انتـو الجكس دا مالكم معاهم .. نادية و روزمين نموذجا ..

Post: #1
Title: انتـو الجكس دا مالكم معاهم .. نادية و روزمين نموذجا ..
Author: humida
Date: 02-09-2009, 03:47 PM
Parent: #0

بدون الدخول في متاهات إعلامية توصلنا الي نتيجة حتمية بأنه قناة هرموني دي قناة ضاربة ..
وبدون الغوص في دهاليز الشعر الما عندها ليهو شَعر ..
وبدون الحجج الفارغة الممكن نجيبها للنيل من اي شخصية و نحن نعلم يقينا انه من جوانا الموضوع كراهية بس ساي كدا لوجه الله ..

..
..

نادية دي عيبوها لي ..
زولة عسل .. بتجامل دا .. وتفقد دا .. و بتتكلم كويس .. و بتعمل حاجات لا بتضرني لا بتضرك ..
و روزمين .. اي نعم انها سمحة و نضاراتا سمحة لكن غير كدا ما فيها اي حاجة تانية بتجيب وجع القلب من ناحيتها ..

..
..

كل يوم من الصباح شابكننا .. ولقد كان إلقائها ضعيفا .. و الشعر العمودي دا ما بنفع معاها .. ولو كانت ضمت الحرف دا بالسكون كان احسن ليها ..
و صلاح إدريس دا ما كان تجيبيهو .. و المايك صوته ما واضح .. و الدكتور كعب .. و انت شينة يا السمحة ..

..
..

اتخيل لي اي زول عنده مشكلة حقه يجي يطرحا طرح واضح ..
يعني انا هسع عندي مشكلة مع عادل عبدالعاطي لانه بكتب اكتر من تلاتين سطر في المداخلة الواحدة و بديك احساس انك زول زلبنطح ساي كدا ..
و بكره بكري لانه ( اضان جلد ) ..
وبكره ود الصايم لانه بناته جواطات ..
وبكره معتصم دفع الله لانه صابر علي ..
وبكره ادريس الخليفة لانه غير الزول بتاع الزبادي ..
و هكذا ..
كراهية مبررة و بإسباب واضحة و منطقية ..
لكن ما ممكن اجي اتلح لي زول عشان لقاء في التلفزيون ما عجبني .. و لا لانه شعر التفعيلة بتاعه ما متفاعل مع حبي الشديد للشعر العمودي ..

..
..

معا لتحرير البنات السمحات من احباطات و انفعالات الناس الما بعرفوا بنات سمحات ..
و الما بتشوفوا في بيتكم بخلعك ..!!
يا شين ..

Post: #2
Title: Re: انتـو الجكس دا مالكم معاهم .. نادية و روزمين نموذجا ..
Author: حمور زيادة
Date: 02-09-2009, 04:04 PM
Parent: #1

الله يفشك فشيتني

Post: #3
Title: Re: انتـو الجكس دا مالكم معاهم .. نادية و روزمين نموذجا ..
Author: محمد عبد الماجد الصايم
Date: 02-09-2009, 04:19 PM
Parent: #2

ياخ إنت أحسن زول

موضوع بناتي دا بنتفاهم فيهو بعدين

Post: #5
Title: Re: انتـو الجكس دا مالكم معاهم .. نادية و روزمين نموذجا ..
Author: محمد الطيب يوسف
Date: 02-09-2009, 04:27 PM
Parent: #3

Quote: موضوع بناتي دا بنتفاهم فيهو بعدين

Post: #27
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 02:19 PM
Parent: #2

Quote: الله يفشك فشيتني
حمور ..
عليك الله شفت الحقارة بتاعت الناس ديل ..
كل واحد داير يعمل فيها مفتح و عنده طربوش .. و يقعد ينظر في الشعر و التلفزيون و اللقاءات البايخة بتاعت نادية دي ..
علي الحرام في واحد يوم داك فاتح ليهو بوست .. و هو اساسا التلفزيون دخل حلتهم مع المشروع الحضاري ..
يعني لحدي سنة 2006 ما شاف ليهو مذيعة سودانية ما متحجبة ..
دا كيف يكون حكمه صحيح في امور ذي دي ..
الانسان دا بعاني من اضمحلال في الثقافة التلفزيونية بتاعته ..
يكفيك فخرا يا غبي ( هو ما انت يا حمور ) .. انك بتعرف زول و الزول دا جابوه في التلفزيون ..
احمد ربك ..!!

..
..

احكي ليك حاجة ..
زمان كانت جارتنا الاستاذة تماضر شيخ الدين .. ( غير تماضر شيخ الدين بتاعت المنبر دا .. الهنا دي ما بعرفا ) ..
و كان في عرض بتاع مسرحية ( هو و هي ) ..
قامت جابت لينا حافلة يا معلم .. و ساقونا كلنا المسرح القومي ..
ياخي انا كنت فرحان بأنه تماضر جارتنا .. اكتر من المسرحية .. و كلمت الناس الفي المسرح كلها .. و بتاع التسالي اداني قرطاس زيادة ..
اعجابا بالموهبة العندي دي .. ( موهبة انك تكون جار زول بجيبوه في التلفزيون ) ..!!

Post: #33
Title: Re: انتـو الجكس دا مالكم معاهم .. نادية و روزمين نموذجا ..
Author: حمور زيادة
Date: 02-10-2009, 02:59 PM
Parent: #27

Quote: ياخي انا كنت فرحان بأنه تماضر جارتنا .. اكتر من المسرحية .. و كلمت الناس الفي المسرح كلها .. و بتاع التسالي اداني قرطاس زيادة ..
اعجابا بالموهبة العندي دي .. ( موهبة انك تكون جار زول بجيبوه في التلفزيون ) ..!!

يا عزيزي حميدة ناس زمان بيدو المشهور قيمتو
ياخ انا مشيت تسجيل جنة الاطفال و الكاميرا جابتني قاعد ادافر في الود الجمبي في الكرسي عفوني من التسميع في المدرسة يومين فرحا بهذا الانجاز

Post: #4
Title: Re: انتـو الجكس دا مالكم معاهم .. نادية و روزمين نموذجا ..
Author: mayada kamal
Date: 02-09-2009, 04:27 PM
Parent: #1

Quote: معا لتحرير البنات السمحات من احباطات و انفعالات الناس الما بعرفوا بنات سمحات ..
و الما بتشوفوا في بيتكم بخلعك ..!!
يا شين ..

