اتحاد شـــداد يهزم الهلال 2/0 لصالح المريخ ( النيل الحصاحيصا ) .. وغرامة مالية ..

و مازال مسلسل شداد ضد الهلال .. يعاد للمرة المليون ..

..
..

بعد هزيمة الوصيفاب بهدف ( بركة ) الشهير .. كان متوقعا ان يأتي القرار لصالح ( المريخ ) ..

اقرت اللجنة المنظمة لبطولة الدورى الممتاز فى اجتماعها الثلاثاء باحقية نيل الحصاحيصا بنقاط مباراته امام الهلال فى الاسبوع الاول للدورى الممتاز للموسم الحالى

وقررت اللجنة اعتبار الهلال خاسرا للقاء بنتيجة 0/2 كما فرضت عليه غرامة مقدارها 10 مليون .. واستندت اللجنة فى قراراها على تقريرى حكم ومراقب المباراة اللذان اكدا ان الهلال لم يحضر الى ملعب استاد الحصاحيصا هى نهاية المهلة القانونية للانتظار

Quote: بعد هزيمة الوصيفاب بهدف ( بركة ) الشهير .. كان متوقعا ان يأتي القرار لصالح ( المريخ ) ..

حسع ايه دخل المريخ في الموضوع دا
انتو دايرين تظلموا الناس وبس
ليه ما يكون لصالح النيل صاحب الحق
تكونوا متحضرين وتقولوا
يحيا العدل
يحيا العدل
يحيا العدل

القرار دا مفصل للمريخ ..
كدا يا دوب الكتوف اتلاحقت ..
والحســم في مباراة القمة .. ابقوا قدرها بس ..
نشــوف شـداد دا تاني بعمل ليكم شنو ..
والله ألا يجي يبقى ليكم رأس حربة ..

وين قرار الوزير ؟؟؟


ولا شداد اكبر من الوزير ؟

يا علاء ..
وزير شـنو .. شــداد دا قبل كدا مطير ليهو وزيرين رياضة ..
صاحبنا دا خايف علي الكرسي بتاعه ..

ياحميدة
سلامات

اذا كان الكلام كدي

Quote: القرار دا مفصل للمريخ .. كدا يا دوب الكتوف اتلاحقت .. والحســم في مباراة القمة .. ابقوا قدرها بس .. نشــوف شـداد دا تاني بعمل ليكم شنو .. والله ألا يجي يبقى ليكم رأس حربة ..

يبقي سيد البلد منو ....
البفصلوا عشانوا القرارات.....؟
وبعدين الصفوة ماعندهم دخل بالقرار ده
المهم....
الجاتك في نقاطك سامحتك

Quote: والله ألا يجي يبقى ليكم رأس حربة ..

أيداهور رجع
وريتشارد بيضا

الســؤال .. الزول دا حيلعب ليكم في مباراة القمة ولا لا ..

سيناريو حســم الدوري الممتاز .. بعد تسـاوي النقاط ..
المريخ يتفوق بفارق الاهداف .. بعد هدفي شــداد ..
اها عذركم شــنو السنة دي ..

هسه المزعلكم فى القرار

انو خلاكم تتساوا مع المريخ وبس

Quote: القرار دا مفصل للمريخ .. كدا يا دوب الكتوف اتلاحقت .. والحســم في مباراة القمة .. ابقوا قدرها بس .. نشــوف شـداد دا تاني بعمل ليكم شنو .. والله ألا يجي يبقى ليكم رأس حربة

