Post: #23 Title: Re: مسادير يا أهل المسادير إلى ما شاء الله........ Author: munswor almophtah Date: 12-29-2005, 03:31 PM Parent: #15
صباح شوقي دفر نوقي عليكم جاي أفتش لدريب ريدكم وراكم تب بقيت شاشاي انوح في الليل.. وباقي اليوم أتمو بكاي نسيتا بعدكم النمه ورخيت اوتاري في الدوباي
نيخ البكرة يا نشات شرف تالاى وديك المنقه دافقه وفى الخرج باباى يات من تشوف الليله ليك رضاى وتشبع فى الغنا النمامو ليك حدباى
منصور
Post: #27 Title: Re: مسادير يا أهل المسادير إلى ما شاء الله........ Author: نادية عثمان Date: 12-29-2005, 07:40 PM Parent: #23
عام الفين وستة الصورة تبقى مهمة
بى شوفة وشيك لينا الفرح بنتمّ
ليك هذا الكلام منصور زعيم النمّة
صورتك يابشوش بالحيل تزيل الغمّة !!
Post: #29 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 12-30-2005, 07:19 AM Parent: #27
تالتة اعيادنا هلا ومرحب حباب الطلة بي شوفه خدودك بسماتنا زادت واللـه نرفع رقاعنا عشان يقراها كل الخلـه يــــــاضي القمر وكاشف ظلام العلـه
........................................................................................ محمد السيد
Post: #31 Title: Re: مسادير يا أهل المسادير إلى ما شاء الله........ Author: munswor almophtah Date: 12-30-2005, 06:44 PM Parent: #27
عام الفين وستة الصورة تبقى مهمة
بى شوفة وشيك لينا الفرح بنتمّ
ليك هذا الكلام منصور زعيم النمّة
صورتك يابشوش بالحيل تزيل الغمّة
ساحرة الخصال يا الصادقه مالكه الهمه مالكه المعجزات يا ملكه حائزه القمه خصصت الكلام يا الواضحه خاتيه الزمه يا أم صورة مبروزه فى القلوب منزمه
منصور
Post: #32 Title: Re: مسادير يا أهل المسادير إلى ما شاء الله........ Author: munswor almophtah Date: 12-30-2005, 06:47 PM Parent: #27
ساحرة الخصال يا الصادقه مالكه الهمه مالكه المعجزات يا ملكه حائزه القمه خصصت الكلام يا الواضحه خاتيه الزمه يا أم صورة مبروزه فى القلوب منزمه
منصور
Post: #33 Title: Re: مسادير يا أهل المسادير إلى ما شاء الله........ Author: عبدالماجد موسى Date: 12-31-2005, 06:10 AM Parent: #32
منصور أخو الحاره التشق الهم ضاع منى توم الروح أبت الدروب تتلم ضحيت كتير بالحيل وروحى مابتنجم لو ما لقيتا حشاى بقعد عديل للسم
Post: #34 Title: Re: مسادير يا أهل المسادير إلى ما شاء الله........ Author: الناظر Date: 12-31-2005, 11:08 AM Parent: #1
عـام الـفين و سـتة الليهو اسـتـنينا طـالبين الكريم بالخيـر يعـود لينا عشان نرجع هناك تانى لى ماضينا منصـور و العقيد الفـيكم اتحوينا وكل شباب المسدار الليكم انضمينا دعواتكم كمان تتحـقق امانينا
Post: #35 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 12-31-2005, 06:36 PM Parent: #34
بدعوهو ربي كريم بي التسع والتسعيــن نلقي السعد بالكوم في الست والالفيــــن كل آمـالناتتحقق وعدونا لينا يليـــــن العازب يلقي مناو كان فاطنة كان ام زين .................................................................................
Post: #36 Title: Re: مسادير يا أهل المسادير إلى ما شاء الله........ Author: نادية عثمان Date: 12-31-2005, 06:57 PM Parent: #35
بى اسم اللجؤ مرقوا الغلابة طيابة
مقبولة وخميسة وجون ولد كركابة
مسكين الولد لو بلدو تصبح غابة
تطرد شفعها وشيوخها قبل شبابها !!!!
Post: #37 Title: Re: مسادير يا أهل المسادير إلى ما شاء الله........ Author: munswor almophtah Date: 12-31-2005, 07:45 PM Parent: #36
وقت الكوع حمى والكعه تبقى حرابه تحرق من طرف تصبح مدينه خرابه يات من نقول فى شقو ساج كرابه لابتفرز صغير لا شيخ كبير إتهابه
منصور
Post: #46 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 01-01-2006, 09:08 AM Parent: #36
بلادي حنيــنة برية مابتجور نفوسنا الواقعة من كـــم دور تبرر غاية فيشان هدف محظـور تردينا وحكمنا الظالم المأجور
.......................................................... محمد السيد
Post: #40 Title: Re: مسادير يا أهل المسادير إلى ما شاء الله........ Author: أحمد الشايقي Date: 01-01-2006, 03:09 AM Parent: #35
Quote: Eng. Mohammed al sayed
العـازب يلقـى منــاو
كــان فاطنـة , كــان أم زيــن,
( كـدا مــش أحـسـن ؟)
ود الشايقي,
Post: #44 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 01-01-2006, 08:34 AM Parent: #40
الأستاذ أحمد الشايقي لك ما أردت مشكور وكدا أحسن ونص وخمسة
Post: #38 Title: Re: مسادير يا أهل المسادير إلى ما شاء الله........ Author: munswor almophtah Date: 12-31-2005, 07:57 PM Parent: #34
راجين الصلاح صارت عهودنا حرابه كل ما تموت حريقه النار تشب لهابه أولاد بمبه فى الحارات جيوشنا حبابه وقت المعضلات ببقولنا أسد الغابه
منصور
Post: #67 Title: Re: مسادير يا أهل المسادير إلى ما شاء الله........ Author: أحمد الشايقي Date: 01-03-2006, 06:47 AM Parent: #1
منصــور,
Quote: ود الشايقي
إتفق التعيس والخائبه دى المتعوسه
حتوا الناس حتيت زى الفراش مبثوثه
أحقاد القلوب جوا القلوب مدسوسه
أصحاب اللجوء بتروس جيوش مهروسه
مشنى الغشغشـة الشفناها لـكــنـا بـروسـا
مشـنى الحقـرة في جنياتنا قاسيـة ضروسـا
مشـنى القايـدة أبّايـة الحـرد والـدوسـة
مشـنى الجبهـة تخـرت من رقابنا فــلوسـا
ود الشايقي
Post: #68 Title: Re: مسادير يا أهل المسادير إلى ما شاء الله........ Author: الناظر Date: 01-03-2006, 12:46 PM Parent: #1
يا ابو حميد اخوي الكلام القلتو كلو حقيقة الغربة اللئمة ولعت في جـوانا حريقة كل ماشفت واحداٌ تقول و الله عندو مصيبة خوف و ذلة و مهانا و كمان حكاوي عجيبة
Post: #69 Title: Re: مسادير يا أهل المسادير إلى ما شاء الله........ Author: الناظر Date: 01-03-2006, 12:58 PM Parent: #1
فى السودان هناك الناس جميع مبسوطا بالعز و الكرم عمران بيهو بيوتا للفرح و الحزن و سواعدٌ مرفوعا الشيب و الشباب لمتن مجموعا الناس الكبار كمان كلمةٌ مسوعا الشفع والصغار قعدتٌ مرفوضا
Post: #71 Title: Re: مسادير يا أهل المسادير إلى ما شاء الله........ Author: munswor almophtah Date: 01-03-2006, 03:38 PM Parent: #69
Post: #75 Title: Re: مسادير يا أهل المسادير إلى ما شاء الله........ Author: munswor almophtah Date: 01-04-2006, 07:50 AM Parent: #74
كانت زهـرة الدنيـا وشـعاع فانوسـا
كانـت تتكي تكرم من مراحـا وعـوسـا
هاشـت وقادت (اللاءات) وسـاس يسوسـا
وفي باندونق تضـوّي رئيسـة مي مرؤوسـة
من الريقه مرضت وصابتا اليابوسه حقها فى الورث فى جيوب بعض مكنوسه لمن ساست اللآت زمان محروسه هسع فى الطريق متل المره الملحوسه
منصور
Post: #77 Title: Re: مسادير يا أهل المسادير إلى ما شاء الله........ Author: عبد الله عقيد Date: 01-04-2006, 08:59 AM Parent: #75
قنصولا اللئام قاصدين يقطِّعو روسا مسكولا الزمام حرمو الأنام فانوسا عقبان جاتا فجّة نور وغاب ناعوسا بس أولادا دقّو مع الذئاب ناقوسا
ود عقيد
Post: #78 Title: Re: مسادير يا أهل المسادير إلى ما شاء الله........ Author: munswor almophtah Date: 01-04-2006, 04:04 PM Parent: #77
الداير السلام فجج الهلاك مابكوسه ساتر حالو حافظ راسو من الخوسه الزول إن صبح أفعالو كالجاموسه إما يدر لبن إما الضبيحه وموسه
منصور
Post: #80 Title: Re: مسادير يا أهل المسادير إلى ما شاء الله........ Author: نادية عثمان Date: 01-04-2006, 05:31 PM Parent: #78
وطنى الغالى نازف والوريد مقطوع
شعبو الوافى مخلص للخضر ويسوع
تعالوا نعلى صوتنا عشان يكون مسموع
نرفض نحنا ذلا كان نموت بالجوع !!
Post: #85 Title: Re: مسادير يا أهل المسادير إلى ما شاء الله........ Author: munswor almophtah Date: 01-04-2006, 11:31 PM Parent: #80
وطنى الغالى نازف والوريد مقطوع
شعبو الوافى مخلص للخضر ويسوع
تعالوا نعلى صوتنا عشان يكون مسموع
نرفض نحنا ذلا كان نموت بالجوع !!
الإخلاص ظهر والكل جميع مقجوع وكتل الناس شلل غدر الجبان مخلوع ما سمعوا الحديث ظلم الحبش ممنوع ولافا من الجحيم فرق الضلوع بتضوع
منصور
Post: #81 Title: Re: مسادير يا أهل المسادير إلى ما شاء الله........ Author: mohammed elsaim Date: 01-04-2006, 05:42 PM Parent: #78
ناس ودعقيد عبدله ومعاو ودموسى ختو الكلام رصاص وخاتي السوسة في شان مانلت ونعجن وتطنطن الناموسة ورونا كيف بعد الليلة تستعدل المعكوسة
nadia so as not to complain of ignoring your last post, or even stalking your posts, i had started typing before your post appeared.. needed to get this out quickly and i have no arabic
Post: #82 Title: Re: مسادير يا أهل المسادير إلى ما شاء الله........ Author: أحمد الشايقي Date: 01-04-2006, 06:20 PM Parent: #1
Quote: من الريقه مرضت وصابتا اليابوسه حقها فى الورث فى جيوب بعض مكنوسه لمن ساست اللآت زمان محروسه هسع فى الطريق متل المره الملحوسه
فيكي الساقية روّايـة ودفـق قادوسـا
فيكي جروفنـا ندّايـة ودشـر فقوسـا
فيكي الوعـرة نتّـر, من عصـير, جاموسا
مـو كتّـال ولادك, مجـرمـا وجاسـوسـا.
ود الشايقي
Post: #83 Title: Re: مسادير يا أهل المسادير إلى ما شاء الله........ Author: نادية عثمان Date: 01-04-2006, 07:30 PM Parent: #82
Quote: الفيل فى الوسط والضل دوام مطعون والمتلك دوام متل الجدى المعيون قلمك كان رطن رقص القبر مدفون ويا جبل العشق قلبك وطن مضمون
موت ولدى العزيز زاد فى قليبى شجون
أطفال فى الحريق احتاجو يد العون
بعد الدم يسيل ببقى الفؤاد مغبون
تعيش منصور أخوى ويهابك الفرعون !!
Post: #84 Title: Re: مسادير يا أهل المسادير إلى ما شاء الله........ Author: mohammed elsaim Date: 01-04-2006, 09:03 PM Parent: #82
البلد الحاله وقف وأعلامه جات منكوسة رجعت للكتل فى مصر رغم ميشاكوسا بهناك أبوجا تقع تقوم معا ناس دوسة والناس النست "امريكاناوروسا نحن ندوسا"
Post: #86 Title: Re: مسادير يا أهل المسادير إلى ما شاء الله........ Author: munswor almophtah Date: 01-04-2006, 11:54 PM Parent: #84
فيكي الساقية روّايـة ودفـق قادوسـا
فيكي جروفنـا ندّايـة ودشـر فقوسـا
فيكي الوعـرة نتّـر, من عصـير, جاموسا
مـو كتّـال ولادك, مجـرمـا وجاسـوسـا.
ود الشايقي
بى رب البرعى يالشايقى البلد محروسه دايما فوق لقا وعوامه قادله عروسه قرام الفجل ضرات كتل ناس دوسه إن فتح الكتاب بلقى الأسود ممغوسه
منصور
Post: #87 Title: Re: مسادير يا أهل المسادير إلى ما شاء الله........ Author: mohammed elsaim Date: 01-05-2006, 00:20 AM Parent: #86
Post: #93 Title: Re: مسادير يا أهل المسادير إلى ما شاء الله........ Author: mohammed elsaim Date: 01-06-2006, 01:18 AM Parent: #92
غزلانا بالحسرة كبرت زى كبريت فى كروسه هناك راجية سلوى وبهنوك اتمحنت نفوسه ياالدخرى الفاها قبل ماتغرب شموسه شمعته الضواية كملت نان وين ترجع تكوسه؟
النار بهناك مشعللة زى هيلة مجوسه كتلوهم عسكرا كان تتاره كان هكسوسه لمتين الحكام محكومة بحب نفوسه خلو وجوهنا بعد السلام رجعت عبوسه
ياموت كفاية أمواتنا من زمن جساسه وبسوسه شفعنا بتتولد وترضع وقبل ماتنفطم نقطع رؤوسه برشاشة برصاصة او مرفوسة او مدهوسة بكرة ينصلح حالا وتزغرد نيالا... وبابنوسه
Post: #94 Title: Re: مسادير يا أهل المسادير إلى ما شاء الله........ Author: ابو جهينة Date: 01-08-2006, 03:36 AM Parent: #93
عزيزي منصور و كل ناس المسادير هنا و هناك في السافل و الصعيد .. شرق و غرب و ( خسوساً ) أهلنا في أب دليق و دار البطاحين .. سلام كبير .. عجبني البوست طب. قلت أديكم مسادير قريتا ..
***
ملفحه يا بلد بالحر يلاوى النسمة مطبول اللسان مفتاحو ضُلْ الرسمه ضَرْبْ المستحيل كَتَّف رموش النجمة إنْ صَحَّ الكلام فى عينو تصحى الكجمة يايوم من حلم زيد فينا طول الهجمة يابلد اندفر فى رحلتو المنقسمة ما تورْ إنْ وقع ..... يكتر بياض البسمة
من طابور مدوِّرْ فى المسا المبهول تالِِتنا النحاس خامس شموس الحول واحد من بلد قصّرْ غناها الطول والشِدرْ الكُبار صمّغ سقوف القول يتساوى المطر ، والخندق المبلول والليل والنهار ، والكاتِلْ المكتولْ
معبى عيونك ، الشوق والخريف داجين حلمت الوادى ماسك صرخة ، بى غادى المدن تضحك جدادة الوادى طارده اللمحة من أُفُقْ العناق والعين مكتف يا جبل واقف وتشرب دمعةْ القاعدين وما بين الجبل والوادى أطفال يشبهو الجايين قدمنا السبِتْ فى خوفنا صِبْحَتْ ليلة ْ الإتنين معلقكْ الشقا العرقان مديد فى الضو تواريخك حِيَلْ ملفوفة فى طول العِمَمْ والمشية والرجعه وزمنا الراح لوت بطن المطار واطيها يوم الوَعْدْ دردق روح جليدو وساحْ أياديك فى الوداع طالتْ أصابعَكْ طايره ليل فى الجو لا بتشبه وداع ولِقا ولا شُباكْ تضارى رياح
قسمت المدن ميراثا للسهران إن بات والمخده اتْجّلَدَتْ بالنار إن مسك العصايه وسنَّّدْ الأحلام إن عرك الزمان واتباهى بالفكره يابرق المسافات ولع الأسرار من جَمُرْ انخمد ..جُر النَفَسْ ذكرى وادِعنا وأَمِشْ فى دربك المعووج رجّعنا وتعال تمْسِكْ عقاب الدار يا بَكْرةْ أَمِسْ ما أجملك بُكره مفلوت من بعيد أقربْ لكْ التاريخ درباً وصّلكْ ما رجعك فى ليل وقلباً من غُنا نبضو ارتوت أركان صَفَقْ شِدرْ الشموس الخانقة ضُلْ عينيك دَفَقْ مويةْ البحور الصابه فى السهله لوكانت خطاكْ الخابه فى المهله تبرا إبَرْ ضياع فى شوكةْ الهجرة ترجانا ونجيكْ الكلمة عامود نور الليل قصرك طالت مدن انسان أطفى الرؤيا دقت ساعةْ العصفور توبك ما اترتق لسه النهار عريان المنسج كِبِرْ سنوات على المنديل والنورج حرَنْ فوق قمحةْ الإمكان والمشو فى الشفق حيمغربوك تانى يابلد اشتهيك والعبرة خانقانى أصرخ وارتجيك الصرخة كاتمانى أحلم وابتديك الأول التانى
منقول ( منتدى ود مدني ) المك نمر
****
انصارك كتار تأمين عبر الكيل زي بت الريا وكتين قدوم السيل كان موجور زمان ناسا فهمها قليل شرك أم قيردون كيفن يقبض الفيل
شاعر أنصاري
Post: #95 Title: Re: مسادير يا أهل المسادير إلى ما شاء الله........ Author: نادية عثمان Date: 01-08-2006, 09:20 AM Parent: #94
فوق
Post: #97 Title: Re: مسادير يا أهل المسادير إلى ما شاء الله........ Author: munswor almophtah Date: 01-08-2006, 06:33 PM Parent: #94
وارث النغم من داوود حبابك جيت وشادى وشاجن المزمار رصين ختيت إن كانت جهينه مع اليقين فى خيت أبوها أبواليقين بانيلو كمين بيت
منصور
Post: #96 Title: Re: مسادير يا أهل المسادير إلى ما شاء الله........ Author: الناظر Date: 01-08-2006, 10:16 AM Parent: #1
يا اهل المسدار بقول عيد سعيد و عمر مديد بس العيد مع اهلنا شكلو و طـعم فريــد و لمت ناس و حكاوي انت بيها سعـيد و صوت خرفان تبعبع جاي من بلد بعيد تجيك الشيى من صاج وتلهلب بوخا يزيد و الشربوت شدوه بى بلحاً انتاجو جديـد و البقنية موجود في جردل طعمها شديد الناس فرحانه و مهيصي و معيدة انت بعيد
Post: #100 Title: Re: مسادير يا أهل المسادير إلى ما شاء الله........ Author: munswor almophtah Date: 01-09-2006, 01:30 AM Parent: #96
العيد ياجناييت نفحاتة هبت جاتنا في غفلة زمان لامتين طرينا اماتنا شيات الجمر فواحة باعثة حياتنا شطات العمر جمالا طق لهاتنا
منصور
Post: #98 Title: Re: مسادير يا أهل المسادير إلى ما شاء الله........ Author: zoul"ibn"zoul Date: 01-08-2006, 06:40 PM Parent: #1
سلام يا منصور
وين يا زول كيف الحال و كل سنة و انت و ألأسرة بى خير و عيد سعيد و ان شاء الله ما تكون مشيت لى صاحبنا خالد - كان فى اِشاعة كدة انك ماشى بى هناك - الزول زاتو قالوا متجرس بى غادى و لقى القصة صعبة شديد
بس حبينا نسلم و ننقل تحيات اِمام و جمال الجعلى (المحسى دى كانت زمان عملنا ليهو غسيل مخ الأيام الفاتت انا اِتعلمت الرطانة و هو نساها)
و لى قدام و شكرا
Post: #99 Title: Re: مسادير يا أهل المسادير إلى ما شاء الله........ Author: munswor almophtah Date: 01-09-2006, 01:15 AM Parent: #98
يازول سلام إن شاء الله عيدك عايد وضارب للشواشو وفى المكارم قايد المحسى الغتيت صناع شرابيت رايد وشيخك للمرارات عندو ديمه مكايد
منصور
Post: #101 Title: Re: مسادير يا أهل المسادير إلى ما شاء الله........ Author: munswor almophtah Date: 01-18-2006, 11:08 AM Parent: #99
الصيد داك نزل عند المحيجر وارد ضامر فوق جمالو من العيون متباعد الوز داك رقص رقص أم صديرن ناهد والشوق إشتعل فى الجوف جحيما زايد
منصور
Post: #102 Title: Re: مسادير يا أهل المسادير إلى ما شاء الله........ Author: محمد امين مبروك Date: 01-19-2006, 03:55 AM Parent: #101
الاماتو فوق أم لعايت....ردًن ومن حدق العيون حتى الخديدات...ندًن قماري الوادي من حالة المفارق ...حدًن خبًار ناس(ديلا) ما جْن سالمني ....وصدًن
تحياتي...
Post: #104 Title: Re: مسادير يا أهل المسادير إلى ما شاء الله........ Author: munswor almophtah Date: 01-19-2006, 11:49 AM Parent: #102
الاماتو فوق أم لعايت....ردًن ومن حدق العيون حتى الخديدات...ندًن قماري الوادي من حالة المفارق ...حدًن خبًار ناس(ديلا) ما جْن سالمني ....وصدًن
من جدع السلام ريشات قليبهم هدن ومن كحل المقل خدرن جمالهم مدن البندور نشوف نور فوق خدودهن عدن سدلن باب وجوهن بالحجاب طب سدن
منصور
Post: #482 Title: Re: مسادير يا أهل المسادير إلى ما شاء الله........ Author: عوض حمزة Date: 07-05-2006, 06:14 PM Parent: #99
حباب مفتاح الليله جيتك.. ضيف مفتاح الفهم كمال نواقص. الكيف عاجبنى الكلام ..الخال من.. تذيف بالله العظيم قولى....... حالك كيف
Post: #546 Title: Re: مسادير يا أهل المسادير إلى ما شاء الله........ Author: مجاهد عبد الرحمن Date: 11-13-2006, 05:04 AM Parent: #98
العيد يا جناييت نسماتو هبت جاتنا بين غربة وشجن صارت مسيخة حياتنا لمتين يا كريم ترجع تعود لماتنا في بيتنا الكبير تسطع نجوم ليلاتنا
Post: #552 Title: Re: مسادير يا أهل المسادير إلى ما شاء الله........ Author: مجاهد عبد الرحمن Date: 11-14-2006, 02:44 AM Parent: #98
العيد يا جناييت نسماتو هبت جاتنا بين غربة وشجن صارت مسيخة حياتنا لمتين يا كريم ترجع تعود ليلاتنا في بيتنا الكبير تشرق تهل نجماتنا
Post: #582 Title: Re: مسادير يا أهل المسادير إلى ما شاء الله........ Author: مجاهد عبد الرحمن Date: 11-20-2006, 07:29 AM Parent: #98
إبداع يالمفتاح
Post: #103 Title: Re: مسادير يا أهل المسادير إلى ما شاء الله........ Author: الناظر Date: 01-19-2006, 10:22 AM Parent: #1
الصيد ورد في لمـحه مـر جواري و وقفت و سرقت النظر من جاري شفت السمحه تقدل و كنها تدري بي حالي و قلبي الرهيف دق و قف طوالي
Post: #105 Title: Re: مسادير يا أهل المسادير إلى ما شاء الله........ Author: munswor almophtah Date: 01-19-2006, 12:20 PM Parent: #103
الصيد ورد في لمـحه مـر جواري و وقفت و سرقت النظر من جاري شفت السمحه تقدل و كنها تدري بي حالي و قلبي الرهيف دق و قف طوالي
مالك متفن مابتقوم بتباري وإن قدلن مشن لازم تجيهن جاري شبه المعيز صيدة الصفى كان دارى رايقه محفله المضمونه ما بتوارى
منصور
Post: #106 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-20-2006, 08:14 AM Parent: #1
يازول يا سمح إنتا المشيت خليتنا ما أبيناك يمين ببسمتك أشفيتنا بندور اللقا نفرح يمين لو جيتنا نترجاك دوام نفرح نشوف ضو بيتنا
Post: #107 Title: Re: مسادير يا أهل المسادير إلى ما شاء الله........ Author: munswor almophtah Date: 01-20-2006, 12:16 PM Parent: #106
يازول يا سمح إنتا المشيت خليتنا ما أبيناك يمين ببسمتك أشفيتنا بندور اللقا نفرح يمين لو جيتنا نترجاك دوام نفرح نشوف ضو بيتنا
من زرزور صغير حلمان مغادر بيتنا فى جخنون غروب وحلان مغرق زيتنا لكن منجمع راجع نقيس لون خيتنا للعقب القديم راجعين نقيم ياريتنا
منصور
Post: #108 Title: Re: مسادير يا أهل المسادير إلى ما شاء الله........ Author: munswor almophtah Date: 01-21-2006, 00:36 AM Parent: #107
لولا الإمتحان بتجينا ما بتغيبى والممتاز فجر بتخمى لينا تجيبى الناس بالكلام عابوك ما بتعيبى يا ورد القرنفل للنحل بطيبى
منصور
Post: #109 Title: Re: مسادير يا أهل المسادير إلى ما شاء الله........ Author: munswor almophtah Date: 01-21-2006, 05:32 PM Parent: #108
الدار براك يا ملكه طب خربانه والناس تتلبج فارقه الطريق محنانه يا بلسم تعال إنتى الطبيب شفخانه يا ساحر الخصال زارد المقل جبخانه
منصور
Post: #110 Title: Re: مسادير يا أهل المسادير إلى ما شاء الله........ Author: munswor almophtah Date: 01-21-2006, 05:57 PM Parent: #109
أبا أخونا من الصوره قلبو أتركش وإن شاف شوف بيان مضمون بقوم إترطش من القيف وقف فى سنطه لازق كنكش وإن نزل لبحر راسو الخفيف بطرقش
منصور
Post: #111 Title: Re: مسادير يا أهل المسادير إلى ما شاء الله........ Author: munswor almophtah Date: 01-21-2006, 06:06 PM Parent: #110
أبا أخونا من الصوره قلبو أتركش وإن شاف شوف عيان مضمون بقوم إترطش من القيف وقف فى سنطه لازق كنكش وإن نزل البحر راسو الخفيف بطرقش
منصور
Post: #113 Title: Re: مسادير يا أهل المسادير إلى ما شاء الله........ Author: نادية عثمان Date: 01-22-2006, 03:01 PM Parent: #108
بس حب العباد فى الدنيا باقى نصيبى
من تبيت صغيرة وهسة بعد مشيبى
الزول لو كرهنى بشوفو برضو حبيبى
الدنيا ام قدود زادت شقاى ونحيبى !!
Post: #112 Title: Re: مسادير يا أهل المسادير إلى ما شاء الله........ Author: الناظر Date: 01-22-2006, 08:13 AM Parent: #1
يوم فرح سمحاتنا بلدنا جن قادلات زي بنات العز دخلن في الدارة يتفدعن و سون رقيص الوز جميع من كان هناك و قف مندهش حاول يهز الاطفال الرضع الصغار بكو و قالو عاوزين البز صديق طار من الفرح و ركي في الدارة يهز
Post: #115 Title: Re: مسادير يا أهل المسادير إلى ما شاء الله........ Author: munswor almophtah Date: 01-23-2006, 11:44 AM Parent: #112
بس حب العباد فى الدنيا باقى نصيبى
من تبيت صغيرة وهسة بعد مشيبى
الزول لو كرهنى بشوفو برضو حبيبى
الدنيا ام قدود زادت شقاى ونحيبى !!
فزتيبا أم قدود بالحب تغنى تدوبى ويادوبك شباب صيدة كبور بتجوبى قلبك زى لبن ليك القلوب بتشوبى ياسكر نبات داخل النفوس بتذوبى
منصور
Post: #116 Title: Re: مسادير يا أهل المسادير إلى ما شاء الله........ Author: نادية عثمان Date: 01-23-2006, 02:55 PM Parent: #115
المعروف بدوم والكلمة تبقى جميلة
طالعين يااهل فى الغربة شلنا الشيلة
مابندور زعل لى زول زميل وزميلة
الروقة ودروبها حليلها ياخى حليها!!
Post: #114 Title: Re: مسادير يا أهل المسادير إلى ما شاء الله........ Author: الناظر Date: 01-23-2006, 11:01 AM Parent: #1
بس حب العباد فى الدنيا باقى نصيبى من تبيت صغيرة وهسة بعد مشيبى الزول لو كرهنى بشوفو برضو حبيبى الدنيا ام قدود زادت شقاى ونحيبى
حب الناس من الله جاكي هديه وطيبه القلب و الله فيك محريه الزول ان عاش في ديره سخيه ان قام و ان قعدوالله ليه تحيه
Post: #117 Title: Re: مسادير يا أهل المسادير إلى ما شاء الله........ Author: mohammed elsaim Date: 01-24-2006, 01:43 AM Parent: #114
Quote: يوم فرح سمحاتنا بلدنا جن قادلات زي بنات العز دخلن في الدارة يتفدعن و سون رقيص الوز جميع من كان هناك و قف مندهش حاول يهز الاطفال الرضع الصغار بكو و قالو عاوزين البز صديق طار من الفرح و ركي في الدارة يهز
يوم الفرح مرقنا النحاس طبولنا ترز زى صقر البرزن عريسنا سيفه يجز وفى محل الموت بنغرز كراعنا غرز يوم حارة ودواس لا بنتر ولا بنفز
Post: #118 Title: Re: مسادير يا أهل المسادير إلى ما شاء الله........ Author: mohammed elsaim Date: 01-24-2006, 01:58 AM Parent: #117
Quote: أبا أخونا من الصوره قلبو أتركش وإن شاف شوف عيان مضمون بقوم إترطش من القيف وقف فى سنطه لازق كنكش وإن نزل البحر راسو الخفيف بطرقش منصور
ات يازول سمحة الصورة ولا سيدها قام يتبكش؟ البيسرح بغنم ابليس عقله داك اتكشكش والبرش الناس بالموية يوم بالدم بترشرش كبارنا قالو البلعب بالجمر لابد يوم يتشتش
Post: #119 Title: Re: مسادير يا أهل المسادير إلى ما شاء الله........ Author: mohammed elsaim Date: 01-24-2006, 02:12 AM Parent: #118
Post: #120 Title: Re: مسادير يا أهل المسادير إلى ما شاء الله........ Author: الناظر Date: 01-24-2006, 09:32 AM Parent: #1
في المثل بقولو الجداد يودي الكوشا لابد من حساب دهرك وقتك المهموشا عشان الكل يماثل لي ملوك الكوشا وتعتق نفسك من زنقتا و تحويشا
Post: #121 Title: Re: مسادير يا أهل المسادير إلى ما شاء الله........ Author: nour tawir Date: 01-24-2006, 12:15 PM Parent: #120
صباح الخير منصور رسلت ليك رسالة بى المسنجر مامشت. واتصلت فى البيت لكين الظاهر ازعجت الاسرة. وعلى العموم اتصل انت بعد دا. دا ما كلام زعل لكين انا عارفة ظروف كندا. والموضوع اياه ماضرورى للدرجة دى..
Post: #673 Title: Re: مسادير يا أهل المسادير إلى ما شاء الله........ Author: munswor almophtah Date: 12-25-2006, 09:34 AM Parent: #120
مالك متفن مابتقوم بتباري وإن قدلن مشن لازم تجيهن جاري شبه المعيز صيدة الصفى كان دارى رايقه محفله المضمونه ما بتوارى
منصور
Post: #900 Title: Re: مسادير يا أهل المسادير إلى ما شاء الله........ Author: munswor almophtah Date: 08-02-2007, 07:06 AM Parent: #673
رايقه محفله المضمونه ما بتوارى
Post: #122 Title: Re: مسادير يا أهل المسادير إلى ما شاء الله........ Author: الناظر Date: 01-24-2006, 12:23 PM Parent: #1
يا منصور اخوى اطربنا بى اشجانك وقول محمد ود الصائم نحن من حيرانك و بت عثمان كمان اهديك من الحانك ود عقيد مالو سكت مع انو من حبانك
Post: #123 Title: Re: مسادير يا أهل المسادير إلى ما شاء الله........ Author: munswor almophtah Date: 01-25-2006, 01:54 AM Parent: #122
Post: #124 Title: Re: مسادير يا أهل المسادير إلى ما شاء الله........ Author: الناظر Date: 01-25-2006, 08:46 AM Parent: #1
يا الحبيب يوم جاني الولد و الله كان يوم عيدى وفي الشهر العظيم والمصحف كمان فى ايدى الدكتور مروق و في ايدهو حامل لى وليدى دماعي سالت من الفرح و رفعت الي فوق ايدى طلبت من ربى الكريم يحفظ و يكبر لى ولدى
Post: #125 Title: Re: مسادير يا أهل المسادير إلى ما شاء الله........ Author: الناظر Date: 01-25-2006, 09:22 AM Parent: #1
الدكتور سال في الحال ايش عاوز تسميه قلتو غير اسم ابوى و الله ماني مسميه افضالو كتير على و بالاسم عاوز اهديه من تبيت و قمت سابح و غرقان في واديه
Post: #126 Title: Re: مسادير يا أهل المسادير إلى ما شاء الله........ Author: الناظر Date: 02-01-2006, 04:20 AM Parent: #125
يا منصور اخوي من النعاس صحينا النوم حصل من قهوة او شاي اسقينا او بى فن من فنون كلامك اروينا و قول ود عقيد بلاهي مر ضوينا
Post: #127 Title: Re: مسادير يا أهل المسادير إلى ما شاء الله........ Author: أحمد الشايقي Date: 02-01-2006, 04:33 AM Parent: #1
جيتكم بي خبر بالحيل مفاده طــريف
من زورة الحبيب, سودانا, يا عريـف
بلد الماهلة ديك, ست القوام والهيف
والالاف سـلام, مـن ام عمـودا سيـف,
Post: #128 Title: Re: مسادير يا أهل المسادير إلى ما شاء الله........ Author: عبد الله عقيد Date: 02-13-2006, 02:25 PM Parent: #1
وين يا اخواننا مفتاح الفهم والراي منصور الحريف الـ للفهوم قراي حاجر فوق سوايمو وللكبس سرّاي حديثو سمِح مرتب حاشا مو برّاي
ود عقيد
Post: #129 Title: Re: مسادير يا أهل المسادير إلى ما شاء الله........ Author: نادية عثمان Date: 02-13-2006, 04:12 PM Parent: #128
ود عقيد
زيك طارية اب قلبا دهب خبارو الزول ده مشى وين ؟
بجيك صادة اكيد ..
Post: #130 Title: Re: مسادير يا أهل المسادير إلى ما شاء الله........ Author: munswor almophtah Date: 02-14-2006, 04:03 AM Parent: #129
ياناس يا ظراف انا فى البلد متواجد فى الخرطوم بزازى وشوقى ليكم واجد يا ود عقيد إنت المشير يا ماجد وناديه المعجزه المصروفه فايده وعايد
منصور
Post: #131 Title: Re: مسادير يا أهل المسادير إلى ما شاء الله........ Author: أحمد الشايقي Date: 02-14-2006, 04:26 AM Parent: #1
ود مفتـاح,
للخرتوم سلام شوق واشتها وقرييف
قمنا صباح شروق خلينا فيها الكيف
وجافات قلوبنا حسيرة دايرة تقيف
حلاتاً فيها توتي, حلاتــو فيها القيف
وتحيات لأهل الخرطوم اللطفاء
ود الشايقي
Post: #132 Title: Re: مسادير يا أهل المسادير إلى ما شاء الله........ Author: الناظر Date: 02-14-2006, 04:45 AM Parent: #1
يا منصور اخوي مضاري ليك زمان طاب الكريم انك تكون في امان خايف عليك تلحق الكومر ابدخان كل ما جاهو طيفا صبح ورمان
Post: #133 Title: Re: مسادير يا أهل المسادير إلى ما شاء الله........ Author: الناظر Date: 02-15-2006, 05:36 AM Parent: #1
حمدلى بسلامة الجيت منهم طيبين طولت الغياب و نحن ليك مستنين ارض حنك كمان عندى ليها حنين و جل الظريف و الله لي منو سنين
Post: #134 Title: Re: مسادير يا أهل المسادير إلى ما شاء الله........ Author: أحمد الشايقي Date: 02-15-2006, 05:45 AM Parent: #1
سلام خرتوم سلام, لي محنتك زينوبا
سلام آرض العزاز فيك جدنا وحبوبـة
سلامـاً للمهندس داكا راجـل حـوبـة
والآلاف سـلام لي ناس هـناك في سـوبا
ود الشايقي
Post: #135 Title: Re: مسادير يا أهل المسادير إلى ما شاء الله........ Author: عبد الله عقيد Date: 02-15-2006, 07:30 AM Parent: #1
ست النمّة نادية البيكِ تم غنانا يسعل منك الخير والوداد يغشانا منصور الهميم شد الرحال خلانا في خرتومو قاعد ضمة ما بيطرانا
ود عقيد
Post: #136 Title: Re: مسادير يا أهل المسادير إلى ما شاء الله........ Author: نادية عثمان Date: 02-15-2006, 08:48 AM Parent: #135
Quote: ست النمّة نادية البيكِ تم غنانا يسعل منك الخير والوداد يغشانا منصور الهميم شد الرحال خلانا في خرتومو قاعد ضمة ما بيطرانا
من غير الحبيب مين عاد بتمو هنانا
مفتاح القلوب زول بالجميل اشجانا
منصور غاب هناك بنار فراقو كوانا
فى الخرطوم غطس بحر الغرام دنيانا
Post: #137 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 02-15-2006, 09:02 AM Parent: #1
فد يوم شين بسو والبدعة ما لازمانا
من تبينا قمنا والحب في كل زمانا
* ** ** ** *
شوف منصور في البوست كيف لمانا
كبرت قلوبنا والريد كتير عمانا
........................................................................................ محمد السيد
Post: #138 Title: Re: مسادير يا أهل المسادير إلى ما شاء الله........ Author: عبد الله عقيد Date: 02-15-2006, 01:57 PM Parent: #1
ياناس يا ظراف انا فى البلد متواجد فى الخرطوم بزازى وشوقى ليكم واجد يا ود عقيد إنت المشير يا ماجد وناديه المعجزه المصروفه فايده وعايد
منصور
يا منصور اخوي فضلك مِدفَّق زايد إيدك صابّة يوت مليانة خير وفوايد جميع من ضاق حروفك ليها أصبح رايد عودة سلامة لي الخرطوم سعيد العايد
ود عقيد
Post: #139 Title: Re: مسادير يا أهل المسادير إلى ما شاء الله........ Author: mohammed elsaim Date: 02-15-2006, 02:36 PM Parent: #138
ود المجمر جاب كلاما عزيز لبحري ذكرنا الشباب والجهل من بدري جيناكم ياودمفتاح ياعقيد يابكري ندوبي ننم والمتعة في دمانا بتسري
Post: #140 Title: Re: مسادير يا أهل المسادير إلى ما شاء الله........ Author: mohammed elsaim Date: 02-15-2006, 11:11 PM Parent: #139
Quote: الحبيب يوم جاني الولد و الله كان يوم عيدى وفي الشهر العظيم والمصحف كمان فى ايدى الدكتور مروق و في ايدهو حامل لى وليدى دماعي سالت من الفرح و رفعت الي فوق ايدى طلبت من ربى الكريم يحفظ و يكبر لى ولدى الناظر
شن طعم الوليد وكت العفن فى الدار ويالصايم اخويا اريتو يبقى هــزار ورحنا الليلة فى مرقة عمايلو شمار وبترولناانبلع فى(اتينا)جانا هرار
Post: #142 Title: Re: مسادير يا أهل المسادير إلى ما شاء الله........ Author: mohammed elsaim Date: 02-16-2006, 00:12 AM Parent: #140
Quote: للخرتوم سلام شوق واشتها وقرييف
قمنا صباح شروق خلينا فيها الكيف
وجافات قلوبنا حسيرة دايرة تقيف
حلاتاً فيها توتي, حلاتــو فيها القيف
أحمد الشايقي
سلام لبحري من املاكا لي ديوما كثير اشتهالخوجليها وودمريوما طريناالكورة في دناقلتها وختوما حليل مزادها وشعبيتا ثانويهاوعموما
فى الأملاك فوق لسمر تلقى خالد ودعمر والجعيص وودالبشير وحاتم جرى وترتر ناس حمد واسامة احمد والبانجيو السكر قصر الصداقة ياما فى نيلا نتلاقا وياااماطفر
ماتنسى شمباتناأراضي و حلة سلم لياسر حمد دكتورن كبير ومعلى الدروشاب فيها زعيمنا البدري ودعبدله فى حلفايا عند الملوك اقيف وادلى
ابدا برامي شيخ القوم كبير الهمة وامير ودعون ديمة حايز القمة محسن جدو ضيف الله وطبقاتو نورن عم ود الامين ساري الليل معاه تحلى اللمة
عادل الجمل راجينا فى الكدرو يأصحابنا الفنجري حمدناالله يردد الفين حبابنا وكوبر وياسر علي وابكما وكم فى جرابنا ناسا عزااااز بيهم حلت ايام شبابنا
Post: #143 Title: Re: مسادير يا أهل المسادير إلى ما شاء الله........ Author: أحمد الشايقي Date: 02-16-2006, 02:01 AM Parent: #1
Quote: من غير الحبيب مين عاد بتمو هنانا
مفتاح القلوب زول بالجميل اشجانا
منصور غاب هناك بنار فراقو كوانا
فى الخرطوم غطس بحر الغرام دنيانا
ملحوظة:
= شركيلا وود عشانا محطات ومدن في مجرى النيل الكردفاني, (خور أب حبل)
بـطـرا النيل ختم شركيلا فـدّا عـشـانا
وبـطـرا سـعيـة من تيـلاد سليـم وكنانة
بطـرا بلادنا في جلسات سرورنـا, صـفـانا
بـطـرا الناديـة بت عـتـمان تضـوّي جمـانـه
ود الشايقي
Post: #144 Title: Re: مسادير يا أهل المسادير إلى ما شاء الله........ Author: الناظر Date: 02-16-2006, 06:53 AM Parent: #1
ود الصـائم سـلام يباركو ليك جديدك و الشي السـمح اتمنيتو ليك يجـيلـك عشان نفرح معاك و نغني بى تهليلـك و الزول الاصيل زي القمـر بضويلـك
Post: #145 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 02-16-2006, 08:49 AM Parent: #1
الشوق ..الشقاني وشق راسي شقيقة وقولة العزول ..الشينة مابنطيقا قالو وقلنا ..لامن ودروها حقيقة كل أملي الصبح أجلس حداك دقيقة ......................................................................................... محمد السيد
Post: #146 Title: Re: مسادير يا أهل المسادير إلى ما شاء الله........ Author: nashaat elemam Date: 02-21-2006, 05:34 AM Parent: #1
حامدين السلامة يا المفتاح وجيتك لديارنا وطالبنك زيارة تجينا ونضيفك في دارنا مشتاقين نشوفك توصل تشوف اخبارنا عشان الخوه بينا ما تبقى بس مسدارنا
Post: #152 Title: Re: مسادير يا أهل المسادير إلى ما شاء الله........ Author: munswor almophtah Date: 03-09-2006, 10:40 AM Parent: #146
يا نشأت وحات المولى داير شوفتك وممغوس منشرط واجعانى ساكت فوتك ياود الرجال معروف مجربه حوبتك غلطان بعتذر داير سماحك وعوفتك
والله يا نشات كانت رحلة قصيره جدا ولكنى آت قريبا (وقبال ناس بيتنابمشيلك)
منصور
Post: #147 Title: Re: مسادير يا أهل المسادير إلى ما شاء الله........ Author: nashaat elemam Date: 02-23-2006, 07:23 AM Parent: #1
@
Post: #148 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 02-23-2006, 09:15 AM Parent: #1
الناس وين مشت خلوني البراي إتلفت حامد الكريم وسعت دارنا لينا وكفت مجلسنا الصبح بي ملايكة صفت وحفت ذاكرين الصمد قبال سعاية.. الفت فت ........................................................................................ لا إله إلا الله محمد رسول الله
Post: #149 Title: Re: مسادير يا أهل المسادير إلى ما شاء الله........ Author: munswor almophtah Date: 02-28-2006, 11:05 AM Parent: #148
الشوق والولف والطله دايما واجبه والشوف للغصن زمن الهجير كم عاجبه الروح كان تروح مفتونه دايما شاجبه للهجر المدوعل لى أم رشيم الناجبه
منصور
Post: #150 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-09-2006, 10:01 AM Parent: #149
How I wish I could, but you're so far away ... Travelin' around sure gets me down and lonely; Nothin' else to do but close my mind; (Carole King)
Quote: للهجر المدوعل لى أم رشيم الناجبه
من بعد المنال الشوق كتلني عشية بالي الانشغل هامبيك بقالي ازية يالزاجل تعال الليلة عندي وصية تقول لام ضمير بي حالا تبقي حرية ...................................................................................... محمد السيد
Post: #151 Title: Re: مسادير يا أهل المسادير إلى ما شاء الله........ Author: munswor almophtah Date: 03-09-2006, 10:22 AM Parent: #150
Quote: من بعد المنال الشوق كتلني عشية بالي الانشغل هامبيك بقالي ازية يالزاجل تعال الليلة عندي وصية تقول لام ضمير بي حالا تبقي حرية ...................................................................................... محمد السيد
شوقا لى أم فصيص فوق جيدا صفى النيه مسلوب من عضاى لى شوفا رخصه بنيه ما فيش من صليح للحال إشوف لى هنيه يا السبق حليلكم حالى حالتو شليه
منصور
Post: #153 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-10-2006, 12:38 PM Parent: #151
Quote: يا السبق حليلكم حالى حالتو شليه
يالمنصوووور عشان تفهمني ..صفها نيه. ماجنيت لكن عقلي..الطـــاش زي صقريه. لمحه من (ام ضمير) فقدت بعدا شهيــه. دا الخلي ربعــــي يقولو:حالتو بطيه.
Post: #156 Title: Re: مسادير يا أهل المسادير إلى ما شاء الله........ Author: munswor almophtah Date: 03-11-2006, 06:51 AM Parent: #153
Quote: يالمنصوووور عشان تفهمني ..صفها نيه. ماجنيت لكن عقلي..الطـــاش زي صقريه. لمحه من (ام ضمير) فقدت بعدا شهيــه. دا الخلي ربعــــي يقولو:حالتو بطيه.
Post: #169 Title: Re: مسادير يا أهل المسادير إلى ما شاء الله........ Author: عبد الله عقيد Date: 03-13-2006, 01:23 PM Parent: #168
علي ضهر المخيتير المعلّا سنامو فوق مخلوفة حاكر وكلبو مِن قِدامو خات في بالو صورة اللبسوهو تُمامو متييين يصلو وكمان يلقى الطفلّن نامو!!
