ارشـــــيف الاغاني النـــوبيـــة ..

البوست دا إهداء الي ( عزيزة ) لدي ربما لا تعلموها وربما لا يعنيك الامر كثيرا .. كلو جائز ..
و يتواصل ذات الاهداء الي الخال ( حمزاوي ) .. واهل النوبة في هذا المنبر ..
فكرة توثيق ( الغناء النوبي ) في المنبر جاءت بعد ان استمعت للرائع ( حمزة علاء الدين ) ..

لإضافة اغنية في هذا البوست ..

1. تحميل الاغنية علي سيرفر SudaneseOnline من خلال هذا الرابط تحميل الاغاني والفيديو
   
2. كتابة اسم الاغنية بـ( اللغة الانجليزية ) مع ترجمة بالعربية بسيطة لمعاني الاغنية ..
   
3. ذكر اسم ( الفنان - السنة - المنطقة ) مع الاشارة الي مصدر الاغنية ..
   
4. حاول بقدر الامكان اختيار الاغاني ذات جودة الصوت الممتازة ..
   

Hamza El-Din

محمد وردي كمشكا (kmshka )

This article is about the region in Africa, for other uses see Nubia disambiguation
Modern region of Nubia.Nubia (pronounced /ˈnjuːbiə/) is the name for the region in Southern Egypt, along the Nile and in what is now northern Sudan. Most of Nubia is situated in Sudan with about a quarter of its territory in Egypt. In ancient times it was an independent kingdom.
Recent studies in population genetics suggest that there was a south-to-north gene flow through the Nile Valley. Similarly, linguistic evidence suggests that the Nubians in the Nile Valley were related to peoples originally from the south or southwest. Comparative historical research into the Nubian language group has indicated that the Nile-Nubian languages must have split off from the Nubian languages still spoken in the Nuba Mountains in Kordofan, Sudan, at least 2,500 years ago
Nubia - From Wikipedia, the free encyclopedia

من اجمل اغاني ( حمزة علاء الدين - لا سلام لا كلام ) .. غناء باللغة العربية - لحن نوبي

شكرا humida
نبتدي بهذه الاغنية الملحمة للاستاذ مكي علي ادريس


وهنا تغني الفنانة سماهر نفس الاغنية.


نواصل

استمعوا الي اغنية ثابت تبد في رثاء فقيد الارض النوبية محمد فقير الاغنية التي اثارت جدلا واسعاعندما تم بثها في التلفزيون السوداني ادت الي تكوين لجنة للتحقيق

معاوية ..
شكرا يا حبوب .. والبوست بوستك .. منتظر منك كتير ..

..
..

العزيز مدحت ..
شكرا للاضافة .. ولو امكن تحويل ( ملفات الفيديو ) الي ( ملفات صوت ) ورفعها علي سيرفر SudaneseOnline علي هذا الرابط تحميل الاغاني ..
لعمل مكتبة لها في الموقع اذا وافق الاخ بكري علي الامر ..

شريط كامل للفنان محمد وردي (ali salem)

الجزء الاول - علي سليم (ali salem )

من المواضيع المتميزة التي كتبت عن المبدع ( حمزة علاء الدين ) ..
سودانيون : حمزة علاء الدين

فافينان اونتي اووني....الفنان نبيل عوض ...جدي المحس
اغنية تتحدث عن مستقبل جميل للنوبة

حميدة،
صباح الخير ...

ياخ اللهي يخلي ليك ( عزيزة) و تعيش وتعمل لينا أراشيف صغار ...

____________


الأغاني النوبية دي عالم تاني،

شعور براهو...

يمكن أكون مجنونة، بس وحاة سيدي النون بيشم ريحة البحر وأنا بابسمع الاغاني دي!