اها انتو اركزوا لغاية القمه
وما تقولوا ما بنلعب ،،،

* قرار اللجنة المنظمة .. تحول الى تصريحات ولغة طرزانات يمارسها بعض هواة الشهرة ..!!
* هناك تصريحات طابعها الانانية ..وتجعلنا نحس بالنرجسية ..اذا لم تكن الشيزوفراينا ..!
* الهلال لم يلعب مباراة نيل الحصاحيصا لانه لم يستلم بطاقاته ..!
* تدخل الاجاويد ..! وكان من ضمنهم المريخ ومعتصم جعفر ممثل اتحاد الكرة .. !! وغيرهما ..!
* كل هؤلاء كان قصدهم اقناع الهلال بعدم الانسحاب من اجل نجاح الدوري الممتاز !!
* وادعى الامر الى اصدار الوزير الى قرار باعادة المباراة ..ومعالجة امر المجنسين !!
* المريخ..انسحب واصدر جماعته المعروفين بنصف الدستة بياناَ ..ضد بيان الوفاق !
* دائماَ تكون البداية اجاويد ..والنهاية بيان ضد ما اتفق عليه الاجاويد ..!
* ونيل الحصاحيصا ..تخيلوا ..نيل الحصاحيصا انطلق صوته ..ومازالت قصة اللاعب منتصر تعشعش في دواخلنا ..!
* وظهر محمد سيد احمد ..الذي قال في اخر حديث له انه هو شداد ..وهو فلان وهو علان ولو تحول محمد سيد احمد الى شداد ..الرماد كال حماد ..!
* والجماعة قبلوا ..كلهم اصبحوا ضد الهلال ..وضد الوزير ..!
* والوزير ..اصبح يتعامل مع الامر بضبابية بدلاً عن الشفاهية !
* اتحاد الكرة نفذ نصف القرار ..وعالج مشكلة المجنسين ..!
* نفذ نصف القرار الفني ..وترك النصف الآخر لانه فني ..!
* من يحل هذه الفزورة ..!!؟
* والجماعة ..اخر طرزنة ..!!
* ورئيس اتحاد الحصاحيصا الذي فاز بدعم بعض الاقلام الزرقاء وبفارق ضئيل جداً ..يواصل تصريحاته الطرزانية ..ويؤكد بأن القرار منتهي !!
* محمد سيد احمد اشتهر لدرجة ان احدهم سألني (انت الزول ده اخو مصطفى سيد احمد !!)
* لكنني قلت له: اسألوا عزيزنا مزمل يعقوب!
* عندنا كل شئ ماشي بالمقلوب !!
* رئيس كيان الشمال رئيس اتحاد ..ومزمل يعقوب المراسل الصحفي الذي ينشر اخبار رئيس الكيان..!!
* حاجة غريبة..!
* ده ..مقلوب ..المقلوب ذاتو..!
* والجماعة تعاملوا مع الهلال ..بقرار مضمون مما جعلنا نصدق من يقول انهم اصدروه ..ودسوه !!
* وكلهم مبسوطين ..!
* لجنة الاجاويد ..ومعتصم جعفر ..وناس الاتحاد واخونا داك ..والمريخ ذاتو !!
* اصبح لا فرق بين المريخ والنيل الحصاحيصا توأمه بمزاج ..!
* يعني الجماعة شطار ..!!
* مقلبوا الهلال ..وغشوه ولعبوه ..واصدروا قرار ودسوه ليعلنوه في الوقت المناسب !
* قالوا يمكن الهلال ينهزم يسهل المهمة !
* الهلال ذاتو يشحتف الروح ..!
* غالب ..طوالي ..!! ولا درون مافي ..!!
* ورؤساء لجان كلهم مريخاب وتحكيم شغال ..والهلال هو الهلال ..!!
* لا بخضع ..لا بسمع ..!
* ورئيس اتحاد الحصاحيصا يقول بكل بجاحة لو الهلال انسحب الدوري لن يتوقف !!
* يعني قائل نيل الحصاحيصا ند للهلال ..!
* هو لو ما الدوري الممتاز فيهو الهلال حد يقرأ الجرائد ..!
* في زول يتابع ..! ولا يعرف تصريحاتك !
* انا من انصار ان ينسحب الهلال ويلعب في دوري الخرطوم ..!
* نشوف اخرتا كما يقول صديقنا واستاذنا سعد الدين ..!
* على الاقل يمكن المريخ يفوز بالدوري الممتاز !
* نيل الحصاحيصا يمثل في الترضية ..!
* دوري ممتاز يضم رئيس اتحاد يستهدف الهلال ..ويتفاصح ..!
* احسن منو دوري اولى في الخرطوم مع اهلنا الحبايب ناس ام بدة ..وبيت المال ..والامير !!
* القضية واضحة ..وحتى لو استسلم الوزير لن يستسلم الهلال ..ولا جمهوره الرائع !
* ينتعش دوري الاولى ..!
* ويتبهدل ممتاز ناس نيل الحصاحيصا !!
* نتائج المباريات لا تكون بفصاحة اللسان !!
* لم اسمع بفريق فاز بنقاط دون ان يلعب الا عندنا !!
* كنت سأحترم رئيس نيل الحصاحيصا ..!
* ورئيس الاتحاد الفائز بكرامة البليلة !
* لو قال احدهم ..اعيدوا المباراة نتحدي الهلال ..وسنهزمه شر هزيمة !
* لكن عندهم قلب يقولوا بيهو كلام ذي ده ..!
* ما عارفين ابو الهل ..وجمهورو..!وفرسانو..!
* لا استسلام ابداً ..رفضنا الانسحاب في الموسم الماضي ووقفنا ضده رغم الاستهداف الظاهر !
* لكننا هذه المرة ..معه بالاجماع ..! حتى نمتحن فصاحة الفصحاء ..ونشوف اسلوب الطرزانات وبعد الانسحاب (بلداً مافيها تمساح يقدل فيها الضب !!)
ايقاعات خفيفة
* ما همنا ..مادام الاصدقاء الحكام في روتانا ..!!
* الجماعة حضروا الموسيقى احتفالاً بالقرار المطبوخ ..
* خلو بالكم ما تزيدو الشطة والفلافل ..!
* جيبوا المريخ ..ونيل الحصاحيصا ..في مباراة مشتركة ضد الهلال ..لكن الظلم ..لا ..!
* فرحانين قالوا مقلبنا الهلال وما سافر ..مقلبوا انفسهم ..!
* اول مرة اسمع بجلسة حكام على مائدة ..تسبب الالآم..!
* يا عزيزي صلاح معاك 100٪ ..ضد طرزانات اخر زمن ..!
* الجمهور الازرق في حالة صمت ..وفي الصمت كلام ..!
* قبل سنوات انسحب الهلال من الدوري العام ونظم تمرين تنافسي في استاده يوم مباراة ..! وانهزمت المنافسة ..!
* توحد هلالي 100٪ ..ضد الاستهداف المنظم ..!!
* لا نكتب للتأثير في القرار ..ولكن رداً على الاصوات النشاذ ..وتصريحات المستجدين ..!
* ناس الحصاحيصا ذاتهم عندهم رأي !!
* معقول رئيس يقول ..سأخدم الذين انتخبوني وحدهم..!
* اين انت عزيزي ازهري علي عيسى !!
* لماذا لا يستجوب الاتحاد رئيس اتحاد الحصاحيصا الذي قال انه شداد ..!
والقرار جاهز !!
* الو ..الو ..الكنغولي ..!منافسك مستهدف في بلده ..لكنه قادم باذن الله

الكاتب الاستاذ عبدالمولى صديق ..

منتصر الامين ..
يا زول انت مستجد كورة ولا شنو ..
احكيها ليك بالحركة البطيئة ..
اعتبر الدوري الممتاز دا ماشي ذي الحلاوة .. لعبنا مع النيل الحصاحيصا ولحسناهو ذي غيرو ..
النتيجة كانت حتكون شنو ..
مع العلم انه ( بركة ) اغتصب المريخ في استاد بورسودان وحرمه من تلاتة نقاط ..
لو لا تصرفات شداد كان حتعوضوا التلاتة نقاط دي كيف ..
اصحى يا بريش ..

الهلالاب يرفضوا قرار لجنة الاتحاد العام
والكيزان يرفضوا طلب اوكامبو
هو ايه الحكاية
أيه موضة الرفض الماشة في البلد اليومين دي
الله أها نهن كمان رفدنا سد كجبار
محل الرهيفة التنقد

عاش المؤتمر الوطني ..

ياحميدة كل المؤشرات كانت بتقول كده ..
إنو الهلال لازم يخسر نقاط النيل الحصاحيصا ..
هسي عليك الله النيل دا لو لعب مائة سنة ح يغلب الهلال بياتو طريقة ..
الدوري لسه سجال وما تخاف على سيد البلد ..
الدوري القبل الفات كنا متأخرين بـ7 نقطا جينا إكتسحناهم وشلنا البطولة ..
الحاجة دي بقت مفصلة على سيد البلد ..
يسقط شداد وإتحاد شداد ..
وح نقوله مليون مره إنو الزول دا منظراتي وغير دمر الكرة السودانية ما عمل حاجة ..

الكلام بقى واضح ..
والفرق الحمام الحاشين بيها الدوري الممتاز دي نقاطها مضمونة ..
تعالوا في مباراة القمة .. متوجين بنقاط شداد ..
ونشوف البحصل شنو ..

..
..

قال شنو .. معسكرين للهلال في الهلتون ..

