Quote: برغم انو الواحد لمن يجي داخل بوست خاص بيك بيكون خاتي ايدو في قلبو وببدا بسلام قولاً من رب رحيم
تايهين قبلك في سراب الصيف .. لا غشانا حنان ولا زارنا خريف .. والصدفة الحلوة بنوصفا كيف .. و جمالك نادى علينا نقيف .. لا سلمت لا رديت .. والبيت يا جار جوار البيت ..
Quote: فى تسجيل نادر ، قل ان يجود الزمان بمثله ، وفى فلته من فلتات تاريخنا الغنائى إجتمع الفنانين الراحلين ، العطبراوى ، وأبو داؤؤد فى أغنيه واحده من كلمات شاعرنا الكبير إدريس البنا . والقصه كما حكاها الراحل العطبراوى ، بدأت عندما وصل لأمدرمان ومعه كلمات أغنية القلب الذاكر والتى أخذها من إدريس البنا ، أيام كان مديرا للثقافه بمدينة عطبره فى نهاية الخمسينيات من القرن الماضى ، وصل العطبراوى لأمدرمان وحاول الإتصال بأبو داؤؤد ولم يجده ، توجه مباشره لإذاعة أمدرمان ، حيث تمت إجازة الأغنيه كلماتا وألحانا ، وتم توقيع الأغنيه مع أوركسترا الإذاعه ، وعلى أستوديو التسجيل مباشره حيث تم تسجيل الأغنيه بصوت العطبراوى ، ولحق به أبو داؤؤد فى آخر الأغنيه وغنى معه مقطع واحد . الكلمات رائعه واللحن ممتاز ، والأداء أكثر من راقى، وبهذه الأغنيه سأفتتح بوست أسبوعى كنت قد جهزت له قبلا ، ولكنى ولمشغوليات كثيره كان يتم التأجيل من طرفى دائما
ولد في مدينة عطبرة ودرس المرحلة الابتدائية بمدرسة عطبرة الشرقية ..
بدأ حياته الفنية في مدينة عطبرة عام 1935م بترديد اغاني الحقيبة ..
وأول اغنية خاصة به كانت أغنية ( الشادن المحجور – 1942 ) ..
له حوالي مائتي أغنية واناشيد وطنية اشهرها ( اناشيد لوطن العزيز 1945م – غريب بلدك 1945م – لن يفلح المستعمرون 1946م – انا سوداني 1946م – لن أحيد 1950م) ..
واشتهرت له من الاغاني العاطفية الخفيفة ( ضاعت سنيني – مامنظور ينسانا – يازاهي ماتزورنا – القلوب مرتاحة – مالك مااعتيادي – عتاب )
عضو اتحاد الفنانين ومعروف عنه انه شاعر كتب العديد من القصائد الفنية ..
والدته ( زينب الشايقية) التي تنحدر من منطقة تنقاسي ووالده من منطقة البركل بمحافظة مروي ..
تزوج من ( فاطمة محمد إسماعيل ورزق ) منها بإبنه خليفة .. وبعد ان توفاها الله تزوج من ( أم الحسن عطية ) ورزق منها بابنتين ..
عمل في بداية حياته في مهنة التمريض ثم مصنع الزاير بعطبرة .. ثم سافر الى مصر في عام 1938م وعاد في عام 1940م ليمتهن مهنة الجزارة وهي المهنة التي طالما اعتز بها..
* غنى العطبراوي للموردةوللتحرير وللمريخ عندما حصل على كأس مانديلا وكتب أغنية لمريخ عطبرة ولم يمنعه ميوله للهلال من اظهار حبه للكل وساوى حتى في اهتماماته الرياضية وكتب أروع قصيدة مغناة للهلال.
كتب أروع قصيدة مغناة للهلال*
دي بعض الاضاءات .. اتمني من عنده مزيد يكتب لينا .. وخصوصا عن ( قصيدة الهلال ) ..