ود عقيد
Post: #170 Title: Re: مسادير يا أهل المسادير إلى ما شاء الله........ Author: munswor almophtah Date: 03-13-2006, 02:03 PM Parent: #169
مو جمل الرحل عقب الفريق طب حامو مو كلبا ببارى مبلما بى زمامو شارف ود بشارى إكسير جبالا طعامو فوقو الفنجرى الوزينو عام قدامو
منصور
Post: #171 Title: Re: مسادير يا أهل المسادير إلى ما شاء الله........ Author: Ibrahim Adlan Date: 03-13-2006, 09:16 PM Parent: #1
مو جمل الرحل عقب الفريق طب حامو مو كلبا ببارى مبلما بى زمامو شارف ود بشارى إكسير جبالا طعامو فوقو الفنجرى الوزينو عام قدامو
كب و قام خات كل البلود قدامو ما عركس رجع تب مافي زولا لامو ود عز البشاريات امات خبيبا زامو وصلني لي بلد ام خديد ماقصرن ايامو
Post: #172 Title: Re: مسادير يا أهل المسادير إلى ما شاء الله........ Author: munswor almophtah Date: 03-14-2006, 00:41 AM Parent: #171
مخبور أبدومه بالفرقان كتير نمامو ما قنصوبو يوم فى فزعه ضاعو وهامو عارفين عوسو طب شقل البطانات حامو خابرين للمعيز قراع مراحهن لامو
منصور
Post: #173 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-14-2006, 00:56 AM Parent: #1
أدرع دوفـه أدروج والخـبيـب نجّـامـو
من جـدّه البشـاري, نضـيف مزنّـد فامـو
إن شـدّيتـو بالباصـور كربـت لجـامـو
تتباشـربو فوق فزع العيال يوم قامـو
Post: #174 Title: Re: مسادير يا أهل المسادير إلى ما شاء الله........ Author: munswor almophtah Date: 03-14-2006, 02:31 PM Parent: #173
أبدقنوس مجرب سيدو طب ما سامو شقاق للخشش عشاق للفنق عوامو كضاب فى اللصاهب كان رقل قدامو خبار للدروب عراف معلى مقامو
منصور
Post: #175 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-15-2006, 00:52 AM Parent: #1
دا المرنوع ملازم البوخـة فوقا اتمسّـى
دا المحبوس ختا المرقات صعـب واتقسّـا
دا مباشــر أذاك بي حـن فـؤادك حـسّـا
دا بـودّر مواجـعـك إن بســم لك هـسـا
ود الشايقي
Post: #176 Title: Re: مسادير يا أهل المسادير إلى ما شاء الله........ Author: nashaat elemam Date: 03-15-2006, 02:57 AM Parent: #175
من البوخه شوف عينيا قايم هسه متفدع وقف وخطاو مخدره لسه بي لون الدهب جهر العيون وادسا كمل صبري واصبحت ضارب الجرسه
Post: #178 Title: Re: مسادير يا أهل المسادير إلى ما شاء الله........ Author: munswor almophtah Date: 03-15-2006, 10:00 AM Parent: #176
فوق البوخه طابقه الحنه فاقعه الكبسه مى مطفوقه جوها ضيوفها قامت كبسه متل الصرفه فوق السعده ناعمه اللمسه للخارش الدخن مدخوره مو زول كبسه
منصور
Post: #1223 Title: Re: مسادير يا أهل المسادير إلى ما شاء الله........ Author: munswor almophtah Date: 05-01-2008, 10:26 AM Parent: #176
من البوخه شوف عينيا قايم هسه
Post: #177 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-15-2006, 08:49 AM Parent: #1
عارف زماني خاتياني فيوالراحـــه طاقش الشرق خليت وراي الساحــه الحازت فهم,أخلاق معاها سماحــه بعد الفراق وين لي طعم تفاحــــه ........................................................................................ محمد السيد
Post: #179 Title: Re: مسادير يا أهل المسادير إلى ما شاء الله........ Author: munswor almophtah Date: 03-15-2006, 10:21 AM Parent: #177
Post: #186 Title: Re: مسادير يا أهل المسادير إلى ما شاء الله........ Author: محمد بهنس Date: 03-15-2006, 04:30 PM Parent: #183
حرف ال'ح' هو سر النار وسر فياحا حي حيمور مدعلج مستبد برااااااحه جهجهنا ولبد في فجه فايحه سماحه معدوم في اروبا ال'ح' وفتر شراحا وال'ح' بقولو كيف?
Post: #197 Title: Re: مسادير يا أهل المسادير إلى ما شاء الله........ Author: munswor almophtah Date: 03-16-2006, 11:17 AM Parent: #186
حرف الحاء الحليوه الحاليه طاعمه ملاحا ماها الحيه غادره وبالزعاف فحاحه متجهجه خبارك صيده خاتيه قباحه الحق حل حريفك (ح) وشالتا الطراحه
منصور
Post: #184 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-15-2006, 01:45 PM Parent: #1
أدرع دوف خـفيـف رقّـال بسابـق الميـة
مـن جـدّه البشـاري ونسـبته المكنّّّّيـة
باصـورك زنـوده وكـان ركبتـه حـويّـة
تتـدغـشـبو فوق دار أم هـجـود بكريّـة
ود الشايقي
Post: #198 Title: Re: مسادير يا أهل المسادير إلى ما شاء الله........ Author: munswor almophtah Date: 03-16-2006, 11:35 AM Parent: #184
أب زند العشارى الفيهو طب محريه ما بتاحت الخمجان بلاقى سريه فى الصانقيل مجرب وللخشش قمريه فوقا بخوى ساكت كان صباح وعشيه
منصور
Post: #185 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-15-2006, 03:48 PM Parent: #1
بنتاغون مغاربي و لعبة كراسي دنية كتاحة طرفا رئيس وادارة ميها قوية زرعوا الفرقة والشتيت حصاد غالبيه بقت الشماتة علينا وخسارة بخماسية
......................................................................................... محمد السيد
Post: #199 Title: Re: مسادير يا أهل المسادير إلى ما شاء الله........ Author: munswor almophtah Date: 03-16-2006, 11:50 AM Parent: #185
مالك يا ولد جايب هبوب منسيه إيش كان زيد غلب أو كان حتل تحتيه نحن مع الإبل شادين بلادنا رخيه ما بندور لعب بى تيوه مو هميه
منصور
Post: #200 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-16-2006, 12:10 PM Parent: #199
Quote: مالك يا ولد جايب هبوب منسيه إيش كان زيد غلب أو كان حتل تحتيه نحن مع الإبل شادين بلادنا رخيه ما بندور لعب بى تيوه مو هميه
دون شك الحالة مو بس كروية والهمة في كل المجال محرية الدق بيناالدلج صباح ومسية الغمدة من نارا بدت دخنية ......................................................................................... محمد السيد
Post: #187 Title: Re: مسادير يا أهل المسادير إلى ما شاء الله........ Author: Ibrahim Adlan Date: 03-15-2006, 04:36 PM Parent: #1
تيس الحنو الخبار مخلوفتو مي متكيه زي صقر البليب وقتين يشوفلو حديه يا الشايقي الاصم غربتنا ما هميه طالبين الرجوع لي السمحه سودانيه
Post: #188 Title: Re: مسادير يا أهل المسادير إلى ما شاء الله........ Author: محمد بهنس Date: 03-15-2006, 05:03 PM Parent: #187
Post: #229 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-17-2006, 05:07 PM Parent: #225
اهلا بي كرام الاصل والمصدر ليلي طوول وزماني بي غدر مستعجل بقول وصية تتصدر شوقي تبلغيو لل(معز حيدر) .................................................................................. محمد السيد
Post: #231 Title: Re: مسادير يا أهل المسادير إلى ما شاء الله........ Author: محمد بهنس Date: 03-17-2006, 05:31 PM Parent: #229
تحندكن القلب تايهات كما الاقمار وضمه عرق جسيماتكن دواخ ودوار وفي قلبي الاجار مليون جحا ومسمار وما ركب الركش ود الرضي الشعار وكان احرف حريف
Post: #232 Title: Re: مسادير يا أهل المسادير إلى ما شاء الله........ Author: محمد بهنس Date: 03-17-2006, 05:39 PM Parent: #231
تحندكن القلب بي لطف ناذي شعور وفيكن جنه او عفريت عسل مشهور براكن ومااابراكن..الا بوح محضور وقلبي خيال مااته ومرتبط بطيور حيرتن لفيف
Post: #233 Title: Re: مسادير يا أهل المسادير إلى ما شاء الله........ Author: محمد بهنس Date: 03-17-2006, 05:49 PM Parent: #232
تحندكن القلب وانا في فرنسا برايا مشتاق لي مغارزكن تمر بحدايا ياقاسيات وبنساكن وبمشي نكايه فيكن للعجم مهرات جسومن ايه والعجميه نيف
Post: #234 Title: Re: مسادير يا أهل المسادير إلى ما شاء الله........ Author: munswor almophtah Date: 03-17-2006, 07:33 PM Parent: #233
كتب فيصل المفتاح عندما تنادى أفراد الإقليم الغربى لتناول الفطور دون جيرانهم من الأوسط ودون إعتبار لحديث الرسول (ص) ليس منا من أمسى شبعان وجاره جائع) فجادت قريحة شبل من ضرغام فكانت سجيل فيصل المفتاح خمسه مربعات خارقة حارقه.....
يوم جابو الفطور جات الخلوق متلمه وأتحوشوا الجميع ناس جوع قلال الهمه جنيات الغروب نكرو الجوار والزمه ورجال الوسط أسدا بعاف الرمه
فيصل المفتاح
Post: #235 Title: Re: مسادير يا أهل المسادير إلى ما شاء الله........ Author: munswor almophtah Date: 03-17-2006, 07:38 PM Parent: #234
عزيز فقد الكبار قول ناس خليفه وعيسى وفوت (صديق) ترك داركم عديمة ريسه يا ناس الغروب أوعوالفساله نقيصه والمره داخله للنار العديل فى كديسه
فيصل المفتاح
Post: #236 Title: Re: مسادير يا أهل المسادير إلى ما شاء الله........ Author: munswor almophtah Date: 03-17-2006, 07:45 PM Parent: #235
(مروان)القبيل قايلنو راجلا فارس و(أسامه)الهميم فاكرنو واعى ودارس (غيدا)وزولنا (راضى)الكان بتم الناقص بس قالوا الفهم تب ما بتمو مدارس
فيصل المفتاح
Post: #237 Title: Re: مسادير يا أهل المسادير إلى ما شاء الله........ Author: munswor almophtah Date: 03-17-2006, 07:49 PM Parent: #236
Post: #241 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-18-2006, 02:47 PM Parent: #1
هــذه بالإيميل
من أخوكم ألقارئ المحب لكم
مدثر سعيد,
Quote: الاخوة الكرام
بعرفكم ياكم اولاد البلد وبس
ما اكتر من كدي
مبسوط بسط شديد بيكم
ولقيت لي شئ جميل في المنبر
وربنا يمد فيهو
يازول ما حرام الحول يحول بي حولو
لانسمع سلام لا قول عتاب بتقولو
مالك شن حصل دا الباب قفلتا طبولو
الدنيا ام قدود اشغالها ما بيزولو
ان كتر الرصيد الزول يخابر زولو
وان قل الرصيد يكفيك بس مسكولو
وبيناتهن وسط خط الجواب بي طولو
وظرفو في الرسالة في لحظة يبقى وصولو
والسلام
Post: #244 Title: Re: مسادير يا أهل المسادير إلى ما شاء الله........ Author: munswor almophtah Date: 03-18-2006, 04:26 PM Parent: #241
مدثر سعيد نظمك منمق جانا زى نظم الجواهر ضمه مره أشجانا دايما كون قريب ما تفوتنا ماتختانا دايما جيب كلامك ختو ذاتو معانا
منصور
Post: #245 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-19-2006, 09:07 AM Parent: #241
Quote: مدثر سعيد,
بي جيتك السعد معقود والبشارة دثارة ورسالتك وصلتنا فرحت بيها كل الدارة من طلتك كتر وزيد ماتبقي متل المارة املناالزمن يجمعنا يوم نركب الطيارة........................................................................................ محمد السيد
Post: #246 Title: Re: مسادير يا أهل المسادير إلى ما شاء الله........ Author: الناظر Date: 03-19-2006, 09:33 AM Parent: #1
انا من ما ذرتهم زمان عندي فيهم راي بس كنت فاكر الموضوع سوهو معاي براي ناس في الجود و الكرم و الله لا فهم لا راي كيف يافيصل تلوم زولا بس في الكلام براي
Post: #252 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-20-2006, 08:29 AM Parent: #246
Quote: انا من ما زرتهم زمان عندي فيهم راي بس كنت فاكر الموضوع سوهو معاي براي ناس في الجود و الكرم و الله لا فهم لا راي كيف يافيصل تلوم زولا بس في الكلام براي
انسي النساك وزيد في ناحيةالغربيه ويالناظر حبابك تشرفنا في الشرقيه من المطار نلقاك فرشناالورد أرضيه وجاهزين بالطعام من ضلعه لي طعميه
كتبت بالامس ولكن لضيق الوقت ,وعلة اصابت الإرسال,لم ترسل الا اليوم ................................................................ محمد السيد
Post: #247 Title: Re: مسادير يا أهل المسادير إلى ما شاء الله........ Author: الناظر Date: 03-19-2006, 09:38 AM Parent: #1
شن طعم الفول و كت الزول بياكلو برا و شن طعم الدروس مادام الدرس ما ورا لا شافـلو ضـيفا لا عابر سبيل سـرا العايش في الجوع و الفقر ما في زول برجا من ما قام خلق في اكلو ديمه برا
Post: #248 Title: Re: مسادير يا أهل المسادير إلى ما شاء الله........ Author: munswor almophtah Date: 03-19-2006, 01:59 PM Parent: #247
يا الناظر سلام مالك بتنضم ساهى والفول بالخراب أنساهو طب بالله ناس فيصل هناك حالين أمورهم باهى خلو الكسره تب خلوها مره مقاهى
منصور
Post: #249 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-20-2006, 01:47 AM Parent: #1
بعد تقديم
الشكر لأخوكم الاستاذ
مـدثـر سـعيـد,
شوفوا النـم الصـح,
انت القبلي لاح حاشاك ماكا تخاية
وانت الفي الدواس قدام وشايل الراية
انت القمرة يوم تطلع بدر ضواية
وانت شمسنا في ساعة الغروب كيف آية
Post: #250 Title: Re: مسادير يا أهل المسادير إلى ما شاء الله........ Author: Aisha Hommaida Date: 03-20-2006, 07:35 AM Parent: #249
يا الشايقي السلام من نيلنا ليك نِسيْمَة وود السيد ابشر ياني المصنقر ديمة منصور اصلو نضمك العجوة حاااالي طِعيمَة وانا شايفو الكرم الفي طبعكم شيمة خيمتكم براح الصحرا ضلها غيمة
ساغيب عنكم لزيارة الوالدة قليلاً
في وداعة الله خليتكم بشدو رحالي مستأذن بروح للبيها مشغول بالي لي بت الحسن كان ربي يستر حالي اصلو عفوها مطلووووب شان تتم آمالي وكان جيت بي سلام بسمع نضمكو الحالي
ونتلاقا في ساعة خير
Post: #254 Title: Re: مسادير يا أهل المسادير إلى ما شاء الله........ Author: الناظر Date: 03-21-2006, 11:57 AM Parent: #1
يا الباشمهندس سلام ان خلاص نسيت السالفه والكلام الذكرتو و قلتو لي خلاني مسحت الذاكره المتلك فوق حيا او فوق محل امورو جد متواسيه دعوتك لي حبابا و بجيك ولو بى كراعا حافيه
Post: #255 Title: Re: مسادير يا أهل المسادير إلى ما شاء الله........ Author: بخاري بشير Date: 03-21-2006, 02:09 PM Parent: #1
يا سيد القلم ياني يوت مأمورك من شيل التقيل قيح جرح ناسورك اديني الاذن مفتاح تزيدا أجورك زاد الشوق علي مفتاحنا باهر نورك
Post: #256 Title: Re: مسادير يا أهل المسادير إلى ما شاء الله........ Author: nashaat elemam Date: 03-22-2006, 04:34 AM Parent: #255
يا ود البشير وينك.. لي زمن نورك وفاقدين طلتك فاقدين شذاها زهورك وات عارف تمام قد ايش انحنا ندورك وان تقلت كراعك.. خلينا نحنا نزورك
Post: #258 Title: Re: مسادير يا أهل المسادير إلى ما شاء الله........ Author: munswor almophtah Date: 03-22-2006, 10:58 AM Parent: #256
يا ود البشير وينك.. لي زمن نورك وفاقدين طلتك فاقدين شذاها زهورك وات عارف تمام قد ايش انحنا ندورك وان تقلت كراعك.. خلينا نحنا نزورك
نشأت بالقدم يلاك نشوف أخبارو داك ود البشير راوى الحديث وأخبارو إن نجر الكلام موزون بغنى كنارو وإن جال بالفريق ضماخه فايحه أزهارو
منصور
Post: #257 Title: Re: مسادير يا أهل المسادير إلى ما شاء الله........ Author: munswor almophtah Date: 03-22-2006, 09:57 AM Parent: #255
يا سيد القلم ياني يوت مأمورك من شيل التقيل قيح جرح ناسورك اديني الاذن مفتاح تزيدا أجورك زاد الشوق علي مفتاحنا باهر نورك
مأمور إنت فوق وأنا من بيادة دورك وشيلا للتقيل مخبوربو جملا هولك بابك إنت فاتح ونحن نحبا نزورك وشوقاليك مجكن فى القلوب بندورك
منصور
Post: #259 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-23-2006, 08:15 AM Parent: #1
Quote: يا الباشمهندس سلام ان خلاص نسيت السالفه والكلام الذكرتو و قلتو لي خلاني مسحت الذاكره المتلك فوق حيا او فوق محل امورو متواسيه دعوتك لي حبابا و بجيك ولو بى كراعا حافيه
الليله البروق يتاهتفن بي سيرتك والفرح الاكيد عمانا جد يوم جيتك شتلات نم بينا وشجر المحنة سعيتك الكع تعال ومفتاح يكون في معيتك
..................................................................................... محمد السيد
Post: #260 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-23-2006, 08:54 AM Parent: #259
الليله البروق يتهاتفن بي غادي بدونك ليلي طول وزاد علي بعادي من غربه وشتاتاالكل صبح متعادي دعيت بالكريم يجمع شملهم اولادي
لا تسأل ماذا قدم إليك الوطن ولكن إسأل ماذا قدمت لوطنك وياوطني دم بعزة من وهب امجادي .......................................................................................... مواطن
Post: #265 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 12:47 PM Parent: #260
الليله البروق يتهاتفن بي غادي بدونك ليلي طول وزاد علي بعادي من غربه وشتاتاالكل صبح متعادي دعيت بالكريم يجمع شملهم اولادي
الطير فوق خمايلو طروب بغنى وشادى والوز فى جزايرو الصيد مساكنو الوادى النيل فى الخصر حاويها ضمه بلادى والشوق ليها فوق يجمعنا فيها الهادى
منصور
Post: #261 Title: Re: مسادير يا أهل المسادير إلى ما شاء الله........ Author: الناظر Date: 03-23-2006, 12:08 PM Parent: #1
ود السيد اخوي بتمنى ليك حياة صافية وبنرجع أكيد وبنصافي النفوس الجافية ود المفتاح يمين بجيبو كان لقيت العافية وبنجلس معاك ونسولف سواليف البادية
Post: #262 Title: Re: مسادير يا أهل المسادير إلى ما شاء الله........ Author: الناظر Date: 03-23-2006, 01:27 PM Parent: #1
منصور اخوي فى الصورة انت تلالي من زمن طويل راسم الشكل في بالي و متمني شوفتك عشان تشوف افكاري ود السيد دعانا انا رحبت بيهو طوالي
Post: #263 Title: Re: مسادير يا أهل المسادير إلى ما شاء الله........ Author: بخاري بشير Date: 03-23-2006, 02:31 PM Parent: #262
يانشأت يمين تبقولي انتو زهور فائح طيب شذاكم فاق شذى الريفدور بـ "حلو" الشمايل انتو باقين نور وفي نظم القصيد حالي النميم منثور
///////////////////////
ود منصور سلام ات في النميم مزمارو ما بنجاري وصفك وما بنطول أسوارو المسدار انشرح واتبهرجت أنوارو زيد النمة ولع لـ "لهالب" نارو
/////////////////////////
يا المنصور يمين أصبحت يوت مبهورك من حلل القوافي الفيها غايرة بحورك "زلقيبك" بعيد بنهابا طلعة سورك وإت شيال تقيل مسدارنا قال "منصورك"
Post: #268 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 01:27 PM Parent: #263
ود منصور سلام ات في النميم مزمارو ما بنجاري وصفك وما بنطول أسوارو المسدار انشرح واتبهرجت أنوارو زيد النمة ولع لـ "لهالب" نارو
المتلك قلال خبرو الصقع ما بدارو خبرو جرى الكلام ديدابو يوم حارو راوى الحديث ساقينا طايبا أشعارو وإن غاب فد سبوع نشاباليها أنوارو
منصور
Post: #269 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 01:53 PM Parent: #268
يا المنصور يمين أصبحت يوت مبهورك من حلل القوافي الفيها غايرة بحورك "زلقيبك" بعيد بنهابا طلعة سورك وإت شيال تقيل مسدارنا قال "منصورك"
ويوت يا ود بشير المولى فاك ساجورك وجايبك لينا شايل من ثمار باجورك الكل فى النميم مديون اليك ماجورك مأمور إنت أطلب ونحن نقضى إمورك
منصور
Post: #266 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 01:12 PM Parent: #262
متل بندقكم إن شاء الله طايشه النيشه وقول يا لطيف ما تحرمنى من العيشه يا ناظر الهنود ما تبقى زى الريشه حالف كان نجيت بدفع لى كم باكشيشه
منصور
Post: #267 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 01:14 PM Parent: #262
منصور اخوي فى الصورة انت تلالي من زمن طويل راسم الشكل في بالي و متمني شوفتك عشان تشوف افكاري ود السيد دعانا انا رحبت بيهو طوالي
متل بندقكم إن شاء الله طايشه النيشه وقول يا لطيف ما تحرمنى من العيشه يا ناظر الهنود ما تبقى زى الريشه حالف كان نجيت بدفع لى كم باكشيشه
منصور
Post: #270 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 02:14 PM Parent: #267
ودحبوبه فارس الحوبه أصبح ثائر وأصبح فى الدروع متل المجرتق ساير جبل المعضلات غاص فى الجزاير غاير ثابت أخو البنات طارى أم رشوم وضفاير
منصور
Post: #264 Title: Re: مسادير يا أهل المسادير إلى ما شاء الله........ Author: امين عمر عثمان Date: 03-25-2006, 09:13 AM Parent: #1
ود مفتاح أخوي من السلام جاييكا يا حالي الكلام نظمك تقول مزيكا شاحد الله الكريم زي نيتك يديكا وبي خيره الوفير دايما يكون جازيكا
Post: #271 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 02:26 PM Parent: #264
ود مفتاح أخوي من السلام جاييكا يا حالي الكلام نظمك تقول مزيكا شاحد الله الكريم زي نيتك يديكا وبي خيره الوفير دايما يكون جازيكا
حباب السلام وأنا من زمان طاريكا ماخدنى الزمن شاغلنى فيها أمريكا رب العباد من فضلو إنت إغنيكا يات ما تدور تشوف فى الدنيا طب يوريكا
منصور
Post: #272 Title: Re: مسادير يا أهل المسادير إلى ما شاء الله........ Author: امين عمر عثمان Date: 03-25-2006, 04:45 PM Parent: #1
ود مفتاح أخوي شن ليك فيها امريكا وأرض النيل هناك شفقانه ديمة عليكا ارجع شوفها كيف من حنها بتديكا و الأسمح شنو ؟ ( بيرغر جداد و لا ويكا؟ )
Post: #273 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 05:06 PM Parent: #272
مفتاح أخوي شن ليك فيها امريكا وأرض النيل هناك شفقانه ديمة عليكا ارجع شوفها كيف من حنها بتديكا و الأسمح شنو ؟ ( بيرغر جداد و لا ويكا؟ )
مانى بطينى لكن عاشق التمليكه ومانى من الشوايقه وديمه ظاعط ويكه أرض النيل عظيمه أكان بتحلب ليكا ليها موقى زاحف لى ربوع بامسيكا
منصور
Post: #274 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 05:18 PM Parent: #273
عاشق للبليله وزيت سمسما البلهيكه عاشق للعجايز فيها من يسليكه أرض النيل مبشره كان لقت تحريكه ما بدور عيالا شنقلوها الريكه
منصور
Post: #275 Title: Re: مسادير يا أهل المسادير إلى ما شاء الله........ Author: امين عمر عثمان Date: 03-25-2006, 05:20 PM Parent: #1
تسلم يا الرزين سيد الكلام الزين دي المحرية فيك عشق البلد و الطين ارض النيل دي فيها جدودنا و الوالدين و نايرات الخدود سارحات كما الوزين
Post: #276 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2006, 05:34 PM Parent: #275
تسلم يا الرزين سيد الكلام الزين دي المحرية فيك عشق البلد و الطين ارض النيل دي فيها جدودنا و الوالدين و نايرات الخدود سارحات كما الوزين
فى ذرات دمانا بتلقى فيها حنين ومو مجلوب مقلد أصلى من الجين أرض النيل عشانا الغالى ليها بهين وكان نادت تجيهاأرواحنا داقت الحين
منصور
Post: #277 Title: Re: مسادير يا أهل المسادير إلى ما شاء الله........ Author: munswor almophtah Date: 03-26-2006, 01:57 PM Parent: #276
وارثين للثبات من دقنه معروفين ومن أبوعنجه قلاب الخيول ماخدين ناس ودالنجومى اللشمال زاحفين وناس أبوقرجه زى موج البحر دافرين
منصور
Post: #278 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-26-2006, 04:28 PM Parent: #277
Quote: وارثين للثبات من دقنه معروفين ومن أبوعنجه قلاب الخيول ماخدين ناس ودالنجومى اللشمال زاحفين وناس أبوقرجه زى موج البحر دافرين
وارثين السعي وفي الحارة متكاتفين ممالكناومحاسناوعمومابيها معروفين وليداتنا عزيزين شان وفي سلوكم دين وسماحة وطيبة وفي بيناتنا محترمين .......................................................................................... محمد السيد
Post: #279 Title: Re: مسادير يا أهل المسادير إلى ما شاء الله........ Author: الناظر Date: 03-27-2006, 05:02 AM Parent: #278
وارثين الشداعة من اولاد على الكرار اسودا في الحروب فيها بنخوض النار شـيالين لتقلية وكمان نساعـد الجار بنساند الضعيف و الله نبقى ليه ستار
Post: #280 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-27-2006, 07:25 AM Parent: #279
Quote: وارثين الشداعة من اولاد على الكرار اسودا في الحروب فيها بنخوض النار شـيالين لتقلية وكمان نساعـد الجار بنساند الضعيف و الله نبقى ليه ستار
وارثين الفضل مأرخ عن صدق أخبار جدودنا ملوك عبدلاب بكاتلو النار وخصائلنا عامير نفس وعلا المقدار ومنوالبنكر شموس وآثارا يالكفار*
يعلو طريقة متنها متواتر في ليلة كفر* النجوم غمامها(عن معلقة لبيد بن ربيعة) ........................................................................................ محمد السيد/حلفاية الملوك
Post: #284 Title: Re: مسادير يا أهل المسادير إلى ما شاء الله........ Author: الناظر Date: 03-28-2006, 08:08 AM Parent: #280
من ما قمنا فوق ديداب جدونا و اهلنا ماشين حافطين للعهود ما ملينا و فضلنا متماسكين فى التاريخ القديم واصلنا و ما ذلنا متواصلين كانو رجلا اصاحب علم, للدين كمان حافظين
Post: #286 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-28-2006, 05:28 PM Parent: #284
Quote: من ما قمنا فوق ديداب جدونا و اهلنا ماشين حافطين للعهود ما ملينا و فضلنا متماسكين فى التاريخ القديم واصلنا و ما ذلنا متواصلين كانو رجلا اصاحب علم, للدين كمان حافظين
ناظرين نظمك والصبر شبرين ضافي كلامك ومابتخبر الشين وصال رحم وكان دعوك بتبين قول يالله نتلاقي في الحرمين
Post: #281 Title: Re: مسادير يا أهل المسادير إلى ما شاء الله........ Author: امين عمر عثمان Date: 03-27-2006, 06:03 PM Parent: #1
Quote: فى ذرات دمانا بتلقى فيها حنين ومو مجلوب مقلد أصلى من الجين أرض النيل عشانا الغالى ليها بهين وكان نادت تجيهاأرواحنا داقت الحين
ابشر يا الأصم يوما بجي و راح ترجع و للناس الهناك شوف عين تشوفهم و تسمع ساكنات الخدور أمات خديدا بلمع لا بد من تشوفهن و من حلاتن تشبع
Post: #282 Title: Re: مسادير يا أهل المسادير إلى ما شاء الله........ Author: munswor almophtah Date: 03-27-2006, 09:29 PM Parent: #281
دولاب الزمن دايما بعيد تاريخو بعزل من كرام ألبل تويسو بنيخو البلد العظيم هاويهوى داك بتيخو هاوى شديد هلالو وهاوى داك مريخو
منصور
Post: #283 Title: Re: مسادير يا أهل المسادير إلى ما شاء الله........ Author: امين عمر عثمان Date: 03-28-2006, 05:42 AM Parent: #1
فيك يا امدر حبيبة قلبي عز مقامنا (عباسية) فيك قضينا أحلي أيامنا أمبدة القديمة الثورة فيها أعمامنا لمتين يا كريم نرجع نشوفه مرامنا
Post: #285 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-28-2006, 05:17 PM Parent: #1
دولاب الزمن دايما بعيد تاريخو بعزل من كرام ألبل تويسو بنيخو البلد العظيم هاويهوى داك بتيخو هاوى شديد هلالو وهاوى داك مريخو
منصور
لما النسمة جات من نيلنا شايلة دوايا
من شوقي الشديد للنارو حارقة حشايا
كيف يبرد حشاي وقليبي صاح جوايا
حت موية البرود إن مِتا ماها كفاية
ما بيبرد حشاي الا اللشوفو حدايا
شوف عيناً عديل لا حلم لاهو رؤايا
و عوافي للجميع دون فرز
مـدثـر سـعيـد,
Post: #287 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-28-2006, 05:53 PM Parent: #285
Quote: من شوقي الشديد للنارو حارقة حشايا
برسل سلام لي تنقاسي من السكن حلفايا وفي شتلات جروفنابحكي فيهاالف روايا كيف امست بعدنا وكيف صبحت الضوايا لو مالزمن ضيعني كان لي معاهاحكايا ..................................... محمد السيد
Post: #288 Title: Re: مسادير يا أهل المسادير إلى ما شاء الله........ Author: munswor almophtah Date: 03-30-2006, 01:28 PM Parent: #287
جنيات البلد أوعولنا وأختو اللف ونضفوا للقلوب واختوه داك السف شبال الطنابره المن وجيهن كف والقلب إن ظلم من المودات جف
منصور
Post: #292 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-31-2006, 03:28 AM Parent: #288
Quote: جنيات البلد أوعولنا وأختو اللف ونضفوا للقلوب واختوه داك السف شبال الطنابره المن وجيهن كف والقلب إن ظلم من المودات جف
بعجبناالكلس في خصالو الكرم والعفه مابتعجبنا البقت شبه الوليد اب تفه والبقي زي بنية غيبنا فوقوا العرفه وكعب الظلم نفسو وبدي السفه بالسفه ..................................................................................... محمد السيد
Post: #289 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-30-2006, 08:50 PM Parent: #287
Quote: برسل سلام لي تنقاسي من السكن حلفايا وفي شتلات جروفنابحكي فيهاالف روايا كيف امست بعدنا وكيف صبحت الضوايا لو مالزمن ضيعني كان لي معاهاحكايا
الرد من الشاعر مدثر سعيـد,
مرحبتين حبابك ود ملوك ومأصـل
شد سرجك تعال في الحين واوعاك تكسل
ما بهـم المضـى الانكسـر بتعـدل
بتلقاها ام خدود ضاوية ومشيها ممهـل
Post: #290 Title: Re: مسادير يا أهل المسادير إلى ما شاء الله........ Author: أحمد الشايقي Date: 03-30-2006, 08:56 PM Parent: #289
ياها بلدنا من تبينا نحن وقمنا
ما بتجفا الجفاها ولا الحنان تحرمنا
لو طولنا غـبنا وكان غـرق مركبنـا
يوم نرجع بنلقى صـدر رحيب يكـرمنـا
وكان قنبنا فيهـا كان نصـحـنا وطبنا
Post: #291 Title: Re: مسادير يا أهل المسادير إلى ما شاء الله........ Author: munswor almophtah Date: 03-31-2006, 00:20 AM Parent: #290
شوف يا الشايقى حيلك نحن ما بنقصر ونكرم من طرف غير من يكون مدثر من تنقاسى شايل جاوه مو متكركر وفوق روسينا أقعد لابنضيق لابأسر
منصور
Post: #293 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 03-31-2006, 09:23 AM Parent: #289
Quote: مرحبتين حبابك ود ملوك ومأصـل
مغمور فرح ترحيبو لامن يوصل بكريك وبكريك بكري لو تستعجل الخبر السمح ومنانا لامن يحصل مدثر سعيد بسراع عندكم يتسجل ..................................................................................... محمد السيد
Post: #294 Title: Re: مسادير يا أهل المسادير إلى ما شاء الله........ Author: Abdelfatah Saeed Arman Date: 03-31-2006, 08:08 PM Parent: #1
المنصور دوما جئت للتحية و السلام وعساك بخير وكذلك الوليدات
دمت فتاح عرمان
Post: #297 Title: Re: مسادير يا أهل المسادير إلى ما شاء الله........ Author: munswor almophtah Date: 04-01-2006, 01:39 PM Parent: #294
Post: #308 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-03-2006, 04:42 PM Parent: #307
علي بابك الــي مـاشا الله انت كتبتو مابتعرف فساله وحت جيبك عدم عقربتو فنجري وموهيلك المـال التعبت وجبتو يوم تعزم تكفي كل الماري حد عنقرتو ............................................................. محمد السيد
Post: #309 Title: Re: مسادير يا أهل المسادير إلى ما شاء الله........ Author: نادية عثمان Date: 04-05-2006, 09:55 PM Parent: #308
نور بت الجبال عاقلة وهدية رضية
بت زى الدهب ماشفنا ليها اذية
مرهفة كالنسيم وساعة الشديدة قوية
أحب انا كلو عادى ونور تكون عادية !!
Post: #310 Title: Re: مسادير يا أهل المسادير إلى ما شاء الله........ Author: بخاري بشير Date: 04-06-2006, 02:58 PM Parent: #309
مرحبتين حباب منصورنا سيـد التايـة أب صقعن بسر بنخدمو نحــــن حفايـا إن قام للقنيص جبخان طـرش دودايـة وإن جاد في النميم موية غمام سقـايـة
/////////////////
قلعــات الزرق سايقلي فيـها بــكار قاصد دار أخوي مفتاح أنيـًـخ تــار وكت بعد الدرب والدنيا زادت النــار منصور أبقى قربي أخوك صحيح محتار
////////////////
نادية اسمك نادية وتاني نادية حروفك وبيت منصور يزغرد بالقصيد ملهوفك ياك ست الكلام وبالنمة زاهية جروفك ما تفوتينا يا الربعة نتمنى ديمة نشوفك
Post: #311 Title: Re: مسادير يا أهل المسادير إلى ما شاء الله........ Author: نادية عثمان Date: 04-06-2006, 04:27 PM Parent: #310
Quote: نادية اسمك نادية وتاني نادية حروفك وبيت منصور يزغرد بالقصيد ملهوفك ياك ست الكلام وبالنمة زاهية جروفك ما تفوتينا يا الربعة نتمنى ديمة نشوفك
افوتكم وين أقبّل وانتو ناس النم
عشا البايتات حبابكم شلتو عنى الهم
بخارى الجيت تبشّر بالفرح ينتم
وحاتك مابسيبكم انتو جوّة الدم !!
Post: #313 Title: Re: مسادير يا أهل المسادير إلى ما شاء الله........ Author: munswor almophtah Date: 04-06-2006, 07:34 PM Parent: #309
نور يا ناديا أميره وبنت مكوك معروفه ملكه وبنت ملوك راضعه العلم مكلوفه الناس من جميع تتشابا ليها تشوفه راسيه مؤدبه السلطانه مى ملهوفه
منصور
Post: #312 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-06-2006, 05:05 PM Parent: #1
الحجو شنبسوي يوم الرعد قال كلمو
والجعجاع من قول لسانو بكتر همو
حشاش الدقن حت مليارو عاجز يخمو
وكعب البدي المشوار وغالبو يتمو
.................................................................... في التحليل للأستاذ فرح:- وحسب الخبر فإن ... شرع وليس رفع دعوى وفي عبارة اخري (مشيرا الى مطالبته فى الدعوى التى رفعها بتعويض مالى يبلغ ملياريين من الجنيهات فاي تناقض هذا ( شرع - وفي الدعوى التي رفعها ).
Post: #315 Title: Re: مسادير يا أهل المسادير إلى ما شاء الله........ Author: munswor almophtah Date: 04-06-2006, 07:48 PM Parent: #312
كعب الكعب كعب المودر يمو كعب الفسل من جارو بدفن دمو ساعات الضيوف زى الدبيب بى سمو لا بكلف صليح لا حالو مره بهمو
منصور
Post: #314 Title: Re: مسادير يا أهل المسادير إلى ما شاء الله........ Author: Ibrahim Adlan Date: 04-06-2006, 07:42 PM Parent: #1
صديق يا الظريف جيت بى الفريق شاقينا جيت يا العندليب حادى الشعر شادينا شوقا لى أم فصيد شاغل القلوب شاوينا يا الصديق أخوى شيخنا الفضيل حاوينا
منصور
Post: #333 Title: Re: مسادير يا أهل المسادير إلى ما شاء الله........ Author: Sidig Rahama Elnour Date: 04-30-2006, 05:24 AM Parent: #330
Quote: صديق يا الظريف جيت بى الفريق شاقينا جيت يا العندليب حادى الشعر شادينا شوقا لى أم فصيد شاغل القلوب شاوينا يا الصديق أخوى شيخنا الفضيل حاوينا
يا منصور أخوي قول قولك ، قولك ظريف ساقينا قولك قول نصاح يفرّح ديارنا الديمة راقدة حزينة شيخك شيخ شيوخ نفخر بي حاواه وبجلالو يدي سكينة يا ود المكوك ، ناس الشكرة والتقابة والبمسكو عرينا
Post: #334 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-30-2006, 08:51 AM Parent: #333
الليله الفرح طمبج حلفاية وجدة لا حد عينا جانا الخبر عقد بكري علي بت الاصول بدعينا ود سماعين هوزز راسو يوم غني ليو شادينا ود خالتي الكلس شان نص دينوا بعزم فينا ....................................................................................... الف مبروك بكري اسماعيل بوردابي جدة,والفرحة تتم مع الاصدقاء.
Post: #336 Title: Re: مسادير يا أهل المسادير إلى ما شاء الله........ Author: munswor almophtah Date: 04-30-2006, 01:35 PM Parent: #334
الليله الفرح طمبج حلفاية وجدة لا حد عينا جانا الخبر عقد بكري علي بت الاصول بدعينا ود سماعين هوزز راسو يوم غني ليو شادينا ود خالتي الكلس شان نص دينوا بعزم فينا
مبروك الفروح يا أولا ملوك وادينا مبروك يالزبيح راضى الإله فادينا من بلد الرسول بى فرحتك طارينا ربك يكرمك بالمال وفير وبنينا
منصور
Post: #335 Title: Re: مسادير يا أهل المسادير إلى ما شاء الله........ Author: munswor almophtah Date: 04-30-2006, 01:28 PM Parent: #333
يا منصور أخوي قول قولك ، قولك ظريف ساقينا قولك قول نصاح يفرّح ديارنا الديمة راقدة حزينة شيخك شيخ شيوخ نفخر بي حاواه وبجلالو يدي سكينة يا ود المكوك ، ناس الشكرة والتقابة والبمسكو عرينا
جيت بالتانى والبكرى القبيل كافينا كان صاموتى بى مسكة يمن ساقينا ديك أهل الصلاح طالبين دعاهم لينا يا الصديق جزم طالب الإله يرضينا
منصور
Post: #337 Title: Re: مسادير يا أهل المسادير إلى ما شاء الله........ Author: الخير محمد عوض Date: 04-30-2006, 11:32 PM Parent: #335
اهلي الكرام الليلة قاصد داركم
اهل الكرم والجود الديمة سمحة خصالكم
في الادب العفيف قول لي مين مسّـاكم
فرحان منطرب ختوني بس في بالكم
Post: #338 Title: Re: مسادير يا أهل المسادير إلى ما شاء الله........ Author: Sidig Rahama Elnour Date: 05-01-2006, 04:34 AM Parent: #337
Quote: جيت بالتانى والبكرى القبيل كافينا كان صاموتى بى مسكة يمن ساقينا ديك أهل الصلاح طالبين دعاهم لينا يا الصديق جزم طالب الإله يرضينا
ياالمنصور أخوي كايسين رضا الإله الديمة حاني علينا سالين الإله من عوج الزمن يعفي الأهل ويعفينا ويدي أم هبج كوم السحابة الدافقة في وادينا يفتق شجر الشبع وبت أم ساق البعيدة تجينا
Post: #339 Title: Re: مسادير يا أهل المسادير إلى ما شاء الله........ Author: nashaat elemam Date: 05-01-2006, 05:12 AM Parent: #338
سائل ربي الكريم يخدر يباب وادينا ومن كرمو العميم ينشر فضايلو علينا نمرح ننبسط ننسى اللي كان شاقينا وبالنم نجتمع ومنصورنا داك حادينا
Post: #340 Title: Re: مسادير يا أهل المسادير إلى ما شاء الله........ Author: Sidig Rahama Elnour Date: 05-01-2006, 05:43 AM Parent: #339
مرحباً حباب نشأت النمّو يضحى مدينة ينزل زي سحاب يسقي ظمأ وادينا ينثر كوم كلام بيهو الجمال ضاوينا منصور وباقي الشلة عقب الجماعة تجينا
Post: #341 Title: Re: مسادير يا أهل المسادير إلى ما شاء الله........ Author: الخير محمد عوض Date: 05-01-2006, 08:40 PM Parent: #340
منصورنا يالمفتاح ضيفا بدور رفقتكـم
شـبعان طرب فرحان رويان شرب مويتكـم
درداق في الدروب الليلة جايي عدلكم
دربافي وارد الخير والله ياهو دربكــم
Post: #342 Title: Re: مسادير يا أهل المسادير إلى ما شاء الله........ Author: munswor almophtah Date: 05-01-2006, 10:38 PM Parent: #339
سائل ربي الكريم يخدر يباب وادينا ومن كرمو العميم ينشر فضايلو علينا نمرح ننبسط ننسى اللي كان شاقينا وبالنم نجتمع ومنصورنا داك حادينا
خشمك فى اللبن مقبول دعاك آمينا يا ترب الصلاح نرجوك دوام أدعيلنا نمرق من درك نفرح نشيل تهليلنا زى ورد الفقير طابقنو داك إكليلنا
منصور
Post: #343 Title: Re: مسادير يا أهل المسادير إلى ما شاء الله........ Author: munswor almophtah Date: 05-01-2006, 11:10 PM Parent: #337
منصورنا يالمفتاح ضيفا بدور رفقتكـم
شـبعان طرب فرحان رويان شرب مويتكـم
درداق في الدروب الليلة جايي عدلكم
دربافي وارد الخير والله ياهو دربكــم
الرفقه الرجال قبل الطريق ياالطيب وراجل ود رجال أدنالنا أبقى قريب صحيان بالزكر ماك البطينى مغيب وماك الخازى لى جاراتو ديمه معيب
منصور
Post: #344 Title: Re: مسادير يا أهل المسادير إلى ما شاء الله........ Author: إدريس محمد إبراهيم Date: 05-01-2006, 11:56 PM Parent: #343
Quote: المسدار محتفل بيك يا الخليل مرتاح وتوبا من حرير لفاهو ضمه وشاح جيتك فوق حصان فوق شانو عوى سلاح ويا الفارس النبيه يا الشاعر اللماح
Quote: يا ضيّ القبيله الفارس الضحضاح .. ود عز الرجال أصل الكرم منداح ... يا الشاعر الأريب بيكا المعاني فصاح .. تسلم يا اللبيب نبع العلم نضـاح ..
