دعوة لطرد الكيزان من المنبر العام

دعوة لطرد الكيزان من المنبر العام


06-23-2008, 06:00 PM


  » http://sudaneseonline.com/cgi-bin/sdb/2bb.cgi?seq=msg&board=160&msg=1214240449&rn=0


Post: #1
Title: دعوة لطرد الكيزان من المنبر العام
Author: omar altom
Date: 06-23-2008, 06:00 PM

الي بكري ابوبكر

هؤلاء الناس لا يستحقون شرف الانضمام الي هذا المنبر الديمقراطي..........

*لانهم لا يؤمنون بالديمقراطية..........

*استغلوا هذا المنبر للدفاع عن نظام الجبهة الاسلامية الذي مارس القتل

والتنكيل بالشعب السوداني

*وجودهم في هذا المنبر هو محاولة لتجميل وجه نظام الانقاذ

*ايجاد المبررات والذرائع للجرائم التي ارتكبها النظام ضد الشعب السوداني

*هؤلاء الناس يابكري رفضوا الاعتراف بالآخرين ومارسوا ضدهم اشد انواع

الترهيب الفكري والمعنوي.................. وجودهم هنا عااار علي هذا المنبر

*اذناب النظام اللذين يتقاضون مرتباتهم من جهاز الامن لا ينبغي لهم الكتابة في هذا المنبر....

فليذهبوا الي الجحيم

Post: #2
Title: Re: دعوة لطرد الكيزان من المنبر العام
Author: عبد الواحد أبراهيم
Date: 06-23-2008, 06:13 PM
Parent: #1


omar altom
تحية لك وانت تقف بقوة ضد هولاء الجلادين .


Quote: الي بكري ابوبكر

هؤلاء الناس لا يستحقون شرف الانضمام الي هذا المنبر الديمقراطي..........

*لانهم لا يؤمنون بالديمقراطية..........

*استغلوا هذا المنبر للدفاع عن نظام الجبهة الاسلامية الذي مارس القتل

والتنكيل بالشعب السوداني

*وجودهم في هذا المنبر هو محاولة لتجميل وجه نظام الانقاذ

*ايجاد المبررات والذرائع للجرائم التي ارتكبها النظام ضد الشعب السوداني

*هؤلاء الناس يابكري رفضوا الاعتراف بالآخرين ومارسوا ضدهم اشد انواع

الترهيب الفكري والمعنوي.................. وجودهم هنا عااار علي هذا المنبر

*اذناب النظام اللذين يتقاضون مرتباتهم من جهاز الامن لا ينبغي لهم الكتابة في هذا المنبر....

فليذهبوا الي الجحيم


اُؤيد

عبدالواحد

Post: #3
Title: Re: دعوة لطرد الكيزان من المنبر العام
Author: omar altom
Date: 06-23-2008, 06:33 PM
Parent: #2

الاخ عبد الواحد

هذا اقل ما يمكن عمله ضد هذا النظام

شكرا علي المرور

Post: #4
Title: Re: دعوة لطرد الكيزان من المنبر العام
Author: عمر سعد
Date: 06-23-2008, 07:10 PM
Parent: #1

سلام اذا قبل المولى عز وجل وجود ابليس بصلاحيات واسعة جدا فى هذة الدنيا


فكيف لك ان تطالب بازالتهم. دعنا نستمع لهم ... مع فارق ان وجود ابليس كان بالرضا والتراضى

وهم فقط اتو غصب عن حسب شرائع الدنيا وقوانينها وطيبة السودانيين فى عفى الللة عما سلف

وبالرغم من ان المولى عز وجل لن يعفى عن ابليس فى النهاية ....وهذا لغز كبير ارجو التدبر فية مليا
المؤتمر الوطنى اكثرية منتفعة وقلة منظمة (الدوحة مثال)التركى ولا المتورك

Post: #5
Title: Re: دعوة لطرد الكيزان من المنبر العام
Author: khaleel
Date: 06-23-2008, 07:26 PM
Parent: #4

صديقي

لا تمارس سياسة الاقصاء مثلهم

Post: #11
Title: Re: دعوة لطرد الكيزان من المنبر العام
Author: omar altom
Date: 06-23-2008, 08:34 PM
Parent: #4

الاخوة المتداخلون

شكرا علي المرور

ولكن سؤال ...........