Post: #30 Title: Re: ما اعتيـــــــادي .. Author: عامر تيتاوى Date: 07-04-2008, 11:54 PM Parent: #28
تيتاوي .. كيف انك يا زول بتظهر في التلفزيون .. تعرف يا عامر انا عندي اندهاشة كبرى من اي زول بيظهر في التلفزيون ما عارف ليه .. غايتو شرف عظيم لينا والله زيارتك دي
Post: #35 Title: Re: ما اعتيـــــــادي .. Author: معتصم دفع الله Date: 07-05-2008, 10:18 AM Parent: #1
غايتو يا حميدة مرات بتعمل ليك حاجات كده ما اعتيادية .. انت عارف السبت وزحمته قلت كدي أدي طلة على الموقع أشوف الحاصل شنو .. لقيت البوست بتاعك دا قلت حميدة دا عنده أي حاجة عادية النشوف الليلة العندو ما اعتيادي دا شنو ؟ لقيت الغناء السمح وطاعم دا .. رحم الله الفنان الكبير العطبراوي .. أها يا جماعة الخير أسمعوا معانا هنا والبتجيكم أنا ما مسؤل منها ..
في الأسى بصوت العطبراوي ..
والنكمل عليكم بي دي .. في الأسى بصوت مصطفى سيد أحمد ..
Post: #44 Title: Re: ما اعتيـــــــادي .. Author: Faisal Elrasheed Date: 07-06-2008, 10:33 AM Parent: #1
حميده
انا ما ادروب شـــــــــــــــــــــــــــــــايقي قح (بضم القاف)
لكن بوستك ده خلاني انتشي لمن حصل لي شتات فكري قلته يا ريتني كان كنته حلفاوي كان قلته ليك طلعته...........(كنايه عن الاعجاب الشديد لدي اخوانا الحلفاويين)
غلبني ( الكلام ) ولا غلبني ( النضم ) .. ( النضم ) من نضم ينضم فهو ( نضام ) .. ونضم الشيء اي ( أدخل الابرة ) .. او كما قال حبوبتي ( انضم لي الابرة دي ) ..
العزير حميده في تجربتي مع الراحل المقيم العطبراوي وباعتبار انع وابو داوود اصحاب فنني اشهد بانني كنت اجد منه تشجيعا كبيرا وكن كلما احس بالاحباط فهو من الذين يقفوا معي بكل ابوة لذا فليس غريب ان ينطلق ذاك اللحن الشجي من تلك الحجرة التي تنضح بالعنفوان الوطني كل التقدير لك
Post: #47 Title: Re: ما اعتيـــــــادي .. Author: يوسف السماني يوسف Date: 07-06-2008, 08:56 PM Parent: #1
حميدة
والله شايف عنوان البوست لي ثلاثة ايام كل مااقول افتحة بقول اكيد بوست خرمجة.
ولكن بعد ات فتخت البوست ووجد درر الحقيبة المتناثرة مابين العطبراوي وابوداؤد سانصب خيمة ترحالي حتي يشرق الفجر .
دا اسمه ( اثبات حالة ) .. ما سمعت ( الحاردلو ) قال شنو .. إن درت العديل والزين تعال يا زول إن كست الكعب والشين أرح يا زول كلو بنسوق فيهو ( زلط/دقداق ) ..
.. ..
بمناسبة طلتك البهية دي .. وخصوصا انه عندك ( حمى ) شديدة الايام دي .. اطلع ليك من نسق البوست دا .. و أديك اغنية وطينة للثنائي ( يوسف السماني - محمد حميده ) ..
للإستماع لإغنية ( تبيت فى العز متربى بين ايديك يا بلدى يا حبى ) اضغط PLAY
Post: #49 Title: Re: ما اعتيـــــــادي .. Author: humida Date: 07-07-2008, 10:12 AM Parent: #48
Quote: وكنت كلما احس بالاحباط فهو من الذين يقفوا معي بكل ابوة
طيب نحن منتظرين رد الجميل دا .. وتطلع لينا حاجة ( نادرة ) من مكتبتك ..
Post: #54 Title: Re: ما اعتيـــــــادي .. Author: baha eassa Date: 07-12-2008, 00:35 AM Parent: #49
اخي حميدة .. والله شفت العنوان من ثلاثة ايام وقلت دة بوست عادي من عنوانه وبعد مادخلت الان وجد فيها درر الحقيبة منثورة في روعة غير عاديةوهنا قررت ان ابقي وانصب خيمتي حتي الصباح .. اكيد حميدة لما كتبت البوست دة ماكنت اعتيادي ؟؟
Post: #55 Title: Re: ما اعتيـــــــادي .. Author: humida Date: 07-13-2008, 08:07 AM Parent: #54
Quote: من ثلاثة ايام وقلت دة بوست عادي
اتخيل لي اي شئ يتعلق بـ( العطبراوي ) .. لكن يكون اعتياديا .. تطربني اغاني ( العطبراوي ) .. ووددت ان يشاركني الجميع ..
