Post: #1
Title: الباوقه ..................................معاويه المدير
Author: munswor almophtah
Date: 07-30-2006, 04:07 PM
دغشا بدرى فوق المشرع المصيوب
لقيتها هناك واقفه تصارع الآلام
قلت سلام
قالت لى مرحب بيك
كسر دفارتى عاتى الموج
وقصر أجلى عرقا خاوى والهدام
بقيت يا الله أمسك...فى بعضى وأتلملم
أكان أقدر أشابى وأقوم
يا ولدى الزمن ماراح
زمنكم هادى شوم وغشوم
خلونى الصبين راحوا
شالوا البقعه والخرتوم
خرابات تمرى تسمع فيها
خاوى الريح وصوت البوم
حليل الكانوا ناس همه ويقينهم تام
حليل الكانوا بصدورهم
بصدوا الشيمه والهدام
حليل الكانوا فى درك الظلام
يتبنوا ويفقدوا الأيتام
حليل الكان تقاويهم
مصوبره قبله للعدام
آه أه يا ولدى إيدك جاى
كان أقدر أقوم لى فوق
ترابة جسمى من زمنا بعيد
نشفت وعدمت الماروق
وتمرى الكان زمان شامخ
وعاتى مواسى روق فى روق
صبح ميت نشف
يا ولدى عدم التمره والكروق
عميرى كمل بعد ما حاسه
إنو خلاص نشف دمى
حليل زمنى والغناى
أغنيلى يجر نمى
يا خالى ويا عمى النروح الباوقه
اليروق دمى
ومن نخيلى إشيلو طرحه
ومن لذيذ تفاحى أرمى
حليل زمنى هجرونى ولفظونى
منو البقدر يشيل همى
ومنو الداير يشيل همى
كدى قول لى إنت منو وجيت من وين
جنايا ليك كت فى الغربه لى سنين
وجيت الليله أكرف ريحتك
وأحضن جرفك الراسى ورزين وحنين
أقالد أهلنا الطيبين
وأنشد جملة الغايبين
يرجعو للديار سالمين
يشدوا الساعد المليان
يمرقوك يمه من وحل المطر والطين
يا ولدى...السواى مو حداث
منو البقدر يشق بحرا
متسب وطين
منو البقدر على الواسوق
والسلوكه والكاردين
منو البقدر يساسق يوت
بين الجول وسام اللمين
خلاص أدمنتو عيشة اللين بقيتوا
سراب وسجمانين ورمدانين
أرقدو عوافى قوموا عوافى
نحن ترانا مستورين
أقولك قول كدى أسدر فوق
وعقب أغشانى لا تنسى
ودعتك الله يا يمه
قليبى عليك من تبيت
لا بنساك ولا بقسى
وبالدرب التحت شاققت
كان فى المدرا إتمسى
مشيت ومشيت مشيت وفتر
لا حس طير ولا صوت زول
ولا فى الواطه شفت أتر
يقيت فى شقوقا إتعتر
وحاصرنى الغبار والحر
وقفت أناشد الفضل من الشرام
جناينا بالتمور والمنقه
كانت زاخره طول العام
دى كانت قبله للعدام
وكانت ملجأ للأيتام
وناسا كانوا فوق عزا
مكمل وتام
يخلفو الساق فوق الساق
يرقدوا ويكرفوا النسام
حواشاتم حواها
المشرق الرويان ود لقاى
وللعاقو الزمان وجفاهو
صوت قمريها كان هداى
وطيت قدمو لى ديارا
ينادوا الناس هوى يازول
تعال بى جاى وقرب جاي
هى كانت للبطش هداى
وكانت للحزين واساى
العرب...من الضهارى بجوها
بالنغم الطروب
يملوا بالأموال جيويبهم
وأغنو من تمر الهبوب
بى مرح تقدل جمالهم
والسعون مليانه روب
ينسوا لفحات السمايم
والمعاناة والكروب
طيف خيالهم فوقى حايم
طفت فى كل الدروب
طفت أنشد جملة العابرين
وناسا فى السراب داقسين
هوى يا ناس وين
المتره والحاجاب وسام اللمين
وين تنقوره والبيضه