المنبر ده لو كان بتاع زول كوز انتو كنتو ح تكونوا وين في اللحظة دي ????????

Post: #6
Title: Re: دعوة لطرد الكيزان من المنبر العام
Author: ALazhary2
Date: 06-23-2008, 07:41 PM
Parent: #1

لا للإقصاء

Post: #7
Title: Re: دعوة لطرد الكيزان من المنبر العام
Author: بشير أحمد
Date: 06-23-2008, 07:45 PM
Parent: #1

طيب ياخي انت هسع فرقك شنو من الكيزان؟

Post: #8
Title: Re: دعوة لطرد الكيزان من المنبر العام
Author: Saifeldin Gibreel
Date: 06-23-2008, 07:57 PM
Parent: #7

الاخ العزيز عمر التوم خالص التحايا.... من اهممعوقات الديمقراطية فى مجتمعات العالم الثالث هو اقصاء الآخر وهذا فى حد ذاته من مشاكل تطور الديمقراطية فى مجتمعاتنا.. فلذلك من اجل الوصول لديمقراطية مثلى يجب ان لا نصادر حقوقهم مهما كان جرمهم فحينها نكون مثلهم فالحرية نارآ ونور فلذلك يجب علينا المضي قدمآ فى انتهاج الوسائل التى تساهم فى جعل الخيار الديمقراطي هو القاسم المشترك بين فئات الشعب السودانى... لذلك تجدنى من المعارضين لسياسة الطرد والتوقيف فى هذا المنبر.

سيف

Post: #9
Title: Re: دعوة لطرد الكيزان من المنبر العام
Author: عبدالكريم الامين احمد
Date: 06-23-2008, 08:01 PM
Parent: #8

ضد اقصاء الاخر
ولكن مع الزرقنة والزرزرة وفضح خطاب الكيزاني وتضيق الوسيعة عليه..
ووجودهم لابد منه حتي يري الجميع علي الهواء مباشرة ارائهم وتساقطهم في حلبات الحوار والهروب ثم الالتفاف واللولوة...

Post: #10
Title: Re: دعوة لطرد الكيزان من المنبر العام
Author: عصام الجيلي
Date: 06-23-2008, 08:32 PM
Parent: #9

أخي العزيز .. عمر التوم متعك الله بالصحة والعافية
كل شي في الدنيا خلق وخلق ضده معه
لماذا وجود التشاؤم والتفاؤل في آنٍ وأحد
لماذ وجود العلم والجهل
لماذا وجد العبد والسيد
ولما وجد الوعي واللاوعي
الحرب والسلام و... و... و... الخ
هذه نماذج فقط أخي عمر ولذلك وجودهم في المنبر مهم
وبما أنو وجودهم مهم تجدني لا أؤيد طرحك مع إحترامي وتقديري لك

Post: #12
Title: Re: دعوة لطرد الكيزان من المنبر العام
Author: osman righeem
Date: 06-23-2008, 08:37 PM
Parent: #1

عمر

تحايتي


Quote: *لانهم لا يؤمنون بالديمقراطية..........



ما عشان يأمنو لازم يجوا هنا ويندرشو

لا تسقيم الديمقراطية الا بوجود الاخر حتي لو كان لا يؤمن بها ولكن الياتهاتجعله يردخ لها

Post: #13
Title: Re: دعوة لطرد الكيزان من المنبر العام
Author: Tragie Mustafa
Date: 06-23-2008, 08:49 PM
Parent: #12

العزيز عمر التوم
الغريبه يا اخي انك تشتكي لمن يغتال الديمقراطيه كل يوم هنا
بكري ابوبكر اتضح انه فصل وطنين كثر منهم
1)محب
2)عمر علي
3)هشام هباني
4)سيف مساعد
5)خالد الطيب احمد
6)شاهد قدورة
7)امل قدروة
8)ليلي اكول LILY Akol

يبقى يا غالي هنيئا للكيزان بهذا المنبر.