هل هنالك دور للجنة التي يترأسها الاستاذ/محمد الشيخ مدني(لجنةالاستئناف العليا(او شيء من هذا القبيل)بعد قرار اللجنة المنظمة ؟
بمعنى هل قرار اللجنة نهائي ام قابل للإستئناف؟؟
الهلالاب او اغلبهم مع الحسم اي الانسحاب
طالما صدر القرار على غير ما تم الإتفاق عليه قبل مشاركة الهلال الفعلية في الدوري
ونشوف البلد دي تمشي كيف بدون هلال

Quote: هل هنالك دور للجنة التي يترأسها الاستاذ/محمد الشيخ مدني(لجنةالاستئناف العليا(او شيء من هذا القبيل)بعد قرار اللجنة المنظمة ؟ بمعنى هل قرار اللجنة نهائي ام قابل للإستئناف؟؟

الهلال اصلا ماحايستانف ..حايمسك فى قرار الوزير ..
الذى عاد بموجبه للدورى العام ..والوزير والاتحاد
يحلو مشكلتهم مع بعض..افضل للهلال الانسحاب من الدورى
حفاظا على حقه المشروع ...والحق والقانون مع الهلال ..
بشهادة الجميع حتى اهل المريخ ..الذى صرح رئيسة ان
الهلال صاحب قضية ..

والهلال هو الذى ينجح منافسة الدورى العام ويكسبها
الاهمية وليس الاتحاد العام ..

سؤال كده على الماشي لجماعتنا بي هناك الفرحانين للقرار ..
إنتو عندكم كم مجنس ؟؟؟؟
ومتى تم التجنيس الأخير مع العلم أنهم يعرفون ما حدث للهلال ..

وعاش إتحاد شداد ..

كما هو متوقع صدر القرار لصالح البعيوات

وطالما هذا الديكتاتور علي راس الاتحاد العام فلن ينصلح حال الكرة السودانية ابدا

قبل يومين قدمت الرياضية 104 حلقة عن القضية واجروا اتصالات تليفونية بعدد من الاشخاص منهم الارباب و الوالي ورئيس اتحاد الحصاحيصا

والذي ذكر بانهم قد قامو باالاتصال والتنسيق مع اندية الجزيرة المشاركة بالممتاز والمريــــــــــــــــــــــــــــخ من اجل دعم موقفهم........

والسؤال: لماذا قامو بالتنسيق مع البعيوات ؟؟؟ عندما سأله مقدم البرنامج الاستاذ/يوسف السماني هذا السؤال أجاب : لان المريخ ناد كبير!!!

ولماذا لم ينسقوا مع الموردة مثلا؟ أليست نادي كبير ايضا؟

وايضا تم الاتصال بالسيد الوزير واعادو عليه تلاوة القرار الوزاري الذي اصدره لحل النزاع، وعند سؤاله عن مدي الزامية القرار للاطراف

المتنازعة، أجاب بأن القرار ملزم دستوريا لجميع الاطراف بلا استثناء (الاتحاد و الهلال) وهاهو قرار اللجنة ياتي ضد قرار الوزير !!!



فليسقط هذا الاتحاد الذي يحكمه شداد وحاشيته،،،

خاف الهلال من هزيمته الوشيكة أمام نيل الحصاحيصا وقتها فآثر الإنسحاب متعللا بحجج صابونية ..
السؤال :
هل ينتظر الهلالاب المساكين ان يطبطب الإتحاد علي أكتاف هذا الفريق المتمرد المتنمر ويكافئه علي انسحابه وخرقه اللائحة علي حساب نيل الحصاحيصا ..؟؟؟؟؟؟
الإجابة :
الهلال فريق مشاكل وعنتريات لا يستحق سوي تجريد سيف الحزم والحسم في وجهه لكيح جماحة وتفلتاته ,وفوق كل كل ذلك فهو لم يضف للكرة السودانية اي جديد طوال عمره الذي ناهز الثمانين .
تأخر الإتحاد كثيرا في قراره .

Quote: تعالوا في مباراة القمة .. متوجين بنقاط شداد .. ونشوف البحصل شنو ..

سنغتصبهم فى قلعتهم الحمراء في جو ساحر.. تحت الأضواء الزرقاء
فاعلين بهم فعلة الفحل "بركة" في مرتفعات البحر الأحمر !!
ولا شنو يا حميدة !! ?
يحرق شيطانك ياخ !

