Post: #1 Title: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.سي Author: humida Date: 09-11-2007, 01:49 PM
Quote: ألغت السلطات السودانية حفل فريق شمال افريقيا الذي فاز أخيراً بجائزة برنامج «ألبوم» التابع لقناة «ام. بي.سي»، بينهم سوداني. وكان من المقرر ان يقام الحفل مساء الخميس بارض المعارض ببري بالعاصمة الخرطوم ولم يتم في الخطاب الرسمي الذي سلم الى الشركة المنظمة للحفل، توضيح اسباب قرار الالغاء. وقالت مها زكريا مديرة الشركة المنظمة للحفل انهم ابلغوا بالقرار شفاهة قبل أن يتسلموا خطاباً رسمياً بذلك، وقالت ان خسائر الشركة قد وصلت الى قرابة «250» الف دولار تم صرفها في دعوة الفريق واستضافته بالخرطوم بجانب التكاليف الاعلامية للحملة الاعلانية. وعبرت عن بالغ اسفها واستغرابها مما حدث مبينة ان الشركة كانت قد استوفت الاجراءات الرسمية كافة الخاصة بتنظيم الحفل. وقالت فريق شمال افريقيا بمقر اقامته حيث بدت على نجوم الفريق مظاهر الاحباط مبدين دهشتهم للقرار سيما ان محطة «ام. بي. سي» اختارت بداية حفلاتها بالخرطوم وفاء لوقفة الجمهور السوداني مع الفريق
Post: #2 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-11-2007, 01:54 PM Parent: #1
Post: #3 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: رأفت ميلاد Date: 09-11-2007, 02:00 PM Parent: #1
نعتزر على الشلاقة
Post: #4 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-11-2007, 02:13 PM Parent: #3
قصدك ( العرض ) .. الغرض كان من البرنامج ( توزيع ) الاغاني بطريقة جديدة .. ( يقوم بالتوزيع ملحن الفريق ) .. وبدخلوا فيها ( رقصات ) جديدة .. علي حسب فكرة البرنامج .. .. .. بس دا ما موضوع البوست بتاعنا .. حاول انك ( تركز ) في الحاجة المكتوبة .. او انك تمشي تفتح ليك بوست .. للنقد الفني .. .. .. بالمناسبة يا ( رأفت ) بتطلع من النص كتير .. وبتحاول تتفلسف كدا بطريقة ما مقبولة ..
Post: #5 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: رأفت ميلاد Date: 09-11-2007, 02:20 PM Parent: #4
ولا يهمك يا حميدة العفو والعافية
Post: #7 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-11-2007, 02:35 PM Parent: #5
شوف يا ( رأفت ) .. القصة وما فيها .. انه في سياسة ( انفتاح ) في الآونة الاخيرة .. وبقينا نحن السودانيين نتعامل مع المجتمع الخارجي بنوع من ( الاحترافية ) .. الحفل دا منظماهو شركة .. وفي الخبر بلغت خسائرها حوالي ( 250 مليون ) .. ما مهم الفريق دا اذا كان بغني ( اغاني سودانية ) او ( افغانية ) كما تكرمت سيادتكم .. فقبله جاتنا ( أصالة نصري ) و ( محمد منير ) و ( ايهاب ) و ( شيرين ) .. وبعض غنى من ( أجل دارفور ) .. يعني المنفعة كانت ( مادية ) و ( معنوية ) .. وكلها منظمة من قبل شركات .. ( اصحابها شباب ) .. لديهم طموح ومعرفة جيدة بأساليب ( البيزنس ) .. لمن اجي امنع حفلة ذي دي .. وبدون مبرر ( قانوني ) .. وبدون حتي ( توضيح ) للشركة المنظمة .. فيهو ( ظلم ) كبير بيقع علي ( الشركة ) .. اصحابها والعاملين بها .. ويصل لحدي ( بائعي التسالي ) الممكن يقيفوا بره الحفلة .. .. .. انشاء الله كدا تكون استوعبت ( الفكرة ) ..
Post: #6 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: الطاهر عثمان Date: 09-11-2007, 02:22 PM Parent: #1
الخميس ده مش إحتمال يكون أول أيام شهر رمضان
Post: #8 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-11-2007, 02:39 PM Parent: #6
الاخ الطاهر .. اتمني ان يكون ( قرار ) المنع بسبب ( رمضان ) .. وذلك يعني امكانية اقامته في ( توقيت ) آخر ..
.. ..
رمضان كريم ..
Post: #9 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: walid taha Date: 09-11-2007, 02:50 PM Parent: #1
حميدة إزيك
انت خالد السوادني ده ما مفتِّـح ولا شنو؟ مفروض ينقش طوالى انو الامور ممكن تظبط والحفل يقام لو بس قــرص حاجة للجماعة الرسلو الخطاب ديل القصة كلها قرص بس لا اكتر ولا اقل بالله دى دايرة درس عصر؟!!!
Post: #11 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-11-2007, 03:06 PM Parent: #9
يعني ( يدهن السير ) علي قولة ( السعوديين ) ..
Post: #17 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: walid taha Date: 09-12-2007, 06:48 AM Parent: #11
يـدهـن أبـوهـو ذاتـو
Post: #10 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: سمرية Date: 09-11-2007, 02:54 PM Parent: #1
الاخ حميدة والاخ الطاهر ،،
الحفل كان مفروض يكون يوم الخميس الماضى السادس من سبتمبر ، وتم الغاء الحفل بعد وصول الفرقة منذ الثلاثاء وتم استقبالها بمطار الخرطوم بحضور عدد من الصحف والاعلاميين ، ولكننا فوجئنا برسائل عبر الجوال قبل الميعاد المحدد للحفل بانه تم تأجيل الحفل الى موعد سيحدد لاحقاَ ، والجهة التي ارسلت الرسائل تدعى Organizer . ولا اعتقد ان الغاء الحفل له اي علاقة برمضان.
