Post: #1 Title: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-14-2008, 01:34 PM Parent: #0
في بوست الراحل المقيم ( حسن خليفة العطبراوي ) .. ما اعتيـــــــادي .. طلبت الدكتورة اشراقة مصطفى اغنية للاستاذة حنان الصغير..
Quote: نزل لينا بالله اغنية امى يا اجمل كلمة بقولها بصوت حنان الصغيرة اصلى بفتش ليها ومقروصه فيها
.. ..
امي يا اجمل كلمة بقولا اداء : حنان الصغير كلمات و ألحان : عبد الله فزاري ( بابا فزاري )
Post: #2 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Elmosley Date: 08-14-2008, 03:48 PM Parent: #1
ياسلااااام ياحميدة والله عديل بالغت في دي عمنا الفزاري رجل له باع في اغنيات الاطفال ================ دكتوره اشراقه رجعتي الناس لسنوات طويلة خلت تحية لحنان وربنا يديها الصحة ويحفظ ذريتها ان اصبحت اما
Post: #4 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: على محمد على بشير Date: 08-14-2008, 04:03 PM Parent: #2
شكرا جميلا يا حميده على الاغنيه الاكتر من رائعه والرجعتنا سنين لى وراء
ربنا يدى الصحه والعافيه لكل ام حيه ترزق والرحمه والمغفره لكل ام فارقت الحياه
غايتو يا حميده اول مره تعمل ليك حاجه فيها فايده
Post: #3 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: rosemen osman Date: 08-14-2008, 04:00 PM Parent: #1
Post: #5 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: ممدوح أبارو Date: 08-14-2008, 04:13 PM Parent: #3
طعمية ذي الطع 100
Quote: عماد يغيب واحنا نستلم
معليش حرقتني
حميده شكراً لإصالنا حد الإمتاع بصوت حنان
Post: #6 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: rosemen osman Date: 08-14-2008, 04:25 PM Parent: #5
Quote: معليش حرقتني
معقولة بس ؟؟
وأحنا نقدر
سلامتك ياخى
Post: #7 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-14-2008, 04:44 PM Parent: #5
الموصلي ..
Quote: تحية لحنان وربنا يديها الصحة ويحفظ ذريتها ان اصبحت اما
يديك العافية .. استضاف واحد من البرامج الحوارية الاستاذة ( حنان الصغيرة ) قبل مدة قصيرة .. انشاء الله نشوف ليك مقاطع منه ..
.. ..
للإستماع لإغنية ( ما هو عارف قدمه المفارق - حنان الصغيرة ) اضغط PLAY
Post: #8 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-14-2008, 05:09 PM Parent: #7
علي بشير ..
Quote: غايتو يا حميده اول مره تعمل ليك حاجه فيها فايده
تصدق .. كل ما اعمل لي حاجة الناس بتجي تكتب نفس العبارة دي .. علي العموم اتمنى ان يحسن الناس الظن بنا ..
.. ..
للإستماع لإغنية ( يجو عايدين - حنان الصغيرة ) اضغط PLAY
Post: #9 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Ishraga Mustafa Date: 08-14-2008, 07:23 PM Parent: #8
ياسلام عليك ياحميدة يا اخوى {الصغنون}
والله امى قربت تتكلم لمن سمعتها ليها
الله يديك قدر نيتك بركة دعوات امى وكل الامهات
------
بسمع وبجي صاده
Post: #10 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Elmosley Date: 08-14-2008, 10:04 PM Parent: #7
الف شكر ياحميده ومزيد من (المغموت)
Post: #11 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Ishraga Mustafa Date: 08-14-2008, 11:59 PM Parent: #10
القطر ده حمانى النوم مشحوط فى ذاكرتى كاجمل ماتكون الذكرى
وشتان مابين القطر الحنين ده وقطر الايرو سيتى... لكل منهما ذاكرة ولكن ذاكرة قطار الشوق لاتضاهيها اشواق كل قطارات العالم..