Post: #14
Title: Re: دعوة لطرد الكيزان من المنبر العام
Author: عبد المنعم سليمان
Date: 06-23-2008, 08:51 PM
Parent: #1

وسجلي عندك برضو
ما برفع بوستاتنا وبرفع في البوستات الفارغه

Post: #15
Title: Re: دعوة لطرد الكيزان من المنبر العام
Author: Nasir Ahmed Elmustafa
Date: 06-23-2008, 09:38 PM
Parent: #1

المدعو صاحب البوست
من انت حتى تطالب بطرد عضو في المنبر يتمتع بنفس ما تتمتع بهمن حقوق بالاضافة الى العقل
المنبر لايكون الا بكامل عضويته
وليذهب الى الجحيم غير مأسوفا عليه كل من يضيق بالراي الاخر
الكيزان قاعدين في قلبك وكان ماعاجبك شوف ليك منبر تاني لانو صاحب المنبر فتح ليهم الباب
وعارف انهم كيزان درسوا وعاشوا معه وكان ماعاجبك الحق الجماعة الفاتو

Post: #16
Title: Re: دعوة لطرد الكيزان من المنبر العام
Author: زهير الزناتي
Date: 06-23-2008, 10:10 PM
Parent: #1

زمان قالوا :
لا تنهي عن خلق وتأتي بمثله
عار عليك إن فعلت ذميم

نحن بنناضل من أجل الديمقراطية وعشان كل زول يكون عنده صوت ، يبقي ما من حقنا مصادرة حرية الآخرين

تحت أي ذريعة حتي لو أستغلوا الديمقراطية لتحقيق أهداف غير ديمقراطية ، ستظل الديمقراطية

ديمقراطية ، الجزائر دخلت دوامة العنف عندما لم تسمح للإسلاميين بأستلام السلطة رغم إنهم فازوا في

الأنتخابات ، تعرف هزيمة أعداء الديمقراطية عن طريق اللعبة الديمقراطية أسهل بكتير من هزيمتهم

بأسلوبهم الناس ديل لمن يلعبوا معاك ديمقراطية معناها بيلعبوا في أرضك وبنفس أسلوبك ، عكس الصعوبة

الحاتلاقيها لمن تلعب في ارض الخصم وبأسلوبة ،،،

يا صديقي الحرية لنا ولسوانا مهما كان ثمنها .

Post: #17
Title: Re: دعوة لطرد الكيزان من المنبر العام
Author: ود الباوقة
Date: 06-23-2008, 10:13 PM
Parent: #16

الكيزان قاعدين في قلبك وكان ماعاجبك شوف ليك منبر تاني لانو صاحب المنبر فتح ليهم الباب

هس عليك الله يا ود التوم اخير ليك المسخرة دي ..


ود الباوقة

Post: #18
Title: Re: دعوة لطرد الكيزان من المنبر العام
Author: زهير الزناتي
Date: 06-23-2008, 10:38 PM
Parent: #1

للتكرار

Post: #19
Title: Re: دعوة لطرد الكيزان من المنبر العام
Author: Hamza Abdelghani
Date: 06-24-2008, 01:51 AM
Parent: #18

ضد اقصاء الاخر

Post: #20
Title: Re: دعوة لطرد الكيزان من المنبر العام
Author: هاشم نوريت
Date: 06-24-2008, 01:58 AM
Parent: #19

دعوة مرفوضة ومقترح غير حكيم.

Post: #21
Title: Re: دعوة لطرد الكيزان من المنبر العام
Author: Sabri Elshareef
Date: 06-24-2008, 02:01 AM
Parent: #1

فضح العقل الديني
هو الاهم علي الشرفاء الحضور في بوستات تفضح الهوس الديني
فهيا نساء ورجال لكي نوقف هذا العبث الذي عطل الحياة واذل الانسان



وجود اهل الهوس الديني فيه خدمة للقاري لكي يعرف سوء المنهاج وبؤس الخطاب

شكرا لك عمر التوم
خليك مفتح عينيك لنقد بؤس ما يطرحونه هنا نساء ورجال

اكشف المستتر منهم/ن

Post: #22
Title: Re: دعوة لطرد الكيزان من المنبر العام
Author: HAYDER GASIM
Date: 06-24-2008, 05:40 AM
Parent: #21

العزيز ... عمر عثمان التوم ... تسلم,

تورت نفسك شديد ياخ, ما الكيزان ديل وشبهاءهم
هم اليمين المرتقب فى دولة السودان الديمقراطية
المرتجاه, وهذه فرضية تستحق أن تسكن فى
أي مشروع ديمقراطي منتظر لسودان المستقبل.