نحن الشينات لينا الله بس

*** تخريمة
إزيك يا عريس
مالك جاي دايس بنزين

Post: #6
Title: Re: انتـو الجكس دا مالكم معاهم .. نادية و روزمين نموذجا ..
Author: ASHRAF MUSTAFA
Date: 02-09-2009, 04:32 PM
Parent: #4

Quote: نادية دي عيبوها لي ..
زولة عسل .. بتجامل دا .. وتفقد دا .. و بتتكلم كويس .. و بتعمل حاجات لا بتضرني لا بتضرك ..
و روزمين .. اي نعم انها سمحة و نضاراتا سمحة لكن غير كدا ما فيها اي حاجة تانية بتجيب وجع القلب من ناحيتها ..

انصر دينك

Post: #7
Title: Re: انتـو الجكس دا مالكم معاهم .. نادية و روزمين نموذجا ..
Author: د.نجاة محمود
Date: 02-09-2009, 04:37 PM
Parent: #6

الله ينعل ميتين شناتنا
الما بتخلي حميدة يتنفض ويقول بيان دي ما سمحة عيبوها لي..

سلامات يا عريس
طالبنك اراقة ماء وجه لمرة الجيران
عشان بتعمل اللقمة سمحة..

بس عريس سقيل..

Post: #9
Title: Re: انتـو الجكس دا مالكم معاهم .. نادية و روزمين نموذجا ..
Author: محمد عبد الماجد الصايم
Date: 02-09-2009, 04:44 PM
Parent: #7

الله يحلكـ الليلة من الشينات ديل

Post: #8
Title: Re: انتـو الجكس دا مالكم معاهم .. نادية و روزمين نموذجا ..
Author: كتو
Date: 02-09-2009, 04:43 PM
Parent: #6

Quote: Re: انتـو الجكس دا مالكم معاهم .. نادية و روزمين نموذجا ..

وداليا حافظ ....

" />">

Post: #10
Title: Re: انتـو الجكس دا مالكم معاهم .. نادية و روزمين نموذجا ..
Author: حسن مضوي
Date: 02-09-2009, 04:55 PM
Parent: #8

Quote: Quote: Re: انتـو الجكس دا مالكم معاهم .. نادية و روزمين نموذجا ..

أشجع الأخوات في المنبر بشن هجوم عنيف على حميدة لأن هذا البوست إنتقائي لفرز الشينات من الجميلات
ونحن نأزركن في هجومكن على حميدة الإنتقائي .
والله غايتو يا حميدة وقعت وقعة مع الشينات

Post: #11
Title: Re: انتـو الجكس دا مالكم معاهم .. نادية و روزمين نموذجا ..
Author: baha eassa
Date: 02-09-2009, 04:56 PM
Parent: #8

Quote: اتخيل لي اي زول عنده مشكلة حقه يجي يطرحا طرح واضح ..

دة المش ممكن يحصل ؟
الطرح الواضح انه دة يقول انا شعر فلان ماعاجبني ويجيب
مبررات موضوعية تقنع الناس مستحيل لدي البعض ومش كل الناس
طبعا ولكن هنالك اخي حميدة من يتوجهون للكتابة لاغراض هي
في نفوسهم ويفتحون بذلك بوست وينتظرون الدعم وبعض البوستات
يحصل ان يكون الكاتب والمتداخل هو نفس الشخص ؟ ليتنا نبعد
في لحظات الكتابة اغراضنا التي لاتمت بصلة الي الموضوع
المطروح؟ اتمني ذلك

Post: #12
Title: Re: انتـو الجكس دا مالكم معاهم .. نادية و روزمين نموذجا ..
Author: ASHRAF MUSTAFA
Date: 02-09-2009, 05:19 PM
Parent: #11

كل العضوات جميلات جدا وبدون تمييز

وكل واحدة جمالها بيزيد في حاجة مميزة فيها ممكن ما تتلقي في اخت اخري

وكل واحدة من الاخوات عندها مواهب مدفونة مفروض من يهمه الامر يكتشفها ليها

وانا متاكد انو اي زول بيحب ليه بنت حا يطلع كل المواهب المدفونة والمخزونة والعايزة اكتشاف

والا ما فيه فايدة

وده طرفي من كل زول ما قايم بالواجب علي اكمله

وانا في راي المتواضع انو الحياة كلها Valentine

وبالمناسبة happy valentine لكل اخواتنا في المنبر

وانا حقيقي لا اؤمن ابدا انو في بت شينة

خصوصا اذا كانت سودانية

وده بدون اي مجاملة ولكن بدراية تامة..

Post: #13
Title: Re: انتـو الجكس دا مالكم معاهم .. نادية و روزمين نموذجا ..
Author: Elsanosi Badr
Date: 02-09-2009, 06:18 PM
Parent: #12

حميده...تحياتي
اااي يا عريس اقعد اكتب لي في البوستات وصاقر لي الكمبيوتر كده لحدما(يجيبو اجلك)... انت وزارة الداخلية دي ما مكتفاك ولا شنو(وجه مغيوظ من الحريه المفرطه البتتمتع بيها دي ياخي)...

* ياخي انت مفروض تكون في (سنة) العسل هسى...

**والله يا حميده موضوعك مهم جدا وبيلقي ظلال علي الطريقه النمطيه البيفكروا بيها معظم (حزب) اعداء النجاح ديل...الواحد يكون عنده مشكله مع نفسو ويجي يفك افرازاته السالبه في الناجحين والناجحات ... ده ما ضد النقد البناء البيحفظ لاي زول حقوقو وبيخلي حبل الاحترام موجود بدون تبخيس لاي مجهود...نحنا بلدنا ناقصه لابداعات اي فرد مهما كانت ضئيله عشان نخت نفسنا مع باقي الامم... مش نقعد نقطع (لحم) بعض بتبخس اعمال بعض... عندنا مثل دارفوري بيقول فيما معناه ( طعنة السلاح ولا طعنة الكلام المباح)...وللاسف الشديد في ناس كتيرين ماعندهم (السنس اوف هيومر) البيدعم الاخرين من تجويد اداءهم وتفعيل الابداع مما يجعل المحصله النهائيه ابداع وعمل جيد... هو ساهل جدا انو الواحد يكتب حاجه (كعبه) لشخص ما بتعرفو (مثلا) لكن صعب جدا انك تكتب دوافعك الخلتك تكتب الكلام (الشين)...لانو نوازع الخير عند الانسان هي الاغلب داخل الروح لكن الكلام او الكتابه السيئه تجاه زميل او زميله دايما بتستند علي الدوافع النفسيه البتقاذفه نوازع الشر والخير...وده ما جبلت عليه النفس الدنيويه...
اما النفس العلويه اللي بتكون قريبه من الروح دي دايما بتسوق الزول لفعل الخيرات والكلام الطيب...عشان كده بتلاقي في ناس بتفرح شديد لامن ناس تانين ينجحو... وديل ربنا انعم عليهم بالنفس العلويه اللبتقودهم للخير والعمل الطيب وديل غذاءهم الذكر ومعاشرة الطيبين...وناس تانيين بتلقاهم جواتهم بتغلي لامن يشوفوا زول او زوله ناجحه وديل بتكون غلبت عليهم النفس الشريره...

