Post: #1
Title: كـــما يبـــــدو لي .... !!!!!
Author: humida
Date: 11-28-2005, 01:03 AM
كل بني ادم في الكرة الارضية او حتي علي متن المحطة الفضائية الدولية ..
له الحق في ان يفعل ما يريد وان يقول ما يريد ..
ولكن هذا الحق محدود بحق الاخرين ..
فمثل ما لك من حقوق ..
فعليك واجبات ..
وهي تجاه الاسرة والمجتمع وقبل كل ذلك تجاه ربك ..
لا يحق لاي شخص باي حال من الاحوال ان يقول لشخص ما..
لم فعلت ما فعلت ..
الا في حدود الاستفسار ..
واذا تعدي الامر ذلك الي جانب الاملاء ..
فهنا يجب ان تكون النهاية ويجب ان يوقف كل عند حده ..!!!
|
Post: #2
Title: Re: كـــما يبـــــدو لي .... !!!!!
Author: humida
Date: 11-28-2005, 01:04 AM
Parent: #1
الفهم قِسم اساس النظرية
وكان الله ما اداك فهم مرات بديك علم
ومرات مابديك لا فهم لا علم ويقوم يديك مال
ودة الغالب الاعم انو مال بلا فهم ولا علم
يعني لما تكون مخك تخخخخخخخخخخخخخخخخخخخخخخخخخين
وعلمك قلييييييييييييييييييييييييييييييل وما عارف حاجة
بس ميزتك الوحيدة انك زول مقرش
الغريبة انو الناس كلها تحترمك
لكن يكون عندك مخ فهمان ووجيب تعبان زول يقول ليك الله يجيرك مافي
ولو قال ليك بكون قال ليك بي شماتة ..
سلوك قردي جدا .. !!!
|
Post: #3
Title: Re: كـــما يبـــــدو لي .... !!!!!
Author: humida
Date: 11-28-2005, 01:05 AM
Parent: #2
لما تكون زي الما عارف وتقول انك عارف تبقي مشكلة
ولما تكون ما عارف وتعمل روحك عارف تبقي دي مصيبة
ولما تكون عارف وما عارف انك عارف تبقي حكاية
ولما تكون عارف وعارف انك عارف وساكت علي كدة
مع احترامي الشديد تكون زول حمار وعايز الضرب ..!!! 
|
Post: #4
Title: Re: كـــما يبـــــدو لي .... !!!!!
Author: اساسي
Date: 11-28-2005, 01:09 AM
Parent: #3
اسمع انت الحنك بتاع الهالك معتصم و الكشافة المستنير داك شنو ؟؟
الناس دي وقعت في جزارة ولا شنو ؟
|
Post: #5
Title: Re: كـــما يبـــــدو لي .... !!!!!
Author: tmbis
Date: 11-28-2005, 01:11 AM
Parent: #3
الكلام ده ناقلو من وين ؟؟
جيب المصدر بسرعة قبل ما الواطا تصبح كويس
|
Post: #6
Title: Re: كـــما يبـــــدو لي .... !!!!!
Author: اساسي
Date: 11-28-2005, 01:14 AM
Parent: #5
tmbis
وانت يا رادكالي ما بتشيل حاجة .!!
تشيل ملطم بتاع رملة وتجري بيهو قول امين
|
Post: #7
Title: Re: كـــما يبـــــدو لي .... !!!!!
Author: humida
Date: 11-28-2005, 01:15 AM
Parent: #3
كيف تمتطي جردل البلدية وتحارب به ..!!!
كنت بسال نفسي السؤال دة لحدي فترة قريبة
كيف تعمل كدا وبتكون كيف احاسيسك
وانت معنقل فوق جردل البلدية وبتحارب في طواحين الهوا ..
كنت بقول انو الزول البيعمل العملية دي ..
اكيد وقطع شك عندو خلل في مخو او زول عايز يوصل لي اماكن ما كان يفكر انو يوصلها
واهو وصلها بي وساطة شيخ بيل قيتس وناس البنتاغون والجيش الامريكي
البدا ليه الشبكة البتفاصح فيها دي
المهم في الموضوع شعورنا نحن وهو بنثر لينا في اوساخ جردل البلدية علي قارعة الطريق ..
انها الديمقراطية .. يا رجل
|
Post: #8
Title: Re: كـــما يبـــــدو لي .... !!!!!
Author: humida
Date: 11-28-2005, 01:20 AM
Parent: #7
Quote: الكلام ده ناقلو من وين ؟؟
جيب المصدر بسرعة قبل ما الواطا تصبح كويس |
عارف يا بتاع انت ..
