ذكريات كرتـــونية .. ( عودة الي الزمن الجميل ) ..!!

ما زلت اختزل في ذاكرتي بعض ( مسلسلات الكرتون ) الي إلهمتني الخيال ..
ما زالت أذكر ذلك الحب الدافئ بين ( عدنان ولينا ) ..
وما زلت اذكر ( لون التوت ) الذي ميز ( ثوب لينا ) ..
وكلما رأيت ( فستان احمر ) .. كنت اعرف فيه وجه لـ( لينا ) ..!!

لولو الصغيرة.. لولو.. حلقتها مثيرة ..
الزولة ( المشاغبة ) .. العالقة في الذاكرة ..
ومع بعض التعديل اصبحت ( أغنية المقدمة ) نشيد ( حارتنا ) الرسمي ..!!

الســندباد .. ( بدون تعليق )

من أجمل المسلسلات ( جريندايزر ) ..
واسمه الرسمي ( مغامرات الفضاء .. بوفو- جريندايزر ) ..
وشاهدته علي ( الفيديو ) في معظم الأحيان ..

كعبول و عبقرينو ..
كان ( اسكو ) صديقي يسميهم ( عبد الجليل وكلبه ) ..
ولنا صديق آخر كنا نسميه ( كعبول ) ..!!!

حميده

نحن من زمن الليث الأبيض

الليث الابيض ... هنا ينادي ..


والله ايام

ثم .. ذلك المسلسل ..


ببيروو ,,,,

وحصانه الابيض .. يجيهو جاري كل مايصفر ليه .. من اي مكان ولى اي مكان..


ثم ..


كوكي العجيـــــب ..

ي الله يا حميدة ..

ياخ كل مسلسل ..بل كل حلقة من هذه المسلسلات في فترة الطفولة .. في الثمانينات ..

كل حلقة مرتبطة بزكريات لاحد لها ..

ياااه

البوست دا رجعني لسنوات الطفولة

نسيت ( جورجي ) و ( خماسي ) , ( سنشيرو )

تاني شنو
أيوة

( رعد العملاق )

والأحفورة ( الرجل الحديدي )

مسلسلي المفضل ( ننجا ) كادامارو

وكمان ( الليدي أوسكار )

( سبانك ) الظريف وصديقتة رشا - ذات الشعر العشبي


راجعه تاني

سامو يا ( كبير ) ..
قلت لي ( ببيرو ) ..
والله دا كان ( خيالي ) للطيش ..
اتذكر مرة شفع ( حارتنا ) كانوا متابعين ليهم ( قمرية ) ..
لحدي ما ضاعوا .. شابكنها ليك ( النسر الذهبي .. النسر الذهبي ) .. !!

نهال الغالية ..

Quote: سنشيرو

Quote: رعد العملاق

Quote: الرجل الحديدي

كذلك يجب ان لا ننسى المجلات (الكرتونية) والتى ساهمت بشدة في تشكيل ما نحن عليه


جرندايزر ..

طرزان ..

تان تان ..

الوطواط ..

الرجل العنكبوت ..

ميكي .. ميكى جيب ..

المغامرون الخمسة ..

الشياطين الـ 13..

ارسين لوبين ..

اجاثا كريستى ..

ملف المستقبل ..

رجل المستحيل ..

ماوراء الطبيعة ..

(الثلاث الاخيرة هي مؤلفات الفذ : نبيل فاروق)

مجلة الصبيان...

مجلة الصباح ..

الاتنين الاخيرات ديل منتجات سودانية(تمكن الفنان شرحبيل ان ينال فيها اعجابنابرسوماته

لاحظ اخي حميدة .. كمية الروايات العالمية .. والتى كانت جرعة شبه يومية في الطفولة..

وعشان الناس ماتقول نحنا كبار وعوار ..

طفولتنا دي كانت من الثمانيات وحتى بداية التسعينات ..





مابوريكم سبب التعديل

من أجمل اجمل المسلسلات كانت ( جزيرة الكنز ) ..
ما اتخيل لي يا ( سامو ) زول حضر ( جزيرة الكنز ) ما اضافت ليهو الكتير ..
بتعلمك ( اسلوب حياة ) يعتمد عليه ..

معاوية ..
النسخة المعدلة من ( الليث الابيض ) كانت ( الأسد الملك ) .. بتاعت ديزني ..
ودي حضرناها ونحن في ( الجامعة ) ..!!

يا سلااام يا حميدة
هسي بحضر في حلقة سنشيرو
.
.

