Post: #1
Title: الفيــــــل نائم .. لعـن الله من أيقظه
Author: humida
Date: 10-25-2005, 02:01 AM
Parent: #0
الفيل .. نومه تقيل ..
بس لو صحى .. في احتمالين ..
يا ينداح .. يا ينبثق ..
اذا انداح ..
يومنا حيكون شرط للارض ..
لكن اذا انبثق ..
تفتكروا ممكن يحصل شنو .. !
|
Post: #2
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 02:28 AM
Parent: #1
الإبن حميدة
صباح الخير
إذا استمريت في الاندياح بالشكل دهـ يا بقيت مستنير .. ياالقصة بتفرتق ..
أشكر إنبثاق الفيلة فيني
قالها وهو يتكي على ناصية القلب ( الكلام ده بعد الفطور طوالي.. )
ممكن ارسل برقيات؟؟
|
Post: #3
Title: Re: الفيــــــل نائم .. لعـن الله من أيقظه
Author: Mayada
Date: 10-25-2005, 02:37 AM
Parent: #1
تمبس صباح الخير...
| Quote: ممكن ارسل برقيات؟؟ |
اذا ارسلت برقيات معناها تكون لهنا او هنااااااااااك...
اذا لهنا فمعناها خير...
اما اذا لهناااااااااااااااااك فمعناها..........
بقولو ليك بعد الفطور...
حوميدا...
صباح الخير، كيفك، انشالله طيب؟؟؟
ست البنيـــــــــات
|
Post: #6
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 02:51 AM
Parent: #3
موياااده..
مساء النور ..
الانبثاق يا مياده فات الحد المسموح بيهو الايامات دي ..وصل إلى درجة الافراط
افراط شديد في الانبثاق ياميادة ..
.
.
الليلة منبثقة معانا والا نتغدا خفيف ؟؟
.
.
| Quote: اذا ارسلت برقيات معناها تكون لهنا او هنااااااااااك... |
( هناااااااك ) عذبتيها عذاب لكن ..
هناك وين يا ست البنات؟
انا حدي شارع الستين بس وبنبثق يمين على المطار القديم..
|
Post: #10
Title: Re: الفيــــــل نائم .. لعـن الله من أيقظه
Author: Mayada
Date: 10-25-2005, 03:03 AM
Parent: #6
| Quote: الليلة منبثقة معانا والا نتغدا خفيف ؟؟ |
انبثق معاكم وين، بس اوعى تقول لي في البلد البعييييييييييد داك...
لاياخوي يفتح الله الدنيا عشرة اواخر وكدة...
| Quote: هناك وين يا ست البنات؟انا حدي شارع الستين بس وبنبثق يمين على المطار القديم |
متاكد، الكلام دة مابتغيرو بعدين؟؟؟
ست البنيــــــــات
|
Post: #24
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 04:01 AM
Parent: #10
| Quote: متاكد، الكلام دة مابتغيرو بعدين؟؟؟ |
يا اخواني ..الاعزاء
أخوكم كان فاكر نفسو فيل
الآن شاعر بي انو.. بقى دبيب ...
دبيب منداح في حفرة ضيقة جدا ..
وممكن ينبثق لي ( اصله ) في اي لحظة
أخوكم ح ( يتبستف ) في البوست دهـ
بوست اندياح وتبستف في العشرة الآواخر ..
ميااااده ح تبستف الواحد هنا دهـ
إني اغرق تحت الماء
|
Post: #4
Title: Re: الفيــــــل نائم .. لعـن الله من أيقظه
Author: Mayada
Date: 10-25-2005, 02:39 AM
Parent: #1
تمبس صباح الخير...
| Quote: ممكن ارسل برقيات؟؟ |
اذا ارسلت برقيات معناها تكون لهنا او هنااااااااااك...
اذا لهنا فمعناها خير...
اما اذا لهناااااااااااااااااك فمعناها..........
بقولو ليك بعد الفطور  ...
حوميدة...
صباح الخير، كيفك، انشالله طيب؟؟؟
ست البنيـــــــــات
|
Post: #5
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 02:45 AM
Parent: #4
ميادة ..
الانبثاق ما عندك ..
وبالجوز كمان ..
انت محوصة ولا شنو .. !
و يا عزيزي تمبس ..
اذا انبثق الفيل .. احتمال كبير يعمل زلزال ..
وطبعا ..
الزلزال دا يتبعه عدد من الزلازل الجانبية ..
المنبثقة من الزلزال الرئيسي .. العملو الفيل ..
عشان كدا .. خليهو نائم .. !
تخريمة ..
ود الباوقة .. بفجخ في البرتكان ..
معلومة غايبة عن الفيل .. !!
|
Post: #13
Title: Re: الفيــــــل نائم .. لعـن الله من أيقظه
Author: Mayada
Date: 10-25-2005, 03:11 AM
Parent: #5
هوميدا سلامات...Quote: ميادة ..
الانبثاق ما عندك ..
وبالجوز كمان ..
انت محوصة ولا شنو .. ! |
ماتركز معانا شوية، دة لزوم الانهدار الباندويثي وكدة...
وقبل ما يجونا الناس البنطو في الحلق ديك ويعملو لينا شمطة نقلبها للانبثاق الباندوثي ...
والله معاك...