الكلام الفوق ده اكيد ما حينطبق علي الناس البتهمها مصلحة الاخرين...وديل اصحاب الضمائر الحيه اصحاب النقد البناء ...

اشرف تحياتي...
Quote: وانا حقيقي لا اؤمن ابدا انو في بت شينة
والله لقيتك كبكابه لكين يا اشرف...وبعدين تحياتنا للباشا الفي الصوره ده... (اشرف بهظر معاك)...

انا بتفق معاك مافي زول او زوله شينه...بس في زول جميل من الداخل وده المهم...

Post: #14
Title: Re: انتـو الجكس دا مالكم معاهم .. نادية و روزمين نموذجا ..
Author: baha eassa
Date: 02-09-2009, 07:33 PM
Parent: #13

Quote: اما النفس العلويه اللي بتكون قريبه من الروح دي دايما بتسوق الزول لفعل الخيرات والكلام الطيب...عشان كده بتلاقي في ناس بتفرح شديد لامن ناس تانين ينجحو... وديل ربنا انعم عليهم بالنفس العلويه اللبتقودهم للخير والعمل الطيب وديل غذاءهم الذكر ومعاشرة الطيبين...وناس تانيين بتلقاهم جواتهم بتغلي لامن يشوفوا زول او زوله ناجحه وديل بتكون غلبت عليهم النفس الشريره...

السنوسي .. تحياتي
تحليلك مطابق للحقيقة 100% وياريت الناس ماتكتب وهي مدفوعة
باشياء غير الحقيقة .. وفي حالة نادية فقد دفعني للكتابــة
خاصة في حلقة الارباب ان بوستات انتقدت الحلقة جملة وتفصيـلا
والحلقة مازالت في منتصف المدة والتي استمرت لساعتين ونصـف؟
والاخت روزمين من رفض شعرها لمجرد كلمة واحدة او سطر في كـل
انتاجها؟

Post: #28
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 02:29 PM
Parent: #4

ميادة ..

Quote: نحن الشينات لينا الله بس
الله كريم ..
و ربنا دا ما شقا حنك .. ألا أكله ..
الرزق كتير .. و الطير كتير .. و القصار قصار .. و الطوال طوال .. و البقيف بشنقلو .. و الباقيات الصالحات .. و السبعة المنجيات ..
انتي ركزي بس .. !!

Post: #15
Title: Re: انتـو الجكس دا مالكم معاهم .. نادية و روزمين نموذجا ..
Author: rosemen osman
Date: 02-09-2009, 08:02 PM
Parent: #1

Quote:
معا لتحرير البنات السمحات من احباطات و انفعالات الناس الما بعرفوا بنات سمحات ..

[]]

يا حميدة لو عارفين العرس دا بحنن قلبك كان عرسنا ليك من زمان
المهم ندخل فى الموضوع زى ما قلت من الواضح جدا أنو قصدك ترفع المعنويات شوية وتزيل الأحباطات ..
رغم انه ما طارحين نفسنا كجكس سمح ..لكن بنطرح نفسنا كبنى آدمين عندهم مادة بقدموها للناس ... ..ومتصالحين جدا مع وجهنا وما بشكل لينا أى مشكلة أو شىء نخجل منه
ومافى بت ما سمحة ومافى ولد ما سمح لكن الدواخل بتاعتهم هى البتخلى الناس تشوف جمالهم وتبحث عن ملامح الجمال فيهم ..أو تغض النظر عنهم حتى وان كانو ملوك جمال بالمواصفات العالمية وتقعد تفتش فى ملامحهم عن ملامح القبح البتشبه انتاجهم وطرحهم ..
المهم ..
once اننا تجرأنا على طرح مادة للجمهور يبقى نكون قدر مسؤلية الطرح ومتوقعين للنقد والكلام الفى محله والما فى محله
الأحباط ما بجى من اخفاق أو اعتراض فئة من الناس من مادتك ..لأنه مافى عمل بيرضى كل الناس لاختلاف ميولهم ورغباتهم وأى تجربة ممكن يكون فيها اخفاقات ونجاحات لكن المهم هو المثابرة على التجويد وأى زول يؤمن بحاجاته ..
الاحباط بجى لمن زول يهينك كبنى آدم ويحاول ينتزع حقك فى تقديم مادتك ..
الاحباط بيجى لما الناس تتعدى على خصوصياتك وتتجاوز عملك اليك
وبرضو هنا فى المنبر العام ..طالما رغبنا فى الكتابة فيجب أن تصبر على الأذى وتتخلق بأجمل الخلق ولا تنزل الى دركهم
تخيل فجأة كدة زميل يقول :دى منو هى فاكرة نفسها سعاد الصباح ولا ولا ولا ...وبختك يا روزمين
وزميلة تكتشف فجأة بعد موضوع سعد الدين انها أخطأت بالتداخل معى ذات مرة وتقول ::أن أصدقائها لاموها على تشجيع موهبة فى بداياتها
وزميل يشبهنى بالماما الكبيرة ويصفها بالمجهولة رغم أنها كانت حاكمة ومسيطرة على الزرع والحيوانات وحتى الزواج ..آثرت لفترة أن لاتظهرللناس وعندما ماتت..كانت بقية القصة

المهم ... الله فى ..وما فى زول أن شاء الله يسمع مننا كلمة شينة أبدا

وشكرا لمحاولتكم رفع الاحباط

Post: #16
Title: Re: انتـو الجكس دا مالكم معاهم .. نادية و روزمين نموذجا ..
Author: دينا خالد
Date: 02-09-2009, 10:43 PM
Parent: #15

Quote: بكره بكري لانه ( اضان جلد ) ..
وبكره ود الصايم لانه بناته جواطات ..
وبكره معتصم دفع الله لانه صابر علي ..
وبكره ادريس الخليفة لانه غير الزول بتاع الزبادي
وبكره دينا خالد لانها مافوزننى فى ملك الجمال اهملت الصور وسمعت كلام شهودالعيان !!

