يا ناس الخرطوم أسعار الأراضى بالخرطوم.......................

يا ناس الخرطوم أسعار الأراضى بالخرطوم


الأزهرى الأندلس الدوبلماسى وجبره وصالحه والفتح والفوز والنصب واللفح وما جاور ذلك عشان الناس تكون على بينه وناس منبر الخرطوم أولى بالمعروف من السماسره أها الكوره عندكم مع ذكر الأسباب كتنفيذ الشوارع ووجود الخدمات الخ

المنصور ود المفتاح انا قلت الزول جاب ليه خبر انفراج من الماعاقول فى اسعار اراضى الخرطوم تاريك بهظهر ساكت
كان كدى نقول سلام لى ناس عزاز وبرضو مكسب

الاخ منصور
الخرطوم الجد جد حسب علمى بقت تبداء من شارع افريقياوتتجه شرقا حتى النيل وشمالا حتى النيل ايضا وجنوبا حتى حى الياسمين اما الاسعار ففى كل هذه المنطقه لا يقل المتر عن خمسمائه جنيه فى مناطق اركويت والجريفات والازهرى درجه اولى وحى الشاطئ وبرى والفردوس والمعموره والمجاهدين والخدمات فى هذه المنطقه ممتازه فالشوارع الرئيسه التلاته افريقيا وعبيد ختم وشارع الستين جيده جدا ومحطه مياه سوبا الجديده حلت مشكله المياه اضافه الى ان الناس الفى يدهم القلم الان ساكنين معظمهم هناك.
اما بقيه المناطق فى الخرطوم كمناطق جبره والازهرى درجه تانيه وتالته والصحافات والكلاكله فهذه القطعه فيها تعتمد على المربع وقربه من الشارع الرئيس والاسواق والمربعات الجديده اغلى من القديمه وهكذا .
امدرمان وبحرى لا اعرف عنهم الكثير ولو اردت مساعده خاصه اقدمها لك اخى دون عمولات.
نصيحه لو كنت خارج السودان فلا ترسل اموالك الى احد خلى الناس يشوفو ليك القطعه جيب قروشك وتعال اشترى بى نفسك
مع تحياتى

المتر الف دولار .. الارض مساحتها 1000 مترمربع .

شرق الخرطوم .. شوارع رئيسة وخدمات فل .

سيكون البيع دون وسيط من اسمى لى اسمك طوالى ..











ـــــــــــــــــ
الرهط يمتنعون ..

يا دينا
انا المهدت ليك الطريق اعلاه مافى حاجه لى انا زول واحد ما رهط

كتبت الكريمة /دينا خالد:

Quote: المتر الف دولار .. الارض مساحتها 1000 مترمربع .

المتر ألف دولار: لو أخذنا فى الإعتبار بأن المساحة تقاس بالمتر المربع
يكون السعر (1000ْ*1000) دولار للمتر المربع
يكون سعر الأرض = 1000متر مربع * (1000*1000) دولار للمتر المربع = 000 000 1000 دولار


المتر المربع ألف دولار: لو إعتبرنا خطأ مطبعى أو سقط سهواً (وحدة البيع)
يكون سعر الأرض = 1000 متر مربع * 1000 دولار للمتر المربع = 000 1000 دولار


دى أرض شرق النيل فى الخرطوم !!!!

المغصة إنو فى ناس بدوها سعر المتر المربع فى وسط الخرطوم
و بسعر المتر10$ (واحد) دولار !!!

(و لكم فى القصاص حياة)



----------------------
التحية للأخت دينا خالد،،

و للأخ الكريم صاحب البوست
نقول له الإستفسار مشروع فى كل الأحوال
لكن إستفساركم تنقصه أساسيات الشرع فى زمن الإنقاذ

تقصد سعر الأراضى (قبل/ بعد) الإنتخابات ( الآن تسرى حمى أسعر الإنتخابات)
ألحق و السلب و النهب على قدر ما تشيل،،، بيع زمتك و خون أمانتك تلقى موقع مميز ...

إنت من أهل الخاصة
و هذه فئآت تبدأ من الإنتماء و تنتهى بالمصاهرة و الحسب و النسب و تنتفى بالأمانة و المبدئية و المواطنة الشريفة ...







ش

يا المنصور .. عاوز أرض بالكيلو والله بالكوم
يعني كيري .. محلات بيوت العشوائي والله الكلو
قزاز ..

حتى الناس

يعني يا زول العشوائي ده مسره واحد بتجيب ليك
أرض .. والنوع التاني النجم أقرب

سلام .. ياخي أمش أرض أهل المسادير ناس ود المحرب
ديل ..

والله يكافي محنك يا البسمن قشك
الارض ماهله والنفوس برضو

Quote: المتر الف دولار .. الارض مساحتها 1000 مترمربع . شرق الخرطوم .. شوارع رئيسة وخدمات فل .

شرق الخرطوم...ولا شرق البوتاماك (واشنطون)؟؟؟؟؟



اسف نسيت أقول سلام

سلام

سعر القطعة

الاكلاكلات ....100 مليون بالقديم
جبرة 150 مليون بالقديم
برى بيت عادى 750 مليون بالفديم
الصحافة 200 مليون بيت عادى
ام درمان حى الجامعة (الصالحة 120 مليون بالقديم تقريبا

الرباض المنشية فوق المليار .. للفلل بالقدي

معليش يا صاحب البوست

سوال على جنب كده لشباب الخرطوم

الجريف شرق بعد كبرى المنشية بيكم

وشرق النيل عموما الاراضى فيها بيكم وماهى امتيازات هذه المنطقة

يا ود المحرب السلام والرحمه سألنى أحد الأشخاص عن تلك الأراضى وأنا لا أعرف صرفا فيها وقلت عسى الله أن يجعل الإجابة عند غيرى وياخ إنت زول شرق فى بوزليق الحبل بى كم ياخ قل يا لطيف ولك حار السلام

عبدالقادر مصطفى السلام والرحمه ووصيتك دهب وانت محق والخرطوم هى ذلك المربع الذى ذكرت الشكر لك.

دينا خالد السلام والرحمه يا أخ إفتح الله ياخ البلد فيها مليون ميل مربع
وخيرها فى غيرها وأحسن سكن فى الغرب ما هو خارج المدن..........



شكرى سليمان سلام الله عليك وياخ أراضى السودان تحير ولا أحد يدرى أى قانون تتبع فهى كتجارة العربات تايوتا 78 أحسن من تايوتا 2010 وإن كان بها ثلاثه مليون ميل كلك ولك الشكر.



الأح محمد عبدالجليل ياخ أنا وإنت بنعبر البنقدر عليهو والزارعنا غير الله اليجى يقلعنا ولك صاق وخالص السلام.


ياسر سلام الله جاك وربنا يكشف لنا الأسرار التى بها طار سعر العقار



عبدالعظيم السلام والرحمه وتشكر على المعلومات المفيده وربنا يثيبك





عادل عبدالعزيز عبد الرحيم سلام وربنا يجمع ويوفق وتربح طوالى وسؤلك فى محله وخير المناطق
أخترت.



إلى جميع المتداخلين الجدد البوست وقف للجميع وربنا يحقق أمانى الكل

فخذوا راحتكم والبوست بوستكم ولكم الشكر أجمعين

المنصور

تحية طيبة

يازول القطعة في السروراب بي تراب القروش

الخرطوم طايرة

أراضينا زحفت غرباً ففي منطقة الجزيرة إسلانج والسروراب أصبح الدونم بما يعادل 5 مليون شيكل ، وأنت ميمم شمالاً ومدي قفاك للكلية الحربية في شارع ظلط زي الضريرة مجلوط جلطه في نص أقليم السافانا الفقيرة وشبه الصحراء حيث مضاربنا وأمصارنا تجد بيوت الطوب "اللخدر" وبعض من بيوت الطوب الأحمر وتغلب صورة الجالوص على البقية الباقية وهناك صيدلية على الـ main road ومحل غاز ومدرسة ومظلة المرحومة بت الشيخ ود قيلي في منطقة السناهير يحلقوني ولا أبدلهم بي أبوبكر كاكي أو كننيسا بيكلا بحسب المسافة ، عدا عن حانوت هنا وآخر هناك وبعضاً من الجزارات الـ take away حيث أنها تنتهي بمجرد تعليق الذبيحة في الشنكل في الطربيزة في الهواء الطلق ونحمد الله أننا ما زلنا نبيع بالكوم. الأراضي في ربوع سودانا تخطت الدروه وسوق أب زيد للماشية والعلف الحيواني وتجاوزت دلالة الحلبي وأيضاً عدت من مناطق تسمي القرية وربما وصلت منطقة رماية في السابق ومعسكر دفاع شعبي كان يعرف بإسم قبر الكلب ، لم يبقي خرم إبرة في البلد والغريبة نحنا يا دوب تعدادنا 40 مليون تقريباً وأحسب أنه لو وزعت هذه البويات الجاهزه بالتساوي لنال كل مواطن على أقل تقدير أوضه وبرنده ، ومن إفرازات هذه النهضه أنها خلقت لنا جيلاً كنا نعدهم في العطاله والبطاله فأشتغلوا بتجارة رأسمالها موبايل وحق الجريدة اليومي ومن ثم تنهض باكر وتصاقر مناطق بعينها وبهذا تكون أنت سمسار وهي المهنة التي تحاول أن توفق بين البائع والمشتري أو تنصب عليهما لا فرق بمقابل مادي وهي بالضرورة مهنة لا فيها مخاطر ولا جمعية ولا ضرائب ولا زكاة ولا يحزنون.
بكري ود سعيد سألوهو قالو ليهو إنت يا بابكر ما تشتري ليك واااطه وتبني ليك بيت ولأنه زهجان ومفلس وماشه معاهو عكس الريح قال ليهم أنا عاوز أكون زي إمرأة فرعون وأشحد ربي يبني لي بيت في الجنه والله كريم.

.
.
.
الأخ / منصور المفتاح
تحياتى

أتمنى أن تشرع فورا فى الشراء فى هذه الأيام ، لأنه بعد الإنتخابات حيكون الوضع عكس ما عليه الآن
عكس ما عليه ده أنا بقصد بيها الأسعار حترتفع أكثر.

أنا عندى صوره جديده عن أسعار الأراضى فى منطقة بحرى وتحديدا فى مخطط جديد إسمه القدس موقعه
بعد الحاج يوسف شرقا المخطط ده بيتكون من مربوعين فقط ، وكله درجه أولى مساحته تتراوح ما
بين 500 متر الى 550 متر ، أسعار الإسبوع الفات تبدأ من 13 مليون بالقديم وحتى 16 مليون ده
أسعار الإسبوع الفات وقبل شهر نفس المخطط كانت أسعاره تبدأ من 9 مليون وحتى 12 مليون أقصاها
المخطط قريب جدا جدا من الحاج يوسف وكله درجه أولى ، أناإشتريت لى فيه قطعة ارض قبل 10 ايام
تقريبا وسجلتها على طول .

أمنياتى لك بالتوفيق فيما تزمع القيام به ، ولك التحايا والود.
.
.
.

الاخ منصور

سلام
انصحك بجنوب امدرمان البقعة مربع اربعين بالتحديد 50 - 60 مليون بالقديم
المنطقة دي حاتكون من المناطق المميزة جدا
لقربها من الكبري ومن المطار الجديد


بابكر

Quote: أنا عندى صوره جديده عن أسعار الأراضى فى منطقة بحرى وتحديدا فى مخطط جديد إسمه القدس

مشيت جهاز المغتربين شايل وصولات ضرايبي والتزاماتي ودمغاتي
وجريحاتي وكنانتي ومجهوداتي الحربية المدفوعة مية المية من سنة
اسكت...عامل فيها الولد موفي كل التزاماته طامعا في مكافأة...
مع العلم ضرايبي دا كان جمعتها بتشتري لي بيت في بيفرلي هيلز يا قول جني...

ادوني فورمة ومليتها وقالوا لي امشي ادفع مليونين
وقطعتك حا نديك شهادة بحثها هسي دي في الوادي اللخدر...
قلت ليهم سمح بمشي افك واجيكم...

مشيت برة بديت بي ناس التكسي...يا اخونا ...مشوار...
وين؟ الوادي اللخدر اول تكاسي...ضحك وقال لي انت ماك نصيح
الوادي اللخدر دي وين...دي ما امتحنونا فيها ..

خليتو...ومشيت لي بتاع امجاد ...عمك كبير...والنصيحة اتوسمت فيه
معرفة بالجغرافيا...لكن مما قلت ليه الوادي اللخدر...فحط بأمجاده
وكأن في رأسه قطرة وعقال وعمره لم يتجاوز العشرين...وكتحني بي
باقي التراب الفي الظلط...

لقيت بتاع رقشة..عامل فيها تفتيحة...قلت ليه توديني الوادي
اللخدر وبديك يوميتك كاملة...قال لي خلاص استناني هنا
امشي اركب لي الرقشة دي جنحين واجيك...ولاهسي ما جاني

مشيت البيت كداري وقلت اسوق جارنا...واول ما قلت ليه
قال لي جدا ياخ...مالو نمشي...ومشي معاي بي بوكسي
اول ما قطعنا كبري كوبر...قال لي اها من هنا وين؟؟؟

قلت ليه امشي كأنك ماشي ابودليق!!!...قال لي ابودليق
شنو البمشيها بي البوكسي دا انا كان عارفك كدي والله من هناك
ما ادور معاك...انزل نزل فيك قطر...عالم مستغلة...
ونزلني تحت الكبري...وفحط كما فعل صاحب الامجاد...
بل وحاربني كلو كلو...بقي سلام الله ما بردو لي...

ولا هسي لا رجعت لي المغتربين ولا شفت الوادي اللخدر ولا اشتريت

.
.

Quote: ولا هسي لا رجعت لي المغتربين ولا شفت الوادي اللخدر ولا اشتريت

الأخ نزار ، تحياتى

انا بتكلم عن مخطط القدس وليس الوادى الأخضر
.
.
.

أخي منصور لك التحية
والله اشفق على الكثير من المغتربين والجماعة الذين تجاوزوا الأربعين وهم بلا بيوت
صاحبك واحد منهم
المهم عاوز أقول ليك كلام الأخ عبد العظيم امسك فيهو قوي
فقد كنت بالأراضي ومع مكاتب عقارية قبل اسبوع ويتطابق حديثه تماماً مع ما رأيت على الطبيعة
مخطط الجامعة بالذات مربع 24 والذي يقع محاذياً لحوش جامعة أم درمان الإسلامية
القطعة تتراوح ما بين 110 الى 120 مليون
ولكن لو قلت لك كم سعر القطعة في نفس المربع على الظلط ستقع مغشياً عليك
آآآآآآآآآآآآي والله القطعة من 300 الى 350 مليون
وهذا ينطبق على كل المربعات الواقعة مع الظلط المتجه الى صالحة
على يمين صالحة توجد قرية القيعة كهرباء وموية وهي امتداد لصالحة
وفي مخطط الأراضي الذي أخذته من أراضي ام درمان تقع القيعة في مخطط صالحة
القطعة في القيعة ما بين 30 الى 40 مليون كانت قبل 7 سنوات بـ 500 الف
يوجد كبري قادم من العزوزاب بعد نهاية القيعة يقسم قريتين هما العقيدات والودي
الودي ستجن الأراضي فيها بعد ايام لأن الظلت القادم من الكبري سيأتي بها
القطعة في الودي من 30 الى 45 مليون
لاتوجد اي اوراق انما هي حيازات أهالي
وهي مضمونة أكثر من شهادات البحث
لأن أهالي الودي والعقيدات قد حجزوا هذه الأراضي بالعكاكيز
وكثيرون ماتوا من أجلها
ولكن انصحك بان تشتري من مالك العكاز مباشرة اي مالك الأرض
مع الاعتبار أن الظلت لم يات ولكن القطع التي ستقع على الظلت اسعارها غير
بالنسبة للعقيدات بداوا يرفعون أعمدة الكهرباء والقطعة من 18 الى 30 في الوقت الحالي
كل هذه القرى تقع في طريق المطار الجديد
وهناك قرية تسمى الشيخ يوسف برضو مستقبلها جيد
حينما تريد الشراء لابد أن تتاكد جيدا فأحياناً القطعة يكون اشتروها خمسة اشخاص
لو إمكانياتك تسمح عليك أن تشتري مع الظلت
لأن القطعة مع الظلت تساوي قطعتين
تحت دكاكين وفوق سكن 00 هذا مع الحلم الكبير
بعض الدكاكين ايجاراتها مليون في الشهر للدكان الواحد
لو بقيت حاوي برضو السماسرة حايطلعوا منك باربعة أو ثلاثة مليون كأضعف الايمان
لعنت السماسرة في كل كتاباتي
ولكن عندما جلست معهم أعجبتني الفكرة
واشتغلت معاهم لمدة اسبوعين
طلعت بمبلغ 6 مليون يشهد الله
بينما كل المبلغ الذي حضرت به من السعودية لإجازتي اربعة مليون وتسعمائة الف بالضبط !!!
قال سعودية قال
ماتقوم يامنصور يامفتاح تسيب القطعة وتشتغل سمسار ًًً
والدي وكل أجداده من الفتيحاب
ولديهم أراضي كثيرة
وهبوها كلها واشتروا لهم { سبح } وأباريق
وأتوا الينا في الجزيرة ليموتوا فيها وكان الجزيرة فرع من أفرع الجنة
ماتوا ويشهد الله أنهم لم يتركوا لنا سوى سبحة ومصلاية ومجموعة أباريق كمان نحاسية
الآن كلما أنظر لأراضي الفتيحاب أصاب بالإحباط
أما حينما أنظر للثروة التي تركوها لنا من اباريق وخلافه أصاب بمغص حاد

Quote: انا بتكلم عن مخطط القدس وليس الوادى الأخضر

عارفك يا بشير...


باقي ليك القدس دي كان محررة بوزعوها؟؟


المشكلة كلها في نسبة المسافات المبرمجة...في راسنا دا نسوي ليها شنو؟؟


انا طبعا بكون قست بعد مسافة الوادي اللخدر دا من
بيت اللمين؟؟ ودا في الصحافة...

طوالي عقلي مشي لي سؤال...الوادي دا وين لي بيت اللمين
لما لقيتو بعيد خليتو...

دحين انت يمكن قدسك دي قريبة لي حتة في راسك

.
.

