Post: #1
Title: البهـــــــيز الفلســــــفيز .. ( هاكونا متاتا ) ..
Author: humida
Date: 07-04-2009, 12:28 PM
Parent: #0
الســـؤال ..
ما هي الثقافة .. و من هو المثقف .. ؟
..
..
قيل .. ( علي ذمة قوقل ) ..
الثقافة اصطلاحا:
هي مجموعة من الصفات الخلقية والقيم الإجتماعية التي تؤثر في الفرد منذ ولادته وتصبح العلاقة التي تربط سلوكه بإسلوب الحياة في الوسط الذي يعيش فيه.
- الثقافة تصوغ هوية الفرد وتشكل هوية الأمة
- الثقافة قيم ومبادئ تنبثق من العقيدة والفكر
- الثقافة روح الانتماء ودافع للعطاء
- الثقافة نقل صورة القيم والمبادئ الى العمل
..
..
جميل ..
بعد قراءة الكلام اعلاه .. بجي السؤال التاني ..
هل المثقف السوداني أمين في نشر الوعي المعرفي في محيطه .. ؟
و ما هو التغيير الذي احدثته الثقافة في مجتمع قبلي يقوم علي العرف و العادات و التقاليد ..؟
هل حاول المثقف السوداني إعادة تدوير القيم السودانية .. و تنوير الطبقة الما مثقفة ( علي حد زعم المثقف ) ..
أم أكتفى بالجلوس و الاكتفاء بأنه مثقف ( حسب تصنيفه لنفسه ) ..
..
..
سؤال جانبي ..
ما هو الفرق بين الثقافة و العلم .. ؟!
|
Post: #2
Title: Re: البهـــــــيز الفلســــــفيز .. ( هاكونا متاتا ) ..
Author: tmbis
Date: 07-04-2009, 01:05 PM
Parent: #1
Quote: هل المثقف السوداني أمين في نشر الوعي المعرفي في محيطه .. ؟
و ما هو التغيير الذي احدثته الثقافة في مجتمع قبلي يقوم علي العرف و العادات و التقاليد ..؟
هل حاول المثقف السوداني إعادة تدوير القيم السودانية .. و تنوير الطبقة الما مثقفة ( علي حد زعم المثقف ) ..
أم أكتفى بالجلوس و الاكتفاء بأنه مثقف ( حسب تصنيفه لنفسه ) .. |
.. أنا في اعتقادي يا استاذ حميده أنو المثقف ما قاعد يعمل ولا حاجة في الحاجات دي .. طبعا دا ما بنطبق على كل المثقفين
في نوع من المثقف بيصل مرحلة بيحصل ليهو خلط زيت وموية .. بتعامل مع الجميع من زاويتو هو
- (حاجاتو) بتكون ما واضحه.
- ( بياسس ) لي مفاهيم جواهو بيصعب عليهو طرحها بي شكل مفهوم أو مقبول للعامه.
- ( بيحصر نفسو ) في اطار ضيق جدا ويعيد تدوير مفردات بي عينه بتكون مكشوفه ظانا انها بتميزو عن الآخر الغير مثقف .. وبيخلق بيها خط فاصل بينو والآخر ..
أنا غايتو ما عافي لي مثقفاتية السودان خالص .. الواحد يجي يقعد جمب ست الشاي ويمسك ليك خصلة من شعرو ويبرم فيها بي توتر ..
بدل ما يطلب الشاي او القهوة ويشربه ويتطلب الله .. يشبك ليك ست الشاي:
بلاي كباية شاي .. سكر زي ماف كدا ..
لاحظ لي العبارة بتاعت سكر زي ماف دي عامله كيف ؟؟
يعني ست الشاي دي بي فهمو دا مطالبه بي انها تكون قرت ليها اقل حاجة مية كتاب علم نفس وخرطمية كتاب بتاع اي حاجة ..
غايتو انا واوفقير امس كان عندنا حصة ثقافة عجيبة جدا بتنفع مع البوست بتاعك دا
|
Post: #3
Title: Re: البهـــــــيز الفلســــــفيز .. ( هاكونا متاتا ) ..
Author: عبدالله داش
Date: 07-04-2009, 01:11 PM
Parent: #1
ياااا خ ما تطلع شدرتك احسن ليك ..
يدحروك من النجيض تاكل الني
|
Post: #4
Title: Re: البهـــــــيز الفلســــــفيز .. ( هاكونا متاتا ) ..
Author: humida
Date: 07-04-2009, 01:26 PM
Parent: #3
| Quote: بلاي كباية شاي .. سكر زي ماف كدا .. |
.. !!
المضحك في الأمر ايضا .. ادخال المفردات الانجليزية .. ( حشو كلام ) في حديث بعض المثقفين ..
