((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))

Post: #1
Title: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 03:35 PM

كُنت قد كتبت يوم الجُّمعة 30-مايو-2008 البوست التّالي
(( الأستاذ محمّد الأمين وإحدَى روائع الأستاذ عُثمان حسين (...اتي النّادرة جدّاً)) ))

ثُمّ كتبت يوم الجُّمعة 6-يونيه-2008 البوست التّالي
(( على الوعد .. لحن الجُّمعة ((مكتبة تسجيلاتي النّادرة جدّاً)) ))

ونسبة لغيوم الأحزان التي كانت تغطّي كُلّ الفضاءات من حولنا
غاب البوست يوم الجُّمعة الماضية 13-يونيه-2008

اليوم نستمع للأستاذ زيدان إبراهيم في تسجيلٍ نادر
((يا بنات المدرسة وسِت بتول المُدرّسة))

أنـا في البـعـيـد مُـشـتـاق لهـمـسـة من الوطن يا نـسـمـة

Post: #2
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: humida
Date: 06-20-2008, 04:01 PM
Parent: #1

ابو اللول ..
والله انت زاتك راجل ( اثري ) .. هسع زيدان دا فرقو شنو من ( عوضية عذاب ) ..
الصوره إعلاه ذكرتني الفيلم اللذيذ بتاع THE MASK
وما تسـألني العلاقة شنو ..

..
..

في اغنية نادرة جدا .. بتاعت ( العميري ) ..
سمعتها في شريط كان عندي عمي ( د. ابراهيم ابولكيلك ) لقعدة لذيذة كدا ضمت العميري .. ودفعته وزملائه في جامعة الخرطوم ..
ما عارف الاسم بالتحديد .. لكن علي ما اذكر بتقول ..
كل ما اشوفها اتكبكب .. ويجيني مغص .. و صوت عجلات ودبابات صلاح الدين ..
واجري للبركس بالدس ..
و في مقطع تاني بقول ..
قلت اعيد الكرة .. ولي هسع عدت الكرة متين مرة ..

Post: #8
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 06:12 PM
Parent: #2

حُمّيدة
مساء الخير

والله الفرق بين زيدان وعوضيّة عذاب أعفيني من التطرّق له
أصلك إنت حاتجيب أجلي في المنبر دا
وإنت باين عليك ما سمعت زيدان بيغنّي "أدّونا فُندُككم ندُق وندّيكُم"

بالنّسبة لموضوع العميري
يُنظر ويُفاد

كارثة

أنـا في البـعـيـد مُـشـتـاق لهـمـسـة من الوطن يا نـسـمـة

Post: #3
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haytham Abdulaziz
Date: 06-20-2008, 04:44 PM
Parent: #1

يا ســــلاااااام عليك يا أستــــاذ المدرســـة يــاخي ....

و الله يا لوو لي زمن بفتش في الأغنية دي ....

و يا ريت تنزل باقي الجلسة دي كاملة و ليك أجرين.....

أجر يوم الجمعة و أجر بنات المدرسة

بالمناسبة جمعة مباركة....

وييين لينك الحفظ ياخ.... قبل ما يجو ناس كدة ويسألوا منو....

كييب ويل....

Post: #4
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: عوض محمد احمد
Date: 06-20-2008, 05:22 PM
Parent: #3

Quote: وييين لينك الحفظ ياخ.... قبل ما يجو ناس كدة ويسألوا منو....

اول واحد من ناس كده

كل الشكر لوائل

Quote: و يا ريت تنزل باقي الجلسة

فى نفس الجلسة على ما اعتقد غنى زيدان رائعة الخالدى ( ليه يا سمير ما جيتا)

Post: #5
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haytham Abdulaziz
Date: 06-20-2008, 05:30 PM
Parent: #4

Quote: كل الشكر لوائل

يا عوض دا كلو من وائل......

وائل قفل الموبايل..... و ما جانا يرد بجاي.....