اتوقع حل مجلس الهلال
وتعين مجلس جديد يخضع للقرار

وبعدين ايه دخل كلمة اغتصاب في الكورة
عالم غريبة

تقرير حكم ومراقب مباراة النيل الحصاحيصا ضد نادي الهلال الخرطوم في الدوري الممتاز بتاريخ 21/2/2008
قامت اللجنة المنظمة في اجتماعها رقم (2) بتاريخ 29/6/2008 بالنظر في هذه القضية وفقاً لاختصاصها الأصيل وفقاً لنص المادة 65 من النظام الأساسي والتي تقرأ: (وضع برامج وضوابط ادارة المنافسات القومية او اى منافسات اخرى يقررها مجلس الادارة والنظر فى شكاوى أهلية اللاعبين وتقارير حكام المباريات والمراقبين لإقرار نتائج المباريات وتحويل حالات سوء السلوك والمخالفين لقوانين اللعبة أو القواعد العامة ولوائح المنافسات للجنة الانضباط لتوقيع الجزاءات). ولقد اطلعت اللجنة على تقرير حكم ومراقب المباراة أعلاه وتوصلت إلي القرار التالي:
أولاً: الوقائع
تتلخص وقائع هذه القضية في أن نادي الهلال الخرطوم قام باستلام لائحة منافسة الدوري الممتاز للموسم 2008 والتي أصدرها مجلس الإدارة وفقاً لسلطاته بموجب نص المادة 37 من النظام الأساسي، كما تسلم برنامج المنافسة والذي أصدرته اللجنة المنظمة وفقاً لاختصاصاتها بموجب المادة 65 من النظام الأساسي.
قبل بداية المنافسة أصدر نادي الهلال بياناً صحفياً أعلن فيه عدم مشاركته في برنامج الدوري الممتاز احتجاجاً على نص المادة (14) من لائحة دوري الدرجة الممتازة والتي وضعها المجلس لتنظيم مشاركة اللاعبين المجنسين وما ترتب على ذلك من ضوابط وإجراءات.
جرت بعض الاجتماعات ضمت ممثلين لإدارة نادي الهلال والاتحاد والوزير لإثناء الهلال عن قراره، وفي التاريخ المحدد للمباراة تخلف الهلال عن الحضور، ولقد حضر الحكم وقام بكل الإجراءات وأثبت تخلف نادي الهلال ورفع تقريره للجنة المنظمة، ونفس الشئ بالنسبة للمراقب والذي حضر للاستاد في الزمن المحدد ورفع تقريره والذي يفيد بتخلف نادي الهلال.
ثانياً: الحيثيات
لقد اطلعت اللجنة على تقريري حكم ومراقب المباراة والتي جاءت واضحة ومؤكدة لتخلف نادي الهلال عن الحضور لاستاد الحصاحيصا يوم 21/2/2008 وهو التاريخ المحدد لقيام المباراة حسب البرنامج، ولقد تأكدت اللجنة من استلام نادي الهلال للائحة وبرنامج المنافسة وفقاً لنصوص لائحة المنافسة، ولقد أكدت المستندات الرسمية بجلاء تام تخلف فريق الهلال وعدم حضوره إلي أرض الملعب في الزمن المحدد وهذه حقيقة ثابتة لا مجال للشك فيها.
وحتى تصدر اللجنة قراراً عادلاً وفقاً لنص المادة 75 من القواعد العامة والتي تقرأ: (أي فريق رفض أداء مباراة تنافسية أو غاب أو تأخر عن الحضور للملعب في الزمن القانوني دون عذر مقبول يعتبر مهزوما ( صفر /2) مع الغرامة التي لا تقل عن 200 جنيه و يجوز للاتحاد المختص اتخاذ أي عقوبات أخرى واذا ثبت ان تخلف الفريق أو رفضه عن المباراة تم بقصد التحايل أو لان نتيجة المباراة لا تؤثر علي موقفه في الترتيب الدوري يحق للجنة المنظمة أو اللجنة الادارية في الاتحاد المختص الغاء نتائج الفريق في المنافسة وتجميد نشاطه حتي نهاية الموسم وهبوطه للدرجة الادني مباشرة واذا كان الفريق اساسا هبط للدرجة الادني يحق للاتحاد المختص اصدار قرار بهبوطه للدرجة الادني منها مباشرة).
طرحت اللجنة سؤالاً هاماً: هل كان تخلف فريق كرة القدم بنادي الهلال عن أداء مباراته المعلنة بسبب عذر مقبول؟
وحتى تقف اللجنة على ذلك الأمر كان لابد لها أن تضع في تقديرها الوقائع والظروف والملابسات التي أحاطت بهذا الأمر، ولقد طلبت اللجنة في اجتماعها رقم (2) بتاريخ 29/6/2008 إفادتي السيد/ على حسين العبد الموظف المسئول بقسم المنافسات بالاتحاد العام والدكتور معتصم جعفر سر الختم نائب رئيس الاتحاد، ولقد أفاد السيد/ على حسين العبد بأن نادي الهلال استلم اللائحة والبرنامج حسب ما تنص عليه اللائحة وأنه بتاريخ 18/2/2008 حضر إليه السيد/ شاكر على الطاهر المدير التنفيذي لنادي الهلال والذي قام رفض استلام البطاقات عندما تم إخطاره بأن نادي الهلال لم يلتزم باللائحة ولم يقم بتحديد اسم لاعبه المجنس عليه سوف يتم الاحتفاظ ببطاقتي اللاعبين داريو كان وسولي شريف إلي حين الالتزام باللائحة وتحديد اسم اللاعب المجنس.
ولقد استعرضت اللجنة حيثيات الاجتماع الذي دعا له وزير الثقافة والشباب والرياضة بمكاتب الاتحاد العام بحضور رئيس الاتحاد ونائب رئيس الاتحاد وأمين مال نادي الهلال والسيد/ رئيس مجلس الشباب والرياضة بولاية الخرطوم وفق إفادة نائب رئيس الاتحاد، ولقد تم الاتفاق في ذلك الاجتماع على أن يقوم نادي الهلال بمخاطبة الاتحاد العام مؤكداً التزامه باللائحة وإقراره بعدم إشراك اللاعبين المجنسين وبعد ذلك يتسلم نادي الهلال بطاقاته ثم يرفع الأمر لمجلس الإدارة، وذهب لإحضار الخطاب وتسليمه للاتحاد، وتم انتظاره حتى الساعة الثانية عشرة منتصف الليل ولكنه لم يحضر ولم يتصل.
كما جاء في إفادة نائب الرئيس بأن السيد الوزير صباح اليوم الثاني قاد نفس المسعى وكتب صيغة يتم التوقيع عليها تنفيذاً لما دار في الاجتماع الأول، ولقد وافق الاتحاد على الصيغة وقام الوزير بنفسه بالاجتماع مع مجلس إدارة نادي الهلال ولم تنجح مساعي الوزير إزاء رفض مجلس إدارة نادي الهلال.
لقد خلصت اللجنة إلي أن الوقائع الثابتة من التقارير الرسمية والإفادات وبيان نادي الهلال أكدت بوضوح رفض الهلال لأداء المباراة والذي ترتب عليه تخلفاً فعلياً عن الحضور إلي الملعب في الزمن القانوني، كما أن نادي الهلال لم يخاطب اللجنة بقراره وإنما أعلنه من خلال بيان صحفي، ولقد وضح أن النادي كان مصراً على قراره وقام بتنفيذه عملياً، كما لم تنجح كل المحاولات التي سبقت تاريخ قيام المباراة لإثناء النادي عن قراره، كما أن إدارة النادي لم تقدم أي طلب لتأجيل المباراة، ولم تبدي أي أعذار للجنة المنظمة، كما أن النصوص القانونية توجب على النادي الالتزام بالنظام الأساسي والقواعد العامة واللوائح والقرارات والبرامج التي يصدرها الاتحاد العام حسب نص المادة 183(ج) من النظام الأساسي "التزامات الأندية المنتسبة وأعضائها" والتي تقرأ:
1) تلتزم الاندية المنتسبة للاتحاد العام واعضاؤها بكل ماهو منصوص عليه في نظامه الاساسي وقواعده وقرارات الجمعية العمومية وقرارات مجلس الادارة وتوجيهاته ولوائحه التى يصدرها لتنظيم النشاط الرياضي والموسم الرياضي واي لوائح اخرى يصدرها مجلس الادارة ، كما تلتزم الاندية واعضاؤها بقرارات الاتحادات المحلية او الفرعية التى تتفق مع النظام الاساسي والقواعد العامة وقرارات الجمعية العمومية وقرارات مجلس الادارة وتوجيهاته ولوائحه.
2) احترام قوانين اللعبة.
3) الالتزام التام باي واجبات نابعة من هذا النظام الاساسي او اللوائح.
4) عدم نقل أي نزاع رياضي للمحاكم وتلتزم بان ترفع أي خلاف لاجهزة الاتحاد العام المختصة او الاتحاد الافريقي لكرة القدم او الاتحاد الدولي لكرة القدم كل حسب اختصاصه.
والمادة 59 (ج) من القواعد العامة والتي تقرأ: (يجب على الاندية المنتسبة تنفيذ البرامج الصادرة من مجلس الادارة او الاتحادات المحلية ولا يجوز لاى نادى رفض تنفيذ تلك البرامج)
وبعد استعراض الوقائع والظروف والملابسات والنصوص القانونية فإن اللجنة أجابت على سؤالها بالنفي.
وقبل أن تخلص اللجنة إلي قرارها النهائي طرحت سؤالاً آخراً: هل عدم وجود كل بطاقات اللاعبين أو جزء منها مع النادي يعتبر عذر مقبول لغياب أو تخلف النادي عن أداء مباراة معلنة؟
المعلوم أن البطاقات تعتبر وسيلة تنظيمية لاشراك اللاعبين المسجلين ولكن عدم وجود البطاقات أو جزء منها مع الفريق في أي مباراة لا يمنع الفريق من أداء المباراة وإشراك اللاعب حيث أن الإجراء المتبع أن يسمح الحكم للاعب أو اللاعبين الذين ليس بحوزتهم بطاقات لأي سبب بالمشاركة مع التصوير فوتوغرافياً مع الحكم، وهذا هو الإجراء المتبع وتم اتباعه في مباراة الموردة و جزيرة الفيل مدني في الدوري الممتاز بتاريخ 22/2/2008 عندما لم يحضر نادي الموردة بطاقات لاعبيه الأجانب الذين تم تصويرهم مع الحكم وسمح لهم بالمشاركة في تلك المباراة، كما أنه الإجراء المتبع لدى الاتحاد الدولي والأفريقي وتنص عليه لوائح الاتحاد الافريقي صراحة وبالتالي لا يعد أمر عدم وجود البطاقات أو جزء منها عذراً لأي فريق يمنعه عن الحضور أو أداء المباراة.
عليه ولما تقدم من أسباب وبعد استعراض الوقائع والنصوص القانونية لكل الظروف والملابسات يعتبر تخلف نادي الهلال عن المباراة المذكورة بدون عذر مقبول مما يعد مخالفة صريحة لنص المادة 75 (أ) من القواعد العامة لعام 2004 تعديل عام 2007.
وعلى الرغم من اختصاص اللجنة الأصيل في نظر القضية وفقاً لأحكام القانون والمادة 65 من النظام الأساسي والمادة 75 من القواعد العامة وحيث أن القرار يعد فنياً حسب نص المادة (3) من قانون هيئات الشباب والرياضة لسنة 2003م باعتباره متعلقاً بنتيجة مباراة الهلال والنيل الحصاحيصا وأمر مرتبط بالمنافسات إلا أن اللجنة واحتراماً للسيد وزير الثقافة والشباب والرياضة وللمبادرات التي قادها من أجل حل القضية فقد ناقشت قراره حول الأمر والجزئية المتعلقة بالمباراة مثار هذه القضية والتي دخلت في اختصاص اللجنة بموجب تقرير الحكم الذي رفع إليها يوم 21/2/2008 بعد تخلف نادي الهلال عن المباراة حيث قام حكم المباراة باتخاذ الإجراءات القانونية ورفع تقريره للجنة المنظمة، والذي ثبت بموجبه تخلف نادي الهلال وحضور نادي النيل الحصاحيصا، بينما صدر قرار الوزير بتاريخ 25/2/2008، علماً بأنه لم يصدر أي قرار بتأجيل المباراة.
وترى اللجنة أنه لا يمكن قانوناً إعمال قرار السيد الوزير بأثر رجعي حيث أنه بمجرد تخلف نادي الهلال وحضور الطرف الآخر نشأ وضع قانوني ترتبت عليه مراكز قانونية لا يستقيم المساس بها بأثر رجعي.
عليه ولكل ما تقدم قررت اللجنة التالي:
1- اعتبار نادي الهلال مهزوماً صفر/2 في مباراته الدورية أمام نادي النيل الحصاحيصا.
2- فرض غرامة مالية على نادي الهلال قدرها 10.000 جنيه (عشرة ألف جنيه).
حسب نص المادة 68 من النظام الأساسي والمادة 106 (و) من القواعد العامة يجوز للنادي استئناف هذا القرار إلي لجنة الاستئنافات العليا خلال 48 ساعة من تاريخ استلام القرار.
المحامي
مجدي شمس الدين
سكرتير اتحاد كرة القدم السوداني