بتذكر رسوم كرتون اسمها ( صراع الجبابرة ) ياخي دي كانت جميلة بشكل

وموسيقى المسلسل دا لسه في بالي ما اتمحت

عملوا منه نسخة جديدة , لكن طلعت بايخة ما زي المسلسل القديم


أسمع يا حميدة
ما تبقى زول ظريف وتجيب لي لنك بداية مسلسل ( صراع الجبابرة ) ينوبك في خير

والله يا نهال .. ( صراع الجبابرة ) دا ما عرفتوا ..
بتتذكري واحدة من شخصيات المسلسل دا ..
امكن احاول اتذكرها ليك .. !!

الاخ حميدة

زمن لايمكن نسيانه مهما طال العمر

بكل تفاصيلة الجميلة و مواقفة المثيرة

الاميرة الجميل والخيال الواسع ..

معالجة كثير من القضايا الاجتماعية التي

هي جذء من تربية الطفل وغرس الكثير من

الجماليات وممارسة العديد من السولكيات

التي تنشأ مع الطفل إلى أن يكبر ..

والآن تعال شوف حصيلة مثل هذة الجماليات

وكيف التقنيات الحديثة وبكذا السبل

اللكترونية العجيبة ..

لمن تحس نفسك كنت مظلوم في زمن بسبب التكنيك

في الزمن ده...

دمت وبوست جميل ..

خالدة الغالية ..
عارفة يا ستي .. بمجرد ما ظهر المسلسل بتاع ( ابطال الديجتيل ) ..
المسلسلات الكرتونية بقى ما ليها طعم ..
بتحس انه ( اطفال ) الزمن دا .. مشدودين واعصابهم مرهقة من كمية ( النطيط والالوان ) ..
المسلسل كله عبارة عن ( حركات بهلوانية ) ..

مقارنة بالقديم .. مسلسل روائي .. مثل ( مسلسل ســالي ) ..
المقتبس من رواية هندية اسمها ( الاميرة الصغيرة )
من أجمل القصص العالمية التي قدمت من خلال ( الكرتون ) ..

ايضا من ( المسلسلات الكرتونية ) المقتبسة من ( روايات عالمية ) ..

مسلسل ( فتاة المراعي ) ..


ومسلسل ( فلونة - ربنسون كروزو ) ..

( ريمـــــي )

من أشهر برامج الاطفال في ( العالم العربي ) ..
برنامج ( افتح يا سمسم ) ..
من انتاج ( دول مجلس التعاون الخليجي ) بالتعاون مع ( استديوهات نيويورك ) ..
واتذكرت في حلقة استضافوا فيها المطرب ( صلاح ابن البادية ) .. وغني فيها اغنية ( بايخة ) .. !!


من اشهر شخصيات البرنامج ( الاستاذ قائد النعماني ) .. الذي قام بدور ( هشام ) ..


وشخصيات العرائس المقدمة من ( استديوهات نيويورك ) ومدبلجة بالعربية ..


( الاخوان بدر وانيس ) ..


واجمل شخصية .. شخصية ( الضفدع كامل ) ..

اجمل مافي المرحلة المتوسطة ..

انو الواحد كان بياخد حصة في الادب الانجليزي في الصباح(رواية جزيرة الكنز .. او..

رواية كدنابد) وفي العصر يتفرج عليه كمسلسل في التلفزيون ..





ياخ السودان دة كان جميل بشكل .. لا حولاااااااااا .

هاي عمو حميدة
ياخي انتو قدام قُدم المسلسلات دي كانت في اجدادنا القدماء ولا شنو ... انا ما بعرف غير بوكيمون والمحقق كونان
ماما زمان كانت بتحكي لي حاجة اسمها جنة الاطفال قالت لي كانت باااايخة

يا حميده شكلك ود مغتربين
في مسلسلات هنا ما جات السودان

منها غرندايزر واعتقد فلونة

عشان كده بحول ليك دي

بشار النحلة

بشار يا بشار ..
هيا الى العمل
في روضة الازهار
انشودة الامل

حميدة

لو أبوك قرا الكلام دة حيمنع عنك الكمبيوتر و النت ..

تعرف ليه ؟

لأنو الزمن الجميل بالجد كان زمن ( عمك تنقو ) و مجلة الصبيان ..
و حكاوي الحبوبة و أصابعها تداعب شعر رأسك حتى تنام ..
فاطنة السمحة ..
حجيتك و ما بجيتك
و حكاوي الشلة على ضوء القمر إنبطاحا على رمال ناعمة و نقية ..

