي منصور المفتاح


اخوك مغترب في السعودية .
اخدت ايميلك من موقع سودانيز اون لاين في بوست
اراضي الخرطوم الخصائص والاسعار .
ياخي ممكن خدمة .. كان قدرت اجدع لي تلفون سمسار
تتعامل معاه تكون ماقصرت معاي ...
لانو انا بفتش في مخطط الاندلس وممكن تنصحني بشنو وافضل مربع للسكن
في الوقت الحالي فيهو خدمات بسعر في حدود 100 الى 130

شكراً ليك كتييير .. وكان ماعندك برضو شوف لي الشباب معاك في البورد
كان عندهم ارقام تلفونات لي سماسرة . او رقم تلفون قدروة .
انت وهيثم التوم الوحيدين المنزلين عناوين تواصل .



أخوك : هارون عبد القادر أبو مهاب

فى انتظار قدورة

سلام للجميع وما قصرتوا يا شباب




سوعال


مدينة النور في امدرمان وضعها شنو؟؟

ولا احنا اشترينا سمك في بحر (حقيقة) ما زالت الارض تغمرها مياه بحر ابيض

up

المتابعه والإنتظار







منصور

شككرا منصور

ننتظر الاخ عبدالقادر

فووووق

سلامات ياقدوره
شنو ياخ عملت نايم من مربع سته في الأزهري ...قطعه ناصيه على الزلط ؟كم السعر ؟

فوووووووووق

سلامات ياقدوره
شنو ياخ عملت نايم من مربع سته في الأزهري ...قطعه ناصيه على الزلط ؟كم السعر ؟

سلام منصور
وليك يامولانا عبد القادر ..
بسأل عن مخطط التنعيم .. لو سمحتوا معلومات عن المخطط دة والاسعار
عرفت انو خاص بالعاملين فى قطاع النفط ..



واكون ممنون وشاكر ليكم ...

تحياتي يامنصور وضيوف البوست

Quote: سلامات ياقدوره شنو ياخ عملت نايم من مربع سته في الأزهري ...قطعه ناصيه على الزلط ؟كم السعر ؟

عندي قطعة في الازهري مربع6 عادية درجة اولي

سالت من السعر (سمسار)ود عمي مباشرة
السعر في حدود ال 480مليون علي حسب كلامه.

واي استفسار انا حاضر :عن مربعات الازهري والاندلس(مربع3).

كذلك مخطط المعالي والسلام
(الصندوق القومي للضمان الاجتماعي)

مرجع ممتاز في موضوع الاراضي
جعله الله في ميزان حسناتك يا منص

سيف

Quote: واي استفسار انا حاضر :عن مربعات الازهري والاندلس(مربع3).

الأولى الأزهري مربع واحد..ناصية..500 متر..بي كم؟

.

فوق

فوق

يا اخوانا سعر المتر في بري الاماب وصل كم

هل من جديد عن أسعار الشقق في المنشية


المنصور وضيوفه الكرام رمضان كريم وتقبل الله

دكتور محمد على المشرف ألف رمضانك كريم الشئ الذى أعرفه أن برى من أغلى أراضى
الخرطوم ولعل من ياتى بمعرفة عن تجربه ويخبرنا بذلك وأن أسعار الأراضى جميعا بعد
أن كرست إستعدلت مرة أخرى وتصاعدت أولا لإرتفاع الدولار ثانيا
لبدء العمل فى كبرى الدبسين الفتيحاب ثالثا إرتفاع عوائد الذهب العشوائى
والله أعلم

د. الصادق

Quote: شنو ياخ عملت نايم من مربع سته في الأزهري ...قطعه ناصيه على الزلط ؟كم السعر ؟

بشير احمد ..