تعرف يا نزار يا أخوى

بداية الثمانينيات ، كنت ساكن فى إمتداد الدرجه الثالثه
والله لما نطلع من الإمتداد بنقول ماشين الخرطوم يعنى كأننا
طالعين لينا من مدينه لمدينه ثانيه.

أها بينى وبينك كده فى ناس ساكنين على بعد أكثر من 30 كيلو متر
من إمتداد الدرجه الثالثه الآن ، باقى لى إذا بقوا ماشين للخرطوم
إلا ياخدوا ليهم تأشيره دخول .


وش ضاحك من السخرية على إمتداد العاصمه وترامى أطرافها ..
.
.

المنصور سلامات...

قبل أربع أعوام، ذهبت بنفسي وبنيت بيتي بنفسي، كنت خلاله المقاول والمهندس والعامل الأجير والعتّالي، إذ اشتريتُ حمارا وكارو وكنا نجلب الماء من النيل ونحن على بعد 100 متر والله وكان ذلك في مربع 84 الجريف غرب والذي يسمونه إمتداد المعمورة...

إليك بعض النصائح الغالية:
تجنب السماسرة، فأغلبهم يبيع الترام
تجنب الأهل فقد لا تستطيع رد أموالك، حياءً وخجلاً
قم بنفسك بالشراء والبناء حتى لو بنيت في عامين أو أكثر
أمنح نفسك شهرا كاملا تجوب فيه الأسواق وتدرس الأسعار من الطوب للرمل للأسمنت للحديد
وأربط نفسك مع تاجر واحد، صادق ووفي بمواعيده
توقّع إرتفاع الضغط وإطلالة السكري من تعامل البنائين

*** و القطعة فى مربع 39 البقعة امدرمان بى كم ؟ معروضه لى واحدة

.............. عذرا صاحب البوست

ياخوانا
السلام عليكم ورحمة الله وبركاته
الاراضي المييزة في مخطط غزة : شرق اللاماب بحر ابيض ( شمال مدرعات الشجرة ) كم اسعارها الايامات دي؟
شكرا
_________________
اللهم اني لما انزلت اليّ من خير فقير

أخي محمد عبد القادر سبيل
هل تقصد الأراضي التي تقع على يسارك وانت طالع من الرميلة ماشي على الميناء البري
هناك مخطط غزة { 1 } وغزة { 2 }
طبعاً مخطط غزة { 1 } انتهى توزيعه ووزعوه على كبار الدستوريين
مكان التوزيع بمكتب استثماري بالطائف
الآن يوزعون غزة 2
سألت بتاع مكتب قريب المخطط وذكر لي أن القطع الواقعة مع الزلط في حدود 400 مليون
الموضوع شايك
يعني تشوف ليك واحد دستوري عندو قطعة وتحاول تعوضه بان تدفع له الرسوم وخلافه وتزيدو شوية
بعضهم ما محتاج ليها نهائيا
منحوها ليهو صدقة
وهذا هو السبب الذي جعلني ابحث
حيث تعرفت على أحدهم كان محافظ
لايعرف حتى الموقع
ومشغول كثير لديه محطات محروقات واستثمارات أخرى

حبيب نوره
المله عمر
بشير حسن بشير
بابكر عثمان
نزار حسين
أبوحراز
الشاعر زمراوى
الطيب عثمان يوسف
محمد عبدالقادر سبيل


السلام ورحمة الله عليكم أجمعين فالبوست بوستكم والعوس عوسكم وجميعا
سنكون على بينه بتعدد المعلومات وتنوعها وإمتلاكها من مصادر محايده
لا منفعة لهم إلا أجر نفع الآخر فأثابكم الله ونتمنى أن يكون البوست خير
مرجعيه فى شأن الأراضى والعقار وصادق السلام لكم...........



منصور

الجريف شرق بعد كبرى المنشية بيكم

وشرق النيل عموما الاراضى فيها بيكم وماهى امتيازات هذه المنطقة

سلامات

الازهري مربع 2 الدرجة الاولى بكم؟

قطعة ناصية على شارعين رئيسين 540 متر

________________________________________
مدينة السلام بسوبا خلف المنطقة الصناعية ,المنطقة مربوطة بطرق مسفلتة تبعد عن طريق الخرطوم مدني الجديد بكيلو واحد وعن مطار الخرطوم بـ 25 كيلو
المنطقة شرق الخرطوم حيث ستنتقل للمنطقة جميع الوزارات والسفارات والسفارة الأمريكية تبعد 3 كيلو من المنطقة المنطقة تعتبر ارقى مناطق الخرطوم حيث تنتشر الكثير من المخططات حولها منها
الدبلوماسي
سبا
الرضوان
العودة
تبعد عن الازهري جنوباً ب10 كيلو وجنوب الحي الدبلوماسي ب 3 كيلو مع العلم ان الازهري أسعارها من 100 مليون وحتى 200 مليون حسب المربع والموقع والحي الدبلوماسي بسعر 140 مليون وحتى 250 مليون
أما سعرها فالقطعة تتراوح بين 28 وحتى 32 مليون
وتوصيتي بالشراء لانها تقفز قفزات واسعة فشهر 9 الماضي كانت اسعارها من 10 وحتى 12 مليون
العندو كاش يتوجه لهذه المنطقة

Quote: ________________________________________ هناك مخطط غزة { 1 } وغزة { 2 }

طيب لو جاهم ناتنياهو بالفسفور يعملو شنو الدستوريين ديل؟؟
آل دستوريين آل!!

الناس ديل مالم عصروا علي الودي الخصيب

شي غزة 1 وغزة 2 وشي مدينة السلام...وشي يديعوت احرنوت...

دايرين يدوهم ليها من الفرات لي النيل بي اساميها

هوووووووووووووووووووووووي ياناس
إنتوا مفتكرين غزة { 1 } وغزة { 2 } لي ناس قريعتي راخت
انا مشيت وشفت بي نفسي
كان ماكنت من جماعة الله أكبر الجديدة والله ماتشوفوا
بعدين انا شخصياً لو يدوني ليهو مجان ما حا أسكن فيهو
أول شيء حايكون كلو عمارات عالية
يعني لو كنت عاوز تشحد ليك ملاح من جارك تشحدو كيف بالله
نحن عايزين ناس صالحة والقيعة ومرزوق
تمد صحنك بالحيطة مليان ويكة
يرجعوه ليك بعد شوية بي فوق الحيطة مليان بليلة
والله العظيم لأجل هذا المنطق قررت أن أسكن في هذه الأحياء
لدي قطعة أخذتها بي دم الروح
وكان ما ست النفر وقفت عكاز أحمر كان لحد الآن ما اشتريناها
بس قلت ليها عاوز أعرس
طوالي مسكت القروش عندها
ياخ مرات في نسوان بغيرن مجرى حياتك !!!
مشيت لقيت المربع كلو عمارات شاهقة
يعني تعاين فوق وتاخذ نفس عميق وتدنقر تحت !!!
وكان عندك منديل تمسح عرق الذهول والدهشة !!
عرق صافي والله مافيهو اي أملاح أو مركبات معدنية
بعدين الناس الذين بنوا في المخطط دا جيراني بالذات
إما فريق شرطة
وإما فريق بالجيش معاش
وإما لاعب فريق كرة قدم
وإما من جماعة تتمكنون وهؤلاء كثر
نحن اربعة مغتربين من عشرة سنوات لم نستطع البناء حتى اللحظة
وحتى لو بنينا حا نغير خارطة المخطط للأسوأ
طلع جاري ماشاء الله عليهو فريق وعزمني معاه زول مرح
قال لي ياخي الجماعة ديل اصحاب الأراضي دي كل سنة بيجوا يعاينوا ويرجعوا ساي
قلت ليهو كمان انا برضو جايي أعاين وأرجع سااااااااااااااااي
مش في أغنية بتقول أعاين فيهو 000
طوالي بتذكرني أرضي دي
بعدين ناس تتمكنون لمن يشوفوك حايم في المخطط دا طوالي يتهامسون
الزول الزي { الضب } دا الجابوا هنا شنو ؟؟؟؟
وبتكون فريسة ولقمة سائغة وكل واحد بيحاول يشتري منك لو فتحت خشمك
لكن كيتاً عليهم بس حقوا الواحد يصنقر هنا وما يبيع نهائي
واحدة قالوا ساكنة في المنشية بيتها سيء جداً
اها الجماعة زعلانين عشان البيوت كلها عمارات وخالتكم دي خاربة منظر الحي
اها بحاولوا يغروها ويشتروا منها البيت عشان تتخارج
حلفت يمين انها ماتمرق من الحي دا
اها قالوا ليها ليه ياحاجة
قالت ليهم والله هنا السنة تمرق منها اعياد ميلاد ساكت
يعني ناس عملوا ليهم حفل ميلاد يجيبوا ليك التورتة وباقي الفواكه تقعد معاك شهر
واحدين ضبحوا يجيبوا ليك كراع
ناس غيروا عفشهم يدوك الغسالة والبوتوجاز
أحمد الله الماشة ليها شنو
عايزين تودوني محل الناس الجعانين ياحيوانات
أها الظاهر كان قعدنا حانوريهم شغل خالتكم دي
قال غزة { 1 } قال !!!
هسي في داعي للإرهاب دا الأسماء السودانية كملت وللاكملت

وللمزيد من التواصل مع { الجنس الخشن } تلفوني بالسعودية 00966507063205

بعض النصائح
فى السودان يجب ان لايسكن اى شخص بينه وبين مكان عمله كوبرى
الاخ القال القدس بقول ليهو القدس ما مشكره كان استثمار كان سكن وظهر فيها تزوير
الوادى الاخضر ممكن الشراء والبيع فيهايعنى استثمار ما سكن ولكن بشرط واحد هنالك قطع ليس بها شهادات بحث بغرض البيع فيجب استشاره خبير
دكتوره نجاه لو ما محتاجه ما تبيعى لحدى ما يكتمل ظلط شارع الستين وهو الان فى طور الرصف ولو احتجى تفصيل اكتر ارجو الاتصال
عموما يا اخوانا لانو سعر الاراضى فى السودان ما حقيقى لازم الزول يتاكد من انو عاوز يسكن ولا عاوز استثمار
نصحيه اخيره لا للاستعجال مهما كانت الظروف والبكلفتك فى الاجراءات بيكون عاوز ياكلك

Quote: تشتري من مالك العكاز مباشرة اي مالك الأرض

وأبو عكاز ده وين تلقى ليه حجاز أكان غالطك...

الابتعاد عن شراء الاراضى المجلسيه اى ليس بها شهادات بحث من تسجيلات الاراضى وانما شهاده بحثها صادره من المجلس الذى يتبع لها وهذه عرضه للتخطيط وللتزوير ولبيعها لاكثر من جهه يعنى حتى لو باع ليك صاحب العكاز برضو مافى ضمااااااااااااااان

عشان الكلام دا اشترينا بره السودان

Quote: أخي محمد عبد القادر سبيل هل تقصد الأراضي التي تقع على يسارك وانت طالع من الرميلة ماشي على الميناء البري هناك مخطط غزة { 1 } وغزة { 2 } طبعاً مخطط غزة { 1 } انتهى توزيعه ووزعوه على كبار الدستوريين مكان التوزيع بمكتب استثماري بالطائف الآن يوزعون غزة 2 سألت بتاع مكتب قريب المخطط وذكر لي أن القطع الواقعة مع الزلط في حدود 400 مليون الموضوع شايك يعني تشوف ليك واحد دستوري عندو قطعة وتحاول تعوضه بان تدفع له الرسوم وخلافه وتزيدو شوية بعضهم ما محتاج ليها نهائيا منحوها ليهو صدقة

اخي الكريم ابو حراز
السلام عليكم ورحمة الله وبركاته
اشكرك ياخي اولا
وثانيا عايز اسألك: هسع لو قلنا للسماسرة ديل عندنا قطعة ارض في غزة (1) دي ذاتها وناصية فاتحة على ميدان أو حتى قلنا ليهم على الزلط الرئيسي بتاعم دا عديل
حا يقولوا خير ؟
وللا حيطلعوها ليك ما بتجيب اي حاجة
كدي عليك الله أسألهم لي
قول ليهم فعلا
عندنا في مخطط غزة (1) قطعة 420 متر ناصية فاتحة شمال على ميدان
عايزين نبيعها
هل بلقوا ليها زول ب 350 مليون أو حتى ب 300 ؟
كان قالوا خير بيع يا زول بالنيابة عني
لكن كان قالوا ليك كتيرة قول ليهم سيدها بايع ليكم جيرة الدستوريين - الأكيد أكيد راجعين بعد الانتخابات الما نزيهة!!- مش بايع ليكم حتة ارض !!!!!!!!! ( يعني مرج من فايتامينات واو ) أها بتستاهل وللا لأ
غايتو السماسرة ديل لو ما بتروا من جسد الاقتصاد ما بتقوم للسودان دا قائمة
________________
اللهم اغفر لنا ما قدمنا وما اخرنا وما اسررنا وما اعلنا وما اسرفنا وما انت اعلم به منا

أخي عبد القادر
انت الجابك وسط الجماعة ديل شنو
طبعا ربما تكون اشتريت
لكن بعد ماتنتهي من طريق الظلت الماشي للميناء البري
يعني في صينية ومعاها محطة محروقات جديدة على الجهة اليمين من المحطة دي بيقع مكتب عقاري
سيدو ماشاء الله متخصص في { غزة 1 وغزة 2 } يعني قداموا المخطط وعارف كل شيء
تلفونه غير متوفر معاي الآن
لكن مع قريبي بالسودان سوف أحاول أن أسأله
وياريت لو رقم القطعة حتى ولو على الماسنجر
لأنو حايعرف من رقمها موقعها بالضبط
القطع التي تقع مباشرة على الظلت اسعار جهنم
لكن لو قطعتك لجوة الله يكون في عونك
بعدين الجماعة الطيبين عنهدم حركة عجيبة
حينما يطرحوا مخطط للإستثمار فإن القطع المميزة بغتسوها
يعني لو جيت انت وعامل فيها تفتيحة وقلت عاوز القطعة دي
طوالي بقولوا ليك القطعة محجوزة
محجوزة لي ناس الباقيات الصالحات
وهي لله هي لله
مرات واحد فيهم يعمل شكلة ويهدد يقول خلوها مستورة وللا بطلع ليكم اي شيء
اها يقوموا يسكتوا ليهو خشمو بي غزة ناصية
تاني علي بالطلاق مايفتحوا الا لي طراش الملاريا ًًً
هو بتجيهم ملاريا !!!

Quote: القطع التي تقع مباشرة على الظلت اسعار جهنم لكن لو قطعتك لجوة الله يكون في عونك

ههههه
ابو حراز
انت معانا وللا معاهم ؟!!!

Quote: اها يقوموا يسكتوا ليهو خشمو بي غزة ناصية تاني علي بالطلاق مايفتحوا الا لي طراش الملاريا ًًً هو بتجيهم ملاريا !!!

Quote: دكتوره نجاه لو ما محتاجه ما تبيعى لحدى ما يكتمل ظلط شارع الستين وهو الان فى طور الرصف ولو احتجى تفصيل اكتر ارجو الاتصال

سلامات
بس كنت عايزة اعرف ثمنها عشان نشوف بقينا مليونيرات ولا لسع
ممكن اعرف بقت بكم؟

Quote: مدينة السلام بسوبا خلف المنطقة الصناعية ,المنطقة مربوطة بطرق مسفلتة تبعد عن طريق الخرطوم مدني الجديد بكيلو واحد وعن مطار الخرطوم بـ 25 كيلو المنطقة شرق الخرطوم حيث ستنتقل للمنطقة جميع الوزارات والسفارات والسفارة الأمريكية تبعد 3 كيلو من المنطقة المنطقة تعتبر ارقى مناطق الخرطوم حيث تنتشر الكثير من المخططات حولها منها الدبلوماسي سبا الرضوان العودة تبعد عن الازهري جنوباً ب10 كيلو وجنوب الحي الدبلوماسي ب 3 كيلو مع العلم ان الازهري أسعارها من 100 مليون وحتى 200 مليون حسب المربع والموقع والحي الدبلوماسي بسعر 140 مليون وحتى 250 مليون أما سعرها فالقطعة تتراوح بين 28 وحتى 32 مليون وتوصيتي بالشراء لانها تقفز قفزات واسعة فشهر 9 الماضي كانت اسعارها من 10 وحتى 12 مليون العندو كاش يتوجه لهذه المنطقة

سلام ياشباب . الكلام الفوق دا كلام زول مفتح صاح .

الجريف شرق بعد كبرى المنشية بيكم

وشرق النيل عموما الاراضى فيها بيكم وماهى امتيازات هذه المنطقة

دكتوره نجاه ما اقل من مائه وثمانون مليون جنيه

الاخت عفرا
اولا حى القادسيه ودا بيقعفى اتجاه الشماا لجفرافى بعد الصينيه على يدك الشمال وبقع بين المستشفى والفحص الالى بحرى سعر الثلاثمائه متر ما اقل من مائه واربعون مليون وعلى ذلك قيسى
حى الهدى ودا بيقع على يدك الشمال بعد الصينيه وانتى متجهه نحو الجنوب وهو حى درجه اولى لاتقل القطعه فيه عن المائتى مليون جنيه
حى النصر يقع بعد الهدى بمسافه ايضا على يدك الشمال على ما اعتقد القطعه بين مائه وعشرون ومائه واربعون حسب الموقع والشارع والقرب من الكبرى وحى الهدى
مدينه الفاتح درجه اولى بين ثمانون وستون ودرجه ثانيه ستون وابعون ودرجه ثالثه اربعون وخمسه وعشرون وايضا ما يميز القطع هناالموقع وشارع الظلط
اما الوادى الاخضر سبق الحديث عنها
والقدس قلنا فيها راينا
وشكرا

ماهى اسعار الحى الدوبلماسى والأندلس مربع 16 و15 وأسعار الرضوان والمجاهدين
وامتداد شارع أفريقيا للمطار الجديد ماشى بى وين



منصور

الاخ منصور سيد البوست
الدبلوماسى ما عندى فكره لانو ما عندو سوق وما فيهو اى مبانى قائمه الان لكن القطعه فى وكت حصلت سبعين مليون
الاندلس بفيدك بكره انشاء الله ومعها امتداد شارع افريقيا
الرضوان ينطبق عليه ما ينطبق على الدبلوماسى
المجاهدين ما اقل من ثلاثمائه مليون باى حال من الاحوال ودا مربع الان متربع على المربعات كلها وتمت شوارع الظلط فيهو كلها وكثير من الشركات وبعض الوزرات انتقلت هناك

مشروع الحي الدبلوماسي

تقوم شركة منازل مع وزاره التخطيط العمراني ولاية الخرطوم بتنفيذ مشروع الحي الدبلوماسي مربع (3) بعدد (607) قطعة سكنية بمساحه قدرها 237,655 متر مربع بمنطقه سوبا بالخرطوم جنوب مربع (2) المخصص للسفارات والمنظمات الدولية ووزارة الخارجية ، وهي منطقه محصورة بين شارع مدني ـ الخرطوم شرقاً والسكة حديد غرباً. تقوم شركة منازل العقارية بتنفيذ الخدمات الأساسية للموقع بتكلفة إجمالية قدرها 8,940,309 دولار وهي:

الطرق بطول 10 كيلو متر بتكلفة قدرها 2,719,772 دولار

شبكة الكهرباء بتكلفة قدرها 1,113,033 دولار

شبكة المياه بتكلفة قدرها 533,014 دولار

المصارف والعبارات بتكلفة قدرها 92,575 دولار.