قال الضفدع كامل قال

الوليد ..
غريندايزر .. كانت اغلبها ( شرايط فيديو ) ..
كنا بنحضرا عند ناس ( نزار ) اخو ( فيصل الخور ) ..
بيتهم فاتح في بيت ناس ( أحمد الصلحابي )
اولاد راحات كانوا جايين من بره ..

بالنسبة لـ( فلونة ) .. شفتها في سنة ( 88 ) ..
في ( التلفزيون السعودي - القناة الاولي ) ..
ايام الارسال كان بـ ( الاريل ) ..

Quote: بشار النحلة بشار يا بشار .. هيا الى العمل في روضة الازهار انشودة الامل

ما متذكرها كويس ..
لكن بمناسبة ( النحل ) اتذكر مسلسل ( زينة ) وصديقها ( نحول ) ..
ومنها اقتبسنا اسم ( نحول ) واطلقناه علي كل ( عارض ) في ( حارتنا ) ..

اساسي ..
لكن انت تشوف الحاجات دي وين ..!!؟
اذا كان طفولتك كلها مقضيها في ( القطر ) ..
جايين من ( الخرتوم ) .. وماشيين ( الخرتوم ) ..!!

وبمناسبة ( القطر ) .. أهديك المقطع دا ..

حميده ياخ طلب

عليك الله لنكات الحفظ بتاعت المقاطع دي

الشفع عملوا لي لخمة
وما ممكن اكون فاتح النت 24 ساعة


مشكور مقدما

حميدة وين اللنك بتاع (اختطاف) لينا ..؟؟؟

انا حدي لولو الصغيرة

والى الان استمتع بها.. وفكرت البت الاذكى
من الاولاد فكرة ممتازة جدا..

مودتي يا نسيبنا سابقا

أخونا العزيز حميدة ،

تحياتي وتقديري ،

شكراً على هذه الذكريات الكرتونية ،
لكن أظن هذه المرحلة نحنا وناس الريس
أبوجهينة (أناوأخوي الكاشف) لم تكن
في زمنا (الزمن الجميل) ، زمن فاطنة السمحة
وخلافها . (لسنا ديناصورات ولكن .. !؟)

هذه حضارات جاءت متأخرة ، لم نلحق عليها ؟!؟
بل أطفالنا هم الذين استمتعوا بها ، وإن كنا
(لم نقصر) في استراق (سويعات) معهم ، وقد
لا تصدق إن قلت لك مرات عديدة فاتتني الصلاة
في المسجد لأنني كنت (مندمج) مع توم آند جيري
أو بنك بانثر (إني أعترف !)

وهسع .. ده كلو كوم واللنكات كوم :


أثني بشدة :

Quote: حميده ياخ طلب عليك الله لنكات الحفظ بتاعت المقاطع دي الشفع عملوا لي لخمة وما ممكن اكون فاتح النت 24 ساعة

عشان كده يا ريت تزودنا بلنكات الحفظ
حتى توفر علينا رهق فتح النت للشفع على طول ؟!


مودتي لك ،



( ليمو )

الولد الكبير حميده
والله ذكرتنا الزمن البرئ
تعرف يا منقه كنا بنزوغ من درس العصر
عشان نحضر سندبات وجزيرة الكنز
ونتجلد تاني يوم ونكون مستمتعين
ولحدي الجامعه كنا بنحضر كابتن ماجد
والناس القالوا انه المسلسلات الجديده بايخه
دي سنة الحياة انحنا كبرنا وده ما زمنا
لكن الاطفال مستمتعين بها
ولي عوده

الريس اباجهينة ..

Quote: لأنو الزمن الجميل بالجد كان زمن ( عمك تنقو ) و مجلة الصبيان ..

مجلة الصبيان كنت أحد المشاركين في تحريرها ( حاجة صغيرونة كدا ) ..
ايام كانت تابعة لـ( وزارة التربية والتعليم ) .. في مباني الوزارة ( امتداد شارع النيل بعد كوبري بحري ) ..
وبعد ما انقسمت الوزارة الي ( ولائية ) و ( فيدرالية ) ..
ضاعت المجلة .. شمار في مرقة .. ( اظنها تصدر الآن ) لكن ليس بنفس النكهة السابقة ..
أما شقيقتها مجلة ( صباح ) .. بشخصيتها الشهيرة ( فنجاط ) ..
لم أجد لها اي اثر في الآونة الاخيرة ..
رغم شيوع اسم ( فنجاط ) في كثير من المنتديات السودانية ..