_____________

** ظروفنا تحرم اللقيا تعادي الحب ولو طاهر *** يعيش في خوف من الدنيا يكون مكتوم وما ظاهر**

Post: #11
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 06:34 PM
Parent: #5

هيثم
إنت كُنتَ وين وجيت مقلّع ؟

الله يدّيني خيرك

أنـا في البـعـيـد مُـشـتـاق لهـمـسـة من الوطن يا نـسـمـة

Post: #10
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 06:28 PM
Parent: #4

عوض
سلامات

ولينك الحفظ موجود الآن

Quote:
كل الشكر لوائل
وكُلّنا نشكُر معاك "وائل"

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #9
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 06:20 PM
Parent: #3

أستاذ في عينك

الغائب الحاضر هيثم
بتفتّش فيها ما كلّمتني ليه ؟
باقي الجّلسة إنت عارف الفيهو ولاّ فصاحة ساي ؟

كيب تاون

أنـا في البـعـيـد مُـشـتـاق لهـمـسـة من الوطن يا نـسـمـة

Post: #6
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 05:48 PM
Parent: #1

(( لحفظ أغنية يا بنات المدرسة ))

يُضغط بالزّر الأيمن للماوس على ما بين القوسين أعلاه ويُختار الحفظ في الجّهاز ..
ولمعرفة طريقة الاستماع للعمل بعد حفظه يُرجَى زيارة المُداخلة التّالية
(( Re: ((25 مايو)) أغنيات وصُور وذكريات ((بعيداً عن السّياسة)) ))

أنـا في البـعـيـد مُـشـتـاق لهـمـسـة من الوطن يا نـسـمـة

Post: #7
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: khaleel
Date: 06-20-2008, 05:57 PM
Parent: #6

لوي

الحلو

الغريبة الكاسيت اللفيهو الاغنية دي عندي وبسمعوا كل يوم

وحاولت انزل بنات المدرسة وكنت خجلان ( من لستك للنظام دي )

لكن بكرة ممكن انزل يا حاجة لا اله الا الله بصوت العندليب

Post: #12
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: khaleel
Date: 06-20-2008, 06:42 PM
Parent: #7

في العقدة دي زيدان غني تلك الاغنيات

لو تصدق

لو تعرف اللهفة

الليلة وين يا عيني

اجمل حبيب لروح

بنات المدرسة

سائق العظمة

وغني لكرعين الغلام

وغني حيي الحراسة وانا والقراصة

وغني دلالي الابو لي بي

تسافر وحدك وتسيبني لمين

وعمل رميتين واحدة لكابلي زينة التاجر

والتانية راح في الليل تلت

Post: #15
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 07:05 PM
Parent: #12

خليل
ما نسيت حاجات تانية ؟
ولاّ إنت عندك شريط واحد بس لقعدات زيدان ؟؟
في بلاوي تانية متلتة

أقلّها البابور جاز

أنـا في البـعـيـد مُـشـتـاق لهـمـسـة من الوطن يا نـسـمـة

Post: #13
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 06:55 PM
Parent: #7

خليل
سلامات

تاني ما تخجل ياخي
دا فن
ولا حياء في الفنون

لستك وشنطة وكنبة ومكوة

أنـا في البـعـيـد مُـشـتـاق لهـمـسـة من الوطن يا نـسـمـة

Post: #14
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haytham Abdulaziz
Date: 06-20-2008, 07:03 PM
Parent: #1

Quote: هيثم إنت كُنتَ وين وجيت مقلّع ؟ الله يدّيني خيرك

يا ساتر مقلّع ؟ آآآ .... جيت من التمرين: .... و تمرينا أريتو تمرينكم....

Quote: أستاذ في عينك

ياتا فيهن الشمال و لا اليمين؟؟؟

Quote: الغائب الحاضر هيثم
بتفتّش فيها ما كلّمتني ليه ؟
باقي الجّلسة إنت عارف الفيهو ولاّ فصاحة ساي ؟

وحاتك عاااارف ... و الله انا لمن شميت ريحة القهوة برة

و بالمناسبة دي كمان يا ياريت لو تنزل لينا قعدة في التمانينات الشريط

بتاع قسمة و ترباس و طبعاً كانوا شريطين شرط... و برضو كنت شامي ريحة القهوة برة

و داير كمان أول حلقة لإلهام الشرق في التلفزيون مع الأستاذ بشير عباس (ألمني حنان)....

تعرف يا لؤي داير ألفت إنتباهك في مسألة حفظ الأغاني، كود بكري الجديد دا ما بحفظ أغاني يعني

بقى فاكي زي لستك النظام .... و هاك الدليل و إنت حاول كمان أحفظ في جهازك و جرب و إن

شاءالله أنا أكون غلطان لو عندك رأي تاني ورينا...