تعد منطقة الخرطوم جنوب هي الامتداد الطبيعي للتوسع المعماري و السكني في الخرطوم و منطقة الأزهري وسوبا من اميز المناطق- الحي الدبلوماسي حي راقي جدا والمنطقة المجاورة للمخطط عبارة عن مخططات سكنية يتوفر فيها بنية خدمية من طرق مسفلته وكهرباء ومياه -الحي الدبلوماسي يضم مربعات الحي الدبلوماسي و احياء مثل حي السفارات وحي المعالي وهذه المنطقة سوف تضم مباني السفارات - مبني وزارة الخارجية -مبني الامم المتحدة- المدينة الرياضية وكذلك بعض من مباني الوزارات- هناك بعض من المخططات في المنطقة مثل مخطط المصورات( الازهري مربع 27)- مخطط العودة -مخطط الرضوان- مخطط التنعيم وغيرها من المخططات الحديثة .و توجد ايضا بعضا من المرافق الهامة التي لا تبعد عن الحي الدبلوماسي مثل الابحاث البيطرية - ابحاث الطاقة - المواصفات والمقاييس- كلية الشرطة - مستشفي سوبا الجامعي وغيرها. كما ان الحي الدبلوماسي ليس ببيعد من مجمع الياسمن السكني - كل من هذه المزايا تجعل من الحي الدبلوماسي منطقة ذات مستقبل زاهر- تم توزيع اراضي بالقرب من الحي الدبلوماسي لعدد من منسوبي الهيئة القومية لدعم القوات المسلحة -نواب البرلمان- اساتذة الجامعات -وفي الأخر يمكن ان نقول بان هذه المخططات بعض منها مازال في مرحلة التسويق وبعضها الاخر يشهد عمرانا بطيئا بعكس الأزهري التي يبدو اكثر نمؤا وعمرانا ومأهولة سكانا
الاسعار من 140 مليون للعادية وحتى 250 مليون للتي تفتح على طريق مدني الجديد(الدائري) وطريق مدني القديم ,

ذكرت في المداخلة السابقة ان اراضي حي السلام بين 28 وحتى 32 مليون وهذه لشهادة البحث ملكية عين (ملك حر ) مساحة 340 متر وكانت هذه اسعار الاسبوع الماضي هذا الاسبوع تغيرت الاسعار فصارت على النحو التالي :
الملك الحر بين 30 وحتى 35 مليون
الحي جديد وكان اراضي زراعية وتم تعويض اصحاب المزارع وتم تسليمهم اراضيهم بالحي كتعويض عن اراضيهم الزراعية ولم تصل بعد الى ايادي السماسرة , لذلك اسعارها متدنية ولكنها تقفز قفزات عالية وسريعة لتواكب اسعار المناطق الحوالها
حي الدبلوماس مثلاً يبعد عن حي السلام بـ 3 كيلو فقط وسعر القطعة بالحي الدبلوماسي 140 مليون
يعني بعد 6 شهور بتصل السبعين وممكن الثمانين واحتمال التسعين
العندو كاش هذا استثمار جيد جداً

السلام عليكم جميعا

شكرا علي المعلومات القيمه

وبسال عن اراضي السوق المحلي مربع 35

السعر والموقع ورائكم شنو في قطعه 100 متر ؟؟

يعني مش المربع الذهبي

تحياتي

Quote: يا ناس الخرطوم أسعار الأراضى بالخرطوم

و ليه الخرطوم .. نيالا و كسلا و دنقلا و الروصيرص .. مالهم ؟؟

هى الخرطوم دى تشيل منو و تخلى منو ؟

يا ود المفتاح اخير ليك تفتش محل الهمبريب !!

الخرطوم مكلفة ياخ !

الاخ منصور كما وعدتك بالامس فان سعر الاندلس مربع 15 يتراوح بين 17 مليون و25 مليون ومربع 16 بين 13 مليون و18 مليون والمربعين مافيهم اى خدمات حتى الان على ما اعتقد
الاخ ابوعكر مربع 35 جنوب السوق المحلى مربع استثمارى وسعر المتر فيهو حسب نوع الاستثمار هل هو خدمى ام تجارى ام صناعى
هل تعلم ان المخزن الجملون المشيد بمساحه خمسه الف متر ايجارو ستين مليون فى الشهر
وضح نوع قطعه ومساحتها ونوع الاستثمار وبحاول افيدك

شكراً لصاحب البوست وللذين أدلوا بمعلومات قيمة.
سؤال للأخ عبد القادر مصطفى: ما رأيك في مخطط نبتة، وكم تبلغ أسعار القطع فيه؟

شكرا لك اخي عبدالقادر

القطعه صناعي ناصيه

تحياتي

السلام لكل من تداخل والشكر لكل من أسهم والأجر لنا جميعا فتمليك المعلومه
يسهل الأمر على الساعى لذلك الشأن فالشكر لكم أجمعين وكما أسلفت البوست ملك
للجميع ويا عبدالقادر إستخرج رخصة دلالة عقار
وكذا الأخ بهاء..................


منصور

اخى ياسر حى نبته الان استعاد بريقه السابق فالقطع الان تتراوح بين سبعين مليون ومائه وثلاثون هنالك ارتفاع مفاجئ فى المربعات فيه ولعل السبب هو ان مدينه بحرى الان بها امتدادات سكنيه جديده مثل الوادى الاخضر والقدس مما جعل نبته فى موقع ممتاز بالنسبه لبقيه المربعات الاخرى
الاخ منصور حكايه الدلاله دى هوايه وبحب الحوامه فى ايام العطل فى هذه المربعات ولو قلت ليك فى مربع بتاع فلل على النيل اتجاه سوبا حاولت ادخل الفلل مالقيت طريقه وقربت ارشى الغفير عشان اخش فيها والدعوه للبيع فى هذه الفلل يتم بكروت دعوه توجه لاشخاص بعينهم ولا يسمح لامثالى بالاقتراب فلك ان تتصور والان ابحث عن واسطه لادخالى فقط من اجل اشباع هوايه المراقبه ومعرفه الوضع والسعر

سلامات تاني
في قرى حول مجمع نبتة مثل حطاب ودردوق
تباع بشهادة بحث من المحلية ممكن نعرفاسعارها بقت كيف؟

الاخ بهاء الدين سليمان ياخى لو تكرمت ادينا فكره كويسه عن حى السلام دا
وهل توجد به خدمات وكم عدد المربعات + المساحه . والبيع عند سماسرة وين على العموم انا ساكن الخرطوم وعاوز تفاصيل اكثر

الأخ عبد المحسن تحياتي
حي السلام حي جديد وكان عبارة عن مزارع وانتزعت حديثاً ولا يوجد به خدمات لهذا السبب ولكن الخدمات متوفرة بالمصانع التي بجوار الحي وتبعد عنه 50 متر (فاصل شارع الزلط) يوجد سوق بالقرب من المنطقة وتقع المنطقة غرب تفتيش سوبا
يبعد الحي عن مطار الخرطوم بـ 25 كيلو متر وتنبع أهمية الشراء في أن منطقة سوبا لها مستقبل زاهر فجميع الوزارات الحكومية تقريباً ستنتقل إلى هنالك كما أن الحي الدبلوماسي سيضم البعثات الدبلوماسية العاملة بالسودان ومباني سفاراتها ومباني الأمم المتحدة . كما أن المدينة الرياضية ايضاً ستبنى بالمنطقة .
أسعار السلام بالمقارنة بالمناطق التي تجاورها بخس وزهيد للغاية فعلى بعد 2.5 شمالاً يوجد حي التنعيم يشتري به الأقباط فقط وسعر القطعة 70 مليون للعادية و 130مليون جنيه قديم للتي تفتح على أسفلت (شارع كبير ولم يسفلت) وايضاً لا تتوفر أي خدمات
مساحات القطع متعددة تبدأ من 330 متر وحتى 380 متر وبعضها ملك عين (حر ) وبعضها ملك منفعة
أسعار الملك الحر من 30 وحتى 35 مليون حسب موقع القطعة
أسعار الملك المنفعة من 22 وحتى 27 مليون حسب موقع القطعة
دي أسعار الأسبوع ده
بالملك الحر ميزات أفضل من المنفعة
أما مربعاتها الجاهزة والتي يباع فيها ألان مربع 1 ومربع 2 تم توزيعه ولازالت المزرعة الموجودة به بها قليل من الخضرة (( حي جديد وما وصل للسماسرة ))
لدى السماسرة الملك الحر إما المنفعة فتوجد لدى أصحاب المزارع المعوضين

دكتوره نجاه
انتى فى ماليزيا وبتعرفى دردوق وحطاب ولو كنتى هنا كان سويتى البدع
عموما انا ضد القطع المجلسيه لكن جارى البحث لك عن الاسعار
ساوافيك بالجديد
دمتى ستى

الأخ بهاء الدين والأخ عبدالقادر... التحية لكما والتحية موصولة لصاحب البوست.
أسأل عن سعر الـ500 متر بحي المعمورة مربع 81.

الاخ محمد الامين
مربع 81 مربع جميل واجمل مافيهو ان البنيان جديد وبصوره راسيه تصل بعض المنازل فيه الان الى ما يقارب الثمانيه طوابق والغالب فيهو عمارت الثلاث طوابق يعنى تسكن فى الارضى كلو ويكون عندك سته شقق فوق لراسك ايجار الشقه كان تشطيب سمح يصل الف وخمسمائه دولار لخواجات الامم المتحده
السعر يتراوح بين 350 مليون حتى 400 مليون
لك الود

مربع 81 المعمورة شايف القطعة من 350 مليون الى 400 مليون
يعني الواحد لو عاوز يشتري ليهو قطعة في المربع دا كدي ياجماعة أحسبوا معانا
بي شغلنا الحالي قاعدين بعد حراق روح بنوفر 12 الف ريال سعودي في السنة

اللأ 400 مليون بتساوي ليها قريب 600 الف ريال
طيب العشرة سنوات نكون وفرنا فيها مبلغ 120 الف ريال ويكون عمرنا بعد عشرة سنوات 45سنة
عشرة سنوات تانية وفرنا فيها 120 يصبح المبلغ 240 ويكون العمر بعد عشرة سنوات 55 سنة
بعد عشرين سنة أخرى وفرنا 240 الف يكون المبلغ 480 ويكون العمر بعد عشرين سنة 75 سنة
اها عشرة سنوات تانية 120 تكون الـ 600 الحمد لله انتهت ويكون العمر ماشاء الله 85 سنة !!!!!

باقي ليكم في مغترب بصل 85 سنة !!!!
والله قابلت ثلاثة بالحصاحيصا وهم يلقطون الأكياس
ماخلوا ولا كيس ولا ورقة الا وحملوها معهم
سألت ديل شنو
قالوا لي كانوا مغتربين
وكانوا بيرسلوا قروش للجماعة عن شراء اراضي وبناء بيوت
وحينما حضروا لا لقوا بيوت ولا تراب
والله حالتهم تحنن

Quote: وبسال عن اراضي السوق المحلي مربع 35 السعر والموقع ورائكم شنو في قطعه 100 متر ؟؟ شكرا لك اخي عبدالقادر القطعه صناعي ناصيه تحياتي

الاخ عصام ابوعكر
يعنى نحن جيران والله ده براهو خبر كويس ما شاء الله

إبراهيم عبد الحليم

Quote: مربع 81 المعمورة شايف القطعة من 350 مليون الى 400 مليون يعني الواحد لو عاوز يشتري ليهو قطعة في المربع دا كدي ياجماعة أحسبوا معانا بي شغلنا الحالي قاعدين بعد حراق روح بنوفر 12 الف ريال سعودي في السنة اللأ 400 مليون بتساوي ليها قريب 600 الف ريال طيب العشرة سنوات نكون وفرنا فيها مبلغ 120 الف ريال ويكون عمرنا بعد عشرة سنوات 45سنة عشرة سنوات تانية وفرنا فيها 120 يصبح المبلغ 240 ويكون العمر بعد عشرة سنوات 55 سنة بعد عشرين سنة أخرى وفرنا 240 الف يكون المبلغ 480 ويكون العمر بعد عشرين سنة 75 سنة اها عشرة سنوات تانية 120 تكون الـ 600 الحمد لله انتهت ويكون العمر ماشاء الله 85 سنة !!!!! باقي ليكم في مغترب بصل 85 سنة !!!!

يا ود حراز... قلت لي الواحد إلا يبقى جدو سيدنا نوح حتى يجمع المبلغ دا... المشكلة إنو الوقت داك تصبح القطعة بستة مليار!!!
خلينا في هجيليج بتاعتنا ديك نقطع الكبري الجديد نتمنظر في البدع ونعود نتخمد!!!

الاخ ابو حراز فيهو قطعه ناصيه 550 متر عاوزين نشتريها لصاحبنا قالو السعر 360 مليون قلنا خلوها بى 330 مليون سيدا قلات غيرت راى الا 395 مليون

اها و مربع 9 ( درجة ثانية ) بمدينة الازهرى كم سعر القطعة الآن يا عبدالقادر ؟؟؟

مع تحياتى للاخ منصور

اها ياعبدالقادر
بقينا اتنين انا وجاري العزيز
انشاءالله ابراهيم عبدالحليم
يعني الحكايه محتاجه شويه معلومات
عن السوق المحلي ونكون شاكرين ومقدرين
واسفين علي تعبك

أبوحراز والمله عمر وآخرون يصنعون بالسخرية حياة نتقبل بها هول الغلاء
الفاحش فى أرض المليون ميل مربع وتوجه قاطبية سكانها الى الخرطوم كأرض
للميعاد عبر صرط عجاب فيا لطيف والشكر لك يا قدوره على الموالاة والفور
والدلك الشافى وكشف عورات السمسرة والشمشره والسلام للكل





منصور

Quote: انتى فى ماليزيا وبتعرفى دردوق وحطاب ولو كنتى هنا كان سويتى البدع عموما انا ضد القطع المجلسيه لكن جارى البحث لك عن الاسعار ساوافيك بالجديد دمتى ستى

لانه ساكنين في السامراب

مع الشكر
الرجاء ان تطلب من بكري يرحل بوستك دا
لانه بالجد مهم جدا

أبوحراز والمله عمر وآخرون يصنعون بالسخرية حياة نتقبل بها هول الغلاء
الفاحش فى أرض المليون ميل مربع وتوجه قاطبية سكانها الى الخرطوم كأرض
للميعاد عبر صرط عجاب فيا لطيف والشكر لك يا قدوره على الموالاة والفور
والدلك الشافى وكشف عورات السمسرة والشمشره والسلام للكل





منصور

الاخ ابوعكر
المربعات الاستثماريه فى ولايه الخرطومهما مربع 35 جنوب السوق المحلى ومربعات سوبا الاستثماريه تبدأ من مربع واحد حتى تسعه على ما اعتقد
مربع 35 جنوب السوق المحلى الان ملئ بالمصانع والمخازن وفتحت فيه معظم الشوارع بدأ سعر لدى الحكومه فقط ب17 الف جنيه يعنى الالف متر كان فقط ب 17 مليون ثم اصبح المتر ب 35 الف جنيه والان المتر وصل فى بعض المناطق 500 الف جنيه والمربع يقع جنوب السوق المحلى وغرب الازهرى وشمال مايو وشرق الشارع الذى يؤدى الى الكلاكله شرق ويحده ايضا التصنيع الحربى ولو عندك امكانيات وما محتاج اسس شغل فيهو انشاء الله مصنع تلج صغير حايفيدك جدا جدا
لك الود

سلام

في مخطط في سوبا اسمو النعيم ولا التنعيم حاجه زي دي انشاءلله سمعتو بيهو واسعاره كيف

اخى محمد
اسم المربع التنعيم
لكن الدبلوماسى والتنعيم والرضوان وبقيه الاحياء التى تجاورها هذه مربعات قامت شراكه بين بعض الشركات ووزراه التخطيط العمرانى وكانت تكلفتها عاليه لذا اسعارها عاليه نعم هنالك خطوط كهراء مشدوده وطرق مسفلته لكن ما بتلقى فى المربع اى بنيان ولو عاوز تفكر فى هذه المربعات لن تكون مؤهله للسكن حسب اعتقادى الا بعد سبعه سنوات على الاقل
عليه الازهرى بجميع مربعاتها افضل كثير من هذه المربعات
لك الود

Quote: اخى محمد اسم المربع التنعيم لكن الدبلوماسى والتنعيم والرضوان وبقيه الاحياء التى تجاورها هذه مربعات قامت شراكه بين بعض الشركات ووزراه التخطيط العمرانى وكانت تكلفتها عاليه لذا اسعارها عاليه نعم هنالك خطوط كهراء مشدوده وطرق مسفلته لكن ما بتلقى فى المربع اى بنيان ولو عاوز تفكر فى هذه المربعات لن تكون مؤهله للسكن حسب اعتقادى الا بعد سبعه سنوات على الاقل عليه الازهرى بجميع مربعاتها افضل كثير من هذه المربعات

سلام اخي عبد القادر مشكور التوضيح

اخى كوستا
مربع 9
مربع جميل المبانى فيهو تسير بصوره كبير تبدأ القطعه فيهو من 120مليون وحتى 250 مليون للقطع التى تطل على شارع الستين متر والذى بدأ رصفه الان من مربع واحد ويتجه جنوبا حتى نهايه مربع تسعه وهو مربع واعد جدا سكنا واستثمارا وبقربه الان كليتى الرازى الطبيه وجامعه السودان العالميه وبدات الدراسه بعد اكتمال المبانى فيهما حيث تقع كليه الرازى الطبيه بمربع اتنين وتقع جامعه السودان العالميه بمربع سته على ما اعتقد
لك الود

يا شباب السوق المحلي مربع 24

المساحة 150 متر مربع 00

كم سعره 0000

اخى ود الباوقه
اظنك تقصد مربع 34 السوق المحلى او ما يعرف بالمربع الذهبى وليس مربع 24 لو كان هذا قصدك مربع 34 فالمتر فى هذه المنطقه بين 500 الف الى 750 الف وان كنت تقصد مربع 24 فلم اسمع به وان وجد فلا علم لى
لك الود

اظنك تقصد مربع 34 السوق المحلى

نعم اخي عبد القادر 00

اقصد مربع 34

شكرا على المعلومة ..