ست البنـــــــــــأت
|
Post: #7
Title: Re: الفيــــــل نائم .. لعـن الله من أيقظه
Author: عمر الفاروق
Date: 10-25-2005, 02:53 AM
Parent: #1
قبضوني ليه ..ليه ..ليه قبضوني ليه ..عايزني أعمل إيه أنا ..
انا ما عملت هناك شي كي أستحق هذا العنا ...
خواطر فيل !!!!!
تخريمة :
ما بين الأندياح والأنبثاق شعرة ...
جن كلامك ده إسمو إندياح ..
جنس كلام تمبس ده إسمو إنبثاق ...
والفرق إنو
دايماً بيكون في لجان واللجلن بينبثق منها لجان تقوم اللجان الإنبثقت منها لجان دي تنبثق منها لجان تاني ..
لكن مستحيل تلقى ليك لجنة تقوم تنداح منها لجنة تقوم اللجنة دي تنداح منها لجنة تانية !!!
وقع ليك ؟
|
Post: #8
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 02:58 AM
Parent: #7
الفاروق ..
اركب الظلط صاح ..
اللجنة .. تنبثق منها لجان ..
اللجان المنبثقة ..
تتكون من عدد من الاعضاء ..
الاعضاء .. ديل ..
بيقوموا ينداحو ..
لمن تنبثق منهم لجان فرعية ..
فهمت ..
تخريمة ..
ود الباوقة انت قلت بيور ..
ما تكب فيهو موية ..
شايفك ..
الفيل لسع نايم .. ؟!!
|
Post: #17
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 03:22 AM
Parent: #8
يا حميدة يا خوي
العيد زاعو ولا شنو؟؟؟
قال تخريمة قال
دي كسرة عديييييييل كدا يا خوي
|
Post: #12
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 03:07 AM
Parent: #7
أخواني الاعزاء
زي كلام اختكم مياااده الفوق ده اسمو انديـــاح
إندياح مركز خالص
وللتأكيد عملتو ليكم نسختين..
يا ميادة
اندياحك ده شيلي ( الكربون ) من تحتو اديهو فرصة ينبثق كويس ..
.
.
يا عمر
ياخوي انت في ياتو ( كيان ) والا تابع لي ياتو ( جسم )
علشان ما تجي ناطي لينا ساكت ..
.
.
ياحميدة
يعني ما نهدي والا شنو ؟؟
شنو ( الخصخصة ) دي ..
|
Post: #9
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 03:01 AM
Parent: #1
تارجح الفيل بين
الاندياح والانبثاق
والوصول الي درجة الافراط
يضيق علينا خناق الخيارات
ليصير الفيل لدينا
عبرة نعتبر بها
او لديهم
مطية ليركبوه
ومن ركب الفيل سافر
واحة شعرية
اوع تركب الفيل يا حميدة
دا الفيل كبييييييير يا حميدة
وبنزلك في شارع الستين يا حميدة
و ح تجوطها مع تمبس يا حميدة
|
Post: #41
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 05:10 AM
Parent: #9
Ahmed Mohammed Osman
Quote: اوع تركب الفيل يا حميدة
دا الفيل كبييييييير يا حميدة
وبنزلك في شارع الستين يا حميدة
و ح تجوطها مع تمبس يا حميدة |
الحتة دي بنسميها استلهام يا احمد
ده استلهام برضو ما خارج من المعدلات الطبيعية الارتكز عليها مفهوم البوست الانبثاقي ده
حاول تركز على التجريد دائما في النظرة الاحادية البتتعامل بيها مع زوايا الشوف
ابتعد عن الشطة الخدرا الايامات دي واكل عجور وامشي عكس الهوا
العمر ما بعزقه
|
Post: #47
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 05:35 AM
Parent: #41
((قل من يحي العظام وهي رميم))
العمر واحد والقلم واحد والفيل واحد
ورقصني يا جدع
|
Post: #11
Title: Re: الفيــــــل نائم .. لعـن الله من أيقظه
Author: ahmed haneen
Date: 10-25-2005, 03:06 AM
Parent: #1
حميدة
ما زال الفيل نائما
دعه في نومه
نوم الظالم عبادة
| Quote: قالها وهو يتكي على ناصية القلب |
وهو يتكئ علي ناصية السرير او الكنبة واحيانا وقافي
فقط اسأله
اذا تزوج هذا الفيل بفيــلة
كيف يكون الأنبثاق حينئذ؟؟؟
|
Post: #14
Title: Re: الفيــــــل نائم .. لعـن الله من أيقظه
Author: waleedi399
Date: 10-25-2005, 03:21 AM
Parent: #11
..
.
يا فـيل .. يا كبير .. يا سمين
لماذا قتلت اولادي الصغار؟؟
من لم يهوى صعود الافيال
يعش ابد الدهر بين النمل
في سيرة الفيل العظيم عند السلف
حكاوي وقصص وروايات تحكي ..
نتطرق لها في حينها ..
جاييكم بيها للبري والقد في رمضان
قبال الفـيل ما يصحـى ..
بس اللي بنوم القرد الاعمش والنظارة منوووووووو؟؟؟
|
Post: #16
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 03:22 AM
Parent: #11
هنين .. يا تقاطعات ..
احب ان اهنئ سيادتكم علي البوست المنبثق من الفيل الرئيسي ..
واندايحكم في الهم الوطني .. والانقشاطة للطيش في الشان العام ..