____________________

** ظروفنا تحرم اللقيا تعادي الحب ولو طاهر *** يعيش في خوف من الدنيا يكون مكتوم وما ظاهر**

Post: #17
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-20-2008, 07:27 PM
Parent: #14

هيثم
طريقتك في التّشغيل بعد الحفظ خاطئة
شوف المُداخلة دي
وأقراها بروقة
(( Re: ((25 مايو)) أغنيات وصُور وذكريات ((بعيداً عن السّياسة)) ))

برجع ليك بعدين

أنـا في البـعـيـد مُـشـتـاق لهـمـسـة من الوطن يا نـسـمـة

Post: #18
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haytham Abdulaziz
Date: 06-20-2008, 07:44 PM
Parent: #17

Quote: هيثم
طريقتك في التّشغيل بعد الحفظ خاطئة
شوف المُداخلة دي
وأقراها بروقة

Quote: بهذا سيتم تشغيل الأغنية المحفوظة .. وحتّى إن ظهر لك بعد إختيرا برنامج التّشغيل أيّ سؤال أو طلب كان قم بضغط عبارة (OK) وسيقوم البرنامج بتشغيل الأغنية ..

مشيت و جربتها و لكن يبدو هذا فقط للإستماع يا لؤي .... فكيف مسألة الحفظ؟؟؟

Post: #29
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 09:25 AM
Parent: #18

هيثم
صباح الخير

Quote:
مشيت و جربتها و لكن يبدو هذا فقط للإستماع يا لؤي .... فكيف مسألة الحفظ؟؟؟
يا سلام
طيّب وإنت لو ما حافظها مشيت سمعتها كيف ؟
إنت قايلني عندي مكوة في راسي ؟

وعموماً زي ما قُلتَ ليك فوق
أمشي أقرأ المُداخلة ديك تاني
فيها حتّى شرح طريقة الحفظ
لو تقراها بروقة

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #16
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: علوبه
Date: 06-20-2008, 07:20 PM
Parent: #1

شكرا يا لؤى
بيت الكلاوى ده عايزين منه اغنية للكابلى
عملت ضجه فى الثمانينات
وهى ياعصام جيناك وجينا نفرفش معاك
وفى نفس الشريط فى بلاوى
اجدعنا بى اى حاجة منه

بس الاغانى زى دى عندها طقوس وازمان وناسات ....و ......ات

Post: #19
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: حسين محي الدين
Date: 06-20-2008, 07:57 PM
Parent: #16

أبو اللول
شكرا للامتاع
وبقينا نحرس جمعاتك (جمع تكسير وكده)

مودتي

Post: #20
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Amira Elsheikh
Date: 06-20-2008, 08:07 PM
Parent: #19

لؤى..

استغفر الله العظيم..

اول مرة اسمعها لكن ما عذاب عديل..

من الليلة ان ضد مصطلح اغنية هابطة واغنية شنو كدا ماعارفة.

.وعليكم الله عاينو صوت زيدان هنا سمح كيفن??

مكوة اكوى الطرح دى عرفناها بس لستك النظام دا غلبنى.....

هيثم لكن طلعت خطييير..شكلنا كدى يوم بنقوم لينا شكلة فى بوست غنا..

Post: #21
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haytham Abdulaziz
Date: 06-20-2008, 08:16 PM
Parent: #20

Quote: هيثم لكن طلعت خطييير..شكلنا كدى يوم بنقوم لينا شكلة فى بوست غنا..

بت الشيخ إزيك .... ما عندك مشكلة تب بس اليوم داك أديني خبر .... عشان لؤي دا إلا...

يمشي المدرسة لي ست بتول و يقعد في كنبة الفصول لي ساعة الفطور

Post: #33
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:11 AM
Parent: #21

هيثم
إزّيّك

يعني ندُك ولاّ شنو ؟
خلّينا نتابع الحصّة ياخ

مُهرجل

أنـا في البـعـيـد مُـشـتـاق لهـمـسـة من الوطن يا نـسـمـة

Post: #32
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:06 AM
Parent: #20

أميرة العزيزة
سلامات

استغفري استغفري
إنتي شُفتي عذاب ؟
والله زيدان دا غنَّى حاجات ، خلّيها ساي بس
وعليك الله أَختي لي هيثم دا
كرّهنا الفصل

معزّتي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #31
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 09:47 AM
Parent: #19

حسين
سلامات

الجُّمعات الجّايات جمع "تكسير" شديد
الله يستُر من المظاهرات بس

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #30
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 09:37 AM
Parent: #16

علُّوبة
سلامات

الضّبيحة يوم الجُّمعة
فبيت الكلاوي والمرارة والضلع والصّواني جاية
أرجاني بس

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #22
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: 3mk-Tango
Date: 06-20-2008, 08:43 PM
Parent: #1