بارك الله فيك ...

اها يااخوانا

عندي قطعتين في الاندلس

واحده في 9 والتانية في 11

وعاوز لي بيت جاهز في الفتيحاب

او جبره او الحاج يوسف

اها الحسبة كيفن....؟

يعني القطعتين بجيبن كم....؟

والبيت بكلف كم....؟

الظاهر عليها غربة وخراب ديار....!!!!

شكرا منصور

صوت شكر و اشادة بالبوست الخاص بموضوع الاراضي فقد و فر علي كثير من الناس و خاصة
من هم خارج البلد امثالنا في معرفة الكثير عن اسعار و مواقع المخططات و اسمائها مما يسهل
من عملية اتخاذ القرار ، ارجو منك اخي فضلا لا امرا ان تفيدني برقم الاخ/ عبد القادر مصطفي
او ايميله للنواصل معه علما انني ليس من اعضاء منبر سودانيز اون لاين

و لك الشكر مجددا اخوكم صلاح

اخى هارون دياب موضوعك مركب سارد عليك يوم غد باذن الله
اخى منصور شكرا للسماح لنا باحتلال البوست فهذا كرم كبير منك
للجميع يمكن التواصل على الايميل [email protected]
التلفون 00249912339210
اى خدمه مقدمه منى هى خدمه مجانيه فانا لا ابيع ولا اشترى فقط الامر هوايه امارسها فى اوقات الفراغ
لكم الود

Quote: اخى كوستا مربع 9 مربع جميل المبانى فيهو تسير بصوره كبير تبدأ القطعه فيهو من 120مليون وحتى 250 مليون للقطع التى تطل على شارع الستين متر والذى بدأ رصفه الان من مربع واحد ويتجه جنوبا حتى نهايه مربع تسعه وهو مربع واعد جدا سكنا واستثمارا وبقربه الان كليتى الرازى الطبيه وجامعه السودان العالميه وبدات الدراسه بعد اكتمال المبانى فيهما حيث تقع كليه الرازى الطبيه بمربع اتنين وتقع جامعه السودان العالميه بمربع سته على ما اعتقد لك الود

شكراً احى عبدالقادر فقد افدتنى بهذه المعلزمات الطيبة
و اتعشم فى المزيد من التفاصيل و المعلومات.

امتنانى

Quote: اى خدمه مقدمه منى هى خدمه مجانيه فانا لا ابيع ولا اشترى فقط الامر هوايه امارسها فى اوقات الفراغ

لك التحية أخي عبدالقادر... إن الخدمة التي تقدمها لنا في هذا البوست خدمة عظيمة جليلة لا تقدر بثمن نسأل المولى عز وجل أن يجزيك عنها قصرا في الجنة.

Quote: اى خدمه مقدمه منى هى خدمه مجانيه فانا هنا لا ابيع ولا اشترى فقط الامر هوايه امارسها فى اوقات الفراغ

شكرا استاذ عبد القادر
سؤالين وبس
1) هل تأثرت اسعار الاراضي بالانتخابات ؟
2) ما هي توقعاتكم لأسعارها في الفترة القادمة ؟

Quote: عندي قطعتين في الاندلس واحده في 9 والتانية في 11 وعاوز لي بيت جاهز في الفتيحاب او جبره او الحاج يوسف اها الحسبة كيفن....؟

زيدن بوكس دبل قبينة...حا تقايط بيهن ببيت في الحاج يوسف

Quote: نعم اخي عبد القادر 00 اقصد مربع 34

ود الباوقة تقايط بي بيت جاهز في الارهري وشتلتين منقة ونخلتين
قنديلة يلقطن

شكرا منصور وضيوفه
وشكراً عبدالقادر مصطفى على المجهود
وبوست يوزن خيرصانة عديل
نحنا طبعاً من قاطني مربع 24 حي الجامعة مع ابوحراز وجماعتو ديل

لكن أنا { ما قطنت } لسه
حلوة قاطنين دي
تعرف عاوز امشي اقعد مع الخالة بتاعت المنشية دي وأشوف تقل الدم بتاعها دا كيف
كمان آخذ بعض المعلومات التي تفيدني في اتخاذ القرار النهائي
وبعديها إما صنقرنا ليكم في مربع 24
وإما حزمنا أمتعتنا وذهبنا الى صالحة
ونا خايف نعديها احزمتنا وكوارعنا ومنشيتنا
ونلقى صالحة ذاتا كملت !!!

عاوز ارفع ضغطكم شوية
واحد والله اتصل قبل ايام وقال عاوز ليهو مساحة فاضية في السوق المحلي
عندو مصنع حديد
عاوز يعمل جملون عشان تخزين الفائض
قلت ليهو لحد كم مثلاً القطعة ؟؟
طبعاً صراحة أنا اتخلعت والله العظيم كاد أن يغشى علي
وبحثت عن مفتاح السيارة لمدة ساعة كاملة ولم أجده
ويشهد الله وعلي بالطلاق أنو المفتاح بكامل قواه العقلية في يدي
الزول بكل بساطة قال لي لحد مليار ماعندي مشكلة !!!!!!
سبحان الله
طبعاً عنوان الراجل وتلفونه عندي للجادين فقط
ومش ممكن افرط فيهو للغاشي والماشي
يعني قريبي قال لي لو الحكاية دي تمت عمولتك ممكن تكون 100 مليون
أأأأأأأأأأي 100 مليون
ولو دا تم أنا ما حا اكون سائل في جماعة تتمكنون ذاتم
اها العندو مساحة في السوق المحلي يورينا ليها ويتصل
قال مربع 24 قال
بالله ياعباس لو شفت ليك جملون في السوق المحلي مش كان أحسن ليك ؟؟

يا ابوحراز يعني التقطين دا بيقطع ليك راس

اي مضرب من مضارب العامرية وانت في الحجاز تاخد ليك واحد بيت شعر
ومكيف صحراوي وتبقى رئيس لجنة شعبية كمان

لكن صاحبك بتاع الجملون داعمل لينا نفسيات
نحن طبعاً اميون في ها الحكي ناس رواتب ساكت
يدوك ليهو اخر الشهر زي الموجب

حليلنا فيها ام بناياً قش

بوست ممتع ومدهش وفيه معلومات مهمه وعلى طريقة السهل الممتنع..
شكرا عبدالقادر على المعلومات وشكرا ابوحراز على المعلومات المحشوه
بالابتسامات. . وشكرا صاحب الفكره والبوست التحفه المنصور المفتاح..

مازال الأداء جيدا والجهد مبذولا بسخاء قدوره ونزار وابوحراز وغيرهم وحصد
الخيرات بواسطة قراء كثر والكل يتوجه إلى البوست باحثا عن ربع رباعته
وأحيانا يتخير غير ربعهم لصعوبة تحقيق ذلك والحمد لله الخير واجد والسعر
عالى وجعان ياكل بعيونو الشكر والسلام والتقدير للكل...........



منصور

ابو حراز
بالله شوف زول ياجر ارضنا دي بالله

يعمل فيها جملون ولا طابلون
لانه ما بنقدر نبنيها
حالص

ناصية على شارع رئيسي من الجهتين

دكتورة نجاة
قطعتك دي وين
طبعاً في قطع درجة أولى بنسميها نحن قطع هيفاء وهبي
ونانسي عجرم
واليسا

في قطع درجة تانية ودي بيقولوا ليها اصالة
وأروى
ورزان المغربي

في قطع درجة تالتة ودي قاعدين نسميها فيفي عبدو
وشعبولا
وابوحراز
وابوداؤود
وعوض دكام
انتي قطعتك في ياتوا مرحلة من المراحل دي عشان نقدر نقيمها ليك
ونشوف ليك حكاية الجملونات دي
وزي ماقال أحد المتداخلين فإن بعض الجملونات بالسوق المحلي يصل ايجارها الشهري 60 مليون

والله يامنصور واخوتي القراء انا خايف البوست دا يفتح شهية اسماك القرش
ويقوموا ياخذوا المحلات كلها في السوق المحلي
هسي تلقاهم لافبن العمم اليومين ديل وحايمين بي هناك
هو نحن البخلينا نقول الكلام دا شنو
يعني نحن نكاكي 00 وهم بهناك يمشوا يبيضوا
حكمتك يارب
انصحك بالاستفادة من القطعة
خليك نجيضة زي زوجة صاحبي
والله اتصل عليها قبل فترة وقال ليها ياولية الواطة بتاعتنا قالوا بقوها مكب نفايات
لازم تلبسي توبك هسع وتمشي وتشوفيها
قالت ليهو يا المهود الواطة أنا أجرتها لي ستات الشاي
عشان هنا في بحري في تجمع بتاع شاحنات بيشحنوا دقيق سيقا
شوفي المرة النجيضة دي أجرت الواطة فاضية بـ 400 الف في الشهر لأربعة ستات شاي
ونحن ناس ست النفر جيب لينا ورسل لينا
قروشنا كلها كملت عدة وملايات
كمان الحكاية جابت ليها آخر الزمن سراميك وصناديق اسبوعية

يا ابو حراز في الازهري مربع 2

قريبة لكلية الرازي الطبية على ما اعتقد

الاخوه الاعزاء
زمان كنتو بتسمعو بانو السوق العربى نقلوه للسوق المحلى والان السوق المحلى اصبح شقق مسكونه من مواطنين وانتقلت كل المخازن لمربع 35 جنوب السوق المحلى والان هنالك مخازن بمربع 35 الشاحنه بى ترلتين تدخل تفرغ جوه وتطلع بالباب التانى والتخزين اصبح سوق رائج
مربع 24 الجامعه تجاوز المائه مليون بى مراحل بس حركتو اكيد ما حاتكون زى المربعات الفى الخرطوم
هنالك سؤال عن تاثير الانتخابات فى الاسعار يا اخوانا الانتخابات الناس البره شايفنها موقفه حال البلد والله مافى زول شغال بالانتخابات ولا فى سعر ليهو علاقه بالانتخابات
مشكله الاراضى واسباب زيادتنا انها الشئ الوحيد الان الفيهو التجاره يعنى تشترى قطعه لا بتاكل ولا بتشرب ولا الناس بيشوفها ولا ناس الضرائب حايمين عليها شهاده بحث جوه الخزنه وانت نائم تبيع وتشترى بالتلفون وناس يخدموك لحدى عندك لو عندك القروش
المهم الما اشترى لازم يشترى والعندو قطعه ما يبيعا الا للشديد القوى
منصور نحن جاهزين انت شد حليك انقل البوست للربع التانى
لكم الود

دكتوره نجاه
عندك واحد من حلين
الاول انو لوقطعتك فى مواجهه الجامعه مباشره تقومى تعملى ليك جملون صغير بمكيفات مويه وتفتحتى القطعه كافتيريا ومطعم ومحل تصوير ومكتبه فيها دفاتر ودباديب وحاجات الحناكيش البتعرفيها ديك
هل تعلمى ان سعر الدبدوب فى الصين بربع دولار وفى السودان بيتباع للحنكوشات بى 25 جنيه يعنى قطعه فيها جملون كبير ممكن تقسميها لسبعه امكان تدر عليك دخلا وفيرا علما بانو الكليه دى الان ما قريب منها الا بقاله فيها قدره فول بس
الحل الثانى المحليه طردت ناس الشاحنات من المربع وحولتم الى جهه بعيده جدا ممكن تلقى ليك شركه تاجر منك بمبلغ محترم وتلزميهم يعملوا ليك سور بالمواصفات الانتى عاوزاها
لك الود

أخونا عبد القادر

طلب مساعدة إستغلالا" لهذا البوست المهم

أنا عاوز قطعة فى الخرطوم أو بحرى وقروشى
بحد أقصى (تلاتين الف) أو (تلاتين مليون قديم) ... وجاهز للتنفيذ
خليك سخى معاى وساعدنى (وأخلص فى المساعدة) بحق رفقة المنبر ده ....
يعنى أشر ثم أمسك وأنا بقطع ........


مودتى

الاخ قوى
حلك واحد فى مدينه بحرى وبالتحديد فى مدينه الفاتح وتحديدا درجه تانيه يا تلحق يا ما تلحق
بس اعفينى من انو افتش ليك لانو ما بقدر والله وشغلى مافيهو فرصه افتش ليك بس انصحك بمدينه الفاتح كوبرى سوبا خلاص قرب
لك الود

الاخ هارون دياب
لتشترى فى الفتيحاب والحاج يوسف بيت مناسب يعنى مسقوف صبه على الاقل تحتاج الى حوالى 50 مليون اخرى وانصحك بعدم البيع مالم يكن البديل جاهز
لك الود

اسعار اراضي مدينة الفاتح
الدرجة الاولى مربع 1 على الظلط 65 الى 75 الف
نواصى 55 الى 60
مربع 2 النواصي 60 الى 55 الف
العادية او تفتح في ميدان 48 الى 50 الف جنيه
مربع 3 من 45 الى 48 الف
مربع 4 من 42 الف الى 47 الف جنيه
مربع 18 ومربع 19 من 32 الف الى 40 الف جنيه

يا جماعة الخير... هجليج (بجوار الصالحة) مربع 1 المساحة في حدود 430 متر والتخطيط وصل لمرحلة رسم الشوارع... أها القطعة دي ممكن تجيب كم؟

أين تقع مدينة الفاتح ؟ وشنو حكاية الوادي الجيد دي؟


--------------------------
التعديل للاضافه

دكتور الصادق
الفاتح فى بحرى
المعالم البارزه شارع العليفون وسوبا شرق ومربعات النسيم الجديده

الأخ عبدالقادر أن للمعلومة قيمة لا تدانى وعليها تصدر قرارات كبيره
ومباحث تجميع المعلومات من أهم مهام هيكلة المستقبل وما بالك عندما
توقظ ثبات أمة وتملكها طرائق العبور وخرائط النجاة عزيزى سعيك مشكور
وذنبك مغفور وثوابك موفور بإذن الله وسنحيل البوست للدور القادمه حتى
تعم المنفعه ونحن أحلامنا كأحلام النابلسى فى نسمات هواى لها أرج وفى
المقطع الذى يقول دخلو فقراء إلى الدنيا...وكما دخلوا منها خرجوا
ولكن للذين يوسعون فى البيوت ويرفعون فيها السقوف ويصبون بأس الحديد
والخيرصانه وذلك لقدرتهم على حملها يوم البعث ونحن نأتى بأكاليم وبروش
من ما خف وزنه وقل ذنبه وقل يا لطيف ولكننا نفيض بهجة ومسره لمن يود
زينة الحياة الدنيا وبهجتها ورونقها الساحر الخلاب ونحاول أن نعيد الناس
من سماء الحيره الذى تخطفهم إلى أرض الأمل الواسعه التى ستأويهم جميعا
عاجلا أو آجلا والتحايا للكل والشكر والثناء لكل المساهمات والتساؤل الحميم



منصور

 

وصل الى بريدى الإلكترونى الآتى
أرجو أن يسمح أصحابه بالنشر
على كلٍ النشر على مسؤولية من بعث البريد الإلكترونى

-----------------------------------------------------------------
بسم الله الرحمن الرحيم
مخطط التيسير السكني
منطقة السبيل -المدينة المحورية
ولاية الجزيرة
السلام عليكم و رحمة الله
هذا المخطط عباره عن مجموعة من الفدادين الزراعية الحكر تم تحويلها بعد سداد فرق تحسين لاراضي سكنيه. قسم المخطط الى 146 قطعة
سكنية و خدمية (مسجد - روضة ) وهي حالياً خالية من خدمات الكهرباء و الماء
تكملة القطع الخدمية(مدارس وميادين الخ) موجودةبمخططات مجاورة للمخطط *
وصف الموقع
يقع المخطط تقريبا على بعد 7.3كلم جنوبا من نقطة العبور- تفتيش سوبا *
يبعد المخطط حوالي 700 متر غربا من طريق الخرطوم - مدني *
المخطط قبل بوابة مدينة دريم لاند بحوالي 5 كلم *
المخطط يبعد من مجمع تارا السكني حوالي 5.5 كلم جنوبا على طريق الخرطوم - مدني *

هنالك عدد 2 قطعة سكنية تحت التشيد واحدة هيكل خرساني والثاني اعمدة خرسانية مرفق صور*
عدد القطع السكنية المتبقية للبيع 67 قطعة بمساحات تتراوح بين 340 متر و600 متر مربع*

سعر البيع للمتر المربع: 65 جنيه سوداني
شاملة رسوم تحويل الملكية واصدار شهادة البحث بغرض التاكد للقطعة الواحدة
مرفقات
رسم كروكي للمخطط يوضح القطع السكنية والخدمية صادر من مكتب مساحة الكاملين
خريطة توضيحية لموقع المخطط من طريق الخرطوم - مدني
شهادات بحث صادره من مكتب تسجيلات الاراضي المسيد بغرض التاكد للملاك شهاب صالح يس و محمد عوض الكريم ابو سن
عقد الايجار- الحكر مع الحكومة (مجدد حتى2060
عدد 3صورللمخطط من ارض الواقع
ملف يحتوي على رقم كل قطعة و مساحتها
صورة لمجمع تارا السكني

لزيارة الموقع اوالاستفسار : محمد ابو سن 00249912300368
شهاب صالح يس 00249912301999 :



------------------

سلام منصور المفتاح و تحية طيبة














ش

حباب السلام من كل الإخوه ودوما البوست ملك للجميع وهدفه تنوير من هم
على البعد وتعريفهم بالمواقع وأسعارها وخصائصها دون أى غطاء أو أى
إخفاء لأى عيب مهما كان فكل شئ لله والدعاء لنا ولكم




منصور

منصور
الهدف انو الناس ما تتغش ولازم اى زول يتنور
برضو مع احترامى لصاحب الايميل فى دريم بقول للناس دريم تبعد من تفتيش سوبا سبعه كيلو ونص وتفيش سوبا يبعد ما الخرطوم مسافه مراعاه ذلك لمن يرغب فى الشراء

Quote: الهدف انو الناس ما تتغش ولازم اى زول يتنور برضو مع احترامى لصاحب الايميل فى دريم بقول للناس دريم تبعد من تفتيش سوبا سبعه كيلو ونص وتفيش سوبا يبعد ما الخرطوم مسافه مراعاه ذلك لمن يرغب فى الشراء

كلامك دا 100% بس الزول بتاع الايميل دا افتكر بقصد حي السلام والله اعلم ننتظر لحدى ما يجي الاخوان بهاالدين و عبدالقادر .