مع العلم بان اعلانات الحفل كانت منتشرة قبل فترة طويلة وقد خسرت الشركة المنظمة مبالغ طائلة للاعلان عن الحفل بس حنقول ايه ياهو دا السودان .. !!
تعسفية !!
قمع !!!
واستبداد !!
Post: #12 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: nazar hussien Date: 09-11-2007, 03:10 PM Parent: #10
شوف عيني البياكلها الدود الاعلانات كانت موجودة وتحديدا في عمارة طلب ببحري منذ يوم الاحد 2 سبتمبر...كان بيلصقوا فيها مجموعة من الشباب ...يعني قبل وصول الفرقة يوم الثلاثاء وشفتها في اماكن كثيرة في الخرطوم والخرطوم بحري وام درمان...
لماذا لم يمنعوا لصق الاعلانات قبل ان يمنعوا الحفل... وثم ثانيا...هل لصق اعلانات الحفلات يتم بتصريح ام هكذا هبتلي؟
اذا كان بتم بتصريح ورسوم مدفوعة للبلدية والمحلية او الاسماء الزي دي معناها كانوا موافقين علي الحفل واذا كان لا تبقي الحكاية جايطة من اولها..
Post: #13 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-11-2007, 03:15 PM Parent: #12
سـمرية .. نزار .. شكرا علي التوضيح .. وفي انتظار ( معلومات ) اكثر عن الموضوع ..
Post: #14 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: محمد خليل إسماعيل Date: 09-11-2007, 04:55 PM Parent: #13
حميدة أظن دا إعلان الحفلة
ابوشهد
Post: #15 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: Khalid Saeed Date: 09-11-2007, 07:58 PM Parent: #14
حمـــيــدة .. إمكن البنيات بتاعن الفريق ديل جن من غير محـــرم ..
بعدين نحنا زمان في عطبرة .. زمن حظر الحفلات بعد 11 كان بتشوف واحد من الفرد بتاعنك يكون ليهــو وضعــه ( فاهمني ) ضابط مثلاً ولا ..... يجي يقعد في الحفلة بعد 11 ويصرف أي حاجة زرقة تجي ماشـــة بي جنبك .. أسع خالد ده ياكافي البلا ماعنده أي واحد من فرده ليهـــو وضعـــه .. والله ده فاره ساكت. يستاهل يحظروا حفلته .
الأرباب
Post: #16 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: عبدالرحمن الحلاوي Date: 09-12-2007, 04:39 AM Parent: #15
Quote: القصة كلها قرص بس لا اكتر ولا اقل بالله دى دايرة درس عصر؟!!!
هو ذا
Post: #18 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: walid taha Date: 09-12-2007, 06:54 AM Parent: #1
لا زلــت أصـر أن القــِرص هو سيِّد الموقـف
Post: #19 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: abdulgafar mohd saeed Date: 09-12-2007, 10:00 AM Parent: #1
فريق المغرب العربي ده ماكانوا عارفين في شهر اسمه رمضان و لا ماعارفين انه في دولة تتلفح بشعارات اسلامية في السودان......ممكن يغنوا في اي خيمة رمضانية من البيعملوهم تحت الكبري الجديد و حيجيبوا في اشبوع اكتر من 250 الف دولار ,,,,,,و
Post: #20 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-12-2007, 12:05 PM Parent: #19
وصلتني بالأمس رسالة عبر ( الموبايل ) .. احتفظ برقم ( المرسل ) ..
Quote: سلامات اعتبرني متطفل شلت تلفونك من البروفايل وعلشان ما تهرشني لو حاولت تتصل علي ما ح ارد ومن اسع بعتذر عن كلامي التحت دا٠٠ الشركة المنظمة الانفقت ٢٥٠ الف دولار دي ٠٠ناس البورد العاملين ملوك اكثر من الملك زاتو ولا واحد ما قال بغم ٠٠٠يوم روضة الحاج شبكونا ليك دارفور جيعانه وسقط لقط الخريف دمرا وناسا في السهلا وقروش التصويت كان اولي بيها ديل٠٠٠شفت نضال سودانيز اون لاين٠٠٠كل دجل وكذب في كذب٠٠٠وتاني بعتذر ورمضان علي الابواب٠٠٠وانا من المتصفحين بس موضوعك دا غلبني ابلعو٠
الزول دا شكله فاهم ( غلط ) .. بعتبر انه سـودانيز اونلاين بتعبر عن رأي ( واحد ) .. او انه الاعضاء كلهم علي ( قلب رجل واحد ) .. وكما يبدو لي انه من انصار ( روضة الحاج ) .. .. .. يا سيدي الفاضل .. سودانيزاونلاين ( القاعدة الاولى ) فيه تقول ( الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها ) .. لو قدرت استوعبت الحتة دي .. أكيد بتقرأ الناس ( صاح ) ..
Post: #21 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: Ahmed Mohammed Osman Date: 09-12-2007, 12:18 PM Parent: #20
حميدا زولنا زمان وين الحي بيك؟؟؟ انشالله كويس
المعلومة الوصلت للفريق انو الاسباب امنية.. وتحت تحت سمعت انو وصل تهديد بقتل الفريق اذا صعد المسرح ، تهديد من جهه ما دا ما كلامي دا كلام سمعتو من مصدر موثوق ---
Post: #22 Title: Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س Author: humida Date: 09-12-2007, 12:25 PM Parent: #21
Quote: دا كلام سمعتو من مصدر موثوق
يا ابو حميد .. كيف أنك يا رجل .. والله يا سيدي انا عندي ( حساسية ) مع ( المصادر الموثوقة ) ..