نواصل مع المبدع ( العطبراوي ) .. والجانب الآخر هو ( الاغاني الوطنية ) التي اشتهر بها ( العطبراوي ) .. والبداية دايما بتكون مع رائعته ( أنا ســوداني ) ..
أيها الناس نحن من نفر عمّروا الأرض حيث ما قَطَنوا يذكر المجد كلما ذكروا وهو يعتز حين يقترن حكموا العدل في الورى زمناً يا ترى هل يعد ذا الزمن ردد الدهر حسن سيرتهم ما بها حطّة ولا درن نزحوا لا ليظلموا أحداً لا ولا لاضطهاد مَن أَمِنوا وكثيرون في صدورهم تتنزل الأحقاد والإحن دوحة العُرْب أصلها كرمٌ وإلى العُرْب تُنسَبُ الفِطَنُ أيقظ الدهر بينهم فتناً وكم أفنت الورى الفتن
للإستماع لإغنية ( انا سوداني - حسن خليفة العطبراوي - عود ) اضغط PLAY
هذا القصة رواها ( العطبراوي ) في أخر ايامه من خلال التسجيل الوثائقي الذي عرضه ( التلفزيون السوداني ) .. الرواية كانت حول أغنية للشاعر ( محي الدين فارس ) و بالتحديد قصيدة ( لن أحيد).. وحسب رواية العطبراوي أنه عثر على قصاصة لإحدي الصحف لما اثناء تواجده في مدينة ( جوبا ) بصحبة الراحل المقيم ( أبو داود ) .. و ذكر له ( أبو داود ) ان القصيدة ( صعبة ) .. و أصر ( العطبراوي ) و أخذها .. و قم بتلحينها و سجلها في ( الاذاعة ) .. و اصبحت فيما من أهم الأغنيات الوطنية .. استمع إليها الاستاذ ( محي الدين فارس ) و كان يدرس في جمهورية مصر في ذلك الوقت .. سافر من حينها الي السودان .. و هو يسأل عن الفنان الذي قام بتسجيل القصيدة في الاإذاعة .. دله الجميع علي ( حسن خليفة العطبراوي ) المتواجد في ( عطبرة ) .. ذهب إليه في ( عطبرة ) و إلتقاه في ( الجزارة ) وتعرف به ..
أنا لست رعديداً يكبل خطوه ثقل الحديد لا .. لن أحيد .. .. وغداً نعود للقرية الغناء للكوخ الموشح بالكروم ونسير فوق جماجم الاسياد مرفوعي البنود وتزغرد الجارات والاطفال ترقص والصغار .. .. لا لن احيد عن الكفاح ستعود افريقيا لنا وتعود انغام الصباح
للإستماع لإغنية ( انا لست رعديدا - حسن خليفة العطبراوي - عود ) PLAY
اشراقة .. انشاء الله اشوف ليك .. وعد مني .. وشكرا علي المرور .. والكلمات الطيبة ..
Post: #71 Title: Re: ما اعتيـــــــادي .. Author: ismeil abbas Date: 08-13-2008, 04:27 PM Parent: #1
ألأخ/حميدة
ألسلام عليكم...
ولك التحية وأنت تفتح هذا البوست...عن شخصية تعتبر رمز من رموز الفن السودانى ألأصيل والوطنى...
والجميل أنك أضفت السيرة الذاتية لهذا الفنان المبدع....كشىء من التوثيق..حتى يستفيد شباب اليوم الذى لابعرف مثل هذا الفنان القامة...
من قرايتى لعنوان البوست عرفت إنه العطبراوى..وكان حسن النية متوفر...عكس بعض المتداخلين الذين ذكروا غير ذلك..
هذا البوست وبوست سامى المغربى من البوستات الجميلة..........
Quote: دا اسمه ( اثبات حالة ) .. ما سمعت ( الحاردلو ) قال شنو .. إن درت العديل والزين تعال يا زول إن كست الكعب والشين أرح يا زول كلو بنسوق فيهو ( زلط/دقداق ) ..
بالله خليك دائمآ سايق فى الزلط..وقرض على كده....وخليك دائمآ فى العديل والزين وسيبك من الكعب والشين...وخليك دائمآ على ثبات هذه الحالة.... أحترامى وتقديرى...