يظل التحدي هو { أن تكون ديمقراطيا } فى غمرة
ظرف إستبدادي ... لتحقن فى شرايين التجربة
العملية بعدا إجتماعيا ونفسيا وفكريا, يتأهل
من خلاله البديل الأفضل ... وتجربة مانديلا في
قارعة الطريق ... وهي الأعظم فى تاريخنا المعاصر.

والكيزان ... كما تعلم لا يلبسون شارات تنظيمية,
بقدرما يتوخون ثقافة دينية هي من صلب المجتمع,
وهنا حيث أحبذ غلبة الحكم الموضوعي على الإنفعالي,
وحيث أرى أن الأهم من { إقصاء } الكيزان هو تفعيل
مقدرات البديل الديمقراطي, حتى يطال ساحة القرار
السياسي السوداني ... وحينها سوف تنخفض رايات
الديماجوجية السياسي/دينية ... ومهما علت.

من الصعوبة بمكان قبول فكرة مؤداها ... إقصاء الأخر,
فالأخر هو التتمة الموضوعية لمشروع ديمقراطي , وحيث
أراك تقيم. بس شيل الصبر ودعنا نعتبرها مناسبة جادة
لوحدة القوى الديمقراطية السودانية.

... مع مودتي

Post: #23
Title: Re: دعوة لطرد الكيزان من المنبر العام
Author: abubakr
Date: 06-24-2008, 06:09 AM
Parent: #1

يا عزيزي عمر (ابني / اخي )

زمان بعيد قبل خمس عقود وفي قرية صغيرة في اقصي الشمال وبحكم ظروف امتلكت الكورة والصفارة ( ولم اكن شكلا ولا جسدا و بنظارتي في زمن كان ان يلبس الاطفال نظارة نوع من الاعاقة مؤهلا للعب كورة) ففرضت شروطي علي كل اطفال القرية اللعيبة والاقوي مني والاحسن مني فكنت احدد الوقت ومتي واين وكيف نلعب ( يعني شمولية صغيرة) ورضي الجميع قسرا.. وفي يوم اتفق الجمع علي اقصائي والابقاء علي الكورة والصفارة معهم وقد كان .. وفي الميدان وحيث كنت احدد الخانة التي العب فيها (افتراضا فقد كنت كيشة ) اوعز الي ( اولاد الابالسة فقد كانو يعرفو بانني الذي اقرر اين خانتي ولكنهم بصورة او اخري اوعزو الي ) بان اكون ذلك اليوم حارسا للمرمي وقد كان( وبالتالي الصفارة ليست معي كذلك ) وفجاءة صفارة وغبرة وصياح "بنلتي بنلتي خت ستة " والجميع يركضون نحو "القون" الذي اقف عنده . ثم قرروا ان يشوط البنلتي (يعني ضد الفريق الذي العب له ) اكبرنا جسدا واشرسنا ضربا ( وكان دائما يلعب في الفريق المضاد)..رايته يقيس خت ستة بطريقة مبتكرة كان يضع قدمه ملتصقة وراء التانية بحيث كل قدم تمثل مترا والقدميين متريين وهكذا تقريبا اقل من ستة اقدام (القدم 12 انش او 30 سنتس يعني المسافة بيني وبينه اقل من متريين ) .. ثم كوم رملا ووضع الكورة عليها وهرولا راكضا الي الخلف ربما عشرون مترا ثم اتي مندفعا كالثور ووووووو اتذكر انني كنت اجري حول الملعب ممسكا بيدي واصابعي اراها قد ااتجهت عكسا .. واللعيبة يركضون حولي وانا اصيح "يوو وووو يو (بالرطانة : يما يما ) " " لحد ما امسكو بي واخذوني الي قريبة لنا عملت لي جبيرة وربطت يدي وكان ذلك اخر مرة العب فيها كورة حيث تم اقصائي تماما وسلمتهم الكورة والصفارة ولا العب ولا اشاهد كورة الا فيما ندر حتي اليوم وانا كهل (والله علي ما اقول شهيد)


مودتي
ابوبكر

Post: #24
Title: Re: دعوة لطرد الكيزان من المنبر العام
Author: mahdy alamin
Date: 06-24-2008, 07:34 AM
Parent: #1

Quote: لانهم لا يؤمنون بالديمقراطية..........