Post: #345 Title: Re: مسادير يا أهل المسادير إلى ما شاء الله........ Author: إدريس محمد إبراهيم Date: 05-02-2006, 00:10 AM Parent: #344
Quote: حاشاك البُخُل ماكا الضنين شحّاح
غبتا وجبتا ياكا البلبل الصداح
نضمك كم رصين الوارثو من مفتاح
ادريس وانت اعَرْضو خلو النفوس ترتاح
مدثر مراحب مقنعاً رجّـاح
الجود والكرم أمست طبيعة الراح
للحامل السمينه شان الضيوف ضبّاح
في المسدار حبابك شاعراً صدّاح
Post: #346 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-02-2006, 01:57 AM Parent: #345
Post: #347 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-08-2006, 06:10 AM Parent: #346
بالخير السلام من ابوجا جانا دعاشو
طالبين الكريم فسراع نشوفو رُشَاشُو
كل زول ينكرب ينقح يخُت رَشّاشو
شان تَعَمر بلدنا زرعنا يلقى فرَاشو
Post: #348 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-08-2006, 06:13 AM Parent: #347
الليلة السلام نجماً سطع في سمانا
نقوى ونتحد بيهو ونغلب اعدانا
خلوها الحرب وانسوهو ماضي احزانا
بي ضو الفرح نروى ونربي جنانا
Post: #349 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 05-08-2006, 08:32 AM Parent: #348
Quote: الليلة السلام نجماً سطع في سمانا
نقوى ونتحد بيهو ونغلب اعدانا
خلوها الحرب وانسوهو ماضي احزانا
بي ضو الفرح نروى ونربي جنانا
الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا
Post: #350 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 05-08-2006, 04:24 PM Parent: #349
تساؤل:ـ الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا إستياء:ـ يلاك تعال ونعمل أنانيا شمالنا كان نلقي فرقة كرسي عن سلطانا نحلف باليمين هدوها كل امالنا نقبض العربون ونعدمو البورانا .......................................................................................... تفاؤل:ـ عسي وبعد الســلام والسعد الجانا ماننسي القــري من نصيب اموالنا مقبولة خاطرا طيب ولاجئين اوطانا مايبقو العتب دسنــاهو باقدامنا
لسان الحال يقول:ـ دم بالعزه ياوطني
Post: #351 Title: Re: مسادير يا أهل المسادير إلى ما شاء الله........ Author: munswor almophtah Date: 05-08-2006, 05:00 PM Parent: #350
تساؤل:ـ الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا
ما فيش حق خلاف السيف إقيف قدامنا وزى ماقالو صادق من كتاب أحوالنا ما بندور سبب فى شانوا إضعف شانا بندور ننجمع حزمه ويبين ميزانا
منصور
Post: #352 Title: Re: مسادير يا أهل المسادير إلى ما شاء الله........ Author: munswor almophtah Date: 05-08-2006, 06:22 PM Parent: #351
إستياء:ـ يلاك تعال ونعمل أنانيا شمالنا كان نلقي فرقة كرسي عن سلطانا نحلف باليمين هدوها كل امالنا نقبض العربون ونعدمو البورانا
أنانية وين عقب والدنيا فاضحه لحالنا داك عنان إزازى وبوش بدودر جالنا الزيت فى الأرض قاسوهو عرفو أحوالنا عرفوا الفينا طب شربوها مويه أخبارنا
منصور
Post: #353 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-09-2006, 00:49 AM Parent: #349
الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا
الموت ما بنهابو ولا السلاح نخشاهو الموت كَمُوْ هُوْ فَدْ مَرَّة يقضى قضاهو ان درت الاتر بالسيف يمين نمضاهو لكن الدم ما بيحقن دم ولا بيحجاهو الزول يعقل امرو اخير يربي جناهو
Post: #354 Title: Re: مسادير يا أهل المسادير إلى ما شاء الله........ Author: munswor almophtah Date: 05-09-2006, 01:20 AM Parent: #353
بالخير السلام من ابوجا جانا دعاشو
طالبين الكريم فسراع نشوفو رُشَاشُو
كل زول ينكرب ينقح يخُت رَشّاشو
شان تَعَمر بلدنا زرعنا يلقى فرَاشو
الناس بالحروب حيرانه لامن داشو كملت كوتتم عدموا الدخر وخشاشو داب برق السلام شفناهو درنا دعاشو والبغلط عقب بنملو ننعل خاشو
منصور
Post: #355 Title: Re: مسادير يا أهل المسادير إلى ما شاء الله........ Author: munswor almophtah Date: 05-09-2006, 01:33 AM Parent: #354
الليلة السلام نجماً سطع في سمانا
نقوى ونتحد بيهو ونغلب اعدانا
خلوها الحرب وانسوهو ماضي احزانا
بي ضو الفرح نروى ونربي جنانا
ما فيش غير سلام تنهض ربوع أرجانا تنهض تنطلق يخشاها مره أعدانا تنتج للثمار تكفينا تكفى معانا كل ملل السلام من خيرنا كم شبعانا
منصور
Post: #356 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-09-2006, 02:11 AM Parent: #355
ما فيش غير سلام تنهض ربوع أرجانا تنهض تنطلق يخشاها مره أعدانا تنتج للثمار تكفيناتكفى معانا كل ملل السلام من خيرنا كم شبعانا
من بعد السلام الخير يعم ارجانا اطراف البلد تروى وتنز شبعانا تتمدد دروب يجري ويخب نيسانا دارفور توصلا وتحضر معانا عشانا
Post: #358 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-09-2006, 08:16 AM Parent: #356
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
تحياتى
Post: #361 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-10-2006, 03:14 AM Parent: #358
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
بت حميدة أخيتي مانا العدل ناسنو
و لي عدل الامور دآك الدرب خابرنو
بالمال والنَفِس فيهو الرجال ما بضنو
الاّ حرام تكون دارفور تمن دافعنو
عشان يتهنو ناس ناس للسيوف بيسنو ؟
Post: #362 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-10-2006, 03:27 AM Parent: #361
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
اسباب الحرب ما مال ولاها سعية من زمناً قديم جبر الكسور بالديّة اسباب الحرب جوّا النفوس مخفية مِن تركو الحكم سوها بيهو قضية ليه الناس تموت شان يركبو العربية ؟
Post: #364 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-10-2006, 06:13 AM Parent: #362
اسباب الحرب ما مال ولاها سعية من زمناً قديم جبر الكسور بالديّة اسباب الحرب جوّا النفوس مخفية مِن تركو الحكم سوها بيهو قضية ليه الناس تموت شان يركبو العربية ؟
المدثر اخوى سلام ينعم صباحا زين عليك لعشية دارفور العزيزة هانت وجاعت صارت تمد للعشم كورية حرائرها وشيوخها نزحوا سابوا الديار فى حرق مأذية ايه ذنبها هى الكريمة تدفع فعال ناساَ عدام شخصية من قوم حزب الضلال و الغى الحكموا البلد زندية!!!
انشوف اخرتها!
Post: #357 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-09-2006, 08:01 AM Parent: #1
إفتح ليك وزيد يالملكه إنت الدائن وإحفظ كل مناك إحفظ خلوق ومدائن من النيل هناك لا عند مشارف الراين إزرعا بالورد يا عاشه ليك تعاين
ولك من السلام ما يرضيك /منصور
Post: #360 Title: Re: مسادير يا أهل المسادير إلى ما شاء الله........ Author: munswor almophtah Date: 05-09-2006, 02:53 PM Parent: #359
دارفور الملوك خبر السلام سرانا يا أرض المصاحف بالعلم بارانا الكان قبيل داك فى الجنوب غشانا جابا بضاعتو زاتا وبيها كم تشانا
منصور
Post: #363 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-10-2006, 03:30 AM Parent: #360
دارفور من زمان زاهية ومدفق خيرا مضمورة حشا ومسدولة فوقو ضفيرة نُظّارا وشيوخا حافظنو حق الجيرة كان وقع الخطا ايدهم عليهو جبيرة
Post: #365 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-10-2006, 07:04 AM Parent: #360
دارفور الملوك خبر السلام سرانا يا أرض المصاحف بالعلم بارانا الكان قبيل داك فى الجنوب غشانا جابا بضاعتو زاتا وبيها كم تشانا
المنصور سلام تسلم دارك العامرة بالخير دوام مهدية سلام ابوجا جانا مقسموم ماهو كامل و ضيع المحرية ناس الظلم قسموا للبلاد وفى دافور شعلوها نار جهوية لاجبروا الخواطر لانصروا المسيكين ولا تحزموا لدفع الدية صادروا حق بلد وكمموا للخشوم لاشورى لا ديمقراطية شاحداك يا لكريم بجاه الرسول وببركة ابوى سلمان جنا العوضية تتعطف علينا و تعّجل بنهاية شيوخاَ نهبوا البلد ضحوية ينزاح الهم وننعم بالعدل من ستيت و نمولى لحدود ملوية
والعرجاء لمراحها
Post: #375 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-12-2006, 09:36 AM Parent: #359
Quote: إفتح ليك وزيد يالملكه إنت الدائن وإحفظ كل مناك إحفظ خلوق ومدائن من النيل هناك لا عند مشارف الراين إزرعا بالورد يا عاشه ليك تعاين
ولك من السلام ما يرضيك /منصور
ورداً يغمرك يايابا انت الزين ينصلح حالك تعبق سماك ياسمين ياود عز الرجال الكلهم طيبين تتبارك خطاك لمن تقول امين
Post: #366 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-10-2006, 07:18 AM Parent: #1
إفتح ليك وزيد يالملكه إنت الدائن وإحفظ كل مناك إحفظ خلوق ومدائن من النيل هناك لا عند مشارف الراين إزرعا بالورد يا عاشه ليك تعاين
ولك من السلام ما يرضيك /منصور
ود مفتاح سلاماَ يجبر الخاطر المسكور هو غاية المأمول كلمة اعتذار يالمنصور تزيل الحسرة وتكشف المسدول شفافية واعتراف ورد لحق مساكيناَ طقوا النباح واللول فرحتنا منقوصة مادام حزب الشيوخ السوا البدع والهول جاثم فى صدر البلد زارع غيوا فى الجروف همبول
سلام كامل عشان حق وليداتنا الفقدوا الرويحة الغالية
Post: #367 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-10-2006, 07:37 AM Parent: #366
في شان البُطَان قلنا الحرب خلوها
اقبلو بالسلام والناقصة فيو تِمّوها
انسو هوى النفوس قولة الصدق قولوها
والمكتومة جوّا علي الملأ اعرضوها
شوفو بلدنا كيف تعلا وتعرفو علوها
Post: #368 Title: Re: مسادير يا أهل المسادير إلى ما شاء الله........ Author: munswor almophtah Date: 05-10-2006, 02:59 PM Parent: #367
المنصور سلام تسلم دارك العامرة بالخير دوام مهدية سلام ابوجا جانا مقسموم ماهو كامل و ضيع المحرية ناس الظلم قسموا للبلاد وفى دافور شعلوها نار جهوية لاجبروا الخواطر لانصروا المسيكين ولا تحزموا لدفع الدية صادروا حق بلد وكمموا للخشوم لاشورى لا ديمقراطية شاحداك يا لكريم بجاه الرسول وببركة ابوى سلمان جنا العوضية تتعطف علينا و تعّجل بنهاية شيوخاَ نهبوا البلد ضحوية ينزاح الهم وننعم بالعدل من ستيت و نمولى لحدود ملوية
والعرجاء لمراحها
يابت حميده يا الشايله الهموم محريه يا المحريه من أسلافك السابقين ولاد عوضيه دارفور الصمود بالبلوى كم مبليه كم من كم حسانا مع الضباع ملهيه
منصور
Post: #369 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-11-2006, 07:44 AM Parent: #368
من ستيت و نمولى لحدود ملوية
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
Post: #370 Title: Re: مسادير يا أهل المسادير إلى ما شاء الله........ Author: munswor almophtah Date: 05-11-2006, 11:26 AM Parent: #369
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
ناحلة الضمير شاى البرامكه البكرى بوخه مع الدعاش مستكتو قامت تسرى لجوك بالجمال ماك كالأجير المكرى من توتيل شربت من الزلال مو عكرى
منصور
Post: #371 Title: Re: مسادير يا أهل المسادير إلى ما شاء الله........ Author: munswor almophtah Date: 05-11-2006, 04:06 PM Parent: #370
بندور السلام دكوها خلو حرابه يات من قام غضب فى شقو ساج كرابه الأرض المفلخه حايله داك تيرابه بندور دخنها وبندور عقب بتابه
منصور
Post: #372 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-12-2006, 03:30 AM Parent: #371
إستياء:ـ يلاك تعال ونعمل أنانيا شمالنا كان نلقي فرقة كرسي عن سلطانا نحلف باليمين هدوها كل امالنا نقبض العربون ونعدمو البورانا
من حرب الجنوب شن نلنا ولاّ جنينا
ودارفور القريبة درساً فَهَمْنَا وِعِينا
بي طولة الامل نحيا ويهون قاسِينا
وفوق درب الحرب ما بيمشي تب حادينا
Post: #373 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-12-2006, 03:32 AM Parent: #372
تفاؤل:ـ عسي وبعد الســلام والسعد الجانا ماننسي القــري من نصيب اموالنا مقبولة خاطرا طيب ولاجئين اوطانا مايبقو العتب دسنــاهو باقدامنا
لسان الحال يقول:ـ دم بالعزه ياوطني
ود السيد ابشر خير السلام بغشانا
وبي تمن السلاح بسطة وكمان شفخانة
بكرة قُرَانا تنمو يرجع جميع سكانا
وفوق قيف البَحَر نقعد نجُرُو غُنانا
Post: #376 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-12-2006, 10:12 AM Parent: #369
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
يوم شكرك مايجى يالرزين الدخرى ناحلات الضمير ياود الكرام لو تدرى شالن هم بلد الجدود المرملة بدرى حالفات يمين مايهجعن والبلاوى بتسرى ومافيش راحة لامن نسكنهم مقابر البكرى
داخلنا حلف فى هاالأمر
Post: #380 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-12-2006, 11:39 AM Parent: #376
ناحلات الضمير بيهن هنايا ويسري
ضِمِن هم البلد ما كان يزيلن عسري !
في مكرام هناك صبرت يومي وشهري
لاهِن جَن علي لا جاني قدري بيجري
Post: #374 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-12-2006, 07:51 AM Parent: #368
Quote: يابت حميده يا الشايله الهموم محريه يا المحريه من أسلافك السابقين ولاد عوضيه دارفور الصمود بالبلوى كم مبليه كم من كم حسانا مع الضباع ملهيه
Post: #378 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-12-2006, 10:45 AM Parent: #374
ناحلة الضمير شاى البرامكه البكرى بوخه مع الدعاش مستكتو قامت تسرى لجوك بالجمال ماك كالأجير المكرى من توتيل شربت من الزلال مو عكرى
منصور
ناحلة الضمير تتنى كيف لو تدري
زي بوصة الجروف وقت النسيم الفجري
من لون الشمس ماخدالا لوناً عصري
بين تاجوج وفاتو فنيتا زهرة عمري
Post: #1329 Title: Re: مسادير يا أهل المسادير إلى ما شاء الله........ Author: munswor almophtah Date: 06-16-2008, 09:36 PM Parent: #368
كم من كم حسانا مع الضباع ملهيه
Post: #377 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-12-2006, 10:44 AM Parent: #1
حبوبة الحاجة زينب الحنينة ممكونة
دعواتكم بالشفاء لزينب المزيونة عامر دراها يوت وبالعطف تضوى حنونة حبوبة الجميلة اليوم صحت ممكونة شاحدة ربى يتم شفاهاام سعد وأمونة ترجع سالمة لليتيم تشيل تمد ماعونا
لاتبخلوا بالداعاء بالشفاء للحاجة زينب بت الخليفة خالد
Post: #379 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-12-2006, 11:10 AM Parent: #377
ياربي الكريم تشفيها من الصّادا
زينب نصِّحا يتهنو بيها ولادا
ترجع لليتيم ماعونا فيهو زوادا
وبت حميدة أخيتي تتمو ليها مرادا
Post: #381 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 05-12-2006, 03:28 PM Parent: #379
زميل القنصة والمسدار حباب منصور سيدنا سيد الدر..
الدار ناره قايدة وبيك عامرة والضيوف مرتاحين امثال مدثر وعايشة حميدة ومحمد السيد..
حبابكم الف...ونادية نوارة الفريق وهداية الطريق ...ونشات الظريف...وكلهم اهل همة وحارة..
أنخت ناقتى فى دارك يامنصور منذ وقت وحين ..واخذت مهرتى فى مشوار عاقب الكباشية والوعد ان
وان لى ان اعود الى دار ودمفتاح اهنى النفس وامتعها بمسدار وانا مشحون ببعض شجن وكثير
حنين...هلا قبلتمونى ...ولسان حالى يقول العود احمد بعد ان تعبت مهرتى من السرى وحنت ناقتى
لسربة فى دار ود التوم...
Post: #382 Title: Re: مسادير يا أهل المسادير إلى ما شاء الله........ Author: munswor almophtah Date: 05-12-2006, 04:54 PM Parent: #381
كمان يا يحى تسأل وإنت سيد البيت
إنت الخته ساسوا وتانى فوقو بنيت
مرحبتين رجعت وجيتنا جبت الخيت
ومن دار القنيص فى الباديه ديك صديت
منصور
Post: #383 Title: Re: مسادير يا أهل المسادير إلى ما شاء الله........ Author: munswor almophtah Date: 05-12-2006, 05:24 PM Parent: #382
دعواتكم بالشفاء لزينب المزيونة عامر دراها يوت وبالعطف تضوى حنونة حبوبة الجميلة اليوم صحت ممكونة شاحدة ربى يتم شفاهاام سعد وأمونة ترجع سالمة لليتيم تشيل تمد ماعونا
لاتبخلوا بالداعاء بالشفاء للحاجة زينب بت الخليفة خالد
بت خالد متوكه يا الإله تشفيها وأمرق من عضاها الدى دوام أبريها زينب بت أصول واصله الفضايل بيها واصله الناس جميع خيراتا كم تديها
منصور
Post: #384 Title: Re: مسادير يا أهل المسادير إلى ما شاء الله........ Author: munswor almophtah Date: 05-12-2006, 05:48 PM Parent: #383
ناحلات الضمير بيهن هنايا ويسري
ضِمِن هم البلد ما كان يزيلن عسري !
في مكرام هناك صبرت يومي وشهري
لاهِن جَن علي لا جاني قدري بيجري
ناحلات الضمير كاحلات عيونا واسعه
هابلات نار غرام فى الجوف مغوره قاصعه
متل الصيد بقدلن وفوق قفاهن شافعه
شلت نور خيالنا وللسخانات رافعه
منصور
Post: #385 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-13-2006, 03:09 AM Parent: #384
ناحلات الضمير كاحلات عيونا واسعه
هابلات نار غرام فى الجوف مغوره قاصعه
متل الصيد بقدلن وفوق قفاهن شافعه
شلت نور خيالنا وللسخانات رافعه
منصور
ناحلات الضمير في جوفي وَقَدنْ نارِن
ومن تالا العيون جني السهام يتبارِن
صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن
Post: #387 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-13-2006, 09:56 AM Parent: #383
بت خالد متوكه يا الإله تشفيها وأمرق من عضاها الدى دوام أبريها زينب بت أصول واصله الفضايل بيها واصله الناس جميع خيراتا كم تديها
منصور
يشفيك من كل هم يالمنصور وليكا ممنونين رب العباد يسمع ويمن عليها باللطف واللين تتعافى امنا زينب بت الرجال الشرابهم هين نشوف فيها خالد المحيط الكان ماليهو تنين عشميق الرجال العرش مثل الدود يمين تسعين تطيب تشفى الكريمة سليلة الصلاح رجال الدين
ممنونين يالمنصور
Post: #386 Title: Re: مسادير يا أهل المسادير إلى ما شاء الله........ Author: Aisha Hommaida Date: 05-13-2006, 08:08 AM Parent: #1
ياربي الكريم تشفيها من الصّادا
زينب نصِّحا يتهنو بيها ولادا
ترجع لليتيم ماعونا فيهو زوادا
وبت حميدة أخيتي تتمو ليها مرادا
المدثر سلام يمرح بالرزاز يروح غاشيكا دعواتك تعلى تصدف ملك معاك يقول لبيكا تشفى زينب تجود بالحكمة من كنوز تهديكا لعاطر سيرتها يخط ويسطر قلم اخوها شبيكة
المدثر تتدثر بالعافية قادر ياكريم
Post: #388 Title: Re: مسادير يا أهل المسادير إلى ما شاء الله........ Author: ابوعسل السيد احمد Date: 05-17-2006, 10:41 PM Parent: #386
منصور المفتاح و ضيوفه الادباء هذا لون من الادب الذي يتضوع أصالة تروني هنا أقف إحتراماليكم و للرسالة و ما عندي غير كلمتين و التالتة ليهم نفالة واصلوا الجمال و الحب مبذول ليكم يتواله
بوعسل أبوعسل
Post: #389 Title: Re: مسادير يا أهل المسادير إلى ما شاء الله........ Author: أحمد الشايقي Date: 05-18-2006, 05:07 AM Parent: #1
مدثـر سعيد
الله يجازي محنـك
Quote: صـادنو القليب قَنَّبْ حَـرَنْ فوق دارِن
حالف ما افوت كان ارجا بكرة صُغارِن
ضحكتني والله شديد
حليفتك دي شكلها بقـت على ناس كتيـر.
لك التحايا
أحمـد الشـايقي
Post: #390 Title: Re: مسادير يا أهل المسادير إلى ما شاء الله........ Author: أحمد الشايقي Date: 05-18-2006, 05:34 AM Parent: #1
Quote: صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن
ناحـلات الضـمير ياك الحصـيف وصّـافـن
قصـبات هـطّـل العين ال عـصـف عصّـافن
شـاقن بي صـغير ما شـفـت زي في مصافن
غيـر طبع الجيـاد, قـارح وصـافي وصـافن
ود الشايقي
Post: #391 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 05-18-2006, 08:09 AM Parent: #390
Quote: صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن
خلني المتوك وحارن قليبي وراهن فكري انشغل بيهن وصعب علي انساهن ليلي وسهادي الباقيات علي براهن اريت ترجع ايام عمري بعد الجاهن
Post: #392 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 05-18-2006, 08:29 AM Parent: #390
ود الشايقى اخوى نم ياكا الحريف ولافن
يجارن ومندرشات عليك لامن حفت ضلافن
ضمة يتمو ليك مولاى ويجلعنا من ولافن
سارحات يردن ويسردن طايعات وماك حلافن
Post: #393 Title: Re: مسادير يا أهل المسادير إلى ما شاء الله........ Author: أحمد الشايقي Date: 05-18-2006, 12:16 PM Parent: #1
من شـوق لمّـتـن, قلبي الرهـيف وجّافـن
مكتوم العشـوق خافي ال عليهو ودافـن
حارقات الفؤاد يا (يحي) خووي اعطافـن
مرنوعـات, أذاي, دهـمة هـزيز اكتافـن
ود الشايقي
Post: #394 Title: Re: مسادير يا أهل المسادير إلى ما شاء الله........ Author: munswor almophtah Date: 05-18-2006, 03:45 PM Parent: #393
خلني المتوك وحارن قليبي وراهن فكري انشغل بيهن وصعب علي انساهن ليلي وسهادي الباقيات علي براهن اريت ترجع ايام عمري بعد الجاهن
Post: #395 Title: Re: مسادير يا أهل المسادير إلى ما شاء الله........ Author: munswor almophtah Date: 05-18-2006, 04:23 PM Parent: #394
منصور المفتاح و ضيوفه الادباء هذا لون من الادب الذي يتضوع أصالة تروني هنا أقف إحتراماليكم و للرسالة و ما عندي غير كلمتين و التالتة ليهم نفالة واصلوا الجمال و الحب مبذول ليكم يتواله
بوعسل أبوعسل
أبعسلا فى البخس والناس مشرفه واقفه طالبه أكان تدوق فى الجوف قلوبهم واجفه من طعم العسل قبال تدوق كم راجفه كم بتدور عقب دايره الحنيذ مو عاجفه
منصور
Post: #396 Title: Re: مسادير يا أهل المسادير إلى ما شاء الله........ Author: munswor almophtah Date: 05-18-2006, 04:35 PM Parent: #395
ود الشايقى اخوى نم ياكا الحريف ولافن
يجارن ومندرشات عليك لامن حفت ضلافن
ضمة يتمو ليك مولاى ويجلعنا من ولافن
سارحات يردن ويسردن طايعات وماك حلافن
وإت يا يحى كيف ماك الحصيف بلافن وبى عسل الكلام زى الحمام ولافن داخ قبال يشوف زولن سمع بالشافن لا شاف نار كليت لا شاف طبق من شافن
منصور
Post: #399 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-18-2006, 05:21 PM Parent: #396
الأخوة والأخوات الأعزاء اللطاف رواد مسادير يا أهل المسادير,أولاً السلام عليكم ورحمة الله وبركاته ,,, والله أنا من مدمن عاشق للمسادير كلامكم حلو بالحيل وبشد الحيل نمو وقولو ونقرو فوق الفوق,,, لا املك ملكة الشعر حتى انظمه لكن احبه واتذوقه احفظه,,, ويا منصور نم بالصوت الجهور أنسنا ,,, أبدأ بالغزل أشجينا ونعشنا,,, وأختم بالحماس والبفينا قول لي نحــــــــــن دا كلام مرتجل من عجبي الشديد بكلامكم
سائل ربي الكريم وليهو رافع كـــــــفي يخدر ضراعتكم وفي رزقو ليكم يزيد ويوفي الشكره حارسكم يا البترقعو المستـــهزي انتو تسوو الزين وناديه توزع وتكفــــي
دي ابيات مرتجله ومناي تعجبكم
Post: #397 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 05-18-2006, 05:07 PM Parent: #394
وقفت احوالي وحرت يوم وقوفها معاهن ميل بي ضميرا وانا قالو عنى الكاهن محزوق عجاين وفيها استقامة اوقافهن قوانين في حساب ياخلاني كيف خارقاهن ...................................................................................... محمد السيد
Post: #1222 Title: Re: مسادير يا أهل المسادير إلى ما شاء الله........ Author: munswor almophtah Date: 04-30-2008, 07:55 PM Parent: #394
ياطيراً تطير سلم عليه حسين وقول ليه الصعيد مافيه زولاً زين رجاله قلال عروض مابخشو من الشين ونسوانه الوحوش يفدن جدى الأيدين وياطيراً تطير سلم على المفتاح وقول لى الظن فسد والقول بقالنا مباح يركز نورهدى ساعة السنين باباح وفى السبقن قبيل نحنا بنلم الداح
Post: #398 Title: Re: مسادير يا أهل المسادير إلى ما شاء الله........ Author: munswor almophtah Date: 05-18-2006, 05:11 PM Parent: #393
Post: #400 Title: Re: مسادير يا أهل المسادير إلى ما شاء الله........ Author: munswor almophtah Date: 05-18-2006, 05:37 PM Parent: #398
ناحلات الضمير في جوفي وَقَدنْ نارِن
ومن تالا العيون جني السهام يتبارِن
صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن
النار مك براك ملاله يات من شافن ويات من داك سمع نافوخو ولع ساخن واحد فى المراح عقل البكار طب ناخن وزى سهم العيون كبس الزرائب جاخن
منصور
Post: #401 Title: Re: مسادير يا أهل المسادير إلى ما شاء الله........ Author: munswor almophtah Date: 05-18-2006, 05:57 PM Parent: #400
سائل ربي الكريم وليهو رافع كـــــــفي يخدر ضراعتكم وفي رزقو ليكم يزيد ويوفي الشكره حارسكم يا البترقعو المستـــهزي انتو تسوو الزين وناديه توزع وتكفــــي
دي ابيات مرتجله ومناي تعجبكم
خالد أخو البنات قولك وصل مظبوط وزى نظم العقد بى فن دقيق مربوط حرفك طعمو حادق حاشا ما بتجوط وحاشاك اللصم ماك الصغير فنطوط
منصور
Post: #402 Title: Re: مسادير يا أهل المسادير إلى ما شاء الله........ Author: munswor almophtah Date: 05-19-2006, 01:46 PM Parent: #401
من قام صغير مجنون غزال أواهن ليهن قلبو فى بنك الغرام كم راهن من ضرر الضباع دراق دوام برعاهن لو كان فى السرير ممكون بيقنت واهن
منصور
Post: #403 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-20-2006, 04:53 AM Parent: #402
من قام صغير مجنون غزال أواهن ليهن قلبو فى بنك الغرام كم راهن من ضرر الضباع دراق دوام برعاهن لو كان فى السرير ممكون بيقنت واهن
حارو اخواني فيَّ وفي العليَّ بلاهن
الجِتَّي العلي وِرْدِي وبرد لامَّاهن
لا طب لا فقير يَحوي بيخبرو دواهن
الروح في الجسد الاّ القلب باراهن
Post: #405 Title: Re: مسادير يا أهل المسادير إلى ما شاء الله........ Author: munswor almophtah Date: 05-20-2006, 03:42 PM Parent: #403
حارو اخواني فيَّ وفي العليَّ بلاهن
الجِتَّي العلي وِرْدِي وبرد لامَّاهن
لا طب لا فقير يَحوي بيخبرو دواهن
الروح في الجسد الاّ القلب باراهن
الزول إن عشق بهوى الغزال ببراهن
وبكرف نار بخورن فى الورود برجاهن
إن هبلت جهنم فى الفؤاد بطراهن
وبطرى أمات زمام هالكه القلوب زاماهن
منصور
Post: #404 Title: Re: مسادير يا أهل المسادير إلى ما شاء الله........ Author: ثابت محمد Date: 05-20-2006, 05:38 AM Parent: #1
Post: #406 Title: Re: مسادير يا أهل المسادير إلى ما شاء الله........ Author: munswor almophtah Date: 05-20-2006, 04:06 PM Parent: #404
يوسف ود نفوره من الفضايل تقل وشايل رحلو من السبقو شيل ورقل مطمورة تراث مكموده جملا وقل وممعوس خير رجال حاشاهو منو الحرجل
القاف فى تقل ورقل ووقل والياء فى شيل مشدده مع سكون اللام
منصور
Post: #407 Title: Re: مسادير يا أهل المسادير إلى ما شاء الله........ Author: munswor almophtah Date: 05-20-2006, 04:20 PM Parent: #404
يوسف عبدالله المشهور بود نفوره عليه الرحمه كان من آخر من أحتفظ ببعض التراث خلفا لست النفور بنت سليمان وبنت بندق وبخيت عبدالمحمود حسن ليقف من ورائهم أم النصر الولى والولى أحمد الولى ومحمد يوسف محمد حسن وربما عبدالقادر الزين والأمين عبدالله حامد أفندى...أما يوسف كان بهجة بظرفه ولطفه ومدنيته كان يحدثك عن ذلك التراث ويصف ظروف قوله حتى تسمع نبيح كلاب قائليه وتشتم عبق البوخه من اللواتى وصفن وترفع يدك لتغطى رأسك من صوت المطره فكان يوسف مطرا لثراث السروراب الشعبى القومى له الرحمه وليتك جئتنا بالمزيد يا ثابت لك الود والسلام والشكر
منصور
Post: #408 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-21-2006, 06:49 AM Parent: #407
الزول إن عشق بهوى الغزال ببراهن وبكرف نار بخورن فى الورود برجاهن إن هبلت جهنم فى الفؤاد بطراهن وبطرى أمات زمام هالكه القلوب زاماهن
منصور
الزول ان عشق تب حورو ما بينساهن
حاضرات في القليب في الضلمة ما بيغباهن
فرّة فاطرن برقاً شلع من فاهن
الاّ القسمة صيف كيفن يطولو سماهن !
Post: #409 Title: Re: مسادير يا أهل المسادير إلى ما شاء الله........ Author: munswor almophtah Date: 05-21-2006, 12:49 PM Parent: #408
الزول ان عشق تب حورو ما بينساهن
حاضرات في القليب في الضلمة ما بيغباهن
فرّة فاطرن برقاً شلع من فاهن
الاّ القسمة صيف كيفن يطولو سماهن !
عشق الزول سلوك برعاهو متل الكاهن وبرعى حدود جمالو بلا فجور لا هن إن غابن عديل فى اليقظه عينو تراهن وإن عسعس غاسقن نور قلبو بقى رآهن
منصور
Post: #410 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-21-2006, 02:09 PM Parent: #409
ابيات للشاعر الكبير العبادي
أخوك يا ريا أخوك ساعة السيوف إدبكن أخوك يا السمحة أخوك وكت الرماح إشبكن أخوك جبل الثبات وكت القواسي إحبكن كم بكيت وكم قشيت دموع الببكــــــن
Post: #411 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-21-2006, 02:14 PM Parent: #410
الزول في الصحا مكتوب عليهو شقاهو وإن غمد شوية تجي الهموم لاحقاهو الخوف اب لبوس أنا ما بخاف لقياهو يا ريت الفي الحلم في صحاي كان بلقاهو
كان خير ولا شر برجاهو ما بهم بالي وحارسني الثبات من الكبار قبالي وكت هسع حسيت وشفتك سالمة قاعدة قبالي كان اتلخبط الكون تاني ماني مبالي
Post: #412 Title: Re: مسادير يا أهل المسادير إلى ما شاء الله........ Author: munswor almophtah Date: 05-22-2006, 06:57 PM Parent: #411
الزول في الصحا مكتوب عليهو شقاهو وإن غمد شوية تجي الهموم لاحقاهو الخوف اب لبوس أنا ما بخاف لقياهو يا ريت الفي الحلم في صحاي كان بلقاهو
الشقى وين بدوق نار النكد حارقاهو فى الآخره أم جنان نار الجحيم راجياهو شوكة فى الفراش مغروزه يوت طاعناهو زى جماع معذب ربو كاتبو شقاهو
منصور
Post: #413 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-23-2006, 03:27 PM Parent: #412
كعب نوم الضحى أمس العصير كت نايمة جيت قدام فريقنا اشوف لي صقوراً حايمة كبيرن غار علي من نومي تبيت قايمة صحيت مهجومة لا في مفصل ولا في قايمة
Post: #414 Title: Re: مسادير يا أهل المسادير إلى ما شاء الله........ Author: إدريس محمد إبراهيم Date: 05-25-2006, 03:23 AM Parent: #413
Quote: الشقى وين بدوق نار النكد حارقاهو فى الآخره أم جنان نار الجحيم راجياهو شوكة فى الفراش مغروزه يوت طاعناهو زى جماع معذب ربو كاتبو شقاهو
زي حظ الدقيق في الشوك بكوس للماهو... ود مفتاح أخوي زين الجماعه وجاهو.. شايفك زي مخاصم نمّات أخوك وغناهو ... تسلم يا الأمير .. وتسلم جواهر فاهو..
Post: #415 Title: Re: مسادير يا أهل المسادير إلى ما شاء الله........ Author: munswor almophtah Date: 05-25-2006, 07:03 PM Parent: #414
أخوك يا ريا أخوك ساعة السيوف إدبكن أخوك يا السمحة أخوك وكت الرماح إشبكن أخوك جبل الثبات وكت القواسي إحبكن كم بكيت وكم قشيت دموع الببكــــــن
ريا شن بدور خلاف رجلا جرابو مجكن وما بدور دلاهه ولا جلاب الرخيصه جركن إياك المصوبن فارس الحرابه مسكن رضاى أم رضيع جياب البرضى خرتن
منصور
Post: #416 Title: Re: مسادير يا أهل المسادير إلى ما شاء الله........ Author: munswor almophtah Date: 05-25-2006, 07:28 PM Parent: #415
زي حظ الدقيق في الشوك بكوس للماهو... ود مفتاح أخوي زين الجماعه وجاهو.. شايفك زي مخاصم نمّات أخوك وغناهو ... تسلم يا الأمير .. وتسلم جواهر فاهو..
الشقى وين بفوت كان عمرو أردب سمسم مافيش زول بشيل من همو مافيش بقسم ودمفتاح دوام لى ضيفو لازم يبسم ولازم فى الحدود ميزانو قاسط برسم
منصور
Post: #417 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-26-2006, 05:47 PM Parent: #416
أحكي لك تمام الشفتو ما بتغابه جاين العصير انا وانت من الغابه بينا والفريق أتولعت تقابه
قدر ما نشوف بعيد قدامنا نلقى حريق وكت النار علت ما شفنا تاني فريق تشكي من العطش وأخوك يابس ريق
فترتي صنقرتي قعدتي وأنا محتار جلسته وراكي حاقب الدرقة ختيت سيفي فوق اوراكـــــــــي وكت بعد البهم دا كسحتي قمتي براكــــــــي جيتي وجات معاك كوم صقور تبراكـــــــــــي
بالمناسبة يا منصور عجبتني جدا مجارتك وكمان بسجل كل ما تكتب فبالله لا تحرمنامن ابداعك خالد
Post: #418 Title: Re: مسادير يا أهل المسادير إلى ما شاء الله........ Author: munswor almophtah Date: 05-27-2006, 02:41 AM Parent: #417
فترتي صنقرتي قعدتي وأنا محتار جلسته وراكي حاقب الدرقة ختيت سيفي فوق اوراكـــــــــي وكت بعد البهم دا كسحتي قمتي براكــــــــي جيتي وجات معاك كوم صقور تبراكـــــــــــي
Post: #419 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-27-2006, 04:33 PM Parent: #418
تبيت بعجل شافني جفلا وطارن غابن من عيوني وفي اللعوت اضارن ما غابن كتير جن اقدلن واتبارن قدامن كبيرن عيننو غارن
Post: #420 Title: Re: مسادير يا أهل المسادير إلى ما شاء الله........ Author: munswor almophtah Date: 05-27-2006, 05:14 PM Parent: #419
تبيت بعجل شافني جفلا وطارن غابن من عيوني وفي اللعوت اضارن ما غابن كتير جن اقدلن واتبارن قدامن كبيرن عيننو غارن
متل الصيد بقدلن وللتبيس داك زارن ما جدعن سلام عضم الكلام ما دارن شلخا فوق شلخ شلخن قليبى وجارن ضاقت خلقى من كمد العوازل حارن
منصور
Post: #421 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-28-2006, 06:12 AM Parent: #420
سلا سيفو ولاقاهن أخوك يا ابامره تور غنز أم هشيم الفي المجامع دامره تل سيل وأندلق فوق السحابة الهامره حجر الصاقعة فرتاك الصفوف العامره
Post: #422 Title: Re: مسادير يا أهل المسادير إلى ما شاء الله........ Author: محمد سنى دفع الله Date: 05-28-2006, 08:17 AM Parent: #421
غاب نجم النطح والحر علينا اشتد ضقنا طال ليلو ونهارو امتد نظرة منو للقانون بقيت اتحدى نظرة منو فتحت عندي منطقة الغناالانســدا ودالمفتاح فرحنا فرح شديد لي صورتك الجديدة رجعت فيها لدقون اهلك الدقن الدايرة جميلة وقيافة ...عيب لي شكلك كده مالو مكمل الوجاهه واخر قيافة وقرض على كده وأمتعنا بالمسادير الجميلة متعك الله في الدنيا والاخرة
Post: #423 Title: Re: مسادير يا أهل المسادير إلى ما شاء الله........ Author: munswor almophtah Date: 05-28-2006, 03:05 PM Parent: #422
صوب رش المطر حزمن متاعن خفن وخلن فى العيون بحر الدموع ما جفن الشوق فى القليب لا عدا فات لا عفن شوقا للقبيل سكك الضلال ما لفن
منصور
Post: #427 Title: Re: مسادير يا أهل المسادير إلى ما شاء الله........ Author: munswor almophtah Date: 05-29-2006, 05:05 PM Parent: #426
اعجبنى جدا بوست المسادير وهذه منى مشاركة املا ان ينضم اليكم بعد افراد اسرتنا الذين دابنا على المجادعة فى مابيننا
اعاين فى النجوم لمن كبيرن غاب
ولى سمح الخصال سطرت الف خطاب
الطبعو الادب ماجانى منو جواب
يكون منعو الخجل ,اصلو الطبع غلاب
ضرب الهمبريب ظنيت البرد بغشانا
ومن ام در شدينا سرنا عشانا
عند سمح الخصال ناوين نصلى عشانا
دى المن زمان هالكانا وسبنا اهلنا عشانا
ولك كل الود
اخوك / مدنى محى الدين
ابوظبى
Post: #428 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 05-29-2006, 05:20 PM Parent: #427
غلطان البعيش في الدنيا ونسى غناهو أن كان مالو راح غير أهلو مين بفداهو سمح الفوق أساس ابواتو تمّ بناهو وسمح الزول صبي يلد ويربي جناهو
Post: #431 Title: Re: مسادير يا أهل المسادير إلى ما شاء الله........ Author: munswor almophtah Date: 05-30-2006, 07:11 PM Parent: #428
غلطان البعيش في الدنيا ونسى غناهو أن كان مالو راح غير أهلو مين بفداهو سمح الفوق أساس ابواتو تمّ بناهو وسمح الزول صبي يلد ويربي جناهو
الدنيا أم قدود ياالمطرى مى هاماهو والمال إن كتر أو راح دوام إياهو ما بدور حق رجال والعندو ماببراهو وحق الناس بصون حق الله داك برعاهو
منصور
Post: #429 Title: Re: مسادير يا أهل المسادير إلى ما شاء الله........ Author: munswor almophtah Date: 05-30-2006, 06:42 PM Parent: #427
اعاين فى النجوم لمن كبيرن غاب
ولى سمح الخصال سطرت الف خطاب
الطبعو الادب ماجانى منو جواب
يكون منعو الخجل ,اصلو الطبع غلاب
الطبع إن غلب محنت معا الأسباب والطابعو الأدب بنسوقلو كمين باب الزوق والظرف لابساهو إنتى حجاب ولابسه المقدره الحامياك ضمه عتاب
منصور
Post: #430 Title: Re: مسادير يا أهل المسادير إلى ما شاء الله........ Author: munswor almophtah Date: 05-30-2006, 06:58 PM Parent: #427
ضرب الهمبريب ظنيت البرد بغشانا
ومن ام در شدينا سرنا عشانا
عند سمح الخصال ناوين نصلى عشانا
دى المن زمان هالكانا وسبنا اهلنا عشانا
صلينا العشاء وأطربنا داك شاشانا
وأطربنا القبيل بى نار غرامو شوانا
شرفت شام شروق شرقت حلوقنا فشانا
وزولن كان صحيح ختفوه كف شفخانا
منصور
Post: #432 Title: Re: مسادير يا أهل المسادير إلى ما شاء الله........ Author: munswor almophtah Date: 05-31-2006, 08:18 PM Parent: #430
عبدك ياكريم راجيك تعلى مراتبو
تصلح حالو ,لاتغضب عليهو تعاتبو
ناسو العزاز تطراهو وديمة تكاتبو
تهدى كفيلو يبقى ظريف ويزود راتبو
طالت ليالى أساى ونجومو قط ماغبن
ومن بحور الهم غرفن مراكبى وعبن
يامنشىء سحاب الخير وسايق رياحا الهبن
مدنى الضعيف راجيك امطارا عنده يصبن
ختاما
الصلى للرسول عد مايحتويه كتاب
ماهب نسيم فاح من قبلة الاحباب
تصلو فى المقام والآل والاصحاب
نكون مع الفايزين من غير حساب لا عقاب
ولك الود اخى منصور
مدنى محى الدين/ ابوظبى
Post: #433 Title: Re: مسادير يا أهل المسادير إلى ما شاء الله........ Author: عبدالله وداعه الامين Date: 05-31-2006, 08:30 PM Parent: #432
Quote: صلينا العشاء وأطربنا داك شاشانا
وأطربنا القبيل بى نار غرامو شوانا
شرفت شام شروق شرقت حلوقنا فشانا
وزولن كان صحيح ختفوه كف شفخانا
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
Post: #459 Title: Re: مسادير يا أهل المسادير إلى ما شاء الله........ Author: munswor almophtah Date: 06-08-2006, 12:33 PM Parent: #410
Post: #434 Title: Re: مسادير يا أهل المسادير إلى ما شاء الله........ Author: Ibrahim Adlan Date: 05-31-2006, 11:12 PM Parent: #1
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
جانا الهمبريب بارد هبوبو غشانا و قمر السبعتين طلع يا دوبو زاد لمعانا مرقن امات وضيب كبسو القليب جبخانه سابلات زينه فوق قدامن الخمجانه
Post: #435 Title: Re: مسادير يا أهل المسادير إلى ما شاء الله........ Author: munswor almophtah Date: 06-01-2006, 01:22 AM Parent: #434
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
بكاية المقل مطر الخريف رششانا وإن تنت لحاظا العين بزيد طششانا إن قدلت مشت هرد القلوب فششانا وإن وقفت تنت فرع الجريد هرشانا
منصور
Post: #436 Title: Re: مسادير يا أهل المسادير إلى ما شاء الله........ Author: munswor almophtah Date: 06-01-2006, 01:39 AM Parent: #435
جانا الهمبريب بارد هبوبو غشانا و قمر السبعتين طلع يا دوبو زاد لمعانا مرقن امات وضيب كبسو القليب جبخانه سابلات زينه فوق قدامن الخمجانه
شوفن ليها ساكت من بعيد دشانا وقتين قربت لحظ المقل قشانا نضاحة المسك فواح عديل راشانا وإن جدعت سلام متل الغزال هاشانا
منصور
Post: #437 Title: Re: مسادير يا أهل المسادير إلى ما شاء الله........ Author: munswor almophtah Date: 06-01-2006, 03:01 PM Parent: #436
عبدك ياكريم راجيك تعلى مراتبو
تصلح حالو ,لاتغضب عليهو تعاتبو
ناسو العزاز تطراهو وديمة تكاتبو
تهدى كفيلو يبقى ظريف ويزود راتبو
ربك فيهو أمسك والكفيل روح شاطبو ورزقك عند إله رب الكفيل داك خاطبو الزول إن نساك أمحاهو خليك شاطبو وعقلك ديمه حكم ديمه خليك ظابطو
منصور
Post: #438 Title: Re: مسادير يا أهل المسادير إلى ما شاء الله........ Author: munswor almophtah Date: 06-01-2006, 03:17 PM Parent: #437
Post: #481 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 07-05-2006, 05:12 PM Parent: #480
العربي قال لريا مابتسألي... لا من وين؟ لا وين ترسو؟
رد ريا
كيف العربي بسأل ضيفو كيفن تنسو أول بكرمو وأخابرو ساعة انسو من مقلب كلام تعرف ابوه وجنسو
Post: #483 Title: Re: مسادير يا أهل المسادير إلى ما شاء الله........ Author: Nasr Date: 07-05-2006, 06:39 PM Parent: #1
كان معاي صاحباً لذيذ وظِريٌف في البيتش لاقانا السمح متقيٌف قت ليهو: شايف الخلوق كيف بتصيٌف قال لي: دي سماحة بهماً صيفو خريُف
Post: #484 Title: Re: مسادير يا أهل المسادير إلى ما شاء الله........ Author: Nasr Date: 07-05-2006, 06:57 PM Parent: #1
في البيتش كانت ملكات الجمال مجتمعة قال لي: سماح بهمايزري السيسبان أب فدعة قت ليهو: الزول الذكراه جرٌت في مسايلي الدمعة حرم يمين فايتاهم جميع بسبعة
Post: #485 Title: Re: مسادير يا أهل المسادير إلى ما شاء الله........ Author: munswor almophtah Date: 07-06-2006, 03:44 AM Parent: #484
فوق القيف رست والتوب حريرتو بلمعه والناس زى فلم شداها طب مستمعه متل الجن بجيب بلغيس وتوقد شمعه جوها الناس حجيج دكوها ليها الجمعه
منصور
Post: #486 Title: Re: مسادير يا أهل المسادير إلى ما شاء الله........ Author: Nasr Date: 07-06-2006, 12:24 PM Parent: #1
في لونق بيتش كانت الخلوق متلمة مكاسيك, وايت, والبلاك ولاد العمة قال لي: بهم خريف الرازة البجلو الغمة قت ليهو: حرم يمين زولي الهناك يضوي في ها الأمة
لونق بيتش = Long Beach مدينة بقرب لوس أنجلس بكالفورنيا
مكاسيك = تطلق علي الشعوب القادمة من المكسيك المجاور لكالفورنيا
وايت = ًWhite البيض من سكان كالفورنيا وهم الذين قدموا من أوربا
البلاك = Black يقصد بها سكان كالفورنيا من أصول أفريقيا أولئك الذين أستجلبوا كرقيق والذين استجلبو حديثا بتأشيرات دخول أو الذين تسربوا من الحدود كمايفعل معظم الناس هنا
أسفين للشرح الكثير ومسيخ
Post: #487 Title: Re: مسادير يا أهل المسادير إلى ما شاء الله........ Author: أحمد الشايقي Date: 07-24-2006, 03:07 AM Parent: #1
مكرر
Post: #488 Title: Re: مسادير يا أهل المسادير إلى ما شاء الله........ Author: أحمد الشايقي Date: 07-24-2006, 03:07 AM Parent: #1
ســان ديـق = (سان ياقو)
في سـان ديق نزل والليلة حـولين تـمّ
قاسـي صـعيـب بعادوا وبالبهادل عــمّ
إن بالحي قـدل وكان فوقو ناصـر لـمّ
جاب مسـدار تمام سـوّا القصـيد والنمّة
ود الشايقي
Post: #489 Title: Re: مسادير يا أهل المسادير إلى ما شاء الله........ Author: munswor almophtah Date: 07-24-2006, 03:20 AM Parent: #488
Post: #497 Title: Re: مسادير يا أهل المسادير إلى ما شاء الله........ Author: munswor almophtah Date: 07-26-2006, 04:40 PM Parent: #496
مرحب حباب العزو ماهو الفاية أبناراً تولع للضيوف دفاية بشيخ العرب الأفتخار ما كفاية التابعو أن جانا بنفخربو ونخدمو حفاية
هديك الناقه فى الخشه وهداك وكايه هديك الموس مطرقه ذاهبه ديك لدايه الناس من طرف كفوها كان كم تايه ما تبخل عليهم كان عدمنا حوايا
منصور
Post: #498 Title: Re: مسادير يا أهل المسادير إلى ما شاء الله........ Author: Nasr Date: 07-27-2006, 04:52 PM Parent: #1
يا لافايني في الزمن الغلط فكيني أنا زماني روح ناحت عليهو سنيني إتكالبت غصص الزمن سدت علي شرياني ومات فناني الحزون النغمو كان بشجيني
Post: #499 Title: Re: مسادير يا أهل المسادير إلى ما شاء الله........ Author: munswor almophtah Date: 07-27-2006, 06:19 PM Parent: #498
يا لافايني في الزمن الغلط فكيني أنا زماني روح ناحت عليهو سنيني إتكالبت غصص الزمن سدت علي شرياني ومات فناني الحزون النغمو كان بشجيني
الزمن إن قسالك شن بسوى حبيبك ولازم يرضى بى حكم الزمان ما يسيبك إن فاتك غلط وأكان طردتو بعيبك وعارف قدرو زيك والبصيبو بصيبك
منصور
Post: #500 Title: Re: مسادير يا أهل المسادير إلى ما شاء الله........ Author: Nasr Date: 07-27-2006, 07:35 PM Parent: #1
تسلم يا منصور من كل شر قدرت علي غايتو شغال لي في حاجات كده لكن أظنو وداي عبقر مغلق للتحسينات
Post: #501 Title: Re: مسادير يا أهل المسادير إلى ما شاء الله........ Author: Nasr Date: 07-28-2006, 12:49 PM Parent: #1
يا منصور أخوي أريتو خاطرك طايب درب الغرام جايبلو مطرا شديد وهبايب وسهر ليالي تطول وتلاتل ؤ مصايب هو ذاتو شن معناه غي زولاً مجلكن وشايب
Post: #502 Title: Re: مسادير يا أهل المسادير إلى ما شاء الله........ Author: Nasr Date: 07-28-2006, 12:53 PM Parent: #1
مرحب حباب الشايقي ضو البيت ما تقول بالرد عليك ضنيت شاغلاني مشاغل الشغل والبيت وشاقياني شلاقة الشايقي البقول دوبيت
Post: #503 Title: Re: مسادير يا أهل المسادير إلى ما شاء الله........ Author: munswor almophtah Date: 07-30-2006, 03:53 AM Parent: #502
يا منصور أخوي أريتو خاطرك طايب درب الغرام جايبلو مطرا شديد وهبايب وسهر ليالي تطول وتلاتل ؤ مصايب هو ذاتو شن معناه غي زولاً مجلكن وشايب
مافيش زول بعجز وفى الفياقرا عجائب ما فيش كش ولد مضمون دا كش الشايب الزول كان كبر عسل الكبور الدايب وأقفات فوق طريقو أمات خريفا جايب
منصور
Post: #504 Title: Re: مسادير يا أهل المسادير إلى ما شاء الله........ Author: الناظر Date: 07-30-2006, 05:04 AM Parent: #1
يا منصور اخوى و الله الليلة عندى ليك حكاية ود عشابى طرى البلد و شال الشنط مليانا هداية الشنطة الصغيرة دفسى فياقرا حالف يجيب الداية قال يوم السماية التمر و العيش اتوزعن بالكباية الزول ان كبر يا منصور حقـو يتكامل المصلاية
Post: #505 Title: Re: مسادير يا أهل المسادير إلى ما شاء الله........ Author: munswor almophtah Date: 07-30-2006, 02:39 PM Parent: #504
ود عيشابى يا الناظر حكايتو حكايه وداك السكرى الملعون براهو برايه شييل فى الفياقره أكان يسوى سمايه ما بتنفع عليقه أكان بلع مخلايه
منصور
Post: #506 Title: Re: مسادير يا أهل المسادير إلى ما شاء الله........ Author: munswor almophtah Date: 07-31-2006, 02:35 PM Parent: #505
يا ود عيشابى وين يا زول طفشتا ورحتا فارقت الكبور فى درب الغروب طب دحتا أحسن صد هناك....حب الديار كم بحتا يا مسك الطرب فى أرواحنا جلتا وسحتا
منصور
Post: #507 Title: Re: مسادير يا أهل المسادير إلى ما شاء الله........ Author: munswor almophtah Date: 08-02-2006, 02:52 AM Parent: #506
ود عيشابى جاك يا الكبره لمى زبادك ولمى البكره فيك لميهو وادى جدادك الورل القبيل تحت الحراز دودابك والدقر الملص عراقى فوق الشابك
منصور
Post: #508 Title: Re: مسادير يا أهل المسادير إلى ما شاء الله........ Author: Nasr Date: 08-02-2006, 12:40 PM Parent: #1
أنا زولي البريدو كالبهيمة سعاني وفي لحظة عدم تكاني ضبحني وللكلاب غداني وأنا ظنيته غشامة الصنج عامياني مازال ريدو يفرهد جنان في كياني
Post: #509 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 08-03-2006, 08:23 AM Parent: #508
الاخوة الكرام اهل المسدار...