وين الكانوا...بعزو التراب والطين
وين الكانوا ناسا خلقه مسرورين
هوى يا ناس هوى يا ناس ما سامعين
لقيتهم فى لا سالين ولا ناشدين
وقفت حزين وحزنى حزين
وصدى صوتها الحنين ورزين
تسرب فى دواخلى أنساب
وداعب كل أوتارى
وخدر لى أحاسيسى
وعزف نغمات بمزمارى
حزينه تقول عقب أغشانى
ما تنسى
كان بتعز صحيح دارى
بدور الرجعه ليك يا يمه
أدوبيك شوق فى مسدارى
لكنى لقيت دروب الرجعه
فى عينى ما واضحات وما دارى
جرف الخدره فى ربوعك
بقى صحارى
وحسيت إنو دمع
الحسره فى عينى متضارى
وسموم الحرقه يوقد فى لهيب نارى
ومشيت هايم ألملم
من هجير الصى...فى أوزارى
وما دارى وما دارى وما داري
معاويه المدير
الباوقه
|
Post: #2
Title: Re: الباوقه ..................................معاويه المدير
Author: munswor almophtah
Date: 07-30-2006, 05:08 PM
Parent: #1
دغشا بدرى فوق المشرع المصيوب
لقيتها هناك واقفه تصارع الآلام
قلت سلام
قالت لى مرحب بيك
كسر دفارتى عاتى الموج
وقصر أجلى عرقا خاوى والهدام
بقيت يا الله أمسك...فى بعضى وأتلملم
أكان أقدر أشابى وأقوم
يا ولدى الزمن ماراح
زمنكم هادى شوم وغشوم
خلونى الصبين راحوا
شالوا البقعه والخرتوم
خرابات تمرى تسمع فيها
خاوى الريح وصوت البوم
|
Post: #3
Title: Re: الباوقه ..................................معاويه المدير
Author: munswor almophtah
Date: 07-31-2006, 01:27 AM
Parent: #2
حليل الكانوا ناس همه ويقينهم تام
حليل الكانوا بصدورهم
بصدوا الشيمه والهدام
حليل الكانوا فى درك الظلام
يتبنوا ويفقدوا الأيتام
حليل الكان تقاويهم
مصوبره قبله للعدام
آه أه يا ولدى إيدك جاى
كان أقدر أقوم لى فوق
ترابة جسمى من زمنا بعيد
نشفت وعدمت الماروق
وتمرى الكان زمان شامخ
|
Post: #4
Title: Re: الباوقه ..................................معاويه المدير
Author: munswor almophtah
Date: 07-31-2006, 01:04 PM
Parent: #3
وعاتى مواسى روق فى روق
صبح ميت نشف
يا ولدى عدم التمره والكروق
عميرى كمل بعد ما حاسه
إنو خلاص نشف دمى
حليل زمنى والغناى
أغنيلى يجر نمى
يا خالى ويا عمى النروح الباوقه
اليروق دمى
ومن نخيلى إشيلو طرحه
ومن لذيذ تفاحى أرمى
حليل زمنى هجرونى ولفظونى
منو البقدر يشيل همى
ومنو الداير يشيل همى
كدى قول لى إنت منو وجيت من وين
|
Post: #5
Title: Re: الباوقه ..................................معاويه المدير
Author: munswor almophtah
Date: 08-01-2006, 04:22 PM
Parent: #4
صبح ميت نشف
يا ولدى عدم التمره والكروق
عميرى كمل بعد ما حاسه
إنو خلاص نشف دمى
حليل زمنى والغناى
أغنيلى يجر نمى
يا خالى ويا عمى النروح الباوقه
اليروق دمى
ومن نخيلى إشيلو طرحه
ومن لذيذ تفاحى أرمى
حليل زمنى هجرونى ولفظونى
منو البقدر يشيل همى
ومنو الداير يشيل همى
|
Post: #6
Title: Re: الباوقه ..................................معاويه المدير