مما يترتب عليه تراتبية في المنظومة آحادية الجانب ..
ودي نفس الحركات البتخلي ناس خور فطيس وفرملة الشمس ..
يقعدوا يدقوا كاروشة ..
ميادة ..
منقشطة معانا في الانبثاقة بتاعت الهم الوطني ..
ولا نتغدا بدري ..
ذي ما قال تمبس ..
|
Post: #15
Title: Re: الفيــــــل نائم .. لعـن الله من أيقظه
Author: Hozy
Date: 10-25-2005, 03:22 AM
Parent: #1
Quote: اذا تزوج هذا الفيل بفيــلة
كيف يكون الأنبثاق حينئذ؟؟؟ |
اها كيف ؟؟؟
إنبثاق الفيل ب 1000
رمضان شكله انبثق عندك ودخل انداح في عظامك
|
Post: #18
Title: Re: الفيــــــل نائم .. لعـن الله من أيقظه
Author: عمر الفاروق
Date: 10-25-2005, 03:22 AM
Parent: #1
تمبس:
Quote: يا عمر
ياخوي انت في ياتو ( كيان ) والا تابع لي ياتو ( جسم )
علشان ما تجي ناطي لينا ساكت .. |
شنو يا (مجتمع) !!! يعني ما نشارك معاكم في إندياحكم ده !!!!؟؟؟
انا متابع إندياح ميادة ده بي شدة لأني بي صراحة كده حاسي إنو في النهاية حا (تنبثق) منو معلومات خطيرة تفيدنا في معرفة حقيقتك خصوصاً موضوع (هناااااااااااااااك( ده ..
ميادي إنبثقي وإنداحي وإعشوشبي بالكربون بالجبنة المهم تدينا أخر تمبس !!!
تخريمة :
منادحة بيك كل النجوم لا نام بريقا ولا أنطفا
والإنبثاق يا تمرجي ..
زي البزاق يا تمرجي ..
حاجة أستغرب !!!
|
Post: #20
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 03:31 AM
Parent: #18
| Quote: انا متابع إندياح ميادة ده بي شدة لأني بي صراحة كده حاسي إنو في النهاية حا (تنبثق) منو معلومات خطيرة تفيدنا في معرفة حقيقتك خصوصاً موضوع (هناااااااااااااااك( ده .. |
انا زاتي متابع اندياح الفيلة دي معاك
بس عشان تورينا انبثاق تمبس الستيني دا اخرو شنو؟؟؟
اصلو الزول دا محيرني
في اي توبيك تلقاهو متحكر
حتي القوم
معاهم ما
مقصر
|
Post: #21
Title: Re: الفيــــــل نائم .. لعـن الله من أيقظه
Author: ود الباوقة
Date: 10-25-2005, 03:33 AM
Parent: #18
اللخو حميدة .. اندياح الفيل في نومه ستنبثق عنه ارهاصات الصحوة الانغماسية والصحوة
نفسها ستنداح مرة اخرى لتلحق بالركب المنبثق عن الاحلام الوردية ودا كلو في النهاية بينداح مرة اخري داخل الجاكوزي ...
|
Post: #29
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 04:19 AM
Parent: #18
Quote: انا متابع إندياح ميادة ده بي شدة لأني بي صراحة كده حاسي إنو في النهاية حا (تنبثق) منو معلومات خطيرة تفيدنا في معرفة حقيقتك خصوصاً موضوع (هناااااااااااااااك( ده ..
ميادي إنبثقي وإنداحي وإعشوشبي بالكربون بالجبنة المهم تدينا أخر تمبس !!! |
اعمر ..
ما تحك الاندياح ده كدا..
أنت كنت في ( الكشافة البرية ) والا شنو؟؟
|
Post: #19
Title: Re: الفيــــــل نائم .. لعـن الله من أيقظه
Author: فيصل نوبي
Date: 10-25-2005, 03:25 AM
Parent: #1
اول شي
انت حميده ولا حميدة ؟
(عادل فضل المولي و ود عقيد واقفين لي في حلقي )
تاني الفيل ده قاعد في الثلاجة؟
بيكسر تلج؟؟
لابس قميص منو الليله يا حميده
وما تعاين في القميص هسي
تهريجة
بعدين الفيل ده مقاس كم
عشان ينزل في الستين ولا يفيق حتي يستغيث المستنيرين !!!
|
Post: #22
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 03:44 AM
Parent: #19
حميضة .. بالطا ..
انت ما تدقق ..
ما سمعت المثل النوباوي القديم البقول ..
كان جاريتي تكسري ..
كشمي .. كشمي
كشمي .. كشمي
ود الباوقة ..
عصرتو .. !
|
Post: #23
Title: Re: الفيــــــل نائم .. لعـن الله من أيقظه
Author: abuguta
Date: 10-25-2005, 03:56 AM
Parent: #22
طيب ياحمدية
لو الولد الشافع دا قال كدا مشى الهند وحضر الدكتوراه
بكون دا اندياح ولا انبثاق
انداحية
ما هو الفرق بين الفيل والقملة...
جماعة من النمل راكبين فى لورى ابو بروش..القافلين شبكو ببروش
اها ديل زائرين الفيل فى المستشفى....عارف ليه
عشان يدوه دم..هههههههههههههههههههههه
|
Post: #25
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 04:05 AM
Parent: #23
اب قوتة ..