Quote: وبعدين ايه دخل كلمة اغتصاب في الكورة عالم غريبة

يا سمؤال..
الإغتصاب إطلاقا يعنى الأخذ عنوة..
الإقتلاع إقتدارا.. والفعل ضد الرغبة !
فلا تحصره فيما تبادر لخيالك وتصفنا
بالغرابة ...رويدك يا رجل. !!

Quote: والله ألا يجي يبقى ليكم رأس حربة ..

ولا يمسك ليهم راية الاوف سايد



القرار ما باثر فى حصول الهلال علي البطولة و لقاء القمة بوريكم الحمام الميت ... قال شداد قال بلا شداد بلا نيل الحصاحيصا


لسان حال المريخاب يقول و الله عوجه دي يا جماعة لا دوري لا كاس ومجموعة الموت فى دوري المجموعات الافريقية


احسن ليكم ترجعوا لسينفونية الكاس المحمول جوا

Quote: عليه ولكل ما تقدم قررت اللجنة التالي: 1- اعتبار نادي الهلال مهزوماً صفر/2 في مباراته الدورية أمام نادي النيل الحصاحيصا. 2- فرض غرامة مالية على نادي الهلال قدرها 10.000 جنيه (عشرة ألف جنيه). حسب نص المادة 68 من النظام الأساسي والمادة 106 (و) من القواعد العامة يجوز للنادي استئناف هذا القرار إلي لجنة الاستئنافات العليا خلال 48 ساعة من تاريخ استلام القرار. المحامي-مجدي شمس الدين=سكرتير اتحاد كرة القدم السوداني

كل هذا الحكي لتبرير ما يُعرف بالقرار الفني ولامتصاص غضب نيل الحصاجيصا والمريخ و...و...و....
أما القرار النهائي حول الموضوع فقد تم الترتيب له ليصدر عبر لجنة الاستئناف التي يترأسها الاستاذ محمد الشيخ مدني

Quote: يجوز للنادي استئناف هذا القرار إلي لجنة الاستئنافات العليا خلال 48 ساعة من تاريخ استلام القرار. ليبقى السؤال وهل سيستأنف الهلال قرار اللجنة ؟؟؟؟

فليسقط هذا الاتحاد الذي يحكمه شداد وحاشيته،،،

في راي ان علي الهلال اتباع القانون تماما ، يعني يمشي يستأنف القرار للجنة الاسئنافات ...