عزيزي

ده كلام سليم
بس طردهم من المنبر لن يحل القضيه
ديل الكيزان من كبيرهم الى صغيرهم
عفن وروث و......

النبت الشيطاني يجب اجتثاثه من اي مكان دخا فيهو حتى لو كان وجوده فيهو نسبتو 1 %

يعني من العقول من الهويه من التربيه من ارض الواقع

وبعد طردهم واجتثاثهم
تعرف الشعب السوداني مفروض يعمل فيهم شنو ؟؟؟؟؟

.........................

اتخيل معاي كدا

وتحياتي

ونتواصل

Post: #25
Title: Re: دعوة لطرد الكيزان من المنبر العام
Author: وليد محمد المبارك
Date: 06-24-2008, 08:04 AM
Parent: #24

هاهاهاهاهاهاها

مرحي بالدمغراطية التي تُبتدر باقضاء الاخر


هي دعوه للصالح العام في البورد


دمغراطية بتاعت فنيلتك الما بتقبل الاخر ده على علاته


خلاص اطردوهم من المنبر ده واكتو فيه السودان الجديد اون لاين واعملوا ليكم جواز سفر وجنسية باسمه وخطه اسكانية وزعوا بيها البوردات

وكده تكون مشكلة السودان اتحلت

موش قلنا المشكلة ما في الكيزان فقط
المشكلة في طريقة تفكير الفرد السوداني

اتخيل معاي زي ده
لو لقى فرقة في الحكم كان حا يفرق عن الكيزان شنو

هو في بورد بتاع نقاش ما قادر يتحملهم
كان كده ليهم الكيزان حق فيما يفعلونه بالاخرين واقصائهم قياسا على الدعوه لطردهم من هذا البورد

Post: #27
Title: Re: دعوة لطرد الكيزان من المنبر العام
Author: محمد الشيخ أرباب
Date: 06-24-2008, 08:18 AM
Parent: #25

هم :-
- هم يمارسون الاقصاء

- هم يدعون امتلاك الحقيقة الكاملة

- هم يكممون الافواه

- هم اعداء الحوار الديمقراطي

نحن:-

- نحن لانمارس الاقصاء

- نحن لاندعى امتلاك الحقيقة الكاملة

- نحن لانكمم الافواه

- نحن دعاة الحوار الديمقراطي

Post: #26
Title: Re: دعوة لطرد الكيزان من المنبر العام
Author: د.نجاة محمود
Date: 06-24-2008, 08:07 AM
Parent: #24

Quote: تاريخ التسجيل: 15-07-2007


منو ديل الكيزان العايز تطردهم ديل؟
يا القمتا من نومك ولقيت كومك..

هذا المنبر بدا وقام بوجود ناس من كل الاتجاهات
قضوا فيه اوقات وسكبوا فيه كلام
عشان يجي زول بعد 5 سنة يستوي على العرش ويطلب طرد
الكيزان عشان شنو؟
عشان لا يأمنوا بالديمقراطية .. طيب المنطق دا
انت اول زول المفروض تطرد لانك لا تؤمن بالديمقراطية
وتدعوا الى اقصاء الاخر..
بعدين المنبر دا فيه اربعة كيزان
تفتكر الاربعة ديل لو طردوهم الحكومة حتتقلب؟
ولا السفهاء الفي المنبر الكذابين حيمشو؟

اي زول يجي هنا يكتب ويندرش لما يكتب كلام فاضي ولا كضب..
الكيزان والله زهللو الناس بالجد..
اي زول ما عاجبو بالله يمشى هو
يفتش منبر مافيهو كيزان...