فجأة بتنزل شاشة كبيرة قدر البحر

باشوف النخيل

قوصيهات البلح الكبيرة

أقواس البرندات

الصحون المعلقة في راس الباب

(الله أكبر) مكتوبة بالجير على جوانب حيطان حجاج جو او لسة ما جو

وهناك، (كالو) مدخل اللواري المترنحة باحمال من حقائب و شوق مسافرين ..

....

كفاية لحد هنا، نقوم نبكي و نتخنج في الشغل و يقولوا البت جنت رسمي!


...

ياه!

ده احلى صباح ياخ!
__________________

تموا الفيلم ده وما تشتغلوا بي كثير ...

فكرة رهيبة يا Humida وشكرا ولملهمتك.

عادل

بوست رائع

شكرا حميدة والمتداخلين

هنوف ..
يا ورق ولا شجر الصفصاف ما عارف ..
تشكر علي المرور .. ويديك العافية .. ويلا يدك معاك ..

Quote: فكرة رهيبة يا Humida وشكرا ولملهمتك.

ملهمتي زاتا بتقول ليك شكرا علي المرور يا حبوب ..
ويدك معانا انشاء الله .. غنية X غنية بنعمل شريط ..

عزاز ..
هضربة تقيلة .. والله البسمع كلامك دا يقول هسع قبل البوست دا ما يكتمل بستف الشنطة وتتخارج ..
وتجدع للجماعة ديل الاقامة بتاعتهم وتقول ليها قصيدة عصماء كدا ..
السودان جميل والله يا عزيزتي .. وكل بقعة فيهو بتمثل وجدان وشعور خاص داخل كل شخص ..
بس ما عارف الحاصل شنو .. يكون حظنا كدا يا ربي ..!!

Quote: الله أكبر) مكتوبة بالجير على جوانب حيطان حجاج جو او لسة ما جو وهناك، (كالو) مدخل اللواري المترنحة باحمال من حقائب و شوق مسافرين

جزيرة ارقو

المحس - ويكيبيديا الموسوعة

حميدة ...

صباحاتو ...

والله لو بيدي بدري كنت مشيت البلد و عرشت برندتنا الجوانية
و مليت زيري و قعدت أقرأ كل ما فاتني من كتب في سباقي مع المدنية ...

بس تقول شنو؟ المعايش جبارة ...

__________

Quote: وحسب المؤرخين عنهم, وموروثات المحس ، فالكثير من المحس ينتمون للخزرج ذرية أبي بن كعب الأنصاري ، وممن ذكر ذلك عنهم عون الشريف قاسم في موسوعة القبائل السودانية..

ياخوي معلومة انو انحنا خزرج دي ما واقعة لي وما خاااالص عليها ...

انحنا غايتو نوبيين حاف من أهل سيدنا موسى ...

ابقى طيب وواصل في نثر الجمال يا ولدنا الجديد

تعرف يا حميدة يا ولدي
أنا لي يومين بفتش على البوست دا
مما كلمتني في عزاء عم اخونا محمود بكر
وانا بفتش
كدي خليني اشم عبق النوبة
وارجع ليك تاني

Quote: كدي خليني اشم عبق النوبة

عمنا حمزاوي ..
انت لحدي هسع بتشم .. الكلام دا كتبتو قبل اسبوعين ..

الجزء الثاني -علي سليم (ali salem )

سيدجمال - نانا NANA

حميدة إزيك
البعرفو انك رباطابي ..الجابك شنو تأرشف غنانا ؟!!

Quote: ( عزيزة )

ايواا كده وقع لينا..يعنى البنيّة نوبية؟


















مش كان احسن تهدى ليها شوية (مساخة)

الأخ الـحـبيب الـحـبوب،
humida
تـحـياتي ومـودتـي،
وشـكري لك علي ماقـدمته وتقـدمه من باقات الأزهار النوبيـة وتزرع الأفـراح والـمسـرات والبـهـجة فـي النفوس.

القومـة والتـحـية لك ياصـيل ياابن اصـيل ...مانسـيت أهلك ولاتراثـك الرائع..وقـمت توثـق بالكلمـة والصـورة والصـوت والنغـم روائـع أهل النوبة.

