Post: #1
Title: ما هداك عمك ضحيتو نعيجه ليها سنين...........................
Author: munswor almophtah
Date: 01-11-2006, 00:20 AM
Parent: #0
الزوجه:يا راجل الشهر هل هداك شوفو ودالبارح
وخلاس العيد ضايق وربع الوقت رايح
شوف ناس آمنه شوف ناس شفه
شوف الشفتو فوق الشفه ما مضغوط
وست الشفون الجاتنا أمبارح
وانا لسع أبلع فى ريقى منتظره أبوقجيجه
والله إنت مالك سارح
الزوج:سارح بفكر فى زريزيزره للزريعه
بفكر فى تمر شربوتنا البيهو بنمارح
بفكر فى عمبلوك شفتو عند ناس موسى ودصالح
الزوجه: حالك حال الخراب يابا
عشان ما شفت الرجال كيف للضحيه تبارح
إجيبو الخروف بى ميتين وماهميهم
وفى حق الحريم عاملين حسابهم
وللأطفال شتى ملابس
الزوج: ياوليه لا ماهيه لا سلفيه
إيه الجضه إيه اللخمه
ما قلنا خلاس بنضبح الموجود
وللماضى القديم بنعود
بنضبح قدر حالنا وما بنلبس المضغوط
وبنعمل للصغار لبسات توافق زوقهم واكون مبسوط
الزوج: ما هداك عمك ضحيتو نعيجه رازه ليها سنين
وعاملين خلاس ضابحين خروف سيدنا إسماعين
وناس أبوك بى موتر قرونو زى التيتل المسكين
لا تمر لا زريعه لا بقنيه لا جلابيه وفى درب الضياع ضايعين
إلا أنا براى أنشر وأنفر وأجيب من مافى نور العين
بجيب الفى الخيال شفتو وكان عمبلوك حولين
وحرم تانى ماتزيدى والفى بالى شيتا زين
أمشى براى أصرف الماهيه وغشى السوق أسو لى روحى جلابيه
وأجيب ضراع سكوبيس عشان ما تصفى بى البقنيه
وأجيب ليمون كتير لى عجة الشيه
وما تنسى ناس أمك دايرين الكريع الورانيه
الشافع:يابا أنا داير جزمه داير عمه وكمان طاقيه
الزوج: يا ولد بطل القلاصه وخلى عندك أدب
مو منك من أمك
يا وليه طلقانه وعلى حرمانه طوال أيام الضحيه
منصور
|
Post: #2
Title: Re: ما هداك عمك ضحيتو نعيجه ليها سنين...........................
Author: Mohamed Abdelgaleel
Date: 01-11-2006, 01:39 AM
Parent: #1
المنصور .. العيد مبارك عليك .. على أولادك .. وكل عزيز لديك ..
عجبني الموتر أكتر من المضغوت ..
لكين يا أم الرحوم لو فكرت يوم
لو جارتنا جن مارقات لصفاح
أو بيريك نجاح
لازمك توب جديد وبأية تمن
غصباً للظروف والحال الحرن ..
|
Post: #3
Title: Re: ما هداك عمك ضحيتو نعيجه ليها سنين...........................
Author: معتز تروتسكى
Date: 01-11-2006, 01:43 AM
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب.. (munswor almophtah)..
|
Post: #7
Title: Re: ما هداك عمك ضحيتو نعيجه ليها سنين...........................
Author: munswor almophtah
Date: 01-14-2006, 02:19 AM
Parent: #3
الأخ معتز تروتسكى كل سنه وانت طيب وربنا يحقق لك الأمانى وانت أكثر عطاءا وأكثر حضورا وأكثر وحيويه....
لك السلام والود والأمانى
منصور
|
Post: #4
Title: Re: ما هداك عمك ضحيتو نعيجه ليها سنين...........................
Author: munswor almophtah
Date: 01-11-2006, 04:32 PM
الأخ محمد كل عام وانت بخير وربنا يحقق الأمانى والآمال
الموتر أحيانا يستعصى على من كان يملك مرحات من المواشى...قاتل الله الفقر وقاتل الله صانعيه بوعى وغيره...................
لك ولإخوان التحايا
منصور
|
Post: #5
Title: Re: ما هداك عمك ضحيتو نعيجه ليها سنين...........................
Author: الناظر
Date: 01-12-2006, 11:28 AM
Parent: #1
يا ود الفتاح سلام عليك و العيد مبارك عليك و عليٍ من حوليك
العنبوك و التيس عندنا اسهمها عاليا و ممكن تنافس اسهم سابك
بس الموتر غير معروف للكل ولكن معروف بالذي يسبق موكب الرئس
اما النعجة الرازة فيعرفها سكان الباديه و قليل من سكان الحضر
الي الامام و لي قدام و لي قدام
يا ود عبدالجليل سلام عليك و زيك يا المظاهر وين حيك طوالى الظرف ضيق
و عيد سعيد و عمر مديد نري اسمك ديما و لا نسمع صوتك اين انتم او وين اراضيك
|
Post: #6
Title: Re: ما هداك عمك ضحيتو نعيجه ليها سنين...........................
Author: munswor almophtah
Date: 01-12-2006, 02:46 PM
Parent: #5
الأخ الناظر العيد مبارك عليك وعلى وليداتك وأخيانك المعاك أجمعين وربنا يكرمنا بالسودان إستقرارا وملاذا آمنا...يأوينا ويعلفنا فيه بالرضاء وكل أسباب الحياة بعد أن يكلأنا خبزا حلال..............
منصور
|
Post: #8
Title: Re: ما هداك عمك ضحيتو نعيجه ليها سنين...........................
Author: munswor almophtah
Date: 01-14-2006, 01:36 PM
Parent: #6
الزوجه:يا راجل الشهر هل هداك شوفو ودالبارح
وخلاس العيد ضايق وربع الوقت رايح
شوف ناس آمنه شوف ناس شفه
شوف الشفتو فوق الشفه ما مضغوط
وست الشفون الجاتنا أمبارح
وانا لسع أبلع فى ريقى منتظره أبوقجيجه
والله إنت مالك سارح
الزوج:سارح بفكر فى زريزيزره للزريعه
بفكر فى تمر شربوتنا البيهو بنمارح
بفكر فى عمبلوك شفتو عند ناس موسى ودصالح
|
|