لستك للنظام ؟؟؟

ابو السيستم زاتو هههههههه

بالغت يا ابو الزوز و اكيد ما قاصد طبعا

ابو اللول جمعة مباركة ياحبة

Post: #23
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: عوض محمد احمد
Date: 06-20-2008, 09:02 PM
Parent: #22

كل الشكر للوى
هذه الاغنية تعود للاربعينات
ة ست بتول يفال انها شخصية حقيقية من اوايل من عملن بالتدريس غى ام درمان

Post: #35
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:24 AM
Parent: #23

أستاذنا عوض
سلامات

والشُّكر لك يا عزيزي على المعلومة

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #34
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:16 AM
Parent: #22

يااااااا عمّك
سلامات

مُشتاقين
الأخبار ؟

Quote:
بالغت يا ابو الزوز و اكيد ما قاصد طبعا
ما قاصد شنو ؟
والله قاصد جنس قصد

أظهر يا مان

أنـا في البـعـيـد مُـشـتـاق لهـمـسـة من الوطن يا نـسـمـة

Post: #24
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: انعام حيمورة
Date: 06-20-2008, 10:15 PM
Parent: #1

ياااااالؤي

كيفك

والله هسى جااااية من حفلة (عرس ولد خالتي وخالي وائل مصطفى عبد الله خليفة ) بي زيدان ابراهيم وهسى اول ما دخلت شفت لحن الجمعة قلت

اقول ليك

وتمنيت لو كنت معانا وحضرتها .. حفلة كانت رابة شديد ...

Post: #25
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: khaleel
Date: 06-20-2008, 10:20 PM
Parent: #24

طيب يا لوي

وكت مافي حياء في الفن

الشريط فيهو اغنية بتقول

بقيت برانا قالنت خجلانة طفينا النور بقت (...........)

ويا حسين عندك تلات (كرعين)

Post: #26
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haytham Abdulaziz
Date: 06-20-2008, 11:01 PM
Parent: #25

يا خلي دي الأغاني الكانت في الشريط

"لو تعرف"

"دور بينا البلد ده"

"يا حاجة ما تقولى كاروشا"

"سايق العظمة"

"الليلة وين يا عينى"

"يابلالي وين"

"بابور جاز"

___________

يـا أخوانا لؤي دا مشى وين؟ هو قبيل قال لي بجيك بعدين....

يا ربي ما يكون لستكو نفُس؟ الله يجيب العواقب سليمة....

___________

** ظروفنا تحرم اللقيا تعادي الحب ولو طاهر *** يعيش في خوف من الدنيا يكون مكتوم وما ظاهر**

Post: #27
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: khaleel
Date: 06-20-2008, 11:14 PM
Parent: #26

لوي

ما سمعت زيدان بغني

يا حبيبي علي فمي احترق الشوق

فرفقا بالاحمر المجموع

ضمني والتهم مبسمي وكسر ضلوعي

Post: #39
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 11:58 AM
Parent: #27

يا خليل

والله أنا سمعت جنس حاجات
خلّيها مستورة بس

سمعت قصّة زيدان مع الأمين عبد الغفّار ؟

أنـا في البـعـيـد مُـشـتـاق لهـمـسـة من الوطن يا نـسـمـة

Post: #38
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:52 AM
Parent: #26

هيثم
سلامات

أحسن ليك ترجّع الشّريط يا حرامي
يا بتاع المدارس لقيتك حافظ الشّريط حفظ

بعدين أنا قُلت بجيك بعدين بتوقيت وين ؟

أنـا في البـعـيـد مُـشـتـاق لهـمـسـة من الوطن يا نـسـمـة

Post: #28
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: humida
Date: 06-20-2008, 11:48 PM
Parent: #25

بمناسبة الاشياء ( النادرة ) ..
وهذا ( الجمعة ) .. العدلت لي فيها مزاجي بهذا ( اللحن العجلاتي ) ..
اتذكر اغنية من اجمل الاغاني التي سمعتها في ( طفولتي ) ..
للفنانة ( هيام يونس ) ..

Post: #40
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 12:39 PM
Parent: #28

حُمّيدة
سلامات

إنت كُنتَ مولود الزّمن داك ؟

أتاريك دُفعة

أنـا في البـعـيـد مُـشـتـاق لهـمـسـة من الوطن يا نـسـمـة

Post: #44
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: humida
Date: 06-21-2008, 10:30 PM
Parent: #40

Quote: أتاريك دُفعة
دفعة يا كبير .. والله تلقاك كنت مجكسا .. انت ولا دفعتك ( ابوجهينة ) ..!!