--------
شكرا تانى لصورة القطر، بكتب عن قطر الشوق وقطر غربة الروح وكنت بفتش لى فى قطر من ايامى الزمان يا حليلن
Post: #12 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-15-2008, 01:14 AM Parent: #11
Quote: كدة تمام
تمام شديد .. كويس انك المرة دي ما ختيتي نقطة ومشيتي .. لمن اديتيني احساس انك ( البت النقطة ) .. امكن أحكي ليك عنهااذا جاد الزمن عطر دنيتنا بالافراح ..
.. ..
للإستماع لإغنية ( حبي ليك وطني من صميم وجداني - حنان الصغيرة ) اضغط PLAY
Post: #13 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: شهاب الفاتح عثمان Date: 08-15-2008, 03:45 AM Parent: #1
Quote: شكرا جميلا يا حميده على الاغنيه الاكتر من رائعه
Post: #34 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-19-2008, 10:34 AM Parent: #13
دكتور شهاب .. شكرا علي الوردة ..
Post: #14 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Maawya Hussein Date: 08-15-2008, 10:52 AM Parent: #1
بعدين كدا بجيب ليكم هديه لي عمنا (خطاب) عشان النفوس تتصافنا في البوست دا
جمال الهديه بتوقف علي اقدام لاعبي الهلال ادعوا معانا عشان الهديه تطلع سمحه
Post: #15 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-15-2008, 12:19 PM Parent: #14
Quote: عمنا (خطاب)
النفوس متصافية يا معاوية .. اشراقة كانت داخلة في غيبوبة وهم كبيرة وعارفها في النهاية حتطلع منها برضو هي زولة كويسة ومعدنها كويس .. لكن الذي خطاب ديل واي واحد شايل دلوكته وحايم ورا النسوان في المنبر .. ومستعد يقل ادبه ويبقى مشاطة عشان البتكتب مرة .. دا ما بنفع معاي .. دا في نظر زول واطـــي جدا .. الصعلقة وقلة الادب عندها اصول برضو .. ما ساي كدا .. الزول ما تتلما عليهو قلة الادب والبلادة .. بطلع خلطة غريبة كدا ..
Post: #16 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-15-2008, 12:22 PM Parent: #15
وعليك الله يا معاوية ما تجيب لي سيرة الحثالة دا هنا .. ياخي الجري ورا النسوان دا بطلوه من سنة 87 ..
Post: #19 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: rosemen osman Date: 08-15-2008, 01:31 PM Parent: #15
تعرف يا حميدة مافى زول ما كويس أى زول جواه كويس لكن لسانه هو البعجز عن عكس دواخله
ياخى أنت زول كويس برضو لكن ما عارفة ليه بـتأذى مشاعربعض الناس يعنى ممكن نعبر عن عدم رضانا من غير أساءة ولا أنا غلطانة
وياريت تقدر تغير المداخلة أعلاه رجاء ياخى
Post: #27 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-16-2008, 09:49 AM Parent: #19
روزمين .. كلامك دا كان بيكون علي عيني وراسي لو اتقال برضو للمدعو خطاب لمن جا يقل ادبه ويقول في كلام فارغ .. توجيه الحديث لطرف واهمال اخطاء الطرف الآخر وسبب المشكلة .. نوع من النفاق ما بحبك تدخلي فيهو .. اي زول ليهو الحرية يجي يقل ادبه .. وبالمقابل الطرف الآخر ليهو حرية الرد .. اتعاملي معاي من خلال تعاملي معاك .. وبما انك زول محترمة اكيد اكيد يا روزمين ما بيكون بينا ألا جميل .. وفي عبارة بقولها طوالي في المنبر دا .. كلو بنعرف نسوق فيهو ( زلط/ دقداق ) .. قلة الادب في المنبر سببها اعتقاد امثال خطاب انه الطرف التاني ما بقدر يرد عليه .. وكلامي دا من باب فشل هذه النظرية ..
تســلمي ..
