Post: #1 Title: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-14-2007, 12:01 PM Parent: #0
Post: #2 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: keiga2000 Date: 08-14-2007, 02:30 PM Parent: #1
تحية من علي البعد للجيلي عبدالماجد ابن الحديبة عبدالاه (احدى قرى الفاو)
والذي ظل لمدة سنين طويلة يصدح ويمتع باغاني المرحوم ابوداوود
وله التحية ولاهل الحديبه عبداله
ابومصطفى
Post: #3 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: عفاف أبو حريرة Date: 08-14-2007, 08:12 PM
حميده منتهي الروعه لكن حلاوة الاغنيه ما بتتماشي مع صورة البروفايل حقتك عليك الله الخلقك غيره
عفاف
Post: #4 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-15-2007, 01:36 PM
العزيز ( keiga ) .. المطرب ( الجيلي عبد الماجد ) .. واحد من القليلين الذين أجادوا ترديد روائع الراحل المبدع ( اب داوود ) .. اول مرة سمعت له .. كان في استضافة الاستاذ ( حسين خوجلي ) .. من خلال برنامجه الرائع ( أيام لها ايقاع ) .. انتشيت ذلك اليوم لدرجة انني اصبت بـ( الارق ) ولم أكف عن ترديد اغنيات ( اب داوود ) الا مع آذان الصبح .. .. .. رغم اتهام جيلنا بـ( الفن الهابط ) .. ورغم انتشار ( فناني الركشات ) .. ألا اننا مازلنا نطرب لـ( اب داوود و عثمان حسين والكاشف و عشة الفلاتية .. و بقية العقد الفريد ) .. .. .. سأقوم بإنزال ( مقطع آخر ) لاغنية ( شجن - عثمان حسين ) .. .. .. تمنياتي لكم بـ( النصر ) هناك في ( نيجيريا ) ..
Post: #5 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-15-2007, 02:10 PM Parent: #4
الاستاذة عفاف ( أم احمد ) .. الصورة دي عندي معاها ( زكريات ) حميمة .. منظر مألوف لدي .. لمن كنت بمارس هواية ( الحوامة ) في سوق أمدرمان .. كنت حينها أمارس ( الحياة ) بشغف لانها كانت ( جميلة ) .. بين ( المحطة الوسطي ) و ميدان ( البوستة ) مساحة من ( الدفء ) افتقدها كثيرا .. في برندات ( السوق ) .. تمدد ونام ( خالي الهم ) .. لديه احساس .. بأن ( السوق ) بيته .. ولديهم احساس بانه واحد منهم .. فلا ينبغي ( ازعاجه ) .. لم ارى ( امة ) تتفقد مجانينها كل صباح .. كما تفعل ( امة السوق ) ..
Post: #6 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: محمد عبدالرحمن Date: 08-15-2007, 02:24 PM Parent: #5
حميدة ..
تحياتى ...
فى الشغل هنا بشوف حركة بس ..مافى طريقة لصوت .. وفى البيت يشتغل شوووية ويقيف وحاولت تانى بدون نتيجة فى النهاية قنعت .. ..غايتو منظرو مضحك وهو كدا بدون صوت .. عموما لما نلقى جهاز يوفر لينا الصوت والصورة معا نستمتع بالزول الغناى دا ..
Post: #7 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-15-2007, 02:38 PM Parent: #6
العزيز ( محمد عبد الرحمن ) ..
Quote: وفى البيت يشتغل شوووية ويقيف وحاولت تانى بدون نتيجة
المقطع مرفوع في ( YouTube ) وهم بستخدموا تقنية ( الفلاش ) عشان الملفات تكون خفيفة .. كما يبدو لي ان الانترنت عندك ضعيفة .. اعمل Play وخليهو مفتوح ( اقفل الصوت ) واديهو نص ساعة كدا .. كأنك بتعمل في ( Download ) عشان ينزل في ( Temporary Internet Files ) عندك .. وتقدر تشغله مرة تانية في اي وكت بدون انقطاع .. .. .. تسلم علي المرور ..
Post: #8 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-15-2007, 03:36 PM Parent: #7
Post: #9 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: عفاف أبو حريرة Date: 08-15-2007, 09:34 PM Parent: #8
بماانه الصوره الاولي ليها ذكري خاصه عندك انا عندي تشبيه ليك ولي مواقفك ارجو ان تحوز رضاك كامل احترامي وتقديري
Post: #10 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-20-2007, 03:57 PM Parent: #9
Post: #11 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: بشير حسـن بشـير Date: 08-20-2007, 04:25 PM Parent: #1
الأخ / أبو مصطفى ، تحياتى
الجيلى هو من القلائل الذين غنوا وأجادوا أغنيات أبو داوؤد
Quote: الحديبة عبدالاه (احدى قرى الفاو)
ولكن عبدلاه هى قريه أقرب لودمدنى ، فهى تقع شرق مدينة ودمدنى بحوالى 18 كيلو متر ، بينما تبعد من مدينة الفاو بأكثر من 85 كيلو متر ، هذا للتوضيح فقط ، رغم وقوعها فى شمال مشروع الرهد الزراعى ولكنها أقرب لودمدنى وتنتسب لقرى شرق الجزيره .
Post: #12 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-21-2007, 10:10 AM Parent: #11
الاخ بشير حسن .. شكرا علي التعقيب .. او ( التصحيح ) اذا كان فعلا في غلط في الموضوع .. ما عندي معلومة عن مسقط رأس ( الجيلي ) .. .. .. لك كل الود ..
Post: #13 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-25-2007, 09:30 AM Parent: #12
up
Post: #14 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: keiga2000 Date: 08-25-2007, 12:50 PM Parent: #13
حميده
احسن ليك خليك من مع الجيلي عبدالماجد احسن ليك بكره الهلال بنغلب في دورة الاربعة بالاربعة مابنشوفك تاني احسن
معلوماتي صحيحة مائة مائة واضيف ليك معلومة الزول بتربطني بيه صلة قرابة من جهة الوالده واخر مره مشيت السودان كان مفروض يغني لي ووكيل اعماله تقريبا ولد او قريب حمدالريح فزعلت من حد تحاول تتفق معاه يقول ليك اتصل علي وكيل اعمالي ... عامل فيها فيصل العجب المهم هي الحديبة فعلا احدى قرى الفاو حتى ولو كانت قريبة من مدني اكثر وتعتبر القريبة 44 وشكرا لبشير يازول انا متاكد من المعلومات دي
مع تحياتي
ابومصطفى
Post: #15 Title: Re: الله عليك يا الجيلي يا عبد الماجد .. ( رحلة توتي - فبراير 2007 ) .. Author: humida Date: 08-26-2007, 09:29 AM Parent: #14
ابو مصطفى .. ذي ما قلت .. اذا ما اتلاقينا في ( الكورة ) .. نتلاقى في ( الفن ) .. ودي روعة ( السودان ) .. .. .. شكرا علي ( التوضيح ) ..