Quote: عندي قطعة في الازهري مربع6 عادية درجة اولي

تخيلو اشتريت قطعة بيتى فى أبريل 2008 فقط بــ 42 مليون والحمد لله قربت اكمل السنتين فى بيتى والله الحمد فى الاول والاخر ..
تغير المشهد تماما" الان .. واصبحت العمارات تسد الافق ..
بعد اكتمال الشوارع الفرعية اصبحت المسافة لوسط الخرطوم طريق سريع .. انتا وعربيتك .. شارع وااااحد بيدخلك شارع الهواء ومنها عبر كبرى السوق المركزى وتخش شارع المطار .. لا استوب لا من يحزنون .. شارع الهواء ده بتتقاطع فيه تقريبا" جميع شوارع الخرطوم الرئيسية .. تخش تقضى شغلتك وتجى مارق .. لا زحمة لا جوطة ..
تانى ماتسألو عن أسعار الاراضى فى مربع ستة ... شدو حيلكم واسكنو بسسسسسسسسسسس ..
الببيع بيدقس ..

اوووووووووووووووعة

ـــــــــــــــــ
ولو عاوزين صور ادونا لكزة ..

سلامات يا الشاذلي وشكرا على بعث الروح في هذا البوست الهام..
بالله رسل لي تلفونك في الخاص

فوق

Up

الأخ عبدالقادر مصطفى ألف رمضانك كريم
وألف خير وصلاح وتوفيق ومجموعه من الأسئله
فى إنتظارك يا رجل خالص السلام وصادق
النوايا والأمانى

الاخوان منصور .. وعبد القادر ... والجميع ..... كل عام وانتم بخير
وكتر خيركم على المعلومات التي تهم كل مغترب خارج السودان ..

انا عن نفسي اشتريت قطعه ارض قبل 5 سنوات بواسطه الضمان الاجتماعي
في منطقة جبره البجراويه مربع 25 ( جنوب الشهيد طه الماحي )
وهي منطقه درجه اولى استثماريه ..420 متر بها كل الخدمات
كان سعرها مبلغ 127 الف وحاليا وصل سعرها 750 الف .
وعندي برضو قطعه في الاندلس مربع 16 وصل سعرها 90 الف ..

سئوالي للاخ عبد القادر .... ناس الضمان الاجتماعي عرضو علي
قطعه في بتري 500 متر بــ 150 الف ...
( قلت ليهم بتري دي وين قالوا جنوب سوبا )
هل بتري دي منطقة كويسه وبها خدمات ...وتستاهل الواحد يشتري فيها ؟؟
ولا اجلي الموضوع .... ؟؟؟

شكرا ..

محمد عبد المجيد ...

الشاذلي رمضان كريم
بالله سعر قطة الارض كم في الاندلس خلف الاحتياطي المركزي

عندي قطعه هناك من 2009 ما سالت منها ولا عارف سعرها حصل كم

أجدع لينا تلفونك في الخاص

Quote: هل بتري دي منطقة كويسه وبها خدمات ...وتستاهل الواحد يشتري فيها ؟؟ ولا اجلي الموضوع .... ؟؟؟

بتري تبع ولاية الجزيرة - فيها خدمات لو الارض داخل بتري ما بتستاهل ال 160 لو برة قريبة من الظلط ممكن تكون مناسبة .. والله أعلم !
لو في زول عندو فكرة عن حظائر الابقار في حلة كوكو او السليت يدينا نبذة عن الاسعار
تحياتي للجميع واولهم منصور المفتاح

كل المتداخلين ألف رمضانكم كريم وأعيادكم ربنا يجعلها سعادة
وفرح ومعكم ننتظر قدوره عله يخبرنا عن آخر الأخبار

اخي منصور المفتاح

كل عام وانتم بخير وتقديري للمعلومات القيمة

احتاج للتقييم بغرض البيـــــــــع ارض ناصية 400 متر امتداد الصافية مربع 11 موقع مميز جدا تبعد 700متر تقريبا من شارع المعونة !!!!