Post: #28
Title: Re: دعوة لطرد الكيزان من المنبر العام
Author: nazar hussien
Date: 06-24-2008, 08:31 AM
Parent: #26

Quote: هم :-
- هم يمارسون الاقصاء

- هم يدعون امتلاك الحقيقة الكاملة

- هم يكممون الافواه

- هم اعداء الحوار الديمقراطي

نحن:-

- نحن لانمارس الاقصاء

- نحن لاندعى امتلاك الحقيقة الكاملة

- نحن لانكمم الافواه

- نحن دعاة الحوار الديمقراطي



بما معناه انت عايز ليك منبر فيه ديموقراطيين بس بعد طرد الكيزان - لكن الديموفراطيين ديل متفقين
يتحاوروا في شنو والمتمبرين ليها شنو؟


لا لسياسة الاقصاء ان شاء الله ....يجوا يكتبوا معانا...صهاينة...

والما بتقدر عليه حجة اقعوا عكاكيز بس....

Post: #29
Title: Re: دعوة لطرد الكيزان من المنبر العام
Author: abubakr
Date: 06-24-2008, 08:45 AM
Parent: #1

المنع هكذا امر سهل ..الاقصاء بهذه الطريقة مؤذ للجميع و لا ياتي بدميقراطية او شوري او كلمة الجمع الغالب .. في قصتي الحقيقة اعلاه بينت انني تسلطت علي الاطفال قسرا فلم يقصوني بعدم لعب الكرة معي انما استعملو عقلهم -وفق عمرهم ورؤلهم- وهزموني في ذات الملعب والساحة واخذو مني الكورة والصفارة التي سلمتها لهم طوعا...العالم الذي سبقنا في هذا الشان لا يقصي انما ينافس ويستعمل ما لديه من عقل ووسائل حضرية ودهاء ان لزم الامر ليفشل الاخر ومشروعه وليس اقصاءه ..الاقصاء لا يعني الهزيمة ....

Post: #30
Title: Re: دعوة لطرد الكيزان من المنبر العام
Author: abookyassarra
Date: 06-24-2008, 08:53 AM
Parent: #1

أنا أحبكم .... ياااااخ


كان ما عملتو كده


تكونوا ما سودانييين


هو الخمج اللى نحن فيهو من شوية


دايما كل ما نقول مرقنا لى بره


يجى واحد يجرنا لى الطين


مبرووووك علينا طيننا


والى مزيد من العك فى مسيرة التطور الديمقراطى والفكرى


واحد .. ساااااى

Post: #31
Title: Re: دعوة لطرد الكيزان من المنبر العام
Author: البشير دفع الله
Date: 06-24-2008, 09:06 AM
Parent: #1

مرحبا عمر التوم

ان كنت تدعو لممارسة ديمقراطية حقيقية بهذا المنبر , فعليك أولا أن تكف عن دعوتك لاقصاء الآخر أيا كان .

أما ان كنت تريد ديمقراطية عرجاء ذات قطب واحد فهنيئا لك بهذا البوست .

Post: #32
Title: Re: دعوة لطرد الكيزان من المنبر العام
Author: عمر التاج
Date: 06-24-2008, 09:23 AM
Parent: #1

Quote: *هؤلاء الناس يابكري رفضوا الاعتراف بالآخرين

طيب والبتسوي فيه ده شنو يا فالح ؟

Post: #33
Title: Re: دعوة لطرد الكيزان من المنبر العام
Author: abubakr
Date: 06-24-2008, 09:25 AM
Parent: #1

حيث انها ليست المرة الاولي التي ياتي احدنا مطالبا باقصاء الاخر من خلال بكري فارجو ان نجعل من هذه المداخلة مدخلا لحوار موضوعي نحاول من خلاله ان نستنبط وسائل تساعدنا علي المنافسة الحرة لا الاقصاء القسري .. فالاقصاء القسري هو الذي يحدث في بلادنا الان النتيجة السالبة نعرفها كلنا وبالتالي فلنعمل لاقصاء ياتي من تنافس واسع ...ربما لا تكون ادواتنا او ارصدتنا مثلا للمنافسة مع نظام اخذ بنواصي الحكم عقديين من الزمان واستولي علي مصادر الثروة والقوة المادية بذات القوة او الاثر لكن بداية صحيحة واعية لا تزيد البلاد كوارثا وهي المبتلية بها امر مهم ....