نشـد من ازرك،
ولقـدام،
وفـقك اللـه وسـدد خـطاك.

لك مـودتي.

فـوق،
وتانـي فـوق.

....مـتابعيـن باهـتمـام شـديـد ياحـمـيـدة ومـعاوية حـسـيـن ومـدحـت عـثمان...
وشـكرآ لكـم اجـمعيـن علي تـجـميع التـراث النوبـي بالصـور والأغانـي والأفلام الوثائقيـة.

لكـم مـودتي.

محمد عوض -اديلا وي (adila wy )

صالح محمد عبد الله - ولولي (wa lwly )

النوبة أهدوني جمال هذا الكون ..
اقحموني عنوة في عوالمهم الجميلة..
تمايلت مع فنهم وغناهم في ليلة العمر ..
يحبون تراثهم ايما حب..
وربما اتفقوا مع المأزون عند كتابة العقد ان يلتزم العريس بالسماح لنا باحضار فنان نوبي في العرس وإلا فلن يتم الزواج..
وقد كان ..
زفوني بزفة نوبية ..
تراقصوا متشابكي الايادي..
يعجبني في الحلفاويين تحديدا رقصهم الرايق نساء ورجال ..
رقيص محترم بمعنى الكلمة ..
تشابك الايادي في حميمية واضحة مع تمايل خفيف لا يخدش حياء المرأة ولا يعكر صفو كبرياء الرجل..
المحس رقيصهم سمح هجاجيييين لكن جنهم مشاكل ما بيخلوا العرس يتم فعليه ولكل من يتزوج محسية عليه بتوفير كومر احتياطي مركزي وتأمين عربية اسعاف لنقل العريس للمستشفى خصوصا لو كان غريب ..
الدناقلة لا ادري ان كانوا يدخلون في دوائر النوبة أم لا فهم خليط ما بين شمال السودان وما بين النوبة النوبيين ..لكنهم يحبون الحفلات والغناء ايما حب..
شكرا حميدة على توثيق اغاني النصف الحلو ..
تخريمة :
غايتو يا حميدة لو المدام حا تكون نوبية فأوووعك تدقس دقسة اخوك وتجيب فنان(سوداني) بي قروش كتاااار لأنو ما حيدوهو ليك فرصة يغني اي شي وما بيحلل قروشو ...والله يغني ليك اغاني بي 100 الف بس والنوبيين يتموا الباقي طار و عديييلة أوووووو..

احتفاء مني بيكم يا القادمون الجدد لمنطقتنا حاديكم (تنوير) يفيدكم لقدام ...

** في العرس، ابتدي بالفنان العربي و جامل أهلك و ناس الحلة و تم الباقي نوبي لانو فنانك العربي ما بيلاقي المايك إلا لو فنان النوبي داخ وقع ولا دقوهو في نص الشكلة ... انا شخصيا باتعشى و ارقص رقيصي الحلفاوي و اتم صفقتي و بشتت بيتنا ... يعني ما برمجتي مافيها رقيص عربي .. اعملوا حسابكم في الحتة دي لما تعزموني لعرس هجين

** الشكلة مكون أساسي في حفلاتنا وهي من مؤئرات الولف و الألفة فيما بيننا .. غالبا بتكون لأسباب باطنة، و تنتهي بسيل أول قطرة دم ...

** مرحلة ما بعد العرس و الشكلة ... في كل زيارة للسودان أمشي عزي الماتو خلال فترة غيابك ان شاء الله ماتو من 10 سنين لانو الفاتحة دي ما بيسامحوك فيها نوهائي ...

** لو العشا تركين، اعتذر بلطافة أو امشي عزا قاطعه من راسك لانو جلوسك و عدم مشاركتك الأكل في الصحن لحدي كوعك ممكن يفسر انو فلهمة (سودانين) و تبقى مصنف زول مستشرق ساي ...