Author: munswor almophtah
Date: 08-02-2006, 01:46 AM
Parent: #5
ومنو الداير يشيل همى
كدى قول لى إنت منو وجيت من وين
جنايا ليك كت فى الغربه لى سنين
وجيت الليله أكرف ريحتك
وأحضن جرفك الراسى ورزين وحنين
أقالد أهلنا الطيبين
وأنشد جملة الغايبين
يرجعو للديار سالمين
يشدوا الساعد المليان
يمرقوك يمه من وحل المطر والطين
يا ولدى...السواى مو حداث
منو البقدر يشق بحرا
متسب وطين
|
Post: #7
Title: Re: الباوقه ..................................معاويه المدير
Author: المسافر
Date: 08-02-2006, 03:00 AM
Parent: #6
Quote: منو البقدر يشق بحرا
متسب وطين
منو البقدر على الواسوق
|
غير زولا كبير مو هين
يقتت كومو هين فوق هين
دكين ودهين
كلامو تراني دا هين
وتحياتنا عبرك يا منصور لود المدير
وبالغ في تصوير البحر المتسب وطين لأنه أصلا الباوقة كانت مغمورة بالنيل وانحسر عنها في شكل انجراف نصف دائري فأصبحت مثل شبه الجزيرة من عند الجبل للسارة .. أي من عند جبل النخرة إلى منطقة حجر السارة بقرب الجول..
|
Post: #8
Title: Re: الباوقه ..................................معاويه المدير
Author: munswor almophtah
Date: 08-02-2006, 10:24 AM
Parent: #7
المسافر كيفك والوليدات وودالمدير من عطبره مثلك وسلامك قطع شك فى صره يصله إن شاء الله ووصفه للبحر التسب وصف تصويرى رائع نتمنى له المداومه والمثابره والتجويد ولك صادق التحايا والسلام..........................
منصور
|
Post: #9
Title: Re: الباوقه ..................................معاويه المدير
Author: munswor almophtah
Date: 08-03-2006, 01:49 PM
Parent: #8
يا ولدى...السواى مو حداث
منو البقدر يشق بحرا
متسب وطين
منو البقدر على الواسوق
والسلوكه والكاردين
منو البقدر يساسق يوت
بين الجول وسام اللمين
خلاص أدمنتو عيشة اللين بقيتوا
سراب وسجمانين ورمدانين
أرقدو عوافى قوموا عوافى
نحن ترانا مستورين
أقولك قول كدى أسدر فوق
وعقب أغشانى لا تنسى
ودعتك الله يا يمه
قليبى عليك من تبيت
|
Post: #10
Title: Re: الباوقه ..................................معاويه المدير
Author: ود الباوقة
Date: 08-03-2006, 05:39 PM
Parent: #9
اخي منصور التحية عبرك لابن عمي معاوية المدير
| Quote: بين الجول وسام اللمين |
التحية لاهلنا في سام الامين دون فرز وكذلك للجوالة اينما وجدوا ..
ود الباوقة
|
Post: #11
Title: Re: الباوقه ..................................معاويه المدير
Author: munswor almophtah
Date: 08-04-2006, 01:41 AM
Parent: #10
ود الباوقه لك وعليك السلام...وسلامك من اليد لليد لود المدير...ولنا أجر المناوله...ذهب ودالمدير فى إجازه إلى السودان ثم نفذ إلى الباوقه...فوجد ملامحا غير تلك التى تركها فهزت فرع قريحته القنديليه فتساقطت لنا تلك السبائط رطبا شارقا مشبع.....................
