شوووف .. يا أب صلعة .. قدامك واحد من إتنين .. !

يا تخلي صلعتك زي ماهي
يا
تزرعها
خليت صلعتك زي ماهي .. نو بروبلم
زرعتها .. قدامك واحد من أتنين
ياتزرعها ... شعر ... سبيبي .. يا.. شعر .. قرقدي
زرعتا ... شعر .. قرقدي .. نو بروبلم
زرعتا .. شعر .. سبيبي .. قدامك واحد .. من اتنين
ياتشق شعرك من الجنب
يا ترجع شعرك لي ... ورا
شقيت شعرك من الجنب .. نو بروبلم
رجعت شعرك لي ورا... قدامك واحد من أتنين
يا شعرك بقي طويل .. ياشعرك أتحتا
بقي طويل .. نو بروبلم
شعرك ..أتحتا
قدامك واحد من أتنين
يابقيت مزعمط .. يا بقيت صلعه
بقيت مزعمط ... نو بروبلم
بقيت صلعه .. قدامك واحد من أتنين
يا.. تعمل زراعه ... يا بقيت أب صلعه
عملت زراعه ... نو بروبلم
بقيت أب صلعه .. قدامك واحد من أتنين
ياجهرتنا ..... يا.... نجهناااااااك
جهرتنا ....في ... بروبلم
نجهناااااااك ... أصبر ... و.... أتحمل
بس خلااااااااااااس .. !!!!

يعني نزرع والا ما نزرع
حيرتونا
لوووووووووووووووووووووووووووووووووووووول

يا زول ..
محبوبي وكتين يبتسم ..
الدنيا يا ناس تنقسم ..



7abib_alkul
كان الله اراد ..
في الظلط .. بتقوم ..

أخي حميده
ما أن وقعت صلعتي – عفواً – عيني على عنوان مقالك هذا إلا وفكرت أنك ربما أكتشفت علاج أو عقار لمداوة الصلع حتى لو كان ذلك بكية من نار بإعتبار أنها آخر ما تبقى للباحثين عن العلاج. لكنني تفاجأت بهذه الحجوة التي تشابه في طريقتها حجوة أم ضبيبينة أو أربعة ثنين أربعة عندما يطبقها المنتخب القومي السوداني لكرة القدم أو كرة المضرب لا فرق. أجد أن المشكلة هي في كون الصلع شر لابد منه عند بعض الرجال والنساء سواء بسواء ويقول الخبراء أنه يمكن علاج بعض الأنواع من الصلع أما الصلع الوراثي فهو عصي على العلاج وذلك من باب هذا جناه على أبي. لكن مع جنون الموضة وجنون البقر وجنون الأسعار يمكن تقليد روبرتو كارلوس أو حاج فضل وبالعدم يمكن شراء طاقية من تلك التي إنتشرت في العاصمة والأقاليم وبمختلف الألوان والأشكال.
وحتى لا أنجهك فأصبر على خفة وزني وثقالة دمي لأنني حتما سوف أعود سواء عدت أنت أو وليت الأدبار.

صديقي .. الملا ..
عوداً حميداً .. من ادغال السوق العربي ..
والجهاد في الراكوبات العامة ..
ونعيما .. بالتكييف ..

ودايما الخيارات موجودة ..
فقط .. نتمني من اب صلعة التركيز ..
فلن ترضي عنه اليهود ..
حتي يدخل في ملتهم ..

أخونا حميده تحياتى
بائن عليك ظلامى لكن بنهظر معاك عشان بعدين كان مارستو نوع من الأرهاب جماعتك أقولو الزول ده خلوه زمان حكى لى حميده نكته.
المهم أولا (أبو صلعه) ده هنا معروف بأنه الدولار اللهم كتر منه.
ثانيا:- قالو واحد قاعد فى دار الرياضه بأم درمان كان مفلس قال لى جماعتو شايفين الزول أو صلعه (العاتى) القاعد بى هناك داك هسه امشى أضربو ليكم فى نص (صلعتو) وما أقدر اقول اى حاجه، تدفعو لى كم ؟؟
قالو ليهو: كان ضربتو ليك عشرة جنيه (القديمه) قبل الأنقاذ - معليش ماتزعل-.
فعلا صاحبنا مشى ونط السور وراح رفع يدو وضرب ليك الزول فى نص صلعتو، وعامل مشبهو (ياسلام ياأبو حميد بالله أنت قاعد هنا)؟؟
وقام أعتذر ليهو، آسف يأ أخى شبهتك، وزولنا قبلها ومشى غير مكان جلوسو لى جانب آخر.
صاحبنا رجع مبسوط قبض العشرة جنيه (القديمه) المرة أزعل!!
وقام تانى قال ليهم رأيكم شنو تانى اقوم أضربو ليكم فى نص رأسو؟؟
وقالو لى ليهو تانى بنديك عشرة جنيه كان ضربتو وماعمل ليك حاجه.
وقام زولنا عمل نفس العمليه : ضربو الزول فى نص راسو، وبرضو قال ليهو : ياأبو حميد أنت قاعد هنا؟؟
وقام أتأسف وأعتذر ليهو ووراهو أنه مشبهو، ورجع استلم العشرة جنيه وزولنا برضو غير مكان جلوسو لى (صائد) آخر.
وصاحبنا تانى اتحدا جماعتو وقال ليهم برضو أضربو ليكم وماأقول شئ، قالوا ليهو المرة دى (بكتلك)، وكان ضربتو المرة دى وجيت سالم تاخد 20 جنيه (اصلو فى خلال تلك المباراة الدولار ارتفع 100%)!!
المهم صاحبنو مشى على الزول ورفع يدو فوق وراح صاج ضاربو ليك فى نص (صلعتو) وقام قال ليهو: شنو يا أبو حميد ياأخى انت قاعد بى جاى وخليتنا واقعين فى الناس ضرب بى جاى وبى جاى؟؟