** رمضان ما تحاول تفرض على ضيوفك برنامج غذائي مافيهو قراصة

** ما تقاطع حوار بالنوبية لانو ممكن يقبلوا عليك انت زااااتك و تبقى في اليحلك ...

** لا تستخدم المفردات النوبية، اللي أغلبها بتكون مكشوفة ووضعت للتداول ما بين غير الناطقين بالنوبية ، للحوا ر مع غير الناطقين بالعربية لانو كده بتعمل نفسك (بوتانشال) برنامج للاختبارات القياس و اللغة و ممكن تؤدي لقفشات عنك لا تعجبك و تسير الركبان و المارة بقصتك .. لن تكون هناك فرصة للدفاع عن نفسك لانو المدعي العام غالبا ما بيتكلم عربي ...


تنويه اخير ..

الدناقلة ما تبعنا ...



____

تعديل املائي لكلمة كانت حتجيب أجلنا لو ما لحقناها

Quote: لكن جنهم مشاكل ما بيخلوا العرس يتم فعليه ولكل من يتزوج محسية عليه بتوفير كومر احتياطي مركزي وتأمين عربية اسعاف لنقل العريس للمستشفى خصوصا لو كان غريب ..

وانا اقول بحمروا لي كدا مالهم .. الله يطمنك يا عمر .. !!

Quote: الشكلة مكون أساسي في حفلاتنا وهي من مؤئرات الولف و الألفة فيما بيننا .. غالبا بتكون لأسباب باطنة، و تنتهي بسيل أول قطرة دم

وشهد شاهد من أهلها ..
بس خلاص .. نمشي نعرس في المظلات ..!!

حميدة لك الشكر
روقت مزاجي العكر هذا الصباح

الهادي أحمد - اشرك منومي (ashrak mnomy )

الهادي أحمد -جدي الخلا الجفال

الهادي احمد - دنيا عاشقه

سمعت انو وردى عندو اغنية نوبية جديده

بالله اى زول عندو الاغنية دى ارجوكم رجاء خاص ان تنزلوها لينا

لكم الشكر والاحترام

محمد وردي -اسمر اللونا (asmar alona )

محمد وردي -مسونكيل (mosnkil )

دوركيره*




____________

مسكاقمي ..
دي الكلمة الوحيدة البعرفا ..

سيد جمال - اودوسي (adose )

سيد جمال- منا ايجي دولكا

برغم أنى لم أفهم ماذا يقول..إلا أن صاحب الوجه الصبوح(الرائعحمزة علاء الدين) أشجانى..
ياله من صوت شجى..

Quote: إلا أن صاحب الوجه الصبوح(الرائع حمزة علاء الدين) أشجان

امبدة ..
والله نفس الشعور .. لكن مع فهم المعنى من خلال ( مترجم ) رطانته تعبانة ..

فوق عشان النوبية المكسرة الرباطابي اللئيم ..

صباح يا كريم فتاح يا عليم

.....

لووووووووووووووووووووووول@ عزاز ..
بقولوها كدا ..
فتاح يا عليم .. رزاق يا كريم ..

..
..

صباح دا منو ..

كتر خيري الجيت رشيت موية قدام الدكان

...

انا كتبت دعاء الصباح ده قبل ما اشرب الشاي بلبن، بالله طلع ما صح!

غايتو، انحنا الله يسترنا في الآخرة بس ...

Quote: البوست دا إهداء الي ( عزيزة ) لدي ربما لا تعلموها وربما لا يعنيك الامر كثيرا .. كلو جائز .. و يتواصل ذات الاهداء الي الخال ( حمزاوي ) .. واهل النوبة في هذا المنبر .. فكرة توثيق ( الغناء النوبي ) في المنبر جاءت بعد ان استمعت للرائع

ما شاء الله تبارك الله حميده

والغريبة ود عمك ابراهيم (ثقافة المثقفاتي) تلاته سنين نعلم فيهو اللغة النوبية

والفن النوبي حارن حرنه شديده الموضوع ما استوعبوا كلو كلو بارك الله فيها العزيزة دي





----------------------------------
المسنجر ما وصل نعمل شنو

تلاتة سنين دي كفاية جدا .. طوالي تكلموا بتكم دي تلم شنطتها وتتخارج ..!!