Post: #29 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: rosemen osman Date: 08-16-2008, 10:06 AM Parent: #27
يا حميدة يعلم الله رغم سياط لسانك لكن برضو بعزك زى أخوى ومعرفتى بخطاب زى معرفتى بيك ومعظم الأعضاء تقريبا ياهو اتلاقينا كسودانيين على صفحات المنبر دا والموضوع أنتهى يا حميدة أخوى أنت قلت وهو قال فى حينها طيب لزومه شنو للكلام القاسى الما جميل الأنت كتبته دا بعد انتهاء الموضوع وفى بوست جميل زى دا الناس تكون فى قمة الاستمتاع وفجأة تقرأمداخلتك والحاجات فيها وصدقنى يا حميدة ما أى زول حر لأنه لو فى زول بحبك وبخاف عليك جد ما بحب يشوفك فى مكان ما كويس وموقف ما كريم وحيضطر يتكلم معاك طيب ليه ياخى ؟ وأكيد البينا عامر
Post: #30 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-16-2008, 10:40 AM Parent: #29
جدا جدا يا روزمين .. قالوا .. عشان عين تكرم ألف عين .. و في مساحة بتاعت انك تتجاوز ليك زول اكراما لشخص آخر .. الزول دا بمثل ليه قيمة .. او شايف فيه حاجة انت ما شايفا .. اتجاوزه عشانك .. لكن ما بقدر احمل ليهو نفس القيمة بتاعتك دي .. لانه طرحه كان سئ جدا و غير مقبول اخلاقيا ..
.. ..
Post: #17 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Faisal Elrasheed Date: 08-15-2008, 12:38 PM Parent: #1
دي منو الجاري ورا النسوان ده
Post: #18 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-15-2008, 01:06 PM Parent: #17
ابارو .. والله يا سيدي بتشبه لي واحد صاحبنا اسمه ( عمرو كمبال ) شبه مبالغة .. كل ما اعاين لصورتك بجيني احساس انه بينا معرفة قوية .. يديك العافية ..
.. ..
للإستماع لإغنية ( فريع البان - حنان الصغيرة ) اضغط PLAY
Post: #20 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Ishraga Mustafa Date: 08-15-2008, 01:50 PM Parent: #18
سلام
رجاء ياحميدة ان تراجع نفسك فى الكتابة الخاصة بالاخ خطاب وبيكون كويس لو قدرنا نتجاوز لانو احساس الفنان الفيك من خلال الاغنيات اللى بتنزلها وطريقة اخراجك ليها بتخلينى اثق تماما فى معدنك وعلى الاساس ده بأمل انو تراجع نفسك خاصة فى اللغة اللى بتفلت منك مرة مرة لانو مابتشبهك. ومابتشبه استجابة لطلب لاجل ام مشلولة وصامتة عن الكلام
ومايخص وهمى صدقنى ما واهمة لكن ممكن اكون تعاملت بردود فعل وده خطأ بعترف بيهو لانى عادة مابرد وانا فى حالة غضب او تشويش ولمن رديت ليك كنت فى حالة توتر لاعلاقة لها بك
خطاب تداخل زيو زى اى زول وقال وجهة نظر وانت رديت عليهو ورايو بمثلو زى مارأيك بمثلك عشان كدى مافى داعى للاساءة والتجريح وممكن زى ماقالت روزمين الزول يعبر عن وجهة نظرو من غير اذية للآخر
شكرى واحترامى
======
خطاب الذى أعرف من اجمل خلق الله وأنبلهم
Post: #21 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Nazik Eltayeb Date: 08-15-2008, 02:32 PM Parent: #20
يا سلام يا حميدة
كانت ايام حلوة
حنان الصفيرة والتلفزبون و خواطر فيل و بدري صحيت من نومي و متشكرين ومقدرين و جنة الاطفال و عزوز و ماما عشة
كل الشكر
Post: #22 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: ممدوح أبارو Date: 08-15-2008, 02:40 PM Parent: #21
Quote: ابارو .. والله يا سيدي بتشبه لي واحد صاحبنا اسمه ( عمرو كمبال ) شبه مبالغة .. كل ما اعاين لصورتك بجيني احساس انه بينا معرفة قوية .. يديك العافية ..