عامرة بيكم دار الاخ المنصور...
عدت بعد انقطاع والعود أحمد...
أتمنى ان يطاوعنى الحرف كما كان....ولئن عصانى فامفتاح فى يد اخى المنصور...
Post: #510 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 08-03-2006, 08:25 AM Parent: #508
الاخوة الكرام اهل المسدار...
عامرة بيكم دار الاخ المنصور...
عدت بعد انقطاع والعود أحمد...
أتمنى ان يطاوعنى الحرف كما كان....ولئن عصانى فالمفتاح فى يد اخى المنصور...
Post: #511 Title: Re: مسادير يا أهل المسادير إلى ما شاء الله........ Author: munswor almophtah Date: 08-03-2006, 12:46 PM Parent: #510
Post: #512 Title: Re: مسادير يا أهل المسادير إلى ما شاء الله........ Author: munswor almophtah Date: 08-03-2006, 03:30 PM Parent: #511
ود عريان.....هبانى ماحبيتو
شايل للقلم مقلامى ليهو هديتو
إزميل السجم تاشيبو مارق زيتو
مارق حرمة المستور وناتف خيتو
منصور
Post: #513 Title: Re: مسادير يا أهل المسادير إلى ما شاء الله........ Author: أحمد الشايقي Date: 08-11-2006, 06:28 PM Parent: #512
هـول مقلام أكيـد نجّمتو ما داعـيتو
متعـوس الأنيس والمتلو ياما سعيتـو
تيلاد البهـم مزروق سـمومو حويـتـو
شايتو كسـر شكال مكيّة يوت داويتـو
ود الشايقي
Post: #514 Title: Re: مسادير يا أهل المسادير إلى ما شاء الله........ Author: munswor almophtah Date: 08-12-2006, 03:06 AM Parent: #513
هـول مقلام أكيـد نجّمتو ما داعـيتو
متعـوس الأنيس والمتلو ياما سعيتـو
تيلاد البهـم مزروق سـمومو حويـتـو
شايتو كسـر شكال مكيّة يوت داويتـو
ود الشايقي
شايقيا فصيح سمح الحروف خاويتو والنسناس هلكنا بخورو فايح ظيتو بنراعى الأصول قادرين نطلع زيتو ما بندور هبوب وإن درتا كان داويتو
منصور
Post: #515 Title: Re: مسادير يا أهل المسادير إلى ما شاء الله........ Author: أحمد الشايقي Date: 08-12-2006, 04:48 AM Parent: #1
ضـرّيت الشـون منصـور تكلتو ضـراهـا
وكلّقـت القصـيب بتّاب عـويش باراهـا
مـن طاري الهبوب ياك الدرت محـراها
حـرّك شـقّـت الدلجـة وهـواك سـفّـاها
ود الشايقي
Post: #516 Title: Re: مسادير يا أهل المسادير إلى ما شاء الله........ Author: munswor almophtah Date: 08-14-2006, 02:11 AM Parent: #515
ضـرّيت الشـون منصـور تكلتو ضـراهـا
وكلّقـت القصـيب بتّاب عـويش باراهـا
مـن طاري الهبوب ياك الدرت محـراها
حـرّك شـقّـت الدلجـة وهـواك سـفّـاها
بقيت زول مـطامير بالعيوش تملاها وتسرفا طب رزق حق الطيور برجاها بتابك مشون كرر العجول بملاها وكوديقك جبالا للدعول بكلاها
منصور
Post: #517 Title: Re: مسادير يا أهل المسادير إلى ما شاء الله........ Author: nashaat elemam Date: 08-14-2006, 03:07 AM Parent: #516
يا منصور أخوي الشوق دفرنا حداكم من وسط العجاج هبر القليب ناداكم صادقين في الوداد وقليبنا ما عاداكم وان عدا القراب تلقوهو تب عداكم
Post: #518 Title: Re: مسادير يا أهل المسادير إلى ما شاء الله........ Author: munswor almophtah Date: 08-14-2006, 01:51 PM Parent: #517
يا منصور أخوي الشوق دفرنا حداكم من وسط العجاج هبر القليب ناداكم صادقين في الوداد وقليبنا ما عاداكم وان عدا القراب تلقوهو تب عداكم
نشأت يا اللصم يوماتى بقرأ كلامك حالى عسل طلح كضاب يمين من لامـك وشوقك فايتو شوقنا ويا شقيق أيامك عاشق للوطن شاجيهو واهبو أحلامـك
منصور
Post: #519 Title: Re: مسادير يا أهل المسادير إلى ما شاء الله........ Author: munswor almophtah Date: 08-14-2006, 02:09 PM Parent: #518
ضـرّيت الشـون منصـور تكلتو ضـراهـا
وكلّقـت القصـيب بتّاب عـويش باراهـا
مـن طاري الهبوب ياك الدرت محـراها
حـرّك شـقّـت الدلجـة وهـواك سـفّـاها
جابيق القصب قندولو بتنى شراها
ومارتيق الضحى الموريق بنز لتراها
زرزورا بيجض لبن النقد كداها
لا كشكوش ولا مجداعه منو حماها
منصور
Post: #520 Title: Re: مسادير يا أهل المسادير إلى ما شاء الله........ Author: Ibrahim Adlan Date: 08-14-2006, 02:16 PM Parent: #1
Post: #521 Title: Re: مسادير يا أهل المسادير إلى ما شاء الله........ Author: munswor almophtah Date: 08-15-2006, 12:23 PM Parent: #520
ود عدلان حبابك وبالبنمو سمحتا وبابا للطرب من دون علمنا فتحتا البيت ياهو بيتك للقلوب دى شرحتا وصادق النيه واهب للجميل دا منحتا
منصور
Post: #522 Title: Re: مسادير يا أهل المسادير إلى ما شاء الله........ Author: munswor almophtah Date: 08-16-2006, 02:05 AM Parent: #521
أبقلبا رهيف عاشق الغزال فى الوادى عاشق صوت كنار مغنون مشذب هــادى عاشق القمرى فوق فرع المريخ النادى مالك قلبو داك سايح الفريع الشادى
منصور
Post: #523 Title: Re: مسادير يا أهل المسادير إلى ما شاء الله........ Author: munswor almophtah Date: 08-16-2006, 02:21 PM Parent: #522
رافت سيب بيان وأكتب جميع الدايرو أكتب فى الجمال سمح العيون ومسايرو الناس فى إختلاف والليك بتصبح زايرو والكان مابى داك إن جاك بتصبح دايرو
منصور
Post: #527 Title: Re: مسادير يا أهل المسادير إلى ما شاء الله........ Author: رأفت ميلاد Date: 08-19-2006, 03:44 PM Parent: #523
Quote: رافت سيب بيان وأكتب جميع الدايرو أكتب فى الجمال سمح العيون ومسايرو الناس فى إختلاف والليك بتصبح زايرو والكان مابى داك إن جاك بتصبح دايرو
Quote: يا منصور حبابك ألف و يعلى كتير فى مقدارك شان طقيعنا شين و أشتر شلناهو غادى من دارك من د.نجاة ما تشفق البينا عامره وكله متبارك فى راسى شيتآ شتر خليك فريب كان غرق منك أدارك
Post: #524 Title: Re: مسادير يا أهل المسادير إلى ما شاء الله........ Author: أحمد الشايقي Date: 08-19-2006, 03:19 AM Parent: #1
عيشـك حر نضم شبه الرزم قرنيتو
وكليقـك فهـم ماك المكرّب بيتـو
الخالـف يمين جـزّ القمح واسيتو
والمعنى الغميس زي الأتر قصّـيتو
ود الشايقي
Post: #525 Title: Re: مسادير يا أهل المسادير إلى ما شاء الله........ Author: munswor almophtah Date: 08-19-2006, 01:25 PM Parent: #524
Post: #537 Title: Re: مسادير يا أهل المسادير إلى ما شاء الله........ Author: munswor almophtah Date: 11-10-2006, 03:16 AM Parent: #536
عاطلين الفكر قايلين حقوقهم سائبه مو ضايقين دواسهم فى النقيعه الدايبه ولدات صلاح ميها المدنقره خايبه مى خازية عروض حاشاها طب مى عايبه
منصور
Post: #538 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-10-2006, 04:17 PM Parent: #537
الاخ المنصور
تحياتي واشواقي
سعدت ايما سعادة لدى تصفحي هذا البوست التوثيقي الرائع ونامل ان يتواصل عطاؤكم ونحن متابعون بنهم وشوق شديدين.
الاخت الاستاذة الشاعرة سمية حسن طلحة مقيمةحاليا بسلطنة عمان ومن المهتمين بمتابعة هذا البوست ولديها الكثير والشيق الذي يمكن ان تسهم به في رحاب هذا البوست . لم تنضم الاستاذة الشاعرة سمية لعضوية المنبر رغم ثقتنا بان عضويتها تمثل اضافة حقيقية للمنبر العام .
ايضا اسرة الاستاذة سمية لها اهتماماتها ببرنامج شوارد الذى تقدمه الاستاذة كوثر بيومي على الفضائية السودانية . لدى متابعتها اخر حلقة من هذا البرنامج استمعت للشاعر ود الشوبلي ( وزير دفاع خيمة الحاردلو) وهو يمجد شقيها المجتبي ومن ثم رات ضرورة الرد عليه بقصيدة من انتاجها الشخصي حيث قالت الى يوسف القسم الشوبلي الشاعر الفذ ما يلي ك-
تـعـبـــوا الــدودروك وقـجـقـجـوا الشَّراك قول لي الماسك الدرب اتهيرتَ شن ودَّاك يا مــلـك الـشـعـر الـفــريـد فـي سـمــــاك ما خـتـيـت واحــدةً تحسكن لي من تالاك
اقــبــل مـنـــي ابـيـــات قـاصـرة عن معـنـاك ومن سلطنـة عمان تحية ليك يا نجم في علاك راجـيـيـن الـكــــريـم يـسـعـدنـــا بــلـقـيــــاك على ارض الوطن نجتمع في دار اهلنا هنـاك
اطيب المنى
Post: #539 Title: Re: مسادير يا أهل المسادير إلى ما شاء الله........ Author: munswor almophtah Date: 11-11-2006, 03:53 AM Parent: #538
بتجي يا اخوى بتعقب هسه على كلامك الحلو ده يا المنصور
لك مودتى شيقوق
Post: #551 Title: Re: مسادير يا أهل المسادير إلى ما شاء الله........ Author: munswor almophtah Date: 11-13-2006, 03:54 PM Parent: #549
ماني القابض اب قرشا وراء اضراسو وماني الخائب التكى للصواويط راسو انا الديمة مشغول بذمامتو وكفكفة تراسو
مودتى
إيدك باهله فايت الحدود بتواسو ما بتعرف تتر كاسر الأسود بتداوسو يا ابصدرن مفكك عافى من ناس عاسو عافى الرقبه للزول البتقدر باسو
منصور
Post: #553 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-14-2006, 06:00 AM Parent: #551
Quote: ما بتعرف تتر كاسر الأسود بتداوسو
المنصور اخوى (ما بتعرف تتر) دى مافي حد بيعرفها هنا - الترة تستعمل للجمل عادة ليرجع خلف . وناس العصارات التي تحرك بالجمال عادة بيقولوا للجمل تر يعنى ارجع شوية والجمال صارت تفهم هذا المعنى من اصحابها .
مودتى
Post: #554 Title: Re: مسادير يا أهل المسادير إلى ما شاء الله........ Author: munswor almophtah Date: 11-14-2006, 03:42 PM Parent: #553
حبابك حبابك ياالكتير بتابك ومخنوق للحلق من خيرو داك قسابك من تبيت شغيل عاقبنو داك ديدباك وخابرين عوس مكارمك يا الكريم تيرابك
منصور
Post: #555 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-15-2006, 00:46 AM Parent: #554
بريد العيش بريد يوم المريسة كتيييييييييييييييرة بريد الدقة صافية الموية فيها قلييييييييييييييلة انا بستغرب في الزول البيابهو صاااااااااااااافي وبيأكلوا بليلة
مودتى
Post: #556 Title: Re: مسادير يا أهل المسادير إلى ما شاء الله........ Author: munswor almophtah Date: 11-15-2006, 03:08 AM Parent: #555
العيش العايش للعوج عدال فراقك فرق الديش وهدم التّكال اكان داير تبقى في القبيلة مشار عليك من بدر بى ضهر الكبور والنار
لك معزتي
Post: #559 Title: Re: مسادير يا أهل المسادير إلى ما شاء الله........ Author: munswor almophtah Date: 11-15-2006, 12:16 PM Parent: #558
كره ياالطيب من ملوك الرومانس فى بلادى يبيع الطلح ماروقا للنساء ويتوخى أناث الطلح الضواعة الفواحه ويعرف مواعيدالشربه ومواعيد الغب له عباره مأثور يقول لك (العيش يشرب ولا يؤكل) وهو كذلك شريب ظريف وعفيف عليه رحمة الله وكان من زبانية فاطنه السكر
الديش مالو ما شاف الحدود مهتوكه مالو على التكل ناسيها مى دلوكه الزول البشيل السيف ويسيب سلوكه شن فايدة قيادتو والبطون مهلوكه
منصور
Post: #560 Title: Re: مسادير يا أهل المسادير إلى ما شاء الله........ Author: munswor almophtah Date: 11-15-2006, 03:57 PM Parent: #559
الناس فى القومه والقعده بتدور العيش بدورو صوامعو واقفه...دايرين متانة الخيش الزول كان كبر والوش ملا الكرميش ما برضى الحقاره أكان بداها الديش
منصور
Post: #561 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-15-2006, 04:11 PM Parent: #560
حش العيش ابقى حسيس بجيب النقدى شنحيبا بداوي السيس بعد ما العيش يبقى في تحسيس ( يكون غالي) تلقى الفلوة للملوة جالبة قصيص
Post: #562 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-15-2006, 04:17 PM Parent: #561
Quote: سلام اهل المسا د ير سلام من البطا حيين ياوجووه الخير سلام ل أب جهينه كتير تسلم آ منصور اخو ودعلى ال بى عقابنا خبير ونرفع شعار البطاحين وهو :_
من منا ولا منه كضبوا القا لوا متلنا بسوق العوق عا طلنا وبكفى مراره فسلنا وود الشلهمه قا ل:ـ نحنا ال من خبرنا بتسأ ل البنوت نحنا بنفدى ستير العروض با لموت نحنا الفرسه نبنيها ونسيها بيوت ونحنا ورانا نا س ما رح فضلة الحوت
ولكم تحيا تى
سمية الحسن طلحه
لكم فائق الاحترام
الاستاذة سمية الحسن طلحة
Post: #563 Title: Re: مسادير يا أهل المسادير إلى ما شاء الله........ Author: munswor almophtah Date: 11-16-2006, 03:09 AM Parent: #562
يوم وصفو الكرم نسبوهو طب بطحانى فى بودليق هناك حسبوهو للقحطانى يات من قال شداعة الناس عديل خاصانى مو عارفين نسلكم سيدا طب حقانى
منصور
Post: #564 Title: Re: مسادير يا أهل المسادير إلى ما شاء الله........ Author: munswor almophtah Date: 11-16-2006, 03:02 PM Parent: #563
حش العيش ابقى حسيس بجيب النقدى شنحيبا بداوي السيس بعد ما العيش يبقى في تحسيس ( يكون غالي) تلقى الفلوة للملوة جالبة قصيص
التقى والمطامير بالعيوش مسروفه مافيش زول بجوع ما بتلقى طب مكسوفه الناس فى النعم غرقانه طب مكلوفه مافيش ناس عدم مافيش جياع معروفه
منصور
Post: #565 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-16-2006, 06:07 PM Parent: #564
يــاود المـكــــوك قـُـرَّح قـُوى وكواســــــــــر المكتـــــــوب من عنـوانـو واضــــــح وظاهر ياســيد البشـاشـة الماك قبيـح ومكاشـــر من وين في الأهل ياأب بحرا ً مِحمـِّر وداشـر
سمية الحسن طلحة
Post: #566 Title: Re: مسادير يا أهل المسادير إلى ما شاء الله........ Author: munswor almophtah Date: 11-16-2006, 06:48 PM Parent: #565
حماد الرجل تيراب على الكرار قال
نحن سياده مانا بياده والقبل التمانيه نحن أسياده الجرح المغور نحن ليهو عياده عن ساعة الكتال شرطا تجينا زياده
نحن عيال سرور وقت الضحك والفاقه نحن عيال سرور وقت الحديث إتمادى نحن عيال سرور وقت الحديد إتلاقى والجمل والبهيج مشهادنا ليهو الناقه
قولها يا الطيب قالك من السروراب وزول مدينه ساكت وأريتك كان سمعت أبحراحر خالد ودالطيب ودسليمان واللا إدريس ود اللعوير.....................
منصور
Post: #567 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-17-2006, 07:23 AM Parent: #566
والله امتعتنا يا المنصور اخوى ونحن متابعين بشقف شدييييييييييييد
الاخت سمية بلغتها برسالتك وبتجيك ولو عندك علاقة ببكري نعمل ليها عضوية عشان تجادعك عدييييييييل
شوف سعد السعود الساها لى امبارح اسهر نومي واصبح في المعالق جارح قدر ما اقول اتوب واعملي عملا صالح ابى يتخلى ضوق عجوة شروق المالح
لك معزتى
Post: #576 Title: Re: مسادير يا أهل المسادير إلى ما شاء الله........ Author: الناظر Date: 11-19-2006, 07:52 AM Parent: #566
نحن عيال سرور كضاب البقول سوينا و اقفين كجسور ليرضى و المابينا المحتاج نساعدو و ما بنقول ادينا و الضعيف ندفرو نشاءالله بيدينا المال و العلم فينا من زمن ماضينا طالبين الكريم يزيدو و يحفظو لينا
Post: #568 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-17-2006, 08:04 AM Parent: #1
من بنات النيل العظيمة ديارنا مُرسل ليك سلام إنتَ ومعاك أخوانا وهاك خبر البلد الحالو من أحوالنا باكيات الحروف ..محزون كمان مسدارنا وإن درتَ المزيد..شوي..وأتم أخبارنا
Post: #569 Title: Re: مسادير يا أهل المسادير إلى ما شاء الله........ Author: munswor almophtah Date: 11-17-2006, 03:44 PM Parent: #568
بنت النيل حبابك ملكه بنت ست دار ومرحبتين حبابك نجمه فى المسدار من ترهاقا والكنداكه حاشا غبار وناس المك نمر بى نصرو بلو الدار
منصور
Post: #570 Title: Re: مسادير يا أهل المسادير إلى ما شاء الله........ Author: munswor almophtah Date: 11-17-2006, 06:37 PM Parent: #569
شوف سعد السعود الساها لى امبارح اسهر نومي واصبح في المعالق جارح قدر ما اقول اتوب واعملي عملا صالح ابى يتخلى ضوق عجوة شروق المالح
سعد السعود طباك وإت فوق قارح وعند شقل الأراك بمراح بكارك سارح الشارقك ظبى ليك فى خلاك كم شارح وإن صديت بكون سعدو ومناهو الفارح
منصور
Post: #571 Title: Re: مسادير يا أهل المسادير إلى ما شاء الله........ Author: munswor almophtah Date: 11-17-2006, 06:53 PM Parent: #570
يوسف ود البدرى قال
أسياد نحلا قديم بالراى نحل ننحل وشن زاد الحديث بنبقالو شركة شل وقت القلب إفارق والكراع تنقل بنعرج عليهاإنشاء الله ترقد خل
وقال أبان الحرب العالميه الثانيه وهو ببورتسودان لأبناء عمومته والطليان والإنجليز كانت تهدر مدافعم ومطرالجبخانه ينهمر فوق الميناء قال
الإنذار ضرب والناس تصيح فى الميناء ويات من يقول الصاقعه وقعت فينا يا جنيات سرور ختولنا كلمه سمينه فى حنك هناك الناس تخبر الفينا
طريتنى العزيز والدمع رقراق فرقنا الممات أصلو الفراق حرَّاق أتذكَّر فضايلو وليهو يوت بشتاق رفيع المكانة الجورو ماإنضاق ياسمح الشمايل ياكامل الأخلاق بسأل فى الكريم موزِّع الأرزاق إديهوالمكانة السامية فى الآفاق
Post: #577 Title: Re: مسادير يا أهل المسادير إلى ما شاء الله........ Author: munswor almophtah Date: 11-19-2006, 02:48 PM Parent: #575
نحن عيال سرور كضاب البقول سوينا و اقفين كجسور ليرضى و المابينا المحتاج نساعدو و ما بنقول ادينا و الضعيف ندفرو نشاءالله بيدينا المال و العلم فينا من زمن ماضينا طالبين الكريم يزيدو و يحفظو لينا
الناظر نسيت الديمه فاتو الميس نسيتم ناس فلان والشله فيها كديس وين الفى ملوص الديمه فيها حديث وين العند كنابى العيش وديمه جليس
منصور
Post: #578 Title: Re: مسادير يا أهل المسادير إلى ما شاء الله........ Author: munswor almophtah Date: 11-20-2006, 02:46 AM Parent: #577
الفين مراحب بالخريف الجانا مو رعدا بكضب رشو ما بغشانا مطرا بلو ظاهر زى تقول فى بطانا ناس ود طلحه عوووك أرحمونا كفانا
منصور
Post: #579 Title: Re: مسادير يا أهل المسادير إلى ما شاء الله........ Author: الطيب شيقوق Date: 11-20-2006, 02:54 AM Parent: #578
واحدين فى العقل فاتوا الكبار ومعاهم بشحد فى الكريم بالخير إتم مسعاهم لا بقاووا الضعيف لاشفنا شر فى دعاهم بى طول العمر ياربى ماننعاهم
Post: #584 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 11-23-2006, 05:16 AM Parent: #583
يا المنصور جاتك تماضر شايلة المسادير مزن تروي أرواحنا بالمعسول بعد ما شقانا الحزن بتقولك أبشر موفور الضراع ماأختك معاندا الزمن لكن ما بترتا ليهو، دي ما درة نادرة غالية تمن
( أول مرة وآخر مرة .. على سبيل المداخلة منصور أخوي)
Post: #585 Title: Re: مسادير يا أهل المسادير إلى ما شاء الله........ Author: munswor almophtah Date: 11-23-2006, 05:34 AM Parent: #584
ود يوسف بجيك حرم على ما نسيتك وجيت فسراع خلاس لكن عقب ما لفيتك عاينت الدروب لا عند خناس كف جيتك وفوق قبل الجمال راكب قعودى بريتك
منصور
Post: #586 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-23-2006, 01:27 PM Parent: #1
Quote: أول مرة وآخر مرة
ماكاتال ضعيف وكت المعارك حرَّن ثابت ياجبل ورجلين عدوكا الفرَّن نسيتو النعال واصل جريو وإتمرَّن ياود القبايل البيكا يوت إتسرَّن
Post: #587 Title: Re: مسادير يا أهل المسادير إلى ما شاء الله........ Author: munswor almophtah Date: 11-23-2006, 02:40 PM Parent: #586
ماكاتال ضعيف وكت المعارك حرَّن ثابت ياجبل ورجلين عدوكا الفرَّن نسيتو النعال واصل جريو وإتمرَّن ياود القبايل البيكا يوت إتسرَّن
بريب دار غروب هشت ديارهن درن وفوق صنق ابضلوع شتن قفاهن شرن الزول مكتول قنيص طبق البنادق قرن ونوخ ناقتو فوق صفح القويز ما ترن
منصور
Post: #588 Title: Re: مسادير يا أهل المسادير إلى ما شاء الله........ Author: munswor almophtah Date: 11-23-2006, 03:00 PM Parent: #587
يا المنصور جاتك تماضر شايلة المسادير مزن تروي أرواحنا بالمعسول بعد ما شقانا الحزن بتقولك أبشر موفور الضراع ماأختك معاندا الزمن لكن ما بترتا ليهو، دي ما درة نادرة غالية تمن
ود يوسف خناس ناصحه ومحرقه قارحه داك سر الكلام مالكاهو طب مى جارحه عسلا كم مفيد جالباهو يوت كم شارحه نورا للعقول دافقاهو خير مى طارحه
منصور
Post: #589 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-24-2006, 05:11 AM Parent: #1
Quote: بريب دار غروب هشت ديارهن درن وفوق صنق ابضلوع شتن قفاهن شرن الزول مكتول قنيص طبق البنادق قرن ونوخ ناقتو فوق صفح القويز ما فرن
مزيون الطبع لكن حروفى القِصْرَن قدر ماقُت أقول أجيب المعانى الفرَّّن محقوقلك بكون وكلماتى زاتن ضِمرن مابوفوا الوصف حتَّى إن عِلن وإن درَّن
Post: #590 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 11-24-2006, 11:57 AM Parent: #589
المنصور خريف الرازة ماكسدانة مابصد العشيمة مصفقة وقمحانة كتر خيرك إت ياالفنجرى اب جبخانة ناس ودطلحة حافظنلك حقوق ومكانة
Post: #591 Title: Re: مسادير يا أهل المسادير إلى ما شاء الله........ Author: munswor almophtah Date: 11-24-2006, 12:20 PM Parent: #590
المنصور خريف الرازة ماكسدانة مابصد العشيمة مصفقة وقمحانة كتر خيرك إت ياالفنجرى اب جبخانة ناس ودطلحة حافظنلك حقوق ومكانة
بنت الرجال أهل الثبات الزانا ما برمش صغيرهم كان تطرشق دانا طولك طول ملوك ياملكه فايت البانا عقلك زى جبال المالح الخمجانا
منصور
Post: #592 Title: Re: مسادير يا أهل المسادير إلى ما شاء الله........ Author: munswor almophtah Date: 11-24-2006, 12:52 PM Parent: #589
مزيون الطبع لكن حروفى القِصْرَن قدر ماقُت أقول أجيب المعانى الفرَّّن محقوقلك بكون وكلماتى زاتن ضِمرن مابوفوا الوصف حتَّى إن عِلن وإن درَّن
الصيد فى كبورهن بالبشاير مطرن وبي فرق السليم دفق القشيش ما بطرن فاح مسك القرون عبق الدعاشات عطرن وكرفنو أمات خديد دهب الأسيل ما فرحن
منصور
Post: #593 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-24-2006, 01:40 PM Parent: #1
جات أم لهيج سمية مرحبتين يالعسل الدفق وودَّر معاهو الشين نوَّرتى البكان قمرك تمام ..دورين دوبيتى وكمان ظهرت طبايعك زين
Post: #594 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 11-24-2006, 03:29 PM Parent: #593
Post: #596 Title: Re: مسادير يا أهل المسادير إلى ما شاء الله........ Author: munswor almophtah Date: 11-25-2006, 00:51 AM Parent: #595
ياالمنصور اخوى دارك دوهم عمرانة
بالخير والسمح عابقة وتملى ملانة
ودشيقوق هناك نمة وبت الحسن طربانة
داك نور تماضر باق و قلوبنا بكانة
وين يا يحى إت والدار براك خربانا وين زمن القنيص والصيد فرك عنقانا دايرين الركوب والريل خبرنا بكانا ما بنقمح وحاتك والبكار ساترانا
منصور
Post: #597 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 11-25-2006, 03:46 AM Parent: #596
يا تماضر قولي لي منصور أخوي رفيقك عمرو ما تر لي وراء ووقت الحارة شّدّاد سروج ولي ناس تماضر ماهو الحما والضـرا حرم بكوس الموت وما ممكن أخليكي وسط بنوت القبايل مسخرة وكتين تزغردي ترخصلك الروح يا أم زمام، يا بت أسود الشرا
Post: #599 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-25-2006, 04:15 AM Parent: #597
Quote: يا تماضر قولي لي منصور أخوي رفيقك عمرو ما تر لي وراء ووقت الحارة شّدّاد سروج ولي ناس تماضر ماهو الحما والضـرا حرم بكوس الموت وما ممكن أخليكي وسط بنوت القبايل مسخرة وكتين تزغردي ترخصلك الروح يا أم زمام، يا بت أسود الشرا
Post: #601 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 11-25-2006, 09:09 AM Parent: #598
الف تحية ليكى وبيكى تم منانا
ساحتناتزيد شرف واتبسمت حيطانا
بى نمك كمان ضوى الحرف اروانا
ومسدارنا اكتمل كان بت الحسن تغشانا
Post: #602 Title: Re: مسادير يا أهل المسادير إلى ما شاء الله........ Author: nashaat elemam Date: 11-26-2006, 03:16 AM Parent: #601
مرحبتين حبابا خُناس حباب أخوانا نايره الدار معاكم متعددات ألوانا في نص البلد منصوب هداك صيوانا تراه الشوق دفر وليكم عديل ودانا
Post: #603 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 11-26-2006, 07:39 AM Parent: #602
تماضر يا بت عز الرجال فيك بهز وبجر النم وضابح ليك ود أم زور حــرم لآزمن تنطي الدم وقولي لي منصور خوى يا الوكت الحرابة ما بتنلم أخوك جاييلك فزع وقت الحارة حرم ما وجع ينزم
Post: #607 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-27-2006, 05:47 PM Parent: #603
Quote: تماضر يا بت عز الرجال فيك بهز وبجر النم وضابح ليك ود أم زور حــرم لآزمن تنطي الدم وقولي لي منصور خوى يا الوكت الحرابة ما بتنلم أخوك جاييلك فزع وقت الحارة حرم ما وجع ينزم
ياسمح الخُلق الأصلو مابتنذم وفى قلبك تشيل وطناً حنين بتضم إلقاك السمح محل تمش ماتهِم وإبراك العديل والزين معاكا بتم
Post: #606 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-27-2006, 05:41 PM Parent: #602
Quote: مرحبتين حبابا خُناس حباب أخوانا نايره الدار معاكم متعددات ألوانا في نص البلد منصوب هداك صيوانا تراه الشوق دفر وليكم عديل ودانا
Post: #610 Title: Re: مسادير يا أهل المسادير إلى ما شاء الله........ Author: munswor almophtah Date: 11-28-2006, 03:18 AM Parent: #609
ناس يحى بى سمح الحديث بروكن ومن دهب الكلام صافى العيار أدوكن نشأت قولو حادق مو مسيخ ومجوكن وديوسف طبق عسل الكلام وزنوكن
منصور
Post: #612 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 11-28-2006, 07:47 AM Parent: #610
يا منصور الضكر ماك زولاً كذوب ومن كاس الورع ساقينا نحاس جدودك نتر هز الأرض حاشاك يا سديد الراي ما بتأذينا تماضر سمحة خصال تردي المازني ومن شهد الحديث تشجينا سايل الله يا الكريمةعمرك ما تعرفي الحزن ومن عزك يوت تَعِزِّينا يا ضي الضهبان في ليلاً ضلامو عمى ويا مداوي جروح الزمن وببلسمو يداوينا يا ود عبدالله أبشر هز تعال في الحارة يا البي طيب كلامو يوت دوام يشفينا
Post: #611 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 11-28-2006, 03:27 AM Parent: #1
مسدار- فاروق محمد الأمين
وين الهافو ضامر وصدرو جاب تجميحه جبد البُرْصَه من وجنات طبيعي صبيحه إتخيلتو صيد صَوَّاً وطاتو قبيحه خلَّا اكبادنا بي رمَّاشو بايته جريحه **** بايته جريحه ليها ليالي شالها قلوبنا أبو كزَمَه الرَّدايفو عوالي النظراتو عندي غوالي عاشقو براهو نسَّاني البعاد وحوالي **** بُعاد وحوالي ما ببقولي زي زولا ملامحو غزالي يا مخروته لو عارفه العلَيْ واحوالي ما بجافي كان حنيتي لي طوالي *** وطوالي الحنين بشفيني من الصَّادني حتى النوم أظنو يجيني عليك قصَّة غرامنا الفات وكلُّ حنيني قول بصراحه إتَّ نسيتني أم طاريني **** أكان طاريني ليه ما بتظهر لينا ليالي ما شفنا الجمال الببهر إت ماك راتِي والرَّبْ يِقْهَر السن بيضَه والعينين بِرِيقِن يجهر ****
بريقن يجهر اليِسَرَّع سَنَّاناً مداحِي الدَّفْ ربِدْتُو وكَرَّع كيف الحَلْ وكيف اتورَّع منَّ العالِي صدرو وديسو ديمه مَفرَّع **** مفرَّع ديسُو من غير سلَّه طامح صدرو حَتْ زعلو وبكاهو محلَّا نحمد ربنا السوَّاهو وانْقول جلَّ خلاَّقو البرم جيدو وكساهو الحُلَّه **** كِسوة حُلَّه جات مخصوصه حلوه حلاوه ما بتتحالى زي بسبوسه قصبة مُنْصَحْ الوادي الدوام محروسه كيف أمسيتي يا رنْعَه ولتيبه فْصُوصه **** رنعه ولينه لسعْ يانعه مافي بلاك والروح غير هواك إتْ قانعه رضيت بي هَمْ إيدَيَّ الصانعه أخافي الباري في الكَلَسْ ابدوارجاً مانعه **** أبدوارجاً مانعه مشدود خاطِر ما بين صَاد وناجع يوت حياتو مخاطر الخلاني كسَّار لي عهود وخواطر فُرْق العينو قَلْتَه وجوز نُهودو قناطر **** نهودو قناطر الله يسِلُّو زي ما اذاني بي دلعو ولهيجو الحِلُّو لا أقنعني لا واصِلُّو دي الخلاني راكب يوت بتُوقُو مِحلُّو **** بتوقو محلو مهما يبقى تبقى حرابه يحصل موت وتحصل ربْقه بعد ما كنت هابِِقْ هَبْقَه رعبني اليله شبهو اللا حصل لا ببقى **** كيفن يبقى ليهو منافس ماخد زينة الميدان وليهِنْ عَافِس للبَذِرْ التَّلِتْ وادَّافِس لا جامايكا قال شايقِنُّو ولَّا خنَافس **** خنافس ديل وراك ملهوفه ماك شايفاها بدَّافس عشان ما تْشُّوفه جمالك فرضَه دِي معروفه لكن هِدِّي يا برَرُوبه كوني ولوفه **** كوني ولوفه لا تخنقيها فِكِّي زراره لا تتمادي لا تلعب بِكِ الغراره فوقِنْ كافَّه إنت مناره لكن جافيه يا بطرانه يوت في نَزَاره ****
مَهرَّد جوف وقلبي ملَطَّع من الخلقه نور وجهو وجبينو مَسَطَّع البت الدلالها مَبتَّع خلت قلبي درَّاب سوسه كلو مقطَّع **** مقطَّع قلبي شوف فصَّاصه ما بدَّواى ودَّع شالتو الرقَّاصه نقول دي حلاوه ولَّا جعاصه رماَّشْ عينو دايماً للقلوب قصَّاصه **** قصَّاص للقلوب من شبَّ طامح صدرو كلُّو زخيره بيها مَعَبَّ الزول القلبي رادو وسوَّ ليهو محبَّه ما خلَّالي فوق صبري وصمَامْتِي الحَبَّه **** صمامتي وصبري كِمْلو وراحو وقلبي اللِّنجَرَحْ كيف تبرَ ليْ جرَّاحو دَيفْ أُمَّاتْ حَقُو البي وْشاحو ما بدَّلتَ ريدو وما لقيتَ صرَاحُو **** صراحو بدور لبِيقْ ومدرَّب بِشِدْ كَلَسَاً بسوِّي اللُولْ وخبُو مَجرَّب العيَّانو بي نور الزخيره اتهرَّب يا ما شال عقول وحْدِين جماعه وخَرَّب ****
خرَّب للعقول واتْلَفْها ولا عِب بي جِنان وحدِين جماعه بَلَفْها الدَّعَجَه الكُتُرْسُوساقا ما ولَّفْها ما خده الكاس علي الحاضْرِين وحتى سَلَفْها **** سَلَفْها الفات زمانو وتمَّ وِقْفَن صف مِدافراتْ ليها يوم اللمَّه رافعه صديرَا طامحْ في الرَّقيص مِنْخمَّه الباقيات خدارِنْ ضَلْ وجاتو الغُمَّه **** جاتو الغُمَّه ما كان راضي ما بي إيدو مجبور كان كلام القاضي بَحَالِمْ لي شهور بي مُرادي ما شفعولي سهر الليل وحتى وْدادي **** مُرادي الدايرو ألقى الصيده ويبقى الجو مُلائم وهيَّ تبقي وْحيده النيرانو فوق أحشايَ عالي هوِيده في مُدْقاقا رمز الحب وعلمْ الريده **** علم الريده في مُدقاقا فوقو كزيمه فوقو بسيمه فوقو حَداقه قالب اللَّوَلَعْ خنَّاقا روحي اتعلَّقت ما بين شفَّها وطقاقا ****
ما بين شفَّها وطقاقا فوقو حلاوه فيهو غلاوه فيهو حداقه هاكم قُولِي صاح بي صداقه شفتو ورِدْتُو أبو كزَمَه البفوحْ عبَّاقه **** بفوح عبَّاقَه الله يحرسو نحن نريدو رغم المُو العَلينا وهَرْسُو القصَبْ المُتيَّم ترسُو نحن غِرِقنا يا ابحلمات و نرسُو
Post: #613 Title: Re: مسادير يا أهل المسادير إلى ما شاء الله........ Author: munswor almophtah Date: 11-29-2006, 04:02 AM Parent: #611
ما بابى المسيكين والفقير بي فقرو وما عواس قوالة وما رفيقي بعقرو بدخل لجة الوادي البتلب صقرو قلبي مكجن الناس السوا وبتنقرو
مو ولدا بدر فرح القريبات دقرو مو حساس محرق ولدو فوقو وعقرو عقاد القصص جحر الدبيب من مقرو راعى غنم هناى بقر اللعين من بقرو
منصور
Post: #614 Title: Re: مسادير يا أهل المسادير إلى ما شاء الله........ Author: Ahmed Yousif Abu Harira Date: 11-29-2006, 07:13 AM Parent: #613
حباب منصور .... حبابو الأعلى شأن ماضينا مفتاح القلوب الصاديه.... نور للمنتدى ونادينا حبابو الأصلو راسخ ......زي رسوخ واديينا أميرنا..... الباعو فاسح ...وفي الفزع حادينا
Post: #615 Title: Re: مسادير يا أهل المسادير إلى ما شاء الله........ Author: Ahmed Yousif Abu Harira Date: 11-29-2006, 02:36 PM Parent: #614
جبدنا الحقق ...... من الدمك سفينا يابسين باسرن ........ من اللحم جفينا في الوادي اب عدار لي ام كمفريت لفينا لا تسالينا يا ام حمد ...ان بقيت رفينا
جبال المتنى خابرهن زمانن جاهل بي اشقى ومحتى ودومو ازرق باهل مصروف المتبر وفي المجالس ماهل بندليلو بارينا ام غطاسنً ساهل
Post: #616 Title: Re: مسادير يا أهل المسادير إلى ما شاء الله........ Author: Ahmed Yousif Abu Harira Date: 11-29-2006, 02:43 PM Parent: #613
نسيف التبر في مدلق الخيران لقيتو وفج كيعانك من الزيران ابشر يا هجين البركبن ديران بي رفقة مسار الفنكحو الحيران
Post: #617 Title: Re: مسادير يا أهل المسادير إلى ما شاء الله........ Author: munswor almophtah Date: 11-29-2006, 03:19 PM Parent: #616
نسيف التبر في مدلق الخيران لقيتو وفج كيعانك من الزيران ابشر يا هجين البركبن ديران بي رفقة مسار الفنكحو الحيران
Post: #622 Title: Re: مسادير يا أهل المسادير إلى ما شاء الله........ Author: munswor almophtah Date: 11-30-2006, 03:28 AM Parent: #620
يا منصور الضكر ماك زولاً كذوب ومن كاس الورع ساقينا نحاس جدودك نتر هز الأرض حاشاك يا سديد الراي ما بتأذينا تماضر سمحة خصال تردي المازني ومن شهد الحديث تشجينا سايل الله يا الكريمةعمرك ما تعرفي الحزن ومن عزك يوت تَعِزِّينا يا ضي الضهبان في ليلاً ضلامو عمى ويا مداوي جروح الزمن وببلسمو يداوينا يا ود عبدالله أبشر هز تعال في الحارة يا البي طيب كلامو يوت دوام يشفينا
ود يوسف بالمكارم ديمه يوت بارينا وديمه مدفق الأفضال وماك ناسينا زمن الناس تفوت إنت الوحيد طارينا كل ما نقول نسبقك بالفضل بازينا
منصور
Post: #624 Title: Re: مسادير يا أهل المسادير إلى ما شاء الله........ Author: munswor almophtah Date: 11-30-2006, 02:38 PM Parent: #622
ليــه ياقـلبـي المنـزّه كـاره الفـُرِّيـــــق والدّش المعاي لاعب بصرتي حـريـــــق تعـبــان روحـي تـتـقـطف من العُشريق ياحليـل النـزيــه المونتـي فـي أبودليـق
من قام بزازى وبالو فى الشريق وقانص للتمودا الدابا بان دفيق زى دهب الهنود اللجمال موريق وحافظ سرو ساكت زى تقول توريق
منصور
Post: #625 Title: Re: مسادير يا أهل المسادير إلى ما شاء الله........ Author: رأفت ميلاد Date: 11-30-2006, 03:52 PM Parent: #624
منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا
Post: #626 Title: Re: مسادير يا أهل المسادير إلى ما شاء الله........ Author: munswor almophtah Date: 12-01-2006, 03:30 AM Parent: #625
منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا
وين ظبية فريقك والخمايل حالمه وين ناس سيده ليها الناس بقت مى سالمه ديك ناس بدور الفى القليعه مسالمه جهرت نور عيون الناس وميها الظالمه
منصور
Post: #627 Title: Re: مسادير يا أهل المسادير إلى ما شاء الله........ Author: Ahmed Yousif Abu Harira Date: 12-01-2006, 10:50 AM Parent: #626
التمتم مع حس الطنابرة الشاخره ما بنسيني انسي مع ام سماحتن فاخره حبيبتي.. صبابتي وقعت فيها مي متزاخره من هجري ومخاتات ظرفي درت الآخره
Post: #628 Title: Re: مسادير يا أهل المسادير إلى ما شاء الله........ Author: munswor almophtah Date: 12-01-2006, 02:49 PM Parent: #627
التمتم مع حس الطنابرة الشاخره ما بنسيني انسي مع ام سماحتن فاخره حبيبتي.. صبابتي وقعت فيها مي متزاخره من هجري ومخاتات ظرفي درت الآخره
Post: #629 Title: Re: مسادير يا أهل المسادير إلى ما شاء الله........ Author: رأفت ميلاد Date: 12-01-2006, 07:24 PM Parent: #628
Quote: وين ظبية فريقك والخمايل حالمه وين ناس سيده ليها الناس بقت مى سالمه ديك ناس بدور الفى القليعه مسالمه جهرت نور عيون الناس وميها الظالمه
تراك مو قاصد فطيت ستى عديل الزوزو عمة أبوى جمالا دليل فاتت لهاليبو بت ملوك النيل حليلا مسالمة يوسف ود الخليل
Post: #630 Title: Re: مسادير يا أهل المسادير إلى ما شاء الله........ Author: munswor almophtah Date: 12-02-2006, 03:13 PM Parent: #629
تراك مو قاصد فطيت ستى عديل الزوزو عمة أبوى جمالا دليل فاتت لهاليبو بت ملوك النيل حليلا مسالمة يوسف ود الخليل
الزوزو زوزو بالعقول يا نبيل وكم كمين مكتف فى هواها عليل جيدا من غزال والعود دقيق ونحيل وإن شرفت موقله مين بدور الويل
منصور
Post: #631 Title: Re: مسادير يا أهل المسادير إلى ما شاء الله........ Author: الطيب شيقوق Date: 12-03-2006, 01:48 AM Parent: #630
Quote: منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا
والله حاجة مكيفاني في البوست ده الا مجاراة العزيز رافت حنا ليكم في النم الحلو ده.