يا تاج السر ..
دي كلها نكتة ..
انت من زمن السجك بالمتر ولا شنو .. !

عشان عندك شعر تظعمط الناس

ود الشيخ ..
الشعر زاتو قاعد فوق رأي .. !!

يا حميده فعلا اخوك من ذلك الزم لكن الحمدلله صلعه (بالكل نهى).
لكن ذى ماقلت ليك أخترت نكته طويله عشان الجماعه أخوان نسيبه كان دورو أتذكرو وقلبهم أحن ، نحنا مادائرين منهم شئ بس اخلونا نفش غلنا كلام، هو الكلام بى قروش؟؟

لكن أمرق بيك شويه للجد وللكلام البحنن القلب، قالوا لمن سيدنا موسى تكلم مع الحق غز وجل وسأله عن ما يحمله فى يده، سيدنا موسى رد عليه فى نوع من الأسترسال ، أى تطويل الحديث مع من تحب حتى لا ينقطع ذلك الحديث فى عجاله، وذلك هو حال المحبين، فقال له مجيبا:- ((هي عصاي أتوكؤا عليها وأهش بها على غنمى ولي فيها مآرب أخرى)).

يا حميده فعلا اخوك من ذلك الزم لكن الحمدلله صلعه (بالكل نهى).
لكن ذى ماقلت ليك أخترت نكته طويله عشان الجماعه أخوان نسيبه كان دورو أتذكرو وقلبهم أحن ، نحنا مادائرين منهم شئ بس اخلونا نفش غلنا بالكلام، هو الكلام بى قروش؟؟

لكن أمرق بيك شويه للجد وللكلام البحنن القلب، قالوا لمن سيدنا موسى تكلم مع الحق غز وجل وسأله عن ما يحمله فى يده، سيدنا موسى رد عليه فى نوع من الأسترسال ، أى تطويل الحديث مع من تحب حتى لا ينقطع ذلك الحديث فى عجاله، وذلك هو حال المحبين، فقال له مجيبا:- ((هي عصاي أتوكؤا عليها وأهش بها على غنمى ولي فيها مآرب أخرى)).

عارف يا تاج السر ..
انا عاجباني الحتة بتاعت ظلامي دي شديد ..
واخوات نسيبة .. وكوز ..
بس في معلومة صغيرونة كدي ..
وبعدها ليكم ما تشاؤو ..
انا من مولدي الي الآن ..
قعدت في السودان ذي 10 سنوات بس ..
لحدي سنة رابعة كدي ..
وعاين في الصورة دي ..
شوف ممكن اكون لمن كنت في الابتدائي ..
حكومة الانقاذ دي .. كانت في ..

تعرف يا حميده يا اخوى وأرجوك ما تزعل حقيقة انا كل زول شفت صورتو هنا ولا حتى من أسلوبو بتخيل شكلو لكن خائف افصح عن ذلك وتقع الورطه.
هسه انت ياظريف رغم صغر سنك وزمان عندنا واحد صاحبنا بحلق شنبو، وكان تبريرو أنه الزول بحلق شنبو اما لصغر سنه او للجهل به!!
صراحة رغم صغر سنك ياظريف بتخيلك من الصورة (زرقاوى) لكن نضيف؟؟
عشان كده قمت سحبت صورتى ، متأكد الكثيرين من العنف الذى حصل قبل فترة متخيلين صاحب الصورة (البنيه) بتاعتو من أول كلمه افكها فيك.
وهم ماعارفين صاحبك رقيق مثل النسائم.
وذى المصر الشتم ليهو سودانى، قام زولنا طوالى فك فيهو (بنيه) فى وشو، قام المصرى قال ليهو:- ايه الموضوع مافى أنعل أمك، مافى ياأبن الأحبه، (بالبنيه) على طول.
طبعا ياحميده الظلام برضو درجات اللهم يجعلك فى (أسفله)!!!