انت صحيت خلاص .. !
|
Post: #28
Title: Re: الفيــــــل نائم .. لعـن الله من أيقظه
Author: ود الباوقة
Date: 10-25-2005, 04:13 AM
Parent: #23
Quote: ود الباوقة ..
عصرتو .. ! |
عصرناهو ومصرناهو ... الان منداح في الفريزر بجانب صهره الحلو مر وخاله قمر الدين
وربما انبثق عنه شاي بحمريب وقهوة بالزعفران دا كلو عشان الفيل ما ينوم ...
|
Post: #27
Title: Re: الفيــــــل نائم .. لعـن الله من أيقظه
Author: القلب النابض
Date: 10-25-2005, 04:11 AM
Parent: #22
حميضة
الليلة كان جريت....منداح
وكان مشيت منبثق
وكان رقدت منجلط
وكان قعدت ياكا المندلق
قلت لي القيل لابس شنو كان
ونايم تحت ياتو شدرة
الشدر الكبار سمح....
ارقد عافية آآحميضة
الفيل ما يدفسك او يهرسك
وكان فنجط الفيل بيرميكم...
|
Post: #26
Title: Re: الفيــــــل نائم .. لعـن الله من أيقظه
Author: فيصل نوبي
Date: 10-25-2005, 04:11 AM
Parent: #1
يا حميضه
انت الفيل قام ؟
ولا اندفن ؟
الستين ما تحلو 
يا تامبا سلام
يكون الفيل مع الكديسه
|
Post: #30
Title: Re: الفيــــــل نائم .. لعـن الله من أيقظه
Author: abuguta
Date: 10-25-2005, 04:22 AM
Parent: #26
Quote: اب قوتة ..
انت صحيت خلاص |
ايوة لكن انا
ما الضل ولا الجزيرة
انا ضنب الفيل....
لكن اغرب شىء هو فيل الهنود الماشى ليهم ناذر
تعرف كيف ..بكون حايم فى الاحياء والناس بتتفرج عليه
لو اديتو روبية برفعها لصاحبه و لو اديته فاكهة بياكلها
ولو اديتو حجر او طوبة...كدا بكون صحى من النوم..والله قال بقولك
يعنى الحجر دا راكب فى راسك بكل الطرق...
شفت يكف صحيت الفيل
|
Post: #31
Title: Re: الفيــــــل نائم .. لعـن الله من أيقظه
Author: abuguta
Date: 10-25-2005, 04:22 AM
Parent: #26
مكرر
|
Post: #32
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 04:33 AM
Parent: #31
تنويه ..
ما في زول ينبثق لينا مرتين في نفس الرد ..
برانا نحن ناس مضايقين .. !
|
Post: #33
Title: Re: الفيــــــل نائم .. لعـن الله من أيقظه
Author: فيصل نوبي
Date: 10-25-2005, 04:49 AM
Parent: #1
| Quote: ارقد عافية آآحميضة |
عفيت منك يا ....... قلب
|
Post: #34
Title: Re: الفيــــــل نائم .. لعـن الله من أيقظه
Author: ودقاسم
Date: 10-25-2005, 04:51 AM
Parent: #1
وتنبثقين مثل الفجر
على أرجوحة الأطفال
في ميدان حارتنا
وتنداح اتكاءات الأحبة
فوق ناصية القلوب
وتستجيب أفيال الحديقة
تأنس بسمة الأطفال
وأضواء انبثاقك
من مآلات الوسامة
واجترار الذكريات
وأعماق الفضيلة
|
Post: #38
Title: Re: الفيــــــل نائم .. لعـن الله من أيقظه
Author: tmbis
Date: 10-25-2005, 05:00 AM
Parent: #34
وتنبثقين مثل الفجر
على أرجوحة الأطفال
في ميدان حارتنا
وتنداح اتكاءات الأحبة
فوق ناصية القلوب
وتستجيب أفيال الحديقة
تأنس بسمة الأطفال
وأضواء انبثاقك
من مآلات الوسامة
واجترار الذكريات
وأعماق الفضيلة
يا سلالالالالالالالالالالام يااخ
رائع
|
Post: #43
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 05:15 AM
Parent: #38
الاخ الاستاذ تمبس ..
خالك انبثق ..
لمن حصلناهو بكوز موية ..
|
Post: #35
Title: Re: الفيــــــل نائم .. لعـن الله من أيقظه
Author: Tabaldina
Date: 10-25-2005, 04:52 AM
Parent: #1
..
.
يا حميض ..
اندياح الفيل وعرفناهو
الكلام فى انبثاق اللعنة ..
والله عليكم انديحات
عايزه ليها إتكاءات
|
Post: #37
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 05:00 AM
Parent: #35
انبثقت لي عدة جهات اتصالات خارجية ..
تهنئ سيادتنا علي البوست المنبثق ..
الخلى ميادة المنداحة .. ترجع وترد
وبما انه البوست دا رجع لينا الزولة دي
قررنا تحويل المثل البقول ..
الموز بجيبك يا قرد ..
الي
الفيل بجيبك يا ميادة ..