بالنسبة للـ ( روابط/Links ) الحفظ ..
جميع المواد موجودة في موقع http://www.youtube.com
ما عليك سوى البحث عن ما تريد ..

إمكانية ( الحفظ ) معقدة شوية من هذا الموقع ..
سـأقوم بشرحها في بوست قادم ( مقترح ) ..

حميدة
سلام

ذكرتني الزمن الجميل أيام (سنان) و (نيلز) ويا لها من أيام

مودتي

بيان ( قلبي انا ) ..

Quote: وفكرت البت الاذكى من الاولاد فكرة ممتازة جدا..

الفكرة دي ما بس في ( لولو الصغيرة ) ..
كان في قصة بتاعت ( موزة الحبوبة وشقيقها رشود ) ..
بتاعت ( مجلة ماجد ) الاماراتية ..
وبرضو في تلفزيون السودان في ( مفيدة وعنيد ) عرايس يحيى شريف ..
وزمان كانت ( تماضر شيخ الدين ) عندها برنامج اطفال بنفس الفكرة ..
كان بمثل فيهو ( ولد وردي ) وشقيقتي الدكتورة ( رشا ) ..


موقع مجلة ماجد علي الانترنت http://www.majid.ae/


-----------------------------------------------------------------------
* انتو جاكم ( عريس ) ولا شنو ..

عمنا ( التلب ) ..

Quote: مرات عديدة فاتتني الصلاة في المسجد لأنني كنت (مندمج) مع توم آند جيري أو بنك بانثر (إني أعترف !)

توم أند جيري .. و بنك بانثر .. ( افلام كرتون ) ..
كل حلقة ( مستقلة ) عن الآخرى ..
وتقدم كـ( سندوتشات ) خفيفة .. بين الفقرات ..

مقطع لتوم آند جيري .. اسم الحلقة ( Puss Gets The Boot )


مقطع لبنك بانثر .. ( شعار البداية ) ..

طارق نقد ..

Quote: ولحدي الجامعه كنا بنحضر كابتن ماجد

كابتن ماجد دا كان ( احسن ) من الدوري المحلي لولاية الخرطوم ..
وقريب جدا للمجتمع السوداني ..
شغل ( الروابط ) .. والفرق .. وفنايل الفريق .. والكوتش .. والناس الشتر ..!!
اكتر حاجة كانت عاجباني ( الحارس رعد ) ..
بسببه فريقنا كلو بقى ( حراس مرمى ) ..
واغتنم ( مأمون البرير ) الفرصة .. وانتج ( بسكويت كابتن ماجد ) ..
من ( اعفن ) انواع البسكويت في ( الوطن العربي ) ..!!

مقطع ( من كورة الفرح ضد المجد ) .. ( هدف ماجد في قون الحارس رعد ) ..

Quote: كابتن ماجد دا كان ( احسن ) من الدوري المحلي لولاية الخرطوم .. وقريب جدا للمجتمع السوداني ..

تعرف ايام كابت ماجد
ما في حد بجي الرابطه لو ما الحلقه بتاعت كابتن ماجد خلصت

Quote: واغتنم ( مأمون البرير ) الفرصة .. وانتج ( بسكويت كابتن ماجد ) .. من ( اعفن ) انواع البسكويت في ( الوطن العربي ) ..!!

هههههههههههههههههههههههههههههههههههههههههههههههههههههههههههههه
دي الانتهازيه البقولوها

اما انا فكدت اصبح استقراطية مع لين واحب اندروس واختها سارة في مسلسل الكرتون ليدي ليدي
بحبو بحبو كتير المسلسل دا
بعدهيو بيجي نساء صغيرات ثم كريمة وريما والكلاب (ما متذكرة اسمو)
وكمان مدرسة الكونغ فو
وبرجع ليكم لما اتذكر الباقي

Quote: ذكرتني الزمن الجميل أيام (سنان) و (نيلز) ويا لها من أيام

عارف يا إدريس ..
انت زاتك بتشبه ( سنان ) دا شديد ..
يكون يا ربي عشان متأثر بيهو ..


أما بالنسبة لـ( نيلز ) ..
المسلسل دي كان قمة في ( الروعة ) .. قصة محبوكة ودرس ( دسم ) جدا ..
عشان كدا قالوا ( البعاين لفوق بقع ) ..

بت عجاج ..
انا بكره ليك المسلسل بتاع ( ليدي ليدي ) دا ..
كنت بحس انه ( حريمي ) زيادة عن اللزوم ..

لا يكتمل هذا ( البوست ) ..
الا بـ( دافوري ) مسخن ..

up