Post: #51
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 06:51 PM
Parent: #44

Quote:
دفعة يا كبير .. والله تلقاك كنت مجكسا
إنت زعلتَ يا دكتور ولاّ شنو ؟

يا حليلك يا بدري

أنـا في البـعـيـد مُـشـتـاق لهـمـسـة من الوطن يا نـسـمـة

Post: #37
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:44 AM
Parent: #25

يا خليل
سلام تاني

شريطي ممسوح في الحتّات دي

أعتقد

أنـا في البـعـيـد مُـشـتـاق لهـمـسـة من الوطن يا نـسـمـة

Post: #36
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 10:32 AM
Parent: #24

يااااااا إنعام
سلامات

ومبروك للعرسان

أها زيدان غنّى شنو ؟

أنـا في البـعـيـد مُـشـتـاق لهـمـسـة من الوطن يا نـسـمـة

Post: #41
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Alsa7afa_30
Date: 06-21-2008, 02:09 PM
Parent: #1

أبو اللول

سلام

عندي أغنية اسمها " آه لو تصدق" أفتكر انها من نفس الشريط مش كده؟

قلت لي غنى "بابور جاز" ؟؟

برضو أكيد ما قاصـد

Post: #42
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-21-2008, 09:31 PM
Parent: #41

الصّحافة 30
سلامات

غنَّى البابور جاز وتجلَّىَ

وما خفي أعظم

أنـا في البـعـيـد مُـشـتـاق لهـمـسـة من الوطن يا نـسـمـة

Post: #43
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: انعام حيمورة
Date: 06-21-2008, 09:45 PM
Parent: #1

Quote: أها زيدان غنّى شنو ؟

اكون فرحان ....

Post: #48
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:34 AM
Parent: #43

Quote:
اكون فرحان
بسسسسسس ؟؟

عيني في عينك كدا يا إنعام

أنـا في البـعـيـد مُـشـتـاق لهـمـسـة من الوطن يا نـسـمـة

Post: #45
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Hawari Nimir
Date: 06-21-2008, 10:48 PM
Parent: #1

تسلم يا لؤي يا فنان
اختيارك جمييييييل و في انتظار الاجمل
العندليب زيدان..
يغني من (جوه الجوه)
بكل الحواس....
تشكر..
هواري
وبس زورنا هنا..تحت شجر لبخ عجوز..

Post: #52
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:01 PM
Parent: #45

هوّاري
مساء الخير

سعيد بطلّتك والله
أعشم أن تواصل ظهورك
وتابع معانا التّوثيقات الخطيرة دي

وُدّي والتّحايا

أنـا في البـعـيـد مُـشـتـاق لهـمـسـة من الوطن يا نـسـمـة

Post: #46
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Haitham Labib
Date: 06-22-2008, 05:55 AM
Parent: #1

لؤي يارائع .. صباحك ورد ليك ولكل المتداخلين ..... كدي أسمع الأغنية أو مقاطع منها بالأصح بصوت العملاق / أحمد المصطفى .. وبالتأكيد بتكون في مكتبتك بس قلت أختها هنا للإستمتاع بعد إذنك .... كان زمن جميل ...
مع مودتي
هيثم لبيب

Post: #53
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:03 PM
Parent: #46

أخي هيثم
مساء الخير

يا سلام عليك ياخي
ألف شُكر على وضعك لهذا التّسجيل
وأهلاً بيك في أيّ وقت

تقديري

أنـا في البـعـيـد مُـشـتـاق لهـمـسـة من الوطن يا نـسـمـة

Post: #47
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: عثمان دغيس
Date: 06-22-2008, 06:21 AM
Parent: #1

تسلم يا لؤي على البلاوي المتلتلة دي..
أرجو أن يكون هذا البوست توثيقي لل (بلاوي) الزي دي لكبار فنانينا ..
عشان ما يجوا يقولوا ليك الأغنية الشبابية والهابطة وما عارف شنو ....

خلي الناس يشوف الهبوط الإضطراري زاتو ..
ولكل العمالقة ..
كابلي
خليل ..
زيدان ..
رمضان (زايد-حسن ).....
الخالدي..
هاشم ميرغني ..
وما تنسوا تذكروا محاسن موتاكم ...!!