خصوصا اذا كان المتلقي يجهل اللغة الانجليزية .. ( بعلم المثقف نفسه ) ..
..
..
السؤال ..
ما الفرق بين الثقافة و الفلسفة .. و اعني بها تحديد ( الفلقصة علي خلق الله ) ..
هل تتكون نفسية المثقف السوداني من باب قوله تعالى .. ( يرفع الله الذين امنو منكم والذين اوتو العلم درجات ) ..
لكن منو هو البحدد انه الزول دا من الذين اتو العلم .. ؟!
و بالنسبة للمتلقي .. هل بتطلب احترامه للمثقف دا انه علمه يدخل في باب احتياجات المتلقي ..
مثال ..
مثقف .. مختص بحضارة المايا و الجداريات الخنفشارية .. هل صميم التخصص بخدم ( عوض ود جادين - ريفي اللعوتة ) ..
أم احترام العلم و المعرفة .. تعطي المثقف مساحة يتفلقص علي ( عوض ود جادين - ريفي اللعوتة ) ..
و في هذه الحالة هل تعتبر هذه الوقائع كافية لحدوث الفلصقة .. ( يعني فلقصته دي بتكون مقنعة ) .. ؟!!
|
Post: #5
Title: Re: البهـــــــيز الفلســــــفيز .. ( هاكونا متاتا ) ..
Author: omer osman
Date: 07-04-2009, 01:41 PM
Parent: #4
| Quote: في نوع من المثقف بيصل مرحلة بيحصل ليهو خلط زيت وموية |
ده مثقف قاطع وش .... وزي ده علاجو صعب شوية لانو مابنلقي ليهو وش اصلي نقوم نوديهو لى عمك عوض اوشاش في المنطقة الصناعية
يقطع ليهو وش كرتون زي العجب ومع شوية شلاق كده الامور بتزبط ويبقي مثقف بـ وش كرتون.
|
Post: #6
Title: Re: البهـــــــيز الفلســــــفيز .. ( هاكونا متاتا ) ..
Author: حمزاوي
Date: 07-04-2009, 01:51 PM
Parent: #3
حميدة ابوالنسب
مسكاقمي
الثقافة ان توقف اشتراكنا في الشبكة بتاعت سوا
الما مستفيدين منها شئ
خصم سااااي
بدون مقابل
ألغي الاشتراك حقي
|
Post: #7
Title: Re: البهـــــــيز الفلســــــفيز .. ( هاكونا متاتا ) ..
Author: بدر الدين اسحاق احمد
Date: 07-05-2009, 11:33 AM
Parent: #6
( امــزى بوســت ايكو هتارى سانا ...
إيكو ماتاتا شيدا ...
نينا كـــا هبـــو ...)
كان غلبك إستعين بصديق من وسط وشرق اريقيا
|
Post: #8
Title: Re: البهـــــــيز الفلســــــفيز .. ( هاكونا متاتا ) ..
Author: tmbis
Date: 07-06-2009, 09:31 AM
Parent: #7
| Quote: يقطع ليهو وش كرتون زي العجب ومع شوية شلاق كده الامور بتزبط ويبقي مثقف بـ وش كرتون. |
صدقني يا جنابو .. وعن تجربة في نوعية كدا من المثقفين ديل والله مش تقطع ليهو وش كرتون كان قطعت ليهو قطع الفاشــر .. اهو الفلقصة في حتته .. والفلهمة العورة .. انظر من حولك وشيل اوشاش الصنايعي دا كان حاقت ليك .. أنا ما تمبس ..
إنتو البورد دا الايامات دي ما فوقو مثقفين واللا شنــو؟؟
|
Post: #9
Title: Re: البهـــــــيز الفلســــــفيز .. ( هاكونا متاتا ) ..
Author: humida
Date: 07-11-2009, 11:03 AM
Parent: #8
في بوست اسمه دعوة لتبني شئ ما .. بتاع اخونا عمران ..
ممكن يتبنى لينا فكرة اعادة المثقف الي حظيرة الوطن .. !!
|
Post: #10
Title: Re: البهـــــــيز الفلســــــفيز .. ( هاكونا متاتا ) ..
Author: tmbis
Date: 07-11-2009, 11:40 AM
Parent: #9
Quote: مثال ..
مثقف .. مختص بحضارة المايا و الجداريات الخنفشارية .. هل صميم التخصص بخدم ( عوض ود جادين - ريفي اللعوتة ) .. |
.. انا بفتكر انو في توافق في الكثافة النوعية في حاجاتم الاتنين .. عوض والمختص
ــ
|
Post: #11
Title: Re: البهـــــــيز الفلســــــفيز .. ( هاكونا متاتا ) ..
Author: humida
Date: 09-26-2009, 10:37 PM
Parent: #10
بس عوض ما راضي انه يمشي مع المختص الدكان ..!!
|
|