كان عندي زول صاحبي مثقف كدا لمن غلط
يعني بعرف ليك حاجات كدا غريبة لي ابعد حد
بعرف حاجات لي فيكتور هوجو وحاجات كدا ماجات البلد
كان مثقف ثقافة عامة اصلو ما كملت مدد
كان بيفهم في التداعي
ويتكلم عن الق التصوف وابتهالات التلاقي
ما بيزهج من الثقافة
كان بينكتب شعر منثور زي درر
كان بيرسم لوحات زيت وموية اصلو ما شافوها البشر
كان بيتفلسف بي كلام سقراط وينقد لي فكر ابقراط ذاتو
كان بقول في الحكمة كلمة
وفي الشعر الحديث كان عندو نمة
كانت ثقافتو من بلدنا
خالية من تعالي واندفاع
ما بيتفاخر علينا
ما بيحاول يورينا علمو ولا بيتشدق بالفراغ
كان كلامو موزون في محلو
كان مثقف
كان مهذب
كان مؤدب
ما بحط من قدر غير لي مجرد شكل برة
الا هسع
وناس زمنا
لينا الله
والله يستر يا اهلنا
كل زول شافوهو قالوا
جاهل امي لا بيقرا ولا بيكتب
ما بفرقوا بين زول وتاني
الا بي شكة وجاهة
قشرة براني
شكل خارجي
مافيه جوهر
والمثقف عندهم يقدر
بي شكة حلوة
وجزمة تلمع
وعربية تبهر
وكم كلمة من كتب ابن المقفع قالها ثعلب
او حتي جرقاس بي ضنبا ملولو
ما مهم قالها كيف
او حتي ليه
المهم قالها وخلاص .. !!
|
Post: #9
Title: Re: كـــما يبـــــدو لي .... !!!!!
Author: Alfarwq
Date: 11-28-2005, 01:21 AM
Parent: #1
Tmbis I am Still waiting
|
Post: #10
Title: Re: كـــما يبـــــدو لي .... !!!!!
Author: humida
Date: 11-28-2005, 01:24 AM
Parent: #9
الفاروق ..
خلاص دايرين تتعاورا ..
اها خليتو ليكم البوست دا
امشي افتح واحد تاني ..
اصلو اليوم دا عبارة عن كوبري .. !!!
|
Post: #11
Title: Re: كـــما يبـــــدو لي .... !!!!!
Author: Ahmed Mohammed Osman
Date: 11-28-2005, 01:27 AM
Parent: #1
حميدة
كيف ؟؟تمام؟؟
|
Post: #12
Title: Re: كـــما يبـــــدو لي .... !!!!!
Author: humida
Date: 11-28-2005, 01:33 AM
Parent: #11
جبت الطوب .. !!
|
Post: #13
Title: Re: كـــما يبـــــدو لي .... !!!!!
Author: Ahmed Mohammed Osman
Date: 11-28-2005, 01:51 AM
Parent: #1
الفرن قافل بس
|
Post: #14
Title: Re: كـــما يبـــــدو لي .... !!!!!
Author: عبدالرحمن الحلاوي
Date: 11-28-2005, 02:45 AM
Parent: #13
الأخ حميدة
تحية طيبة وبعد
قرأت وضحكت استفزتني كتابتك فاكتب معلقاً : كتابة خفيفة مليئة بالأفكار ، خيالك خصب ، واصل ... شد حيلك .
|
Post: #15
Title: Re: كـــما يبـــــدو لي .... !!!!!
Author: A.Razek Althalib
Date: 11-28-2005, 03:09 AM
Parent: #14
حميده..
فقر الفاه..
أو..
| Quote: كـــما يبـــــدو لي .... !!!!! |
دكين قطع وش..
دكين هلكو السماد....
بس خلي فينا حكمة البورد..
وقال..
ليس بغريب..
فهي نساء...
فلا تبتئس ...
المصفى قالوا في بورتسودان..
وملك حق الأمريكان..
لو ما أهل الروم..
طلعوا أي كلام..
بدون ترجمات بن المقفع..
والحكمة على لسان البهم...
على صفحات كليلة ودمنة..
تحياتي...
|
Post: #16
Title: Re: كـــما يبـــــدو لي .... !!!!!
Author: humida
Date: 11-28-2005, 03:57 AM
Parent: #15
| Quote: الناس دي وقعت في جزارة ولا شنو ؟ |
الناس دي أول مرة تشوف بتلو ..
|
Post: #17
Title: Re: كـــما يبـــــدو لي .... !!!!!
Author: humida
Date: 11-29-2005, 00:17 AM
Parent: #16
| Quote: قرأت وضحكت استفزتني كتابتك |
ايوه .. انا اساسا مستفز .. !! 
|
Post: #18
Title: Re: كـــما يبـــــدو لي .... !!!!!
Author: humida
Date: 11-30-2005, 04:08 AM
Parent: #17
Quote: بدون ترجمات بن المقفع..
والحكمة على لسان البهم...
على صفحات كليلة ودمنة..
|
كما يبدو من ذكاء أبن المقفع ..
أنه .. تجنب مسألة التشكيك في البشر ..
أتانا بحكم الكلاب والقرود والضفادع ..
لكي لا يأتي احدهم ويقول ليك مش الزول القال الكلام دا ..
انا بعرفوا .. دا حرامي ..
وأمه بتاعت عرقي ..
ريحنا في دينا ..
|
|