مع الشكر

الأخ الفاضل منصور تحياتي وحمدا لله على سلامة زوجة عوض

الزملاء

كم سعر المتر المربع في بري الاماب

كم متوسط أسعار الشقق في المنشية

مشكورين

Quote: كم متوسط أسعار الشقق في المنشية

محمد سلامات

انت لى هسي شايل شقتك دى وحايم بيها ههههههههههه
خالتى الكانت عاوزة تشتريها منك اشترت فى الخرطوم 2 بى 250 الف

بعد ظروف السودان دى يا محمد شقتك دى الا تخللها ههههههههههههههه

Quote: خالتى الكانت عاوزة تشتريها منك اشترت فى الخرطوم 2 بى 250 الف

دولار والا جنيه يا وضاحة ؟

Quote: دولار والا جنيه يا وضاحة ؟

دولار يا ايمن جنية شنو انتوا لسة بتتكلموا بالجنية ههههههههه

وضاحة سلامات وكل سنة وانت طيبة

والله وأنا بكتب في كلامي اتزكرتك

كيف أخبارك

والله الشقة ما فاضي ليها مشغول شغلة شديدة بين هولندا والإمارات الأولاد استقروا في هولندا وأنا شغال في أبوظبي والشقة ومقفلة ليها سنة ونص

قلت أعرس واسكن فيها العروس الجديدة أو ابيعها أيهم اول الحدوث

ياخي كان عندك مشتري أو عروس حق السمسرة برة يوم 20 أغسطس أنا راجع أبوظبي أن شاء الله

التعديل لإضافة كلمة أو عروس يا وضاحة

Quote: وضاحة سلامات وكل سنة وانت طيبة والله وأنا بكتب في كلامي اتزكرتك كيف أخبارك والله الشقة ما فاضي ليها مشغول شغلة شديدة بين هولندا والإمارات الأولاد استقروا في هولندا وأنا شغال في أبوظبي والشقة ومقفلة ليها سنة ونص قلت أعرس واسكن فيها العروس الجديدة أو ابيعها أيهم اول الحدوث ياخي كان عندك مشتري حق السمسرة برة يوم 20 أغسطس أنا راجع أبوظبي أن شاء الله

محمد

انت زول طماع علشان كده ضيعت الفرصة تانى مافى ليك ههههههه
هسي سنة ونص دى ما كان استثمرت فيها فلوسك لو ختيتها بس وديعة فى البنك كان جابت ليك فايدة

تعرس في الحلم بث هههههه
عرس شنو تانى مع ظروف السودان دى الا غايتوا تبقى كوز هههههههه

والله بشوف ليك لكن انت عاوز فيها كم علشان اوريهم

يا وضاحة
وديعة شنو اوع تكون شهامة

بعدين يا وضاحة ركزي على العروس خليك من الشقة نحنا في Midlife crisis

ما عارف أسعار السوق كيف الآن طولت ما سالت بس ببيع بأي سعر مناسب
الأميل بتاعي [email protected]

أنا برجع يوم 20 بينا تلفونات

يا وضاحة
وديعة شنو اوع تكون شهامة

بعدين يا وضاحة ركزي على العروس خليك من الشقة نحنا في Midlife crisis

ما عارف أسعار السوق كيف الآن طولت ما سالت بس ببيع بأي سعر مناسب
الأميل بتاعي [email protected]

أنا برجع يوم 20 بينا تلفونات

Quote: يا وضاحة وديعة شنو اوع تكون شهامة بعدين يا وضاحة ركزي على العروس خليك من الشقة نحنا في Midlife crisis ما عارف أسعار السوق كيف الآن طولت ما سالت بس ببيع بأي سعر مناسب الأميل بتاعي [email protected] أنا برجع يوم 20 بينا تلفونات

شهامة شنو يا محمد ياخى انا بقصد وديعة برة السودان

ناس بنك السلام كان عرضوا على حكاية شهامة دى لانى عندى حساب في بنكهم كان بالعملة السودانية لكن ما دخلت لى فى راسي
سحبت فلوسي واشتريتها اراضى لانوا الجنية السودانى اصبح ماعندوا قيمة و الاراضى بتحفظ الفلوس