وثانية السلام والأمانى
منصور
|
Post: #12
Title: Re: الباوقه ..................................معاويه المدير
Author: سيف النصر محي الدين محمد أحمد
Date: 08-04-2006, 07:21 AM
Parent: #11
سلام منصور المفتاح و صاحبك ود المدير
تعرف قبل عشرين سنة كانت جناين جدنا الياس ود محمد صالح و تمره مكفياهو و مكفيه كل أسرته ..الفي الخرطوم و الفي عطبره كان أنزنق بس يركب يجي الباوقه و مشاكله كلها بتتحل ..
الأيام دي الجناين و التمر خراجها لا يكفي لإعالة أسرة صغيرة لمدة شهرين...الحصل شنو ما عارف.
|
Post: #13
Title: Re: الباوقه ..................................معاويه المدير
Author: munswor almophtah
Date: 08-04-2006, 12:55 PM
Parent: #12
الأخ سيف السلام والرحمه
الحكايه...البركه نزعوها من كل شئ....لأن الإنسان صار كنودا لربه...يقتل أخيه الإنسان من غير وجه حق...ويشرد الأطفال والعجزه...وسادت الأنانيه والذاتيه...وقل التكافل وسار الناس فى طريق الشيطان...وضلوا عن صراط الربانيه الهادى...فغضب الله علينا...وأبتلانا بكل الآفات...نسأله أن يهدينا سواء السبيل...وأن يعيد للغارز لبنها وللنخيل خيره...وللقلوب اليقين فقد شاخت أشجار النخيل...فهى كالمرأه تقل وتنتهى خصوبتها قأزرعوا الباوقه كما زرعوها من قبلكم..................................
منصور
|
Post: #14
Title: Re: الباوقه ..................................معاويه المدير
Author: munswor almophtah
Date: 08-05-2006, 01:41 AM
Parent: #3
وأحضن جرفك الراسى ورزين وحنين
أقالد أهلنا الطيبين
وأنشد جملة الغايبين
يرجعو للديار سالمين
يشدوا الساعد المليان
يمرقوك يمه من وحل المطر والطين
يا ولدى...السواى مو حداث
منو البقدر يشق بحرا
متسب وطين
منو البقدر على الواسوق
والسلوكه والكاردين
منو البقدر يساسق يوت
بين الجول وسام اللمين
خلاص أدمنتو عيشة اللين بقيتوا
سراب وسجمانين ورمدانين
أرقدو عوافى قوموا عوافى
نحن ترانا مستورين
|
Post: #15
Title: Re: الباوقه ..................................معاويه المدير
Author: سيف النصر محي الدين محمد أحمد
Date: 08-07-2006, 03:38 PM
Parent: #14
up
|
Post: #16
Title: Re: الباوقه ..................................معاويه المدير
Author: سيف النصر محي الدين محمد أحمد
Date: 08-07-2006, 03:40 PM
Parent: #14
up
|
Post: #17
Title: Re: الباوقه ..................................معاويه المدير
Author: المسافر
Date: 08-09-2006, 05:40 AM
Parent: #16
Quote: حليل الكانوا ناس همه ويقينهم تام
حليل الكانوا بصدورهم
بصدوا الشيمه والهدام
حليل الكانوا فى درك الظلام
يتبنوا ويفقدوا الأيتام
حليل الكان تقاويهم
مصوبره قبله للعدام
|
الزينين وين راحو
ترس الحارة ليلها يقد في صباحو
حد ما الطامة زمانها يطول
لا يتراخو ولا ينزاحو
ولادك يا حمد القديم
وعسيلي ود إدريس الفهيم
وحمزة أبوك يا إبراهيم
|
Post: #18
Title: Re: الباوقه ..................................معاويه المدير
Author: munswor almophtah
Date: 08-09-2006, 12:49 PM
Parent: #17
المسافر أحسبك من مشرق الباوقه مشيل...ولوزينها تحت الحرازه مقيل...وصوت القمرى فوقك راك...وأعشاش أم دلدلو كمصابيح من عراجين تتدلى من كل إرتفاعات الشجر بهندسة متقنه...وريحة الجروف بلوبيتها وأصوات البهم والعجول وحفاوة الناس وحرارة ودادهم..........................................
منصور
|
|