لوووووول !

معليش معليش ،، ح ندخلك تانى بعد النيو لووك دا ..

حرية شنو يا بدر؟ ما شايف صاحبك بفتح البوست الصباح تانى
الا من الشغل بعد يومين .. يا حليلك يا حميدة لما كانت ردودك ذى المطر !

انت رمضان دا لما ما قادر على ما تفطر ياخ ؟؟((وش غامز شديد)
ان الله يحب ان تؤتى رخصه كما يحب ان تؤتى عزائمه ..!!

ــــــــــــــ

Quote: إزيك يا عريس
مالك جاي دايس بنزين

جايى يكب بنزين وانتى الصادقة ...

Post: #17
Title: Re: انتـو الجكس دا مالكم معاهم .. نادية و روزمين نموذجا ..
Author: خدر
Date: 02-09-2009, 10:57 PM
Parent: #16

Quote: حرية شنو يا بدر؟ ما شايف صاحبك بفتح البوست الصباح تانى
الا من الشغل بعد يومين .. يا حليلك يا حميدة لما كانت ردودك ذى المطر !

دندون و هي في حالة كونها (تري الشوكـ في الورود و تعمي ..... 3 الخ )

__
إيليا ده ما ادوكم ليهو زماااان ؟

Post: #18
Title: Re: انتـو الجكس دا مالكم معاهم .. نادية و روزمين نموذجا ..
Author: نادية عثمان
Date: 02-10-2009, 01:05 AM
Parent: #17

أنا جكس ؟

ههههه

الله يجبر بخاطرك ياعريس الدواخل !

ده العرس خلاك شفيف وجميل شديد ياخ

وش مبسوط وداير صور اليوم داك برضووو سمح؟

Post: #19
Title: Re: انتـو الجكس دا مالكم معاهم .. نادية و روزمين نموذجا ..
Author: awad hassan
Date: 02-10-2009, 03:44 AM
Parent: #18

يا عالم هوووووووووووووووووي

عملتوا لينا وجع قلب

يعني ما نقول النصيحة

الحياة دي رغم سيئاتها اعطتنا ناس جميلين وموهوبين

روزمين زولة جميلة وموهوبة

نانسي عجاج زولة جميلة وموهوبة

نادية زولة جميلة وموهوبة

يعني النصيحة دي نموت بيها؟؟؟؟؟؟؟؟؟؟؟

شكرا لصاحب البوست

Post: #20
Title: Re: انتـو الجكس دا مالكم معاهم .. نادية و روزمين نموذجا ..
Author: mutasim Hameed
Date: 02-10-2009, 05:16 AM
Parent: #1

يا زول هووووي ..
ما تتور النيران ساكت ..
خليك محضر خير ..
مالن فيهن شنو يتقال ..
مكملات ومكتملات بالإنسان الجميل ..
داير تدخلنا في بحوراً غريقة مالك ؟؟
الله يديهن العافية ..
كتابات .. مبدعات .. لا يشق لهن غبار ..
والما شايفن كدي ..
يبقى ياهو الجمل الما بيشوف عوجة صنقوروا ..

Post: #21
Title: Re: انتـو الجكس دا مالكم معاهم .. نادية و روزمين نموذجا ..
Author: نادية عثمان
Date: 02-10-2009, 07:12 AM
Parent: #20

عارف ياحميدة ؟

في حاجة دايرة اقولها :

ودايرة أؤكد عليها شديد فمن ناحية موضوع السماحة دي كان لي سماحة ( الشكل) أنا شايفة إنوأصلاً مافي إمرأة ( شينة) في العالم ده وبالذات السودان والله ماشاء الله البنات يبرقن زي الضو ونايرات والنساء ياصلاة النبي فوقن من ناحية إهتمامهم بنفسهن تلاقي الواحدة محننة ومكحلة ومعطرة وماشاء الله .. ده من ناحية الـ ( شكل) البراني ده ومن ناحية الروح فالسودانية معروفة بي طيبة قلبها ومحنتها الشديدة ..
لكن انا السؤال المحيرني من زماااااااان قبل أدخل مجال الإعلام وأنا ملاحظة إنو في ناس عندها إعتقاد إنو غالبية البنات الجميلات الشكل وفيهم حبة ( رقشة) زي مابقولوا بكون في ناس معجبة بجمالهن ده وبتقدمهم وبتساعدهم بس عشان سمحات لكن ماعشان موهوبات ويستحقن الإشادة والتشجيع والإحتفاء !!!!

كتييييييير سمعت (كلامات ) تتحدث عن إنو فلانة دي ماعندها اي شئ ولا شاعرة ولا كاتبة ولا مذيعة ولا شاطرة ولا بطيخ بس كل ميزتها في الدنيا إنها سمحة ورأس مالها جمالها !!

انا شخصياً إتقالت عني قبل كده .. نادية دي رأس مالها وشها السمح ده !!!!!!

واليوم داك لما سمعت الكلام ده ولقيت البجردوني من كل أشيائي البحبها ويحصروا راس مالي في الدنيا في وش سمح بس حزنت شديد !

قالوا الشعر ماحقي وبكتبوا ليها الاساتذة فضل الله محمد والسر قدور ومختار دفع الله والتيجاني حاج موسى وهاشم صديق !!!!

ورغم إنو الفطاحلة ديل مدارسهم الشعرية مختلفة إلا انو في بعض الناس طلعوا كلام إنو بكتبوا لي فقط لتبخيس أشيائي وهو أنا لو حرف من حروف شعري بشبه شعر وأحد من الفطاحلة ديل مامفروض أموت من الفرحة !!
وقالوا كتاباتها الصحفية بكتبها ليها فضل الله محمد والسر قدور .. يعني ياكافي البلا أنا مابعرف أكتب حرف في الدنيا دي براي ويكون في المنبر بكتب لي بكري ولا عمر الفاروق ولا تمبس ولا حمودي ولا علاء يوسف ولا منو ياربي !!