من الظواهر التى يجب ان تثير التساؤل فى الخرطوم هى ثقافه شراء وسكن الشقق والشقق خشم بيوت منها ماهو باربعمائه الف دولار ومنها ما هو بمائه مليون جنيه سودانى
منها ماهو باقساط بارباح مركبه ومنها ماهو بالكاش
منها ما بيع افراد كشخص يبنى بيته ويبيع الشقق التى اعلاه ومنها ما تبيعه الشركات
من اصحاب الشقق من له ضمير فيبنى شققه نضيفه متينه ولا يربح ربحا خرافيا
ومنهم من يبنى شغل التلات ورقات ويرهن العقار الذى عليه الشقق ويطير خارج البلاد فلاتعرف هل تقوم بترميم شقتك ام تحل مشكله البنك المرتهن
من اصحاب الشقق من ياخذ منك المقدم ولايسلمك الشقه ابدا ومنهم من ياخذ منك المقدم ويسلمك قبل المواعيد وقبل اكمال الاقساط
لكم الود

UP

لمن له الرغبه فى الاستثمار
الشوارع الرئيسه فى الخرطوم هى شارع محمد نجيب شارع المطار شارع عبيد ختم شارع الستين والاراضى التى تطل على هذه الشوارع غاليه جدا يصل سعر المتر فى بعضها الى ثلاثه مليون جنيه سودانى ولكن بعد ان تدخل داخل المناطق التى تحيط بها هذه الشوارع ببيت او بيتن تجد ان السعر قد انخفض الى النصف او اقل مع انه لايفصلك عن الشارع اكثر من ستين او سبعين مترا
لناخذ مثالا شارع الستين يصل سعر المتر فى بعض مناطقه الى اثنين مليون جنيهونصف بالقديم وبعد قطعتين تجد ان سعر المتر مليون جنيه وبعد قطعتين تجده سبعمائه الف وقد تجد لو كنت نجيض بى خمسمائه الف فلك ان تحسب الفرق فى المائه متر مثلا تجد ان الفرق فى فى القطعه المطله على الشارع والقطعه الداخليه فى الشارع الفرعى ان هذا الفرق يقارب مائتين مليون اى ان المتبقى سيبنى لك بنيانا يضاهى ذلك الذى تم بناؤه على شارع الستين وعلى ذك قس
لكم الود

يا عبد القادر مصطفى
السلام عليكم ورحمة الله وبركاته
ياخي كلامك دهب ومفيد ومريح
اشكرك بالنيابة عن الناس ديل كلهم ياخ
ثم
خليني انقعد اشاورك في ضل نجاضتك دي
ياخي
كان عندي 100 مليون كاش حاضررر كويس
وداير لي قطعة ارض كويسة خالص وما اقل من 400 متر في الخرطوم درجة تالتة( تحديدا في الصحافة ، جبرا ، اركويت ، ازهري ، العشرة ، امتداد ناصسر ، بري)
اها الشورة شنو
اقع وين على المضمووون
وبالمناسبة انا من النوع الما بحب السماسرة كله كله
بخاف منهم عدييل
يعني داير اشتري شرا نضيف وبشهادة بحثي طوالي .
اها اكتر حاجة مثالية ولقطة وقدر قريشاتي وشروطي دي شنو ؟
الله دا من فوق يجزيك دنيا وآخرة
ما تستجل الرد
اخد ليك صنة ونفس
ورد علي وكتي طوالي هسع !!!!!
___________________
اللهم اجعلنا مفاتيح للخير مغاليق للشر

استاذى محمدعبدالقادر سبيل
المائه مليون مبلغ سمح جدا وممكن يجيب ليك حاجه كويسه
انصحك بمربع 9 الازهرى درجه تانيه بس عاوزه زياده قريشات او مربع 10 ولا 15 الازهرى وديل درجه ثالثه قدر الامكان امش شرق ابعد من جبره
اركويت مافيها طريقه ليك
برضو حاول مربع 6 الازهرى
خلى بيناتنا تلفون نشوف اجازه الجمعه والسبت نحوم ليك او نحوم مع بعض
لك الود

Quote: انصحك بمربع 9 الازهرى درجه تانيه بس عاوزه زياده قريشات

عبد القادر
خيرتي يا زول ماشا تب على نصيحتك دي
ابشر بالخير الازهري درجة تانية
بس حتة تكون سمحة وعمرانة عليك الله
وبعدين المرا قالت لي
وكت اصلو الازهري الازهري خليها ان شاء الله تكون ناصية وخدماتها مكتملة وعلى شارع الزلط الرئيسي طوالي عشان خاتر الدكاكين كان الله هون!!!
اها دحين خالتك دي اقول ليها شنو
عبد القادر حا يجيب ليك النجيضة يوم الاحد وللا عندك رايًا كتر ؟
الله يبارك فيك يا قدروة
__________________
رب اشرح لي صدري ويسر لي امري

Quote: أكملت شرطة الرياض بشرق الخرطوم إجراءات التحقيق في دعوى دفع بها مغترب اتهم فيها شقيق زوجته بالاحتيال عليه مبلغاً وقدره 48 مليون جنيه. وقال الشاكي في بلاغه للنيابة أنه أرسل المبلغ لشراء منزل له بالخرطوم الا ان المتهم لم ينفذ الاتفاق بينهما وصار يماطله في اعادة المبلغ له على مدى عامين . وبحسب صحيفة الاهرام اليوم دافع المتهم عن نفسه بان المبلغ موضوع النزاع استأجر منه منزلاً لأولاد الشاكي بمبلغ 20 مليون جنيه وسلم شقيق الشاكي بقية المبلغ .

اخى زول ساكت
واحده من عشرات القصص التى تحدث لمغتربينا واغلبهم يسكتون عما حدث اما لصله القرابه التى تربطهم بالشخص الذى لحس القروش او للصداقه الممتده والتى لايتسرب اى ظن لصاحبها انها قد تخان فى يوم من الايام
شكرا على الخبر
اعتبروا يا اهلنا
لكم الود

معلومه من الاخ عطا من السعوديه
كوبرى سوبا الجديد حا يمر بين مربع 4 الفاتح وقريه تسمى السمره فى بحرى اما فى الخرطوم فالمعالم البارزه هى مروره بين المبنى الادرى لجياد ومدينه اراك
لكم الود

Quote: عبد القادر خيرتي يا زول ماشا تب على نصيحتك دي ابشر بالخير الازهري درجة تانية بس حتة تكون سمحة وعمرانة عليك الله وبعدين المرا قالت لي وكت اصلو الازهري الازهري خليها ان شاء الله تكون ناصية وخدماتها مكتملة وعلى شارع الزلط الرئيسي طوالي عشان خاتر الدكاكين كان الله هون!!!

الاخ محمد عبدالقادر سبيل

اعتقد الاخ عبدالقادر مصطفى قد نصحك و اخلص لك فى النصح
فمربع9 بالازهرى مربع جميل جداً و به حركة عمرانية غير مسبوقة
انا لدى فيه قطعة و استلمتها منذ 1991 و تعرضت لاغراءات كثيرة لبيعها و لم افعل لايمانى بالمستقبل الزاهر لهذه المنطقةو قد صدقت توقعاتى فهاهو مربع 9 يعتبر اليوم من اجمل المربعات بالازهرى و بقربه الآن كلية الرازى الطبية و جامعة السودان العالمية و شارع الستين حسب ما ذكر اخونا عبدالقادر.
آخر زيارة لى لهذا المربوع كانت فى 2007 و وجدت العديد من جيرانى و هم قد سكنوا منذ سنين و قد وصلتهم الخدمات
اها انصحك بدورى بان تتجه لهذا المربوع و سكانه على فكرة من مختلف فئات المجتمع من الشرطة و الجيش لواءات و عمداء و موظفين بنوك و شركات و مهندسين و قانويين و مغتربين..... الخ و قد قابلت منهم مجموعة فى آخر زياراتى للمنطقة و هم ناس على درجة عالية من الوعى و الثقافة و المودة.
دحين ما تضييع الفرصة و خلينا على الاقل نلقى لينا جار من سودانيزاونلاين

تحياتى

اخى كوستا
مربع 9 فرقه شاسع بين 2007 و2010 لن تصدق نفسك ابدا مهما قلت لك فيه ولو الله وفقنى يوم الجمعه اصور ليك جزء من مبانيه عشان تشوف الوضع
لك الود

يا ناس الخرطوم أسعار الأراضى بالخرطوم.......................

Quote: انصحك بمربع 9 الازهرى درجه تانيه بس عاوزه زياده قريشات

يا ود سبيل خليك من الأزهري والكلام ده كلو... نصيحتي ليك إنك تقرضني المية مليون دي قرض حسن... يتم تسديدها على 25 عام وينالك ثواب.

لاصحاب المبالغ التى بين خمسين وسبعين مليون ويحبون ام درمان
انصحكم بالشراء من حى البستان 2 وهو حى يقابل مربع 18 النخيل ويقع غرب البستان 1 وهو مربع الان رخيص وواعد
لكم الشكر

البوست ده لو فى طريقة تخفوه من التماسيح اعملوها ..
شكرا للجميع على المعلومات القيمة ..

الجمعه والسبت باذن الله نلبى رغبات بعض الاخوه لمعرفه اسعار العقارات من مواقعها ولمن يرغب فى الاستفسار عن بعض المناطق تحديدها لندرجهم فى اللائحه

سلامات يا شباب
ماذا عن قرية القرينباب التابعة لوحدة العليفون باتجاه سوبا شرق
اسعارها ومستقبلها وهى طبعا حيازات
ايضا منطقة الحجاج وعد بابكر
والحلة الجديدة امدرمان والصفيراية

اخى الغالى
والله شغلك دا امتحان عديل كده غايتو الان معلومه ماعندى لكن بسأل ليك
وتانى بقول ليك ابعد من القطع المجلسيه
لك الود

Quote: اخى كوستا مربع 9 فرقه شاسع بين 2007 و2010 لن تصدق نفسك ابدا مهما قلت لك فيه ولو الله وفقنى يوم الجمعه اصور ليك جزء من مبانيه عشان تشوف الوضع

اخى عبدالقادر
لو عملتها تكون خدمة لن نننساها لك و أهو بالمرة اخونا سبيل يقتنع بالمربع و بالازهرى
فى الانتظار

و لك الشكر على الاهتمام و المتابعة

.

السلام لصاحب البوست والمتداخلون
اعتقد انو الواحد المفروض ينظر للمدى البعيد
احتفظوا باموالكم
لانو الامر مجهول بعد الانتخابات وتقرير مصير الجنوب
لو حصل انفصال الامور ح تكون مجهجهة
والاراضى ما ح تكون عندها قيمة تذكر كالان
لانو ح تكون فى مشكلة اقتصادية كبيرة
واستقرار السودان غير مضمون
دى كلها عوامل ح تؤدى لهروب رؤوس المال من البلد
والعشرة عمارات ح تكون بقرش
اصبروا واقرأوا المسقبل
فكروا كيف البلد ح تكون موحدة
ومن المرشح الذى يستطيع توحيد البلد واقيفوا معاه
غير كدا ح تضيعوا اموالكم ساكت
نعم بدون وحدة الشغلانية خربانة

دى نصيحة اقتصادية استقرارية
وليست سياسية
صدقونى

شباب سلام ..

استفسار لاهل المعرفة - ما هو سعر قطة ارض 500 متر بامتداد شارع افريقيا ثلاث نواصي بجوار السوق المركزي في حي الازهري لا اعرف المربع
تحديدا لكنه اول مربع من الخرطوم ؟؟

ونكون شاكرين ..

الأخ عبد القادر

سلامات

معلومة مطلوبة عاجلا" إن إستطعت الى ذلك سبيلا:

المدينة الخيرية: عرفت انها جنب الأزهرى

الشروق : فى الخرطوم بس ما عارف وين

الأسعار للمنطقتين وأى معلومات أخرى مهمة



لك الشكر من قبل ومن بعد

أخي عبد القادر
تحياتي هل لديك فكرة عن مخطط التيسير / منطقة السبيل ولاية الجزيرة ، حسب ما ذكره الأخ شكري سليمان ؟ هل تنصحني بالشراء فيه ؟ أرى سعره مغري ، هل توجد مناطق أفضل منه موقعا وبنفس سعره ؟
دام الود بيننا
الشفيع إبراهيم - الدمام السعودية

Quote: دحين ما تضييع الفرصة و خلينا على الاقل نلقى لينا جار من سودانيزاونلاين

كوستا اخوي
السلام عليكم ورحمة الله وبركاته
جيران تب مافي كلام يا زول ابشر
بس نورني عن الفرص المتاحة واسعارها طالما انك سيد بلد
على بال ما عبد القادر يجينا بالمعلومات هات العندك مبدئيا
شكرا للجميع
---------------------------------------------------------------------------------------------
يا محمد الأمين موسى
سلامي
والله الثواب ما بناباو ولكن
الا ادلكم على خير من ذلكم الاقتراض ومني؟
قال تعالى ( قلت استغفروا ربكم انه كان غفارا ، يرسل السماء عليكم مدرارا ، ويمددكم باموال وبنين ، ويجعل لكم جنات ويجعل لكم انهارا، مالكم لا ترجون لله وقارا ؟!)
________________
اللهم انت وليي في الدنيا والآخرة توفني مسلما وألحقني بالصالحين

..
.
اسعار الدوحة شنو _ جبرا الجديدة _

----------

نحن بره الشبكة لينا زمن

يا شباب
لو سمحتو ممكن معلومات كاملة عن مخطط نبتة ... وهل هو مكان مناسب
لشراء أرض وكم اسعارها بالضبط الان .
الخدمات متوفرة أو لا .... هل بها اي عيوب .
وكيف حركة العمران بكل المربعات .


ونكون من الشاكرين

ابوشهد

للجميع التحيه
سنرد باذن الله على كل من سأل فقط نلتمس قليلا من الصبر حتى تزول الحاله الهكريه هذه
لكم الود

الاعزاء الكرام
السلام عليكم ورحمة الله وبركاته

اتصل بي الاستاذ محمد سعيد درويش من مدينة العين بالامارات وافاد بخصوص مخطط غزة (2) ما يلي:

مخطط غزة (2) الفاخر يقع شمال مدرعات الشجرة ، غرب غزة ( 1) وشرق اللاماب بحر ابيض
وهو عبارة عن 163 قطعة سكنية بمساحة تتراوح بين 500 متر و 900 متر مربع للقطعة
سعر المتر للقطعة المميزة منفردة( سنغل ) 500 جنيه ،
القطعة الناصية غير المنفردة 450 جنيه للمتر
والقطعة العادية 400 جنيه للمتر.

بجانب هذه القطع السكنية توجد قطع تجارية ضمن المخطط في حدود ( 11 ) قطعة بمساحة 300 متر بسعر 500 جنيه للمتر ايضا ولكن يشترط ان يكون الطابق الارضي ( على الأقل ) محل تجاري
في غزة ( 2) توجد اربع متنزهات واسعة.
كما ان العمل جار لانهاء تشييد شارع كبير مواز لشارع الشجرة ويقع خلف مستشفى ( بيست كير ) الخاص الحديث
كل الشوارع داخل هذا الحي بعرض 20 متر و12 متر .
طريقة الدفع لدى صندوق التأمينات الاجتماعية وبشهادات بحث مباشرة من الدولة هي كالتالي :

40% مقدما والباقي اقساط لمدة عام .

البنية التحتية كلها باتت جاهزة او على وشك ( ماء ، كهرباء، طرق داخلية مسفلتة )
كان هذا هو فحوى ما افاد به الاخ محمد سعيد درويش الذي قال ان باب الشراء ما يزال مستمرا وهنالك اقبال .
هذا والله اعلم
_________________
رب اشرح لي صدري

استاذى سبيل
معلومات صحيحه
وشايفك ماشى كويس والله المدام لو عرفتك تقول خلى التعب البتسوى فيهو داك خش مع الجماعه ديل سنه واحده وتجيب ليها القطعه الفى شارع عبيد ختم الما خمج
غايتو فكر
لو امكن رقم موبايلك فى الايميل
لك الود

.

الجديد من الاندلس
مربع واحد الاندلس 500 متر مربع حوالى 50 مليون جنيه
مربع 10 الاندلس ودا المكان الذى القيت به جثه الصحفى محمد طه محمد احمد السعر حوالى 50 مليون جنيه
مربع 8 الاندلس بين 23 مليون جنيه و35 مليون جنيه
لاتوجد خدمات بهذه المربعات ولكنها واعده
لكم الود

الاندلس
مربع واحددرجه اولى 500 متر بين 50 الى 60 لاتوجد خدمات
مربع اتنين درجه تانيه 400 متر 68 الى 80 مليون كهرباء ومويه ومبانى
مربع 3 درجه تالته30 53 الى 60 مليون كهرباء مويه مدارس
مربع اربعه درجه اولى 500 متر 45 الى 53 لاتوجد خدمات لايوجد سكن
مربع 5 درجه تانيه 400 متر 38 الى 48 مليون لاتوجد خدمات
مربع 6 درجه تا لته 300 متر 43 الى 55 مليون كهرباء مويه مدارس
مربع 7 درجه تالته 300 متر 23 الى 30 مليون لاكهرباء ولا مويه سكان قليلين
مربع 8 درجه تالته 300 متر 23 الى 35 مليون لاكهرباء ولا ماء وسكان قليلين
نواصل

عبدالقادر
ياخ والله ابداً ماقصرت ،، جزاكـ الله عنا كل خير
وشكرا على المعلومات القيمة دى .!