تطقشني طيارة .. كان فهمت حاجة .. !

حميده

صورتك مافيشه حلقوا ليها ما ظاهرة

حميدة......ماهكذا ترعي الأبل
كلنا ضيوف علي بكري وأقل مايستحقه منا ألأجلال والتقدير والشكر علي حسن الضيافة.
ليس من عاداتنا ولا تقاليدنا ولا اخلاقنا التنابذ بالألقاب والتهكم من الغير بهذا الاسلوب الرخيص وهذا من صميم روح التعامل في الأسلام الذي تدافع عنه بالفطرة علي مايبدو لا عملا وتطبيقا.
لاتشغل وقتنا ووقت غيرنا بالله عليك بما لايسمن ولايغني عن جوع.

ود حماد ..
الجاب سيرة بكري منو ..
ولا انت البراك البتفهم هنا ..

عليك الله .. تلب ..
ما تعمل لي فيها واعي

حميده
دايرنك بهناك في البوستات التقيلة؛ بطل الزوغان بتاعك دا وارسا لينا علي بر خلينا نعرف نتعامل معاك.
تلبنا............

ود حماد ..
ادي نفسك فرصة .. وحاول تركز ..
خليك .. من توافه الامور

العزيز حميده..
ناس الجلحات كيف...??
looooooooooooooooooool..
ولك ودى..

حميدة
انا واحد من الناس ماقادر أفهمك مطلقا ؛مرات أتعشم فيك خيرا ومرات القاك شايت ضفاري؛ مرات بكاء وعويل علي وطن مغلوب علي امره ومرات اسفاف ومواضيع تصلح لمجلة ماجد في احسن الاحوال؛ ياخ اهدا شويه واصح معانا وادي نفسك برضو فرصة وحاول تركّز.
انا لو مابيهمني امر الشباب في البورد دا ماكنت بدخل في بوستاتك ولا بناقشك وعاوز القاك في معترك فكري حقيقي عشان يمكن في الساعة ديك اقدر افهم شخصيتك واستوعب ما تكتبه هنا.
احتمال اكون داخل شمال ومافاهم مارميت اليه من هذا البوست...ارجو الايضاح ولك شكري وتقديري واسمع كلام الببكيك ماتسمع كلام البضحكك.
وبجيك راجع..
أخوك الاكبر منك
ود حماد

ود حماد ..
مسألة البكا دي ..
بصراحة .. نسيتها زمان ..
وما بقي في حاجة بتبكيني ..
لانه الدموع كملت ..
والضرب علي الميت حرام ..

أما ما تسمونه زندقة .. حوار فكري ..
فليس لدي .. ما يعنيني في الامر ..
لكم دينكم .. ولي دين ..

وقد كان ..

فاذا .. سلم لك الامر هكذا ..
نط أركب ..
واذا اعوج عليك ..
تلب ..

وتشكر ..





عزو ..
الجلحات .. جهجهة ..
واخير منها ..
كتلوك .. ولا جوك جوك ..

عارف موضوع كتلوك ولا جوك جوك ده مبالغة.
ما قولته ليكم من زمان
All the loaf or nothing.
ودحماد ده مشكلتو انو صغير!!!

شووووف يا بطاقية
قدامك واحد من إتنين:
طاقيتك دي يا تقلعا ، يا تستعدلا
لو قلعتها..... نـو بـروبليم
لو استعدلتها ،
قدامك واحد من إتنين:
يا تتكيها شمال ، يا تـَميِّلا يمين
لو تكيتا شمال.... نـو بـروبليم
ولو ميَّلتها يمين ، قدامك واحد من إتنين:
يا ترفرف بحواجبك وتغمز بي عينك الشمال ،
يا تغمِدُم الإتنين...
لو رفرفت وغمزت بعينك الشمال... نـو بـروبليم

لو غمدتهم الإتنين
قدامك واحد من إتنين:

يــا نـُمتَ ، يــا أُغمى عــليك...

وفي الحالتين:



كوابـيس، كوابـيس.... كوابـيس.

........

سلوي ..
ود حماد .. شال مايكرفون ..
عشان كدا لازم يتكلم ..
ويفتي .. في البفهمو .. و الما بفهمو ..



فردة ..
ذي ما قلت ..
كلو .. كوابيس في كوابيس ..