واصل اخي منصور معاكم .
Post: #632 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-03-2006, 04:14 AM Parent: #625
................................. منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا ............................... أصلو البدر ورا الشمس بتضارا ويهل علينابى نورا معاهو نضارة نمك طعم الثمر الفقع النوارة الحسان غيرو حالفة مابتجر مسدارا
Post: #633 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 12-03-2006, 05:37 AM Parent: #632
Quote: منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا ...............................
بت الحسن طلحه جبتى الكلام الزين إنشكح الفؤاد وإنشرط الخشم شبرين البدر مو وضاح والشمس جاهره العين تر منصور أخوى جاكم هجام فريق أم زين
Post: #638 Title: Re: مسادير يا أهل المسادير إلى ما شاء الله........ Author: رأفت ميلاد Date: 12-04-2006, 06:44 PM Parent: #637
Quote: وأصلو الضي بباري الضي محِل مايمشي إن جيتى الصباح.. يحلف عليك تتعشي وإن جيت بالغبينة يحلف عليّ ..إتفشى إن رافقتى زيو لاتنذلى يوم لاتطشي
بت حمزة ضيك بان و فوق الضى كمان بضوى شايلة الوطن أطنان و برق بركان يدوى وجع الغبينة لى ربان السفينه شن بسوى إديك المنال وشرف النضال ويهديكى التروى
Post: #639 Title: Re: مسادير يا أهل المسادير إلى ما شاء الله........ Author: الخير محمد عوض Date: 12-04-2006, 09:55 PM Parent: #638
مسدارنا يا الاحباب عالي وطرازو فريد والليلة الفرح بشـــر قبايل العـيد غاب من ديارنا زمان ضوا وسمو (عقيد) واليلة عاد تريان مسدارو ماهو بعيـد
فتوقعوه
Post: #640 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-05-2006, 00:43 AM Parent: #639
نرحب بعودة الأخ / عقيــد ترحيب خاص من أهل البطانة كنا نتابع مشاركاتك بإهتمام واصل ياعقيدالخيل وتميم الدار وبوجودك يكتمل المسدار .....
برّاقك فجيجو متـوالي لاالصباح مانام عربـك عَـيَّنـو الشيـلة ( وعـقـيـدن ) قام ساقـو جنيبـة الملك المسـيلا حــزام وعاشقك إن انتكل فوق جـلـدو مابنـلام
سمية الحسن طلحة
Post: #641 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 12-05-2006, 09:43 AM Parent: #640
هاك يا منصور أخوى طيب أخبار جابتاالدرة بت طلحة رافقتها زينة البنات الخنسا ست الخصال السمحة العين تبراهن أكان عين حسود واللآ من عاشق لو لمحة عفيفات السروراب التبري لونن وفيهم الفاقع التقول القمحة
Post: #642 Title: Re: مسادير يا أهل المسادير إلى ما شاء الله........ Author: munswor almophtah Date: 12-06-2006, 05:09 PM Parent: #641
مسدارنا يا الاحباب عالي وطرازو فريد والليلة الفرح بشـــر قبايل العـيد غاب من ديارنا زمان ضوا وسمو (عقيد) واليلة عاد تريان مسدارو ماهو بعيـد
معروف ود عقيد زى الكنار غريد وفى بحر النميم معروف بجيك وريد فارس ود فوارس حاشا مو شريد وطابق للقلم والسيف وتال الليد
منصور
Post: #643 Title: Re: مسادير يا أهل المسادير إلى ما شاء الله........ Author: munswor almophtah Date: 12-07-2006, 03:58 AM Parent: #642
العزيز جداً اخى / منصور المفتاح تحياتى واشواقى تجدنى من المتابعيييييين لمساديركم وعبرة التحية لكل الاخوة وللاخ ود عقيد لم التقيكم ولكنى التقيتكم (الاسم :- ابراهيم على احمد رانفى ( رانفى
حاولت ان انضم اليكم فى هذا المنبر ولكنى لم اوفق كان فى طريقة شوفنا طريقة كى نتشرف بصحبتكم وانى لفخور بذلك وهذه مساهمة
مدخل الحاردلو الكبير الزول السمح يوم الخميس واعدنـــا فى ديم كسلا ان سافرنا منو ابعدنــا يا عبد اللمين ما شفتو كيف واددنا تراى هادا المنسينا العقاب وبلدنا
محمد الحاردلو رفيق الصبا موظف ببنك السودان يا الرهو المسافر فى سمانـــا مشرق ازجى تحية للدوحة الخميلـــة مورق على سخط الزمان اللى قلوبنا محرق نخشى يكون قدر دايماًحياتنــا تفرق
رانفى شخصى الضعيف عليك مبروك دخولك فى عوالم الفرحــة على جور الليالى والكبد منجرحـــة عليك البهجة طلعت والنفس منشرحـة على بقيت شبر ضاقت الوطا المنطرحـة رانفى
مجادعة :- ( عوض الكريم (عشرة سنين ظبى التاكا عينيهو الدغس شاقنى انا فارقتو مجبور الظروف ساقنى الفى بعدو بالحيل الفؤاد جننى صادق حبو ما خيب شعورى وظـنى رانفى الجابرنى دايمــــاً فى عيونو اغنى رفيع زوقاً مادب بالغرام ساكنى انا يا المنك الاقدار غصب ساقنى لا برضينى غيرك لا ســـواك مستنى رانفى ابو الحاردلو قربك فى البلد دايرنو دمع الشوق عليكم يا نديم زارفنــو ستات الجمال العرضهن حفظنـــــــو ما بنصادو ما ظنيت علينا يحنــــو عوض الكريم البلد البحبو وقلبى عاشق منـــــو انا فارقتو يا ابراهيم وفاقد حنو نيران فقدو تلهب فى البدن شاوينــو كيف الرجعة يا خلى الخلاص كيفنـــو رانفى ابو الحاردلو زمناً ولى كيف بنعيــدو كيف شوفت المنزه والدهب فى جيــــدو جمــالاً فيهو بصعـب للمحب تمجيــــدو ناجع صيدو يا ابو الحار غلبنى اصيدو
عوض الكريم لو كان الزمن عهد الساعده بعيـدو كان افرحنا بزولاً صحيح بنريــــدو القمحان منو دايماً وكفى ما بتصيدو جمالو تمانية فى عشرين حروفو يزيـدو
مع خالص شكرى اخى منصور احجزوا لينا معاكم عنقريب هبابى
وين العهدو فى الصون وين سليم الزوق ؟ وين الليهو راجع كم دفرنى الشوق ؟ يا ابو الخير عليك الخوه احلى وروق جبنتك طايرة ، بنك فى الارض مدفوق ****** شن بتقولوا فى الغربة البقت خازوق حصاد سنواتنا يا الاخوان بقانا فروق كل احلامنا ضاعت والعمر محروق والمجهود غير مقدر ذى قمامة السوق
يا ابو الخير عميرك فى الحجاز قضيتو صابر بالسنين درب الريال سكيتو لا بقيت منو قنعان لا كمان لميتو العقاد معاك شقيان ومحروق زيتو ******* فراق الوطن الليلة بان يا دابو كتار الـ(ذى )قاعدين فى الخليج شن جابو قعاداً فى الكويت بالله شن اسبابو لا احباب ولا زولاً بنتسلابو
يا العقاد اخوى الرجعة احسن ليك ضيعت العمر ساك الريال والشيك يا وطنى العزيز بالحق انا جاييك وابو الخير مكوع فى الحجاز ناسيك
ابو الخير ليك معزتى يا عزيز القوم حاشاك من مذلة ومن قبيح اللـوم اسال ربى هادى الحال على ما يدوم ارجع هسى للسودان كفاية هموم
الاخوة ابو الخير والاخ العقيد عرفتهم عبر الفضاء الواسع ولم التقيهم وهما مقمان بالمملكة العربية السعودية شكرى
رانفى
Post: #644 Title: Re: مسادير يا أهل المسادير إلى ما شاء الله........ Author: munswor almophtah Date: 12-07-2006, 05:36 PM Parent: #643
يا العقاد اخوى الرجعة احسن ليك ضيعت العمر ساك الريال والشيك يا وطنى العزيز بالحق انا جاييك وابو الخير مكوع فى الحجاز ناسيك
هاك يا ود عقيد سمح الكلام ببكيك ودايرك تب تصد تزرع جروف واديك شن تمن الريال والناس محدره فيك وصد لى دار ابوك لبن الطيور بديك
منصور
Post: #645 Title: Re: مسادير يا أهل المسادير إلى ما شاء الله........ Author: munswor almophtah Date: 12-07-2006, 06:03 PM Parent: #644
لو كان الزمن عهد الساعده بعيـدو كان افرحنا بزولاً صحيح بنريــــدو القمحان منو دايماً وكفى ما بتصيدو جمالو تمانية فى عشرين حروفو يزيـدو
حاسب للزمن دفان وبغدر سيدو ما تغفل تضوق المره منو نكيدو الزول كان أباك أو بالصعر لاف جيدو خت إن بطلت قربة حوار ما تعيدو
منصور
Post: #646 Title: Re: مسادير يا أهل المسادير إلى ما شاء الله........ Author: munswor almophtah Date: 12-07-2006, 06:19 PM Parent: #645
شن بتقولوا فى الغربة البقت خازوق حصاد سنواتنا يا الاخوان بقانا فروق كل احلامنا ضاعت والعمر محروق والمجهود غير مقدر ذى قمامة السوق
زى مسمار جحا الغزوهو فى الطايوق وزى الزول وكت فى السكره صار لايوق الزول كان سرق مرات بكون مزنوق وزول الغربه داك دارع الحبل مشنوق
نسألك اللهم السلام
منصور
Post: #647 Title: Re: مسادير يا أهل المسادير إلى ما شاء الله........ Author: munswor almophtah Date: 12-07-2006, 06:43 PM Parent: #646
البلد البحبو وقلبى عاشق منـــــو انا فارقتو يا ابراهيم وفاقد حنو نيران فقدو تلهب فى البدن شاوينــو كيف الرجعة يا خلى الخلاص كيفنـــو
شن الرجعه والقاعدين هناك مالكنو فى بلد السجم تالفين عضاى تاشنو خاش جنى القبيل نعلوهو جننو جنو ديل لا بحسو بينا ولا علينا بحنو
منصور
Post: #648 Title: Re: مسادير يا أهل المسادير إلى ما شاء الله........ Author: Ahmed Yousif Abu Harira Date: 12-08-2006, 02:47 PM Parent: #647
تخريمه وطلب: أخي العزيز منصور
بالصفحة (6) من المسادير يوجد تسجيل لمبدعنا الصديق ود عباس.. هذا الشريط من النوادر في أدب البطانة.. تم وضع جزء منه على هذه الصفحة وليس غيرها..وحيث أنك صاحب البوست ..لي رجاء وأمل..أن تبعث لي بنسخة كاملة من هذا الشريط ..
وحتى لا نشغل حيز من بوستك الرائع بهذا الشأن الشخصي أرجو مراسلتي على: [email protected]
Post: #649 Title: Re: مسادير يا أهل المسادير إلى ما شاء الله........ Author: munswor almophtah Date: 12-08-2006, 06:36 PM Parent: #648
اخى منصور منصور العزيز من شخصى احلى تحية ولى دارك وحاتك ناوى تب الجيــة فى طريقة ولا اقوم اسيلى قضية حارسكم صباحاً والنهار لا عشيـــة
***********************
شن الرجعه والقاعدين هناك مالكنو فى بلد السجم تالفين عضاى تاشنو خاش جنى القبيل نعلوهو جننو جنو ديل لا بحسو بينا ولا علينا بحنو ( منصور )
يا منصور اخوى ديل البلد سافنو وذي ريش الحمام يا خوى نتف ناتفنو حبل الموت معلق للجميع ناصبنو دون اسباب بريئاً فى الظلام شانقنو
***************************** هل يا بطانة ذى ما كنتى مطرك صاب ؟ وهل قلع الدموك اترادا فوقو سحاب ؟ يا حليل دعاشك والنسيم الهاب كل الدنيا غير سوحك بتبقى عذاب
معكم نتواصل
Post: #650 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 12-09-2006, 01:07 AM Parent: #642
منصور أخوي المرض إتكالب علي وفيّ غرس أنيابو المتلي مالو غير الصبر والموت كان جاالفاً حبابو كم من فوارساً سدادين مخروقة من الدنبة كم غابو سائلم خالص الدعا ياسليل أبشرا ورجالن ما بنعابو
Post: #651 Title: Re: مسادير يا أهل المسادير إلى ما شاء الله........ Author: munswor almophtah Date: 12-09-2006, 03:50 AM Parent: #650
مالك يا عريس أنسى الوجع سد بابو وافتح باب فرح سمح التمنى حبابو مافيش زول بموت من المرض واسبابو إلا اليوم يجى الرحمن بخبرو كتابو
منصور
Post: #652 Title: Re: مسادير يا أهل المسادير إلى ما شاء الله........ Author: munswor almophtah Date: 12-09-2006, 03:55 PM Parent: #651
يا منصور اخوى شفت الحريق الولع سودانا الكبير الليلة كلو اتشلع جمرة الفتنة فى الخرطوم كمائن ولع وبيت الاسرة فى الانقاذ اساسو اتشلع
********** الزواج سنة والسننن مطلوبة لكن الشباب من الوضع مرهوبة لا مهنة لا مال لا كمان راكوبة ما شفت الحبيب كيف طلق المحبوبة لكم الود
Post: #653 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 12-13-2006, 09:05 AM Parent: #652
منصور أخوي وينك والسهام فوق قلب أخـوك إدّلـتْ والسعادة الكنا فاقدنها العمر كلو الليله طلت صوفية بت قبيلة والغرة فوق جبنا من كُتر ماصلّّت السمحة نايرا جبينها يبرق شل بصر العيون واتعّلت ما بعيد ليهو البصر إلا لو السمحة عنت ونمت
Post: #654 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 12-13-2006, 10:49 AM Parent: #1
Quote: منصور أخوي المرض إتكالب علي وفيّ غرس أنيابو المتلي مالو غير الصبر والموت كان جاالفاً حبابو كم من فوارساً سدادين مخروقة من الدنبة كم غابو سائلم خالص الدعا ياسليل أبشرا ورجالن ما بنعابو
بيزاورك دُعاي يقريك سلام محرابو وبيزيل المرض الغارزة فيك أنيابو وإبشِّر كلامك ...إضوِّي فوقنا شبابو ترجع زي زمان...وكل همومك غابو
Post: #655 Title: Re: مسادير يا أهل المسادير إلى ما شاء الله........ Author: عبدالبارى العجيل Date: 12-13-2006, 11:39 AM Parent: #1
شخصى الضعيف وكتين غرق فى النمة من غير ما يحس قال يا ولد إتلمّ فى الناس الجمال كاسيها جِبّة وعِمّة تدخل زُمرَتُم بس كان تروق تنجمّ
العجيل
Post: #656 Title: Re: مسادير يا أهل المسادير إلى ما شاء الله........ Author: Nasr Date: 12-13-2006, 12:07 PM Parent: #1
سواق القندران البلبود بيخاتل دفر من أوستن ونزوله فوق لسياتل في بحر الملح نقر الغزال القادل توَر علي حسيسي وسواني في قدد شداد وعناتل
Post: #657 Title: Re: مسادير يا أهل المسادير إلى ما شاء الله........ Author: munswor almophtah Date: 12-13-2006, 02:55 PM Parent: #656
منصور أخوي وينك والسهام فوق قلب أخـوك إدّلـتْ والسعادة الكنا فاقدنها العمر كلو الليله طلت صوفية بت قبيلة والغرة فوق جبنا من كُتر ماصلّّت السمحة نايرا جبينها يبرق شل بصر العيون واتعّلت ما بعيد ليهو البصر إلا لو السمحة عنت ونمت
سمح القول وقت عالى المقام إتجلت وسمح الزول وكت طيفو الصبوح إتفلت سهمك يا العزيز خاتى الملام ومغتغت وسهم الزول بجيك يا خلى ما تتبرقت
منصور
Post: #658 Title: Re: مسادير يا أهل المسادير إلى ما شاء الله........ Author: munswor almophtah Date: 12-13-2006, 03:08 PM Parent: #657
شخصى الضعيف وكتين غرق فى النمة من غير ما يحس قال يا ولد إتلمّ فى الناس الجمال كاسيها جِبّة وعِمّة تدخل زُمرَتُم بس كان تروق تنجمّ
العجيل
يا ود العجيل مخبوره فيك الهمه والناقصه المقصره بى عضاك تنتمه الناس فى المجالس دايره طاعم النمه ما بسليها غيرك ماك فسيلا رمه
منصور
Post: #659 Title: Re: مسادير يا أهل المسادير إلى ما شاء الله........ Author: munswor almophtah Date: 12-13-2006, 04:24 PM Parent: #658
سواق القندران البلبود بيخاتل دفر من أوستن ونزوله فوق لسياتل في بحر الملح نقر الغزال القادل توَر علي حسيسي وسوني في قدد شداد وعناتل
سايق القدران مطر الخريف الهاطل شاق كبد البلود ماك التعيس العاطل حق القريب بلقاهو ما بتماطل ماك زول مريسه ولا البهيمه الساطل
منصور
Post: #660 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-14-2006, 02:30 AM Parent: #1
Quote: وفوق حدب أم قفل صحانا صوت باجورك
الأخ الكريم/ منصور حدب أم قفل ده ذكرنى بنمة جميلة حفظتها من أفواه أمهاتنا عندما (يلولن )البنت الصغيرة ساعة النوم ويقولن بصوت رخيم:ـ
أخوانك تـلاتة وفوق تـلات قعـدان فوق حدب ام قمارى دلكو الحيضان الطـين فـوق سـدورن عصـفراّ نديان ولاأدرى إن كانت من النوع التلاتى أم ان هناك ما يكمل المربوع. خالص التحايا لكم وللأسرة الكريمة.
Post: #661 Title: Re: مسادير يا أهل المسادير إلى ما شاء الله........ Author: munswor almophtah Date: 12-14-2006, 03:19 AM Parent: #660
يا منصور اخوى شفت الحريق الولع سودانا الكبير الليلة كلو اتشلع جمرة الفتنة فى الخرطوم كمائن ولع وبيت الاسرة فى الانقاذ اساسو اتشلع
البيت الكبير بابو الحراز إتخلع وفى السهراجه سيدو من المصيبه يتخلع كل ما نقول دا موسى علينا يوت بدلع وحارقو هداك حشانا وساف هنانا وبلع
منصور
Post: #662 Title: Re: مسادير يا أهل المسادير إلى ما شاء الله........ Author: munswor almophtah Date: 12-14-2006, 03:57 AM Parent: #661
أخوانك تـلاتة وفوق تـلات قعـدان فوق حدب ام قمارى دلكو الحيضان الطـين فـوق سـدورن عصـفراّ نديان ولاأدرى إن كانت من النوع التلاتى أم ان هناك ما يكمل المربوع. خالص التحايا لكم وللأسرة الكريمة.
Quote: (بحر أبيض طمح من الخبوب عكران ومن العقبه فوقو إتكابن الوديان خلى أمات رهوم لى قوز رجب تيجان وفوق حدب أم شديده إتناقزن عبران)
شاعر من الحواويت وام غريز بالسبلوقه
مرحبتين حباب الملكه بنت سلطان ومرحبتين حبابك عاليه ست الشان راجيين الكريم يغنيك فى البيشان وإحفظ للعيال ويديهم النيشان
منصور
Post: #663 Title: Re: مسادير يا أهل المسادير إلى ما شاء الله........ Author: munswor almophtah Date: 12-17-2006, 09:01 AM Parent: #662
الزواج سنة والسننن مطلوبة لكن الشباب من الوضع مرهوبة لا مهنة لا مال لا كمان راكوبة ما شفت الحبيب كيف طلق المحبوبة
لكم الود
الدنيا القبيل صبحت على مقلوبه ما بقدر عليها أكان قلبتا الهوبه كل السوق بضاعتو تقول على منهوبه حتى الكسره فى الأسواق بقت مضروبه
منصور
Post: #664 Title: Re: مسادير يا أهل المسادير إلى ما شاء الله........ Author: munswor almophtah Date: 12-19-2006, 10:20 AM Parent: #663
ما بتتجارى ...باعك في الغنى مخلينا نفرق في النميم.. فرقا.. يسندو علينا يا سيد البيهدر ....والسراتها سمينه زي الطرفة عوسك ......مو شرشير عينه
أحمد يوسف أبوحريره
مين متل أبحريره الساريه نزلت فينا مين بى بت لبون عند الهجوع كافينا يا أحمد وساعك باهلو ماك دارينا ما بنقدر نجس وادى أبلعوت فى العينا
منصور
Post: #665 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 12-19-2006, 03:02 PM Parent: #664
أخوي ود مفتاح يا المن صافي الرحيق راوينا وبي معسول الحديث من أمراض النفوس داوينا يا الخزين الكريم، يا الماك بخيل بالله أدينا مساديرك ونمك المن علل الزمان تشفينا ومن عين الحسود أدعيلنا إنشاءالله ما تبارينا
Post: #666 Title: Re: مسادير يا أهل المسادير إلى ما شاء الله........ Author: munswor almophtah Date: 12-19-2006, 03:43 PM Parent: #665
أخوي ود مفتاح يا المن صافي الرحيق راوينا وبي معسول الحديث من أمراض النفوس داوينا يا الخزين الكريم، يا الماك بخيل بالله أدينا مساديرك ونمك المن علل الزمان تشفينا ومن عين الحسود أدعيلنا إنشاءالله ما تبارينا
الحاسد عينو راجعه وتانى راجعه لعينه وسيدا الفى تبارك راجعليهو سنينه الناس بالزكر محروسه مره أمينه ما بقدر عليها حسود وصاحب شينه
منصور
Post: #667 Title: Re: مسادير يا أهل المسادير إلى ما شاء الله........ Author: munswor almophtah Date: 12-20-2006, 09:02 AM Parent: #666
Post: #676 Title: Re: مسادير يا أهل المسادير إلى ما شاء الله........ Author: munswor almophtah Date: 12-26-2006, 11:36 PM Parent: #675
سألت عن النضرة البتزهو تقول جمالا فراش فأجابني العزول بالبي العروض فراش دي بت كهلاً فقير فراش بتردي المازني وبتفرش عليه فراش
سمحه الخضره فوق سجاج جناين القاش وسمحه العابكه دخانا وعقبلو دعاش شبه الصيد موقله والوجيه هشاش وكضاب من يقول سهم الرماح داك طاش
منصور
Post: #677 Title: Re: مسادير يا أهل المسادير إلى ما شاء الله........ Author: khalid almohrib Date: 12-27-2006, 11:33 AM Parent: #676
الليل والنهار اقدامى دج مافاتره نوناى ونميمى مع الهبوب الخاتره تذكار لعبة الجاهله ام حمزتا داتره ورت عينى سهره ودمعتا متباتره الاخ منصور هذا قليل من كثير سوف تتاتى المسادير تباعا انشاء الله
Post: #678 Title: Re: مسادير يا أهل المسادير إلى ما شاء الله........ Author: Ahmed Yousif Abu Harira Date: 12-27-2006, 12:16 PM Parent: #677
Quote: الجابرنى دايمــــاً فى عيونو اغنى رفيع زوقاً مادب بالغرام ساكنى انا يا المنك الاقدار غصب ساقنى لا برضينى غيرك لا ســـواك مستنى
Post: #717 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 04-09-2007, 09:38 AM Parent: #716
يامنصور اخوي من كتر الحزن خلاص الخد جفتو الدمعة يوم ضلمة الكباس يا الأجواد كان فيهو نورك شمعة جات السمية بت طلحة زي دعاش المطر وبرقو الشلع لمعه والماجدة بت عيال شايق زي أم در ثابتة زي شموخ القلعة اللسان عجز تب من شكرك يا ضو الجبين البادي من الطلعة
Post: #718 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 04-09-2007, 02:07 PM Parent: #717
Quote: يامنصور اخوي من كتر الحزن خلاص الخد جفتو الدمعة يوم ضلمة الكباس يا الأجواد كان فيهو نورك شمعة جات السمية بت طلحة زي دعاش المطر وبرقو الشلع لمعه والماجدة بت عيال شايق زي أم در ثابتة زي شموخ القلعة اللسان عجز تب من شكرك يا ضو الجبين البادي من الطلعة
ياوديوسف القتديل الأخفى ضو الشمعة الحزن للنفوسهم صافية منهج وشرعة لغسل الهموم تلزمنا كمين دمعة وصفة من مجرب دون قياس للجرعة
Post: #719 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 04-10-2007, 11:28 AM Parent: #718
دعـواتك للحزين يا بـت الصالحين أولا شيخنا ود طلحة أهـل تقابة القـرآن والتبروكة يا نـبع الخصال السـمحة سنة ستة يوم الحارة كان قدحكم بره حاشا ما إندست القمحة ستارين عورات أهل فزعات وقت الفرغة تجوا في فرد لمحة
Post: #720 Title: Re: مسادير يا أهل المسادير إلى ما شاء الله........ Author: munswor almophtah Date: 04-10-2007, 05:01 PM Parent: #719
يا شيخ بكرى كيفك والخلوق قانصابك ويا أبجملا مشهل للبطق لى أبوابك يا وارث الصلاح الأصلوهو عقابك ويا جبل الثبات الفوز بشيلو الجابك
منصور
Post: #721 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-10-2007, 08:06 PM Parent: #720
سلام أهل المجادعة البختّوا الطبقّه فوق الطبقّه منظومكم درر يهرد في القليب الأذتّه الفرقّه و يتور علينا وجع ضرسّن قديم والعقدة مي منجردّه ودا الخلانّا نجي نتاوق ونصد في سرعة
Post: #722 Title: Re: مسادير يا أهل المسادير إلى ما شاء الله........ Author: Mahmoud Mustafa Mahmoud Date: 04-10-2007, 09:25 PM Parent: #1
من جدة ام جداد قنصلنا قبَّل قايم خلا القنصلية الكان بديرا وصايم قدامك يسابقك "فاتحة" ولا "عزايم" فاتح بابو يوت والسبحة حي يا دايم
عوداً حميداً...
Post: #723 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-10-2007, 10:03 PM Parent: #722
Quote: من جدة ام جداد قنصلنا قبَّل قايم خلا القنصلية الكان بديرا وصايم قدامك يسابقك "فاتحة" ولا "عزايم" فاتح بابو يوت والسبحة حي يا دايم
بارك ربي فيو وكتين للحقوق وافي ندعوا لي السلامة بين الأهل متعافي قطع شك في دريب ابواتو وليهم قافي دعاين الكريم يخلف عليكم بالنزيه الصافي
Post: #724 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 04-11-2007, 08:37 AM Parent: #723
منصور ياجمل شيل الحمول يوم تجينا الوقعه سمعنا من جميل النظم مسدارك الجناس والسجعة عرضة جموعية طافت الجبل وهزت جنوب البقعة ماكا الخزين الشايل هموم أهلك لا ريا ولا سمعة
Post: #725 Title: Re: مسادير يا أهل المسادير إلى ما شاء الله........ Author: munswor almophtah Date: 04-11-2007, 09:22 PM Parent: #724
سلام أهل المجادعة البختّوا الطبقّه فوق الطبقّه منظومكم درر يهرد في القليب الأذتّه الفرقّه و يتور علينا وجع ضرسّن قديم والعقدة مي منجردّه ودا الخلانّا نجي نتاوق ونصد في سرعة
ود المنسى مرحب وإنت ياك سيد دارك ومرحب يا الكريم اللضعيف بتدارك سمح الحديث الفى الجوار بشارك ويا طيب العريكه العمرو ما بتعارك
منصور
Post: #726 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-11-2007, 10:14 PM Parent: #725
ود المنسى مرحب وإنت ياك سيد دارك ومرحب يا الكريم اللضعيف بتدارك سمح الحديث الفى الجوار بشارك ويا طيب العريكه العمرو ما بتعارك
الترحاب ياهو شيمتّك ياالباهي والمنصور والكرم والجود هيلك من زمان موفور هاشي باشي ديمة ووشك مو مصرور يا الطيب الأصيل عزك قديم موصول
Post: #727 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-11-2007, 10:20 PM Parent: #726
ما قلته الشعر من نشيت تبيت بعجبني السمح والشكره لي أم سوميت بدور انظمو بس شيطانو قال لي أبيت دحين دلوني يا الحبان خلاس غبيت
Post: #728 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 04-11-2007, 10:52 PM Parent: #727
Quote: ما قلته الشعر من نشيت تبيت بعجبني السمح والشكره لي أم سوميت بدور انظمو بس شيطانو قال لي أبيت دحين دلوني يا الحبان خلاس غبيت
ود المنسى ياسمح النبأ والظيت ستار العروض المأمون على الفى البيت لزام التقيلة المن الحارة ماوحيت طايعة لك الفصاحة وفى منابرا أتعليت
سمية الحسن طلحة
Post: #729 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 04-12-2007, 08:39 AM Parent: #728
ود المنسي جات سـمية فيك تجـر الـنم ود مفتاح عـقر ناقتو وحــرم تنط الدم وأنا المسكين ما عندي غير مراحب اتقدم يا رعد الصعيد اللي دويه الأضنان تنصم والله نظم المسادير أخير من نموت بالهم
Post: #730 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-12-2007, 08:00 PM Parent: #1
Quote: ود مفتاح عـقر ناقتو وحــرم تنط الدم
تحية:ـ هيا المفتاح سلامى ..ليك وللقبيل سبقونى. أسباب الزيارة:ـ هم النضم جابنى للدار الهيجت علي شجونى. سؤال:ـ حالك كيفنهو.. وعن حالى مشغول ردوم لعيونى. فى اللوم:ـ مجتمعين بى هنا ..ولحوم الناقة ماتعزمونى. إعتذار مقدم:ـ كان طفرت جيتكم علا بالمطر الصناعى* حمونى.
............................................................................ تشهد مدينة الخبر حتى اللحظة مساء( الخميس 12 ابريل 2007 )أمطار* ربما كانت لها علاقة بما اشار له الأخ معاذ حسن إنها أمطار صناعية.
Post: #731 Title: Re: مسادير يا أهل المسادير إلى ما شاء الله........ Author: munswor almophtah Date: 04-12-2007, 09:07 PM Parent: #730
هيا المفتاح سلامى ..ليك وللقبيل سبقونى. أسباب الزيارة:ـ هم النضم جابنى للدار الهيجت علي شجونى. سؤال:ـ حالك كيفنهو.. وعن حالى مشغول ردوم لعيونى. فى اللوم:ـ مجتمعين بى هنا ..ولحوم الناقة ماتعزمونى. إعتذار مقدم:ـ كان طفرت جيتكم علا بالمطر الصناعى* حمونى.
مرحبتين سلام نسل الكرام الجونى
بى سمح الحديث طربونى مره شجونى
الحال ياهو داك حال البلاد الفونى
لو بى بت لبون أفدوها ما تشورونى
Post: #732 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-12-2007, 09:28 PM Parent: #730
Quote: ود المنسى ياسمح النبأ والظيت ستار العروض المأمون على الفى البيت لزام التقيلة المن الحارة ماوحيت طايعة لك الفصاحة وفى منابرا أتعليت
Post: #733 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-12-2007, 09:44 PM Parent: #732
Quote: ود المنسي جات سـمية فيك تجـر الـنم ود مفتاح عـقر ناقتو وحــرم تنط الدم وأنا المسكين ما عندي غير مراحب اتقدم يا رعد الصعيد اللي دويه الأضنان تنصم والله نظم المسادير أخير من نموت بالهم
النم فالك يا أبوبكر ود اب شرا المعلوم وكرم ودمفتاح مبيّن قسم مابعرف اللوم تراحبك يسر ياود الرجال في الحارة مابتنوم يا السيل الدلق في الوديان وغلّب البتعوم
Post: #734 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-12-2007, 09:51 PM Parent: #733
Quote: مرحبتين سلام نسل الكرام الجونى
بى سمح الحديث طربونى مره شجونى
الحال ياهو داك حال البلاد الفونى
لو بى بت لبون أفدوها ما تشورونى
سلام منصور ود مفتاح الغربة حال الفقري مابنفديها لكن دونك تسيل دمانا جداول خررررررر
إت بشروك بالمدخور ومكيالك دهب يا السمتان يا البسمك ديمة باشر في الحارة والأحزان ما بتجيب اللوم وديمة لزوم وأخو أخوان ما كُت بعرفك زمان لكن سمع من حديث حبان
Post: #735 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-13-2007, 02:11 PM Parent: #1
Quote: مرحبتين سلام نسل الكرام الجونى
Quote: لو بى بت لبون أفدوها ما تشورونى
خيرك واصل ..وفي أصلك الكرم هو الحاصل مورث فيك عن جد ..معرف بي قدح متواصل ليك الحديث فاكهتو دانت بدون ماتفاصل مضرب للمثل ..ومحط للمكارم عضد ومفاصل
Post: #736 Title: Re: مسادير يا أهل المسادير إلى ما شاء الله........ Author: munswor almophtah Date: 04-13-2007, 04:42 PM Parent: #735
يا ود يوسف المشهاد دوام ساويهو ما بدور شكر ضيف الهجوع راجيهو الزول إن دقس للميس وفات واسيهو يا جبل الصبر مخبور وفيك حاريهو
منصور
Post: #737 Title: Re: مسادير يا أهل المسادير إلى ما شاء الله........ Author: munswor almophtah Date: 04-13-2007, 04:55 PM Parent: #736
يا بنت طلحه دايما للكتير جيابا دايما ست شكر مستوره ماك هيابا قولك للكرام حاسناهو ماك ريابا يا بنت الأصول حاشاك ماك عيابا
منصور
Post: #738 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-13-2007, 05:42 PM Parent: #1
Quote: ما بدور شكر ضيف الهجوع راجيهو
سمح الطباع لاشك حالك البعنيهو
تحياتى لمن هو في منزلة (الخال )منصور المفتاح.
مسلسل من كرم والأصل للباديهو تنيت الزيارة يالغالي للغاشيهو خلانى ياحباى إعلانى اسمعو ليهو خالى ود مفتاح بكل عزيز بفديهو
Post: #739 Title: Re: مسادير يا أهل المسادير إلى ما شاء الله........ Author: munswor almophtah Date: 04-13-2007, 06:59 PM Parent: #738
مسلسل من كرم والأصل للباديهو تنيت الزيارة يالغالي للغاشيهو خلانى ياحباى إعلانى اسمعو ليهو خالى ود مفتاح بكل عزيز بفديهو
تفديك النفوس باذله النفيس دفاقا
يا هنداس حروف القول وضوء بقاقا
مخبور فى المجالس وإنت ياك رواقا
عند سمح الخصال فى توب لطاف بتلاقا
منصور
Post: #740 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 04-14-2007, 03:50 PM Parent: #739
Quote: يا هنداس حروف القول وضوء بقاقا
فارس الحوبــة ..ساعة السيوف تتلاقا وحظك في القنيص ..متفائلينبو رفاقة متلك فى الكرم ..لوفي الحلم ماتلاقا وطبعك فى الملوك ..لاشك لقيتلو علاقة
Post: #741 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 04-15-2007, 07:19 AM Parent: #740
Quote: يا بنت طلحه دايما للكتير جيابا دايما ست شكر مستوره ماك هيابا قولك للكرام حاسناهو ماك ريابا يا بنت الأصول حاشاك ماك عيابا
ود مفتاح عريس خيلا تجيك تزّابى فى كبد المحاص الحارة مابتهابا الصافى النضيف حاشا من بتابة ياود الإصول والحلقة والتقابة
سمية الحسن طلحة
Post: #742 Title: Re: مسادير يا أهل المسادير إلى ما شاء الله........ Author: munswor almophtah Date: 04-15-2007, 10:15 PM Parent: #741
بنت العالم الأواه حليم أواب وسواى الفضايل حاشا مو ضهاب الملك المأصل وفى القبايل ناب وجابك صافيه زيو وظنو فيك ما خاب
منصور
Post: #743 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 04-16-2007, 08:57 AM Parent: #742
فقدتكم لما غبت وسَافَرْ نَشّقْ هناك فوق جبال الباحة وين ود مفتاح يا بحر الكرم المبقدرو يعبرو سباحة وود نايل بحر علوم الدين الكون العَمّرو بيهوالساحة وبت شيخنا ود طلحة عبقت الكون بي طيب خلق وسماحة هي الما بتكوس نظم الشعر وتدوبي بي طلاوة لسان وفصاحة
Post: #744 Title: Re: مسادير يا أهل المسادير إلى ما شاء الله........ Author: بخاري بشير Date: 04-20-2007, 02:11 PM Parent: #743
ود مفتاح حبابك عدينا منك حول ولو ما هاالعبوس ما بفرقنا منك زول نم أدينا قولك وجيب بهادر العول مولاي يسعدك طول ما لـ "سعدنا تجول"
Post: #774 Title: Re: مسادير يا أهل المسادير إلى ما شاء الله........ Author: بخاري بشير Date: 04-29-2007, 06:46 PM Parent: #773
بطانة سلامي ليك كل ما يهب دعاشك وتعالك تكب ومنوعات قشاشك تسلمي يا تماضر من كل سهام تنتاشك أصلتي المأصل ،يارب تصلحو معاشك
//////////////
هاك من ود بشير أحرف ثنا وتقدير ياك بت العزاز الأحسنو التدبير حب القافية طبعك وقلمك مقامو كبير تسلمي يا الصميمة يابت مكوك الدير
Post: #776 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 04-29-2007, 06:59 PM Parent: #774
Quote: في الطلة القبيل أعصابي شهقو ودابو وفرع الحنة مال نهدو المفرهد دابو سماحة أخلاق وخلقة ، قلمي فاقدو صوابو وقف محتار عديل في جمالو وين أبدابو ؟
يا بخاري أبدأ بي الرقيبة الزي زجاجة روم محزوزة ومِباعة القرط من الكتيف بعيد محروم وراقد فوقْها العيد مرتاح يلصّف جمال منضوم وأتحدّر لوضف الجسم المقسّم والعويد مبروم
خالد محجوب
Post: #778 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 04-29-2007, 07:09 PM Parent: #774
................................................................. ود السيد
Post: #795 Title: Re: مسادير يا أهل المسادير إلى ما شاء الله........ Author: munswor almophtah Date: 05-01-2007, 05:44 PM Parent: #794
مالك علي يادمعة طارية السيل سببك غبار ..ولا الذكرنا قبيل جانا عصير وحلفنالو الا مقيل الرويان في خدارو مالقيتلو متيل
................................................................... ابو السيد
متل الطيلسان برقتنا داك بالحيل ودا أبخدا منور وفوقو صبو عسيل بريب دار صباح الليهو مافى مثيل وفى شانو القنيص بتقدمنو الخيل
منصور
Post: #796 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 05-01-2007, 05:53 PM Parent: #794
مابعرف أفوت وقلبي شايل همّو بس بعرف أعيش وهواكا سابق دمّو ناديت للصلاة..الصف وراكا بتمّو أذِّن بالحنين.. واسيت أخوهو وعمو بعد كبّر هواك..وبالسكينة إنجمّو ركع الشوق معاك ..ودّع سؤالو وغمّو سجدت فيني روح..وكل الملايكة إتلمّوا في ساعة التشهّد ..دوبيت بصادف نمّو وإن جيت للسلام يمين حنينك ضَمّو في الآخر ختام..شمال ..بسالم..نضمو بعد أدّى الفروض ..كيفن وصالك تحمو ؟؟
Post: #797 Title: Re: مسادير يا أهل المسادير إلى ما شاء الله........ Author: munswor almophtah Date: 05-01-2007, 06:11 PM Parent: #796
Post: #798 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 05-01-2007, 11:04 PM Parent: #1
Quote: مابعرف أفوت وقلبي شايل همّو
ماكى الخزينة تعتلى المستف غمو ياكى الدانة ساعة الرجال اتلمو جوهر عقد المجالس يالمسك للشمو يااجمل معنى وحسن اختيار السمو
تماضر الخنساء حمزه(ما أجمله من اسم)(وما اسماها وانبلها روح) .......................................................................... محمد السيد
Post: #799 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 05-02-2007, 02:57 PM Parent: #1
Quote: مابقلبو النضم هنداس النميم هنديس
من ود البشير الليلة فاقدين نمو ياربي انشغل ولا الدنيا صارت همو وين سحر المسادير اللقيتا فى فمو بشرانا بيك مليون يالخفيف فى دمو ..................................................................... محمد السيد
Post: #800 Title: Re: مسادير يا أهل المسادير إلى ما شاء الله........ Author: بخاري بشير Date: 05-02-2007, 04:42 PM Parent: #799
الأخ محمد السيد //////////////
ده ان أدااك وكتر ما بينضم فمو هنداس الغنا الموزون وتريان نمو كيال للمديح مابيعرف حديثا يزمو تسلم يالصميم "السيد" المن فطمو
Post: #801 Title: Re: مسادير يا أهل المسادير إلى ما شاء الله........ Author: munswor almophtah Date: 05-02-2007, 05:26 PM Parent: #799
مابعرف أفوت وقلبي شايل همّو بس بعرف أعيش وهواكا سابق دمّو ناديت للصلاة..الصف وراكا بتمّو أذِّن بالحنين.. واسيت أخوهو وعمو بعد كبّر هواك..وبالسكينة إنجمّو ركع الشوق معاك ..ودّع سؤالو وغمّو سجدت فيني روح..وكل الملايكة إتلمّوا في ساعة التشهّد ..دوبيت بصادف نمّو وإن جيت للسلام يمين حنينك ضَمّو في الآخر ختام..شمال ..بسالم..نضمو بعد أدّى الفروض ..كيفن وصالك تحمو ؟؟
شيطان الشعر جافانى قايم جنو وكل ما أقول حديث إغلبنى تب ما أتمو يا بت الصلاح اللفلاح فاعلنو مالك مارضه قلبى المن زمان مارضنو شايفك فى الخشوع يا خشاف كتير راجينو شاربه الإبتهال إنتى الجمال نور فنو شايفين للسجود داك الركوع داركنو سرك داك جهر يالجاهره ليك كم غنو كم ليك من محب فضل الكتير داخرنو متلك كم بقوموا الليل وداك كم فرض عاملنو سجودك يا المقامو كبير وجودك نحن داك عارفنو حبابك ديمه يا الأواهه ليك كم آهه آننو
منصور
Post: #802 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 05-03-2007, 01:45 PM Parent: #801
Quote: وقت دنت البنية يمين دنيت من أجلي يافوخي انسحك وصبحت فاقد عقلي الجيد المحزز والجمال الأصلي والجسم المقسم عجلن بي أجلي
Quote: شيطان الشعر جافانى قايم جنو وكل ما أقول حديث إغلبنى تب ما أتمو يا بت الصلاح اللفلاح فاعلنو مالك مارضه قلبى المن زمان مارضنو
نقرأ وبس
Post: #803 Title: Re: مسادير يا أهل المسادير إلى ما شاء الله........ Author: بخاري بشير Date: 05-03-2007, 03:11 PM Parent: #802
شاعر المسدار و الدوبيت فارع العبارة عبد الله حمد شوراني ، له رباعيات أنشدها في "عينات" السنة المعروفة بمنازل النجوم وهي كالآتي يتكون فصل الصيف من (1) النطح (2) البطين (3) الثريا (4) الدبران (5) الهكعة (6) الهنعة (7) الذراع ويتكون فصل الخريف من : (1) النترة (2) الطرفة (3) الجبهة (4) الخيرصان (5) الصرفة (6) العوا (7) السماك وفصل الشتاء يتكون من : (1) عريج (2) الغفر (3) الزبنان (4) الاكليل (5) الشولة (6) البلده (7) النعائم ويتكون الربيع من : (1) سعد ذابح (2) سعد السعود (3) سعد الأخبيا (4) سعد بُلع (5) الفرق المقدم (6) الفرق المؤخر (7) الحوت
هذه الرباعيات أخذت منها ثلاثة، لأنها تماثل أيامنا هذه في الخرطوم بحرها الشديد الذي أدوش العقول ، حسب الإرصاد الجوي بلغت درجات الحرارة في الخرطوم45 درجة ، وقد تزيد في بعض الروايات.. والناس الآن تتشرف للقاء الخريف الذي أصبح على الأبواب. شوراني يصف الحر بكلمات بليغة يتذكر خلالها محبوبته..يقول
أنظروا حبائي الى هذه البلاغة ، وجمال التعابير عند شعرائنا ،وشوراني أحدهم لله دره.. وانا أطلب منكم رفقائي الاعزاء ان نجاري هذه الأبيات وكل يأتي بما في معينه.. مع محبتي .. وياريت يفتح لنا عملاق البوست الأخ منصور المفتاح هذه المجاراة..، ودمتم بخاري
Post: #804 Title: Re: مسادير يا أهل المسادير إلى ما شاء الله........ Author: بخاري بشير Date: 05-04-2007, 01:48 PM Parent: #803
أحبائي سلام أبتدئي لكم ، برغم أني تمنيت أن يبدأها العملاق منصور، ومعذرة اذا تطاول التلميذ على معلمه.. ////////////////////
Post: #830 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 05-22-2007, 10:12 PM Parent: #829
من عِينة عريج وَجّه ضعنهم صاعد رحلوا وعاشِي قصدوه السحاب الراعد أكان الحي مختر والظروف بتساعد ما كان قلبي رادتــُن والسكن متباعد
ودالصقرى
Post: #831 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 05-23-2007, 02:26 PM Parent: #830
سميه.. متابعين لكين .. اللسان مربوط ومتل نضم ناس ود الصقري ده بدور (البطانه وقشها المفروق) وعاوز أسألك .. إنتي ومنصور
أكان الحي مختر والظروف بتساعد
أم
أكان الحي مخير والظروف بتساعد
فقد بدا لي معنى ود الصقري أقرب إلى مخير (مو مسير) منه إلى مختر (لو بالخاطر) .. وعجبي من زولاً يباري السحاب الراعد ليلتقي محبوبو بقلبو (الرادتُن) فأستهان بالمسافة وعدها قضاءاً محبباً تنضح به رشاقة عبارة الرجل.