انبثق في يومه وتاريخه
رقيب اول حميضة .. ( علي وزن دكتور بشار )
|
Post: #36
Title: Re: الفيــــــل نائم .. لعـن الله من أيقظه
Author: حمزاوي
Date: 10-25-2005, 04:53 AM
Parent: #1
ممكن سفه يا شباب
وبعدين نشوف مين الايقظ الفيل
النواعم يمتنعن
|
Post: #39
Title: Re: الفيــــــل نائم .. لعـن الله من أيقظه
Author: إسماعيل وراق
Date: 10-25-2005, 05:03 AM
Parent: #36
كنت من أشد المعجبين بفيل الحديقة
الله يسامحك يا علي عثمان ليه تعمل كده.. في داعي للعقد دي
خواطر فيل من الأغاني التي تهزني
ولكن...
لم أتخيل في يوم من الأيام
أن بالرياض فيل جميل
يحب النوم والترطيبة
يحفظ الله كل فيل ذو خرطوم جميل.
|
Post: #42
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 05:13 AM
اسماعيل وراق
ما هو اول الحكي زي ما بتقول شيري
انو القصة كانت بدايتها بي شيخ
انبثق منو (علي) البتقول عليهو دا
اهااااا
الانبثاقة دي خلت ابوعلوه دا
ينداااااااااح
قام اندياحوا دا ما نفع مع
الفيل بتاع الحديقة
اها ودوهو وين ما معروف
ناس قالو مات
وناس قالو قلب كديسة
وناس حميضة قالو نايم
اها احنا راجينو يظهر علينا
|
Post: #46
Title: Re: الفيــــــل نائم .. لعـن الله من أيقظه
Author: ابو جهينة
Date: 10-25-2005, 05:33 AM
فوق دربك يا ود قاسم
مع إنو دربك فجخو الفيل ..
***
إنداحي ..
و فوق كتفي المنهك ..
ضعي خدك و إرتاحي
( أهذا الحال يمنعني مراحي ؟ )
أعذريني يا منداحة ..
فقد إختلط في ناظري .. مسائي و صباحي ..
تعالي .. منداحة .. أو منبثقة
فالأمر سيان
أيا منبثقة كرقراق الضوء من فرجة راكوبة
أيا طوبة جاءتني في المعطوبة
أنداح أنا كما العمة المكروبة
قالت له :
ما هذا الذي بيمينك يا كبدي ؟
قال : إنبثاقي يا مددي
أهش به زهجي .. و أشد به عضدي
ثم راحا في إندياح أبدي
|
Post: #45
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 05:24 AM
Parent: #36
عمو حمزواي ..
الفيل بتاعنا دا ما محتاج اي فتمينات خارجية
سوا بالامتصاص او التحميض او تحميلة
شغال ماشاء الله .. بما تجود به الارض
عصيدة بتقلية .. ملاح روب .. خشاف .. دمعة ..
قبل اقامة الصلاة ..
طوالي بتقلب علي الجنبة اليمين
بحرك رجله في اتجاه عقارب الساعة
ويكلكل اضانو ..
ثم ينظر الي الافق ..
وينبثق .. !
ونحن فاغري الدهشة ..
سبحانك يا ربي .. !
|
Post: #40
Title: Re: الفيــــــل نائم .. لعـن الله من أيقظه
Author: Badri
Date: 10-25-2005, 05:06 AM
Parent: #1
الفيل دا لو صحى وضرب سيجارة خضرا الا تنبثقوا في علبكم
يعني خلاص شفوت وبتاعين انبثاقات خالص اسي يجيكم واحد
من المنظراتية ينبثق ليكم هنا البوست دا ينبثق لاربعتاشر انبثاق
مع كل انبثاق صلعة بكري تنبثق انبثاقتين عشان كدا بطلوا انبثاقات
ظهر رمضان عشان رمضان ذاتو ما يقوم ينبثق ليكم ونبقى في ما كنا قاصدين
ننبثق وتاني لو انبثقنا الله يكسرنا وصحي الانبثقوا ماتوا والعهدة على المنبثق
|
Post: #44
Title: Re: الفيــــــل نائم .. لعـن الله من أيقظه
Author: إسماعيل وراق
Date: 10-25-2005, 05:21 AM
Parent: #40
Quote: اسماعيل وراق
ما هو اول الحكي زي ما بتقول شيري
انو القصة كانت بدايتها بي شيخ
انبثق منو (علي) البتقول عليهو دا
اهااااا
الانبثاقة دي خلت ابوعلوه دا
ينداااااااااح
قام اندياحوا دا ما نفع مع
الفيل بتاع الحديقة
اها ودوهو وين ما معروف
ناس قالو مات
وناس قالو قلب كديسة
وناس حميضة قالو نايم
اها احنا راجينو يظهر علينا |
أبو حميد
سلام يا حبيب
رمضانك كريم
حسب إفادة الخرتيت
القابع تحت الكبري المشهور برياض الخير
أن الشيخ المنبثق عن الشيخ الكبير المنداح إنبثاقاً في كل الإتجاهات والأزمنة
المكنى بعليوه... قام بمسح كل آثار الماضي
فيلنا الجميل يا أبو حميد ما ذنبه
وما ذنب القرنتيه
وما ذنب هاشم صديق ود آمنة محمد طاهر المشهورة بآمنة بت جنة
وما ذنب كل بقية الفيلة أمثال فيلنا النائم على أريكة الرياض
عجائب مش كده يا أبو حميد
|
Post: #49
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 05:46 AM
Parent: #44
استاذي اسماعيل وراق
Quote: حسب إفادة الخرتيت
القابع تحت الكبري المشهور برياض الخير
أن الشيخ المنبثق عن الشيخ الكبير المنداح إنبثاقاً في كل الإتجاهات والأزمنة
المكنى بعليوه... قام بمسح كل آثار الماضي |
المشكلة انو كل الناس اتنين اتنين
واحد شغال والتاني بوصل لي الفيل
اها كمان ما بتقدر تعرف الفيل دا شايف
صح ولا موصل غلط؟؟؟
قطعة شعرية:
خرتيت يودي وخرتيت يجيب
وبي البين عينيك المرسي
وسكة تسافر في جوانا
لما الفيل جوانا اندسا
|
Post: #48
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 05:37 AM
Parent: #40
يا بدري ..