عندي اسئلة :
- هل قرار التجنيس يحدد عدد المجنسين في النادي الفلاني ؟

ام يحدد عدد المحنسين في الملعب ؟

يعني اذا كان لفريق ما خمسة مجنسين هل يجب شطب عدد معين ام الاكتفاء بان يشارك لاعبين داخل الملعب ؟

اعتقد ان الاحتمال الثاني هو الصحيح بدليل ان الهلال لم يقم بشطب اي لاعب ، يصبح السؤال اذا كان احتمالي هذا صحيحا ، لماذا رفض الاتحاد تسليم الهلال بطاقات لاعبيه ؟

للهلال قضية عادلة يجب التعامل معها بكل هدوء ، وعقلانية ، فكلنا يعرف ان الهلال لن ينسحب من الدورى العام ، مهما تم التهديد بهذا الخيار ؟

سؤال آخر ، ماهو حكم القانون عند انسحاب فريق من مباراة في الدورى العام ؟ هل العقوبة بفقدان نقاط المباراة والغرامة ام هناك اكثر من ذلك (كمثال خصم نقاط من رصيده؟)

شداد يثبت فشله مجددا ، ولو كنت من اهلنا المريخاب لابعدت نفسي بعيدا ؟ ففرحتهم بسحب النقاط\ من الهلال ، هو دليل ضعف ، كأنهم يعترفون انهم لن ينالوا الدورى الا بمساعدة هذا القرار ....

يجب علي الهلال لعب مباراة المريخ وفي باله ان يرد علي الجميع في هذه المباراة وينال نقاطها كاملة ....

معتصم ياجميل

ازيك

Quote: يجب علي الهلال لعب مباراة المريخ وفي باله ان يرد علي الجميع في هذه المباراة وينال نقاطها كاملة ....

وده الكلام الصاح ....!
بس لو انهزم الهلال( وده شئ وارد) هل سيرضي صلاح ادريس
ام سيعود للمربع الاول ويطالب باعادة نقاط النيل...؟

طمنا علي الوالد

والله حيرتونا معاااااكم ... إنتو ما قلتوا نقاط المريخ الـ ( 6 ) مضمونة في جيبكم ... الخرخرة شنو !!! كده بتكون البطولة مضمونة 100% ليكم ... يعني نقاط النيل دي حاجة هامشية وكده ... فريق ينسحب من اللعب يعني كيف يجوا يعيدوا ليه المباراة ؟!! بالله كده أدوني نموذج واحد في كرة القدم في أي بلد من البلدان فريق إنسحب وتم إعادة مباراته ؟!! فريق النيل ذنبه شنو كون هنالك خلافات بين صلاح إدريس وكمال شداد!!! والمريخ دخله شنو تعاد المباراة ولا تحسب للنيل ؟!!! لا نيل بقدم ولا نيل بأخر الحسم في اللقائين المضمونين للهلال ... يعني من هسع نبارك ليكم البطولة السادسة .... بس على فكرة شايف أيداهور رجع ... وجع وجع إيداهور رجع .... وكمان علمنا من مصادرنا الخاصة بأن الأخ عمر الفاروق في مأمورية مستعجلة بالسودان للم البيض الخاص بجدادة الهلال ريتشارد !!!! غايتو أنا عايز لي كرتونة بيض أصلو الاسعار هناك بتاعت البيض بقت ناااااار ... وربنا يخلي لينا ريتشارد يبيض وعموري يلقط .....

مع خالص مودتي وأمنياتي لهلال السودان بالفوز بالبطولة الافريقية من أجل الوطن ....



عماد محمود

Quote: ولو كنت من اهلنا المريخاب لابعدت نفسي بعيدا ؟ ففرحتهم بسحب النقاط\ من الهلال ، هو دليل ضعف ، كأنهم يعترفون انهم لن ينالوا الدورى الا بمساعدة هذا القرار ....

ليس هذا هو سبب فرحة المريخاب
بل سعادتهم كانت من اجل انتصار القانون رغم تدخل الوزير ..

Quote: إنتو ما قلتوا نقاط المريخ الـ ( 6 ) مضمونة في جيبكم

كضابين يا عمده
لانو اخر مباراه التقى فيها الهلال بالمريخ اخدوا فيها علقه ساخنه
من الضباح ايداهور وكانت قبايل عيد الاضحى السابق ومسخ عليهم العيد

والغريبة شنو يعني الهلال ما انهزم قبل كدا في الحصاحيصا بخمسة اهداف او اربعة اهداف واسالوا الولد كاريكا الحصاحيصا الذي اختفى من ذلك الوقت


السنه الجايه تعالوا بدري



ابومصطفى

فيما يلي حيثيات قرار اللجنة المنظمة للدوري الممتاز حول مباراة الهلال والنيل :
عقدت اللجنة المنظمة بالاتحاد السوداني لكرة القدم اجتماعا هاما نهار الثلاثاء 29/7/2008م برئاسة الأستاذ مجدي شمس الدين سكرتير الاتحاد واتخذت القرارات التالية:

أجازت اللجنة محضر الاجتماع السابق بتاريخ 29/6/2008م
قررت اللجنة تفويض لجنة البرمجة لمراجعة برنامج الدورة الثانية للدوري الممتاز حسب المستجدات وظروف قيام مباراة المنتخب السوداني والمصري الودية يوم 20/8/2008م
اطمأنت اللجنة إلى سير منافسة كأس السودان ونسبة لظروف البرنامج الضاغط للأندية والمنتخب قررت اللجنة بأن تلعب مباريات دور الأربعة والنهائي لمنافسة كأس السودان من مباراة واحدة بخروج المهزوم.
استعرضت اللجنة التجهيز والاعداد لمباريات المرحلة الثانية لمنافسة الدوري العام وبعد التداول قررت اللجنة تفويض السيد رئيس اللجنة بأنه في حالة عدم جاهزية استادي بورتسودان وكريمة بأن تلعب المباريات باستادي عطبرة وبربر.
تقرير حكم ومراقب مباراة النيل الحصاحيصا ضد نادي الهلال الخرطوم في الدوري الممتاز بتاريخ 21/2/2008
قامت اللجنة المنظمة في اجتماعها رقم (2) بتاريخ 29/6/2008 بالنظر في هذه القضية وفقاً لاختصاصها الأصيل وفقاً لنص المادة 65 من النظام الأساسي والتي تقرأ: (وضع برامج وضوابط ادارة المنافسات القومية او اى منافسات اخرى يقررها مجلس الادارة والنظر فى شكاوى أهلية اللاعبين وتقارير حكام المباريات والمراقبين لإقرار نتائج المباريات وتحويل حالات سوء السلوك والمخالفين لقوانين اللعبة أو القواعد العامة ولوائح المنافسات للجنة الانضباط لتوقيع الجزاءات). ولقد اطلعت اللجنة على تقرير حكم ومراقب المباراة أعلاه وتوصلت إلي القرار التالي:
أولاً: الوقائع
تتلخص وقائع هذه القضية في أن نادي الهلال الخرطوم قام باستلام لائحة منافسة الدوري الممتاز للموسم 2008 والتي أصدرها مجلس الإدارة وفقاً لسلطاته بموجب نص المادة 37 من النظام الأساسي، كما تسلم برنامج المنافسة والذي أصدرته اللجنة المنظمة وفقاً لاختصاصاتها بموجب المادة 65 من النظام الأساسي.
قبل بداية المنافسة أصدر نادي الهلال بياناً صحفياً أعلن فيه عدم مشاركته في برنامج الدوري الممتاز احتجاجاً على نص المادة (14) من لائحة دوري الدرجة الممتازة والتي وضعها المجلس لتنظيم مشاركة اللاعبين المجنسين وما ترتب على ذلك من ضوابط وإجراءات.
جرت بعض الاجتماعات ضمت ممثلين لإدارة نادي الهلال والاتحاد والوزير لإثناء الهلال عن قراره، وفي التاريخ المحدد للمباراة تخلف الهلال عن الحضور، ولقد حضر الحكم وقام بكل الإجراءات وأثبت تخلف نادي الهلال ورفع تقريره للجنة المنظمة، ونفس الشئ بالنسبة للمراقب والذي حضر للاستاد في الزمن المحدد ورفع تقريره والذي يفيد بتخلف نادي الهلال.
ثانياً: الحيثيات
لقد اطلعت اللجنة على تقريري حكم ومراقب المباراة والتي جاءت واضحة ومؤكدة لتخلف نادي الهلال عن الحضور لاستاد الحصاحيصا يوم 21/2/2008 وهو التاريخ المحدد لقيام المباراة حسب البرنامج، ولقد تأكدت اللجنة من استلام نادي الهلال للائحة وبرنامج المنافسة وفقاً لنصوص لائحة المنافسة، ولقد أكدت المستندات الرسمية بجلاء تام تخلف فريق الهلال وعدم حضوره إلي أرض الملعب في الزمن المحدد وهذه حقيقة ثابتة لا مجال للشك فيها.
وحتى تصدر اللجنة قراراً عادلاً وفقاً لنص المادة 75 من القواعد العامة والتي تقرأ: (أي فريق رفض أداء مباراة تنافسية أو غاب أو تأخر عن الحضور للملعب في الزمن القانوني دون عذر مقبول يعتبر مهزوما ( صفر /2) مع الغرامة التي لا تقل عن 200 جنيه و يجوز للاتحاد المختص اتخاذ أي عقوبات أخرى واذا ثبت ان تخلف الفريق أو رفضه عن المباراة تم بقصد التحايل أو لان نتيجة المباراة لا تؤثر علي موقفه في الترتيب الدوري يحق للجنة المنظمة أو اللجنة الادارية في الاتحاد المختص الغاء نتائج الفريق في المنافسة وتجميد نشاطه حتي نهاية الموسم وهبوطه للدرجة الادني مباشرة واذا كان الفريق اساسا هبط للدرجة الادني يحق للاتحاد المختص اصدار قرار بهبوطه للدرجة الادني منها مباشرة).
طرحت اللجنة سؤالاً هاماً: هل كان تخلف فريق كرة القدم بنادي الهلال عن أداء مباراته المعلنة بسبب عذر مقبول؟
وحتى تقف اللجنة على ذلك الأمر كان لابد لها أن تضع في تقديرها الوقائع والظروف والملابسات التي أحاطت بهذا الأمر، ولقد طلبت اللجنة في اجتماعها رقم (2) بتاريخ 29/6/2008 إفادتي السيد/ على حسين العبد الموظف المسئول بقسم المنافسات بالاتحاد العام والدكتور معتصم جعفر سر الختم نائب رئيس الاتحاد، ولقد أفاد السيد/ على حسين العبد بأن نادي الهلال استلم اللائحة والبرنامج حسب ما تنص عليه اللائحة وأنه بتاريخ 18/2/2008 حضر إليه السيد/ شاكر على الطاهر المدير التنفيذي لنادي الهلال والذي قام رفض استلام البطاقات عندما تم إخطاره بأن نادي الهلال لم يلتزم باللائحة ولم يقم بتحديد اسم لاعبه المجنس عليه سوف يتم الاحتفاظ ببطاقتي اللاعبين داريو كان وسولي شريف إلي حين الالتزام باللائحة وتحديد اسم اللاعب المجنس.
ولقد استعرضت اللجنة حيثيات الاجتماع الذي دعا له وزير الثقافة والشباب والرياضة بمكاتب الاتحاد العام بحضور رئيس الاتحاد ونائب رئيس الاتحاد وأمين مال نادي الهلال والسيد/ رئيس مجلس الشباب والرياضة بولاية الخرطوم وفق إفادة نائب رئيس الاتحاد، ولقد تم الاتفاق في ذلك الاجتماع على أن يقوم نادي الهلال بمخاطبة الاتحاد العام مؤكداً التزامه باللائحة وإقراره بعدم إشراك اللاعبين المجنسين وبعد ذلك يتسلم نادي الهلال بطاقاته ثم يرفع الأمر لمجلس الإدارة، وذهب لإحضار الخطاب وتسليمه للاتحاد، وتم انتظاره حتى الساعة الثانية عشرة منتصف الليل ولكنه لم يحضر ولم يتصل.