كافوري 400 متر ناصية شارعين مربع خمسة 380 مليون مباشر بدون وسيط
اضرب الرقم دة 0912893439
وحقي برة
قصرت معاك

الاندلس مواصله
مربع 7 درجه تالته 300 متر 23الى 30 مليون لاكهرباء ولا ماءء سكن بسيط
مربع 8 درجه تالته 300 متر 23 الى 35مليون لاكهرباء ولامويه وسكن بسيط
مربع 9 درجه تالته300متر 38الى 47 مليون كهرباء مويه مدارس وسكن
مربع 10 درجه اولى 500متر 55الى 70 مليونلاتوجد اى خدمات سكن بسيط
مربع 11 درجه تانيه 400 متر 35الى 45 مليون لاتوجد حدمات سكن بسيط
مربع 12 درجه تالته 300 متر 30 الى 40 مليون لاتوجد خدمات توجد مساكن وسكان
مربع 13 درجه اولى 500 متر 45 الى 60 مليون لاسكان ولاخدمات
مربع 14 درجه تالته 300متر 27 الى 30 مليون لاتوجد خدمات سكن بسيط
مربع 15 درجه تانيه 400 متر 28 الى 40 مليون لاتوجد خدمات سكن بسيط
مربع 16 درجه تالته 300 متر 20 الى 25 مليون لاتوجد خدمات سكن بسيط

الاندلس
تكمله لمربعاتها
مربع 17 الاندلس دا يا اخوانا اسكان شعبى ويسمى ابو ايوب الانصارى ومساحه القطعه فيهو 243 متر مربع والسعر بختلف هل المنزل المبنى فيهو مكتمل ام لا ونوع البنيان يعنى فى ناس زادو على بنيان الحكومه عملوهو سطوح وجهبزوهو وغيرو الخريطه وفى حسنو من الوضع القائم للمنزل وبالمربع خدمات كهرباء ومويه ومعظم الناس ساكنين

دى يا اخوانا كسره على قوله دكتور البونى الفرق ما بين الاندلس والاندلس

نزلت شطك بعد البين ولهانا ** وذقت فيك من التبريح ألوانا

وسرت فيك غريبا ضل سامره ** دارا وشوقا وأحبابا وإخوانا

فلا اللسان لسان العرب نعرفه ** ولا الزمان كما كنا وماكانا

ولا الخمائل تشجينا بلابلها ** ولا النخيل سقاه الطل يلقانا

ولا المساجد يسعي في مآذنها ** مع العشيات صوت الله ريانا

لم يبق فيك سوي ذكري تؤرقنا ** وغير ذات هوي أصغت لنجوانا

هذه فلسطين كادت والبغي دول ** تكون أندلسا أخري وأحزانا

نغدو علي الذل أحزابا مفرقة ** ونحن كنا لحزب الله فرسانا

لهفي علي القدس في البيداء دامية ** نفديك ياقدس أرواحا وأبدانا
نعود لنكمل الاندلس

تكمله مربعات الاندلس
مربع 18 درجه تالته 300 متر 25 الى 30 مليون لاخدمات سكن بسيط
مربع 19 درجه اولى 500متر45 الى 55 مليون لاخدمات لا مبانى ولا سكان
مربع 20 هذا المربع سكن شعبى ايضا ويسمى مدينه الامل السعر يبدا من 30 مليون ينطبق عليه ما ينطبق على مربع 17
مربع 21 لم يتم توزيع هذا المربع حتى الان
مربع 22 درجه تالته 300 متر 18 الى 22 مليون لاتوجد خدمات ولا مبانى
وبهذا تنهى الافاده حول مربعات الاندلس
لكم الود

افاده عامه للمهتمين بمنطقه الكلاكله شرق
كل القطع تبدا من 75 مليون واكثر حسب القطعه الموقع المبانى
لكم الود

أها و(( القيروان )) سعر القطعة فيها بكم ؟



وبعدين ما زلنا طالبنك معلومات كفية عن الازهري مربع 9 مش؟
لك محبتي يا عبده
والسلام عليكم ورحمة الله وبركاته
_________________
رب اشرح لي صدري ويسر لي امري

استاذى سبيل
فى مداخله سابقه طلبت رقم تلفونك بان ترسله لى على الايميل يبدو انك لم ترى المداخله ارجو ان تمدنى به لكى نتفق على زياره المربع وسلام مربع لك ولا سرتك

والله غايبتو السكن سكن والما سكن لي هسع وبفتش ....مصيبتو كبيرة ..مثل حالنا وكدة ...

أخوي منصور تحياتي:...
الأراضي في بحري عندك:
الدروشاب 50- 90مليون
الحلفايا مربع 7 و8 شرق شارع المعونة 120- 200 مليون
شمبات الاراضي شمال وجنوب 100 مليون- 200 مليون حسب الدرجة فيها اولي وثانية وثالثة وفيها مميز وعادي
كافوري: مربع 1- 2- 3 120- 180 مليون
مربع 4 - 5 - 6 : 220- 350 مليون
مربعات 7 و 8 و 9 ولقدام (السفارات) فدي بالدولار وكدا لكن اقل من مليار ماف
مدينة الفاتح ودي جديدة جمب الكبري المقترح تشييده بعد الجريف وتتطل ايضاً علي المباني المستقبلية لجامعة الزعيم الأزهري فأسعارها تبدأ من 20 مليون لغاية 65 مليون وعلي فكرة دي من المناطق المتوقع ليها الزيادات الفلكية في القريب...
ونواااااااااصل مرة تانية ياعمي منصور
تحياتي
محمد المعتز

.. و الله دي اسعار عجيبة

لا تجد لها تفسير لا في كتب ديفيد ريكاردو، و لا كارل ماركس، ولا سمير امين
بتاع فوضى إقتصاديات البلدان الطرفية التابعة للنظام الراسمالي العالمي، والماشة على شريعة سوق ام دفسو

في الساحل الشرقي الامريكي (ودا اصلا اغلى مكان في العالم) و الممتد من مدينة ترينتون عاصمة
نيوجرسي لغاية مدينة نيويورك بما فيها مآنهاتن و مباني الامم المتحدة و صالة مسرح برود - وآي، فإن سعر متر الارض
يتراوح ما بين 350 إلى 650 دولار

شنو البخلي سعر متر الارض في الخرطوم المافيها خدمات، ولا أمن، و لا تنجو منازلها من ضربات السيل و أمطار الخريف،
بألف دولار، و ليه بصير كيلو الطماطم اغلى من كيلو اللحمة ؟ !

اسعار مزورة .. و بالضرورة إنتخابات مزورة
.. خالص تمنياتي للجميع بإيجاد ارض بسعر معقول و منزل آمن

يا عبد القادر لوسمحت عاوز أستفسر عن حي التنعيم علماً بان كل الخدمات تم توفيرها في هذا المخطط ماء وكهرباء!

يعني 550 متر تساوي كم!؟

الاخ عبدالقادر

اشتريت قطعتين من الحكومة فى الحى الديبلوماسى مربع تلاتة مساحة الواحدة 400 م ..كم سعر القطعة الان؟ وهل صحيح السفارات سوف تقوم فى مربع 2 ؟

الف شكر يا اخ عبدالقادر والف شكر يااخ منصور

يا شباب المدينة المحورية كيف ومستقبلها جيد ولا ما مضمونة

بوست مفيد جدا شكرا

شنو يعني يا رجال انتو حقارين كدا ليه؟
وروني الاجوبة على الاسئلة

كم يبعد مربع 2 من كلية الرازي الطيبة

واراضي حطاب بكم؟

دكتوره نجاه
ابدا مافى حقاره
كليه الرازى داخل مربع اتنين فى بدايتو من الناحيه الغربيه
سعر قريه حطاب الا تصبرى علينا شويه نجيبو ليك
لك الود

بوست جيد و لكن يكون افيد اذا وضع فطاحلة الكمبيوتر الاحياء الجديدة و اهم المعالم البارزة بها حتي نتمكن من مشاهدتها في: Google Earth

اخى ابوبكر
مهم جدا ما قلته وانا لا خبره لى فى هذا المجال وساعى فى ان اطور الفكره
لك الشكر

.

مدينه النور
هنالك سؤال عنها
المعلومات العامه انها تقع بين كوبرى الانقاد وكبرى الدباسين وتمتد من الشمال للجنوب موازيه للفتيحاب والشقله وجامعه ام درمان الاسلاميه وصلا لكبرى الدباسين
تم نزع السواقى الا ان هنالك خلاف بين الملاك والجهه المالكه حول النزع والتعويض ويقال ان هذا النزاع قد انتهى وقبل الملاك بالتعويض
يقال ان سعر القطعه بالقرب من كبرى الانقاذ حوالى 170 مليون جنيه وهذا قول غير مؤكد
هنالك سماسره يعرضون قطعا باسم مدينه النور والقطع خارج مدينه النور
نصيحه يجب عدم الشراء الا بشهاده بحث حديثه وبعد استلام القطعه بواسطه مساح
لاتوجد مبانى بالمدينه فقط اللافته
لكم الود

أولاً حمدا لله على السلامة انو البوست موجود
طبعاً يد نا في قلبنا يكون الهكر { أو الهكرة } لخبط علينا البوست
لكن الظاهر صاحبنا ذاتو بيفتش ليهو على أرض
عشان كده لاهبش صالحة لا الأزهري ولا نبته


غايتو الحمد لله الليلة جينا الشغل متوضيين
والغريبة لأول مرة خرجت مستعجلاً للدوام ولم احلق ذقني
وكأني أحس باننا سنتجول اليوم مع القاعدة وتورا بورا وافغانستان

كمان قال شنو صاحبنا { رقم الحساب } عليك الله كان عندك حوّل لينا معاك
هو نحن ناقصين جهاد
كفاية الجهاد البنسوي فيهو دا
غربة 15 سنة
بيت مافي
سيارة مافي
استقرار مافي
عليك الله ياعمر الحاج إنت المغتربين ديل لو الواحد مات مش بيموت شهيد
يا أخي والله جهاد الغربة أصعب جهاد رايته في حياتي
قال القاعدة قال
عليك الله ماتهبش لينا اراضينا دي
خلينا نشوف السوق المحلي وصل وين

معليش مربع البستان زرته قبل ثلاثة اسابيع
اي قبل يوم واحد من حضوري هنا
البستان والمنصورة مع بعض
كلها عمارات وبنيان حلو شديد
الرملة والخرسانة والمغالق كلها فتحت ابوابها على الظلت
أحد الأقارب كان يبحث عن قطعة في البستان
مشينا الى سماسرة اتنين
العجيب والغريب قالوا السماسرة ديل متخصصين بستان وبس
الأثنين خلال سنة واحدة بنوا بيوتهم في نفس المخطط
يعني ممكن تشتغل سمسار في المنشية
وبعد سنة واحدة تلقى نفسك من سكانها
وكمان بتلقوا ليكم ثلاثة عساكر واقفين اليوم كلو في الشارع
ماتخافوا منهم
ديل متخصصين دفارات
قال عشان رسوم النفايات 00 آي والله
وقفونا وصاحبي ماعندو التكتح
المهم عفوه وقالوا ليهو المرة الجاية تجيب معاك خمسة الف
قال لي اول مرة اعرف إنو عربيتي { بتبعر } !!!!
ياخ والله عساكر ظريفين
بالله تخلوا عملكم الأساسي اللي هو حماية الناس وأوراحهم وممتلكاتهم
وتجوا للقمامة دي

عليك الله ياوزير الداخلية أعد للشرطة هيبتها

أولاً حمدا لله على السلامة انو البوست موجود
طبعاً يد نا في قلبنا يكون الهكر { أو الهكرة } لخبط علينا البوست
لكن الظاهر صاحبنا ذاتو بيفتش ليهو على أرض
عشان كده لاهبش صالحة لا الأزهري ولا نبته


غايتو الحمد لله الليلة جينا الشغل متوضيين
والغريبة لأول مرة خرجت مستعجلاً للدوام ولم احلق ذقني
وكأني أحس باننا سنتجول اليوم مع القاعدة وتورا بورا وافغانستان

كمان قال شنو صاحبنا { رقم الحساب } عليك الله كان عندك حوّل لينا معاك
هو نحن ناقصين جهاد
كفاية الجهاد البنسوي فيهو دا
غربة 15 سنة
بيت مافي
سيارة مافي
استقرار مافي
عليك الله ياعمر الحاج إنت المغتربين ديل لو الواحد مات مش بيموت شهيد
يا أخي والله جهاد الغربة أصعب جهاد رايته في حياتي
قال القاعدة قال
عليك الله ماتهبش لينا اراضينا دي
خلينا نشوف السوق المحلي وصل وين

معليش مربع البستان زرته قبل ثلاثة اسابيع
اي قبل يوم واحد من حضوري هنا
البستان والمنصورة مع بعض
كلها عمارات وبنيان حلو شديد
الرملة والخرسانة والمغالق كلها فتحت ابوابها على الظلت
أحد الأقارب كان يبحث عن قطعة في البستان
مشينا الى سماسرة اتنين
العجيب والغريب قالوا السماسرة ديل متخصصين بستان وبس
الأثنين خلال سنة واحدة بنوا بيوتهم في نفس المخطط
يعني ممكن تشتغل سمسار في المنشية
وبعد سنة واحدة تلقى نفسك من سكانها
وكمان بتلقوا ليكم ثلاثة عساكر واقفين اليوم كلو في الشارع
ماتخافوا منهم
ديل متخصصين دفارات
قال عشان رسوم النفايات 00 آي والله
وقفونا وصاحبي ماعندو التكتح
المهم عفوه وقالوا ليهو المرة الجاية تجيب معاك خمسة الف
قال لي اول مرة اعرف إنو عربيتي { بتبعر } !!!!
ياخ والله عساكر ظريفين
بالله تخلوا عملكم الأساسي اللي هو حماية الناس وأوراحهم وممتلكاتهم
وتجوا للقمامة دي

عليك الله ياوزير الداخلية أعد للشرطة هيبتها

أولاً حمدا لله على السلامة انو البوست موجود
طبعاً يد نا في قلبنا يكون الهكر { أو الهكرة } لخبط علينا البوست
لكن الظاهر صاحبنا ذاتو بيفتش ليهو على أرض
عشان كده لاهبش صالحة لا الأزهري ولا نبته


غايتو الحمد لله الليلة جينا الشغل متوضيين
والغريبة لأول مرة خرجت مستعجلاً للدوام ولم احلق ذقني
وكأني أحس باننا سنتجول اليوم مع القاعدة وتورا بورا وافغانستان

كمان قال شنو صاحبنا { رقم الحساب } عليك الله كان عندك حوّل لينا معاك
هو نحن ناقصين جهاد
كفاية الجهاد البنسوي فيهو دا
غربة 15 سنة
بيت مافي
سيارة مافي
استقرار مافي
عليك الله ياعمر الحاج إنت المغتربين ديل لو الواحد مات مش بيموت شهيد
يا أخي والله جهاد الغربة أصعب جهاد رايته في حياتي
قال القاعدة قال
عليك الله ماتهبش لينا اراضينا دي
خلينا نشوف السوق المحلي وصل وين

معليش مربع البستان زرته قبل ثلاثة اسابيع
اي قبل يوم واحد من حضوري هنا
البستان والمنصورة مع بعض
كلها عمارات وبنيان حلو شديد
الرملة والخرسانة والمغالق كلها فتحت ابوابها على الظلت
أحد الأقارب كان يبحث عن قطعة في البستان
مشينا الى سماسرة اتنين
العجيب والغريب قالوا السماسرة ديل متخصصين بستان وبس
الأثنين خلال سنة واحدة بنوا بيوتهم في نفس المخطط
يعني ممكن تشتغل سمسار في المنشية
وبعد سنة واحدة تلقى نفسك من سكانها
وكمان بتلقوا ليكم ثلاثة عساكر واقفين اليوم كلو في الشارع
ماتخافوا منهم
ديل متخصصين دفارات
قال عشان رسوم النفايات 00 آي والله
وقفونا وصاحبي ماعندو التكتح
المهم عفوه وقالوا ليهو المرة الجاية تجيب معاك خمسة الف
قال لي اول مرة اعرف إنو عربيتي { بتبعر } !!!!
ياخ والله عساكر ظريفين
بالله تخلوا عملكم الأساسي اللي هو حماية الناس وأوراحهم وممتلكاتهم
وتجوا للقمامة دي

عليك الله ياوزير الداخلية أعد للشرطة هيبتها

فى البداية كدى السلأم عليكم جميعا
والله الموضوع شيق وجميل وممتع كلأم الواطة والبيوت دة مورق كل انسان كان فى الغربة او فى داخل الوطن والعيال بدت تكبر وام الأولأد تنق والحاجة تهرج والأصدقاء يتهامسو والجيران خاتين اضانهم ناس فلأن عملو شنوء المهم ربناء يسهل .
وتحايا خاصة لفاتح التوبك يبدو عليك حلأتك زى حالنتا بس نحنا فتناك بالصبور شوية كدة يدك العافية انتة وجميع الأخوان فى البوست .
احد الأصدقاء عرض على قطعة ارض فى الخرطوم وبالتحديد فى جبرة او الشجرة جوار المستودعات فى منطقة او حى يسمى البجراوية ,وافادة بان هذة الأراضى ملك للسكة حديد وتم بيعها استثمارى من قبل ولأية الخرطوم وعلى حسب ذكرة بان هذة الأراضى درجة اولى وان هناك اناس قد بنوء فى المنطقة واصبحت عامرة وان سعر القطعة وهى 460 متر فى حدود 150 مليون فهل منكم احد يعلم شى عن هذة المنطقة خاصة بانى حيمناء غادرت ارض الوطن كان سوق الشجرة والسكة حديد كانت فسحة فاضية افادوناء ولكم من اخوكم المضغوط نفسيا بعد قرات هذا التوبك.