الفيل دا انبثق من منزل زويه بالثورة الحارة السابعة
يرتدي عراقي كلوش .. وتي شيرت بودي
مختل العقل ..
عيونه عسلية ..
|
Post: #50
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 05:51 AM
Parent: #48
وشعره
قرقدي
ولا
ناعم؟؟؟؟
|
Post: #51
Title: Re: الفيــــــل نائم .. لعـن الله من أيقظه
Author: إسماعيل وراق
Date: 10-25-2005, 06:00 AM
Parent: #50
| Quote: المشكلة انو كل الناس اتنين اتنين |
إنت عارف يا أبو حميد
الحتة دي ذكرتني مقطع يقول:
كل الناس أتنين أتنين أنت يا خرتيت فيلك وين..
صوت الكورس:
الفيل منداح
الفيل مرتاح
الفيل شفط الراح
الفيل نايم صاح
الفيل ممدود
إنبثاق بلا حدود
إندياح لماض الجدود
|
Post: #54
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-25-2005, 06:21 AM
Parent: #51
فيل وين دي زاتها لي فترة كدا كان
المستعلواتيه داقين لينا فيها جرس
قمن حاولت لي محاولة شعرية كدا قلت فيها:
فيلك وين
حتي السوال منعو
كان قلنا اتنين
يبقو الدواس علنو
|
Post: #53
Title: Re: الفيــــــل نائم .. لعـن الله من أيقظه
Author: A.Razek Althalib
Date: 10-25-2005, 06:15 AM
Parent: #40
إسماعيل وراق..
البيعيش ياما يشوف..
Quote: لم أتخيل في يوم من الأيام
أن بالرياض فيل جميل
يحب النوم والترطيبة |
فيل مرمندي....
أبو زلومة...
|
Post: #55
Title: Re: الفيــــــل نائم .. لعـن الله من أيقظه
Author: humida
Date: 10-25-2005, 06:29 AM
Parent: #52
Quote: تعالي .. منداحة .. أو منبثقة
فالأمر سيان
|
ابا جهينة ..
منبثقين فيك ..
ومنداحين في بعضنا..
على درجة متزلزلة..
والخلق بتلزنا ..
نشاكل ..
نعافر..
ينبثقوا فينا ..
ننداح كلنا..
تطق عينهم شرار..
نخش فيهم غنا..
|
Post: #56
Title: Re: الفيــــــل نائم .. لعـن الله من أيقظه
Author: معتصم دفع الله
Date: 10-25-2005, 07:45 AM
Parent: #55
يا حميضة ..
إنت ينداح دي يعني يدردق في الــواطة دي ولا كيف ؟؟..
وإذا فرضنا إنو الفيل دا إنداح ..
يعني ح ينبثق لكم إنبثاقة ؟..
إذا أتتك شخيرةٍ من فيلٍ وهو نائم ..
ومعاها هضربة وكلام خارم بارم ..
فهي أنك قائم مخلوع لا محالة ..
تدق جرس وتكتل في أول ملف ..
من شعر الفيلة المنبثقين ..
|
Post: #57
Title: Re: الفيــــــل نائم .. لعـن الله من أيقظه
Author: عمر الفاروق
Date: 10-25-2005, 01:39 PM
Parent: #1
إندحت لييييك ..ترارارا ترا
إندحت ليييييييييييييك ...
إندحت ليك شوق السحابة الرااااحلة ..الرااااااااااحلة ..
وحنين حنيني وحنين حنيني الصافي ليك !!!
في اللحظة ديك إندحت لييييييييييييك ..
وإشتقت ليك ..
وكمان:
شفتك وإنبثقت وييييييين يا غالي إنت !!!
تخريمة :
انا أسة جاي من حتة كلها إندياح وإنبثاق ..
أجمل إندياح كان إندياح وليد 399 مع المدام ..
وأروع إنبثاق كان إنبثاق صديق الموج بي التي شيرت ..
|
Post: #65
Title: Re: الفيــــــل نائم .. لعـن الله من أيقظه
Author: waleedi399
Date: 10-26-2005, 01:32 AM
Parent: #57
Quote: انا أسة جاي من حتة كلها إندياح وإنبثاق ..
أجمل إندياح كان إندياح وليد 399 مع المدام ..
وأروع إنبثاق كان إنبثاق صديق الموج بي التي شيرت .. |
الفاروق 13
انداح الوليد فولد انبثاقاً
وأنبثق الموج فانداح انبلاجاً
قالت العرب ..
انبثاق الأفيال يدل على المصائب
الكبرى التي ستحل هنا وتقضي على
اليابس قبل الاخضر ...