عاين ياحميدة ياخوي

انا لا سمحة ولا شتين انا إنسان عااادي ومقبول الشكل وبس لكن بفرح لو زول شاف ( روحي وقلبي ) سمحين واتمنى يكون ( قلبي وروحي) سمحين اما جمال الوجه فوالله ماشايفة روحي أسمح من أي زول في العالم ده وحواء وااااااالدة والسودانيات مافيهن شينة بس الكلام الروح والقلب وديل الاهم من سماحة الوش والجسد !

و

عشق الروح مالوش آخر

لكن عشق الجسد فاني !

أو هكذا تغنى عبد الوهاب !!

اقول ليك شئ :
برجع بعدين لأنو هسي ياحميدة أخوي

أنا ماشة المحاضرة في معهد البروفسير عبد الله الطيب بجامعة الخرطوم عشان عايزة أطور روحي وتبقى لغتي ومخارج حروفي ( سمحة) وده البهمني شديد ..... سمح ؟

Post: #22
Title: Re: انتـو الجكس دا مالكم معاهم .. نادية و روزمين نموذجا ..
Author: ALZOLZATOO
Date: 02-10-2009, 08:41 AM
Parent: #21

ياعريس صباحك سعيد

انت يازول البحومك من صباح الرحمن بي جاي شنو لوول يكه

كامل تضامني مع الشينات

دكتورة نجاة دي ما كانت مرفودة ليها فترة ولا عشان شينة يعني لوول بعدين ميادة دي ماتعبرها اسع ميادة دي شينة بالله

تحياتي

زاتوووو

Post: #23
Title: Re: انتـو الجكس دا مالكم معاهم .. نادية و روزمين نموذجا ..
Author: Yassir Bainwi
Date: 02-10-2009, 08:50 AM
Parent: #22

معا لتحرير البنات السمحات من احباطات و انفعالات الناس الما بعرفوا بنات سمحات ..
و الما بتشوفوا في بيتكم بخلعك ..!!
يا شين ..

خالص الود

Post: #24
Title: Re: انتـو الجكس دا مالكم معاهم .. نادية و روزمين نموذجا ..
Author: Zomrawi Alweli
Date: 02-10-2009, 09:20 AM
Parent: #23

جكس ساي؟؟
انتي اجكس وجه تلفزيوني
انا عشان الناس ما عارفاني عمري كم وشكلي كيف اسمح لنفسي التجكسن.
نادية يا بت البلد
لك التحية والكلام النقدي اللي قلنا في البوست بتاعك كان حبا في تجويد الموجود

Post: #25
Title: Re: انتـو الجكس دا مالكم معاهم .. نادية و روزمين نموذجا ..
Author: د.نجاة محمود
Date: 02-10-2009, 12:36 PM
Parent: #24

نادية ما تزعلي من ناس السابير ديل يقولو ناس القبور قامو طابور يا بت امي
شوفي الاكاذيب الاتكتبت هنا عني من مناسيب الحزب الشيوعي
حين انتقدتهم..
زواج رجل عجوز و دكتوراه في الحيض والنفاس (مع احترامي لاي دراسة في الدراسات الاسلامية)
رغم ان بحثي نشرنه هنا مرات ومرات وهو في الادب.سرقة اموال السودان والعيش عليها
رغم انه مصادر دخلنا معروفة من التدريس..وشاكوش هو سبب انتقادي
لسلوك مناسيب الحزب الشيوعي. وحادات وحادات
اسكتي ساكت يا بت امي..

معروف في السودان لا يمكن ان تكون هناك امراة سمحة وذكية..
عشان كدا اي سمحة وجدت ما وجدت عشان سمحة..
مفهوم ناس السودان..بس اساليهم
في كم سمحة وفي كم نادية؟

محبتي لك واحترامي لسعيك الدائم في تحسين وضعك ودا حق مشروع

Post: #26
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 02:08 PM
Parent: #25

دقيقة يا جماعة ..
قبل ما نخوض في تعليق المعلقين ..
نثبت ليكم كم حاجة كدا .. بدون خجل يعني ..
نادية و روزمين .. سمحات في نظري من مجاميعه .. يعني ذي ما بقولوا ( الظاهر و الباطن ) ..
و لو كان في اي حتة ما عاجباني ما كان اشتغلت بيهم الشغلة .. بمبدأ انه ( الزول الشين بعرف يدافع عن نفسه ) ..
المهم ..
بدون الدخول في الفلسفة الاتعلمناها كبار دي ..
نحن اتربينا علي الحقارة ..
الثقافة السودانية بتأصل فيك حب الحقارة .. و تشجع عندك روح العدوان ..
البت السمحة .. بتقال عليها مطنقعة و شايفا روحها ..
الابوه تاجر و مرتاح .. يقولوا ليك مدلع ..
الشاطر .. عوير ..!!
المهذب .. ما بعرف يتكلم ..
و بداية الرجولة عندنا .. سب دين و سف صعوط ..
وهكذا ..

..
..

ردود خاصة .. ( علي قول عبدالله باجبير )
*د. بيان ..
انتي السماحة دايرة بيها شنو .. ما شاء الله بناتك سمحات و بتشابهو ذي البتيخ بتاع شارع ( جبرة الهوا ) ..
و المهم الاخلاق .. و اكرام الجار .. و اغاثة الملهوف .. و زبارة المرضى ..
و عصيدتكم دي انشاء الله تعمل ليكم تسوس ..!!

* ميادة ..
والله انا زول ما قابلته و قعدت معاهو فيس تو فيس ما بقدر أحكم عليهو ..
نخلي المدام تعمل ليك معاينة .. و قطع شك حتطلعك شينة و عندك ضنب كمان .. !!

Post: #29
Title: Re: انتـو الجكس دا مالكم معاهم .. نادية و روزمين نموذجا ..
Author: baha eassa
Date: 02-10-2009, 02:33 PM
Parent: #26

Quote: و بداية الرجولة عندنا .. سب دين و سف صعوط ..
وهكذا ..

والله ياعريس انت قطيم شديد ..
بس نوعية كتاباتك هي احلي نوعية في المنبر دة ....

Post: #30
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 02:51 PM
Parent: #29

ود الصايم ..
Quote: موضوع بناتي دا بنتفاهم فيهو بعدين
ما تتأخر علي .. الموضوع دا عامل لي قلق شديد ..!!