العروس دى غايتوا انت راجل مراة سوقكك فى السودان بكون حار ههههههههه
انا العروسات البعرفن ما بعرسوا سكن هاند بعرسوا الناس العلى الزيرو

خلاص لما تعرف سعرها رسل لى وبشوف ليك والله

والله يا محمد بتبالغ اتنازلت لما خبرتك عن خالتى كنت مصر على سعرك والله ضيعت الفرصة والمبلغ كان اتحول ليك فى ابوظبي بالدولار كمان

اها خم وصر هههههههه

Quote: احتاج للتقييم بغرض البيـــــــــع ارض ناصية 400 متر امتداد الصافية مربع 11 موقع مميز جدا تبعد 700متر تقريبا من شارع المعونة !!!!

مع الشكر الجزيل

الجمع الكريم
اخوتى الكرام


لدى قطعة بمربع 16 الاندلس ناصية تفتح في ميدان

ارجو افادتى بالسعر ... ولو تقريبا الان ..

مشكورين

Abdelazim Mekki
قطعه درجه ثالثة 377 م م ، مربع 25 الأندلس

كم سعرها الآن

رجاء من صاحب البوست أو أحد الاخوه يعمل ليلها kopy paste

Quote: احتاج للتقييم بغرض البيـــــــــع ارض ناصية 400 متر امتداد الصافية مربع 11 موقع مميز جدا تبعد 700متر تقريبا من شارع المعونة !!!!

Salam Mansour and Altijany
Send me ur phone # iam a serious buyer.

جيمى كل سنه وإنت طيب وربنا يوفقك ولكم التحايا وألف عيدكم مبارك

ولك السلام

هيثم مربع 16 من 90 إلى 140 حسب الموقع

Quote: أخوتي رواد بوست الأراضي .. عندنا (حوش ) كبييير مبني بالبلك الأسمنتي بإرتفاع مترين,,,, مساحته 1500 متر مربع ... منطقة السمرة .. تقع شرق أم القرى بشرق النيل ... حيازة ... عايزين مشتري جاد ... يرجى التواصل عبر الخاص .. نستميح المهندس بكري عذراً أن إستخدمنا الموقع للعرض ... وله ولكم كل الشكر

لسة منتظرين يا اخوانا ...

DEAR GAMAL ABAYAZID
SALAM ,RAMADAN MUBAREK
i wiil call u soon

REGARDS

الأخ عبدالعزيز السلام والرحمه أنا لا أعرف أسعار ذلك المربع وحجم مساحته تختلف من الثالثه المعروفه

يا اخوانا أسعار الشقق كيف
مافي أمل الدولار ينزل بعد البلف ما فتح.?.

.

.up

Quote: يا اخوانا أسعار الشقق كيف مافي أمل الدولار ينزل بعد البلف ما فتح.?.

ود المشرف
ابيتها مملحة جيت تكوسها قروض

كااااااااااااااااااااااااك يا ود المشرف هههههههههههههههههههههههه

والله صحى

يا وضاحة

أبدا والله قاعد صائم و زهجان في هولندا واليوم طويل وما عندي موضوع قلت أشوف موضوع الشقة لكن لو قعدت سنتين تاني ما عندي مشكلة

سمعت ليك شقة جاعت واكلوها اهو أنا مقفلها ورافض ااجرها سنة وشوية ومافي مشكلة تقعد سنتين تلاتة لحدي ما أكون نفسي واعرس فيها

بعدين ياخي انت ما عرضتي سعر كل الكلام أنكم عندكم أملاك في نمرة اتنين

بعدين المثل بتاعك ده ما بقولوه كدة على ما اذكر

بعدين صحي شنو؟؟؟؟

فوق

أين أنت يا قدوره وعطلة العيد تطل علينا
بسماحتها وما أجمل النفوذ للناس فيها بالمفيد القيم.




منصور

عيد مبارك على الجميع وتقبل الله الطاعات وصالح الأعمال

شكرا يا منصور
بس 90 الى 140 دى فرقة كبيرة !