فما علينا الا أن نترك هذا الفيل نائم
في ثباته العميق ..
ولو كان هذا التنويم .. تنويماً مغناطيسياً
لعـن الله الاندياح ...
|
Post: #58
Title: Re: الفيــــــل نائم .. لعـن الله من أيقظه
Author: عبد الله عقيد
Date: 10-25-2005, 02:11 PM
Parent: #1
ذات مرة
خرج القرد سعيدا
للقاء الفيلة
غير ان القرد لا زال
صغيرا..
وببطن الغابة الملأي قرودا وصقور
سمع القرد شخيرا
وبصوت مرتعش
أطلق القرد صفيرا
فإذا فيل كبير .. يتمطى
يتحدث (وهو نائم)
ثائر يضرب الأرض بخرطوم طويل
قالت الأفيال للقرد.. احترس
إن هذا الفيل نائم..
ستحل اللعنة الكبرى على من يوقظه
فغر القرد فمه
وسعى للخلف يحتاط بمفتاح وسلسل
وسجارة..
ورمى في الأرض (سهوا) كوب ماء
فتمطى الفيل.. زمجر
اطلق القرد صفيرا.. (هلعا)
قالت الأفيال للقرد.. تريث.. لا تخف
لا يزال الفيل نام.. ستحل اللعنة الكبرى على من يوقظه..
....
|
Post: #59
Title: Re: الفيــــــل نائم .. لعـن الله من أيقظه
Author: ود الباوقة
Date: 10-25-2005, 02:39 PM
Parent: #58
الفيل ... والجاكوزي ...
|
Post: #68
Title: Re: الفيــــــل نائم .. لعـن الله من أيقظه
Author: humida
Date: 10-26-2005, 02:21 AM
Parent: #58
استاذنا العقيد ..
Quote: سمع القرد شخيرا
وبصوت مرتعش
أطلق القرد صفيرا
|
بالله ..
في ذمتك دا الحصل .. !
|
Post: #60
Title: Re: الفيــــــل نائم .. لعـن الله من أيقظه
Author: Eng. Mohammed al sayed
Date: 10-25-2005, 03:18 PM
Parent: #1
Quote: لكن اذا انبثق ..
تفتكروا ممكن يحصل شنو .. ! |
صوته..
رعد..
هز الحياة..
انذرته...لينداح..
ثم انبثقت عنه اللعنه..
وإليه انتهى!
وماوعي..
دفء..
السفر كلما توجست صقيعاً!
ارتعد..
ثلج..
أرمم به شق رأسي!
حجمه..
أسطورة..
لم تتل أنباؤها بعد!
عن
النظريه النسبيه ..مابين فيل شارع النيل ... والماموث
|
Post: #69
Title: Re: الفيــــــل نائم .. لعـن الله من أيقظه
Author: humida
Date: 10-26-2005, 03:44 AM
Parent: #60
Quote: وماوعي..
دفء..
السفر كلما توجست صقيعاً!
|
والله زولك شكلو مفتح ..
كل ما حسا بهبايب ..
قرر السفر ..
وطبعا دي استعارة مكنية ..
حيث شبه كب السيجا بالسفر ..
وسفري السبب لي اذايا .. !
|
Post: #61
Title: Re: الفيــــــل نائم .. لعـن الله من أيقظه
Author: فيصل نوبي
Date: 10-25-2005, 03:21 PM
Parent: #1
| Quote: لا يزال الفيل نام.. ستحل اللعنة الكبرى على من يوقظه.. |
|
Post: #62
Title: Re: الفيــــــل نائم .. لعـن الله من أيقظه
Author: smilewomen
Date: 10-25-2005, 03:33 PM
Parent: #1
انبثاق وفى رمضان!!
بتبالغوا
ما تخلوا بعد العيد أحسن
كلنا نجى ننبثق معاكم
|
Post: #63
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-26-2005, 00:04 AM
Parent: #1
اها يا حميصة الفيل لسه
نايم؟؟؟
|
Post: #64
Title: Re: الفيــــــل نائم .. لعـن الله من أيقظه
Author: إسماعيل وراق
Date: 10-26-2005, 01:29 AM
Parent: #63
ورد في صدر الأخبار أن جرعات هذا البوست اثرت تأثيراً بالغاً في سلوك الفيل
وعليه ... حسب أقوال الشهود فإن الفيل لم يمارس هوايته المحببة من أنبثاق وإندياح.
إنتهى الخبر...
|
Post: #66
Title: Re: الفيــــــل نائم .. لعـن الله من أيقظه
Author: humida
Date: 10-26-2005, 01:34 AM
Parent: #64
| Quote: إنت ينداح دي يعني يدردق في الــواطة دي ولا كيف ؟؟.. |
معتصم دفع الله
طبعا كل زول يا معتصم بنداح علي ليلاه ..
لكن الدردقة هي اقرب الي شتيت السكر ..
شتيت السكر وليس كسير التلج ..
حيث الكسير يأتي من .. الكبكبة ..