Post: #54
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:12 PM
Parent: #47

عُثمان الفنّان
سلامات

الله يستُر من باقي البلاوي
لسّع التّقيل وراء
غايتو كلّم بقيّة الفنّانين يبلّوا راسهم
أنا فتحتَ المكتبة ولا عُذر لمَن أُنذِر

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #49
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: عبد الدائم سيد أحمد
Date: 06-22-2008, 09:05 AM
Parent: #1

والله يا دغيس انت بالغت فى دى اكتر من زيدان ولؤي زاتو
Quote: تسلم يا لؤي على البلاوي المتلتلة دي..
أرجو أن يكون هذا البوست توثيقي لل (بلاوي) الزي دي لكبار فنانينا ..
عشان ما يجوا يقولوا ليك الأغنية الشبابية والهابطة وما عارف شنو ....

خلي الناس يشوف الهبوط الإضطراري زاتو ..
ولكل العمالقة ..
كابلي
خليل ..
زيدان ..
رمضان (زايد-حسن ).....
الخالدي..
هاشم ميرغني ..
وما تنسوا تذكروا محاسن موتاكم ...!!

فى فرق ما بين غناء القعدات الخاصة والغناء الهابط الحاصل الان فى نص الشارع
حصل سمعت زيدان بغنى الاغنية دى فى حفلة عامة

Post: #50
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: عمران حسن صالح
Date: 06-22-2008, 02:08 PM
Parent: #49

تعرفوا يا شباب الولد ده قعد ليهو عشرين سنة في السويد ....
وبعد ده كلو (جواهو) حاجاتنا موكرة بشكل يصل لدرجة المبالغة ...
وباقي لي لو واصل قاعد في السودان كان لقيتوهو مضايق عوض بابكر في (حقيبة الفن ) ...
لأنو حتى الآن الحاجات النزلة دي ما سمعت أياً منها قبل كده ..
وأناعامل فيها بسمع من زمااااااااان ....

Post: #57
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:30 PM
Parent: #50

عُمران
مساء الخير

Quote:
تعرفوا يا شباب الولد ده قعد ليهو عشرين سنة في السويد
يعني بس كيف أكون ولد وتكون عشرين سنة ؟

Quote:
لأنو حتى الآن الحاجات النزلة دي ما سمعت أياً منها قبل كده ..
وأناعامل فيها بسمع من زمااااااااان
بالله ؟
دا عشان إنتَ صغيّر شديد وكدا
دُفعة ناس حُمّيدة

أنا خايفك تكون البتعزف في العُود لزيدان

أنـا في البـعـيـد مُـشـتـاق لهـمـسـة من الوطن يا نـسـمـة

Post: #55
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:19 PM
Parent: #49

عبد الدّائم
سلامات

أنا بايت معاك ؟

الجّماعة كيف ؟

أنـا في البـعـيـد مُـشـتـاق لهـمـسـة من الوطن يا نـسـمـة

Post: #56
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: ALazhary2
Date: 06-22-2008, 07:28 PM
Parent: #1

الأخ الزميل العزيز لؤي

كالعادة تتحفنا بالجميل الرائع .

ياخي ربنا يملاك عافية ولا يحرمنا منك .

الأغنية أبت تتحفظ يالؤي وجربناالطريقة القلتا عليها وبرضو أبت تتحفظ وبطلع لينا بدلها صفحة فيها كتابة هيروغلوفية .

شوف لينا حل سريع يالؤي .

Post: #58
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-22-2008, 07:43 PM
Parent: #56

الأزهري يا عزيزي
مساء الخير
ويدّيك ألف عافية يا رب

يا عزيزي كدي تابعني برّاحة
طالما بتطلع كتابة هيروغيفيّة زي ما قُلتَ
معناها الأغنية إتحفظت
تبقَىَ المُشكلة ما في الحفظ
مُشكلتك في التّشغيل
ولو رجعتَ قريت كلامي في طريقة الشّرح
حاتعرف تشغّلها كيف
لأنّك ما مُفتَرَض تشغّلها بالطّريقة العاديّة
وإنّما بالضّغط بزرّ الماوس الأيمن
وإختيار التّشغيل بواسطة ويندوز ميديا بلاير

حاول وورّيني

وبالتّوفيق

أنـا في البـعـيـد مُـشـتـاق لهـمـسـة من الوطن يا نـسـمـة

Post: #59
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: ابو جهينة
Date: 06-22-2008, 08:02 PM
Parent: #58