سألنى أحد الأصدقاء يوما ما عن:
(و يا عمدة شنو البخلي الشقة في اطراف الخرطوم ب 240 الف
دولار بينما البيت الكامل في مدينة اورلاندو الامريكية ب 200
الف دولار بس !! قصة لا يفسرا قانون القيمة و لا العرض و الطلب
و لا يوجد لها مثيل في تاريخ فوضى الاسواق ،،، قصة لو علم كارل
ماركس بها لتملكته الحيرة ،،، و عاود الجلوس بالساعات بحثا
و تنقيبا في اضابير مراجع ادم اسميث و ديفيد ريكاردو ! إنه
إقتصاد سوق ام دفسوا ، سوق الحرامية الوراء السينما الوطنية
بامدرمان ،،، إقتصاد الملوص ،،،ازمة عضوية هيكلية عويصة عاوزة
ثورة كاملة و ليس إصلاحا ،،، و بصعد حلف الكادحين الثوري
السوداني و هو برفع برنامج اشد راديكالية لانتفاضة اشد عُنفا
تلوح في الافق؟؟؟) إنتهي
فأجبته بما يلي:

Quote: سوق أم دفسوا أهون ،، و على الأقل ليه تاريخ و بقى واحد من حكاوى التراث و برضه عندو قوانينه و قواعده القابلة للفهم و التفسير و ليهو محل بتلاقوا فيهو الناس و بضاعة معروضة للبيع عندها سيد ،، و بدل المشترى البرغب فيها و بسوما يوجد العشرات ،،، و القروش حاضرة ،،، و فيهو الكاش بوقف النقاش ،، و ما فيهو سيد بضاعة ببيع بالخسارة و لا سايم بشترى بالغالى،،، لكن قصة الشقة البتكلف ليها 120 الف دولار ،،، و بتتباع ب 240 الف دولار يعنى بمعدل ربح 100% ،، دى قصة تانية ،،، و ده سوق غسالين و مكوجية و شغل مافيا ،، و مافيا خايبة كمان و ممسوخة ما بتشبه مافيا الزمن الكلاسيكى البفهموها ناس ديفيد ريكاردو و آدم سميث ،، الكانت بتدخل البيوت من أبوابها ،،، و كان شعارها المشهورة بيهو أنه "المافيا شريفة" ،، و فيها شئ من قيم الهمباتة و تقاليدهم "الغير حق الرجال ما عندهم تعيين" و كانت برضه ليها حسنات و بتعمل عمل خير و بتشيل من الغنى و بتدى الفقير ،،، و زى ما فى مافيا شريفة بتفرض نفسها بالتكنلوجيا و إقتصاديات الحجم الكبير (Economics of scale) ،، برضه فى مافيا قذرة بتشتغل فى البودرة و مشتقاتها و توابعها و ما شابهها من الأزلام و رجز عمل الشيطان ،، و هى برضه بتوظف خبراء و متخصصين و بتعرف قوانين السوق و بتحسب حسبتها بأحدث ما توصل ليهو علم الحساب "إشترى بعد يكون السعر العادل أقل من سعر السوق و بيع بعد ما يكون أعلى منه" و "كلما زادت المخاطر زادت نسبة الفائدة" ،،، و طالما تجارة البودرة مخاطرها عالية و عقوبتها المؤبد و فى بعض البلدان إعدام فلازم الجرام يتباع بما لا يقل عن نسبة ربح 250% ،،، و ال 250% دى بتشمل حق الغسيل و المكوة ،،، و جماعتنا بالواضح كده شغالين غسيل و مكوة من يوم ما كتلوا "مجدى محجوب محمد أحمد" و "جرجس القس يسقف" بتهمة الإتجار فى العملة ،، و من يوم ما سفروا بن لادن أفغانستان ،،، و سلموا كارلوس للفرنساويين ،،، و من يوم ما بدأ أباطرة الخصخصة "عبد الرحيم حمدى" و "تاج السر مصطفى" فى بيع أطيانا و بلداتنا بالمزاد العلنى على كل من هب و دب من تجار الدين و البودرة و الأزلام و السلاح ،،، و جعلوا من الخرطوم و بكل فخر أكبر سوق لغسيل الأموال و تمويل الإرهاب و تجارة السلاح ،،، و تربعت مؤسساتنا الوطنية الفضلنا نبنى فيها على مدار أكثر من 50 عام على رأس قائمة غسيل الأموال التى يتم تداولها فى بنك التسويات بالنمسا و معظم البنوك المركزية فى العالم "بنك السودان ، مؤسسة الأسواق الحرة ،، مؤسسة الأقطان السودانية ،، شركة السكر السودانية ،، سوداتل ،، شركة سكر كنانة ،، و غيرها ،،، بجانب الوكلاء المعتمدون من رجال الدين و الدولة (سيأتى يوم لذكر الأسماء) لمافيا المخدرات و غسل الأموال من شتى بقاع الأرض (بنما ،، البرازيل ،، كولومبيا ،، شيلى ،، البيرو ،، جزر الكايمان ،، أفغانستان ،، باكستان ،، الهند ،، روسيا ،، رومانيا ،، هولندا ،، أفريقيا ،، و غيرها) و القائمة طويلة و مرصودة بالوثائق و المستندات الرسمية ،، و "كل شئ إنكشف و بان" كما يقول عبدالمنعم مدبولى ،،، و كله بظهر و بطلع فى الوقت المناسب ،،، و طالما هامش الربح كبير فال 240 الف دولار البشتروا بيها الشقة مكلفاهم أصلا 60 الف دولار مخدرات و بالتالى لو باعوها ب 150 الف دولار بكونوا حققوا ربح 100% مضافا إليه 30 الف دولار حق الغسيل و المكوة و مسح الشوارب ،،،، و بكون المكوجى الباع ليهم الشقة ب 240 الف دولار و عمل معاهم عقد البيع و استلم المبلغ بجى تانى بعد يومين حسبما هو مخطط و متفق عليه سلفا بشتريها منهم ب 150 الف دولار و بكون فى يومين كل واحد منهم حقق ربح 90 الف دولار ،،، و هم بستلموا قروشهم بشيك مسحوب على واحد من بنوكنا الواخدة على أفاها و غرقانة للباطوس ،،، و كده بتكون العملية إتقننت و صار عندها عقود و مستندات و إتظبطت و اتمنجهت و القروش دخلت جاكوزى البنوك و بتطلع منه مغسولة بالشامبو و مكوية بالبخار و مطبقة و مرتبة و مختوم عليها بختم بنك السودان و شعار صقر الجديان،،، و الناس الطيبين بقوموا بصدقوا القصة بأنه سعر الشقة 240 الف دولار ،،، و لأنه السوق حر و ما فيه قائمة أسعار بزيدوا أسعارهم هم كمان "و قد يلقى الواحد منهم مغترب دايش ما سمع بالخبر و لا عرف أصل الحكاية و يبيع ليهو" ،،، و لكن فى أغلب الأحيان بجوا بكتشفوا الحقيقة بعد ما يجوا يبيعوا و ما يلقوا مشترى بنصف السعر ده و يقنعوا أنفسهم بأنه القصة كانت مجرد زوبعة فى فنجان ،،، و لكن مصيرهم يجى يوم و يعرفوا أنه غسيل القروش بضعفها و بهد حيلها و بقلل قيمتها و بخليها مجرد قزم قدام تضخم الأسعار ،،،

.

Quote: كوستا اخوي السلام عليكم ورحمة الله وبركاته جيران تب مافي كلام يا زول ابشر بس نورني عن الفرص المتاحة واسعارها طالما انك سيد بلد على بال ما عبد القادر يجينا بالمعلومات هات العندك مبدئيا

الاخ ود سبيل

تحياتى

انا مشكلتى انى بعيد بره السودان و بجى من اجازة لاجازة
و زى ما ذكرت آخر مرة زرت فيها المربع كانت فى 2007
لكن و بصفة عامة المربع اكثر من ممتاز
و اهو اخونا عبدالقادر مصطفى وعدنا بالصور بكرة الجمعة ان شاء الله
و ليس من رأى كمن سمع
و فى اشتياق لشوفتك يا مربع 9 الاوهرى

امتنانى


الاخ عبدالقادر مصطفى

فى انتظارك بالصور

abdelgadir mustafa
سلامات ..
طبعا حأعمل بنصيحتك بأذن الله ..
ناوى يوم الجمعة أعمل لى جولة فى منطقة الاندلس
عشان الواحد يتنور ويقيف على طبيعة المنطقة .!
بحاول اجيب ليكم صور من هناك .!

الاخ ابوحراز
تمشى البستان وما تسوق اخوك المهم عودى راكب فى القطعه المشيت ليها دى
المهم قبل ما تصل محطه يحى فى ادريس السمسار بهناك والله كان صادفت معاهو عصيده فى الفطور الا تزيدو فوق سمسرتو مليون
ارجو ان تكون قى لاحظت المربع غرب الظلط
لك الود
اخى مزمل عليك الله برضو لو لقيت طريقه شوف معاك مربع البجراويه دا اول مره اسمع بيهو
لك الشكر

الاخ ابوحراز
تمشى البستان وما تسوق اخوك المهم عودى راكب فى القطعه المشيت ليها دى
المهم قبل ما تصل محطه يحى فى ادريس السمسار بهناك والله كان صادفت معاهو عصيده فى الفطور الا تزيدو فوق سمسرتو مليون
ارجو ان تكون قى لاحظت المربع غرب الظلط
لك الود
اخى مزمل عليك الله برضو لو لقيت طريقه شوف معاك مربع البجراويه دا اول مره اسمع بيهو
لك الشكر

ومرة أخرى الشكر والتحايا والدعاء لكل المتداخلين والمثوبه والغفران لنا
أجمعين ويا عبدالقادر نعم القادر الذى ملكك الصبر والمثابره والسخاء لوجهه
الكريم بتفضلك علينا بهذه المعلومات والتى ربما تكون سندا للكثيرين فى قرارات
حيازتهم لتلك الأراضى والشكر لك والتقدير




منصور

,

Quote: ,فى البداية كدى السلأم عليكم جميعا والله الموضوع شيق وجميل وممتع كلأم الواطة والبيوت دة مورق كل انسان كان فى الغربة او فى داخل الوطن والعيال بدت تكبر وام الأولأد تنق والحاجة تهرج والأصدقاء يتهامسو والجيران خاتين اضانهم ناس فلأن عملو شنوء المهم ربناء يسهل . وتحايا خاصة لفاتح التوبك يبدو عليك حلأتك زى حالنتا بس نحنا فتناك بالصبور شوية كدة يدك العافية انتة وجميع الأخوان فى البوست . احد الأصدقاء عرض على قطعة ارض فى الخرطوم وبالتحديد فى جبرة او الشجرة جوار المستودعات فى منطقة او حى يسمى البجراوية ,وافادة بان هذة الأراضى ملك للسكة حديد وتم بيعها استثمارى من قبل ولأية الخرطوم وعلى حسب ذكرة بان هذة الأراضى درجة اولى وان هناك اناس قد بنوء فى المنطقة واصبحت عامرة وان سعر القطعة وهى 460 متر فى حدود 150 مليون فهل منكم احد يعلم شى عن هذة المنطقة خاصة بانى حيمناء غادرت ارض الوطن كان سوق الشجرة والسكة حديد كانت فسحة فاضية افادوناء ولكم من اخوكم المضغوط نفسيا بعد قرات هذا التوبك.

جعل الله جمعتكم مغفرة ورحمة ياشباب
ماليقت لى اجابة لو عندكم اى فكرة عن الحاصل افدونا ويدكم العافية.

..
الاندلس مربع (8) ..

.

العزيز منصور المفتاح
سلامات .
يا شباب .
(1) الوادى الأخضر ده وين ؟
(2) ومسافتو قدر شنو من موقف شندى فى مدينة الخرطوم بحرى ؟
(3) سعر ال 600 متر مربع كم ؟
وكان فى MAP للمنطقة يكون جميل . مع جزيل الشكر

عدنا لنقدم لكم المفيد

.

تحياتي
لو تكرمتم اسعار البقعه مربع 38

قطعة ارض للبيع
بحري كافوري مربع 5
ناصية علي شارعين شارع رئيس وفرعي
المبلغ المطلوب 380 كاااااااااااش
الوسطاء يمنتنعون
للاتصال 0912893439

الاخ عبدالقادر تحياتي

نطش بيك شوية بسال لو احد لديه معلومة عن مربع 2/5 الصناعات امدرمان(ورش الحرفيين)

المكان تم بيعه للمغتربين من سنة دو ولي هسى ما رفع رأسو

طبعاً اكعب حاجة يكون جارك مغترب لانو ما حايبني بالساهل فما بالك اذا كان المربع كلو من بني جلدتنا

ياجماعة الخير اخونا عبد القادر لايستطيع الدخول

كتبنا بوست لي بكري عشان ارسل ليهو باسويرد
اها البوست دا راجيكم
يابكرييييييي abdelgadir mustafa لايستطيع الدخول

احدى الصور التي اعدها الاخ عبدالقدر من زيارته الى

مدينه النخيل
طيبة
درة الحلفايا
الفاتح
الازهري
السمرة
الرضوان

اخونا عبد القادر صاحب اسهامات متفردة
نتمنى ان يمدنا بالصور والاسعار الجديدة للاراضي

يا اخوانا والله الموقف صعب اغلب الوقت ما بقدر ادخل ما عارف الحاصل شنو
عموما هناك مربع يسمى دره الحلفايا بشارع الانقاذ بحرى بالقرب من ويتا
السعر حسبما سمعت 300 مليون جنيه

Quote: يا اخوانا والله الموقف صعب اغلب الوقت ما بقدر ادخل ما عارف الحاصل شنو عموما هناك مربع يسمى دره الحلفايا بشارع الانقاذ بحرى بالقرب من ويتا السعر حسبما سمعت 300 مليون جنيه

يازول انت ماقلت ضيعت الباسويرد ماتكون الهكر بس!!!!!!!!!!!!!!

الشارع الرئيس المؤدى الى الكلاكلة الوحـدة اخر محطة .!

سوبا شرق
القنيعاب تقع غرب ظلط العيلفون لاتوجد شهاده بحث وهى اقرب للخرطوم من العليفون سعر القطعه بين 20 مليون و65 مليون جنيه
جنوب القنيعاب يقع حى السلمه وهى ايضا جنوب القنيعاب وغر ب الظلط وفيها تحسين زراعى لكن بها بعض المشاكل فى التداخل بين المجلسى وشهادات البحث اسعار هذا الحى تصل 45 مليون جنيه

صور درة الحلفايا

يا شباب

ما زال الاخ عبدالقادر لا يستطيع الدخول للمنبر بالرغم من انه يحمل العديد من الصور و المعلومات المطلوبة من بعض الاخوة فى هذا البورد
نرجو ان نتعاون جميعاً فى تمكينه من العودة و الدخول للبورد مرة اخرى بالاتصال بالاخ بكرى

.

عبد القادر دا خالينو بره وقاعدين ليها شنو؟






_
عبد القادر يا عمكـ .. رسل إيميل لبكري
من إيميلكـ السجّلت بيهو في الموقع، دي أسرع طريقة!



بمناسبة الإيميل دا
قطعة ناصية في الفيحاء مربع 7 على شارع الظلط
الجاي من لفّة الوالي .. أسعارها وصلت كم؟

Quote: بمناسبة الإيميل دا قطعة ناصية في الفيحاء مربع 7 على شارع الظلط الجاي من لفّة الوالي .. أسعارها وصلت كم؟

ود الصايم ياعمك اخونا بنا جمبك بيقول ب250 ولي فوق

Quote: ود الصايم ياعمك اخونا بنا جمبك بيقول ب250 ولي فوق

والله كان انا في محلك يا ود الصايم ويقولوا لي قطعتك بقت
بي 250 مليون علا اعلق ضحكتك دي بي مشبك في القطعة الفاضية
واقعد اعاين ليها...


ويمكن اضرب لي وهبة يجيب لي شيشة في الصقيعة...

وغرغرغرغرغر...الغاشي والماشي يتفرج...

ويمكن اعمل رافل درو للفرجة

الازهرى

هذه الصور بعثها مشكوراً الاخ عبدالقادر مصطفى على الايميل

يا اخوانا السلام عليكم ورحمة الله وبركاته
اولا اتأكد يا استاذ منصور المفتاح من نقل هذا البوست القيم للربع الثاني
ثانيا
يا خوانا على بال ما يجي اخونا عبد القادر
خلونا نفتح باب شركات المقاولات المحترمة ( الاجنبية والمحلية )
عشان نساعد بعض وناخذ خبرات بعض وعنواوين هذه الشركات
لمساعدة الزول العايز بناء جيد جميل( جودة وامانة في المواد) وباسعار جيدة وشروط سداد معقولة
فمن لديه معلومات عن شركات الصف الأول لبناء البيوت الراقية ولها بروفايل ممتاز ياريت يرفع لينا
معلوماتو لمساعدة الناس المشردين في المهجر والمغترب ديل
وبعد داك ننزل شوية شوية للشركات التي تبني بتكاليف اقل ( السكن الاقتصادي ) وهكذا
وكل زول هو قدرته
بس المعلومات تكون شفافة وكافية ووافية
الشركة اسمها شنو وعنوانها شنو وتلفوناتها ونفذت شنو واسعارها كيف وشروط سدادها وو الخ
ولي قدام
______________
اللهم اجعلنا ممن يتعاونون على البر والتقوى ولا تجعلنا ممن يتعاونون على الاثم والعدوان

الازهرى

الازهرى

مبنى كلية الرازى للعلوم الطبية- الازهرى مربع 2

العزيز منصور شكراً لهذا البوست القيم والدسم وشكراً للجهد المبذول من قبل العزيز جداً عبدالقادر مصطفي وهوايته الخيرة ..


لي سؤال قبل عشرة سنوات تقريباً إضربت على نافوخي واشترت أرض حيازة في الريف الجنوبي لمدينة أم امدرمان (الغماراب) وبعد خمسة سنوات صدر قرار تحويل المطار إلي نفس المنطقة تقريباً وقامت الحكومة بتخطيط المنطقة ووزعت شهادات البحث لأهل القرية كعملية قطع طريق على حاملي الحيازات الغلابة الزينا ودا طبعاً شغل الهوامير ومافيا الأراضي .. عموماً قلنا ما نخلي حقنا وقمنا بكل الإجراءات المطلوبة من باب أمشي مع الكذاب حتى الباب ولنا وعود بالتعويض .. هل لكم فكرة ماذا تم في تعويضات المنطقة دي .. والسؤال الآخر منزل جاهز في مربع تسعة الأزهري دورأرضي تقريباً يكون بكم ..

السلام والرحمه للكل ونتمنى أن ينظر بكرى لحالة الأخ عبدالقادر مصطفى
لأهميته الزائده فى هذا البوست المفيد للكل وسوف أرفع البوست للدوره
القادمه حتى تستمر الفائده بإستمرار التنوير وتبادل المعلومات ووفقكم
الله جميعا كتابا وقراء وسدد خطاكم وبالله التوفيق والفوز.