الاخ منصور السلام عليكم ورحمة الله وبركاته
اخي انا من المتابعين لي كتاباتك في موقع سودانيزاونلاين
علمت الان ان هنالك تباع اراضي بمخطط جديد
اسمه المندرة يقال انه يتبع الي القطينة وقريب من
كبري الدباسين والمطار الجديد بامدرمان ولكن
البعض متخوف ان يتم النزع علماً بانه شهادات


بعث وليس حيازة هل لديك اي معلومات يقال
حتي الان ان الاراضي غير مرتفعة هل تشجع
اخوك بالشراء ؟هل هنالك مستقبل للمنطقة بمعني انو المطار
الجديد حايقوم ام لا
وشكرا
ابو محمد

الأخ منصور مستقبل المندرة يعتمد كليا على القرار بشأن مطار الخرطوم الجديد يعني اذا قام المطار او حتى تأكد قيامة فستحلق أسعار المندرة الى السماء والعكس تماماً سيحدث في حال عدم تأكيد قيام المطار ، أراضي المخطط حاليا لا قيمة لها وبها مضاربات سماسرة فقط

up

شكرا عبدالحافظ وشكرا للكل

Up

.

Quote: .لاخ منصور السلام عليكم ورحمة الله وبركاته اخي انا من المتابعين لي كتاباتك في موقع سودانيزاونلاين علمت الان ان هنالك تباع اراضي بمخطط جديد اسمه المندرة يقال انه يتبع الي القطينة وقريب من كبري الدباسين والمطار الجديد بامدرمان ولكن البعض متخوف ان يتم النزع علماً بانه شهادات بعث وليس حيازة هل لديك اي معلومات يقال حتي الان ان الاراضي غير مرتفعة هل تشجع اخوك بالشراء ؟هل هنالك مستقبل للمنطقة بمعني انو المطار الجديد حايقوم ام لا وشكرا ابو محمد

>>>>>>>>>>>>>>>>>>>>>>
اسمحي لي يا منصور ان ارد على ابو محمد..
انا ما عندي خبرة باسعار الأراضي.. ولكن عندما اشتريت قطعة ارض بجانب مطار الخرطوم الجديد ( شرق المطار ) من وفد الأراضي الذي جاء زائرا لنيويورك، سألت بالتلفون سمسار
اراضي خبير وقال بالحرف الواحد ما يلي:"
"" يا اميرة اشتري بدون تردد لأن اسعار الأراضي في السودان دائما في ارتفاع مستمر.. وبالنسبة لأراضي شرق المطار فتأكدي ان هذه المنطقة لها مستقبل كبير في العمران // ليس بسبب وجود
المطار ولكن بسبب ان هناك كبري ضخم ينشأ يربط امدرمان بالخرطوم من ناحية هذا المطار الجديد وهذا الكبري ينزل في الخرطوم في شارع دائري يربط الشجرة واللاماب والصحافات وينزل حتى شارع مدني
عبر الطريق السريع الجديد ( البسموه شارع الهواء) عشان العربات بتجري فيه بسرعة الهواء) وهذا الطريق الدائري يربط كل هذه المناطق لامعمورة واركويت والمنشية وحتى كبري الخرطوم بحري..يعني المنطقة الجديدة
دي ما مربوطة بالمطار الجديد فقط.. وبعدين لعلمك ان تشييد المطار الجديد لم يتوقف والعمل مستمر فيه .."" ( انتهى كلام السمسار)..
يعني يا ابو محمد اشتري بدون تردد على حسب كلام السمسار.. والدليل انا هسع ادوني في القطعة التي اشتريتها في شرق المطار السنة الماضية سعرها ثلاثة مرات..
والله يديك العافية

كلامك صحيح يا أميره دوما تغلى الأراضى بالقرب من المؤسسات الكبيره
والأسواق والمدارس وغيرها أتمنى أن يتم إنشاء ذلك المطارروأكتمال
الكبرى وربط الطرق بعضها ببعض لسهولة حركة الناس