مزيدا من التوثيق

شكرا تاني يا رباطابي يا ...........

يا سلام يا حميدة
يا ريت لو جيبتو Links للحفظ

انشاء الله يا جماعة ..

سلام....

شغل جميل.... ما عارف ليه كنت بحس بيك دايما قرفان!! ولا يمكن دي الصوره الفاتت الكنت معلقه هاهاهاها
داير ترجمة بالعربيه لاغنية "ايلا" لو ممكن ولو لقيت وكت تكون عملت فيني خير كتير

شكرا ليها

شكرا معاوية

شكرا نسيبنا الجديد حميدة ...بس جهز جردل الدهب

والله ما بتحس ..
فعلا انا قرفان جدا ..
ما في حاجة بتفرح ..
الوضع غريب ..!!

والله ما بتحس ..
فعلا انا قرفان جدا ..
ما في حاجة بتفرح ..
الوضع غريب ..!!

save


لنك الحفظ لاغنيه ( مسونكيل)

يا حميدة قلنا نتضهب بجاى

فى إنتظار أغنية كرولى نقولى

تشكر

الله يسلمك يا بكري ..
وشكرا علي المرور ..

up

شكرا يا هنوف ..
وكنا دايرين دعم اكبر من اخوتنا الرطانة في هذا البوست ..

up

فـوق،
فــــوق،
فــــــــوق.

يا جماعه داير احفظ كل الاغانى دى اعمل شنو؟

احفظ يعنى اعمل ليها ارشيف

الاخ حميدة
كل سنة وانت طيب
نشكرك للبست الجميل ده.



نبداها باغنية من اداء الشاب حسن عابدين
الكلمات غير متأكد ان كانت لبدرالدين ارصد أو الاستاذ الفاتح شرف الدين
الالحان والغناء لعبدالله الزبير في الثمانينيات قبل ان يعتزل الغناء ويكمل دراسته الجامعية وحاليا هو شيخ كبير و دكتور في(يعمل محاضرا في جامعة في المدينة المنورة) وعضو مجلس الافتاء في السودان كان.

الاغنية بعنوان ووتاتا او يا تاتا بالعربي



رابط الحفظ:http://3aza.com/uploader/uploads/tata.wma (يرجي تحميل الغنية كاملة ومن ثم حفظها من التبمروري فولدر او من خيار سيف اس في المشغل نفسه)



هنا مقطوعة الطمبور المشهورة بـ(الجابودا) وهي مقطوعة تعزف بدون اغنية فقط للتصفيق
المؤدي من اشهر عازفي الطمبور في منطقة السكوت واسمه الزاكي سعيد كان مساعد لوري ما عارفه بقي سواق ولا لسة برمي الصاجات في زمن الاسفلت ده






الرابط:http://3aza.com/uploader/uploads/jabouda.wma



في البوستات القادمة نحاول نذكر الفنانين وجزء من سيرتهم واغنياتهم ونحاول نرتبها من حيث الفترات الزمنية بدا من دهب شار ووصولا الي الفنانين الشباب


وبالله يا حميدة ما تقوم تختلف مع عزيزتك دي بكرة وتجي تشتغل لينا شغل رباطاب..
انقل لينا البوست للربع الجاي ده ونواصل معاك..عندي مكتبة ما بطالة غايتو



نواصل,,,,

حميده
توثيق رائع للمبدع حمزة علاء الدين الذى أعشق صوته وعوده

تنويه اخير ..

الدناقلة ما تبعنا ...

ما معانا عديل كدا
ٌشكراٌ يا حفيده ترهاقا