Post: #31
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 02:55 PM
Parent: #30

Quote: الله ينعل ميتين شناتنا الما بتخلي حميدة يتنفض ويقول بيان دي ما سمحة عيبوها لي..
ما انتو كمان صعبتوها شديد ..
اضعف الايمان عشان الزول يجي يدافع عن زول تاني .. انه يقولوا عليهو ( كبابة ) ..
و انا و الحمد لله موقفي واضح جدا في الحتة دي ..
بس والله نادية دي يعني انا ما برضى فيها عديل .. و روزمين عاجباني نضاراتا و الالقاء الشين بتاعها دا ..
و للناس في ما يعشقون مذاهب او كما قال ترباس ..
بعدين ياخي انا اول مرة اقابلك كان في ذي تلاتة مليون من ناس ( 19 سنة ) ..
أعاين ليك كيف يعني يا بيبو .. !!

Post: #32
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 02:57 PM
Parent: #31

Quote: الله يحلكـ الليلة من الشينات ديل
نمشي القسـم بس .. كان ما طلعوا كلهم نشالين .. الترابة في خشكم ..!!

..
..

بنات ديل سكتوا و لا لسع ..!!

Post: #34
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 03:00 PM

Quote: والله غايتو يا حميدة وقعت وقعة مع الشينات
عضلات تبش + خرطوش موية كفيل بصد اي هجوم .. !!

Post: #35
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 03:14 PM
Parent: #34

بالمناسبة ..
عليكم الله برضو ما في زول يجي يتكلم كلام فارغ مع ( داليا حافظ ) ..
عشان ما نقعد تاني نقسم ليكم في الناس .. سمحين و ما سمحين ..

..
..

او كما قيل ..
الرجاء إلتزام الهدوء .. امامك ماسورة ..!!

Post: #47
Title: Re: انتـو الجكس دا مالكم معاهم .. نادية و روزمين نموذجا ..
Author: داليا حافظ
Date: 02-11-2009, 09:15 AM
Parent: #35

Quote: بالمناسبة ..
عليكم الله برضو ما في زول يجي يتكلم كلام فارغ مع ( داليا حافظ ) ..

حميدة

جبت لي يا ود "المصارين البيض "ـ التعبير ده بتستخدمو حبوتي لمن تنبسط من زول وما قاصدة بيهو أي إيحاءات عنصرية ـ

تسلم من كل بلا .

ومبروك تاني وتالت ورابع ..بركة الربنا هدا سرك .

من هسة أي زول يسألني بكلم ليهو حميدة طواالي .

تاني اي زول نخافو من لسانو في المنبر ده حنعرس ليهو ...الدور على تمبس

Post: #52
Title: Re: انتـو الجكس دا مالكم معاهم .. نادية و روزمين نموذجا ..
Author: mayada kamal
Date: 02-11-2009, 05:09 PM
Parent: #26

Quote: * ميادة ..
والله انا زول ما قابلته و قعدت معاهو فيس تو فيس ما بقدر أحكم عليهو ..
نخلي المدام تعمل ليك معاينة .. و قطع شك حتطلعك شينة و عندك ضنب كمان .. !!

قطييييييييييييييييييييييييم
هيييييييييه وليه تتتعب العروس
هي السعودية بعيدة
قال زول ما قابلته قال

*** سماحة الطبع يااخوي

Post: #36
Title: Re: انتـو الجكس دا مالكم معاهم .. نادية و روزمين نموذجا ..
Author: معتصم الجعيلي
Date: 02-10-2009, 03:38 PM
Parent: #1

معا لتحرير البنات السمحات من احباطات و انفعالات الناس الما بعرفوا بنات سمحات ..
و الما بتشوفوا في بيتكم بخلعك[

الله ينور عليك .. ده الكلام

Post: #37
Title: Re: انتـو الجكس دا مالكم معاهم .. نادية و روزمين نموذجا ..
Author: العوض المسلمي
Date: 02-10-2009, 03:46 PM
Parent: #36

Quote: نحن اتربينا علي الحقارة ..
الثقافة السودانية بتأصل فيك حب الحقارة .. و تشجع عندك روح العدوان ..
البت السمحة .. بتقال عليها مطنقعة و شايفا روحها ..
الابوه تاجر و مرتاح .. يقولوا ليك مدلع ..
الشاطر .. عوير ..!!
المهذب .. ما بعرف يتكلم ..
و بداية الرجولة عندنا .. سب دين و سف صعوط ..
وهكذا

Post: #38
Title: Re: انتـو الجكس دا مالكم معاهم .. نادية و روزمين نموذجا ..
Author: سارة علي
Date: 02-10-2009, 04:44 PM
Parent: #37

Quote: و بتشابهو ذي البتيخ بتاع شارع ( جبرة الهوا ) ..

د.نجاة...

في اقرب فرصة تلقي حميدة اعملي ليهو هرشك كبيرة..

Post: #39
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-10-2009, 06:01 PM
Parent: #38

الناس السمحة ..
والناس النضيفة ..
و الناس الما عندها مشكلة مع نفسها ..
المتسامحين و المتسامحات ..
الناس الجدعان ..
اخوان البنات ..
اولاد حلتنا ..
و الحلة الجنب حلتنا ..
صاحبي و صاحب صاحبي .. واهله و جيرانه ...
و الدعوة عامة ..

بارتــــــــــــي بوســـت .. ( اغاني الحفلات ) ..

Post: #40
Title: Re: انتـو الجكس دا مالكم معاهم .. نادية و روزمين نموذجا ..
Author: وليد محمد المبارك
Date: 02-10-2009, 06:39 PM
Parent: #39

والله الليلة يا حميده شكلك عكس الريح عكس الريح
جوه المسام

قر قر قر قر قر قر قر قر

Post: #41
Title: Re: انتـو الجكس دا مالكم معاهم .. نادية و روزمين نموذجا ..
Author: نادية عثمان
Date: 02-10-2009, 09:00 PM
Parent: #40

والله ياحميدة ياعريس

عشان نيتك بيضااااء وقلبك نضيف

ربنا اداك عروس ماشاء الله وعيني باردة

بت التقول نجفة ومن حقها تقول للقمرة زحي كده ولا كده وتقعد مكانها!

ماتخاف عيني باااااااااردة تلج بس !( وش عينو تنقط موية باردة)

ربنا يحفظكم لي بعض ويرزقكم بالبنين والبنات السمحااااااااات زيكم يارب

حميدة

بالله لو ممكن بوست تكسير تلج تقيل لأستاذي معتصم الجعيلي الزول ده فنان شديد لآآآآآآمن فنان والله .. ربنا يخليهو للسودان يارب ..