وأكان بالمراد واليمين مطلوق ما أكان أنشنق ود أبكريق في السوق
سلمتم جميعاً
Post: #832 Title: Re: مسادير يا أهل المسادير إلى ما شاء الله........ Author: munswor almophtah Date: 05-26-2007, 09:04 AM Parent: #830
الزبنان هجمنا وبالنزيل والانا وغرزن نوق خلانا والكبور محلانا شبه الصيد غدرنا وبالرماح شكانا وكهرب روح قلوبنا المن زمان شلانا
منص
Post: #833 Title: Re: مسادير يا أهل المسادير إلى ما شاء الله........ Author: munswor almophtah Date: 05-26-2007, 09:22 AM Parent: #832
Post: #835 Title: Re: مسادير يا أهل المسادير إلى ما شاء الله........ Author: munswor almophtah Date: 06-20-2007, 05:13 AM Parent: #834
ما بخلت على عسل الكلام عشتنى ما فاتتنى ساكت حودا يوم طشتنى شوفتا لى وشيها اللغرام نشطنى شوقا ليها سارح فى الخريف عطشنى
منصور
Post: #836 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 06-20-2007, 09:19 AM Parent: #835
Quote: سميه.. متابعين لكين .. اللسان مربوط ومتل نضم ناس ود الصقري ده بدور (البطانه وقشها المفروق) وعاوز أسألك .. إنتي ومنصور
أكان الحي مختر والظروف بتساعد
أم
أكان الحي مخير والظروف بتساعد
فقد بدا لي معنى ود الصقري أقرب إلى مخير (مو مسير) منه إلى مختر (لو بالخاطر) .. وعجبي من زولاً يباري السحاب الراعد ليلتقي محبوبو بقلبو (الرادتُن) فأستهان بالمسافة وعدها قضاءاً محبباً تنضح به رشاقة عبارة الرجل.
وأكان بالمراد واليمين مطلوق ما أكان أنشنق ود أبكريق في السوق
سلمتم جميعاً
سلمك الله أخى محمد عبد الجليل متابعة كلامك ولكننى كنت أطمع فى رد الأرباب منصور السابقك على الباب قولو ياأرباب ، و لايفتى ومالك فى المدينة حسب فهمى أن مخير هى الصيغة الحديثة لِ مختر ولافرق فى المعنى بين المفردتين ربما شىء طفيف هو : التخير قطعا بين أمرين ، أما مختر فله مطلق الحرية فى الإختيار ونطمع فى الإستزادة يامنصور .
وإليكم ودالصقرى فى عينة النعام ونفيف الصقط الحار نص الليل ورففى البروق وبعد المسافة بينه وبين المحبوب وقد حفن جرايد جمله روقاي :ـ يادارع عشانيق البروق وبرفن الليل جا وعين النعايم نفن على الدادنو شالن حجولو وقفن ياالليل غادى ياروقاي جرايدك حفن
Post: #837 Title: Re: مسادير يا أهل المسادير إلى ما شاء الله........ Author: munswor almophtah Date: 06-21-2007, 06:43 AM Parent: #836
Post: #855 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 07-17-2007, 07:23 AM Parent: #854
يا طير أترو وحصحص وجيبلى أخبارو ورينى الدمر والمى قدل باجبارو ورينى الظروف والحال جميع فى ديارو يات من طاف حضر والقام سنين فى جوارو منصور
راتع بالعسين المن خدرتو نضارو أتقسن دربو علي بعيد مشوارو الأحباب عموم متجمعين بدوارو ياقابض القماح خاف تنحرق بنارو سمية الحسن طلحة
تلوبا شنكبو وقلع الكبر سنانن ودورن ذاتو فات عقبا رحل فنانن الصيد السمح رخص الفريع جنانن ويات من كان فصيح من شوفه صار رطانن منصور
كبار العقول يازين حسن كبرانن والبوب للتلوب الكم شجتنا ألحانن الصيد شن بحوشو برا لذيذ شنانن خاتمين الفصاحة والكلام ماخانن سمية الحسن طلحة
Post: #856 Title: Re: مسادير يا أهل المسادير إلى ما شاء الله........ Author: الطيب شيقوق Date: 07-17-2007, 11:47 AM Parent: #855
المنصور
Quote: ود شيقوق حبابك يا الأصيل تيرابك يا شقاق غروب كدب البشق ديدابك العاداك عديل ساعة الجميل قرابك والخاواك سعيد سجم البدوق كوكابك
والله حلوة حلاة تجنن
Post: #857 Title: Re: مسادير يا أهل المسادير إلى ما شاء الله........ Author: munswor almophtah Date: 07-17-2007, 03:17 PM Parent: #856
عقبان جيتنا مارق يا الإصيهب ومارد وماك كسار هضاليم من مراحك شارد ياكا عقاب عرب نفسك نفيسهم بارد يا بحر الكرم يات من بطلبك وارد
شنو ليك يا القواسممى ودشيقوق
منصور
Post: #858 Title: Re: مسادير يا أهل المسادير إلى ما شاء الله........ Author: munswor almophtah Date: 07-18-2007, 08:03 AM Parent: #857
راتع بالعسين المن خدرتو نضارو أتقسن دربو علي بعيد مشوارو الأحباب عموم متجمعين بدوارو ياقابض القماح خاف تنحرق بنارو
حول فى الجحيم شاوينى شى حر نارو ناس بلك المطافى من العلى إحتارو يا بريب عسين المن نضارو إضارو أفصل يا زمن ما تكون لئيم ضرارو
منصور
Post: #859 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 07-18-2007, 09:38 AM Parent: #858
ود مفتاح الكريم النارو ديمة ما مطفية ان مرْ عليك ودشيقوق لسمية بلغوا خالص التحية بت رجالاً ناجوا الحبيب ليلاً طويل وما غفوا الضحوية مي بت اسود الشرى والشاهد ود المحرب خالص النية الحوار المحب الطائع لي شيوخه ابداً ما غادرلهم تكية
Post: #860 Title: Re: مسادير يا أهل المسادير إلى ما شاء الله........ Author: munswor almophtah Date: 07-18-2007, 09:51 AM Parent: #858
كبار العقول يازين حسن كبرانن والبوب للتلوب الكم شجتنا ألحانن الصيد شن بحوشو برا لذيذ شنانن خاتمين الفصاحة والكلام ماخانن
شن معنى الكلام والصيد عقب قدامن ولخبط دق قلوبهم راصد الضغط ميزانن الزول إن كبر بكبر بقدر شانن وعراف التبس فرق الشقيل نشانن
منصور
Post: #861 Title: Re: مسادير يا أهل المسادير إلى ما شاء الله........ Author: Tareq Siddiq Date: 07-18-2007, 10:10 AM Parent: #858
نحن العزانا بنعزو ونجل مقدارو والمابينا حرّم ناسو القبيل يضارو قومتنا الخلا والليل بعد هبارو زولنا نفرتقو يصبح يكوس نجارو
Post: #862 Title: Re: مسادير يا أهل المسادير إلى ما شاء الله........ Author: munswor almophtah Date: 07-19-2007, 06:28 AM Parent: #861
نحن العزانا بنعزو ونجل مقدارو والمابينا حرّم ناسو القبيل يضارو قومتنا الخلا والليل بعد هبارو زولنا نفرتقو يصبح يكوس نجارو
مجروس يا بعيد بسراع تجيبو خبارو مقطوع الشجر عدم الببل ميس دارو يا ناس خلو بالكم والكعب ما تبارو وأبقو رجال مروه والضعيف بتبارو
بتبارو من البر أى تبرون إليه
منصور
Post: #863 Title: Re: مسادير يا أهل المسادير إلى ما شاء الله........ Author: عبدالله الشقليني Date: 07-19-2007, 11:46 PM Parent: #1
للحبيب منصور نقول :
كُل ما أطِلْ أشُوفْ منصُور هِناك مُتحَكِّّّرْ عقلي سَرَح بعيد ومن كَبْس الهُموم مُتفَكِّرْ يوم الخَميس وَدَّع خلاص الناسي ما مُتذَكِّرْ
Post: #864 Title: Re: مسادير يا أهل المسادير إلى ما شاء الله........ Author: munswor almophtah Date: 07-20-2007, 03:22 AM Parent: #863
كُل ما أطِلْ أشُوفْ منصُور هِناك مُتحَكِّّّرْ عقلي سَرَح بعيد ومن كَبْس الهُموم مُتفَكِّرْ يوم الخَميس وَدَّع خلاص الناسي ما مُتذَكِّرْ
تشوف سعد البنين يا الصافى ماك متعكر ويا أبقلبا بياسع حاشا ماك مسكر يا واضح الملامح حاشا ماك متنكر ويا الحاضر ضميرك لى صفيك بتذكر
منصور
ألف كتر خيرينك يا شقلينى
Post: #865 Title: Re: مسادير يا أهل المسادير إلى ما شاء الله........ Author: munswor almophtah Date: 07-20-2007, 03:37 AM Parent: #864
ود مفتاح الكريم النارو ديمة ما مطفية ان مرْ عليك ودشيقوق لسمية بلغوا خالص التحية بت رجالاً ناجوا الحبيب ليلاً طويل وما غفوا الضحوية مي بت اسود الشرى والشاهد ود المحرب خالص النية الحوار المحب الطائع لي شيوخه ابداً ما غادرلهم تكية
آآخ يا ولد والله يا دوب شفتك وغيرك ما بنفوت لكن زهولا فتك أغفر يا درير طب للجروج بنختك وما بندقس عقب هاك التحيه وفتك
منصو
Post: #866 Title: Re: مسادير يا أهل المسادير إلى ما شاء الله........ Author: suhair elsheikh Date: 07-20-2007, 05:21 AM Parent: #1
منصور با اخوي لي ديارك شادين الرحال جايينك بي العديل والزين شايلنو فال عشمنا نتلم بي المحنة والغربةسترة حال بس ورانافايتين حبان وخيان فراقهم حار ماياهو حال الدنيالمة وشتات ياربي يدوم الوصال
Post: #867 Title: Re: مسادير يا أهل المسادير إلى ما شاء الله........ Author: munswor almophtah Date: 07-20-2007, 06:06 AM Parent: #866
منصور با اخوي لي ديارك شادين الرحال جايينك بي العديل والزين شايلنو فال عشمنا نتلم بي المحنة والغربةسترة حال بس ورانافايتين حبان وخيان فراقهم حار ماياهو حال الدنيالمة وشتات ياربي يدوم الوصال
حبابك بت رجال فوق الرموش تنشال وفالك يا أم صلاح خير الخريف هطال عشمك ما بخيب لو فى السماك بنطال وناسك فى العقب عند اللطيف حللال
يا مراحب بكم
منصور
Post: #868 Title: Re: مسادير يا أهل المسادير إلى ما شاء الله........ Author: أحمد الشايقي Date: 07-20-2007, 09:12 AM Parent: #1
آآآمنصـور حباب, الديمه فاتح بابك,
آآآود المكـوك نادر عزيـز تيرابـك
في السروراب مكين فرعـك مركّز نابـك
وودناصـر وراك عرق التبلدي اتشـابك
ود الشايقي
Post: #869 Title: Re: مسادير يا أهل المسادير إلى ما شاء الله........ Author: أحمد الشايقي Date: 07-20-2007, 09:28 AM Parent: #1
عامر مجلسـك متحكرين احبابك,
ودشيقوق رفيقك عني قولّو حبابك,
من (بت الشيوخ) عابق بخور أطيابك,
وفي المسدار يطيب زادك ويصفى شرابك
ود الشـايقي
Post: #870 Title: Re: مسادير يا أهل المسادير إلى ما شاء الله........ Author: munswor almophtah Date: 07-21-2007, 02:27 AM Parent: #869
آآآمنصـور حباب, الديمه فاتح بابك,
آآآود المكـوك نادر عزيـز تيرابـك
في السروراب مكين فرعـك مركّز نابـك
وودناصـر وراك عرق التبلدي اتشـابك
حبابك نيخ تعال والبكره ديك حاقابك يا جنب السناجك عالى سامى جنابك للسروراب تعال خلينا كان نشابك يا ترب الأماجد خابرو صافى عقابك
منصور
Post: #871 Title: Re: مسادير يا أهل المسادير إلى ما شاء الله........ Author: munswor almophtah Date: 07-21-2007, 02:46 AM Parent: #870
عامر مجلسـك متحكرين احبابك,
ودشيقوق رفيقك عني قولّو حبابك,
من (بت الشيوخ) عابق بخور أطيابك,
وفي المسدار يطيب زادك ويصفى شرابك
شن مجلس براك وإنت الككر هبابك وعندك صولجان يا أبصوله ما بتجابك ودشيقوق سلامك قبلو عاجبو شبابك وطيبا بوختو عاقبه والكريم عشابك
منصور
Post: #872 Title: Re: مسادير يا أهل المسادير إلى ما شاء الله........ Author: munswor almophtah Date: 07-21-2007, 03:06 AM Parent: #871
Post: #874 Title: Re: مسادير يا أهل المسادير إلى ما شاء الله........ Author: munswor almophtah Date: 07-23-2007, 06:46 AM Parent: #873
مو فسلى وبخيل تلب الكرام مناحو مو زرزور بلاد الناس تحرسو يحاحو سواى الغلط ببقالو شيخ صحاحو عارف للحدود فعل الجهر بحاحو
منصور
Post: #875 Title: Re: مسادير يا أهل المسادير إلى ما شاء الله........ Author: munswor almophtah Date: 07-24-2007, 07:10 AM Parent: #874
فوق المقرح من صهب ختيت صعيدا قبلى متل القانص المرحات مدودر أبلى الباشندى فايح متلى فيهو بيبلى يانى أب رسوه فى الغابات بجول مو شبلى
منصور
Post: #876 Title: Re: مسادير يا أهل المسادير إلى ما شاء الله........ Author: almulaomar Date: 07-24-2007, 09:06 AM Parent: #875
أخي منصور حباب الزعيم البلفه ساعة العسرة حباب جبل الضرة ورى نهار الخترة لمن تعطى ايدك تتره زى صفق الاراك الشمة ريحة النترة
أسعد كثيراً بقراءة هذه المسادير الرائعة التي تعيد إلينا الذكريات الجميلة بالبوادي ودعاشها وسنطها وسيالها وأشجار الطندب والعشر حتى ، لكن ما يؤسف له أن الأسفلت قد سال شمال الوادي فأصبحت الركشة تقدل مع السفنجه والأوستن جنباً إلى جنب فترجل الأوستن والسفنجه بعد أن منعهم الحياء وحاجات تانيه من القدله مع الركشات والأمجاد. والشئ الأكثر أسفاً أخي منصور أن الدرب بعد أن إنشحط إختفت الغابات فزحف الأعراب ميممين شطر الغرب ودخلت الكهربه وعمت الفوضي معها فتري القرية بيت في آخرها مضاء والآخر منور وهي تماثل وتحاكي مباراة شطرنج شارفت على الإنتهاء فلا بيادق أو خيول مصطفة في إنتظام. التقنية والمدنية جميلة لكنها ومع شديد الأسف لم تزجي لنا نحن في تلك القرية الظالم أهلها أى شئ سوي سراويل الجينز وهجر الزراعة وركوب الحمير وتعلم صنعة البنادر من سمسرة وإحتيال وشيكات ما أنفكت تبحث عن مدارج للهبوط ولن تفعل يقيناً، ناهيك عن تجكيس نساء سوق الناقه وشراب الشاي بلبن فورموست بضمان نسله أو بدون ضمان حتى. ناس الدشيناب كان بعد أن يتخطاهم باص ود أب كمه ميمماً شطر الشمال في إتجاه قرية السناهير يثير الكثير من الغبار والعفار فكان أن ذهب معي أحد أصدقائي من ابناء البندر ذات مرة والممرات كثيرة فشاهد منظر الصبية وهم يجرون خلف الباص ينسلون من غيمة ذلك العجاج الذي يشابه الإنفجار الذري فضحك وقال لي والله لو كنت أحمل كاميرا لفزت يجائزة صورة العام ، فهؤلاء الصبية أجادوا أكثر من الفيديو كليب بتاع مايكل جاكسون ثريلا. وناس الدشيناب مشهود عنهم أنهم قوم ساخرون برغم قساوة ملامحهم وشظف العيش الذي يعيشونه ، فقد حدث أن تم تمديد أعمدة الكهرباء شمالاً وتم إنارة الكثير من القري عده قرية كانت تجري المفاوضات بين مجلسها وبين المحلية في تسوية أمور ماليه معنية فسمي أبناء الدشيناب تلك القرية حلة فطت ومازال الإسم متداول بالرغم من دخول الكهرباء لها. أشكرك منصور على هذا الإبداع وأتمنى لك المزيد من التوفيق والسداد والصحة.
ساحت إيدا في الخد المهرج وعامت ديسها نام فوق المرجرج صـورةً جهجهت قلبي المضـرج وفرع البانة لعلع فينا كربج
Post: #877 Title: Re: مسادير يا أهل المسادير إلى ما شاء الله........ Author: munswor almophtah Date: 07-25-2007, 08:54 AM Parent: #876
فرع البانه ليها المولى درج وديسا فوق كفل ياربى فرج عسل الكلام الماها جهول مهرج ولاها مسيخه للمغروض بتحرج
المله عمر يا ود الأرابيب ترب الحكماب والشهيناب الأصلاء سلام عليك وعليهم فى الأولين والآخرين...فقد كنت كالحاشى مع شكانيبهم فى صولات وجولات وكان المرحوم عبدالرحمن السيمت ذو سمته لا تضاهى وكان عمر المامور مامورا وكان ود القرم ظريفا فنجرى...وفى ضرا الشيخ الطيب القوس وقداسة وبركة السناهير والتسعين وأولاد منير كانت نزلهم آمنة مطمئنه ونسأل الله أن تظل كذلك...عزيزى لم أرى سوق الناقه ولم أرى بدعه بعين البصر ولكنى نفذت إليه ببصيرة عرضت فيلم واقعه فخلته الواقعه بلا شك بل بيقين أما تبدل الأحوال وإختفاء الزباد والبو والصبر وجداد الوادى وإختفاء الأرنوب وشقل كان يواريها من سوءة صياديها وأختفاء الحمبك ونار الحلبه ذلك المشروم البرى وأختفاء الدكك والمقى والتقى وأختفاء كل جميل وكل أصيل وكل هادف لتظل تلك الباهته الماسخه الممجوجه بكل أسباب التكلف والخداع تلك الوافده من الفضائيات الفاضيه والفضيحه...فيا عزيزى الملا أحلامنا إستغراق لصور فى الذاكره وصدق بعض نفر لا ولم يتبدل منهم أحد........................
منصور
Post: #878 Title: Re: مسادير يا أهل المسادير إلى ما شاء الله........ Author: الطيب شيقوق Date: 07-25-2007, 11:38 AM Parent: #877
ود الشايقي
Quote: عامر مجلسـك متحكرين احبابك,
ودشيقوق رفيقك عني قولّو حبابك,
من (بت الشيوخ) عابق بخور أطيابك,
وفي المسدار يطيب زادك ويصفى شرابك
افو افو آ المنصور اخوى وود الشايقي الشي ما بتقولوا لى النم ضارب في راسك . انا ضيعت زمنى مع البوستات النيّة ساااااااااااااااى .
Post: #879 Title: Re: مسادير يا أهل المسادير إلى ما شاء الله........ Author: munswor almophtah Date: 07-25-2007, 05:22 PM Parent: #878
حباب الزعيم البلفه ساعة العسرة حباب جبل الضرة ورى نهار الخترة لمن تعطى ايدك تتره زى صفق الاراك الشمة ريحة النترة
حبابك إنت يا البهلول وسيد الستره دربك ماسكو ساكت حاشا مك زول عتره يا دوحة الهجير للناس وغيرك كتره نضمك من دهب والناس خلافك شتره
منصور
Post: #880 Title: Re: مسادير يا أهل المسادير إلى ما شاء الله........ Author: munswor almophtah Date: 07-25-2007, 05:35 PM Parent: #879
افو افو آ المنصور اخوى وود الشايقي الشي ما بتقولوا لى النم ضارب في راسك . انا ضيعت زمنى مع البوستات النيّة ساااااااااااااااى
غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب
سلام يا شيقوق
منصور
Post: #881 Title: Re: مسادير يا أهل المسادير إلى ما شاء الله........ Author: الطيب شيقوق Date: 07-25-2007, 10:02 PM Parent: #880
Quote: غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب
هييييييييييييييع ود المفتاح يطول عمرك بطلاق تاني ياني محربس في محل المرتع دا .
Post: #882 Title: Re: مسادير يا أهل المسادير إلى ما شاء الله........ Author: حجة امنة Date: 07-25-2007, 10:16 PM Parent: #880
Quote: غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب
بعد السلام جابنى العلى و البيا
الروح يوم تنونى مابتشفى قولة احيا
تترجى الفرج ..صبرن جفل ماباقى ليهن جيا
يااخوانى هوووى كان شوقن كتلنى ماتشيلو فينى الديه
.............
Post: #883 Title: Re: مسادير يا أهل المسادير إلى ما شاء الله........ Author: munswor almophtah Date: 07-26-2007, 05:31 PM Parent: #882
بعد السلام جابنى العلى و البيا
الروح يوم تنونى مابتشفى قولة احيا
تترجى الفرج ..صبرن جفل ماباقى ليهن جيا
يااخوانى هوووى كان شوقن كتلنى ماتشيلو فينى الديه
شن الديه والشوق من وراك شاوى القلوب كالشيه يا ملكة حسان الكون أصبرى شويه أمونه بنت الريل شغيله رشيه ساعلين الفرج والنوم نكوسلو عشيه
منصور
Post: #884 Title: Re: مسادير يا أهل المسادير إلى ما شاء الله........ Author: munswor almophtah Date: 07-27-2007, 08:27 AM Parent: #883
الزول فى الطرب بشجيهو داك زول كاسو عند ساعة الهجوع بسمع دقاق وناسو اللهج العسل فتاق شدر أنناسو وارث للحداقه وللظرف ود ناسو
منصور
Post: #885 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 07-27-2007, 03:33 PM Parent: #884
المنصور اخوى نارك شالعة ما بتموت
وحارسين المسادير جازمين عديل ما نفوت
الا الزمن وكترت مشاغل شوفها شوكة حوت
ما تحمينا مرتع البهم والقنيص لى يوت
Post: #886 Title: Re: مسادير يا أهل المسادير إلى ما شاء الله........ Author: munswor almophtah Date: 07-28-2007, 06:59 PM Parent: #885
Post: #895 Title: Re: مسادير يا أهل المسادير إلى ما شاء الله........ Author: munswor almophtah Date: 07-31-2007, 05:20 PM Parent: #894
الكمتر ضحك بعد الرشاش بشانا عنكوليبو شابك يا الكريم تشفانا الزول العيونو على القلوب كالدانا جاو الدوم عديل الليله زاد كددانا
منصور
Post: #896 Title: Re: مسادير يا أهل المسادير إلى ما شاء الله........ Author: Yahia Abd El Kareem Date: 07-31-2007, 08:54 PM Parent: #895
المنصور أخوى
دار المر شاشاها اب رعود وبروق
وضاحك نالا ومرخا فيه اخضر عود
والسمحة بسمت وشعت بخديد وورود
ارح يا نديم كان نوفى ليها وعود
Post: #897 Title: Re: مسادير يا أهل المسادير إلى ما شاء الله........ Author: حجة امنة Date: 07-31-2007, 10:16 PM Parent: #883
Quote: شن الديه والشوق من وراك شاوى القلوب كالشيه يا ملكة حسان الكون أصبرى شويه أمونه بنت الريل شغيله رشيه ساعلين الفرج والنوم نكوسلو عشيه
منصور اخوى..فراج الكروب و الغومه
بي شوفة العزاز..الروح ترد تنجمه
البال يروق ... عود الفرح ينشمه
طربان السدار...بحديثك اتاانتمه
Post: #898 Title: Re: مسادير يا أهل المسادير إلى ما شاء الله........ Author: munswor almophtah Date: 08-01-2007, 06:43 PM Parent: #897
حليل زمنا سمح والناس تجيك تتلمه يا شبه الملوك إنتى بتحسنى النمه أمونه بت المك عقيد فى متمه يا ملكة صدق معروفه خالصه الذمه
منصور
Post: #899 Title: Re: مسادير يا أهل المسادير إلى ما شاء الله........ Author: munswor almophtah Date: 08-01-2007, 06:57 PM Parent: #898
دار المر شاشاها اب رعود وبروق
وضاحك نالا ومرخا فيه اخضر عود
والسمحة بسمت وشعت بخديد وورود
ارح يا نديم كان نوفى ليها وعود
يلاك فوق شخاتيرا أم دباس وعنق ويلاك ليهو داك الفوق حواها مرق المر الجبل ساح فى السماحه عرق ومن صيد صيو ساكت كم فؤاد وحرق
منصور
Post: #901 Title: Re: مسادير يا أهل المسادير إلى ما شاء الله........ Author: munswor almophtah Date: 08-02-2007, 07:29 AM Parent: #899
منصور يا ود مفتاح المغالق ضمــــــــة وقعت عيني في مسدارك بديع النمــــــة فرّح قلبي طارت من عضاي الحمـــــــة اقبل بي جليس انا في حداك بنجمـــــــــة
انا من المتابعين لي سودانيزاونلاين و كنتا متابع المقالات بتاعة د.كتور عبد الله علي ابراهيم القاعد تنزلها و كنت مبسوط منك لكن و الله لمن لقيت المسادير اتكيفت منك حد الثمالة يا زول انا انا عندي اهتمامات ذي التكـ دي بتاعت سياسة و متزوق شعر و مسادير و دوباي طالب القرب عندكـ مانع؟؟
سلامات بكري صديق محمدصالح طالب ماجستير \ السويد
Post: #902 Title: Re: مسادير يا أهل المسادير إلى ما شاء الله........ Author: munswor almophtah Date: 08-02-2007, 07:53 PM Parent: #901
منصور يا ود مفتاح المغالق ضمــــــــة وقعت عيني في مسدارك بديع النمــــــة فرّح قلبي طارت من عضاي الحمـــــــة اقبل بي جليس انا في حداك بنجمـــــــــة
قبلان يا عزيز أقعد وأصير جلاسك وقيلان من كلامك عتقو ظاهر كاسك يا شامخ العقل إنت المأصل ساسك وطلحا للكلام باريلو حارص فاسك
منصور
Post: #903 Title: Re: مسادير يا أهل المسادير إلى ما شاء الله........ Author: munswor almophtah Date: 08-03-2007, 07:23 AM Parent: #902
يا طير أترو ورينى كيفن حالو ما تبخل على أغشاهو ريح بالو من درك الخريف أنا روحى كم هامالو ما بصبر برا وما ظنى قط همالو
منصور
Post: #904 Title: Re: مسادير يا أهل المسادير إلى ما شاء الله........ Author: munswor almophtah Date: 08-03-2007, 05:26 PM Parent: #903
فرحان فى البلد والقبلى فرهد نالو وطربان منبسط قمرى الكبور غنالو الناس والأهل بى شوفتو فرحو وجالو ولين النوق محمدو والدخان جلالو
منصور
Post: #905 Title: Re: مسادير يا أهل المسادير إلى ما شاء الله........ Author: munswor almophtah Date: 08-03-2007, 05:50 PM Parent: #904
ينصر دينك آآ المفتاح حافظ تراث ابواتـــــك و من فسيخ بورد السجم صانع براك شرباتك ماسك درب الادب و العلم ساوي ســــــواتك يمين عسل النحل يرخس عشان كلمـــــــــاتك
بكري صديق
Post: #906 Title: Re: مسادير يا أهل المسادير إلى ما شاء الله........ Author: munswor almophtah Date: 08-03-2007, 06:07 PM Parent: #905
Post: #931 Title: Re: مسادير يا أهل المسادير إلى ما شاء الله........ Author: رأفت ميلاد Date: 09-12-2007, 09:10 PM Parent: #930
منصور صاحبنا من زمان بالحيل أدينا خطرك نخرم مساديرك ديل مانى ضهبان شاتر مودرلو شليل بسأل حداك وين أخوى ود عبد الجليل??
Post: #932 Title: Re: مسادير يا أهل المسادير إلى ما شاء الله........ Author: munswor almophtah Date: 09-13-2007, 06:18 AM Parent: #931
رايحين منو ناس دوار بفتش فيهم ولابد إنت واحد من جميع طاريهم يا رأفت حبابك والكرام داريهم والزول الظريف حاريك يا الحاريهم
الشكر لك يا زول وود عبدالجليل قوام بلفاك مع التحايا
منصور
Post: #933 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 09-15-2007, 11:18 AM Parent: #932
Quote: منصور صاحبنا من زمان بالحيل أدينا خطرك نخرم مساديرك ديل مانى ضهبان شاتر مودرلو شليل بسأل حداك وين أخوى ود عبد الجليل??
رأفت يا حبيب زمن الشتات والروحه نحنا خترنا من بلدا كتيره جروحه شليلناإنسرق نهجا كتيره شروحــه ما بنفقد أمل ماداب عصاتنا نصيحه
Post: #934 Title: Re: مسادير يا أهل المسادير إلى ما شاء الله........ Author: الطيب شيقوق Date: 09-16-2007, 10:42 AM Parent: #933
Quote: منصور صاحبنا من زمان بالحيل أدينا خطرك نخرم مساديرك ديل مانى ضهبان شاتر مودرلو شليل بسأل حداك وين أخوى ود عبد الجليل??
يا أخوانا انا جاى اتفرج ومبسوط شديد من رأفت الصار بجادع في الدوبيت وحياة ديني يا المنصور اشهد انك استنطقت الصخر العصيا فضل ليك يا المنصور تاني الرطاني ابو بكر ادينا فيهو نمة وانا بكلمه يجي يعقب حتى ولو بالرطانة .
Quote: أدينا خطرك نخرم مساديرك ديل
اديك انا الخاطر خرّم ساااااااااى يا العشاء كفانا كلامك الحلو ابو لجنة زى لجنة بنية اخبار النشرة الجوية في قناة الجزيرة
Quote: شاتر مودرلو شليل
اتفرجوا اها رافت ده تاني قصر قال ( مودرلو) والله الا يقع ليكم من فوق يفهق عنرقتو
Quote: بسأل حداك وين أخوى ود عبد الجليل??
وحياتكم اتفرجوا شوفوا حلاة لتقة ود عبد الجليل لزوم الالتزام بالقافية . والله زى لتقة العنبة في فرع الطلح .
لكن يا رأفت اخوى شعرك بذكرني شعر ود هارون الرشيد الذى قال فيه
نحن بنو العباس نجلس على الكراسي -
بس يا المنصور اوعاك تدخلني في لجنة النصوص والمراجعة.
Post: #935 Title: Re: مسادير يا أهل المسادير إلى ما شاء الله........ Author: munswor almophtah Date: 09-17-2007, 05:27 PM Parent: #934
Post: #936 Title: Re: مسادير يا أهل المسادير إلى ما شاء الله........ Author: الطيب شيقوق Date: 09-17-2007, 08:40 PM Parent: #935
ود شيقوق نسيت فرح الخليل رطانى
صدقت بالحيل يا عيسي ( بفتح العين وتسكين الياء وكسر السين ) ديل رطانة زمان يا المنصور اخوى
هسع دحين ناسك ديل عارفين ليك النال او الشيح او البراح ؟؟؟؟؟؟؟؟؟ ديل ناس حلاوة بلي ولكوم سااااااااااااى
Post: #937 Title: Re: مسادير يا أهل المسادير إلى ما شاء الله........ Author: munswor almophtah Date: 09-18-2007, 02:06 PM Parent: #936
تعرف يا ود شيقوق الخليل فرح جاء إلى أمدرمان صبيا بذهن كلوح الأردواز وورق البردى جاهز لتلقى المعانى وليس فى حلفا غير النخيل والقامشه والمغارات من مخلفات ذوات العماد فوجد فى أمدرمان تلك الصور والمعانى وأفتتن بها وهيأ له التعليم فى المدينه وسائل الإفصاح فأبدع وأبوبكر الآن أفضل منا فهو فى أرض بنت الضاد ونحن فى أرض العجم وبكتلوج الخليل أحسبه سيبدع
ولك وله السلام
منصور
Post: #938 Title: Re: مسادير يا أهل المسادير إلى ما شاء الله........ Author: الطيب شيقوق Date: 09-18-2007, 02:42 PM Parent: #937
Quote: الآن أفضل منا فهو فى أرض بنت الضاد ونحن فى أرض العجم وبكتلوج الخليل أحسبه سيبدع
لم تعد في العمر بقية لباديات جديدة يا المنصور اخوى - إت تتكلم كيف يابا؟
واغلب رطانة زمنا ده يا منصور اولادهم لا بيعرفوا عربي ولا حتى رطانة وانما الانجليزية او غيرها من اللغات العالمية .
وتلقى الواحد فيهم يخلف كراع في كراع ويخت الطاقية في هامتو فووووووووق ويكون مقنطر ليك سفة مجيهة ويقول ليك (نحن اولادنا بطلاق تاني مو راجعين لحديثكم الني ده اولادنا ناس لغات اجنبية سااااااااااى ).
قولو ود شيقوق قالك خم وصر
Post: #939 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 09-21-2007, 08:37 PM Parent: #938
ما شف/ت سعد السعود الساها لي البارح أقلق نومي وأصبح في المعالق جارح قدر ما أقول أتوب وأعمل لي عملاً صالح أبي يتخلا ضوق عجوة شروق المالح
ودالراوي
Post: #940 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 09-21-2007, 09:25 PM Parent: #939
منصور المفتاح سلام يا المبروك سلام رمضان كريم تصوم وتفطر علي خير
عامر يا الكريم عامر واياك مس العابر مشطوطين خلاس قول سوي البجبر الخاتر فوقنا نيران تهجس في الجسيم الفاتر فاضل لي افوت تارك العقاب لا حرس لاغافر
الحال العلي حال العدو المسكين وحال الكتفو وسالين علي السكين وحال الفي البحر حيشنّو تمساحين وحال الفي السجن ماقدرولو سنين
Post: #941 Title: Re: مسادير يا أهل المسادير إلى ما شاء الله........ Author: الطيب شيقوق Date: 09-21-2007, 10:33 PM Parent: #940
الزول نطر وين يا اخوانا خلانا نتجدع في السهلة دى ساااااااااااااااى
تعال لينا مارك ما تدينا عنقرتك يا ود المفتاح ات الزيك ما برجع بقفاهو بشاور لو مرة وات الزيك مو بشيل الوليد في صفحتو مع الضحوية يمر بيهو على كيمان الرجال القاعدين كويمات كويمات يتجرجروا من ضل لى ضل
Post: #945 Title: Re: مسادير يا أهل المسادير إلى ما شاء الله........ Author: munswor almophtah Date: 09-23-2007, 06:08 AM Parent: #940
عامر يا الكريم عامر واياك مس العابر مشطوطين خلاس قول سوي البجبر الخاتر فوقنا نيران تهجس في الجسيم الفاتر فاضل لي افوت تارك العقاب لا حرس لاغافر
مرحبتين حباب المطرى خيرنا الماطر ومرحبتين حباب اللينا ديمه مسافر يا ود دار جعل فارس المغاره الشاطر ويا جبل الركاز بخشاك من قال كاسر
منصور
Post: #942 Title: Re: مسادير يا أهل المسادير إلى ما شاء الله........ Author: munswor almophtah Date: 09-22-2007, 05:57 AM Parent: #939
ما شف/ت سعد السعود الساها لي البارح أقلق نومي وأصبح في المعالق جارح قدر ما أقول أتوب وأعمل لي عملاً صالح أبي يتخلا ضوق عجوة شروق المالح
الليل طب طويتو وفى الكلامات سارح وسويت حال غفر بارى الحدود فوق قارح مشرق دار ربيط شارقنى شوقو وفارح وماهو عقاب حصاد ماهو الفشوش الطارح
منصور
Post: #943 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 09-22-2007, 09:50 PM Parent: #942
Post: #971 Title: Re: مسادير يا أهل المسادير إلى ما شاء الله........ Author: munswor almophtah Date: 10-23-2007, 05:18 PM Parent: #970
ناس الألفه ما بدورو الكبار فى مقامن وما بدورو الدرير الفرسو فات قدامن مو ناس صدق لحن الكضب فى كلامن ولا دارو العجب لا كان رجب صوامن
منصور
Post: #972 Title: Re: مسادير يا أهل المسادير إلى ما شاء الله........ Author: munswor almophtah Date: 10-23-2007, 05:33 PM Parent: #971
ود رحمه اللدر ناصع نضيف الفيش ولامع زى دهب حاشاهو من تغبيش ساعة الحاره فارس خيلو مره تهيش وبرضو يجينا راجع ويشكى من تهميش
منصور
Post: #973 Title: Re: مسادير يا أهل المسادير إلى ما شاء الله........ Author: munswor almophtah Date: 10-23-2007, 05:47 PM Parent: #972
قلبك يا جنب ميزانو مو من ريش وما برجف بخاف أكان غزاهو الديش خبار للدرو يا الديمه وازن النيش ويا كافى الديوش من البكار مو عيش
منصور
Post: #974 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 10-23-2007, 10:24 PM Parent: #973
القلب إشتغل رقاصو زاد وسواس واشوقا على الحادق التقول أنناس
زاد تلصصنا على منهلك الزاخر عن حد الشرع ..
نرد خفية دون أن ترانا مرات كُثر ننهل ونرحل دون أن نترك أثر ونغريك السلام سرا آملين أن يصله لك ملك طاهر لحظتها.
يأباالقلم ويقف هامدا مكسورا أمام نظمك من الدرر البض.
كذلك تأبا النفس حزينة تتجرع مرارة الحرمان عن المقدرة على نظم الشعر.
وها اليوم نقف قبل أن ننهل نلقي لك التحية والسلام يا المنار العالي فيناأنت ورفاقك الكرام .. محبي المسدار والنم الجميل.
تحياتي واحترامي منصور المنصور بإذن الله
خالد محجوب
Post: #975 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 10-24-2007, 11:12 AM Parent: #974
مو عقاد قصص حاشاهو مو لصاص وأب قلبا ملان تيرابو ناسو جعاص باسو براهو باين حاشا مو بصاص والجبل التقيل رسيان ومو هياص منصور ياجبل الحديد الكنيتك قصاص المتعدي واسيِ ياسمي كرفاس العلم التلوح نارو فوق الراس كيفن يجهلوك أبّان عقول نُقّاص سميةالحسن طلحة
Post: #976 Title: Re: مسادير يا أهل المسادير إلى ما شاء الله........ Author: على احمد النعيم Date: 10-24-2007, 11:35 AM Parent: #975
كفات بالشمال أسد الكرايه القارح وحجّر غابتو تب منع البفر والسارح من نتراتو الفارس يفز والدارة تصبح طارح قمر السبعتين الما هلا ود البارح
الاعزاء بت طلحة ومنصور
سلام وعذراً لعدم مجاراتكم بالقافية ولكن عيب الزاد ولا عيب سيدو .... ويا بت طلحة بوست البطانة نزل سوقى معاك منصور وكل من له حس مرهف ذواق من الاخوة والاخوات الكرام.
لكم التحية اجلها.
ود النعيم
Post: #977 Title: Re: مسادير يا أهل المسادير إلى ما شاء الله........ Author: munswor almophtah Date: 10-24-2007, 03:47 PM Parent: #976
ياجبل الحديد الكنيتك قصاص المتعدي واسيِ ياسمي كرفاس العلم التلوح نارو فوق الراس كيفن يجهلوك أبّان عقول نُقّاص سميةالحسن طلحة
يا زوله عوفه منو البدورلو قصاص وشفتيلك جبل هدوهو والله إتماص من ناس بى خفض مبسوط ورافعو الراص وديك ناس بو رفع عند البهم رقاص
منصور
Post: #978 Title: Re: مسادير يا أهل المسادير إلى ما شاء الله........ Author: munswor almophtah Date: 10-24-2007, 04:02 PM Parent: #974
ود المنسى يا ترب البواسو الراس وحاويين للعلم حاقننو فى كراس لهجك ديمه وازنو وحاشا ماك ضراس وقايد ماك بياده وديشو من فراس
منصور
Post: #979 Title: Re: مسادير يا أهل المسادير إلى ما شاء الله........ Author: munswor almophtah Date: 10-24-2007, 04:36 PM Parent: #978
تسلم ود ابوى صافى وسليم النية ياالدغرى العديل مابعرف الملوية دخرى الحوبة ات فى الدنيا ماكا شوية بيك فرحانة جد رغم الحزن والكيّة !
ناديه عثمان
تسلمى والمعاك والفيك دوام محريه ياالزى ناس بنونه المكه بت جعليه فعالة المحال شايله التقيل دون ليه يا جبل الصبر يالصالحه إنتى وليه
وليه من الولاية لله
منصور
Post: #980 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 10-24-2007, 04:36 PM Parent: #978
ناس الألفه ما بدورو الكبار فى مقامن وما بدورو الدرير الفرسو فات قدامن مو ناس صدق لحن الكضب فى كلامن ولا دارو العجب لا كان رجب صوامن
منصور
ناس الألفة حاشاك ماكا من نُدّامن وبفريق النفاق ما حُمت مع حواّمن مذمة الرخيص للعزاز إكرامن وأنا ناس الكضب ما بلقوا عندي مرامن
سمية الحسن طلحة
Post: #981 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 10-24-2007, 04:48 PM Parent: #980
ود رحمه اللدر ناصع نضيف الفيش ولامع زى دهب حاشاهو من تغبيش ساعة الحاره فارس خيلو مره تهيش وبرضو يجينا راجع ويشكى من تهميش
منصور بت المرضي حكمة كلاما مو مِطيريش برنجي الآخرين ,, معاها يطلع طيش مادام الحكومة بتشكي من تهميش أدونا الأمان.. أننسحب بي شييش سمية الحسن طلحة
Post: #983 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 10-24-2007, 07:03 PM Parent: #981
قلبك يا جنب ميزانو مو من ريش وما برجف بخاف أكان غزاهو الديش خبار للدرو يا الديمه وازن النيش ويا كافى الديوش من البكار مو عيش منصور
Post: #982 Title: Re: مسادير يا أهل المسادير إلى ما شاء الله........ Author: Nasr Date: 10-24-2007, 05:41 PM Parent: #1
مرات كمان بطراها زولتي القبيل ضفرتني زمن مطموس دردقني في مرماها وبمنعة باك شمال شاتتني أبحرت سفني من مرساها وفتها، عشان هي كما فاتتني لكن يا قليب الرماد وكتين قت الله معاها ليه مضيع لي فرصا مكان واتتني
Post: #984 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 10-24-2007, 09:55 PM Parent: #982
Quote: بت المرضي حكمة كلاما مو مِطيريش برنجي الآخرين ,, معاها يطلع طيش مادام الحكومة بتشكي من تهميش أدونا الأمان.. أننسحب بي شييش
ماني قاصد شو لكن دوماً سمية والمفتاح يستخدمون مفردات تستعصى على أمثالنا لذا حبيت أن أبدأ وأسن سنة حسنة أن يصحب الأبيات التي يرى كاتبها قد تستعصي على القُراء الكرام شرح مبسط.
لفت نظري جمع من كلمات نستخدمها لكن القليل منا يعرف مصدرها وفحوها ومعناها.
* مطرطّش وكثيراً ما تطلق على الذي لا يوزن كلامه وتصرفاته أو كما استخدمتها الريحانة مطيريش وحسب علمي المتواضع اعتقد أنها من مطرطّش. والتشبيه جاء من المطر الطايش ترعد وبروقها يتخالفن وبعد شوية تطش والناس تكون في رجاها في ملّه والله أعلم، كنت كثير السؤال عن معاني ما يستعصى علي من كلم حتى سمتني أختي البكر نكير.
برنجي ومنها جاءت كلمة البرنجية التي تعني الأول في اللغة التركية برنجي : الأول إكنجي : الثاني منها كانت تسميت السجائر المعروف في السودان سجائر البرنجي اي الأول
رجاءً منصور وسمية والأخرين تلبية الطلب شرح بعض المفردات والأمر متروك لتقديركم هل الكلمة شائعة ومعروفة ولا غميسة قد لا يعرفها الكثير من الناس
ولكم الشكر مجاري المسادير ومنكم نستفيد
Post: #985 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 10-26-2007, 02:04 PM Parent: #984
غايتو ياخالد كان علي قول أختك ... البدو ديل كلهم ترب نكير ودا دليل النباهة .. هسع الجاهل ( أقصد الصغير) في البيت وكت يكون حِرِك ( كتير الحركة ) دليل علي ذكائه وسرعة بديهته وأنا مابحب أشرح إلا لو سألوني ... إليك شيء من شاعر البطانة / يوسف القسم الشوبلي / ود الشوبلي
أتيت كئيب وحامل هم شديد في راسي أذهبو عني شخصاً مرهف الإحساس مسكت القلم وضعت مدادو في كراسي من وين أبدأ فيك !؟ أعلنت فجاءة افلاسي
سألت الخالق الأرض والجبال رواسي يهنيك ويسعدك ياالمهذب وراسي اللوح والقلم والكرسي والإخلاص من الفي القلب كهاربو ضربت ماسي
Post: #986 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 10-26-2007, 05:14 PM Parent: #1
.............................................................................. تحياتي للخال منصور المفتاح والمتداخلين,وسلام بعد شهور جميلة انقضت في ربوع الوطن بين العشيرة والاهل.أربعة شهور كان ختامها رمضان وصوت الفادني وشيخ الهادى وقراء آخرين ثم كعك العيد.
Post: #987 Title: Re: مسادير يا أهل المسادير إلى ما شاء الله........ Author: munswor almophtah Date: 10-26-2007, 06:05 PM Parent: #986
Post: #989 Title: Re: مسادير يا أهل المسادير إلى ما شاء الله........ Author: munswor almophtah Date: 10-26-2007, 07:26 PM Parent: #988
مرات كمان بطراها زولتي القبيل ضفرتني زمن مطموس دردقني في مرماها وبمنعة باك شمال شاتتني أبحرت سفني من مرساها وفتها، عشان هي كما فاتتني لكن يا قليب الرماد وكتين قت الله معاها ليه مضيع لي فرصا مكان واتتني
nasr
من عسل الكلام وفشان نبيهه سبتنى برقا من عيونا كهاربو ديك شلتنى كيف بكريها صاقع وكيف أسو كان أتنى وااخ أنا من غراما الصيده ديك مكنتنى
منصور
Post: #990 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 10-26-2007, 07:43 PM Parent: #989
سألت الخالق الأرض والجبال رواسي يهنيك ويسعدك ياالمهذب وراسي اللوح والقلم والكرسي والإخلاص من الفي القلب كهاربو ضربت ماسي
Post: #991 Title: Re: مسادير يا أهل المسادير إلى ما شاء الله........ Author: munswor almophtah Date: 10-27-2007, 08:52 PM Parent: #990
كفات بالشمال أسد الكرايه القارح وحجّر غابتو تب منع البفر والسارح من نتراتو الفارس يفز والدارة تصبح طارح قمر السبعتين الما هلا ود البارح
الليلة الحديد صادف حديد النينا قلبو صميم جبال التاكا فيهن لينا قال لي الشطارة معروفة ورثاً فينا قُت ليهو الرسالة عنوانا تب كافينا
سمية الحسن طلحة
Post: #1024 Title: Re: مسادير يا أهل المسادير إلى ما شاء الله........ Author: munswor almophtah Date: 12-23-2007, 09:31 PM Parent: #1023
يا أهل الصلاح والصوله يا الواصلينا يا ترب الفلاح بندور دعاكم لينا ناس جبل الحديد الفى البطانا بزينا أقضوا غردنا من سير شوقنا نحن حفينا
منصور
Post: #1025 Title: Re: مسادير يا أهل المسادير إلى ما شاء الله........ Author: munswor almophtah Date: 12-24-2007, 07:33 AM Parent: #1024
اختف كراعك شروق قبال بزوغ الضي ناس جبل الحديد راقدين صعيدا صي كاربين الحزم ما فيها حبلا ني وفي سدر الروكي دايرهن الحقوك يا جني
أبوعلى السودانى
Post: #1026 Title: Re: مسادير يا أهل المسادير إلى ما شاء الله........ Author: munswor almophtah Date: 12-24-2007, 08:27 AM Parent: #1025
اختف كراعك شروق قبال بزوغ الضي ناس جبل الحديد راقدين صعيدا صي كاربين الحزم ما فيها حبلا ني وفي سدر الروكي دايرهن الحقوك يا جني
أبوعلى السودانى
فى القدسى الحديث بى سرو كن كانلى وبى سر عبدو بقباق القلع بانلى اب لمبات صعيب الحال قسم هانلى ولاحق الميس جرب من وردو شارب رى
منصور
Post: #1028 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-24-2007, 11:50 AM Parent: #1025
اختف كراعك شروق قبال بزوغ الضي ناس جبل الحديد راقدين صعيدا صي كاربين الحزم ما فيها حبلا ني وفي سدر الروكي دايرهن الحقوك يا جني
أبوعلى السودانى
ياالجبل الحجزت بين النار والمَي هبار الشروق واسع سدركن فَي قال أبوعلي الفارس البخود الدَي الفي سدر الروكي ألحقوهم لَي
سمية الحسن طلحة
Post: #1030 Title: Re: مسادير يا أهل المسادير إلى ما شاء الله........ Author: munswor almophtah Date: 12-24-2007, 04:42 PM Parent: #1028
السلام عيكم،
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري
أبوعلى السودانى
Post: #1027 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-24-2007, 11:39 AM Parent: #1024
يا أهل الصلاح والصوله يا الواصلينا يا ترب الفلاح بندور دعاكم لينا ناس جبل الحديد الفى البطانا بزينا أقضوا غردنا من سير شوقنا نحن حفينا
منصور
ياأهل الصلاح ياأبواتي وينكم لينا ناس جبل الحديد يا سبق السابقينا قبل الصيحة تلفونا وتعرفوا البينا أقضوا غردناوغرد يات من محقب فينا
سمية الحسن طلحة
Post: #1029 Title: Re: مسادير يا أهل المسادير إلى ما شاء الله........ Author: munswor almophtah Date: 12-24-2007, 04:39 PM Parent: #1027
ياالجبل الحجزت بين النار والمَي هبار الشروق واسع سدركن فَي قال أبوعلي الفارس البخود الدَي الفي سدر الروكي ألحقوهم لَي
سمية الحسن طلحة
السلام عيكم،
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري اهلها كفر وخاتي شكرقبيحة زي مي ابودليق ولي ابزليق ديار رام في البضبحو شول اكرمو الزول مطايب وني ناس علي عيش اكف الديش وما سو شي .
