الراحة مالون الفرح لما يغمرني الضلام الراحة بس لون الضمير لمّا يملاهو السلام الفرحة انو النيل يفيض في كل وادي عليهو هام شاري مويتو على الجميع نادى عدلو علينا حام الشمس بتقبّل ضِفافو وهوّ بهديها ابتسام الموج يسالم في أخوهو وزعلو شكلو الارتطام كيفن بيصارع فيهو بعضو تصبح الأحلام حطام ياربي انت تشيل خُطاهو تصحي كل الفيهو نام تحضن الأمواج وساحلك شكلو أسراب الحمام لمّا تبقى الوجعة حارقة غضبك إتكثّف غمام أبقى أعرف انو أرضك راجية أمطارك سلام
كنت ماشي عليهو شارعك زهورو فارعات القوام دخلت بيهو مدن بتضحك بيوتو شامخة وروح تمام شفع تجدّع بالفرح من كل لون وياسلام ماشفت فيهو حروب حزينة أصلو في عُرفك ..حرام
ياكنت صاحي براي أنا وكان جميع الناس نيام ياكنت نايم ومابراي ال لسّه بحلم بالسلام.