منصور

الأخ بكري ابوبكر
سلام وتحية

وجود الأخ عبدالقادر مهم جداً نأمل فك اسره

Quote: الأخ بكري ابوبكر سلام وتحية وجود الأخ عبدالقادر مهم جداً نأمل فك اسره

الازهرى

الازهرى مربع 9

الازهرى مربع 9

الازهرى مربع 5

ارسل لى الاخ عبدالقادر مصطفى( رد الله غربته عن البورد) العديد من الصور الجميلة عن بحرى والحاج يوسف
سأقوم بانزالها تباعاً

.

مجموعة صور من بحرى اعدت بواسطة الاستاذ عبدالقار مصطفى

سلالالالالالالالالالالالالالالام
ما مصدق انو دخلت البوست عشان كده بدون مقدمات هاكم اسعار كافورى
مربع واحد شمال سيقا خلف الانقاذ حتى مصنع شنقهاى الجزء الغربى 400 متر النواصى والفاتحه على ميدان 180 الى 220 مليون
الجزء الشرقى المساحه 500 مترسعره من 130 الى الى 160 مليون وهذا الجزء يقع فى حفره كبيره جدا
شرق مربع واحد يقع مربع تلاته وهو شرق مصنع شنقهاى وبه بنك بيبلوس ويحده الشارع الذى يؤدى الى المزارع شرقا والظلط الذى يؤدى الى المزارع جنوبا وطيبه الاحامده شمالا وسعر الجزء الشرقى الذى يقابل المزارع من 150 الى 180 مليون والجزء بمساحات مختلفه فالذى يقابل بيبلوس المساحات من 450 الى 500 متر والسعر من 200 الى 300 مليون
مربع اربعه المساحات من 500 متر الى 750 متر الخمسمائه متر سعرها من 190 مليون الى 230 مليون السبعمائه وخمسون متر سعرها من 280 الى 320 مليون
مربع خمسه الجزء الشرقى 400 متر وسعره من 170 الى 230 مليون والجزء الغربى 720 متر وسعره من 300 الى 390 مليون
مربع سته المساحه 500 متر و750 متر وهذه المساحه ملك حر وهذا المربع هو المربع الوحيد الذى به ملك حر
الاسعار ال500 متر من 250 الى 280 مليون والسبعمائه وخمسون متر وهى ملك حر سعرها بين 430 الى 500 مليون
مربع سبعه به مساحه 400 متر مربع سعرها بين 190 الى 220 مليون وبه مساحه استثماريه مساحه القطعه فيها 260 متر وسعرها بين 95 الى 125مليون
مربع تمانيه 600 متر السعر من 290 الى 350 مليون
مربع تسعه به عده مساحات ال 750 متر سعرها اعلاه 650 مليون وال960 متر اعلاها 750 مليون والمساخات الاخرى تتراوح بين 1025 متر الى 1030 متر وهذه اسعارها من 950 مليون الى ملياااااااااااااااااااااااااااااااااااااااااااااار جنيه
ميزه هذا المربع بالقرب من السفارات والسفارات افهموها بقى
مربع عشره المساحه 540 متر السعر بين 480 الى 600 مليون
مربع حداشر القطع بهذا المربع بسيطه جدا مساحه القطعه 1600 متر به حوالى مائه قطعه سعر القطعه مليار وستمائه الف جنيه
مربع 12 600 متر السعر بين 190 الى 250 مليون
مربع 13 المساحه بين 450 الى 500 متر سعر المتر مليون
مربع 14 مقابل ترعه حله كوكو اكثر من 500 متر السعر بين 180 الى 230 مليون
شكرا لكل من سال عنى
انا مبذول لخدمه الجميع فى هذا المجال
سعدت بمعرفه رجال كنت اتوق الى معرفتهم
سيستمر التواصل
لكم الود

الأخ عبد القادر مصطفى
حمدلله على السلأمة قبل الأرشفة وبعد الأرشفة.

اخى ناصر لك الشكر
هنالك من سال عن نبته
اخر الاخبار عن نبته هنالك فقط مربعين بهما البيع هما مربع واحد ومربع اتنين
مساحه المربعين 400 متر مربع تتراوح اسعار القطع بين 55 الى 60 مليون
باقى المربعات مافيها حركه بيع وشراء
هنالك مخطط بالقرب من نبته يسمى مخطط النفيدى بحرى شمال تتراوح المساحات فيه من 300 الى 400 الى 500 الى 600 متر مربع
الاسعار من 45 الى 60 الى 75 الى 85 حسب المساحات وعلى التوالى

كوستا ازيك ..

وشاكرين ومقدرين جهودكم الكبيرة .. ربنا يجزيكم خير الجزاء ..

الصورة اعلاه لمربع 6 وليس 9 كماوردت ..

واقصى يسار الصورة ترابى زاااااااااااتو زى ما قال نزار حسن ..

ابقى بكل الخير

الشاذلى

الاخ قوى
سبق وان سالت عن المدينه الخيريه
هذه المدينه تقع جنوب الازهرى وتقوم على المساحه التى نزعت فى من منطقه السلمه ولم يتم ترحيل السكان بعد ولم تتضح الاسعار ساوافيك بالجديد

الأخ عبد القادر
لك اجزل الثناء والجزاء من المولى على مجهودكم القيم
اخى ماذا عن الأراضى التى تقع فى منطقة الشجرة او جبرة بالقرب من يثرب وبالتحديد قيل ان هناك مناطق او مربعات تسمى البجراوية والعبدية كما سمعت فكم تسوى اسعار الأراضى هناك ماهى المميزات المتوفرة فى المنطقة .
ولك فائق التقدير

Quote: الأخ عبد القادر مصطفى حمدلله على السلأمة قبل الأرشفة وبعد الأرشفة.

واصل كفاحك و انت القائد و انت الرئيس

تحياتى

يا شباب الازهري مربع 29 كم سعره

تحياتي

ما تنزلوا لينا صورة الازهري مربع 6 ينيبكم ثواب
عشان اشوف طوبي في والله دفنتو السفاية

حمد لله على السلامة يا عمكـ
ممكن تأكد لينا معلومة الفيحاء؟

Quote: تنزلوا لينا صورة الازهري مربع 6 ينيبكم ثواب عشان اشوف طوبي في والله دفنتو السفاية

يا نزار يا قريبى اضحكتنى و الله
و سلامة طوبك

و اكيد اخونا عبدالقادر عندو الصور

تحياتى

حمدالله على السلامه ياعمك
عندى 906 متر مسوره فى الكدرو تعال نديك ليها
ده ما اعلان تجارى بقدر ما انه استغلال للبوست على عجل :) :) :)
ياقدوره شمبات الاراضى عملت كم
تحياتى للجميع

Quote: أراضينا زحفت غرباً ففي منطقة الجزيرة إسلانج والسروراب أصبح الدونم بما يعادل 5 مليون شيكل ، وأنت ميمم شمالاً ومدي قفاك للكلية الحربية في شارع ظلط زي الضريرة مجلوط جلطه في نص أقليم السافانا الفقيرة وشبه الصحراء حيث مضاربنا وأمصارنا تجد بيوت الطوب "اللخدر" وبعض من بيوت الطوب الأحمر وتغلب صورة الجالوص على البقية الباقية وهناك صيدلية على الـ main road ومحل غاز ومدرسة ومظلة المرحومة بت الشيخ ود قيلي في منطقة السناهير يحلقوني ولا أبدلهم بي أبوبكر كاكي أو كننيسا بيكلا بحسب المسافة ، عدا عن حانوت هنا وآخر هناك وبعضاً من الجزارات الـ take away حيث أنها تنتهي بمجرد تعليق الذبيحة في الشنكل في الطربيزة في الهواء الطلق ونحمد الله أننا ما زلنا نبيع بالكوم. الأراضي في ربوع سودانا تخطت الدروه وسوق أب زيد للماشية والعلف الحيواني وتجاوزت دلالة الحلبي وأيضاً عدت من مناطق تسمي القرية وربما وصلت منطقة رماية في السابق ومعسكر دفاع شعبي كان يعرف بإسم قبر الكلب ، لم يبقي خرم إبرة في البلد والغريبة نحنا يا دوب تعدادنا 40 مليون تقريباً وأحسب أنه لو وزعت هذه البويات الجاهزه بالتساوي لنال كل مواطن على أقل تقدير أوضه وبرنده ، ومن إفرازات هذه النهضه أنها خلقت لنا جيلاً كنا نعدهم في العطاله والبطاله فأشتغلوا بتجارة رأسمالها موبايل وحق الجريدة اليومي ومن ثم تنهض باكر وتصاقر مناطق بعينها وبهذا تكون أنت سمسار وهي المهنة التي تحاول أن توفق بين البائع والمشتري أو تنصب عليهما لا فرق بمقابل مادي وهي بالضرورة مهنة لا فيها مخاطر ولا جمعية ولا ضرائب ولا زكاة ولا يحزنون. بكري ود سعيد سألوهو قالو ليهو إنت يا بابكر ما تشتري ليك واااطه وتبني ليك بيت ولأنه زهجان ومفلس وماشه معاهو عكس الريح قال ليهم أنا عاوز أكون زي إمرأة فرعون وأشحد ربي يبني لي بيت في الجنه والله كريم.

والله يا ملا جوارك يسوى الملايين
جنى

صور مربع 6

دا الظلط الفاصل بين مربع خمسه واربعه وتلاته من جهه الشمال ومربع سته من جهه الجنوب

ود الصايم شكرا على التضامن
عشان اديك سعر حقيقى ارجو ان تمدنى بتفاصيل القطعه هل على شارع المواصلات هل على شارع الظلط الداخل لى جوه هل قريبه من مسجد مدثر وكده
اشكرك على التضامن
منتظر التفاصيل

الاخ مزمل
ارجو تحديد الموقع فى شمبات الاراضى ولو فى مربع تحديدا عشان الافاده تكون فى الصميم

الاخ عبد القادر مصطفي شكرا علي جهودك المقدرة ومعلوماتك القيمة

لي بعض التساؤلات

1/ اسعار الاراضي في بحري حي النصر مربعات 23 و24 و25 و26
2/الحي الدبلوماسي اخرطوم
3/ انسب منطقة للاستثمار ذو العائد السريع في حدود80 مليون لمدة سنة بالكتير

اخى بكرى عباس
حى النصر بجيب ليك خبرو بالتفصيل بكرهولا بعدو
الدبلوماسى القطعه فى حدود 75 مليون خمسمائه متر وهو ما مربع سكن الان سبعه تمانيه سنه
استثمار فى حدود تمانين مليون لو عاوز الراى حقى فى قطع فى كافورى استثمار 265 متر انصحك بها وستجد تفاصيلها فى اسعار كافورى اعلاه
خليك قريب
لك الود

الأخ / منصور

السلام عليكم ورحمة الله و بركاته

جزاكم الله خيرأ أنت و الأخ عبدالقادر على هذه المعلومات القيمة

و أوجه هذا السؤال للسيد عبدالقادر؟

ما هي أسعار الأراضي في هذه المناطق التالية

1/جبرة مربع 20 بجوار السوق المحلي

2/ الأزهري مربع 3 و مربع 4

3/ مدينة أم درمان المرابيع المجاورة للجامعة أمدرمان الإسلامية .



و الشكر موصول للجميع



أبوالشريف

الاخ منصور سيد البوست
شكرا على المساعده فى اعادتى
الاخ ابو الشريف
مربع 3 و4 اسعارها بين 120 الى 170 مليون حسب الموقع وهل القطعه شرقيه ام غربيه قريبه من الظلط الداخلى ولا بعيد
مربع 20 ما عندى علم لكن مربعات 14 و15 و16 جبره الجديده اقل قطعه فيها 135 مليون واعلاها 165 مليون
المربعات القريبه من الجامعه الاسلاميه وتقع جنوبها مباشره ما اقل من 120 مليون جنيه
لكم الشكر سادتى

حى المجاهدين الخرطوم
من الاحياء التى قفزت قفزات مهوله جدا
يقع شرق جامعه افريقيا الهالميه كليه الطب وجنوب شارع مدنى وشمال الانقاذ وغرب حى الراقى
الاسعار بين 300 مليون الى 375 مليون وبه مسجد البرعى وانتقلت له حديثا كثير من الشركات وتم نقل وزاره الشئون الهندسيه ولايه الخرطوم هنالك ومتوقع مزيد من الوزات بهاليكم بعض الصور من الحى

مسجد الشيخ البرعى بالمجاهدين

نشوف صور شارع الستين

والله تستاهل وسام النيشان...من الدرجة الأولي
يا عبدالقادر انت صورت
ترابي زاتو...

شارع الستين مواصله

يلا ياشباب
اى اقتراحات لزيارات الجمعه
المربع
المدينه
اماكن لتصويرها
اسعار قطع
الجمعه والسبت صور جديده واماكن جديده
دعواتكم

Quote: يلا ياشباب اى اقتراحات لزيارات الجمعه المربع المدينه اماكن لتصويرها اسعار قطع الجمعه والسبت صور جديده واماكن جديده دعواتكم

عيد القادر وضيوفك الكرام .. تحياتي

آمل إذا كان بالإمكان (حي النصر) بحري مربعات 23-24-25-26-33

ولك خالص مودتي وتقديري

استمرت رحله الجمعه الفائته من الساعه العاشره صباحا حتى الواحده ظهرا ومن الرابعه والنصف مساء حتى السابعه مساء
قطعنا مسافه تزيد عن المائه كيلو متر
بدات الرحله من الجريف غرب الى الحلفايا ومن الحلفايا حتى قريه السمره وتناولنا الافطار بقريه القنيعاب
ورجوعا الى الخرطوم عن طريق كبرى المنشيه حتى المجاهدين والازهرى وسوبا عوده بالسفاره الامريكيه حتى بيت الفنون ومنها الى الحلفايا
بقى ان نقول ان الاخ صباحى هو الجندى المجهول فى هذه الرحله وكانت كامرته هى الاساس فى هذا العمل
فله الشكر والتقدير
نوااااااااااااااااااااصل

الاستاذ الفاضل منصور-

تحياتي وكثير سلامي-

شدني ماكتبته في الموقع السوداني سودانيز اون لاين- فيمايختص باسعار الاراضي في الخرطوم-

ارجوا شاكرا ان تستفسر لي عن المنطقة المذكورة حسب ماعلمت انها من افخم المناطق في الخرطوم في الوقت الحالي وقد تراوحت الاسعار مابين 400 مليون الي اعلي -

يسرني ان اعرف ذلك من خلال موقعكم هذا خاصة وانا مداوم لقرائته-

وتمدنا ببعض الصور- جزاك الله خير

الشكر اجزله



ابو احمد

الاخ منصور
لم يسمى الاخ ابو احمد المنطقه التى يريد معرفه سعرهاحتى نتمكن من افادته

ألاخ مصطفى او حتى من لدية معرفة من الشباب لكم الود والله لو امكن افادة حول هذا الأمر ولكم الثناء والشكر مقدما

Quote: الأخ عبد القادر لك اجزل الثناء والجزاء من المولى على مجهودكم القيم اخى ماذا عن الأراضى التى تقع فى منطقة الشجرة او جبرة بالقرب من يثرب وبالتحديد قيل ان هناك مناطق او مربعات تسمى البجراوية والعبدية كما سمعت فكم تسوى اسعار الأراضى هناك ماهى المميزات المتوفرة فى المنطقة . ولك فائق التقدير

الاخ ناصر
باذن الله بكره الحبر اليقين حول ما سالت

اخى مصطفى
لك الود والشوق . والله لو تعلم بان هذا البوست كم حرك من الهموم وهذا هم حقيقى مشترك بين كل ابناء الوطن بالداخل والخارج اصحاب الهم الأكبر المهم عزيزى جعل الله ما تقمون بة فى ميزان حسنانتكم ودمتم للأخوان.

up

قطعة ارض الجريف شرق مقابل المستشفى الصينى وخلف المدرسة الابتدائية:

LATITUDE : 15°35'52.06"N
LONGITUDE: 32°36'10.06"E
على القوقل ايرث ......

المساحة حوالى : 900 متر موحوشة .... وثلاثة جيران
القيمة = 350 مليون ج / قديم

الايميل بتاعى (المالك) : [email protected]



قطعة ارض الجريف شرق مقابل المستشفى الصينى وخلف المدرسة الابتدائية:

LATITUDE : 15°35'52.06"N
LONGITUDE: 32°36'10.06"E
على القوقل ايرث ......

المساحة حوالى : 900 متر موحوشة .... وثلاثة جيران
القيمة = 350 مليون ج / قديم

عبد القادر يا عمكـ .. حمدلله على السلامة

Quote: قطعة ناصية في الفيحاء مربع 7 على شارع الظلط الرئيسي الجاي من لفّة الوالي .. أسعارها وصلت كم؟

على الشارع الرئيسي الرابط بين لفة
الوالي وشارع الحاج يوسف الرئيسي

الاخ الكريم/ عبد القادر مصطفي

جزاك الله خيرا على مجهودك الكبير والمفيد لنا جميعا..

كرما أسأل عن قيمة البيوت الجاهزة في منطقة الاندلس - مدينة الأمل مربع 23 اسكان شعبي

خالص الود..

ربنا يديكم العافية شباب، وبعدين بعد ما تنتهو من ودالصايم المرطب بتاع الفيحاء شوفو لينا النصر مربع 25 وين وقف

الاخ منصور
لم يسمى الاخ ابو احمد المنطقه التى يريد معرفه سعرهاحتى نتمكن من افادته




يقصد الشارقه مربع 13 يا عبدالقادر وكيف عامل ومليح ربك حل الساجور


منصور

الليلة ووووب أنا .. في العصر مرورو

ياود الصائم
الرد جاهز لكن عاوزين الناس ياحدو خبره من كيفيه الشراء المثمر ويستفيدو من تجربتك
عارف انو كل يوم قطعتك دى بتزيد وموقع المربع الواقعه فيهو ممتاز
ولانك قلت فى العصر مرور توقع الرد الرد الرد مساء هذا اليوم بس نتاكد بصوره قاطعه
ولك الود
سعيد جدا بمعرفتك

عبد القادر يا عمكـ
التحيات ليكـ أكوام أكوام

أمسكـ الإيميل دا

Quote: عزيزي الصايم كما ذكر الاستاذ الفاضل منصور الحي المراد الاستفسار عنه هو الشارقة مربع 13 استثمار- ارجوا شاكرا ان يمدنا الاخ/ الكريم عبد القادر باسعاره ولو بالامكان صور لهذا الحي- تشكرات الكثر لك وللمفتاح منصور والخدوم عبد القادر دمتم دوما ابو احمد- الامارات