Post: #42
Title: Re: انتـو الجكس دا مالكم معاهم .. نادية و روزمين نموذجا ..
Author: د.نجاة محمود
Date: 02-11-2009, 03:13 AM
Parent: #38

Quote: د.نجاة...

في اقرب فرصة تلقي حميدة اعملي ليهو هرشك كبيرة..

سلامات يا سارة
الولد مجهجه ساكت
شاف واحدة بس بتلاتة لبسات( عباية واسيكرت وبلوزة وبنطلون) قايلهم مختلفات
نمل شنو للناس البتعاين للهدوم..

(زول مدردق)

Post: #43
Title: Re: انتـو الجكس دا مالكم معاهم .. نادية و روزمين نموذجا ..
Author: Amany Elamin
Date: 02-11-2009, 04:49 AM
Parent: #42

سلام ياأخ حميده:

كتبت د.نجاة:
معروف في السودان لا يمكن ان تكون هناك امراة سمحة وذكية..
عشان كدا اي سمحة وجدت ما وجدت عشان سمحة..

كلام في الصميم..
ده نوع من الهيمنه الذكوريه اللي تحدثنا عنه سابقا..
يعني لو سمحه ولو ما سمحه..
الانتقاد شئ أساسي لكل امرأه ناجحه..
لكن لو سمحه ده سبب وجيه لنسبة النجاح الي المجامله..

تحياتي..

Post: #44
Title: Re: انتـو الجكس دا مالكم معاهم .. نادية و روزمين نموذجا ..
Author: حسن مضوي
Date: 02-11-2009, 07:02 AM
Parent: #43

Quote: بالله لو ممكن بوست تكسير تلج تقيل لأستاذي معتصم الجعيلي الزول ده فنان شديد لآآآآآآمن فنان والله .. ربنا يخليهو للسودان يارب ..

هههههههههههههههههههه
سلام يانادية
يعني قصدك حميدة متخصص في تكسير التلج والله لكن موهبة جديدة يا حميدة إنشاء الله حانستعين بيكم في تكسير التلج ومنكم نتعلم .

Post: #45
Title: Re: انتـو الجكس دا مالكم معاهم .. نادية و روزمين نموذجا ..
Author: حسن مضوي
Date: 02-11-2009, 07:08 AM
Parent: #44

Quote: لكن لو سمحه ده سبب وجيه لنسبة النجاح الي المجامله..

أناشد حميدة بضم أماني الأمين لقائمة السمحات / الجميلات

Post: #46
Title: Re: انتـو الجكس دا مالكم معاهم .. نادية و روزمين نموذجا ..
Author: محجوب البيلي
Date: 02-11-2009, 07:36 AM
Parent: #45

Quote: وهو أنا لو حرف من حروف شعري بشبه شعر وأحد من الفطاحلة ديل مامفروض أموت من الفرحة !!

دقيقة بالله...

ياااا نادية يا بنت أمّ نادية
أقول لك حاجة؟
والله إنتي ما أقلّ من "الفطاحلة" البتقوليهم ديل.
هو شِعِر ولا شي تاني؟

أقول لك حاجة تانية؟
أنا لا بجامل لا شي
وإنتي شخصياً ـ كمتذوقة ـ عارفة إنك شاعرة متميزة.

قال "وشها السمح" قال!

Post: #48
Title: Re: انتـو الجكس دا مالكم معاهم .. نادية و روزمين نموذجا ..
Author: نادية عثمان
Date: 02-11-2009, 09:34 AM
Parent: #46

د. نجاة ( بيان)

الحبيبة للقلب جدا

الأخت والصديقة

والإنسانة الحقانية

والكاتبة والأديبة والناقدة والدكتورة المقتدرة

والله انا قصة تجريد ( السمحة) من المقدرات والموهبة والذكاء دي محيراني حيرة ياحبيبة !

الغريبة الكلام ده برة مافي ومي زيادة وسعاد الصباح واحلام مستغانمي وكتيييييييرات ماكلهم سمحااااات وناجحات ليه مافي زول من بني أوطانهم بيرى إنو رأس مالهن جمالهن وليس موهبتن ومقدراتن ؟!!

كلامك ده يادكتورة عايزة أعيدوا هنا وأقراهو كل شوية وتسلمي لي إنتي ياسمحة جوة وبرة وياوالدة السمحات

Quote: نادية ما تزعلي من ناس السابير ديل يقولو ناس القبور قامو طابور يا بت امي
شوفي الاكاذيب الاتكتبت هنا عني من مناسيب الحزب الشيوعي
حين انتقدتهم..
زواج رجل عجوز و دكتوراه في الحيض والنفاس (مع احترامي لاي دراسة في الدراسات الاسلامية)
رغم ان بحثي نشرنه هنا مرات ومرات وهو في الادب.سرقة اموال السودان والعيش عليها
رغم انه مصادر دخلنا معروفة من التدريس..وشاكوش هو سبب انتقادي
لسلوك مناسيب الحزب الشيوعي. وحادات وحادات
اسكتي ساكت يا بت امي..

معروف في السودان لا يمكن ان تكون هناك امراة سمحة وذكية..
عشان كدا اي سمحة وجدت ما وجدت عشان سمحة..
مفهوم ناس السودان..بس اساليهم
في كم سمحة وفي كم نادية؟

محبتي لك واحترامي لسعيك الدائم في تحسين وضعك ودا حق مشروع

Post: #49
Title: Re: انتـو الجكس دا مالكم معاهم .. نادية و روزمين نموذجا ..
Author: وليد محمد المبارك
Date: 02-11-2009, 03:26 PM
Parent: #48

شنو يا حميده يا فرده

جليت البوست ده

هاااااااااااااااااع
تلقاها عند الغافل

يمين ما يقع البوست ده وانا في

جوه المسام ياخ

قرقرقرقرقرقرقرقرقرقرقرقرقرق

Post: #50
Title: Re: انتـو الجكس دا مالكم معاهم .. نادية و روزمين نموذجا ..
Author: د.نجاة محمود
Date: 02-11-2009, 03:39 PM
Parent: #49

Quote: الغريبة الكلام ده برة مافي ومي زيادة وسعاد الصباح واحلام مستغانمي وكتيييييييرات ماكلهم سمحااااات وناجحات ليه مافي زول من بني أوطانهم بيرى إنو رأس مالهن جمالهن وليس موهبتن ومقدراتن

لانه يا نادية نحنا بعض رجالنا بتمو رجالتهم بشتم النساء والتقليل من شانهن
وايجاد مبررات لنجاحهن على حسب تصوراتهم عن النساء الحولهم...
اسع شوفي في المنبر دا
العينة دي اصلو ما بتغلط في راجل بس تخصص حريمات..