ياسيدي قالو الما لقي شبهو الله قبحو
بمناسبة الشبه دي الفي البروفايل دي صورتك ولا صورة طه سليمان؟
Post: #23 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: mahmed alhassan Date: 08-15-2008, 02:56 PM Parent: #22
اخي حميدة التحيـــة عبر بوستــــك الجميــــل لللامهات 0 رحم الله منهم الامــوات وأدام الله العافية وطول العمـــــر لللاحياء الدكتورة اشراقة نســـال الله موفور الصحة والعافية لوالدتك الكريمة أعاننــــا الله جميعا لبرهـــم ونيــــل رضاهم للفوز بالدارين 0
Post: #28 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-16-2008, 09:57 AM Parent: #20
اشراقة .. بالمقابل .. خطاب الذي اعرفه من خلال هذا المنبر من اسوأ خلق الله .. ليك الحق يا اشراقة فيما يخصك انك تفهمي غلط .. وتغلطي .. وتنفعلي .. خطاب شغال بمبدا .. المديدة حرقتني .. ودا سلوك مرفوض جملة وتفصيلا .. حسب تربيتنا السودانية البحتة .. ما بصح انه الزول يشيل ليهو دلوكة ويقعد يطبل عشان الناس تحصل مشكلة بينهم .. اتكلم خطاب كلام فارغ كتير وقلة أدب ما في ليها داعي .. صدقيني انا بتعامل مع الناس هنا في المنبر بمثابة اخواني .. وما عندي مشكلة مع زول .. لمن يجي زول بكل غباء يخرب لي الرصة الجميلة بتاعتي .. اذن دا العدو بتاعي .. امثال خطاب دا البجي يسئ للناس من خلف الكيبورد .. لا يمثل لي اي قيمة في واقع حياتي .. لكن ذي ما قالوا الما بعرفك بجهلك .. وضريبة هذا المنبر انه عجاف البغاث وسابلة الطريق واي واحد مبرم شعره ولابس جينز .. بعمل لينا فيها افلاطون .. اتجاوزي خطاب .. واتعاملي معاي انتي اشراقة مصصطفى ..
Post: #31 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: Ishraga Mustafa Date: 08-16-2008, 11:45 AM Parent: #28
Quote: وصدقنى يا حميدة ما أى زول حر لأنه لو فى زول بحبك وبخاف عليك جد ما بحب يشوفك فى مكان ما كويس وموقف ما كريم وحيضطر يتكلم معاك طيب ليه ياخى ؟
واضيف انو كل ده مابيشبه بوست عن الام ولا انا غلطانه؟
Post: #32 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-16-2008, 12:05 PM Parent: #31
يا اشراقة .. شيلي كلامك دا وامشي قوليهو للسيد خطاب .. ما تطلبي مني بالطريقة دي انه ما أرد علي زول جا غلط معاي قدام عينك .. والموضوع دا اتقفل خلاص .. اكيد رأيي وصل للزول دا ..
Post: #24 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: بكري الخير Date: 08-15-2008, 07:00 PM Parent: #1
حميدة
بوستيك دا سمح والله
Post: #25 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: ناهد علي Date: 08-15-2008, 07:11 PM Parent: #24
ياحليك ياأمي
ياحليك بالكثير لي .
Post: #26 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: علاء الدين محمد بابكر Date: 08-15-2008, 08:16 PM Parent: #25
حميدة..بالغت معانا وهيجت مشاعرنا وذكرتنا فجأة انني غرقانين في الماضي لانوفنا..يا خي كيف نعمل SAVE للأغاني دي؟؟
Post: #33 Title: Re: أمي يا اجمل كلمة بقولا .. حســـب طلب د. اشـــراقة مصطفى .. Author: humida Date: 08-16-2008, 08:06 PM Parent: #26
ادعوا معانا عشان الهديه تطلع سمحه