عزيزي الأستاذ لؤي

تحياتي

لفت نظري لهذه الأغنية الرائعة أحد أبناء العيلفون الصميمين ( محمد الجيلي ) ..
و نظراً لإرتباطنا كمحس بالعيلفون بصلة الدم ( الشيخ إدريس ود الأرباب ) ..
كان لزاماً علي أن أورد لك قصة هذه الأغنية التي ترنم بها زيدان.
فقد جاء في كتاب ( هلال العيلفون أضواء و ظلال ) للأديب الأستاذ سليمان الطيب منير عن تعليم المرأة في العيلفون ما يلي :

( لقد تحدثنا عن الجيل الأول من معلمات العيلفون اللاتي بدأن التدريس بمدرسة العيلفون الأولية للبنات عام 1951م و هن كما ذكرنا / عائشة عثمان و سعيدة سالم و علوية عبد القادر و فاطمة عبد الحكم اما الجيل الأول و السابق لمعلمات العيلفون بالمدرسة عند إفتتاحها عام 1941م و اللاتي بدأن التدريس بها و واصلن ذلك خلال سنواتها الأولى كن جميعهن من خارج العيلفون و معظمهن من العاصمة و خاصة مدينة أمدرمان و قليل منهن من الأقاليم)

( أول معلمتين حضرتا للتدريس بالمدرسة كانت أختين يرافقهما والدهما و يقيم معهما بالسكن الملحق بمباني المدرسة و هما صفية عثمان الحجري و هي أول نلظرة 1941م و معها معلمة هي شقيقتهارقية عثمان الحجري )

يقول الفنان مبارك حسن بركات بأن الجاغريو قام بتأليف ترنيمة تداولتها الصغيرات تشجيعاً لتعليم المرأة تقول كلماتها :

يا بنات المدرسة
يللا نمشي المدرسة
يا بنات المدرسة
ست صفية المدرسة
يا بنات المدرسة
ست رقية المدرسة
يا بنات المدرسة
نتعلم في المدرسة

و كان بلحن يجاري التم تم بإيقاعه المتسارع.

سنقوم بتفصيل هذا الكتاب عن تاريخ العيلفون بحول الله قريباً

نأسف للإطالة

Post: #62
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-23-2008, 09:18 AM
Parent: #59

العزيز أستاذ جلال
تحيّة طيّبة

هكذا هي مُداخلاتك عزيزي
غنيّة ، مُفيدة ، دسمة وممتعة
(يعني لو فتحت مطعم بختنا)

دائماً أسعَى لجمع قصص الأغنيات
ولدي رصيد كبير من تلك القصص والحكايات
وبعضها الأعظم من أصحاب الشّأن أمثال قامتنا الهرم وردي
وهذه الرّواية التي وضعتها أنت هنا ستكون إضافة لذاك الرّصيد
وليتك تأتينا كذلك بحكاية أغنيات أخريات
مثل أدُّونا فُندُكُّم ندُق وندّيكُم

سلمت يا عزيزي
لك منّي أسمَىَ التّحايا والأشواق

أنـا في البـعـيـد مُـشـتـاق لهـمـسـة من الوطن يا نـسـمـة

Post: #60
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: ALazhary2
Date: 06-22-2008, 09:04 PM
Parent: #58

حبيبنا لؤي

تسلم الأغنية إتحفظت وإشتغلت مية المية بعد ما راجعت شرحك .

الف شكر

Post: #63
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-23-2008, 10:12 AM
Parent: #60

أخي الأزهري
سلامات

سعيد لتمكُّنك من تشغيل الأغنية
ولا شُكر على واجب

تحاياي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #61
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Gaafar Ismail
Date: 06-23-2008, 07:45 AM
Parent: #1

الحبيب لؤي
كود الأغنية لا يفتح عندي بل تظهر الكلمات أدناه :

pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="true" designtimesp="5311" loop="true">

تحياتي ووافر محبتي واحترامي

Post: #64
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-23-2008, 02:37 PM
Parent: #61

عزيزي أستاذ جعفر
تحيّة طيّبة

هل تعني حفظ الأغنية ؟
أم تعني الحصول على لينك الأغنية في الموقع فقط ؟
أرجو الإطّلاع على المُداخلة التّالية
(( Re: ((25 مايو)) أغنيات وصُور وذكريات ((بعيداً عن السّياسة)) ))

بمتابعتك لخطوات الشّرح
ستستطيع حفظها في جهازك وكذلك تشغيلها بالطّريقة الصّحيحة

أمّا إن كُنت فقط تريد لينك الأغنية في الموقع
فهذا هو
(( http://www.sudaneseonline.com/v1/Luai-Shammat-Zeidan-Ib...-AlmadrasaPsJsDoTwma ))