موحمد شوفيه في خشم بيت امه..

Post: #51
Title: Re: انتـو الجكس دا مالكم معاهم .. نادية و روزمين نموذجا ..
Author: معتصم دفع الله
Date: 02-11-2009, 04:26 PM
Parent: #50

يا حميدة ..
والله أنا زاتو روحي محرقاني زيك ..
ما تجي نتشاكل بي هناك ..

أتمنى إنو نفتح قلوبنا ..
ونقول ما تمليه علينا ضمائرنا ..
كل الإحترام لروزمين ونادية ..
وكل الأخوات بالمنبر ..

Post: #53
Title: Re: انتـو الجكس دا مالكم معاهم .. نادية و روزمين نموذجا ..
Author: نادية عثمان
Date: 02-13-2009, 09:29 AM
Parent: #51

معتصم دفع الله ياصديقي

وينك ياخ مطول الغيبة عساك بألف خير

والعروس والوالدة ورقية وكلكم يارب بخير

عاين

عايزة رقم بكري في السودان ياخ سمح ؟

Post: #54
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-13-2009, 04:23 PM
Parent: #53

Quote: يمين ما يقع البوست ده وانا في
خليك محضر خير .. و العاقبة عندكم في المسرات ..!!

Post: #55
Title: Re: انتـو الجكس دا مالكم معاهم .. نادية و روزمين نموذجا ..
Author: humida
Date: 02-13-2009, 04:55 PM
Parent: #54

<p align=center>
<img src=http://farm3.static.flickr.com/2359/1876331433_3662d94f6.jpg border=2>
<OBJECT id=VIDEO style="WIDTH: 324px; HEIGHT: 46px" type=application/x-oleobject classid=CLSID:6BF52A52-394A-11d3-B153-00C04F79FAA6><PARAM NAME="URL" VALUE="http://www.sudanvoice.net/v1/7asadhPsJsDoTmp3"><PARAM NAME="rate" VALUE="1"><PARAM NAME="balance" VALUE="0"><PARAM NAME="currentPosition" VALUE="0"><PARAM NAME="defaultFrame" VALUE=""><PARAM NAME="playCount" VALUE="1"><PARAM NAME="autoStart" VALUE="1"><PARAM NAME="currentMarker" VALUE="0"><PARAM NAME="invokeURLs" VALUE="-1"><PARAM NAME="baseURL" VALUE=""><PARAM NAME="volume" VALUE="100"><PARAM NAME="mute" VALUE="0"><PARAM NAME="uiMode" VALUE="full"><PARAM NAME="stretchToFit" VALUE="0"><PARAM NAME="windowlessVideo" VALUE="0"><PARAM NAME="enabled" VALUE="-1"><PARAM NAME="enableContextMenu" VALUE="-1"><PARAM NAME="fullScreen" VALUE="0"><PARAM NAME="SAMIStyle" VALUE=""><PARAM NAME="SAMILang" VALUE=""><PARAM NAME="SAMIFilename" VALUE=""><PARAM NAME="captioningID" VALUE=""><PARAM NAME="enableErrorDialogs" VALUE="0"><PARAM NAME="_cx" VALUE="9260"><PARAM NAME="_cy" VALUE="7938">
<EMBED type="application/x-mplayer2" height="45" width="350"
pluginspage="http://microsoft.com/windows/mediaplayer/en/download/";
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false"></EMBED></OBJECT>
Please wait to mp3 loaded ..

Post: #56
Title: Re: انتـو الجكس دا مالكم معاهم .. نادية و روزمين نموذجا ..
Author: Faisal Elrasheed
Date: 02-14-2009, 01:06 PM
Parent: #55

Quote: >
<img src=http://farm3.static.flickr.com/2359/1876331433_3662d94f6.jpg border=2>
<OBJECT id=VIDEO style="WIDTH: 324px; HEIGHT: 46px" type=application/x-oleobject classid=CLSID:6BF52A52-394A-11d3-B153-00C04F79FAA6><PARAM NAME="URL" VALUE="http://www.sudanvoice.net/v1/7asadhPsJsDoTmp3"><PARAM NAME="rate" VALUE="1"><PARAM NAME="balance" VALUE="0"><PARAM NAME="currentPosition" VALUE="0"><PARAM NAME="defaultFrame" VALUE=""><PARAM NAME="playCount" VALUE="1"><PARAM NAME="autoStart" VALUE="1"><PARAM NAME="currentMarker" VALUE="0"><PARAM NAME="invokeURLs" VALUE="-1"><PARAM NAME="baseURL" VALUE=""><PARAM NAME="volume" VALUE="100"><PARAM NAME="mute" VALUE="0"><PARAM NAME="uiMode" VALUE="full"><PARAM NAME="stretchToFit" VALUE="0"><PARAM NAME="windowlessVideo" VALUE="0"><PARAM NAME="enabled" VALUE="-1"><PARAM NAME="enableContextMenu" VALUE="-1"><PARAM NAME="fullScreen" VALUE="0"><PARAM NAME="SAMIStyle" VALUE=""><PARAM NAME="SAMILang" VALUE=""><PARAM NAME="SAMIFilename" VALUE=""><PARAM NAME="captioningID" VALUE=""><PARAM NAME="enableErrorDialogs" VALUE="0"><PARAM NAME="_cx" VALUE="9260"><PARAM NAME="_cy" VALUE="7938">
<EMBED type="application/x-mplayer2" height="45" width="350"
pluginspage="http://microsoft.com/windows/mediaplayer/en/download/";
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false"></EMBED></OBJECT>
Please wait to mp3 loaded ..

يا عمك

الاخبار

Post: #57
Title: Re: انتـو الجكس دا مالكم معاهم .. نادية و روزمين نموذجا ..
Author: وليد محمد المبارك
Date: 02-14-2009, 01:18 PM
Parent: #56

Quote: خليك محضر خير .. و العاقبة عندكم في المسرات ..!!

جدا يا معلم
واكون طالبك

هاهاهاهاهاهاهاها