كما جاء في إفادة نائب الرئيس بأن السيد الوزير صباح اليوم الثاني قاد نفس المسعى وكتب صيغة يتم التوقيع عليها تنفيذاً لما دار في الاجتماع الأول، ولقد وافق الاتحاد على الصيغة وقام الوزير بنفسه بالاجتماع مع مجلس إدارة نادي الهلال ولم تنجح مساعي الوزير إزاء رفض مجلس إدارة نادي الهلال.
لقد خلصت اللجنة إلي أن الوقائع الثابتة من التقارير الرسمية والإفادات وبيان نادي الهلال أكدت بوضوح رفض الهلال لأداء المباراة والذي ترتب عليه تخلفاً فعلياً عن الحضور إلي الملعب في الزمن القانوني، كما أن نادي الهلال لم يخاطب اللجنة بقراره وإنما أعلنه من خلال بيان صحفي، ولقد وضح أن النادي كان مصراً على قراره وقام بتنفيذه عملياً، كما لم تنجح كل المحاولات التي سبقت تاريخ قيام المباراة لإثناء النادي عن قراره، كما أن إدارة النادي لم تقدم أي طلب لتأجيل المباراة، ولم تبدي أي أعذار للجنة المنظمة، كما أن النصوص القانونية توجب على النادي الالتزام بالنظام الأساسي والقواعد العامة واللوائح والقرارات والبرامج التي يصدرها الاتحاد العام حسب نص المادة 183(ج) من النظام الأساسي "التزامات الأندية المنتسبة وأعضائها" والتي تقرأ:
1) تلتزم الاندية المنتسبة للاتحاد العام واعضاؤها بكل ماهو منصوص عليه في نظامه الاساسي وقواعده وقرارات الجمعية العمومية وقرارات مجلس الادارة وتوجيهاته ولوائحه التى يصدرها لتنظيم النشاط الرياضي والموسم الرياضي واي لوائح اخرى يصدرها مجلس الادارة ، كما تلتزم الاندية واعضاؤها بقرارات الاتحادات المحلية او الفرعية التى تتفق مع النظام الاساسي والقواعد العامة وقرارات الجمعية العمومية وقرارات مجلس الادارة وتوجيهاته ولوائحه.
2) احترام قوانين اللعبة.
3) الالتزام التام باي واجبات نابعة من هذا النظام الاساسي او اللوائح.
4) عدم نقل أي نزاع رياضي للمحاكم وتلتزم بان ترفع أي خلاف لاجهزة الاتحاد العام المختصة او الاتحاد الافريقي لكرة القدم او الاتحاد الدولي لكرة القدم كل حسب اختصاصه.
والمادة 59 (ج) من القواعد العامة والتي تقرأ: (يجب على الاندية المنتسبة تنفيذ البرامج الصادرة من مجلس الادارة او الاتحادات المحلية ولا يجوز لاى نادى رفض تنفيذ تلك البرامج)
وبعد استعراض الوقائع والظروف والملابسات والنصوص القانونية فإن اللجنة أجابت على سؤالها بالنفي.
وقبل أن تخلص اللجنة إلي قرارها النهائي طرحت سؤالاً آخراً: هل عدم وجود كل بطاقات اللاعبين أو جزء منها مع النادي يعتبر عذر مقبول لغياب أو تخلف النادي عن أداء مباراة معلنة؟
المعلوم أن البطاقات تعتبر وسيلة تنظيمية لاشراك اللاعبين المسجلين ولكن عدم وجود البطاقات أو جزء منها مع الفريق في أي مباراة لا يمنع الفريق من أداء المباراة وإشراك اللاعب حيث أن الإجراء المتبع أن يسمح الحكم للاعب أو اللاعبين الذين ليس بحوزتهم بطاقات لأي سبب بالمشاركة مع التصوير فوتوغرافياً مع الحكم، وهذا هو الإجراء المتبع وتم اتباعه في مباراة الموردة و جزيرة الفيل مدني في الدوري الممتاز بتاريخ 22/2/2008 عندما لم يحضر نادي الموردة بطاقات لاعبيه الأجانب الذين تم تصويرهم مع الحكم وسمح لهم بالمشاركة في تلك المباراة، كما أنه الإجراء المتبع لدى الاتحاد الدولي والأفريقي وتنص عليه لوائح الاتحاد الافريقي صراحة وبالتالي لا يعد أمر عدم وجود البطاقات أو جزء منها عذراً لأي فريق يمنعه عن الحضور أو أداء المباراة.
عليه ولما تقدم من أسباب وبعد استعراض الوقائع والنصوص القانونية لكل الظروف والملابسات يعتبر تخلف نادي الهلال عن المباراة المذكورة بدون عذر مقبول مما يعد مخالفة صريحة لنص المادة 75 (أ) من القواعد العامة لعام 2004 تعديل عام 2007.
وعلى الرغم من اختصاص اللجنة الأصيل في نظر القضية وفقاً لأحكام القانون والمادة 65 من النظام الأساسي والمادة 75 من القواعد العامة وحيث أن القرار يعد فنياً حسب نص المادة (3) من قانون هيئات الشباب والرياضة لسنة 2003م باعتباره متعلقاً بنتيجة مباراة الهلال والنيل الحصاحيصا وأمر مرتبط بالمنافسات إلا أن اللجنة واحتراماً للسيد وزير الثقافة والشباب والرياضة وللمبادرات التي قادها من أجل حل القضية فقد ناقشت قراره حول الأمر والجزئية المتعلقة بالمباراة مثار هذه القضية والتي دخلت في اختصاص اللجنة بموجب تقرير الحكم الذي رفع إليها يوم 21/2/2008 بعد تخلف نادي الهلال عن المباراة حيث قام حكم المباراة باتخاذ الإجراءات القانونية ورفع تقريره للجنة المنظمة، والذي ثبت بموجبه تخلف نادي الهلال وحضور نادي النيل الحصاحيصا، بينما صدر قرار الوزير بتاريخ 25/2/2008، علماً بأنه لم يصدر أي قرار بتأجيل المباراة.
وترى اللجنة أنه لا يمكن قانوناً إعمال قرار السيد الوزير بأثر رجعي حيث أنه بمجرد تخلف نادي الهلال وحضور الطرف الآخر نشأ وضع قانوني ترتبت عليه مراكز قانونية لا يستقيم المساس بها بأثر رجعي.
عليه ولكل ما تقدم قررت اللجنة التالي:
1- اعتبار نادي الهلال مهزوماً صفر/2 في مباراته الدورية أمام نادي النيل الحصاحيصا.
2- فرض غرامة مالية على نادي الهلال قدرها 10.000 جنيه (عشرة ألف جنيه).
حسب نص المادة 68 من النظام الأساسي والمادة 106 (و) من القواعد العامة يجوز للنادي استئناف هذا القرار إلي لجنة الاستئنافات العليا خلال 48 ساعة من تاريخ استلام القرار.
المحامي
مجدي شمس الدين
سكرتير اتحاد كرة القدم السوداني

اها معسكر الهلتون الحصل فيهو شنو يا مريخاب ..!!