التي تصدر غالباً .. في وجود مصدر إلهام
" في أحيان كثيرة ما بستاهل " .. ولهذا سميت كبكبة
سواء صدر ذلك عن كبكاب محترم .. ام عن متكبكب غير محترم
وهو ما يمسى في الاوساط الفنية .. بـ " الثقافة الكبكبية "
وهو مصطلح اشتق عنوة من جملة .." زول كبكابة خلاص "
فالكبكاب فاعل للكبكبة وليس مفعول به
وسواء اتكبكب .. او دمعي أتشتت .. دمعي الغلب اللقاط
فقد اتفق جموع حلة ورا
أن الكبكبة .. منكر
أما شتيت السكر .. دي الدردقة الصحي ..
وممكن تسأل منها الفيل .. وكيف دردق النملة الشفوقة .. !
|
Post: #67
Title: Re: الفيــــــل نائم .. لعـن الله من أيقظه
Author: Ahmed Mohammed Osman
Date: 10-26-2005, 01:55 AM
Parent: #1
..........
وعشان كدا يا معتصم كان الاندياح حق الفيل
والدردقة = شتيت السكر حقت الحمام
مش الفنان قال
حم حم يا حمام
شتتنا ليك سكر
|
Post: #70
Title: Re: الفيــــــل نائم .. لعـن الله من أيقظه
Author: A.Razek Althalib
Date: 10-26-2005, 04:50 AM
Parent: #67
..
.
الفيل...
بعد شراب الموية..
كان..
نعساآآآآآآآآآآآن
|
Post: #71
Title: Re: الفيــــــل نائم .. لعـن الله من أيقظه
Author: mohamed elshiekh
Date: 10-26-2005, 04:54 AM
Parent: #67
حميده او حميضه او حوميده
او حميطه او زمبريطه او ترمبيته او ال... او ال.....
عايز اندياح اكتر من كده ولا كفاك
هاك الحكمه دى وعن تجربه ..تقول الحكمه ..
اندياح الافيال يعنى الاهوال
وانبثاق الافيال هو بعينه بناء الاجيال
بعدين لانك جديد فى دنيا الافيال فى خفايا
فى الغابات لسه انت ماعارف عنها حاجه يعنى ما تنداح شديد
لغاية ما يقوم ينبثق ليك اسد من الغابة دى يجهجك...
نصيحه منى ليك احسن تشوف ليك فيل متفيل عشان تفيل معاه
فى اطراف الغابه كده ...وبعدين شويه شويه امشى لى جوه
وهاك عنوان البوست القادم
فيل...وحبل...وابو القدح
والى لقاء
|
Post: #72
Title: Re: الفيــــــل نائم .. لعـن الله من أيقظه
Author: عبد الله عقيد
Date: 10-26-2005, 12:44 PM
Parent: #71
اووو... اوعى تقولو لي صحا..!!؟
|
Post: #73
Title: Re: الفيــــــل نائم .. لعـن الله من أيقظه
Author: humida
Date: 10-27-2005, 05:28 AM
Parent: #71
السيد الامين العام ..
المسألة دي دايرة ليها تنسيق ..
فيجب أنه يكون في اجتماع علي مستوي الفيلة ..
يعطي فيه كل فيل حق الاندياح
وينبثق من هذا الاجتماع عدة لجان منداحة ..
علي العموم ..
الآن بدأت هجرة الفيل وابو القدح ..
وانشاء الله يجيبوا الحبل .. !
|
Post: #74
Title: Re: الفيــــــل نائم .. لعـن الله من أيقظه
Author: Eng. Mohammed al sayed
Date: 10-27-2005, 11:09 AM
Parent: #73
| Quote: وانشاء الله يجيبوا الحبل .. ! |
ياتوا حبال؟
حبل المودة
حبل سري
حبل وسهل ونهر
حبل المشنقة
حبل التيل
حبل المركب
حبل الغسيل؟
حبل يحبل حبلا فهو حابل وهي حابل بي ولد
في الإرث ... حبال بلا بقر
|
Post: #75
Title: Re: الفيــــــل نائم .. لعـن الله من أيقظه
Author: humida
Date: 10-29-2005, 02:08 AM
Parent: #74
| Quote: في الإرث ... حبال بلا بقر |
يا باشمهندس
بوست البقر لسع لقدام ..
منتظر موسم طلوع البرسيم .. !!
|
Post: #76
Title: Re: الفيــــــل نائم .. لعـن الله من أيقظه
Author: waleedi399
Date: 10-30-2005, 03:35 AM
Parent: #75
حميدة الفيل وين؟؟ صحا ولا لسه
اها هو ذاتو وصل وين؟؟
ما قرب لي سنكات؟؟
|
Post: #77
Title: Re: الفيــــــل نائم .. لعـن الله من أيقظه
Author: ود الباوقة
Date: 10-31-2005, 01:40 PM
Parent: #76
حميدة يا اللخو فيلك دا في الفطر برضو كدا .. ما حرام عليك يا الفيل تعمل كدا ..
|
Post: #78
Title: Re: الفيــــــل نائم .. لعـن الله من أيقظه
Author: humida
Date: 11-07-2005, 11:25 PM
Parent: #77
والله يا بقبق ..
كما يبدو ان جري الفيل الكتير ..
انبثقت عنه عدة زالازل ..
سنتناولها بالتفصيل في البوست القادم ..
|
Post: #79
Title: Re: الفيــــــل نائم .. لعـن الله من أيقظه
Author: humida
Date: 11-28-2005, 00:44 AM
Parent: #78
نواصل سيداتي آنساتي سادتي ..
مع الجزء التاني ..
عودة الفيل الضال .. !!!
|
|