أبوعلى السودانى
Post: #1031 Title: Re: مسادير يا أهل المسادير إلى ما شاء الله........ Author: munswor almophtah Date: 12-24-2007, 11:30 PM Parent: #1029
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري
أبوعلى السودانى
أب على شن بقول يا أخوانا فسرو لى والشوق كان طمح فسراع بنلقى خوى الروكى كان بعيد جمع الأرض والطى ولى جبل الحديد الخاتى دق النى
منصور
Post: #1032 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 12-25-2007, 10:26 AM Parent: #1031
العيد مبارك عليكم كلكم أهل المسادير والمعاني السمحة
منصور: كفارة وحمدلله على السلامة .. والجاتك في عربيتك سامحتك ..
يالله أرح قاعدين نقراكم كلمة كلمة
Post: #1033 Title: Re: مسادير يا أهل المسادير إلى ما شاء الله........ Author: munswor almophtah Date: 12-26-2007, 08:37 AM Parent: #1032
محمد كل سنه وإنت بألف خير وأبوعلى دا من بين ماريا وإيدالولى وعمو حجازى وأخوهو يحى وأسأل الجماعه بوروك
منصور
Post: #1034 Title: Re: مسادير يا أهل المسادير إلى ما شاء الله........ Author: munswor almophtah Date: 12-26-2007, 09:17 AM Parent: #1033
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري اهلها كفر وخاتي شكرقبيحة زي مي ابودليق ولي ابزليق ديار رام في البضبحو شول اكرمو الزول مطايب وني ناس علي عيش اكف الديش وما سو شي .
أبوعلى السودانى
الروكى وقتين نقول جبل الفراتيت هى وماهن فى الصقايع ولا حداهن صى فيهن دب ضبع ماكل السلات النى وفوقها مخوى قانص وإنت شفتو حدى وشها ليك بكشفو وسمحه ساحرة زى بجوها الناس يحجوا وفيها كمين شئ منابع المويه من غنن الجبال مى دوى ومرحات صيدا تخلف فوق كبادنا الكى
منصور
Post: #1035 Title: Re: مسادير يا أهل المسادير إلى ما شاء الله........ Author: munswor almophtah Date: 12-26-2007, 08:52 PM Parent: #1034
الجبال تطير من فوق لي السماك وتري وفوق لي بنات نعش ان صنقعت ما شوف شي خليهن وارح اديهن قفاك ضحي ويا ما تليم جبال سيلها العفاف ومحي ويا ما تشوف غزالا عين ترمي حدي المن امات رميلة متركشات لا شمي مجافيات الروكي اووردو الصقيع مو مي نبع جمد ونبت همد تحت الصقيع بقي هي
ملحوظة
الجبال بفتح الجيم وتشديد الباء علي الطريقة السودانية
أبوعلى السودانى
Post: #1036 Title: Re: مسادير يا أهل المسادير إلى ما شاء الله........ Author: نادية عثمان Date: 12-26-2007, 11:44 PM Parent: #1035
Post: #1037 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-27-2007, 08:02 AM Parent: #1036
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري اهلها كفر وخاتي شكرقبيحة زي مي ابودليق ولي ابزليق ديار رام في البضبحو شول اكرمو الزول مطايب وني ناس علي عيش اكف الديش وما سو شي
أبوعلى السودانى
الليلة أب علي جاب طاري القرونهم لي سمحين الخصال وكمان مليحين زي من سافل صعيد ودساقرتة عرّج بي علي أهلي الغرامهم خِلقة ساكن فِي سمية الحسن طلحة
Post: #1038 Title: Re: مسادير يا أهل المسادير إلى ما شاء الله........ Author: munswor almophtah Date: 12-27-2007, 07:44 PM Parent: #1037
أحكام القدر في رقابنا ماشة وجاية
شاربين الوجع ماقلنا منو كفاية
صابرين للمرار ساجدينلو في المصلاية
شاحدين الآله كان لي عذابنا نهاية !!
ناديه
قدر الزول بهون وقتين يشوفلو حكايه
أكبر من مصيبتو وليهو تبقى مرايا
صبر الزول سمح وقتين تصيبو بلايا
عان ناس بوتو ديل فرموها فى قلايا
وكل سنه وأنتى أكثر فرحا وأكثر رضا وشكرا وكذا الإبنه
منصور
Post: #1039 Title: Re: مسادير يا أهل المسادير إلى ما شاء الله........ Author: munswor almophtah Date: 12-27-2007, 08:00 PM Parent: #1038
الليلة أب علي جاب طاري القرونهم لي سمحين الخصال وكمان مليحين زي من سافل صعيد ودساقرتة عرّج بي علي أهلي الغرامهم خِلقة ساكن فِي
سمية الحسن طلحة
أبو على غاص مغور فى اللحيم الحى وجاب بلد البطاحين ما ترك من شئ ناس رانفى البدوبى على الشويدره جدى وناس ود عيش بكفو الفى العلالى حدى
منصور
Post: #1040 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 12-27-2007, 09:54 PM Parent: #1039
الزول السمح باقّي غير دِليك يبرق في العيون دون خُمر ووديِك كايد أترابو ونازل في القلوب تهليك قلوبنا زي الخدرا بين إيدينو لي التوريق
خالد
Post: #1041 Title: Re: مسادير يا أهل المسادير إلى ما شاء الله........ Author: munswor almophtah Date: 12-29-2007, 01:08 AM Parent: #1040
يا دوب بتقت فسراع بتبقى فريك ومن نز التقانت شاربه بى تكنيك سعيد الحظ جنب ماهو الدلاهه عميك وما بنقدر نداقرو أكان حلف برميك
منصور
Post: #1042 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-30-2007, 10:05 PM Parent: #1041
يا دوب بتقت فسراع بتبقى فريك ومن نز التقانت شاربه بى تكنيك سعيد الحظ جنب ماهو الدلاهه عميك وما بنقدر نداقرو أكان حلف برميك
منصور
مشتول التقانت نوارو باسم ليك والعفرت تظن سحابو تب راويك تتعشم تقول لامن تمد إيديك حارسو الجنب من القطف يعفيك
سمية الحسن طلحة
Post: #1043 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-30-2007, 10:18 PM Parent: #1042
الزول السمح باقّي غير دِليك يبرق في العيون دون خُمر ووديِك كايد أترابو ونازل في القلوب تهليك قلوبنا زي الخدرا بين إيدينو لي التوريق
خالد
الزول السمح من كل نوع يديك يزيد في الدلال وإت تزيد في الفيك بألوان قزح مطر الخريف يغريك كان خلينو إت هواهو ما بخليك
سمية الحسن طلحة
Post: #1044 Title: Re: مسادير يا أهل المسادير إلى ما شاء الله........ Author: munswor almophtah Date: 12-31-2007, 09:32 AM Parent: #1043
مشتول التقانت نوارو باسم ليك والعفرت تظن سحابو تب راويك تتعشم تقول لامن تمد إيديك حارسو الجنب من القطف يعفيك
سمية الحسن طلحة
مشتول التقانت منو عبو الريك ومن سمح المسور ضمنوه مانع الشيك طالب المستحيل ماهو الهوين كيك وماهو دجل مشعوذ ديمه لاعب بيك
منصور
Post: #1045 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 12-31-2007, 07:45 PM Parent: #1044
مشتول التقانت منو عبو الريك ومن سمح المسور ضمنوه مانع الشيك طالب المستحيل ماهو الهوين كيك وماهو دجل مشعوذ ديمه لاعب بيك
منصور
العز بالمواريث والدلع راجيك وسمت القفل قطفتو بي إيديك ركوب الصعاب معروف طبيعةً فيك طالب المستحيل طرورة ما بباريك
سمية الحسن طلحة
Post: #1046 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 12-31-2007, 08:28 PM Parent: #1045
Quote: الزول السمح من كل نوع يديك يزيد في الدلال وإت تزيد في الفيك بألوان قزح مطر الخريف يغريك كان خلينو إت هواهو ما بخليك
سمية الحسن طلحة
أوعد يا رب بي متل الزويل دا
Post: #1047 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-01-2008, 09:47 AM Parent: #1046
Quote: أوعد يا رب بي متل الزويل دا
رب العزة قادر كان سألت بعطيك وكان أعطاك الكريم مافي من بحميك تتزلل صعاب والقاسية بتهون ليك في العام الجديد تلقاها كل أمانيك
سمية الحسن طلحة
كل عام والكل بخير
Post: #1048 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 01-01-2008, 01:24 PM Parent: #1047
Quote: رب العزة قادر كان سألت بعطيك وكان أعطاك الكريم مافي من بحميك تتزلل صعاب والقاسية بتهون ليك في العام الجديد تلقاها كل أمانيك
سمية الحسن طلحة
آميــــــــــــــــــــــــــــــــــــــن
Post: #1049 Title: Re: مسادير يا أهل المسادير إلى ما شاء الله........ Author: munswor almophtah Date: 01-02-2008, 09:21 AM Parent: #1048
العز بالمواريث والدلع راجيك وسمت القفل قطفتو بي إيديك ركوب الصعاب معروف طبيعةً فيك طالب المستحيل طرورة ما بباريك
سمية الحسن طلحة
سكن الناس إيجار وانت القصور تمليك ويا المالك كرامتك مين بقول بمليك لبن الطير حقيقه إن درتو إنت بجيك وداك سابع المحال جالبنو من دخريك
منصور
Post: #1050 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-02-2008, 06:10 PM Parent: #1049
سكن الناس إيجار وانت القصور تمليك ويا المالك كرامتك مين بقول بمليك لبن الطير حقيقه إن درتو إنت بجيك وداك سابع المحال جالبنو من دخريك
منصور
بالعام الجديد جايين نباخت ليك بقدم السعد إنشاء الله هلاّ عليك سبّاق للمكارم والواجبة دون مِحريك والقايلين بطيروا ما بلحقوه مشيك
سمية الحسن طلحة
Post: #1051 Title: Re: مسادير يا أهل المسادير إلى ما شاء الله........ Author: munswor almophtah Date: 01-02-2008, 08:34 PM Parent: #1050
بالعام الجديد جايين نباخت ليك بقدم السعد إنشاء الله هلاّ عليك سبّاق للمكارم والواجبة دون مِحريك والقايلين بطيروا ما بلحقوه مشيك
سمية الحسن طلحة
مقبول السلام من المساقط ديك ومتلو كمان سلام من فاس بلدنا بجيك الميج البطير عند الكرم با ريك وتيسا للركوب ساعة الضيوف بفديك
منصور
Post: #1052 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 01-02-2008, 09:08 PM Parent: #1
مُرسل للحبيبة,,, أمي السلام بغريك بتذكر وداعك ودمع العيون ترويك يوم تِقلت خُطاي تباري فيهو مشيك في العام الجديد نبض القلوب بهديك
Post: #1053 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-03-2008, 04:26 PM Parent: #1052
مُرسل للحبيبة,,, أمي السلام بغريك بتذكر وداعك ودمع العيون ترويك يوم تِقلت خُطاي تباري فيهو مشيك في العام الجديد نبض القلوب بهديك
تماضر الخنساء حمزه
مرسل للحبيبة... أمي كل لحظة وانت بألف خير
رب العالمين المافي ليهو شريك وصانا نبرك دون وصاية عليك شفيع الأمة زاد أشواقنا في التحريك يوم قال الجنان بتكون تحت قدميك
سمية الحسن طلحة
Post: #1054 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 01-03-2008, 05:18 PM Parent: #1053
Quote: رب العالمين المافي ليهو شريك وصانا نبرك دون وصاية عليك شفيع الأمة زاد أشواقنا في التحريك يوم قال الجنان بتكون تحت قدميك
سمية الحسن طلحة
مقامها كبير وفي القليب دا رُقادّا ست الهم العظيم ولي البطان مُشهادّا تتبن لي المريض ولي البعيد سهادّا ما بنوفيها حقها هي زي النجوم في بعادّا
خالد
Post: #1055 Title: Re: مسادير يا أهل المسادير إلى ما شاء الله........ Author: munswor almophtah Date: 01-04-2008, 03:34 AM Parent: #1054
مُرسل للحبيبة,,, أمي السلام بغريك بتذكر وداعك ودمع العيون ترويك يوم تِقلت خُطاي تباري فيهو مشيك في العام الجديد نبض القلوب بهديك
تمُاضر الخنسناء
متل العند خناس من بر أظنو بصيبك وحب الوالدين فايزابو بعدل صيبك فوز الجنه قبض ايد بالأمومه نصيبك وسمح القول دوام بلداتو راخى خصيبك
منصور
Post: #1056 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-04-2008, 09:28 PM Parent: #1055
مقامها كبير وفي القليب دا رُقادّا ست الهم العظيم ولي البطان مُشهادّا تتبن لي المريض ولي البعيد سهادّا ما بنوفيها حقها هي زي النجوم في بعادّا
خالد
أمطار السعد كل يوم عليك تترادى يانجمة سعودنا الفي الضلام وقادة بي حبك نفوز كالختمت حياتو شهادة عاجل البر يكون في الدنيا لينا سعادة
سميةالحسن طلحة
Post: #1057 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 01-04-2008, 09:37 PM Parent: #1056
Quote: مرسل للحبيبة... أمي كل لحظة وانت بألف خير
رب العالمين المافي ليهو شريك وصانا نبرك دون وصاية عليك شفيع الأمة زاد أشواقنا في التحريك يوم قال الجنان بتكون تحت قدميك
سمية الحسن طلحة
أمي الحبيبة والله بشتاق ليك حنية العيون وملمسن إيديك الكون جميع مابساوي إت عينيك حتّى الجنّة حق رايداك تحت كِرعيك
Post: #1058 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 01-04-2008, 09:43 PM Parent: #1054
Quote: مقامها كبير وفي القليب دا رُقادّا ست الهم العظيم ولي البطان مُشهادّا تتبن لي المريض ولي البعيد سهادّا ما بنوفيها حقها هي زي النجوم في بعادّا
صدق من قال أقوالنا فيها مُعادة وقدر من نزيد تقصيرنا باقي زيادة بطراها الحنينة بي مبخرا وأعوادا ربي يزيد هناكي ويديكي ديمة سعادة
Post: #1059 Title: Re: مسادير يا أهل المسادير إلى ما شاء الله........ Author: munswor almophtah Date: 01-06-2008, 03:22 AM Parent: #1058
Post: #1060 Title: Re: مسادير يا أهل المسادير إلى ما شاء الله........ Author: الطيب شيقوق Date: 01-06-2008, 09:06 PM Parent: #1059
ود المفتاح
كل عام وانت بالف خير
اهلك ناس منتدى سنار جميعهم في انتظارك وقالوا عنك الكثير ارجو تصفح منتداهم العام للاطلاع على ما قيل عن منصور المفتاح . ارجوك ان تطل عليهم عبر نافذتهم الاسفيرية وتسهم ولو بالقليل من ابداعاتكم .
Sennar.net.com
لك عميق مودتي
اخوك ود شيقوق
Post: #1061 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-06-2008, 10:48 PM Parent: #1060
أخوات القمر نور الكهارب طفن وفي خلق الله نيران الكماين بقن شايقني حديثا عنهن ومعنعن عندكم الكلام موفور وماهو ملقن
سمية الحسن طلحة
Post: #1063 Title: Re: مسادير يا أهل المسادير إلى ما شاء الله........ Author: munswor almophtah Date: 01-07-2008, 08:29 AM Parent: #1060
سنار دار ملوك من فونج قديم وعنج وارباب واحدم ماهم تبيعه همج أصحاب كلمه صر معدوم إصيبها غنج وديل أصحاب تراث ماهم جهوله سمج
يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى
ولك السلام
منصور
Post: #1062 Title: Re: مسادير يا أهل المسادير إلى ما شاء الله........ Author: أحمد الشايقي Date: 01-06-2008, 11:33 PM Parent: #1
Post: #1064 Title: Re: مسادير يا أهل المسادير إلى ما شاء الله........ Author: الطيب شيقوق Date: 01-07-2008, 09:43 AM Parent: #1062
Quote: سنار دار ملوك من فونج قديم وعنج وارباب واحدم ماهم تبيعه همج أصحاب كلمه صر معدوم إصيبها غنج وديل أصحاب تراث ماهم جهوله سمج
يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى
الاخ المنصور يا ايها الزهو المباح
قواسيب المودة والثناء لك ايها المخضرم وعقبال لاولادك وما احلى فرحة زواج الابناء يا ود المفتاح .
برضي في انتظار طلتك في منتدى اهلنا ناس سنار للاطلاع على ما قيل عن منصور المفتاح وفرحتهم بطلتك الموعودة .
أكرر عميق مودتي
Post: #1065 Title: Re: مسادير يا أهل المسادير إلى ما شاء الله........ Author: munswor almophtah Date: 01-08-2008, 08:13 AM Parent: #1062
الشايقى الأصيل فى الدار حباب أقدامك يا فاعل المكارم مين بفوت قدامك الناس فى العدم دخريها باذلو إيدامك يا مطر الخريف إنت البخافو صدامك
كتر خيرينك يا الشايقى ولك السلام والتحايا
منصور
Post: #1066 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-08-2008, 08:45 AM Parent: #1065
Quote: بالعام الجديد جايين نباخت ليك بقدم السعد إنشاء الله هلاّ عليك سبّاق للمكارم والواجبة دون مِحريك والقايلين بطيروا ما بلحقوه مشيك
سمية الحسن طلحة
آمين يا سلمى .. والله كلامكن يكيف وضحكتني (محريك) .. إنتو برضو في البطانة بتقولوما تتمحرك لمن يتثاقل في العمل
أرح سفر المسادير ينحو للأعمق
Post: #1067 Title: Re: مسادير يا أهل المسادير إلى ما شاء الله........ Author: munswor almophtah Date: 01-08-2008, 09:09 AM Parent: #1066
آمين يا سلمى
تعرف يا محمد البتمحركو ديل الذين تخف سيقانهم زمن الغنائم وتتثاقل أرجلهم زمن الزحف إلى الكاشير أو أيديهم زمن الكمسارى يفرقع بأصابعه لمن نام عمدا لك السلام يا ظريف وعلى نايل كلمه أحمد يوسف بو حريره بوحريده
منصور
Post: #1068 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-08-2008, 01:23 PM Parent: #1067
آمين يا سلمى
! ؟
ود عبد الجليل حايداني فيك منصدمة كيف يغباك مشهاد البدر ليل تمه ياضو القبايل في السنين الصرمة يسلمك الله من كيد ناس عزيزة وسلمى
سمية الحسن محمد طلحة
Post: #1069 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-08-2008, 01:33 PM Parent: #1068
Quote: يسلمك الله من كيد ناس عزيزة وسلمى
سمية العزيزة كيف حالك والله دي ياها المرحكة زاتا! هل تعلمي أنك سمية مو كدي وبس زوجتي إسمها سمية برضو لكين إيدي شترا ومتمرحكة كمان، وطالما جبتي المسدار السمح ده .. بركه الغلته للمرة الثانية ولك العتبى يا من تضمخين وجداننا بجميل الكلم ويا ريت لو كنت بعرف أمسدر لكنت ....
يا سمية العفو والله غلتانين لكين القليب مشدوه زمانا شين ما يصح يغباني مشهاد بدر دورين طالبين السماح يا بت عزاز بطاحين
Post: #1070 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-08-2008, 03:02 PM Parent: #1069
حاشاك يامحمد المحركة والشتارة لكن منصور دا صالح ظنيتا دي مغارة راسا عديل الناس بدخلوا مسيدو دا يختوا حاجتم ويمرقوا مابتجاسروا يهبشوا بحرو
يا سمية العفو والله غلتانين لكين القليب مشدوه زمانا شين ما يصح يغباني مشهاد بدر دورين طالبين السماح يا بت عزاز بطاحين
Post: #1071 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 01-08-2008, 05:17 PM Parent: #1070
من يوم شفتو وعيني جَفتْ تغميدّا غزيز ديسا متوسد الحِزوز في جيدا تقدل بي مهل والقلوب يزيد تطريبا هالكا العِباد تشوف الدموم في وريدا
خالد
Post: #1072 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-09-2008, 07:23 AM Parent: #1071
Quote: تعرف يا محمد البتمحركو ديل الذين تخف سيقانهم زمن الغنائم وتتثاقل أرجلهم زمن الزحف إلى الكاشير أو أيديهم زمن الكمسارى يفرقع بأصابعه لمن نام عمدا لك السلام يا ظريف وعلى نايل كلمه أحمد يوسف بو حريره بوحريده
المنصور - وتتمرحكوا تلقيتها أول ما تلقيتها من عمي حامد، كان يقول (الشفع ديل يتمرحكوا من الصباح قلعوا عشرين حوض بس) وعمي حامد - أطال الله عمره - لازال مزارعا بيده وقد تجاوز الثمانين، ذهبت إليه الســـنة الفاتت في الزراعة عندو سدره ضليلة وتحتها نص عنقريب وقلت ليهو ياخي العنقريب دا قصير وانتا ضهرك موجعك، قال لي: هازول أنا مما ضربني النحل تاني ما حسيت لي بي شيء، وأشار بيده إلى أعلى السدرة حيث الخليــــة الكبيرة حاوية النحل الضربو عندما هرب كل الحضـــور إلا هو تمرحك خايف من اللوم فجاءت مرحكته شفاءا تاماً من وجع الضهر، فبعضهم يتفادى بها دفع القروش وآخــر يستخدمها لدفع اللوم والدنيا كلها دفع واللوم بجــي بالغفلات.
سمية - تاني ما بجادعكن بالمسادير تب لا إنتي لا منصور بدخل أقرأ وأفرتق ذي باقي الجماعة لكين تكونوا عارفين أني معاكن من هنا إلى ما شاء الله
Post: #1073 Title: Re: مسادير يا أهل المسادير إلى ما شاء الله........ Author: munswor almophtah Date: 01-09-2008, 07:48 AM Parent: #1072
فى زمن الدرك الناس تصير ممحونه واحدين قالو ضاعت كرتتو وشنطونه متلك يا اللصم من خير وعاك يعطونا يا دهب الملوك إت للقلوب صابونه
أفو بدور تفوتنا وتخلى ضهرنا للخلاء ها زول حلف ما تفوت يا البرمكى إنت قايل نحن بنخليك يا قايد الركزو وتلو ضرعاتم بشاير خير تقبل السلام يا أبو التيمان
منصور
Post: #1074 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-09-2008, 11:54 AM Parent: #1073
Quote: أفو بدور تفوتنا وتخلى ضهرنا للخلاء ها زول حلف ما تفوت
ما أظنك تكون قاصدني أنا بالكلام ده، ولو كنت معناها ما قريت كلامي (معاكن إلى ما شاء الله) ..
الفوته مي منكن افوتكن شقيش أقبل؟! الفوته من المجادعة بالمسادير، ما بعرف وبقعد أحاول وبخرب الرصه، قلت ليك أجي أقرأ وأفوت أي أتداخل معاكن بكلام ساكت جنس ده.
Post: #1075 Title: Re: مسادير يا أهل المسادير إلى ما شاء الله........ Author: munswor almophtah Date: 01-10-2008, 06:28 AM Parent: #1074
فطموك يا ولد قبال تتم إتنين وفيك درعو الخلال تانى بتقبل وين بنكك جمدوا وحرموك من تموين ولا زاد باقيى ليك لا كاش تشيل كنتين
منصور
Post: #1076 Title: Re: مسادير يا أهل المسادير إلى ما شاء الله........ Author: munswor almophtah Date: 01-10-2008, 06:51 AM Parent: #1074
Post: #1077 Title: Re: مسادير يا أهل المسادير إلى ما شاء الله........ Author: الطيب شيقوق Date: 01-10-2008, 07:22 AM Parent: #1076
ود المنسي
Quote: من يوم شفتو وعيني جَفتْ تغميدّا غزيز ديسا متوسد الحِزوز في جيدا تقدل بي مهل والقلوب يزيد تطريبا هالكا العِباد تشوف الدموم في وريدا
ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .
هييييييييييييييع عفو عليك يا مصطفى سعيد رفت راسنا فوووووووووووق
Post: #1078 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-10-2008, 07:55 AM Parent: #1077
سمية - تاني ما بجادعكن بالمسادير تب لا إنتي لا منصور أبو التومات بي شينة إنشاء الله مانتفرّف ماك حق القصار ساسك في المكارم غرّق يادهب الخزانة الصافي حر ومحرق جر نم حالي المسادير خلنا أنتعشرق
سمية الحسن طلحة
Post: #1079 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-10-2008, 08:02 AM Parent: #1078
لكين تكونوا عارفين أني معاكن من هنا إلى ما شاء الله
المحرات حقيقة بقلع المدفونة وطبايع النفوس ينضح بها ماعونا إلى ماشاءالله معانا متينة في مضمونة والفي الكون جميع بشينة ما بفرقونا
سمية الحسن طلحة
Post: #1080 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-10-2008, 12:11 PM Parent: #1079
Quote: المحرات حقيقة بقلع المدفونة وطبايع النفوس ينضح بها ماعونا إلى ماشاءالله معانا متينة في مضمونة والفي الكون جميع بشينة ما بفرقونا
Post: #1081 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 01-10-2008, 06:54 PM Parent: #1080
Quote: ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .
هييييييييييييييع عفو عليك يا مصطفى سعيد رفت راسنا فوووووووووووق
أخي منصور المنصور تحية طيبة وسلاااام عليك الله شوف عقيد الدندر دا بقطع الكلام وبساوي من راسو ساكت كيف ؟؟؟ باقي لي كل ما ياخد لي نومة تتخمر قصة في ٍاسه ويصدقها وعليك أمان الله عمري ماقلت ليهو أني متزوج من البلقان عمري كلو
الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان )
زوجتي يا عقيد الدندر من المجر ( هنقاريا ) بلد نهر الدانوب
Post: #1082 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 01-10-2008, 08:11 PM Parent: #1081
فطموك يا ولد قبال تتم إتنين وفيك درعو الخلال تانى بتقبل وين بنكك جمدوا وحرموك من تموين ولا زاد باقيى ليك لا كاش تشيل كنتين
منصور
الله في شرعو قال فصالو في عامين الما تم حول من حضنو ليش فاردين لا وجبت زكاة وفوقكم جرورة ودين تقولوا الرووب يقولوا غباشة ولا تخين
سمية الحسن طلحة
Post: #1083 Title: Re: مسادير يا أهل المسادير إلى ما شاء الله........ Author: عبدالله الشقليني Date: 01-11-2008, 04:44 PM Parent: #1
يا منصور سلام ،اللّينة ليكَ هِي الجاية والأم الحنون لى ضناها هي الغتايـــة بى هَبوب عَبادي فاجة السَحاب مُصلايـة أبشِر بالرُشاش الخلى أم سِويق مَشايــة
****
Post: #1084 Title: Re: مسادير يا أهل المسادير إلى ما شاء الله........ Author: Mohamed Abdelgaleel Date: 01-12-2008, 06:34 AM Parent: #1083
Quote: الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان )
يكون بقصد بلقان السودان!
يازول خلو واكتب ساكت وعلى الله
Post: #1085 Title: Re: مسادير يا أهل المسادير إلى ما شاء الله........ Author: munswor almophtah Date: 01-13-2008, 11:12 AM Parent: #1084
يا منصور سلام ،اللّينة ليكَ هِي الجاية والأم الحنون لى ضناها هي الغتايـــة بى هَبوب عَبادي فاجة السَحاب مُصلايـة أبشِر بالرُشاش الخلى أم سِويق مَشايــة
حليل زمن الخريف وقتين يصح تيرابو رامي سبيط ثمار والفالح يملأ جرابو طعم نوافر أم بنا من العروق طاشابو لا لمينا في مويتو ولا لحقنا رهابو
سمية الحسن طلحة
Post: #1087 Title: Re: مسادير يا أهل المسادير إلى ما شاء الله........ Author: munswor almophtah Date: 01-14-2008, 04:34 PM Parent: #1086
ود المنسى غار شيقوف عديل هجابو ساقو بلاد مجر فد مره لينا وجابو فوق أصهب مقونن نازى دوم دجابو يا جبل الحديد الفاهو وأبقى حجابو
منصور
Post: #1088 Title: Re: مسادير يا أهل المسادير إلى ما شاء الله........ Author: ابوبكر يوسف إبراهيم Date: 01-14-2008, 08:38 PM Parent: #1087
أخي الحبيب منصور اختي الحبيبة سمية
سلام علي روحيكما الطيبتن وسلام على مزاميركما مزامير آل داؤد.. أتجول في أبولو لأستمتع بعزف قثاتاراته الشجية وكأني مع حادي العيس في قواقلهما في قفار وفيافي ومفازات الرحيل والمنافي أكون في لحظات فرح مزيجة بـلحظات عذاب داخلي أترجمها بالتغني..." وهذا ما ألمسه في هده المسادير من حـيـث الإيـقـاع المتنوع الذي يخـاطب أذن السامع أو القارئ في تجاوب فني و موسيقي , وكان الشاعر المصباح يغـنـي ويـكـتـب ولا يجارى وكذا أنت يا سمية. يرشح شعر المسدار منكما بمعان تمت إلى الذوق الإبداعي والفني بصلة جاذبة تغري الروح بما هو عميق و أصيل من الشعر ، كما تحـث الموهبة الإبداعية و الفنية للاقتراب من القارئ . تحمل الشاعر عبء المعاني في الأداء بثقة في القريحة التي لا تخون , وبخبرة في الأسلوب الذي لا يعوق ، وباستجابة وجدانـيـة تركبا الــبحور كي يخاطب الروح ، و تعزفا بأنامل الشعور والإحساس على أوتار الوجدان ، وحين تستهـويناشهزة المسادير نأتي لواحتيكما لنستفيء بها من جفاف الزمن المعاند مساديركما تولد فينا عشق الـكلمة وسحر الصورة الشعرية .. التقدير والأعجاب
Post: #1089 Title: Re: مسادير يا أهل المسادير إلى ما شاء الله........ Author: خالد علي محجوب المنسي Date: 01-14-2008, 08:59 PM Parent: #1088
ود المنسى غار شيقوف عديل هجابو ساقو بلاد مجر فد مره لينا وجابو فوق أصهب مقونن نازى دوم دجابو يا جبل الحديد الفاهو وأبقى حجابو
منصور
كان بجي معاي باقي تب دابو مو زول ضنيب مرحب حبابو حبابو يوزن قبائل والفكر ديدابو ودشيقوق حبيب للأخو وعقابو خالد
Post: #1090 Title: Re: مسادير يا أهل المسادير إلى ما شاء الله........ Author: أحمد الشايقي Date: 01-14-2008, 10:33 PM Parent: #1
انا ما زليت حلف نما بجر عشانه ارد الروح اداوي جروح تلم بريانه عل جرحا منوسر غلب الشفخانه وما ظنبت حت العم ود حسن يلفانا
أبوعلى
Post: #1118 Title: Re: مسادير يا أهل المسادير إلى ما شاء الله........ Author: munswor almophtah Date: 01-28-2008, 01:05 AM Parent: #1117
حاج منصور سلام تسلم وما تشوف شانه وحرم ضربك ضيارما بتودر الجبخانه تقول سحار بعيد الفي قلوبنا عيانا والله انا اشتكيتلك ياما فقدنا وعانا
أبوعلى
مرحبتين سلام بالفنجرى وخمجانه وإنتو عيال قنيص بتجضمو الجبخانه زمان ودحسن قال يا بدرى شبنا كفانا وإنتو ملوك حلم غرقتو ساس بنيانا
منصور
Post: #1119 Title: Re: مسادير يا أهل المسادير إلى ما شاء الله........ Author: munswor almophtah Date: 01-28-2008, 01:25 AM Parent: #1118
شرفت وقلت شافت كلبنا معانا وأنسندت على ساقا رهيف بنيانا شوف دخان الضحى القالباهو فوق سيقانا يا بدرى الأمين شبنا السفاهه كفانا
عمر محمد حسن البدرى
ويا حامد موسى مراهد أسأل محمد مقبول من العماليق ديل بوريك وعمر دا عم الإمام الزين
منصور
Post: #1120 Title: Re: مسادير يا أهل المسادير إلى ما شاء الله........ Author: munswor almophtah Date: 01-28-2008, 01:43 AM Parent: #1119
جدية دار صباح الفى الجحيم صاليانا نصبت مشنقه وزى الحرس صالبانا يا برم الطلح الفيهو عشنا صبانا لابسين توب عفاف لا خنا قط لا صبأنا
منصور
Post: #1121 Title: Re: مسادير يا أهل المسادير إلى ما شاء الله........ Author: nashaat elemam Date: 01-28-2008, 08:22 AM Parent: #1115
في البيت السعيد اطراه كان يطرانا ويا نشات امام ختيت ليك امانة لتيبة التقنت الشربت عشا النديانا جو حشانا ونار شوقه التقول بركانا
أبوعلى السودانى
يا منصور أخوي الدنيا ما دايرانا قدر ما نهجس ونروق تجي كاردانا تعبنا من الجري والبيهو زادت اذانا تجفل في الحبيب ودايراهو ما يطرانا
Post: #1122 Title: Re: مسادير يا أهل المسادير إلى ما شاء الله........ Author: munswor almophtah Date: 01-29-2008, 08:21 PM Parent: #1121
لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا
ملحوطة النرفانا اعلي درجات الصفاء الروحي عند البوذيين اي قمة السعادة والهناء
أبوعلى السودانى
Post: #1123 Title: Re: مسادير يا أهل المسادير إلى ما شاء الله........ Author: munswor almophtah Date: 01-29-2008, 08:24 PM Parent: #1121
لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا
أبوعلى السودانى
Post: #1124 Title: Re: مسادير يا أهل المسادير إلى ما شاء الله........ Author: emad altaib Date: 01-29-2008, 08:55 PM Parent: #1123
ـــــــــــــــــــــ
Quote: لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا أبوعلى السودانى
ــــــــــــــــــ القطيف والحرير من جسيمها غيرانا
من غير مساحيق الوجينات نديان
وإن برقت ألماظ عيونا جاهرانا
وإن بسمت شمس الصباح اسنانا
Post: #1125 Title: Re: مسادير يا أهل المسادير إلى ما شاء الله........ Author: munswor almophtah Date: 01-29-2008, 09:05 PM Parent: #1123
لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا
سريالى وتراجم للتيب تريانه زى ورد الهجوع فى خلوه فوق جاذبانه واقفين ديدبان فى شانا هى الجازيانا يا أب على شن نسو حكم الأوامر جانا
منصور
Post: #1126 Title: Re: مسادير يا أهل المسادير إلى ما شاء الله........ Author: emad altaib Date: 01-29-2008, 09:22 PM Parent: #1125
ـــــــــــــــــــــ
Quote: سريالى وتراجم للتيب تريانه زى ورد الهجوع فى خلوه فوق جاذبانه واقفين ديدبان فى شانا هى الجازيانا يا أب على شن نسو حكم الأوامر جانا منصور
منصور اخوي بدروب الجمال شايفك شاقي صعيدنا وللكليمات تنقي وتفلي في النشابات لصيد فريقنا نفسك كريمة وابيه و بالعلم والاداب حفظت تراثنا سلامي وشوقي مدوسوس في القليب فايض ليه زمانا عماد
Post: #1127 Title: Re: مسادير يا أهل المسادير إلى ما شاء الله........ Author: emad altaib Date: 01-29-2008, 10:28 PM Parent: #1126
ـــــــــــــــــــ منصور ود مفتاح العلم والراي جيتك راكب ابوسوميت حافي كراعي لابس سديري شايل في الكتيف مخلايتي للمحبة والإلفة والحرية والسلام ساعي عماد
حاشية:ـ ابوسوميت اسم جمل الفارس طه البطحاني ومقابله الكيورد
Post: #1128 Title: Re: مسادير يا أهل المسادير إلى ما شاء الله........ Author: munswor almophtah Date: 01-29-2008, 10:31 PM Parent: #1126
منصور اخوي بدوب الجمال شايفك شاقي صعيدنا وللكليمات تنقي وتفلي في النشابات لصيد فريقنا نفسك كريمة وابيه و بالعلم والاداب حفظت تراثنا سلامي وشوقي مدوسوس في القليب فايض ليه زمانا
عماد
يا زول صد قفاك قرج الصعيد خاتيهن وحافظ كلبى من رازه وتويس باريهن بريب الملاين كلى شوق بوريهن وما بعقب بخون دوار صدق برويهن
لك وعليك السلام يا عماد محمد الطيب
منصور
Post: #1129 Title: Re: مسادير يا أهل المسادير إلى ما شاء الله........ Author: emad altaib Date: 01-29-2008, 11:19 PM Parent: #1128
ـــــــــــــــــــ يا زول صد قفاك قرج الصعيد خاتيهن وحافظ كلبى من رازه وتويس باريهن بريب الملاين كلى شوق بوريهن وما بعقب بخون دوار صدق برويهن منصور
حاشاك الخيانه كبدالسماءهذا زمانا نبتك اصيل شجرة(الاراك) ام در سارانا بريق الوجد هفهف نغزناوحمانا رقادنا كان صدق الكريم فكة الريق في سودانا عماد
Post: #1130 Title: Re: مسادير يا أهل المسادير إلى ما شاء الله........ Author: munswor almophtah Date: 02-01-2008, 07:45 AM Parent: #1129
مهرة ود كلس جقلابه غير شغله وقت الشوف اشوف بتضيقبها السهله مي فرسا لزوم ضباره بي مهله وان عدوا الجياد عرجا وكمان جهره
أبو على السودانى
Post: #1137 Title: Re: مسادير يا أهل المسادير إلى ما شاء الله........ Author: munswor almophtah Date: 02-05-2008, 09:13 AM Parent: #1100
إنعرط اللزم ساعة الدناقر دقن ودار النقزه فوق أمات ضميرن رقن براق السنون نجف الكهارب بقن وسمح القول عسل ورثنو صافى ملقن
منصور
Post: #1131 Title: Re: مسادير يا أهل المسادير إلى ما شاء الله........ Author: Shamael Elnoor Date: 02-01-2008, 07:56 AM Parent: #1
غاب نجم النطح والحر علينا اشتد ضيقناوقصر ليلو ونهارو امتد نظرة المنو للقانون بقيت اتحدى فتحت عندي منطقة الغنا الإنسد
Post: #1132 Title: Re: مسادير يا أهل المسادير إلى ما شاء الله........ Author: munswor almophtah Date: 02-02-2008, 02:42 AM Parent: #1131
وقت الشوف اشوف بتضيقبها السهله مهرة ود كلس جقلابه غير شغله مي فرسا لزوم ضباره بي مهله وان عدوا الجياد عرجا وكمان جهره
أبوعلى السودانى
مهرت ود كلس جربا وكتير دبره ومطفوق صاحبا وكوز ملوه ما عبره عند شيط الضريس والعشره ديك دفره ومريوقه أم نصيب وكافر الجوع قهره
منصور
Post: #1133 Title: Re: مسادير يا أهل المسادير إلى ما شاء الله........ Author: nazar hussien Date: 02-02-2008, 07:07 AM Parent: #1132
Quote: مهرت ود كلس جربا وكتير دبره ومطفوق صاحبا وكوز ملوه ما عبره عند شيط الضريس والعشره ديك دفره ومريوقه أم نصيب وكافر الجوع قهره
مهرة ودكلس دغلة وكمان دشرة ويومو اليفرجا بكلفها فوق عشرة
ما ضاقت لجام بس حدّها الوشرة شديدة هي في الرقاد ومناهر الحشرة
Post: #1134 Title: Re: مسادير يا أهل المسادير إلى ما شاء الله........ Author: munswor almophtah Date: 02-02-2008, 08:31 PM Parent: #1133
مهرة ودكلس دغلة وكمان دشرة ويومو اليفرجا بكلفها فوق عشرة
ما ضاقت لجام بس حدّها الوشرة شديدة هي في الرقاد ومناهر الحشرة
Post: #1169 Title: Re: مسادير يا أهل المسادير إلى ما شاء الله........ Author: munswor almophtah Date: 03-14-2008, 11:58 PM Parent: #1168
إسمك رنده لونك منقه جدك فى الأصل بطحانى واحد تانى أكيد سودانى ماهو يمانى جد رطانى نحن خليط بليله فريك وفينا الأصلو كان قحطانى فينا أفريقى فينا إغريقى لكن القلب سودانى
منصور
Post: #1170 Title: Re: مسادير يا أهل المسادير إلى ما شاء الله........ Author: munswor almophtah Date: 03-15-2008, 08:59 PM Parent: #1169
حبابك رنده يا الدغريه ما بتفاشر حبابك خير ملوك للعنصريه مقاشر زادك يا البتول واصلنا زايد وداشر من نمولى وحلفا لى تسنى وحدودو الفاشر
منصور
Post: #1171 Title: Re: مسادير يا أهل المسادير إلى ما شاء الله........ Author: اْسامة اْباّرو Date: 03-15-2008, 11:46 PM Parent: #1170
سبناها التشاشه الزادوها ضرايب خايفين شغل الكسر إسوجنا مصايب قفلناالحساب بعد ما بقينانحسب سالب وشيكات السجم تطير في ايد وليداً عايب لا يراعى القديم و لا يهمه رأساً شايب إلعّبنا شليل وللسجن إسوقنا ركايب جيناك يا الهميم تدينا رأياً صايب يا اب رأياً سديد شوف سكه غير اللاعب
Post: #1172 Title: Re: مسادير يا أهل المسادير إلى ما شاء الله........ Author: رأفت ميلاد Date: 03-16-2008, 00:57 AM Parent: #1171
رنده ملح الدنيا تب ما قصرت فى القول لسانآ فصيح وفنجرية لامن تخلع الزول سودانية قمحة بطحانية سمحة ما بترد القول الحق سلاحا من إنيى مراحا لى محمد قول
Post: #1173 Title: Re: مسادير يا أهل المسادير إلى ما شاء الله........ Author: رأفت ميلاد Date: 03-16-2008, 01:44 AM Parent: #1172
منصور أخوى نسيت أناغم وأتمم السلام نضم الحلبية لجّم السان ولخبط الكلام بريه منك النوبية عندك من دار بنى تمام والبنية ديك بطحانية طلعت و حيرت الأنام
Post: #1174 Title: Re: مسادير يا أهل المسادير إلى ما شاء الله........ Author: munswor almophtah Date: 03-16-2008, 05:32 PM Parent: #1173
أبارو التشاشا لقينا فيها عجايب مرات عاج وريش مرات نسوقا نجايب الشملول بكون فى رحلو تسعه ركايب والصرمان بكون راسمالو صدقا رايب
منصور
Post: #1175 Title: Re: مسادير يا أهل المسادير إلى ما شاء الله........ Author: munswor almophtah Date: 03-16-2008, 06:16 PM Parent: #1174
رأفت حبابك حاشا ماكا ما ملام وقبلانين سلامك وفى الكرام قدام الدوبيت بحر كتابو داك عوام وديمه عظيم خلق للمكرمات قوام
منصور
Post: #1176 Title: Re: مسادير يا أهل المسادير إلى ما شاء الله........ Author: munswor almophtah Date: 03-17-2008, 04:39 PM Parent: #1175
لاعبين كش ولد ملينا كش الشايب مافيش زول غدر مافينا زولا عايب الزمن الكعب خلانا شفنا عجايب وضلف التور تمام شايل المغتغت جايب
منصور
Post: #1177 Title: Re: مسادير يا أهل المسادير إلى ما شاء الله........ Author: Randa Hatim Date: 03-17-2008, 08:00 PM Parent: #1172
حباب الغالي سيد الاصل وسيد الساس حباب الفي المحاصه بكوس وما بنكاس ود ميلاد دوام في الحاره رافع الراس *ايدك وابل العينه السحابا انماص
Post: #1178 Title: Re: مسادير يا أهل المسادير إلى ما شاء الله........ Author: Randa Hatim Date: 03-17-2008, 08:17 PM Parent: #1170
دارك عامره يا المفتاح وما بتنسد ود شيخ البطانه الجودو فايت الحد النيل ليك حوار في الداره راجى مدد وكتين لقيتو جوارك خلي السما التنقد
Post: #1179 Title: Re: مسادير يا أهل المسادير إلى ما شاء الله........ Author: munswor almophtah Date: 03-18-2008, 06:12 PM Parent: #1178
غرقنا السؤال والليله جبتى الرد وإن شاء الله السماء يبقالنا ما ينهد ملوك البطانا الفيها فاتو الحد وسووها المكارم وفيها زرعو الند
منصور
Post: #1180 Title: Re: مسادير يا أهل المسادير إلى ما شاء الله........ Author: Randa Hatim Date: 03-18-2008, 08:24 PM Parent: #1179
الند زين كلامك يا ود ملوك الدار في الغربه ام طبايق بتشيل حمول الجار السمحة ام كلالق لعروضا يوت ستار يا دقر الهشايم اللدروب حجار
Post: #1181 Title: Re: مسادير يا أهل المسادير إلى ما شاء الله........ Author: munswor almophtah Date: 03-18-2008, 08:34 PM Parent: #1180
جارا جار ملوك مانى الدبيب نقار ويا قصب التقانت حاشا ماكى عدار إن قلنا الكرم جدك بهوش ودار وإن قلنا الأصل ماهوالبخون غدار
منصور
Post: #1182 Title: Re: مسادير يا أهل المسادير إلى ما شاء الله........ Author: Randa Hatim Date: 03-18-2008, 08:54 PM Parent: #1181
ان جينا لي كرمك قبليك يشيل ويرزم لجام خيول الحارة سدرك موشح دم وكت النحاس يعوي للعركة تتلزم الحظو جابو حداك حاشاهو ما بندم
Post: #1183 Title: Re: مسادير يا أهل المسادير إلى ما شاء الله........ Author: munswor almophtah Date: 03-18-2008, 09:13 PM Parent: #1182
قبلى شنو مع المحيط الأهلو بدو بكار وعند ساعة الدواس دخريها ياكلو النار المولود جديد من عينو باقى شرار وارث للشداعه تقول على الكرار
منصور
Post: #1184 Title: Re: مسادير يا أهل المسادير إلى ما شاء الله........ Author: Randa Hatim Date: 03-19-2008, 06:43 AM Parent: #1183
في العركة ام لطام فارسنا طامح فوق وفي ساعة الكرم لي ضيفو نحر النوق وللسمحة ام ضفاير قمريهو مرسال شوق وفي الرأي والعلم سيد الفهم والذوق
رندا
Post: #1185 Title: Re: مسادير يا أهل المسادير إلى ما شاء الله........ Author: munswor almophtah Date: 03-19-2008, 01:50 PM Parent: #1184
فى الزمن الكعب نفاق حشا المريوق وفى زمن المحل سمح الخريف بى بروق السمحه أم نفل فى شانا جال ما بروق وبدفع دمو ليها الساخى مو معروق
منصور
Post: #1186 Title: Re: مسادير يا أهل المسادير إلى ما شاء الله........ Author: ممدوح أبارو Date: 03-19-2008, 02:13 PM Parent: #1185
Post: #1199 Title: Re: مسادير يا أهل المسادير إلى ما شاء الله........ Author: munswor almophtah Date: 03-24-2008, 05:44 PM Parent: #1198
يا وليدات خلاس ودرنا درنا الروقه درنا عفو الإله علا القلوب محروقه شتيلة دار صباح البلكجور معروقه ضاقت خلقى ليها الروح تقر لمروقا
منصور
Post: #1200 Title: Re: مسادير يا أهل المسادير إلى ما شاء الله........ Author: الطيب شيقوق Date: 03-24-2008, 08:16 PM Parent: #1199
اكتب يا ضو القبيلة نحن متابعون يطول عمرك
Post: #1201 Title: Re: مسادير يا أهل المسادير إلى ما شاء الله........ Author: munswor almophtah Date: 03-25-2008, 05:33 PM Parent: #1200
إن درنا الفزع دايما بكون شيقوق ودخرى المكرمات إن قسموه بحوق بار الوالدين كضب البشوفلو عقوق وحبل التيل متلت حاشا مو حنقوق
منصور
Post: #1202 Title: Re: مسادير يا أهل المسادير إلى ما شاء الله........ Author: Ahmed al Qurashi Date: 03-25-2008, 09:32 PM Parent: #1201
الاخ العزيز الاديب / منصور المفتاح
قديما كان العرب يقولون ان عدم الافصاح فى بعض الاشياء فى حد ذاته افصاح وان النفس اذا ما حاولت ان تشع بمكنوناتها فاما زادت عنها او قصرت منها او شوهتها لذلك تكتفى بالصمت احتراما وتقديرا للجمال يوميا ازور هذا البوست بانتظام ولا استطيع ان اكتب فبه تادبا واحتراما ولكن من الواجب علينا ان نشكر من يسعدنا ويبهجنا لذلك اسمحوا لى( جميع المشاركين فى هذا البوست) ان اقول لكم ومن سويداء قلبى شكرا جزيلا.. وهذا اقل ثمن ندفعه لهذه المتعة.