محبّتي وإحترامي

أنـا في البـعـيـد مُـشـتـاق لهـمـسـة من الوطن يا نـسـمـة

Post: #65
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: Gaafar Ismail
Date: 06-23-2008, 03:18 PM
Parent: #64

أخي الحبيب لؤي
شكرا على الاهتمام والرد.
المشكلة ليست في رابط الحفظ ولا في لينك الأغنية :
المشكلة أن الأغنية لاتفتح لكي اسمعها أي عندما أضغط على علامة play

تحياتي وصادق محبتي

Post: #66
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-23-2008, 03:28 PM
Parent: #65

العزيز أستاذ جعفر
سلامات

الأغنية لا تحتاج لضغط على علامة الـ Play
فهي تعمل بشكل تلقائي دون الحاجة لتشغيلها يدويّاً
فقط الحجم قد يتطلّب الإنتظار لقليل من الوقت لتبدأ في العمل
وفي كُلّ الأحوال سأقوم بإرسالها لك عبر الإيميل
كما يُمكنك إختيار حفظها في الجّهاز ومن ثمّ تشغيلها بالطّريقة التي شرحتها في مُداخلتي السّابقة

وورّيني لو إشتغلت

أنـا في البـعـيـد مُـشـتـاق لهـمـسـة من الوطن يا نـسـمـة

Post: #67
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: kh_abboud
Date: 06-23-2008, 04:46 PM
Parent: #66

لؤى العزيز
إيها الغرقان فى حب الوطن
شكرا على هذه الأغنية الجميلة وعزف العود الرهيب ...
أغنيتك الجبتها دى لزيدان ، تعبر عن نوع من الطرب السودانى الشعبى المحبب إلى النفوس ... وقد كان يلجأ إليه كبار المطربين للتنفيس عن هموم الدنيا الغلابة ... وبالرغم من كل مايقال عن الأغانى الهابطة فإننى أحس بالتعاطف مع أولئك المبدعين الذين غنو هذه الأغانى بصدق فنى ... ولم تكن أبدا مصطنعة ... ومنها أغانى البنات مثل : البنسلين ياتمرجى ... نادو الحكيم ياتمرجى ... خللى الهظار ياتمرجى ... أنا دمى فار ياتمرجى ... وقد ظهرت مع ظهور البنسلين فى الخمسينات ... فالشعب السودانى يغنى لكل حدث ...

فى الثمانينات كان الراحل الدكتور الفنان ، عوض دكام يقدم برنامج مقابلات وحدث أن إستضاف الفنان الراحل رمضان زايد ، وفى الحلقة غنى رمضان أغنيته المشهورة : يا بنات بحرى .. قالو بتحبو .. ياللا حبونا .. نحن من بحرى .. ... وفوجىء الدكتور تانى يوم بإيقاف البرنامج ... ولكن إستمرت الأغية تؤدى فى بيوت الأعراس ...وطبعا فى القعدات ... ولم يترك الناس أغانيهم السفيهة ، ينفسون بها عن أنفسهم من غائلة الزمن وفساد الحكام ...
منتظرين : أدونا فندكم ندق ونديكم ... تدقو تدونا ...
مع التحية ...

Post: #68
Title: Re: ((يا بنات المدرسة)) لحن الجُّمعة .. الأستاذ زيدان إبراهيم ((مكتبة تسجيلاتي النّادرة جدّاً))
Author: لؤى
Date: 06-24-2008, 07:52 PM
Parent: #67

كي إتش
سلامات

Quote:
فى الثمانينات كان الراحل الدكتور الفنان ، عوض دكام يقدم برنامج مقابلات وحدث أن إستضاف الفنان الراحل رمضان زايد ، وفى الحلقة غنى رمضان أغنيته المشهورة : يا بنات بحرى .. قالو بتحبو .. ياللا حبونا .. نحن من بحرى .. ... وفوجىء الدكتور تانى يوم بإيقاف البرنامج ... ولكن إستمرت الأغية تؤدى فى بيوت الأعراس ...وطبعا فى القعدات
بوّظت مفاجأة تسجيل الجُّمعة الجّاية

Quote:
منتظرين : أدونا فندكم ندق ونديكم ... تدقو تدونا ...
شكلك عاجباك

تحاياي ووُدّي

أنـا في البـعـيـد مُـشـتـاق لهـمـسـة من الوطن يا نـسـمـة