عزيزى منصور ... لقد اسعدتنى كتر خيرك
Post: #1203 Title: Re: مسادير يا أهل المسادير إلى ما شاء الله........ Author: الطيب شيقوق Date: 03-25-2008, 10:18 PM Parent: #1202
Quote: إن درنا الفزع دايما بكون شيقوق ودخرى المكرمات إن قسموه بحوق بار الوالدين كضب البشوفلو عقوق وحبل التيل متلت ماهو المعى الحنقوق
هييييييييييييييييييييييع ود المفتاح الله يخليك يا العشاء اب لبن
Post: #1204 Title: Re: مسادير يا أهل المسادير إلى ما شاء الله........ Author: munswor almophtah Date: 03-26-2008, 08:21 AM Parent: #1202
مرحبتين سلام يا القرشى جيدا جيتنا جيدا من مجيد عند الرهيده رجيتنا من سمح الكلام خانق سقاك رويتنا من نغم الحديث فتا الخليل وشديتنا
منصور
Post: #1205 Title: Re: مسادير يا أهل المسادير إلى ما شاء الله........ Author: munswor almophtah Date: 03-26-2008, 09:25 PM Parent: #1204
Post: #1219 Title: Re: مسادير يا أهل المسادير إلى ما شاء الله........ Author: munswor almophtah Date: 04-13-2008, 03:14 AM Parent: #1218
مطمورة العروض المن درك ممنوعه كان رقص الجبل ما برقنصلو فروعا قمرى شنو البهز المن ثبات مزروعه زى قايد الديوش البالرتب مرصوعه
منصور
Post: #1220 Title: Re: مسادير يا أهل المسادير إلى ما شاء الله........ Author: munswor almophtah Date: 04-14-2008, 07:44 PM Parent: #1219
زى نجم الخريف الناس تحاحى سطوعا وناس من قريفه الأرواح تشابى طلوعا ناس بالسنين واقفين صفوف ملطوعا شوقهم نظره بس للفى الفؤاد مطبوعا
منصور
Post: #1221 Title: Re: مسادير يا أهل المسادير إلى ما شاء الله........ Author: munswor almophtah Date: 04-19-2008, 08:16 AM Parent: #1220
يا زول جيب هديك بنت اللبون الرخصه والكع جيب معاك بخسة غباشه أم فرصه أسعد جانا زول قومابى مو زول قرصه زولن عشقو كبد النوق وصافى المرسه
منصور
Post: #1224 Title: Re: مسادير يا أهل المسادير إلى ما شاء الله........ Author: munswor almophtah Date: 05-01-2008, 07:02 PM Parent: #1221
ياطيراً تطير سلم عليهو حسين وقول ليهو الصعيد مافيه زولاً زين رجاله قلال عروض مابخشو من الشين ونسوانو الوحوش يفدن جدى الأيدين وياطيراً تطير سلم على المفتاح وقولو الظن فسد والقول بقالنا مباح يركز نور هدى وكت السنين باباح وفى السبقن قبيل نحنا بنلم الداح
الأمين ودحسن ود البدرى
Post: #1225 Title: Re: مسادير يا أهل المسادير إلى ما شاء الله........ Author: اْسامة اْباّرو Date: 05-03-2008, 06:23 PM Parent: #1224
ود مفتاح الجميل ودى وعامر الشوق هاك دى : يا سيدى الحسن يالأزرق أب ترجام أنا ساكنلى فى خلوة والخلوة على ضلام الزول الساكن الحديبة من قدام إطرانا وويتخازز بعد ما نام
Post: #1226 Title: Re: مسادير يا أهل المسادير إلى ما شاء الله........ Author: munswor almophtah Date: 05-03-2008, 08:34 PM Parent: #1225
عند حنك الجبل رقد السريع راغام وعند إسلانج ربض كاسر الشيوخ ضرغام بحر أبمرون كضب البقول عوام وفى التسعين رجال ديشم حريص قوام
حباب ودأبارو والحوت ما بهددو بالغرق
منصور
Post: #1227 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 05-03-2008, 11:33 PM Parent: #1226
ياالأزرق تعال يااللي التلوب كزام والشرب السم حقيقة طلحة ود أبشام يات من فيكم الدقر المراضع الهام أبقوا لي زريبة من كل أمر هام
سمية الحسن طلحة
Post: #1228 Title: Re: مسادير يا أهل المسادير إلى ما شاء الله........ Author: munswor almophtah Date: 05-04-2008, 09:00 AM Parent: #1227
الكباشى اللضيض فى دقشو مافى كلام وفى أمدرمان قريب لله عالى أعلام فى طابت حفيد الحافى داك علام ود أنس الكبير فايت الحدود قلام
منصور
Post: #1229 Title: Re: مسادير يا أهل المسادير إلى ما شاء الله........ Author: اْسامة اْباّرو Date: 05-04-2008, 12:16 PM Parent: #1228
حباب الزينين ود مفتاح فى ابواتنا ما فى كلام تلوب زمانن وقت المحاصا عظام اسود عراين فى النائبات حكام بت جبل الحديد اللى للكتاب علام خلاوى وخرس و نحاس وسيف لطام
Post: #1230 Title: Re: مسادير يا أهل المسادير إلى ما شاء الله........ Author: munswor almophtah Date: 05-05-2008, 10:46 AM Parent: #1229
عبادى وموجب سحبو فوق حدب الشخاتير ناوى هيج قاصع العلقات وأزبد للصريمه بلاوى الزول اب رميش فاصد القليب ما بداوى يا خالق القلوب أنا فى حواك متحاوى
منصور
Post: #1231 Title: Re: مسادير يا أهل المسادير إلى ما شاء الله........ Author: اْسامة اْباّرو Date: 05-05-2008, 02:09 PM Parent: #1230
الليلة الفريخات السهر والاهن ومن كترة قلاية البن أصبحت التجار دايناهن الولد الما بسوق أم قجة ويجيبو رضاهن خيبه حياتو فى الأنس البقولو معاهن
Post: #1232 Title: Re: مسادير يا أهل المسادير إلى ما شاء الله........ Author: munswor almophtah Date: 05-05-2008, 06:40 PM Parent: #1231
واحدين بكروا واحد حداى متنى وشطبت راسى ديك سوتلى سكرة ونى أدمنت النواح قبالو كنت بغنى كاس الكينيا صار قهوة هواى ودنى
منصور
Post: #1233 Title: Re: مسادير يا أهل المسادير إلى ما شاء الله........ Author: munswor almophtah Date: 05-05-2008, 06:52 PM Parent: #1232
Post: #1236 Title: Re: مسادير يا أهل المسادير إلى ما شاء الله........ Author: munswor almophtah Date: 05-07-2008, 10:47 PM Parent: #1235
بردوا زمن درك ما برجو جايب السيل وسوقم سوق نصاح متل البصيدو الفيل شيالين تقيل ماهم عقاب من ميل وقطاع الدروب بصلوه نار الويل
منصور
Post: #1237 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 05-12-2008, 01:14 AM Parent: #1236
عزة في هواك نحن جملة خليل عليك المحن أتقلبن بالحيل غاب قمرك وراح في الضلمة شليل تايهين والكتاب والتوراة والإنجيل
سمية الحسن طلحة
Post: #1238 Title: Re: مسادير يا أهل المسادير إلى ما شاء الله........ Author: munswor almophtah Date: 05-15-2008, 10:30 PM Parent: #1237
فى كندا البحوص واقنص بكون اليانكى لا برويه نيل لا بر حواهو دوانكى ركاب الهمر ملاح بنادقو سوانكى لا بعرف هنود لا همو داك سريلانكى
منصور
Post: #1239 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-19-2008, 08:40 AM Parent: #1238
أهاأناجيتكم يا منصور وياسمية وياأهل المسادير الشعراء..أبدا ليكم بالتحية :
ســلام وتحيه لى أهل المسادير واصـله ومن جوه القلب خاتيه القطـع والفاصـله توصل كل شـاعر تـك للضغـاين غاسله تربط للوصـال والبينا سايقه وواصـله
Post: #1240 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-19-2008, 09:15 AM Parent: #1239
(لى بت الحسن ولى ود المفتاح)
من البارعـات كتـار ولـمو للأضـاد وبـت الحسـن عنـدها الإفاده حصاد ما سميه وارده في بحر اللغات والضاد وقـاعده للحـروف والكلمه بالمرصاد
********************************** ويا منصور وشك أبيض وشوفتو تسر وقلبك كالحجر في الحـاره أسود و مر عن وكت الدواس والناس دمـاها تخر بترسـل لى اللتيبه كلمة فـيها الدر
Post: #1241 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 05-19-2008, 11:48 AM Parent: #1239
مقبول السلام من ود مكوك وفطاحلة مردود بالطبق من بت فوارسا باسلة المنصور يا موفور العروض السابلة على دارك بشوف جات المكارم راحلة
سمية الحسن طلحة
Post: #1242 Title: Re: مسادير يا أهل المسادير إلى ما شاء الله........ Author: munswor almophtah Date: 05-19-2008, 09:58 PM Parent: #1241
مرحبتين سلام مطبوق قصادو وزايد وللحاقن القراف من الركايب عايد جداع السلام عند الضحايا بعايد وما بعرف قباح ما قالوا عنو بكايد
منصور
Post: #1243 Title: Re: مسادير يا أهل المسادير إلى ما شاء الله........ Author: munswor almophtah Date: 05-20-2008, 11:06 PM Parent: #1242
يا اللدر اللصم قاهر العدو الصداد ويا الواضح الملامح وحاشا ماك هداد يا جبل المكارم لى الضعيف مداد ولى الطالبك سخيت حاشاك ماك رداد
منصور
Post: #1244 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-21-2008, 08:47 AM Parent: #1243
منصـور أخـوي كان يبقى الحديث عانيني بردت غـلتي في الجهموره وإت طـاريني بس قـول في البنات وجـمالن الهـاريني ووصف حسنهن بـى البرضيك والبرضيني
Post: #1245 Title: Re: مسادير يا أهل المسادير إلى ما شاء الله........ Author: munswor almophtah Date: 05-21-2008, 10:50 AM Parent: #1244
أسعد ود ابوك يا الرواى كان تروينى من تيبار غرامك خجو كوز واروينى ظبى الطليح بطراهو مو طارينى شوف حظ السجم زى كلبى يوت بارينى
منصور
Post: #1246 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-21-2008, 11:38 AM Parent: #1245
منصـور أخـوي دوبايـك مسـرب وهادي هزاعـضاي وحـرك في دفاين المـاضـي ذكـرني المفرهـد ورمحـو جـوه فؤادي كل ما يزيد نفـور في ريـدو يوت متمادي
Post: #1247 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-21-2008, 03:13 PM Parent: #1246
عشوقي يا منصور ساكن دماي وكياني وعشقو حرمني من كل الحسان اعماني شيطان الشعر قال لي زيدو أغاني وصف حسنو كتر في غناك معاني
شوف سهم الارايل للقلوب كيف شكن وشوف الغيم وراهن سحبو كيفن دكن آخ يا ابوالسعود الصابنا داك أتمكن وباضن طيرو فى جوف الفؤاد ما ركن
منصور
Post: #1251 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-22-2008, 11:07 AM Parent: #1250
واغلبي من جــدي الشمال العلمو التاتاي تبعت دريبو لامن وصــل لى هلاكي براي الخلاني دافن قلبي وحارق دمي بالشاشاي سود البراطم ولبكتن من ناتــج أبنوناي
مستوحد بــراي ورفــيقي غايـتو غناي وا سهر ود عيني لي مقل السقــد حاكاي يا منصور الحرقت فؤادي وسلبت لحم ساقاي فوكا كل ما قل نميم أنا شوفــو لادون جاي
Post: #1252 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-22-2008, 12:22 PM Parent: #1251
ود مفتاح سـيداً الـدار الوسـيع وبـراح دخلت أنجـم علّ الهـمـوم تفـوت تنـزاح لقيـت الدار بي ضـيوفـا زايـدا فـلاح فوق سمح النضـم الليهو القـلوب تنداح
مرفق مودتي
إسماعيل حميم
Post: #1253 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-22-2008, 01:08 PM Parent: #1252
نمكم من عاماً أول كايسلي فرصة اردو إلا الدنيا وعذابا وجريها الما بنلحق حدو وكتين تتسـهل يبراني جديدكم فايت حدو اهجص فوق كلماتو لامن كواحلي يغمدو
مرفق مودتي
إسماعيل حميم
.
Post: #1254 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-22-2008, 01:10 PM Parent: #1252
نًمًٌا جمـيل بالوزن الطـويل الصاح من ود حميم جانا وحاملً العطر فواح دخــل دار الكـريم الإسمو ودمفتاح أب كلــبا غشيم وحاشــا ما نباح
Post: #1256 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-22-2008, 08:16 PM Parent: #1254
Quote: نًمًٌا جمـيل بالوزن الطـويل الصاح من ود حميم جانا وحاملً العطر فواح دخــل دار الكـريم الإسمو ودمفتاح أب كلــبا غشيم وحاشــا ما نباح
أسـعد ود العباسي مرحب بيك يا صاح يا الترحابك زي ندى فوق ورودو صباح ود مفتاح دارو مي ها دار كلاب ونباح دي الدار الخلت الابكم تب فصيح صداح
مرفق مودتي
إسماعيل حميم
.
Post: #1260 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-23-2008, 09:46 AM Parent: #1256
أسعد ود العباسي مرحب بيك ياصــاح يا الترحابك زي ندى فوق ورود وصباح ود مفتاح دارو مي ها دار كلاب ونباح دي الدار الخلت الأبكم فصيح صـداح إسماعيل حسين محمد(حميم)
Post: #1261 Title: Re: مسادير يا أهل المسادير إلى ما شاء الله........ Author: كمال سالم Date: 05-23-2008, 12:47 PM Parent: #1
يامنصور مشتاقين والله انا وابنى عمى حاتم الشيخ وهو من المهوسين بالمسادير جلسنا عشان نعمل مسدار موضوعه (البعيد عن العين بعيد عن القلب)تتخيل مافتح الله علينا الا بهذا الشطر واتضح انو الحكايه خيال وموهبه وربما ادراك واحساس نحن فاقدنو اليك شطر البيت وعليك بالباقى بعيدين عن عينى وطال الزمن............. والباقى انت لها ياخى انتو والله سحره ونحن سنظل مجرد جمهور وعاشقين لهذه المسادير (الفلته)
عادل سالم على
Post: #1262 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-23-2008, 02:11 PM Parent: #1261
ياعادل سالم ...تحياتي...
أنا لها...............!
بعيدين عن عيني وطــال الزمـن ونحــيبو ووكـــت الليل برد وجاب لى دعاشو وطيبو وعطر جــوي نقناق البــدودي صبــيبو عرفت الزول إن عشق مرضـو وعلاجو حبيبو
أسعد الطيب العباسي
Post: #1263 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-23-2008, 05:08 PM Parent: #1262
بعيدين عن عيني وطــال الزمـن ونحــيبو ووكـــت الليل برد وجاب لى دعاشو وطيبو وعطر جــوي نقناق البــدودي صبــيبو عرفت الزول إن عشق مرضـو وعلاجو حبيبو
أسعد الطيب العباسي
بعيدين عن عيني وطال زمن البعاد بعيدين عن عيني وجمر البعاد وقاد سألت سيدي يجيبهم الخلو ليلي سهاد أو ليهم يرجعني بي حبل الوداد انقاد
مرفق مودتي
إسماعيل حميم
.
Post: #1264 Title: Re: مسادير يا أهل المسادير إلى ما شاء الله........ Author: munswor almophtah Date: 05-23-2008, 07:03 PM Parent: #1263
من عينى بعدو ونار فراقم حارقه وكل ما نقول نعدل تبقى دايما فارقه الروح فى الجسد من حار هواهم مارقه وريدنا الليلو طال شمسو التقول مى شارقه
يا كمال سالم هلل وهلال ما ببقن والروح دواها الشوف والليد تسالمو
منصور
Post: #1265 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 05-23-2008, 10:35 PM Parent: #1264
من عيني بعدو الريدتم لي سارقة ومابشوف في سماي غيرم نجوماً بارقة سكنت في الفؤاد وللعوايد خارقة كمّلت المعاي وبقت لي خاتمة وعارقة
سمية الحسن طلحة
Post: #1266 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-24-2008, 12:56 PM Parent: #1265
من عيني بعدو الريدتم لي سارقة ومابشوف في سماي غيرم نجوماً بارقة سكنت في الفؤاد وللعوايد خارقة كمّلت المعاي وبقت لي خاتمة وعارقة سمية الحسن طلحة
من العين بعدت وسهامها للفؤاد خـارقة قمر السـما الأنورها في النهار بـارقة الساكنا جـوة القليب ومن الغرام شاردة كان جفا أو بعاد من روحي ماك مارقة
مرفق مودتي
إسماعيل حميم
.
Post: #1267 Title: Re: مسادير يا أهل المسادير إلى ما شاء الله........ Author: munswor almophtah Date: 05-24-2008, 08:55 PM Parent: #1266
حبابـك ودحميم الجيتنا حاجى ومدن حبابك يا القطارك جانا فو ما هدن شوف ترب المعيز من الرشاش كيف ندن وشوفن كيف كتوف الريده ليهن هدن
منصور
Post: #1268 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-25-2008, 02:27 PM Parent: #1267
حبابـك ودحميم الجيتنا حاجى ومدن حبابك يا القطارك جانا فو ما هدن شوف ترب المعيز من الرشاش كيف ندن وشوفن كيف كتوف الريده ليهن هدن
منصور
حبابو ود إسـلانج الناسو كدحو وكدن الـ من ريحة التراب وزيادة فوقا تمدن وين القطار يتحرك باقيلي هناك ملجن فوق دار الحبان وحبال الوصال إتمدن
مرفق مودتي
إسماعيل حميم
.
Post: #1269 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-25-2008, 03:17 PM Parent: #1268
Post: #1280 Title: Re: مسادير يا أهل المسادير إلى ما شاء الله........ Author: اسيا ربيع Date: 05-27-2008, 06:54 AM Parent: #1279
الراشيد ابراهيم
Post: #1282 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-27-2008, 08:09 AM Parent: #1276
ليه يا قلبي تشــكي كُـل ما حـمامةً ناحت وليه يا عيني تبكي كــل ما البروق إتلاحت نويــت العَــودَه بعد الِدمــوم إسـاحت علي جَــدية الــوادي ام عُـطوراً فاحت أسعد الطيب العباسي
Post: #1281 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-27-2008, 07:49 AM Parent: #1270
بعيدين عن عيني وطال الزمن يابخاري ودردرني الزمن وابعدني عن سُمـاري الهارد قلبي وخاتي الكبد فــوق ناري زولاً ِليمُـو فاِرد وَفَرْقُو سِمًا هــاري
أسعد الطيب العباسي
Post: #1283 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-27-2008, 10:06 AM Parent: #1281
بعيد عن عيني الا قليبي ما خلاني
ونار في جوفي من فقد الحبيب كاوياني
نازل دمعي، لا طفّاها لا واساني
قلّل نومي، فتّق من جديد احزاني
Post: #1284 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-27-2008, 01:17 PM Parent: #1283
لماذا غابت ام درمان عن هذا المكان؟
الموت يا خليل ما بنجري منو نهابو
المقضِيِّي تبقا ونحن من اسبابو
العز والثبات في الحارة يانا اصحابو
من زمن الجدود بالدم مهرنا كتابو
Post: #1285 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-27-2008, 03:03 PM Parent: #1284
الموت يا خليل ما بنجري منو نهابو المقضِيِّي تبقا ونحن من اسبابو العز والثبات في الحارة يانا اصحابو من زمن الجدود بالدم مهرنا كتابو مدثر إبراهيم سعيد
مـدثر يا الحبيب حب امدر فينا حبابو والبدور بي ناسا شر اليوم داك عذابو إلا سألتك بالذي في ليلنا ونهارنا نهابو أبعدنا من ناس ساس وراينا دا إهتمابو
مرفق مودتي
إسماعيل حميم
.
Post: #1287 Title: Re: مسادير يا أهل المسادير إلى ما شاء الله........ Author: بخاري بشير Date: 05-27-2008, 04:57 PM Parent: #1285
Post: #1286 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 05-27-2008, 04:46 PM Parent: #1284
Quote: لماذا غابت ام درمان عن هذا المكان؟
عزة في هواك نحن جملة خليل عليك المحن أتقلبن بالحيل غاب قمرك وراح في الضلمة شليل تايهين والكتاب والتوراة والإنجيل
سمية الحسن طلحة 12/5/2008م
Post: #1288 Title: Re: مسادير يا أهل المسادير إلى ما شاء الله........ Author: بخاري بشير Date: 05-27-2008, 05:07 PM Parent: #1286
قلبك بشكي يا الأسعد بعـرفو وحيحـو هارداك جدية الوادي العطورا بـ فوحو عاشق للجمال من زمن جهلو وقراية لوحو ما بفيدك بكا وما بطيب القلب بـ نويحو
بخاري بشير
Post: #1289 Title: Re: مسادير يا أهل المسادير إلى ما شاء الله........ Author: بخاري بشير Date: 05-27-2008, 05:15 PM Parent: #1288
أمدرمان أصالة وفيها طابية ونيل وبالتاريخ موسمة ماظن يهينا خليل من كرري القبيل والقبة ليها دليل لـ هسع يمين أولادها فرّاس خيل
بخاري بشير
Post: #1290 Title: Re: مسادير يا أهل المسادير إلى ما شاء الله........ Author: munswor almophtah Date: 05-27-2008, 08:23 PM Parent: #1289
بنت الربيع زادك مبهر وحادق وحارسك من زمان بت الكريم الصادق عارفك بت رجال فى الحاره طبقو بنادق وساعة البارده خيرهم بس تقول فى فنادق
منصور
Post: #1291 Title: Re: مسادير يا أهل المسادير إلى ما شاء الله........ Author: إسماعيل حميم Date: 05-27-2008, 10:59 PM Parent: #1289
أمدرمان أصالة وفيها طابية ونيل وبالتاريخ موسمة ماظن يهينا خليل من كرري القبيل والقبة ليها دليل لـ هسع يمين أولادها فرّاس خيل بخاري
أصالة أم در أصل دي الغنى فوقا خليل الـ في التاريخ منـارة ما ها دايرة دليل وكان كرري الثبات الـ ما في ليهو مثيل النازلو الرشاش بالسـيف النجادو طويل
مرفق مودتي
إسماعيل حميم
Post: #1292 Title: Re: مسادير يا أهل المسادير إلى ما شاء الله........ Author: abookyassarra Date: 05-28-2008, 09:40 AM Parent: #1
رباعة المسادير .. والكلام الطاعم
جب ليكن سلام .. يغشى الخشن والناعم
من بادية وتيش بطرا البشوش وبناغم
أذانى قوامو.. مفدوع ..الخدودو براعم
Post: #1293 Title: Re: مسادير يا أهل المسادير إلى ما شاء الله........ Author: munswor almophtah Date: 05-28-2008, 08:09 PM Parent: #1292
أمدرمان جبل كضب البقول مدسوسه وكضب القال بقدو أكان صبح ديش سوسه يايات اللغم فوق راسا كجو تروسه ما بتقدر عليها عهن عشر مبثوثه
منصور
Post: #1294 Title: Re: مسادير يا أهل المسادير إلى ما شاء الله........ Author: الحبر عبدالوهاب الكباشي Date: 05-28-2008, 10:59 PM Parent: #1293
بوستك دائما فيه مار ماقايلو حي ومباشر قايلو كلام قدام بينن منقل وفاتر جيتك منشرح منصور اخوي بالخاطر اسمح لينا ندخل ما تخلينا قوة ندافر
Post: #1295 Title: Re: مسادير يا أهل المسادير إلى ما شاء الله........ Author: الحبر عبدالوهاب الكباشي Date: 05-28-2008, 11:34 PM Parent: #1293
بوستك دائما فيه مار ماقايلو حي ومباشر قايلو كلام قدام بينن منقل وفاتر جيتك منشرح منصور اخوي بالخاطر اسمح لينا ندخل ما تخلينا قوة ندافر
Post: #1296 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-29-2008, 09:29 AM Parent: #1295
يا الحبــر خــش بى مهل دون ما تدافر وجيب من كلامك نمًاً ليهو خُــف وحوافر نعمن ناس منصور ديل شفوت وشــواعر واعمل حسابك واوزن كلامك أوعاك تخاطر
أسعد الطيب العباسيِ
Post: #1297 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-29-2008, 11:29 AM Parent: #1296
سادتي أهل المسادير ..سيدي المفتاح صاحب الدار ...سيدتي سمية بت الحسن ـ التي نجحت في جرحرتي إلى هذه الديار ـ أرجو أن تسمحوا لي جميعًا بهذه (التخريمة) وهي عبارة عن مربعات من قصيدة رثى بها الشاعر الفرد صديقه الشاعر الفحل شيخ الجيلي الشيخ الكباشي الذي توفي بإحدى مستشفيات لندن ،وما شدني إلى هذه المربعات أن شاعرنا عكير صور فيها الدنيا كقاتلة متربصة عجوز تبحث عن ضحاياها بإصرار شديد وعندماأرادت أن تقتل شيخ الجيلي بحثت عنه بمنزله فعلمت أنه غادر إلى لندن للعلاج فطارت إليه هناك وقتلته، وهذه الصورة الدراماتيكية أبدع عكير في تصويرها بشكل غير مسبوق في أدب الرثاء في الشعر القومي السوداني 0 من المهم أن نذكر أن عكير كان قد فجع في صديقه أحمد علي بشير كمبال إبن حلفاية الملوك قبل أن يفعجه موت صديقه شيج الجيلي الشيخ الكباشي 0يقول عكير في هذه المربعات :
Post: #1302 Title: Re: مسادير يا أهل المسادير إلى ما شاء الله........ Author: Asaad Alabbasi Date: 05-30-2008, 06:00 AM Parent: #1300
ياسلام وياسلام وياسلام عليك يا منصور فقد نجحت في مجاراة عكير بدرجة الإمتياز ولكن كما قال أحبابنا المصريون الحلو ما يكملش فقد أغفلت مجاراة المربع الرابع0
Post: #1303 Title: Re: مسادير يا أهل المسادير إلى ما شاء الله........ Author: munswor almophtah Date: 05-30-2008, 11:19 PM Parent: #1302
الأسباب بلايا وبيها شان نطرا إلا اللوح مؤرخ جوه كان أو بره من مات فى السرير هبشوه تب ما تره كم مات فى الحروب لا قال وداع لا قره
والطا تقرأ مشدده بمعنى نتذكر
منصور
Post: #1304 Title: Re: مسادير يا أهل المسادير إلى ما شاء الله........ Author: اسيا ربيع Date: 05-31-2008, 06:06 AM Parent: #1303
اخي منصور .. بالعوافى وبالتصافى وبالتحيات الندية
شكرآ جميلآ لك .. وباقي العقد الرقيق .. سلام دافي
Post: #1305 Title: Re: مسادير يا أهل المسادير إلى ما شاء الله........ Author: munswor almophtah Date: 05-31-2008, 09:23 PM Parent: #1304
زى وجع الضرس تاورنى ريدو وشدا وساهر بى منوسر نجمو لى ما أنعدا الزول فى الحبس مشروط عليهو العدا علا البى صعيب أنا قيف قليبى أنهدا
(نظره يا مولاى حافى حالق بالطريق الشاقى الترام)
منصور
Post: #1306 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 05-31-2008, 10:58 PM Parent: #1305
الميل اربعين بشوفو قام تيرابا
يعجب مستوي وما فيهو ًِِفد رقابة
شن بتفيدك الدوشكا ومعاها عصابة
ماك عارفنا كيف بنكاتل الدبابة
Post: #1307 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 06-01-2008, 02:00 AM Parent: #1306
(امدر عِزة وشموخ السايرا دايرة تروسه ما بـ قوة سلاح بي عز الرجال متروسه)
الزينة ام طوابي بالرجال محروسة
كورتى وكرري ماظنيت وعيتو دروسة
بعد فزيتا روح شوف كِسِرتن عوسا
وقول لي دبي ما بتطولو نقر السوسة
Post: #1308 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 06-01-2008, 02:41 AM Parent: #1305
الزول فى الحبس مشروط عليهو العدا علا البى صعيب أنا قيف قليبى أنهدا
الريديا قليب داريهو طبطبو مدة
وماتفتِّق لِى جرحن دابو بدا ينسدا
مكتوب في الكتاب ماتعزمو عقد العقدة
الا بعد كتاب معلوم تمام يتعدا
Post: #1309 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 06-01-2008, 05:18 PM Parent: #1308
صَفَتُــن البِقَــتْ للأكرمـين صفايه ما كـفاها أحــمد كوكــب الحلفايه
إنْ حانْ الأجل ما بنلقى منو وِقاية غير لُطْف الكريم وصبُراً يلاقي الجاية شِنْ بِدوري، ما الكمبال عليكي كفاية من شلتيهو كم عيناً وراوْ بكّاية
دخلت بي عَجَل فِسْراع علينا عجُوبة ما إطّامنا، دارنا العامري تلحق سوبا قالت جِيتا بي فرضاً ومِي مندوبة وين القاهو شيخ كباشي راجل الحوبة
خريف الرازة عون الفازة واللِتْهَدّن هاشاً وباش ما سمعنابو يوماً طَنْطَن صبرو يغالب المرض العليهو اتوطّن شَدَّ رِكابو للحُكَمَا البلادُن لندن
صدّت غادي، بي فوتها الفؤاد إنْسَرّا ومُو عارفنها المسنوحة ناوِي مضرّة علي بلد الضباب لي جناحها فرّت فرّة والصايح عُقُب من قُولو ضُقنا المُرّة
Post: #1311 Title: Re: مسادير يا أهل المسادير إلى ما شاء الله........ Author: munswor almophtah Date: 06-01-2008, 07:40 PM Parent: #1309
بوستك دائما فيه مار ماقايلو حي ومباشر قايلو كلام قدام بينن منقل وفاتر جيتك منشرح منصور اخوي بالخاطر اسمح لينا ندخل ما تخلينا قوة ندافر
أدخل يا رجل بيتك عديل ماك عابر ويا ترب الصلاح اللخواطر جابر قولك طعمو خاص فى السوق قليلا نادر وابقى معانا طب ما تسيبنا تمرق خاتر
منصور
Post: #1312 Title: Re: مسادير يا أهل المسادير إلى ما شاء الله........ Author: munswor almophtah Date: 06-01-2008, 07:56 PM Parent: #1311
المدثر سلام بارى الكلام داويهو عندك كم علاج بالكى كمان أكويهو الناس من طرف بطوف تحنك فيهو ما تغفل تخلى الجن عليك تلويهو
منصور
Post: #1313 Title: Re: مسادير يا أهل المسادير إلى ما شاء الله........ Author: سمية الحسن طلحة Date: 06-01-2008, 11:44 PM Parent: #1312
خربانة أم قدود وخرابا ما بتّايا سموها العبوس اللي الكباد كواية مابتعرف كبيراً عقدولوا ولاية ولا بتقرعا من اللبّنت واللفركت حاحاية
طاوية حبالا حايمة مدبتة بي حدوبا ما بغرك نعيما وتنخدع بي هبوبا ماشفناها نايمة الماأنطرت في حوبة كم فارساً مدجج موسداهو الطوبة
مكتوب الفراق في نوتتا ومعنون قولاً من قديم مسنود صحيح ومعنعن كم بكّت علي قشاش دموع الببكن فرهيداً لتيب هن أندى منو وألين
مي دوامة تقلبلك نكد ونواح فرح ومسرة تطرح لك جبينا في مرة وتديهو 100 صرة متل حارساً موصى وفوق عروضو أنشرا التذكار بينفع المؤمنين و ماضرا
سمية الحسن طلحة
Post: #1314 Title: Re: مسادير يا أهل المسادير إلى ما شاء الله........ Author: بخاري بشير Date: 06-03-2008, 04:37 PM Parent: #1313
النضارة خلها في الشقوق وكسورا بس وريني يالعباسي الريلة كيف بنزورا الحرس المعاها ما مدفوع (قروش) مأجورا ساكنة قصور عوالي والمتلي ما من دورا
بخاري بشير
Post: #1315 Title: Re: مسادير يا أهل المسادير إلى ما شاء الله........ Author: بخاري بشير Date: 06-03-2008, 04:49 PM Parent: #1314
كف الموت موتّر والخلِق في غواية راجيانا العبوس وأكفانا يوت روراية ما بتختار طرف هي الـ للأكرمين نقاية تاخد الزول عديل من غير خبر ودراية
//////////////
صرت ووسوست كايساهو دخري الحوبة ما تمت مرادا أم بهجـــتن مســــلوبة طنت ودمدمت بشويشي جرّت توبة قالت مابسيبو رويحتو مرقت دوبة
////////////
درداق البكار فحل أم وضيبا مدّهن شيال التقيل الدبرو نوسر وعورَن الدعوات تجيك من مكة وكل المدّن لاحقاك يا الهميم حتى إن بقيت في لندن
///////////
ضحكتلو العبوس بشويشي مرقت برة عارفة بتكفتو كفت الصقر لـ الفـــــرة طارت لحقتو المابتعــرف العشــــرة جابت الجسه (صندوق) البعدو ما في مسرة
بخاري بشير
Post: #1316 Title: Re: مسادير يا أهل المسادير إلى ما شاء الله........ Author: بخاري بشير Date: 06-04-2008, 06:11 PM Parent: #1315
Quote: زى وجع الضرس تاورنى ريدو وشدا وساهر بى منوسر نجمو لى ما أنعدا الزول فى الحبس مشروط عليهو العدا علا البى صعيب أنا قيف قليبى أنهدا
منصور المفتاح
يا المنصور أخوي دايما مخدّر صيفك عاويات المدافِع بسَكِتِن بـ (سيفك) الزول في الحبس كيفِن بِهدِد قيفك ؟ خلُو يتِم عدادو الريدو تمّام كيفك !
بخاري بشير
Post: #1317 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 06-04-2008, 06:42 PM Parent: #1316
حتي لا تغيب ام در
ليه جبت العوين ما جبتلك فرسان
فالحين في النضم خذلوك في الميدان
التاتشر وراك مردمات كيمان
ويا الناسيهو عوسنا، الليلة شفتو بيان
Post: #1318 Title: Re: مسادير يا أهل المسادير إلى ما شاء الله........ Author: تماضر الخنساء حمزه Date: 06-04-2008, 07:36 PM Parent: #1317
Quote: ليه جبت العوين ما جبتلك فرسان
فالحين في النضم خذلوك في الميدان
التاتشر وراك مردمات كيمان
ويا الناسيهو عوسنا، الليلة شفتو بيان
ماسمِع بالمهيرة الأقوى من فرسان؟ كيف بتقول عوين وماقريت ال كان كونو نكون وراكم ماهو تقليل شان بنقدّم خُطاكم عشان أصِلنا حُنان لو دايرين نفوتكم كان وصلنا زماااان
Post: #1319 Title: Re: مسادير يا أهل المسادير إلى ما شاء الله........ Author: بخاري بشير Date: 06-04-2008, 08:47 PM Parent: #1318
Quote: ماسمِع بالمهيرة الأقوى من فرسان؟ كيف بتقول عوين وماقريت ال كان كونو نكون وراكم ماهو تقليل شان بنقدّم خُطاكم عشان أصِلنا حُنان لو دايرين نفوتكم كان وصلنا زماااان
شوف عيني المآذن ضربوها بالجبخان ما ناس (لوح) يمين مابعرفو الآذان أخوان ناس سمية وقت نزلو في الميدان فرو وعردو يا (أمدر) أرقدي أمان
بخاري بشير
Post: #1322 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 06-05-2008, 08:48 AM Parent: #1318
ماسمِع بالمهيرة الأقوى من فرسان؟
غيرها ما كنا وما سنكون وبلاها ما بنبقى وبها نفخر
الحردلو لسان حالنا ((تقول لي شنو وتقول لي منو امي مهيرة بت عبود وتالا ابوي بعانخي لزم))
كيف بتقول عوين وماقريت ال كان
العوين تعني الوليدات في بعض مناطق الشمال
انظري يعني ( شوفي واقري وافهمي واسمعي -لما تقري بلسانك- حتي لو في سرك)
الي قول حُميد
(( بي قلة المال في الجيوب كانت رخية العيشي إلا ترا العوين الكبرو كبرو مليسين
علمن يطير إن كان هو ما فدّر عوج ما فادنا شيء ومحق القبيل لمينا هين في هين في هين))
وجيدا جيتو قنبو طولا
Post: #1320 Title: Re: مسادير يا أهل المسادير إلى ما شاء الله........ Author: الحبر عبدالوهاب الكباشي Date: 06-04-2008, 09:37 PM Parent: #1311
( حوار مع النفس)
مالك نفسسي دائما بتابي الواجب ارجعي توبي لي وش الكريم الناجب قالت لي كان بي خاتري من الواجب افضل جلسة بين دعجة عيون وحواجب ..... قت ليها العيون يا خاينة شن بسوي مابتفيدني ما دام اصلو عمري منوي قالت لي ما دام النفس في بوي ما بتتبارح الدعجة الجبينة مضوي ...... قت ليها العمر يا ام جور فترتو قصيرة الدعجة بتموت وانت بتفكري غيرة ارجوك تابعي خطوات الكتاب والسيرة فيهو بتلقي عتمورا زلقتو خطيرة ..... قالت لي يا صاحبي ام قدود فراقة نقضي شبابنا بين لجنة لسان وحداقة قت ليها ام قدود بيت الندم والعاقة كم امست تساقي واصبحت حراقة ..... قالت لي واليت الصلاة البدرية فارقت الوسامة وجلسة ام قادرية قت ليهاالسفر احسن لنا الباكرية ارجعي توبي يا خاينة العمر عارية ...... قالت لي بدري علينا من التوبة ما هاجرنا ما خلسنا دين ام روبة قت ليها الكلام دين الكريم يسعوبا كيف الشوري ان جات ام ضعن مزعوبة ..... نعمل جولة قبل التوبة قالت ليا طول من قعاد نادية وسعاد وثريا قت ليها العمل قبل الرحيل يا ولية ما بنور قبر غير الصلاة الانسية ...... قالت لي ما شفت الجماعة البارح اخر طربة عند ام رشمة لاوطنا عزيز لا مربة قت ليها الندم يا الخاينةراجياك كربة تمشى تبوبي بين ندماك وتصبحي تربة .... قالت لي ما شفت الجماعة الليلة شرزمة قامو كل واحدن ضربلو نتيلة قت ليها الكتاب يا الخاينة سوي حليلة توبي وصلي ماك عارفة ام قدود دار ليلة ...... قالت لي عارفة الدنيا ما بتظلي ابي اتخلي لي انس اللهيجو بسلي قت ليها الندم قبل العمر ما يولي راجيك القبر يا الخاين توبي وصلي ......
الشاعر عمر الشيخ ابراهيم ودنفيسة
Post: #1321 Title: Re: مسادير يا أهل المسادير إلى ما شاء الله........ Author: munswor almophtah Date: 06-04-2008, 10:27 PM Parent: #1320
يا المنصور أخوي دايما مخدّر صيفك عاويات المدافِع بسَكِتِن بـ (سيفك) الزول في الحبس كيفِن بِهدِد قيفك ؟ خلُو يتِم عدادو الريدو تمّام كيفك !
بخاري بشير
راوى الحديث دايما بتبسط ضيفك جدعه وبنت لبون ساخيبا عقبان كيفك طيف الفى القلب طافبينا يا الراك طيفك نحن هلكنا طرفو يا الكاجو كجره طريفك
منصور
Post: #1323 Title: Re: مسادير يا أهل المسادير إلى ما شاء الله........ Author: munswor almophtah Date: 06-05-2008, 10:20 PM Parent: #1321
عينكم فى القصر والنمله مى أمدرمان وهد الكعبه شين حارسنو ناس تيران ناس طبق الجريد والجندى ودكيران وضرب الفيل علم دارسنو كانو زمان
منصور
Post: #1324 Title: Re: مسادير يا أهل المسادير إلى ما شاء الله........ Author: munswor almophtah Date: 06-07-2008, 00:12 AM Parent: #1323
من سابع بحور هددت جيت فوق عاتى وداير الناس تخاف وتزوغ من البعاتى أسعد يا ولد قول للشواطين هاتى ونحن هدانا ديل يا شيخنا بتجر واطى
منصور
Post: #1325 Title: Re: مسادير يا أهل المسادير إلى ما شاء الله........ Author: مدثر ابراهيم سعيد Date: 06-07-2008, 10:21 AM Parent: #1324
نحن الابيض المبروك بِشيشِي يَتاتِي
ونحن الازرق الهدار دروبو عواتي
نحن الموت يمين ما بنرجا، ليهو نَهَاتِي
وعينَّا حِدَا الشمش ما فينا راس بيطاطي
Post: #1326 Title: Re: مسادير يا أهل المسادير إلى ما شاء الله........ Author: munswor almophtah Date: 06-10-2008, 06:41 PM Parent: #1325
الصوت والصوره جالن فى العقل خجنو جابن فخ هلاك عند الخيال قجنو يا سنن الرسل من شر عذاب نجنو كم من زول سمع بى حالو ساكت جنو
منضور
Post: #1327 Title: Re: مسادير يا أهل المسادير إلى ما شاء الله........ Author: munswor almophtah Date: 06-15-2008, 11:25 AM Parent: #1326
الشاف والطلح شافيات بشوف من شافن بشوفن تال صريف راتعات بيوقدن شافن شبه الصرفه خاتيات العضام ونشافن أنا آآخ يا ولد شارقنى مره خشافن
منصور
Post: #1328 Title: Re: مسادير يا أهل المسادير إلى ما شاء الله........ Author: munswor almophtah Date: 06-15-2008, 07:54 PM Parent: #1327
نحن الابيض المبروك بِشيشِي يَتاتِي
ونحن الازرق الهدار دروبو عواتي
نحن الموت يمين ما بنرجا، ليهو نَهَاتِي
وعينَّا حِدَا الشمش ما فينا راس بيطاطي
أولاد الصره تب ما فيها زولن راتى
ودى البلد القبيل ختولا سمته شراتى
الداج بالفلا ومن كان عقب نواتى
ما بدوها هينه أكان ظهر بعاتى
منصور
Post: #1330 Title: Re: مسادير يا أهل المسادير إلى ما شاء الله........ Author: munswor almophtah Date: 06-18-2008, 09:39 PM Parent: #1328
عند زرزورو كجينا الشرك جلاهو داك شبه الدهب عقب الكريم جلاهو ترب الصيد مولد ربى ما قلاهو وين الشوفه عاد يا ربى وين ألقاهو
منصور
Post: #1331 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 06-18-2008, 10:51 PM Parent: #1330
Quote: وين الشوفه عاد يا ربى وين ألقاهو
طالت غربتي ..وضقت الفيها حلوه ومره متين شوفه الحبيب.. ساعة صفاء ومسره ومن طيبة لقاو.. كل ايامي صبايح غره لو يختاني لعب الزمن.. الكتابة وطره
................................. محمد السيد
Post: #1332 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 06-19-2008, 03:42 PM Parent: #1331
للناس طبائع في الاحسان ..وماداساها واحدين السماحة خلقه واخلاق محتكراها غيرهم عجزوا في موقف شهامة تتلقاها كعبه البقت من لحظة صبر.. جت عادماها
............................ محمد السيد
Post: #1333 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 06-26-2008, 03:39 PM Parent: #1332
البوست إن حتل واجبنا نحن نرفعو والزول الكريم كل دينو ليو ندفعو شين كلفة سؤال للغاب وعذرو بشفعو بكور بالارشفة ناويلنا نية ًأم صفعو
Post: #1334 Title: Re: مسادير يا أهل المسادير إلى ما شاء الله........ Author: Eng. Mohammed al sayed Date: 06-26-2008, 04:28 PM Parent: #1333
سلام للبحر في قافية المسدار سائلين عليك ترجع تحىّ الدار نتلفتلك كتر بس التقول رادار الكع وسل سيفك وجددو المشوار
